صفة الوضوء (شرح عملي ومختصر)

چۆنیەتی دەستنوێژگرتن (شیکردنەوەیەکی کرداری پوخت)

چۆنیەتی دەستنوێژگرتن (گرتە ڤیدیۆیەکی ئاسانکراو)

جێبەجێکردنی کرداری بۆ ڕوونکردنەوەی چۆنیەتی دەستنوێژگرتن هەنگاو بە هەنگاو، زۆر گرنگە چونکە دەستنوێژگرتن مەرجە بۆ دروستێتی نوێژکردن.

سەیری گرتە ڤیدیۆییەکە بکە و شێوازی دروستی دەستنوێژگرتن فێر ببە.

سیفەتی دەستنوێژگرتن

خوداى گەورە نوێژی بێ دەستنوێژ قبوڵ ناکات.

بە ناوی خودا

بسم الله

ووتنی (بسم الله) پێش دەستکردن بە دەستنوێژگرتن سوننەتە، وبە ووتنی: (بسم الله) دەستنوێژ دەستپێدەکەین.

هەردوو دەستەكان دەشۆین

پاشان ئاو ڕادانە نێو دەم ولووت

ئاو ڕادانە نێو دەم: بریتیە لەوەى کە ئاو بخرێتە نێو دەم وئەملا وئەولای پێبکرێت لەناو دەمدا

ئاو هەڵمژینە نێو لووت بە لە هەڵمژینی ئاو بۆ نێو لووت لە ڕێگای هەناسەوە دەبێت

وپاشان دەرکردنی بە شم کردن

وسوننەتە زیادەڕۆیی کردن لە ئاو ڕادان لە دەم ولووت، مەگەر لەکاتی بەڕۆژووبوندا نەبێت یان ترسی زیانێکی هەبێت.

شۆردنی دەم وچاو بە ئاو.

سنووری دەم وچاو

بە درێژایی: لە شوێنی ئاسایی دەرچوونی قژ لە پێشە سەرەوە، هەتاوەکو چەناگە

وە بە پانی: لە گوێوە بۆ گوێیەكەی تر.

لەگەڵ شۆردنی دەم وچاو واجبە هەموو ئەو مووانەی لەسەر دەم وچاوە بشۆردرێن وەکو مووی برۆکان

وڕیش ئەگەر تەنک بوو، ئەوا واجبە پێستی ژێر ڕیشیش بشۆردرێت

بەڵام ئەگەر ڕیش چڕ وپڕ بوو، ئەوا بەشەی دیاری دەشۆردرێت وشۆردنی پێستی ژێری پێویست نییە

وە سوننەتە پەنجەکانی بەتەڕی بهێنێت بەنێو ڕیشیدا.

پاشان لە دوای شۆردنی دەم وچاو، دەستەکان دەشۆردرێن، ولەدەستی ڕاستەوە دەست پێ دەکەین.

شۆردنی دەستەکان لە سەری پەنجەکانەوە هەتاوەکو ئانیشکەکان دەگرێتەوە، لەگەڵ شۆردنی ئانیشکەکانیش.

پاشان مەسح کردنی سەر

دەستەکان تەڕ دەکەین

پاشان نێو لەپی هەردوو دەستمان لە پێشەوەى سەرمان دادەنێین وبەرەو پشتە سەرمان دەیانبەین

پاشان دەیانگەڕێنینەوە بۆ ئەو شوێنەی لێیەوە دەستمان پێکردووە

پاشان هەردوو گوێیەکان مەسح دەکەین بە هەمان ئەو ئاوەی کە سەرمان مەسح کرد پێ

وئەم کارە یەک جار ئەنجامدەدەین

وچۆنیەتی مەسحکردنی گوێیەکان

هەردوو پەنجەی شایەتمان دەخەینە نێو گوێیەکانمان و ناوەوەیان مەسح دەکەین، و بە هەردوو پەنجە گەورە پشتەوەی گوێیەکانمان مەسح دەکەین.

وبەم شێوەیە مەسحی ناوەوە و پشتەوەی گوێیەکانمان کردووە

پاشان پێیەکان دەشۆین

وسنووری واجب لە شۆردنی پێیەکان بریتیە لە:

لە سەرەوەى پەنجەکانی قاچەوە هەتاوەکو قولەپێکان، وقولەپێیەكانیش دەشۆین.

سەرەتا پێی ڕاست دەشۆین، وبەپەنجەی دەستمان بەینی پەنجەی قاچمان دەست تێ دەخەین، وگرنگی دەدەین بە شۆردنی پاژنەى پێیەکان بەجوانی.

پاشان پێی چەپ دەشۆین هەروەکو چۆن پێی ڕاستمان شۆرد.

وڕیزبەندی لە شۆردنی ئەندامەکانى دەستنوێژ واجبە، بەشێوەیەک نابێت شۆردنی ئەندامەکانی دەستنوێژ پێش وپاش بخرێت

وهەروەها شۆردنی یەک لە دوای یەکی ئەندامەکانی دەستنوێژ واجبە، بەشێوەیەک نابێت ماوەیەکی زۆر دوابکەوین لە شۆردنی ئەندامێک دووای شۆردنی ئەندامێکی تر.

یەک جار شۆردنی هەموو ئەندامەکانی دەستنوێژ واجبە، وشۆردنی دەم وچاو وئاو ڕادانە نێو دەم ولووت، وشۆردنی دەستەکان وپێیەکان، دووجار یان سێ جار سوننەتە وئەمەش خێر وچاکرترە.

وسونوەتە پاش تەواو بوونی دەستنوێژگرتن بوترێت:

واتە: شاهێدی دەدەم بەوەى هیچ پەرستراوێک شایستەی پەرستن نییە بە هەق وڕاستی جگە لە الله، وشاهێدی دەدەم کە موحەمەد بەندە و پێغەمبەری خودایە.

أشْهَدُ أنْ لا إلهَ إِلَّا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عَبْدُهُ وَرَسُولُهُ

وجوان وشیاوە ئەم دۆعایەش بڵێن:

واتە: «خودایە، لەو کەسانە بم کە بەردەوام تەوبە دەکەن وبەردەوام خۆیان پاک دەکەنەوە -لە تاوانەکان وهەموو شتە پیسەکانی تر-».

اللَّهُمَّ اجعلنِي مِنَ التَوَّابِينَ، واجعلني مِنَ المُتَطهِّرِينَ.

دەست لەسەر هێماکە دابگرە

سەرۆکایەتی کاروباری ئایینی لە مزگەوتی حەرام و مزگەوتی نەبەوی

په‌یامی حه‌ره‌مه‌ین

ناوەڕۆکێکی ڕێنمایی شەرعییە بۆ سەردانیکارانی مزگەوتی حەرام و مزگەوتی پێغەمبەر بە چەندەها زوبان