صفة الوضوء (شرح عملي ومختصر)

वुजूको तरिका (संक्षिप्त व्यावहारिक व्याख्या)

वुजूको तरिका (सरल भिडियो क्लिप)

यो वुजू गर्ने तरिकाको एक व्यावहारिक अभ्यास हो, जसले चरणबद्ध रूपमा वुजू गर्ने तरिका स्पष्ट गर्छ। यो धेरै महत्त्वपूर्ण छ, किनकि वुजू नमाजको शर्त हो।

भिडियो हेर्नुहोस् र वुजू गर्ने सही तरिका सिक्नुहोस्।

वुजूको तरिका

पवित्रता बिना नमाज स्वीकार हुँदैन।

अल्लाहको नामबाट शुभारम्भ गर्दछु।

बिस्मिल्लाह

वुजूको सुरुवातमा अल्लाहको नाम लिनुपर्छ र त्यसैबाट हामी आफ्नो वुजू सुरु गर्छौं।

हामी दुवै हातका हथेलाहरू धुन्छौं।

त्यसपछि मुख कुल्ला गर्ने र नाकमा पानी हाल्ने।

मुख कुल्ला गर्दा, मुखमा पानी हालेर त्यसलाई मुखभित्र घुमाउने र बाहिर थुक्ने।

दाहिने हातमा पानी लिएर सासद्वारा नाकमा पानी तान्ने।

देब्रे हातले नाकबाट पानी बाहिर फाल्ने।

यदि रोजा राखेको छैन वा कुनै हानि हुने डर छैन भने राम्रोसँग मुख कुल्ला गर्नु र नाकमा पानी तान्नु मुस्तहब हो।

त्यसपछि पानीले अनुहार धुने।

अनुहारको सीमा भनेको:

लम्बाइमा: निधारको सामान्य कपालदेखि चिउँडोसम्म।

र चौडाईमा: एक कानदेखि अर्को कानसम्म।

अनुहार धुँदा, आँखीभौं जस्ता सबै कपाल पनि धुनुपर्छ।

यदि दाह्री पातलो छ भने, त्यसको मुनिको छाला धुनु अनिवार्य हुन्छ।

तर यदि दाह्री बाक्लो छ भने, त्यसको बाहिरी भाग मात्र धुनुपर्छ।

र पानीले त्यस भित्र खिलाल गर्नु सुन्नत हो।

अनुहार धोएपछि, दुवै हातहरू धुने र हामी दायाँ हातबाट सुरु गर्छौं।

दुवै हातहरू औँलाका टुप्पादेखि कुहिनोसमेत धुनुपर्छ।

त्यसपछि टाउको 'मसह' गर्ने।

हामी दुवै हातलाई नयाँ पानीले भिजाउँछौं।

त्यसपछि हामी भिजेका दुवै हात टाउकोको अगाडिको भागमा राख्छौं र त्यसलाई यसरी पछाडि गर्धनसम्म लैजान्छौं।

त्यसपछि हामी दुवै हातलाई पुनः त्यही ठाउँमा फर्काउँछौं, जहाँबाट सुरु गरेका थियौं।

त्यसपछि हामी टाउको मसह गर्दा बाँकी रहेको पानीले दुवै कानहरू मसह गर्छौं।

हामी यो एक पटक मात्र गर्छौं।

कान मसह गर्ने तरिका

हामी चोर औंलाले दुवै कानको प्वाल र भित्री भागमा मसह गर्छौं र बुढी औँलाद्वारा दुवै कानका बाहिरी भागलाई मसह गर्छौं।

यसरी हामीले दुवै कानको बाहिरी र भित्री दुवै भाग मसह गरिसकेका हुन्छौं।

त्यसपछि हामी दुवै खुट्टा धुनेतर्फ लाग्छौं।

“धुनु अनिवार्य भएका दुवै खुट्टाको सीमा यस प्रकार छ:

खुट्टाका औंलाहरूको टुप्पाबाट लिएर गोलिगाँठोसम्म धुने।

हामी दायाँ खुट्टाबाट सुरु गर्छौं, खुट्टाका औंलाहरूको बीचमा सफा गर्छौं र दुवै कुर्कुच्चाहरू धुन विशेष ध्यान दिन्छौं।

त्यसपछि हामी बायाँ खुट्टा पनि दायाँ खुट्टा जस्तै धुन्छौं।

वुजुको अङ्गहरूलाई क्रमअनुसार धुनु अनिवार्य हो, त्यसैले कुनै एक अङ्गलाई अर्को अङ्गभन्दा अगाडि गर्नु हुँदैन।

ती अङ्गहरूबीच निरन्तरता कायम राख्नु पनि अनिवार्य हो, त्यसैले एक अङ्गबाट अर्को अङ्गमा सर्न लामो समय ढिलाइ गर्नु हुँदैन।

वुजूका सबै अङ्गहरूलाई एक पटक धुनु पर्याप्त हुन्छ। तर अनुहार धुँदा, मुख कुल्ला गर्दा, नाकमा पानी तान्दा र दुवै हात तथा दुवै खुट्टा धुँदा दुई पटक वा तीन पटक दोहोर्याएर धुनु सुन्नत हो र यो नै उत्तम हो।

वुजू पूरा गरेपछि यो पढ्नु मुस्तहब हो:

म गवाही दिन्छु, अल्लाह बाहेक कोही सत्य पूज्य छैन; उहाँ एक्लै हुनुहुन्छ र उहाँको कुनै साझेदार छैन। म गवाही दिन्छु, मुहम्मद उहाँका दास र सन्देष्टा हुनुहुन्छ।

अश्हदु अल्ला इलाह इल्लल्लाहु वह्दहु ला शरीक लहु, व अश्हदु अन्न मुहम्मदन् अब्दुहु व रसूलुहु।

यसमा यो थप्नु पनि राम्रो हुन्छ:

हे अल्लाह! मलाई धेरै पश्चात्ताप गर्नेहरूमध्ये बनाउनुहोस् र मलाई धेरै पवित्रता अपनाउनेहरूमध्ये बनाउनुहोस्।

अल्लाहुम्मज् अल्नी मिनत्तव्वाबीन, वज्अल्नी मिनल् मुत-तह्हिरीन।

कोड स्क्यान गर्नुहोस्

मस्जिद हराम र मस्जिद नबवीको धार्मिक मामिलाको प्राधिकरण

हरमैनको सन्देश

मस्जिद अल-हराम र मस्जिद अन-नबवीका तीर्थयात्रीहरूका लागि विभिन्न भाषाहरूमा इस्लामिक मार्गदर्शन सामग्री