النَّبَإ

یہ لوگ کس چیز کے بارے میں پوچھ گچھ کر رہے ہیں.1

اس بڑی خبر کے متعلق.

جس کے بارے میں یہ اختلاف کر رہے ہیں.1

یقیناً یہ عنقریب جان لیں گے۔

پھر بالیقین انہیں بہت جلد معلوم ہو جائے گا.1

کیا ہم نے زمین کو فرش نہیں بنایا؟1

اور پہاڑوں کو میخیں (نہیں بنایا؟)1

اور ہم نے تمہیں جوڑا جوڑا پیدا کیا.1

اور ہم نے تمہاری نیند کو آرام کا سبب بنایا.1

اور رات کو ہم نے پرده بنایا.1

اور دن کو ہم نے وقت روزگار بنایا.1

اور تمہارے اوپر ہم نے سات مضبوط آسمان بنائے.1

اور ایک روشن چراغ (سورج) بنایا.1

اور بدلیوں سے ہم نے بکثرت بہتا ہوا پانی برسایا.1

تاکہ اس سے اناج اور سبزه اگائیں.1

اور گھنے باغ (بھی اگائیں).1

بیشک فیصلہ کے دن کا وقت مقرر ہے.1

جس دن کہ صور میں پھونکا جائے گا۔ پھر تم فوج در فوج چلے آؤ گے.1

اور آسمان کھول دیا جائے گا تو اس میں دروازے ہی دروازے ہو جائیں گے.1

اور پہاڑ چلائے جائیں گے پس وه سراب ہو جائیں گے.1

بیشک دوزخ گھات میں ہے.1

سرکشوں کا ٹھکانہ وہی ہے.

اس میں وه مدتوں تک پڑے رہیں گے.1

نہ کبھی اس میں خنکی کا مزه چکھیں گے، نہ پانی کا.

سوائے گرم پانی اور (بہتی) پیپ کے.1

(ان کو) پورا پورا بدلہ ملے گا.1

انہیں تو حساب کی توقع ہی نہ تھی.1

اور بے باکی سے ہماری آیتوں کی تکذیب کرتے تھے.

ہم نے ہر ایک چیز کو لکھ کر شمار کر رکھا ہے.1

اب تم (اپنے کیے کا) مزه چکھو ہم تمہارا عذاب ہی بڑھاتے رہیں گے.1

یقیناً پرہیزگار لوگوں کے لئے کامیابی ہے.1

باغات ہیں اور انگور ہیں.1

اور نوجوان کنواری ہم عمر عورتیں ہیں.1

اور چھلکتے ہوئے جام ہیں.1

وہاں نہ تو وه بیہوده باتیں سنیں گے اور نہ جھوٹی باتیں سنیں گے.1

(ان کو) تیرے رب کی طرف سے (ان کے نیک اعمال کا)یہ بدلہ ملے گا جو کافی انعام ہوگا.1

(اس رب کی طرف سے ملے گا جو کہ) آسمانوں کا اور زمین کا اور جو کچھ ان کے درمیان ہے ان کا پروردگار ہے اور بڑی بخشش کرنے واﻻ ہے۔ کسی کو اس سے بات چیت کرنے کا اختیار نہیں ہوگا.1

جس دن روح اور فرشتے صفیں باندھ کر کھڑے ہوں گے1 تو کوئی کلام نہ کر سکے گا مگر جسے رحمٰن اجازت دے دے اور وه ٹھیک بات زبان سے نکالے.2

یہ دن حق ہے1 اب جو چاہے اپنے رب کے پاس (نیک اعمال کر کے) ٹھکانا بنالے.2

ہم نے تمہیں عنقریب آنے والے عذاب سے ڈرا دیا (اور چوکنا کر دیا) ہے1 ۔ جس دن انسان اپنے ہاتھوں کی کمائی کو دیکھ لے گا2 اور کافر کہے گا کہ کاش! میں مٹی ہو جاتا.3