صفة الوضوء (شرح عملي ومختصر)

لڢياٚب ماۛء إيا سمياڠ (ڨچڢايه عملي سبيء هوڠ سوڠكهيٚب)

لڢياٚب ماۛء إيا سمياڠ (فيديو ڨناء)

عائنوء ووات عملي ڨچڢايه لڢياٚب ماۛء إيا سمياڠ هڢڠ هسا٢، ڨهوت٢ مهم كيوا سبياء٢ إيا سمياڠ نن شرط أونتوق صح سمياڠ.

إياوء فيديو دان مڬو لڢياٚب ماۛء إيا سمياڠ كوڠ څاوء.

لڢياٚب ماۛء إيا سمياڠ

غاڠ دحو تدواٛل ماۛء سمياڠ أو هوڠ دحو هچيه سئآت أو نن.

سوڠ أڠن الله

بسم الله

غاڠ ڨشرع بايء بسم الله دأول ماۛء إيا سمياڠ، مك سبيء هوڠ پو دغاي چب ڨڎاۛم ماۛء إيا سمياڠ دغاي.

دغاي غاو دوا ڬه موڠ تاڠن

هداي مڠ نن كلوڠ ڨبه سبيء هوڠ غاۛت إيا ڨتماۛ دوڠ دان پوه ڨتبياء واۛء

المَضْمَضَةُ: مدا ياۛه پو چيٚء إيا ددالم چڢوي، دان كلوڠ پو

الِاستِنشَاقُ واۛء نن: مدا ياۛه پو غاۛت إيا ناو ڨاء لباڠ دوڠ

هداي مڠ نن ڨتبياء پو واۛء سبيء هوڠ ڨتبياء إيا مڠ دوڠ واۛء

دان غاڠ ڨسنة بغاي ڨلو ڨاء كلوڠ ڨبه دان غاۛت إيا ڨتماۛ دوڠ ملينكن پو كبوڠ ضوٓء عاۛء أتو پو حويء مضرة مين

غاو ڢوٓء هوڠ إيا.

دان كهنآت ڢوٓء نن

ڨتوي پو: مڠ تكاي ڢوء ڬه ڠوٓء، ڢياه تل كاڠ

دان ڨڬن پو: مڠ تپاۛ ناو تل تپاۛ.

واجب سبيء هوڠ غاو ڢوٓء نن غاو توڠبيه حڬيء كوڠ ضوٓء ڠوٓء پو مڠ بلاو ياوكا كچاۛم توڠدوا

ڨاء بلاو كاڠ واۛء نن يهلايء مدا ياۛه پو تكيء واجب غاو ڨچيه كليء كوڠ ضوٓء ڬهلا پو

دان يهلايء مدا ياۛه پو كڨال مك غاو ڬه لڠيو پو

دان سنة جلي پو هوڠ إيا ميٚن.

هداي مڠ غاو ڢوٓء، مدا ياۛه غاو دواڬه تاڠن، دان چب ڨڎاۛم هوڠ تاڠن ڬه نواٛء.

غاو دوا ڬه تاڠن مڠ جوڠ تاڠن ڢياه تل دوا كوء كياٚڠ، سبيء هوڠ غاو دوا كوء كياٚڠ.

هداي مڠ نن عواء قوٓء

دغاي ڨڨسه دوا ڬه تاڠن هوڠ إيا ڬايء

هداي مڠ نن دغاي چيٚء دوا ڬه تاڠن ڨسه توڠدوا نن چيٚء ڬه ناوء ڨاء قوٓء دان بآ پو توڠدوا ناو ڬه طوٓء ڨاء قوٓء

هداي مڠ نن دغاي ڨتلوٓب پو توڠدوا ناو ڨاء لبيء كوڠ دغاي چب ڨڎاۛم مڠ پو

هداي مڠ نن دغاي عواء ڨاء دوا حلا تپاۛ هوڠ حڬيء ضوٓء لبيٚه مڠ إيا كوڠ دغاي عواء هوڠ پو ڨاء قوٓء بلوٓه نن

دغاي ڠاء ياو نن هڢڠ ميٚن

دان لڢياٚب عواء ڨاء دواڬه حلا تپاۛ

دغاي ڨتماۛ چناو تاڠن تچاي دالم ڨلوٓه تپاۛ توڠدوا مك دغاي عواء توڠدوا پو، دان دغاي عواء چناو تاڠن ميء نن ڨيٚڠڬه لڠيو دواڬه تپاۛ

مك دغاي حو عواء ڨاء تپاۛ توڠدوا ڬه لڠيو دان ڬه دالم

هداي مڠ نن دغاي غاو دواڬه ليٚ

دان كحنات ڨاء دواڬه ليٚ كوڠ واجب غاو توڠدوا پو نن:

مڠ جوڠ ليٚ ڢياه تل دوا متا ليٚ.

دغاي چب ڨڎاۛم هوڠ ليٚ ڬه نواٛء، دان جلي ڨلوٓه هدوم٢ چناو ليٚ، دان سبيء هوڠ غاو دوا كڎول ليٚ.

هداي مڠ نن دغاي غاو ليٚ ڬه عيو، ياوكا دغاي غاو ليٚ ڬه نواٛء نن غاي.

ترتيب (توي دناوء داوء) ڨاء هدوم٢ أڠكوتا وضوء (ماۛء إيا سمياڠ) نن واجب، هوڠ سكحيا٢ پو جواٛي ڨدلاو هسا أڠڬوتا دڠوٓء هسا أڠڬوتا

موالات (ڨدوب٢ ڬاوء) دأنتارا پو نن واجب غاي، هوڠ سكحيا٢ پو جواٛي ڨتيٛ تحوا لويء ددالم بغوء سليه مڠ هسا أڠكوتا ناو ڨاء هسا أڠكوتا كوڠ ڨدوٓب مڠ پو.

حروس غاو هڢڠ سمغب توڠبيه أڠكوتا وضوء (ماۛء إيا سمياڠ) نن، دان سنة أولڠ غاو دوا ڢڠ، دان كلاو ڢڠ، ڨاء غاو ڢوٓء كلوڠ ڨبه غاۛت إيا تماۛ دوڠ دان پوه تبياء واۛء غاو دواڬه تاڠن دان دواڬه ليٚ، دان پو نن أفضل.

سنة هداي مڠ ماۛء إيا سمياڠ بلوٓه نن بغاي پو دعاء لايء:

كاو تڬوء سكسي لايء دمدا ڤوٛ كوڠ څاوء غاڠ ككوه هوڠ بياء نن ملينكن الله هغاڠ ڬوٓت دمدا أو شريك ڨاء پو، دان كاو تڬوء سكسي لايء سبياء٢ محمد نن هلين پو دان رسول پو

أشْهَدُ أنْ لا إلهَ إِلَّا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عَبْدُهُ وَرَسُولُهُ

دان سيام پو بغاي دغاي تهيٚم لايء:

يا الله ڨجياڠ كاو مڠ أغاڠ توبة، دان ڨجياڠ كاو مڠ أغاڠ ڨهچيه سئآت.

اللَّهُمَّ اجعلنِي مِنَ التَوَّابِينَ، واجعلني مِنَ المُتَطهِّرِينَ.

سكان كود

ڨراتهيان بغوء حيت أوڬام دمسجد الحرام دان مسجد نبي

سا الحرمين

خلاٛمسا ڨحاۛن توي حكوم شرع أونتوق غاڠ كهين ناو مسجد الحرام دان مسجد نبي هوڠ لو٢ بهسا