صفة الوضوء (شرح عملي ومختصر)

د اودس طریقه (عملي او لنډه تشریح)

د اودس طریقه (آسان ویډیويي کلیپ)

دا یو اپلیکیشن دی چې ګام په ګام د اودس طریقه تشریح کوي، او ځکه اړین دی چې اودس د لمانځه د صحت لپاره شرط دی.

ویډیو وګورئ او د اودس سمه طریقه زده کړئ.

د اودس طریقه

له طهارت (اودس) پرته لمونځ نه قبلیږي.

بسم الله

بسم الله

د اوداسه په پيل کې بسم الله ویل مشروع دي، نو اودس پرې پیلوو.

لاسونه مینځو

بیا مضمضه او استنشاق کوو

مضمضه په خوله کې اوبو په اچولو او دننه یې اړولو او راړولو سره کیږي.

او استنشاق پوزې ته د سا په کشولو سره اوبه رسول دي.

بيا یې په استنثار (سوڼ کولو) سره راویستل دي

خولې او پوزې ته په اوبو اچولو کې مبالغه مستحب ده، مګر دا چې روژه دار وي او يا د ضرر وېره ولري.

په اوبو سره مخ وینځل

د مخ اندازه

په اوږدوالي: د سر د ویښتانو د شنه کیدو له ځای څخه، د زنې تر لاندينۍ برخې پورې.

او په پلنوالي: له يوه غوږ نه تر بل پورې.

د مخ وینځل ټولو هغو برخو ته شاملیږي چې وېښتان پرې دي لکه وریځې.

خو که ږیره رنګړۍ وي، نو ترې لاندې د پوستکي وینځل واجب دي.

او که ګڼه وي، نو ظاهر يې وينځل کيږي.

او يواځې په اوبو سره يې خلالول سنت دي.

بیا د مخ له وینځلو وروسته، د لاسونو وینځل دي چې پیل به په ښي لاس سره کوو.

د ګوتو له څوکو څخه تر څنګلو پورې د دواړو لاسونو وینځل، د دواړو څنګلو له وینځلو سره.

بیا سر مسح کول

دواړه لاسونه په تازه اوبو لوندوو.

بیا هماغه لانده لاسونه د سر مخامخ برخې د ویښتانو د شنه کیدو پر ځای ږدو او بیا یې تر څټ پورې راکاږو

بیا يې بېرته هغه ځای ته راګرځوو چې پيل مو ترې کړی دی.

بیا له مسحې څخه په پاتې اوبو سره غوږونه مسح کوو

دا کار یو ځل کوو

د غوږونو د مسح کولو طریقه

د شهادت ګوتې د غوږونو په دواړو سوریو کې ننباسو او مسح کوو یې او په غټو ګوتو سره د غوږونو شاګانې مسح کوو

په دې توګه مو دواړه غوږونه له ظاهره او باطنه مسح کړل.

بیا د پښو وینځلو ته انتقالیږو

د پښو د وینځلو واجب اندازه:

د پښو د ګوتو له څوکو تر ښنګرو پورې.

په ښۍ پښه پیل کوو، د پښو ګوتې خلالوو او د دواړو پوندو وینځلو ته پاملرنه کوو.

بیا کیڼه پښه داسې وینځو لکه څرنګه مو چې ښۍ پښه وینځلې وه.

د اودس په غړو کې ترتیب واجب دی، په دې معنا چې یو غړی د بل غړي څخه مخکې نکړو.

او همدارنګه د هغو تر منځ همغږي هم واجب ده، په دې معنا چې له یوه غړي څخه بل غړي ته په انتقال کې اوږد ځنډ ونه کړو.

د اودس د ټولو غړو یو ځل وینځل بسنه کوي او د مخ، خولې او پوزې (مضمضې او استنشاق)، لاسونو او پښو دوه ځلې او درې ځلې وینځل سنت دي، او دا غوره ده.

له اودس نه وروسته مستحب دي چې وويل شي:

أشْهَدُ أنْ لا إلهَ إِلَّا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عَبْدُهُ وَرَسُولُهُ ژباړه: زه شاهدي ورکوم چې له الله پرته بل معبود نشته، هغه یو دی، او شریک نه لري، او شاهدي ورکوم چې محمد د هغه بنده او رسول دی.

أشْهَدُ أنْ لا إلهَ إِلَّا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عَبْدُهُ وَرَسُولُهُ

او ښه داده چی ورزیات کړو:

اللَّهُمَّ اجعلنِي مِنَ التَوَّابِينَ، واجعلني مِنَ المُتَطهِّرِينَ. ژباړه: اې الله ما له توبه کوونکو او پاکو کسانو څخه وګرځوه.

اَللّٰهُمَّ اجْعَلْنِي مِنَ التَّوَّابِينَ، وَاجْعَلْنِي مِنَ الْمُتَطَهِّرِينَ.

کوډ سکین کړه.

د مسجد الحرام او مسجد النبوي د ديني چارو ریاست

د حرمینو پيغام

د مسجد الحرام او نبوي مسجد د زیارت کوونکو لپاره په بېلابېلو ژبو شرعي لارښود منځپانګه