صفة الوضوء (شرح عملي ومختصر)

વુઝૂની રીત (પ્રાયોગિક અને સંક્ષિપ્ત સમજૂતી)

વુઝૂનો તરીકો (સરળ વિડ્યો કલીપ)

તબક્કાવાર વુઝૂ કેવી રીતે કરવું તે સમજાવતો પ્રેક્ટિકલ ઉદાહરણ, જે ખૂબ જ મહત્વપૂર્ણ છે; કારણ કે નમાઝ સાચી હોવા માટે વુઝૂ શરત છે.

વિડિયો જુવો અને વુઝૂનો સાચો તરીકો જાણો.

વુઝૂનો તરીકો

વુઝૂ વગર નમાઝ સ્વીકારવામાં આવતી નથી.

શરું કરું છું અલ્લાહના નામથી

બિસ્મિલ્લાહ

વુઝૂ કરતા પહેલા બિસ્મિલ્લાહ પઢવું જોઈએ, આવો આપણે વુઝૂ શરૂ કરીએ.

આપણે બન્ને કાંડા ધોઈએ.

ફરી મઝ્મઝહ (મોંના કોગળા કરવા) અને ઇસ્તિન્શાક (નાક સાફ કરવું) કરીએ

મઝ્મઝહ (કોગળા કરવા) તે મોઢામાં પાણી નાખવું અને તે પાણીને અંદર ફેરવવું.

અને ઇસ્તિન્શાક તે એક શ્વાસમાં પાણીને નાકમાં ચઢાવવું

ફરી નાક ખંખેરી બહાર કાઢવું.

મઝ્મઝહ (મોંના કોગળા કરવા) અને ઇસ્તિન્શાક (નાક સાફ કરવા) માં વધારો કરવો યોગ્ય છે, સિવાય કે તે રોઝાની સ્થિતિમાં હોય અથવા નુકસાનનો ભય હોય.

પાણી દ્વારા ચહેરો ધોવો.

ચહેરાની સીમા

લંબાઈમાં: માથાના વાળની મૂળથી, હડપચી સુધી

અને પહોળાઈમાં :એક કાનથી બીજા કાન સુધી.

ચહેરો ધોવાની સાથે તેના સંપૂર્ણ વાળ ધોવા જરૂરી છે, જેમકે ભમરના વાળ.

જો દાઢી હલકી હોય તો તેની નીચેની ચામડી ધોવી જરૂરી છે.

અને જો દાઢીના વાળ વધારે હોય તો તેના ઉપરના ભાગને ધોવામાં આવે.

અને તેનો ખિલાલ ફક્ત પાણી વડે કરવો સુન્નત છે.

પછી ચહેરો ધોયા પછી, આપણે બંને હાથ ધોઈશું, અને જમણા હાથથી શરૂઆત કરીશું.

બંને હાથ આંગળીઓ થી લઇ કોળી સુધી ધોવા, કોળી પણ સાથે ધોવાની.

પછી માથાનો મસોહ કરવો

નવા પાણીથી હાથ ભીના કરો.

ફરી આપણે ભીના હાથને માથાના આગળના ભાગે મૂકી અને તેને માથાના પાછળના ભાગ સુધી લઇ જઈશું.

ફરી બંને હાથને તે જ જગ્યાએ પાછા લાવીશું જ્યાંથી શરૂઆત કરી હતી.

ફરી જે પાણી વધે તેના વડે આપણે બંને કાનનો મસોહ કરીશું

આપણે આવું એક વખત કરીએ છીએ

અને કાન પર મસોહ કરવાનો તરીકો

કાનમાં પહેલી આંગળી નાખવી અને તેનો મસોહ કરવો, અને અંગુઠા વડે કાનના બહારના ભાગનો મસોહ કરવો.

આવી રીતે આપણે કાનના અંદર અને બહાર બંને ભાગનો મસોહ કરીશું

ફરી આપણે બંને પગ ધોવા તરફ ફરીશું

બંને પગ ધોવાની સીમા:

આંગળીઓ થી ઘૂંટી સુધી

આપણે જમણા પગ થી શરૂઆત કરીશું, અને પગની આંગળીઓ વચ્ચે હાથ ફેરવીશું, અને એડી પણ ધોઈશું.

ફરી આપણે ડાબો પગ ધોઈશું, જેવી રીતે આપણે જમણો પગ ધોયો.

વુઝૂના અંગોને તરતીબ સાથે ધોવા જરૂરી છે, એક અંગને બીજા અંગ પહેલા નહીં.

અને અંગોને સળંગ ધોવા પણ અનિવાર્ય છે, જેથી એક અંગ પછી બીજા અંગને ધોવામાં લાંબો સમય વિલંબ ન થાય.

વુઝૂના દરેક અંગોને એક વખત ધોવું પૂરતું છે, અને ચહેરો, કોગળા કરવા, નાકમાં પાણી ચઢાવવું, બંને હાથ અને બંને પગને બે બે વખત અને ત્રણ ત્રણ વખત ધોવું યોગ્ય છે, અને તે વધારે ઉત્તમ છે.

વુઝૂ કર્યા પછી આ દુઆ પઢવી મુસ્તહબ છે:

અશહદુ અલ્લા ઇલાહ ઇલ્લલ્લાહુ વહદહુ લા શરિક લહુ, વ અશહદુ અન્ન મુહમ્મદન્ અબ્દહુ વ રસૂલુહ. અર્થ: હું ગવાહી આપું છું કે અલ્લાહ સિવાય કોઈ ઈબાદતને લાયક નથી, તે એકલો છે, તેનો કોઈ ભાગીદાર નથી, અને એ પણ સાક્ષી આપું છું કે મુહમ્મદ સલ્લલ્લાહુ અલૈહિ વસલ્લમ અલ્લાહના બંદા અને તેના પયગંબર છે.

અશહદુ અલ્લા ઇલાહ ઇલ્લલ્લાહ વહદહુ લા શરીક લહુ, વ અશહદુ અન્ન મુહમ્મદન અબ્દુહુ વ રસૂલુહુ.

અને આ વધારો કરવો પણ વધુ સારું છે:

અલ્લાહુમ્મજ્ અલ્ની મિનત્ તવ્વાબીન વજ્ અલ્ની મિનલ્ મુતતહ્હિરીન્ અર્થ: હે અલ્લાહ! મને ખૂબ જ તૌબા કરનાર લોકો માંથી કરી દે અને મને પાક રહેવાવાળાઓ માંથી બનાવી દે.

અલ્લાહુમ્મજ્ અલ્ની મિનત્ તવ્વાબીન વજ્ અલ્ની મિનલ્ મુતતહ્હિરીન્

કોડ સ્કેન કરો

મસ્જિદે હરમ અને મસ્જિદે નબવીમાં દીનની બાબતોની પ્રમુખ સંસ્થા

હરમૈનનો સંદેશ

મસ્જિદે હરામ અને મસ્જિદે નબવીના મુલાકાતીઓ માટે વિવિધ ભાષાઓમાં શરઈ માર્ગદર્શક સામગ્રી