صفة الوضوء (شرح عملي ومختصر)

Ang Pamamaraan ng Pagsasagawa ng Wuḍū' (Isang Praktikal at Maiksing Pagpapaliwanag)

Ang Pamamaraan ng Pagsasagawa ng Wuḍū' (Pinasimpleng Video Clip)

Isang praktikal na pagpapatupad na nagpapaliwanag sa pamamaraan ng pagsasagawa ng wuḍū' nang hakbang-hakbang, na lubhang mahalaga dahil ang wuḍū' ay isang kundisyon para sa katumpakan ng ṣalāh.

Panoorin ang video clip at pag-aralan ang tumpak na pamamaraan ng wuḍū'.

Ang Pamamaraan ng Pagsasagawa ng Wuḍū'

"Hindi tinatanggap ang isang ṣalāh nang walang pagpapakadalisay."

Bismi -llāh. (Sa ngalan ni Allāh.)

Bismi -llāh. (Sa ngalan ni Allāh.)

Isinasabatas ang tasmiyah (pagsambit ng bismi -llāh) sa pagsisimula ng wuḍū' sapagkat sa pamamagitan nito nagsisimula tayo ng wuḍū' natin.

Naghuhugas tayo ng mga kamay.

Pagkatapos, isinasagawa ang maḍmaḍah (pagmumumog) at ang istinshāq (pagsinghot at pagsinga ng tubig).

Ang pagmumumog ay sa pamamagitan ng paglalagay ng tubig sa bibig at pagpapagalaw nito sa loob ng bibig.

Hinggil sa pagsinghot naman, ito ay sa pamamagitan ng paghatak ng tubig papasok sa ilong sa pamamagitan ng hininga.

Pagkatapos ang paglalabas nito sa pamamagitan ng pagsinga.

Isinasakaibig-ibig ang pagpapalabis sa pagmumumog at pagsinghot at pagsinga ng tubig hanggat hindi nag-aayuno o natatakot sa isang kapinsalaan.

Ang paghuhugas ng mukha nang may tubig.

Ang hangganan ng mukha

Pababa: mula sa mga karaniwang tinutubuan ng buhok ng ulo hanggang sa baba.

Pahalang: mula sa isang tainga hanggang sa kabilang tainga.

Kinakailangan, kasama ng paghuhugas ng mukha, ang paghuhugas sa lahat ng buhok na narito gaya ng mga kilay.

Hinggil naman sa balbas, kapag ito ay manipis, nararapat na hugasan ang balat sa ilalim nito.

Hinggil naman kung ito ay makapal, huhugasan ang ibabaw nito.

Ibinibilang na sunnah ang pagsuklay-daliri rito sa pamamagitan ng tubig lamang.

Pagkatapos, matapos ng paghuhugas ng mukha ay ang paghuhugas naman ng mga kamay. Magsisimula tayo sa kanang kamay.

Ang paghuhugas ng mga kamay mula sa mga dulo ng mga daliri hanggang sa mga siko, kasama ng paghuhugas ng mga siko.

Pagkatapos ang pagpahid ng ulo.

Babasain natin ang mga kamay sa pamamagitan ng bagong tubig.

Pagkatapos ilalagay natin ang mga binasang kamay sa unahan ng ulo at papupuntahin natin ang mga ito hanggang sa batok.

Pagkatapos magbabalik tayo ng mga ito sa lugar na pinagsimulan natin.

Pagkatapos papahiran natin ang mga tainga ng natira sa tubig na ipinampahid natin sa ulo.

Gagawin natin iyan nang isang ulit.

Ang pamamaraan ng pagpapahid sa mga tainga:

na ipasok natin ang hintuturo sa harapan ng mga tainga saka ipahid natin ang mga ito, at ipahid naman natin ang hinlalaki sa likuran ng mga tainga.

Kaya naman tayo ay magiging nakapahid nga ng mga tainga sa paharap at patalikod

Pagkatapos lilipat tayo sa paghuhugas ng mga paa.

Ang hangganan ng mga paa na kinakailangan ang paghugas sa mga ito ay:

Mula sa mga dulo ng mga daliri ng paa hanggang sa mga bukungbukong.

Magsisimula tayo sa kanang paa, magsisingit tayo sa mga daliri ng mga paa, at mag-iingat tayo sa paghuhugas ng mga sakong.

Pagkatapos maghuhugas tayo ng kaliwang paa gaya ng paghuhugas natin ng kanan.

Ang pagkakasunud-sunuran ng mga bahagi ng [katawan para sa] wuḍū' ay kinakailangan, yayamang hindi tayo mag-uuna ng isang bahagi sa ibang bahagi.

Ang pagtutuluy-tuloy sa pagitan ng mga ito ay kinakailangan nang gayon din, yayamang hindi tayo magpapahuli nang mahabang sandali sa paglipat mula sa isang bahagi papunta sa isang bahaging kasunod nito.

Sasapat ang iisang paghuhugas para sa lahat ng mga bahagi ng wuḍū'. Ibinibilang na sunnah ang pag-uulit ng paghuhugas nang dalawang ulit at tatlong ulit sa paghuhugas ng mukha, pagmumumog, pagsinghot ng tubig, at paghuhugas ng mga kamay at mga paa. Ito ay higit na mainam.

Isinasakaibig-ibig matapos ng pagtatapos ng wuḍū' na magsabi ng:

Ashhadu an lā ilāha illa -llāh, waḥdahu lā sharīka lah, wa ashhadu anna muḥammadan `abduhu wa rasūluh. (Sumasaksi ako na walang Diyos kundi si Allāh — tanging Siya: walang katambal sa Kanya; at sumasaksi ako na si Muḥammad ay Lingkod Niya at Sugo Niya.)

Ashhadu an lā ilāha illa -llāh, waḥdahu lā sharīka lah, wa ashhadu anna muḥammadan `abduhu wa rasūluh.

Minamaganda na magdagdag tayo ng:

"Allāhumma -j`alnī mina -ttawwābīna, wa -j`alnī mina -lmutaṭahhirīn. (O Allāh, gawin Mo ako na kabilang sa mga palabalik-loob at gawin Mo ako na kabilang sa mga nagpapakadalisay.)"

Allāhumma -j`alnī mina -ttawwābīna, wa -j`alnī mina -lmutaṭahhirīn.

Mag-scan ka sa code.

Ang Panguluhan ng mga Kapakanang Panrelihiyon sa Masjid na Pinakababanal at Masjid ng Propeta

Mensahe ng Ḥaramayn

Nilalamang Pamatnubay na Shar`ī`sa Maraming Wika para sa mga Nagsasadya sa Masjid na Pinakababanal at Masjid ng Propeta