“ఎవరైనా ఇతరులకు హాని కలిగించినట్లయితే, అల్లాహ్ అతనికి హాని కలుగజేస్తాడు. మరియు ఎవరైనా ఇతరులను కఠిన పరిస్థితులకు లోను చేసినట్లయితే, అల్లాహ్ అతడికి కఠిన పరిస్థితులను కల్పిస్తాడు”
అబీ సిర్మహ్ రజియల్లాహు అన్హు ఉల్లేఖనం : “రసూలుల్లాహ్ సల్లల్లాహు అలైహి వసల్లం ఇలా పలికినారు:
“ఎవరైనా ఇతరులకు హాని కలిగించినట్లయితే, అల్లాహ్ అతనికి హాని కలుగజేస్తాడు. మరియు ఎవరైనా ఇతరులను కఠిన పరిస్థితులకు లోను చేసినట్లయితే, అల్లాహ్ అతడికి కఠిన పరిస్థితులను కల్పిస్తాడు”.
«مَنْ ضَارَّ ضَارَّ اللهُ بِهِ، وَمَنْ شَاقَّ شَقَّ اللهُ عَلَيْهِ».
ఈ హదీసులో ప్రవక్త సల్లల్లాహు అలైహి వసల్లం ఎవరికైనా హాని కలుగ జేయరాదని హెచ్చరిస్తున్నారు. ప్రత్యేకంగా ఒక ముస్లిం, తన తోటి సహోదర ముస్లింనకు. అతనికి సంబంధించిన ఏ విషయములోనైనా సరే, అతనికి హాని కలుగజేయరాదు. ఉదాహరణకు అతనికి వ్యక్తిగతంగా గానీ, అతని సంపదలో గానీ లేదా అతకి కుటుంబానికి గానీ హాని కలుగజేయరాదు. ఒకవేళ ఎవరైనా అలా చేసినట్లయితే, అల్లాహ్ వారి ఆచరణను బట్టి వారికి తగిన ప్రతిఫలాన్నిస్తాడు (శిక్షిస్తాడు).
...:
ఇందులో ఒక ముస్లింనకు హాని కలుగజేయుట లేక అతడిని కఠిన పరిస్థితులకు లోను చేయుట ‘హరాం’ (నిషేధము) అని తెలుస్తున్నది.
ఇందులో తన దాసుల తరఫున అల్లాహ్ యొక్క ప్రతీకారము తెలుస్తున్నది.
సునన్ అబీదావూద్ (5/ 477) (3635).
సునన్ అత్తిర్మిదీ. (3/ 495) (1940).
సునన్ ఇబ్న్ మాజహ్ (3/ 432) (2342).
ముస్నద్ అహ్మద్ (25/ 34) (15755).
ఇంకా (8)
مساوئ الأخلاق.
للخرائطي (ص: 274) (583).
توضيح الأحكام مِن بلوغ المرام.
للبسام (7/ 445).
فتح ذي الجلال والإكرام شرح بلوغ المرام.
لابن عثيمين (6/ 396).
منحة العلام في شرح بلوغ المرام.
لعبد الله الفوزان (10/ 261).