صفة الوضوء (شرح عملي ومختصر)

چاوانییا گرتنا دەستنڤێژێ (شرۆڤەکرنەکا کریاری و کورت)

چاوانییا گرتنا دەستنڤێژێ (پارچه‌ ڤیدیۆیەکا سادە).

بجهئینانه‌كا كریارییه‌، چاوانییا گرتنا ده‌ستنڤێژێ گاڤ ب گاڤ ڕوهن دكه‌ت، ئه‌و گه‌له‌ک یا گرنگه‌ ژ به‌ر كو ده‌ستنڤێژ مه‌رجه‌ بۆ دروستبوونا نڤێژێ.

ته‌ماشه‌ی ڤیدیۆیێ بكه‌ و فێری شێوازێ دروست یێ ده‌ستنڤێژێ ببه‌.

چاوانییا گرتنا دەستنڤێژێ.

خۆ نڤێژه‌ک بێی پاقژی قه‌بویل نابیت.

بیسمیللاھ

بیسمیللاھ

ئینانا ناڤێ خودێ ل ده‌سپێكا ده‌ستنڤێژێ هاتيیه‌ دانان، له‌وا ئه‌م ده‌ستنڤێژا خۆ پێ ده‌ستپێدكه‌ین.

دێ هەردوو دەستان شۆین.

پاشی دێ ئاڤێ د ده‌ڤ و دفنا خۆ وه‌رده‌ین.

مه‌ضمه‌ضه:‌ ئه‌ڤه‌یه‌ تو ئاڤێ بكه‌یه‌ د ده‌ڤێ خۆدا و د ده‌ڤێ خۆدا بينى و ببه‌ى.

بەلێ ئیستینشاق: ئەڤەیە دێ ب ڕێکا هەناسەکێشانێ ئاڤێ کێشییە د دفنا خۆدا.

پاشی دێ وێ ئاڤێ ب ڕێکا کفکرنێ ده‌رئێخی.

و سوننه‌ته‌ مرۆڤ زێده‌گاڤییێ د تێوه‌ردانا ئاڤێ د ده‌ڤیدا و هه‌لكێشانا ئاڤێ د دفنێدا بكه‌ت، ئه‌و نه‌بیت ئه‌گه‌ر مرۆڤ یێ ب ڕۆژی بیت یان ژ زیانه‌كێ بترسیت.

شویشتنا ڕویی و سه‌روچاڤان ب ئاڤێ.

و ڕووبەرێ ڕوی و دێمی.

ب درێژاهی: ژ جهێ شینبوونا مویێن سه‌ری هه‌تا ئه‌رزینكێ.

ب پانی: ژ گوهی بۆ گوهییە.

دگه‌ل شویشتنا ڕوی دڤێت هه‌می مویێن ل سه‌ر ژی بهێنه‌ شویشتن وه‌كی هه‌ردوو برویان.

سەبارەت ڕیهێ ژی ئەگەر یا ساده‌ و کێم بیت، دڤێت پیستێ بن وێ بهێتە شویشتن.

به‌لێ ئه‌گه‌ر یا بووش بیت، دێ سه‌رڤه‌هییا وێ هێته‌ شویشتن.

سوننه‌ته‌ تبل د ناڤڕا بهێنه‌ ئینان و برن و ب ئاڤێ بهێته‌ په‌رخاندن.

پاشی پشتی شویشتنا سه‌روچاڤان، دۆرا شویشتنا هه‌ردوو ده‌ستانه‌ و دێ ژ ده‌ستێ ڕاستێ ده‌ستپێكه‌ین.

شویشتنا هه‌ردوو ده‌ستان ژ سه‌رێ تبلان هه‌تا ئه‌نیشكانه‌ كو شویشتنا ئه‌نیشكان ژی یا د گه‌ل.

پاشی مه‌سحا سه‌ری.

دێ هه‌ردوو ده‌ستێن خۆ ب ئاڤه‌كا نوی ته‌ڕكه‌ین.

پاشی دێ هه‌ردوو ده‌ستێن خۆ یێن ته‌ڕ دانینه‌ پێشییا سه‌رێ خۆ و دێ هه‌تا پاتكێ به‌ین.

پاشی دێ زڤڕینینه‌ڤه‌ بۆ وی جهێ مه‌ ژێ ده‌ستپێكری.

پاشی دێ هه‌ردوو گوهێن خۆ ب وێ ئاڤا ژێ مای مه‌سحكه‌ین كو مه‌ سه‌رێ خۆ پێ مه‌سحكربوو.

ڤێ چه‌ندێ دێ جاره‌كێ كه‌ین.

شێوازێ مه‌سحكرنا هه‌ردوو گوهان ژی.

دێ هه‌ردوو تبلێن خۆ یێن شە‌هدێ كه‌ینه‌ د ناڤ كونێن گوهێن خۆدا و دێ مه‌سحكه‌ین، و دێ ب هه‌ردوو تبلێن به‌ڕانی پشتا گوهێن خۆ مه‌سحكه‌ین.

ب ڤێ چه‌ندێ ئه‌ڤه‌ مه‌ هه‌ردوو گوهـ ژ ده‌رڤه‌ و ژ ناڤدا‌ ژی مه‌سحكرن و ڤه‌مالین.

پاشی دێ چینه‌ سه‌ر شویشتنا هه‌ردوو پێیان.

و سنوورێ هه‌ردوو پێییان یێن كو واجبه‌ بهێنه‌ شویشتن ئه‌ڤه‌یه‌:

ژ سه‌رێ تبلێن پێیی هه‌تا هه‌ردوو گوزه‌كان.

دێ ب پێیێ ڕاستێ ده‌ستپێكه‌ین و دێ تبله‌كا ده‌ستی د ناڤ تلیێن هه‌ردوو پێیاندا ئینین و به‌ین و دێ گرنگیێ ده‌ینه‌ شویشتنا هه‌ردوو پەحنییان.

پاشی دێ پێیێ چه‌پێ شوین، كا چاوا مه‌ یێ ڕاستێ شویشتى.

ڕێزبه‌ندی د ئه‌ندامێن ده‌ستنڤێژێدا واجبه‌، وه‌سا كو ئه‌م ئه‌ندامه‌كی نه‌ئێخینه‌ به‌ری یێ دی.

هەروەسا ب دویڤئێكی ژی د ناڤبه‌را واندا یا واجبه‌، ب ڕه‌نگه‌كی كو ئه‌م ده‌مه‌كێ درێژ گیرۆ نه‌بین د چوونا ژ ئه‌ندامه‌كی بۆ ئه‌ندامێ ب دویڤدا.

دروسته‌ هه‌می ئه‌ندامێن ده‌ستنڤێژێ ب تنێ جاره‌كێ بهێنه‌ شویشتن، به‌لێ سوننه‌ته‌ شویشتنا ناڤچاڤان و ئاڤ تێوه‌ردانا د ده‌ڤ و دفنێدا و شویشتنا ده‌ست و پێیان دوو جاران و سێ جاران بهێته‌ دووباره‌كرن، و ئه‌ڤه‌ باشتره‌.

سوننه‌ته‌ پشتی ته‌مامكرنا ده‌ستنڤێژێ بهێته‌ گۆتن:

ئەز شاهدەییێ ددەم کو ژ ئەلڵاهی پێڤه‌تر چ خودایێن ژ هەژی پەرستنێ نینن، ئەو ئێکێ ب تنێیە و وی چ شریک و هەڤال نینن، هەروەسا ئەز شاهدەییێ ددەم کو موحەممەد عەبدێ خودێ و پێغەمبەرێ وییە.

ئه‌شهه‌دو ئه‌ن لا ئیلاهه‌ ئیله‌للاھ، وه‌حده‌هو لاشه‌ریكه‌له‌ھ، وه‌ئه‌شهه‌دو ئه‌نه موحه‌ممه‌ده‌ن عه‌بدوهو وه‌روسولوهو.

و باشه‌ ئه‌م ڤێ ژی زێده‌ بكه‌ین:

خودایێ من، من بکە ژ تەوبەکاران، و من بکە ژ پاقژان.

ئه‌للاهومه‌ جعه‌لنی مینه‌تته‌وابین، وه‌جعه‌لنی مینه‌لموته‌ته‌هیرین.

كودی ژێببه‌.

سه‌رۆكاتییا كاروبارێن ئایینی یێن مزگه‌فتا حه‌رام و مزگه‌فتا پێغەمبه‌ری.

نامەیا هه‌ردوو حه‌رامان.

ناڤه‌رۆكه‌كا ڕێنمایكه‌را شه‌رعییه‌ بۆ سه‌ره‌دانكه‌رێن مزگه‌فتا حه‌رام و مزگه‌فتا پێغه‌مبه‌ری ب چه‌ندین زمانان.