عقيدة أهل السنة والجماعة

ߛߎߣߣߊ ߣߌ߫ ߞߙߎ ߘߏ߲߬ߞߏ ߟߊ߫ ߛߣߐ߬ߡߍ߬ߘߐ߬ߞߏ ߟߎ߬

ߗߍ߬ߡߐ߯ ߞߏ߲߬ߓߏ߬ߟߋ߲߫ ߝߌ߬ߛߊ߬ߡߊ߲߬ߕߋ߬ߦߊ߬ߣߍ߲ ߓߟߏ߫

ߡߎ߬ߤ߭ߊߡߡߊߘ ߓߎߣ ߛ߫ߐ߯ߟߌߤ߭ ߊߟߑߊ߳ߺߎߛ߳ߊߦߑߡߌ߯ߣ

ߊߟߡߴߊߟߊ߫ ߦߋ߫ ߜߊ߲ߞߎߣߊ߫ ߞߍ߫ ߊ߬ ߣߴߊ߬ ߡߏߦߌߓߊ߮ ߝߌ߬ߟߊ ߣߌ߫ ߛߌ߬ߟߊ߬ߡߊ ߟߎ߬ ߦߋ߫߰

*

ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߮ ߟߊ߫

ߗߍ߬ߡߐ߰ ߣߐ߲߱ ߠߊ߫ ߢߍߓߌߟߊ

ߊ߳ߺߊߓߑߘߎ ߊߟߑߊ߳ߺߊߖ߭ߌߖ ߓߎߣ ߓߊ߯ߺߖ߭

ߕߊ߲߬ߘߏ ߓߍ߯ ߦߋ߫ ߊߟߊ߫ ߞߋߟߋ߲ ߕߊ ߟߋ߬ ߘߌ߫، ߊ߬ ߣߌ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߋ߫ ߟߊ߬ߝߐ߬ߓߊ߯ ߕߍ߫ ߡߍ߲߫ ߞߐ߫ ߦߋ߫، ߊ߬ ߣߴߊ߬ ߞߐߙߍ ߟߎ߬ ߣߴߊ߬ ߘߍ߬ߢߐ߲߮ ߠߎ߬ ߦߋ߫، ߏ߬ ߞߐ߫:

ߒ ߓߘߊ߫ ߛߟߐ߬ߡߍ߬ߘߐ߬ߞߏ߫ ߓߘߍߓߘߍ ߞߎ߲߬ߘߐ߬ߛߎߘߎ߲ ߛߐ߬ߘߐ߲߬ ، ߊ߲ ߓߊߘߋ߲߫ ߞߏ߲ߓߏ ߗߍ߬ߡߐ߯: ߡߎ߬ߤ߭ߡߡߊߘ ߓߎߣ ߛߐ߯ߟߌߤ߭ߎ߫ ߊߟߑߊ߳ߺߎߛ߳ߊߦߑߡߌߣ ߞߊ߬ ߡߍ߲ ߠߊߘߍ߰، ߒ ߓߘߴߊ߬ ߓߍ߯ ߟߊߡߍ߲߫، ߒ ߞߴߊ߬ ߕߘߍ߬ ߊ߬ ߦߋ߫ ߟߊ߬ߝߏ߬ߟߌ ߞߍߟߊ߫ ߛߎ߬ߒߠߠߊ ߣߴߊ߬ ߞߙߎ ߟߎ߬ ߟߊ߫ ߛߟߐ߬ߡߍ߬ߘߐ߬ߞߏ ߟߊ߲ߞߣߍߡߊ ߟߊ߫ ߸ ߊߟߊ߫ ߞߋ߬ߟߋ߲߬ߧߊ ߣߴߊ߬ ߕߐ߮ ߟߎ߬ ߣߴߊ߬ ߡߊ߲߬ߞߕߎ ߟߎ߬ ߛߌ߰ߘߊ ߟߊ߫، ߊ߬ ߣߌ߫ ߟߌ߬ߡߣߊ߬ߦߟߊ߫ ߡߟߊ߬ߞߊ ߟߎ߬ ߣߌ߫ ߞߋߟߊ ߟߎ߬ ߣߌ߫ ߟߍߙߊ ߟߎ߬ ߣߌ߫ ߟߏ߲ߠߊߓߊ߲ ߣߌ߫ ߟߊ߬ߕߍ߮ ߤߙߊ ߣߴߊ߬ ߖߎ߯ߡߊ߲ ߛߌ߰ߘߊ ߟߎ߬ ߟߊ߫.

ߊ߬ ߞߴߊ߬ ߘߐߖߵߊ߬ ߟߊ߫ ߘߍ߭ ߟߊ߫ ߸ ߊ߬ ߞߊ߬ ߕߣߐ߬ ߞߍ߫، ߞߊ߬ߙߊ߲߬ߘߋ ߣߌ߫ ߛߌ߬ߟߊ߬ߡߊ ߓߍ߯ ߡߊ߬ߞߏ ߦߋ߫ ߡߍ߲ ߠߊ߫ ߸ ߊ߬ ߟߊ߫ ߟߌ߬ߡߣߊ߬ߦߊ ߘߐ߫ ߊߟߊ߫ ߣߌ߫ ߡߟߊ߬ߞߊ ߟߎ߬ ߣߌ߫ ߟߍߙߊ ߟߎ߬ ߣߌ߫ ߞߋߟߊ ߟߎ߬ ߣߌ߫ ߟߏ߲ߠߊߓߊ߲ ߣߌ߫ ߟߊ߬ߕߍ߮ ߤߙߊ ߣߴߊ߬ ߖߎ߯ߡߊ߲ ߡߊ߬، ߊ߬ ߞߵߏ߬ ߟߎ߬ ߡߊߘߊ߲߫ ߊ߬ ߘߐ߫، ߞߊ߬ ߓߊ߲߫ ߞߊ߬ ߕߣߐ߬ ߓߏ߲ߓߊ߫ ߞߊ߬ߝߏ߬ ߞߊ߲߬ ߡߍ߲ ߠߎ߬ ߘߍ߲ߣߍ߲߫ ߛߟߐ߬ߡߍ߬ߘߐ߬ߞߏ ߟߊ߫ ߸ ߡߍ߲ ߠߎ߬ ߕߍ߫ ߛߐ߬ߘߐ߲߬ ߛߟߐ߬ߡߍ߬ߘߐ߬ߞߏ߫ ߞߝߊ߫ ߛߘߍߡߊ߲߫ ߞߣߐ߫.

ߒ߬ߓߊ߰ ߸ ߊߟߡߴߊ߬ ߛߙߊ߬ ߘߊ߫ ߤߙߊߓߊ߫ ߟߊ߫، ߞߴߊ߬ ߥߙߌߞߌ߫ ߟߐ߲ߠߌ߲ ߣߌ߫ ߞߊ߲ߘߦߊ ߟߊ߫، ߞߊ߬ ߕߣߐ߬ ߞߍ߫ ߊ߬ ߟߊ߫ ߞߊ߬ߝߊ ߠߌ߲߬ ߠߴߊ߬ ߟߊ߫ ߛߓߍߦߊߟߌ ߓߍ߯ ߟߊ߫، ߞߵߊ߲ߠߎ߬ ߣߴߊ߬ߟߋ߫ ߣߴߊ߲ ߓߊߘߋ߲߫ ߠߎ߬ ߓߍ߯ ߞߍ߫ ߞߊ߲ߘߊߓߊ߮ ߣߌ߫ ߞߊ߲ߘߦߊߟߊ ߟߎ߬ ߘߐ߫، ߡߍ߲ ߠߎ߬ ߦߋ߫ ߥߟߋߟߌ ߞߍ߫ ߟߊ߫ ߜߍߦߊ ߞߊ߲߬، ߊ߬ߟߋ߫ ߟߋ߬ ߡߍ߲ߠߌߠߊ߫ ߛߎߘߎ߲ ߘߌ߫.

ߖߐ߲߭ ߟߊ߲߰ߝߏ߬ߣߍ߲ ߠߊ߫ ߝߐߟߌ ߞߎ߲߬ߘߐ ߛߓߍߣߍ߲ ߠߋ߬: ߊ߳ߺߊߓߑߘߎ ߊߟߑߊ߳ߺߊߖ߭ߌ߯ߖ߭ ߓߎߣ ߊ߳ߺߊߓߑߘߎ ߟߟߊ߯ߤߌ߫ ߓߎߣ ߓߺߊ߯ߺߖ߭، ߊߟߡߴߊߟߊ߫ ߦߋ߫ ߞߏߘߐߣߐ߲߯ߦߊ ߞߴߊ߬ ߦߋ߫، ߛߟߊ߬ߕߎ ߣߌ߫ ߛߟߊ߬ߡߎ߲ ߦߋ߫ ߊ߲ ߠߊ߫ ߟߊ߬ߝߐ߬ߓߊ߮ ߡߊ߬ߡߊ߬ߘߌ߬ ߣߴߊ߬ ߞߐߙߍ ߟߎ߬ ߣߴߊ߬ ߘߍ߬ߢߐ߲߮ ߠߎ߬ ߦߋ߫.

ߝߘߏ߬ߓߊ߬ ߞߊ߲ߕߌ߮

ߕߙߌߠߌ߲߫ ߟߐ߲ߠߌ߲ߦߊ ߟߎ߬ ߣߌ߫ ߞߎ߲ߠߊ߬ߝߎߟߋ߲ ߣߌ߫ ߥߟߋߟߌ ߣߌ߫ ߟߊ߬ߞߎ߲߬ߕߟߋ߬ߟߌ ߛߓߍߘߊ ߟߎ߬

*

ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߮ ߟߊ߫

ߕߊ߲߬ߘߏ ߓߍ߯ ߊߟߊ߫ ߦߋ߫ ߖߊ߯ߓߊ ߟߎ߬ ߕߌ߭ ߟߋ߬ ߸ ߟߊ߬ߓߊ߲߫ ߢߌߡߊ ߦߋ߫ ߝߊ߲ߕߊ߲ߞߟߊ ߟߎ߬ ߦߋ߫ ߖߎ߯ߡߊ߲߫ ߕߍ߫ ߡߐ߰ ߛߌ߫ ߦߋ߫ ߝߏ߫ ߕߐ߬ߢߍ߲߬ߒߕߋ ߟߎ߬، ߒ ߧߋ߫ ߛߙߋߕߋߕߋߦߟߊ߫ ߞߏ߫ ߓߊ߬ߕߏ߬ߕߊ߫ ߕߍ߫ ߝߏ߫ ߊߟߊ߫ ߞߋߟߋ߲ ߜߙߊ߬ߢߐ߯ ߕߴߊ߬ ߟߊ߫ ߡߊ߲߬ߛߊ߫ ߕߎ߬ߢߊ߬ߒߕߋ߫ ߟߊ߲ߞߣߍߡߊߣߍ߲ ߠߋ߬ ߒ ߧߋ߫ ߛߋߙߕߋߦߟߊ߫ ߞߏ߫ ߡߎ߬ߤ߭ߡߡߊߘ ߦߴߊ߬ ߟߊ߫ ߖߐ߲߭ ߣߴߊ߬ ߟߊ߫ ߗߋߘߋ߲ ߠߋ߬ ߘߌ߫، ߟߊ߬ߝߐ߬ߓߊ߮ ߟߎ߬ ߟߊߓߊ߲ ߠߋ߬، ߝߊ߲ߕߊ߲ߞߟߊ ߟߎ߬ ߢߍߡߐ߮ ߟߋ߬، ߛ߫ߐߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߸ ߊ߬ ߣߴߊ߬ ߞߐ߬ߙߍ ߣߴߊ߬ ߘߍ߬ߢߐ߲߮ ߠߎ߬ ߣߌ߫ ߡߍ߲ ߠߎ߬ ߓߴߏ߬ ߟߎ߬ ߟߓߊߕߏ ߞߵߊ߬ ߛߌ߰ ߛߙߊ߬ߟߌ ߟߏ߲ ߠߊ߫.

ߏ߬ ߕߊ߬ߡߌ߬ߣߍ߲ ߞߐ߫: ߒ߬ߓߵߊߟߊ߫ ߞߘߐߕߊ߬ߣߍ߲ ߞߵߊ߬ ߟߊ߫ ߞߋߟߊ ߡߎߤ߭ߊߡߡߊߘߎ߬ (ߛ߫.ߛ) ߞߋߟߊߦߊ߫ ߞߊ߲ߘߦߊ ߘߌ߫ ߸ ߊ߬ ߣߌ߫ ߕߎ߬ߢߊ ߘߌ߯ߣߊ ߘߌ߫ ߞߴߊ߬ ߞߍ߫ ߤߌߣߊ߫ ߘߌ߫ ߖߊߓߊ߮ ߟߎ߬ ߦߋ߫، ߞߴߊ߬ ߞߍ ߖߞߊߡߊߓߊ߯ ߘߌ߫ ߓߊ߯ߙߟߊ ߟߎ߬ ߦߋ߫، ߞߴߊ߬ ߞߍ߫ ߘߊߘߐߡߌߘߊߞߎ߲ߧߊ߫ ߘߌ߫ ߖߐ߲߭ ߠߎ߬ ߓߍ߯ ߟߊߘߍ߬ߣߍ߲ ߞߊ߲߬. ߊ߬ ߞߊ߬ ߟߊ߲ߞߣߍߡߊߟߌ ߞߴߊ߬ ߟߊ߫ ߟߍߙߊ ߣߌ߫ ߥߘߋ߬ߥߘߋ߬ߟߌ ߟߊߖߌ߰ߣߍ߲ ߠߎ߬ ߟߊ߫ ߸ ߊ߬ ߣߌ߫ ߖߐ߲߭ ߠߎ߬ ߟߊ߫ ߢߊ߬ߞߏ ߦߋ߫ ߞߏ߫ ߡߍ߲ ߠߎ߬ ߘߐ߫ ߸ ߊ߬ ߣߴߊ߬ߟߎ߬ ߞߊ߬ߟߊ ߟߎ߬ ߟߊߕߋߟߋ߲ ߞߏ ߟߎ߬ ߸ ߊ߬ߟߎ߬ ߟߊ߫ ߘߌ߯ߣߊ ߣߴߊ߬ߟߎ߬ ߟߊ߫ ߘߎߢߊ ߞߏ߫ ߟߎ߬ ߘߐ߫ ߞߊ߬ ߓߐ߫ ߛߟߐ߬ߡߍ߬ߘߐ߬ߦߊ ߖߘߍ߬ߖߘߍ ߘߐ߫، ߊ߬ ߣߌ߫ ߓߊ߯ߙߊ߫ ߕߟߋߣߍ߲، ߊ߬ ߣߌ߫ ߖߏ߯ ߝߌ߬ߛߊ߬ߡߊ߲ߒߕߋߦߊߣߍ߲߫ ߞߘߐߕߊߣߍ߲ ߠߎ߬.

ߒ߬ߓߵߊ߬ ߞߵߊ߬ ߡߊ߲߬ߕߏ߲ ߠߎ߬ ߕߏ߫ ߛߌߟߊ߫ ߜߍߣߍ߲ ߞߊ߬ ߸ ߊ߬ ߛߎߘߐߟߊ ߦߴߊ߬ ߕߋ߬ߟߋ߬ߘߐߟߊ ߟߋ߬ ߸ ߛߌ߫ ߕߍ߫ ߕߍ߬ߣߍ߬ߣߴߏ߬ ߞߊ߲߬ ߝߏ߫ ߕߏ߲ߘߐߓߊ߯ߕߐ߮.

ߊ߬ ߡߊ߲߬ߕߏ߲߬ ߡߍ߲ ߠߎ߬ ߞߵߊ߬ ߟߊ߫ ߞߋߟߊ ߟߊߡߌ߬ߘߊ߫ ߏ߬ ߟߎ߬ ߕߊ߯ߡߊ߫ ߘߴߏ߬ ߟߋ߬ ߞߊ߲߬ ߒ߬ߓߵߏ߬ ߟߎ߬ ߟߋ߬ ߘߊߣߌߝߋ߲ ߠߎ߬ ߘߐ߫ ߢߌ߬ߡߊ ߟߎ߬ ߘߌ߫ ߸ ߞߋߟߊ ߘߍ߬ߢߐ߲߮ ߠߎ߬ ߣߵߏ߬ ߟߎ߬ ߟߓߊߕߏ߬ߟߌ߬ߓߊ߮ ߟߎ߬ (ߛ߫ߐߤ߭ߊ߯ߓߊ߮ ߟߎ߬ ߣߌ߫ ߕߊ߬ߓߌ߬ߺߊ߳ߺߌ߯ߣߊ ߟߎ߬ ߞߊ߬ߣߌ߬) ߊ߬ ߣߺߌ߬ ߡߍ߲ ߠߎ߬ ߞߵߏ߬ ߟߎ߬ ߟߓߊ߬ߕߏ߫ ߢߊ߬ߟߌ߫ ߟߊ߫، ߒߓߵߊ߬ߟߎ߬ ߞߵߊ߬ߟߎ߬ ߟߐ߬ ߞߋߟߊ ߟߊ߫ ߞߕߌ߫ ߛߌߟߊ ߘߌ߬ (ߛ߭ߊ߬ߙߌߺߦߊ ߞߊ߬ߣߌ߲߬) ߊ߬ ߣߌ߬ ߞߊ߬ ߡߌ߬ߘߊ߬ߟߌ߬ ߞߵߊ߬ ߕߊ߯ߛߌߟߊ ߟߊ߫ (ߊ߬ ߟߊ߫ ߛߎߣߣߊ߫ ߞߊ߬ߣߌ߲߬) ߊ߬ߟߎ߬ ߞߵߊ߬ߟߎ߬ ߛߊ߰ߘߏ ߝߊ߬ߛߴߏ߬ ߡߊ߬ ߛߟߐ߬ߡߍ߬ߘߐߦߊ߬ ߣߌ߫ ߓߊ߬ߕߏ߫ ߣߌ߫ ߖߏ߯ ߣߺߌ߫ ߛߐ߲߭ ߠߊ߫، ߒߓߵߏ߬ ߟߎ߬ ߞߍ߫ ߘߊ߫ ߞߙߎ ߟߎ߬ ߘߌ߫ ߡߍ߲ ߠߎ߬ ߕߍ߫ ߕߏ߬ߢߊ ߘߡߍ߬ߣߌ߬ߓߊ߯ ߕߏߟߊ߫ ߝߋߎ߫ ߸ ߡߐ߰ ߕߴߊ߬ߟߎ߬ ߕߙߐ߫ ߡߍ߲ ߓߴߊ߬ߟߎ߬ ߖߊ߲߬ߝߊ߫ ߥߟߊ߬ ߞߵߊ߬ߟߎ߬ ߝߏ߲ߞߐߢߐ߲ߒߧߊ߫ ߤߊ߲߯ ߊߟߊ߫ ߞߘߐߕߊ߬ߣߍ߲ ߠߊ߫ ߥߊߟߌߢߊ ߦߋ߫ ߣߊ߬߸ ߊ߬ߟߎ߬ ߦߴߏ߬ ߟߋ߬ ߞߊ߲߬.

ߕߊ߲߬ߘߏ ߊߟߊ߫ ߦߋ߫߸ ߊ߲ߠߎ߬߬ ߦߋ߫ ߓߌ߬ߟߊ߬ߓߊ߮ ߟߋ߬ ߘߴߏ߬ ߟߎ߬ ߣߐ߭ ߣߴߊ߬ߟߎ߬ ߝߏ߲߬ߝߏ߲ ߠߎ߬ ߞߊ߲߬، ߡߍ߲ ߞߐߞߘߐߘߏߠߍ߲ ߟߍߙߊ ߣߌ߬ ߛߙߊ߬ߣߎ߲ ߓߟߏ߫، ߊ߲ ߧߴߏ߬ ߝߐ߫ ߟߊ߬ ߓߊ߬ߘߏ߫ ߓߟߏ߫ ߡߊ߬ ߊߟߊ߫ ߞߘߐߕߊ߬ߣߍ߲ߓߊ ߟߊ߫ ߦߌߟߌ߲ ߠߊ߫ (ߣߍߡߊ ߞߊ߬ߣߌ߲߬) ߊ߬ ߣߌ߫ ߟߊ߲ߞߣߍߡߊߟߌ߫ ߟߊ߫ ߝߋ߲߫ ߠߊ߫ ߡߍ߲ ߦߋ߬ ߘߌߦߊߜߏߦߊ ߘߌ߫ ߞߏ߫ ߘߍ߲߬ߞߣߍ߬ߦߊߓߊ߮ ߓߍ߯ ߞߍ߫ ߊ߬ ߞߊ߲߬.

ߊ߲ ߧߺߴߊߟߊ߫ ߞߘߐߕߊ߬ߣߍ߲ ߕߙߺߊ߫ ߟߊ߫ ߸ ߊ߬ ߦߴߊ߲ ߓߊߘߋ߲߫ ߖߘߍ߬ߞߟߏ߬ߓߊ߮ ߟߎ߬ ߓߊ߲ߓߊ߲߫ ߞߎߡߊ߫ ߓߊ߲ߓߊ߲ߣߍ߲ ߞߊ߲߬ ߞߌߢߍ߲ ߣߌ߬ ߟߊ߬ߓߊ߲ ߢߣߍߡߦߊ ߘߐ߫ ߸ ߊ߬ ߣߺߴߊ߬ ߦߺߴߊ߲ ߛߐ߬ ߓߊߏ߬ ߊߟߋ߫ ߟߋ߬ ߛߐߟߌߟߓߊ ߘߌ߫.

ߒ߬ߓߊ߬ ߞߎ߲߬ߕߐ߮ ߣߌ߲߬ ߕߐ߬ߣߐ ߞߏߛߐ߲߬ ߊ߬ ߣߌ߫ ߡߐ߱ ߟߎ߬ ߣߌ ߘߌߦߊߣߊ߲ ߠߎ߬ ߝߐߢߐ߲߯ߞߐ ߞߏߛߐ߲߬ ߊ߬ ߘߐ߫ ߸ ߒ ߞߺߵߊ߬ ߞߊ߬ߣߌ߲߬ ߒ ߞߏ߫ ߒ ߧߋ߫ ߛߓߍߟߌ߫ ߞߎ߲߬ߘߐ߫ ߛߎߘߎ߲߫ ߞߺߍ߫ ߸ ߊ߲ ߠߺߊ߫ ߛߟߐ߬ߡߍ߬ߘߐ߬ߦߊ ߞߊ߲߬ (ߛߎߒߠߠߊ ߣߌ߫ ߞߙߎ ߘߏ߲߬ߞߏ ߟߎ߬) ߟߊ߫ ߛߟߐ߬ߡߍ߬ߘߐ߬ߦߊ ߸ ߏ߬ ߟߋ߬ ߞߊ߬ ߘߍ߲߬ߞߣߍ߬ߦߊ߫ ߊߟߊ߫ ߣߺߴߊ߬ ߟߊ߫ ߡߟߍ߬ߞߊ ߟߎ߬ ߡߊ߬ ߣߺߴߊ߬ ߟߊ߫ ߟߍߙߊ ߟߎ߬ ߣߺߴߊ߬ ߟߊ߫ ߗߋߘߋ߲ ߠߎ߬ ߣߌ߫ ߟߊ߬ߓߊ߲ ߟߏ߲ ߣߌ߫ ߟߊ߬ߕߍ߮ ߡߊ߬ ߸ ߊ߬ ߤߙߊ ߣߺߴߊ߬ ߖߎ߯ߡߊ߲ ߓߍ߯، ߒ ߢߺߵߊߟߊ߫ ߞߘߐߕߊ߬ߣߍ߲ߓߊ ߕߙߊ߫ ߟߊ߫ ߸ ߊ߬ ߦߋ߫ ߣߌ߲߬ ߞߍ߫ ߝߋ߲߫ ߞߙߍߞߙߍߣߍ߲߫ ߘߴߊ߬ ߖߊ߯ߕߋ ߞߡߊ߫ ߊ߬ ߓߍ߲߬ ߦߋ߫ ߞߺߵߊ߬ ߟߊ߫ ߘߌ߬ߢߍ ߞߏ ߟߎ߬ ߡߊ߬ ߸ ߊ߬ ߦߋ߫ ߞߺߵߊ߬ ߟߊ߫ ߖߐ߲߭ ߢߊ߰ߒߡߊߝߋ߲߫ ߘߌ߫.

ߛߓߍߦߟߊ

*

ߊ߲ ߠߊ߫ ߛߣߐ߬ߡߍ߬ߘߐ߬ߞߏ ߟߎ߬

ߊ߲ ߠߊ߫ ߛߟߐ߬ߡߍ߬ߘߐ߬ߦߊ ߟߋ߬: ߟߌ߬ߡߣߊ߬ߦߊ߫ ߘߌ߫ ߊߟߊ߫ ߣߴߊ߬ ߟߊ߫ ߡߟߊ߬ߞߊ ߟߎ߬ ߣߴߊ߬ ߟߊ߫ ߟߍߙߊ ߟߎ߬ ߣߴߊ߬ ߟߊ߫ ߗߋߘߋ߲ ߠߎ߬ ߣߌ߫ ߟߊ߬ߓߊ߲߫ ߟߏ߲ߡߊ߬ ߸ ߊ߬ ߤߙߊ ߣߴߊ߬ ߖߎ߯ߡߊ߲ ߓߍ߯.

ߒ߬ߓߵߊ߲ ߧߋ߫ ߟߌ߬ߡߣߊ߬ߦߟߴߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߕߌ߰ߞߊ߲߬ߒߞߋ߬ߦߊ، ߏ߬ ߟߊ߬ߢߌ߬ߣߌ߲ ߠߋ߬: ߞߏ߫ ߊ߬ߟߋ߫ ߟߋ߬ ߕߌ߰ ߘߊ߲ߠߌ߲ߠߊ ߡߊ߲߬ߛߊ ߝߙߍ߬ߘߐ߬ߓߍ߲߬ߠߊ ߘߌ߫ ߥߊߟߌߢߊ ߓߍ߯ ߟߊ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߴߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߓߊ߬ߕߏ߬ߕߦߊ ߡߊ߬، ߏ߬ ߟߊ߬ߢߌ߬ߣߌ߲ ߠߋ߬: ߞߏ߫ ߊ߬ߟߋ߫ ߟߋ߬ ߓߊ߬ߕߏ߬ߕߊ߫ ߕߏ߬ߢߊ߬ߡߊ ߘߌ߫، ߓߊ߬ߕߏ߬ߕߊ߫ ߜߘߍ ߓߍ߯ ߞߊ߬ߟߏ߲߬ߞߊߟߏ߲.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߴߊ߬ ߕߐ߮ ߟߎ߬ ߣߴߊ߬ ߡߊ߲߬ߞߕߎ ߟߎ߬ ߡߊ߬، ߏ߬ ߟߊ߬ߢߌ߬ߣߌ߲ ߠߋ߬: ߞߏ߫ ߕߐ߯ ߢߌߡߊ ߟߎ߬ ߣߌ߫ ߡߊ߲߬ߞߕߎ߫ ߘߝߊߣߍ߲߫ ߞߘߐߕߊ߬ߣߍ߲ ߠߎ߬ ߦߴߊ߬ ߟߊ߫

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߴߊ߬ ߟߊ߫ ߞߋ߬ߟߋ߲ߒߧߊ ߟߴߏ߬ ߘߐ߫، ߏ߬ ߟߊ߬ߢߌ߬ߣߌ߲ ߠߋ߬: ߞߏ߫ ߜߙߊ߬ߢߐ߲߯ ߕߴߊ߬ ߟߊ߫ ߸ ߊ߬ߟߊ߫ ߕߌ߰ߦߊ ߘߐ߫، ߊ߬ ߣߴߊ߬ ߟߊ߫ ߓߊ߬ߕߏ߬ߕߦߊ ߘߐ߫، ߊ߬ ߣߴߊ߬ ߕߐ߮ ߟߎ߬ ߣߴߊ߬ ߡߊ߲߬ߞߕߎ ߟߎ߬ ߘߐ߫، ߊߟߊ߫ ߞߘߐߕߊߣߍ߲ߓߊ ߞߵߊ߬ ߝߐ߫ ߞߏ߫: ﴿ߛߊ߲ ߠߎ߬ ߣߌ߫ ߘߎ߱ ߣߴߏ߬ ߝߌ߬ߟߊ ߕߍߟߊ ߡߊ߰ߙߌ ߞߊ߬ߣߌ߲߫ ߸ ߌ ߦߴߏ߬ ߟߋ ߓߊ߬ߕߏ߫ ߞߵߌ ߡߎ߬ߢߎ߲߫ ߊ߬ ߓߊ߬ߕߏ ߞߊ߲߬، ߦߊ߯ߟߊ߫ ߌ ߞߊ߬ ߕߐ߯ߡߊ߲߫ ߟߐ߲߫ ߊ߬ ߟߊ߫ ߓߊ߬؟ ﴾ [ߡߊߙߌߦߊߡ: ߆߅]

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߊ߬ߟߋ߫ ߟߋ߬: ﴿ߊߟߊ߫ ߸ ߡߊ߰ߙߌ߬ ߜߘߍ߫ ߕߍ߫ ߊ߬ߟߋ ߞߐ߫، ߣߌߡߊ ߟߋ߬، ߟߐ߬ߣߍ߲ߒߖߘߍ߬ߟߊ ߟߋ߬، ߖߌ߲߬ߞߐ߲߬ ߕߴߊ߬ ߡߌ߬ߘߊ߬ ߟߊ߫߸ ߞߎߡߊߕߍ߫ ߛߎ߬ߣߐ߯ ߡߊ߬، ߝߋ߲ ߡߍ߲ ߛߊ߲ ߠߎ߬ ߣߌ߫ ߘߎ߱ ߘߐ߫ ߏ߬ ߓߍ߯ ߊ߬ ߕߊ ߟߋ߬ ߘߌ߫، ߖߐ߲߫ ߓߴߛߋ߫ ߛߟߏ߬ߣߊ߬ߟߌ ߞߍ߫ ߟߴߊ߬ ߓߘߊ ߣߴߊ߬ ߡߊ߫ ߘߌ߬ߢߍ߬؟ ߊ߬ ߞߊ߬ ߡߐ߱ ߟߎ߬ ߢߍߞߏ ߣߴߊ߬ߟߎ߬ ߞߐߞߏ ߓߍ߯ ߟߐ߲߫، ߊ߬ߟߎ ߘߏ߲߬ ߕߍ߫ ߝߏߦߌ߫ ߞߊ߬ߟߊߡߵߊ߬ߟߋ ߟߊ߫ ߟߐ߲ߠߌ߲ ߘߐ߫ ߝߏ߫ ߡߍ߲ ߓߊ߯ ߊ߬ ߘߌߦߊ߫، ߊ߬ ߟߊ߫ ߥߊ߰ߣߍ߲ ߦߙߌߥߊߣߍ߲߫ ߛߊ߲ ߠߎ߬ ߣߌ߫ ߘߎ߱ ߓߍ߯ ߡߊ߬، ߏ߬ ߝߌ߬ߟߊ ߟߊߕߊ߲߬ߞߊ ߘߏ߲߬ ߕߴߊ߬ ߘߐߜߍ߬ߣߍ߲߬ ߠߊ߫، ߊ߬ߟߋ ߟߋ߬ ߔߏ߲ߞߌ߲ ߘߌ߫ ߸ ߓߟߋ߬ߓߟߋ ߟߋ߬﴾ [ߣߛߌ߬ߡߛߏ: ߂߅߅[

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫: ﴿ߊ߬ߟߋ ߟߋ߬ ߊߟߊ߫ ߘߌ߫ ߡߊ߰ߙߌ߬ ߜߘߍ߫ ߕߍ߫ ߡߍ߲ ߞߐ߫ ߸ ߘߏ߲߰ߣߍ߲ ߣߌ߫ ߟߊ߲ߞߣߍߡߊߣߍ߲ ߟߐ߲ߓߊ߮ ߟߋ߬، ߊ߬ߟߋ ߟߋ߫ ߡߊ߬ߤߌ߬ߣߊ߬ߟߊ߫ ߤߌߣߟߊ ߘߌ߫ * ߊ߬ߟߋ ߟߋ߬ ߊߟߊ߫ ߘߌ߫ ߸ ߡߊ߰ߙߌ߬ ߜߘߍ߫ ߕߍ߫ ߡߍ߲ ߞߐ߫، ߡߊ߲߬ߛߊ ߟߋ߬، ߓߍ߬ߛߍ ߟߋ߬، ߝߍ߬ߒߕߊ߲ ߠߋ߬، ߟߊ߬ߛߙߋ߬ߦߊ߬ߟߊ ߟߋ߬، ߥߊ߲߬ߥߊ߲߬ߓߊ߮ ߟߋ߬، ߣߌ߬ߣߌ߬ߟߊ ߟߋ߬، ߛߊ߯ߣߊ ߟߋ߬، ߖߘߍ߬ߘߐ߬ߓߊ ߟߋ߬، ߊߟߊ߫ ߟߊߜߍߣߍ߲߫ ߊ߬ߟߎ߬ ߟߊ߫ ߜߙߊ߬ߢߐ߲߰ߦߊ߬ ߝߋ߲ ߠߎ߫ ߡߊ߬ * ߊ߬ߟߋ ߟߋ߬ ߊߟߊ߫ ߘߌ߫ ߸ ߣߐ߬ߣߐ߬ߟߌ߬ߟߊ ߟߋ߬، ߘߊ߲ߠߌ߲ߠߊ ߟߋ߬ ߸ ߛߌ߲ߞߐ߲ߦߟߊ ߟߋ߬، ߕߐ߯ ߓߘߍ ߟߎ߫ ߟߴߊ߬ ߟߊ߫، ߛߊ߲ ߠߎ߬ ߣߌ߫ ߘߎ߱ ߞߣߐ߫ ߝߋ߲ ߠߎ߬ ߦߋ߫ ߛߊߣߌ߲ߧߊ ߝߐ߫ ߟߴߊ߬ ߦߋ߫ ߸ ߊ߬ߟߋ ߟߋ߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߌ߬ߟߊ ߘߌ߫ ﴾ ߟߊ߬ߥߟߌ߬ߟߌ: [߂߂-߂߄[

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫: ﴿ߊ߰ ߝߋ߲߫ ߠߋ߬ ߘߊ߲߫ ߠߊ߫ ߡߍ߲ ߓߊ߯ ߊ߬ ߘߌߦߊ߫، ߊ߰ ߡߐ߰ ߟߋ߬ ߛߐ߫ ߟߊ߫ ߡߛߏ߬ߡߊ߲ ߠߎ߬ ߟߊ߫ ߡߍ߲ ߓߊ߯ ߊ߬ ߘߌߦߊ߫߸ ߞߊ߬ ߡߐ߰ ߛߐ߫ ߗߍ߬ߡߊ߲ ߠߎ߬ ߟߊ߫ ߡߍ߲ ߓߊ߯ ߊ߬ ߘߌߦߊ߫ * ߥߟߴߊ߬ ߦߴߊ߬ ߘߐߓߊ߬ߛߊ߲߫ ߗߍ߬ߡߊ߲ ߠߎ߬ ߣߌ߫ ߡߛߏ߬ߡߊ߲ ߠߎ߬ ߘߌ߫ ߸ ߊ߬ ߣߴߊ߬ ߦߋ߫ ߡߐ߰ ߟߋ߬ ߞߍ߫ ߟߊ߫ ߞߏ߬ߣߊ ߘߌ߫ ߡߍ߲ ߓߊ߯ ߊ߬ ߘߌߦߊ߫، ߓߊߏ߬ ߊ߬ߟߋ ߸ ߟߐ߲ߠߌ߲ߠߊ߫ ߛߋߓߊ߮ ߟߋ߬﴾ ]ߞߏߟߊ߲ߒߞߘߐߢߐ߯ߦߊ: ߄߉-߅߀[

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫: ﴿ ߝߏߦߌ߬ ߕߴߊ߬ߟߋ߬ ߓߐߢߐ߲߯ߞߏ߫ ߘߌ߫، ߊ߬ߟߋ ߟߋ߬ ߡߍ߲ߠߌ߲ߠߊ ߦߋߟߌߟߊ ߘߌ߫ * ߊ߬ ߕߊ ߟߋ߬ ߛߊ߲ ߠߎ߬ ߣߌ߫ ߘߎ߱ ߞߏ߲ߧߌ߲ ߠߎ߬ ߘߌ߫، ߊ߬ ߦߋ߫ ߤߊ߬ߙߌ߬ߖߍ߮ ߘߐߝߎߟߋ߲߫ ߠߊ߫ ߡߐ߰ ߟߋ߬ ߦߋ߫ ߡߍ߲ ߓߊ߯ ߊ߬ ߘߌߦߊ߫߸ ߊ߬ ߦߴߊ߬ ߘߐߜߙߐ߬ ߟߊ߫ ߝߣߊ߫، ߓߊ ߊ߬ߟߋ ߟߋ߬ ߞߏ ߓߍ߯ ߟߐ߲ߓߊ߮ ߘߌ߫ ﴾ ] ߞߏߟߊ߲ߒߞߘߐߢ߲߯ߦߊ: ߁߁-߁߂[

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫:﴾ߡߊ߬ߛߍ߲߬ߛߍ߲߬ߓߊ߰ ߛߌ߫ ߕߍ߫ ߘߎ߱ ߞߊ߲߬ ߸ ߝߴߏ߬ ߘߊߦߟߌߡߍߟߌ ߦߋ߫ ߞߍ߫ ߊߟߊ߫ ߟߋ߫ ߡߊ߬ ߸ ߊ߬ ߞߵߊ߬ ߡߊߞߍ߫ ߦߙߐ ߣߴߊ߬ߓߙߌ߬ ߦߙߐ ߟߐ߲߫، ߓߊ ߏ߬ ߓߍ߯ ߛߓߍߣߍ߲߫ ߠߋ߬ ߟߍߙߊ߫ ߘߐߜߍ ߞߣߐ߫ ﴿ [ߤߎ߯ߘߎ߫، ߟ:߆]

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߸ ߊ߬ ߝߍ߬ ߦߋ߲߬: ﴾ߞߏߘߏ߲߰ߣߍ߲ ߞߏ߲ߢߌ߲ ߠߎ߬ ߦߴߊ߬ߟߋ ߟߋ߬ ߓߟߏ߫، ߝߏߦߌ߬ ߕߴߏ߬ ߟߐ߲߫ ߝߏ߫ ߊ߬ߟߋ، ߊ߬ ߞߵߊ߬ ߟߐ߲߫ ߝߋ߲ ߡߍ߲ ߦߋ߫ ߜߙߋ ߡߊ߬ ߊ߬ ߣߌ߫ ߓߊ ߘߐ߫، ߝߌߘߊ߫ ߛߌ߫ ߕߍ߫ ߓߎ߬ߘߎ߲߬ ߝߏ߫ ߊ߬ ߦߴߏ߬ ߟߐ߲߫، ߞߡߊ߫ ߛߌ߫ ߕߍ߫ ߘߎ߱ ߘߌ߬ߓߌ ߟߎ߬ ߘߐ߫ ߸ ߝߋ߲߫ ߘߏ߲ߓߏ߫ ߕߍ߫ ߸ ߝߋ߲߫ ߖߊߙߊ߲ ߝߣߊ߫ ߕߍ߫ ߸ ߝߴߏ߬ ߦߋ߫ ߞߍ߫ ߟߍߙߊ߫ ߘߐߜߍ߫ ߞߣߐ߫﴿ [ߞߟߏߝߋ߲ ߠߎ߬، ߟ:߅߉]

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫: ﴾ߟߐ߬ߓߊ ߟߐ߲ߠߌ߲ ߦߴߊ߬ߟߋ ߟߋ߬ ߦߋ߫، ߊ߬ߟߋ ߟߋ߬ ߛߊ߲ߖߌ ߟߊߖߌ߰ ߟߊ߫ ߸ ߊ߬ ߞߵߊ߬ ߟߐ߲߫ ߡߍ߲ ߦߋ߫ ߘߋ߲ߛߏ ߟߎ߬ ߘߐ߫، ߣߌߡߊ߫ ߕߴߊ߬ ߟߐ߲߫ ߊ߬ ߦߋ߫ ߡߍ߲ ߞߍ߫ ߟߊ߫ ߛߌߣߌ߲߫ ߸ ߣߌߡߊ߫ ߕߴߊ߬ ߟߐ߲߫ ߝߣߊ߫ ߸ ߊ߬ ߛߊ߬ߕߐ߫ ߘߎ߱ ߡߍ߲ ߠߊ߫، ߊߟߊ߫ ߦߋ߫ ߟߐ߲ߠߌ߲ߠߊ߫ ߞߟߊ߬ߡߊ߬ߓߊ߯ ߟߋ߬ ߘߌ߫﴿ [ߟߎߞ߳ߑߡߊ߯ߣ، ߟ:߃߄]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߦߋ߫ ߞߎߡߟߊ߫ ߝߋ߲߬ ߠߋ߬ ߘߐ߫ ߡߍ߲ ߓߴߊ߬ ߘߌߦߊ߫، ߕߎ߬ߡߊ ߡߍ߲ ߓߴߊ߬ ߘߌߦߊ߫، ߢߊ ߡߍ߲ ߓߴߊ߬ ߘߌߦߊ߫، ﴾ߊߟߊ߫ ߞߎߡߊߣߍ߲߫ ߡߎߛߊ߫ ߟߋ߬ ߝߍ߬ ߞߎߡߊߢߐ߲߯ߦߊ߫ ߟߊ߫ ﴿ ߡߏ߬ߛߏ ߟߎ߬، ߟ:߁߆߄ ﴾ߡߎߛߊ߫ ߣߊ߬ߣߍ߲ ߒ߬ ߠߊ߫ ߕߎ߬ߡߊ߬ ߘߐߛߘߊߣߍ߲ ߡߊ߬߸ ߊ߬ ߡߊ߰ߙߌ ߞߵߊ߬ ߞߎߡߊ߲ߢߐ߲߯ߦߊ߫﴿ ]ߕߓߊߞߘߐߣߍ߲، ߟ:߁߄߃[ ﴿ߊ߲ ߞߵߊ߬ ߞߟߌ߫ ߞߎ߬ߙߎ ߞߌߣߌ߲ߓߟߏ߫ ߝߘߎ ߝߍ߬ ߞߵߊ߬ ߡߊߘߏ߲߬ ߢߐ߲߯ߦߋ߫ ߞߊߡߊ߬﴾ ]ߡߊߙߌߦߡߊ߫، ߟ:߅߂[

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫: ﴾ߞߏ߫ ߤߊߟߌ߬ ߣߌ߫ ߟߌ߲ߓߊ߲ ߞߍ߫ ߘߊ߫ ߘߎߓߊ ߘߌ߫ ߒ ߡߊ߰ߙߌ ߟߊ߫ ߞߎߡߊ ߟߎ߬ ߛߓߍ߫ ߞߊߡߊ߬ ߸ ߟߌ߲ߓߊ߲ ߕߎ߲߬ ߘߌ߫ ߓߊ߲߫ ߞߊ߬ ߞߐ߲߰ ߒ ߡߊ߰ߙߌ ߟߊ߫ ߞߎߡߊ ߟߎ߬ ߓߊ߲ ߢߍ߫، ߤߊߟߵߊ߲ ߓߊ߯ ߣߊ߬ ߏ߬ ߢߐ߲߰ ߘߌ߫ ߡߊ߬ߜߍ߲ ߘߌ߫﴿ [ߝߊߟߊ߲، ߟ:߁߀߉] ﴾ߤߊߟߌ߫ ߘߎ߰ߞߟߏ ߞߊ߲߬ ߦߙߌ ߓߍ߯ ߞߍ߫ ߘߊ߫ ߞߊ߬ߟߊ ߟߎ߬ ߘߌ߫ ߞߊ߬ ߞߐ߰ߖߌ ߞߍ߫ ߏ߬ ߘߎߓߊ ߘߌ߫ ߸ ߞߵߏ߬ ߡߊߞߊ߬ߝߏ߫ ߞߐ߰ߖߌ߬ ߥߐ߬ߙߐ߲߬ߥߌ߬ߟߊ߬ ߜߘߍ߫ ߟߊ߫ ߸ ߊߟߊ߫ ߟߊ߫ ߞߎߡߊ ߟߎ߬ ߕߍ߫ ߓߊ߲߫ ߝߋߎ߫، ߊߟߊ߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߌ߬ߟߊ߫ ߟߋ߬ ߘߌ߫ ﴿ [ߟߎߞ߳ߑߡߊ߯ߣ، ߟ:߂߇]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊ߬ ߟߊ߫ ߞߎߡߊߘߋ߲ ߠߎ߬ ߟߋ߬ ߞߎߡߊߘߋ߲ ߠߎ߬ ߘߐ߫ ߘߝߊߣߍ߲ ߘߌ߫ ߖߊ߲߬ߖߏ߲ ߣߌ߫ ߕߋߟߋ߲ ߘߐ߫ ߞߕߌ ߘߊߞߎ߲ ߘߐ߫، ߊ߬ ߣߌ߫ ߢߌ߬ߡߊ߬ ߘߌ߫ ߓߊ߬ߘߏ߫ ߘߐ߫، ߞߘߐߕߊߣߍ߲ߓߊ ߞߵߊ߬ ߝߐ߫ ߞߏ߫: ﴾ ߌ ߡߊ߰ߙߌ ߟߊ߫ ߞߎߡߊ ߓߘߊ߫ ߘߝߊ߫ ߕߎ߬ߢߊ ߣߌ߫ ߕߋߟߋ߲ ߠߊ߫﴿ [ߞߟߏߝߋ߲ ߠߎ߬، ߟ:߁߁߅] ߊ߬ ߣߴߊ߬ ߞߵߊ߬ ߝߐ߫: ﴾ߖߍߣߍ߲ ߘߏ߲߬ ߕߎ߬ߢߊ߬ ߊߟߊ߫ ߘߌ߫ ߓߊ߬ߘߏ ߘߐ߫﴿ [ߡߏ߬ߛߏ ߟߎ߬، ߟ: ߈߇]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߞߎ߬ߙߣߊ߬ ߞߟߊߒߞߋ ߦߴߊߟߊ߫ ߞߘߐߕߊ߬ߣߍ߲ߓߊ ߞߎߡߊߞߊ߲ ߠߋ߬ ߘߌ߫، ߕߏ߬ߢߊ ߟߊ߫ ߸ ߊ߬ߟߋ߫ ߟߋ߬ ߞߵߊ߬ ߝߐ߫، ߞߵߊ߬ ߘߌ߫ ߖߌ߬ߓߙߌ߬ߟߊ߫ ߡߊ߬، ߖߌ߬ߓߙߌ߬ߟߊ߫ ߖߌ߰ ߘߴߊ߬ ߘߌ߫ ߟߊ߬ߝߐ߬ߓߊ߮ (ߛ߫.ߛ) ߛߟߐߡߌ߲ ߡߊ߬ ﴾ߊ߬ ߝߐ߫ ߞߏ߫ ߛߊߣߌ߲ߧߊ ߛߟߐߡߌ߲ ߠߋ߫ ߖߌ߰ߣߴߊ߬ ߘߌ߫ ߕߎ߬ߢߊ ߟߊ߫ ߞߊ߬ ߝߘߊ߫ ߌ ߡߊ߰ߙߌ ߟߊ߫﴿ [ߟߞߌߛߍ، ߟ:߁߀߂] ﴾ߊ߬ ߣߴߊ߬ ߦߋ߫ ߖߊ߯ߓߊ ߟߎ߫ ߡߊ߰ߙߌ ߟߊ߫ ߟߊ߬ߖߌ߰ߟߌ ߟߋ߬ ߘߌ߫ * ߛߟߐߡߌ߲߫ ߟߊߒߠߊߒߕߋ ߟߋ߫ ߖߌ߰ߣߴߊ߬ ߘߌ߫ * ߌ ߛߣߐ߬ߡߍ ߡߊ߬ ߸ ߛߴߌ ߘߌ߫ ߞߍ߫ ߖߊ߬ߛߙߋ߬ߡߊ߬ߟߌ߬ߟߊ ߟߎ߬ ߘߏ߫ ߘߌ߫ * ߊߙߊߓߎߞߊ߲߫ ߘߐߞߣߍߣߍ߲ ߘߐ߫ ﴿ [ߛߞߎ߬ߦߟߊ ߟߎ߬، ߟ: ߁߉߂ - ߁߉߅]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߓߏ߲߬ߓߊ߬ ߞߟߊߒߞߋ ߞߘߐߕߊ߬ߣߍ߲ ߊ߬ ߟߊ߫ ߘߊ߲ߝߋ߲ ߠߎ߬ ߛߊ߲ߘߐ߫، ߊ߬ ߖߍ߬ߘߍ ߣߴߊ߬ ߡߊ߲߬ߞߕߎ ߟߊ߫، ߊ߬ ߣߌ߫ ߞߘߐߕߊߣߍ߲ߓߊ ߞߎߡߊߞߊ߲: ﴾ߊ߬ߟߋ ߟߋ߬ ߔߏ߲ߞߌ߲ ߓߏ߲߬ߓߊ ߘߌ߫﴿ [ߣߛߌ߬ߡߛߏ، ߟ:߂߅߅]، ﴾ߊߟߋ ߟߋ߬ ߞߘߊߡߊߟߌߟߊ ߘߌ߫ ߊ߬ ߟߊ߫ ߖߐ߲߭ ߠߎ߫ ߞߎ߲߬ߠߊ߫ ߸ ߊ߬ߟߋ߫ ߘߏ߲߬ ߸ ߥߘߋ߬ߥߘߋ߬ߟߌ߬ߟߊ ߞߟߊ߬ߡߊ߬ߓߊ߮ ߟߋ߬ ߘߌ߫﴿ [ߞߟߏߝߋ߲ ߠߎ߬، ߟ:߁߈]

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫: ﴾ ߊ߬ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߕߟߋ߬ ߥߐ߯ߙߐ߫ ߞߘߐ߫ ߸ ߞߊ߬ ߓߊ߲߫ ߞߵߊ߬ ߟߊߞߢߊ߫ ߛߍ߬ߡߍ ߞߊ߲߬، ߊ߰ ߞߏ ߟߎ߬ ߛߌ߲߬ߝߏ߲߬ߧߊ߬ ߟߊ߫﴿ [ߦߎ߯ߣߎߛ، ߟ:߃] ߊ߬ ߟߊ߫ ߟߊ߬ߞߢߊ߬ߟߌ ߛߍ߬ߡߍ ߞߊ߲߬: ߏ߬ ߦߴߊ߬ ߖߘߍ߬ߞߎ߲ ߠߊ߫ ߞߘߐߕߊߟߌ ߟߋ߬ ߘߌ߫، ߞߘߐߕߊߟߌ ߞߍߙߍ߲ߞߍߙߍ߲ ߣߍ߲߫ ߞߊ߬ߣߌ߲߬، ߡߍ߲ ߓߍ߲߬ߠߍ߲߫ ߊ߬ ߟߊ߫ ߞߊߟߊ߲ߒߞߋߦߊ ߣߴߊ߬ ߟߊ߫ ߕߏ߬ߢߊ ߡߊ߬، ߛߌ߫ ߡߴߊ߬ ߞߍߢߊ ߟߐ߲߫ ߊ߬ ߖߍ߬ߘߍ.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߞߘߐߕߊ߬ߣߍ߲߬ߓߊ ߦߋ߫ ߛߍ߬ߡߍ ߞߐߞߊ߲ ߞߐ߬ߣߌ߲߬ ߸ ߊ߬ ߦߴߊ߬ ߟߊ߫ ߘߊ߲ߠߌ ߝߋ߲ ߠߎ߬ ߝߍ߬، ߊ߬ ߞߵߊ߬ߟߎ߬ ߞߎ߲߬ߞߏ ߟߎ߬ ߓߍ߯ ߟߐ߲߫، ߊ߬ ߦߴߊ߬ߟߎ߬ ߞߎߡߊߞߊ߲ ߠߎ߬ ߡߍ߲߫ ߠߊ߫، ߊ߬ ߦߴߊ߬ߟߎ߬ ߟߊ߫ ߓߊ߯ߙߊ ߟߎ߬ ߦߋ߫ ߟߊ߫، ߊ߬ ߦߴߊ߬ߟߎ߬ ߟߊ߫ ߞߏߢߊ ߟߎ߬ ߝߙߍ߬ ߘߐߓߍ߲߬ ߠߊ߫، ߊ߬ ߘߌ߫ ߝߊ߲߬ߕߊ߲ ߠߎ߬ ߤߊ߬ߙߌ߬ߖߍ߰، ߊ߬ ߘߌ߫ ߟߊ߲߰ߝߏ߬ߣߍ߲ ߠߎ߬ ߘߍ߬ߡߍ߲߬، ߊ߬ ߘߌ߫ ߡߊ߲߬ߛߊ߬ߦߊ ߘߌ߫ ߡߐ߰ ߡߊ߬ ߡߍ߲ ߓߴߊ߬ ߘߌߦߊ߫، ߊ߬ ߘߌ߫ ߡߊ߲߬ߛߊ߬ߦߊ ߓߏ߬ߛߌ߫ ߡߐ߰ ߟߊ߫ ߡߍ߲ ߓߴߊ߬ ߘߌߦߊ߫، ߊ߬ ߘߌ߫ ߡߐ߰ ߜߟߌߦߊ߫ ߡߍ߲ ߓߴߊ߬ ߘߌߦߊ߫، ߊ߬ ߘߌ߫ ߡߐ߰ ߘߐ߯ߦߊ߫ ߡߍ߲ ߓߴߊ߬ ߘߌߦߊ߫، ߤߙߊ ߦߴߊ߬ߟߋ߫ ߟߋ߬ ߓߟߏ߫ ߸ ߊ߬ߟߋ߫ ߟߋ߬ ߛߋ߫ ߟߊ߫ ߞߏ߫ ߓߍ߯ ߟߊ߫.

ߣߌ߫ ߡߍ߲ ߘߏ߫ ߞߍ߫ ߘߊ߫ ߕߊ߲߬ ߸ ߏ߬ ߘߌ߫ ߞߍ߫ ߊ߬ ߟߊ߫ ߞߍ߫ ߊ߬ ߟߊ߫ ߘߊ߲ߝߋ߲ ߠߎ߬ ߝߍ߬ ߕߞߌߕߞߌ ߟߊ߫، ߤߊߟߌ߬ ߣߴߊ߬ ߞߍ߫ ߘߴߊ߬ ߟߊ߫ ߛߍ߬ߡߍ ߛߊ߲ߝߍ߬، ﴾ߛߌ߫ ߕߴߊ߬ߟߋ߬ ߓߐߢߐ߲߯ߞߏ߫ ߘߌ߫، ߊ߬ߟߋ ߟߋ߬ ߡߍ߲ߠߌ߲ߠߊ ߦߋߟߌߟߊߘߌ﴿ [ߞߏߟߊ߲ߒߞߘߐߢߐ߯ߦߊ، ߁߁]

ߊ߲ ߕߍ߫ ߖߊߤߑߡߌߦߊ߫ ߤ߭ߎ߬ߟߎ߯ߟߌߦߊ ߣߴߊ߬ߟߎ߫ ߢߐ߲ߜߘߍ ߟߎ߬ ߕߊ ߝߐߣߍ߲߫ ߝߐ߫ ߟߊ߫، ߞߏ߫ ߊߟߊ߫ ߦߴߊ߬ ߟߊ߫ ߘߊ߲ߝߋ߲ ߠߎ߬ ߝߍ߬ ߟߋ߬ ߘߎ߯ߡߊ߬، ߊ߲ ߦߴߊ߬ ߦߋߟߊ߫ ߣߌ߫ ߡߍ߲ ߞߴߏ߬ ߝߐ߫ ߒߓߏ߬ ߕߌ߭ ߦߋ߫ ߞߊ߯ߝߙߌ߫ ߥߟߊ߫ ߝߟߌ߬ߓߊ߲ߒߕߋ، ߓߊߏ߬ ߊ߬ ߓߘߊ߫ ߊߟߊ߫ ߡߊ߲߬ߞߕߎ߬ ߝߋ߲߫ ߠߊ߫ ߊ߬ ߣߌ߫ ߡߍ߲ ߡߊ߲ߞߊ߲߫ ߞߊ߬ ߓߐ߫ ߣߊ߰ߛߌ߫ ߟߎ߬ ߘߐ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߝߋ߲߫ ߡߊ߬ ߸ ߊ߬ ߟߊ߫ ߞߋߟߊ (ߛ߫.ߛ) ߞߵߊ߲ ߖߊ߲߬ߖߏ߲ߧߊ ߡߍ߲߫ ߠߊ߫ ߸ ߞߏ߫ ߊ߬ ߦߋ߫ ߖߌ߰ ߟߊ߫ ߞߊ߬ ߣߊ߬ ߘߎߢߊ߫ ߛߊ߲ ߡߊ߬ ߛߎ߯-ߎ -ߛߎ߬ ߸ ߛߎ ߕߟߊ߫ ߛߓߊߣߊ߲ ߠߊߓߊ߲ ߓߊ߯ ߕߏ߫ ߞߏߕߊ߫، ߒ߬ߓߵߊ߬ ߘߴߊ߬ ߝߐ߫: ߖߐ߲߫ ߘߌ߫ ߒ ߥߟߋ߫ ߒ ߧߴߏ߬ ߖߊ߬ߓߌ߬ ؟ ߖߐ߲߫ ߘߌ߫ ߒ ߘߊߟߌ߫ ߒ ߧߴߏ߬ ߛߐ߫؟ ߖߐ߲߫ ߘߌ߫ ߡߊ߬ߞߕߏ߬ߟߌ ߢߌߣߌ߲߫ ߒ ߧߴߏ߬ ߡߊߞߕߏ߫؟

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߛߊߣߌ߲ߡߊ߲߫ ߞߘߐߕߊ߬ߣߍ߲߬ߓߊ ߣߊ߬ߕߐ ߟߋ߬ ߓߍ߲ߒߢߐ߰ߦߊ ߟߏ߲ ߞߕߌߕߍ߯ ߞߊߡߊ߬ ߖߐ߲߭ ߠߎ߬ ߕߍ߫، ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫:: ﴾ ߞߏ߬ߣߌ߲߬ ߤߊ߲߫ ߸ ߣߌ߫ ߘߎ߱ ߘߡߐߢߐ߲ߞߐ߫ ߘߊ߫ ߕߎ߬ߡߊ ߡߍ߲ ߓߘߎߓߘߍ - ߓߘߎߓߘߍ߫ * ߊ߬ ߣߌ߫ ߞߵߌ ߡߊ߰ߙߌ ߣߊ߬ ߸ ߊ߬ ߣߌ߫ ߡߟߍ߬ߞߊ ߟߎ߫ ߟߐ߬ߖߟߎ߬ߡߊ ߟߐ߬ߖߟߎ߬ߡߊ * ߊ߬ ߣߌ߫ ߞߊ߬ ߣߊ߬ ߔߊߦߌߔߊߦߌ ߘߌ߫ ߏ߬ ߟߏ߲، ߒ߬ߓߊ߬ ߡߐ߱ ߦߴߊ߬ ߦߟߌߓߌ߬ߟߊ߬ ߟߴߏ߬ ߟߏ߲ ߠߋ߬، ߏ߬ ߦߟߌߓߌߟߊ ߘߏ߲߬ ߘߌ߫ ߡߎ߲߬ ߓߐ߫ ߊ߬ ߦߋ߫ ߛߊ߫ ﴿ [ߖߍ߲ߓߎߙߍ߲، ߟ:߂߁ - ߂߃]

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߞߘߐߕߊ߬ߣߍ߲ߓߊ ﴾ߖߘߍ߬ߛߊ߬ߥߏ߬ ߞߍ߬ߟߊ ߟߋ߬﴿ [ߤߎ߯ߘ، ߟ:߁߀߇]

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ ߟߊ߫ ߟߊ߬ߢߌߣߌ߲ ߦߋ߫ ߛߎ߯ߦߊ ߝߌߟߊ ߟߋ߬ ߘߌ߫ :

ߓߊ߲ߘߊߘߐ߬ߞߏ: ߊ߬ ߟߊ߫ ߟߊ߬ߢߌߣߌ߲ ߠߋ߬ ߞߍ߫ ߟߴߏ߬ ߞߣߐ߫، ߊ߬ ߕߍ߫ ߛߋ߲ߛߋߘߋ߲߫ ߘߌ߫ ߞߏ߫ ߝߴߏ߬ ߦߋ߫ ߞߍ߫ ߊ߬ ߞߊ߬ߣߌ߲߬ߣߍ߲߫ ߘߴߊ߬ ߓߟߏ߫، ߏ߬ ߟߋ߬ ߟߊ߬ߢߌߣߌ߲ ߦߋ߫ ߛߊ߬ߥߏ ߘߌ߫، ߦߏ߫ ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫:﴾ߣߴߊ߬ ߕߎ߲߬ ߞߵߊߟߊ߫ ߘߌߦߊ߫߸ ߊ߬ߟߎ߫ ߕߎ߲߬ ߕߍ߫ ߢߐ߲߮ ߞߟߍ߬ ߝߋߎ߫، ߞߏ߬ߣߌ߲߬ ߊߟߊ߫ ߞߏ߫ ߟߋ߬ ߞߍ߫ ߟߊ߫ ߸ ߊ߬ ߓߊ߯ ߡߍ߲ ߠߊߢߌߣߌ߲߫﴿ [ߣߛߌߡߛߏ، ߟ:߂߅߃] ﴾ߣߴߊ߬ ߞߵߊ߬ ߕߘߍ߬ ߊߟߊ߫ ߦߴߊ߬ ߝߍ߬ ߟߋ߬ ߞߵߊߟߎ߫ ߟߊߝߟߌ߬، ߓߊߏ߫ ߏ߬ ߟߋ ߊߟߎ߫ ߡߊ߰ߙߌ ߘߌ߫﴿ [ߤߎ߯ߘ، ߟ:߃߄]

ߛ߭ߊ߬ߙߌߦߊߘߐ߬ߞߏ: ߊ߬ ߟߊ߫ ߟߊ߬ߢߌߣߌ߲ ߞߍ߫ ߕߍ߫ ߛߋ߲ߛߋߘߋ߲߫ ߘߴߏ߬ ߘߐ߫ ، ߊ߬ ߘߏ߲߬ ߠߊ߫ ߟߊ߬ߢߌߣߌ߲ ߕߍ߫ ߞߍ߫ ߝߏ߫ ߊ߬ ߦߴߊ߬ ߕߘߍ߬ ߊ߬ ߘߌߦߊߣߍ߲ ߊ߬ ߡߊ߬، ߦߏ߫ ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫:﴾ߊߟߊ߫ ߦߴߊ߬ ߝߍ߬ ߞߊ߬ ߖߘߍ߬ߟߊ߬ߛߊߦߌ ߟߋ߫ ߡߌ߬ߘߵߊߟߎ߫ ߡߊ߬﴿ [ߡߏ߬ߛߏ ߟߎ߬، ߟ:߂߇]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊ߬ ߟߊ߫ ߓߊ߲ߘߊߘߐ߬ߞߏ ߣߌ߫ ߛ߭ߊ߬ߙߌߦߊߘߐ߬ߞߏ ߟߊ߬ߢߌߣߌ߲ ߓߍ߯ ߕߎ߲߬ߠߍ߲߫ ߊ߬ ߟߊ߫ ߥߘߋ߬ߥߘߋ߬ߟߌ ߟߋ߬ ߞߐ߫، ߊ߬ ߓߊ߯ ߝߋ߲ߝߋ߲߫ ߠߊ߫ ߕߍ߰ ߓߊ߲ߘߊߘߐ߬ߞߏ ߘߐ߫، ߥߟߴߊ߬ ߟߊ߫ ߘߊ߲ߝߋ߲ ߠߎ߬ ߞߴߊ߬ ߓߊ߬ߕߏ߫ ߛ߭ߊ߬ߙߌߦߊߘߐ߬ߞߏ ߞߊ߲߬ ߒ ߓߴߏ߬ ߓߍ߯ ߦߋ߫ ߊ߬ ߟߊ߫ ߥߘߋ߬ߥߘߋ߬ߟߌ ߟߋ߬ ߞߣߐ߫، ߊ߲ ߞߵߏ߬ ߟߐ߲߫ ߓߊ߬ ߊ߲ ߡߴߏ߬ ߟߐ߲߫ ߸ ߏ߬ ߓߍ߯ ߞߊ߫ ߞߊ߲߫، ߥߟߊ߫ ߸ ߊ߲ ߖߊ߲߭ ߠߎ߬ ߘߛߍ߫ ߘߴߏ߬ ߢߊߦߋ߫ ߘߐ߫ ﴾ߊ߬ ߝߐ߫ ߊߟߊ߫ ߕߍ߫ ߞߕߌߕߍ߯ߟߊ ߟߎ߬ ߘߐ߫ ߞߕߌߕߍ߯ߟߊ߫ ߞߎߛߊ߲ ߘߌ߫﴿ [ ߕߏ߬ߙߏ، ߟ:߈] ﴾ߖߍߣߍ߲ ߘߏ߲߬ ߠߊ߫ ߞߕߌ ߘߌ߫ ߢߵߊߟߊ߫ ߕߊ ߘߌ߫ ߡߌ߬ߙߌ߲߬ߘߌ߫ ߦߋ߫ ߡߍ߲߫ ߠߎ߬ ߦߋ߫ ߘߍ߲߬ߞߣߍ߬ߦߟߊ߫﴿ [ߛߎ߬ߡߊ߲߬ߝߍ، ߟ:߅߀]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲ߓߊ ߦߴߊ߬ ߢߌ߲߭ ߠߎ߬ ߞߊ߬ߣߌ߲߬ ߠߊ߬ ߸ ߏ߬ ߠߎ߬ ߝߣߊ߫ ߦߴߊ߬ߟߎ߬ ߞߊ߬ߣߌ߲߬ ߠߊ߫ ﴾ߊ߬ ߝߐ߫ ߞߏ߫ ߣߴߊߟߊ߫ ߘߌߡߊ߲߫ ߞߍߘߴߊߟߎ߫ ߦߋ߫ ߸ ߊߟߎ߫ ߒߠߋ ߟߊߓߊ߬ߕߏ߬، ߊߟߎ߫ ߘߌ߫ ߘߌߦߴߊߟߊ߫ ߦߋ߫ ﴿ [ߊ߳ߺߌߡߑߙߣߊ߫ ߞߐߙߍ، ߟ:߃߁] ﴾ߊߟߊ߫ ߘߌߣߊ߬ ߣߊ߬ ߡߌ߬ߙߌ߲߬ߘߌ߬ ߜߘߍ߫ ߘߌ߫ ߡߍ߲ ߠߎ߬ ߘߌߡߊ߲߫ ߊ߬ ߦߋ߫ ߸ ߊ߬ ߝߣߊ߫ ߘߌߡߊ߲߫ ߏ߬ ߟߎ߬ ߦߋ߫﴿ [ߛߎ߬ߡߊ߲߬ߝߍ، ߟ:߅߄] ﴾ߓߊߏ߫ ߊߟߊ߫ ߡߎ߬ߢߎ߲߬ߓߊ߮ ߟߎ߫ ߟߋ߫ ߝߍ߬﴿ [ߊ߳ߺߌߡߑߙߣߊ߫ ߞߐߙߍ، ߟ:߁߄߆] ﴾ߊߟߎ߫ ߦߋ߫ ߕߋߟߋ߲ߓߊ߯ߦߊ ߞߍ߫، ߓߊߏ߫ ߊߟߊ߫ ߦߋ߫ ߕߋߟߋ߲ߓߊ߮ ߟߎ߬ ߟߋ߬ ߝߍ߬﴿ [ߓߏ߲ߘߋ߲ ߠߎ߬، ߟ:߉] ﴾ߊߟߎ߫ ߦߋ߫ ߢߊ߬ ߟߋ߬ ߓߊߏ߫ ߢߊ߬ߓߊ߮ ߟߎ߫ ߟߋ߬ ߘߌߡߊ߲߫ ߊߟߊ߫ ߦߋ߫﴿ [ߣߛߌ߬ߡߛߏ، ߟ:߁߉߅]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߘߌ߬ߢߍ߬ ߟߊ߫ ߓߊ߯ߙߊ ߟߎ߬ ߣߌ߫ ߞߎߡߊߞߊ߲ ߠߎ߬ ߟߋ߬ ߡߊ߬ ߸ ߊ߬ ߞߊ߬ ߡߍ߲ ߞߕߌ߫ ߛߌߟߦߊ߫، ߊ߬ ߝߋ߲߫ ߠߋ߬ ߞߐ߲߫ ߠߴߏ߬ ߟߎ߬ ߘߐ߫ ߸ ߊ߬ ߞߊ߬ ߝߊߕߊ߲ߕߟߌ ߞߍ߫ ߡߍ߲ ߠߎ߬ ߡߵߏ߬ ߟߎ߬ ߘߐ߫ ﴾ߣߴߊߟߎ߫ ߞߊ߬ ߞߏߢߌߡߊߟߐ߲ߓߊߟߌߦߊ ߞߍ߫ ߊߟߊ߫ ߢߊ߬ߣߍ߲߫ ߠߋ߬ ߊߟߎ߫ ߞߐ߫، ߊ߬ ߕߍ߫ ߘߌ߬ߢߍ߫ ߊ߬ ߟߊ߫ ߖߐ߲߭ ߠߎ߬ ߦߋ߫ ߞߏߢߌߡߊߟߐ߲ߓߊߟߌߦߊ ߘߐ߫ ߘߋ߬، ߣߴߊߟߎ߫ ߞߊ߬ ߞߏߢߌߡߊߟߐ߲ ߞߍ߫ ߛߊ߫߸ ߊ߬ ߘߌ߫ ߘߌ߬ߢߍ߫ ߏ߬ ߡߊ߬ ߊߟߎ߫ ߦߋ߫﴿ [ߛߘߍߞߘߎ، ߟ:߇] ﴾ߓߊ߬ߙߌ߬ ߸ ߊ߬ߟߎ߬ ߟߊ߫ ߕߊ߯ߟߌ ߟߋ߬ ߜߏߦߊ߫ ߘߴߊߟߊ߫ ߦߋ߫، ߊ߬ ߞߵߊ߬ߟߎ߬ ߘߐߡߌ߬ߘߊ߫ ߏ߬ ߟߋ ߘߐ߫، ߊ߬ ߝߐ߫ ߘߴߊ߬ߟߎ߫ ߡߊ߬ ߏ߬ ߘߐ߫ ߛߊ߫ ߞߏ߫ ߊߟߎ߫ ߦߴߊߟߎ߫ ߜߡߊ߫ ߛߌ߰ߓߊ߮ ߟߎ߫ ߝߍ߬﴿ [ߖߘߍ߬ߟߛߊߦߌ، ߟ:߄߆]

ߊ߬ ߣߴߊ߲ ߧߋ߬ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߘߌ߬ߢߍ߬ ߟߊ߫ ߡߐ߬ ߟߎ߫ ߡߊ߬ ߡߍ߲ ߠߎ߬ ߟߌ߬ߡߣߊ߬ߦߊߣߍ߲߫ ߞߊ߬ ߓߊ߯ߙߊ߫ ߢߌߡߊ ߟߎ߬ ߞߍ߫ ﴾ߊߟߊ߫ ߓߘߊ߫ ߘߌ߬ߢߍ߫ ߏ߬ ߟߎ߫ ߡߊ߬ ߸ ߊ߬ߟߎ߬ ߝߣߊ߫ ߓߘߊ߫ ߘߌ߬ߢߍ߬ ߊ߬ ߡߊ߬، ߒ߬ߓߊ߬ ߏ߬ ߞߍߕߐ߫ ߡߐ߰ ߟߋ߬ ߦߋ߫ ߸ ߡߍ߲ ߓߊ߯ ߛߌߟߊ߲߫ ߊ߬ ߡߊ߰ߙߌ ߢߍ߫﴿ [ߔߊߞߌߛߊ، ߟ:߈]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߡߐߣߍ߫ ߟߊ߫ ߡߐ߰ ߡߊ߬ ߡߍ߲ ߕߌ߭ ߣߌ߫ ߡߐߣߍ߫ ߞߊ߫ ߞߊ߲߫ ߸ ߞߊ߯ߝߙߌ ߟߎ߬ ߣߴߊ߬ߟߎ߬ ߢߐ߲߰ߜߘߍ ߟߎ߬ ߘߐ߫ ﴾ߡߍ߲ ߠߎ߬ ߦߋ߫ ߖߌ߰ߟߌ߬ ߖߎ߮ ߖߌ߰ ߟߴߊߟߊ߫ ߦߋ߫، ߖߎ߯ߡߊ߲ ߞߏ߰ߙߌ ߦߴߏ߬ ߟߎ߫ ߟߋ߫ ߡߊ߬، ߊ߬ ߣߌ߫ ߊߟߊ߫ ߓߘߊ߫ ߡߐߣߍ߫ ߊ߬ߟߎ߫ ߡߊ߬﴿ [ߟߊ߬ߥߛߊ، ߟ:߆] ﴾ߞߏ߬ߣߌ߲߬ ߡߍ߲ ߓߊ߯ ߊ߬ ߛߣߐ߬ߡߍ ߟߊߞߊ߬ ߞߊ߯ߝߙߌߦߊ ߦߋ߫ ߸ ߊߟߊ߫ ߟߊ߫ ߡߐߣߍ ߦߴߏ߬ ߟߎ߫ ߟߋ߫ ߡߊ߬ ߸ ߖߊ߲߰ߞߕߊ߬ ߓߏ߲߬ߓߊ߬ ߊ߬ߟߎ߬ ߦߋ߫ ߝߣߊ߫﴿ [ߟߞߌߛߍ، ߁߀߆]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߞߏߟߊߘߊ߫ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߡߍ߲ ߡߊ߲߬ߞߕߎ߬ߣߍ߲߫ ߞߟߊߒߞߋߦߊ ߣߌ ߞߡߊ߬ߙߊ߲߬ߒߞߋ߬ߦߊ ߟߊ߫ ﴾ߌ ߡߊ߰ߙߌ ߞߏߟߘߊ ߟߋ߬ ߕߏߕߐ߫ ߸ ߞߟߊ߬ߒ߬ߞߋ߬ߦߊ ߣߌ߫ ߞߊ߬ߡߙߊ߬ߒ߬ߞߋ߬ߦߊ ߕߌ߱﴿ [ߡߊ߬ߤߌ߬ߣߟߊ߫، ߟ:߂߇]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߞߢߐ߬ߝߘߍ߫ ߞߡߊ߬ߙߊ߬ߒߞߋ߫ ߓߏ߲߬ߓߊ ߝߌ߬ߟߊ߬ ߦߵߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ﴾ߊ߬ ߓߟߏ ߝߌ߬ߟߊ ߘߐߝߎߟߋ߲ߣߍ߲߫ ߠߋ߬ ߞߟߋ߫، ߊ߬ ߦߋ߫ ߛߟߐߓߐ ߞߍ߫ ߟߊ߫ ߢߊ߫ ߟߋ߫ ߡߊ߬ ߡߍ߲ ߓߊ߯ ߊ߬ ߘߌߦߊ߫﴿ [ߛߎ߬ߡߊ߲߬ߝߍ، ߟ: ߆߄] ﴾ߊ߬ߟߎ߬ ߡߴߊߟߊ߫ ߓߏ߲߬ߧߴߊ߬ ߓߏ߲߬ߧߊ ߕߎ߬ߢߦߊ߬ߢߊ ߞߊ߲߬، ߘߎ߱ ߡߎ߰ߡߍ ߦߴߊ߬ ߕߙߐ߬ߡߢߐ߬ ߞߋߟߋ߲߫ ߠߋ߬ ߘߌ߫ ߟߐ߬ߓߊ ߟߏ߲، ߛߊ߲ ߠߎ߬ ߡߟߋߞߋߕߐ߫ ߟߴߊ߬ ߞߌߣߌ߲ ߠߊ߫، ߊ߬ ߛߊߣߌ߲ߡߊ߲߫ ߞߵߊ߬ ߞߘߐߕߵߊ߬ߟߎ߬ ߟߊ߫ ߜߙߊ߬ߢߐ߲߰ߦߊ߬ ߝߋ߲ ߠߎ߫ ߡߊ߬﴿ [ߛߘߍߞߘߎ، ߟ:߆߇]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߢߊߞߌߛߍ߫ ߖߘߍ߬ߖߘߍ ߝߌ߬ߟߊ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫، ߞߴߊ߬ ߡߊߛߐ߬ߘߐ߲߬ ߊ߬ ߞߎߡߊߞߊ߲ ߝߍ߬ ߞߏ߫: ﴾ߒ ߞߏ߫ ߞߎߟߎ߲ ߠߊߘߊ߲߫ ߊ߲ ߢߊߞߘߐ߫ ߊ߬ ߣߴߊ߲ ߠߊ߫ ߦߟߌߘߏ߲ ߠߊ߫﴿ [ߤߎ߯ߘ، ߟ:߃߇] ߊߟߊ߫ ߟߊ߫ ߟߊ߬ߝߐ߬ߓߊ߮ ߝߣߊ߫ ߞߴߊ߬ ߝߐ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߞߏ߫: << ߊ߬ ߟߊ߫ ߥߣߊ߬ߙߌ ߦߋ߫ ߦߋߟߋ߲ ߠߋ߬ ߘߌ߫، ߣߴߊ߬ ߞߵߏ߬ ߡߊߞߊ߬ ߏ߬ ߡߍߣߍ߲߫ ߘߌ߫ ߊ߬ ߟߊ߫ ߦߋߟߌ ߘߊ߲߬ ߦߌߟߊ ߘߊ߲ߝߋ߲ ߓߍ߯ ߖߋ߬ߣߌ߲߬ >>.

ߛߎߒߠߠߊ ߘߏ߲߬ߞߏ ߓߍ߯ ߓߍ߲߬ߠߍ߲߫ ߊ߬ ߡߊ߬ ߞߏ߫ ߢߊߞߌߛߍ ߦߋ߫ ߝߌ߬ߟߊ ߟߋ߬ ߘߌ߫، ߟߊ߬ߝߐ߬ߓߊ߮ ߛߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߟߊ߫ ߞߎߡߊߞߊ߲ ߘߊ߬ߖߊ߯ߟߌ߫ ߞߏ߫ ߘߐ߫ ߸ ߏ߬ ߟߋ߬ ߞߎ߬ߡߊ ߣߌ߫ ߛߍ߲߬ߓߍ߬ߟߊ߲ ߘߌ߫ ߞߏ߫: <<ߢߊߞߋߟߋ߲ߕߐ ߟߋ߬، ߊߟߎ߫ ߕߌ߭ ߘߏ߲߬ ߕߍ߫ ߢߊߞߋߟߋ߲ߕߐ ߘߌ߫>>

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲ߓߊ: ﴾ߢߊ ߟߎ߬ ߕߍ߫ ߘߋߦߌ߫ ߟߴߊ߬ ߡߊ߬ ߸ ߊ߬ߟߋ ߟߋ߬ ߦߋ߫ ߘߋߦߌ߫ ߟߊ߫ ߢߊ ߟߎ߫ ߡߊ߬، ߓߊߏ߫ ߸ ߊ߬ߟߋ ߡߐߡߐߒߕߋߞߟߊ߬ߡߊ߬ߓߊ߮ ߟߋ߬ ߘߌ߫﴿ [ߞߟߏߝߋ߲ ߠߎ߬، ߟ:߁߀߃]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߡߎ߯ߡߌߣߌ߲ ߠߎ߬ ߦߴߊߟߊ߫ ߦߋ߫ ߟߊ߫ ߟߋ߬ ߟߐ߬ߓߊ ߟߏ߲ ﴾ߢߘߊ ߘߏ߫ ߟߎ߫ ߡߊߣߍߡߊߣߍ߲߫ ߏ߬ ߟߏ߲ * ߊ߬ߟߎ߬ ߦߴߊ߬ߟߎ߫ ߡߊ߰ߙߌ ߡߊߝߟߍ ߞߊ߲߬﴿ [ߟߐ߬ߓߊ، ߟ:߂߂ - ߂߃]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߢߐ߲߬ ߕߍ߫، ߊ߬ ߡߊ߲߬ߞߕߎ ߟߎ߬ ߘߝߊ߫ ߞߏߛߐ߲߬ ߝߏߦߌ߬ ߕߴߊ߬ߟߋ߬ ߓߐߢߐ߲߯ߞߏ߫ ߘߌ߫، ߊ߬ߟߋ ߟߋ߬ ߡߍ߲ߠߌ߲ߠߊ ߦߋߟߌߟߊߘߌ߫

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫: ﴾ߖߌ߲߬ߞߐ߲߬ ߕߴߊ߬ ߡߌ߬ߘߊ߬ ߟߊ߫߸ ߞߎߡߊߕߍ߫ ߛߎ߬ߣߐ߯ ߡߊ߬﴿ [ߣߛߌ߬ߡߛߏ، ߟ:߂߅߅] ߊ߬ ߟߊ߫ ߣߌߡߦߊ ߣߴߊ߬ ߟߊ߫ ߟߐ߲߬ߒߖߘߍ߬ߟߦߊ ߘߝߊ߫ ߘߐ߫.

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߊ߬ ߕߍ߫ ߛߌ߫ ߕߐ߬ߢߍ߬ ߟߊ߫، ߊ߬ ߟߊ߫ ߕߋߟߋ߲ ߘߝߊ߫ ߥߊ߬ߙߊ ߡߊ߬، ߊ߬ ߣߴߊ߬ ߢߌ߬ߣߊ߬ߓߊ߯ ߘߌ߫ ߊ߬ ߟߊ߫ ߖߐ߲߭ ߠߎ߬ ߓߊ߯ߙߊߣߐ ߞߐ߫، ߊ߬ ߟߊ߫ ߞߣߐ߬ߜߍ߲߬ߠߌ߲ ߣߴߊ߬ ߟߊ߫ ߟߊ߬ߝߏ߬ߟߌ ߥߊ߬ߙߊ ߡߊ߬

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߝߏ߫ ߛߌ߬ ߕߴߊ߬ ߟߊ߫ ߞߢߊ߬ ߟߊ߫ ߛߊ߲ ߠߎ߬ ߣߌ߫ ߘߎ߱ ߘߐ߫، ߊ߬ ߟߊ߫ ߟߐ߲ߠߌ߲ ߣߴߊ߬ ߟߊ߫ ߖߊ߬ߕߋ߬ߛߌ߮ ߥߊ߬ߙߊ ߡߊ߬ ﴾ߊ߬ ߟߊ߫ ߟߐ߬ߟߌ ߦߋ߫ ߟߋ߬ ߸ ߣߴߊ߬ ߞߊ߬ ߞߏ ߘߏ߫ ߟߊߢߌߣߌ߲߫ ߸ ߊ߰ ߊ߬ ߝߐ߫ ߏ߬ ߡߊ߬ ߘߐߙߐ߲߫ ߞߏ߫ ߞߍ߫ ߸ ߏ߬ ߘߌ߫ ߞߍ﴿ [ߦߊߛߌ߯ߣ، ߟ:߈߂]

ߊ߬ ߣߌ߫ ߓߊߏ߬ ߛߍ߰ ߕߴߊ߬ ߛߐ߬ߘߐ߲߬ ߠߊ߫، ߊ߬ ߝߊ߲߬ߞߊ ߘߝߊ߫ ߥߊ߬ߙߊ߫ ߡߊ߬ ﴾ߒ߬ߠߎ߫ ߟߋ߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߸ ߊ߬ ߣߌ߫ ߡߍ߲ ߦߴߊ߬ߟߎ߫ ߝߌ߬ߟߊ ߕߍ߫ ߕߟߋ߬ ߥߐ߯ߙߐ߫ ߞߘߐ߫ ߸ ߛߍ߰ ߛߌ߫ ߡߊ߫ ߡߊ߰ ߒ߬ ߠߊ߫﴿ [ߞ߳ߺߊ߯ߝ، ߃߈] ߟߊ߬ߢߌߣߌ߲ ߦߋ߫ ߛߍ߭ ߟߋ߬ ߘߌ߫

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߝߋ߲߫ ߛߓߊ߬ߕߌ߬ ߘߐ߫ ߊ߬ ߞߊ߬ ߡߍ߲߫ ߓߍ߯ ߛߓߊ߬ߕߌ߬ ߊ߬ ߖߍ߬ߘߍ ߡߊ߬، ߥߟߴߊ߬ ߟߊ߫ ߞߋߟߊ (ߛ߫.ߛ) ߞߊ߬ ߡߍ߲ ߛߓߊ߬ߕߌ߫߬ ߊ߬ ߡߊ߬ ߞߊ߬ ߓߐ߫ ߕߐ߮ ߟߎ߬ ߣߌ߫ ߡߊ߲߬ߞߕߎ ߟߎ߬ ߘߐ߫، ߞߐ߬ߣߌ߲߬ ߸ ߊ߲ ߛߋ߲߬ߓߐ߬ߣߍ߲߫ ߠߋ߬ ߟߊ߬ߕߐ߲߬ߠߍ߲߫ ߓߏ߲߬ߓߊ ߝߌ߬ߟߊ ߘߐ߫، ߏ߬ ߝߌ߬ߟߊ ߟߋ߬: ߟߊ߬ߡߎ߬ߣߎ߲߬ߧߊ߬ߟߌ ߣߌ߫ ߞߍߢߊߟߌ ߡߊ߬

ߒ߬ߓߊ߬ ߸ ߟߊ߬ߡߎ߬ߣߎ߲ߧߊ߬ߟߌ ߟߴߊ߬ ߝߐ߫ ߘߌ߫ ߖߎ߬ߛߎ ߘߐ߫ ߥߟߊ߫ ߣߍ߲߭ ߠߊ߫ ߞߏ߫: ߊߟߊ߫ ߞߘߐߕߊ߬ߣߍ߲߬ߓߊ ߡߊ߲߬ߞߕߎ ߦߋ߫ ߟߋ߬ ߦߏ߫ ߘߊ߲ߝߋ߲ ߠߎ߬ ߡߊ߲߬ߞߕߎ.

ߒ߬ߓߊ߬ ߸ ߞߍߢߊߟߌߦߊ ߟߴߊ߬ ߝߐ߫ ߘߌ߫ ߖߎ߬ߛߎ ߘߐ߫ ߥߟߊ߫ ߣߍ߲߭ ߠߊ߫ ߞߏ߫: ߊߟߊ߫ ߞߘߐߕߊ߬ߣߍ߲߬ߓߊ ߡߊ߲߬ߞߕߎ ߦߋ߫ ߕߊ߲߬ ߣߌ߫ ߕߊ߲߬ ߠߋ߬

ߊ߬ ߣߴߊ߲ ߦߋ߫ ߟߌ߬ߡߣߊ߬ߦߟߊ߫ ߞߏ߫ ߝߋ߲߫ ߣߞߊ߬ߘߌ߬ ߡߊ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲߫ ߣߞߊ߬ߘߴߊ߬ ߖߍ߬ߘߍ ߡߊ߬، ߥߟߴߊ߬ ߟߊ߫ ߞߋߟߊ (ߛ߫.ߛ) ߞߊ߬ ߡߍ߲߫ ߣߞߊ߬ߘߌ߬، ߣߞߊ߬ߘߌ߬ߟߌ ߏ߬ ߦߋ߫ ߟߞߊ߬ߝߏ߬ߟߌ ߞߍ߫ ߟߴߊ߬ ߛߌ߬ߣߊ ߘߝߊ ߟߊߛߓߊ߬ߕߌ߫ ߟߋ߬ ߟߊ߫، ߊ߬ ߣߴߊ߲ ߧߴߊ߲ ߡߊߞߎ߲߬ ߝߋ߲߫ ߡߊ߬ ߊߟߊ߫ ߣߴߊ߬ ߟߊ߫ ߞߋߟߊ ߞߵߊ߬ ߡߊߞߎ߲߬ ߡߍ߲߫ ߡߊ߬.

ߊ߲ ߧߋ߫ ߛߌߟߊ ߣߌ߲߬ ߞߊ߲߬ ߕߊ߯ߡߊ ߦߋ߫ ߟߊ߫ ߘߌߦߊߜߏߦߊ߫ ߟߋ߬ ߘߌ߫ ߢߊ߬ ߕߍ߫ ߞߍ߫ ߡߍ߲߫ ߞߐ߫، ߓߊߏ߬ ߣߴߊߟߊ߫ ߞߊ߬ ߡߍ߲߫ ߓߊ߲ߓߴߊ߬ ߖߍ߬ߘߍ ߟߊ߫ ߞߏ ߘߐ߫، ߥߟߊ߫ ߞߵߊ߬ ߣߞߊ߬ߘߴߊ߬ ߖߍ߬ߘߍ ߖߊ߯ߕߋ߫ ߡߊ߬، ߒ߬ߓߵߏ߬ ߦߋ߫ ߖߊ߲߬ߖߏ߲ ߠߋ߬ ߘߌ߫ ߊߟߊ߫ ߖߍ߬ߘߍ ߟߊ߫ ߞߏ ߘߐ߫، ߒ߬ߓߵߊ߬ ߖߘߍ߬ ߛߊߣߌ߲߫ ߠߋ߬ ߞߵߊ߬ ߖߘߍ߬ ߟߐ߲߫، ߞߎߡߟߊ ߟߎ߬ ߘߐ߫ ߕߏ߬ߢߊ߬ߕߌ߮ ߟߋ߬، ߓߊ߬ߘߏ߬ߟߊ ߟߎ߬ ߘߐ߫ ߞߎ߬ߛߊ߲ ߠߋ߬، ߖߐ߲߭ ߠߎ߬ ߕߍ߫ ߟߐ߲ߣߌ߲߫ ߝߏ߫ ߛߌ߬ ߟߊߝߏ߬ ߟߴߊ߬ ߟߊ߫ ߞߏ ߘߐ߫.

ߊ߬ ߟߊ߫ ߞߋߟߊ ߝߣߊ߫ ߞߊ߬ ߡߍ߲߫ ߓߊ߲ߓߴߊ߬ ߟߊ߫ ߞߏ ߘߐ߫، ߥߟߊ߫ ߞߵߊ߬ ߣߞߊ߬ߘߌ߫ ߞߊ߬ ߓߐ߫ ߊ߬ ߡߊ߬، ߒ߬ߓߵߏ߬ ߝߣߊ߫ ߦߋ߫ ߖߊ߲߬ߖߏ߲ ߠߋ߬ ߘߌ߫߸ ߊ߬ ߞߵߏ߬ ߖߊ߲߬ߖߏ߲߬ߦߊ߫ ߡߍ߲߫ ߠߊ߫، ߏ߬ ߟߵߊ߬ ߟߐ߲ߓߊ߯ ߓߊ ߘߌ߫ ߡߐ߱ ߟߎ߬ ߘߐ߫، ߘߊ߲ߠߌߝߋ߲ ߠߎ߬ ߓߍ߯ ߘߐ߫ ߞߣߐߘߐߘߌ ߟߋ߬، ߊ߬ߟߎ߬ ߓߍ߯ ߘߐ߫ ߕߏ߬ߢߊ߬ߕߌ߮ ߟߋ߬، ߊ߬ߟߎ߬ ߓߍ߯ ߘߐ߫ ߘߊߘߐߥߛߊ߬ߣߍ߲ ߠߋ߬.

ߒ߬ߓߊ߬ ߸ ߟߐ߲ߣߌ߲ ߘߊ߲߬ߣߊ߬ߛߋߣߍ߲ ߣߌ߫ ߕߏ߬ߢߊ ߣߌ߫ ߟߊ߲ߞߣߍߡߊ ߦߴߊߟߊ߫ ߣߴߊ߬ ߟߊ߫ ߞߋߟߊ ߞߎߡߊߞߊ߲ ߘߐ߫، ߓߟߏߡߌߘߊ߫ ߞߟߊ߫ ߕߍ߫ ߛߌ߫ ߓߟߵߏ߬ ߟߊߛߊ߬ߦߌ߲߬ ߘߐ߫، ߥߟߴߊ߬ ߡߌ߬ߘߊ߬ߞߏ߫ ߜߐߛߐ߲ ߘߐ߫.

*

ߝߐߘߊ߫

ߊ߲ ߞߊ߬ ߝߋ߲߫ - ߏ - ߝߋ߲߬ ߝߐ߫ ߞߊ߬ ߓߐ߫ ߊߟߊ߫ ߞߘߐߕߊ߬ߣߍ߲߬ߓߊ ߡߊ߲߬ߞߕߎ ߟߎ߬ ߘߐ߫ - ߕߐ߬ߝߍ߬ߦߊ߫ ߓߟߏߡߊ߬ ߓߊ߬ ߥߟߊ߫ ߟߊ߬ߜߎ߲߬ߟߌ߬ ߓߟߏߡߊ߬، ߓߊ߲ߓߊ߲ߣߌ߫ ߓߟߏߡߊ߬ ߥߟߊ߫ ߣߞߊ߬ߘߌ߬ߟߌ߫ ߓߟߏߡߊ߬، ߒ߬ߓߊ߬ ߸ ߊ߲ ߧߴߏ߬ ߞߍ߫ ߟߊ߫ ߟߋ߬ ߞߵߊ߬ ߕߘߍ߬ ߊ߲ ߧߋ߫ ߛߍ߲߬ߓߍ߬ߓߊ߯ ߘߌ߫ ߊ߲ ߕߌ߱ ߟߊ߫ ߟߍߙߊ ߣߌ߫ ߟߊ߬ߝߐ߬ߓߊ߮ ߟߊ߫ ߛߊ߬ߙߊ߲߬ߣߎ߲ ߠߊ߫، ߊ߬ ߣߌ߫ ߢߍߓߊ߯ ߢߌߡߊ߫ ߕߊ߬ߡߌ߲߬ߣߍ߲ ߠߎ߬ ߟߊ߫ ߕߊ߯ߡߊ߫ ߛߌߟߊ ߣߌ߫ ߞߊ߲ߘߦߊ ߢߍߓߊ߮ ߡߍ߲߫ ߠߎ߬ ߦߴߏ߬ ߟߎ߫ ߝߏ߲߬ߝߏ߲ ߞߊ߲߬.

ߟߍߙߊ ߣߌ߫ ߛߊ߬ߙߊ߲߬ߣߎ߲ ߟߊߕߊ߯ߡߴߊ߬ ߢߊ߫ ߟߊ߲ߞߣߍߡߊߣߍ߲ ߡߊ߬ ߸ ߊ߬ ߣߌ߫ ߢߊ ߖߍ߬ߘߍߖߍ߬ߘߍ ߞߊ߲߬ ߡߍ߲߫ ߘߌ߫ ߓߍ߲߬ ߊߟߓߊ߫ ߞߟߊߒߞߋ ߡߊ߬، ߊ߲ ߧߴߏ߬ ߟߋ߬ ߦߋ߫ ߘߌߦߊߜߏߦߟߊ߫.

ߊ߲ ߛߋ߲߬ߓߐߣߍ߲߫ ߠߋ߬ ߡߊ߬ߦߟߍ߬ߡߊߣߌ߲ߠߊ ߟߎ߬ ߟߊ߫ ߕߊ߯ߛߌߟߊ ߘߐ߫، ߡߍ߲߫ ߠߎ߬ ߞߊ߬ ߦߟߍ߬ߡߊ߲ߠߌ ߞߍ߫ ߞߊ߬ ߕߊ߯ ߊߟߊ߫ ߣߴߊ߬ ߟߊ߫ ߞߋߟߊ ߟߊ߫ ߟߊ߬ߢߌߣߌ߲ ߕߊ߬ߣߊ ߡߊ߬.

ߊ߬ ߣߴߊ߲ ߛߋ߲߬ߓߐߣߍ߲߫ ߠߋ߬ ߘߐ߬ߕߌ߬ߢߊ߬ߟߌ߬ߟߊ ߟߎ߬ ߟߊ߫ ߕߊ߯ߛߌߟߊ ߘߐ߫، ߡߍ߲߬ ߠߎ߬ ߞߊ߬ ߡߊ߲߬ߞߕߎ ߢߌ߲߬ ߠߎ߫ ߦߌ߬ߘߊ߬ߟߊ߲ ߠߎ߬ ߘߐߕߌߢߍ߫، ߞߊ߬ ߓߐ߫ ߝߋ߲߫ ߡߊ߬ ߊߟߊ߫ ߣߴߊ߬ ߟߊ߫ ߞߋߟߊ ߞߊ߬ ߡߍ߲߫ ߠߊߢߌߣߌ߲߫

ߊ߲ ߣߴߊ߲ ߛߋ߲߬ߓߐߣߍ߲߫ ߠߋ߬ ߕߊ߲߬ߠߕߊ߬ߡߌ߬ߓߊ߮ ߟߎ߬ ߟߊ߫ ߕߊ߯ߛߌߟߊ ߘߐ߫، ߡߍ߲߫ ߠߎ߬ ߞߊ߬ ߡߊ߲߬ߞߕߎ ߠߎ߬ ߕߊ߬ ߟߊ߬ߡߎߣߎ߲߬ߧߊߟߌ ߘߌ߫، ߥߟߴߊ߬ߟߎ߫ ߞߊ߬ ߘߌߦߊߜߏߦߊ߫ ߞߍߢߊ߫ ߦߌߘߊߟߌ ߞߍ߫.

ߊ߲ ߞߵߊ߬ ߟߐ߲߫ ߘߍ߲߬ߞߣߍߦߊ߫ ߟߐ߲ߣߌ߲ ߠߊ߫ ߞߏ߫ ߡߍ߲߫ ߠߊ߬ߣߍ߲߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߍߙߊ ߘߐ߫ ߥߟߴߊ߬ ߟߊ߫ ߟߊ߬ߝߐ߬ߓߊ߮ ߟߊ߫ ߛߊ߬ߙߊ߲߬ߣߎ߲ ߘߐ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߞߴߏ߬ ߦߋ߫ ߕߏ߬ߢߊ ߟߋ߬ ߘߌ߫ ߡߍ߲߫ ߕߍ߫ ߢߐ߲߫ ߛߌ߬ߣߊ߬ߦߟߊ߫، ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫: ﴾ ߦߊ߯ߟߴߊ߬ߟߎ߬ ߕߴߊ߬ߟߎ߫ ߕߊ߰ߛߌ߬ ߟߊ߫ ߞߎ߬ߙߊ߬ߣߊ ߞߎ߲߬ߠߊ߫ ߓߊ߬ ߸ ߣߴߊ߬ ߕߎ߲߬ ߝߘߊߣߍ߲߫ ߓߍ߫ ߊߟߊ߫ ߕߊ߬ߣߊ߫ ߟߋ߬ ߟߊ߫ ߸ ߊ߬ߟߎ߫ ߕߎ߲߬ ߘߌ߫ ߝߐߢߐ߲߯ߞߐ߫ ߛߌߦߊߡߊ߲߫ ߛߐ߬ߘߐ߲߫ ߊ߬ ߞߣߐ߫﴿ [ߡߏ߬ߛߏ ߟߎ߬، ߟ:߈߂]

ߓߊߏ߬ ߖߊ߲߬ߖߏ߲ ߠߎ߬ ߟߊ߫ ߢߐ߲߫ ߘߐ߫ ߛߌߦߊ߫ ߦߋ߫ ߘߏ߫ ߥߎߦߊߦߊ߫ ߟߋ߬ ߦߌ߬ߘߊ߫ ߘߌߦߊߜߏߦߊ߫ ߟߊ߫، ߏ߬ ߘߏ߲߬ ߦߋ߫ ߞߍߓߊߟߌ ߟߋ߬ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߣߴߊ߬ ߟߊ߫ ߞߋߟߊ ߟߊ߫ ߖߊ߲߬ߖߏ߲ ߘߐ߫ - ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫.

ߣߌ߫ ߡߍ߲߫ ߞߵߊ߬ ߞߎ߲߬ߘߐߕߍ߰، ߊ߬ ߟߊ߫ ߟߊ߬ߢߌߣߌ߲߫ ߖߎ߯ߦߊ ߣߴߊ߬ ߟߊ߫ ߖߛߎ߬ߞߎ߲߬ ߖߍ߲ߞߍ ߞߏߛߐ߲߬ ߞߏ߫ ߛߌ߬ߣߊ߬ߢߐ߲߰ߦߊ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߍߙߊ ߘߐ߫ ߥߟߴߊ߬ ߟߊ߫ ߞߋߟߊ ߟߊ߫ ߛߊ߬ߙߊ߲߬ߣߎ߲ ߘߐ߫، ߒ߬ߓߵߏ߬ ߦߴߊ߬ ߖߘߍ߬ߟߊߛߊ߬ߦߌ߲߬ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬ ߞߵߏ߬ ߓߐ߫ ߊ߬ ߛߟߐ߬ߡߍ ߘߐ߫.

ߣߌ߫ ߡߍ߲߫ ߘߏ߲߬ ߞߊ߬ ߛߣߊ߬ߢߐ߰ߦߊ ߖߌ߰ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߍߙߊ ߘߐ߫ ߥߟߴߊ߬ ߟߊ߫ ߞߋߟߊ ߟߊ߫ ߛߊ߬ߙߊ߲߬ߣߎ߲ ߘߐ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߥߟߊ߫ ߏ߬ ߝߌ߬ߟߊ ߣߌ߫ ߢߐ߲߯ ߕߍ߫، ߒ߬ߓߵߊ߬ ߣߴߏ߬ ߡߊ߫ ߞߍ߫ ߊ߬ ߕߌ߱ ߟߊ߫ ߟߐ߲ߣߌ߲ ߘߛߍ ߘߌ߫ ߥߟߴߊ߬ ߟߊ߫ ߢߊߦߋߟߌ ߞߎ߲߬ߘߐߛߎ߬ߘߎ߲ߧߊ ߥߟߴߊ߬ ߟߊ߫ ߕߊ߰ߛߌ߬ߟߌ ߟߊߘߐ߯ߦߊ، ߒ߬ߓߵߊ߬ ߦߋ߫ ߟߐ߲ߣߌ߲ ߢߌߣߌ߲߫، ߊ߬ ߦߴߊ߬ ߖߌߖߊ߰ ߕߊ߰ߛߌ߬ߟߌ ߘߐ߫، ߤߊ߲߯ ߕߏ߬ߢߊ ߦߋ߫ ߟߊ߲ߞߣߍߡߴߊ߬ ߦߋ߫. ߒ߬ߓߊ߬ ߸ ߣߌ߫ ߕߏ߬ߢߊ ߡߊ߫ ߟߊ߲ߞߣߍߡߴߊ߬ ߦߋ߫، ߊ߬ ߦߋ߫ ߞߏߢߊ ߛߍ߬ߓߍ߬ ߟߐ߲ߣߌ߲ߠߊ߫ ߟߎ߬ ߟߊ߫، ߊ߬ ߦߴߊ߬ ߖߘߍ߬ߘߐ߬ߡߌ߬ߘߊ߬ ߞߊ߬ ߓߐ߫ ߖߌ߰ߟߌ ߡߊ߬، ߊ߬ ߦߋ߫ ߝߋ߲߫ ߝߐ߫ ߦߏ߫ ߟߐ߲ߣߌ߲ߠߊ߫ ߓߊ߲ߓߊ߲ߣߍ߲ ߠߎ߬ ߦߋ߫ ߡߍ߲߬ ߝߐ߫ ߟߊ߫. ﴾ߊ߲ߠߎ߬ ߟߌ߬ߡߣߊ߬ߦߊ߬ߣߍ߲ ߊ߬ ߡߊ߬ ߸ ߊ߬ ߓߍ߯ ߝߘߊߣߍ߲ ߒ߬ ߡߊ߰ߙߌ ߟߋ߬ ߟߊ߫﴿ [ߊ߳ߺߌߡߑߙߊ߯ߣ ߞߐߙߍ: ߇] ߊ߬ ߦߴߊ߬ ߟߐ߲߫ ߞߏ߫ ߛߌ߬ߣߊ߬ߢߐ߲߰ߦߊߞߏ ߕߍ߫ ߟߍߙߊ ߣߌ߫ ߛߊ߬ߙߊ߲߬ߣߎ߲ ߝߌ߬ߟߊ ߛߌ߫ ߘߐ߫ ߸ ߊ߬ ߕߴߊ߬ ߝߌߟߊ ߛߌ߫ ߣߌ߫ ߢߐ߲߯ ߕߍ߫ ߞߐߡߊߕߍ ߝߏߢߐ߲ߞߐ ߡߊ߬.

*

ߝߐߘߊ߫

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߡߟߊ߬ߞߊ߫ ߟߎ߬ ߡߊ߬، ߊ߬ߟߎ߬ ߦߋ߫ ﴾ߖߐ߲߬ ߞߊ߬ߡߙߊ߬ߒߞߋ ߟߎ߫ ߟߋ߬ ߘߌ߫، ߏ߬ ߟߎ߬ ߕߍ߫ ߞߐ߲߰ ߠߴߊ߬ ߢߍ߫ ߞߎߡߊ߫ ߘߐ߫ ߸ ߊ߬ߟߎ߫ ߘߏ߲߬ ߦߋ߫ ߓߊ߯ߙߊ߫ ߟߴߊ߬ ߟߊ߫ ߥߊߟߋߦߊ ߟߋ߬ ߟߊ߫﴿ [ߟߊ߬ߝߐ߬ߓߊ ߟߎ߬، ߟ:߂߆ - ߂߇]

ߊߟߊ߫ ߞߵߊ߬ߟߎ߬ ߘߊ߲߫ ߦߋߟߋ߲ ߠߋ߬ ߘߐ߫، ߊ߬ߟߎ߬ ߞߵߊ߬ߟߎ߬ ߟߐ߬ ߊߟߊ߫ ߓߊ߬ߕߏ߫ ߣߴߊ߬ ߞߊ߲ߠߊߓߊߕߏ߫ ߟߊ߫. ﴾ߊ߬ߟߎ߬ ߕߴߊ߬ߟߎ߫ ߖߘߍ߬ߘߐߓߏ߲߬ߧߊ߬ ߟߴߊ߬ ߓߊ߬ߕߏ ߡߊ߬ ߸ ߊ߬ߟߎ߫ ߘߏ߲߬ ߕߍ߫ ߛߍ߰ ߟߊ߫ * ߊ߬ߟߎ߬ ߦߋ߫ ߛߊߣߌ߲ߧߊ ߝߐ߫ ߟߊ߫ ߛߎ߫ ߣߌ߫ ߕߋ߬ߟߋ߬ ߸ ߊ߬ߟߎ߬ ߕߍ߫ ߝߊ߬ߘߌ߬ߘߐߝߊ߰ ߟߊ߫﴿ [ߟߊ߬ߝߐ߬ߓߊ ߟߎ߬، ߟ:߁߉ - ߂߀] ߊߟߊ߫ ߞߵߊ߬ ߟߐ߬ ߥߣߊ߬ߙߌ ߟߋ߬ ߊ߲ߠߎ߬ ߡߊ߬ ߸ ߊ߲ ߕߴߊ߬ߟߎ߬ ߦߋ߫ ߟߊ߫، ߕߎ߬ߡߊ߫ ߘߏ߫ ߸ ߊ߬ ߘߴߊ߬ߟߎ߬ ߓߌ߬ߟߊ߬ ߜߍ ߘߐ߫ ߊ߬ ߟߊ߫ ߖߐ߲߭ ߘߏ߫ ߟߎ߫ ߦߋ߫، ߒ߬ߓߊ߬ ߸ ߟߊ߬ߝߐ߬ߓߊ߮ ߞߊ߬ ߖߌ߬ߓߙߌ߬ߟߊ߫ ߦߴߊ߬ ߖߌ߬ߦߊ߬ߘߐ ߘߐ߫ ߟߋ߬، ߞߊ߬ ߡߊ߲߫ ߗߡߍ߬ ߥߐ߯ߙߐ߫ ߦߴߊ߬ ߟߊ߫ ߸ ߊ߬ ߓߘߊ߫ ߓߊ߲ߘߊ ߓߍ߯ ߡߌ߬ߘߊ߬، ߖߌ߬ߓߙߌ߬ߟߊ߫ ߞߵߊ߬ ߖߘߍ߬ ߟߊߡߎߣߎ߲ߧߊ߫ ߊߘߡߊߘߋ߲߫ ߟߊߞߢߊߣߍ߲߫ ߠߊ߫ ߟߋ߬ ߡߊߙߌߦߡߊ߫ ߦߋ߫ ߞߵߊ߬ ߞߎߡߊߢߐ߲߯ߦߊ߫ ߞߎߡߊߢߐ߲߯ߦߊ߫ ߟߊ߫، ߊ߬ ߣߊ߬ ߘߊ߫ ߟߊ߬ߝߐ߬ߓߊ߮ ߟߊ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߗߍ߬ ߝߊߘߌ ߘߐ߫ ߞߵߊ߬ ߕߘߍ߬ ߛ߫ߐ߬ߤ߭ߊ߰ߓߊ߮ ߟߎ߬ ߦߋ߫ ߞߋߟߊ߫ ߝߍ߬، ߊ߬ ߡߊߟߐ߲ߣߍ߲߫ ߕߍ߫ ߕߊ߯ߡߊߘߐߕߊ߮ ߕߐ߯ߡߊߛߙߋ ߕߍ߫ ߦߋ߫ ߟߴߊ߬ ߡߊ߬، ߝߊ߰ߣߌ߲ ߜߍ߫ ߥߙߊ߬ߣߍ߲߬ߓߊ ߦߋ߫، ߛߌ ߝߌ߲߭ ߘߐߜߟߍ߬ߦߊ߬ߣߍ߲ߓߊ ߦߋ߫، ߊ߬ ߞߵߊ߬ ߛߌ߰ ߞߊ߬ ߕߊ߯ ߟߊ߬ߝߐ߬ߓߊ߮ ߡߊ߬ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߞߵߊ߬ ߞߎ߲ߡߋߙߋ߲ߞߎ߲ ߓߍ߲߬ ߟߊ߬ߝߐ߬ߓߊ߮ ߞߎ߲ߡߋߙߋ߲ߞߎ߲ ߡߊ߬، ߞߴߊ߬ ߓߟߏ߫ ߝߌ߬ߟߊ ߟߴߊ߬ ߥߘߏ ߞߊ߲߬، ߞߊ߬ ߟߊ߬ߝߐ߬ߓߊ߮ ߞߎߡߊߢߐ߲߯ߦߊ߫ ، ߟߊ߬ߝߐ߬ߓߊ߮ ߝߣߊ߫ ߞߵߊ߬ ߞߎߡߊߢߐ߲߯ߦߊ߫ ، ߟߊ߬ߝߐ߬ߓߊ߮ ߞߵߊ߬ ߝߐ߫ ߊ߬ ߟߊ߫ ߛ߫ߐ߬ߤ߭ߊ߯ߓߊ߮ ߟߎ߬ ߦߋ߫ ߞߏ߫ ߖߌ߬ߓߙߌ߬ߟߊ߫ ߟߋ߬ ߕߘߍ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߓߊ߯ߙߊ߫ ߟߎ߫ ߟߋ߬ ߦߋ߫ ߦߋ߲߬ ߞߋ߲ߛߐ߲ ߠߎ߬ ߟߐ߬ߣߍ߫ ߡߡߍ߲߫ ߠߊ߫

ߒ߬ߓߊ߬ ߸ ߖߌ߬ߓߙߌ߬ߟߊ߫ ߦߴߊ߬ߟߎ߬ ߘߏ߫ ߟߋ߬ ߘߌ߫: ߏ߬ ߡߍ߲߫ ߟߐ߬ߣߍ߲߫ ߦߟߌߘߏ߲ߞߏ ߟߊ߫، ߊ߬ ߦߋ߫ ߖߌ߰ߟߴߊ߬ ߘߌ߫ ߞߊ߬ ߝߘߴߊߟߊ߫ ߟߊ߫ ߞߊ߬ ߕߴߊ߬ ߟߊ߫ ߟߊ߬ߝߐ߬ߓߊ߮ ߣߴߊ߬ ߟߊ߫ ߞߋߟߊ ߡߊ߬ ߡߍ߲߫ ߓߴߊ߬ ߘߌߦߊ߫.

ߡߌ߬ߞߊ߰ߌߟߊ߫ ߦߴߊ߬ߟߎ߬ ߘߏ߫ ߟߋ߬ ߘߌ߫: ߏ߬ ߡߍ߲߫ ߟߐ߬ߣߍ߲߫ ߛߊ߲ߖߌ ߣߌ߫ ߝߍߘߍ߲ߝߋ߲ ߠߎ߬ ߟߊ߫ ߞߏ߫ ߟߊ߫.

ߌ ߛߑߙߊ߰ߝߌߟߎ߫ ߦߴߊ߬ߟߎ߬ ߘߏ߫ ߟߋ߬ ߘߌ߫: ߏ߬ ߡߍ߲߫ ߟߐ߬ߣߍ߲߫ ߓߘߎߝߍߞߏ ߟߊ߫ ߜߊߙߊ߲ߞߕߊ ߣߌ߫ ߞߐߛߊ߬ߦߟߌ ߕߎ߬ߡߊ.

ߛߦߊ߬ ߡߟߊߞߊ ߦߴߊ߬ߟߎ߬ ߘߏ߫ ߟߋ߬ ߘߌ߫: ߏ߬ ߡߍ߲߫ ߟߐ߬ߣߍ߲߫ ߣߌ ߟߎ߬ ߡߌ߬ߘߊ߬ ߟߊ߫ ߛߊ߬ߦߊ ߕߎ߬ߡߊ.

ߞߐ߲ߞߍ߬ ߡߟߊߞߊ ߦߴߊ߬ ߘߏ߫ ߟߋ߬ ߘߌ߫: ߏ߬ ߡߍ߲߫ ߟߐ߬ߣߍ߲߫ ߞߐ߲߬ߞߍߞߏ ߞߏߢߊ ߟߊ߫

ߡߊ߯ߟߞߌ߫ ߦߴߊ߬ ߘߏ߫ ߟߋ߬ ߘߌ߫: ߏ߬ ߡߍ߲߫ ߟߐ߬ߣߍ߲߫ ߕߊ ߞߎ߲߬ߠߊߛߌ߰ߟߊ

ߊ߬ߟߎ߬ ߘߏ߫ ߟߎ߫ ߟߋ߬ ߡߟߊ߬ߞߊ ߟߎ߬ ߘߎ߫ ߡߍ߲߫ ߠߎ߬ ߟߐ߬ߣߍ߲߫ ߢߋߙߌ߲ ߠߎ߬ ߟߊ ߞߏ߫ ߟߊ߫ ߘߋ߲ߛߏ ߟߎ߬ ߞߣߐ߫، ߊ߬ ߘߏ߫ ߟߎ߬ ߟߐ߬ߣߍ߲߫ ߊߘߡߊߘߋ߲ ߠߎ߬ ߟߊߕߊ߲߬ߞߊ߫ ߟߊ߫، ߊ߬ ߘߏ߫ ߟߎ߫ ߟߐ߬ߣߍ߲߫ ߊߘߡߊߘߋ߲ ߠߎ߬ ߟߊ߫ ߓߊ߯ߙߊ ߟߎ߬ ߟߋ߬ ߛߓߍ߫ ߟߊ߫، ߡߟߊ߬ߞߊ߫ ߝߌ߬ߟߊ ߡߐ߱ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߝߍ߬. ﴾ߊ߬ߟߎ߫ ߛߌ߰ߣߍ߲߫ ߞߌߣߌ߲ ߝߍ߬ ߸ ߊ߬ ߣߌ߫ ߣߎߡߊ߲ ߝߍ߬ * ߊ߬ ߕߍ߫ ߞߎߡߊ߫ ߛߌ߫ ߝߐ߫ ߝߏ߫ ߛߓߍߓߊ߯ ߘߐߓߍ߲߬ߣߍ߲߫ ߦߋ߫ ߞߍ߫ ߏ߬ ߞߊߡߊ߬﴿ [ߞ߳ߺߊ߯ߝ، ߟ:߁߇ - ߁߈]

ߘߏ߫ ߜߘߍ߫ ߟߎ߫ ߟߐ߬ߣߍ߲߫ ߛߎ߱ ߢߌ߬ߣߌ߲߬ߞߊ ߟߋ߬ ߟߊ߫ ߸ ߊ߬ ߛߋ߬ ߞߐߝߍ߬ ߊ߬ ߖߌ߬ߦߊ ߟߊߓߊ߲ ߠߊ߫، ߡߟߊ߬ߞߊ߫ ߝߌ߬ߟߊ ߘߌ߫ ߠߴߊ߬ ߢߌ߬ߣߌ߲߬ߞߴߊ߬ ߕߌ߱ ߣߴߊ߬ ߟߊ߫ ߘߌ߯ߣߊ ߣߴߊ߬ ߟߊ߫ ߟߊ߬ߝߐ߬ߓߊ߮ ߡߊ߬،، ߒ߬ߓߊ߬: ﴾ߡߍ߲߫ ߠߎ߬ ߟߌ߬ߡߣߊߦߊߣߍ߲߫ ߊߟߊ߫ ߦߴߏ߬ ߟߎ߬ ߞߐߡߊߓߌ߲ߓߌ߲߫ ߠߊ߫ ߞߎߡߊ߫ ߓߊ߲ߓߊ߲ߣߍ߲ ߠߋ߬ ߟߊ߫ ߘߎߢߊ߫ ߢߣߊߡߦߊ ߘߐ߫ ߸ ߊ߬ ߣߌ߫ ߛߎ߬ߟߊ߫ ߝߣߊ߫ ߘߐ߫، ߊߟߊ߫ ߦߋ߫ ߕߐ߬ߢߍ߰ߒߕߋ ߟߎ߬ ߟߊߝߟߌ߬ ߟߊ߫، ߊߟߊ߫ ߘߏ߲߬ ߦߋ߫ ߞߏ߫ ߟߋ߬ ߞߍ߫ ߟߊ߫ ߡߍ߲ ߓߊ߯ ߊ߬ ߘߌߦߊ߫﴿ [ߌߓߑߙߊߤߌߡ، ߟ:߂߇]

ߊ߬ ߘߏ߫ ߟߎ߫ ߟߋ߬ ߡߟߊ߬ߞߊ ߟߎ߬ ߘߌ߫: ߡߍ߲߫ ߠߎ߬ ߟߐ߬ߣߍ߲߫ ߊ߬ߙߌ߬ߖߣߍ߫ ߘߏ߲߬ߞߏ ߟߎ߬ ߟߊ߫ ﴾ߡߟߊ߬ߞߊ߫ ߟߎ߬ ߦߋ߫ ߘߏ߲߬ ߠߴߊ߬ߟߎ߫ ߞߊ߲߬ ߘߊ ߓߍ߯ ߟߊ߫ * ߛߟߊ߬ߡߎ߲ ߦߴߊߟߎ߫ ߡߊ߬ ߞߊ߬ߡߊߛߐ߬ߘߐ߲߬ ߊߟߎ߫ ߞߊ߬ ߡߎ߬ߢߎ߲ ߡߍ߲ ߞߍ߫ ߸ ߛߏ ߞߏߟߊߓߊ߲ ߢߊ߬ߣߍ߲߫ ߠߋ߬﴿ [ߛߊ߲ߜߊߟߌߡߊ، ߟ:߂߃ - ߂߄]

ߟߊ߬ߝߐ߬ߝߊ߮ ߘߏ߲߬ ߓߘߊ߫ ߖߊ߲߬ߖߏ߲߬ߦߊ߬ߟߌ ߞߍ߫ ߞߏ߫ ߊ߬ߟߎ߬ ߦߋ߫ ߘߏ߲߬ ߠߊ߫ ߡߊ߬ߺߊ߳ߑߡߎߙߊ߫ ߓߏ߲߫ ߞߣߐ߫ ߛߊ߲ ߘߐ߫، ߊ߬ ߦߋ߫ ߝߐߟߌ߫ ߜߘߍ߫ ߘߐ߫ ߞߏ߫: ߞߵߊ߬ߟߎ߬ ߛߊߟߌ߫ ߊ߬ ߞߣߐ߫، ߞߏ߫ ߡߟߊ߬ߞߊ߫ ߥߊ߯ߓߌߥߐߙߐ߲ߥߌߟߊ ߟߋ߬ ߦߋ߫ ߘߏ߲߬ ߠߊ߫ ߦߋ߲߬ ߕߋ߬ߟߋ߫ - ߏ߫ - ߕߋ߬ߟߋ߬، ߏ߬ ߟߎ߬ ߕߍ߫ ߞߐߛߊ߬ߦߌ߲߬ ߠߊ߫ ߦߋ߲߬ ߕߎ߲߬ ߠߌ߲ߋ.

*

ߝߐߘߊ߫

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ ߞߊ߬ ߟߍߙߊ ߟߊߖߌ߰ ߟߴߊ߬ ߟߊ߫ ߞߋߟߊߡߐ߮ ߟߎ߬ ߡߊ߬، ߞߴߊ߬ ߞߍ߫ ߘߊߘߐߡߌߘߊߞߎ߲ߧߊ ߘߌ߫ ߖߊ߯ߓߊ ߟߎ߬ ߞߊ߲߬، ߞߵߊ߬ ߞߍ߫ ߥߙߊߕߊߕߊ߫ ߘߌ߫ ߓߊ߯ߙߟߊ ߟߎ߬ ߦߋ߫ ߸ ߊ߬ߟߎ߬ ߥߘߋ߬ߥߘߋ߬ߟߌ ߟߐ߲߫ ߠߊ߫ ߡߍ߲߫ ߘߐ߫ ߊ߬ ߣߴߊ߬ ߦߴߊ߬ߟߎ߬ ߣߌ ߟߎ߬ ߛߊߣߌ߲ߧߊ߫ ߟߊ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ ߞߊ߬ ߟߍߙߊ߫ ߞߋߟߋ߲ ߠߊߖߌ߰ ߟߋ߬ ߞߋߟߊߡߐ߮ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߡߊ߬، ߊ߬ ߞߎߡߊߞߊ߲ ߞߘߐߕߊ߬ߣߍ߲߬ߓߊ ߞߏߛߐ߲߬ ߞߏ߫: ﴾ ߊ߲ ߞߊ߬ ߊ߲ ߠߊ߫ ߞߋߟߊ ߟߎ߬ ߗߋ߫ ߔߊߞߌ ߟߎ߬ ߘߌ߫ ߸ ߊ߬ ߣߴߊ߲ ߞߊ߬ ߟߍߙߊ ߣߌ߫ ߖߊ߭ ߟߊߖߌ߰ ߊ߬ߟߎ߫ ߝߍ߬ ߟߋ߬ ߸ ߛߊ߫ ߡߐ߱ ߟߎ߬ ߘߴߊ߬ߟߎ߫ ߟߐ߬ ߕߋߟߋ߲ߓߊ߯ߦߊ ߟߊ߫﴿ [ߣߍ߯ߝߌ߲، ߟ:߂߅]، ߊ߲ ߞߊ߬ ߟߍߙߊ ߏ߬ ߟߎ߫ ߡߍ߲߫ ߘߏ߫ ߟߐ߲߫:

ߊ- ߕߊ߬ߥߎߙߊ߰ߕߊ߫: ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲߫ ߠߊߖߌ߰ ߡߎߛߊ߫ ߡߊ߬ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫، ߊ߬ߟߋ߫ ߟߋ߬ ߓߊ߬ߣߌߛߙߊ߬ߌߟߞߊ߫ ߟߎ߬ ߟߊ߫ ߟߍߙߊ ߘߐ߫ ߓߏ߲߬ߓߊ ߘߌ߫، ﴾ߞߊ߲ߘߦߊ ߣߌ߫ ߦߋߟߋ߲ ߦߴߏ߬ ߞߣߐ߫، ߟߊ߬ߝߐ߬ߓߊ߮ ߡߍ߲ ߠߎ߫ ߞߵߊ߬ߟߎ߫ ߖߘߍ߬ߞߟߏ߫ ߏ߬ ߟߎ߬ ߦߋ߫ ߦߊ߬ߤߎ߯ߘߎ ߟߎ߬ ߟߊ߫ ߞߕߌ ߕߍ߰ ߟߴߏ߬ ߟߋ ߡߊ߬، ߊ߬ ߣߌ߫ ߕߌ߰ߞߏ߬ߒߕߋ ߟߎ߬ ߣߌ߫ ߞߏ߲ߓߏ ߟߎ߬ ߝߣߊ߫ ߦߴߊ߬ ߕߍ߰ ߟߊ߫ ߊߟߊ߫ ߟߊ߫ ߟߍߙߊ ߟߋ߫ ߡߊ߬ ߡߍ߲ ߞߊ߬ߙߌ߬ߝߊ߬ ߘߴߊ߬ߟߎ߬ ߟߊ߫ ߞߵߊ߬ߟߎ߬ ߞߴߊ߬ ߛߙߋ ߟߎ߬ ߘߌ߫﴿ [ߛߎ߬ߡߊ߲߬ߝߍ، ߟ:߄߄]

ߋ- ߌ߲ߖߌ߯ߟߌ߫: ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲߫ ߠߊߖߌ߰ ߌ߯ߛߊ߫ ߡߊ߬ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫، ߊ߬ ߦߋ߫ ߕߊ߬ߥߎߙߊ߰ߕߊ߫ ߟߊ߬ߛߙߋ߬ߦߊ߬ߟߊ߲߫ ߣߴߊ߬ ߘߝߊߟߊ߲ ߠߋ߬ ߘߌ߫. ﴾ ߊ߲ ߞߵߊ߬ ߛߐ߫ ߟߌ߲߬ߖߌ߯ߟߌ ߟߊ߫ ߸ ߞߊ߲ߘߦߊ ߣߌ߫ ߦߋߟߋ߲ ߦߴߏ߬ ߞߣߐ߫ ߸ ߊ߬ ߦߴߊ߬ ߢߍ߫ ߟߍߙߊ߫ ߕߊ߬ߥߎ߬ߙߊߕߌ ߟߊߛߙߋߦߊ߫ ߟߊ߫ ߝߣߊ߫، ߊ߬ ߣߴߊ߬ ߦߋ߫ ߞߊ߲ߘߦߊ ߣߌ߫ ߟߊ߬ߟߌ߬ߟߌ ߟߋ߬ ߘߌ߫ ߝߊ߲ߕߊ߲ߞߟߊ ߟߎ߬ ߦߋ߫﴿ [ߛߎ߬ߡߊ߲߬ߝߍ، ߟ:߄߆]

﴾ ߊ߬ ߣߌ߫ ߝߋ߲ ߡߍ߲ ߠߎ߬ ߟߊߕߐ߲ߣߍ߲߫ ߕߘߍ߬ ߊߟߎ߫ ߡߊ߬ ߛߊ߫ ߒ ߘߴߏ߬ ߘߏ߫ ߟߎ߫ ߟߊߘߤߵߊߟߎ߫ ߦߋ߫﴿ [ߊ߳ߺߌߡߑߙߊߣߞߐߙߍ، ߟ:߅߀]

ߌ- ߖ߭ߊ߬ߓߎ߯ߙߎ߫: ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲߫ ߘߌ߫ ߘߊߎߘߊ߫ ߡߊ߬ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬.

ߍ- ߌߓߑߙߊ߰ߤߌߡߊ߫ ߣߌ߫ ߡߎ߯ߛߊ߫ ߟߊ߫ ߞߊ߬ߝߊ ߸ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫.

ߎ- ߞߎ߬ߙߣߊ߬ߓߊ: ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲߫ ߠߊߖߌ߰ ߊ߬ ߟߊ߫ ߟߊ߬ߝߐ߬ߓߊ߮ ߡߏ߬ߤ߭ߊߡߡߊߘ ߡߊ߬ ߸ ߟߊ߬ߝߐ߬ߓߊ߮ ߟߎ߬ ߘߝߊߟߊ߲ ߞߊ߬ߣߌ߲߬. ﴾ ߞߵߊ߬ ߞߍ߫ ߞߊ߲ߘߊߟߊ߲߫ ߘߌ߫ ߡߐ߱ ߟߎ߬ ߦߋ߫ ߸ ߊ߬ ߣߌ߫ ߞߊ߲ߘߦߊ ߘߐߞߣߍ߫ ߝߋ߲ ߣߌ߫ ߝߊߙߊ߲ߝߊߛߌߟߊ߲﴿ [ߣߛߌ߬ߡߛߏ، ߟ:߁߈߅] ߒ߬ߓߊ߰ ߸﴾ ߊ߬ ߞߴߊ߬ ߢߍ߫ ߟߍߙߊ ߟߊߛߙߋߦߊߟߊ߲ ߘߌ߫ ߸ ߊ߬ ߣߴߊ߬ ߡߊߞߊ߲ߞߊ߲ߓߊ߮߮ ߘߌ߫﴿ [ߛߎ߬ߡߊ߲߬ߝߍ، ߟ:߄߈]

ߊߟߊ߫ ߞߊ߬ ߟߍߙߊ߫ ߕߊ߬ߡߌ߲߬ߣߍ߲ ߠߎ߬ ߓߍ߯ ߟߊߘߍ߬ߣߍ߲߬ ߟߊߥߟߌ߬ ߊ߬ߟߋ߫ ߟߋ߬ ߟߊ߫، ߞߵߊ߬ ߟߐ߬ ߊ߬ ߟߊߕߊ߲߬ߞߊߞߏ ߝߣߊ߫ ߟߊ߫ ߞߊ߬ ߓߐ߫ ߡߣߊ߬ߡߣߊ߬ߡߐ߮ ߟߎ߬ ߟߊ߫ ߡߣߊ߬ߡߣߊ ߣߌ߫ ߡߊ߬ߦߟߍ߬ߡߊ߲߬ߠߌ߲ߠߊ ߟߎ߬ ߟߊ߫ ߖߍ߲ߞߍ ߡߊ߬: ﴾ߒ߬ߠߎ߫ ߟߋ߫ ߣߊ߬ ߞߊ߬ߥߊ߲߬ߘߌ ߟߊߖߌ߰ ߟߊ߫ ߸ ߒ߬ߠߎ߫ ߟߋ߫ ߘߏ߲߬ ߦߴߊ߬ ߞߣߐ߬ߜߍ߲߬ߓߊ߮ ߟߎ߬ ߘߌ߫﴿ [ߤߌߖߙߌ߫ ߖߡߊ߬ߣߊ، ߟ:߉] ߓߊߏ߬߸ ߊ߬ ߕߏ߫ ߕߐ߫ ߦߌߘߊ߬ߞߏ߬ߦߊ ߟߊ߫ ߟߋ߬ ߘߊ߲ߝߋ߲ ߓߍ߯ ߞߊ߲߬، ߞߵߊ߬ ߛߌ߬ ߟߐ߬ߓߊ ߟߏ߲ ߠߊ߫.

ߞߐ߬ߣߌ߲߬ ߟߍߙߊ߫ ߕߊ߬ߡߌ߲߬ߣߍ߲ ߠߎ߬ ߦߋ߫ ߕߎ߬ߡߊ߬ߘߐ ߟߋ߬ ߘߌ߫، ߊ߬ ߕߎ߬ߡߊ ߘߐ߫ ߦߋ߫ ߓߊ߲߫ ߠߊ߫ ߝߋ߲߫ ߖߌ߱ ߟߋ߬ ߘߐ߫ ߡߍ߲߫ ߦߴߊ߬ ߟߊߥߟߌ߬ ߟߊ߫ ߞߊ߬ ߟߊ߲ߞߣߍߡߊߟߌ ߞߍ߫ ߝߋ߲߫ ߠߊ߫ ߡߍ߲߫ ߞߍߣߍ߲߫ ߊ߬ ߘߐ߫ ߞߊ߬ ߓߐ߫ ߡߊ߬ߦߟߍ߬ߡߊ߬ߣߌ߲ ߣߌ߫ ߡߝߊ߬ߟߋ߲߬ߠߌ߲ ߘߐ߫، ߏ߬ ߟߋ߬ ߞߵߊ߬ ߞߍ߫ ߊ߬ ߡߊ߫ ߞߍ߫ ߟߊ߬ߛߐ߲ ߣߍ߲߫ ߘߴߊ߬ ߡߊ߬، ߡߝߊ߬ߟߋ߬ߣߌ ߣߌ߫ ߘߏߟߊ߲ߞߊ߲ ߣߌ߫ ߘߢߊߟߌ ߞߍ߫ ߘߴߊ߬ ߘߐ߫.

﴾ߞߊ߬ ߕߊ߬ߡߌ߲߬ ߡߐ߰ ߟߎ߫ ߞߊ߲߬ ߡߍ߲ ߠߎ߬ ߞߍߣߍ߲߫ ߦߊ߬ߤߎ߯ߘߎ ߟߎ߬ ߘߌ߫ ߸ ߏ߬ ߟߎ߬ ߦߋ߫ ߞߎߡߊߘߋ߲ ߦߟߍ߬ߡߊ߲߬ ߠߊ߫ ߟߋ߬ ߞߊ߬ ߓߐ߫ ߊ߬ ߢߊ ߟߎ߫ ߡߊ߬﴿ [ߡߏ߬ߛߏ ߟߎ߬، ߟ:߄߆]

﴿ߒ߬ߓߊ߬ ߸ ߜߊ߬ߟߏ߬ ߦߴߊ߬ ߘߏ߫ ߟߎ߫ ߦߋ߫ ߸ ߡߍ߲ ߠߎ߬ ߦߋ߫ ߟߍߙߊ ߛߓߍ߫ ߟߴߊ߬ߟߎ߬ ߓߟߏ ߟߊ߫ ߞߵߊ߬ ߝߐ߫ ߏ߬ ߡߊ߬ ߞߏ߫ ߣߌ߲߬ ߓߐߣߍ߲߫ ߊߟߊ߫ ߓߘߊ ߟߋ߬ ߸ ߛߴߊ߬ߟߎ߬ ߘߴߏ ߝߙߋ߬ ߛߐ߲߬ߞߐ߬ߣߍ߲߬ ߕߜߋ ߟߊ߫، ߜߊ߬ߟߏ߫ ߟߴߏ߬ ߟߎ߬ ߦߋ߫ ߊ߬ߟߎ߬ ߓߟߏ߫ ߟߊ߫ ߛߓߍߟߌ߫ ߣߐ ߝߍ߬ ߸ ߜߊ߬ߟߏ߬ ߦߴߊ߬ߟߎ߬ ߦߋ߫ ߏ߬ ߝߋ߲߫ ߛߐ߬ߘߐ߬ߣߍ߲ ߝߣߊ߫ ߝߍ߬﴾ [ߣߛߌ߬ߡߛߏ، ߟ:߇߉]

﴾ߊ߬ ߝߐ߫ ߞߏ߫ ߖߍߣߍ߲ ߞߊ߬ ߟߍߙߊ ߟߊߖߌ߰ ߸ ߡߎߛߊ߫ ߣߊ߬ ߘߊ߫ ߡߍ߲ ߘߌ߫ ߦߋߟߋ߲ ߣߌ߫ ߞߊ߲ߘߦߊ ߘߌ߫ ߡߐ߱ ߟߎ߬ ߦߋ߫ ߸ ߣߴߊߟߎ߫ ߦߴߏ߬ ߞߍ߫ ߟߊ߫ ߛߓߍߝߌߘߊ ߟߎ߫ ߞߊ߲߬، ߊߟߎ߫ ߦߴߊ߬ ߟߊ߲ߞߣߍߡߊ߫ ߟߊ߫ ߸ ߞߏ߬ߣߌ߲߬ ߞߵߊ߬ ߛߌߦߊߡߊ߲߫ ߢߡߊߘߏ߲߰ ߊߟߎ߫ ߓߟߏ߫﴿ [ߞߟߏߝߋ߲ ߠߎ߬، ߉߁]

﴾ߊ߰ ߕߋ߲߬ ߸ ߞߙߎ ߘߏ߫ ߦߴߊ߬ߟߎ߬ ߘߐ߫ ߸ ߏ߬ ߟߎ߫ ߟߴߊ߬ߟߎ߫ ߣߍ߲߭ ߠߎ߬ ߡߊߦߟߍ߬ߡߊ߲߬ ߠߊ߫ ߟߍߙߊ ߘߌ߫ ߸ ߛߴߊߟߎ߫ ߘߴߏ ߖߌ߰ ߟߍߙߊ ߘߏ߫ ߘߌ߫ ߞߵߊ߬ ߕߘߍ߬ ߏ߬ ߕߴߊ߬ ߘߐ߫، ߊ߬ߟߎ߬ ߘߴߊ߬ ߝߐ߫ ߞߴߏ߬ ߓߐߣߍ߲߫ ߊߟߊ߫ ߓߘߊ ߟߋ߬ ߞߵߊ߬ ߕߘߍ߬ ߏ߬ ߡߊ߫ ߓߐ߫ ߊߟߊ߫ ߓߘߊ، ߊ߬ߟߎ߬ ߥߎߦߊ ߟߋ߬ ߟߊ߫ ߟߴߊߟߊ߫ ߟߊ߫ ߞߵߊ߬ ߕߘߍ߬ ߊ߬ߟߎ߫ ߞߵߊ߬ ߟߐ߲߫ * ߊ߬ ߕߍ߫ ߓߍ߲߬ ߡߐ߰ ߛߌ߫ ߟߊ߫ ߞߎ߲߬ߠߊ߫ ߸ ߊߟߊ߫ ߦߴߊ߬ ߛߐ߫ ߟߍߙߊ ߣߌ߫ ߞߕߌߦߊ ߣߌ߫ ߟߊ߬ߝߐ߬ߓߊ߰ߦߊ ߟߊ߫ ߸ ߏ߬ ߦߋ߫ ߓߊ߲߫ ߞߵߊ߬ ߝߐ߫ ߡߐ߱ ߟߎ߬ ߦߋ߫ ߞߏ߫ ߊߟߎ߯ ߞߍ߫ ߒߠߋ ߟߊ߫ ߖߐ߲߭ ߠߎ߬ ߘߌ߫ ߞߵߊߟߊ߫ ߕߏ߫﴿ [ߊ߳ߺߌߡߑߙߊ߯ߣ ߞߐߙߍ، ߟ:߇߈ - ߇߉]

﴾ߤߍ߲߬ ߊߟߎ߬ ߟߍߙߊߟߞߊ ߟߎ߬ ߸ ߊ߲ ߠߊ߫ ߞߋߟߊ ߓߘߊ߫ ߣߵߊߟߎ߫ ߡߊ߬، ߊ߰ ߛߌߦߊߡߊ߲߫ ߘߐߞߣߍ߫ ߟߴߊߟߎ߫ ߦߋ߫ ߊߟߎ߫ ߕߘߍ߬ ߡߍ߲ ߘߏ߲߰ ߠߊ߫ ߟߍߙߊ ߞߣߐ߫﴿ [ߛߎ߬ߡߊ߲߬ߝߍ، ߟ:߁߅] ߞߵߊ߬ ߛߌ߰ ߊ߬ ߞߎߡߊߞߊ߲ ߠߊ߫ ߞߏ߫ ﴾ ߡߐ߱ ߟߎ߬ ߓߘߊ߫ ߞߊ߯ߝߙߌߦߊ߫ ߸ ߡߍ߲ ߠߎ߬ ߞߊ߲߫ ߞߏ߫ ߊߟߊ߫ ߟߋ߬ ߡߊߙߌߦߡߊ߫ ߘߋ߲ߞߍ߫ ߡߊߡߎ߲߬ߣߍ߲ ߘߌ߫ ﴿ [ߛߎ߬ߡߊ߲߬ߝߍ، ߟ:߁߇]

*

ߝߐߘߊ߫

ߊ߲ ߣߴߊ߬ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߞߋߟߊ߫ ߟߎ߫ ߞߋߟߦߊ߫ ߟߋ߬ ߡߐ߱ ߟߎ߬ ߡߊ߬ ﴾ߏ߬ ߟߎ߬ ߗߋߣߍ߲߫ ߘߟߊߝߎߟߊ ߟߎ߬ ߣߌ߫ ߖߊ߬ߛߙߋ߬ߡߊ߬ߟߌ߬ߟߊ ߟߎ߬ ߘߌ߫ ߟߋ߬ ߸ ߛߊ߫ ߘߊߘߐߡߌߘߊߞߎ߲ߧߊ߫ ߞߊߣߊ߬ ߞߍ߫ ߡߐ߱ ߟߎ߬ ߟߴߊߟߊ߫ ߡߊ߬ ߞߋߟߊ ߟߎ߫ ߞߐ߫ ߸ ߓߊߏ߫ ߊߟߊ߫ ߞߍߣߍ߲߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߌ߬ߟߊ߫ ߟߋ߬ ߘߌ߫﴿ [ߡߏ߬ߛߏ ߟߎ߬، ߟ:߁߆߅]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ߟߎ߬ ߝߟߐ ߟߋ߬ ߣߎ߯ߤߊ߲߫ ߘߌ߫، ߊ߬ߟߎ߬ ߟߊߓߊ߲ ߠߋ߬ ߡߏ߬ߤ߭ߊߡߡߊߘ ߘߌ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫. ﴾ߊ߲ ߣߐ߬ ߦߟߌߘߏ߲ ߟߐ߬ ߟߴߌ ߡߊ߬ ߟߋ߬ ߦߏ߫ ߊ߲ ߞߊ߬ ߦߟߌߘߏ߲ ߟߐ߬ ߣߎߤߊ߲߫ ߡߊ߬ ߢߊ ߡߍ߲ ߊ߬ ߣߌ߫ ߟߊ߬ߝߐ߬ߓߊ߮ ߟߎ߫ ߡߊ߬ ߊ߬ߟߋ߬ ߞߐ߫﴿ [ߡߏ߬ߛߏ ߟߎ߬، ߟ:߁߆߃] ﴾ߡߊ߬ߡߊߘߌ߫ ߕߍ߫ ߡߐ߰ ߛߌ߫ ߝߊ߬ ߘߌ߫ ߊߟߎ߫ ߗߍ߭ ߟߎ߬ ߘߐ߫ ߸ ߞߏ߬ߣߌ߲߬ ߊߟߊ߫ ߟߊ߫ ߞߋߟߊ ߟߋ߬ ߸ ߊ߬ ߣߌ߫ ߟߊ߬ߝߐ߬ߓߊ߮ ߟߎ߬ ߟߊߓߊ߲ ߠߋ߬، ߊߟߊ߫ ߞߍߣߍ߲߫ ߞߏ ߓߍ߯ ߟߐ߲ߓߊ߮ ߟߋ߬ ߘߌ߫﴿ [ߞߙߎߞߊ ߟߎ߬، ߟ:߄߀]

ߞߏ߫ ߊ߬ߟߎ߬ ߘߐ߫ ߝߌ߬ߛߊ߬ߡߊ߲ߒߕߋ ߟߋ߬ ߡߏ߬ߤ߭ߊߡߡߊߘ ߘߌ߫، ߏ߬ ߞߐ߫ ߌߓߑߙߊ߰ߤߌߡߊ߫، ߏ߬ ߞߐ߫ ߡߎ߯ߛߊ، ߏ߬ ߞߐ߫ ߣߎ߯ߤߊ߲߫، ߏ߬ ߌߛߊ߫ ߓߎߣ ߡߊߙߌߦߡߊ߫، ߏ߬ ߟߎ߫ ߟߋ߬ ߞߙߍߞߙߍߣߍ߲ ߠߎ߬ ߘߌ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߘߐ߫ ߞߏ߫: ﴾ߕߎ߬ߡߊ ߡߍ߲ ߊ߲ ߞߊ߬ ߟߊ߬ߝߐ߬ߓߊ߮ ߟߎ߬ ߟߊ߫ ߛߘߊߒߡߊߞߊ߲ ߡߌ߬ߘߴߊ߬ߟߎ߬ ߟߊ߫، ߊ߬ ߣߴߌߟߋ ߟߊ߫߸ ߊ߬ ߣߌ߫ ߣߎ߯ߤߎ߲߫ ߣߌ߫ ߌߓߎ߬ߙߊ߬ߤߌߡߊ߫ ߣߌ߫ ߡߎߛߊ߫ ߟߊ߫ ߸ ߊ߬ ߣߌ߫ ߡߊߙߌߦߡߊ߫ ߘߋ߲ߞߍ߫ ߌߛߊ߫ ߟߊ߫، ߊ߲ ߞߊ߬ ߛߘߊߒߡߊߞߊ߲߫ ߜߍߟߍ߲߫ ߠߋ߫ ߡߌ߬ߘߊ߫ ߏ߬ ߟߎ߬ ߟߊ߫﴿ [ߞߙߎߞߊ ߟߎ߬، ߟ:߇]

ߊ߲ ߧߴߊ߬ ߛߟߐ߬ߡߍ߬ߘߐ߬ߦߟߊ߫ ߞߏ߫ ߡߏ߬ߤ߭ߊߡߡߊߘ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߟߊ߫ ߛ߭ߊߙߌߦߊ ߦߋ߫ ߟߊ߬ߞߊ߬ߝߏߟߌ ߞߍ߫ ߟߊ߫ ߞߋߟߊߡߐ߯ ߞߙߍߞߙߍߣߍ߲ ߢߌ߲߬ ߠߎ߬ ߟߊ߫ ߛ߭ߊߙߌߦߊ ߟߎ߬ ߝߌ߬ߛߊ߬ߡߊ߲ߒߕߋ߬ߦߊ ߟߊ߫، ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴾ߊ߬ ߞߊ߬ ߝߋ߲߫ ߠߋ߬ ߞߍ߫ ߊߟߎ߫ ߦߋ߫ ߘߌ߯ߣߊ ߘߐ߫ ߝߏ߲߬ߘߏ ߘߌ߫ ߊ߬ ߞߊ߬ ߣߎ߯ߤߊ߲߫ ߡߊߛߙߊ߬ ߡߍ߲ ߠߊ߫ ߸ ߊ߬ ߣߴߊ߲ ߞߊ߬ ߡߍ߲ ߦߟߌߘߏ߲ ߟߐ߬ ߌߟߋ ߡߊ߬، ߊ߬ ߣߴߊ߲ ߞߊ߬ ߌߓߎ߬ߙߊ߬ߤߌߡߊ߫ ߣߌ߫ ߡߎߛߊ߫ ߣߴߌߛߊ߫ ߡߊߛߙߊ߬ ߡߍ߲ ߠߊ߫، ߒ ߞߏ߫ ߊߟߎ߯ ߣߊߡߎ߲ ߠߊߟߐ߬ ߸ ߊ߬ ߣߴߊߟߎ߫ ߞߊߣߊ߬ ߝߘߊߝߘߴߊ߬ ߘߐ߫ ߘߋ߬﴿ [ߞߏߟߊߒߞߘߐߢߐ߲߯ߦߊ، ߟ:߁߃]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߞߋߟߊߡߐ߮ ߓߍ߯ ߦߋ߫ ߊߘߡߊߘߋ߲߫ ߘߊ߲ߣߍ߲ ߠߎ߬ ߟߋ߬ ߘߌ߫، ߕߌ߰ߞߊ߲ߒߞߋߦߊ ߞߙߍߞߙߍߣߊ߲߫ ߛߌ߫ ߕߴߊ߬ߟߎ߬ ߓߟߏ߫، ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߴߏ߬ ߘߐ߫ ߣߎ߯ߤߊ߲߫ ߠߊߞߏ ߘߐ߫ ߏ߬ ߡߍ߲߫ ߦߴߊ߬ߟߎ߬ ߝߟߐ ߘߌ߫ ߞߏ߫: ﴾ߒ߬ߓߊ߰ ߸ ߒ ߕߴߊ߬ ߝߐ߫ ߟߴߊߟߎ߫ ߦߋ߫ ߘߋ߬ ߞߏ߫ ߊߟߊ߫ ߟߊ߫ ߡߣߐ߬ߓߏ߲ ߠߎ߬ ߦߋ߫ ߒ ߓߟߏ߫ ߸ ߒߘߏ߲߬ ߡߊ߫ ߞߏߘߏ߲߰ߣߍ߲߬ ߟߐ߲߫ ߸ ߒ ߕߴߊ߬ ߝߐ߫ ߟߊ߫ ߞߏ߫ ߒ ߧߋ߫ ߡߟߊ߬ߞߊ߫ ߘߌ߫ ﴿ [ߤߎ߯ߘߎ߫، ߟ:߃߁] ߊߟߊ߫ ߞߘߐߕߊ߬ߣߍߓߊ ߞߊ߬ ߡߊ߬ߡߊ߬ߘߌ߫ ߟߐ߬ ߊ߬ ߝߐ߫ ߟߊ߫ ߸ ߏ߬ ߡߍ߲߫ ߦߴߊ߬ߟߎ߬ ߟߊߓߊ߲ ߘߌ߫ ߞߏ߫: ﴾ߒ ߕߴߊ߬ ߝߐ߫ ߟߴߊߟߎ߫ ߦߋ߫ ߘߋ߬ ߞߏ߫ ߊߟߊ߫ ߟߊ߫ ߡߣߐ߬ߓߏ߲ ߠߎ߬ ߦߋ߫ ߒ ߓߟߏ߫ ߸ ߒߘߏ߲߬ ߡߊ߫ ߞߏߘߏ߲߰ߣߍ߲߬ ߟߐ߲߫ ߸ ߒ ߕߴߊ߬ ߝߐ߫ ߟߊ߫ ߞߏ߫ ߒ ߧߋ߫ ߡߟߊ߬ߞߊ߫ ߘߌ߫ ﴿ [ߞߟߏߝߋ߲ ߠߎ߬، ߟ:߅߀]

ߊ߬ ߣߴߊ߬ ߦߴߊ߬ ߝߐ߫ ߞߏ߫: ﴾ߊ߬ ߝߐ߫ ߞߏ߫ ߒߠߋ ߕߍ߫ ߝߏߦߌ߫ ߡߙߊ߬ ߟߊ߫ ߒ ߖߘߍ߬ ߦߋ߫ ߢߊ߬ߞߏ߫ ߣߌ߫ ߕߙߐߞߏ߫ ߘߐ߫ ߝߏ߫ ߡߍ߲ ߓߊ߯ ߊߟߊ߫ ߘߌߦߊ߫﴿ [ߕߓߊߞߘߐߣߍ߲، ߟ:߁߈߈] ߊ߬ ߣߴߊ߬ ߦߴߊ߬ ߝߐ߫ ߞߏ߫: ﴾ߊ߬ ߝߐ߫ ߞߏ߫ ߒߠߋ ߕߍ߫ ߡߊ߲߬ߕߙߐ߬ ߣߌ߫ ߤߙߊ߫ ߛߌ߫ ߡߙߊ߬ ߟߴߊߟߎ߫ ߦߋ߫ * ߊ߬ ߝߐ߫ ߞߏ߫ ߒߠߋ ߸ ߝߏߦߌ߬ ߞߋߟߋ߲߫ ߕߍ߫ ߒ ߠߊߞߛߌ߫ ߊߟߊ߫ ߡߊ߬߸ ߒ ߘߏ߲߬ ߕߍߣߊ߬ ߛߍ߲߬ߓߍ߬ ߦߌߟߊ߫ ߛߐ߬ߘߐ߲߬ ߠߴߊߟߊ߫ ߡߊ߬ ( ߒ ߢߡߊߘߏ߲߰ ߞߏ ߘߐ߫ )﴿ [ߥߐ߬ߞߎߟߐ،ߟ:߂߁ - ߂߂]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ߟߎ߬ ߦߋ߫ ߖߐ߲߭ ߠߋ߬ ߘߌ߫ ߞߊ߬ ߓߐ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߖߐ߲߭ ߠߎ߬ ߘߐ߫، ߊ߬ ߞߵߊ߬ߟߎ߬ ߓߏ߲߬ߧߊ߫ ߗߋߞߊ߲ ߠߋ߬ ߟߊ߫، ߞߵߊ߬ߟߎ߬ ߡߊ߲߬ߞߕߎ ߖߐ߲߬ߧߊ ߟߊ߫ ߦߌߟߊ ߓߍ߯ ߘߐ߫ ߞߘߐߕߊ߬ߣߍ߲ ߘߐ߫، ߡߊ߬ߕߐ߰ߟߌ ߡߐ߬ߟߐ߲ ߘߐ߫، ߞߵߊ߬ ߝߐ߫ ߊ߬ߟߎ߬ ߘߐ߫ ߝߟߐ߫ ߣߎ߯ߤߊ߲߫ ߠߊߞߏ ߘߐ߫ ߞߏ߫: ﴾ߊߟߎ߬ ߡߐ߱ ߓߐ߲ߛߐ߲ ߠߎ߬ ߒ ߞߊ߬ ߡߍ߲ ߕߊ߬ ߣߎߤߎ߲߫ ߝߍ߬، ߏ߬ ߞߍ߫ ߘߊ߫ ߖߐ߲߬ ߞߏߢߌߡߊߟߐ߲ߠߊ߫ ߟߋ߬ ߘߌ߫ ߘߋ߬﴿ [ߛߎߘߐߛߣߍߡߊ، ߟ:߃] ߊߟߊ߫ ߞߘߐߕߊߣߍ߲ߓߊ ߞߵߊ߬ ߝߐ߫ ߊ߬ߟߎ߬ ߟߊߓߊ߲ ߡߏ߬ߤ߭ߊߡߡߊߘ ߟߊ߫ ߞߏ ߘߐ߫ ߞߏ߫: ﴾ ߡߍ߲߫ ߞߊ߬ ߝߊߙߊ߲ߝߊߛߌ ߟߊߖߌ߰ ߊ߬ ߟߊ߫ ߖߐ߲߭ ߡߊ߬ ߛߴߊ߬ ߘߌ߫ ߞߍ߫ ߖߊ߬ߛߙߋ߬ߡߊ߬ߟߌ߬ߟߊ ߘߌ߫ ߖߊ߯ߓߊ ߟߎ߬ ߦߋ߫، ߏ߬ ߓߘߊ߫ ߒ߬ߓߊ߬ߘߍߦߊ߫﴿ [ߝߊߙߊ߲ߝߊߛߌ:߁]

ߊ߬ ߞߵߊ߬ ߝߐ߫ ߞߋߟߊߡߐ߮ ߕߐ߭ ߟߎ߬ ߟߊ߫ ߞߏ߫ ߘߐ߫ ߞߏ߫: ﴾ߒ߬ ߠߊ߫ ߖߐ߲߬ ߌߓߎ߬ߙߊ߬ߤߌߡߊ߫ ߣߴߌߛߌ߬ߤߊ߯ߞߊ߫ ߣߌ߫ ߦߊ߰ߞߎߓߊ߫ ߟߎ߫ ߞߏߝߐ߫ ߸ ߏ߬ ߟߎ߬ ߞߍ߫ ߘߊ߫ ߝߊ߲߬ߞߊ߬ ߕߌ߯ ߣߌ߫ ߢߟߊߞߊ ߕߌ߰ ߟߎ߫ ߘߌ߫﴿ [ߛ߫ߺߊ߯ߘ، ߟ:߄߅] ﴾ߊ߬ ߣߴߌ ߦߋ߫ ߒ߬ ߠߊ߫ ߖߐ߲߬ ߘߊߥߎߘߊ߫ ߞߏߝߐ߫ ߸ ߛߍ߲ߓߍߡߊ ߟߋ߬ ߸ ߖߘߍ߬ߟߛߊ߬ߦߌ߬ߟߊ ߟߋ߬ ﴿ [ߛ߫ߺߊ߯ߘ، ߟ:߁߇] ﴾ߊ߲ ߞߊ߬ ߘߊߎߘߊ߫ ߛߐ߫ ߛߎ߬ߟߋ߬ߡߊ߯ߣߊ߫ ߟߊ߫߸ ߖߐ߲߬ ߓߘߍ߬ߞߏ ߘߊ߲߭ ߠߋ߬، ߖߘߍ߬ߟߛߊ߬ߦߌ߲߬ߠߊ ߟߋ﴿ [ߛ߫ߺߊ߯ߘ، ߟ:߃߀]] ߊ߬ ߞߵߊ߬ ߝߐ߫ ߡߊߙߌߦߡߊ߫ ߘߋ߲ߞߍ߫ ߊ߳ߺߌ߯ߛߊ߫ ߟߊ߫ ߞߏ߫ ߘߐ߫ ߞߏ߫: ﴾ߏ߬ ߕߍ߫ ߘߏ߫ ߜߘߍ߫ ߘߌ߫ ߝߏ߫ ߖߐ߲߬ߞߍ ߸ ߊ߲ ߣߍߡߊߣߍ߲߫ ߊ߬ ߡߊ߬ ߟߋ߬ ߸ ߞߵߊ߬ ߞߍ߫ ߛߊ߲߬ߘߊ ߘߌ߫ ߌߛߌߙߊߌߟߞߊ ߟߎ߬ ߦߋ߫﴿ [ߡߊ߬ߖߐ߯ߙߊ߲، ߟ:߅߉]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ ߞߊ߬ ߗߋߞߊ߲ ߠߎ߬ ߘߝߊ߫ ߡߏ߬ߤ߭ߊߡߡߊߘ ߟߊ߫ ߗߋߞߊ߲ ߠߋ߬ ߟߊ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߔ، ߞߵߊ߬ ߞߋߟߦߊ߫ ߡߐ߱ ߓߍ߯ ߟߊߘߍ߬ߣߍ߲ ߡߊ߬.، ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫:﴾ߊ߬ ߝߐ߫ ߞߏ߫ ߤߍ߲߬ ߊߟߎ߬ ߡߐ߱ ߟߎ߬ ߸ ߒߠߋ ߦߋ߫ ߊߟߊ߫ ߟߊ߫ ߞߋߟߊ ߟߋ߬ ߘߌ߫ ߊߟߎ߫ ߓߍ߯ ߟߊߘߍ߬ߣߍ߲ ߡߊ߬، ߛߊ߲ ߠߎ߬ ߣߌ߫ ߘߎ߱ ߡߊ߲߬ߛߊ߬ߦߊ ߦߋ߫ ߡߍ߲ ߓߟߏ߫، ߡߊ߰ߙߌ߬ ߜߘߍ߫ ߕߴߏ߬ ߟߋ ߞߐ߫، ߊ߬ߟߋ ߟߋ߫ ߟߊ߬ߣߌ߬ߡߦߊ߬ߟߌ ߣߌ߫ ߛߊ߬ߟߌ ߞߍ߫ ߟߊ߫، ߒ߬ߓߵߊߟߎ߯ ߟߌ߬ߡߣߊ߬ߦߊ߫ ߊߟߊ߫ ߡߊ߬ ߸ ߊ߬ ߣߴߊ߬ ߟߊ߫ ߞߋߟߊ߫ ߟߊ߬ߝߐ߬ߓߊ߯ ߞߎ߲߬ߝߌ߲ ߠߊ߫ ߸ ߏ߬ ߡߍ߲ ߦߋ߫ ߟߌ߬ߡߣߊ߬ߦߟߴߊߟߊ߫ ߣߴߊ߬ ߟߊ߫ ߞߎߡߊ ߟߎ߬ ߡߊ߬، ߊߟߎ߯ ߏ߬ ߟߊߓߊ߬ߕߏ߬ ߛߴߊߟߎ߫ ߘߌ߫ ߞߊ߲ߘߊ߫﴿ [ߕߓߊߞߘߐߣߍ߲، ߟ:߁߅߈]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ ߟߊ߫ ߛ߭ߊߙߌߦߊ ߟߋ߬ ߛߌ߬ߟߡߊ߬ߦߊ ߘߌ߯ߣߊ ߘߌ߫ ߊ߬ ߘߌ߬ߢߍ߬ߣߍ߲߫ ߊ߬ ߟߊ߫ ߖߐ߲߭ ߠߎ߬ ߦߋ߫ ߡߍ߲߫ ߘߐ߫، ߊ߬ ߣߌ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߕߍ߫ ߡߌ߬ߘߊ߬ ߟߌ߫ ߞߍ߫ ߘߏ߫ ߞߋߟߋ߲߫ ߛߌ߫ ߦߋ߫ ߏ߬ ߕߊ߬ߣߊ ߟߊ߫ ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫:﴾ߘߌ߯ߣߊ ߡߍ߲ ߦߴߊߟߊ߫ ߓߟߏ߫ ߸ ߏ߬ ߟߋ߬ ߛߌ߬ߟߊ߬ߡߦߊ ߘߌ߫﴿ [ߊ߳ߺߌߡߑߙߊ߮ߣ ߞߐߙߍ، ߟ:߁߉] ߊ߬ ߣߴߊ߬ ߞߎߡߊߞߊ߲ ߞߏ߫: ﴾ߓߌ߬ ߸ ߒ ߓߘߴߊߟߎ߫ ߘߌ߯ߣߊ ߘߝߴߊߟߎ߫ ߦߋ߫، ߊ߬ ߣߌ߫ ߒ ߓߘߊ߫ ߒ ߠߊ߫ ߣߍߡߊ ߞߎ߲߬ߘߏ߲߬ ߊߟߎ߫ ߦߋ߫، ߊ߬ ߣߌ߫ ߒ ߓߘߊ߫ ߘߌ߬ߢߍ߬ ߊߟߎ߫ ߦߋ߫ ߛߌ߬ߟߡߊ߬ߦߊ ߡߊ߬ ߊߟߎ߫ ߟߊ߫ ߘߌ߯ߣߊ ߘߌ߫﴿ [ߛߎ߬ߡߊ߲߬ߝߍ، ߟ:߃]

ߊ߬ ߣߴߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏ߫: ﴾ߡߍ߲ ߓߊ߯ ߢߌߣߌ߲߫ ߛߌ߬ߟߡߊ߬ߦߊ ߕߊ߬ߣߊ߫ ߡߊ߬ ߘߌ߯ߣߊ ߘߌ߫ ߸ ߏ߬ ߕߍ߫ ߡߌ߬ߘߊ߫ ߏ߬ ߟߊ߫ ߡߎ߰ߡߍ߫، ߏ ߘߏ߲߬ ߞߍߕߐ߫ ߟߊߞߌߙߊ߫ ߓߣߐ߬ߓߊ߮ ߟߎ߬ ߘߏ߫ ߟߋ߬ ߘߌ߫﴿ [ߊ߳ߺߌߡߑߙߊ߮ߣ ߞߐߙߍ، ߟ:߈߅]

ߊ߲ ߧߴߊ߬ ߟߐ߲߫ ߞߏ߫ ߣߌ߫ ߡߍ߲ ߞߊ߬ ߘߌ߯ߣߊ߫ ߜߘߍ ߞߎ߲߬ߘߐߕߍ߭ ߓߌ߬ ߞߴߏ߬ ߡߌ߬ߘߊ߬ߣߍ߲ ߊߟߊ߫ ߓߘߊ ߡߍ߲ ߣߌ߫ ߛߌ߬ߟߡߊ߬ߦߊ ߕߍ߫ ߞߋߟߋ߲߫ ߘߌ߫، ߞߊ߬ ߓߐ߫ ߦߊ߬ߤߎ߬ߘߌ߬ߦߊ߬ߦߊ ߘߐ߫ ߓߊ߬ ߥߟߊ߫ ߣߊ߲߬ߛߊ߯ߙߦߊ ߘߐ߫ ߓߊ߬ ߸ ߥߊߟߴߏ߬ ߟߎ߫ ߝߌ߬ߟߊ߫ ߕߊ߬ߣߊ ߜߘߍ، ߒ߬ߓߵߏ߬ ߓߘߊ߫ ߏ߬ ߕߌ߭ ߞߊ߯ߝߙߌ، ߏ߬ ߞߐ߫ ߣߴߊ߬ ߛߎ߲ߞߎ߲ ߞߍ߫ ߘߊ߫ ߛߌ߬ߟߊ߬ߡߊ߫ ߘߌ߫ ߞߐ߲߬ߞߐ߲߬ ߡߊߟߌ ߘߌ߫ ߞߴߊ߬ ߡߊ߬، ߣߴߊ߬ ߞߵߊ߬ ߖߘߍ߬ߟߊߛߊ߬ߦߌ߲߬ ߸ ߊ߬ ߝߐ߫ ߘߴߊ߬ ߓߊ߲߫ ߠߊ߫ ߸ ߣߴߏ߬ ߕߍ߫ ߊ߬ ߘߌ߫ ߝߊ߰ ߞߏ߫ ߡߎߙߎ߲ߕߌߣߍ߲ ߠߋ߬، ߓߊߏ߬ ߞߎ߬ߙߊ߬ߣߓߊ ߡߊߛߐ߬ߛߐ߬ߟߊ ߟߋ߬.

ߊ߲ ߧߴߊ߬ ߦߋ߫ ߟߊ߫ ߣߌ߫ ߡߍ߲߫ ߞߊ߯ߝߙߌߦߊ߫ ߘߊ߫ ߡߏ߬ߤ߭ߊߡߡߊߘ ߟߊ߫ ߞߋߟߦߊߞߏ ߡߊ߬ ߓߍ߯ ߡߊ߬ ߸ ߒ߬ߓߊ߬ ߸ ߏ߬ ߕߌ߱ ߓߘߊ߫ ߞߊ߯ߝߙߌߦߊ߫ ߞߋߟߊߡߐ߮ ߓߍ߯ ߟߊߘߍ߬ߣߍ߲ ߠߋ߬ ߡߊ߬ ߏ߬ ߘߌ߫، ߤߊߟߵߊ߬ ߟߊ߫ ߞߋߟߊ ߸ ߊ߬ ߞߊ߲߫ ߞߏ߫ ߊ߬ ߟߌ߬ߡߣߦߊ߬ߣߍ߲ ߡߍ߲߫ ߡߊ߬ ߣߴߊ߬ ߕߎ߲߬ߣߍ߲߫ ߏ߬ ߞߐ߫، ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫: ﴾ߣߎߤߎ߲߫ ߡߌ߬ߙߌ߲߬ߘߌ ߞߊ߬ ߞߋߟߊ ߟߎ߬ ߥߎߦߊ߲ߕߋߦߊ߫﴿ [ߛߞߎ߬ߦߟߊ ߟߎ߬، ߟ:߁߀߅]

ߒ߬ߓߵߊ߬ߟߎ߬ ߞߍ߫ ߘߊ߫ ߞߋߟߊߡߐ߮ ߓߍ߯ ߟߊߘߍ߬ߣߍ߲ ߡߊߛߐߛߐ߫ ߓߊ߯ ߘߌ߫ ߞߵߊ߬ ߕߍ߬ߘߵߊ߬ ߡߊ߫ ߞߐ߲߬ߞߐ߲߬ ߣߎ߯ߤߊ߲߫ ߢߍ߫ ߞߋߟߦߊ߫ ߘߐ߫ ߊ߬ ߣߴߊ߬ ߞߎߡߊߞߊ߲߫ ߞߘߐߕߊ߬ߣߍ߲߬ߓߊ: ﴾ߡߍ߲ ߠߎ߬ ߦߋ߫ ߓߊ߲߬ߓߊ߰ߦߊ ߟߐ߬ ߟߴߊߟߊ߫ ߣߴߊ߬ ߟߊ߫ ߞߋߟߊ ߟߎ߫ ߡߊ߬߸ ߊ߬ ߣߴߊ߬ߟߎ߬ ߦߴߊ߬ ߝߍ߬ ߞߊ߬ ߘߊ߲߬ߝߘߊ߬ߓߐ ߞߍ߫ ߊߟߊ߫ ߣߴߊ߬ ߟߊ߫ ߞߋߟߊ ߟߎ߬ ߟߊ߫، ߞߵߊ߬ ߝߐ߫ ߛߐ߲߬ ߞߏ߫ ߊ߲ ߟߊߣߍ߲߫ ߘߏ߫ ߟߊ߫߸ ߊ߲ ߟߊߣߍ߲߫ ߕߍ߫ ߘߏ߫ ߟߊ߫߸ ߞߵߊ߬ ߟߊߥߟߌ߬ ߛߴߊ߬ߟߎ߬ ߘߌ߫ ( ߢߣߊ߫ ߞߏ ) ߛߌߟߊ߫ ߟߊߘߊ߲߫ ߏ߬ ߟߎ߬ ߕߍ߫﴿ [ߣߛߌ߬ߡߛߏ، ߟ:߁߅߀ - ߁߅߁]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߟߊ߬ߝߐ߬ߓߊ߮ ߜߘߍ߫ ߕߍ߫ ߊߟߊ߫ ߟߊ߫ ߞߋߟߊ߫ ߡߏ߬ߤ߭ߊߡߡߊߘ ߞߐ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫، ߣߌ߫ ߡߍ߲߫ ߞߊ߬ ߟߊ߬ߝߐ߬ߓߦߊ ߟߴߊ߬ ߖߘߍ߬ ߟߊ߫ ߥߟߊ߫ ߞߵߊ߬ ߕߏ߬ߢߊ߲߬ߕߋߦߊ߫ ߞߋߟߊ߫ ߞߐ߫، ߒ߬ߓߵߏ߬ ߦߋ߫ ߞߊ߯ߝߙߌ ߟߋ߬ ߘߌ߫، ߓߊߏ߬ ߊ߬ ߕߌ߱ ߦߋ߫ ߟߍߙߊ ߣߌ߫ ߛߊ߬ߙߊ߲߬ߣߎ߲ ߣߌ߫ ߛߌ߬ߟߊ߬ߡߊ ߟߎ߬ ߟߊ߫ ߓߍ߲߬ߡߊ߬ߞߊ߲ ߠߋ߬ ߛߐߛߐߓߊ߮ ߘߌ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߣߐ߬ߘߐߛߌ߰ ߞߊ߲ߘߊߟߌߟߊ߫ ߟߎ߫ ߦߋ߫ ߟߊ߬ߝߐ߬ߓߊ߮ ߟߊ߫ ߡߍ߲߫ ߠߎ߬ ߞߵߊ߬ ߣߐ߬ߘߐߓߌ߬ߟߵߊ߬ ߡߊ߲߬ߕߏ߲ ߠߎ߬ ߞߎ߲ߠߊ߫ ߟߐ߲ߣߌ ߣߌ߫ ߥߟߋߟߌ ߣߌ߫ ߞߎ߲ߣߊߛߌ ߘߐ߫، ߊ߬ ߣߌ߫ ߞߴߏ߬ ߟߎ߬ ߓߍ߯ ߘߐ߫ ߝߌ߬ߛߊ߬ߡߊ߲ߒߕߋ ߣߴߊ߬ ߓߍ߯ ߞߊ߫ ߞߊ߲߫ ߣߐ߬ߘߐߛߌ߮ ߘߌ߫ ߸ ߏ߬ ߟߋ߬ ߓߞߊߙߌ߫ ߛߘߌߞߌ߫ ߘߌ߫، ߏ߬ ߞߐ߫ ߎߡߊߙߎ߫ ߓߎߣ ߊߟߑߞ߭ߊ߬ߕߐ߯ߓߌ߫، ߏ߬ ߞߐ߫ ߊ߳ߎߛ߳ߑߡߊ߯ߣߊ߫ ߓߎߓ ߊ߳ߊߝߊ߯ߣ ߘߌ߫، ߏ߬ ߞߐ߫ ߊ߳ߺߊߟߌ߫ ߓߎߣ ߊ߬ߓߌ߯ ߕ߭ߐ߯ߟߌߓ ߘߌ߫، ߊߟߡߴߊߟߊ߫ ߘߌ߬ߢߍ߬ ߘߴߊ߬ߟߎ߬ ߓߍ߯ ߟߊߘߍ߬ߣߍ߲ ߡߊ߬.

ߊ߬ߟߎ߫ ߕߘߍ߬ ߕߋ߲߬ ߠߋ߬ ߣߘߐ߬ߛߌ߮ ߘߐ߫ ߟߊ߬ߕߍ߮ ߘߐ߫ ߦߏ߫ ߊ߬ߟߎ߬ ߝߌ߬ߛߊ߬ߡߊ߲ߒߕߋ߬ߦߊ߬ߣߍ߲ ߕߘߍ߬ ߢߊ߫ ߡߍ߲߫، ߊߟߊ߫ ߡߊ߫ ߞߍ߫ ߡߐ߰ ߞߏߕߌ߯ߦߊ ߓߊ߯ ߘߌ߫ ߝߊ߯ߘߐߞߍ ߘߐ߫ ߝߌ߬ߛߊ߬ߡߊ߲ߒߕߋ ߞߎ߲߬ߠߊ߫ ߡߐ߰ ߟߊ߫ ߞߊ߬ ߡߐ߰ ߜߘߍ߫ ߕߏ߫ ߡߍ߲߫ ߞߊߝߌߛߊ߫ ߣߌ߫ ߡߊ߲߬ߛߦߊ ߞߊߡߊ߲.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߊ߬ߟߎ߬ ߘߐ߫ ߟߊߝߌ߬ߛߊ߬ߡߊ߲߬ߒ߬ߕߋ߬ߦߊ߬ߣߍ߲ ߞߙߍߞߙߍߣߍ߲߫ ߘߌ߫ ߞߍ߫ ߝߋ߲߫ ߠߋ߬ ߟߊ߫ ߞߊ߬ ߕߊ߬ߡߌ߲߫ ߘߴߏ߬ ߞߊ߲߬، ߏ߬ ߞߘߐ ߕߍ߫ ߝߌ߬ߛߊ߬ߡߊ߲ߒߕߋ߬ߦߊ߫ ߟߐߞߎ ߘߌ߫ ߘߋ߬، ߓߊߏ߬ ߝߌ߬ߛߊ߬ߡߊ߲ߒߕߋ߬ߦߊ ߘߊߞߎ߲ ߠߎ߬ ߞߊߛߌߦߴߊ߬ߟߎ߬ ߓߐߣߍ߲߫ ߢߐ߲߯ ߡߊ߬.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߡߊ߲߬ߕߏ߲ ߡߍ߲߬ ߠߋ߬ ߡߊ߲߬ߕߏ߲ ߠߎ߬ ߘߐ߫ ߤߙߊߡߊ ߣߴߊ߬ߟߎ߬ ߘߐ߫ ߞߡߊߙߊ߲ߒߞߋ ߘߌ߫ ߊߟߓߊ߫ ߞߟߊߒߞߋ ߝߍ߬: ߫ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߞߏ߫:﴾ߊߟߎ߫ ߟߋ߬ ߞߍߣߍ߲߫ ߡߊ߲߬ߕߏ߲߬ ߤߙߊߡߊ ߘߌ߫ ߡߍ߲ ߠߊߓߐߣߍ߲߫ ߡߐ߱ ߟߎ߬ ߦߋ߫، ߊߟߎ ߦߋ߫ ߟߐ߬ߟߌ ߞߍ߫ ߟߊ߫ ߢߌ߬ߡߊ ߟߊ߫ ߸ ߞߊ߬ ߝߊߕߊ߲ߕߟߌ ߞߍ߫ ߞߐ߲ߞߏ ߡߊ߬، ߊ߬ ߣߌ߫ ߞߊ߬ ߟߌ߬ߡߣߊߦߊ߫ ߊߟߊ߫ ߡߊ߬﴿ [ߊ߳ߺߌߡߑߙߊ߯ߣ ߞߐߙߍ، ߟ:߁߁߀]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫: ߡߊ߲߬ߕߏ߲ ߣߌ߲߬ ߘߐ߫ ߤߙߊߡߊ ߦߋ߫ ߛߐ߬ߤ߭ߊ߰ߓߊ߮ ߟߎ߬ ߟߋ߬ ߘߌ߫ ߏ߬ ߞߐ߫ ߕߊ߯ߓߌߺߊ߳ߺߌ߯ߣߊ߫ ߟߎ߬ ߏ߬ ߞߐ߫ ߕߊ߯ߓߌߺߊ߳ߺߌ߯ߣߊ߫ ߟߎ߬ ߟߊߕߎ߲ߠߊ ߟߎ߬، ߊ߬ ߣߌ߫ ߞߏ߫ ߞߙߎ ߕߍ߫ ߕߏߞߍ ߡߊ߲߬ߕߏ߲ ߢߌ߲߬ ߘߐ߫ ߕߏ߬ߢߊ ߞߐߡߊߓߌ߲ߓߌ߲߫ ߠߊ߫، ߊ߬ߟߎ߬ ߖߊ߲߬ߝߊ ߓߊ߮ ߣߴߊ߬ߟߎ߬ ߞߐߟߊߝߐߓߊ߮ ߕߴߊ߬ߟߎ߬ ߕߙߐ߫ ߝߏ߫ ߛߌ߫ ߟߊ߫ ߤߊ߲߯ ߝߏ߫ ߊߟߓߊ߫ ߞߟߊߒߞߋ ߟߊ߫ ߖߡߊ߬ߙߌ ߦߋ߫ ߣߊ߬.

ߊ߲ ߧߴߊ߬ ߛߟߐ߬ߡߍ߬ߘߐ߬ߦߟߊ߫ ߞߏ߫ ߥߊ߬ߥߎߟߋ߲ ߡߍ߲߫ ߕߊ߬ߡߌ߲߬ߣߍ߲ ߛߐ߬ߤ߭ߊ߰ߓߊ߮ ߟߎ߬ ߕߍ߫، ߊ߬ ߞߎ߲߭ ߞߍߣߍ߲߫ ߊ߬ߟߎ߬ ߟߊ߫ ߘߐ߬ߖߊ߰ ߢߌߣߌ߲߫ ߠߋ߬ ߘߌ߫، ߒ߬ߓߊ߬ ߸ ߣߌ߫ ߡߍ߲߫ ߞߍ߫ ߘߊ߫ ߓߍ߲߬ߛߋ߬ߡߊ߬ߓߊ߯ ߘߌ߫ ߛߊ߬ߙߊ߫ ߝߌ߬ߟߊ ߟߵߏ߬ ߦߋ߫، ߣߌ߫ ߡߍ߲߫ ߘߏ߲߬ ߞߍ߫ ߘߊ߫ ߝߎߕߎ߲ߕߌߓߊ߯ ߛߊ߬ߙߊ߬ ߞߋߟߋ߲߫ ߠߵߏ߬ ߦߋ߫، ߊߟߊ߫ ߜߊ߲ߞߎߣߊߣߍ߲ ߊ߬ ߟߊ߫ ߝߎߕߎ߲ߕߌ ߏ߬ ߘߐ߫.

ߊ߲ ߧߴߊ߬ ߦߋ߫ ߟߊ߫ ߞߏ߫ ߘߌߦߊߜߏߦߊ߫ ߟߋ߬ ߡߊ߬ߞߎ߲߫ ߘߴߊ߬ߟߎ߬ ߟߊ߫ ߖߎ߯ߡߊ߲ ߠߎ߫ ߡߊ߬، ߊ߲ ߞߣߊ߫ ߝߋ߲߫ ߝߐ߫ ߝߏ߫ ߊ߬ߟߎ߬ ߣߌ߫ ߓߘߍ߬ߓߘߍ ߣߌ߫ ߗߋ߲߭ ߡߍ߲߫ ߞߊߡߊ߲߫، ߊ߬ ߣߴߊ߲ ߧߴߊ߲ ߖߛߎ߬ߞߎ߲ ߛߊߣߌߦߴߊ߬ߟߎ߬ ߡߊ߬ ߞߊ߬ ߓߐ߫ ߓߛߍ߬ߒߞߐ߬ߣߌ߬ߦߊ ߣߌ߫ ߖߎ߯ߦߊ ߣߌ߫ ߢߐ߲ߞߐߣߌߦߊ ߡߊ߬، ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏߛߐ߲߬ ߏ߬ ߟߎ߫ ߡߊ߬ ߞߏ߫: ﴾ߡߐ߰ ߣߌ߫ ߡߐ߱ ߟߎ߬ ߕߍ߫ ߞߢߴߊߟߎ߫ ߘߐ߫ ߝߋߎ߫ ߡߍ߲ ߞߊ߬ ߘߟߊߝߊ߮ ߞߍ߫ ߟߊ߬ߥߛߊ ߢߍ߫ ߞߊ߬ ߞߍ߬ߟߍ ߞߍ߫، ߏ߬ ߟߎ߫ ߟߋ߫ ߡߐ߬ߟߐ߲ ߓߏ߲߬ߓߊ߬ ߘߏ ߟߎ߬ ߕߊ ߘߌ߫ ߡߍ߲ ߠߎ߫ ߞߊ߬ ߘߟߊߝߊ߮ ߞߍ߫ ߞߐ ߟߊ߫ ߞߊ߬ ߞߍ߬ߟߍ ߞߍ߫، ߞߏ߬ߣߵߊ߬ ߞߋߟߋ߲ߞߋߟߋ߲ ߓߍ߯ ߦߟߌߡߊߘߌߦߊߣߍ߲߫ ߊߟߊ߫ ߓߟߏ߫ ߢߌ߬ߡߊ ߟߋ߬ ߟߊ߫﴿ [ߣߍ߰ߝߌ߲، ߟ:߁߀]

ߊ߬ ߣߴߊߟߊ߫ ߞߎߡߊߞߊ߲߫ ߞߘߐߕߊ߬ߣߍ߲߬ߓߊ ߸ ߊ߲ ߠߊ߫ ߞߏ ߘߐ߫: ﴾ߊ߬ ߣߌ߫ ߡߍ߲ ߠߎ߫ ߣߊ߬ߣߴߏ߬ ߟߎ߬ ߞߐ߫ ߸ ߏ߬ ߟߎ߬ ߦߴߊ߬ ߝߐ߫ ߟߊ߫ ߸ ߞߏ߫ ߊ߲ ߡߊ߰ߙߌ ߸ ߊ߲ ߣߌ߫ ߊ߲ ߓߊߘߋ߲ ߠߎ߬ ߡߊߞߕߏ߫ ߸ ߡߍ߲ ߠߎ߫ ߞߐ߲߰ߣߍ߲߫ ߊ߲ ߢߍ߫ ߟߌ߬ߡߣߊ߬ߦߊ ߟߊ߫، ߌ ߞߊߣߊ߬ ߞߐߣߌ߲ߧߊ߫ ߞߍ߫ ߊ߲ ߛߣߐ߬ߡߍ ߘߐ߫ ߟߌ߬ߡߣߊ߬ߦߊߓߊ߮ ߟߎ߬ ߞߊߡߊ߬، ߊ߲ ߡߊ߰ߙߌ ߸ ߌߟߋ ߟߋ߫ ߞߌ߬ߣߌ߲߬ߞߌ߬ߣߌ߲߬ߠߊ߫ ߤߌߣߟߊ ߘߌ߫﴿ [ߟߊ߬ߥߟߌ߬ߟߌ، ߟ:߁߀]

*

ߝߐߘߊ߫

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߟߏ߲ ߣߊߓߊ߲ ߡߊ߬ ߏ߬ ߟߋ߬ ߟߐ߬ߓߊ ߟߏ߲ ߘߌ߫ ، ߟߏ߲ ߕߴߏ߬ ߡߍ߲߫ ߞߐ߫، ߏ߬ ߟߏ߲ ߠߋ߬ ߡߐ߱ ߟߎ߬ ߘߌ߫ ߟߊߢߣߍߡߦߊ߫ ߕߏߟߌ߫ ߞߘߊߎ߫ ߞߊߡߊ߬، ߞߊ߬ ߕߊ߯ ߦߌߟߌ߲ ߟߎ ߡߊ߬ ߥߟߊ߫ ߖߊ߲߬ߞߕߊ ߟߎ ߡߊ߬.

ߊ߲ ߧߋ߫ ߟߌ߬ߡߣߊ߬ߦߟߊ߫ ߥߟߌߟߌ ߡߊ߬، ߏ߬ ߟߋ߬ ߛߎ߭ ߟߎ߬ ߟߊߢߣߊߡߦߊ߫ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߓߟߏ߫، ߕߎ߬ߡߊ߬ߡߍ߲ ߌߛߑߙߊ߰ߝߌ߯ߟ ߦߋ߫ ߓߘߎߝߍ߫ ߝߌߟߊߣߊ߲ ߞߍ߫ ߟߊ߫: ﴾ߓߘߎ ߘߌߣߊ߬ ߝߍ߫ ߸ ߏ߬ ߓߊ߯ ߞߍ߫ ߣߌߡߊ ߟߎ߬ ߘߌ߫ ߜߊ߬ߙߊ߲߬ߞߕߊ߫ ߡߍ߲ ߠߎ߬ ߦߋ߫ ߛߊ߲ ߠߎ߬ ߘߐ߫ ߸ ߊ߬ ߣߌ߫ ߡߍ߲ ߠߎ߬ ߦߋ߫ ߘߎ߱ ߘߐ߫، ߝߏ߫ ߡߍ߲ ߓߊ߯ ߊߟߊ߫ ߘߌߦߊ߫، ߏ߬ ߞߐ߫ ߘߏ߫ ߜߘߍ ߘߌ߫ ߝߍ߫ ߕߎ߲߯ ߸ ߌ ߘߴߊ߬ߟߎ߫ ߟߐ߬ߣߍ߲ ߦߋ߫ ߝߟߍߟߌ ߟߵߌߞߘߐ߫﴿ [ߛߘߍߞߘߎ، ߟ:߆߈]

ߒ߬ߓߊ߬ ߸ ߡߐ߱ ߟߎ߬ ߘߌ߫ ߥߟߌ߬ ߞߊ߬ ߓߐ߫ ߊ߬ߟߎ߫ ߛߊ߬ߙߌ ߟߎ߬ ߘߐ߫ ߖߊ߯ߓߊ ߟߎ߬ ߕߌ߱ ߦߋ߫ ߸ ߛߋ߲߬ߘߐ߬ ߞߏߟߏ߲߫ ߛߊ߲߬ߓߙߊ߬ߕߊ߲߫ ߟߊ߲ߞߏߟߏ߲߫ ߝߊ߰ߣߌ߲ ߕߊ߲߫، ߞߍ߬ߓߊ߬ߟߋ߲߫ ߞߐ߰ߘߐ߬ߖߌ߬ߓߊߟߌ. ﴾ߊ߲ ߞߊ߬ ߘߊߟߌ߫ ߝߟߐ ߖߎ߬ߕߍ߰ ߢߊ ߡߍ߲ ߊ߲ ߧߴߊ߬ ߡߊߛߊ߬ߦߌ߬ ߟߊ߫ ߕߋ߲߬ ߠߋ߬، ߏ߬ ߦߋ߫ ߛߘߊߡߊߒߞߊ߲߫ ߠߋ߬ ߘߌ߫ ߊ߲ ߖߍ߬ߘߍ ߡߊ߬ ߸ ߊ߲ ߘߏ߲߬ ߘߴߊ߬ ߞߍ߫ ߟߋ߬ ߘߍ߯﴿ [ߟߊ߬ߝߐ߬ߓߊ߮، ߟ:߁߀߄]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߓߊ߫ߙߊ ߟߎ߬ ߟߍߙߊߞߏ ߡߊ߬، ߊ߬ ߘߌ߫ ߘߌ߫ ߞߌߣߌ߲ ߡߊ߬ ߥߟߊ߫ ߡߊ߬ߙߊ߲ ߡߊ߬ ߞߐߝߍ ﴾ ߒ߬ߓߊ߬ ߣߌ߫ ߡߍ߲ ߠߊ߫ ߟߍߙߊ ߘߌ߫ ߘߴߊ߬ ߡߵߊ߬ ߞߌߣߌ߲ ߝߍ߬ * ߏ߬ ߘߌ߫ ߖߊ߬ߕߋ߬ߓߐ߫ ߖߊ߬ߕߋ߬ߓߐ߬ ߣߐ߲߯ ߠߊ߫ * ߊ߬ ߣߴߏ߬ ߛߍߥߊߡߍߣߍ߲ߕߐ ߘߌ߫ ߛߊ߬ߦߌ߲߬ ߊ߬ ߞߐߙߍ ߟߎ߫ ߡߊ߬ * ߣߌ߫ ߡߍ߲ ߠߊ߫ ߟߍߙߊ ߘߌ߫ ߘߴߊ߬ ߡߵߊ߬ ߞߕߐ߫ ߛߊ߫ * ߒ߬ߓߵߏ߬ ߘߌ߫ ߕߏߒߘߐ ߡߊߞߟߌ߫ * ߊ߬ ߣߴߊ߬ ߘߌ߫ ߘߏ߲߬ ߖߌߖߌ ߘߐ߫﴿ [ߛߍ߲ߞߍߟߌ، ߟ:߇ - ߁߂]

﴾ߊ߲ ߞߊ߬ ߡߐ߱ ߞߋ߬ߟߋ߲߬ߞߋ߬ߟߋ߲߬ߣߊ ߟߊ߫ ߞߐ߬ߣߐ ߓߌ߬ߟߴߊ߬ ߝߍ߬ ߊ߬ ߞߊ߲ߠߊ߫ ߟߋ߬ ߸ ߊ߲ ߘߌ߫ ߞߊ߬ߝߊ ߟߊߓߐ߫ ߊ߬ ߦߋ߫ ߟߐ߬ߓߊ ߟߏ߲ ߊ߬ ߘߴߏ߬ ߟߊߞߊ߬ߣߍ߲ ߓߍ߲߬ߢߐ߲߰ߦߊ߫ * ߞߏ߫ ߌ ߟߊ߫ ߞߊ߬ߝߊ ߞߊ߬ߙߊ߲߫ ߞߍ߬، ߌ ߞߊ߬ ߥߛߊ߬ ߞߴߌ ߖߘߍ߬ ߦߋ߫ ߌ ߖߍ߬ߘߍ߫ ߡߊ߬ ߖߊ߬ߕߋ߬ߓߐ߬ߟߊ߫ ߘߌ߫ ߓߌ߬﴿ [ߛߎߘߐߛߣߍߡߊ، ߟ:߁߃ - ߁߄]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߖߊ߭ ߡߊ߬ ߸ ߊ߬ ߘߌ߫ ߛߌ߰ ߟߐ߬ߓߊ ߟߏ߲، ߣߌߡߊ ߛߌ߫ ߕߍ߫ ߕߐ߬ߢߍ߬ ߟߊ߫، ﴾ߒ߬ߓߊ߬ ߣߌ߫ ߡߍ߲ ߞߊ߬ ߝߕߌ߫ ߖߌߘߊ߲ߣߍ߲߫ ߢߐ߲߰ ߢߌ߬ߡߊ߬ ߞߍ߫ ߸ ߏ߬ ߘߴߏ߬ ߦߋ߫ * ߣߌ߫ ߡߍ߲ ߘߏ߲߬ ߞߊ߬ ߝߕߌ߫ ߖߌߘߊ߲ߣߍ߲߫ ߢߐ߲߰ ߖߎ߯ߡߊ߲߫ ߞߍ߫ ߸ ߏ߬ ߘߴߏ߬ ߦߋ߫﴿ [ߦߙߍߦߙߍ، ߟ:߇ - ߈] ﴾ߡߍ߲ ߠߎ߬ ߟߊ߫ ߡߊ߲߬ߕߊ߰ ߟߊ߬ ߝߋ߲ ߠߎ߬ ߓߊ߯ ߜߟߌߦߊ߫ ߸ ߏ߬ ߟߎ߫ ߟߋ߬ ߛߎߘߊ߲ߓߊ߮ ߟߎ߬ ߘߌ߫ * ߡߍ߲ ߠߎ߬ ߟߊ߫ ߡߊ߲߬ߕߊ߰ ߟߊ߬ ߝߋ߲ ߠߎ߬ ߓߊ߯ ߝߍߦߊ߫ ߸ ߏ߬ ߟߎ߫ ߟߋ߫ ߞߵߊ߬ߟߎ߫ ߖߘߍ߬ ߟߊߓߐ߬ߣߐ߫ ߞߊ߬ ߕߏ߫ ߔߊߦߌߔߊߦߌ ߘߐ߫ * ߕߊ ߘߴߏ߬ ߟߎ߬ ߢߘߊ ߟߎ߬ ߡߊߖߋ߬ߣߌ߲߬ ߸ ߞߵߊ߬ߟߎ߬ ߢߊߞߘߐߛߌ߲߬ߛߌ߲߬ߣߍ߲ ߕߏ߫ ﴿ [ߡߎ߯ߡߌߣߌ߲ ߠߎ߬، ߟ:߁߀߂ - ߁߀߄] ﴾ߣߌ߫ ߡߍ߲ ߣߊ߬ ߘߊ߫ ߢߌ߬ߡߊ߬ ߞߋߟߋ߲߫ ߘߌ߫ ߸ ߏ ߢߐ߲߰ ߕߊ߲߫ ߘߌ߫ ߘߴߏ ߡߊ߬، ߣߌ߫ ߡߍ߲ ߣߊ߬ ߘߊ߫ ߖߎ߯ߡߊ߲߫ ߞߋߟߋ߲߫ ߘߌ߫ ߸ ߏ߬ ߕߍ߫ ߛߙߊ߬ ߟߊ߫ ߘߏ߫ ߜߘߍ߫ ߟߊ߫ ߏ߬ ߢߐ߲߰ ߞߋߟߋ߲ ߞߐ߫ ߸ ߊ߬ߟߎ߫ ߘߏ߲߬ ߕߍ߫ ߕߐ߬ߢߍ߰ ߟߊ߫﴿ [ߞߟߏߝߋ߲ ߠߎ߬، ߟ:߁߆߀]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߛߏ߬ߟߏ߲߬ߠߊ߬ߟߌ߬ߓߊߞߏ ߡߊ߬ ߊߟߊ߫ ߟߊ߫ ߞߋߟߊ ߦߋ߫ ߞߙߍߞߙߍߣߌ߲ߦߟߊ߫، ߊ߬ ߘߌ߫ ߛߟߏ߬ߠߊ߬ߘߏ߲߬ߠߌ߲ ߞߍ߫ ߊߟߊ߫ ߞߘߐߕߊ߬ߣߍ߲߬ߓߊ ߝߍ߬ ߊ߬ ߟߊ߫ ߘߌ߬ߢߍ ߟߊ߫ ߛߴߊ߬ ߦߋ߫ ߞߕߌ ߖߐ߲߭ ߠߎ߬ ߣߌ߫ ߢߐ߲߯ߕߍ߫،ߕߎ߬ߡߊ߫ ߡߍ߲߫ ߞߣߐߜߊ ߣߌ߫ ߞߙߐߕߐ ߓߘߊ߫ ߡߐ߱ ߟߎ߬ ߛߐ߬ߘߐ߬، ߊ߬ߟߎ߬ ߕߍ߫ ߛߋ߫ ߡߍ߲߫ ߞߘߐ߫، ߒ߬ߓߵߊ߬ߟߎ߬ ߊߘߡߊ߫ ߕߘߍ߬ ߏ߬ ߞߐ߫ ߣߎ߯ߤߊ߲߫ ߏ߬ ߞߐ߫ ߌߓߑߙߊ߰ߤߌߡߊ߫ ߏ߬ ߞߐ߫ ߡߎ߯ߛߊ߫ ߏ߬ ߞߐ߫ ߌ߯ߛߊ߫ ߤߊ߲߯ ߝߏ߫ ߊ߬ ߘߌ߫ ߟߊߓߊ߲ ߊߟߊ߫ ߞߋߟߊ ߡߊ߬ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߛߏ߬ߟߏ߲߬ߠߊ߬ߟߌ߬ߞߏ ߡߊ߬ ߟߌ߬ߡߣߊ߬ߦߊ߬ߓߊ߮ ߟߎ߬ ߦߋ߫ ߡߍ߲߫ ߠߎ߬ ߓߘߊ߫ ߘߏ߲߬ ߕߊ ߘߐ߫، ߞߏ߫ ߞߵߊ߬ߟߎ߬ ߟߊߓߐ߫ ߊ߬ ߘߐ߫، ߏ߬ ߦߋ߫ ߟߊ߬ߝߐ߬ߓߊ߮ ߣߌ߫ ߟߊ߬ߝߐ߬ߓߊ߰ ߜߘߍ ߟߎ߫ߖ ߣߌ߫ ߟߌ߬ߡߣߊ߬ߦߊ߬ߓߊ߮ ߟߎ߬ ߣߌ߫ ߡߟߊ߬ߞߊ ߟߎ߬ ߟߋ߬ ߦߋ߫، ߊߟߊ߫ ߞߘߐߕߊ߬ߣߍ߲߬ߓߊ ߘߌ߫ ߡߌ߬ߙߌ߲߬ߘߌ ߟߌ߬ߡߣߊ߬ߦߊ߬ߣߍ߲߫ ߘߏ߫ ߟߎ߫ ߟߊߓߐ߫ ߕߊ ߘߐ߫ ߣߴߊ߬ ߡߊ߫ ߞߍ߫ ߛߏ߬ߟߏ߲߬ߠߊ߬ߟߌ ߘߌ߫، ߍ߲߬ߍ߲߫ ߸ ߊ߬ ߟߊ߫ ߝߌ߬ߛߊ߬ߡߊ߲ߒߕߋ߬ߦߊ ߣߴߊ߬ ߟߊ߫ ߤߌߣߊ ߟߊ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߊߟߊ߫ ߟߊ߫ ߞߋߟߊ ߟߊ߫ ߘߊ߬ߟߊ ߡߊ߬، ߞߏ߫ ߊ߬ ߖߌ ߟߊ߫ ߜߍ ߘߐߜߟߍ߬ߦߊ߬ߣߍ߲ ߣߐߣߐ ߘߌ߫، ߊ߬ ߘߎߡߊ߲ ߟߌ ߘߌ߫، ߊ߬ ߛߎߡߊ ߞߊߘߌ߫ ߟߊ߬ߕߌ߬ߞߐߟߐ߲ ߘߌ߫، ߊ߬ ߞߊ߲ߞߏ ߖߊ߯ߢߊ ߦߋ߫ ߞߊߙߏ߫ ߞߋߟߋ߲ ߊ߬ ߞߊ߲߬ߞߊ ߦߋ߫ ߞߊߙߏ߫ ߞߋߟߋ߲، ߊ߬ ߡߌ߬ߣߊ߲ ߠߎ߬ ߦߋ߫ ߦߏ߫ ߛߊ߲ ߟߏ߬ߟߏ ߟߎ߬ ߢߌߡߦߊ ߣߌ߫ ߛߌߦߊߦߊ ߘߐ߫، ߊ߬ ߡߊ߲߬ߕߏ߲ ߘߐ߫ ߟߌ߬ߡߣߊ߬ߦߊ߬ߓߊ߮ ߟߎ߬ ߟߋ߬ ߣߊ߬ ߟߴߊ߬ ߘߊ ߟߊ߫، ߡߍ߲߫ ߓߴߊ߬ ߡߌ߲߬ ߊ߬ ߘߐ߫ ߖߌߟߐ߯ ߕߴߏ߬ ߡߌߘߊ߬ ߟߊ߫ ߡߎ߬ߕߎ߲߬.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߣߊ߲߬ߞߏ߲ ߘߐߛߡߊߣߍ߲ ߖߊ߬ߤߣߊ߬ߡߊ߬ ߞߎ߲߬ߘߐ، ߡߐ߱ ߟߎ߬ ߦߋ߫ ߕߊ߬ߡߌ߲߬ ߣߴߊ߬ ߞߐߞߊ߲߬ ߊ߬ߟߎ߬ ߟߊ߫ ߓߊ߯ߙߊ ߖߊ߬ߕߋ ߟߋ߬ ߟߊ߫، ߊ߬ ߝߟߐ ߟߎ߬ ߘߌ߫ ߕߊ߬ߡߌ߲߬ ߦߋ߫ ߛߊ߲ߢߊ߯ߢߊ ߏ߬ ߞߐߕߊ ߟߎ߬ ߦߏ߫ ߝߐߢߍ ߏ߬ ߞߐߕߊ ߟߎ߬ ߦߏ߫ ߞߐ߬ߣߐ، ߞߵߊ߬ ߕߘߍ߬ ߞߋߟߊ ߟߐ߬ߣߍ߲߫ ߣߊ߲߬ߞߏ߲߬ ߞߊ߲߬ ߊ߬ ߦߴߊ߬ ߝߐ߫ ߞߊ߲߬ ߞߏ߫: ((ߋ߯ ߒ ߕߌ߱! ߟߊ߬ߞߊ߲߬ߘߊ߬ߟߌ ߞߍ߫ ߟߊ߬ߞߊ߲߬ߘߊ߬ߟߌ ߞߍ߫)).

ߤߊ߲߯ ߖߐ߲߭ ߠߎ߬ ߟߊ߫ ߓߊ߯ߙߊ ߦߋ߫ ߘߛߍ߫، ߡߐ߰ ߘߌ߫ ߣߊ߬ ߡߍ߲߫ ߦߴߊ߬ ߝߏ߲߬ߝߏ߲ ߠߊ߫، ߞߴߊ߬ ߕߘߍ߬ ߓߟߐ߬ ߘߎ߯ߣߍ߲߫ ߖߡߊ߬ߙߌ߬ߣߍ߲ ߦߋ߫ ߣߊ߲߬ߞߏ߲ ߘߊߜߟߏ ߟߎ߬ ߟߊ߫، ߊ߬ ߦߋ߫ ߡߐ߱ ߡߌ߬ߘߊ߬ ߟߊ߫ ߣߴߊ߬ ߖߡߊ߬ߙߌ߬ ߘߊ߫ ߡߍ߲߫ ߞߊߡߊ߬، ߘߏ߫ ߡߊߥߛߊߣߍ߲ ߞߛߌߣߍ߲ ߘߏ߫ ߛߋ߲߬ߝߏ߲߬ߧߊ߫ ߟߊߛߘߌ߬ߣߍ߲ ߦߋ߫ ߕߊ ߘߐ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߡߊ߬ ߡߍ߲߫ ߣߊ߬ߣߍ߲߫ ߟߍߙߊ ߣߌ߫ ߛߊ߬ߙߊ߲߬ߣߎ߲ ߘߐ߫ ߞߊ߬ ߓߐ߫ ߟߏ߲ ߏ߬ ߖߊ߲ߖߏ߲ ߘߐ߫، ߊߟߊ߫ ߦߴߊ߲ ߘߍ߬ߡߍ߲߬ ߊ߬ ߡߊ߬ ߞߵߊ߬ ߣߐ߰ߦߊ߫ ߸ ߊ߬ ߟߊ߫ ߢߊ߬ߒߡߊ ߣߴߊ߬ ߟߊ߫ ߞߟߊߒߞߋߦߊ ߟߊ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߟߊ߬ߝߐ߬ߓߊ߮ ߟߊ߫ ߛߏ߬ߟߏ߲߬ߠߊ߬ߟߌ ߡߊ߬ ߊߙߑߖߣߍ߫ ߘߏ߲߬ߞߏ ߟߎ߬ ߦߋ߫ ߞߏ߫ ߊ߬ߟߎ߬ ߦߋ߫ ߘߏ߲߬ ߊ߬ ߞߣߐ، ߏ߬ ߦߋ߫ ߟߊ߬ߝߐ߬ߓߊ߮ ߟߋ߬ ߦߋ߫ ߞߍߙߍ߲ߞߍߙߍ߲߫ ߣߌ߫ ߦߊ߫ ߟߊ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߊߙߑߖߣߍ߫ ߣߌ߫ ߕߊ ߡߊ߬.

ߒ߬ߓߊ߬ ߸ ߊߙߑߖߣߍ߫ ߦߋ߫: ߦߌߟߌ߲ ߟߎ ߟߋ߬ ߘߌ߫، ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲߫ ߘߐߓߍ߲߬ ߟߌ߬ߡߣߊ߬ߦߊ߬ߓߊ߯ ߝߊ߲ߕߊ߲ߞߟߊ ߟߎ߬ ߦߋ߫، ߦߌߟߌ߲߫ ߦߴߊ߬ ߞߣߐ߫ ߢߊ߫ ߡߊ߫ ߡߍ߲߫ ߢߐ߲߬ ߦߋ߫ ߕߟߏ߫ ߡߊ߫ ߡߍ߲߫ ߡߍ߲߫، ߊ߬ ߞߏ߫ ߡߊ߫ ߓߌ߬ߟߊ߬ ߖߛߎ߬ߞߎ߲߫ ߛߌ߫ ߞߣߐ߫، ﴾ߣߌߡߊ߫ ߕߴߊ߬ ߟߐ߲߫ ߡߍ߲ ߘߏ߲߰ߣߴߏ߬ ߟߎ߬ ߦߋ߫ ߢߊߛߎߡߊ ߘߐ߫ ߞߵߏ߬ ߞߴߊ߬ߟߎ߬ ߟߊ߫ ߓߊ߯ߙߊ ߛߊ߬ߙߊ ߘߌ߫﴿ [ߕߌ߲ߓߌߘߌ߲، ߟ:߁߇]

ߒ߬ߓߊ߬ ߸ ߕߊ ߦߋ߫: ߖߊ߲߬ߞߕߊ ߟߎ ߟߋ߬ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲߫ ߘߐߓߍ߲߬ ߞߊ߯ߝߙߌ߫ ߕߐ߬ߢߍ߲߬ߕߋ ߟߎ߬ ߦߋ߫، ߖߊ߲߬ ߕߊ߬ ߣߌ߫ ߕߙߐߦߊ߫ ߦߴߊ߬ ߞߣߐ߫ ߡߍ߲߫ ߕߍ߫ ߓߌ߬ߟߊ߬ ߖߛߎ߬ߞߎ߲߫ ߘߐ߫، ﴾ߊ߲ߠߎ߬ ߞߏ߬ߣߌ߲ ߣߐ߬ ߕߊ ߟߋ߬ ߘߐߓߍ߲߬ ߠߊ߫ ߕߐ߬ߢߍ߰ߒߕߋ ߟߎ߬ ߦߋ߫ ߸ ߏ߬ ߘߊ߬ߣߊ߲ ߠߎ߬ ߞߍߣߍ߲߫ ߞߵߊ߬ߟߎ߬ ߟߊߡߌߣߌ߲߫، ߣߴߊ߬ߟߎ߫ ߞߊ߬ ߛߊ߲ߖߌ߫ ߢߌߣߌ߲ ߞߍ߫ ߊ߬ߟߎ߬ ߘߌ߫ ߛߊ߲ߖߌߦߊ߫ ߖߌ ߘߏ߫ ߟߊ߫ ߦߏ߫ ߕߟߎ߫ ߥߙߌ߬ߣߍ߲߫، ߏ߬ ߦߋ߫ ߢߊߘߐߟߊ ߟߎ߬ ߡߊߖߋ߬ߣߌ߲߬ ߠߊ߫ ߟߋ߬، ߡߌ߲߬ߕߊ߬ ߖߎ߯ ߦߴߏ߬ ߘߌ߫ ߊ߬ ߣߴߊ߬ ߞߊ߫ ߖߎ߯ ߓߍ߫ ߟߊ߬ߝߙߍ߬ ߦߙߐ߬ߞߏ ߡߊ߬﴿ [ߝߊߟߊ߲، ߟ:߂߉]

ߊ߬ߟߎ߬ ߝߌ߬ߟߊ ߦߋ߫ ߦߋ߲߬ ߕߋ߲߬ߕߋ߲߬، ߊ߬ߟߎ߬ ߝߌ߬ߟߊ ߘߏ߲߬ ߕߍ߫ ߓߊ߲ ߠߊ߫، ﴾ߡߍ߲ ߓߊ߯ ߟߌ߬ߡߣߊ߬ߦߴߊߟߊ߫ ߡߊ߬، ߞߊ߬ ߢߌ߬ߡߊ߬ ߞߍ߫، ߊ߬ ߘߴߏ߬ ߟߊߘߏ߲߬ ߣߊߞߐ߫ ߟߎ߫ ߘߐ߫، ߞߐ߬ߢߊ ߟߎ߬ ߦߋ߫ ߥߦߏ߬ ߟߴߏ߬ ߟߎ߬ ߞߘߐߟߊ ߟߎ߬ ߘߐ߫، ߊ߬ߟߎ߬ ߘߎߡߊߕߐ߫ ߏ߬ ߟߋ ߘߐ߫ ߞߘߊߎ߫، ߊߟߊ߫ ߓߘߊ߫ ߤߊ߬ߙߌ߬ߖߍ߮ ߟߊߢߊ߬ ߏ߬ ߦߋ߫ ﴿ [ߓߌ߬ߟߊ߬ߟߌ، ߟ:߁߁] ﴾ߊߟߊ߫ ߓߘߊ߫ ߞߊ߯ߝߙߌ ߟߎ߬ ߘߊ߲ߞߊ߫ ߞߊ߬ ߖߌߖߌ ߘߐߓߍ߲߬ ߊ߬ߟߎ߬ ߞߊߡߊ߬ * ߊ߬ߟߎ߬ ߘߎߡߊߕߐ߫ ߏ߬ ߟߋ ߘߐ߫ ߞߘߊߎ߫، ߊ߬ߟߎ߬ ߕߍ߫ ߢߌ߲߬ ߣߌ߫ ߘߍ߬ߡߍ߲߬ߓߊ߰ ߛߌ߫ ߛߐ߬ߘߐ߲߬ ߠߊ߫ * ߊ߬ߟߎ߬ ߢߘߊ ߟߎ߬ ߦߟߍ߬ߡߊ߲߬ߦߟߍߡߊ߲ߕߐ߫ ߕߊ ߘߐ߫ ߟߏ߲ ߡߍ߲ ߸ ߊ߬ߟߎ߬ ߘߴߊ߬ ߝߐ߫ ߞߏ߫ ߣߴߊ߲ ߕߎ߲߬ ߞߵߊߟߊ߫ ߞߊ߲ߠߓߊߕߏ߬ ߞߊ߬ ߞߋߟߊ ߞߊ߲ߠߓߊߕߏ߬﴿ [ߞߙߎߞߊ ߟߎ߬، ߟ:߆߄-߆߆]

ߊ߲ ߧߋ߫ ߛߙߋߕߋߕߋߦߟߊ߫ ߊߙߑߖߣߍ߫ ߡߊ߬ ߡߐ߰ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫ ߟߍߙߊ ߣߌ߫ ߛߊ߬ߙߊ߲߬ߣߎ߲ ߛߙߋߕߋߕߋߦߊߣߍ߲߫ ߊ߬ ߟߊ߫ ߡߍ߲߫ ߦߋ߫: ߕߐ߮ ߘߐߕߍ߯ ߘߐ߫ ߓߊ߬ ߥߟߊ߫ ߡߊ߲߬ߞߕߎ ߘߐ߫:

ߒ߬ߓߊ߬ ߸ ߕߐ߯ ߘߐߕߍ߰ߣߍ߲߫ ߟߊߛߙߋߕߋߕߋߦߊߣߍ߲ ߠߎ߬ ߦߋ߫: ߓߞߊߙߌ߫ ߛߘߌߞߌ߫ ߣߌ߫ ߎߡߊߙߎ߫ ߣߌ߫ ߎߛߑߡߣߊ߫ ߣߌ߫ ߊߟߌ߫ ߣߴߏ߬ ߟߎ߬ ߢߐ߲߬ ߘߐ߫ ߟߎ߬ ߣߌ߫ ߟߊ߬ߝߐ߬ߓߊ߮ ߞߊ߬ ߡߍ߲߫ ߠߎ߬ ߕߐ߮ ߘߐ߬ߕߍ߰.

ߒ߬ߓߊ߬ ߸ ߡߊ߲߬ߞߕߎ߲߫ ߟߊߛߙߋߕߋߕߋߦߊߣߍ߲ ߦߋ߫: ߟߌ߬ߡߣߊ߬ߦߊߓߊ߯ ߝߊ߲ߕߊ߲߬ߞߟߊ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊ߫ ߛߙߋߕߋߕߋߦߊ߫߫ ߟߋ߬ ߘߌ߫.

ߊ߲ ߧߋ߫ ߕߊ ߘߐ߫ ߘߏ߲߫ ߠߊߛߙߋߕߋߕߋߦߟߊ߫ ߡߐ߱ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫ ߟߍߙߊ ߣߌ߫ ߛߊ߬ߙߊ߲߬ߣߎ߲ ߞߵߊ߬ ߟߊߛߙߋߕߋߕߋߦߊ߫ ߡߍ߲߫ ߠߎ߬ ߦߋ߫، ߕߐ߮ ߘߐߕߍ߯ ߘߐ߫ ߓߊ߬ ߥߟߊ߫ ߡߊ߲߬ߞߕߎ ߘߐ߫:

ߒ߬ߓߊ߬ ߸ ߕߐ߯ ߘߐߕߍ߰ߣߍ߲߫ ߟߊߛߙߋߕߋߕߋߦߊߣߍ߲ ߠߎ߬ ߦߋ߫: ߊ߬ߓߎ߮ ߟߤߊߓߌ߫ ߣߌ߫ ߊ߳ߺߊߡߑߙߎ߫ ߓߎߣ ߟߎ߬ߤߊߦߦߌ߫ ߞ߭ߎ߬ߖ߭ߊ߰ߺߊ߳ߌߞߊ߫، ߣߴߏ߬ ߟߎ߫ ߝߌ߬ߟߊ ߢߐ߲߬ ߠߎ߬.

ߒ߬ߓߊ߬ ߸ ߡߊ߲߬ߞߕߎ߲߫ ߟߊߛߙߋߕߋߕߋߦߊߣߍ߲ ߦߋ߫: ߞߊ߯ߝߙߌ߫ ߣߌ߫ ߓߊ߬ߕߏ߬ߕߊ߬ ߜߙߊ߬ߟߊ ߣߌ߫ ߝߌ߬ߟߊ߲߬ߞߊߝߏ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߋ߬ ߘߌ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߛߊ߬ߙߌ ߥߊ߬ߥߎߟߋ߲ ߡߊ߬: ߏ߬ ߦߋ߫ ߛߎ߭ ߢߌ߬ߣߌ߲߬ߞߊ߫ ߟߋ߬ ߘߴߊ߬߫ߕߌ߱ ߣߴߊ߬ ߟߊ߫ ߘߌ߯ߣߊ ߣߴߊ߬ ߟߊ߫ ߟߊ߬ߝߐ߬ߓߊ߮ ߡߊ߬ ߛߊ߬ߙߌ ߞߣߐ߫، ﴾ߡߍ߲߫ ߠߎ߬ ߟߌ߬ߡߣߊߦߊߣߍ߲߫ ߊߟߊ߫ ߦߴߏ߬ ߟߎ߬ ߞߐߡߊߓߌ߲ߓߌ߲߫ ߠߊ߫ ߞߎߡߊ߫ ߓߊ߲ߓߊ߲ߣߍ߲ ߠߋ߬ ߟߊ߫ ߘߎߢߊ߫ ߢߣߊߡߦߊ ߘߐ߫ ߸ ߊ߬ ߣߌ߫ ߛߎ߬ߟߊ߫ ߝߣߊ߫ ߘߐ߫، ߊߟߊ߫ ߦߋ߫ ߕߐ߬ߢߍ߰ߒߕߋ ߟߎ߬ ߟߊߝߟߌ߬ ߟߊ߫، ߊߟߊ߫ ߘߏ߲߬ ߦߋ߫ ߞߏ߫ ߟߋ߬ ߞߍ߫ ߟߊ߫ ߡߍ߲ ߓߊ߯ ߊ߬ ߘߌߦߊ߫﴿ [ߌߓߑߙߊߤߌߡ، ߟ:߂߇] ߒ߬ߓߊ߬ ߸ ߟߌ߬ߡߣߊ߬ߦߊߓߊ߮ ߘߴߊ߬ ߝߐ߫ ߞߏ߫: ߒ ߕߌ߱ ߦߋ߫ ߊߟߊ߫ ߟߋ߬ ߘߌ߫، ߛߌ߬ߟߡߊ߬ߦߊ ߟߋ߬ ߒ ߠߊ߫ ߘߌ߯ߣߊ ߘߌ߫، ߡߏ߬ߤ߭ߊߡߡߊߘ ߟߋ߬ ߒ ߠߊ߫ ߟߊ߬ߝߐ߬ߓߊ߮ ߘߌ߫، ߒ߬ߓߊ߬ ߞߊ߯ߝߙߌ ߣߌ߫ ߝߌ߬ߟߊ߲߬ߞߊߝߏ ߛߊ߫ ߏ߬ ߘߴߊ߬ ߝߐ߫ ߞߏ߫: ߒ ߡߴߊ߬ ߟߐ߲߫! ߒ ߞߊ߬ ߡߐ߱ ߟߎ߬ ߞߊ߲߫ ߡߍ߲߫ ߝߋ߲߫ ߘߏ߫ ߝߐ߫ ߟߊ߫ ߒ ߝߣߊ߫ ߞߵߏ߬ ߝߐ߫.

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߛߊ߬ߙߌ ߦߌߟߌ߲ߞߏ ߡߊ߬ ߟߌ߬ߡߣߊ߬ߦߊ߬ߓߊ߮ ߟߎ߬ ߦߋ߫ ﴿ߡߟߊ߬ߞߊ ߟߎ߬ ߦߋ߫ ߡߍ߲ ߠߎ߬ ߛߊߣߌ߲ߡߊ߲ ߛߏߡߊߦߟߍߡߊ߲߫ ߠߊ߫ ߸ ߊ߬ߟߎ߬ ߦߴߊ߬ ߝߐ߫ ߟߊ߫ ߞߏ߫ ߞߛߌ ߦߴߊߟߎ߫ ߡߊ߬ ߸ ߊߟߎ߫ ߘߏ߲߬ ߡߍ߲ߘߌߦߊ߫ ߘߐ߫ ߞߊ߬ߡߊߛߐ߬ߘߐ߲߬ ߊߟߎ߫ ߗߋߥߊߟߌ ߝߍ߬ ﴾ [ߟߞߌߛߍ، ߟ:߃߂]

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߛߊ߬ߙߌ ߖߊ߲߬ߞߕߊߞߏ ߡߊ߬ ߕߐ߬ߢߍ߲߬ߒߕߋ ߟߎ߬ ߣߌ߫ ߞߊ߯ߝߙߌ ߟߎ߬ ߦߋ߫ ﴾ߣߴߌ ߓߍ߫ ߕߐ߬ߢߍ߰ߒߕߋ ߟߎ߬ ߦߋ߫ ߟߊ߫ ߛߊ߬ߦߊ ߜߛߏ ߠߎ߬ ߟߊ߫ ߸ ߞߵߊ߬ ߕߘߍ߬ ߡߟߊ߬ߞߊ ߟߎ߬ ߕߍ߮ ߘߐߝߎߟߋ߲ߣߍ߲߫ ߊ߬ߟߎ߬ ߦߋ߫ ߸ ߞߏ߫ ߊߟߴߊߟߎ߫ ߣߌ ߟߎ߬ ߓߐ߫ ߞߍ߬، ߓߌ߬ ߞߏ߬ߣߌ߲ ߸ ߊߟߎ߫ ߛߙߊ߬ߕߐ߫ ߟߊ߬ߝߍߦߊ ߖߊ߲߰ߞߕߊ ߟߋ߬ ߟߊ߫ ߸ ߏ߬ ߕߊ߬ߣߍ߲߬ ߡߍ߲ ߡߊ߬ ߸ ߊߟߎ߫ ߕߘߍ߬ ߕߎ߬ߢߊ߫ ߕߣߊ߬ ߝߐ ߡߍ߲ ߞߍ߫ ߟߴߊߟߊ߫ ߡߊ߬ ߸ ߊ߬ ߣߴߊߟߎ߫ ߕߘߍ߬ ߊߟߎ߫ ߖߘߍ߬ߘߐߓߏ߲߬ߧߊ ߡߍ߲ ߞߍ߫ ߟߴߊ߬ ߟߊ߫ ߟߝߊߙߌ ߟߎ߫ ߡߊ߬﴿ [ߞߟߏߝߋ߲ ߠߎ߬، ߟ:߉߈]

ߤ߭ߊߘߌߛߊ߫ ߡߍ߲߫ ߦߋ߫ ߣߌ߲߬ ߞߊ߲߬ ߏ߬ ߞߊߛߌߦߴߊ߬ ߡߊߟߐ߲ߣߍ߲߫.

ߒ߬ߓߵߊ߬ ߦߋ߫ ߟߌ߬ߡߣߊ߬ߦߊ߬ߓߊ߮ ߡߊ߬ ߞߏ߫ ߊ߬ ߦߋ߫ ߟߌ߬ߡߣߊ߬ߦߊ߫ ߝߋ߲߫ ߞߋ߬ߟߋ߲߬ߞߋ߬ߟߋ߲ ߓߍ߯ ߡߊ߬ ߡߍ߲߫ ߣߊ߬ߣߍ߲߫ ߟߍߙߊ ߣߌ߫ ߛߊ߬ߙߊ߲߬ߣߎ߲ ߘߐ߫ ߞߊ߬ ߓߐ߫ ߞߏ߫ ߘߏ߰ߣߍ߲ ߢߌ߲߬ ߠߎ߬ ߘߐ߫، ߊ߬ ߣߴߊ߬ ߞߣߴߊ߬ ߞߊ߲߬ߞߊ߬ ߞߌߢߍ߲߫ ߘߐ߬ߜߍ߬ߕߊ ߟߎ߬ ߝߋ߲߬ ߡߊ߬، ߓߊߏ߬ ߟߊ߬ߓߊ߲ ߞߏ ߟߎ߬ ߕߍ߫ ߛߎߡߊ߫ ߠߊ߫ ߞߌߢߍ߲߫ ߞߏ ߟߎ߬ ߡߊ߬، ߘߊ߲߬ߝߘߊ߬ߓߐ߫ ߓߟߋߓߟߋ ߛߐ߬ߘߐ߲ߘߐ߫ ߊ߬ߟߎ߬ ߟߊ߫.

*

ߝߐߘߊ߫

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߟߊ߬ߕߍ߮ ߡߊ߬: ߊ߬ ߤߙߊ߫ ߣߴߊ߬ ߖߎ߯ߡߊ߲، ߏ߬ ߘߏ߲߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߖߊ߬ߕߋ߬ߘߐ߬ߛߌ ߟߋ߬ ߘߌ߫ ߢߣߍߡߊ ߟߎ߬ ߦߋ߫ ߸ ߊ߬ ߟߊ߫ ߟߐ߲ߣߌ߲ ߣߴߊ߬ ߟߊ߫ ߥߘߋ߬ߥߘߋ߬ߟߌ ߞߣߐ߫.

ߛߊ߯ߘߊ ߣߊ߯ߣߌ߲ ߠߋ߬ ߟߊ߬ߕߍ߮ ߟߊ߫:

ߛߊ߯ߘߊ߫ ߝߟߐߡߊ߲: ߟߐ߲ߣߌ، ߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߝߋ߲߫ ߞߋ߬ߟߋ߲߬ߞߋ߬ߟߋ߲ ߓߍ߯ ߟߐ߲ߓߐ߯ ߟߋ߬ ߘߌ߫، ߊ߬ ߞߊ߬ ߝߋ߲߫ ߟߐ߲߫ ߡߍ߲߫ ߞߍߣߍ߲߫ ߸ ߊ߬ ߣߌ߫ ߡߍ߲߫ ߦߋ߫ ߞߍ߫ ߟߊ߫ ߸ ߊ߬ ߣߴߊ߬ ߦߋ߫ ߞߍ߫ ߟߊ߫ ߢߊ߫ ߖߐ߲߫، ߟߐ߲ߣߌ߲߫ ߥߟߌߓߊߟߌ߫ ߞߘߊߎ، ߡߍ߲߫ ߕߍ߫ ߟߊߞߘߊߦߟߊ߫ ߢߌ߬ߣߊ߬ߞߏ ߕߍ߫ ߡߍ߲߫ ߘߐ߫.

ߛߊ߯ߘߊ߫ ߝߌߟߊߣߊ߲: ߛߓߍߟߌ، ߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߞߍߕߊ ߓߍ߯ ߛߓߍߟߌ ߞߍ߫ ߥߟߊ߬ ߟߊߕߊ߲߬ߞߊ߬ߣߍ߲ ߞߊ߲߬ ߡߍ߲߫ ߞߍߕߐ ߞߵߊ߬ ߛߌ߰ ߟߐ߬ߓߊ ߟߏ߲ ߠߊ߫: ﴿ߌ ߡߴߊ߬ ߟߐ߲߫ ߓߊ߬ ߞߏ߫ ߊߟߊ߫ ߞߊ߬ ߛߊ߲߫ ߘߐ߫ ߞߏ ߣߌ߫ ߘߎ߰ ߘߐ߬ ߞߏ ߟߐ߲߫ ߸ ߏ߬ ߦߋ߫ ߟߍߙߊ ߞߣߐ߫ ߟߋ߬، ߏ߬ ߘߏ߲߬ ߣߐ߲߰ߡߊ߲߬ߓߊ ߟߋ߬ ߊߟߊ߫ ߡߊ߬﴾ [ߤߖߌ، ߟ:߇߀]

ߛߊ߯ߘߊ߫ ߛߓߊߣߊ߲: ߞߊ߬ߘߌ߬ߦߊ߬ߢߍ، ߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߡߍ߲߫ ߠߋ߫ ߛߊ߲ ߠߎ߬ ߣߌ߫ ߘߎ߱ ߘߐ߫ ߸ ߏ߬ ߟߎ߬ ߞߍ߯ ߦߋ߲߬ ߞߵߊߟߊ߫ ߞߘߐߕߊ߬ߣߍ߲߬ߓߊ ߘߌߦߊ߫ ߟߋ߬، ߝߋ߲ ߕߍ߫ ߞߍ߫ ߦߋ߲߬ ߝߏ߫ ߊ߬ ߟߊ߫ ߞߊ߬ߘߌ߬ߦߊ߬ߢߍ، ߡߍ߲߫ ߓߴߊߟߊ߫ ߘߌ߫ ߏ߬ ߘߌ߫ ߞߍ߫، ߣߌ߫ ߡߍ߲߫ ߡߴߊߟߊ߫ ߘߌߦߊ߫ ߏ߬ ߕߍ߫ ߞߍ߫.

ߛߊ߯ߘߊ߫ ߣߊ߯ߣߌ߲ߣߊ߲: ߘߊ߲ߠߌ، ߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ: ﴾ ߊߟߋ߫ ߟߋ߬ ߝߋ߲ ߓߍ߯ ߘߊ߲ߓߊ߮ ߘߌ߫ ߸ ߊ߬ߟߋ ߟߋ߫ ߘߏ߲߬ ߟߐ߬ߣߍ߲߬ ߝߋ߲ ߓߍ߯ ߟߊ߫ * ߊ߬ ߕߊ ߟߋ߬ ߛߊ߲ ߠߎ߬ ߣߌ߫ ߘߎ߱ ߞߏ߲ߧߌ߲ ߠߎ߬ ߘߌ߫ ﴿ [ߛߘߍߞߘߎ، ߟ:߆߂ - ߆߃]

ߛߊ߯ߘߊ߫ ߣߊ߯ߣߌ߲ ߢߌ߲߬ ߠߎ߬ ߦߋ߫ ߟߞߊ߬ߝߏ߬ߟߌ ߞߍ߫ ߟߊ߫ ߝߋ߲߫ ߠߊ߫ ߡߍ߲߫ ߦߋ߫ ߞߍ߫ ߟߊ߫ ߞߊ߬ ߝߘߴߊߟߊ߫ ߟߊ߫، ߊ߬ ߣߌ߫ ߡߍ߲߫ ߦߋ߫ ߞߍ߫ ߟߊ߫ ߞߊ߬ ߝߘߊ߫ ߖߐ߲߭ ߠߎ߬ ߟߊ߫، ߒ߬ߓߊ߬ ߸ ߖߐ߲߲߭ ߠߎ߬ ߦߋ߫ ߝߋ߲ߏߝߋ߲߫ ߞߍ߫ ߟߊ߫ ߞߊ߬ ߓߐ߫ ߞߎߡߊߞߊ߲ ߘߐ߫ ߓߊ߬ ߥߟߊ߫ ߓߊ߯ߙߊ ߘߐ߫ ߓߊ߬ ߸ ߒ߬ߓߊ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߟߐ߲߫ ߸ ߊ߬ ߛߓߍߣߍ߲߫ ߊ߬ ߝߍ߬، ߊ߬ ߞߵߊߟߊ߫ ߘߌߦߊ߫ ߟߋ߬ ߊ߬ ߞߵߊ߬ ߘߊ߲߫. ﴾ߡߐ߰ ߦߋ߫ ߞߊ߬ߣߌ߲߫ ߸ ߖߘߍ߬ ߟߊ߬ߕߋߟߋ߲ ߓߊ߯ ߘߌߦߊ߫ ߡߍ߲ ߦߋ߫ ߊߟߎ߫ ߘߐ߫ * ߊ߬ ߘߏ߲߬ ߕߴߊߟߎ߫ ߘߌߦߊ߫ ߝߋߎ߫ ߸ ߝߏ߫ ߊ߬ ߓߊ߯ ߖߊ߯ߓߊ ߟߎ߫ ߡߊ߰ߙߌ ߊߟߊ߫ ߘߌߦߊ߫ ﴿ [ߓߎߘߎ߲ߛߊߟߌ، ߟ:߂߈ - ߂߉] ﴾ߣߴߊ߬ ߕߎ߲߬ ߞߵߊߟߊ߫ ߘߌߦߊ߫ ߸ ߊ߬ߟߎ߫ ߕߎ߲߬ ߕߍ߫ ߢߐ߲߮ ߞߟߍ߬، ߞߏ߬ߣߌ߲߬ ߊߟߊ߫ ߞߏ߫ ߟߋ߬ ߞߍ߫ ߟߊ߫ ߸ ߊ߬ ߓߊ߯ ߡߍ߲ ߠߊߢߌߣߌ߲߫﴿ [ߣߛߌߡߛߏ، ߟ:߂߅߃] ﴾ߊ߬ ߘߏ߲߬ ߕߎ߲߬ ߓߊ߯ ߘߌߦߴߊߟߊ߫ ߦߋ߫ ߸ ߊ߬ߟߎ߫ ߕߎ߲߬ ߕߴߏ߬ ߛߌ߫ ߞߍ߫، ߒ߬ߓߊ߬ ߌߟߋ ߦߴߊ߬ߟߎ߬ ߕߏ߫ ߦߋ߲߬ ߊ߬ߟߎ߬ ߣߴߊ߬ߟߎ߬ ߟߊ߫ ߞߎ߲߬ߘߐ߬ߕߍ߰ ߞߏ ߓߍ߯﴿ [ߞߟߏߝߋ߲ ߠߎ߬، ߟ:߁߃߇] ﴾ߊߟߊ߫ ߟߋ߫ ߘߏ߲߬ ߜߎ ߞߵߊߟߎ߫ ߘߊ߲߫߸ ߊ߬ ߣߴߊߟߎ߫ ߟߊ߫ ߓߊ߯ߙߊ߫ ߞߍߕߊ ߟߎ߬﴿ [ߟߐ߬ߖߟߎ߬ߡߊ߬ߣߍ߲ ߠߎ߬، ߟ:߉߆]

ߏ߬ ߓߍ߯ ߣߴߊ߬ ߕߊ߫ ߸ ߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߢߣߊߕߊߟߌ߫ ߣߌ߫ ߛߋ߫ ߟߋ߬ ߞߍ߫ ߖߐ߲߭ ߓߍ߯ ߦߋ߫، ߞߍߟߌ ߦߋ߫ ߞߍ߫ ߟߴߏ߬ ߝߌ߬ߟߊ ߟߋ߬ ߟߊ߫، ߦߌ߬ߘߊ߬ߞߏ ߡߍ߲߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߐ߲߭ ߠߊ߫ ߞߍߟߌ ߦߋ߫ ߊ߬ ߟߊ߫ ߢߣߊߕߊߟߌ ߣߴߊ߬ ߟߊ߫ ߛߋ ߟߋ߬ ߘߌ߫ ߸ ߞߏߢߊ߫ ߘߊ߲ߘߐ߫:

ߝߟߐߡߊ߲: ߊ߬ ߞߎߡߊߞߊ߲ ߞߘߐߕߊ߬ߣߍ߲ߓߊ ߞߏ߫: ﴾ߒ߬ߓߵߊߟߎ߯ ߣߵߊߟߎ߫ ߟߊ߫ ߝߏ߬ߘߏ ߡߊ߬ ߢߊ߫ ߡߊ߬ ߡߍ߲ ߓߊ߯ ߊߟߎ߫ ߘߌߦߊ߫﴿ [ߣߛߌ߬ߡߛߏ، ߟ:߂߂߃]

ߊ߬ ߣߴߊ߬ ߞߎߡߊߞߊ߲: ﴾ߣߴߊ߬ߟߎ߫ ߕߎ߲߬ ߦߋ߫ ߓߐߟߌ ߝߍ߬ ߸ ߊ߬ߟߎ߫ ߕߎ߲߬ ߘߴߊ߬ ߝߊ߲ߘߊ߫ ߘߐߓߍ߲߬﴿ [ߖߘߍ߬ߟߛߊ߬ߦߌ߲، ߟ:߄߆]

ߝߌߟߊߣߊ߲: ߖߊ߰ߡߊߙߟߌ߫ ߣߌ߫ ߝߊߕߊ߲ߕߟߌ ߞߎ߲߭ ߟߐ߱ ߞߊ߬ ߕߊ߯ ߖߐ߲߭ ߡߊ߬، ߣߌ߫ ߢߣߊߕߊߟߌ߫ ߣߌ߫ ߛߋ߫ ߡߊ߫ ߞߵߊ߬ ߦߋ߫ ߸ ߊ߬ ߘߌ߫ ߞߍ߫ ߞߎ߲߬ߕߋߟߋ߲߫ ߣߌ߫ ߟߐ߬ ߘߌ߫ ߝߋ߲߫ ߠߊ߫ ߛߋߞߏ ߕߍ߫ ߞߍ߫ ߡߍ߲߫ ߘߌ߫، ߏ߬ ߘߏ߲߬ ߦߋ߫ ߞߏ߫ ߟߋ߬ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߥߘߋ߬ߥߘߋ߬ߟߌ ߣߴߊ߬ ߟߊ߫ ߤߌߣߊ ߣߴߊ߬ ߟߊ߫ ߖߊ߲߬ߖߏ߲ ߕߏ߬ߢߡߊ ߕߍ߫ ߛߐ߲߬ ߡߍ߲߫ ߡߴߊ߬ ߞߎߡߊߞߊ߲ ߘߐ߫: ﴾ߟߊ߫ ߕߍ߫ ߣߌߡߊ ߞߘߊߡߊ߫ ߟߊ߫ ߝߏߦߌ߬ ߟߊ߫ ߝߏ߫ ߊ߬ ߛߋߞߏ﴿ [ߣߛߌ߬ߡߛߏ، ߟ:߂߈߆]

ߛߓߊߣߊ߲: ߢߊ߬ߟߌ߬ ߞߍߓߊ߮ ߡߊߕߐ߯ ߊ߬ ߟߊ߫ ߢߊ߬ߟߌ ߟߊ߫، ߊ߬ ߣߌ߫ ߖߎ߯ߡߊ߲ ߞߍߓߊ߮ ߡߊ߲߬ߜߏߦߴߊ߬ ߟߊ߫ ߖߎ߯ߡߊ߲ ߠߊ߫، ߏ߬ ߟߎ߬ ߞߋ߬ߟߋ߲߬ߞߋ߬ߟߋ߲ ߓߍ߯ ߛߊ߬ߙߊ߫ ߝߋ߲߫ ߠߴߊ߬ߟߎ߬ ߣߌ߫ ߡߍ߲߫ ߞߊ߫ ߞߊ߲߫، ߣߌ߫ ߞߍߟߌ ߡߊߞߍ߫ ߞߍ߫ ߟߊ߫ ߖߐ߲߭ ߠߊ߫ ߟߊ߬ߢߌߣߌ߲ ߣߴߊ߬ ߟߊ߫ ߢߣߊߕߊߟߌ ߘߌ߫ ߸ ߢߊ߬ߟߌ߬ ߞߍ߬ߓߊ߮ ߕߊ߲߬ߘߏ߫ ߕߘߍ߬ ߘߌ߫ ߞߍ߫ ߡߣߊ߬ߡߣߊ ߘߌ߫، ߖߎ߯ߡߊ߲߫ ߞߍߓߊ߮ ߝߣߊ߫ ߖߊ߲߬ߞߕߊ߫ ߘߌ߫ ߞߍ߫ ߕߐ߬ߢߍ ߘߌ߫، ߊߟߊ߫ ߞߘߐߕߊ߬ߣߍ߲߬ߓߊ ߘߏ߲߬ ߟߊߕߊ߲߬ߞߊ߬ߣߍ߲߫ ߞߊ߬ ߓߐ߫ ߡߣߊ߬ߡߣߊ ߣߌ߫ ߕߐ߬ߢߍ ߡߊ߬.

ߣߊ߯ߣߌ߲ߣߊ߲: ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߓߘߊ߫ ߞߋߟߊߡߐ߮ ߟߎ߬ ߞߋߟߦߊ ﴾ߏ߬ ߟߎ߬ ߓߍ߯ ߗߋߣߍ߲߫ ߘߟߊߝߎߟߊ ߟߎ߬ ߣߌ߫ ߖߊ߬ߛߙߋ߬ߡߊ߬ߟߌ߬ߟߊ ߟߎ߬ ߘߌ߫ ߟߋ߬ ߸ ߛߊ߫ ߘߊߘߐߡߌߘߊߞߎ߲ߧߊ߫ ߞߊߣߊ߬ ߞߍ߫ ߡߐ߱ ߟߎ߬ ߟߴߊߟߊ߫ ߡߊ߬ ߞߋߟߊ ߟߎ߫ ߞߐ߫ ﴿ [ߡߏ߬ߛߏ ߟߎ߬، ߟ:߁߆߅] ߣߌ߫ ߞߍߟߌ ߡߊ߫ ߞߍ߫ ߖߐ߲߭ ߠߊ߫ ߟߊ߬ߢߌߣߌ߲ ߣߴߊ߬ ߟߊ߫ ߢߣߊߕߊߟߌ ߘߌ߫، ߊ߬ ߟߊ߫ ߦߌ߬ߘߊ߬ߞߏ ߞߋߟߊߡߐ߮ ߟߎ߬ ߞߋߟߦߊ ߘߐ߫ ߛߊ߫ ߘߊߘߐߡߌߘߊߞߎ߲ߧߊ ߞߣߊ߫ ߛߐ߬ߘߐ߲߬ ߕߎ߲߬ ߕߍ߫ ߕߌߢߍ߫.

ߟߏ߯ߟߎߣߊ߲: ߞߍߟߌߟߊ ߓߍ߯ ߦߴߊ߬ ߟߊߞߏߟߐ߲߫ ߠߊ߫ ߞߏ߫ ߊ߬ ߦߋ߫ ߞߏ߫ ߘߏ߫ ߞߍ߫ ߞߊ߲߬ ߥߟߴߊ߬ ߦߋ߫ ߞߏ߫ ߘߏ߫ ߕߏ߫ ߞߊ߲߬ ߣߴߊ߬ ߡߊ߫ ߞߍ߫ ߘߌߦߊߜߏߦߊ߫ ߟߊ߬ߞߏߟߐ߲߫ ߘߌ߫، ߒ߬ߓߵߊ߬ ߦߵߊ߬ ߥߟߌ߬ ߟߊ߫ ߞߵߊ߬ ߛߌ߰، ߊ߬ ߦߋ߫ ߘߏ߲߬ ߠߴߊ߬ ߦߋ߫ ߓߐߟߊ، ߊ߬ ߦߋ߫ ߕߊ߯ߡߊߘߐߕߊ߮ ߣߌ߫ ߡߊ߬ߛߌ߰ߟߌ ߞߍ߫ ߟߴߊ߬ ߟߊ߫ ߟߊ߬ߢߌߣߌ߲ ߠߋ߬ ߞߣߐ߫ ߸ ߊ߬ ߕߴߊ߬ ߟߊߞߏߟߐ߲߫ ߠߊ߫ ߞߏ߫ ߘߏ߫ ߞߋߟߋ߲߫ ߦߴߊ߬ ߘߌߦߊߜߏߦߊ ߟߴߏ߬ ߟߊ߫، ߍ߲߬ߍ߲߫ ߸ ߊ߬ ߖߘߍ߬ ߦߋ߫ ߝߊߙߊ߲ߝߊ߯ߛߌߟߌ ߞߍ߫ ߟߊ߫ ߝߊߙߊ߲ߝߊ߯ߛߌ߫ ߜߍߣߍ߲ ߠߊ߫ ߝߌ߬ߟߊ ߢߌ߲߬ ߠߎ߬ ߕߍ߫ ߸ ߊ߬ ߦߋ߫ ߞߏ ߞߍ߫ ߊ߬ ߟߊ߫ ߢߣߊߕߊߟߌ ߘߐ߫ ߊ߬ ߣߴߊ߬ ߦߋ߫ ߘߌߦߊߜߏߦߴߊ߬ ߟߊ߫ ߘߌߦߊߜߏߦߊ߫ ߟߊ߫. ߊ߰ ߏ߬ ߢߊ ߟߋ߬ ߛ߭ߊߙߌߦߊ ߞߊ߬ ߝߊߙߊ߲ߝߊ߯ߛߌ ߞߍ߫ ߥߘߋ߬ߥߘߋ߬ߟߌߦߊ߫ ߝߊߙߊ߲ߝߊ߯ߛߌ ߟߊ߫، ߓߊߏ߬ ߊ߬ ߡߊ߫ ߞߍߟߌߟߊ߫ ߘߌߦߊߜߏߦߊߣߍ߲ ߡߌ߬ߘߊ߬ ߝߋ߲߫ ߠߴߊ߬ ߘߌߦߊߜߏߦߊߣߍ߲ ߡߍ߲߫ ߠߊ߫ ߣߴߊ߬ ߘߍ߲ߣߍ߲߫ ߊߟߊ߫ ߞߘߐߕߊ߬ߣߍ߲߬ߓߊ ߖߏߘߐߞߏ ߟߎ߬ ߟߊ߫.

ߊ߲ ߧߴߊ߬ ߦߋ߫ ߟߊ߫ ߘߊߘߐߡߌߘߊߞߎ߲ߧߊ ߕߍ߫ ߊߟߊ߫ ߛߐߛߐߟߊ ߓߏߟߴߊ߬ ߟߴߊߟߊ߫ ߛߐߛߐ ߘߐ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߕߍ߮، ߓߊߏ߬ ߸ ߊߟߊ߫ ߞߊ߲ ߛߐߛߐߟߊ ߦߋ߫ ߊߟߊ߫ ߛߐߛߐ ߞߍ߫ ߟߊ߫ ߢߣߊߕߊߟߌ ߟߋ߬ ߘߐ߫، ߡߍ߲߫ ߣߴߊ߬ ߟߊߕߍ߰ߞߏ ߊ߬ ߡߴߊߟߊ߫ ߓߟߏ߫ ߕߍ߫ ߞߋߟߋ߲߫ ߘߌ߫، ߓߊߏ߬ ߡߐ߰ ߕߍ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߕߍ߮ ߟߐ߲߫ ߠߊ߫ ߝߏ߫ ߟߊߕߍ߰ߣߍ߲ ߓߊ߯ ߓߊ߲߫ ߞߍ߫ ߟߊ߫ ߕߎ߬ߡߊ߫ ߡߍ߲߫ ﴾ߣߌߡߊ߫ ߕߴߊ߬ ߟߐ߲߫ ߊ߬ ߦߋ߫ ߡߍ߲ ߞߍ߫ ߟߊ߫ ߛߌߣߌ߲߫﴿ [ߟߎߞ߳ߑߡߊ߯ߣ، ߟ:߃߄]

ߒ߬ߓߊ߬ ߸ ߘߊߘߐߡߌߘߊߞߎ߲ߧߊ ߞߍ߫ ߕߐ߫ ߘߌ߫ ߏ߬ ߘߐ߫ ߞߏ߫ ߘߊߘߐߡߌߘߊߞߎ߲ߧߟߊ ߕߘߍ߬ ߡߴߊ߬ ߟߐ߫ ߕߎ߬ߡߊ߫ ߡߍ߲߫ ߊ߬ ߦߴߊ߬ ߞߍ߫ ߟߊ߫، ߊߟߊ߫ ߞߘߐߕߊ߬ߣߍ߲߬ߓߊ ߓߘߊ߫ ߸ ߘߊߘߐߡߌߘߊߞߎ߲ߧߊ ߏ߬߬ ߕߌߢߴߊ߬ ߞߎߡߊߞߊ߲ ߘߐ߫ ߞߏ߫: ﴿ߡߍ߲߫ ߠߎ߬ ߞߊ߬ ߓߊ߬ߕߏ߬ߜߙߊ ߞߍ߫ ߏ߬ ߟߎ߬ ߘߌߣߵߊ߬ ߝߐ߫ ߞߏ߫ ߣߌ߫ ߊߟߊ߫ ߕߎ߲߬ ߦߴߊ߬ ߝߍ߬ ߸ ߊ߲ߠߎ߬ ߣߴߊ߲ ߝߊ߭ ߟߎ߬ ߛߌ߫ ߕߎ߲߬ ߕߍ߫ ߓߊ߬ߕߏ߬ߜߙߊ ߞߍ߫ ߸ ߊ߲ ߕߎ߲߬ ߕߍ߫ ߝߏߦߌ߬ ߝߣߊ߫ ߞߍ߫ ߕߣߊ߬ ߘߌ߫، ߒ߬ߓߵߊ߬ߟߎ߬ ߢߍߓߊ߮ ߟߎ߬ ߝߣߊ߫ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߕߋ߲߬ ߠߋ߬ ߸ ߝߏ߫ ߊ߬ߟߎ߫ ߞߵߊ߲ ߠߊ߫ ߞߍ߬ߟߍ ߡߊߜߙߏ߬، ߊ߬ ߝߐ߫ ߞߏ߫ ߟߐ߲ߠߌ߲ ߘߏ߫ ߟߵߊߟߎ߫ ߓߟߏ߫ ߓߊ߬ ߸ ߊߟߎ߫ ߏ߬ ߟߊߓߐ߫ ߒ߬ ߧߋ߫ ߜߍ ߘߐ߫ ߞߍ߬ ߸ ߒ߬ߓߵߊߟߎ߫ ߕߍ߫ ߝߏߦߌ߬ ߟߊߓߊ߬ߕߏ ߞߊ߲߬ ߖߌ߰ߟߌ ߞߐ߫، ߊߟߎ߫ ߘߏ߲߬ ߕߍ߫ ߝߏߦߌ߫ ߞߊ߲߬ ߞߎ߲߬ߘߐ߬ߕߍ߮ ߞߐ߫﴿ [ߞߟߏߝߋ߲ ߠߎ߬، ߟ:߁߄߈]

ߊ߲ ߘߴߊ߬ ߝߐ߫ ߊߟߊ߫ ߛߐߛߐߟߊ ߢߍ߫ ߡߍ߲߫ ߦߴߊ߬ ߘߊߘߐߡߌߘߊߞߎ߲ߧߊ ߞߍ߫ ߟߊߕߍ߮ ߘߌ߫: ߡߎ߲߬ ߠߊ߫ ߌ ߡߊ߫ ߟߊ߬ߕߍ߰ߞߏ ߝߐ߫ ߓߊ߬ߕߏ߫ ߘߊߞߎ߲ ߘߐ߫ ߞߏ߫ ߊߟߊ߫ ߓߘߊ߫ ߓߴߊ߬ ߛߓߍ߫ ߟߊ߫، ߓߊߏ߬ ߸ ߘߊ߲߬ߝߘߊ߬ߓߐ߫ ߕߴߊ߬ߟߎ߬ ߝߌ߬ߟߊ ߣߌ߫ ߊߟߊ߫ ߛߐߛߐ ߕߍ߫ ߟߊ߬ߕߍ߮ ߟߐ߲ߓߊߟߌߦߊ ߘߐ߫ ߞߊ߬ ߞߐ߲߬ ߊ߬ ߞߍߟߌ ߝߘߊ߫ ߘߐ߫ ߌߟߋ߫ ߟߊ߫؟

ߏ߬ ߟߋ߬ ߘߐ߫ ߟߊ߬ߝߐ߬ߓߊ߮ ߕߎ߬ߡߊ߫ ߡߍ߲߫ ߟߊ߬ߝߐ߬ߓߊ߮ ߞߊ߬ ߛ߫ߐ߬ߤ߭ߊ߰ߓߊ߮ ߟߎ߬ ߖߊ߲߬ߖߏ߲߬ߦߊ߫ ߞߏ߫ ߡߐ߱ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߛߌ߰ ߦߌߟߊ ߘߐߓߍ߲߬ ߠߋ߬ ߞߊ߬ ߓߐ߫ ߊߙߑߖߣߍ߫ ߸ ߊ߬ ߣߌ߫ ߛߌ߰ ߦߌߟߊ ߞߊ߬ ߓߐ߫ ߕߊ ߘߐ߫ ߸ ߊ߬ߟߎ߬ ߞߵߊ߬ ߝߐ߫ ߞߏ߫: ߒ߬ߓߵߊ߲ ߕߍ߫ ߊ߲ ߛߍ߲߬ߓߍ߫ ߏ߬ ߘߐ߫ ߞߊ߬ ߓߊ߯ߙߊ ߕߏ߫ ߦߋ߬؟ ߊ߬ ߞߴߊ߬ ߝߐ߫ ߞߏ߫!: ((ߍ߲߬ߍ߲߫، ߊߟߎ߫ ߦߴߊ߬ ߟߐ߲߫ ߞߏ߫ ߝߋ߲߫ ߠߋ߬ ߣߐ߰ߦߊ߬ߣߍ߲ ߞߋ߬ߟߋ߲߬ߞߋ߬ߟߋ߲ ߓߋ߯ ߡߊ߬، ߊ߬ ߘߊ߲ߣߍ߲ ߡߍ߲ ߫ ߞߊߡߊ߬))

ߊ߲ ߘߴߊ߬ ߝߐ߫ ߊߟߊ߫ ߛߐߛߐߟߊ ߢߍ߫ ߡߍ߲߫ ߦߴߊ߬ ߘߊߘߐߡߌߘߊߞߎ߲ߧߊ ߞߍ߫ ߟߊߕߍ߮ ߘߌ߫: ߣߴߌ ߞߊ߬ ߞߍ߫ ߕߊ߯ ߞߏ߫ ߘߐ߫ ߕߊ߯ߡߊ ߘߐ߫ ߡߊߞߞߊ߬ ߛߌߟߊ߫ ߝߌ߬ߟߊ ߞߍ߫ ߘߴߏ߬ ߟߊ߫، ߕߏ߬ߢߊ߬ ߝߐߟߊ ߞߵߊ߬ ߝߐ߫ ߞߏ߫ ߊ߬ ߘߏ߫ ߘߐ߫ ߞߋߟߋ߲߫ ߡߊߛߌߟߊ߲ߣߍ߲߫ ߊ߬ ߜߟߍ߬ߡߊ߲߫، ߊ߬ ߝߌߟߊߣߊ߲ ߏ߬ ߟߊߕߊ߲߬ߞߊ߬ߣߍ߲߫ ߊ߬ ߣߐ߰ߡߊ߲߫، ߒ߬ߓߊ߬ ߌ ߘߌ߫ ߝߌߟߊߣߊ߲ ߕߊ߬ ߸ ߌ ߕߍ߫ ߣߊ߬ ߝߟߐߡߊ߲ ߕߊ߬ ߟߊ߫ ߞߵߊ߬ ߝߐ߫ ߞߏ߫ ߊ߬ ߟߊߕߍ߰ߣߍ߲ ߣߴߌ ߡߊ߬، ߣߴߌ ߘߏ߲߬ ߞߵߏ߬ ߞߍ߫ ߡߐ߱ ߟߎ߬ ߘߴߌ ߖߊ߬ߕߋ߬ ߝߊ߬ߕߐ ߟߎ߬ ߟߊ߫ ߞߙߎߘߡߐ߯ ߟߎ߬ ߘߏ߫ ߘߌ߫.

ߊ߲ ߘߴߊ߬ ߝߐ߫ ߊ߬ ߦߋ߫ ߕߎ߲߯ ߞߏ߫: ߣߌ߫ ߥߊߟߌߘߊ߫ ߝߌ߬ߟߊ ߦߌ߬ߘߊ߬ ߘߴߌ ߟߊ߫ ߸ ߊ߬ ߘߏ߫ ߘߐ߫ ߞߋߟߋ߲߫ ߛߊ߯ߘߊ ߞߊߓߏ߲߬، ߜߐߛߐ߲߫ ߕߴߊ߬ ߘߐ߫ ߌ ߘߌ߫ ߓߊ߯ߙߊ ߦߋ߲߬ ߡߍ߲߫ ߣߌ߫ ߛߐ߬ߛߐ߬ߟߌ ߕߍ߫ ߞߋߟߋ߲߫ ߘߌ߫، ߒ߬ߓߊ߬ ߌ ߞߍߕߐ߫ ߓߊ߯ߙߊ ߡߊߖߌ߰ߣߍ߲ ߏ߬ ߢߣߊߕߊ߫ ߟߊ߫ ߘߌ߫ ߸ ߏ߬ ߞߐ߫ ߞߵߌ߬ ߘߊߘߐߡߌߘߊߞߎ߲ߧߊ ߞߍ߫ ߞߏ߫ ߟߊ߬ߕߍ߮؟!

ߊ߲ ߘߴߊ߬ ߝߐ߫ ߊ߬ ߦߋ߫ ߕߎ߲߯ ߞߏ߫: ߊ߲ ߧߴߊ߬ ߦߋ߫ ߟߊ߫ ߣߌ߫ ߝߊ߬ߘߌ߬ߘߐ ߖߊ߲߬ߞߊߙߏ ߞߵߌ ߡߌߘߊ߬ ߸ ߌ ߘߌ߫ ߘߊ߲ߘߊߟߌߟߊ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊ߫ ߘߊ ߞߐ߲ߞߐ߲߫ ߌ ߘߊ߲ߘߊ߫ ߞߊ߲߫ ߡߊ߬، ߌ ߘߴߌ ߡߎ߬ߢߎ߲߬ ߝߋ߲߫ ߡߊ߬ ߡߍ߲߫ ߦߴߌ ߛߐ߬ߘߐ߲߬ ߠߊ߫ ߞߊ߬ ߓߐ߫ ߘߐ߬ߓߛߏ߬ߟߌ ߘߌߡߌ߲ ߣߌ߫ ߡߛߐߙߋ߲ ߠߊ߫ ߞߎߣߦߊ߫ ߡߊ߬.

؟ߒ߬ߓߊ߬ ߸ ߡߎ߲߬ ߠߊ߫ ߌ ߕߵߏ߬ ߢߐ߲߬ ߞߍ߫ ߌ ߛߟߐ߬ߡߍ ߟߊ߫ ߖߊ߲߬ߞߊߙߏ߫ ߟߎ߬ ߘߐ߫ ߊߟߊ߫ ߛߐߛߐ ߘߐ߫

ߊ߬ ߣߴߊ߲ ߧߋ߫ ߟߌ߬ߡߣߊ߬ߦߟߊ߫ ߞߏ߫ ߖߎ߯ߡߊ߲ ߕߍ߫ ߟߊ߲߬ߓߋ߬ ߟߊ߫ ߞߊ߬ ߕߊ߯ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬ ߸ ߊ߬ ߟߊ߫ ߤߌߣߊ ߣߴߊ߬ ߟߊ߫ ߥߘߋ߬ߥߘߋ߬ߟߌ ߘߝߊ߫ ߞߏ߫ ߛߐ߲߬، ߟߊ߬ߝߐ߬ߓߊ߮ ߞߴߊ߬ ߝߐ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫ ߞߏ߫: ((ߖߎ߯ߡߊ߲ ߕߍ߫ ߟߊ߲߬ߓߋ߲߬ ߟߊ߫ ߞߊ߬ ߕߴߊ߬ ߡߊ߬)) ߡߎߛߑߟߌߡ ߞߵߏ߬ ߟߊߞߊ߬ߟߌ߬.

ߖߎ߯ߡߊ߲߫ ߛߌ߫ ߕߍ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߞߕߌߒߡߊ ߟߎ߬ ߘߐ߫ ߝߋߎ߫، ߓߊߏ߬ ߸ ߊ߬ ߦߋ߫ ߓߐ߫ ߟߊ߫ ߤߌߣߊ߫ ߣߌ߫ ߥߘߋ߬ߥߘߋ߬ߟߌ߫ ߟߋ߬ ߘߐ߫، ߖߎ߯ߡߊ߲ ߦߋ߫ ߛߐ߬ߘߐ߲߬ ߠߴߊ߬ ߟߊ߫ ߞߊ߬ߝߏ ߟߎ߬ ߟߋ߬ ߘߐ߫، ߟߊ߬ߝߐ߬ߓߊ߮ ߞߎߡߊߞߊ߲ ߞߏߛߐ߲߬ ߞ߳ߎ߬ߣߎ߰ߕߎ߫ ߕߌ߲ߞߌ ߘߐ߫، ߊ߬ ߞߊ߬ ߤ߭ߛߊߣ ߠߊ߫ ߟߐ߲ߣߌ߲߫ ߡߍ߲߫ ߠߊ߲߫ ߞߏ: ((ߦߋ߫ ߒ ߕߊ߲߬ߞߊ߬ ߝߋ߲߫ ߖߎ߯ߡߊ߲߫ ߡߊ߬ ߌ ߞߊ߬ ߡߍ߲߫ ߞߕߌߒߡߦߊ߫ ߊ߬ ߞߊ߬ ߖߎ߯ߡߊ߲ ߟߊ߫ ߝߋ߲߫ ߠߋ߬ ߟߴߊ߬ ߞߊ߬ ߡߍ߲߫ ߠߊߕߍ߰، ߏ߬ ߓߍ߯ ߞߐ߫ ߖߎ߯ߡߊ߲ ߡߍ߲߫ ߦߋ߫ ߞߕߌߒߡߊ ߟߎ߬ ߘߐ߫ ߸ ߏ߬ ߟߎ߬ ߕߍ߫ ߖߎ߯ߡߊ߲ ߞߙߍߞߙߍߣߍ߲ ߘߌ߫، ߍ߬ߍ߲߫ ߸ ߊ߬ ߦߋ߫ ߖߎ߯ߡߊ߲ ߠߋ߬ ߘߌ߫ ߢߊ ߘߏ߫، ߊ߬ ߦߋ߫ ߤߙߊ ߟߋ߬ ߘߌ߫ ߢߊ߫ ߜߘߍ.

ߒ߬ߓߊ߬ ߸ ߕߌߢߍߟߌ ߡߍ߲ ߠߎ߬ ߦߋ߫ ߞߍ߫ ߟߊ߫ ߘߎ߱ ߞߊ߲߬ ߞߊ߬ ߓߐ߫ ߖߌߞߏߖߊ ߣߌ߫ ߖߊ߲߬ߞߊߙߏ ߣߌ߫ ߝߊ߲߬ߕߊ߲߬ߧߊ ߣߌ߫ ߛߌߟߊ߲ ߘߐ߫ ߸ ߏ߬ ߟߎ߬ ߦߋ߫ ߖߎ߯ߡߊ߲ ߠߋ߬ ߘߌ߫ ߸ ߞߐ߬ߣߌ߲߬ ߤߙߊ ߟߵߊ߬ ߘߌ߫ ߢߊ ߘߏ߫ ߡߊ߬، ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ߕߌߢߍߟߌ ߓߘߊ߫ ߟߊ߲ߞߣߍߡߊ߫ ߜߙߋ ߞߊ߲߬ ߸ ߊ߬ ߣߌ߫ ߓߊ ߞߊ߲߬ ߡߐ߱ ߟߎ߬ ߓߟߏ߫ ߟߊ߫ ߗߋߥߊߟߌ ߓߟߏ߫، ߛߴߊ߬ ߘߴߊ߬ߟߎ߬ ߡߊߜߏ߬ߙߏ߫ ߊ߬ߟߎ߬ ߓߊ߯ߙߊ߫ ߞߍ߫ ߣߐ ߘߏ߫ ߟߎ߫ ߟߊ߫߸ ߛߴߊ߬ߟߎ߬ ߘߴߊ߬ߟߎ߬ ߞߐߛߊ߬ߦߌ߲߬

ߛߏ߲߭ ߓߟߏ ߕߍ߰، ߣߌ߫ ߢߊ߬ߡߐ߰ߦߟߊ ߞߙߎ߬ߟߊ߬ߓߏ߲، ߏ߬ ߟߎ߬ ߦߋ߫ ߖߎ߯ߡߊ߲ ߠߋ߬ ߘߌ߫ ߛߏ߲߭ ߣߌ߫ ߢߊ߬ߡߐ߰ߦߟߊ ߦߋ߫ ߓߟߏ ߕߍ߱ ߣߌ߫ ߝߊ߭ ߘߐ߫ ߞߐ߬ߣߵߊ߬ ߦߋ߫ ߤߙߊ߫ ߟߋ߬ ߘߴߊ߬ߟߎ߬ ߝߌ߬ߟߊ ߦߋ߫ ߢߊ߫ ߘߏ߫ ߡߊ߬، ߓߊߏ߬ ߊ߬ ߘߌ߫ ߞߍ߫ ߞߎ߲߬ߞߊ߬ ߘߴߊ߬ߟߎ߬ ߝߌ߬ߟߊ ߡߊ߬ ߓߊߏ߬ ߞߌߢߍ߲߫ ߣߌ߫ ߛߎߟߊ ߓߌ߲߬ߓߊߏ ߝߌ߬ߟߊ ߕߍ߫ ߟߊߘߍ߰ ߟߊ߫، ߊ߬ ߘߏ߲߬ ߦߋ߫ ߤߙߊ߫ ߟߋ߬ ߘߌ߫ ߦߌߟߊ߫ ߜߘߍ߫ ߘߐ߫ ߝߣߊ߫، ߓߊߏ߬ ߊ߬ ߦߋ߫ ߣߊ߲߬ߝߟߏ ߟߎ߬ ߣߌ߫ ߝߊ߬ߘߌ߬ ߛߓߏ ߟߎ߬ ߣߌ߫ ߟߊ߲߬ߓߋ ߟߎ߬ ߡߊߞߊ߲ߞߊ߲ ߠߋ߬ ߘߌ߫.

*

ߝߐߘߊ߫

ߣߌ߲߬ ߦߋ߫ ߛߟߐ߬ߡߍ߬ߘߐ߬ߞߏ߫ ߛߎ߲ߞߎ߲ߡߊ ߟߋ߬ ߘߌ߫ ߡߍ߲߫ ߦߋ߫ ߟߞߊ߬ߝߏ߬ߟߌ ߞߍ߫ ߟߊ߫ ߓߊߖߎ߫ ߓߟߋߓߟߋ ߟߎ߬ ߟߊ߫، ߡߍ߲߫ ߦߋ߫ ߕߣߐ߬ ߓߟߋߓߟߋ߫ ߛߌߦߊߡߊ߲߫ ߠߊߛߋ߫ ߟߴߊ߬ ߛߟߐ߬ߡߍ߬ߘߐ߬ߦߊ߬ߓߊ߯ ߡߊ߬.

ߒ߬ߓߊ߬ ߸ ߟߌ߬ߡߣߊ߬ߦߴߊߟߊ߫ ߞߘߐߕߊ߬ߣߍ߲߬ߓߊ ߣߴߊ߬ ߕߐ߮ ߟߎ߬ ߣߴߊ߬ ߡߊ߲߬ߞߕߎ ߟߎ߬ ߡߊ߬، ߏ߬ ߕߐ߬ߣߐ ߦߋ߫ ߊߟߊ߫ ߣߴߊ߬ ߓߏ߬ߢߊ ߘߌߦߊߜߏߦߊ߫ ߟߊ߫ ߟߋ߬ ߸ ߛߊ߫ ߞߊ߬ ߟߐ߬ ߞߴߊ߬ ߟߊ߫ ߖߡߊ߬ߙߌ ߟߊ߫ ߸ ߊ߬ ߣߌ߫ ߞߊ߬ ߦߌߟߊߡߊߖߊ߲߬ߧߴߊ߬ ߟߊ߫ ߝߊߕߊ߲ߕߌ ߡߊ߬، ߞߎ߲߬ߣߊ߬ߘߌߦߊ ߘߝߊߣߍ߲ ߦߋ߫ ߛߐ߬ߘߐ߲߬ ߠߴߏ߬ ߝߌߟߊ ߟߋ߬ ߘߐ߫ ߡߐ߰ ߞߋߟߋ߲ ߣߌ߫ ߞߙߎ ߓߟߏ߫ ߞߌߢߍ߫ ߣߌ߫ ߛߎߟߊ߫: ﴾ߡߍ߲ ߓߊ߯ ߢߌ߬ߡߊ߬ ߞߍ߫ ߗߍ߬ߡߊ߲߬ ߘߐ߫ ߥߟߊ߫ ߡߛߏ߬ߡߊ߲߫ ߘߐ߫ ߞߵߊ߬ ߕߘߍ߬ ߡߎ߯ߡߌߣߌ߲ ߠߋ߬ ߸ ߊ߲ ߘߌߣߵߏ߬ ߟߊߢߣߊߡߦߊ߫ ߢߣߊߡߦߊ߫ ߓߘߍ ߟߊ߫، ߊ߬ ߣߴߊ߲ ߘߴߏ߬ ߟߎ߬ ߛߐ߫ ߊ߬ߟߎ߫ ߛߊ߬ߙߊ ߟߊ߫ ߞߊ߬ ߓߍ߲߬ ߊ߬ߟߎ߬ ߗߋߥߊߟߌ ߘߐ߫ ߢߌ߬ߡߊ ߡߊ߬ ߟߋ߬ ߘߍ߯﴿ [ߟߞߌߛߍ، ߟ:߉߇]

ߟߌ߬ߡߣߊ߬ߦߊ߫ ߡߟߊ߬ߞߊ ߟߎ߬ ߡߊ߬ ߸ ߏ߬ ߕߐ߬ߣߐ ߘߏ߫ ߟߎ߫:

ߝߟߐߡߊ߲: ߊ߬ߟߎ߬ ߘߊ߲ߠߌߓߊ߮ ߞߘߐߕߊ߬ߣߍ߲߬ߓߊ ߟߊ߫ ߓߏ߬ߢߊ ߣߴߊ߬ ߟߊ߫ ߝߊ߲߬ߞߊ ߣߴߊ߬ ߛߋ ߟߐ߲߫

ߝߌߟߊߣߊ߲: ߊ߬ ߓߊߙߌߞߊߓߐ߫ ߊ߬ ߟߊ߫ ߘߐ߰ߘߏ߲ ߠߴߊ߬ ߟߊ߫ ߖߐ߲߭ ߠߎ߬ ߟߊ߫، ߓߊߏ߬ ߊ߬ ߞߊ߬ ߡߟߊ߬ߞߊ ߟߎ߬ ߏ߬ ߟߎ߬ ߟߊ߫ ߡߍ߲߫ ߠߎ߬ ߘߴߊ߬ߟߎ߬ ߟߊߕߊ߬ߞߊ߫ ߞߞߵߊ߬ߟߎ߬ ߟߊ߫ ߓߊ߯ߙߊ ߟߎ߬ ߛߓߍ߫ ߸ ߊ߬ ߣߴߏ߬ ߢߐ߲߬ ߘߐ߫ ߟߎ߬ ߞߊ߬ ߓߐ߫ ߊ߬ߟߎ߬ ߢߊ߬ߞߏ ߟߎ߬ ߘߐ߫.

ߛߓߊߣߊ߲: ߡߟߊ߬ߞߊ ߟߎ߬ ߞߊ߬ߣߌ߲ ߝߋ߲߫ ߘߐ߫ ߊ߬ߟߎ߬ ߞߊ߬ ߡߍ߲߫ ߞߍ߫ ߞߊ߬ ߓߐ߫ ߊߟߊ߫ ߞߘߐߕߊ߬ߣߍ߲߬ߓߊ ߓߊ߬ߕߏ ߘߐ߫ ߊ߬ ߢߊ߫ ߘߝߊߣߍ߲ ߞߊ߲߬، ߊ߬ ߣߴߊ߬ߟߎ߬ ߟߊ߫ ߡߊ߬ߞߕߌ߬ߟߌ߫ ߢߌߣߌ߲߫ ߟߌ߬ߡߣߊ߬ߦߊ߬ߓߊ߮ ߟߎ߬ ߦߋ߫

ߟߌ߬ߡߣߊ߬ߦߊ߫ ߟߍߙߊ ߟߎ߬ ߡߊ߬ ߸ ߏ߬ ߕߐ߬ߣߐ ߘߏ߫ ߟߎ߫:

ߝߟߐߡߊ߲: ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߤߌߣߊ ߟߐ߲߫ ߣߴߊ߬ ߟߊ߫ ߘߐ߰ߘߏ߲ ߊ߬ ߟߊ߫ ߘߊ߲ߝߋ߲ ߠߎ߬ ߟߊ߫، ߓߊߏ߬ ߸ ߊ߬ ߞߊ߬ ߟߍߙߊ߫ ߟߊߖߌ߰ ߡߌ߬ߙߌ߲߬ߘߌ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߡߊ߬ ߞߵߊ߬ߟߎ߬ ߞߊ߲ߘߊ߫ ߏ߬ ߟߊ߫.

ߝߌߟߊߣߊ߲: ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߥߘߋ߬ߥߘߋ߬ߟߌ ߟߊ߲ߞߣߍߡߊ߫، ߓߊߏ߬ ߸ ߊ߬ ߞߊ߬ ߝߋ߲߫ ߠߋ߬ ߞߕߌ߫ ߛߌߟߦߊ߫ ߟߍߙߊ ߢߌ߲߬ ߠߎ߬ ߘߐ߫ ߡߊ߲߬ߕߏ ߓߍ߯ ߦߋ߫ ߡߍ߲߫ ߘߌ߫ ߓߍ߲߬ ߊ߬ߟߎ߬ ߡߊ߬، ߟߍߙߊ ߏ߬ ߟߎ߬ ߘߝߊ ߞߍ߫ ߘߊ߫ - ߞߎ߬ߙߊ߬ߣߓߊ ߘߌ߫ - ߡߍ߲߫ ߓߍ߲߬ߠߍ߲߫ ߘߊ߲ߝߋ߲ ߠߎ߬ ߓߍ߯ ߟߊߘߍ߬ߣߍ߲ ߡߊ߬ ߕߎ߬ߡߊ ߓߍ߯ ߟߊ߫ ߦߌߟߊ ߓߍ߯ ߘߐ߫ ߞߵߊ߬ ߛߌ߰ ߟߐ߬ߓߊ ߟߏ߲ ߠߊ߫.

ߛߓߊߣߊ߲: ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߦߌߟߌ߲ ߓߊߙߌߞߊߓߐ߫

ߟߌ߬ߡߣߊ߬ߦߊ߫ ߞߋߟߊߡߐ߮ ߟߎ߬ ߡߊ߬ ߸ ߏ߬ ߕߐ߬ߣߐ ߘߏ߫ ߟߎ߫:

ߝߟߐߡߊ߲: ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߤߌߣߊ ߟߐ߲߫ ߣߴߊ߬ ߟߊ߫ ߘߐ߰ߘߏ߲ ߊ߬ ߟߊ߫ ߘߊ߲ߝߋ߲ ߠߎ߬ ߟߊ، ߓߊߏ߬ ߸ ߊ߬ ߞߊ߬ ߞߋߟߊߡߐ߮ ߞߡߊߙߊ߲ߒߞߋ ߏ߬ ߟߎ߬ ߞߋߟߊߦߴߏ߬ ߟߎ߬ ߡߊ߬ ߟߋ߬ ߞߊ߲ߘߦߊ ߞߏ߫ ߛߐ߲߬

ߝߌߟߊߣߊ߲: ߞߘߐߕߊ߬ߣߍ߲߬ߓߊ ߓߊߙߌߞߊߓߐ߫ ߦߌߟߌ߲ ߓߟߋߓߟߋ ߣߌ߲߬ ߡߊ߬.

ߛߓߊߣߊ߲: ߞߋߟߊߡߐ߮ ߟߎ߬ ߞߊ߬ߣߌ߲߫ ߣߴߊ߬ ߟߎ߬ ߜߟߌߦߊ ߣߴߊ߬ߟߎ߬ ߡߊߕߐ߯ ߝߋ߲߫ ߠߴߊ߬ߟߎ߬ ߣߌ߫ ߡߍ߲߫ ߞߊ߫ ߞߊ߲߫، ߓߊߏ߬ ߸ ߊ߬ߟߎ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߞߋߟߊߡߐ߮ ߟߎ߬ ߟߋ߬ ߘߌ߫، ߊ߬ ߕߞߌߕߞߌ ߘߐ߫ ߊ߬ ߟߊ߫ ߖߐ߲߭ ߠߎ߬ ߟߋ߬، ߊ߬ߟߎ߬ ߞߵߊ߬ߟߎ߬ ߟߐ߬ ߊ߬ ߓߊ߬ߕߏ߬ ߣߴߊ߬ ߟߊ߫ ߞߋߟߊ ߟߊߛߋ߫ ߣߌ߫ ߞߣߐߘߐߜߍߦߊ߫ ߟߊ߫ ߖߐ߲߭ ߠߎ߬ ߦߋ߫ ߞߵߏ߬ ߟߊ߫ ߡߎ߬ߢߎ߲ ߞߊ߲߬ ߏ߬ ߟߎ߬ ߟߊ߫ ߕߙߐ ߟߎߓ߬ ߡߊ߬.

ߟߌ߬ߡߣߊ߬ߦߊ߫ ߟߏ߲߫ ߠߊߓߊ߲ ߡߊ߬ ߸ ߏ߬ ߕߐ߬ߣߐ ߘߏ߫ ߟߎ߫:

ߝߟߐߡߊ߲: ߞߊ߬ ߘߐ߬ߖߊ߯ ߞߍ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲ߓߊߕߏ ߡߊ߬ ߛߙߊ߬ߞߏ ߖߌ߭ ߟߊ߫ ߟߏ߲߫ ߘߏ߫، ߊ߬ ߣߌ߫ ߞߊ߬ ߦߌߟߊ߫ ߡߊߖߊ߲߯ߧߴߊߟߊ߫ ߛߐߛߐ ߡߊ߬ ߟߏ߲߫ ߏ߬ ߓߌ߲߬ߓߊߏ ߢߍߛߌߟߊ߲ߢߍ ߡߊ߬.

ߝߟߐߡߊ߲: ߟߌ߬ߡߣߊ߬ߦߊߓߊ߮ ߟߎ߬ ߡߊ߫ ߖߍ߰ߖߍ߰ ߝߋ߲߫ ߘߐ߫ ߡߍ߲߫ ߞߵߊ߬ ߝߘߏ߬ ߞߊ߬ ߓߐ߫ ߞߌߢߍ߲߫ ߦߌߟߌ߲ ߣߴߊ߬ ߘߊ߰ߡߎ߲ ߠߎ߬ ߘߐ߫ ߝߋ߲߫ ߘߐ߫ ߊ߬ ߦߋ߫ ߡߍ߲߫ ߣߊ߬ߕߊ ߟߊ߫ ߟߊ߬ߓߊ߲߫ ߦߌߟߌ߲ ߣߵߊ߬ ߛߊ߬ߙߊ ߘߐ߫.

ߟߌ߬ߡߣߊ߬ߦߊ߫ ߟߊ߬ߕߍ߮ ߡߊ߬ ߸ ߏ߬ ߕߐ߬ߣߐ ߘߏ߫ ߟߎ߫:

ߝߟߐߡߊ߲: ߞߊ߬ ߛߍ߲߬ߓߍ߬ ߞߍ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߜߋ߲߬ߞߘߎ߬ߢߐ߲߰ߠߊߞߏ ߟߎ߬ ߟߊߡߊ߯ ߘߐ߫، ߓߊߏ ߜߜߋ߲߬ߞߘߎ߬ߢߐ߲߰ߠߊߞߏ ߟߎ߬ ߣߴߊ߬ ߟߊߡߊ߰ߓߊ߯ ߝߌ߬ߟߊ ߓߍ߯ ߦߋ߫ ߊߟߊ߫ ߟߊ߫ ߟߊ߬ߕߍ߮ ߟߋ߬ ߞߘߐ߫.

ߝߌߟߊߣߊ߲: ߣߌ ߟߊߝߙߍ ߣߌ߫ ߖߛߎ߬ߞߎ߲ ߡߝߊ، ߓߊߏ߬ ߸ ߕߎ߬ߡߊ߬ - ߏ - ߕߎ߬ߡߊ، ߣߴߊ߬ ߞߵߊ߬ ߟߐ߲߫ ߞߵߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߕߍ߮ ߟߋ߬ ߘߌ߫، ߊ߬ ߣߌ߫ ߞߏ߫ ߜߏߦߊߣߊ߲ ߦߋ߫ ߞߍ߫ ߟߊ߫ ߟߋ߬ ߓߐߘߊ ߛߌ߫ ߕߍ߫، ߊ߬ ߣߌ߫ ߘߌ߫ ߟߊߝߙߍ߫، ߊ߬ ߖߛߎ߬ߞߎ߲ ߘߌ߫ ߡߝߊ߫، ߊ߬ ߘߌ߫ ߘߌ߬ߢߍ߬ ߕߌߓ߱ ߟߊ߫ ߟߊ߬ߕߍ߮ ߡߊ߬، ߒ߬ߓߊ߬ ߸ ߡߐ߰ ߕߌߦߋ߲߫ ߡߍ߲߫ ߦߋ߫ ߓߊߟߏ߫ ߓߘߍ ߣߌߟߊߝߙߍ ߣߌ߫ ߖߛߎ߬ߛߎߡߊ ߘߐ߫ ߞߊ߬ ߕߊ߬ߡߌ߲߫ ߟߌ߬ߡߣߊ߬ߦߊ߬ߓߊ߮ ߞߊ߲߬ ߟߊ߬ߕߍ߮ ߡߊ߬.

ߛߓߊߣߊ߲: ߞߓߊߒߖߘߍ߬ߡߊ ߜߍ߲߫ ߟߊ߬ߢߌߣߌ߲ ߛߐ߬ߘߐ߲߬ ߕߎߡߊ، ߓߊߏ߬ ߏ߬ ߛߐ߬ߘߐ߲߬ ߦߋ߫ ߦߌߟߌ߲ ߠߋ߬ ߘߌ߫ ߝߘߴߊߟߊ߫ ߟߊ߫، ߊ߬ ߞߊ߬ ߡߍ߲߫ ߠߊߕߍ߰ ߤߙߊ ߣߌ߫ ߛߎߘߊ ߞߎ߲߭ ߠߎ߬ ߘߐ߫، ߒ߬ߓߵߊ߬ ߦߴߊߟߊ߫ ߞߘߐߕߊ߬ߣߍ߲߬ߓߊ ߓߊߙߌߞߊߓߐ߫ ߏ߬ ߡߊ߬ ߸ ߊ߬ ߦߋ߫ ߞߓߊߒߖߘߍ߬ߡߊ ߕߏ߫ ߦߋ߲߬.

ߣߊ߯ߣߌ߲ߣߊ߲: ߞߊ߬ ߖߘߍ߬ߘߐ߬ߜߍߘߍ߲ ߕߏ߫ ߦߋ߲߬ ߟߊ߬ߢߌߣߌ߲ ߝߘߏ߬ ߕߎߡߊ߫ ߣߌ߫ ߜߏߦߊߣߊ߲ ߛߐ߬ߘߐ߲߬ ߕߎߡߊ߫، ߓߊߏ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߕߍ߮ ߟߋ߬ ߛߊ߲ ߠߎ߬ ߣߌ߫ ߘߎ߱ ߡߊ߲߬ߛߦߊ߬ ߦߴߊ߬ߟߋ ߟߋ߬ ߓߟߏ߫، ߏ߬ ߘߏ߲߬ ߞߍߕߊ ߟߋ߬ ߘߌ߫ ߡߍ߲߫ ߕߍ߫ ߘߐߛߊ߬ ߟߊ߫، ߒ߬ߓߵߊ߬ ߦߴߊ߬ ߡߎ߬ߢߎ߲߬ ߏ߬ ߡߊ߬ ߞߊ߬ ߛߊ߬ߙߊߞߏ ߖߌ߰. ߞߵߊ߬ ߛߌ߰ ߣߌ߲߬ ߠߴߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߞߐߙߍߦߊߟߌ ߞߍ߫ ߟߴߊ߬ ߞߎߡߊߞߊ߲ ߘߐ߫ ߞߏ߫: ﴾ߛߐ߬ߘߐ߲߬ߞߏ߬ ߛߌ߫ ߓߊ߯ ߛߐ߬ߘߐ߲߬ ߘߎ߱ ߞߊ߲߬ ߊ߬ ߣߴߊߟߎ߫ ߖߍ߬ߘߍ ߣߌ ߟߎ߬ ߘߐ߫، ߝߴߏ߬ ߦߋ߫ ߞߍ߫ ߟߍߙߊ ߘߐ߫ ߟߋ߬ ߞߊ߬ ߞߐ߲߰ ߊ߬ ߘߊ߲ ߢߍ߫ ߊ߲ ߓߟߏ߫، ߏ߬ ߣߐ߲߰ߡߊ߲߫ ߠߋ߬ ߊߟߊ߫ ߡߊ߬ * ߖߐ߲߬ߛߴߊߟߎ߫ ߞߣߊ߫ ߛߎ߬ߣߎ߲߬ ߝߋ߲߫ ߡߊ߬ ߊߟߎ߫ ߝߐ߫ ߘߊ߫ ߡߍ߲ ߠߊ߫، ߊߟߎ߫ ߞߣߊ߬ ߖߍ߰ߙߍ߫ ߊߟߎ߫ ߛߐ߫ ߝߋ߲ ߝߣߊ߫ ߟߊ߫ ߸ ߓߊߏ߫ ߢߊ߲߬ߞߊ߲߬ߓߊ߰ ߥߊߛߏߟߊ ߡߊ߲ߘߌ߫ ߊߟߊ߫ ߦߋ߫﴿ [ߣߍ߱، ߟ:߂߂ - ߂߃]

ߒ߬ߓߊ߬ ߸ ߊ߲ ߧߴߊߟߊ߫ ߞߘߐߕߊ߬ߣߍ߲߬ߓߊ ߕߙߊ߫ ߟߴߊ߬ ߦߴߊ߲ ߓߊ߲ߓߊ߲߫ ߛߟߐ߬ߡߍ߬ߘߐ߬ߞߏ ߣߌ߲߬ ߞߊ߲߬، ߊ߬ ߦߴߊ߬ ߕߐ߬ߣߐ ߟߎ߬ ߞߍ߫ ߊ߲ ߧߋ߫، ߊ߬ ߦߋ߫ ߊ߬ ߟߊ߫ ߝߌ߬ߛߊ߬ߡߊ߲ߒߕߋ߬ߦߊ ߦߙߌߥߴߊ߲ ߞߊ߲߬، ߊ߬ ߞߊߣߴߊ߲ ߖߛߎ߬ߞߎ߲ ߠߎ߬ ߖߍ߲߬ ߞߍ߫ ߊ߲ ߞߊ߲ߘߊߣߍ߲ ߞߐ߫، ߊ߬ ߦߴߊ߬ ߟߊ߫ ߤߌߣߊ ߘߏ߫ ߣߌ߰ ߊ߲ ߠߊ߫، ߓߊߏ߬ ߊ߬ߟߋ ߟߋ߬ ߣߌ߰ߟߌߟߓߊ ߘߌ߫، ߕߊ߲߬ ߓߍ߯ ߦߋ߫ ߖߊ߯ߓߊ ߟߎ߬ ߕߌ߱ ߊߟߊ߫ ߕߊ ߟߋ߬ ߘߌ߫.

ߊߟߊ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߞߍ߫ ߊ߲ ߠߊ߫ ߟߊ߬ߝߐ߬ߓߊ߮ ߡߏ߬ߤ߭ߊߡߡߊߘ ߊ߬ ߣߴߊ߬ ߘߏ߲߬ߞߏ ߟߎ߬ ߣߴߊ߬ ߘߍ߬ߢߐ߲߯ ߛߐ߬ߤ߭ߊ߰ߓߊ߮ ߟߎ߬ ߣߵߏ߬ ߟߎ߬ ߟߊߓߊ߬ߕߏ߬ߓߊ߮ ߟߎ߬ ߦߋ߫ ߢߊ߬ߟߌ ߟߊ߫.

ߊ߬ ߓߊ߲ߘߊ߫ ߛߓߍ߫ ߟߊ߫ ߛߓߍߦߊߟߊ ߟߊ߫ ߞߊ߬ߟߊ ߟߊ߫

ߡߎ߬ߤ߭ߊߡߡߊߘ ߓߎߣ ߛ߫ߐ߯ߟߌߤ߭ ߊߟߑߊ߳ߺߎߛ߳ߊߦߑߡߌ߯ߣ

ߡߌ߲߬ߞߊߙߏ ߕߟߋ߬ ߃߀ ߛߊ߲߭ ߁߄߀߄ ߝ.ߞ

*