ທຸກໆ ສິ່ງຊີ້ໃຫ້ເຫັນເຖິງການມີຢູ່ຂອງຜູ້ສ້າງ
ແມ່ນໃຜສ້າງຊັ້ນຟ້າແຜ່ນດິນໂລກ ແລະ ຈັກກະວານ ຮ່ວມເຖິງສັບພະສິ່ງຈຳນວນຫລວງຫລາຍມະຫາສານນີ້?
ແມ່ນໃຜສ້າງລະບົບອັນຊັບຊ້ອນ ແລະ ລະອຽດອ່ອນໃນທຳມະຊາດຂອງຊັ້ນຟ້າແລະແຜ່ນດິນ?
ໃຜຄືຜູ້ສ້າງມະນຸດເຮັດໃຫ້ມະນຸດມີປະສາດສຳພັດ ໄດ້ຍິນ ແນມເຫັນ ມີສະມອງປັນຍາທີ່ຮັບຮູ້ ແລະ ເຂົ້າເຖິງຄວາມຈິງ?
ເຈົ້າອະທິບາຍການເຮັດວຽກທີ່ຊັດເຈນນີ້ແນວໃດໃນລະບົບຂອງຮ່າງກາຍຂອງເຈົ້າແລະຮ່າງກາຍຂອງສິ່ງມີຊີວິດ? ໃຜເປັນຜູ້ສ້າງມັນ?
ຈັກກະວານໃບນີ້ດຳລົງຢູ່ເປັນລະບົບລະບຽບພາຍໃຕ້ກົດເກນທຳມະຊາດອັນຊັບຊ້ອນຢ່າງທີ່ສຸດນັບພັນລ້ານປີໄດ້ແນວໃດ?
ໃຜຄືຜູ້ສ້າງລະບົບທຳມະຊາດ ຊີວິດ ຄວາມຕາຍ ການສືບພັນ ກາງເວັນແລະກາງຄືນ ການປ່ຽນລະດູການ? ທຳມະຊາດສ້າງຕົວເອງຂຶ້ນມາໄດ້ບໍ່?
ທຳມະຊາດສ້າງຕົວເອງຂຶ້ນມາໄດ້ບໍ່?
ຫຼື ທຳມະຊາດກໍກຳເນີດຂື້ນມາເອງຈາກຄວາມບໍ່ມີ?
ຫຼື ມີຄວາມບັງເອີນເປັນສາເຫດການກຳເນີດເກີດຂື້ນ?
ມະນຸດຈະເຊື່ອສິ່ງທີ່ແນມບໍ່ເຫັນໄດ້ແນວໃດ໋? ເຊັ່ນ: (ຄວາມຮູ້ ປັນຍາ ວິນຍານ ຄວາມຮູ້ສຶກ ຄວາມຮັກ) ບໍ່ແມ່ນເພາະມະນຸດສຳພັດເຖິງຜົນການກະທຳຂອງມັນໄດ້ບໍ່? ແລ້ວເຮົາຈະປະຕິເສດພະເຈົ້າຜູ້ສ້າງຈັກກະວານອັນຍິ່ງໃຫຍ່ນີ້ໄດ້ແນວໃດ ທັ້ງທີ່ເຮົາກໍແນມເຫັນແລະສຳພັດເຫັນເຖິງຜົນງານການສ້າງ ແລະ ຕາມເມດຕາຂອງພຣະອົງໃນທຸກມຸມຂອງຈັກກະວານ !?
ຈົນຮອດການສ້າງບ້ານ ຜູ້ມີປັນຍາຍັງບໍ່ອາດຍອມຮັບໄດ້ວ່າມີໂດຍຫາກຂາດຜູ້ສ້າງ ຫຼື ເຊື່ອວ່າຄວາມບໍ່ມີກໍບໍ່ສາມາດເກີດເຮືອນຫລັງນີ້ ແລ້ວເຮົາຈະເຊື່ອໄດ້ແນວໃດວ່າຈັກກະວານອັນຍິ່ງໃຫຍ່ມະຫາສານນີ້ມີໂດຍຂາດຜູ້ສ້າງ? ຜູ້ມີປັນຍາຈະເຊື່ອໄດ້ແນວໃດວ່າລະບຽບອັນຊັບຊ້ອນລະອຽດອ່ອນນີ້ເກີດຂື້ນຢ່າງບັງເອີນ ?
ອັລລໍຫ໌ ແມ່ນພຣະເຈົ້າຜູ້ສ້າງພຽງໜຶ່ງດຽວ ຊົງມີພຣະນາມຢ່າງຫລວງຫລາຍອັນເປັນທີ່ງົດງາມ ແລະ ຊົງມີຄຸນລັກສະນະອັນສູງສົງສົມບູນແບບຫລາຍ ເຊັ່ນ :
"ອັລຄໍລິກ" ຜູ້ຊົງສ້າງ
"ອັດຣໍຮີມ" ຜູ້ຊົງເມດຕາ
"ອັລກາຣີມ" ຜູ້ຊົງເມດຕາ
"ອັລຣໍຊິກ" ຜູ້ຊົງປະທານປັດໄຈ
"ອັລກະຣີມ" ຜູ້ຊົງໃຈບຸນ. ຄຳວ່າ " ອັລລໍຫ໌ " ຫມາຍເຖິງຜູ້ສົງສິດໄດ້ຮັບການນັບຖືພຽງຜູ້ດຽວ ໂດຍບໍ່ມີຜູ້ອື່ນທຽບຄຽງ.
ຄຸນລັກສະນະຂອງພຣະເຈົ້າຜູ້ສ້າງ
ພຣະເຈົ້າ ຄື ຜູ້ຊົງສ້າງໂລກໃຫ້ເຫມາະສົມກັບການດຳລົງຊີວິດ ຜູ້ສ້າງຟາກຟ້າ ແລະ ເອກະພາບ ແລະ ທຳມະຊາດອັນນ່າອັດສະຈັນ, ຊົງເຮັດໃຫ້ມີດວງອາທິດ ດວງເດືອນ ກາງເວັນ ແລະ ກາງຄືນ ຢ່າງມີລະບົບລະບຽບອັນຊັບຊ້ອນທີ່ເປັນຫລັກຖານເຖິງຄວາມຍິ່ງໃຫຍ່ຂອງພຣະອົງ.
ພຣະອົງຄືຜູ້ຊົງສ້າງອາກາດໃຫ້ເຮົາ ເຮົາບໍ່ສາມາດມີຊີວິດຢູ່ໄດ້ໂດຍບໍ່ມີອາກາດ, ພຣະເຈົ້າສົ່ງຝົນມາ ແລະ ສ້າງແມ່ນ້ຳ ທ້ອງທະເລ, ພຣະອົງຄືຜູ້ປະທານສິ່ງບໍລິໂພກ ສົ່ງຮັກສາເຮົາໃນຂະນະທີ່ເຮົາເປັນເດັກນ້ອຍອ່ອນແອບໍ່ມີເຫື່ອແຮງຢູ່ໃນທ້ອງແມ່ "ມານດາ"ພຣະອົງຄືຜູ້ຫມູນວຽນລະບົບເລືອດໃນຮ່າງກາຍເຮົາຕັ້ງແຕ່ເກີດຢັນມື້ຕາຍ.
ພຣະເຈົ້າຜູ້ໄດ້ຮັບການເຄົາລົບບູຊາ ຈະຕ້ອງມີລັກສະນະສະເພາະດ້ວຍຄຸນນະສົບບັດຂອງຄວາມສົມບູນແບບ
ອັລລໍຫ໌ ໄດ້ປະທານປັນຍາໃຫ້ມະນຸດຮັບຮູ້ເຖິງຄວາມຍິ່ງໃຫຍ່ຂອງພຣະອົງ ທຳມະຊາດຂອງມະນຸດນີ້ເປັນຫລັກຖານເຖິິງຄວາມສົມບູນແບບຂອງພຣະເຈົ້າ ວ່າພຣະເຈົ້ານັ້ນບໍ່ອາດຂາດຄວາມສົມບູນແບບນີ້ໄດ້.
ການໄດ້ຮັບຄວາມນັບຖືບູຊາເຄົາລົບກາບໄຫວ້ ຍ່ອມເປັນສິດທິຂອງອັລລໍຫ໌ພຽງຜູ້ດຽວ ດັ່ງນັ້ນ, ສິ່ງສັກສິດອື່ນຈຶ່ງລົ້ມເລວບໍ່ເປັນຈິ່ງ ບໍ່ສົມບູນແບບ ແລະ ຍ່ອມດັບສູນສະລາຍໃນມື້ໃດມື້ຫນື່ງ.
ເທບພຣະເຈົ້າບໍ່ສາມາດຈະປຽບທຽບເຫມືອນດັງມະນຸດ ຮູບປັ່ນ ກົກໄມ້ ຫຼື ສັດ ໄດ້!
ມະນຸດບໍ່ຄູ່ຄວນນັບຖືບູຊາຕໍ່ສິ່ງທີ່ບໍ່ສົມບູນແບບ ມະນຸດຈະກາບໄຫວ້ສິ່ງທີ່ຕ່ຳກວ່າໄດ້ແນວໃດ?
ສິ່ງສັກສິດ ຫຼື ພຣະເຈົ້າບໍ່ແມ່ນມະນຸດ ທີ່ເກີດຈາກທ້ອງແມ່ຄືເດັກທົ່ວໄປ!
ພຣະເຈົ້າຄືຜູ້ຊົງສ້າງທຸກສັບພະສິ່ງ ແລະ ທຸກສັບພະສິ່ງກໍ່ຢູ່ພາຍໃຕ້ການຄວບຄຸມຂອງພຣະອົງ ມະນຸດບໍ່ສາມາດຈະທຳຮ້າຍພຣະອົງໄດ້ ແລະ ບໍ່ມີໃຜສາມາດຕຶງກາງເຂນ ທໍລະມານ ຫຼື ເຮັດໃຫ້ພຣະອົງອັບອາຍໄດ້!
ພຣະເຈົ້າບໍ່ລົງລືມ ບໍ່ນອນ ບໍ່ກິນ ບໍ່ດື່ມ ຊົງຍິ່ງໃຫຍ່ເກີນກວ່າຈະມີພັນລະຍາ ຫຼື ລູກ ພຣະເຈົ້າຊົງສົມບູນແບບທີ່ສຸດ ບໍ່ມີຄວາມຕ້ອງການ ຫຼືຂໍ້ບົກຜ່ອງແຕ່ຢ່າງໃດ, ສ່ວນຄຳພີຂອງສາດສະດາຫຼາຍທ່ານທີ່ມີຂໍ້ຄວາມບ່ໍເໝາະສົມກັບສະຖານະທີ່ຍິ່ງໃຫຍ່ຂອງພຣະເຈົ້າ ຂໍ້ຄວາມເຫຼົ່ານີ້ລ້ວນທຸກດັດແຕ່ງເພີ່ມເຕີມທັງໝົດ ບໍ່ແມ່ນຄຳສອນຂອງໂມເຊ ແລະ ພຣະເຍຊູທີ່ແທ້ຈິງ ແລະຄົນອື່ນໆ ຈາກບັນທາສາດສະດາທັ້ງຫຼາຍ.
ເປັນໄປໄດ້ບ່ໍ ທີ່ຜູ້ສ້າງຂອງພວກເຮົາຈະປ່ອຍພວກເຮົາ ໂດຍບໍ່ມີກົດລະບຽບ?
ເປັນໄປບໍ່ໄດ້ທີ່ພຣະອົງຈະສ້າງສັບພະສິ່ງຫລວງຫລາຍນີ້ໂດຍບໍ່ມີຈຸດປະສົງ ຫຼື ສ້າງມາຫລີ້ນໆ ເພາະ ພຣະອົງຊົງເປັນຜູ້ສົງປັນຍາ ຜູ້ຮອບຮູ້?
ເປັນໄປບໍ່ໄດ້ທີ່ຈະສ້າງທຳມະຊາດອັນຊັບຊ້ອນນີ້ຂື້ນມາໂດຍບໍ່ມີວັດຖຸປະສົງຫຼືສ້າງມະນຸດມາໂດຍບໍ່ມີຄຳຕອບວ່າ
" ເປັນຫຍັງເຮົາຈຶ່ງຢູ່ບ່ອນນີ້?"
" ຈະເກີດຫຍັງຂື້ນຫລັງຈາກຄວາມຕາຍ?"
" ສ້າງເຮົາມາເຮັດຫຍັງ ?"
ອັລລໍຫ໌ສົ່ງທູດເປັນບັນດາສາດສະດາທູດມາສອນໃຫ້ເຮົາຮູ້ເຖິງວັດຖຸປະສົງຂອງການມີຢູ່ຂອງເຮົາ ສອນໃຫ້ເຮົາຮູ້ວ່າພຣະອົງຕ້ອງການຫຍັງຈາກເຮົາ.
ອັລລໍຫ໌ສົງສົ່ງບັນດາສາດສະດາທູດມາສອນເຮົາວ່າພຣະອົງຄືຜູ້ດຽວເທົ່ານັ້ນທີ່ສົມຄວນໄດ້ຮັບການບູຊາກາບໄຫວ້ນັບຖື, ສອນໃຫ້ເຮົາຮູ້ຈັກວິທີການບູຊາກາບໄຫວ້ພຣະອົງ, ສອນໃຫ້ເຮົາຮູ້ກົດລະບຽບຄຳສັ່ງຫ້າມຄຳສັ່ງໃຊ້ຂອງພຣະອົງ, ສອນໃຫ້ເຮົາຮູ້ຈັກມາລະຍາດ ແລະ ສິລະທຳອັນດີງາມທີ່ຈະເຮັດໃຫ້ຊິວິດຂອງເຮົາດີມີສິຣິມຸງຄຸນ.
ອັລລໍຫ໌ສົ່ງສາດສະດາມາຫລວງຫລາຍເຊັ່ນ : ໂນອາ (ສາດສະດາ ນົວະຫ໌), ອັບຣາຮາມ (ສາດສະດາ ອິບຣໍຮີມ), ໂມເຂ (ສາດສະດາ ມູຊາ), ພຣະເຍຊູ (ສາດສະດາ ອີຊາ) ແລະ ຍັງຊົງໃຫ້ສາດສະດາຫລາຍທ່ານມີອຳນາດການກະທຳອັນນ່າອັດສະຈັນມາພິສູດຄຳເວົ້າວ່າເປັນທູດຜູ້ຖືກສົ່ງມາຈາກພຣະເຈົ້າແທ້ຈິງ.
ແລະສາດສະດາທ່ານສຸດທ້າຍກໍ່ຄືທ່ານນະບີມຸຮຳມັດ ຊໍລລັລລໍຮຸ ອະໄລຮິ ວະຊັລລຳ ແລະພຣະອົງໄດ້ປະທານຄຳພີອັລກຸຣອານອັນປະເສິດແກ່ທ່ານ.
ສາດສະດາທູດທຸກທ່ານໄດ້ສອນຢ່າງຊັດເຈນວ່າຊີວິດໂລກນີ້ຄືບົດທົດສອບ ສ່ວນຊີວິດແທ້ຈິງຄືໂລກຫລັງຄວາມຕາຍ
ບ່ອນນັ້ນມີສະຫວັນທີ່ຕຽມໄວ້ແກ່ຜູ້ສັດທາທີ່ບູຊານັບຖືອັລລໍຫ໌ພຽງຜູ້ດຽວໂດຍບໍ່ມີສິ່ງສັກສິດໃດອື່ນທຽບຄຽງ ສຳຫລັບຜູ້ທີ່ສັດທາເຊື່ອຄຳສອນຂອງສາດສະດາທຸກຄົນ ແລະ ຍັງມີນາຮົກທີ່ອັລລໍຫ໌ຕຽມໄວ້ແກ່ຜູ້ຝ່າຝືນບໍ່ເຊື່ອ ພວກນັບຖືບູຊາສິ່ງສັກສິດອື່ນນອກເຫນືອຈາກອັລລໍຫ໌ ແລະ ປະຕິເສດຄຳສອນຂອງບັນດາສາດສະດາທູດ.
ຄຳພີອັລກຸຣອານ ແມ່ນ ສັບຄຳເວົ້າຂອງອັລລໍຫ໌, ເປັນໂອງການຈາກພຣະເຈົ້າທີ່ຊົງປະທານແກ່ສາດສະດາທູດທ່ານສຸດທ້າຍ ເຊິ່ງກໍຄືທ່ານນະບີມຸຮຳມັດ, ເປັນສິ່ງອັດສະຈັນທີ່ຍິ່ງໃຫຍ່ທີ່ສຸດທີ່ພິສູດເຖິງຄວາມເປັນສາດສະດາຂອງທ່ານ, ເປັນຄຳເວົ້າ ແລະ ຫຼັກການທີ່ຖືກຕ້ອງ ແລະ ແທ້ຈິງທີ່ສຸດ, ພຣະເຈົ້າໄດ້ທ້າທາຍຜູ້ປະຕິເສດໃຫ້ຜະລິດຂຶ້ນພຽງບົດດຽວໃຫ້ປຽບສະເໝືອນຄຳພີອັລກຸຣອານ ແຕ່ກໍບໍ່ມີຜູ້ໃດສາມາດເຮັດສຳເລັດ ເພາະເນື້ອໃນຂອງຄຳພີອັລກຸຣອານນັ້ນໃຊ້ໂວຫານທີ່ສູງເຂົ້າໃຈງ່າຍແກ່ຜູ້ອ່ານ ແລະ ໃຊ້ພາສາທີ່ງົດງາມ, ໃນຄຳພີອັລກຸຣອານຍັງມີຫຼັກເຫດຜົນ ແລະ ປາກົດການທາງວິທະຍາສາດຢ່າງຫຼວງຫຼາຍ ເປັນເຄື່ອງພິສູດວ່າຄຳພີເຫຼັ້ມນີ້ບໍ່ແມ່ນງານຂຽນຂອງມະນຸດ ແຕ່ເປັນຄຳເວົ້າຂອງພຣະເຈົ້າຂອງມະນຸດ.
ເປັນຫຍັງສາດສະດາທູດຈື່ງມີຫລາຍຄົນ ?
ອັລລໍຫ໌ໄດ້ສົ່ງສາດສະດາທູດໄປທຸກດິນແດນເພື່ອສອນໃຫ້ຮູ້ຈັກບູຊານັບຖືພຣະເຈົ້າ ສອນລະບຽບຄຳສັ່ງໃຊ້ ແລະ ຄຳຫ້າມ, ຄຳສອນຂອງສາດສະດາທູດທຸກທ່ານມີວັດຖຸປະສົງຫລັກຄື: ສອນໃຫ້ຮູ້ໃຫ້ນັບຖືອັລລໍຫ໌ອົງດຽວ. ຖ້າດິນແດນໃດເຊື່ອມໂຊມ ບໍ່ເຊື່ອຟັງສາດສະດາທູດຄຳສອນ ອັລລໍຫ໌ກໍ່ຈະສົ່ງສາດສະດາທູດມາອີກທ່ານມາຊ່ວຍເຫລືອໃຫ້ມະນຸດກັບຄືນສູ່ທຳມະຊາດຂອງມະນຸດທີ່ຍອມຮັບສິ່ງສັກສິດອົງດຽວ.
ຈົນສຸດທ້າຍ, ອັລລໍຫ໌ໄດ້ສົ່ງນະບີມຸຮັມມັດມາພ້ອມສາສະຫນາທີ່ສົມບູນແບບ ແລະ ກົດລະບຽບບົດບັນຍັດອຳມະຕະຕະຫລອດການແກ່ມະນຸດຊາດທັ້ງມວນຈົນຮອດມື້ສິ້ນໂລກ, ຄຳສອນຂອງທ່ານຖືວ່າເປັນການສິ້ນສຸດ ເປັນບົດແກ້ໄຂປັບປຸງຄຳສອນບາງຢ່າງຂອງສາດສະດາທູດຍຸກກ່ອນ, ອັລລໍຫ໌ ຈະຊົງຮັກສາສາສະຫນານີ້ໄວ້ຕຣາບວັນສິ້ນໂລກສູນສະລາຍ.
ດ້ວຍເຫດນີ້, ເຮົາໃນຖານະມຸສລິມຈຶ່ງສັດທາກັບສາດສະດາທຸກທ່ານ ແລະ ຄຳພີທັງໝົດໃນຍຸກອະດີດ.
ເຮົາບໍ່ສາມາດເປັນຜູ້ສັດທາຢ່າງແທ້ຈິງໄດ້ຈົນກວ່າຈະເຊື່ອຄຳສອນຂອງສາດສະດາທູດ
ພຣະເຈົ້າເປັນຜູ້ສົ່ງສາດສະດາທູດມາສັ່ງສອນໃຫ້ມະນຸດເຊື່ອຟັງພຣະເຈົ້າ ໃຜທີ່ປະຕິເສດຄຳສອນຂອງສາດສະດາທູດແມ້ພຽງຜູ້ດຽວຖືວ່າເຂົາປະຕິເສດຄຳສອນຂອງສາດສະດາທູດທັ້ງຫມົດ, ບໍ່ມີບາບໃດໃຫຍ່ໄປກວ່າການທີ່ມະນຸດປະຕິເສດຄຳສອນຂອງພຣະເຈົ້າ ການຈະເຂົ້າສະຫວັນໄດ້ຕ້ອງເຊື່ອຄຳສອນຂອງສາດສະດາທູດທຸກຄົນກ່ອນ.
ມະນຸດຍຸກນີ້ທຸກຄົນຈຶ່ງຈຳເປັນຕ້ອງເຊື່ອສັດທາຕໍ່ພຣະເຈົ້າ ແລະ ສາດສະດາທູດທັ້ງໝົດຂອງພຣະອົງ, ສິ່ງນີ້ສາມາດເຮັດໄດ້ໂດຍການເຊື່ອ ແລະ ປະຕິບັດຜ່ານຄຳສອນຂອງສາດສະດາທູດຄົນສຸດທ້າຍ ຄືນະບີມຸຮຳມັດ.
ອັລລໍຫ໌ໄດ້ກ່າວໄວ້ໃນອັລກຸຣອານໂດຍຄວາມວ່າໃຜທີ່ປະຕິເສດຄຳສອນຂອງສາດສະດາທູດແມ້ພຽງຜູ້ດຽວ ຖືວ່າເຂົາປະຕິເສດຄຳສອນຂອງອັລລໍຫ໌ ແລະ ໄດ້ເວົ້າເທັດ.
ອິສລາມຄືການຍອມຮັບຕໍ່ພຣະເຈົ້າອັລລໍຫ໌ຜູ້ເປັນພຣະເຈົ້າພຽງໜຶ່ງດຽວ, ເຊື່ອຟັງພຣະອົງ ແລະປະຕິບັດຕາມບົດຄວາມຄຳສັ່ງຂອງພຣະອົງດ້ວຍຄວາມພໍໃຈ ແລະ ຍອມຮັບ.
ອັລລໍຫ໌ໄດ້ສົ່ງສາດສະດາມາຢ່າງຫຼວງຫຼາຍໃຫ້ສອນໃນສິ່ງດຽວກັນຄືການຮຽກຮ້ອງໄປສູ່ການເຄົາລົບບູຊາຕໍ່ອັລລໍຫ໌ພຽງຜູ້ດຽວ ບໍ່ມີສິ່ງອື່ນທຽບຄຽງໄດ້.
ອິສລາມຄືສາສະໜາຂອງສາດສະດາທຸກທ່ານ ດັ່ງນັ້ນ, ຄຳສອນຂອງທຸກທ່ານຈຶ່ງເປັນຄຳສອນດຽວກັນ, ຄົນອິສລາມໃນໂລກທຸກມື້ນີ້ເປັນຄົນກຸ່ມດຽວທີ່ຍຶດຕາມລັກສະໜາທີ່ຖືກຕ້ອງຂອງບັນດາສາສະດາທູດລຸ້ນກ່ອນໆ. ຄຳສອນຂອງສາສະໜາອິສລາມໃນປັດຈຸບັນຄືສັດຈະທຳ ເປັນຄຳສອນທີ່ແທ້ຈິງທີ່ສຸດຂອງມວນມະນຸດ, ພຣະເຈົ້າເຄີຍແຕ່ງຕັ້ງ ອັບຣາຮາມ , ໂມເຊ , ເຍຊູ ແລະຍັງແຕ່ງຕັ້ງທ່ານນະບີມຸຮຳມັດ ເປັນສາດສະດາທູດອົງສຸດທ້າຍ, ບົດບັນຍັດຄຳສັ່ງໃຊ້ຂອງອິສລາມຖືເປັນບົດຍົກເລີກຄຳສັ່ງໃຊ້ຕ່າງ ໆ ຂອງສາດສະດາກ່ອນໜ້າທ່ານ.
ສາສະໜາໃນໂລກທຸກມື້ນີ້ນອກຈາກສາສະໜາອິສລາມ ນັບເປັນງານປະດິດຂອງມະນຸດເອງ ບ້າງສາສະໜາເຄີຍເປັນສາສະຫນາຂອງພຣະເຈົ້າແຕ່ຖືກດັດແປງ ແລະ ຕື່ມແຕ່ງດ້ວຍກັບເລື່ອງເລົ່ານິຍາຍ ແລະ ຜ່ານການສັງຄາຍະນາ (ດັດແຕ່ງ). ແຕ່ສາສະຫນາຂອງອິສລາມເປັນສາສະຫນາພຽງຫນຶ່ງດຽວທີ່ຊັດເຈນ ແລະ ບໍ່ເຄີຍຜ່ານການປ່ຽນແປງ ຫຼັກຖານກໍຄືຄຳພີອັລກຸຣອ່ານ (Al-Quraan) ທີ່ມຸສລິມນັບພັນລ້ານຄົນທົ່ວໂລກໃຊ້ອ່ານເປັນເລັ່ມດຽວກັນ.
ອັລລໍຫ໌ໄດ້ກ່າວໃນອັລກຸຣອານວ່າ :
ຜູ້ນັບຖືອິດສະລາມເຊື່ອໃນພຣະເຍຊູແນວໃດ?
ທ່ານຮູ້ຫຼືບໍ່ວ່າ ຄົນທີ່ເປັນມຸສລິມກໍ່ຕ້ອງສັດທາຕໍ່ພະເຍຊູເຊັ່ນດຽວກັນ ຕ້ອງຮັກ ແລະ ເຄົາລົບຕໍ່ທ່ານ ແລະ ສັດທາຕໍ່ຄຳສອນດັງເດິມຂອງທ່ານທີ່ໃຫ້ນັບຖືບູຊາພຣະເຈົ້າຜູ້ດຽວບໍ່ມີຜູ້ອື່ນມາທຽບຄຽງ, ບັນດາມຸສລິມເຊື່ອວ່າທັ້ງສາດສະດາມຸຮຳມັດ ແລະ ພະເຍຊູ (ສາດສະດາອີຊາ) ທັ້ງສອງຕ່າງກໍ່ເປັນສາດສະດາຈາກພຣະເຈົ້າ, ແລະ ພຣະເຈົ້າໄດ້ສົ່ງທັ້ງສອງມາຊີ້ນຳຜູ້ຄົນໄປສູ້ຫົນທາງຂອງອັລລໍຫ໌ ກໍ່ຄືເສັ້ນທາງສູ່ສະຫວັນ.
ເຮົາເຊື່ອວ່າພຣະເຢຊູເປັນສາດສະດາທີ່ຍິ່ງໃຫຍ່ທີ່ສຸດທ່ານໜຶ່ງຂອງພຣະເຈົ້າ, ແລະເຮົາເຊື່ອພະເຍຊູເກີດມາເປັນມະນຸດໂດຍວິທີທີ່ບໍ່ເປັນຕາມທຳມະຊາດ, ພຣະອົງອັລລໍຫ໌ໄດ້ບອກເຮົາໃນຄຳພີອັລກຸຣອານວ່າ ພຣະອົງຊົງສ້າງພະເຍຊູໂດຍບໍ່ມີພໍ່ ຄືກັບທີ່ພຣະອົງຊົງສ້າງອາດຳໂດຍບໍ່ມີພໍ່ບໍ່ມີແມ່ ເພາະວ່າພຣະເຈົ້າມີຄວາມສາມາດເໜືອໃນທຸກສິ່ງທຸກຢ່າງ.
ເຮົາເຊື່ອວ່າພຣະເຍຊູບໍ່ໄດ້ເປັນພຣະເຈົ້າ ຫຼື ລູກຂອງພຣະເຈົ້າແຕ່ຢ່າງໃດ. ແລະບໍ່ໄດ້ຖືກຕຶງໄມ້ກາງເຂນເສີຍຊີວິດ, ແຕ່ຖຶກພຣະເຈົ້າຊ່ວຍພາຂຶ້ນສູ່ລະດັບອື່ນຂອງຈັກກະວານໃຫ້ໜີໄປໄດ້ ແລະທ່ານຈະເປີດເຜີຍໂຕອີກເທື່ອຕອນຈະໃກ້ຮອດມື້ສິ້ນໂລກ ແລະທ່ານຈະຢູ່ຄຽງຂ້າງຊາວມຸສລິມ, ເພາະຊາວມຸສລິນເຊື່ອຖືໃນຄຳສອນດັ້ງເດີມຂອງພຣະເຍຊູ ແລະ ສາສະດາທຸກທ່ານໃນອາດີດ.
ພຣະອົງອັລລໍຫ໌ໄດ້ບອກເຮົາໃນອັລກຸຣອານວ່າ ແທ້ຈິງແລ້ວພຣະກິດຕິຄຸນ (ຄຳສອນຄຳເວົ້າ) ຂອງພຣະເຍຊູ ໄດ້ຖືກດັດແກ້ ແລະປັບປຸງໃຫມ່ໂດຍຊາວຄຣິດສະຕຽນ, ດ້ວຍການເພີ່ມຄໍາເວົ້າຕ່າງ ໆ ທີ່ພຣະເຢຊູບໍ່ໄດ້ເວົ້າໄວ້ເປັນຈຳນວນຫຼາຍ ຫຼັກຖານຄືເອກະສານຄຳພີໄບເບິນບູຮານທີ່ມີຫຼາຍສະບັບ ແລະ ມີຂໍ້ຄວາມຂັດແຍ້ງກັນເອງ.
ອັລລໍຫ໌ໄດ້ບອກເຮົາວ່າ ແທ້ຈິງພະເຍຊູສອນໃຫ້ຕ້ອງນະມັດສະການບູຊາເຄົາລົບພັກດີຕໍ່ພຣະເຈົ້າພຽງອົງດຽວເທົ່ານັ້ນ. ທ່ານບໍ່ເຄີຍສອນໃຫ້ນັບຖືບູຊາຕົວທ່ານເອງ ແຕ່ຊາຕານມານຮ້າຍໄດ້ລໍ້ລວງຊາວຄລິດສະຕຽນໃຫ້ນັບຖືພະເຍຊູໃນຖານະເປັນລູກຂອງພຣະເຈົ້າ, ອັລລໍຫ໌ໄດ້ບອກໃຫ້ເຮົາຮູ້ໄວ້ໃນອັລກຸຣອານວ່າ ພຣະອົງຈະບໍ່ໃຫ້ອະໄພຜູ້ທີ່ນະມັດສະການກາບໄຫວ້ສິ່ງອື່ນນອກເຫນືອຈາກອັລລໍຫ໌, ໃນວັນສິ້ນໂລກພະເຍຊູຈະບໍ່ກ່ຽວຂ້ອງກັບຄົນເຫຼົ່ານີ້ທັງປວງ, ທ່ານຈະກ່າວວ່າ: ເຮົາໄດ້ສັ່ງສອນໃຫ້ພວກທ່ານນັບຖືບູຊານະມັດສະການຜູ້ສ້າງພຽງຜູ້ດຽວ, ເຮົາບໍ່ເຄີຍສອນໃຫ້ໃຜນະມັດສະການຕົວເຮົາ, ຈາກຫຼັກຖານໃນເລື່ອງດັງກ່າວອັລລໍຫ໌ໄດ້ກ່າວໄວ້ໃນອັລກຸຣອານວ່າ:
ຜູ້ໃດທີ່ຕ້ອງການຫຼຸດພົ້ນຈາກໂລກໜ້າກໍ່ຄວນເຂົ້າຮັບອິສລາມ ແລະ ປະຕິບັດຕາມທ່ານສາດສະດາທູດມຸຮຳມັດ
ຄວາມຈິງໃນປະການໜຶ່ງທີ່ສາດສະດາທຸກທ່ານໃນອາດີດເຫັນພ້ອມກັນ ຄື ຈະມີພຽງມຸສລິມຜູ້ສັດທາຕໍ່ອັລລໍຫ໌ ແລະ ບໍ່ນັບຖືບູຊາສິ່ງສັກສິດອື່ນທຽບຄຽງ ແລະສັດທາຕໍ່ສາດສະດາທູດທຸກທ່ານເທົ່ານັ້ນ. ຄົນທີ່ຢູ່ໃນຍຸກຂອງນາບີໂມເຊດ (ນາບີມູຊາ) ເຊື່ອຄຳສອນ ແລະ ປະຕິບັດຕາມຄຳສອນຂອງທ່ານຈຶ່ງຖືເປັນຄົນອິສລາມແລະຜູ້ສັດທາທີ່ດີ, ພໍຖັດມາໃນຍຸກທີ່ອັລລໍຫ໌ໄດ້ແຕ່ງຕັ້ງພຣະເຢຊູ (ນາບີອີຊາ) ເປັນສາດສະດາ ຜູ້ທີ່ສັດທາໃນຄຳສອນຂອງໂມເຊກໍຕ້ອງເຊື່ອ ແລະ ປະຕິບັດຕາມພຣະເຢຊູເຊັ່ນດຽວກັນ. ດັ່ງນັ້ນ, ໃຜທີ່ສັດທາຕໍ່ພຣະເຍຊູກໍ່ຖືວ່າເປັນຄົນອິດສະລາມ, ສ່ວນຄົນທີ່ປະຕິເສດເຢຊູ ແລະ ຕ້ອງການຍຶດຕິດຢູ່ກັບ ສາສະຫນາແບບເກົ່າຂອງໂມເຊດ ກໍ່ຈະຖືວ່າບໍ່ແມ່ນຜູ້ສັດທາ, ເພາະເຂົາປະຕິເສດຕໍ່ສາດສະດາອີກທ່ານທີ່ອັລລໍຫ໌ໄດ້ແຕ່ງຕັ້ງ ,ໃນທ້າຍທີ່ສຸດ ອັລລໍຫ໌ໄດ້ແຕ່ງຕັ້ງມຸຮຳມັດເປັນສາດສະດາ. ດັ່ງນັ້ນ, ມະນຸດທຸກຄົນຈຶ່ງຕ້ອງສັດທາຕໍ່ທ່ານ. ພຣະເຈົ້າຄືຜູ້ແຕ່ງຕັ້ງໂມເຊດ ແລະ ເຍຊູ ແລະຍັງເປັນຜູ້ແຕ່ງຕັ້ງສາດສະດາທ່ານສຸດທ້າຍຄືນະບີມຸຮຳມັດ. ດັ່ງນັ້ນ, ຜູ້ໃດທີ່ປະຕິເສດທ່ານ ແລະ ຕ້ອງການຍຶດຕິດຢູ່ກັບສາສະຫນາເກົ່າຂອງໂມເຊດ ຫຼື ເຢຊູ ກໍ່ນັບວ່າບໍ່ແມ່ນຜູ້ສັດທາເຊັ່ນດຽວກັນ.
ການສະແດງຕົນວ່າເຄົາລົບສາສະຫນາອິສລາມ ຫຼື ເປັນນັກບໍລິຈາກທານຊ່ວຍເຫຼືອຄົນທຸກຍາກ ບໍ່ຖືວ່າພຽງພໍທີ່ຈະເຮັດໃຫ້ໄດ້ຮັບການຫຼຸດພົ້ນ, ແຕ່ຕ້ອງມີຄວາມສັດທາຕໍ່ພຣະເຈົ້າອັລລໍຫ໌, ຄຳພີ, ບັນດາສາດສະດາທູດ, ມື້ສິ້ນໂລກດ້ວຍເຊັ່ນດຽວກັນ, ແລ້ວອັລລໍຫ໌ຈະຕອບຮັບຄວາມດີຂອງເຂົາ ບໍ່ມີບາບໃດຍິ່ງໃຫຍ່ໄປກວ່າການປະຕິເສດຕໍ່ອັລລໍຫ໌ ປະຕິເສດຕໍ່ຄຳສອນ ແລະປະຕິເສດຕໍ່ສາດສະດາມຸຮຳມັດ. ແບບນັ້ນແລ້ວ, ຊາວຢິວ ແລະ ຄຣິດສະຕຽນ ແລະ ສາສະຫນາອື່ນໆ ຫາກໄດ້ຮັບຮູ້ການແຕ່ງຕັ້ງສາດສະດາມຸຮຳມັດແລ້ວ ແຕ່ຍັງຝ່າຝືນປະຕິເສດສັດທາ ແລະ ບໍ່ຕ້ອງການເຂົ້າຮັບອິສລາມ ກໍ່ຈະຕ້ອງລົງນາຮົກຕະຫລອດການ. ດັງທີ່ພຣະອົງອັລລໍຫ໌ໄດ້ກ່າວວ່າ:
ຄຳສອນສຸດທ້າຍຈາກພຣະເຈົ້າໄດ້ຖືກປະທານເຖິງມວນມະນຸດແລ້ວ, ດັ່ງນັ້ນ ມະນຸດທຸກຄົນທີ່ເຄີຍໄດ້ຍິນກ່ຽວກັບອິສລາມ ຫຼື ທ່ານນະບີມຸຮຳມັດກໍ່ຕ້ອງຈຳເປັນຕ້ອງເຊື່ອ ແລະ ສັດທາຕໍ່ທ່ານ ປະຕິບັດຕາມຄຳສອນຂອງທ່ານ ເຊື່ອຟັງໃນຄຳສັ່ງໃຊ້ ແລະ ຄຳຫ້າມຂອງທ່ານ ແຕ່ຫາກຜູ້ໃດໄດ້ຟັງຄຳສອນຂອງທ່ານແລ້ວຍັງຝ່າຝື່ນປະຕິເສດ ອັລລໍຫ໌ກໍຈະບໍ່ຮັບຄວາມດີໃດໆຈາກເຂົາຜູ້ນັ້ນ ແລ້ວອັລລໍຫ໌ຈະລົງໂທດເຂົາໃນໂລກຫນ້າ. ແລະ ຈາກຫຼັກຖານສິ່ງນັ້ນພຣະອົງຕຣັດວ່າ:
ຂ້ອຍຕ້ອງປະຕິບັດແນວໃດຫາກຕ້ອງການເຂົ້າຮັບອິສລາມ?
ຖ້າຫາກຕ້ອງການເຂົ້າຮັບອິສລາມກໍ່ຈະສັດທາຕ້ອງເຊື່ອໃນ 6 ປະການດັ່ງຕໍ່ໄປນີ້ :
1. ສັດທາຕໍ່ອັລລໍຫ໌ ເຊື່ອວ່າພຣະອົງຄືຜູ້ສ້າງ ຜູ້ປະທານປັດໄຈ ຜູ້ດູແລຈັດການ, ບໍ່ມີສິ່ງໃດສະເໝີເຫມືອນ ແລະ ພຣະອົງບໍ່ມີຄູ່ຄອງ ຫຼື ມີລູກ ແລະ ພຣະອົງຄືພຣະເຈົ້າທີ່ຄູ່ຄວນແກ່ການເຄົາລົບພັກດີພຽງອົງດຽວ.
2. ສັດທາເຊື່ອໃນເທວະດາ "ມະລາອີກະຮ໌" ເປັນບ່າວຂອງພຣະເຈົ້າ ທີ່ຖືກສ້າງມາຈາກແສງສະຫວ່າງໃຫ້ມີຫນ້າທີ່ແຕກຕ່າງກັນເຊັ່ນ : ເປັນຜູ້ນຳໂອງການຈາກພຣະເຈົ້າມາສູ່ທ່ານສາດສະດາທູດ.
3. ສັດທາຕໍ່ບັນດາຄຳພີຕ່າງໆທີ່ຊົງປະທານໃຫ້ສາດສະດາທູດຂອງພຣະອົງ ເຊັ່ນ : ຄຳພີໄບເບິລພັນທະສັນຍາເກົ່າແລະໃຫມ່ (ຄຳພີເຕົາຣອດ ແລະ ອິນຍິລ) ໂດຍມີຄຳພີເຫຼັ້ມສຸດທ້າຍຄືຄຳພີອັລກຸຣອານ.
4. ສັດທາຕໍ່ບັນດາສາດສະດາທູດທຸກທ່ານເຊັ່ນ : ໂນອາ (ນົວຮ໌), ໂມເຊ (ມູຊາ), ເຍຊູ (ອີຊາ). ໂດຍມີສາດສະດາທູດອົງສຸດທ້າຍຄືນະບີມຸຮຳມັດ, ພຣະເຈົ້າຍັງປະທານສິ່ງອັດສະຈັນຢ່າງຫລວງຫລາຍເພຶ່ອພິສູດເຖິງສັດຈະທັມຂອງໂອງການຂອງພຣະອົງ.
5. ສັດທາຕໍ່ມື້ສິນໂລກມັນເປັນມື້ທີີ່ມະນຸດທຸກຄົນນັບແຕ່ອະດີດຈະຖືກຟື້ນຄືນຊີບແລະຈະຖືກຕັດສິ້ນຄວາມດີແລະຄວາມຊົ່ວ ຜູ້ສັດທາຈະໄດ້ເຂົ້າສະຫວັນແລະຜູ້ປະຕິເສດຈະໄດ້ເຂົ້ານາຮົກ.
6. ສັດທາຕໍ່ການກຳຫນົດການຂອງພຣະເຈົ້າ ວ່າພຣະອົງຮອບຮູ້ທຸກເລື່ອງທຸກຢ່າງໃນອະດີດແລະໃນອານາຄົດ ພຣະອົງໄດ້ລີຂິດ ແລະ ໄດ້ຊົງປະສົງໃຫ້ເປັນໄປຕາມຄວາມຮອບຮູ້ຂອງພຣະອົງ ແລະ ໄດ້ສ້າງທຸກສັບພະສິ່ງ.
ອິສລາມຄືເສັ້ນທາງສູ່ຄວາມສຸກ
ອິສລາມ ຄືສາສະຫນາທີ່ປະທານມາເພຶ່ອມະນຸດຊາດທຸກຄົນ ບໍ່ແມ່ນສາສະຫນາສະເພາະສຳຫລັບຊາວອາຫຣັບເທົ່ານັ້ນ.
ອິສລາມຄືເສັ້ນທາງສູ່ຄວາມສຸກທີ່ແທ້ຈິງໃນໂລກນີ້ ແລະ ນຳໄປສູ່ຄວາມສຸກອັນຖາວອນໃນໂລກຫນ້າ.
ອິສລາມຄືສາສະໜາໜຶ່ງດຽວທີ່ສາມາດຕອບສະໜອງຕໍ່ຄວາມຕ້ອງການຂອງຈິດວິນຍານ ແລະ ຮ່າງກາຍໄດ້ຢ່າງສົມດຸນກັນ ເປັນສາສະໜາທີ່ສາມາດແກ້ໄຂບັນຫາຂອງມວນມະນຸດໄດ້.
ຂ້ອຍຈະໄດ້ຮັບຫຍັງຈາກການເຂົ້າຮັບອິສລາມ ?.
ການເຂົ້າຮັບອິສລາມມີຜົນດີຢ່າງຫຼວງຫຼາຍເຊັ່ນ :
- ໄດ້ຮັບກຽດໃນໂລກນີ້ໃນຖານະບ່າວຂອງອັລລໍຫ໌ແທນທີ່ຈະເປັນທາດໃຫ້ກິເລດ, ມານຮ້າຍ, ແລະອາລົມໄຝ່ຕ່ຳ.
- ໄຊຊະນະທີ່ຍິ່ງໃຫຍ່ທີ່ສຸດໃນໂລກໜ້າ ແມ່ນກາຮຫຼຸດພົ້ນຈາກໄຟນາຮົກ ແລະ ເຂົ້າສະຫວັນພ້ອມຄວາມສຸກຕະຫຼອດການ.
- ຜູ້ທີ່ໄດ້ເຂົ້າສະຫວັນຈະໄດ້ຮັບຄວາມສຸກຕະຫຼອດການ ບໍ່ມີການເສຍຊີວິດ ເຈັບປ່ວຍ ເຖົ້າແກ່ ຫຼື ຄວາມເສຍໃຈ ອັລລໍຫ໌ຈະໃຫ້ຕາມທີ່ທຸກຄົນປາດຖະໜາ.
ໃນສະຫວັນມີແຕ່ຄວາມສຸກທີ່ຕາບໍ່ເຄີຍເຫັນ ຫູບໍ່ເຄີຍໄດ້ຍິນ ຈິດໃຈມະນຸດບໍ່ເຄີຍນຶກຄິດ.
ຂ້ອຍຈະເສຍຫຍັງໄປ ຫາກປະຕິເສດອິສລາມ ?
ຈະເສຍຄວາມຮູ້ທີ່ຍິ່ງໃຫຍ່ທີ່ສຸດຄືການຮູ້ຈັກພຣະເຈົ້າ ຈະເສຍຄວາມສັດທາຕໍ່ພະເຈົ້າທີ່ສາມາດສ້າງຄວາມສຸກສະຫງົບໄດ້ໃນໂລກນີ້ ແລະ ສ້າງຄວາມສຸກຕະຫຼອດການໃນໂລກໜ້າ.
ແລະຈະເສຍໂອກາດໃນການສຶກສາຄຳພີທີ່ຍິ່ງໃຫຍ່ທີ່ສຸດທີ່ພະເຈົ້າປະທານແກ່ມະນຸດ ເພາະການເຊື່ອຕໍ່ຄຳພີເຫຼົ່ານີ້ເປັນສິ່ງທີ່ຍິ່ງໃຫຍ່.
ແລະ ຈະເສຍຄວາມສັດທາຕໍ່ບັນດາສາດສະດາທີ່ຍິ່ງໃຫຍ່ ຈະບໍ່ມີໂອກາດໄດ້ຢູ່ຮ່ວມກັບທ່ານໃນສວນສະຫວັນ ແຕ່ຈະຕ້ອງມາຢູ່ຮ່ວມກັບມານຮ້າຍແລະຄົນຊົ່ວໃນນາຮົກແທນ.
ຄວາມງາມ ແລະ ຄວາມກິເລດຈະຕ້ອງດັບສູນ...
ພຣະເຈົ້າໄດ້ບອກພວກເຮົາວ່າມະນຸດທີ່ບໍ່ຮັບອິສລາມຈະມີບັ້ນປາຍໃນນາຮົກຕະຫລອດການ.
ດັ່ງນັ້ນອິສລາມຈື່ງເປັນສາສະຫນາດຽວທີ່ອັລລໍຫ໌ຮັບຮອງ.
ອັລລໍຫ໌ໄດ້ສ້າງເຮົາ ແລະ ເຮົາຕ້ອງກັບໄປຫາພຣະອົງ ໂລກນີ້ເປັນພຽງສະຫນາມທົດສອບເທົ່ານັ້ນ.
ມະນຸດຄວນລະນຶກສະເຫມີວ່າຊີວິດໃນໂລກນີ້ເປັນຊ່ວງເວລາທີ່ສັ້ນ ໆ ປຽບດັ່ງຄວາມຝັນ ບໍ່ມີໃຜຮູ້ວ່າຈະຕາຍມື້ໃດ!?
ເຮົາຈະເອົາຫຍັງໄປຕອບພຣະເຈົ້າເມື່ອພຣະອົງໄດ້ຖາມໃນມື້ສິ້ນໂລກວ່າ : "ເປັນຫຍັງເຈົ້າຈຶ່ງບໍ່ເຊື່ອໃນຄຳສອນແຫ່ງສັດຈະທັມ? ເປັນຫຍັງຄືບໍ່ເຊື່ອນະບີທ່ານສຸດທ້າຍ?"
ເຮົາຈະເອົາຫຍັງໄປຕອບພຣະອົງໃນມື້ສິ້ນໂລກ ທັ້ງທີ່ພຣະອົງກໍ່ເຕືອນໃຫ້ອອກຫ່າງໄກຈາກການປະຕິເສດສາສະຫນາອິສລາມມາຕະຫລອດ ແລ້ວພຣະອົງກໍ່ເຕືອນສະເຫມີວ່າບັ້ນປາຍຂອງຜູ້ປະຕິເສດຄືການລົງໂທດໃນນາຮົກຕະຫລອດການ.
ສຳຫລັບຜູ້ຖິ້ມສັດຈະທັມ ແລະ ເຊື່ອຕາມຜູ້ເຖົ່າຜູ້ແກ່ປູ່ຍ່າຕາຍາຍນັ້ນຍ່ອມບໍ່ມີຂໍ້ແກ້ຕົວໃດ.
ອັລລໍຫ໌ໄດ້ກ່າວບອກວ່າເຮົາມີມະນຸດຢ່າງຫລວງຫລາຍທີ່ປະຕິເສດອິສລາມພຽງເພາະເຊື່ອຕາມສະພາບແວດລ້ອມແລະສັງຄົມທີ່ອາໄສຢູ່.
ແລະ ຫລາຍຄົນປະຕິເສດອິສລາມ ເພາະບໍ່ຕ້ອງການລະຖິ້ມຄວາມເຊື່ອຂອງບັນພະບຸລຸດ ຫຼື ຄວາມເຊື່ອປະຈຳທ້ອງຖິ່ນທີ່ຕົນເອງເຄີຍເຊື່ອ ຫລາຍຄົນປະຕິເສດເພາະຍ້ອນມີອະຄະຕິບັງຕາ ຫຼື ຍຶດຕິດກັບຄວາມເຊື່ອຜິດໆ ທີ່ສຶບທອດກັນມາ.
ບໍ່ມີຂໍ້ຍົກເວັ້ນໃດ ໆ ສຳຫລັບຄົນເຫຼົ່ານີ້ ພວກເຂົາຈະຢື່ນຕໍ່ຫນ້າພຣະເຈົ້າໂດຍບໍ່ມີຂໍ້ແກ້ຕົວໃດໆ.
ຄົນທີ່ບໍ່ເຊື່ອໃນພຣະເຈົ້າຈະແກ້ຕົວວ່າທີ່ຂ້ອຍບໍ່ເຊື່ອພຣະເຈົ້າກໍ່ຍ່ອນເກີດມາໃນຄອບຄົວແບບນີ້ກໍ່ບໍ່ໄດ້ ເພາະເຂົາກໍ່ຕ້ອງໃຊ້ປັນຍາທີ່ພຣະເຈົ້າມອບໃຫ້ມາ ແລະພິຈາລະນາເຖິງຄວາມຍິ່ງໃຫຍ່ຂອງຟາກຟ້າ ແລະແຜ່ນດິນ ໃຊ້ປັນຍາພິສູດ ວິເຄາະເພຶ່ອຮັບຮູ້ເຖິງການມີຢູ່ຂອງຜູ້ສ້າງ, ເຊັ່ນດຽວກັນນັ້ນ, ຫລາຍຄົນທີ່ເຄົາລົບບູຊາຫິນ ຫຼື ຮູບປັ້ນກໍ່ບໍ່ມີຂໍ້ແກ້ຕົວທີ່ເຊື່ອຖືຕາມປູ່ຍ່າຕາຍາຍ ເພາະທຸກຄົນຈຳເປັນຕ້ອງສະແຫວງຫາສັດຈະທັມ ແລະ ຫມັ່ນຖາມຕົນເອງວ່າ "ຂ້ອຍຈະເຄົາລົບບູຊາສິ່ງບໍ່ມີຊີວິດທີ່ຟັງບໍ່ໄດ້ ແນມເບິ່ງບໍ່ໄດ້ ແລະ ຍັງໃຫ້ຄຸນໃຫ້ໂທດບໍ່ໄດ້ໃດແນວໃດ?"
ເຊັ່ນດຽວກັນ, ຄົນຄຣິດສະຕຽນທີ່ມີຄວາມເຊື່ອຫລາຍຢ່າງທີ່ຂັດກັບທຳມະຊາດ ແລະ ປັນຍາກໍ່ຈຳເປັນຕ້ອງຫມັ່ນຖາມຕົນເອງວ່າ: "ພຣະເຈົ້າຈະຂ້າລູກຕົນເອງໂດຍທີ່ບໍ່ໄດ້ເຮັດຫຍັງຜິດໂທດຖານບາບຂອງຜູ້ອື່ນໄດ້ແນວໃດ?" ນີ້ເປັນຄວາມຍຸຕິທຳ "ມະນຸດຈະຕຣຶງກາງແຂນ ແລະ ສັ່ງຂ້າລູກຂອງພຣະເຈົ້າໄດ້ແນວໃດ?" ພຣະເຈົ້າບໍ່ສາມາດທີ່ຈະໃຫ້ອະໄພໂທດໃຫ້ມະນຸດຊາດໂດຍບໍ່ຕ້ອງມີການສັ່ງຂ້າລູກຂອງພຣະອົງເລີຍບໍ່? ພຣະເຈົ້າບໍ່ສາມາດປົກປ້ອງລູກຂອງຕົນເອງໄດ້ບໍ່?"
ຜູ້ມີສະຕິປັນຍາຄວນຍຶດຕິດຕາມຫລັກເຫດຜົນ ແລະ ສັດຈະທຳ ບໍ່ເຊື່ອຕາມຜູ້ເຖົ້າຜູ້ແກ່ປູ້ຍ່າຕາຍາຍຢ່າງຜິດໆ.
ຖ້າຫາກເຮົາຕ້ອງການຮັບສາສະຫນາອິສລາມແຕ່ຢ້ານຄອບຄົວຈະບໍ່ຍອມຮັບ ເຮົາຄວນເຮັດແນວໃດ?
ຖ້າເຮົາຕ້ອງການຮັບອິສລາມແຕ່ຢ້ານສັງຄົມຮອບຂ້າງ ເຮົາສາມາດຮັບສາສະຫນາອິສລາມແລະປົກປິດຄວາມເຊື່ອຂອງຕົນເອງ ຈົນກວ່າອັລລໍຫ໌ ຈະເປີດທາງໃຫ້ຫົວໃຈທີ່ເຂັ້ມແຂງສາມາດຢູ່ໄດ້ດ້ວຍຕົນເອງແລ້ວຈຶ່ງເປີດເຜີຍຄວາມເຊື່ອຂອງຕົນ.
ດັ່ງນັ້ນ, ເຮົາສົມຄວນຮັບອິສລາມໃຫ້ໄວທີ່ສຸດ ແຕ່ບໍ່ຈຳເປັນຕ້ອງບອກຄົນອ້ອມຂ້າງວ່າຕົນຮັບອິສລາມບໍ່ຈຳເປັນຕ້ອງເຜີຍປະກາດການກະທຳດັ່ງກ່າວທີ່ຈະເກີດຜົນຮ້າຍກັບຕົນເອງ.
ແລະຄວນນຶກໄວ້ສະເໝີວ່າຖ້າຫາກເຮົາຮັບອິດສະລາມແລ້ວກໍຈະໄດ້ເປັນພີ່ນ້ອງຮ່ວມກັບມຸສລິມນັບພັນລ້ານທົ່ວໂລກ ຮ່ວມເຖິງສາມາດເດີນທາງໄປມັດສະຢິດ ຫຼື ສູນກາງສຶກສາອິສລາມໃນບ້ານເມືອງຂອງຕົນເອງເພື່ອຂໍຄຳປຶກສາ ຫຼື ຄວາມຊ່ວຍເຫຼືອ.
(ແລະຜູ້ໃດທີ່ຍຳເກຼງຢ້ານຕໍ່ອັລລໍຫ໌ ພຣະອົງກໍ່ຈະຫາທາງອອກໃຫ້ແກ່ເຂົາ, ແລະຈະປະທານປັດໄຈຍັງຊີບໃຫ້ແກ່ເຂົາ ຈາກທີ່ທີ່ເຂົາບໍ່ໄດ້ຄາດຄິດ) [65 : 2- 3]
ການສ້າງຄວາມພໍໃຈໃຫ້ກັບຜູ້ສ້າງຕົວເຮົາ ໃຫ້ຄວາມສຸກ ໃຫ້ອາຫານການກິນ ຕັ້ງແຕ່ເຮົາຍັງເປັນເດັກນ້ອຍຕົວອ່ອນໃນທ້ອງແມ່ ແລະ ໃຫ້ເຮົາມີລົມໃຫ້ໃຈຈົນຮອດທຸກມື້ນີ້ ບໍ່ແມ່ນສິ່ງທີ່ສຳຄັນກວ່າການສ້າງຄວາມພໍໃຈກັບມະນຸດອ້ອມຂ້າງຕົວເຈົ້າບໍ່?
ໄຊຊະນະທັງໂລກນີ້ ແລະ ໂລກໜ້າບໍ່ສົມຄວນແກ່ການເສຍສະຫຼະ ທຸກຄວາມສຸກທີ່ບໍ່ຢັ້ງຢືນໃນໂລກນີ້ນັ້ນ ຫຼື ບໍ່?, ບໍ່ແມ່ນເລີຍຂໍສະບານຕໍ່ອັລລໍຫ໌!
ເຮົາຈຶ່ງບໍ່ສົມຄວນປ່ອຍໃຫ້ອະດີດຂອງເຮົາຢຸດເຮົາຈາກການແກ້ໄຂຄວາມຜິດຂອງເຮົາອີກຕໍ່ໄປ ແລະ ບໍ່ກ້າທີ່ຈະປ່ຽນແປງຕົວເອງ.
ເຮົາຄວນສັດທາເຊື່ອຢ່າງແທ້ຈິ່ງນັບຕັ້ງແຕ່ມື້ນີ້! ຢ່າປ່ອຍໃຫ້ມຼານຮ້າຍໄຊຕອນຫັກຫ້າມເຮົາອອກຈາກສັດຈະທຳ!
ເຈົ້າພ້ອມທີ່ຈະຕັດສິ້ນໃຈຄັ້ງໃຫຍ່ໃນຊີວິດຫຼືບໍ່ ?
ຫາກທຸກຄຳເວົ້າທີ່ກ່າວມານີ້ເປັນຄວາມຈິ່ງຕາມຫຼັກເຫດຜົນ ແລະ ເຈົ້າຈະຮັບຮູ້ໃນໃຈລຶກໆ ດີວ່າແມ່ນຫຍັງຄືຄວາມຈິ່ງ ກໍສົມຄວນທີ່ເຈົ້າຈະເລີ່ມກ້າວຫາເພື່ອເປັນມຸສະລິມ. ເຈົ້າພ້ອມທີ່ຈະຕັດສິ້ນໃຈຄັ້ງໃຫຍ່ໃນຊີວິດຫຼືບໍ່ ? ແລະຊ່ວຍແນະນຳເຈົ້າໃນການເປັນມຸສລິມທີ່ດີແລ້ວບໍ່?
ຜູ້ທີ່ພ້ອມຈະຕັດສິ້ນໃຈຄັ້ງຍິ່ງໃຫຍ່ໃນຊີວິດບໍ່ສົມທີ່ຈະໃຫ້ຕຣາບາບໃນອະດີດເປັນສິ່ງຍຶດຫນ້ຽວບໍ່ໃຫ້ຕົນເຂົ້າຮັບອິສລາມ, ອັລລໍຫ໌ໄດ້ບອກວ່າພຣະອົງຈະອະໄພບາບທຸກປະການແກ່ຜູ້ເຂົ້າຮັບອິສລາມ ແລະ ຜູ້ກັບຕົວສຳນຶກຜິດຫາຜູ້ສ້າງ ເຖິງແມ້ຈະແມ່ນເຂົ້າຮັບອິສລາມແລ້ວມະນຸດໂດຍປົກກະຕິການເຮັດບາບແບບຈະຕັ້ງໃຈຫຼືບໍ່ຕັ້ງໃຈກໍ່ຕາມ ເພາະເຮົາເປັນມະນຸດບໍ່ແມ່ນເທວະດາ. ສິ່ງທີ່ເຮົາຈຳເປັນຕ້ອງເຮັດ ຄື ການຂໍອະໄພໂທດຈາກອັລລໍຫ໌ ແລະ ສຳນຶກຜິດເຂົ້າຫາພຣະອົງ ຖ້າອັລລໍຫ໌ໄດ້ເຫັນວ່າເຮົາຮີບຟ້າວຕອບຮັບສັດຈະທຳ ແລະເຂົ້າຮັບອິສລາມພ້ອມກ່າວປະຕິຍານຕົນໂດຍ ພຣະອົງກໍຈະບໍ່ຖືໂທດບາບທີ່ຜ່ານມາ ຖືວ່າຜູ້ທີ່ເຂົ້າຫາອັລລໍຫ໌ ແລະເຊື່ອໃນສັດຈະທຳຈະໄດ້ຮັບທາງນຳຈາກອັລລໍຫ໌ຫຼາຍຂຶ້ນ ເຮົາຈຶ່ງບໍ່ຄວນລໍຊ້າທີ່ຈະເຂົ້າຮັບອິສລາມນັບແຕ່ບັດນີ້ດຽວນີ້.
ຂ້ອຍຕ້ອງການເຮັດຫຍັງແດ່ຫາກຕ້ອງການເຂົ້າຮັບອິສລາມ?
ການເຂົ້າຮັບອິສລາມເປັນເລື່ອງງ່າຍດາຍ ບໍ່ຈຳເປັນຕ້ອງມີພິທີກຳເປັນທາງການ ຫຼື ເຊີນບຸກຄົນໃຫຍ່ໂຕມາ ພຽງແຕ່ຜູ້ຕ້ອງການຮັບອິສລາມກ່າວຄຳປະຕິຍານຕົນຢ່າງຈິ່ງໃຈ ແລະ ເຂົ້າໃຈໃນຄວາມໝາຍນັ້ນ ນັ້ນຄືການກ່າວວ່າ :
“ອັຊຮະດຸ ອັລລາ ອີລາຮະ ລິລລາ ອັລລໍຫ໌ ວະອັຊຮະດຸ ອັນນາ ມຸຮຳຫມັດດັນ ເຣາະຊູລອັລລໍຫ໌”
ຄວາມໝາຍ “ຂ້ອຍຂໍປະຕິຍານຕົນວ່າບໍ່ມີພຣະເຈົ້າອື່ນໃດນອກຈາກອັລລໍຫ໌ ແລະ ນາບີມຸຮຳມັດເປັນສາດສະດາທູດຂອງອັລລໍຫ໌”
ຖ້າຫາກສາມາດກ່າວເປັນພາສາອາຫຣັບໄດ້ພ້ອມຄຳແປກໍ່ຈະດີທີ່ສຸດ ແຕ່ຫາກບໍ່ສາມາດເວົ້າເປັນພາສາອາຫຣັບໄດ້ເລີຍກໍສາມາດແປເປັນພາສາຂອງຕົນເອງຢ່າງດຽວໄດ້ ຈາກນັ້ນກໍ່ຖືວ່າເຈົ້າໄດ້ເປັນມຸດສະລິມເຕັ້ມຕົວແລ້ວ ແລະຕ້ອງການເຂົ້າຮັບການສຶກສາຄຳສອນຕ່າງໆຂອງສາສະໜາທີ່ຈະເປັນສິ່ງທີ່ນຳພາເຈົ້າສູ່ຄວາມສຸກໂລກນີ້ແລະການພົ້ນໃນໂລກໜ້າ.
ສໍາລັບຂໍ້ມູນເພີ່ມເຕີມກ່ຽວກັບອິສລາມ ຂ້າພະເຈົ້າຂໍແນະນໍາໃຫ້ທ່ານໄປຢ້ຽມຢາມເວັບໄຊທ໌:
ລີງຄ໌ການແປຄວາມຫມາຍຂອງ ພຣະຄຳພີອັລກຸຣອານ ເປັນພາສາລາວ:
ເພື່ອການຮຽນຮູ້ວິທີການປະຕິບັດອິດສະລາມ, ພວກເຮົາຂໍແນະນໍາໃຫ້ທ່ານໄປຢ້ຽມຢາມເວັບໄຊທ໌:
