صفة الوضوء (شرح عملي ومختصر)

ఉదూ చేసే విధానము (ఆచరణాత్మకంగా వివరించే సంక్షిప్త వీడియో)

ఉదూ చేసే సరైన విధానము ఈ వీడియోలో చక్కగా వివరించబడినది.

ఇది వుదూ చేసే విధానాన్ని అడుగడుగునా వివరించే ఒక చక్కటి వీడియో. ఈ వీడియో ఎంతో ముఖ్యమైనది. ఎందుకంటే నమాజు స్వీకరించబటానికి 'వుదూ' ఒక అత్యంత కీలకమైన ప్రాథమిక షరతు!

ఈ వీడియో పూర్తిగా చూసి, సరైన పద్ధతిలో ఉదూ చేయడం నేర్చుకోండి.

ఉదూ చేసే విధానము

శుద్ధి లేకుండా, ఏ నమాజూ స్వీకరించబడదు.

బిస్మిల్లాహ్

అల్లాహ్ నామముతో

వుదూ ప్రారంభంలో 'బిస్మిల్లాహ్' అని పలకడం... ఉత్తమం! కాబట్టి బిస్మిల్లాహ్ అని పలుకుతూ వుదూ ప్రారంభించాలి.

ముందుగా ... మన రెండు చేతులను మణికట్టు వరకు... శుభ్రముగా కడగాలి.

ఆ తరువాత మద్మదహ్ మరియు ఇస్తిన్'షాఖ్ చేయాలి.

'మద్మదహ్'... అంటే నోట్లో నీరు పట్టి, లోపల బాగా త్రిప్పి, పుక్కిలించి... నోటి లోపలి భాగాన్ని బాగా శుభ్రము చేసుకోవడం.

అలాగే 'ఇస్తిన్షాఖ్'... అంటే ముక్కులో నీరు ఎక్కించి, ముక్కు లోపలి భాగాన్ని శుభ్రం చేసుకోవడం.

ఆ తరువాత... 'ఇస్తిన్ సార్'! చేయాలి అంటే ముక్కులో పీల్చిన ఆ నీటిని... నెమ్మదిగా బయటికి 'చీదాలి'.

అయితే ఒక ముఖ్య విషయం... ముక్కు మరియు నోటి లోపలి భాగాలను శుభ్రం చేసేటప్పుడు, నీటిని కాస్త లోపలికి పీల్చి... బాగా శుభ్రం చేసుకోవడం ఉత్తమం! కానీ గుర్తుంచుకోండి... ఒకవేళ మీరు ఉపవాసము ఉంటే మాత్రం, ఇలా మరీ లోపలికి నీరు పంపకూడదు. అలాగే... దీని వల్ల ఏదైనా అనారోగ్యం కలుగుతుందని భావిస్తే, తగిన జాగ్రత్త వహించడం మంచిది!

ఆ తరువాత... నీటితో ముఖాన్ని శుభ్రముగా కడగాలి.

ముఖం యొక్క హద్దులు

నిలువు హద్దులు … నుదుటి పై భాగంలో సాధారణంగా తలవెంట్రుకలు మొలిచే చోటు నుండి మొదలు పెట్టి… కింద గడ్డం వరకు… ముఖాన్ని పూర్తిగా కడగాలి.

ఇక అడ్డంగా చూస్తే... ఒక చెవి నుండి మరొక చెవి వరకు ముఖాన్ని శుభ్రముగా కడగాలి

అయితే గమనించండి... ముఖం కడగడమంటే కేవలం చర్మాన్ని కడగడం మాత్రమే కాదు! ముఖంపై ఉన్న ప్రతి వెంట్రుకను కూడా నీటితో తడపాలి. ముఖ్యంగా... కనుబొమ్మల వంటివి పూర్తిగా తడిసేలా శుభ్రముగా కడగడం తప్పనిసరి విధి.

ఇక గడ్డం విషయానికి వస్తే... ఒకవేళ గడ్డం పల్చగా ఉండి, లోపల ఉన్న చర్మం బయటికి కనిపిస్తూ ఉన్నట్లయితే... కేవలం గడ్డం పై వెంట్రుకలు తడపడంతో సరిపోదు. నీరు ఆ వెంట్రుకల లోపలికి వెళ్లి, చర్మాన్ని కూడా తాకేలా తప్పనిసరిగా శుభ్రముగా కడగాలి!

కానీ... ఒకవేళ గడ్డం దట్టంగా ఉండి, లోపల ఉన్న చర్మం బయటికి కనిపించకుండా ఉంటే... అప్పుడు కేవలం గడ్డం పై భాగాన్ని నీటితో తడిపితే సరిపోతుంది. లోపల ఉన్న చర్మాన్ని తడపడం తప్పనిసరి కాదు.

అయితే... ఇక్కడ 'తఖ్లీల్' చేయడం అంటే... ఆ దట్టమైన గడ్డం వెంట్రుకల మధ్యలోకి వేళ్లతో నీటిని పంపి శుభ్రం చేయడం! ఇలా చేయడం 'సున్నత్'. అంటే... కేవలం తడి వేళ్ళతో, గడ్డం లోపలి వరకు తడుపుతూ శుభ్రం చేసుకోవడం ఉత్తమమైన పద్ధతి.

ముఖం కడిగిన తర్వాత... రెండు చేతులు కడగాలి. అయితే, మొదట కుడి చేతితో ప్రారంభించడం ఉత్తమం.

ఇక చేతులు కడిగేటప్పుడు... వేలి కొనల నుండి మొదలుకొని మోచేతుల వరకు పూర్తిగా కడగాలి. గుర్తుంచుకోండి... కేవలం మోచేతుల వరకు మాత్రమే కాదు, ఆ మోచేతులను కూడా కలుపుకుంటూ ఏ మాత్రం పొడి లేకుండా శుభ్రముగా కడగడం తప్పనిసరి విధి!

ఆ తరువాత... తల మీద మసహ్ చేయాలి. అంటే... తడిగా ఉన్న అరచేతులతో తల పై భాగాన్ని తుడవడం.

తల మీద మసహ్ చేసే ముందు, రెండు అరచేతులను మరలా నీటిలో తడుపుకోవాలి.

ఆ తరువాత... తడిసిన ఆ రెండు అరచేతులను తల ముందు భాగంపై అంటే నుదుటి పై భాగం పై ఉంచి, అక్కడి నుండి మెడపై భాగం వరకు నిదానంగా వెనక్కు తీసుకువెళ్లాలి.

ఆ తరువాత... తల వెనుక వరకు తీసుకువెళ్ళిన ఆ రెండు అరచేతులను, తిరిగి తల ముందు భాగం వరకు తలవెంట్రుకలను తుడుస్తూ ముందుకు తీసుకురావాలి.

ఇక ఇప్పుడు... తలపై మసహ్ చేయడానికి వాడిన ఆ నీటి తడితోనే చెవులను కూడా శుభ్రముగా తుడుచుకోవాలి.

ఈ మసహ్ ప్రక్రియను కేవలం ఒక్కసారి మాత్రమే చేయాలి.

రెండు చెవులను శుభ్రము చేసే పద్ధతి.

తడిగా ఉన్న చూపుడు వేళ్లను చెవుల రంధ్రాలలో ఉంచి లోపలి భాగాన్ని శుభ్రం చేయాలి, అలాగే బొటనవేళ్లతో చెవుల వెనుక భాగాన్ని శుభ్రం చేయాలి.

ఈ విధంగా మనం చెవుల లోపలి భాగాన్ని మరియు వెలుపలి భాగాన్ని రెండింటినీ మసహ్ ద్వారా పూర్తిగా శుభ్రము చేసుకోవాలి.

ఇక ఇప్పుడు... వుదూలో చివరి ఘట్టానికి చేరుకున్నాం. అదే... రెండు పాదాలను శుభ్రముగా కడగడం!

పాదాలను ఎక్కడి వరకు కడగాలి? దానికి హద్దులు ఏమిటి? అనేది ఇప్పుడు తెలుసుకుందాం.

పాదాలను కడిగేటప్పుడు... కాలి వేళ్ల కొనల నుండి మొదలుకొని, చీలమండలము వరకు, పూర్తిగా తడిచేలా అంటే ఏ మాత్రం పొడి లేకుండా పూర్తిగా కడగాలి.

మొదట కుడి పాదంతో ప్రారంభించాలి. కాలి వేళ్ల మధ్య కూడా నీరు వెళ్లేలా చేతివేళ్ళు జొప్పించి, బాగా శుభ్రం చేయాలి. ముఖ్యంగా... ఆ కాలి వెనుక ఉండే మడమలు కూడా తడిసేలా ఎంతో జాగ్రత్తగా పాదం మొత్తం కడగాలి

కుడి పాదాన్ని కడిగిన తర్వాత... అదే విధంగా ఎడమ పాదాన్ని కూడా శుభ్రముగా కడగాలి.

వుదూలో అంగాలను ఒక క్రమ పద్ధతిలో కడగడం అనేది తప్పనిసరి. వరుస క్రమంలో కడగ వలసిన ఒక అంగం విడిచి, మరొక అంగాన్ని కడగకూడదు. ఆ వరుస క్రమాన్ని ఏ మాత్రం మార్చినా... మీ వుదూ పరిపూర్ణం కాదు.

అంగాలను కడిగేటప్పుడు ఒకదాని వెంట ఒకటి విరామం లేకుండా నిరంతరం కడగడం కూడా తప్పనిసరి విధి. ఒక అంగం తడి ఆరిపోయేంత వరకు ఆగకుండా, తర్వాతి అంగాన్ని వెంటనే కడగాలి.

వుదూలోని అన్ని అంగాలను ఒక్కసారి కడిగినా అది సరిపోతుంది. కానీ... ముఖం, చేతులు మరియు పాదాలను రెండు లేదా మూడు సార్లు కడగడం ప్రవక్త సల్లల్లాహు అలైహి వసల్లం యొక్క సున్నత్. కాబట్టి అలా కడగడమే ఉత్తమమైన పద్ధతి!

వుదూ చేయడం పూర్తయిన తర్వాత... ఇలా పఠించడం ఉత్తమం.

అష్హదు అల్లా ఇలాహ ఇల్లల్లాహు వహదహూ లా షరీక లహూ వ అష్హదు అన్న ముహమ్మదన్ అబ్దుహూ వరసూలుహూ.

అల్లాహ్ తప్ప వేరే ఆరాధ్యుడు ఎవ్వడూ లేడని, ఆయన ఒకే ఒక్కడు అని మరియు ఆయనకు ఎవ్వరూ భాగస్వాములు లేరని నేను సాక్ష్యమిస్తున్నాను. ఇంకా ముహమ్మద్ సల్లల్లాహు అలైహి వసల్లం, అల్లాహ్ యొక్క దాసుడు మరియు ఆయన ప్రవక్త అని నేను సాక్ష్యమిస్తున్నాను.

ఇంకా ఈ దుఆ కూడా చేయడం ఉత్తమం.

అల్లాహుమ్మజ్ అల్నీ మినత్తవ్వాబీన వజ్అల్నీ మినల్ ముతతహ్హిరీన్ .

ఓ అల్లాహ్! నన్ను పశ్చాత్తాపపడేవారిలో (మాటిమాటికీ పశ్చాత్తాపపడే వారిలో) మరియు పూర్తిగా శుద్ధి చేసుకున్న వారిలో చేర్చు.

దీనిని స్కాన్ చేయండి

మస్జిద్ అల్ హరామ్ (మక్కా) మరియు మస్జిద్ అన్నబవీ (మదీనా) లలోని ధార్మిక వ్యవహారాల ప్రధాన కార్యాలయం

అల్ హరమైన్ సందేశము

పవిత్ర మస్జిద్ అల్ హరామ్ (మక్కా) మరియు మస్జిద్ అన్నబీ (మదీనా) లను సందర్శించేవారి కొరకు వివిధ భాషలలో షరీయత్ ఆధారిత మార్గదర్శక విషయాలు