صفة الوضوء (شرح عملي ومختصر)

Ламаз эцаран куц, гайтарца доца кхетор.

Ламаз эцаран куц, аттачу кепехь гайтар

Ламаз муха эца деза хIора тIегIанца(пошагово) долу кепар гайтам чIогIа мехала ду, хIунда аьлча ламаз эцар ламаз нийса хиларан бехкам бу.

ХIокху видеога хьажа, нийса ламаз эцаран кеп Iамае.

Ламаз эцаран куц

Цӏано йоцуш дина ламаз къобал хир дац.

АллахIан цIарца

БисмиллахI

Ламаз эца волалуш БисмиллахI алар суннат ду, цуьнца вай дIадоладо вайн ламаз эцар.

Ши куьг дуьлу

Тӏаккха бага хи кхорзу, мера чу хи а узу.

Бага хи кхарзар хуьлу, бага хи а эцна, иза багахь меттах дакхарца.

Ткъа мерачу хи озор, иза са чуозарца мерачу хи озор ду.

ТӀаккха мерачуьра хи аратохарца иза арадоккху

Бага хи кхарзар а, мерах хи уозар а кхоччуш дар суннат ду, нагахь марха долуш вацахь, я зен хиларх кхоьруш вацахь.

Юьхь хица йилар.

Ткъа юьхьан доза

Йахалла: коьртан Iадатаьхь месаш йовлучу меттигера дуьйна чIенги тIе кхаччалц.

Ткъа шоралла: лергера лерге кхаччалц.

Юьхь йиларца цхьаьна дила деза цунна тIехь долу дерриге чоьш а, цIоцкъамаш санна.

Ткъа маж лелха йелахь, цунна кӀелара чIор дилар важиб ду.

Ткъа иза луьста йелахь, цуьнан тIоьхулара агIо юьлур ю.

Цу йукъа декъ хица тIадбина пIелгаш хьакхар суннатах ду.

ТIаккха юьхь йилинчул тIаьхьа, куьйгаш дуьлу, аьтту куьйгаца дIа а долош.

ПIелгийн юьхьигашкара дуьйна гоьллеш тIекхаччалц куьйгаш дилар, гоьллеш а йилуш.

ТIаккха коьртана масхьа до.

Керлачу хица куьйгаш тIад до

ТӀаккха вай тӀуьна ши куьйг коьртан хьалхарчу декъа тӀе доьхку, уьш кӀесаре кхаччалц дӀа а хьокху.

Тӏаккха вай юха хьокху и ши куьйг вай дӏадолийначу метте кхаччалца.

Цул тӀаьхьа, коьртана масхьа дина дисинчу хица шина лергана масхьа до.

Иза вай цхьозза до.

Ткъа лергашна масхьа даран куц

Ши хьажопIелг лергийн Iуьргаш чу а дахийтина царна масхьа дар, ткъа нана-пIелгашца лергийн тIехьара агIонна масхьа дар.

ТIаккха вай лергашна тIехула а, чухула а масхьа дина хир ду.

ТIаккха ши ког диларна тIедоьрзур ду вай.

Ткъа дила тIедиллинчу шина коган доза хIара ду:

Когийн пIелгийн юьхьигашкара дуьйна хьоркаш тIекхаччалц.

Аьтту ког биларца дIадолало, когийн пІелгашна юкъа пІелгаш хьокхуш, кІажош дика диларе терго йеш.

Цул тӀаьхьа аьрру ког буьлу, аьтту ког ма-биллара.

Ламаз оьцуш меженаш йиларан рогIалла ларйар важиб ду, цхьа меже кхечу меженал хьалха ца йоккхуш.

Иштта царна юкъахь хан ца йалитар а важиб ду, дукха еха хан дIа а ца йохуьйтуш, цхьана межена тIера тIаьхьа йогIучу меженан тIе дехьа а волуш.

Ламаз эцаран дерриге меженаш цкъацкъа йиларх кхачам хуьлу, ткъа уьш шозза а, кхузза а юха йилар суннат ду: юьхь юьлуш а, бага хи кхарзош а, мера чу хи озош а, куьйгаш а, когаш а дуьлуш, ткъа иштта дар гӀолехь ду.

Ламаз эцна ваьлча, хIара алар суннат ду:

Ас тоьшалла до, АллахI воцург кхин Дела ца хиларца, Ша цхьаъ волчу, Цуьнца накъост а воцуш, юха а ас тоьшалла до, Мухьаммад Цуьнан лай а, Элча а хиларца.

АшхӀаду ан ла илахӀа иллаллохӀу вахьдахӀу ла шарийка лахӀу, ва ашхӀаду анна Мухьаммадан ӀабдухӀу ва расулахӀу.

Иштта тIетохар дика ду:

Йа АллахI, тоба дечарех а ве Ахьа со, цIанлучарех а ве Ахьа со.

АллахIуммаджIални минат-таввабин, ваджIални минал-мутатIоххIирин.

Код дIаеша

Аль-Хьарам маьждигехь а, Пайхамаран маьждигехь а йолчу Динан гӀуллакхийн урхалла

Шина Хьараман кхайкхам

Аль-Хьарам маьждиге а, Пайхамаран маьждиге а оьхучарна меттанашкахь болу шарӀан хьехаман чулацам