صفة الوضوء (شرح عملي ومختصر)

Таҳорат олиш шакли (Амалий ва мухтасар изоҳ)

Таҳорат олиш шакли (соддалаштирилган видео-лавҳа)

Таҳорат олишни босқичма-босқич кўрсатувчи амалий қўлланма. Бу жуда муҳим, зеро таҳорат намознинг тўғри бўлишининг шартидир.

Видеолавҳани томоша қилиб, таҳорат олишнинг тўғри шаклини ўрганинг.

Таҳоратнинг сифати

Таҳоратсиз намоз қабул бўлмайди.

Бисмиллоҳ

Бисмиллоҳ

Таҳоратнинг бошида «бисмиллоҳ», деб айтиб, шу билан таҳоратимизни бошлаймиз.

Аввало икки кафтни ювамиз.

Сўнг оғиз ва бурунни чайқаймиз.

Оғизни чайқаш – оғизга сув олиб, оғиз ичини чайишдир.

Бурунни чайқаш - бурунга сув тортиш.

Сўнгра истинсор билан чиқариш.

Рўзадор бўлмаса ёки зарар етишидан қўрқмаса, оғиз чайқаш ва бурунга сув тортишда муболаға қилиш мустаҳабдир.

Юзни ювиш.

Юзнинг чегараси

Бўйига: одатда соч чиқадиган жойдан ияккача.

Кенглиги эса: бир қулоқдан иккинчи қулоққача.

Юзни ювишда қошлар каби ундаги барча тукларни ҳам ювиш лозим.

Соқол юпқа бўлса, унинг остидаги тери ҳам ювилиши лозим.

Аммо, агар қалин бўлса, усти ювилади.

Қалин соқолни сув билан тахлил қилиш суннат.

Юзни ювгач, икки қўлга ўтиб, уларни ювишни ўнг қўлдан бошлаймиз.

Икки қўлни бармоқлар учидан икки тирсаккача ювамиз. Икки тирсакни ҳам қўшиб ювамиз.

Сўнгра бошга масҳ тортамиз.

Икки қўлни янги сув билан намлаймиз.

Сўнгра икки намланган қўлларимизни бошнинг олди қисмига қўйиб орқага қараб юргизамиз.

Сўнгра уларни бошлаган жойимизга қайтариб олиб келамиз.

Бошга масҳ тортгандан қолган сув билан икки қулоққа масҳ тортамиз.

Шу тарзда бир марта қилинади.

Қулоққа масҳ тортишнинг сифати:

икки кўрсаткич бармоқларни қулоқ ичига киргизиб бош бармоқ билан қулоқ орқасига масҳ тортиш.

Шу билан қулоқнинг ички ва ташқи қисмига масҳ тортган бўламиз.

Сўнгра оёқларни ювишга ўтамиз.

Ювилиши фарз бўлган икки оёқнинг чегараси:

Оёқ бармоқлари учидан то тўпиқларгача.

Аввало ўнг оёқни ювиш билан бошлаб, бармоқлар орасига сув киргизамиз. Пошнани ювишга алоҳида эътибор берамиз.

Сўнгра ўнг оёқни ювгандай чап оёқни ҳам ювамиз.

Таҳоратда аъзолар орасидаги тартиб вожиб. Яъни, бирор аъзони бошқасидан олдин ювмаслик лозим.

Уларни узлуксиз ювиш ҳам вожибдир, яъни бир аъзодан кейинги аъзога ўтишда узоқ вақт кечиктирмаслик лозим.

Таҳоратда ювилиши лозим бўлган барча аъзоларни бир марта ювиш кифоя қилади. Юз, оғиз ва бурунни чайқаш, икки қўл ва икки оёқни икки марта, уч марта ювиш эса суннатдир. Бу афзалроқ.

Таҳоратдан кейин шундай дейиш мустаҳаб:

«Ашҳаду аллаа илааҳа иллаллоҳу ваҳдаҳу лаа шарийка лаҳ ва ашҳаду анна Муҳаммадан ъабдуҳу ва росулуҳ». Маъноси: «Аллоҳдан ўзга ибодатга сазовор Зот йўқ. Унинг шериги йўқлигига ҳамда Муҳаммад алайҳиссалом Унинг қули ва элчиси эканига гувоҳлик бераман».

«Ашҳаду аллаа илааҳа иллаллоҳу ваҳдаҳу лаа шарийка лаҳ ва ашҳаду анна Муҳаммадан ъабдуҳу ва росулуҳу». Маъноси: «Аллоҳдан ўзга ибодатга сазовор Зот йўқ. Унинг шериги йўқлигига ҳамда Муҳаммад алайҳиссалом Унинг қули ва элчиси эканига гувоҳлик бераман».

Яна қўшима қилиб айтамизки:

«Аллоҳуммажъалний минат-тавваабийн важъалний минал мутатоҳҳирийн». Маъноси: «Эй Аллоҳ, мени кўп тавба қилувчи ва покланувчилардан қилгин».

«Аллоҳуммажъалний минат-тавваабийн важъалний минал мутатоҳҳирийн». Маъноси: «Эй Аллоҳ, мени кўп тавба қилувчи ва покланувчилардан қилгин».

Кодни сканер қилинг

Масжидул Ҳаром ва Масжиди Набавийдаги диний ишлар бошқармаси

Ҳарамайн рисоласи

Масжидул Ҳаром ва Масжиди Набавий зиёратчилари учун турли тиллардаги шаръий йўриқномалар