صفة الوضوء (شرح عملي ومختصر)

وضوء کا طریقہ (مختصر عملی تشریح)

وضوء کا طریقہ (آسان ویڈیو کلپ)

طریقہ وضو کى مرحلہ وار وضاحت کرنے والا یہ عملی طریقہ بہت اہم ہے، کیونکہ وضو صحتِ نماز کے لیے شرط ہے۔

ویڈیو کلپ دیکھیں اور وضو کا صحیح طریقہ سیکھیں۔

وضو کا طریقہ

کوئی بھی نماز بغیر وضو کے قبول نہيں ہوتی۔

بسم اللہ

بسمِ اللہ

وضو کے شروع میں بسم اللہ پڑھنا مشروع ہے، اسی سے ہم اپنا وضو شروع کرتے ہیں۔

دونوں ہتھیلیوں کو دھونا

پھر کلی کرنا اور ناک میں پانی لے کر ناک جھاڑنا

کلی کرنے کا مطلب منہ میں پانی ڈالنا، اور اسے منہ کے اندر ہلانا ہے

جب کہ ناک میں پانی لینے کا مطلب ہے سانس کے ذریعے ناک میں پانی چڑھانا

پھر ناک جھاڑ کر اسے باہر نکالنا

کلی کرنے اور ناک میں پانی ڈالنے میں مبالغہ سے کام لینا مستحب ہے، الا یہ کہ روزہ دار ہو یا کسی نقصان کا اندیشہ ہو۔

چہرے کو پانی سے دھونا۔

اور چہرے کی حد

لمبائی میں: سر کے بال اگنے کی عادى جگہ سے ٹھڈی تک ہے۔

اور چوڑائی میں ایک کان سے دوسرے کان تک ہے۔

چہرے کو دھونے کے ساتھ اس پر موجود تمام بالوں کا دھونا بھی واجب ہے، جیسے بھویں۔

داڑھی اگر ہلکی ہو تو اس کے نیچے کی جلد کو دھونا واجب ہے۔

اگر گھنی ہو تو اس کا ظاہری حصہ دھویا جائے گا۔

اور صرف پانی سے اس کا خلال کرنا مسنون ہے۔

چہرہ دھونے کے بعد دونوں ہاتھوں کو دھونا، اور آغاز دائیں ہاتھ سے کرنا۔

دونوں ہاتھوں کوانگلیوں کے کناروں سے لے کر کہنیوں سمیت کہنیوں تک دھونا۔

پھر سر کا مسح کرنا

نئے پانی سے دونوں ہاتھوں کو بھگونا

پھر اپنے بھیگے ہوئے ہاتھوں کو سر کے اگلے حصہ پر رکھنا اور انہیں گدی تک لے جانا

پھر ان دونوں کو اسی جگہ واپس لانا جہاں سے آغاز کیا تھا

پھر سر کے مسح کے بچے ہوئے پانی سے دونوں کانوں کا مسح کرنا

ایسا ایک ہی دفعہ کریں گے

کانوں کے مسح کا طریقہ

شہادت کی انگلیوں کو کان کے دونوں سوراخوں میں داخل کرکے ان کے اندرونی حصوں کا مسح کرنا اور انگوٹھوں سے کان کے باہری حصوں کا مسح کرنا

اس طرح ہم کان کے ظاہری وباطنی دونوں حصوں کا مسح کرلیں گے۔

پھر دونوں پیروں کو دھوئیں گے۔

دونوں پاؤں، جن کو دھونا واجب ہے، ان کی حد یہ ہے:

پاؤں کی انگلیوں کے کناروں سے ٹخنوں تک۔

پہلے دائیں پیر کو دھونا، پیروں کی انگلیوں کا خلال کرنا اور ایڑیوں کو خاص توجہ کے ساتھ دھونا۔

پھر دائیں پیر کی طرح ہی بائیں پیر کو دھونا۔

اعضائے وضو میں ترتیب واجب ہے، چنانچہ کسی عضو کو دوسرے عضو پر مقدم کرنا درست نہیں۔

اسی طرح ان کو پے درپے دھونا بھی واجب ہے، چنانچہ ایک عضو سے اس کے بعد والے عضو کی طرف منتقل ہونے میں زیادہ دیر کرنا درست نہیں۔

تمام اعضائے وضو کو ایک ایک بار دھونا کافی ہے۔ البتہ دو دو یا تین تین بار چہرہ دھونا، کلی کرنا، ناک میں پانی ڈال کر جھاڑنا، دونوں ہاتھ اور دونوں پیروں کو دھونا مسنون ہے، اور یہی افضل ہے۔

وضو سے فارغ ہونے کے بعد یہ دعا پڑھنا مستحب ہے:

میں گواہی دیتا ہوں کہ اللہ کے علاوہ کوئی معبود برحق نہیں ہے، وہ تنہا ہے، اس کا کوئی شریک نہیں ہے اور میں اس بات کی بھی گواہی دیتا ہوں کہ محمد اللہ کے بندے اوراس کے رسول ہیں۔

أشْهَدُ أنْ لا إلهَ إِلَّا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عَبْدُهُ وَرَسُولُهُ

نیز بہتر ہے کہ یہ اضافہ بھی کریں:

اے اللہ! مجھے بہت زیادہ توبہ کرنے والوں میں سے اور بہت پاک صاف رہنے والوں میں سے بنا۔

اللَّهُمَّ اجعلنِي مِنَ التَوَّابِينَ، واجعلني مِنَ المُتَطهِّرِينَ.

کوڈ اسکین کریں

مسجدِ حرام اور مسجد نبوی سے منسلک دینی امور کا سربراہ ادارہ

حرمین کا پیغام

مسجد حرام اور مسجد نبوی کے زائرین کے لیے مختلف زبانوں میں رہنمائی کرنے والا دینی مواد