صفة الوضوء (شرح عملي ومختصر)

ວິທີການອາບນ້ຳລະຫມາດ: (ຄຳອະທິບາຍພາກປະຕິບັດແບບຫຍໍ້)

ວິທີການອາບນ້ຳລະຫມາດ (ສະບັບວິດີໂອແບບງ່າຍ ໆ)

ການສາທິດພາກປະຕິບັດວິທີການອາບນ້ຳລະຫມາດເທື່ອລະຂັ້ນຕອນ, ເປັນສິ່ງສຳຄັນຫຼາຍ ເພາະການອາບນ້ຳລະຫມາດເປັນເງື່ອນໄຂທີ່ເຮັດໃຫ້ການລະຫມາດສົມບູນ.

ເບິ່ງວິດີໂອ ແລະ ຮຽນຮູ້ວິທີການອາບນ້ຳລະຫມາດທີ່ຖືກຕ້ອງ.

ລັກສະນະຂອງການອາບນ້ຳລະຫມາດ

ການລະຫມາດທີ່ປາດສະຈາກຄວາມສະອາດ ຈະບໍ່ຖືກຕອບຮັບ.

ບິສມິລລາ

ບິສມິນລາຮ໌

ສົ່ງເສີມໃຫ້ກ່າວ ບິສມິລລາຫ໌ ໃນຕອນເລີ່ມຕົ້ນຂອງການອາບນ້ຳລະມາດ, ພວກເຮົາຈຶ່ງເລີ່ມການອາບນ້ຳລະມາດຂອງເຮົາດ້ວຍຄຳກ່າວນັ້ນ.

ລ້າງຝ່າມືທັ້ງສອງ.

ຈາກນັ້ນ ການບ້ວນປາກ ແລະ ການສູດນ້ຳເຂົ້າດັງ

ການບ້ວນປາກ ແມ່ນການເອົານ້ຳເຂົ້າປາກ, ແລະກວນນ້ຳຢູ່ພາຍໃນ.

ການສູດນ້ຳເຂົ້າດັງ ແມ່ນການດຶງນ້ຳເຂົ້າໄປໃນດັງໂດຍໃຊ້ລົມຫາຍໃຈ.

ຈາກນັ້ນໃຫ້ສັ່ງນ້ຳອອກຈາກດັງ.

ສົ່ງເສີມໃຫ້ບ້ວນປາກ ແລະ ສູດນ້ຳເຂົ້າຫູດັງຢ່າງເຕັມທີ່ ຕາບໃດທີ່ບໍ່ໄດ້ຖືສິນອົດ ຫຼື ຢ້ານອັນຕະລາຍ.

ການລ້າງໃບຫນ້າ ດ້ວຍນ້ຳ.

ແລະ ຂອບເຂດຂອງໃບໜ້າ

ທາງດ້ານຍາວ: ຈາກແນວຜົມປົກກະຕິ ເຖິງປາຍຄາງ.

ຂອບເຂດຂອງໃບໜ້າທາງຄວາມກວ້າງ ແມ່ນ ຈາກຫູຂ້າງໜຶ່ງໄປເຖິງຫູອີກຂ້າງໜຶ່ງ.

ໃນການລ້າງໃບໜ້າ ຕ້ອງລ້າງຂົນທັງໝົດທີ່ຢູ່ເທິງນັ້ນ, ເຊັ່ນຄິ້ວ.

ສ່ວນຫນວດ, ຖ້າຫາກວ່າບາງ, ກໍຈຳເປັນຕ້ອງລ້າງໃຫ້ຮອດຜິວຫນັງທີ່ຢູ່ກ້ອງ.

ສ່ວນຖ້າມັນຫນາ, ກໍໃຫ້ລ້າງແຕ່ດ້ານນອກ.

ແລະ ສຸນັດໃຫ້ສາງດ້ວຍນ້ຳເທົ່ານັ້ນ.

ຫຼັງຈາກລ້າງຫນ້າແລ້ວ, ກໍໃຫ້ລ້າງແຂນທັ້ງສອງ, ໂດຍເລີ່ມຈາກແຂນຂວາກ່ອນ.

ການລ້າງແຂນທັ້ງສອງ ຈາກປາຍນິ້ວມື ຈົນຮອດຂໍ້ສອກ, ໂດຍໃຫ້ລ້າງຂໍ້ສອກທັ້ງສອງນຳ.

ຈາກນັ້ນໃຫ້ເຊັດຫົວ

ເຮັດໃຫ້ມືທັງສອງປຽກ ດ້ວຍນ້ຳໃໝ່.

ຈາກນັ້ນ ວາງມືທັງສອງທີ່ປຽກໃສ່ດ້ານຫນ້າຂອງຫົວ ແລ້ວລູບໄປຈົນຮອດດ້ານຫຼັງ.

ແລ້ວກໍດຶງມືທັງສອງກັບຄືນມາບ່ອນທີ່ເຮົາໄດ້ເລີ່ມ.

ຈາກນັ້ນເຊັດໃບຫູທັງສອງ ດ້ວຍນໍ້າທີ່ເຫລືອຈາກການເຊັດຫົວ.

ໃຫ້ປະຕິບັດເຊັ່ນນັ້ນ ຮອບດຽວ

ລັກສະນະຂອງການເຊັດໃບຫູທັ້ງສອງ

ໃຫ້ໃສ່ນິ້ວຊີ້ເຂົ້າໄປໃນຊ່ອງຫູທັງສອງເພື່ອເຊັດມັນ, ແລະ ໃຊ້ນິ້ວໂປ້ເຊັດດ້ານນອກຂອງໃບຫູທັງສອງ.

ເຮົາກໍໄດ້ເຊັດໃບຫູທັ້ງສອງ ທັ້ງດ້ານນອກ ແລະ ດ້ານໃນ.

ຈາກນັ້ນ ກໍເປັນການລ້າງຕີນທັ້ງສອງ

ຂອບເຂດຂອງຕີນທັ້ງສອງທີ່ຈຳເປັນຕ້ອງລ້າງຄື:

ຈາກປາຍນິ້ວເທົ້າ ຈົນຮອດຕາຕຸ່ມທັ້ງສອງ.

ເຮົາເລີ່ມຈາກຕີນຂວາ, ຖູລະຫວ່າງງ່າມຕີນ, ແລະ ໃສ່ໃຈໃນການລ້າງສົ້ນຕີນ.

ຈາກນັ້ນໃຫ້ລ້າງຕີນຊ້າຍ, ເໝືອນກັບຕີນຂວາ.

ການຮັກສາລຳດັບໃນການເອົານ້ຳລະຫມາດແມ່ນເປັນຂໍ້ບັງຄັບ, ໂດຍບໍ່ໃຫ້ເຮັດອະໄວຍະວະສ່ວນໃດກ່ອນອີກສ່ວນຫນຶ່ງ.

ແລະ ອັລມຸວາລາຫ໌ ກໍເປັນສິ່ງວາຢິບເຊັ່ນກັນ, ຄືບໍ່ໃຫ້ມີການຢຸດພັກເປັນເວລາດົນ ໃນການຍ້າຍຈາກອະໄວຍາວະຫນຶ່ງ ໄປສູ່ອະໄວຍາວະຖັດໄປ.

ການລ້າງພຽງຄັ້ງດຽວສຳລັບອະໄວຍະວະທັງໝົດຂອງການອາບນ້ຳວຸດູແມ່ນຖືວ່າພຽງພໍແລ້ວ, ແລະ ມີສຸນນະຫ໌ໃຫ້ລ້າງຊ້ຳສອງຄັ້ງ ຫຼື ສາມຄັ້ງ, ໃນການລ້າງໃບໜ້າ, ການບ້ວນປາກ, ການສູດນ້ຳເຂົ້າດັງ, ການລ້າງມື ແລະ ຕີນ, ເຊິ່ງເປັນການກະທຳທີ່ດີຍິ່ງກວ່າ.

ຫຼັງຈາກອາບນ້ຳລະຫມາດແລ້ວ, ສົ່ງເສີມໃຫ້ກ່າວວ່າ:

ອັຊຮາດະ ອັນລາ ອິລາຮະ ອິລລັລລໍຫ໌, ວະຫ໌ດາຮູ ລາຊະຣີ ກາລະຫ໌, ວະອັຊຮາດຸ ອັນນາ ມຸຮຳມະດັນ ອັບດຸຮຸ ວະຣໍສູລຸຮຸ.

ອັຊຮະດຸ ອັນລາ ອິລາຮະ ອິນລັລລາ ວັຫດະຮຸ ລາ ຊະຣີກະ ລະຫຸ, ວະ ອັຊຮະດຸ ອັນນາ ມຸຫຳມະດັນ ອັບດຸຫຸ ວະ ຣະຊູລຸຫຸ

ແລະ ຄວນກ່າວເພີ່ມວ່າ:

ໂອ້ອັລລໍຫ໌ ຂໍຊົງເຮັດໃຫ້ຂ້ານ້ອຍເປັນຜູ້ທີ່ສຳນຶກຜິດກັບຕົວ ແລະ ເປັນຜູ້ທີ່ຮັກສາຄວາມສະອາດ.

ອັລລໍຮຸມມັຈອັລນີ ມິນັດ ຕາວວາບີນ, ວັຈອັລນີ ມິນັລ ມຸຕັອຕຮິຣີນ.

ສະແກນລະຫັດ

ສຳນັກງານກິດຈະການສາສະໜາ ປະຈຳມັດສະຍິດອັລຫະຣອມ ແລະ ມັດສະຍິດອັນນະບະວີ

ສານຈາກສອງສະຖານທີ່ແຫ່ງຄວາມສັກສິດ

ເນື້ອຫາຄຳແນະນຳທາງສາສະຫນາ ສຳຫຼັບຜູ້ທີ່ເດີນທາງສູ່ມັສຍິດອັລຫະຣອມ ແລະ ມັສຍິດອັນນະບະວີ ໃນພາສາຕ່າງໆ