صفة الوضوء (شرح عملي ومختصر)

ኣገባብ ውዱእ (ተግባራዉን ሓጺርን መግለጺ)

ናይ ውዱእ ኣገባብ (ዝተቓለለ ቪድዮ)

ውዱእ ብኸመይ ከምዝግበር ቀስ ብቀስ ዘርኢ ተግባራዊ ኣፈጻጽማ፣ንትኽክለኛ ሰላት ውዱእ ቅድመ-ኩነት ስለዝኾነ ድማ ኣዝዩ ኣገዳሲ ኢዩ።

ነዚ መቕረጽ ተዓዚብካ፡ ትኽክለኛ ኣገባብ ውዱእ ተመሃር።

ኣገባብ ውዱእ

ሰላት ብዘይ ጠሃራ ቕቡል ኣይከዉንን እያ።

ብስም ኣ'ላህ

ቢስሚ'ላህ

ተስሚያ ኣብ መጀመርታ ውዱእ ምግባር ፍቑድ ኢዩ፡ በኣኣ ኸኣ ውዱእና ንጅምር።

ኣእዳውና ንሓጽብ

ብድሕሪኡ መድመዳን ኢስቲንሻቕን ንገብር

መድመዳ፡ ማይ ኣብ ኣፍ ምእታዉን ኣብ ውሽጡ ምጉጽጓጽን

ኢስትንሻቕ ከኣ:_ ብትንፋስ ናብ ኣፍንጫ ማይ ምስሓብ

ብድሕሪኡ ብምንጻር ምውጻእ

ጸዋማይ ወይ ጉድኣት ከየወርዶ ዘስገኦ እንተዘይኮይኑ፡ ኣብ መድመዳን ኢስቲንሻቕን ከጋንን ዝተፈተወ ኢዩ።

ገጽ ብማይ ምሕጻብ።

ስፍሓት ገጽ ድማ

ንቑመት፡ ካብ ልሙድ መብቆሊ ጸጉሪ ርእሲ፡ ክሳብ መንከስ

ንጎ ድማ፡ ካብ እዝኒ ክሳብ እዝኒ።

ምስ ገጽ ምሕጻብ፡ ኣብኡ ዘሎ ኩሉ ጸጉሪ ከም ጸጉሪ ቅንድል ምሕጻብ ግድን ኢዩ።

ጭሕሚ ዉሑድ እንተኾይኑ ግን ኣብ ትሕቲኡ ዘሎ ቆርበት ምሕጻብ ግዴታ ኢዩ።

ጽዑቕ እንተ ዀይኑ ግን እቲ ላዕለዋይ ክፋሉ ይሕጸብ

ብማይ ጥራሕ ምፍሕፋሕ ድማ ሱና ኢዩ።

ብድሕሪ ገጽ ምሕጻብ፡ ኣእዳዉ ምሕጻብ ይመጽእ፣ ብየማነይቲ ኢድ ድማ ንጅምር።

ክልተ ኣእዳዉ ካብ ጫፍ ኣጻብዕቲ ክሳብ ብርኪ ኢድ ሓዊስካ ምሕጻብ።

ብድሕሪኡ ርእሲ ምድራዝ

ክልተ ኣእዳዉ ብሓድሽ ማይ ነተርክሶ

ብድሕሪኡ ዝጠለለ ኣእዳዉና ኣብ ቅድሚት ርእሲ ብምቕማጥ ናብ ድሕሪት ርእሲ ንወስዶ

ድሕሪኡ ናብቲ ዝጀመርናሉ ቦታ ድማ ንመልሶ

ድሕሪኡ በቲ ርእስና ዝደረዝናሉ ዝተረፈ ማይ ነተን ክልተ ኣእዛንና ንደርዘን

ነዚ ሓደ ግዜ ንገብሮ

ኣገባብ ምድራዝ ኣእዛን

ኣመልካቲት ኣጻብዕቲ ኣብ ቀዳድ ክልተ ኣእዛን ኣእቲና ንደርዘን፡ ብዓባይ ዓባይቶ ድማ ነቲ ደጋዊ ክፋል ኣእዛን ንደርዞ።

በዚ ኸኣ ንክልተ ኣእዛንና ግዳመንን ዉሽጠንን ደሪዝናየን ንኸዉን

ድሕሪኡ ናብ ምሕጻብ ክልተ ኣእጋር ንሰግር

ናይ ክልተ ኣእጋር ግዴታ ዝኾነ ምሕጻብ፡ ስፍሓቱ እዚ ኢዩ፦

ካብ ጫፍ ኣጻብዕቲ እግሪ ክሳብ ዓንካር ዓንካሪት።

ብየማነይቲ እግሪ ንጅምር፡ ናይ ክልቲአን ኣእጋር ኣጻብዕቲ ንፍሕፍሕ፡ኩሪኹረ ድማ ተገዲስና ንሓጽቦ።

ብድሕሪኡ ጸጋማይ እግሪ ከምታ የማናይቲ ንሓጽብ።

ኣብ ናይ ውዱእ ኣካላት ቅድመ ተኸተል ምሕላዉ ግዴታ ኢዩ፤ ሓደ ኣካል ኣብ ልዕሊ ሓደ ኣካል ኣይነቕድምን።

ኣብ መንጎኦም ምክትታል ውን ግዴታ ኢዩ፣ እዚ ድማ ካብ ሓደ ኣካል ናብቲ ቀጻላይ ኣካል ንምስግጋር ነዊሕ ግዜ ዘይምድንጓይ ኢዩ።

ንኹሎም ናይ ውዱእ ኣካላት ሓደ ግዜ ምሕጻብ እኹል ኢዩ፤ ኣብ ምሕጻብ ገጽ: መድመዳ ምግባር: ኢስቲንሻቕ: ከምኡ'ውን ኣብ ምሕጻብ ኣእዳዉን ኣእጋርን ድማ፡ ክልተን ሰለስተን ግዜ ምድጋም ሱና ኮይኑ: እዚ ድማ ዝበለጸ ኢዩ።

ድሕሪ ውዱእ ምውዳእ እዚ ዝስዕብ ምባል ይፍቶ፡

ኣምልኾት ዝግበኦ ብዘይካ ኣ'ላህ ካልእ የለን፡ ንሱ በይኑ መሻርኽቲ ዘይብሉ ምዃኑ ይምስክር፡ ከምኡ'ውን ሙሓመድ ባርያን ልኡኽን ናይ ኣ'ላህ ምኻኑ እምስክር

ኣሽሃዱ ኣን ላ ኢላሀ ኢላ ኣላሁ ዋሕደሁ ላ ሸሪከ ለሁ፣ ወኣሽሃዱ ኣነ ሙሓመደን ዓብዱሁ ወረሱሉሁ

ተወሰኽካ'ውን ይፍቶ :

ኦ ኣላህ፣ ካብቶም ተነሳሕቲ ግበረኒ፣ ካብቶም ጹሩያት'ውን ግበረኒ።

ኣሏሁማ ኢጅዓልኒ ሚነትተ'ዋቢን, ወጅዓልኒ ሚነልሙተጠ'ሂሪን።

ኮድ ደምስስ

መሪሕነት ናይ ሃይማኖታዊ ጉዳያት ኣብ መስጂድ ኣል ሓራምን መስጂድ ኣን ነበዉን

መልእኽቲ ኣልሓረሜን

ብቋንቋታት ዝተዳለወ ሸሪዓዊ መምርሒ ንበጻሕቲ መስጂድ አል ሓራምን ስጂድ ኣን ነበዊን