الإسلام دين رب العالمين

ߊߟߊ߫ ߕߐ߮ ߟߊ߫ ߸ ߡߊ߬ߤߌ߬ߣߊ߬ߟߊ߫ ߟߋ߬ ߤߌߣߟߊ߫ ߟߋ߬

ߛߌ߬ߟߡߊ߬ߦߊ ߦߋ߫ ߖߊ߯ߓߊ ߘߏ߲߬ߞߏ ߟߎ߬ ߡߊ߰ߙߌ ߟߊ߫ ߘߌߣߊ ߟߋ߬ ߘߌ߫

ߌ ߡߊ߰ߙߌ ߦߋ߫ ߖߐ߲߫ ߘߌ߫?

ߣߌ߲߬ ߦߋ߫ ߢߌ߬ߣߌ߲߬ߞߊ߬ߟߌ߬ ߓߟߋߓߟߋ ߟߋ߬ ߘߌ߫ ߡߍ߲ ߦߋ߫ ߘߎߢߊ߫ ߣߌ߲߬ ߘߐ߫ ; ߏ߬ ߦߋ߫ ߢߌ߬ߣߌ߲߬ߞߊ߬ߟߌ ߣߝߊ߬ߡߊ߬ߓߊ߫ ߘߌ߫ ߡߐ߬ ߟߎ߬ ߞߊߡߊ߲߫ ߞߊ߬ ߡߍ߲ ߖߊ߬ߓߌ ߟߐ߲߫.

ߊ߲ ߡߊ߰ߙߌ߫ ߟߋ߬ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߸ ߊ߬ ߣߴߊ߬ ߞߊ߬ ߖߌ ߟߊߖߌ߰ ߞߊ߬ ߓߐ߫ ߡߐ߲߬ߕߐ߲ ߘߐ߫ ߸ ߞߊ߬ ߦߙߌߘߋ߲ ߠߎ߬ ߣߌ߫ ߦߙߌ ߟߎ߬ ߟߊߓߐ߫ ߒ߬ߠߎ߬ ߣߌ߫ ߓߌߦߊ߲ ߠߎ߬ ߦߋ߫ ߊ߲ ߧߋ߫ ߓߊߟߏ߫ ߟߴߏ߬ ߡߍ߲߫ ߠߎ߬ ߟߊ߫. ߊ߬ߟߋ ߟߋ߬ ߞߊ߬ ߒ߬ߠߎ߬ ߣߌ߫ ߒ߬ ߓߋ߲ߓߊ߫ ߟߎ߫ ߘߊ߲߫߸ ߊ߬ ߣߌ߫ ߞߊ߬ ߝߋ߲߫ ߓߍ߯ ߘߊ߲߫ ،ߊ߬ߟߋ ߟߋ߬ ߞߊ߬ ߛߎ ߣߌ߫ ߕߟߋ߬ߘߐ߬ߟߊ ߘߊ߲߫ ،ߊ߬ߟߋ ߟߋ߬ ߞߊ߬ ߛߎ ߞߍ߫ ߛߎ߬ߣߐ߯ ߣߌ߫ ߢߐߢߐ߲ߠߌ߲߫ ߕߎ߬ߡߊ ߘߌ߫ ،ߞߊ߬ ߕߟߋ߬ߘߐ߬ߟߊ ߞߍ߫ ߘߊߥߎ߲ߠߌ߲߫ ߣߌ߫ ߓߊߟߏ߫ ߢߌߣߌ߲߫ ߕߎ߬ߡߊ ߘߌ߫߸ ߊ߬ߟߋ߬ ߟߋ߫ ߞߊ߬ ߕߋ߬ߟߋ ߣߌ߫ ߞߊߙߏ ߣߌ߫ ߟߏ߬ߟߏ ߟߎ߬ ߣߌ߫ ߓߊ ߟߎ߬ ߞߟߏ߫ ߊ߲ ߧߋ߫، ߊ߬ ߣߌ߫ ߞߊ߬ ߓߌߦߊ߲ ߠߎ߬ ߞߟߏ߫ ߊ߲ ߧߋ߫ ߊ߲ ߘߌ߫ ߘߏ߫ ߟߎ߫ ߘߊߥߎ߲ ߏ߬ ߟߎ߬ ߘߐ߫ ߊ߬ ߣߌ߫ ߞߊ߬ ߊ߲ ߣߝߊ߬ߓߐ߫ ߊ߬ ߣߐߣߐ ߣߌ߫ ߊ߬ ߛߌ ߟߎ߬ ߟߊ߫.

ߖߊ߰ߓߊ ߘߏ߲߬ߞߏ ߟߎ߬ ߡߊ߰ߙߌ ߡߊ߲߬ߞߕߎ ߦߋ߫ ߡߎ߲߬ ߘߌ߫ ؟

ߡߊ߰ߙߌ ߟߋ߫ ߞߊ߬ ߘߊ߲ߝߋ߲ ߠߎ߬ ߘߊ߲߫ ߸ߊ߬ߟߋ ߟߋ߬ ߦߴߊ߬ ߟߎ߬ ߞߊ߲ߘߊ߫ ߟߊ߫ ߕߎߢߊ ߣߌ߫ ߞߊ߲ߘߦߊ ߡߊ߬ ،ߊ߬ ߣߌ߫ ߞߊ߬ ߘߊ߲ߝߋ߲ ߠߎ߬ ߓߍ߯ ߟߊ߫ ߞߏ ߟߎ߬ ߘߐߓߍ߲߬ ،ߊ߬ ߟߋ߬ ߟߋ߫ ߦߴߊ߬ߟߎ߫ ߤߊ߬ߙߌ߬ߖߍ߰ ߟߊ߫ ߸ߝߋ߲ ߓߍ߯ ߡߙߊ߬ߓߊ߮ ߟߋ߬ ߘߎߢߊ߫ ߣߌ߫ ߟߊ߯ߞߌߙߊ߫ ߞߣߐ߫ ߸ߝߋ߲ ߓߍ߯ ߦߋ߫ ߊ߬ ߟߊ߫ ߡߊ߬ߙߊ߫ ߟߋ߬ ߞߣߐ߫ ߝߋ߲߫-ߋ-ߝߋ߲ ߣߌ߫ ߊߟߊ߫ ߕߍ߫ ߏ߬ ߦߋ߫ ߡߙߊ߬ߝߋ߲ ߠߋ߬ ߘߌ߫ ߊ߬ ߦߋ߫ ߸ ߊ߬ߟߋ ߟߋ߬ ߦߋ߫ ߢߣߊߡߊ ߘߌ߫ ߊ߬ ߕߍ߫ ߛߊ߬ ߟߊ߫ ߊ߬ ߕߍ߫ ߛߌ߬ߣߐ߰ ߟߊ߫ ߞߎߡߊߕߍ߫ ߖߌ߲߬ߞߐ߲߬ ߡߊ߬ ߸ ߊ߬ ߦߋ߫ ߟߐ߬ߣߍ߲ߒߖߘߍ߬ߟߊ ߟߋ߬ ߘߌ߫ ߊ߬ ߣߌ߫ ߞߵߊ߬ ߟߐ߬ ߘߊ߲ߝߋ߲߫ ߓߍ߯ ߞߘߐ߫، ߊ߬ ߟߊ߫ ߤߌߣߊ ߞߍߣߍ߲߫ ߞߊ߬ ߞߏ ߓߍ߯ ߟߊߝߏ߬ ،ߝߋ߲ ߝߏߦߌ߫ ߕߍ߫ ߘߏ߲߰ ߠߴ ߊ߬ ߡߊ߫ ߘߎ߱ ߞߣߐ߫ ߥߟߊ߫ ߛߊ߲ ߝߍ߬. ߝߏߦߌ߬ ߕߍ߫ ߊ߬ߟߋ߬ ߓߐߢߐ߲߯ߞߏ ߘߌ߫ ߸ ߊ߬ߟߋ ߟߋ߬ ߡߍ߲ߠߌ߲ߠߊ ߘߌ߫ ߸ ߦߋߟߌߟߊ ߟߋ߬ ߸ ߊ߬ ߦߋ߫ ߛߊ߲ ߠߎ߬ ߛߊ߲ߝߍ߬ ߊ߬ ߞߊ߯ߙߌߣߍ߲ ߊ߬ ߟߊ߫ ߘߊ߲ߝߋ߲ ߠߎ߬ ߡߊ߬ ߸ ߘߊ߲ߝߋ߲ ߠߎ߬ ߟߋ߬ ߡߊߞߏ ߦߴߊ߬ ߟߊ߫ ، ߏ߬ ߕߍ߫ ߘߤߊ߬ߣߍ߲߫ ߘߌ߫ ߊ߬ ߟߊ߫ ߘߊ߲ߠߌ߲ ߘߐ߫߸ ߊ߬ ߟߊ߫ ߘߊ߲ߝߋ߲ ߝߏߦߌ߬ ߕߍ߫ ߘߤߊ߬ ߟߴߊ߬ ߖߘߍ߫ ߡߊ߬ ߸ ߡߊ߰ߙߌ߬ ߛߊߣߌ߲ ߡߊ߰ߙߌ߬ ߞߘߐߕߊ߬ߣߍ߲߬ߓߊ ߡߊ߰ߙߌ ߟߋ߬ ߞߊ߬ ߘߎߢߊ߫ ߟߐ߲ߣߍ߲ ߣߌ߲߬ ߘߊ߲߫ ߊ߬ ߟߊ߫ ߞߊ߲ߞߋ߫ ߕߍߞߢߊߣߍ߲ ߓߍ߯ ߟߊ߫ ߡߍ߲ ߕߍ߫ ߗߌߙߏ߲߫ ߠߊ߫߸ ߏ߬ ߞߍ߫ ߘߊ߫ ߡߐ߱ ߣߌ߫ ߣߌߡߊߝߋ߲ ߠߎ߬ ߝߊ߬ߘߌ ߞߊ߲ߞߋ ߘߌ߫ ߓߊ߬ ߥߟߊ߫ ߖߊ߯ߓߊ ߞߊ߲ߞߋ ߡߍ߲ ߦߴߊ߲ ߟߊߡߌߣߌ߲ ߘߐ߫ ߊ߬ ߟߊ߫ ߕߋ߬ߟߋ ߣߴߊ߬ ߟߊ߫ ߟߏ߬ߟߏ ߟߎ߬ ߣߴߊ߬ ߟߊ߫ . ߛߏ߯ߙߏߝߋ߲ ߠߎ߬.

ߊ߬ ߣߌ߫ ߝߋ߲-ߏ-ߝߋ߲߬ ߓߊ߬ߕߏ߬ߣߍ߲߫ ߊ߬ߟߋ߬ ߞߐ߫ ߸ ߢߊ߬ߕߣߐ߬ ߕߴߏ߬ ߟߴߊ߬ ߖߘߍ߬ ߦߋ߫ ߸ ߊ߬ ߘߏ߲߬ ߕߍ߫ ߕߙߐ߫ ߟߴߊ߬ ߖߘߍ߬ ߦߋ߫، ߏ߬ ߘߐ߫ ߊ߬ ߘߌ߫ ߛߋ߫ ߢߊ߬ ߟߊ߫ ߊ߬ ߓߊ߬ߕߏ߬ߓߊ߮ ߟߎ߫ ߡߊ߬ ߘߌ߬ ߥߟߊ߫ ߞߊ߬ ߖߎ߯ߡߊ߲ ߡߊߕߊ߲߬ߞߴ ߊ߬ ߡߊ߬.

ߊ߲ ߡߊ߰ߙߌ ߤߊߞߍ ߦߋ߫ ߡߎ߲߬ ߘߌ߫ ߒ߬ ߞߊ߲߬ ؟

ߊߟߊ߫ ߤߊߞߍ ߡߍ߲ ߦߋ߫ ߡߐ߱ ߟߎ߬ ߞߊ߲߬ ߞߵߊ߬ ߞߋߟߋ߲߫ ߔߋ߫ ߓߊ߬ߕߏ߬ ߊ߬ߟߎ߬ ߞߊߣߊ߬ ߝߌ߬ߟߊ߲߬ߞߊߝߏ ߊ߬ ߡߊ߬ ߝߋ߲ ߛߌ߫ ߟߊ߫ ߸ ߊ߬ߟߎ߬ ߡߊ߲߫ ߞߊ߲߫ ߞߊ߬ ߡߐ߱ ߣߌ߫ ߞߓߊ ߣߌ߫ ߓߊ ߣߌ߫ ߝߋ߲߫ ߣߌߡߊߓߊߟߌ ߣߌ߫ ߝߏ߬ߟߏ߲߬ߝߊ߬ߟߊ߲߬ ߣߌ߫ ߝߋ߲߫ ߜߘߍ ߓߊ߬ߕߏ߬ ߊ߬ ߞߐ߫ ߥߟߴߊ߬ ߝߍ߬. ߒ߬ߓߵߊ߬ ߦߋ߫ ߓߊ߬ߕߏ ߞߍ߫ ߜߍߦߊ ߞߊ߲߬ ߊߟߊ߫ ߦߋ߫ ߖߊ߯ߓߊ ߘߏ߲߬ߞߏ ߟߎ߬ ߡߊ߰ߙߌ ߟߋ߬ ߘߌ߫.

ߡߐ߱ ߟߎ߬ ߤߊߞߍ ߦߋ߫ ߡߎ߲߬ ߘߌ߫ ߊ߬ߟߎ߬ ߡߙߊ߬ߓߊ߮ ߞߊ߲߬?

ߡߐ߱ ߟߎ߬ ߤߊߞߍ ߡߍ߲߫ ߦߋ߫ ߊߟߊ߫ ߡߊ߬ ߣߴ ߊ߬ߟߎ߫ ߞߊ߬ ߓߊ߬ߕߏ߬ ߊ߬ ߦߋ߫ ߢߣߍߡߦߊ߫ ߢߌߡߊ߫ ߘߴ ߊ߬ߟߎ߫ ߡߊ߬ ߊߟߎ߫ ߦߋ߫ ߖߌ߰ߡߊ߬ߝߊ߫ ߣߌ߫ ߟߊ߬ߞߊ߲߬ߘߊ߬ߟߌ ߣߌ߫ ߞߛߌ߫ ߣߌ߫ ߖߛߎ߬ߛߎߡߊ ߣߌ߫ ߘߌ߬ߢߍ߫ ߛߐ߬ߘߐ߲߬ ߠߊ߫ ߏ߬ ߘߐ߫ ،ߊ߬ ߣߌ߫ ߛߏߟߊߓߊ߲ ߘߐ߫ ߊ߬ߟߎ߬ ߘߌ߫ ߘߏ߲߬ ߡߍ߲ߘߌߦߊ߫ ߣߍߡߊ ߘߌ߫ ߞߍ߫ ߦߋ߲߬ ߊ߬ ߣߌ߫ ߢߊ߬ߒߡߊ߭ ߊ߬ ߣߌ߫ ߞߎߘߊߦߌ߫ ߣߌ߫ ߊ߬ ߟߎ߬ ߞߊ߬ ߛߐߛߐ ߞߊ߬ ߟߊ߫ ߖߊ߰ߡߊߙߌ ߟߎ߬ ߝߐ߲ߞߐ ߢߐ߲ߦߊ ߊ߬ ߘߴߊ߬ ߟߎ߬ ߟߊ߫ ߢߣߊߡߦߊ ߞߍ߫ ߞߎ߲ߠߊ߬ߜߏߦߊ ߣߌ߫ ߜߟߍߦߊ ߘߌ߫ ߤߊߟߌ߬ ߣߴߊ߬ ߟߎ߬ ߦߴߊ߬ ߖߊ߬ߕߋ߬ ߟߊ߫ ߟߋ߬ ߞߏ߫ ߊ߬ ߟߎ߬ ߦߋ߫ ߞߎ߲߬ߣߊ߬ߘߌߦߊ ߣߌ߫ ߘߤߊ߫ ߘߐ߫ ،ߟߏ߲ ߠߊߓߊ߲ ߠߊ߫ ߊ߬ ߟߎ߬ ߘߌ߫ ߟߊߘߏ߲߬ ߕߊ ߥߋ߲߯ߓߋ ߘߐ߫ ߊ߬ ߟߎ߬ ߕߍ߫ ߓߐ߫ ߟߊ߫ ߦߋ߲߬ ߝߋߝߋ߫ ،ߊ߬ ߦߴߊ߬ ߟߎ߬ ߢߍ߫ ߦߋ߲߬ ߖߊ߲߰ߞߕߊ ߕߍ߰ߓߊߟߌ ߟߊ߫ ߊ߬ ߣߌ߫ ߘߎߡߍߟߌ ߞߘߊߎ߫.

ߊ߲ ߣߊ߫ ߢߣߊߡߦߊ ߞߎ߲߬ ߦߋ߫ ߡߎ߲߬ ߘߌ߫ ؟ ߊ߲ ߘߊ߲߫ ߞߎ߲ ߦߋ߫ ߡߎ߲߬ ߘߌ߫ ؟

ߡߊ߰ߙߌ߬ ߝߏߣߌ߲ߛߙߋ ߞߊ߬ ߒ߬ ߞߌ߬ߓߊ߬ߙߏ߬ߦߊ߫ ߞߏ߫ ߊ߬ ߞߴߊ߲߬ ߘߊ߲߫ ߞߎ߲߭ ߓߊ߯ ߟߋ߬ ߟߊ߫، ߏ߬ ߟߋ߬ ߞߴߊ߬ ߞߋߟߋ߲ ߔߋ߫ ߓߊ߬ߕߏ߬، ߊ߬ ߣߌ߫ ߝߋ߲߫ ߜߘߍ߫ ߞߣߊ߫ ߞߊߝߏ ߊ߬ ߡߊ߬، ߊ߬ ߞߴߊ߲߬ ߟߐ߬ ߘߎ߰ߞߟߏ ߟߐ߬ ߟߊ߫ ߤߙߊ߫ ߣߌ߫ ߢߊߟߌ ߟߊ߫، ߣߌ߫ ߡߍ߲߫ ߞߊ߬ ߝߋ߲߫ ߜߘߍ߫ ߓߊ߬ߕߏ߬ ߣߌ߫ ߊߟߊ߫ ߣߌ߫ ߊ߬ ߘߊ߲ߓߊ߮ ߕߍ߫ ߊ߬ ߡߴߊ߬ ߘߊ߲߫ ߞߎ߲߭ ߟߐ߲، ߊ߬ ߡߊ߬ ߡߍ߲ ߦߋ߫ ߘߌߦߊߜߏߦߊ߫ ߘߌ߫ ߊ߬ ߞߊ߲߬ ߊ߬ ߡߊ߬ߙߌ߬ ߝߍ߬ ߊ߬ ߡߴߏ߬ ߟߐ߲߫ ߣߌ߫ ߡߍ߲ ߞߊ߬ ߕߌߢߍߟߌ߫ ߞߍ߫ ߘߎ߰ߞߟߏ ߞߊ߲߬ ߓߊ߯ߙߊ ߡߍ߲ ߘߌ߫ ߣߍ߲ ߊ߬ ߡߊ߬ ߊ߬ ߣߴߊ߬ ߟߐ߬ߣߍ߲߫ ߡߍ߲ ߣߊ߬ ߏ߬ ߡߊ߬ ߟߐ߲߫.

ߊ߲ ߧߋ߫ ߒ߬ ߡߊ߰ߙߌ ߓߊ߬ߕߏ߬ ߟߊ߫ ߘߌ߬؟

ߊߟߊ߫ ߡߊ߬ߙߌ߬ ߜߌߟߌ߲ ߡߊ߰ߙߌ ߞߘߐߕߊ߬ߣߍ߲ ߡߴߊ߲ ߘߊ߲߫ ߞߊ߬ ߒ߬ ߕߏ߫ ߒ ߖߘߍ߬ ߡߊ߬ ߜߊ߲ߛߊ߲߫ ،ߊ߬ ߡߊ߬ ߒߣߊ߬ ߢߣߍߡߦߊ߫ ߞߍ߫ ߕߋ߲߬ ߕߏߟߏ߲ ߜߟߏߡߊ ،ߊ߬ ߞߊ߬ ߛߎߥߊ߲ߘߟߌ ߞߍ߫ ߡߐ߰ ߟߎ߬ ߘߐ߫ ߞߋߟߊ ߘߋ߲ ߠߊ߬ ߞߊ߬ ߥߊ߫ ߊ߬ ߡߊ߲߬ߕߏ߲ ߠߎ߬ ߡߊ߬ ،ߏ߬ ߟߎ߬ ߟߋ߫ ߖߏ߭ ߞߊߢߌ߲߬ ߓߍ߯ ߘߌ߫ ،ߊ߬ ߟߎ߬ ߣߌ ߛߊߣߌߡߊ߲ ،ߖߛߎ߬ ߟߎ߬ ߛߊߣߌߡߊ߲ ، ߊ߬ ߞߵߊ߬ ߟߊ߫ ߞߋߟߊ ߟߎ߬ ߟߊߖߌ߰ ߊ߬ߟߎ߫ ߡߊ߬ ،ߡߐ߱ ߟߎ߬ ߞߊ߫ ߞߊ߲߫ ߞߊ߬ ߝߋ߲߫ ߟߐ߲߫ ߡߍ߲ ߦߋ߫ ߡߊ߰ߙߌ߫ ߣߌ߬ߣߌ߬ߟߊ߬ߟߊ ߞߊ߲߬ ߏ߬ ߦߴߏ߬ ߘߐ߫،ߊ߬ ߣߌ߫ ߞߊ߬ ߡߐ߱ ߟߎ߬ ߟߊ߫ ߥߟߌ߫ ߟߐ߬ߓߊ߫ ߟߏ߲ ߊ߬ ߣߌ߫ ߛߙߊ ߣߌ߫ ߞߐ߲ߕߍߓߐ ߟߏ߲، ߞߋߟߊ ߟߎ߫ ߞߵߊ߬ߟߎ߬ ߡߊ߰ߙߌ ߓߊ߬ߕߏ߬ߢߊ ߟߊߛߋ߫ ߊ߬ߟߎ߬ ߡߌ߬ߙߌ߲߬ߘߌ ߡߊ߬، ߊ߬ߟߎ߫ ߞߊ߬ ߓߊ߬ߕߏ ߞߍߢߊ ߣߴߊ߬ߟߎ߬ ߟߊ߫ ߕߎ߬ߡߊ ߟߎ߬ ߣߴߊ߬ߟߎ߫ ߛߊ߬ߙߊ ߢߊߝߐ߫ ߊ߬ߟߎ߬ ߦߋ߫ ߘߎߢߊ߫ ߣߌ߫ ߛߏߟߊߓߊ߲ ߘߐ߫، ߞߵߊ߬ߟߎ߬ ߡߊߛߌߟߊ߲߫ ߊߟߊ߫ ߞߊ߬ ߝߋ߲߫ ߡߍ߲ ߠߎ߬ ߤߙߊ߬ߡߎ߲߫ ߦߏ߫ ߛߎߡߊ߲߫ ߠߌ ߡߌ߲ߕߊ ߟߎ߬ ߣߌ߫ ߝߘߎߛߘߌ߫ ߟߎ߬، ߞߵߊ߬ߟߎ߬ ߞߊ߲ߘߊ߫ ߖߏ߯ ߝߌ߬ߛߊ߬ߡߊ߲ߒߕߋ ߟߎ߬ ߡߊ߬ ، ߞߊ߬ ߟߎ߬ ߜߍ߲߫ ߖߏ߯ ߖߙߊ߬ߞߌ߬ߕߊ ߟߎ߬ ߡߊ߬.

ߘߌ߯ߣߊ ߖߐ߲߫ ߡߌ߬ߛߊ߬ߟߌ ߘߌ߫ ߡߊ߰ߙߌ߬ߓߊ ߞߟߊߒߞߋ ߝߍ߬ ؟

ߘߌߣߊ߫ ߡߍ߲ ߞߊߢߌ߲߬ ߊߟߊ߫ ߝߍ߫ ߏ߬ ߟߋ ߛߌ߬ߟߡߊ߬ߦߊ ߟߋ߬ ߘߌ߫، ߏ߬ ߟߋ߬ ߦߋ߫ ߘߌ߯ߣߊ߫ ߘߌ߫ ߟߊߝߐߓߊ߮ ߟߎ߬ ߓߍ߯ ߞߊ߬ ߡߍ߲ ߠߊߛߋ߫، ߊߟߊ߫ ߕߍ߫ ߘߌ߯ߣߊ߫ ߜߘߍ߫ ߡߌ߬ߘߊ߬ ߟߊ߫ ߟߐ߮ߓߊ ߟߏ߲ ߏ߬ ߟߋ߫ ߞߐ߫ ،ߡߐ߬ ߟߎ߬ ߘߌ߫ ߘߌ߯ߣߊ߫ ߛߌ߫ ߕߊ߬ ߡߍ߲ ߕߍ߫ ߛߌ߬ߟߡߊ߬ߦߊ ߘߌ߫ ߏ߬ ߦߋ߫ ߞߊ߬ߙߏ߲ ߠߋ߬ ߘߌ߫ ߸ ߊ߬ ߕߴߊ߬ ߕߌ߱ ߟߎ߬ ߡߎߣߊ߲ߝߊ߲߫ ߠߊ߫، ߊ߬ ߖߍ߬ߘߍ߫ ߘߌ߫ ߞߍ߫ ߞߎ߲߬ߠߊ߬ߜߏ ߘߌ߫ ߘߎߢߊ߫ ߣߌ߫ ߟߊ߯ߞߌߙߊ߫.

ߘߌ߯ߣߊ߫ ߢߌ߲߬ ߓߊߖߎ ߣߴߊ߬ ߕߎ߲ߞߎ߲ ߦߋ߫ ߡߎ߲߬ ߘߌ߫؟

ߊߟߊ߫ ߞߊ߬ ߘߌ߯ߣߊ߫ ߢߌ߲߬ ߣߐ߰ߦߊ߫ ߦߴߊ߬ ߟߊ߫ ߖߐ߲߭ ߠߎ߬ ߦߋ߫ ،ߊ߬ ߕߎ߲ߞߎ߲߫ ߘߐ߫ ߓߟߋ߬ߓߟߋ ߟߋ߬ ߞߊ߬ ߘߍ߲߬ߞߣߍ߬ߦߊ߫ ߊߟߊ߫ ߟߊ߫ ߡߊ߰ߙߌ߬ߦߊ ߡߊ߬ ،ߞߊ߬ ߟߌߡߣߊߦߊ߫ ߞߋ߲ߛߐ߲ ߠߎ߬ ߣߌ߫ ߞߊ߬ߝߊ ߟߎ߬ ߣߌ߫ ߗߋߘߋ߲ ߠߎ߬ ߣߌ߫ ߟߏ߲ ߠߊߓߊ߲ ߣߌ߫ ߟߊߕߍ߰ ߡߊ߬ ،ߌ ߦߋ߫ ߛߙߋߦߊ ߞߏ߫ ߡߊ߰ߙߌ߬ ߜߘߍ߫ ߕߍ߫ ߊߟߊ߫ ߞߐ߫، ߊ߬ ߣߌ߫ ߞߏ߫ ߡߊ߬ߡߊߘߌ߫ ߟߋ߬ ߊߟߊ߫ ߟߊ߫ ߞߋߟߊ ߘߌ߫،ߞߊ߬ ߛߊߟߌ߫ ߟߐ߬ ߞߊ߬ ߖߞߊ߫ ߘߌ߫ ߣߌ߫ ߣߊ߲߬ߝߟߏ ߞߍ߫ ߘߴߌ ߓߟߏ߫ ߌ ߞߊ߫ ߞߊ߲߫ ߞߊ߬ ߖߞߊ ߛߙߊ߬ ߡߍ߲ ߞߊ߲߬߸ ߞߊ߬ ߛߎ߲ߞߊߙߏ߫ ߛߎ߲ ߞߊߙߏ߫ ߞߋߟߋ߲߫ ߛߊ߲ ߞߣߐ߫ ،ߊ߬ ߣߌ߫ ߞߊ߬ ߥߊ߫ ߡߓߊ߬ߕߏ߬ ߘߐ߫ ߊߟߊ߫ ߡߊ߬ ߞߊ߬ ߕߊ߯ ߓߏ߲߫ ߞߘߐ ߟߊ߫.ߏ߬ ߟߐ߬ ߘߊ߫ ߌߓߎ߬ߙߊ߬ߤߌߡߊ߫ ߟߋ߬ ߓߟߏ߫߸ ߖߐ ߦߴߊ߬ ߡߊ߬߸ ߊ߬ ߡߊ߰ߙߌ ߟߊ߫ ߖߊ߬ߡߊߙߌ ߟߊ߫،ߣߴߌ ߘߌ߫ ߛߋ߫ ߞߊ߬ ߏ߬ ߞߍ߫ ، ߌ ߦߴߌ ߡߊߕߊ߯ ߝߋ߲߫ ߠߊ߫ ߊߟߊ߫ ߞߊ߬ ߡߍ߲ ߠߊߕߐ߲߫ ߌ ߡߊ߬ ߸ ߦߏ߫ ߝߊ߬ߟߊ߲߬ߞߊ߬ߝߏ߬ߦߊ ߊ߬ ߣߌ߫ ߣߌ ߝߊ߯ ߸ ߊ߬ ߣߌ߫ ߣߊ߲߬ߝߟߏ߬ ߟߊߕߐ߲ߣߍ߲ ߘߊߥߎ߲، ߣߴߊ߬ ߘߍ߲߬ߞߣߍ߬ߦߊ߬ߣߍ߲ ߊߟߊ߫ ߡߊ߬ ߞߊ߬ ߓߊ߯ߙߊ߫ ߓߊߕߏ ߢߌ߲߬ ߠߎ߬ ߟߊ߫ ߞߵߌ ߡߊ߬ ߕߊ߫ ߞߏ߫ ߤߙߊ߬ߡߎ߬ߣߍ߲ ߠߊ߫ ߌ ߦߋ߫ ߛߌߟߡߊ ߟߋ߬ ߘߌ߫ ߘߎߢߊ߫ ߞߣߐ߫،ߟߐ߬ߓߊ ߟߏ߲ ߠߊ߫ ߊߟߊ߫ ߘߌ߫ ߤߙߊ߫ ߕߍ߰ߓߊߟߌ ߣߌ߫ ߓߊ߲ߓߊߟߌ ߞߊߘߊߎ ߘߴߌ ߡߊ߬ ߊߙߌߖߣߍ.

ߦߊ߯ߟߊ߫ ߛߌ߬ߟߡߊ߬ߦߊ ߦߋ߫ ߡߐ߱ ߟߎ߬ ߟߊ߫ ߘߌ߯ߣߊ ߟߋ߬ ߘߌ߫ ߥߊߟߌߡߊ߫ ߡߊ߲߬ߕߏ߲ ߘߏ߫ ߕߊ ߟߋ߬ ؟

ߛߌ߬ߟߡߊ߬ߦߊ ߦߋ߫ ߊߟߊ߫ ߟߊ߫ ߘߌ߯ߣߊ ߟߋ߬ ߘߌ߫ ߡߐ߱ ߟߎ߬ ߓߍ߯ ߦߋ߫ ߸ ߘߏ߫ ߡߊ߬ ߝߌ߬ߛߊ߬ ߘߏ߫ ߘߌ߫ ߝߏ߫ ߝߊ߲ߕߊ߲ߞߊߓߊ߮ ߣߌ߫ ߓߊ߯ߙߊ߫ ߢߌߡߊ ߞߍߟߊ߫ ،ߡߐ߱ ߟߎ߬ ߓߍ߯ ߞߊߡߵߊ߬ ߘߐ߫.

ߡߐ߱ ߟߎ߬ ߦߋ߫ ߞߋߟߊ ߟߎ߬ ߟߊ߫ ߕߎ߬ߢߊ ߟߐ߲߫ ߠߊ߫ ߘߌ߬ ߞߛߌ ߣߌ߫ ߣߍߡߊ ߦߴߊ߬ ߟߎ߬ ߦߋ߫؟

ߡߐ߱ ߟߎ߬ ߦߋ߫ ߞߋߟߊ ߟߎ߬ ߟߊ߫ ߕߎ߬ߢߊ ߟߐ߲߫ ߠߊ߫ ߢߊ߫ ߛߌߦߊߡߊ߲ ߠߋ߬ ߡߊ߬ ߦߏ߫ ߕߊ߲߬ :

ߕߎ߬ߢߊ߬ ߝߋ߲-ߋ-ߝߋ߲߬ ߣߴߊ߬ߟߎ߬ ߣߊ߬ߣߍ߲߫ ߞߊ߲ߘߦߊ ߝߋ߲-ߋ-ߝߋ߲߫ ߘߌ߫߸ ߏ߬ ߦߋ߫ ߟߊߘߌ߬ߢߍ߬ ߟߊ߫ ߦߟߌߟߊ߫ ߣߌ߫ ߣߙߏߟߏ߲ ߢߌߡߊ ߟߋ߬ ߓߟߏ߫،ߤߊߞߟߌ ߦߋ߫ ߛߙߋߦߊ߫ ߟߊ߫ ߏ߬ ߟߊ߫ ߢߎ߬ߡߊ ߦߊ ߟߊ߫ ،ߝߋ߲ ߛߌ߫ ߕߍ߫ ߛߋ߫ ߣߊ߬ ߟߊ߫ ߞߋߟߊ ߘߋ߲ ߠߎ߬ ߕߊ ߛߎ߮ ߘߌ߫.

ߞߋߟߊ ߟߎ߫ ߣߊ߬ ߣߍ߲߫ ߡߍ߲ ߘߌ߫ ߸ ߏ߬ ߟߋ ߣߊ߬ ߣߍ߲߫ ߡߐ߱ ߟߎ߬ ߟߊ߫ ߣߊߡߎ߲ ߠߎ߬ ߣߴߊ߬ߟߎ߬ ߟߊ߫ ߘߎߢߊ ߟߢߊ߬ߟߌ ߘߌ߫ ، ߊ߬ ߣߌ߫ ߞߵߊ߬ߟߎ߬ ߟߊ߫ ߞߏ ߟߎ߬ ߟߊߕߋߟߋ߲߫ ߊ߬ ߣߌ߫ ߞߵߊ߬ߟߎ߬ ߟߊ߫ ߛߏߡߐ߯ߦߊ ߟߐ߬، ߊ߬ ߣߴߊ߬ߟߎ߬ ߟߊ߫ ߣߊߡߎ߲ ߠߎ߬ ߣߴߊ߬ߟߎ߬ ߤߊߞߟߌ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߣߴߊ߬ߟߎ߬ ߟߊ߫ ߡߊ߲߬ߕߎ߬ߙߋ ߟߎ߬ ߟߊߕߊ߲߬ߞߊ߬.

ߞߋߟߊߘߋ߲ ߠߎ߬ ߕߍ߫ ߛߙߊ߬ ߢߌߣߌ߲߫ ߠߊ߫ ߡߐ߰ ߛߌ߫ ߝߍ߬ ߊ߬ߟߎ߬ ߞߍ߫ ߞߊ߬ ߤߙߊ ߣߌ߫ ߞߊ߲ߘߦߊ ߦߌ߬ߘߵߊ߬ߟߎ߬ ߟߊ߫ ،ߤߊߟߌ߫ ߊ߬ߟߎ߬ ߦߴߊ߬ߟߎ߬ ߛߙߊ ߡߊߞߐ߬ߣߐ߲ ߠߴߊ߬ߟߎ߬ ߡߊ߰ߙߌ ߝߍ߬.

ߞߋߟߊ ߟߎ߬ ߣߊ߬ߣߍ߲߫ ߡߍ߲ ߘߌ߫ ߸ ߏ߬ ߦߋ߫ ߕߎ߬ߢߊ߬ ߟߋ߬ ߘߌ߫߸ ߛߌߞߊ߫ ߛߌ߫ ߕߍ߫ ߊ߬ ߘߐ߫، ߊ߬ ߕߋ߫ ߢߐ߲߰ ߛߐ߬ߛߐ߬ߟߊ ߥߊߟߌߡߊ߫ ߞߊ߬ ߢߊߡߌ߲ߕߊ، ߟߊߝߐߓߊ߮ ߓߍ߯ ߦߋ߫ ߟߊ߬ߝߐ߬ߓߊ߮ ߕߐ߭ ߟߎ߬ ߕߎ߬ߢߊ߲߬ߕߋ߬ߦߊ ߟߊ߫ ߡߍ߲ ߠߎ߬ ߕߊ߬ߡߌ߲߬ߣߍ߲ ߊ߬ ߣߌ߫ ߞߊ߬ ߞߟߌߟߌ߫ ߞߍ߫ ߏ߬ ߕߊ ߛߎ߮ ߟߊ߫.

ߊߟߊ߫ ߞߊ߬ ߞߋߟߊߘߋ߲ ߠߎ߬ ߝߊ߲߬ߞߊߘߏ߲߬ ߞߛߌ ߣߌ߫ ߣߍߡߊ ߦߴߊ߬ ߟߎ߬ ߦߋ߫ ߟߝߊߙߌ ߟߊ߲ߞߣߍߡߊߣߍ߲ ߠߎ߬ ߣߌ߫ ߞߓߊߣߊ߲ߞߏߓߊ ߞߏߕߊ߬ ߟߎ߬ ߟߊ߫ ߊߟߊ߫ ߦߋ߫ ߡߍ߲߫ ߞߍ߫ ߟߊ߫ ߊ߬ ߟߎ߬ ߓߟߏ߫ ߞߏߛߊ߫ ߊ߬ ߘߌ߫ ߞߍ߫ ߛߙߋߦߊ ߕߎ߬ߢߊ ߡߊ߬ ߘߌ߬ ߞߏ߫ ߞߋߟߊ ߟߎ߬ ߟߋ߫ ߞߊ߬ ߝߙߊ߬ ߊߟߊ߫ ߟߊ߫ ،ߞߓߊߣߊ߲ߞߏߓߊ ߘߐ߫ ߓߟߋ߬ߓߟߋ ߟߋ߬ ߞߋߟߊߘߋ߲ ߠߎ߬ ߟߊߓߊ߲߫ ߡߎߤ߭ߊߡߡߊߘ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߏ߬ ߟߋ߬ ߞߎ߬ߙߊ߬ߣߊ߫ ߞߊߟߊ߲ߞߋ ߘߌ߫.

ߞߎ߬ߙߣߊ߬ ߞߟߊߒߞߋ ߦߋ߫ ߡߎ߲߬ ߘߌ߫؟

ߞߎ߬ߙߊ߬ߣߊ߬ ߞߟߊߒߞߋ ߦߋ߫ ߖߊ߯ߓߊ ߘߏ߲߬ߞߏ ߟߎ߬ ߡߊ߰ߙߌ ߟߊ߫ ߞߊ߬ߝߊ ߟߋ߬ ߘߌ߫، ߏ߬ ߦߋ߫ ߊߟߊ߫ ߞߎߡߊߞߊ߲ ߠߋ߬ ߘߌ߫ ߞߋ߲ߛߐ߲߫ ߖߌ߬ߓߙߌ߬ߟߎ߫ ߞߊ߬ ߡߍ߲߫ ߣߊߖߌ߰ ߞߋߟߊ ߡߏ߬ߤ߭ߊߡߡߊߘ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ،ߊߟߊ߫ ߞߵߊ߬ ߟߐ߲߫ ߘߌߦߊߜߏߦߊ߫ ߟߴߊ߬ ߣߌ߫ ߞߋߛߐ߲ ߠߎ߬ ߣߌ߫ ߞߊ߬ߝߊ ߟߎ߬ ߣߌ߫ ߗߋߘߋ߲ ߠߎ߬ ߣߌ߫ ߟߏ߲ ߠߊߓߊ߲ ߣߌ߫ ߟߊߕߍ߰ ߢߌ߬ߡߊ ߣߴߊ߬ ߖߎ߯ߡߊ߲ ، ߓߊ߬ߕߏ ߘߌߦߊߜߏߦߊ ߟߎ߬ ߦߴߏ߬ ߘߐ߫ ، ߊ߬ ߣߌ߫ ߤߙߊߡߎ߲ ߠߎ߬ ߝߣߊ߫ ߦߴߊ߬ ߘߐ߫ ߖߊ߲߬ߕߏ߫ ߞߊ߬ ߞߊ߲߫ ߞߊ߬ ߡߍ߲ ߠߎ߬ ߘߐ߫، ߊ߬ ߣߌ߫ ߖߏ߯ ߝߌ߬ߛߊ߬ߡߊ߲߬ߒߕߋ ߟߎ߬ ߊ߬ ߣߌ߫ ߖߙߊ߬ߞߌ߬ߕߊ ߟߎ߬، ߊ߬ ߣߌ߫ ߝߋ߲ ߏ-ߝߋ߲߬ ߘߍ߲ ߠߍ߲ ߡߐ߱ ߟߎ߬ ߟߊ߫ ߘߌ߯ߣߊ ߞߏߖߊ ߟߎ߬ ߟߊ߫، ߊ߬ ߣߌ߫ ߟߊ߯ߞߌߙߊ߫ ߟߊ߫، ߞߓߊߞߏߦߊ߫ ߟߍߙߊ߫ ߟߋ߬ ߊߟߊ߫ ߞߊ߬ ߡߐ߱ ߟߎ߬ ߢߌߣߌ߲߫ ߞߏ߫ ߞߊߣߵߊ߬ ߢߐ߲߱ ߘߌ߫، ߊ߬ ߟߊ߫ ߕߊ߲߬ߞߊ߬ߣߍ߲߫ ߤߊ߲߯ ߟߐ߬ߓߊ ߟߏ߲ ߊߙߊߓߎߞߊ߲ ߘߐ߫ ߊ߬ ߖߌ߰ߣߍ߲ ߡߍ߲ ߘߐ߫ ߛߓߍߘߋ߲ ߛߌ߫ ߡߊ߫ ߓߐ߫ ߊ߬ ߟߊ߫، ߞߎߡߊߘߋ߲ ߛߌ߫ ߘߏ߲߬ ߡߊ߫ ߡߊߝߊ߬ߟߋ߲߬.

ߥߎߟߌ ߣߌ߫ ߖߊ߬ߕߋ߬ߓߐ ߘߊ߬ߟߌߟߎ ߦߋ߫ ߡߎ߲߬ ߘߌ߫ ߓߏ߲߰؟

ߦߊ߯ߟߊ߫ ߊߟߎ߫ ߡߴߊ߬ ߦߋ߫ ߞߏ ߘߎ߰ߞߟߏ߫ ߛߊ߬ߣߍ߲߫ ߘߋ߬ ߢߣߊߡߊߦߊ ߣߌ߫ ߖߌ ߖߌߘߊ ߊ߬ ߞߊ߲߬ ߊ߬ ߘߌ߫ ߦߙߍ߬ߦߙߍ߫ ߊ߬ ߣߌ߫ ߞߊ߬ ߦߙߌ߫ ߢߎߡߊ߲ ߓߍ߯ ߝߊ߬ߟߋ߲߬ ߡߐ߱ ߡߍ߲߫ ߦߋ߫ ߢߣߊߡߦߊ ߘߌ߫ ߊ߬ ߡߊ߬ ߑ ߏ߬ ߘߌ߫ ߛߋ߫ ߞߊ߬ ߢߣߊߡߦߊ ߘߌ߫ ߛߊ߬ߓߊ ߟߎ߬ ߡߊ߬، ߊ߬ߟߋ ߟߋ߫ ߞߊ߬ ߡߐ߱ ߘߊ߲߫ ߛߖߌ ߘߐ߫ ߖߌ ߡߊߟߏߦߊߣߍ߲ ߘߐ߫ ߊ߬ ߓߋ߫ ߛߋ߫ ߞߵߊ߬ ߟߊߥߎߟߌ߫ ߟߐ߬ߓߊ ߟߏ߲ ߞߵߊ߬ ߞߐ߲ߕߍߓߐ ߞߵߊ߬ ߛߙߊ߬ ߛߙߊ ߘߝߊߣߍ߲߫ ߠߊ߫ ߣߌ߫ ߢߎߡߊ ߟߋ߫ ߢߎ߬ߡߊ ߟߋ߬ ߣߌ߫ ߖߎߡߊ߲ ߠߋ߫ ߖߎߡߊ߲ ߠߋ߬، ߡߍ߲ ߞߊ߬ ߛߊ߲ ߠߎ߬ ߣߌ߫ ߘߎ߱ ߣߌ߫ ߟߏߟߏ߭ ߟߎ߬ ߘߊ߲߫ ߏ߬ ߘߌ߫ ߛߋ߫ ߊߘߡߊߘߋ߲ ߘߊ߲߫ ߣߊ߬ ߛߋߦߌ߫ ߟߊ߫ ،ߞߊ߬ߡߊߛߐ߬ߘߐ߲߬ ߘߊ߲߬ ߠߌ ߟߊ߫ ߛߋ߬ߦߌ߫ ߝߌߟߊߣߊ߲ ߏ߬ ߣߐ߰ߡߊ߲߬ ߛߊ߲߬ ߠߎ߬ ߣߌ߫ ߘߎ߱ ߟߎ߬ ߘߊ߲߫ ߘߌ߫.

ߡߎ߲߬ ߞߍ߫ ߕߐ߫ ߟߐ߬ߓߊ ߟߏ߲ ؟

ߡߊ߰ߙߌ ߞߘߐߕߊ߬ߣߍ߲߬ߓߊ ߦߋ߫ ߘߊ߲ߝߋ߲ ߠߎ߬ ߟߊߞߎߣߎ߲߫ ߠߊ߫ ߞߊ߬ ߓߐ߫ ߊ߬ߟߎ߬ ߟߊ߫ ߛߊ߬ߙߌ ߟߎ߬ ߘߐ߫ ߏ߬ ߞߐ߫ ߞߵߊ߬ ߟߎ߬ ߞߐ߲ߕߍߓߐ ߊ߬ ߟߎ߬ ߓߊ߯ߙߊ ߟߎ߬ ߟߊ߫ ،ߣߌ߫ ߡߍ߲߫ ߟߌߡߣߊߦߊ߫ ߘߊ߫ ߞߊ߬ ߞߋߟߊ ߟߎ߬ ߕߎ߬ߢߊ߲߬ߕߋ߬ߦߊ ߊ߬ ߘߌ߫ ߏ߬ ߟߊ߫ ߘߏ߲߬ ߊߙߌߖߣߍ ،ߡߍ߲ ߣߍߡߊ ߕߋ߫ ߕߍ߫ ߟߊ߫ ߊ߬ ߓߏ߲߬ߧߊ ߕߍ߫ ߣߊ߬ ߡߐ߱ ߛߌ߫ ،ߣߌ߫ ߡߍ߲߫ ߞߎ߲߬ߘߐ߫ ߊ߬ ߣߌ߫ ߡߍ߲ ߓߊ߲ߓߦߊ ߘߊ߫ ߊ߬ ߘߌ߫ ߏ߬ ߟߊߘߏ߲߬ ߥߋ߲߯ߓߋ ߘߐ߫ ߏ߬ ߦߋ߫ ߕߙߐ߫ ߞߎߘߊߦߌ߫ ߡߐ߱ ߕߴߛߋ߫ ߡߍ߲ ߖߌ߰ ߟߊ߫ ،ߣߌ ߡߐ߬ ߘߏ߲߬ ߣߊ߬ ߊߙߌߖߣߍ߫ ߥߟߊ߫ ߖߊߤߊ߲ߣߡߊ ߊ߬ ߕߍ߫ ߛߊ߬ ߊߓߊߘߊ߲߫ ߓߊ ߊ߬ ߕߍ߫ ߛߊ߬ ߊ߬ ߘߌ߫ ߕߏ߫ ߣߌߛߐߘߌߦߊ ߘߐ߫ ߤߊߡߊ߲ߕߍ߫ ߕߙߐ߫ ߘߐ߫.

ߣߌ߫ ߡߐ߬ ߦߵߊ߬ ߝߍ߬ ߞߊ߬ ߘߏ߲߬ ߛߌ߬ߟߡߊ߬ߦߊ ߘߐ߫ ߊ߬ ߣߌ߫ ߡߎ߲߬ ߞߊ߬ ߞߊ߲߫، ߦߊ߯ߟߊ߫ ߞߍߢߊ ߦߋ߫ ߦߋ߲߬ ߡߍ߲ ߞߊ߫ ߞߊ߲߫ ߞߊ߬ ߞߍ߫، ߤߊߡߊ߲ߕߍ߫ ߡߐ߱ ߟߎ߬ ߟߋ߫ ߦߋ߫ ߦߋ߲߬ ߡߍ߲ ߠߎ߬ ߞߊ߫ ߞߊ߲߫ ߞߊ߲߬ ߘߌߢߍ߬؟

ߣߌ߫ ߡߐ߱ ߞߵߊ߬ ߟߐ߲߫ ߞߏ߫ ߘߌߣߊ߬ ߕߎ߬ߢߊ ߡߊ߬ ߦߋ߫ ߛߌ߬ߟߡߊ߬ߦߊ ߟߋ߬ ߘߌ߫، ߞߏ߫ ߖߊ߯ߓߊ ߘߏ߲߬ߞߏ ߟߎ߬ ߡߊ߰ߙߌ ߟߊ߫ ߘߌߣߊ߫ ߟߋ߬، ߊ߬ ߞߊ߫ ߞߊ߲߫ ߞߊ߬ ߕߋߙߌߦߊ߫ ߞߊ߬ ߓߌ߬ߟߊ߬ ߛߌ߬ߟߡߊ߬ߦߊ ߘߐ߫; ߓߊߏ߬ ߣߌ߫ ߤߊߞߟߌߡߊ ߞߊ߬ ߕߎ߬ߢߊ߫ ߦߋ߫ ߊ߬ ߞߊ߬ ߞߊ߲߫ ߞߊ߬ ߕߋߙߌߦߊ߫ ߏ߬ ߡߊ߬، ߊ߬ ߞߊ߬ ߣߊ߬ ߏ߬ ߟߊ߫ ߛߎߡߦߊ߫ ߡߎ߯ߡߍ߫. ߡߍ߲ ߦߴߊ߬ ߝߍ߬ ߞߊ߬ ߘߏ߲߬ ߛߌ߬ߟߡߊ߬ߦߊ ߘߐ߫ ߏ߬ ߕߍ߫ ߣߊߡߎ߲ ߞߙߍߞߙߍߣߍ߲ ߘߏ߫ ߟߎ߫ ߞߍ߫ ߟߊ߫، ߊ߬ ߡߊ߲߫ ߞߊ߲߫ ߞߊ߬ ߞߍ߫ ߡߐ߰ ߛߌ߫ ߢߊߞߘߐ߫، ߣߴߊ߬ ߦߋ߫ ߛߌ߬ߟߊ߬ߡߊ ߟߎ߬ ߕߍ߫ ߥߟߊ߫ ߛߌ߬ߟߡߊ߬ߦߊ߬ ߕߊ߲ߓߊ߲ ߘߐ߫ ߏ߬ ߞߊߢߌ߲߬ ߣߴߏ߬ ߕߍ߫ ߏ߬ ߘߌ߫ ߓߐߟߌ ߞߍ߫ ߊ߬ ߦߋ߫، ߊ߬ ߦߴߊ߬ ߝߐ߫ ߞߏ߫ :( ߒ ߓߘߊ߫ ߛߙߋߕߋߕߋߦߊ߫ ߞߏ߫ ߓߊ߬ߕߏ߬ߕߊ߫ ߜߘߍ߫ ߕߍ߫ ߊߟߊ߫ ߞߐ߫ ߒ ߓߘߊ߫ ߛߙߋߕߋߕߋߦߊ߫ ߞߏ߫ ߡߎߤ߭ߊߡߡߊߘ ߦߋ߫ ߊߟߊ߫ ߟߊ߫ ߞߋߟߊ߫ ߟߋ߬ ߘߌ߫ )، ߏ߬ ߞߐ߫ ߞߊ߬ ߛߌ߬ߟߡߊ߬ߦߊ߬ ߛߊߙߌߦߊ ߕߐ߭ ߟߎ߬ ߞߊߙߊ߲ ߘߏ߯ߣߍ߲ߘߏ߯ߣߍ߲߫، ߥߟߊߛߊ߫ ߊߟߊ߫ ߞߊ߬ ߡߍ߲ ߠߎ߬ ߝߐ߫ ߊ߬ ߦߋ߫ ߏ߬ ߞߍ߫ ߊ߬ ߢߊ ߡߊ߬.

ߥߟߊߛߊ߫ ߞߊ߬ ߞߎ߲߬ߠߊ߬ߝߎߟߋ߲߫ ߠߎ߬ ߡߊߞߊ߬ߝߏ߬: