صفة الوضوء (شرح عملي ومختصر)

வுழு செய்யும் முறை (செய்முறை மற்றும் சுருக்கமான விளக்கம்)

வுழூ செய்யும் முறை (எளிய விளக்க (வீடியோ )காணொளி)

தொழுகை செல்லுபடியாவதற்கான நிபந்தனைகளில் வுழூ ஒன்றாகும் என்பதால், வுழூ செய்யும் முறையை படிப்படியாக விளக்கும் இந்த செய்முறை விளக்கம் மிகவும் முக்கியத்துவம் வாய்ந்ததாகும்.

இந்த காணொளியைக் பார்த்து , வுழுவின் சரியான முறையைக் கற்றுக்கொள்ளுங்கள்.

வுழூ செய்யும் முறை

"வுழூ இன்றி தொழுகை ஏற்கப்பட மாட்டாது."

"பிஸ்மில்லாஹ்" (அல்லாஹ்வின் பெயரால்...)

பிஸ்மில்லாஹ்

வுழூவின் ஆரம்பத்தில் "பிஸ்மில்லாஹ்" கூற வேண்டும், அதன் மூலமே வுழூவை ஆரம்பிக்கின்றோம்.

இரு கைகளையும் மணிக்கட்டு வரை கழுவுவோம்

பின் வாய் கொப்பளித்தல், நாசிக்குள் நீர் செலுத்துதல்.

வாய்கொப்பளித்தல் என்பது வாயினுள் நீரை செலுத்தி நன்றாக அசைத்து அலசுவதாகும்.

மூக்கினுள் நீர் செலுத்துதல், என்பது மூக்கினுள் நீரை மூச்சினால் உள்ளிழுத்தலைக் குறிக்கும்.

பின்னர், அதைச் சிந்தி வெளியேற்றுதல்.

ஒருவர் நோன்பில் இல்லாமல், அதனால் தீங்கு ஏற்படும் என்ற பயமுமில்லையெனில், வாயை நன்றாகக் கழுவுவதிலும் (மழ்மழா) மூக்கில் நீரை நன்றாக இழுத்து சுத்தப்படுத்துவதிலும் (இஸ்தின்ஷாக்) மிகைப்படுத்திச் செய்வது விரும்பத்தக்கதாகும்.

தண்ணீரால் முகத்தை கழுவுதல்

முகம் கழுவக்கூடிய அளவு

நீளத்தால்: தலையின் சாதாரணமாக வளரும் முடியின் தொடக்கப் பகுதியிலிருந்து தாடை வரை.

அகலவாக்கில்: ஒரு காதுச் சோணையிலிருந்து மறு காதுச் சோணை வரையிலாகும்.

முகத்தைக் கழுவுவதுடன், கண் புருவம் போன்ற முகத்திலுள்ள அனைத்து முடிகளையும் கழுவுதல் அவசியமாகும்.

தாடி அடர்த்தியில்லாததாக இருந்தால், அதற்குக் கீழுள்ள சருமத்தைக் கழுவுவது அவசியமாகும்.

அது அடர்த்தியானதாக இருந்தால் அதன் வெளிப்பகுதியைக் கழுவ வேண்டும்.

அதனை தண்ணீரால் மட்டும்  குடைந்து கழுவுவது சுன்னத்தாகும்.

பின்னர் முகத்தைக் கழுவியதும், வலது கையிலிருந்து ஆரம்பித்து இரு கைகளையும் கழுவ வேண்டும்.

விரல் நுனியிலிருந்து முழங்கை உட்பட இரு கைகளையும் கழுவுதல்.

பிறகு தலையை மஸ்ஹு செய்தல்.

புதிய நீரினால் (புதிதாக நீரை எடுத்து) இரு கைகளையும் நனைத்துக் கொள்ளல்.

பின்னர் நனைக்கப்பட்ட இரு கைகளையும் தலையின் முற்பகுதியிலிருந்து பிடரி வரை கொண்டு செல்ல வேண்டும்.

மீண்டும் நாம் ஆரம்பித்த இடத்திற்கே அவ்விரு கைகளையும் கொண்டு வர வேண்டும்.

பின்னர் தலையை மஸ்ஹு செய்து விட்டு மீதமான நீரிலிருந்து இரு காதுகளையும் மஸ்ஹு செய்ய வேண்டும்.

இவ்வாறு ஒரு முறை மாத்திரமே செய்ய வேண்டும்.

இரு காதுகளையும் மஸ்ஹு செய்யும் முறை

இரு ஆட்காட்டி விரல்களையும் இரு காதுகளுக்குள்ளும் நுழைத்து வெளிப்பகுதியை பெருவிரல்களால் தடவிக் கொள்ள வேண்டும்.

இதன் மூலம் காதுகளின் உட்புறம், வெளிப்புறம் இரண்டையும் மஸ்ஹு செய்வதாக ஆகி விடுகின்றது.

பின்பு இரு கால்களையும் கழுவ வேண்டும்.

இரு கால்களிலும் அவசியம் கழுவ வேண்டிய பகுதி :

கால் விரல்களின் நுனிகளிலிருந்து கரண்டைக்கால் வரையிலாகும் .

முதலில் வலது காலிலிருந்து ஆரம்பித்து, இரு கால் விரல்களையும் குடைந்து கழுவுவதுடன், இரு கரண்டைக்கால்களையும் கழுவுவதில் கவனம் செலுத்த வேண்டும்.

பின் இடது காலையும்(வலது காலை கழுவியது போல்) கழுவ வேண்டும்.

வுழூவின் உறுப்புக்களைக் |கழுவுவதில் ஒழுங்குமுறை பேணுவது வாஜிபாகும். ஓர் உறுப்பை விட மற்றோர் உறுப்பை முற்படுத்தக் கூடாது.

அவ்வாறே தொடர்ச்சியாகச் செய்வதும் அவசியமாகும். ஓர் உறுப்பிலிருந்து அடுத்த உறுப்பிற்குச் செல்வதற்குள் நீண்ட தாமதம் ஏற்படலாகாது.

வுழூவின் அனைத்து உறுப்புக்களையும் ஒரு தடவை கழுவுவது போதுமானதாகும். முகம், வாய்க்கொப்பளித்தல், நாசுக்கு நீர் செலுத்துதல், இருகைகள், மற்றும் இருகால்களை இரு தடவைகள் அல்லது மும்மூன்று தடவைகள் கழுவுவது சுன்னத்தாகும், அதுவே சிறந்ததாகும்.

வுழூச் செய்து முடிந்ததும் பின்வரும் துஆவை ஓதுவது முஸ்தஹப்பாகும் :

“அஷ்ஹது அல்லாஇலாஹ இல்லல்லாஹுவஹ்தஹு லாஷரீகலஹு வ அஷ்ஹதுஅன்ன முஹம்மதன் அப்துஹு வரஸூலுஹு” (அல்லாஹ்வைத் தவிர வேறு இறைவன் இல்லை, அவன் தனித்தவன், அவனுக்கு இணை இல்லை என்றும், முஹம்மத் (ஸல்) அவர்கள் அல்லாஹ்வின் அடியாரும் தூதரும் ஆவார்கள் என்றும் உறுதிமொழிகிறேன்).

அஷ்ஹது அன் லா இலாஹ இல்லல்லாஹு வஹ்தஹு லா ஷரீக்க லஹு, வ அஷ்ஹது அன்ன முஹம்மதன் அப்துஹு வ ரஸூலுஹு

மேலதிகமாக பின்வருமாறு கூறுவது சிறந்ததாகும் :

“அல்லாஹும்மஜ்அல்னீ மினத் தவ்வாபீன வஜ்அல்னீ மினல் முததஹ்ஹிரீன்” (இறைவா! என்னை பாவமீட்சி பெறுவோரிலும், தூய்மையானோரிலும் ஆக்கிவிடுவாயாக!).

அல்லாஹும்மஜ்அல்னீ மினத் தவ்வாபீன, வஜ்அல்னீ மினல் முததஹ்ஹிரீன.(யா அல்லாஹ்! என்னை அடிக்கடி தவ்பா செய்பவர்களில் ஒருவனாகவும், தூய்மையைப் பேணுபவர்களில் ஒருவனாகவும் ஆக்குவாயாக.)

குறியீட்டை ஸ்கேன் செய்யவும்

மஸ்ஜிதுல் ஹராம் மற்றும் மதீனாப் பள்ளிவாயிலின் மார்க்க விவகாரங்களுக்கான தலைமையகம்

புனித ஹரமைன் (மக்கா மற்றும் மதீனா) வழங்கும் செய்தி

மக்கா மற்றும் மதீனா புனித பள்ளிவாசல்களை தரிசிக்க வருகை தரும் பயணிகளுக்காக பல மொழிகளில் வழங்கப்படும் மார்க்க வழிகாட்டல்கள்