صفة الوضوء (شرح عملي ومختصر)

Начин на земање абдест (практично и кратко објаснување)

Начин на земање абдест (поедноставено видео)

Практична примена што го прикажува начинот на земање абдест чекор по чекор. Ова е многу важно, бидејќи абдестот е услов за исправноста на намазот.

Погледни го видеото и научи го правилниот начин на земање абдест.

Начин на земање абдест

Намазот не се прифаќа без чистота.

Во името на Аллах

Бисмиллах

Пропишано е изговарање на бисмилата на почетокот на абдестот, и со неа го започнуваме абдестот.

Ги миеме дланките.

Потоа следи плакнење на устата и вшмукување вода во носот.

Плакнењето на устата се врши со ставање вода во устата и нејзино придвижување внатре.

Вшмукувањето вода во носот се врши со вовлекување на водата во носот со здив,

а потоа со нејзино исфрлање.

Препорачливо е темелно плакнење на устата и подлабоко вшмукување вода во носот, освен за оној што пости или се плаши од штета.

Миење на лицето со вода.

Граници на лицето:

Во должина: од почетокот на косата на челото, до брадата.

Во ширина: од уво до уво.

Заедно со миењето на лицето, задолжително е да се измијат и сите влакна што се наоѓаат на него, како што се веѓите.

Доколку брадата е ретка, задолжително е да се измие и кожата под неа,

а ако е густа, се мие само нејзиниот надворешен дел.

Сунет е брадата да се прочешла со прстите, само со вода.

Потоа, по миењето на лицето, следува миење на рацете и се започнува со десната рака.

Рацете се мијат од врвовите на прстите до лактите, заедно со лактите.

Потоа следи триење на главата.

Ги навлажнуваме рацете со нова вода,

ги ставаме на предниот дел од главата и ги поминуваме кон тилот,

потоа ги враќаме назад до местото од каде што започнавме.

Потоа ги триеме ушите со преостанатата вода од триењето на главата.

Ова се прави еднаш.

Начин на триење на ушите

Ги внесуваме показалците во внатрешноста на ушите и ги триеме внатре, а со палците го триеме надворешниот дел на ушите.

Со тоа, ушите се тријат и одвнатре и однадвор.

Потоа преминуваме на миење на нозете.

Делот од нозете што задолжително се мие е:

од врвот на прстите на стапалата до глуждовите.

Започнуваме со десното стапало, ги триеме прстите и внимаваме добро да се измијат петиците.

Потоа го миеме левото стапало, исто како и десното.

Редоследот на миењето на деловите на абдестот е задолжителен, така што не смее еден дел да се измие пред другиот.

Континуитетот меѓу деловите е исто така задолжителен, односно не смее да има долго одложување при преминувањето од еден дел на следниот.

Доволно е секој дел да се измие еднаш за абдестот да биде исправен, а сунет е миењето да се повтори два или трипати при миењето на лицето, плакнењето на устата, вшмукувањето вода во носот, миењето на рацете и миењето на стапалата, и тоа е подобро.

По завршувањето на абдестот, препорачливо е да се изговори:

Сведочам дека нема друг вистински бог освен Аллах, Единствениот, Кој нема содружник, и сведочам дека Мухамед е Негов роб и Негов пратеник.

Ешхеду ен ла илахе иллаллаху вахдеху ла шерике лех, ве ешхеду енне Мухаммеден абдуху ве расулух.

Препорачливо е да се додаде и:

Аллаху мој, направи да бидам од тие што се каат и од тие што се прочистуваат.

Аллахумме-џаʿални минет-теввабин, ве-џаʿални минел-мутетаххирин.

Скенирај го кодот

Претседателството за верски прашања на Месџидул-Харем и џамијата на Аллаховиот пратеник

Пораката на двата света храма

„Шеријатски поучни содржини за посетителите на Месџидул Харем и џамијата на Аллаховиот пратеник, на повеќе јазици.“