صفة الوضوء (شرح عملي ومختصر)

የዉዱእ አደራረግ (ተግባራዊ እና አጭር ማብራሪያ)

የዉዱእ አደራረግ (ቀለል ያለ የቪዲዮ ማብራሪያ)

የውዱእን አደራረግ ደረጃ በደረጃ የሚያሳይ ተግባራዊ ማብራሪያ ሲሆን ውዱእ ለሶላት ትክክለኛነት መስፈርት ከመሆኑ አኳያ እጅግ በጣም አስፈላጊ ነው።

ቪዲዮውን ተመልክተው ትክክለኛውን የዉዱእ አደራረግ ይማሩ።

የዉዱእ አደራረግ

ያለ ዉዱእ የተሰገደ ሰላት ተቀባይነት የለውም።

ቢስሚላሂ

ቢስሚላህ

ውዱእ ሲጀምሩ ቢስሚላህ ማለት በሸሪዓ የተደነገገ በመሆኑ ዉዱአችንንም የምንጀምረው በቢስሚላህ ነው።

መዳፎቻችንን እናጥባለን፤

ከዚያም መጉመጥመጥና ወደ አፍንጫ ውስጥ ውሃ መሰርነቅ (በአፍንጫ ወደ ውስጥ መሳብ)፤

መጉመጥመጥ ማለት ውኃውን አፍ ውስጥ አድርጎ በውስጡ ማንቀሳቀስ ነው፤

መሰርነቅ ማለት ደግሞ ውሀውን በትንፋሽ ወደ አፍንጫ ውስጥ መሳብ ነው፤

ከዚያም ውሃውን ከአፍንጫ ማስወጣት፤

ፆመኛ እስካልሆነ ወይም ጉዳት ይደርስብኛል ብሎ እስካልፈራ ድረስ ሲጉመጠመጥና ሲሰረንቅ በደንብ መሳብ ይበረታታል፤

ፊትን በውሃ ማጠብ፤

የፊት ክልሉም:

የፊት ቁመት፡ ከተለመደው የጭንቅላት ፀጉር መብቀያ እስከ አገጭ ድረስ ሲሆን፤

በአግድም ደግሞ፡ ከጆሮ እስከ ጆሮ ነው።

ቅንድብን የመሰለ ፊት ላይ የሚገኝን ፀጉር ሁሉ አብሮ ማጠብ ግዴታ ነው።

ፂምን በተመለከተ ስስ ከሆነ ከስሩ ያለውን ቆዳ ማጠብ ግዴታ ሲሆን፤

ጥቅጥቅ ያለ ከሆነ ደግሞ ጎልቶ የሚታየውን ክፍል ያጥባል።

ጥቅጥቅ ያለን ፂም በውሃ መፈልፈል ብቻ ሱና ነው።

ከዚያም ፊታችንን ከታጠብን በኋላ ሁለት እጆቻችንን የምናጥብ ሲሆን የምንጀምረውም በቀኝ እጃችን ነው።

ሁለት እጆችን ከጣቶች ጫፍ እስከ ክርኖች ድረስ ክርኖችንም ጨምሮ ማጠብ፤

ከዚያም ጭንቅላትን ማበስ፤

ሁለት እጆቻችንን በአዲስ ውኃ እናረጥባለን፤

ከዚያም በእነዚያ በረጠቡ እጆቻችን ከግንባራችን ጀምረን እሰከማጅራታችን ድረስ እንዳብሳለን፤

ከዚያም ወደጀመርንበት ስፍራ እንመልሳቸዋለን፤

ከዚያም ራሳችንን ካበስን በኃላ በተቀረው ውሀ ሁለት ጆሮዎቻችንን እናብስበታለን፤

ይህንንም የምናከናውነው አንድ ጊዜ ነው።

ሁለት ጆሮዎችን የማበስ አፈፃፀሙም:-

ጠቋሚ ጣትን በጆሮ ቀዳዳ ውስጥ በማስገባት የውስጡን ክፍል ማበስ፤ በአውራ ጣት ደግሞ የጆሮን የላይኛውን ክፍል ማበስ ነው።

በዚህም የሁለቱን ጆሮዎቻችንን ዉጫዊ እና ዉስጣዊ አካል አበስን ማለት ነው።

ከዚያም ሁለት እግሮችን ወደ ማጠብ እንሸጋገራለን።

መታጠቡ ግዴታ የሆነው የእግራችን ክፍል፦

ከእግር ጣቶች ጫፍ እስከ ቁርጭምጭሚት ድረስ ነው።

ከቀኝ እግር ጀምረን በየጣቶቻችን መካከል እየፈለፈልን ተረከዞቻችንንም ትኩረት ሰጥተን እናጥባለን።

ከዚያም ልክ የቀኝ እግራችንን እንዳጠብነው አድርገን የግራ እግራችንንም በሚገባ እናጥበዋለን።

አንዱን አካል በሌላው አካል ላይም ሳናስቀድም የውዱእ አካላትን ቅደም ተከተል መጠበቅ ግዴታ ነው።

ከአንዱ አካል ወደ ተከታዩ አካል ስንሸጋገር ሳንዘገይ አከታትሎ ማድረጉም እንዲሁ ግዴታ ነው።

ሁሉንም የዉዱእ አካላት አንድ ጊዜ ማጠብ በቂ ነው። ፊትን፣ መጉመጥመጥንና በአፍንጫ ውሃ ማስገባትን፣ እንዲሁም ሁለት እጆችንና እግሮችን ማጠብን ሁለት ጊዜና ሶስት ጊዜ መድገም ደሞ ይወደዳል። በላጭም ነው።

ውዱእ ካጠናቀቁ በኋላ እንዲህ ማለቱ ይወደዳል፦

"አሽሀዱ አን ላኢላሃ ኢለሏህ ወሕደሁ ላ ሸሪከ ለሁ ወአሽሀዱ አነ ሙሐመደን ዐብዱሁ ወረሱሉህ" ትርጉሙም: ከአላህ በስተቀር በእውነት የሚገዙት አምላክ እንደሌለና ተጋሪ የሌለው ብቸኛ መሆኑን እመስክራለሁ፤ ሙሀመድም የአላህ መልዕክተኛው እና ባሪያው መሆናቸውንም እመስከራለሁ ማለት ነው።

አሽሀዱ አን ላ ኢላሀ ኢልለሏሁ ወሕደሁ ላ ሸሪከ ለሁ፣ ወአሽሀዱ አንነ ሙሐምመደን ዐብዱሁ ወረሱሉሁ

የሚከተለውንም ብንጨምር የተሻለ ነው፦

"አልላሁምመ ኢጅዓልኒ ሚነ አትተዋቢነ ወጅዐልኒ ሚነል ሙተጠሂሪን።" ትርጉሙም፦ "አላህ ሆይ! ከኃጢአት በንሰሀ ተመላሽ ከሆኑት ሰዎች ጎራ አድርገኝ፤ ከተጥራሪዎች (ራሳቸውን በብዛት ከሚያጸዱ) ሰዎች ጭፍራም አድርገኝ።"

አላሁምመ ኢጅዐልኒ ሚነ አትተውዋቢን፣ ወጅዐልኒ ሚነል ሙተጠህሂሪን።

ኮዱን ያስሱ!

በመስጂደል ሐረም እና በመስጂድ አን-ነበዊይ የሃይማኖት ጉዳዮች ርዕሰ መስተዳድር

የመካና መዲና መልእክት

የመስጂደል ሐራምና የመስጂደ ነበዊ ጎብኚዎችን በተለያዩ ቋንቋዎች የሚመራ ሸሪዓዊ ይዘት