صفة الوضوء (شرح عملي ومختصر)

ވުޟޫގެ ޞިފަ (ޢަމަލީ ޚުލާޞާ ޝަރަޙައެއް)

ވުޟޫގެ ޞިފަ (ލުއިފަސޭހަ ވީޑިއޯއެއް)

ވުޟޫކުރާނެގޮތް ފިޔަވަޅަކަށްފަހު ފިޔަވަޅެއް ޢަމަލީގޮތުން ދައްކުވައިދިނުމެއް. ވުޟޫއަކީ ނަމާދު ޞައްޙަވުމުގެ ޝަރުޠަކަށްވާތީ މިއީ ވަރަށް މުހިއްމު ކަމެއް.

ވީޑިއޯ ބައްލަވައި، ވުޟޫގެ ޞައްޙަ ސިފަ ދަސްކުރައްވާ

ވުޟޫގެ ޞިފަ

"ޠާހިރުވުމާ ނުލައި ނަމާދެއް ޤަބޫލުނުވާ ހުއްޓެވެ."

ﷲ ގެ އިސްމުފުޅުން ފަށަމެވެ.

ބިސްމި ﷲ

ވުޟޫ ފެށުމުގައި ބިސްމި ކިޔުން ޝަރުޢުވެގެންވޭ. ފަހެ، އަހަރުމެންގެ ވުޟޫ ފަށާނީ ބިސްމިން.

އަހަރުމެން ދެ އަތްތިލަ ދޮންނާނީ

ދެން އަނގަޔަށް ފެން ލައި ހަލުވާލާ އަދި ނޭފަތަށް ފެން ދަމާލުން

އަނގަޔަށް ފެންލީކަމަށް ވާނީ: އަނގަޔަށް ފެން ލައި، އަނގައިގެ ތެރޭގައި ތަޅުވާލުމުން.

ދެން ނޭފަތަށް ފެންލާނޭ ގޮތަކީ: ނޭވާޔާއެކު ނޭފަތަށް ފެން ދަމާލައިގެން

ދެން ނޭފަތް ފޮޅާލައިގެން އެ ފެން ބޭރުކޮށްލުން.

ރޯދަވެރިޔަކު ކަމުގައި ނުވާނަމަ، ނުވަތަ ގެއްލުމެއް ވެދާނެކަމަށް ބިރު ނުގަންނަނަމަ؛ އަނގަޔަށާއި ނޭފަތަށް ފެންލުމުގައި މަތިކޮށް ބޮޑަށް އެކަން ކުރުން މުސްތަޙައްބުވެގެންވޭ.

ފެނުން މޫނު ދޮވުން.

މޫނުގެ އިމަކީ:

ދިގުމިނުގައި: ޢާދަކޮށް ބޮލުގެ އިސްތަށި ފެޅި ހިސާބުން ފެށިގެން ދަތްދޮޅިއާ ހަމައަށް.

ފުޅާމިނުގައި: އެއް ކަންފަތުން އަނެއް ކަންފަތަށެް

މޫނު ދޮވުމާއެކު، މޫނުގައިވާ ބުމަފަދަ ހުރިހާ އިސްތައްޓެއް ދޮވުން ވާޖިބުވެގެންވޭ

ދެން ތުނބުޅިއަށް ބަލާއިރު: ތުނބުޅި ލޯލިނަމަ، އޭގެ ދަށުގައިވާ ހަންގަނޑު ދޮވުން ވާޖިބުވެގެންވޭ.

އެކަމަކު ތުނބުޅި ބޯ ނަމަ، ދޮންނާނީ އޭގެ ބޭރަށް ހުންނަ ބައި

އަދި ހަމައެކަނި ފެނުން ތުނބުޅި ވިނަވާލުން ސުންނަތްވެގެންވޭ

ދެން މޫނު ދޮވުމަށްފަހު އޮންނާނީ ދެ އަތް ދޮވުން. އަހަރުމެން ފަށާނީ ކަނާތުން.

ދެ އަތް ދޮންނާނީ އިނގިލިތަކުގެ ކޮޅުން ފެށިގެން، ދެ އުޅަނބޮށިވެސް ދޮވުމުގައި ހިމަނައިގެން އެއާ ހަމައަށް.

ދެން ބޮލުގައި ފެން ފުހުން.

އާ ފެންފޮދަކުން ދެ އަތް ތެންމާލާނީ

ދެން ތެންމާފައިވާ ދެ އަތް ބޮލުގެ ކުރީކޮޅުގައި ބާއްވާފައި ދެން ކަނދުރާޔާ ދިމާލަށް ހާކާލާނީ

ދެން ފެށި ތަނަށް އަނބުރާ ދެ އަތް ގެންދާނީ

ދެން ބޮލުގައި ފެންފުހި ފެނުގެ ބާކީ ފެނުން ދެ ކަންފަތުގައި ފެންފުހެލާނީ

އެކަން ކުރާނީ އެއް ފަހަރު

ދެ ކަންފަތުގައި ފެންފުހުމުގެ ޞިފަ

ަަަަަަަަަަަަަަަަަަަަަަަަަަަަަަަަަަަަަަަަަަަަަަަަަޝަހާދަތް އިނގިލި ދެ ކަންފަތުގެ ކޮރުވަޅަށް ވައްދާފައި އެތެރެފުށުގައި ފުހެލާނީ. ދެން ބޮޑުވާއިނގިލިން ދެ ކަންފަތުގެ ބޭރުފުށުގައި ފުހެލާނީ

އެއިރުން އަހަރުމެންނަށް އެވަނީ ދެ ކަންފަތުގެ ބޭރުފުށާއި އެތެރެފުށުގައި ފެން ފުހެވިފައި

ދެން ޖެހިލާނީ ދެ ފައި ދޮވުމަށް

ަަަަަަަަަަަަަަަަަަަަަަަަަަަަަަަަަަަަަަަަަަަަަަދެފައި ދޮވުމުގައި ވާޖިބުވެގެންވާ އިމަކީ:

ފައިގެ އިނގިލިތަކުގެ ކޮޅުން ފެށިގެން ތަނބިކަށްޓާ ހަމައަށް.

އަހަރުމެން ފަށާނީ ކަނާތުފައިން. އަދި ފައިގެ އިނގިލިތަކުގެ ދޭތެރެ ވިނަވާލާނީ. އަދި ފުންނާބު ދޮވުމަށް ޚާއްޞަ ސަމާލު ކަމެއް ދޭންވާނެ.

ދެން ކަނާތުފައި ދޮވުނު ފަދައިން، ވައަތު ފައިވެސް ދޮވެލާނީ

ވުޟޫގެ ގުނަވަންތަކުގައި ތަރުތީބުކުރުމަކީ ވާޖިބެއް. އެއީ އެއް ގުނަވަން އަނެއް ގުނަވަނަށްވުރެ އިސްނުކުރާ ގޮތަށް

އަދި އެ ގުނަވަންތަކުގެ މެދުގައި މުވާލާތުކުރުމަކީވެސް ވާޖިބެއް. އެއީ އެއް ގުނަވަނުން އަނެއް ގުނަވަނަށް ބަދަލުވުމުގައި ދިގު ވަޤުތަކަށް ލަސްކޮށްގެން ނުހުރުން

ވުޟޫގެ ހުރިހާ ގުނަވަނެއްވެސް އެއް ފަހަރު ދޮވެލުމުން ފުދޭނެ. އަދި މޫނު ދޮވުމާއި، އަނގަ ދޮވުމާއި، ނޭފަތަށް ފެންލުމާއި، ދެއަތް ދޮވުމާއި، ދެ ފައި ދޮވުމުގައި، ދެ ފަހަރާއި ތިންފަހަރު ތަކުރާރުކުރުން ސުންނަތްވެގެންވޭ. އަދި އެއީ އެންމެ މޮޅުއިތުރު ގޮތް

ވުޟޫކޮށް އަވަދިވެ ނިމުމުން މިހެން ކިޔުން މުސްތަޙައްބުވެގެންވޭ:

أشْهَدُ أنْ لا إلهَ إِلَّا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عَبْدُهُ وَرَسُولُهُ މާނައީ: "ﷲ ފިޔަވައި ޙައްޤުވެގެން އަޅުކަންވެވޭ އެހެން އެއްވެސް އިލާހެއް ނެތްކަމަށާއި، އެކަލާނގެ އެއްކައުވަންތަކަމާއި، އެކަލާނގެއަށް ޝަރީކަކު ނުވާކަމަށް އަޅު ހެކިވަމެވެ. އަދި މުޙައްމަދުގެފާނީ އެކަލާނގެ އަޅާ އަދި ރަސޫލާކަމަށް އަޅު ހެކިވަމެވެ."

އަޝްހަދު އައްލާއިލާހަ އިއްލައްލޯހު ވަޙްދަހޫ ލާ ޝަރީކަ ލަހޫ، ވައަޝްހަދު އަންނަ މުޙައްމަދަން ޢަބްދުހޫ ވަރަސޫލުހް

އަދި މިހެން އިތުރުކޮށްލުން ރަނގަޅުވެ ހެޔޮވެގެންވޭ:

اللَّهُمَّ اجعلنِي مِنَ التَوَّابِينَ، واجعلني مِنَ المُتَطهِّرِينَ. މާނައީ: "އޭ ﷲ އެވެ! ގިނަގިނައިން ތަޥްބާވާ މީހުންގެ ތެރޭގައި މި އަޅާ ލައްވާށިއެވެ. އަދި ޠާހިރުވެގަންނަ މީހުންގެ ތެރޭގައި މި އަޅާ ލައްވާށިއެވެ."

އައްލޯހުންމަ ޖްޢަލްނީ މިނައް ތައްވާބީނަ، ވަޖްޢަލްނީ މިނަލް މުތަޠައްހިރީން

ކޯޑް ސްކޭން ކުރައްވާ

މަސްޖިދުލް ޙަރާމް އާއި މަސްޖިދުއް ނަބަވީގެ ދީނީ ކަންތަކާ ބެހޭ ރިޔާސަތު

ދެ ޙަރަމުގެ މެސެޖު

މަސްޖިދުލް ޙަރާމާއި މަސްޖިދުއް ނަބަވީއަށް ޤަޞްދުކޮށްގެން އަންނަ ފަރާތްތަކަށް، ތަފާތު ބަސްބަހުން ދެވޭ ޝަރުޢީ އިރުޝާދީ މަޢުލޫމާތު.