Adisọkan to ni alaafia ati ohun ti o takò ó
Iwé apilẹkọ àkọ́kọ́ Iwe tí Ọlọla, ẹniọwọ, oní mimọ àgbà Ọpẹ ni fun Ọlọhun nikan, ikẹ ati ọla ki o lọ maa ba ẹniti ko si Anọbi kankan mọ lẹyin rẹ, ati lori awọn ara ile rẹ ati awọn saabe rẹ. Lẹ́yìn náà: Dájúdájú nígbà tí adisọkan tí ó ní àlàáfíà jẹ ìpìlẹ̀ ẹsin Islam, ati ìpìlẹ̀ ẹsin, ìdí nìyẹn ti mo fi wò ó pé o ṣe pataki lati sọrọ nipa àkòrí yii, ati kíkọ ati ṣíṣe tira láti ṣe àlàyé rẹ̀ ati íṣe afihan rẹ̀.
These files are generated automatically from the book's text; their layout may differ from the printed edition.
Iwé apilẹkọ àkọ́kọ́
Adisọkan to ni alaafia ati ohun ti o takò ó
Iwe tí Ọlọla, ẹniọwọ, oní mimọ àgbà
Abdul Azeez ọmọ Abdullah ọmọ Bāz kọ
Ọpẹ ni fun Ọlọhun nikan, ikẹ ati ọla ki o lọ maa ba ẹniti ko si Anọbi kankan mọ lẹyin rẹ, ati lori awọn ara ile rẹ ati awọn saabe rẹ.
Lẹ́yìn náà: Dájúdájú nígbà tí adisọkan tí ó ní àlàáfíà jẹ ìpìlẹ̀ ẹsin Islam, ati ìpìlẹ̀ ẹsin, ìdí nìyẹn ti mo fi wò ó pé o ṣe pataki lati sọrọ nipa àkòrí yii, ati kíkọ ati ṣíṣe tira láti ṣe àlàyé rẹ̀ ati íṣe afihan rẹ̀.
Ati pé ohun ti a mọ pẹ̀lú àwọn ẹ̀rí ilana ofin ti ọ wá láti inú Kuraani ati Hadiisi ni pé: àwọn iṣẹ́ ati ọ̀rọ̀ maa ni àlàáfíà ti wọn si maa jẹ itẹwọgba ti wọn ba jáde latara adisọkan tí ó ni àlàáfíà, àmọ́ ti adisọkan ko ba ni àlàáfíà, dájúdájú gbogbo nǹkan ti o ba jáde latara rẹ bii iṣẹ ati ọrọ yóò maa bajẹ ni, gẹ́gẹ́ bí Ọlọhun ti ọla Rẹ ga ṣe sọ pé: « Ẹnikẹ́ni tí ó bá lòdì sí ìgbàgbọ́ òdodo, iṣẹ́ rẹ̀ ti bàjẹ́. Ní Ọjọ́ Ìkẹ́yìn, ó sì máa wà nínú àwọn ẹni òfò.» [Al-Mâ'idah: 5].
Ọlọhun Ọba- ti ọla Rẹ ga- sọ pe: « Dájúdájú A ti fi ibasọrọ ni kọkọ ránṣẹ́ sí ìwọ àti àwọn tó ṣíwájú rẹ (pé) “Dájúdájú tí o bá ṣẹbọ, iṣẹ́ rẹ máa bàjẹ́. Dájúdájú o sì máa wà nínú àwọn ẹni òfò.» [Az-Zumar:65].
Awọn Aayah to wa lori itumọ yii pọ. Ati pe iwe Ọlọhun ti o han ati Hadiisi ojisẹ Rẹ olufọkantan - ki eyi to daa ju ninu ikẹ ati ọla maa ba a lati ọdọ Ọlọhun rẹ - da lori pe adisọkan to ni alaafia kójọ ní ṣókí si awọn àlámọ̀rí mẹ́fà, awọn naa ni: nini igbagbọ ninu Ọlọhun ati awọn Malaika Rẹ ati awọn iwe Rẹ ati awọn ojisẹ Rẹ ati ọjọ ikẹyin ati ninu kadara, daada rẹ ati aburu rẹ̀. Nitori naa awọn nkan mẹfẹẹfa yii naa ni: awọn ìpìlẹ̀ adisọkan to ni alaafia eleyi ti iwe Ọlọhun Abiyi sọkalẹ pẹlu ẹ, ti Ọlọhun sì gbe Anọbi Muhammad dide pẹlu ẹ (ki ikẹ ati ọla Ọlọhun maa ba a),
Atipe dajudaju awọn ẹri ti o nda lori awọn ìpìlẹ̀ mẹfẹẹfa yii ti wa lọpọlọpọ ninu Al-Qur'an ati Sunnah ti o ni alaafia, ati ninu iyẹn gẹgẹ bi apẹẹrẹ ni nkan ti o tẹle e yii:
Akọkọ: Awọn ẹri lati inu Al-Qur'an; ninu wọn ni: Ọ̀rọ̀ Ọlọhun -Ọba ti O ni agbara ti O si tobi-: «Kì í ṣe ohun rere ni pé, kí ẹ kọjú sí agbègbè ibùyọ òòrùn àti ibùwọ̀ òòrùn, àmọ́ (olùṣe) rere ni ẹnikẹ́ni tó bá gbàgbọ́ nínú Allāhu, Ọjọ́ Ìkẹ́yìn, àwọn mọlāika, Tírà (al-Ƙur’ān), àti àwọn Ànábì...» Suuratul Baqara: 177
Ati ọrọ Rẹ, mimọ ni fun Un, ti ọlá Rẹ ga, ti o sọ pé: « Òjíṣẹ́ náà - kí ìkẹ́ àti ọlà máa bá a - ní ìgbàgbọ́ si ohun tí wọ́n sọ̀kalẹ̀ fún un láti ọ̀dọ̀ Olúwa rẹ̀. Àti Àwọn onígbàgbọ́ òdodo náà (gbàgbọ́ nínú rẹ̀). Ẹnì kọ̀ọ̀kan (wọn) ni igbàgbọ́ sí Allāhu, àwọn mọlāika Rẹ̀, àwọn Tírà Rẹ̀ àti àwọn Òjíṣẹ́ Rẹ̀. A kò ya ẹnì kan sọ́tọ̀ nínú àwọn Òjíṣẹ́ Rẹ̀..... » [Al-Baqarah: 285],
Ati ọrọ Rẹ, mimọ ni fun Un, ti o sọ pe: « Ẹ̀yin tí ẹ gbàgbọ́ ní òdodo, ẹ gbàgbọ́ dáadáa nínú Allāhu àti Òjíṣẹ́ Rẹ̀, àti Tírà tí (Allāhu) sọ̀kalẹ̀ fún Òjíṣẹ́ Rẹ̀, àti Tírà tí Ó sọ̀kalẹ̀ ṣíwájú. Ẹnikẹ́ni tí ó bá ṣàì gbàgbọ́ sí Allāhu, àwọn mọlāika Rẹ̀, àwọn Tírà Rẹ̀, àwọn Òjíṣẹ́ Rẹ̀ àti Ọjọ́ Ìkẹyìn, dájúdájú ó ti ṣìnà ní ìṣìnà tó jìnnà tefétefé.» [An-Nisaa: 136],
Ati ọrọ Rẹ, mimọ ni fun Un, ti o sọ pe: « Ṣé o ò mọ̀ pé dájúdájú Allāhu l’Ó mọ ohun tí ń bẹ nínú sánmọ̀ àti ilẹ̀? Dájúdájú (àkọsílẹ̀) ìyẹn wà nínú tírà kan. Dájúdájú ìyẹn rọrùn fún Allāhu lati mọn» [Al-Hajj: 70].
Ẹlẹẹkeji: Awọn ẹri lati inu Sunnah; ninu rẹ ni Hadiisi ti o ni alaafia ti o gbajugbaja eleyi ti Muslim gba a wa ninu sohiihu rẹ, ninu Hadiisi adari awọn musulumi Umar ọmọ Al-Khattob- ki Ọlọhun yọnu si i- pe dajudaju Jibril- ki ikẹ Ọlọhun maa ba a- bi Anọbi- ki ikẹ Ọlọhun ati ọla Rẹ maa ba a- nipa igbagbọ, ti o si sọ fun un pe: "«Igbagbọ ni ki o ni igbagbọ sí Ọlọhun, ati awọn Mọlaika Rẹ, ati awọn iwe Rẹ, ati awọn Ojiṣẹ Rẹ, ati ọjọ ikẹyin, ati ki o ni igbagbọ ninu kadara, daada rẹ̀ ati aburu rẹ̀»[1]." Hadiisi, Ti Bukhari ati Muslim mu u jade - pẹlu iyatọ diẹ - láti inú hadith Abu Hurairah - kí Ọlọhun yonu sí. [1] Muslim ni o gbe e jade (8).
O jẹ jade lati ara awọn ìpìlẹ̀ mẹfẹẹfa yii: Gbogbo nkan ti o jẹ dandan fun Musulumi lati di sọkan, ati lati ni igbagbọ ninu rẹ nipa iwọ Ọlọhun, ti agbara ati ọla Rẹ ga, ati nipa alamọri alukiyaamọ, ati nkan ti o yatọ si iyẹn ninu awọn alamọri kọkọ; ninu nkan ti Ọlọhun, ti agbara ati ọla Rẹ ga, ati Ojisẹ Rẹ fun wa ni iro nipa rẹ - ki ikẹ Ọlọhun ati ọla Rẹ maa ba a-.
Atipe báyìí ni àlàyé awọn ìpìlẹ̀ mẹfẹẹfa yii rí:
Ipilẹ Alakọkọ: Nini igbagbọ ninu Ọlọhun- ti ọla Rẹ ga-
O si ni ọpọlọpọ awọn nkan ninu; ninu wọn ni: Nini igbagbọ pe dajudaju Òun ni Ọlọhun ododo ti O lẹtọọ si ijọsin yatọ si gbogbo nkan ti o yatọ si I; nitori pe O jẹ Aṣẹ̀dá awọn ẹrusin ti O si jẹ Oluṣe dáadáa si wọn, ti O n mu awọn ijẹ-imu wọn wa fun wọn, ti O ni imọ nipa kọkọ wọn ati gbangba wọn, ti O ni ikapa lati san awọn olutẹle E ninu wọn ni ẹsan, ati lati jẹ awọn oluyapa Rẹ ni iya.
Ọlọhun da awọn eeyan ati alujannu nitori ijọsin yii, O si pa wọn laṣẹ pẹlu rẹ, gẹgẹ bi Ọba ti O ga ṣe sọ pe: Àti pé Èmi kò ṣẹ̀dá àlùjànnú àti ènìyàn bí kò ṣe pé kí wọ́n lè jọ́sìn fún Mi. Èmi kò gbèrò arísìkí kan láti ọ̀dọ̀ wọn. Èmi kò sì gbèrò pé kí wọ́n máa bọ́ Mi. Dájúdájú Allāhu, Òun ni Olùpèsè, Alágbára líle. Sūratudh Dhāriyāt: 56-58.
Ọlọhun Ọba- ti ọla Rẹ ga- sọ pe: «Ẹ̀yin ènìyàn, ẹ jọ́sìn fún Olúwa yín, Ẹni tí Ó dá ẹ̀yin àti àwọn tó ṣíwájú yín, nítorí kí ẹ lè máa bẹ̀rù Allāhu (kí ẹ sì lè ṣọ́ra fún ìyà Iná». (Ẹ jọ́sìn fún) Ẹni tí Ó ṣe ilẹ̀ fún yín ní ìtẹ́, (Ó ṣe) sánmọ̀ ní àjà (le yín lórí), Ó sọ omi kalẹ̀ láti sánmọ̀ (fún yín), Ó sì fi mú àwọn èso jáde ní ìjẹ-ìmu fún yín. Nítorí náà, ẹ má ṣe bá Allāhu wá akẹgbẹ́, ẹ sì mọ̀ (pé kò ní akẹgbẹ́). Suratul Baqarat: 21-22
«Ọlọhun ti ran awọn Ojisẹ, O si ti sọ awọn iwe kalẹ lati ṣe alaye òdodo yii ati pipepe lọ sibẹ, ati ṣiṣe ikilọ kuro nibi nkan ti o tako o, gẹ́gẹ́ bí Ọlọhun ṣe sọ pe:» Dájúdájú A ti gbé Òjíṣẹ́ dìde nínú ìjọ kọ̀ọ̀kan (láti jíṣẹ́) pé: “Ẹ jọ́sìn fún Allāhu. Kí ẹ sì jìnnà sí àwọn òrìṣà...” Suratul Nahl: 36
Ọlọhun Ọba- ti ọla Rẹ ga- sọ pe: A kò rán òjíṣẹ́ kan níṣẹ́ ṣíwájú rẹ àfi kí A ba sọrọ ni kọkọ pé: “Dájúdájú kò sí ọlọ́hun kan tí ẹ gbọ́dọ̀ jọ́sìn fún ní ọ̀nà òdodo àyàfi Èmi (Allāhu). Nítorí náà, ẹ jọ́sìn fún Mi.» Suratul Anbiyaa: 25
Ọlọhun tí O gbọngbọn tí O tóbi jù sọ pé: ’Alif lām rọ̄. (Allāhu ló mọ ohun tí Ó gbàlérò pẹ̀lú àwọn háràfí náà) (Èyí ni) Tírà tí wọ́n ti to àwọn āyah inú rẹ̀ ní àtògún régé, lẹ́yìn náà wọ́n ṣàlàyé rẹ̀ yékéyéké láti ọ̀dọ̀ Ọlọ́gbọ́n, Alámọ̀tán. (A ti ṣàlàyé rẹ̀) pé ẹ má jọ́sìn fún kiní kan àfi Allāhu. Dájúdájú èmi ni olùkìlọ̀ àti oníròó ìdùnnú fún yín láti ọ̀dọ̀ Rẹ̀. [Huud:1 - 2].
Paapaa ijọsin yii: Oun ni mimu Ọlọhun - ti O mọ ti ọla Rẹ ga - ni ọkan ṣoṣo nibi gbogbo ohun ti ẹru yoo maa fi ṣe ijọsin; bíi ṣiṣe adua, pipaya, ṣiṣe agbiyele, kiki irun, gbigba aawẹ, didunbu nnkan, ṣiṣe ileri, ati awọn nnkan miran ninu awọn onírúurú ijọsin, lojupọna titẹriba fun Un, ati nini ojukokoro fun ẹsan Rẹ, ati ibẹru fun iya Rẹ, pẹlu ki ifẹ ti o pe perepere o wa fun Un, ati yiyẹpẹrẹ ara ẹni fun titobi Rẹ.
Ẹni ti o ba si ronú jinlẹ nínú Alukurani: yoo rí i pe apá ti o pọ̀ jù nínú rẹ̀ sọkalẹ lórí ìpìlẹ ńlá yii; gẹgẹ bi Ọlọhun ti ọla Rẹ ga ti sọ pe: Dájúdájú Àwa sọ Tírà (al-Ƙur’ān) kalẹ̀ fún ọ pẹ̀lú òdodo. Nítorí náà, jọ́sìn fún Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un. Nítorí náà, jọ́sìn fún Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un. Gbọ́! Ti Allāhu ni ẹ̀sìn mímọ́. Àwọn tí wọ́n sì mú àwọn aláfẹ̀yìntì kan yàtọ̀ sí Allāhu, (wọ́n wí pé): “A kò jọ́sìn fún wọn bí kò ṣe pé, nítorí kí wọ́n lè mú wa súnmọ́ Allāhu pẹ́kípẹ́kí ni.” Dájúdájú Allāhu l’Ó máa dájọ́ láààrin wọn nípa ohun tí wọ́n ń yapa-ẹnu nípa rẹ̀ (ìyẹn, ẹ̀sìn ’Islām). Dájúdájú Allāhu kò níí fi ọ̀nà mọ ẹni tí ó jẹ́ òpùrọ́, aláìgbàgbọ́. [Sūratuz Zumar: 2-3].
Ati ọrọ Ọlọhun - tí ọlá Rẹ ga, mimọ fún Un - ti O sọ pé: Olúwa rẹ pàṣẹ pé: “Ẹ má ṣe jọ́sìn fún ẹnì kan àyàfi Òun... Al-Isroo: 23
Ati ọrọ Ọlọhun Ọba ti O ga julọ ti O si gbọn-n-gbọn ti O sọ pe: «Nítorí náà, ẹ pe Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un. àwọn aláìgbàgbọ́ ìbáà kórira Rẹ̀». [Gaafir: 14].
Bẹẹ naa ni ẹni ti o ba ṣe aṣaro ninu Sunnah Anabi yoo ri akiyesi lori ipilẹ nla yii pẹlu, lara iyẹn ni: ohun ti a gba wa ninu Saheehu mejeeji lati ọdọ Muaadh - ki Ọlọhun yọnu si i - pe dajudaju Anabi - ki ikẹ ati ọla Ọlọhun maa ba a - sọ pe: « Iwọ Ọlọhun lori awọn ẹrusin Rẹ ni pe ki wọn maa jọsin fun Un, bakannaa ki wọn si ma mu orogun kankan pẹlu Rẹ. [2]. [2] Bukhari ni o gbe e jade (2856), ati Muslim (30).
o ko sinu itumọ nini igbagbọ si Ọlọhun bakannaa: nini igbagbọ si gbogbo ohun ti O ṣe ni dandan ati ọranyan lori awọn ẹrusin Rẹ; gẹgẹbii awọn origun Isilaamu maraarun ti o fojú hàn kedere.
Àwọn ni: Ìjẹ́rìí pé kò sí ẹni tí ìjọsìn ododo tọ́ sí àyàfi Allāhu, àti pé dájúdájú Muhammad òjíṣẹ́ Ọlọ́run ni, àti gbígbé irun dúró, àti yíyọ Zakah, àti gbígba ààwẹ̀ Ramadān, àti ṣíṣe Hajj sí Ilé Ọlọ́run ọlọ́wọ̀ fún ẹni tí ó bá ní ikapa ọ̀nà láti lọ, àti àwọn nǹkan míràn nínú àwọn iṣẹ́ ọranyan tí òfin ẹ̀sìn mímọ́ mú wá.
Eleyii ti o pataki ti o si tobi julọ ninu awọn origun yii ni: jijẹri pe ko si Ọba kankan ti ijọsin ododo tọ si ayafi Ọlọhun ati pe Muhammad ni ojiṣẹ Rẹ. Jijẹri yii yoo maa bukaata si: nini imọkanga si ijọsin fun Ọlọhun nikan ṣoṣo ati lile e jina si ohun ti o ba yatọ si I. Eleyii ni itumọ: ‘Laa ilaaha illa Laah’, itumọ rẹ si ni -gẹgẹ bi awọn onimọ ki Ọlọhun kẹ wọn ṣe sọ: ko si Ọba kankan ti ijọsin ododo tọ si ayafi Ọlọhun. Da lori eyi: dajudaju gbogbo ohun ti wọn ba jọsin fun yatọ si Ọlọhun -ninu eeyan, malaika, alijannu ati awọn nnkan miran- yoo ma jẹ ijọsin irọ, ẹni ti eeyan le jọsin fun lododo naa ni Ọlọhun ni Oun nikan ṣoṣo ti ko si si akẹgbẹ fun Un, gẹgẹ bi O ṣe sọ -mimọ ni fun Un ti ọla Rẹ ga-: « Ìyẹn nítorí pé dájúdájú Allāhu, Òun ni Òdodo. Àti pé dájúdájú ohun tí wọ́n ń pè yatọ Si I ni irọ́... [Hajj: 62].
Alaye ti ṣaaju lori pe Ọlọhun (Ọba ti O mọ, ti O ga) da awọn alijannu ati eeyan nitori ipilẹ ojúlówó yii, O si pa wọn laṣẹ rẹ, O si tori rẹ ran awọn ojiṣẹ Rẹ ni iṣẹ, O si titori rẹ sọ awọn tira Rẹ kalẹ; nitori naa, o jẹ dandan fun ẹrusin lati woye si i daadaa, ki o si tun ronu si i lọpọlọpọ ki o le baa han si i ohun ti ọpọlọpọ musulumi ko sinu rẹ latari ṣiṣe aimọkan ti o tobi si ipilẹ yii ti o si mu wọn jọsin fun nnkan miran yatọ si I, ti wọn si tun yi iwọ Rẹ ti o foju han si ọdọ ẹlomiran, Ọlọhun ni Oluranlọwọ.
Ninu nini igbagbọ si Ọlọhun (Ọba ti O mọ) naa ni nini igbagbọ pe Oun ni Adẹdaa aye, Oludari gbogbo alamọri wọn ati Oluṣe akoso laarin wọn pẹlu imọ ati ìkápá Rẹ gẹgẹ bi o ba ṣe wu U. Ati pe Oun ni Olukapa aye ati ọrun ati Olúwa gbogbo ẹda lapapọ, ko si Aṣẹ̀dá kankan ti o yatọ si I, ko si si Olúwa kankan ti o yatọ si I. Ati pe dajudaju Ọlọhun Ọba ran awọn ojiṣẹ, O si sọ awọn tira kalẹ fun atunṣe awọn ẹrusin ati lati pe wọn lọ sí ibi ti ọlà ati dídára wọn wa ni aye ati ọjọ igbende. Ati pe dajudaju Ọlọhun Ọba ti O ga julọ, ko si orogun fun Un nibi gbogbo iyẹn, Ọba ti ọla Rẹ ga sọ pe: « Allāhu ni Ẹlẹ́dàá gbogbo n̄ǹkan. Òun sì ni Olùṣọ́ lórí gbogbo n̄ǹkan.» [Zumar: 62]
Ọlọhun Ọba- ti ọla Rẹ ga- sọ pe: Dájúdájú Olúwa yín ni Allāhu, Ẹni tí Ó ṣẹ̀dá àwọn sánmọ̀ àti ilẹ̀ fún ọjọ́ mẹ́fà. Lẹ́yìn náà, Ó gúnwà sí orí Ìtẹ́-ọlá. Ó ń fi òru bo ọ̀sán lójú, tí òru ń wá ọ̀sán ní kíákíá. Òòrùn, òṣùpá àti àwọn ìràwọ̀ ni wọ́n ti rọ̀ pẹ̀lú àṣẹ Rẹ̀. Gbọ́! TiRẹ̀ ni ẹ̀dá àti àṣẹ. Ìbùkún ni fún Allāhu, Olúwa gbogbo ẹ̀dá. [Sūratul A‘rōf: 54].
Ninu ìgbàgbọ́ ninu Ọlọhun ti ọla Rẹ ga naa ni: ìgbàgbọ́ ninu awọn orúkọ Rẹ ti o dara ju, ati awọn ìròyìn Rẹ ti o ga julọ ti o wa ninu Kuraani, ati eyi ti o rinlẹ lati ọdọ ojiṣẹ Rẹ ti o ṣee fi ọkàn tán, laisi ayipada tabi sisọ pe ko ri bẹ́ẹ̀, tabi sísọ bi o ṣe rí, tabi isafiwe, «Kò sí kiní kan bí irú Rẹ̀. Òun sì ni Olùgbọ́, Olùríran.» [Suuratu Shuuroh: 11].
Dandan ni ki o lọ gẹ́gẹ́ bí ó ṣe wa lai sọ bi o ṣe rí, pẹ̀lú ini ìgbàgbọ́ si nǹkan ti o n túmọ̀ sí tii ṣe àwọn iroyin Ọlọhun- Alágbára ti O gbọnngbọn- ati pe dandan ni ki a fi ròyìn Rẹ - ti ọla Rẹ ga - ni ọna ti o yẹ Ẹ́ láìní jọ ẹ̀dá Rẹ rara nibi awọn ìròyìn Rẹ, gẹgẹ bi Ọlọhun ti ọla Rẹ ga ṣe sọ pé: Ọba ti O niyi ti O si tobi sọ pe: «Nítorí náà, ẹ má ṣe fi àwọn aláfijọ kan lélẹ̀ pé wọ́n jọ Allāhu. Dájúdájú Allāhu nímọ̀; ẹ̀yin kò sì nímọ̀.» [Suuratun Nahl: 74]
Eyi ni: adisọkan àwọn Ahlu Sunnah Wal Jamaa’ah ninu awọn sàábé ojiṣẹ Ọlọhun- ki ikẹ ati ọla Ọlọhun máa bá a- ati awọn olùtẹ̀lé wọn pẹ̀lú dáadáa; nipa awọn orukọ Ọlọhun ati iroyin Rẹ, oun naa ni Imam: abul-Hasan Al-Ash’ariy- ki Ọlọhun kẹ ẹ- gbé wa ninu tira rẹ “AL-MAQAALAAT” lọdọ awọn oni mimọ nipa Hadiith ati Ahlu Sunnah, àwọn mìíràn yàtọ̀ si i nínú àwọn onímímọ̀ ati ìgbàgbọ́ naa gbe e wa .
Al-Aozaa’hiy- ki Ọlọhun kẹ ẹ- sọ pe: (Wọn beere lọwọ Az'zuurih ati Mak'huulu nipa awọn aaya ti wọn n tọka lori iroyin Ọlọhun, wọn si dahun pe: Ẹ jẹ́ ki ó lọ gẹ́gẹ́ bí ó ṣe wá)[3]. [3] Al-Lālikā'iy ni o gbe e jade ninu tira Sharh Usūl Al-I'tiqād (735), ati ọmọ Abdul-Barr ninu tira Jāmi' Al-'Ilm Wa Fadlihi (1801), ṣùgbọ́n pẹ̀lú gbólóhùn Al-Ahādīth dípò Āyāt As-Sifāt, gbólóhùn rẹ̀ sì ni: “Ẹ gba àwọn ahādīth wọ̀nyí gẹ́gẹ́ bí wọ́n ṣe wá, kí ẹ má ṣe se ifọrọwerọ nipa wọn."
Aafa agba to njẹ Al-Aw’zaaii - ki Ọlọhun o ba wa kẹ ẹ- tun sọ bakannaa pe: "(A maa n sọ lójú àwọn taabihuun pe Ọlọhun n bẹ lókè àga alaaraṣi Rẹ, a sì ni ìgbàgbọ́ si ohun ti o wa ninu sunna ninu awọn ìròyìn) [4]." [4] Bayhaqiy ni o gbe e jáde ninu tira Al-Asmaa was-Sifaat (865), ti Ibnu Taymiyyah sì sọ wipe isafiti rẹ ní àlàáfíà ninu Al-Hamawiyyah (ojú-ewé 269), ati Dhahabiy sọ ninu Al-Ard (2/223) pé: awọn ti wọn gba a wa jẹ aṣiwaju ti a le fọkàn tán.
Al-Walid ọmọ Muslim - ki Ọlọhun kẹ ẹ - si sọ pe: (Wọn beere lọwọ Maalik ati Al-Aozaahii ati Laesi ọmọ Sa’d ati Sufyaanu Saorii - ki ikẹ Ọlọhun maa ba wọn - nipa awọn iro ti wọn wa ninu awọn iroyin, gbogbo wọn waa sọ lapapọ pe: Ẹ jẹ́ ki ó lọ gẹ́gẹ́ bí ó ṣe wá lai sọ bi o ṣe rí.) [5]. [5] Al-Lālakā’iy ni o gbe e jade ninu tira Sharhu Usūlil-I‘tiqād (930), ati Bayhaqiy ninu Al-Asmā’ was-Sifāt (955).
Nigba ti wọn bi Rabeehah ọmọ baba Abdur-Rahmaan - tii ṣe àlùfáà fun Maalik ki Ọlọhun kẹ àwọn méjèèjì - léèrè nipa ìgúnwà, o sọ pé: (Ìgúnwà, kii ṣe nǹkan ti a kò mọ̀, ki a fẹ mọ bi o ṣe ri ko ba làákàyè mu, ọdọ Ọlọhun ni ìránṣẹ́ ti wa, ti ojiṣẹ ni ki o jiṣẹ to foju han, tiwa si ni ki a gba a ni ododo)[6], Nigba ti wọn si bi Imām Mālik - ki Ọlọhun kẹ ẹ - leere nipa iyen, o sọ pe: (Ìgúnwà, nǹkan ti a mọ ni, bi o ṣe ri ni a o mọ̀, o si di dandan ki a gba a gbọ́, adadaalẹ si ni ki a maa beere nípa rẹ̀) Lẹyin naa ni o wa sọ fún onibeere pe: Mi o ri ọ si nǹkan kan ju èèyàn burúkú lọ, o wa sọ pe ki wọn lé e bọ́ síta [7]. Wọn si ti gba itumọ yii naa wa lati ọdọ iya awọn muumini Ummu Salamọ ki Ọlọhun yọnu si i [8]. [6] Al-Laalikaaiy ni o gbe e jade ninu tira Sharhu Usuulil-I'tiqaad (665), ati Bayhaqiy ninu tira Al-Asmaau Was-Sifaat (868). [7] Al-Laalakaa'iy ni o gbe e jade ninu tira Sharhu Usulil-I'tiqaad (664), ati Baba Nu'aym ninu tira Hilyatul-Aoliyaa' (6/325), ati Bayhaqiy ninu tira Al-Asmaa' was-Sifaat (867). "[8] Al-Muzakkiy ni o gbe e jade ninu tira Al-Muzakkiyyāt (29), ati ọmọ Battoh ninu tira Al-Ibānah (120), ati Al-Lālikā'iy ninu tira Sharhu Usūlil-I'itiqōd (663)."
Ati pe Imam Bàbá Abdul-Rahman ọmọ Mubarak ki ikẹ Ọlọhun maa ba a sọ pe: (A mọ̀ pe Olúwa wa n bẹ loke àwọn sánmà Rẹ lori àga alaaraṣi Rẹ, O si takété si ẹ̀dá Rẹ.)[9]. [9] Ad-Daarimiy ni o gbe e jade ninu tira Ar-Radd 'ala Al-Jahmiyyah (67), ati Al-Bayhaqiy ninu tira Al-Asmaau was-Sifaat (903).
Ọrọ àwọn imaamu (àlùfáà ẹṣin) nipa àkòrí yii pọ̀ gan, a o le gbe e wa nibi idanilẹkọọ yii, ẹni tí ó ba fẹ mọ̀ nípa ọ̀pọ̀lọpọ̀ ninu ẹ, ki o lọ ṣe àyẹ̀wò ohun ti àwọn onímímọ̀ sunna kọ nípa àkòrí yii, gẹ́gẹ́ bíi tira “AS-SUNNAH” ti Abdullaah ọmọ Imam Ahmad, ati tira “AT-TAOHEED” ti Imam agba Muhammad ọmọ Khuzaymah, ati tira “AS-SUNNA” ti Abul Qaasim Al-Laalakaa’iy At-Tabariy, ati tira “AS-SUNNA” ti Abu Bakr ọmọ Haasim, ati èsì sheikhul Islaam Ibnu Taymiyyah fun àwọn ará Hamaat, esi ńlá si ni ti o kun fun anfaani, o ṣàlàyé adisọkan àwọn ahlus sunnah (awọn alufaa onisunah) ninu rẹ, o si gbe ọ̀pọ̀lọpọ̀ nínú àwọn ọ̀rọ̀ wọn wá nínú rẹ, ati awọn ẹri ti ṣẹria (ilana ofin) ati ti làákàyè lórí ìní àlàáfíà ohun ti àwọn ahlu sunnah sọ, ati ibajẹ ohun ti àwọn alátakò wọn sọ.
Báyìí naa ni tira rẹ ti o n jẹ AT-TADMURIYYAH, o ṣàlàyé ipo ti awọn ahlu sunnah wa nínú ẹ daadaa, o ṣàlàyé adisọkan àwọn ahlu sunna nínú ẹ pẹ̀lú ẹri rẹ lati inu Kuraani ati Hadiisi ati ẹri rẹ ti làákàyè, ati fífọ èsì fun àwọn alátakò pẹ̀lú nǹkan ti o maa fi òdodo hàn ti o si maa borí irọ́ fún gbogbo ẹni tí ó bá woye sí ìyẹn nínú àwọn onímímọ̀, pẹ̀lú àníyàn rere ati inifẹẹ mímọ òdodo. Àkópọ̀: Igbagbọ adiọkan ti awọn eniyan to n tẹle sunnah, to si nṣe papọ pẹlu agbarijọ awọn musulumi ninu abala awọn orukọ ati iroyin Ọlọhun; ni wí pé wọn fi rinlẹ fun Ọlọhun ti ọlá Rẹ ga jù nǹkan ti O fi rinlẹ fun ara Rẹ ninu Kuraani, tabi eyi ti ojiṣẹ Rẹ Muhammad- ki ikẹ ati ọla Ọlọhun máa bá a- fi rinlẹ fun Un ninu Hadiisi rẹ ni ifirinlẹ ti ko si afiwe nibẹ, wọn si fọ Ọ mọ kúrò nibi jijọ ẹ̀dá Rẹ, láìsí sísọ pé nǹkan ko ri bẹ́ẹ̀ nibẹ; ìdí nìyí tí wọn fi là kúrò nibi titako ara, Wọn si lo gbogbo ẹri pátá; pẹlu iṣe kongẹ lati ọdọ Ọlọhun; nitori pe o wa ninu ìlànà Ọlọhun fun ẹni tí o ba dirọ mọ òdodo ti O fi ran àwọn ojiṣẹ Rẹ, ti o si sapá rẹ nibẹ, ti o si ṣe òtítọ́ fun Ọlọhun nibi wíwá a; ki O fi ṣe kongẹ òdodo, ki O si fi ẹri rẹ hàn, gẹ́gẹ́ bí Ọlọhun ṣe sọ pé: « Rárá o! À ń sọ òdodo lu irọ́ (mọ́lẹ̀ ni). Òdodo sì máa fọ́ agbárí irọ́. Irọ́ sì máa pòórá.» .. [Al-Anbiyaa: 18]
Ọlọhun Ọba- ti ọla Rẹ ga- sọ pe: «Wọn kò níí mú àpẹ̀ẹrẹ kan wá fún ọ (gẹ́gẹ́ bí ìbéèrè láti fi takò ọ́) àfi kí Á mú òdodo (ìyẹn, al-ƙur’ān) àti àlàyé tó dára jùlọ wá fún ọ (lórí rẹ̀).» [Al-Fur'qaan: 33].
Ṣugbọn ẹni tí o ba yapa àwọn ahlus sunna: níbi adisọkan wọn ninu àkòrí àwọn orúkọ Ọlọhun ati awọn ìròyìn Rẹ; dandan ni ki onítọ̀hún ko sínú yiyapa àwọn ẹ̀rí inu Kuraani ati Hadiisi, ati ẹri ti làákàyè; pẹ̀lú titako ara ti o fojú hàn nibi gbogbo nǹkan ti o ba n fi rinlẹ ati nǹkan ti o n takò. Al-Haafidh (Onimọ hadisi Pupọ) Ibnu Katheer (Ki Ọlọhun kẹ ẹ) darukọ ninu tira Tafsiiri rẹ ti o gbajumọ ọrọ ti o dara nipa akori yii, èyí sì ni nígbà tí ó ń sọrọ nípa ọrọ Ọlọhun - Ọba ti O tobi – ti O sọ pe: «Dájúdájú Olúwa yín ni Allāhu, Ẹni tí Ó ṣẹ̀dá àwọn sánmọ̀ àti ilẹ̀ fún ọjọ́ mẹ́fà. Lẹ́yìn náà, Ó gúnwà sí orí Ìtẹ́-ọlá...» [Ṣūratul A‘rōf: 54].
Ati pe mimu un wa sibi yii maa dara latari anfaani rẹ ti o tobi; o si sọ - ki Ọlọhun ba wa ṣe ikẹ Rẹ fun un- ninu ọrọ rẹ pe:
(Àwọn eeyan sọ ọrọ ti o pọ gan ni ààyè yii, ibi kọ ni a ti maa ṣàlàyé rẹ, ṣùgbọ́n a maa tọ ojú ọna àwọn ẹni ìṣáájú rere ni aaye yii, bii: Maalik, ati Al’Aozaa’iy, ati ’Thaoriy, ati Al-Layth ọmọ Sah’d, ati Ash-Shaafihiy, ati Ahmad ọmọ Hanbal, ati Is’haaq ọmọ Raahawaih, ati awọn mìíràn nínú àwọn aṣáájú àwọn Mùsùlùmí àtijọ́ ati òde òní, oun naa ni: jijẹ kí ó lọ gẹ́gẹ́ bí ó ṣe wá, lai sọ bí ó ṣe rí, tabi afiwe, tabi sisọ pe ko ri bẹ́ẹ̀. Ohun ti o si kọkọ maa wa si làákàyè àwọn aláfiwé jẹ nǹkan ti a ko le fi rinlẹ fun Ọlọhun; tori pé ko si nǹkankan ti o jọ Ọlọhun nínú ẹ̀dá Rẹ ati «Kò sí kiní kan bí irú Rẹ̀. Òun sì ni Olùgbọ́, Olùríran». [Suuratu Shuuroh: 11]. Bi ọ̀rọ̀ náà ṣe ri naa ni bi àwọn aṣáájú ẹsin ṣe sọ, -ninu wọn ni Nuhaym ọmọ Hammaad Al-Khuzaa’iy tii ṣe alfa Al-Bukhaari, o sọ pe: (Ẹni ti o ba fi Ọlọhun jọ ẹ̀dá Rẹ ti di Kèfèrí (alaini gbagbọ), ẹni tí ó bá tako ohun ti Ọlọhun fi ròyìn ara Rẹ̀ ti di Kèfèrí) [10], Ko si afijọ kankan nibi ohun ti Ọlọhun fi ròyìn ara Rẹ tabi eyi ti Ojiṣẹ Rẹ fi royin Rẹ, ẹni tí ó ba fi ohun ti àwọn aaya ti o la ọrọ mọ́lẹ̀ ati awọn hadiisi ti o ni àlàáfíà ni ọna ti o gbà yẹ Ọlọhun rinlẹ, ti ko si ṣe afirinlẹ àbùkù fun Un, onítọ̀hún ti tọ ojú ọ̀nà ìmọ̀nà [11]. Ọrọ Ibn Kathiyr - ki Ọlọhun kẹ ẹ- parí. [10] Dhahabiy ni o gbe e jade ninu Al-Uluww (464), Albany sì sọ ninu Mukhtasor Al-Uluww (oju-iwe: 184) pe: Eyi jẹ ẹgbawa tí o lalaafia (sahiiḥ), awọn eniyan inu rẹ jẹ ẹni igbẹkẹle, ti a mọ. [11] Tafseer Ibnu Kathiir (427, 426/3).
O maa wọ inú ìgbàgbọ́ nínú Ọlọhun bakannaa: ìní adisọkan pe ìgbàgbọ́ jẹ ọ̀rọ̀ àti iṣẹ́, ti yoo maa lekun pẹ̀lú itẹle ti Ọlọhun, ti yoo si maa dínkù pẹ̀lú yiyapa sí Ọlọhun, ati pe ko ni ẹtọ ki a pe Musulumi kankan ni Kèfèrí (alaigbagbọ) pẹ̀lú ẹṣẹ ti o ba da ti ko to ẹbọ ati iṣekeferi; gẹ́gẹ́ bíi àgbèrè, ati jijale, ati jíjẹ owó èlé, ati mímú nǹkan ti n pa èèyàn bí ọtí, ati ṣíṣe òbí méjèèjì, ati ohun ti o yatọ si ìyẹn nínú àwọn ẹṣẹ ńlá, lópin ìgbà tí ko ba sọ ọ di ẹ̀tọ́, fun ọrọ Ọlọhun ti O mọ, ti O si ga, ti O sọ pe: (Dájúdájú Allāhu kò níí foríjin (ẹni tí) ó bá ń ṣẹbọ sí I. Ó sì máa ṣàforíjìn fún ohun mìíràn yàtọ̀ sí ìyẹn fún ẹni tí Ó bá fẹ́...) [suratun-Nisaa :48]. Ati nitori eyi ti o rinlẹ ninu awọn Hadiisi Mutawaatir lati ọdọ ojiṣẹ Ọlọhun - ki ikẹ ati ọla Ọlọhun maa ba a - ara rẹ ni: ọrọ rẹ pe: "Dajudaju Ọlọhun yoo mu ẹniti ohun ti o to òdiwọ̀n èso kardal ninu igbagbọ ba wa ninu ọkan rẹ jade ninu ina" [12]. [12] Bukhari ni o gbe e jade (22), lati inu hadith Bàbá Sa'id al-Khudri ki Ọlọhun yọnu si i.
Ipilẹ keji: Nini igbagbọ sí awọn Malaika,
O ko alamọri meji sinu: Ọrọ kinni: Nini igbagbọ ninu awọn mọlaika lapapọ; iyẹn ni pe ki a ni igbagbọ pe Ọlọhun ni awọn mọlaika kan ti O da wọn lati le maa tẹle E, O si royin wọn pe: « Wọ́n wí pé: “Àjọkẹ́-ayé sọ ẹnì kan di ọmọ (nínú àwọn mọlāikah Rẹ̀).” Mímọ́ ni fún Un - Kò rí bẹ́ẹ̀; ẹrúsìn alápọ̀n-ọ́nlé ni wọ́n». «Wọn kì í ṣíwájú Allāhu sọ ọ̀rọ̀. Wọ́n sì ń ṣiṣẹ́ pẹ̀lú àṣẹ Rẹ̀.» (Allāhu) mọ ohun tó ń bẹ níwájú wọn àti ohun tó ń bẹ lẹ́yìn wọn. Wọn kò sì níí ṣìpẹ̀ (ẹnì kan) àfi ẹni tí (Allāhu) bá yọ́nú sí. Wọ́n tún ń páyà fún ìbẹ̀rù Rẹ̀. [Suratul Anbiyaa: 26-28].
Orisirisi ni wọn ; ninu wọn ni awọn ti wọn n mojuto gbigbe itẹ ọla Ọlọhun dani, ninu wọn ni awọn ẹ̀ṣọ́ alijanna ati ina, ninu wọn ni awọn alamojuto ṣiṣọ awọn iṣẹ awọn ẹrusin. Inkan ẹlẹẹkeji: Nini igbagbọ ninu awọn mọlaika ni ifọsiwẹwẹ; eyi ni pe ki a ni igbagbọ ninu awọn ti Ọlọhun ati Ojiṣẹ Rẹ darukọ ninu wọn; gẹgẹ bii Jibril ti a fi ṣe alamojuto gbígbé ọrọ Ọlọhun wa ba awọn ojiṣẹ, ati Mikail ti a fi ṣe alamojuto ojo, ati Maalik tii ṣe ẹ̀ṣọ́ ina. Ati Israfil ti a fi ṣe alamojuto fifọn fere. Gẹ́gẹ́ bí a ṣe mẹ́nuba wọn nínú àwọn hadith tí ó fẹsẹ̀múlẹ̀, lára rẹ̀ ni: ohun tí ó fẹsẹ̀múlẹ̀ nínú Sahihi láti ọ̀dọ̀ Aishah- ki Ọlọhun yọnu si i- pé Anọbi- ki ikẹ Ọlọhun ati ọla Rẹ maa ba a- sọ pé: «Wọn da awọn Malaika latara imọle, wọn si da awọn alijannu latara awọn ina ti ko ni eefin, wọn si da Aadamọ latara ohun ti wọn royin rẹ fun yin»[13] Muslim ni o gbe e jade ninu Sohiihu rẹ. [13] Muslim ni o gbe e jade (2996), lati inu hadith 'Aa'ishah, ki Ọlọhun yọnu si i.
Ìpìlẹ̀ kẹta: Níní ìgbàgbọ́ nínú àwọn tira, òun náà kó àwọn àlámọ̀rí méjì sínú:
Akọkọ: Nini igbagbọ ninu awọn tira lapapọ; eyi ni pe Ọlọhun sọ awọn tira kalẹ fun awọn Anabi Rẹ ati awọn ojiṣẹ Rẹ; lati le ṣalaye ododo Rẹ ati lati le fi pepe lọ sibẹ, gẹgẹ bi Ọlọhun ṣe sọ pe: «Dájúdájú A fi àwọn ẹ̀rí tó yanjú rán àwọn Òjíṣẹ́ Wa níṣẹ́. A sọ Tírà àti òṣùwọ̀n kalẹ̀ fún wọn nítorí kí àwọn ènìyàn lè rí déédé ṣe..». [Al-Hadeed: 25]. Ọlọhun Ọba- ti ọla Rẹ ga- sọ pe: «Àwọn ènìyàn jẹ́ ìjọ kan ṣoṣo (ẹlẹ́sìn ’Islām bẹ̀rẹ̀ lórí Ànábì Ādam - kí ọlà Allāhu máa bá a -). Lẹ́yìn náà, Allāhu gbé àwọn Ànábì dìde, tí wọ́n ń jẹ́ oníròó ìdùnnú àti olùkìlọ̀. Ó sọ Tírà kalẹ̀ fún wọn pẹ̀lú òdodo nítorí kí Ó lè fi ṣe ìdájọ́ láààrin àwọn ènìyàn nípa ohun tí wọ́n yapa-ẹnu lórí rẹ̀... [Al-Baqorah: 213].
Ẹlẹẹkeji: Nini igbagbọ si awọn tira ni ifọsiwẹwẹ; iyẹn ni pe ki a ni igbagbọ ninu ohun ti Ọlọhun darukọ ninu wọn; bii Taoorat, Injeel, Zabuur ati Alukurani, ati pe ki a gbagbọ pe Alukurani ni o lọla ju ti o si jẹ opin wọn, ti o si ń wá ààbò fún àwọn òfin inú wọn, ti o si n jẹ́rìí sí èyí t’ó jẹ́ òdodo nínú wọn, ati pe oun ni yoo maa jẹ dandan fun gbogbo ijọ lati tẹle e, ti wọn o si maa fi ṣe idajọ pẹlu ohun ti o ni àlàáfíà nínú sunnah Ojiṣẹ Ọlọhun - ki ikẹ ati ọla Ọlọhun maa ba a -; nitori pe Ọlọhun gbe Ojiṣẹ Rẹ tii ṣe Muhammad - ki ikẹ ati ọla Ọlọhun maa ba a - dide ni ojiṣẹ si gbogbo awọn ẹda alijannu ati eeyan, O si sọ Alukurani yii kalẹ fun un lati fi maa dajọ laaarin wọn, O si ṣe e ni iwosan fun (aisan) ti n bẹ ninu igbaaya ati ni alaye fun gbogbo nnkan ati ni imọna ati ikẹ fun awọn olugbagbọ ododo, gẹgẹ bi Ọba ti O ga ṣe sọ pe: «Èyí ni Tírà ìbùkún tí A sọ̀kalẹ̀. Nítorí náà, ẹ tẹ̀lé e. Kí ẹ sì bẹ̀rù (Allāhu) nítorí kí A lè kẹ yín». [Al-An`am: 155]. Ọba- ti mimọ n bẹ fun Un- sọ pe: « A sọ Tírà kalẹ̀ fún ọ; (ó jẹ́) àlàyé fún gbogbo n̄ǹkan, ìmọ̀nà, ìkẹ́ àti ìró ìdùnnú fún àwọn mùsùlùmí». [An-Nah'l: 89]. Ọlọhun Ọba- ti ọla Rẹ ga- sọ pe: «Sọ pé: “ Mo pe Ẹ̀yin ènìyàn, dájúdájú èmi ni Òjíṣẹ́ Allāhu sí gbogbo yín pátápátá. (Allāhu) Ẹni tó ni ìjọba àwọn sánmọ̀ àti ilẹ̀. Kò sí ọlọ́hun kan tí a gbọ́dọ̀ jọ́sìn fún ní ọ̀nà òdodo àyàfi Òun. Ó ń sọ ẹ̀dá di alààyè. Ó sì ń sọ ẹ̀dá di òkú. Nítorí náà, ẹ gbàgbọ́ ninu Allāhu àti Òjíṣẹ́ Rẹ̀. Ànábì aláìmọ̀ọ́nkọmọ̀ọ́nkà, ẹni tó ni igbàgbọ́ si Allāhu àti àwọn ọ̀rọ̀ Rẹ̀. Ẹ tẹ̀lé e nítorí kí ẹ lè mọ̀nà.” [Suratul A'raf: 158]. Awọn Aayah to wa lori itumọ yii pọ.
Ìpìlẹ̀ kẹrin: Níní ìgbàgbọ́ nínú àwọn ojiṣẹ.
O ko alamọri meji sinu bákannáà: Ohun àkọ́kọ́: Nini igbagbọ sí awọn Ojiṣẹ lapapọ; iyẹn ni pe ki a maa ni igbagbọ pe dajudaju Ọlọhun- mimọ ni fun Un ti ọla Rẹ ga- ran awọn ojiṣẹ kan si awọn ẹrusin Rẹ, nínú wọn ni olufunni ni iro idunnu ati oluṣe ikilọ, ati awọn olupepe lọsi ibi ootọ; eniti o ba wa da wọn lohun maa jere pẹlu oriire, ẹni tí o ba wa yapa wọn si máa pòfo, o si maa ká àbámọ̀, òpin wọn ati ẹniti o dáa ju ninu wọn ni Anọbi wa Muhammad ọmọ Abdulahi - ki ikẹ Ọlọhun ati ọla Rẹ maa ba a-, gẹ́gẹ́ bí Ọlọhun, mimọ ni fun Un, ṣe sọ pe: Dájúdájú A ti gbé Òjíṣẹ́ dìde nínú ìjọ kọ̀ọ̀kan (láti jíṣẹ́) pé: “Ẹ jọ́sìn fún Allāhu. Kí ẹ sì jìnnà sí àwọn òrìṣà.” [Suratul Nahl: 36]. Ọlọhun Ọba - ti ọla Rẹ ga- sọ pe: (A ṣe wọ́n ní) Òjíṣẹ́, oníròó ìdùnnú àti olùkìlọ̀ nítorí kí àwíjàre má lè wà fún àwọn ènìyàn lọ́dọ̀ Allāhu lẹ́yìn (tí) wọn ti ran àwọn Òjíṣẹ́... [Suuratun Nisai: 165]. Ọlọhun Ọba- ti ọla Rẹ ga- sọ pe: ‹(Ànábì) Muhammad kì í ṣe bàbá ẹnì kan kan nínú àwọn ọkùnrin yín, ṣùgbọ́n (ó jẹ́) Òjíṣẹ́ Allāhu àti òpin àwọn Ànábì...' [Suratul Ahzab: 40].
Ọrọ keji: Nini igbagbọ si awọn Ojiṣẹ lẹkunrẹrẹ; iyẹn ni pe ki a ni igbagbọ lẹkunrẹrẹ ati ni pato si ẹni ti Ọlọhun sọ orúkọ rẹ ninu wọn tabi ẹni ti sísọ orúkọ rẹ fẹsẹmulẹ lati ọdọ Ojiṣẹ Ọlọhun - ki ikẹ Ọlọhun ati ọla Rẹ maa ba a -; gẹgẹ bii Nuh, ati Hud, ati Salih, ati Ibrahim, ati awọn miiran, - ki ikẹ Ọlọhun ati ọla Rẹ maa ba wọn, ati awọn ara ile wọn, ati awọn olutẹle wọn-.
Ipilẹ karùn-ún: Nini igbagbọ sí ọjọ ikẹyin
O si ko sínú un:
Nini igbagbọ sí gbogbo nkan ti Ọlọhun fun wa ni iro nipa ẹ ati Ojisẹ Rẹ -Ki ikẹ Ọlọhun ati ọla Rẹ maa ba a- ninu ohun ti o maa ṣẹlẹ̀ lẹyin ikú; gẹgẹ bii idaamu inu saare ati iya inu rẹ, ati idẹra inu rẹ, ati nkan ti yoo ṣẹlẹ ni ọjọ igbende ninu awọn ẹru ati awọn ilekoko, ati afárá asiraati, ati òṣùwọ̀n, ati iṣiro, ati ẹsan, ati fifọn awọn ìwé iṣẹ́ ka laarin awọn eeyan; o n bẹ nínú àwọn èèyàn ẹniti o maa gba iwe rẹ pẹlu ọwọ ọtun, ati ẹniti o maa gba iwe rẹ pẹlu ọwọ osi tabi lati ẹyin rẹ.
O maa wọ inu ẹ pẹlu: nini igbagbọ ninu abata ti a maa wọ inu ẹ, ti o wa fun Anọbi wa Muhammad (Ki ikẹ Ọlọhun ati ọla Rẹ maa ba a) ati nini igbagbọ ninu ọgba idẹra ati ina, ati ninu pe awọn onigbagbọ maa ri Ọlọhun Ọba wọn, mimọ ni fun Un, ti ọlá Rẹ ga, ati pe yoo ba wọn sọrọ, ati nkan ti o yatọ si iyẹn ninu nkan ti o wa ninu Kuraani Alapọn-ọnle ati Hadiisi ti o ni alaafia lati ọdọ ojisẹ Ọlọhun (Ki ikẹ Ọlọhun ati ọla Rẹ maa ba a). Nini igbagbọ ninu gbogbo iyẹn patapata jẹ dandan lori ẹrusin, ati gbigba a ni ododo ni ọna ti Ọlọhun ati Ojisẹ Rẹ gba ṣe alaye rẹ (Ki ikẹ Ọlọhun ati ọla Rẹ maa ba a).
Ipilẹ kẹfa: Nini igbagbọ sí kadara
O ko igbagbọ si awọn alamọri mẹrin kan sinu:
Ọrọ akọkọ: Nini igbagbọ pe dajudaju Ọlọhun, mimọ ni fun Un, ti ọla Rẹ ga, ti mọ nkan ti o ti n bẹ, ati nkan ti o maa bẹ, O si mọ awọn isesi awọn ẹrusin Rẹ, ati awọn ijẹ-imu wọn ati awọn igba ti wọn maa lo laye ati awọn iṣẹ wọn, ati nkan to yatọ si awọn nkan yẹn ninu eto igbesi aye wọn, nkankan o pamọ si I ninu gbogbo iyẹn, mimọ ni fun Un, ti ọla Rẹ ga, gẹ́gẹ́ bi O ṣe sọ pé: (... kí ẹ sì mọ̀ pé dájúdájú Allāhu ni Onímọ̀ nípa gbogbo n̄ǹkan). "[Al-Baqarah: 231]" Ọlọhun tí O gbọngbọn tí O tóbi jùlọ sọ pé: (...nítorí kí ẹ lè mọ̀ pé dájúdájú Allāhu ni Alágbára lórí gbogbo n̄ǹkan. Àti pé dájúdájú Allāhu fi ìmọ̀ rọ̀gbà yí gbogbo n̄ǹkan ká). (At-Talâq: 12)
Alamọri elẹẹkeji: Nini igbagbọ pe dajudaju Ọlọhun ti kọ gbogbo nkan ti O kadara rẹ; gẹgẹ bi O ṣe sọ -mimọ ni fun Un, ti ọla Rẹ ga- pe: Dájúdájú A ti mọ ohun tí ilẹ̀ ń mú jẹ nínú wọn. Tírà (iṣẹ́ ẹ̀dá) tí wọ́n ń ṣọ́ sì wà ní ọ̀dọ̀ Wa. [Surah Qâf: 4] Ọlọhun Ọba- ti ọla Rẹ ga- sọ pe: ‹Gbogbo n̄ǹkan ni A ṣe àkọsílẹ̀ rẹ̀ sínú tírà kan tó yanjú». [Yâ-sîn: 12] Ọlọhun Ọba- ti ọla Rẹ ga tun - sọ pe: «Ṣé o ò mọ̀ pé dájúdájú Allāhu l’Ó mọ ohun tí ń bẹ nínú sánmọ̀ àti ilẹ̀? Dájúdájú (àkọsílẹ̀) ìyẹn wà nínú tírà kan. Dájúdájú ìyẹn rọrùn fún Allāhu lati ṣe ». [Al-Hajj: 70].
Alamọri elẹẹkẹta: Nini igbagbọ sí fifẹ Ọlọhun -ti ọla Rẹ ga- ti yóò ṣẹ; nítorí náà nnkan ti O ba fẹ ni o maa bẹ, nnkan ti ko ba fẹ ko nii maa bẹ, gẹ́gẹ́ bi O ṣe sọ, mimọ ni fun un -ti ọla Rẹ ga-, pé: «Dájúdájú Allāhu ń ṣe ohun tí Ó bá fẹ́.» [Al-Hajj:18]. Ọlọhun tí O gbọngbọn tí O tóbi jù sọ pé: «Àṣẹ Rẹ̀ nígbà tí Ó bá gbèrò kiní kan ni pé, Ó máa sọ fún un pé “Jẹ́ bẹ́ẹ̀.” yoo sí máa jẹ́ bẹ́ẹ̀. "[Yâ-sîn: 82]" Ọba- ti mimọ n bẹ fun Un- sọ pe: « Ẹ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá. [At-Takwiir: 29].
Alamọri ẹlẹẹkẹrin: Nini igbagbọ pe Ọlọhun- ti ọla Rẹ ga- ni O da gbogbo nnkan ti n bẹ; ti ko si Aṣẹ̀dá mìíràn yatọ si I, ti ko si si oluwa mìíràn lẹyin Rẹ, gẹ́gẹ́ bi O ṣe sọ, mimọ ni fun Un, pé: “Allāhu ni Ẹlẹ́dàá gbogbo n̄ǹkan. Òun sì ni Olùṣọ́ lórí gbogbo n̄ǹkan. [Az-Zumar: 62] Ọlọhun Ọba- ti ọla Rẹ ga- sọ pe: Ẹ̀yin ènìyàn, ẹ rántí ìdẹ̀ra Allāhu lórí yín. Ǹjẹ́ ẹ̀lẹ́dàá kan yàtọ̀ sí Allāhu tún wà tí ó ń pèsè fún yín láti inú sánmọ̀ àti ilẹ̀? Kò sí ọlọ́hun kan tí a gbọ́dọ̀ jọ́sìn fún ní ọ̀nà òdodo àyàfi Òun. Nítorí náà, báwo ni wọ́n ṣe ń ṣẹ yín lórí kúrò níbi òdodo? [Suratu Fatir: 3].
Nini igbagbọ ninu kadara: yoo maa ko nini igbagbọ ninu awọn alamọri mẹrin yii patapata sínú, gẹgẹ bi o ti jẹ igbagbọ awọn Ah’lus sunnah wal Jama’ah; yatọ si awọn ti wọn tako apakan nínú iyẹn ninu awọn oni adadaalẹ.
Ati pe nínú àwọn àlámọ̀rí pàtàkì nínú adisọkan to ni alaafia eleyii ti awọn eniyan to n tẹle sunnah ni gẹgẹ bi igbagbọ ni: Ini ifẹ nítorí Ọlọhun, kikorira nítorí Ọlọhun, mímú ni ọ̀rẹ́ nitori Ọlọhun, mimu ni ọ̀tá nítorí Ọlọhun, ati pe eleyii naa ni: adisọkan Al-walaa wal-baraa, eyi ti o si wa nínú ìgbàgbọ́ nínú Ọlọhun ti O ga.
Mumini maa nífẹ̀ẹ́ àwọn mumini, o si maa mu wọn ni ọrẹ, o maa korira àwọn keferi ( alaigbagbọ) , o si maa mu wọn ni ọ̀tá, àwọn olórí àwọn mumini nínú ìjọ yii naa ni àwọn saabe ojiṣẹ Ọlọhun (ki ikẹ ati ọla Ọlọhun máa bá a), -gẹgẹ bi o ti fẹsẹmulẹ ni ọdọ awọn Ah’lu-sunnah wal jama’a-; wọn yoo maa nífẹ̀ẹ́ wọn, wọn o si maa ba wọn ṣe ọrẹ, wọn o si maa ni adisọkan pe awọn ni ẹniti o loore julọ ninu awọn eeyan lẹyin awọn Anabi; nitori ọrọ Anabi (ki ikẹ ati ọla Ọlọhun maa ba a) ti o sọ pe: «Ọ̀rúndún tàbí iran ti o loore ju ni ọrundun (iran) temi, lẹyin naa ni o kan awọn ti wọn tẹle wọn, lẹyin naa ni awọn ti wọn tun tẹle wọn»[14] Ohun ti wọn fẹnu ko lori nini alaafia rẹ ni, [14] Bukhari ni o gbe e jáde (3651), àti Muslim (2533), láti inu hadith Abdullah ọmọ Mas'ud kí Ọlọhun yọnu sí i.
Wọn yoo si maa ni adisọkan pe ẹniti o lọla ju ninu wọn ni: Abubakar As-Sideeq, lẹyin rẹ ni Umar Al-Faaruq, lẹyin rẹ ni Uthmaan Dhuu nurain, lẹyin rẹ ni Ali Al-Mur’tadho, (ki Ọlọhun yọnu si gbogbo wọn lapapọ), lẹyin wọn ni awọn ti o ṣẹku ninu mẹ́wàá, lẹyin naa ni o kan awọn saabe ti o ku (ki Ọlọhun yọnu si gbogbo wọn lapapọ), wọn si maa dakẹ nibi nǹkan ti o ṣẹlẹ̀ láàrin wọn -ìyẹn ni pé: awọn saabe-, wọn si maa ni adisọkan pe wọn jẹ onigbiyanju nibẹ ni, ẹni tí o ba ṣe ohun ti ó tọ̀nà, ẹsan meji ni yoo maa bẹ fun un, ẹniti o ba si ṣe aṣiṣe, ẹsan kan ni yoo maa bẹ fun un.
Wọn si maa nífẹ̀ẹ́ àwọn ará ilé ojiṣẹ Ọlọhun - ki ikẹ ati ọla Ọlọhun máa bá a - ni àwọn tí wọ́n gba a gbọ́, wọn si maa mu wọn ni ọrẹ, wọn si maa nífẹ̀ẹ́ àwọn ìyàwó ojiṣẹ Ọlọhun - ki ikẹ ati ọla Ọlọhun máa bá a - tii ṣe àwọn ìyá àwọn mumini, wọn si maa tọrọ ki Ọlọhun yọnu si wọn lapapọ. Wọn si maa yọwọ́ yọsẹ̀ kúrò ni ojú ọ̀nà àwọn Rawaafidh ti wọn korira àwọn saabe, ti wọn si maa n bu wọn, ti wọn si n tayọ ààlà nipa àwọn ará ilé anọbi (ki ikẹ ati ọla Ọlọhun máa bá a), ti wọn si n gbe wọn kọjá ipò ti Ọlọhun fi wọn si, wọn si tun maa yọwọ yọsẹ̀ kúrò ni ojú ọ̀nà àwọn Nawaasib ti wọn maa n fi suta kan àwọn ará ilé anọbi- ki ikẹ ati ọla Ọlọhun máa bá a- pẹ̀lú ọ̀rọ̀ àbí iṣẹ́.
Nitori naa ohun ti a sọ yii: gbogbo rẹ ko sinu adisọkan ti o ni alaafia, eleyii ti Ọlọhun titori rẹ gbe ojiṣẹ Rẹ tii ṣe Muhammad dide (ki ikẹ ati ọla Ọlọhun maa ba a), oun si ni adisọkan ti o jẹ dandan lati ni igbagbọ ninu rẹ, ati dìrọ̀ mọ́ ọn ati diduro ṣinṣin lori rẹ ati ṣiṣọra kuro nibi ohun ti o ba yapa si i, oun si ni adisọkan awọn ikọ ti o la (Ahlus-sunnah wal jama’a) eyii ti Anabi (ki ikẹ ati ọla Ọlọhun maa ba a) sọ nipa wọn pe: «Ikọ̀ kan nínú ìjọ mi kò níí yéé máa hàn lórí òdodo, ẹni tí kò bá ràn wọ́n lọ́wọ́ kò níí kó ìpalára bá wọ́n, títí tí àṣẹ Ọlọ́hun yóò fi dé tí wọ́n yóò sì wà lórí bẹ́ẹ̀»[15], Nínú ẹgbawa miran: "«Ikọ̀ kan nínú ìjọ mi ko nii yẹ̀ ko nii gbò lẹniti wọn o maa ranṣe lórí òdodo»[16]," O sọ – ki ikẹ ati ọla Ọlọhun maa ba a– pe: Awọn ijọ Yahuudi ti pin si ẹgbẹ́ mọkanlelaadọrin, awọn ijọ Nasọọrọ naa si ti pin si ẹgbẹ mejilelaadọrin, ijọ mi yii si maa wa pin si ẹgbẹ mẹtalelaadọrin, gbogbo wọn ni yoo si wọ ina ayafi ẹgbẹ kan ninu wọn. Awọn saabe wa sọ pe: Tani wọn irẹ ojiṣẹ Ọlọhun? O sọ pe: ẹniti o ba wa lori deedee ohun ti emi ati awọn saabe mi wa lori rẹ [17] [15] Muslim ni o gbe e jade (1920), lati inu hadiisi Thaobaan, ki Ọlọhun yọnu si i. [16] Ibnu Mājah ni o gbe e jáde (3952), lati inu hadisi Thaubān, ki Ọlọhun yọnu si i, ti Ibni Hibbān sì sọ pé o ni alaafia (6714), ati Al-Hākim (8653). [17] Tirmidhiy ni o gbe e jáde (2641), lati inu hadiisi ‘Abdullāh ọmọ ‘Amr ki Ọlọhun yọnu si i, Al-Munāwiy sì sọ ninu tira Faydul Qodīr (5/347) pé: "‘Abdur-Rohmān ọmọ Ziyād Al-Afrīqiy wa ninu rẹ, Dhahabiy sọ pé: wọ́n sọ ọ di aláìlera", ti Al-’Albāniy sì sọ pé o ni àlàáfíà ninu tira Ṣọhīhul Jāmi‘ (5343).
Àwọn adisọkan ti o takò adisọkan to ni alaafia
Awọn ti wọn yẹgẹrẹ kuro nibi adisọkan yii ati awọn ti wọn n takò ó; onírúurú to pọ ni wọ́n; o n bẹ nínú wọn: awọn to n bọ ère, ati awọn to n bọ oriṣa, ati awọn Mọlaika ati awọn wolii ati alujannu, ati awọn igi, ati awọn okuta, ati nkan ti o yatọ si i. Gbogbo awọn yii o dahun si ipepe awọn Ojisẹ, bi ko ṣe pe wọn yapa wọn ni, wọn si ṣe agidi pẹlu wọn, gẹgẹ bi iran Kùráìṣì ati awọn iran larubawa ṣe ṣe pẹlu Anọbi Muhammad -ki ikẹ Ọlọhun ati ọla Rẹ maa ba a- ti wọn n beere lọdọ awọn nkan ti wọn jọsin fun, bibiya bukata wọn, iwosan awọn alaisan, ati àrànṣe lori awọn ọta, wọn maa n du ẹran fun wọn, wọn si maa n ṣe ileri fun wọn, igbati ojisẹ Ọlọhun -ki ikẹ Ọlọhun ati ọla Rẹ maa ba a- wa takò wọn, ti o si pa wọn laṣẹ pẹlu ijọsin fun Ọlọhun nikan ṣoṣo, wọn ṣeemọ pẹlu iyẹn, wọn si ta ko o, wọn si sọ pe: (Ṣé ó máa sọ àwọn òrìṣà di Ọlọ́hun Ọ̀kan ṣoṣo tí a gbọ́dọ̀ jọ́sìn fún ní ọ̀nà òdodo ni? Dájúdájú eleyi jẹ n̄ǹkan ìyanu. "[Sâd: 5]".
Anọbi- ki ikẹ ati ọla Ọlọhun máa bá a- ko yẹ ko gbo ti o n pe wọn si ti Ọlọhun, ti o si n ṣe ikilọ fun wọn kuro nibi ẹbọ, ti o si n ṣe alaye fun wọn nipa paapaa nkan ti wọn n pepe wọn si bẹ, titi ti Ọlọhun fi fi ọna mọ awọn ti o mọna ninu wọn, lẹyin iyẹn ni wọn wọ inu ẹṣin Ọlọhun nijọnijọ, ti ẹṣin Ọlọhun fi borí awọn ẹṣin yoku lẹyin ipepe ti ko duro, ati ijagun si oju ọna Ọlọhun fun ìgbà pípẹ́, lati ọdọ Ojisẹ Ọlọhun -ki ikẹ Ọlọhun ati ọla Rẹ maa ba a- ati awọn saabe Rẹ -ki Ọlọhun yọnu si wọn- ati awọn ti o tẹle wọn pẹlu dáadáa. Lẹyin naa ni awọn iṣesi yi pada, ti aimọkan si bori ọpọlọpọ ẹda; ti ogunlọgọ awọn eeyan si ṣeri pada lọ sibi ẹsin ìgbà aimọkan, pẹ̀lú aṣeju nipa awọn Anọbi ati awọn Wòlíì, ati kike pè wọn, ati iwa ìgbàlà pẹlu wọn, ati eyi ti o yatọ si iyẹn ninu awọn onírúurú ẹbọ, ti wọn ko si mọ itumọ: “Laa Ilaaha Ill Allahu”; gẹ́gẹ́ bí awọn alaigbagbọ ninu awọn Larubawa ṣe mọ itumọ rẹ, ki Ọlọhun ṣàánú fún wa.
Ẹbọ yii o yẹ ko gbo ti o n fọnka laarin awọn eeyan titi di asiko wa yii latara aimọkan ati jíjìnnà si àsìkò Anọbi.
Iruju awọn ẹni ikẹyin yii ni iruju awọn ẹni iṣaaju, oun naa ni ọrọ wọn pe: «Àwọn wọ̀nyí ni olùṣìpẹ̀ wa lọ́dọ̀ Allāhu». [Yûnus: 18], ati ọrọ wọn ti wọn sọ pe: «...A kò jọ́sìn fún wọn bí kò ṣe pé, nítorí kí wọ́n lè mú wa súnmọ́ Allāhu pẹ́kípẹ́kí ni..». [Suuratuz Zumar: 3] Ati pe Ọlọhun ti fagile iruju yii, O si ṣe alaye pe ẹni tí ó bá jọ́sìn fún nǹkan tí ó yàtọ̀ sí Oun (Allahu), ẹnikẹ́ni tàbí ohunkóhun tí ó wù kí ó jẹ́, o ti ṣe ẹbọ sí I, o si tun ti ṣe Kèfèrí, gẹgẹ bi Ọlọhun- ti ọla Rẹ ga- ti sọ pe: Wọ́n ń jọ́sìn fún ohun tí kò lè kó ìnira bá wọn, tí kò sì lè ṣe wọ́n ní àǹfààní yatọ Si Allāhu. Wọ́n sì ń wí pé: “Àwọn wọ̀nyí ni olùṣìpẹ̀ wa lọ́dọ̀ Allāhu.” "[Yûnus: 18]" Ọlọhun -mimọ ni fun Un- fèsì fún wọn pẹlu ọrọ Rẹ pe: «Sọ pé: “Ṣé ẹ máa fún Allāhu ní ìró ohun tí kò mọ̀ nínú àwọn sánmọ̀ àti ilẹ̀ ni?” Mímọ́ ni fún Un, Ó ga tayọ n̄ǹkan tí wọ́n ń fi ṣẹbọ sí I.» "[Yûnus: 18]"
Ọlọhun -ti ọla Rẹ ga- ṣe alaye ninu aaya yii pe: dajudaju ìjọsìn fun ẹlomiran to yatọ si Oun, ninu awọn Anọbi ati awọn Wòlíì, tabi ẹniti o yatọ si wọn, ẹbọ ti o tobi julọ ni, koda ti awọn ti o n ṣe e ba sọ ọ ni nkan miran to yatọ si ìyẹn, Ọba ti ọla Rẹ ga sọ pe: «...Àwọn tí wọ́n sì mú àwọn aláfẹ̀yìntì kan yàtọ̀ sí Allāhu, (wọ́n wí pé): “A kò jọ́sìn fún wọn bí kò ṣe pé, nítorí kí wọ́n lè mú wa súnmọ́ Allāhu pẹ́kípẹ́kí ni.”... [Suuratuz Zumar: 3]. Lẹyìn náà ni Ọlọhun ti ọla Rẹ ga fèsì fún wọn pẹlu ọrọ Rẹ pe: «Dájúdájú Allāhu l’Ó máa dájọ́ láààrin wọn nípa ohun tí wọ́n ń yapa-ẹnu nípa rẹ̀. Dájúdájú Allāhu kò níí fi ọ̀nà mọ ẹni tí ó jẹ́ òpùrọ́, aláìgbàgbọ́.» [Suuratuz Zumar: 3].
Ọlọhun, mimọ ni fun Un, wa fi han pẹlu ìyẹn pe dajudaju ijọsin wọn fun ẹlomiran pẹlu pípè wọn, ati ibẹru, ati irankan, ati nkan to jọ ìyẹn jẹ aigbagbọ si I mimọ ni fun Un, ti O si pe wọn ni irọ nibi ọrọ wọn pe dajudaju awọn ooṣa wọn o mu wọn sunmọ Ọlọhun ni pẹkipẹki.
Ninu awọn adisọkan ti aigbagbọ ti o n yapa adisọkan ti o ni alaafia, ti o si jẹ alatako fun nkan ti awọn Ojiṣẹ- ki ikẹ ati ọla maa ba wọn- mu wa naa ni nkan ti awọn ti ko ni igbagbọ ninu bibẹ Ọlọhun di sọkan ni asiko wa yii ninu awọn olutẹle Marx ati Lenin, ati awọn ti o yatọ si awọn mejeeji ninu awọn olupepe si aini igbagbọ si bibẹ Ọlọhun ati keferi (aigbagbọ ninu Ọlọhun), boya wọn sọ ọ ni sósíálístì (Ìṣọ̀kan nínú ìní àti ọrọ̀ ajé, níbi tí ìjọba tàbí àwùjọ fi ń ṣàkóso àwọn ohun ìní pàtàkì fún àǹfààní gbogbo ènìyàn) tabi ìṣekọ́múnístì (Kọmunisimu jẹ́ ètò ìṣèlú àti ètò ọrọ̀ ajé tí ó fẹ́ kí ohun-ìní jẹ́ ti gbogbo ènìyàn pọ̀, kì í ṣe ti ẹni kọọkan) tabi iṣebasisiimu (Baasiti jẹ́ èrò-ìṣèlú tí ó dá lórí ẹgbẹ́ Ba'ath, tí ó ń tẹnumọ́ ìṣọ̀kan àwọn orílẹ̀-èdè Arabu, orílẹ̀-èdè olómìnira, àti àwùjọ alájọ) tabi eyi to yatọ si ìyẹn ninu awọn orukọ, ati pe ninu awọn ìpìlẹ̀ awọn ti ko ni igbagbọ ninu bibẹ Ọlọhun yii ni pe ko si Ọlọhun, ati pe iṣẹmi jẹ ohun ti a le fojú rí
Ninu ìpìlẹ̀ wọn tun ni titako isẹri pada sọdọ Ọlọhun ati bibẹ ọgbà idẹra ati iná, ati ṣiṣe aigbagbọ si gbogbo ẹsin patapata, ẹni tí ó bá wo awọn iwe wọn ti o sì kọ́ nkan ti wọn wa lori ẹ, yoo mọ ìyẹn ni amọdaju. Ko si iyemeji pe dajudaju adisọkan yii tako gbogbo awọn ẹsin atọrunwa, o si maa ti awọn ti wọn n ṣe e lọ si eyi ti o buru julọ ninu awọn àtúbọ̀tán ni aye ati ọjọ ikẹyin
Ninu awọn adisọkan wọnyẹn to tako òdodo ni: nkan ti apakan awọn Suufi di sọkan pe dajudaju apakan awọn ti wọn pe wọn ni wolii n ba Ọlọhun kẹ́gbẹ́ nibi ṣíṣe ètò, ti wọn si n ṣe bi o ṣe wu wọn nipa eto igbesi aye, ti wọn si n pe wọn ni qutubu, ati watadu, ati gaosu, ati nkan miran to yatọ si ìyẹn ninu awọn orukọ ti wọn hun wọn fun awọn ọlọhun wọn, eleyii jẹ ẹbọ nibi nini igbagbọ ninu Ọlọhun nikan ṣoṣo nibi awọn iṣe Rẹ, oun si wa ninu eyi ti o buru ju lọ ninu awọn irúfẹ́ ẹbọ sí Ọlọhun - tí ọlá Rẹ ga jùlọ.
Ẹni ti o ba woye si ẹbọ awọn ẹni iṣaaju ninu awọn eniyan asiko aimọkan, ti o si fi wé ẹbọ ti o tàn kalẹ laarin awọn ti wọn de kẹyin; yoo ri i wipe dajudaju ẹbọ awọn ti wọn de kẹyin lo tobi ju ti o si buru ju, alaye lori rẹ si n bọ gẹgẹbi eleyii: Dajudaju awọn alaigbagbọ Larubawa ninu igba aimọkan ti da yatọ pẹlu nkan meji: Alakọkọ ni pé: dajudaju wọn kò mú nkankan mii ni orogún pẹlu Ọlọhun níbi ijẹ Oluwa, ṣugbọn dajudaju ẹbọ wọn wa níbi ìjọsìn ni; nitori dajudaju wọn fi ijẹ Oluwa rinlẹ fún Ọlọhun- ti agbara ati ọla Rẹ ga- ni Oun nikan ṣoṣo, gẹgẹ bi Ọlọhun- mimọ ni fún Un, ti ọla Rẹ ga- ṣe sọ pé: «Àti pé tí o bá bi wọ́n léèrè pé: “Ta ni Ó dá wọn?”, dájúdájú wọn á wí pé: “Allāhu ni.” ""[Az-Zukhruf: 87]"" Ọlọhun- ti ọla Rẹ ga- tun sọ pe: Sọ pé: “Ta ni Ó ń pèsè fún yín láti inú sánmọ̀ àti ilẹ̀? Ta ni Ó ní ìkápá lórí ìgbọ́rọ̀ àti ìríran? Ta ni Ó ń mú alààyè jáde láti ara òkú, tí Ó tún ń mú òkú jáde láti ara alààyè? Ta sì ni Ó ń ṣe ètò ọ̀rọ̀ (ẹ̀dá)?” Wọn yóò wí pé: “Allāhu” Nígbà náà, sọ pé: “Ṣé ẹ ò níí bẹ̀rù (Rẹ̀) ni?” [Suratu Yunus: 31]. Awọn Aayah to wa lori itumọ yii pọ gan.
Ọrọ ẹlẹẹkeji: pe dajudaju dida ẹbọ pọ wọn nibi ijọsin kò jẹ́ ti gbogbo ìgbà, bi ko ṣe pe o maa n ṣẹlẹ nigba idẹra, ṣugbọn nigba ilekoko dajudaju wọn maa n mọ ijọsin kanga fun Ọlọhun ni, gẹgẹ bi Ọlọhun tí ọlá Rẹ ga ṣe sọ pé: Nígbà tí wọ́n bá gun ọkọ̀ ojú-omi, wọ́n máa pe Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un. Àmọ́ nígbà tí Ó bá gbà wọ́n là sí orí ilẹ̀, nígbà náà ni wọn yóò máa ṣẹbọ "[Al-`Ankabût: 65]"
Ṣugbọn awọn ọṣẹbọ ti wọn de kẹyin, dajudaju wọn ṣe afikun lori awọn ẹni iṣaaju ni ọna meji: Apa alakọkọ: Ẹbọ apakan wọn nibi ijẹ Oluwa. Ọna keji: Dida ẹbọ wọn pọ mọ Ọlọhun nigba idẹkun ati ilekoko, ti ko si pamọ fun ẹni tí ó ba ròpọ̀ mọ wọn, ti o si mọ iṣesi wọn, ti o si ri nkan ti wọn ṣe nibi saare Hussein ati Al-Badawy ati awọn to yatọ si wọn ni ìlú Egypt, ati nibi saare Al-A'idaruus ni Hadan, ati saare Al-Haadiy ni Yemen, ati saare Ibnul Arabiy ni Shaam, ati saare As-Sheikh Abdul Qoodir Al-Jailaaniy ni Iraq, ati awọn to yatọ si wọn ninu awọn saare to gbajumọ ti awọn eeyan ṣe àṣejù nibẹ ti wọn si yi ọpọ ninu ẹtọ Ọlọhun fun wọn-Ọba ti O tobi ti O gbọnngbọn- ti awọn to n takò wọn sì kéré, ti wọn yoo si ṣe alaye fun wọn paapa nini igbagbọ ninu Ọlọhun ni Òun nikan ṣoṣo, eleyii ti Ọlọhun gbe Anọbi Rẹ Muhammad dide pẹlu ẹ- Ki ikẹ Ọlọhun ati ọla Rẹ maa ba a- ati awọn ti o ṣíwájú rẹ ninu awọn Ojiṣẹ- ki ikẹ ati ọla Ọlọhun maa ba wọn- tori pe dajudaju ọdọ Ọlọhun lati wa ọdọ Rẹ naa ni a maa pada si.
Ninu awọn adisọkan ti o tako adisọkan ti o ni alaafia nibi àkòrí nini igbagbọ ninu awọn orukọ Ọlọhun ati awọn iroyin Rẹ: ni awọn adisọkan awọn oni adadaalẹ ninu awọn Al-Jahmiyyah, ati awọn Al-Muhtazilah, ati ẹniti o ba tẹle ilana wọn nibi titako awọn iroyin Ọlọhun (Ọba ti O tobi ti O gbọnngbọn), ati sisọ pe ohun ti a mẹnuba fun Ọlọhun (Ọba Mimọ) ninu awọn iroyin pípé ko ri bẹẹ, ati rí ròyìn Rẹ (Ọba ti O tobi ti O gbọnngbọn) pẹ̀lú àwọn nǹkan ti kò sí, ati awọn nǹkan ti kò ní ẹ̀mí, ati awọn nǹkan ti o ṣòro láti ṣẹlẹ̀, Ọlọhun ga ní gíga t’ó tóbi tayọ ohun tí wọ́n ń wí.
Ninu awọn ti wọn wọnú ìyẹn naa ni àwọn ti wọn tako àwọn ìròyìn kan, ti wọn si fi àwọn kan rinlẹ; gẹ́gẹ́ bí o ṣe jẹ́ ìgbàgbọ́ àwọn Ashaa’irah, àwọn wọnyí ni o maa jẹ dandan fun wọn nibi awọn ìròyìn tí wọ́n fi rinlẹ irú nǹkan tí wọ́n sá fún nibi awọn ìròyìn tí wọ́n takò, ti wọn si tú àwọn ẹ̀rí rẹ ní ìtúkútùú, ti wọn wa ti ipasẹ rẹ yapa àwọn ẹri Kuraani ati Hadiisi, ati awọn ẹri ti làákàyè, ti wọn si tako ara wọn nibi ìyẹn ni itako ti o fi ojú hàn.
Sugbọn awọn ahlus sunna wal jamaa’ah: wọn ti fi awọn nkan ti Ọlọhun - ti O mọ, ti O si ga - fi rinlẹ fun ara Rẹ, tabi nkan ti Ojiṣẹ Rẹ Muhammad - ki ikẹ Ọlọhun ati ọla Rẹ maa ba a - fi rinlẹ fun Un ninu awọn orukọ Ọlọhun ati iroyin Rẹ ni ọna pípé, ti wọn si fọ Ọ mọ kuro nibi jijọ ẹda Rẹ ni afọmọ kan to mọ kuro ninu ẹ̀gbin sísọ pé kò rí bẹ́ẹ̀, ti wọn si ṣe àmúlò awọn ẹri naa patapata ti wọn o si yi i pada, ti wọn o si sọ pé kò rí bẹ́ẹ̀, ti wọn si la kuro nibi titako ara ẹni ti awọn ti o yatọ si wọn kó sí - gẹ́gẹ́ bí alaye iyẹn ṣe ṣaaju -,
Eléyìí naa ni ọna ọlà àti oriire ni ile aye ati ọjọ ikẹyin, òun naa ni ọna ti o tọ ti awọn ẹni iṣaaju ijọ yii ati awọn imaamu wọn tọ, kò sí ohun ti o le mú kí àwọn ẹni ìkẹyìn wọn dára àyàfi ohun ti awọn ẹni àkọ́kọ́ wọn fi dára, oun naa ni itẹle Kuraani ati Sunna, ati gbigbe nkan ti o yapa mejeeji ju silẹ. A n beere lọwọ Ọlọhun, mimọ ni fun Un ti ọla Rẹ ga, lati ṣẹ ijọ Musulumi lori pada sibi imọna wọn, ki O si jẹ ki awọn olupepe sí imọna pọ ninu wọn, ki O si fi awọn aṣaaju wọn ati awọn onímímọ̀ wọn ṣe kongẹ lati gbe ogun ti ẹbọ, ati lati pa a rẹ, ati lati ṣe ikilọ nipa awọn àtẹ̀gùn rẹ... dajudaju Oun ni Ọba ti O n gbọ ti O sunmọ. Ọlọhun ni Ọba Olufiniṣekongẹ, Oun ni O to wa, Oun si ni Ẹni ti a n gbarale ti o dara julọ, ko si agbara tabi ipa kankan ayafi pẹlu Rẹ. Ki Ọlọhun ba wa ṣe ikẹ ati ọla Rẹ fun ẹru Rẹ ati ojiṣẹ Rẹ tii ṣe Anọbi wa Muhammad ati awọn araale rẹ ati awọn saabe rẹ.
Iwe ẹlẹẹkeji: Nipa idajọ wiwa ìgbàlà lọdọ Anabi -ki ikẹ Ọlọhun ati ọla Rẹ maa ba a-.
Gbogbo ẹyin ati ọpẹ ti Allah nii ṣe, ikẹ ati ọla ki o lọ maa ba ojiṣẹ Ọlọhun, ati awọn araale rẹ ati awọn saabe rẹ ati gbogbo ẹniti o ba mọna pẹlu imọna rẹ.
Lẹyin naa: Dajudaju iwe iroyin Al-Mujtama' ti orilẹ-ede Kuwait tẹjade ninu atẹjade kẹẹdogun (15) rẹ, eyi ti o jade ni 19/ 4/ 1390 AH, ni ọ gbé awọn ẹsẹ orin kan jade labẹ akori: (Nibi iranti ọjọ ibi Anabi ti o ni ọla), atipe awọn ẹsẹ ile orin yii ni o ko wiwa igbala lọ sọdọ Anabi – ki ikẹ ati ọla Ọlọhun maa ba a – sinu , ati wiwa aranṣe lọ sọdọ rẹ; lati le yọ ijọ ati ṣiṣe e ni aranṣe ati gbigba a la kuro nibi nnkan ti o bọ sinu rẹ ninu iyapa ati aiyede, pẹlu itọwọbọwe arabinrin ti o sọ ara rẹ ni: (Aaminah), eleyi ni awọn gbolohun kan ninu awọn ẹsẹ ile orin ti an tọka si yii:
Irẹ ojiṣẹ Ọlọhun tete le pa ba ayé kan lati wa sakoyọ... tí ó ń dáná ogun tí ó sì ń jó nínú igbona iná rẹ̀.
Irẹ ojiṣẹ Ọlọhun, gba ìjọ kan là... nínú òòkùn iyèméjì tí ìrìn àjò òru rẹ̀ si ti gùn.
Irẹ ojiṣẹ Ọlọhun, wá gba ìjọ kan là... èyí tí ìran àti afojusun rẹ̀ ti sọnù nínú ìdaamu ìbànújẹ́.
titi o fí de ibi tí o tí sọ pé:
Mú àrànṣe yá gẹ́gẹ́ bí o ṣe mú un yá... ní ọjọ́ Ogun Badr nígbà tí o pe Allāhu.
Ìyẹpẹrẹ sì yípadà di àrànṣe t’ó dára púpọ̀... Dájúdájú ti Allāhu ni àwọn ọmọ ogun tí a ò lee fójú rí.
(Baayi ni onkọwe obinrin yi ṣe dari ipepe rẹ ati wiwa iranlọwọ rẹ si Ojiṣẹ – ki ikẹ ati ọla Ọlọhun maa ba a -, ti o n beere lọwọ rẹ lati gba awọn ijọ la pẹlu mimu aranṣe yara, ti o gbagbe - tabi ni ti aimọkan - pe dajudaju aranṣe wa ni ọwọ Ọlọhun nikan, atipe ko si ni ọwọ Anabi – ki ikẹ ati ọla Ọlọhun maa ba a - tabi ẹlomiran ninu awọn ẹda, gẹgẹ bi Ọlọhun mimọ Rẹ ti sọ ninu Iwe Rẹ ti o nṣe alaye kedere pe : « Kò sí àrànṣe lórí ọ̀tá (láti ibì kan kan) bí kò ṣe láti ọ̀dọ̀ Allāhu, Ọba pàtàkì Ọba Ọwan , Ọlọ́gbọ́n». [Āl ‘Imraan: 126], Ọlọhun tí O tóbi púpọ sọ pé: «Tí Allāhu bá ṣe àrànṣe fún yín, kò sí ẹni tí ó máa borí yín. Tí Ó bá sì yẹpẹrẹ yín, ta sì ni ẹni tí ó fẹ ṣe àrànṣe fún yín lẹ́yìn Rẹ̀...» [Āl ‘Imraan: 160].
Iṣẹ yii tii se adua ati wiwa iranlọwọ tabi igbala ni: didarí iran kan ninu awọn iran ìjọsìn sí ọdọ ẹlomiiran yatọ si Ọlọhun- ti ọla Rẹ ga-; Ati pe o ti di mimọ nipasẹ ẹri ati ifohunṣọkan: pe dajudaju iyẹn ko lẹtọọ, ati pe dajudaju Ọlọhun - (Ọba ti O mọ) - ṣẹ̀dá àwọn ẹ̀dá kí wọ́n le jọ́sin fún Un, O si ran awọn ojiṣẹ, O si sọ awọn iwe kalẹ lati ṣe alaye ijọsin naa ati pipepe lọ sibẹ, gẹgẹ bi Ọlọhun (Ọba ti O mọ) ṣe sọ pe: «Àti pé Èmi kò ṣẹ̀dá àlùjànnú àti ènìyàn bí kò ṣe pé kí wọ́n lè jọ́sìn fún Mi» [Suuratudh Dhāriyāt: 56], Ọlọhun Ọba- ti ọla Rẹ ga- sọ pe: «Dájúdájú A ti gbé Òjíṣẹ́ dìde nínú ìjọ kọ̀ọ̀kan (láti jíṣẹ́) pé: “Ẹ jọ́sìn fún Allāhu. Kí ẹ sì jìnnà sí àwọn òrìṣà.” [Suratun Nahl: 36], Ọlọhun Ọba- ti ọla Rẹ ga- sọ pe: « A kò rán òjíṣẹ́ kan níṣẹ́ ṣíwájú rẹ àfi kí A sọrọ ki a si fi rán an pé: “Dájúdájú kò sí ọlọ́hun kan tí ẹ gbọ́dọ̀ jọ́sìn fún ní ọ̀nà òdodo àyàfi Èmi (Allāhu). Nítorí náà, ẹ jọ́sìn fún Mi.” Suratul Anbiyaa: 25 Ọlọhun tí O tóbi púpọ sọ pé: ’Alif lām rọ̄. (Allāhu ló mọ ohun tí Ó gbàlérò pẹ̀lú àwọn háràfí náà.) (Èyí ni) Tírà tí wọ́n ti to àwọn āyah inú rẹ̀ ní àtògún régé, lẹ́yìn náà wọ́n ṣàlàyé rẹ̀ yékéyéké láti ọ̀dọ̀ Ọlọ́gbọ́n, Alámọ̀tán. (A ti ṣàlàyé rẹ̀) pé ẹ má jọ́sìn fún kiní kan àfi Allāhu. Dájúdájú èmi ni olùkìlọ̀ àti oníròó ìdùnnú fún yín láti ọ̀dọ̀ Rẹ̀. [Huud: 1, 2].
Nitori naa, Ọba ti O ga ṣalaye ninu awọn aayah (ọrọ Rẹ) ti wọn ṣe daada ti wọn si gun régé yii pe dajudaju Oun ko da awọn eeyan ati alijannu ayaafi ki wọn o maa sìn In ni Oun nikan, ti ko ni akẹgbẹ. O si ṣalaye pe dajudaju Oun ran awọn ojiṣẹ - ki ikẹ ati ọla Ọlọhun o maa ba wọn - lati pa aṣẹ pẹlu ijọsin yii, ati lati kọni ni èèwọ̀ ohun ti o lodi si i. O si sọrọ - Ọba tí O tobi ti O gbọnngbọn - pe dajudaju Oun ṣe àtògún régé awọn aayah inu tira Rẹ, O si ṣalaye wọn lẹkunrẹrẹ ki wọn o ma baa jọsin fun ẹlomiran yatọ si I, (Ọba ti O mọ).
O si di mimọ pe itumọ ijọsin ni: mimu Ọlọhun ni ọkan ṣoṣo ati titẹ le E, pẹlu titẹle awọn aṣẹ Rẹ ati gbigbe awọn nǹkan ti O kọ̀ ju silẹ, Ọlọhun si ti paṣẹ ti O si sọ nipa iyẹn ninu awọn aayah (ọrọ Ọlọhun) ti o pọ, ninu rẹ ni: ọrọ Rẹ, mimọ fun Un: « Wọn kò sì pa wọ́n ní àṣẹ kan bí kò ṣe pé kí wọ́n jọ́sìn fún Allāhu lẹ́ni tí yóò máa ṣe àfọ̀mọ́ ẹ̀sìn fún Un, lẹ́ni tí yóò dúró ṣinṣin nínú ẹ̀sìn...» "[Al-Bayyinah: 5]," Ati ọrọ Ọlọhun Ọba ti O ga julọ ti O si gbọn-n-gbọn ti O sọ pe: «Olúwa rẹ pàṣẹ pé: “Ẹ má ṣe jọ́sìn fún ẹnì kan àyàfi Òun...» "[Al-Is'raa: 23]," Ati ọrọ Rẹ, mimọ ni fun Un, ti o sọ pe: « Dájúdájú Àwa sọ Tírà (al-Ƙur’ān) kalẹ̀ fún ọ pẹ̀lú òdodo. Nítorí náà, jọ́sìn fún Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un.» «Gbọ́! Ti Allāhu ni ẹ̀sìn mímọ́. Àwọn tí wọ́n sì mú àwọn aláfẹ̀yìntì kan yàtọ̀ sí Allāhu, (wọ́n wí pé): “A kò jọ́sìn fún wọn bí kò ṣe pé, nítorí kí wọ́n lè mú wa súnmọ́ Allāhu pẹ́kípẹ́kí ni.” Dájúdájú Allāhu l’Ó máa dájọ́ láààrin wọn nípa ohun tí wọ́n ń yapa-ẹnu nípa rẹ̀ (ìyẹn, ẹ̀sìn ’Islām). Dájúdájú Allāhu kò níí fi ọ̀nà mọ ẹni tí ó jẹ́ òpùrọ́, aláìgbàgbọ́». [Sūratuz Zumar: 2-3].
«Awọn ayah (ọrọ Allahu) ti o ko iru itumọ yii sínú pọ jọjọ, gbogbo rẹ ni n tọka lori jijẹ dandan ijọsin fun Ọlọhun nìkan, ati fifi ijọsin ohun ti o yatọ si I silẹ ninu awọn Anabi ati awọn miiran.
Ko sí iyèméjì pé adua wà nínú àwọn oríṣi ìjọsìn tí ó ṣe pàtàkì jùlọ tí ó sì kún jùlọ, o wa jẹ dandan ki a daju rẹ kọ Ọlọhun ní Oun nìkan ṣoṣo, gẹ́gẹ́ bí Ọba ti O lágbára ti O gbọnngbọn ti sọ pé: « Nítorí náà, ẹ pe Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un. àwọn aláìgbàgbọ́ ìbáà kórira rẹ̀ ( ibaa máa ni ìfèsi) [Gaafir: 14], Ọlọhun tí O gbọngbọn tí O tóbi jùlọ sọ pé: «Dájúdájú àwọn mọ́sálásí ń jẹ́ ti Allāhu. Nítorí náà, ẹ kò gbọ́dọ̀ pe ẹnì kan pẹ̀lú Allāhu». [Sūrah Al-Jinni: āyah 18], Ati pe itọsọna yii lori imu Ọlọhun lọkan soso ninu adua, o kari gbogbo awọn ẹda pata, ninu awọn Anọbi ati awọn ti o yatọ si wọn; ati ọrọ Rẹ pe: « Àti pé má ṣe pè lẹ́yìn Allāhu n̄ǹkan tí kò lè ṣe ọ́ ní àǹfààní, tí kò sì lè kó ìnira bá ọ. Tí o bá ṣe bẹ́ẹ̀ nígbà náà, dájúdájú ìwọ ti wà nínú àwọn alábòsí.» [Yunus: 106], Eyi jẹ ọrọ ti a doju rẹ kọ Anọbi - kí ikẹ Ọlọhun àti ọla Rẹ máa ba, ati pe o jẹ ohun ti a mọ pe dajudaju Ọlọhun (mimọ ni fun Un) ti ṣọ anọbi kuro nibi sise ẹbọ, kiki ohun ti a gbero nibi eyi ni ṣiṣe ikilọ fun awọn ti o yatọ si i, lẹyin naa ni (Ọlọhun ti titobi Rẹ ga) sọ pe: « Àti pé má ṣe pè lẹ́yìn Allāhu n̄ǹkan tí kò lè ṣe ọ́ ní àǹfààní, tí kò sì lè kó ìnira bá ọ. Tí o bá ṣe bẹ́ẹ̀ nígbà náà, dájúdájú ìwọ ti wà nínú àwọn alábòsí». [Yunus: 106], Eleyi jẹ ọrọ ti a darí si Anabi - kí ikẹ Ọlọhun àti ọla Rẹ máa ba, atipe ohun ti a gbero ninu rẹ ni: ṣiṣe ikilọ fun awọn ẹlomiran yatọ si i; nitori pe o jẹ ohun ti o di mimọ pe Ọlọhun (Allāhu), Mimọ ati Giga fun Un, ti da aabò bo Ojiṣẹ Rẹ kuro nibi ẹbọ ṣiṣe (shirk), Lẹ́yìn náà, Allah tún fi agbára mú ìkìlọ̀ àti ìdènà náà le sí i nígbà tí Ó sọ pé: ... « Tí ọ bá ṣe bẹ́ẹ̀ nígbà náà, dájúdájú ìwọ ti wà nínú àwọn alábòsí». Ti wọn ba sọ gbólóhùn « Azzulum » lásán lohun nikan, dájúdájú ohun tí a gbà lérò pẹ̀lú rẹ̀ ni: ẹbọ nlá, gẹ́gẹ́ bí Ọba tí ọla Rẹ̀ ga ti sọ pé: ‹ Àwọn aláìgbàgbọ́, ni alábòsí » èyí tí o tumọ si olusebọ . [Al-Baqorah: 254] Ọlọhun Ọba- ti ọla Rẹ ga- sọ pe: «Dájúdájú ẹbọ ṣíṣe ni àbòsí ńlá». Luqman: 13 Tí ó bá jẹ́ pé olórí àwọn ọmọ Adam -kí ìkẹ́ àti ọlà Ọlọ́hun máa bá a- pe ẹni tí ó yàtọ̀ sí Ọlọ́hun ni, ìbá wà nínú àwọn aláàbòsí, báwo wá ni ti ẹlòmíràn?!.
Nipa bẹẹ, a ti mọ pẹlu awọn ayah yii ati awọn eyi ti o yatọ si i pe dajudaju pipe nǹkan ti o yatọ si Ọlọhun — ninu awọn oku, ati awọn igi, ati awọn oosa, ati nǹkan ti o yatọ si i — jẹ ẹbọ si Ọlọhun Ọba Ọwan ti O si gbọnngbọn, ati pe o lodi si ṣiṣe Ọlọhun ni Ọkan ṣoṣo ninu ìjọsìn eyi ti o jẹ erongba ti Ọlọhun fi da awọn ẹda mejeeji (alujannu ati eeyan), ati ríran awọn ojiṣẹ, ati sisọkalẹ awọn Tira, o si n tako itumọ: Laa ilaaha illaa Allah; eyi ti o n mu ìjọsìn kuro fun nǹkan ti o yatọ si Ọlọhun, ti o si n fi idi rẹ mulẹ fun Ọlọhun Nìkan ṣoṣo, gẹ́gẹ́ bí Ọlọhun ti ọlá Rẹ̀ ga ti sọ pé: « Ìyẹn nítorí pé dájúdájú Allāhu, Òun ni Òdodo. Àti pé dájúdájú ohun tí wọ́n ń pè lẹ́yìn Rẹ̀ ni irọ́. Dájúdájú Allāhu, Òun ni Ó ga, Ó tóbi» [Hajj: 62].
Èyí ni ìpìlẹ àti gbòǹgbò ẹsin, àwọn ijọsin kò sì lee ni àlàáfíà àyaafi lẹ́yìn tí ìpìlẹ yìí bá ni àlàáfíà, gẹ́gẹ́ bí Ọlọhun ti ọla Rẹ ga ṣe sọ pé: Dájúdájú A ti fi ìmísí ránṣẹ́ sí íwọ àti àwọn tó ṣíwájú rẹ (pé) “Dájúdájú tí o bá ṣẹbọ, iṣẹ́ rẹ máa bàjẹ́. Dájúdájú o sì máa wà nínú àwọn ẹni òfò.” [Az-Zumar: 65], Ọlọhun Ọba ti ola Rẹ ga tún sọ pé: « Tí wọ́n bá fi lè ṣẹbọ ni, dájúdájú ohun tí wọ́n ń ṣe níṣẹ́ (rere) ìbá bàjẹ́ mọ́ wọn lọ́wọ́. [Suratul An'aam: 88].
Latara ohun ti o ti ṣiwaju o han gbangba pe dajudaju ẹsin Islam, ati jijẹrii: (pe ko si ọlọhun ti ijọsin tọ si afi Allahu) ni ipilẹ meji nla:
Ọkan ninu mejeeji ni pe: Kí wọn má ṣe jọsin fún ẹnikẹni àfi Ọlọhun ní Oun nìkan ṣoṣo, ti kò ní orogún; nítorí náà ẹni ti o ba pe awọn oku ninu awọn anọbi ati awọn ti o yàtọ̀ si wọn, tabi ti o pe àwọn òrìṣà, tabi awọn igi, tabi awọn okuta, tabi àwọn nnkan miiran ninu àwọn ẹ̀dá, tabi ti o wa igbala lọwọ wọn, tabi ti o sunmọ wọn pẹlu awọn ẹran-ẹbọ ati awọn ẹ̀jẹ́, tabi ti o ki irun fun wọn, tabi ti o nforibalẹ fun wọn; dajudaju o ti mu wọn ni awọn oluwa yàtọ̀ si Ọlọhun, o sì ti sọ wọn di àwọn orogún fun Un - Mímọ́ ni fún Un, ti ọla Rẹ̀ ga-, o sì ti tako, o sì ti se àtakò sí ìtumọ̀ Laa ilaaha illaa Allahu ( pé kò sí ẹnìkan tí o yẹ lati fi ìjọsìn fún ayaafi Allahu)
Ikeji: Ki a ma jọsin fun Ọlọhun- ti ọla Rẹ ga- afi pẹlu ilana Anabi Rẹ ati ojiṣẹ Rẹ- ki ikẹ Ọlọhun ati ọla Rẹ maa ba a-, nitori naa ẹni ti o ba da adadaalẹ kalẹ sinu ẹsin ni ohun ti Ọlọhun ko yọnda rẹ; ko mu itumọ ijẹrii wipe dajudaju Muhammad ojiṣẹ Ọlọhun ni ṣẹ, iṣẹ rẹ ko nii ṣe e ni anfaani bẹẹni ko nii jẹ ìtẹ́wọ́gbà lọwọ rẹ, Ọlọhun- ti titobi Rẹ ga- sọ pe: « Àti pé A máa wá ṣíbi ohun tí wọ́n ṣe níṣẹ́, A sì máa sọ ọ́ di eruku tí wọ́n fẹ́ dànu» [Suuratul Fur’qaan: 23], Ati pe ohun ti a gba lero pẹlu awọn iṣẹ ti a mẹnuba ninu aayah naa ni: awọn iṣẹ ẹni ti o ba ku lori dida ẹbọ pọ mọ Ọlọhun -ti O gbọnngbọn ti O si l'ọla-,
Ati pe o tun kó àwọn iṣẹ adadaalẹ ti Ọlọhun ko fun ni iyọnda sinu, dajudaju wọn maa di eruku ti afẹfẹ fẹ danu ni ọjọ Qiyaamah ( igbende) , nitori pe wọn ko ba sharia ( Ìlànà òfin) Rẹ ti o mọ mu, gẹgẹ bi Anabi- ki ikẹ Ọlọhun ati ọla Rẹ maa ba a- ṣe sọ pe: «Ẹnikẹni ti o ba da adadaalẹ kan sinu alamọri wa yii ninu nnkan ti ko si nibẹ, a o da pada ni»." Imam Bukhari ati Muslim panupọ lori pé Hadith yii lalaafia.
Àṣàyàn ọrọ: nipe pé òǹkọ̀wé obìnrin yí ti darí wíwá ìrànlọ́wọ́ rẹ̀ àti ádùrá rẹ̀ sọ́dọ̀ Ojisẹ (kí ikẹ Ọlọhun àti ọlá Rẹ máa ba), o si kọju kuro lọdọ Ọba gbogbo aye, Ẹni tí isẹgun, inira ati anfaani wa ni ọwọ Rẹ, tí kò sí ohun kankan nínú iyẹn lọ́wọ́ ẹlòmíràn yatọ Si I »
Kò sí iyèméjì pé àbòsí ńlá tí o le koko ni èyí, àti pé Ọlọhun ـ Ọba ti O lágbára ti O gbọnngbọn ـ ti pa láṣẹ ki a maa pe Òun, O sì ṣe àdéhùn láti jẹ́pè ẹni tí ó bá pe E, O sì ṣe àdéhùn ìyà pé ẹni tí ó bá ṣe ìgbéraga nipa ìyẹn yóò wọ inú iná Jahanamọ, gẹ́gẹ́ bi Ọba ti O lágbára ti O gbọnngbọn ti sọ pé: « Olúwa yín sọ pé: “Ẹ pè Mí, kí N̄g jẹ́pè yín. Dájúdájú àwọn tó ń ṣègbéraga nípa jíjọ́sìn fún Mi, wọn yóò wọ inú iná Jahanamọ ní ẹni yẹpẹrẹ.” [Gaafir: 60], Itumọ rẹ ni: Ni ẹni abuku, tí wọn yóò di ẹni yẹpẹrẹ, Ayah alapọnle yii tọka si pe adua jẹ ìjọsìn, ati pe ẹni ti o ba ṣe ìgbéraga nipa rẹ, iná Jahannamọ ni ibùwọ̀ rẹ̀, ti eleyii ba jẹ ipo ẹni ti o ṣe ìgbéraga nipa pipe Ọlọhun, bawo ni ipo ẹni ti o pe ẹni ti o yàtọ̀ si I yoo wa ṣe rí, ti o si kọ ẹhin si I, nigba ti o jẹ pe Oun, mimọ ni fun Un, ni Ọba ti O sunmọ, Ọba ti O ni gbogbo nkan, ati Ọba ti O ni ikapa lori gbogbo nkan, gẹgẹ bi Oun, mimọ ni fun Un, ti sọ pé: « Nígbà tí àwọn ẹrúsìn Mi bá bi ọ́ léèrè nípa Mi, dájúdájú Èmi ni Olùsúnmọ́. Èmi yóò jẹ́pè àdúà aládùúà nígbà tí ó bá pè Mí. Nítorí náà, kí wọ́n jẹ́’pè Mi (nípa ìtẹ̀lé àṣẹ Mi). Kí wọ́n sì gbà Mí gbọ́ nítorí kí wọ́n lè mọ̀nà (kí wọn le ri gbígbà àdúà). [Al-Baqara:186] Ati pe Ojiṣẹ- ki ikẹ Ọlọhun ati ọla Rẹ maa ba a- ti sọ nínú hadith ti o fẹsẹ mulẹ pé adua naa ni ìjọsìn, o si sọ fun ọmọ aburo baba rẹ Abdullahi ọmọ Abbas - ki Ọlọhun yọnu si awọn mejeeji - pé: "«Ṣọ́ Ọlọhun ki O le baa ṣọ ọ, ṣọ Ọlọhun, o maa ri Ọlọhun ni iwaju rẹ, ti o ba fẹ beere, Ọlọhun ni ki o beere lọwọ Rẹ, ti o ba fẹ wa iranlọwọ, Ọlọhun ni ki o wa iranlọwọ Rẹ»." Tirmidhi ati ẹni ti o yatọ si i ni wọn gbe e jade.
Anọbi- ki ikẹ Ọlọhun ati ọla Rẹ maa ba a- sọ pe: "“Ẹniti o ba ku lẹniti ti n pe akẹgbẹ́ kan fun Ọlọhun; onitọhun yoo wọ ina.”" Bukhaari ni o gba a wa, Ninu Saheehu mejeeji, lati ọdọ Anabi - ki ikẹ ati ọla Ọlọhun maa ba a - dajudaju wọn bi i leere pé: Ewo ninu ẹṣẹ lo tobi julọ? O sọ pe: «Ki o maa mu orogun pẹlu Ọlọhun Ọba Allaah, ti o si jẹ pe Oun ni O da ọ.» Ati pe orogun: oun ni afiwe ati ẹlẹgbẹ, nitori naa ẹnikẹni ti o ba pe nnkan to yàtọ̀ si Ọlọhun, tabi ti o wa igbala lọdọ rẹ, tabi ti o ṣe ileri fun un, tabi ti o du ẹran fun un, tabi ti o yi nkankan ninu ijọsin fun un yàtọ̀ si ohun ti o ti saaju; dajudaju o ti mu un ni orogun, yala o jẹ anabi tabi wooli, tabi Mọlaika, tabi alujannu, tabi ère, tabi nnkan ti o yatọ si i ninu awọn ẹda.
Nibi, ẹnikan le sọ pe: Kí wá ni idajọ bibeere tàbí titọrọ lọwọ ẹni ti o jẹ́ alaaye, ti o wa ni tòsí níbi nnkan ti o bá ni ikapa le lórí, ati wiwa iranlọwọ rẹ lori awọn àlámọ̀rí to ṣee fojuri ti o ni ikapa le lórí; Idahun ni pe: dajudaju eleyii kii ṣe ninu ẹbọ sise, ṣugbọn o wa ninu awọn ohun ti o jẹ deede ti a faaye gba laarin awọn Musulumi, gẹgẹ bí Ọlọhun Ọba ti ọlá Rẹ ga ti sọ ninu itan Anabi Musa pe: Èyí tí ó wá láti inú ìran rẹ̀ wá ìrànlọ́wọ́ rẹ̀ lórí èyí tí ó wá láti (inú ìran) ọ̀tá rẹ̀. [Al-Qasas: 15] Gẹ́gẹ́ bí Ọlọhun tí Ọlá Rẹ ga ti sọ bákan náà nínú ìtàn Anabi Musa pé: «Ó sì jáde kúrò nínú (ìlú) pẹ̀lú ìpáyà, tí ó ń retí (ẹ̀hónú wọn)... [Al-Qasas: 21] gẹgẹ bi ọmọniyan ṣe máa n wá ìgbàlà pẹlu awọn ẹlẹgbẹ rẹ nibi ogun, ati awọn omiiran ninu awọn nnkan ti o máa n ṣẹlẹ si awọn eniyan, ti wọn si máa n bukaata si ara wọn ninu rẹ.
Ati pe dájú dájú Ọlọhun ti pa l'aṣẹ fún Anọbi Rẹ - kí ikẹ Ọlọhun àti ọlá Rẹ máa ba a - pé kí ó fún ijọ rẹ niro pé kò ní ìkápá ànfàní àti ìnira kankan fún ẹnìkankan, Ọlọhun tí ọlá Rẹ ga, mimọ ní fún Un si sọ pé: Sọ pé: “Olúwa mi ni mò ń pè. Àti pé èmi kò níí sọ ẹnì kankan di akẹgbẹ́ fún Un.” Sọ pé: “Dájúdájú èmi kò ní ìkápá lórí ìnira àti ìmọ̀nà fún yín.” [Al-Jinn: 21-22], Ọlọhun Ọba- ti ọla Rẹ ga- sọ pe: Sọ pé: “Èmi kò ní agbára àǹfààní tàbí ìnira kan tí mo lè fi kan ara mi àyàfi ohun tí Allāhu bá fẹ́. Tí ó bá jẹ́ pé mo ní ìmọ̀ ìkọ̀kọ̀ ni, èmi ìbá ti kó ohun púpọ̀ jọ nínú oore ayé (sí ọ̀dọ̀ mi) àti pé aburú ayé ìbá tí kàn mí. Tani èmi bí kò ṣe olùkìlọ̀ àti oníròó ìdùnnú fún ìjọ onígbàgbọ́ òdodo.” [Suratul A'raf: 188].
Awọn Aayah to wa lori itumọ yii pọ.
O jẹ ohun ti a mọ pé dájúdájú anọbi - ki ikẹ Ọlọhun ati ọla Rẹ maa ba a - kì í pe ẹlòmíràn àyàfí Ọlọhun rẹ̀, gẹ́gẹ́ bí ó ti fẹsẹ̀ múlẹ̀ láti ọ̀dọ̀ rẹ̀ pé ní ọjọ́ ogún Badr ó ń tọrọ ìgbàlà lọ́dọ̀ Ọlọhun, bákàn náà tí ó sì n wa ìrànlọ́wọ́ lọ sí ọdọ̀ Rẹ̀ lórí àwọn ọ̀tá rẹ̀, tí ó sì wo mọn Ọlọhun níbi adua rẹ tí ó sì ń sọ pé: «Olúwa mi! mú ohun tí O ṣe ìlérí rẹ̀ fún mi wá sí ìmúṣẹ». Títí tí Abubakar As-Siddiq ẹni ńlá - kí Ọlọhun yọ́nú sí i - fi sọ pé: Ó ti tó fún ọ ìwọ Ojìṣẹ́ Ọlọhun, dájú dájú Ọlọhun yóò mú ohun tí O ṣe ìlérí rẹ̀ fún ọ wá sí ìmúṣẹ, Ọlọhun Ọba sì sọ ọ̀rọ̀ Rẹ̀ tí Ó ga kalẹ̀ nípa ìyẹn pé: «(Rántí) nígbà tí ẹ̀ ń wá ìrànlọ́wọ́ Olúwa yín, Ó sì da yín lóhùn pé dájúdájú Èmi yóò ràn yín lọ́wọ́ pẹ̀lú ẹgbẹ̀rún kan nínú àwọn mọlāika ti yóò máa wá ní tẹ̀léǹtẹ̀lé. [Surah Al-Anfâl: 9], Ó sì mú wọn rántí (Mímọ́ ni fún Un) nínú àwọn āyah yìí nípa wíwá ìrànlọ́wọ́ wọn, Ó sì fún wọn ní ìró pé dájúdájú Òun da wọ́n lóhùn, Ó sì ràn wọ́n lọ́wọ́ pẹ̀lú àwọn mọlāika; láti jẹ́ ìró ìdùnnú fún ìṣẹ́gun àti ìfọ̀kànbalẹ̀. Ó sì ṣàlàyé (Mímọ́ ni fún Un) pé dájúdájú ìṣẹ́gun kò wá láti ọ̀dọ̀ àwọn mọlāika, àmọ́ sá, dájúdájú láti ọ̀dọ̀ Rẹ̀ ni ìṣẹ́gun náà ti wá, Allāhu (tí Ó ga jùlọ) sì sọ pé: «Kò sí àrànṣe kan àfi láti ọ̀dọ̀ Allāhu»... [Āl ‘Imraan: 126], Ọlọhun tí O tóbi púpọ sọ pé: « Dajudaju Allāhu kúkú tí fún yín ní ìṣẹ́gun ní ogun Badr, nígbà tí ẹ̀yin jẹ́ aláìlágbára. Nítorí náà, ẹ bẹ̀rù Allāhu kí ẹ lè dúpẹ́ (fún Un). [Āl ‘Imraan: 123]. Nítorí náà, Allāhu tí Ó ga ṣàlàyé nínú āyah yìí pé dájúdájú Òun ni Olùṣàrànṣe fún wọn ní ọjọ́ ogun Badr, ó sì di mímọ̀ pẹ̀lú bẹẹ pé ohun tí Ó fún wọn nínú àwọn ohun ìja àti agbára, àti ìrànlọ́wọ́ àwọn mọlāika tí Ó fi ràn wọ́n lọ́wọ́, gbogbo rẹ̀ jẹ́ àwọn sábàbí fún àrànṣe, ìró ìdùnnú àti kí ọkàn lè balẹ̀, àti pé kò sí àrànṣe láti ara wọn, bí kò ṣe láti ọ̀dọ̀ Allāhu nìkan ṣoṣo, Bawo wá ni onkọwe yii tabi ẹlomiran ṣe le ni igboya lati dari ipe iranwọ rẹ ati bibeere iṣẹgun rẹ lọ sọdọ Anabi - ki ikẹ Ọlọhun ati ọla Rẹ maa ba a - ti yoo si ṣẹri kuro lọdọ Oluwa gbogbo ẹda, Ẹni ti O ni ohun gbogbo, ati Ẹni ti O ni ikapa lori ohun gbogbo?!
Ko si iyemeji pe eyi wa ninu aimọkan ti o buru julọ, koda, o wa ninu ẹbọ ti o tobi julọ, nitori naa o jẹ dandan fun obinrin olùkọ̀wé naa lati ronupiwada lọ si ọdọ Ọlọhun - Ọba ti O mọ́ - ni ìrònúpìwàdà tootọ, ati pe ìrònúpìwàdà tootọ ni eyi ti o ko awọn nnkan melo kan sinu, awọn náà ni : Alakọkọ: Ṣiṣe abamọ lori nnkan tí o ṣẹlẹ láti ọdọ rẹ̀. Ẹlẹẹkeji: Isiwọ kúrò níbi ohun tí o sẹlẹ lati ọdọ rẹ̀, Ẹlẹẹkẹta: Ìpinnu lati ma pada si ibẹ mọ, ni gbigbe Ọlọhun tobi ati ṣiṣe afọmọ fun Un, ati titẹle aṣẹ Rẹ, ati ṣiṣọra kuro ninu ohun ti Ó kọ̀, eyi ni tituuba ododo, Ati pe ohun kẹrin kan wa ti o ni i ṣe pẹlu ti o ba jẹ pe aida naa wa ninu ẹtọ awọn ẹda, oun ni: Ẹlẹẹkẹrin: Dida ẹtọ pada fun ẹni ti o ni i, tabi wiwa aforiji lọdọ rẹ.
Dajudaju Ọlọhun ti pa awọn ẹru Rẹ l'aṣẹ lati ṣe tituuba (rironu piwada), O si ṣe ileri fun wọn lati gba a, gẹgẹ bi Ọba- ti ọla Rẹ ga- ṣe sọ pe: « Kí gbogbo yín sì ronú pìwàdà sọ́dọ̀ Allāhu, ẹ̀yin onígbàgbọ́ òdodo nítorí kí ẹ lè jèrè ». [Sūratun Nūr: 31], O si tun sọ nipa awọn Nasoorah (awọn ti wọn lẹta won ni ọmọ lẹyin Jesu) pe: « Nítorí náà, ṣé wọn kò níí ronú pìwàdà sọ́dọ̀ Allāhu, kí wọ́n sì tọrọ àforíjìn lọ́dọ̀ Rẹ̀? Allāhu sì ni Aláforíjìn, Àṣàkẹ́-ọ̀run». Suuratul Maaidah: 74, Ọlọhun Ọba- ti ọla Rẹ ga- sọ pe: (Àwọn ni) àwọn tí kò pe ọlọ́hun mìíràn mọ́ Allāhu. Wọn kò pa ẹ̀mí tí Allāhu ṣe (pípa rẹ̀) ní èèwọ̀ àfi ní ọ̀nà ẹ̀tọ́. Àti pé wọn kò ṣe zinā. Ẹnikẹ́ni tí ó bá ṣe (aburú) yẹn, ó máa pàdé (ìyà) ẹ̀ṣẹ̀». «A óò ṣe ìyà ní ìlọ́po fún un ní Ọjọ́ Àjíǹde. Yóò sì máa ṣe gbére nínú rẹ̀ ní ẹni yẹpẹrẹ.» «Àfi ẹni tí ó bá ronú pìwàdà, tí ó gbàgbọ́ ní òdodo, tí ó sì ṣe iṣẹ́ rere. Àwọn wọ̀nyẹn ni Allāhu yóò fi iṣẹ́ rere rọ́pò iṣẹ́ aburú wọn (ìyẹn, nípa ìronúpìwàdà wọn). Allāhu sì ni Aláforíjìn, Ọba onikẹ » [Al-Furqaan: 68-70] Ọlọhun Ọba- ti ọla Rẹ ga- sọ pe: «Òun ni Ẹni tó ń gba ìronúpìwàdà láti ọ̀dọ̀ àwọn ẹrúsìn Rẹ̀. Ó ń ṣe àmójúkúrò níbi àwọn àṣìṣe. Ó sì mọ ohun tí ẹ̀ ń ṣe níṣẹ́». Suuratu Shuuroh: 25.
«O ni àlàáfíà lati ọdọ Ojiṣẹ Ọlọhun - ki ikẹ ati ọla Ọlọhun maa ba a - pe o sọ pe: “Isilaamu maa n se atiwó nnkan ti o ti ṣíwájú rẹ, ati pe tituuba maa n pa nnkan ti o ti ṣíwájú rẹ̀ rẹ́.”
Dájúdájú a ti ṣe akọsilẹ awọn ọrọ ṣókí wọnyi; nítorí titobi ewu dida orogun pọ mọ Ọlọhun, ati pe o jẹ eyi ti o tobi julọ ninu awọn ẹṣẹ, ati nítorí ìbẹ̀rù kí a má baà kó sínú itanjẹ pẹlu ohun ti o jade lati ọwọ arabinrin òǹkọ̀wé yìí, ati nítorí jije ọran-anyan lati ṣe imọran nitori Ọlọhun ati fun awọn ẹru Rẹ». Mo wa n bẹ Ọlọhun ti titobi Rẹ ga ki O jẹ ki o wulo, ki O si ṣe atunṣe awọn isesi wa ati awọn isesi awọn Musulumi lapapọ, ki O si tun ṣe idẹra le gbogbo wa lori sibi agboye ẹsin, ati ifẹsẹrinlẹ lori rẹ, ki O si sọ awa ati awọn Musulumi kuro nibi aburu awọn ẹmi wa ati awọn iṣẹ ibi wa, dajudaju Oun ni Alakoso iyẹn ati Olukapa lori rẹ.
Ki Ọlọhun ba wa ṣe ikẹ, ọla ati ibukun Rẹ fun ẹru Rẹ ati ojiṣẹ Rẹ tii ṣe Anọbi wa Muhammad ati awọn araale rẹ ati awọn saabe rẹ.
Iwe ẹlẹẹkẹta.
Nípa ìdájọ́ wíwá ìgbàlà pẹ̀lú alujannu àti awọn èṣù àti jíjẹ́ ẹ̀jẹ́ fún wọn.
Lati ọdọ Abdul Azeez ọmọ Abdullah ọmọ Bāz, lọ si ọdọ ẹnikẹni ti o ba ri i ninu awọn Musulumi: Ki Ọlọhun fun emi àti awọn náà ni aṣeyọri lati di ẹsin Rẹ mu ṣinṣin, ati lati duro gbọn-in gbọn-in lori rẹ. Āmīn.
Ki ọla Ọlọhun, aanu ati alubarika Rẹ maa ba yín.
Lẹyin bẹẹ: dajudaju awọn arakunrin kan ti bi mi leere nipa nnkan ti awọn alaimọkan kan n ṣe; ninu kikepe ẹniti o yatọ si Ọlọhun Ọba Mimọ, ati wiwa igbala pẹlu rẹ ninu awọn nnkan pataki; gẹgẹbi kikepe awọn alujannu, ati wiwa iranlọwọ pẹlu wọn, ati ṣíṣe ileri tàbí ijẹjẹ fun wọn, ati didunbu (pipa nkan) fun wọn. Atipe ninu iyẹn naa ni gbolohun awọn kan ninu wọn ti wọn sọ pe: (Ẹyin meje), iyẹn ni pe: awọn meje ninu awọn olori awọn alujannu, ẹ mu un, ẹ run awọn egungun rẹ, ẹ mu ẹjẹ rẹ, ẹ ge awọn ẹya ara rẹ kele kele, ẹyin meje ẹ ṣe nkan bayii si i, Tàbí ọ̀rọ̀ àwọn kan nínú wọn pé: (Ẹ mú un, ẹ̀yin alujannu ọ̀sán, ẹ̀yin alujannu ìrọ̀lẹ́), èyí sì wọ́pọ̀ púpọ̀ ní àwọn agbègbè gúúsù kan, ati nínú ohun tí ó rọ̀ mọ́ ọ̀rọ̀ yìí ni: kikepe awọn oku fún ìrànlọ́wọ́ nínú awọn anọbi ati awọn ẹni rere ati awọn mìíràn, ati kikepe awọn mọlaika ati wiwa iranlọwọ pẹlu wọn, Nítorí náà, gbogbo èyí àti irú rẹ̀ ń ṣẹlẹ̀ láti ọ̀dọ̀ ọ̀pọ̀lọpọ̀ nínú àwọn tí wọ́n ń fi ará wọn ti sí Islam, nipasẹ aimọkan wọn, àti títẹ̀lé àwọn tí ó ṣíwájú wọn. Bóyá kí apákan wọn mú un ni irọrun nínú ìyẹn kí wọ́n sì ṣe àwáwí pẹ̀lú ọ̀rọ̀ pé: nkan yìí kàn ń jáde lórí ahọ́n ni, a ò gbèrò rẹ̀ bẹ́ẹ̀ ni a ò nìgbàgbọ si.
O si tun bi mi leere: nipa idajọ fifẹ ẹni ti a mọ mọ awọn iṣe wọnyi, ati awọn ẹran pipa wọn, ati kiki irun sí wọn lara ati kikirun ni ẹyin wọn, ati nipa gbigba awọn opidan ati awọn yẹmiwo lododo; gẹgẹ bi ẹni ti o n pe apemọra imọ aisan ati awọn okunfa rẹ pẹlu kiki wiwo nkankan ninu ohun ti o kan ara alaisan; gẹgẹ bi lawani ati ṣokoto ati ibori ati ohun ti o jọ bẹẹ.
Idahun: Ọpẹ ni fun Ọlọhun nikan, ikẹ ati ọla ki o lọ maa ba ẹniti ko si Anọbi kankan mọ lẹyin rẹ, ati lori awọn ara ile rẹ ati awọn saabe rẹ ati ẹniti o ba mọna pẹlu wọn titi di ọjọ ẹsan.
Lẹyin eyi: Dajudaju Ọlọhun (Ọba ti O mọ, ti ọla Rẹ ga) da awọn ènìyàn ati alijannu lati jọsin fun Un, yatọ si gbogbo nkan ti o yatọ si I, ati lati mu Un ni ọkan ṣoṣo pẹlu adua ati iwa ìgbàlà ati didu ẹran ati ileri ati gbogbo awọn iran ijọsin to ku, O si gbe awọn ojiṣẹ dide pẹlu iyẹn, O si pa wọn laṣẹ rẹ, O si sọ awọn tira kalẹ lati ọrun, eyi ti o tobi julọ ninu wọn ni Alukuraani Alapọn-ọnle, lati le ṣalaye iyẹn, ati pípe ìpè lọ sibẹ, ati kíkilọ fun awọn ènìyàn kuro nibi ṣiṣẹbọ si Ọlọhun ati jijọsin fun nnkan miran yatọ si I, Eleyii ni ipilẹ gbogbo awọn ipilẹ ati gbongbo igbagbọ ati ẹsin, oun si ni itumọ jijẹrii pe ko si Ọba kankan ti ijọsin ododo tọ si ayafi Ọlọhun, ati lododo pe: ko si Ọba kankan ti ijọsin ododo tọ si ayafi Ọlọhun nikan. Yoo maa le ìní-ẹ̀tọ́ si ijọsin ati ijọsin fun ohun ti o ba yatọ si Ọlọhun jina, yoo si fi idi rẹ mulẹ - iyẹn ni pe: ijọsin - fun Ọlọhun nikan ṣoṣo, ni gbigbe ohun ti o ba yatọ si I ju silẹ ninu gbogbo awọn ẹda, Atipe awọn ẹri lori eyi ninu Tira Ọlọhun ati Sunnah Ojiṣẹ Rẹ - kí ikẹ Ọlọhun ati Ola Rẹ máa ba a -;pọ gan, ninu rẹ ni ọrọ Rẹ- ti ọla Rẹ ga- pe: « Àti pé Èmi kò ṣẹ̀dá àlùjànnú àti ènìyàn bí kò ṣe pé kí wọ́n lè jọ́sìn fún Mi». [Suuratudh Dhāriyāt: 56], Ati ọrọ Rẹ, mimọ ni fun Un, ti o sọ pe: « Olúwa rẹ pàṣẹ pé: “Ẹ má ṣe jọ́sìn fún ẹnì kan kan àyàfi Òun » [Al-Is'raa: 23], ati ọrọ Ọlọhun ti O sọ pe: « Àwa kò sì pa wọ́n ní àṣẹ kan bí kò ṣe pé kí wọ́n jọ́sìn fún Allāhu lẹ́ni tí yóò máa ṣe àfọ̀mọ́ ẹ̀sìn fún Un, lẹ́ni tí yóò dúró ṣinṣin nínú ẹ̀sìn...» [Al-Bayyinah: 5], ati ọrọ Ọlọhun ti O sọ pe: « Olúwa yín sọ pé: “Ẹ pè Mí, kí N̄g da yín loun . Dájúdájú àwọn tó ń ṣègbéraga nípa jíjọ́sìn fún Mi, wọn yóò wọ inú iná Jahanamọ ní ẹni yẹpẹrẹ.” [Gaafir: 60], Ọlọhun Ọba- ti ọla Rẹ ga- sọ pe: « Nígbà tí àwọn ẹrúsìn Mi bá bi ọ́ léèrè nípa Mi, dájúdájú Èmi ni Olùsúnmọ́. Èmi yóò jẹ́pè àdúà aládùúà nígbà tí ó bá pè Mí...» [Al-Baqara: 186].
Ni Ọlọhun (Ọba ti O mọ) wa ṣalaye ninu awọn Āyah yii pe dajudaju Oun da èèyàn ati alujannu fun ijọsin Rẹ, ati pe dajudaju O ti pinnu rẹ - iyẹn ni pe: O pa a laṣẹ ti O si sọ ọ di ọranyan fun - awọn ẹrusin Rẹ ninu Al-kur'an ti o fẹsẹ mulẹ, ati lori ahọn Ojiṣẹ (ikẹ ati ọla Ọlọhun ki o maa ba a), pe ki wọn maṣe jọsin fun ẹnikẹni ayafi fún Oluwa wọn»
O si ṣe alaye - ti ọlá Rẹ̀ ga - pé adua jẹ ìjọsìn tí ó tóbi, ẹnikẹni ti o ba ṣe igberaga nipa rẹ yoo wọ inu ina, O si pa awọn ẹru Rẹ láṣẹ láti máa pe E ni Oun nìkan, O si fun wa ni iro pé Oun sunmọ, tí O sì ń jẹ ipe wọn, ohun ti o wa jẹ dandan lori gbogbo awọn ẹru ni pé ki wọn da Olúwa wọn nìkan mọ fun adua; nitori pé ó jẹ iran kan ninu ìjọsìn tí a tori rẹ dá wọn , ti a si pa wọn láṣẹ rẹ, Ọlọhun ti ọlá Rẹ̀ ga sọ pé: Sọ pé: “Dájúdájú ìrun mi, ẹran(pípa) mi, ìṣẹ̀mí ayé mi àti ikú mi ti Allāhu nii ṣe , Olúwa gbogbo ẹ̀dá». « Kò sí akẹgbẹ́ fún Un. Ìyẹn ni wọ́n pa láṣẹ fún mi. Èmi sì ni ẹni-àkọ́kọ́ àwọn mùsùlùmí (ní àsìkò tèmi) ». [Al-An'aam: 162, 163].
Nitori naa, Ọlọhun pa Anabi Rẹ - kí ikẹ ati ọla Ọlọhun máa bá a - ni aṣẹ pe ki o sọ fún awọn èèyàn wipe dajudaju irun rẹ ati ijọsin rẹ - oun ni: didu nkan -, ati iṣẹmi rẹ ati iku rẹ; ti Ọlọhun Oluwa gbogbo agbaye ni, ko si orogun fún Un, da lori eyi: ẹni tó bá dú nkan fún ohun to yàtọ̀ si Ọlọhun dajudaju onitọun ti da nkan pọ mọ Ọlọhun ninu ẹbọ, gẹgẹ bii igba ti o ki irun fún ohun to yàtọ̀ si Ọlọhun; nitori pe Ọlọhun ti mimọ n bẹ fún Un ṣe irun kiki ati didu nkan ni akẹgbẹ ara wọn, O si funni ni iro pe ti Ọlọhun nikan ṣoṣo ni awọn mejeeji, ko si orogun fún Un, Ẹni ti o ba du nnkan fun ohun ti o yàtọ̀ si Ọlọhun ninu awọn alujannu ati awọn malaika ati awọn oku ati awọn miiran, ti o n sunmọ wọn pẹlu iyẹn, onitọun wa gẹgẹ bii ẹni ti o kirun fun ohun ti o yàtọ̀ si Ọlọhun. Ati pe ninu hadiisi tí ọ ni alaafia pe dajudaju Anabi- ki ikẹ Ọlọhun ati ọla Rẹ maa ba a- sọ pe: "«Ọlọhun ti ṣẹbi le ẹni tó bá du nkan fún ohun tó yàtọ̀ si Allah ”Ọlọhun»." Imaamu Ahmad gbe e jade pẹlu ise afti to dara lati ọdọ Tooriq ọmọ Shihaab - ki Ọlọhun yọnu si i - lati ọdọ Anabi - ki ikẹ Ọlọhun ati ọla Rẹ maa ba a - pe o sọ pe: «Arakunrin meji kọja lọdọ awọn ijọ kan ti wọn ni oriṣa kan ti ẹnikẹni ko gbọdọ kọja rẹ titi ti o fi maa fi nǹkan kan ṣe irubọ fun un, ni wọn ba sọ fun ọkan ninu wọn pe: Ṣe irubọ. O sọ pe: Emi ko ni nǹkan kankan ti n maa fi ṣe irubọ. Wọn sọ pe: Ṣe irubọ koda bi o ba jẹ eṣinṣin ni, ni o ba fi eṣinṣin kan ṣe irubọ, ni wọn ba fi ọna silẹ fun un, o si wọ ina, wọn si sọ fun enikeji pe: Ṣe irubọ. O sọ pe: Emi ko gbọdọ fi nǹkan kankan ṣe irubọ fun ẹnikẹni ti o yàtọ̀ si Ọlọhun ti ọla Rẹ ga julọ, ni wọn ba ge ọrun rẹ, o si wọ alujanna».
Ti o ba jẹ pe ẹni tí o sunmọ oosa ati nǹkan ti o jọ ọ́ pẹlu eṣinṣin ati nǹkan ti o jọ ọ́ jẹ́ ẹni tí n mu orogun pẹlu Ọlọhun, tí ó sì lẹtọọ si wiwọ inu ina, kí wá ni ti ẹni tí ń pe awọn alujannu ati awọn Malaika ati awọn wooli, kí sì ni ti ẹni tí ń wa ìgbàlà sọ́dọ̀ wọn, tí o ń ṣe ìlérí fún wọn, tí o sì ń sunmọ wọn pẹlu didunbu ẹran àsè, tí o ń reti pẹlu ìyẹn ṣíṣọ́ ọrọ̀ rẹ, tàbí wiwo alaarẹ rẹ san, tàbí alaafia fún awọn ẹranko rẹ ati awọn irugbin rẹ, kí sì ni ti ẹni tí o ń ṣe eleyii nitori ìbẹ̀rù aburu awọn alujannu, tàbí nǹkan ti o jọ ìyẹn?! Kò sí iyèméjì pe dajudaju ẹni tí o ba ṣe eleyii ati awọn nǹkan ti o jọ ọ́ kuku lẹtọọ jùlọ lati jẹ ẹni tí n mu orogun pẹlu Ọlọhun, tí o sì lẹtọọ si wiwọ inu ina ju ọkunrin yii tí o sunmọ oosa pẹlu eṣinṣin lọ.
Ninu awọn ẹri to jẹyọ nipa ọrọ yii bakannaa ni gbolohun Ọlọhun tí O tóbi púpọ to sọ wipe: « Dájúdájú Àwa sọ Tírà (al-Ƙur’ān) kalẹ̀ fún ọ pẹ̀lú òdodo. Nítorí náà, jọ́sìn fún Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un» « Tẹti ki ọ Gbọ́! Ti Allāhu ni ẹ̀sìn mímọ́. Àwọn tí wọ́n sì mú àwọn aláfẹ̀yìntì kan yàtọ̀ sí Allāhu, (wọ́n wí pé): “A kò jọ́sìn fún wọn bí kò ṣe pé, nítorí kí wọ́n lè mú wa súnmọ́ Allāhu pẹ́kípẹ́kí ni.” Dájúdájú Allāhu l’Ó máa dájọ́ láààrin wọn nípa ohun tí wọ́n ń yapa-ẹnu nípa rẹ̀ (ìyẹn, ẹ̀sìn ’Islām). Dájúdájú Allāhu kò níí fi ọ̀nà mọ ẹni tí ó jẹ́ òpùrọ́, aláìgbàgbọ́». Sūratuz Zumar: 1-3 Ọlọhun Ọba- ti ọla Rẹ ga- sọ pe: « Wọ́n ń jọ́sìn fún ohun tí kò lè kó ìnira bá wọn, tí kò sì lè ṣe wọ́n ní àǹfààní lẹ́yìn Allāhu. Wọ́n sì ń wí pé: “Àwọn wọ̀nyí ni olùṣìpẹ̀ wa lọ́dọ̀ Allāhu.” Sọ pé: “Ṣé ẹ máa fún Allāhu ní ìró ohun tí kò mọ̀ nínú àwọn sánmọ̀ àti ilẹ̀ ni?” Mímọ́ ni fún Un, Ó ga tayọ n̄ǹkan tí wọ́n ń fi ṣẹbọ sí I. "[Yûnus: 18]"
"Ọlọhun, mimọ ni fun Un, wa sọ ninu awọn aayah mejeeji wọnyi pe dajudaju awọn ọ̀ṣẹbọ mu awọn alafẹhinti ninu awọn ẹda yatọ si I, ti wọn n jọsin fun wọn pẹlu Rẹ pẹlu ibẹru, ati irankan, ati pípa ẹran, ati jijẹ ẹ̀jẹ́, ati pípè wọn, ati nkan to jọ ìyẹn, pẹlu sísọ pe dajudaju awọn alafẹhinti wọnyi o nmu ẹni ti o jọsin fun wọn sunmọ Ọlọhun ni pẹkipẹki, ti wọn yoo si ṣipẹ fun wọn lọdọ Rẹ, lẹyin naa ni Ọlọhun, mimọ ni fun Un, pe wọn ni irọ, ti O si ṣe afihan ibajẹ igbagbọ asan wọn, ti O si pe wọn ni awọn opuro, ati awọn alaigbagbọ, ati awọn ọ̀ṣẹbọ, ti O si ṣe Ara Rẹ ni mimọ kuro nibi ẹbọ wọn. Nitori naa, ni Ọlọhun - ti ọla Rẹ ga, ti O si tobi- sọ pe:" « Mímọ́ ni fún Un. Ó ga tayọ n̄ǹkan tí wọ́n ń fi ṣẹbọ sí I» Suuratun Nahl: 1. Nipa bẹẹ o ti di mímọ̀ wipe ẹni ti o ba mu Malaika, tabi Anọbi, tabi alujannu, tabi igi, tabi okuta, ti o n pe e pẹlu Ọlọhun, ti o si n tọrọ igbala lọdọ rẹ, ti o si n wa asunmọ pẹlu rẹ pẹlu jijẹjẹ ati didu ẹran, ni ireti iṣipẹ rẹ lọdọ Ọlọhun ati imusunmọ lọdọ Rẹ, tabi ni ireti iwosan fun alaisan, tabi iṣọ fun dukiya, tabi alaafia fun ẹni ti ko si nile, tabi nǹkan ti o jọ eleyii; dajudaju o ti bọ sinu ẹbọ nla yii, ati adanwo ti o lagbara, eyi ti Ọlọhun sọ nipa rẹ pe: « Dájúdájú Allāhu kò níí foríjin (ẹni tí) ó bá ń ṣẹbọ sí I. bẹ asi máa ṣàforíjìn fún ohun mìíràn yàtọ̀ sí ìyẹn fún ẹni tí Ó bá fẹ́. Ẹni tí ó bá ń ṣẹbọ sí Allāhu, dájúdájú ó ti dá àdápa irọ́ (tí ó jẹ́) ẹ̀ṣẹ̀ ńlá». [An-Nisaai: 48], Ọlọhun Ọba- ti ọla Rẹ ga- sọ pe: « Dájúdájú ẹnikẹ́ni tí ó bá bá Allāhu wá akẹgbẹ́, Allāhu ti ṣe Ọgbà Ìdẹ̀ra ní èèwọ̀ fún un. Iná sì ni ibùgbé rẹ̀. Kò sì níí sí alárànṣe kan fún àwọn alábòsí» (Surah Al-Maa'ida: 72).
Ati pé ìṣìpẹ̀ ko nii sí ni ọjọ Igbende ayafi fun awọn tí wọ́n ṣe Ọlọhun lọ́kan ṣoṣo pẹlu ododo, kii ṣe fun awọn ẹlẹbọ, gẹgẹ bi Anabi - ki ikẹ ati ọla Ọlọhun maa ba a - ti sọ nigba tí wọ́n sọ fun un pé: Iwọ Ojiṣẹ Ọlọhun, tani yoo ṣoriire jù ninu awọn eniyan pẹlu ìṣìpẹ̀ rẹ? O dahun bayii wi pe: «Ẹni ti o ba sọ pe: LAA ILAAHA ILLALLOHU ( kosi ẹni kankan tí o lẹtọ láti jọsin fún ayaafi Allah ) pẹlu ododo lati inu ọkan rẹ wa ». O tun sọ– ki ikẹ ati ọla Ọlọhun maa ba a– pe: "«Anabi kọọkan ni o ni adua kan ti yoo gba, gbogbo anabi si ti yara ṣe adua rẹ, ati pe dajudaju emi fi adua mi pamọ gẹgẹ bi isipẹ fun ìjọ mi ni ọjọ igbende, yóò si de ọdọ ẹnikẹni ti o ba ku ninu ìjọ mi ti ko si pe akẹgbẹ kankan mọ Ọlọhun pẹlu ògo Ọlọhun »
Àwọn ọ̀ṣẹbọ àkọ́kọ́ jẹ ẹni toni igbàgbọ́ pé dájúdájú Ọlọhun ni Olúwa wọn, Aṣẹ̀dá wọn àti Olùpèsè fún wọn, ṣùgbọ́n wọ́n rọ̀ mọ́ àwọn Anabi, àwọn woli, àwọn mọlaika, àwọn igi, àwọn okuta àti àwọn ohun tí ó jọ bẹ́ẹ̀, tí wọ́n ń retí ìṣípẹ̀ wọn lọ́dọ̀ Ọlọhun, àti mímú wọn súnmọ́ Ọ̀dọ̀ Rẹ̀, gẹ́gẹ́ bí ó ṣe ṣíwájú nínú àwọn ayah, Ọlọhun ko si gba awijare fun wọn pẹlu iyẹn, kaka bẹẹ Ọlọhun tako wọn ninu Tira Rẹ nla, O si pe wọn ni awọn alaigbagbọ ati awọn ọṣẹbọ, ti O si pe wọn ni irọ nibi ọrọ wọn pe dajudaju awọn oosa wọnyi yoo ṣipẹ fun wọn, ti yoo si mu wọn sunmọ Ọlọhun ni pẹkipẹki, bẹẹ ni ojiṣẹ Ọlọhun -ki ikẹ ati ọla Ọlọhun maa ba a- ko gba awijare fun wọn, kaka bẹẹ ojiṣẹ Ọlọhun -ki ikẹ ati ọla Ọlọhun maa ba a- tun gbogun ti wọn lori ẹbọ yii titi ti wọn yoo fi ṣe afọmọ ijọsin fun Ọlọhun nikan ṣoṣo, ni títẹ̀lé ọrọ Rẹ, mimọ ni fun Un: «Ẹ gbógun tì wọ́n títí tí kò fi níí sí ìfòòró (ìbọ̀rìṣà) mọ́. Ẹ̀sìn ’Islām yó sì wà (ní òmìnira) fún Allāhu..». [Suuratul Baqara: 193]. Ojiṣẹ - ki ikẹ ati ọla Ọlọhun maa ba a - sọ pe: «Wọn pa mi láṣẹ lati ba awọn eniyan ja titi wọn yóò fi jẹrii pe ko si ẹnikan ti ijọsin tọ si afi Allahu, ati pe dajudaju Muhammad ojiṣẹ Ọlọhun ni, ti wọn o si máa gbee irun duro, ti wọn ọ si maa yọ zakah, ti wọn ba ṣe iyẹn, wọn ti daabo bo ẹjẹ wọn ati awọn dukia wọn kuro lọdọ mi afi pẹlu ẹtọ Isilaamu, ati pe ìṣirò wọn wa lọwọ Ọlọhun». Àti pé ìtumọ̀ ọrọ anọbi kí ikẹ Ọlọhun àti ọla Rẹ máa ba a tí o sọ pé: "Titi ti wọn yoo fi jẹri pe ko si ẹni ti ijọsin ododo tọ si ayaafi Allāhu" Èyí túmọ̀ sí pé: kí wọ́n ya Ọlọhun sọ́tọ̀ pẹ̀lú ìjọsìn, yàtọ̀ sí gbogbo ohun mìíràn.
Ati pe dajudaju awọn ọṣẹbọ maa n bẹru awọn alujannu, ti wọn si maa n fi wọn wa aabo, nibi ìyẹn ni Ọlọhun- ti ọla Rẹ ga- ti sọ ọrọ Rẹ kalẹ pe: « Àti pé dájúdájú àwọn ọkùnrin kan nínú ènìyàn máa ń fi àwọn ọkùnrin kan nínú àwọn àlùjànnú wá ààbò. Àwọn àlùjànnú sì ṣe àlékún aburú fún wọn». [Sūrah Al-Jinni: āyah 6]. Awọn Olutu-tira tí o ntumọ Al- Quran ọrọ Ọlọhun sọ nibi Aayah alapọnlé naa pe: ìtumọ̀ ọrọ Rẹ: « Àwọn àlùjànnú sì ṣe àlékún aburú fún wọn». Ìyẹn ni pé: wọ́n n ko Ìpayà àti ìbẹ̀rù ba wọn; nítorí pé àwọn àlùjànnú máa ń gbé ara wọn ga tí wọn sì ń ṣe ìgbéraga nígbà tí wọn bá rí i pé àwọn ènìyàn ń fi wọ́n wá ààbò, àti pé ní àsìkò náà wọn á sì ṣe àlékún ìdẹ́rùbà àti ìfòyà fún wọn, títí wọ́n á fi sọ ìjọ́sìn fún wọn àti ìsádí sọ́dọ̀ wọn di púpọ̀.
Ati pe Ọlọhun ti fi wiwa isọra ni ọdọ Rẹ - mimọ ni fun Un -, ati pẹlu awọn gbolohun Rẹ ti o pe, rọpo iyẹn fun awọn Musulumi, O si sọ ọrọ Rẹ kalẹ nipa iyẹn - Ọba- ti ipo Rẹ gbọnngbọn - pe: «Tí ìbínú òdì kan bá sì ṣẹ́rí sínú ọkàn rẹ̀ láti ọ̀dọ̀ aṣ-Ṣaetọ̄n, fi Allāhu wá ìṣọ́rí. Dájúdájú Òun ní Olùgbọ́, Onímọ̀» . [Al-A'raaf: 200], Ati ọrọ Ọlọhun tí O tóbi púpọ ti O sọ pe: « Sọ pé: “Mo sá di Olúwa òwúrọ̀ kùtùkùtù O ni àlàáfíà lati ọdọ Anọbi - ki ikẹ ati ọla Ọlọhun maa ba a - pe o sọ pe: "“Ẹnikẹni ti o ba sọkalẹ si ààyè kan ti o wa sọ pe: (A‘ūdhu bi kalimātil lāhi at-Tāmmāti min sharri mā khọlaqọ);( èyí tí o tumọ si pé : Mo sadi Awọn gbólóhùn ọrọ Ọlọhun eyi ti ọ pé perepere kuro níbi aburú nkan ti O da ) nkankan ko nii ni í lara titi yíò fi kuro ni ààyè rẹ yẹn”."
Latara ohun ti o ti ṣiwaju ninu awọn aayah ati awọn hadiisi, ẹniti o n wa ìgbàlà, ti o si ni ifẹ lati ṣọ ẹsin rẹ, ati yiyè kuro nibi ẹbọ, kekere rẹ ati ẹbọ nla rẹ, yoo mọ pe: dajudaju kíkọ́ ọkàn le awọn oku ati Malaika ati awọn alujannu ati awọn to yatọ si wọn ninu awọn ẹda, ati pipe wọn ati sísádi wọ́n ati ohun ti o jọ bẹẹ; wa ninu awọn iṣẹ awọn ọsẹbọ asiko aimọkan, o si wa ninu ẹbọ ti o buru julọ si Ọlọhun Ọba Mimọ, nitori naa nnkan to jẹ dandan ni kikọọ silẹ, ati ṣiṣọra kuro nibẹ, ati gbigba ara ẹni niyanju lati kọọ silẹ, ati titako ẹni ti o ba ṣe e.
Ní ti ẹni tí a ba mọ nínú awọn eeyan pẹlu awọn iṣẹ ẹbọ wọnyi: dájúdájú kò tọ kí a ṣe ìgbéyàwó pẹlu rẹ, tabi kí a jẹ ẹran ti o du, tabi kí a kírun sí i lára nigbati ọ ba ku tán, tabi kí a kírun lẹyin rẹ, títí ti yóò fi kéde ituuba rẹ sọ́dọ̀ Ọlọhun Mimọ kúrò ninu ìyẹn, ti yóò sì ṣe àfọ̀mọ́ adura ṣíṣe ati ijọsin fun Ọlọhun nìkan ṣoṣo, adura ṣíṣe sì ni ijọsin, koda òun ni kókó rẹ, gẹgẹ bí ọrọ Anọbi - kí ikẹ Ọlọhun àti ọlá Rẹ máa ba a - tí o sọ pé: "“Adua naa ni ìjọsìn”." wọn gba ẹgbawa lati ọdọ rẹ - ki ikẹ ati ọla Ọlọhun maa ba a - ninu gbolohun mìíràn pe o sọ pe: “Adua ni akopọ pàtàkì nínú ìjọsìn”. Ṣugbọn nipa ti fifẹ àwọn ọ̀ṣẹbọ: dájúdájú Ọlọhun- ti ọla Rẹ ga- sọ pe: «;Ẹ má fi àwọn abọ̀rìṣà lóbìnrin ṣaya títí wọn yó fi gbàgbọ́ ní òdodo. Dájúdájú ẹrúbìnrin onígbàgbọ́ òdodo lóore ju abọ̀rìṣà lóbìnrin, kódà kí abọ̀rìṣà lóbìnrin wù yín. Ẹ má sì fi onígbàgbọ́ òdodo lóbìnrin fún àwọn abọ̀rìṣà lọ́kùnrin títí wọn yó fi gbàgbọ́ ní òdodo. Ẹrúkùnrin onígbàgbọ́ òdodo lóore ju abọ̀rìṣà lọ́kùnrin, kódà kí abọ̀rìṣà lọ́kùnrin wù yín. Àwọn (abọ̀rìṣà) wọ̀nyẹn ń pèpè sínú Iná. Allāhu sì ń pèpè sínú Ọgbà Ìdẹ̀ra àti àforíjìn pẹ̀lú ìyọ̀ǹda Rẹ̀. Ó sì ń ṣàlàyé àwọn āyah (ọrọ) Rẹ̀ fún àwọn ènìyàn nítorí kí wọ́n lè lo ìrántí». "[Al-Baqarah: 221]," Nítorí náà, Allāhu (Ọba Mímọ́) kọ̀ fún àwọn mùsùlùmí láti fi àwọn abọ̀rìṣà lóbìnrin ṣaya, nínú àwọn tí ó ń jọ́sìn fún ère, àlùjànnú, mọlāika àti àwọn n̄ǹkan mìíràn bíi rẹ̀, títí wọn yó fi gbàgbọ́ ní òdodo pẹ̀lú ṣíṣe àfọ̀mọ́ ìjọ́sìn fún Allāhu nìkan ṣoṣo, gbígba Ojiṣẹ Ọlọhun –ki ikẹ ati ọla Ọlọhun maa ba a – gbọ́ nínú ohun tí ó mú wá, àti títẹ́lé ọ̀nà rẹ̀. Ó sì kọ̀ láti fi àwọn mùsùlùmí lóbìnrin fún àwọn abọ̀rìṣà lọ́kùnrin, títí wọn yó fi gbàgbọ́ ní òdodo pẹ̀lú ṣíṣe àfọ̀mọ́ ìjọ́sìn fún Allāhu nìkan ṣoṣo, gbígba Ojiṣẹ Ọlọhun –ki ikẹ ati ọla Ọlọhun maa ba a – gbọ́, àti títẹlé rẹ̀.
O si funni ni iroyin - Mimọ ni fun Un - pe dajudaju ẹrubinrin ti o jẹ Mu'minan ( Onigbagbọ ododo) ni oore ju obinrin olominira ti o jẹ ọṣẹbọ lọ, koda bi o wu ẹni ti o n wo o, ti o si n gbọ ọrọ rẹ, pẹlu ẹwa rẹ ati didara ọrọ rẹ, ati pe dajudaju ẹru ti o jẹ Mu'mini( onigbagbọ ododo) ni oore ju ọkunrin olominira ti o jẹ ọṣẹbọ lọ, koda bi o wu ẹni ti o n gbọ ọrọ rẹ ati ẹni ti o n wo o, pẹlu ẹwa rẹ ati mimọ-ọrọ-sọ rẹ ati igboya rẹ ati eyiti o yatọ si i, lẹyin naa O ṣe alaye awọn idi fun apemọra ìní-ọlá-ju-ẹlòmíì-lọ yii pẹlu ọrọ Rẹ - Mimọ ni fun Un - pe: «Àwọn (abọ̀rìṣà) wọ̀nyẹn ń pèpè sínú iná». [Al-Baqorah: 221] Ìyẹn ni pé: àwọn ọkùnrin ọ̀ṣẹbọ àti àwọn obìnrin ọ̀ṣẹbọ; nítorí pé wọ́n wà nínú àwọn olùpèpè sí inú ìná pẹ̀lú ọ̀rọ̀ wọn, iṣẹ́ wọn, ìgbéayé wọn àti ìwá wọn. Àmọ́ ní ti àwọn ọkùnrin olùgbàgbọ́ òdodo àti àwọn obìnrin olùgbàgbọ́ òdodo, wọ́n wà nínú àwọn olùpèpè sí inú Ọgbà Ìdẹ̀ra pẹ̀lú ìwá wọn, iṣẹ́ wọn àti ìgbéayé wọn, báwo wá ni àwọn wọ̀nyí àti àwọn wọ̀nnì yóò ṣe dọ́gba!
Ní ti kíkí irun lé àwọn mushiriki ( ọsẹbọ) lórí: dájúdájú Ọlọhun Ọba ti ọla Rẹ ga ti sọ nípa àwọn munaafiki ( ṣein sọún) pé : « Láéláé, o ò gbọdọ̀ kírun sí ẹnì kan kan lára nínú wọn, tí ó bá kú, o ò sì gbọdọ̀ dúró níbi sàréè rẹ̀, nítorí pé wọ́n ṣàì gbàgbọ́ nínú Allāhu àti Òjíṣẹ́ Rẹ̀. Wọ́n sì kú nígbà tí wọ́n wà nípò òbìlẹ̀jẹ́.» [Surah At-Tawbah: 84], Nítorí náà, Ọlọhun ti ọla Rẹ ga ṣàlàyé nínú āyah alápọ̀n-ọ́nlé yìí pé dájúdájú a kò gbọdọ̀ kírun sí ṣọ̀bẹ-ṣèlu ( Munaafik ) mùsùlùmí àti keferi; ( alaigbagbọ) lara nítorí pé wọ́n ṣàì gbàgbọ́ nínú Allāhu àti Òjíṣẹ́ Rẹ̀. Gẹ́gẹ́ bí ìyẹn náà ni a kò gbọdọ̀ kírun lẹ́yìn àwọn méjèèjì, a kò sì gbọdọ̀ sọ wọ́n di aṣíwájú fún àwọn mùsùlùmí; nítorí àìgbàgbọ́ wọn àti àìṣeéfọkàntán wọn, àti nítorí ọ̀tá ńlá tí ó wà láàrín àwọn méjèèjì àti àwọn mùsùlùmí, àti nítorí pé wọn kìí ṣe lára àwọn ènìyàn ìrun àti ìjọ́sìn; torí pé àìgbàgbọ́ àti mímú orogun pẹ̀lú Ọlọhun kìí jẹ́ kí iṣẹ́ kankan ṣẹ́kù ni pẹ̀lú àwọn méjèèjì. A ń tọrọ àlááfíà lọ́dọ̀ Ọlọhun kúrò níbi ìyẹn. Niti jíjẹ awọn ẹran ti awọn ọṣẹbọ ba du: dajudaju Ọlọhun- ti titobi Rẹ ga- ti sọ lati ṣe alaye ṣiṣe okunbete ati awọn ẹran ti awọn ọṣẹbọ ba du ni eewọ pe: « Ẹ̀yin kò sì gbọdọ̀ jẹ nínú ohun tí wọn kò fi orúkọ Allāhu pa. Dájúdájú ẹ̀ṣẹ̀ ni. Àti pé dájúdájú àwọn aṣ-Ṣaetọ̄n, wọn yóò máa fi ọ̀rọ̀ irọ́ ránṣẹ́ sí àwọn ẹni wọn, nítorí kí wọ́n lè takò yín. Tí ẹ bá fi lè tẹ̀lé wọn, dájúdáju ọ̀ṣẹbọ lẹyin naa». "[Al-An’aam: 121]," Nitori naa Ọlọhun- ti ọla Rẹ ga- kọ jíjẹ okunbete ati nnkan ti ọṣẹbọ ba du fun awọn musulumi; nitori pe ẹgbin ni i, nitori naa nnkan ti o ba du wa ni idajọ okunbete, koda ki o da orúkọ Ọlọhun si i; nitori pe dida orukọ lati ọdọ rẹ jẹ asan ti ko ni ipa kankan; nitori pe ijọsin ni i, ati pe ẹbọ ṣiṣe maa n ba ijọsin jẹ, o si maa n sọ ọ di asan, titi ti ọṣẹbọ yoo fi ronu piwada sọdọ Ọlọhun Ọba, Ati pe dajudaju Ọlọhun Ọba- ti ọla Rẹ tobi- ṣe ounje awọn Ahlul-Kitaab (awọn tí wan fún ni tira ọrọ Ọlọhun) ní ẹ̀tọ́ ninu ọrọ Rẹ- mimọ ni fun Un- pe: « ...Àti oúnjẹ àwọn tí A fún ní tírà, ẹ̀tọ́ ni fún yín. Oúnjẹ tiyín náà, ẹ̀tọ́ ni fún wọn...» [Al-maidah: 5], Nítorí pé wọ́n fi ara wọn rọ̀ mọ́ ẹsin sánmọ̀, ti wọ́n sì n pe apemọra pe àwọn wa nínú àwọn tí n tẹle Musa ati Isa, bó tilẹ̀ jẹ́ pé onírọ́ ni wọ́n nínú ìyẹn, ti Ọlọhun si ti fagile ẹsin wọn, ti O si sọ ọ di asan pẹlu gbigbe Anọbi Muhammad- ki ikẹ ati ọla Ọlọhun máa bá a- dide si gbogbo eniyan lapapọ, ṣùgbọ́n Ọlọhun ti ọla Rẹ ga sọ oúnjẹ àwọn Ahlul-Kitaab ati àwọn obìnrin wọn di ẹ̀tọ́ fun wa; fún ọgbọ́n ti o pé ati àwọn aṣiri ti o lami-laaka, eyi ti àwọn onímọ̀ ti ṣàlàyé rẹ, yàtọ̀ sí àwọn tí wọ́n mu orogun mọ Ọlọhun nínú àwọn abọ̀rìṣà ati abọokú, nínú àwọn Anọbi ati àwọn olùfẹ́ Ọlọhun ati àwọn miiran; nítorí pé ẹsin wọn kò ní ipilẹ̀ kankan, bẹ́ẹ̀ ni kò ní àwọ̀ ododo kankan nínú rẹ, kàkà bẹ́ẹ̀, asan ni lati ipilẹ rẹ, nípa bẹ́ẹ̀, ẹran ti àwọn ẹlẹsin rẹ pa jẹ́ òkú ọmọ-ẹran, kò sì jẹ́ ẹ̀tọ́ lati jẹ ẹ.
Ní ti pé kí eniyan sọ fún ẹni tí ó ń bá sọ̀rọ̀ pé: (alijannu kọ lu ọ), (alijannu gbé ọ), (èṣù gbé ọ fò), àbí ohun ti o jọ ọ́, èyí wà nínú èébú àti àbùkù, èyí kò sì lẹ́tọ̀ọ́ láàárín àwọn musulumi, gẹ́gẹ́ bí i gbogbo irúfẹ́ èébú àti àbùkù yòókù, èyí kò sì wà nínú ẹbọ ṣíṣe, àyàfi kí ó jẹ́ pé ẹni tí ó sọ bẹ́ẹ̀ gba pé àwọn alijannu ń ṣe àkóso àwọn eiyan láìsí ìyọ̀ǹda Ọlọhun àti ìfẹ́ Rẹ̀, Nitori naa, ẹni ti o ba ni adisọkan yẹn si awọn alujannu tabi awọn miran ninu awọn ẹda, o ti di alaigbagbọ pẹlu adisọkan yii; nitori pe dajudaju Ọlọhun (Ọba ti O mọ) Oun nikan ni O ni ikapa gbogbo nkan, Oun si ni Alagbara lori gbogbo nkan, ati pe Oun ni O ni ikapa anfani ati inira, ati pe kò sí nkan ti o lee maa bẹ afi pẹlu iyọnda Rẹ ati ifẹ Rẹ ati kadara Rẹ ti o ti kọ silẹ siwaju, gẹgẹ bi Ọlọhun -ti ọla Rẹ ga julọ- ṣe sọ ni ibi ti O ti n pa Anabi Rẹ - kí ikẹ Ọlọhun ati ọla Rẹ máa ba a - l'aṣẹ pe ki o sọ fun awọn eniyan nipa ipilẹ nla yii: Sọ pé: “Èmi kò ní agbára àǹfààní tàbí ìnira kan tí mo lè fi kan ara mi àyàfi ohun tí Allāhu bá fẹ́. Tí ó bá jẹ́ pé mo ní ìmọ̀ ìkọ̀kọ̀ ni, èmi ìbá ti kó ohun púpọ̀ jọ nínú oore ayé (sí ọ̀dọ̀ mi) àti pé aburú ayé ìbá tí kàn mí. Tani èmi bí kò ṣe olùkìlọ̀ àti oníròó ìdùnnú fún ìjọ onígbàgbọ́ òdodo.” [Al-A'raaf: 188], Tí ó bá jẹ́ pé aṣíwájú gbogbo ẹ̀dá àti ẹni tí ó l'ọ́lá jùlọ nínú wọn - kí ikẹ Ọlọhun àti ọla Rẹ máa ba a - kò ní ìkápá ànfàní àti ìnira kankan fúnra rẹ, àfi ohun tí Ọlọhun bá fẹ́, báwo ni yóò ṣe rí fún ẹlòmíràn nínú àwọn ẹ̀dá?! Ati pe àwọn ayah lórí ìtumọ̀ yí pọ̀ púpọ̀.
Ati pe ni ti imaa bi awọn yẹmiwo ati awọn opidan ati awọn ti n wo irawọ ati awọn ti wọn jọ wọn leere, ninu awọn ti wọn n fúnni ni ìró nipa awọn nǹkan ti o pamọ, o jẹ iwa ibajẹ ti ko ṣe lẹtọọ, ati pe gbigba wọn ni òdodo le ju bẹẹ lọ ti o si jẹ aburu ju, kaka bẹẹ, o wa ninu awọn ẹka ijẹ keferi; nítorí ọ̀rọ̀ Anabi - ki ikẹ ati ọla Ọlọhun máa bá a- pe: "“Ẹni ti o ba lọ ba yẹmiwo kan ti o wa bi i leere nipa nnkan kan, wọn ko nii gba irun rẹ fun ogoji ọjọ”." Muslim lo gba a wa ninu sohiihu (tira) rẹ, O wa ninu Saheeh rẹ bákan náà lati ọdọ Muaawiyat ọmọ Al-Hakam As-Sulamiy- Ki Ọlọhun yọnu si i-: «Dajudaju Anabi – ki ikẹ ati ọla Ọlọhun maa ba a – kọ kúrò nibi lílọ ba awọn adagbigba ati bibi wọn leere».
Ati pe awọn onitira Sunan gba a wa lati ọdọ Anọbi- ki ikẹ Ọlọhun ati ọla Rẹ maa ba a- pe o sọ pe: "Ẹnití o ba lọ ba yẹmiwo kan, ti o si gba a l'ododo pẹlu nkan ti o n sọ, ẹni naa ti ṣe aigbagbọ pẹlu nǹkan ti wọn sọkalẹ fún Muhammad (ki ikẹ ati ọla Ọlọhun máa bá a)." Awọn Hadiisi to wa nipa itumọ yii pọ. Eleyii ti o jẹ dandan lori awọn musulumi ni: ṣiṣọra kuro nibi imaa bi awọn adagbigba (aworawọ) ati awọn yẹmiwo leere, ati gbogbo awọn opidan yooku, awọn ti wọn n ṣiṣẹ pẹlu fifunni ni iró nipa awọn nnkan ti o pamọ, ati dída nǹkan ru fún awọn musulumi, yálà o jẹ́ ni orúkọ iṣẹ́ ìwòsàn tabi òmíràn, nitori ohun ti o ti ṣíwájú ninu ìkọ̀ ti Anabi - ki ikẹ ati ọla Ọlọhun maa ba a - kọ̀ nipa rẹ, ati ikilọ rẹ kúrò nibẹ, o tun wọ inu iyẹn " nǹkan ti awọn eeyan kan n pe apemọra rẹ ni orukọ iwosan, ninu awọn ìmọ̀ kọ̀kọ̀ náà sì wà nínú rẹ , ti o ba gbóòórùn láwàní aláìsàn ọkunrin, tabi ìbòrí aláìsàn obinrin, tabi nǹkan ti o jọ bẹẹ, ti yoo sọ pe: aláìsàn ọkunrin yii tabi aláìsàn obinrin yii ṣe báyìí báyìí, o si ṣe nǹkan báyìí báyìí, ninu awọn ìmọ̀ kọ̀kọ̀ eyi ti ko si itọka kankan lori rẹ lara láwàní aláìsàn ati nǹkan ti o jọ ọ, nǹkan ti o kàn pinnu pẹlu iyen ni lati tan awọn eeyan lasan jẹ, titi ti wọn yoo fi sọ pe: Dájúdájú o ni imọ nipa iwosan, ati awọn orisi àìsàn ati okunfa rẹ, o si le jẹ pe o fun wọn ni nǹkan kan ninu awọn oògùn, ti iyen le ṣe deede pẹlu iwosan pẹlu kadara Ọlọhun, wọn yoo wa lero pe o ti ipasẹ oògùn rẹ ni," O si ṣeé ṣe ki àìsàn náà jẹ́ pẹlu okunfa apakan awọn alijannu ati awọn eṣu, awọn ti wọn n ṣiṣẹ fun ẹniti n pe apemọra iṣẹ iṣegun yẹn, ti wọn si n fún un ni ìró nipa apakan awọn ìmọ̀ nǹkan ti o pamọ ti wọn rí mọ, ti yoo si gbarale iyẹn, ti yoo si mu inu awọn alijannu ati awọn eṣu dun pẹlu nǹkan ti o ba wọn mu ninu iṣẹ ijọsin, nipa bẹẹ wọn yoo kuro lara aláìsàn yẹn, wọn yoo si fi inira ti wọn fi ko o lara silẹ, eleyii si jẹ nǹkan ti o jẹ mimọ nipa awọn alijannu ati awọn eṣu ati ẹniti o ba n lo wọn.
Eleyii ti o jẹ dandan lori awọn Musulumi bakannaa naa ni: ṣiṣọra kuro nibẹ, ati gbigba ara ẹni niyanju lori kíkọ̀ rẹ sílẹ̀, ati gbigbọkanle Ọlọhun ti mimọ n bẹ fún Un, ati gbigbarale E ninu gbogbo awọn àlámọ̀rí, ko si laifi nibi ṣíṣe àmúlò ruqyah ti o ba ofin ẹsin mu ati awọn oogun ti o tọ, ati ṣiṣe iwosan lọdọ awọn dókítà ti wọn n ṣe àmúlò ayẹwo lórí aláìsàn, ati riri daju àìsàn rẹ, pẹlu awọn òkùnfà ti a le fojuri ati eyi ti o bọgbọ́nmu. Ati pe o ti fidi rẹ mulẹ lati ọdọ Anọbi - ki ikẹ ati ọla Ọlọhun maa ba a- pe o sọ pe: "“Ọlọhun ko sọ aisan kankan kalẹ ayaafi ki O sọ iwosan kalẹ fún un, ẹnití o mọ ọn mọ ọn, ẹnití ko sì mọ ọn ko mọ ọn”." Anọbi- ki ikẹ Ọlọhun ati ọla Rẹ maa ba a- sọ pe: "“Gbogbo àìsàn ni o ni oogun, nigba ti oogun ba ba àìsàn mu, yoo ri iwosan pẹlu iyọnda Ọlọhun”." Anọbi- ki ikẹ Ọlọhun ati ọla Rẹ maa ba a- sọ pe: "“Ẹyin ẹrusin Ọlọhun, ẹ ṣe ìwòsàn amọ ẹ o gbọdọ ṣe ìwòsàn pẹlu nkan eewọ”." Awọn Hadiisi to wa nipa itumọ yii pọ.
Nítorí náà, a ń bẹ Ọlọhun - ti ọlá Rẹ̀ ga - pé ki O tun àwọn isesi gbogbo àwọn Mùsùlùmí ṣe, ki O si wo ọkàn wọn àti ara wọn san kúrò níbi gbogbo aburu, ki O si kó wọn jọ lórí ìmọ̀nà, ki O si sọ àwa àti wọn yọ kúrò níbi àwọn ìdàrúdàpọ̀ aṣinilọ́nà, àti kúrò níbi títẹ̀lé Èṣù àti àwọn ọ̀rẹ́ rẹ̀, dájúdájú Oun ni Olùkapá lórí gbogbo nkan, kò sì sí ọgbọ́n àti agbára kankan àyàfi pẹ̀lú Ọlọhun, Ọba tí O ga, tí O tobi.
Ki Ọlọhun ba wa ṣe ikẹ, ọla ati alubarika Rẹ fun ẹru Rẹ ati ojiṣẹ Rẹ tii ṣe Anọbi wa Muhammad ati awọn araale rẹ ati awọn saabe rẹ.
Iwe ẹlẹẹkẹrin:
Nipa idajọ ijọsin pẹlu awọn wuridi (adúrà ìrántí Ọlọhun) ti adadaalẹ ati ti ẹbọ
Lati ọdọ Abdul-Azeez ọmọ Abdullaah ọmọ Baaz lọ si ọdọ ọmọ iya alapọn-ọnle (.........), ki Ọlọhun fi ṣe ko ngẹ gbogbo oore, Āmīn.
Ki alaafia ati ikẹ Ọlọhun ati alubarika Rẹ maa ba yin.
Lẹyin naa: Dajudaju ìwé yin alápọ̀n-ọ́nlé de ọdọ mi - Ọlọhun yio dà yín pọ pẹlú imọna Rẹ - ati nkan ti o ko sinu ni ifitonileti pe awọn eniyan kan wa ni ilu yin ti wọn dirọ mọ awọn gbolohun idarukọ Ọlọhun ti Ọlọhun kò sọ ẹri kankan kalẹ nipa rẹ, ninu rẹ ni eyi ti o jẹ bidia ( adadaalẹ) , ati pe ninu rẹ ni eyi ti o jẹ shirik ( ẹbọ) , ti wọn si n sọ pe o wa lati ọdọ olori awọn onigbagbọ: Ali ọmọ Abu Tọlib, ki Ọlọhun yọnu si i, ati awọn miiran, Àti pé wọ́n ń ka àwọn àwòródì wọnyẹn nínú àwọn ìjókòó dhikiri, tàbí nínú àwọn mọ́ṣáláṣí lẹ́yìn irun Magrib, tí wọ́n ń sọ (ní iró) pé ó jẹ́ ohun ìsúnmọ́ sọ́dọ̀ Allāhu, gẹ́gẹ́ bí ọ̀rọ̀ wọn pé: Pẹ̀lú ẹ̀tọ́ Allāhu, ẹ̀yin ọkùnrin Allāhu, ẹ ràn wá lọ́wọ́ pẹ̀lú ìrànwọ́ Allāhu, kí ẹ sì jẹ́ olùrànwọ́ wa pẹ̀lú Allāhu. Àti bí ọ̀rọ̀ wọn pé: “Ẹ̀yin olórí àti ẹ̀yin ọ̀gá, ẹ dá wa lóhùn, ẹ̀yin olólùrànwọ́ fún wa, kí ẹ sì ṣe ìṣìpè fún wa lọ́dọ̀ Allāhu. Ẹrú yín ni ẹni tí ó dúró, tí ó sì fira rẹ̀ jì lẹ́nu ọ̀nà yín, tí ó sì ń páyà nítorí àìṣepé rẹ̀. Gbà wá la, ìwọ Òjíṣẹ́ Allāhu. Èmi kò sì ní ẹlòmíì tí èmi yóò lọ bá lẹ́yìn yín, ọ̀dọ̀ yín sì ni a ti ń mú èròǹgbà wa ṣẹ, ẹ̀yin sì ni àwọn ènìyàn Allāhu. Nítorí Hamzah, aṣíwájú àwọn aṣẹ́rìíkú, àti ẹnikẹ́ni tí ó jẹ́ ìrànwọ́ fún wa nínú yín, gbà wá la, ìwọ Òjíṣẹ́ Allāhu.” Ati gẹgẹ bi ọrọ wọn pe: "Iwo Ọlọhun, ṣe ikẹ fun ẹni ti O fi ṣe okunfa fun yiya awọn aṣiri Rẹ ti agbara nla ati fifọ jade awọn imọlẹ Rẹ ti ikẹ, ti o wa di aṣoju fun iwaju Oluwa, ati arole awọn aṣiri Rẹ ti ara Rẹ."
Ati ifẹ yin nibi ṣiṣe alaye nkan ti o jẹ adadaalẹ, ati nkan ti o jẹ imorogun m'Ọlọhun, ati pe ṣe kikirun tọna lẹyin Imaamu ti o n ṣe adua yii, ṣe gbogbo iyen ti di mimọ?
Idahun: Ọpẹ ni fun Ọlọhun nikan, ikẹ ati ọla ki o lọ maa ba ẹniti ko si Anọbi kankan mọ lẹyin rẹ, ati lori awọn ara ile rẹ ati awọn saabe rẹ, ati ẹniti o ba mọna pẹlu imọna rẹ titi di ọjọ ẹsan.
Lẹ́yìn èyí: lọ mọ wipe - kí Ọlọhun fi ọ se deede oore - dajudaju Ọlọhun Ọba Mímọ́ kò ṣẹ̀dá àwọn ẹ̀dá, atipe kò rán awọn ojiṣẹ, kí ìkẹ́ ati ọlà Ọlọhun máa bá wọ́n, bí kii ṣe pe kí wọ́n le jọ́sin fún Un ni Oun nikan ṣoṣo láì mu orogun mọ Ọn, yàtọ̀ sí gbogbo ohun mìíràn lẹ́yìn Rẹ̀, gẹgẹ bi ọrọ Ọlọhun ti o sọ pe: Àti pé Èmi kò ṣẹ̀dá àlùjànnú àti ènìyàn bí kò ṣe pé kí wọ́n lè jọ́sìn fún Mi. Suuratudh Dhāriyāt: 56.
Ati pe ìjọsìn - gẹgẹ bi a ti ṣe àlàyé rẹ tẹlẹ - Oun ni: itẹle àṣẹ Rẹ ti ọla Rẹ ga ati itẹle àṣẹ Ojiṣẹ Rẹ Muhammad (ki ikẹ ati ọla Ọlọhun maa ba a); pẹlu ṣiṣe ohun ti Ọlọhun ati Ojiṣẹ Rẹ pa ni àṣẹ, ati kikọ ohun ti Ọlọhun ati Ojiṣẹ Rẹ kọ, lori ìgbà Ọlọhun gbọ ati Ojiṣẹ Rẹ, ati fifọkànsìn fun Ọlọhun ninu iṣẹ, pẹlu opin inifẹẹ Ọlọhun, ati ìtẹríba pẹlu iyẹpẹrẹ fun Un nikan ṣoṣo ti ọla Rẹ ga lai si ẹlomiran; gẹgẹ bi Ọlọhun ti ọla Rẹ ga ti sọ pe: « Olúwa rẹ pàṣẹ pé: “Ẹ má ṣe jọ́sìn fún ẹnì kan àyàfi Òun...» [Al-Isroo: 23] Ìyẹn ni pe: O paṣẹ, ati pe O gba ni niyanju asọtẹlẹ pe ki a maa sin-In ni Oun nikan, Ọlọhun Ọba- ti ọla Rẹ ga- sọ pe: «Gbogbo ẹyìn ń jẹ́ ti Allāhu, Olúwa gbogbo ẹ̀dá (àgbáńlá ayé àti ọ̀run». Àjọkẹ́-ayé, Àṣàkẹ́-ọ̀run, Ọba Olùkápá-ọjọ́-ẹ̀san. « Ìwọ nìkan ni à ń jọ́sìn fún. Ọ̀dọ̀ Rẹ nìkan sì ni à ń wá ìrànlọ́wọ́ sí.» [Al-Faatiha: 2-5] Nitori naa, Ọlọhun ti ọla Rẹ ga julọ ṣalaye ninu awọn aayah wọnyi: pe Oun nikan ni O ni ẹtọ ki a maa jọsin fun Un, ati ki a maa tọrọ iranlọwọ lọdọ Rẹ nikan. Allah ti ọla Rẹ ga julọ sọ pe: ‹ Dájúdájú Àwa sọ Tírà (al-Ƙur’ān) kalẹ̀ fún ọ pẹ̀lú òdodo. Nítorí náà, jọ́sìn fún Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un ». Gbọ́! Ti Allāhu ni ẹ̀sìn mímọ́. Sūratuz Zumar: 2-3 Ọlọhun tí Ọlá Rẹ ga tún sọ pé: Nítorí náà, ẹ pe Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un. àwọn aláìgbàgbọ́ ìbáà kórira Rẹ̀. [Gaafir: 14], Ọlọhun Ọba- ti ọla Rẹ ga- sọ pe: ‹ Dájúdájú àwọn mọ́sálásí ń jẹ́ ti Allāhu. Nítorí náà, ẹ kò gbọ́dọ̀ pe ẹnì kan pẹ̀lú Allāhu.› [Sūrah Al-Jinni: āyah: 18], Awọn Aayah to wa lori itumọ yii pọ, gbogbo rẹ pata lo nda le ori ọranyan mimu Ọlọhun nikan ṣoṣo ninu ijọsin.
O ti di mímọ̀ pé adua pẹ̀lú àwọn oríṣiríṣi rẹ̀ jẹ ara ìjọsìn, nítorí náà ko tọ́ ki ẹnikẹ́ni nínú àwọn ènìyàn pe ẹni kankan ayafi Oluwa rẹ̀, bẹ́ẹ̀ ni ko gbọdọ̀ wá iranlọwọ àti ìgbàlà ayafi pẹ̀lú Rẹ̀, ní fífi ṣiṣẹ́ pẹ̀lú àwọn aayah alápọ̀n-ọ́nlé wọ̀nyí, àti ohun tí ó wá nínú ìtumọ̀ rẹ̀. Eleyii yàtọ̀ sí àwọn nnkan ti o wọ́pọ̀, ati àwọn okunfa ti a le fojuri, eyi ti ẹda ti o jẹ́ alaaye, ti o wa ni tòsí ni ikapa le lórí, torí pé àwọn ìyẹn kò sí nínú ìjọsìn, ṣugbọn o lẹtọọ pẹlu ẹri ati ifẹnuko awọn òní mimọ ẹṣin kí ọmọniyan wá iranlọwọ pẹlu ọmọniyan ti o jẹ́ alaaye ti o ni ikapa, nínú àwọn nnkan ti o wọ́pọ̀ eyi ti o ni ikapa le lórí; gẹgẹbi ki o wá iranlọwọ pẹlu rẹ̀ tàbí kí o wá ìgbàlà pẹlu rẹ̀ níbi títi aburú kuro fún ọmọ rẹ̀ tàbí ọmọ ọdọ rẹ̀ tàbí ajá rẹ̀ ati nnkan to jọ ìyẹn, Bíi kí ọmọniyan wá iranlọwọ lọdọ ọmọniyan ti o jẹ́ alaaye, ti o wa ni tòsí, ti o ni ikapa, tàbí ẹni tí kò si ní tòsí, nípasẹ̀ àwọn ọ̀nà àfojúrí bíi kíkọ̀wé ránṣẹ́ àti àwọn ohun ti o jọ ọ́ níbi kíkọ́ ilé rẹ̀, tàbí ṣíṣe àtúnṣe ọkọ̀ rẹ̀, tàbí ohun ti o ba jọ ìyẹn, Ati ninu ìyẹn ni : wíwá ìgbàlà èèyàn lọdọ awọn ẹlẹgbẹ rẹ̀ nibi jijagun ati ogun, ati nǹkan tí ó jọ bẹ́ẹ̀. Ati ninu abala yii ni gbolohun Ọlọhun ti ola Rẹ ga ninu itan Anabi Musa - ki ikẹ ati àlàáfíà Ọlọhun maa ba a-: «Èyí tí ó wá láti inú ìran rẹ̀ wá ìrànlọ́wọ́ rẹ̀ lórí èyí tí ó wá láti (inú ìran) ọ̀tá rẹ̀.» [Al-Qasas: 15].
Amọ ni ti wiwa ìgbàlà pẹlu awọn oku, ati awọn alujannu ati awọn Malaika, ati awọn igi ati awọn okuta: eleyii wa ninu ẹbọ nla, o si wa ninu irúfẹ́ iṣẹ awọn ọsẹbọ iṣaaju pẹlu awọn oriṣa wọn; gẹgẹbi Uza ati Laata ati nnkan ti o yatọ si awọn mejeeji, bẹẹ gẹlẹ naa ni wiwa ìgbàlà ati wiwa iranlọwọ pẹlu ẹniti wọn ni igbagbọ pe ijẹ ààyò nbẹ fun wọn ninu awọn alààyè lori ohun ti ko si ẹniti o ni ikapa lori rẹ ayafi Ọlọhun; gẹgẹbi wíwo awọn alaarẹ san, ati títọ́ awọn ọkan sọ́nà, ati wiwọ inu Alijannu, ati yíyọ kuro ninu Ina, ati nnkan ti o jọ ìyẹn.
Ati awọn aayah ti o ti ṣaaju ati awọn nnkan ti o wa ti n tumọ rẹ ninu awọn aayah ati awọn hadiisi: gbogbo rẹ ni n tọka lori jijẹ dandan mímu awọn ọkàn kọju si Ọlọhun ninu gbogbo awọn ọrọ, ati mímọ ìjọsìn kànga fun Ọlọhun nikan ṣoṣo; nitori pe a titori rẹ da awọn ẹda, ohun naa ni a si fi pa wọn laṣẹ -gẹgẹ bi o ti ṣaaju ninu awọn aayah-, ati gẹgẹ bi o ṣe wa ninu ọrọ Rẹ (Ọba ti O mọ) pe: Ẹ jọ́sìn fún Allāhu, ẹ má ṣe fi n̄ǹkan kan ṣẹbọ sí I. [An-Nisaa: 36], Ati ọrọ Rẹ, mimọ ni fun Un, ti o sọ pe: « Àwa kò sì pa wọ́n ní àṣẹ kan bí kò ṣe pé kí wọ́n jọ́sìn fún Allāhu lẹ́ni tí yóò máa ṣe àfọ̀mọ́ ẹ̀sìn fún Un..». [Al-Bayyinah: 5], ati ọrọ Anabi - ki ikẹ ati ọla Ọlọhun maa ba a - ninu hadīth Muaadh - Ki Ọlọhun ba wa yọnu si i - to sọ pe: «Iwọ Ọlọhun lori awọn ẹrusin Rẹ ni pe ki wọn maa jọsin fun Un, bakannaa ki wọn si ma mu orogun kankan pẹlu Rẹ.» Ohun ti wọn fẹnu ko lori nini alaafia rẹ ni, ati ọ̀rọ̀ Anabi - ki ikẹ ati ọla Ọlọhun maa ba a - nínú hadiisi ọmọ Mas'ud - ki Ọlọhun yọnu si i -: "“Ẹni ti o ba ku lẹniti ti n pe akẹgbẹ́ kan fun Ọlọhun; onitọhun yoo wọ ina.”" Al-Bukhāriy ni o gba a wa. Ninu Saheehu mejeeji, lati inu ẹgbawa Ibn Abbaas - ki Ọlọhun bani yọnu si awọn mejeeji - pe nigba ti Anọbi - ki ikẹ ati ọla Ọlọhun maa ba a - gbe Muaz dide lọ si Yemen, o sọ fun un pe: "Dájúdaju iwọ yóò lọ ba awọn ìjọ kan tí a ti fún ní tira síwájú, jẹ́kí ohun akọkọ tí wàá pe wọn sí ni jíjẹri pé kò sí ẹniti ìjọsìn tọ sí ní òdodo àyàfi Ọlọhun." Ninu gbolohun kan: ""Pè wọ́n sí bi ìjẹrii pé ko si ẹni ti ijọsin tọ si l'ododo ayaafi Allāhu, àti pé dajudaju èmi ni òjíṣẹ Allāhu."" Ninu egbawa ti Bukhari: "Jẹkí nnkan akọkọ tí wàá kọkọ pé wọn sí ni kí wọn mú Ọlọhun ní ọkan ṣoṣo." O si wa ninu Sọhiihu Muslim lati ọdọ Tooriq ọmọ Ashyam Al-Ash-ja'iy - ki Ọlọhun yọnu si i - pe Anabi - ki ikẹ ati ọla Ọlọhun maa ba a - sọ pe: "«Ẹni ti o ba sọ pe: LAA ILAAHA ILLALLOHU, ( Kò sí ẹni nkán kan ti o lẹtọ lati fi ìjọsìn fún ayaafi Ọlọhun Allahu) ti o wa ṣe aigbagbọ pẹlu nnkan ti wọn n jọsin fun yatọ si Ọlọhun, dukia rẹ ati ẹjẹ rẹ ti jẹ eewọ, ati pe ìṣirò rẹ wa lọ́wọ́ Ọlọhun ti ọla Rẹ ga»." Awọn Hadiisi to wa nipa itumọ yii pọ.
Imú Ọlọhun ní ọkan ṣoṣo yii ni asala ẹṣin Islam, òun ni ipilẹ ẹṣin, òun ni ori ọrọ naa, àti ohun tí o ṣe pàtàkì julọ nínú awọn ọranyan, òun ni ọgbọn tí o wa nínú ṣíṣẹda awọn ẹda mejeeji (alujannu àti ènìyàn), àti ọgbọn tí o wa nínú riran gbogbo awọn òjíṣẹ lapapọ - kí ikẹ Ọlọhun àti ọla Rẹ maa ba wọn -, gẹgẹ bi awọn aya tí o n ṣe itọka sí eleyii ti gbawaju, nínú rẹ ni: ọrọ Ọlọhun tí ọlá Rẹ ga tí O sọ pé: « Àti pé Èmi kò ṣẹ̀dá àlùjànnú àti ènìyàn bí kò ṣe pé kí wọ́n lè jọ́sìn fún Mi». [Suuratudh Dhāriyāt: 56], Ninu awọn ẹri lori ìyẹn náà ni ọrọ Rẹ -Ọba ti titobi Rẹ ga- pé: « Dájúdájú A ti gbé Òjíṣẹ́ dìde nínú ìjọ kọ̀ọ̀kan (láti jíṣẹ́) pé: “Ẹ jọ́sìn fún Allāhu. Kí ẹ sì jìnnà sí àwọn òrìṣà.” [Suratun Nahl: 36], Ati ọrọ Ọlọhun - tí ọlá Rẹ ga, mimọ fún Un - ti O sọ pé: « A kò rán òjíṣẹ́ kan níṣẹ́ ṣíwájú rẹ àfi kí Awa náà sọrọ pé: “Dájúdájú kò sí ọlọ́hun kan tí ẹ gbọ́dọ̀ jọ́sìn fún ní ọ̀nà òdodo àyàfi Èmi (Allāhu). Nítorí náà, ẹ jọ́sìn fún Mi.” Suratul Anbiyaa: 25 Ọlọhun- ti titobi Rẹ ga- sọ nípa Anọbi Nuh, Huud, Sọlih àti Shuaib- ki ikẹ Ọlọhun ati ọla Rẹ maa ba wọn- pe wọn sọ fun awọn ìjọ wọn pe: « Ẹ jọ́sìn fún Allāhu. Ẹ kò ní ọlọ́hun kan tí a gbọ́dọ̀ jọ́sìn fún ní ọ̀nà òdodo lẹ́yìn Rẹ̀. Suratul A'raf: 59 Eyi ni ipepe gbogbo awọn ojiṣẹ pátá, gẹgẹ bi awọn aayah mejeeji ti o ṣiwaju ti ṣe itọka si eyi. Dajudaju awọn ọta awọn ojiṣẹ ti jẹwọ pe awọn ojiṣẹ pa wọn laṣẹ pẹlu ijọsin fun Ọlọhun ni Oun nikan ṣoṣo, ati kíkọ̀ awọn ọlọhun ti wọn n jọsin fun yàtọ̀ si Ọlọhun, gẹgẹ bi Ọlọhun ti ọla Rẹ ga ju ṣe sọ ninu itan Aad, pe wọn sọ fun Hud (ikẹ ati ọla Ọlọhun ki o maa ba a) pe: « ...Ṣé o wá bá wa nítorí kí á lè jọ́sìn fún Allāhu nìkan ṣoṣo àti nítorí kí á lè pa ohun tí àwọn bàbá ńlá wa ń jọ́sìn fún tì?... [Al-A'raaf: 70], Ọlọhun - tí ọlá Rẹ ga, mimọ fún Un - sọ nípa Qurayshii nígbàtí Anọbi wa Muhammad - kí ikẹ Ọlọhun àti ọla Rẹ máa ba a - pè wọ́n láti máa jọsin fún Ọlọhun ní Oun nìkan ṣoṣo, àti láti fi àwọn nnkan tí wọ́n ń jọsin fún lẹyin Rẹ sílẹ̀, nínú àwọn mọlaika, àwọn woolii, àwọn òrìṣà, àwọn igi, àti ohun míran tí ó yàtọ̀ sí ìyẹn: « Ṣé ó máa sọ àwọn òrìṣà di Ọlọ́hun Ọ̀kan ṣoṣo tí a gbọ́dọ̀ jọ́sìn fún ní ọ̀nà òdodo? Dájúdájú èyí jẹ n̄ǹkan ìyanu àti eemọn ». [Sâd: 5], Ọlọhun - tí ọlá Rẹ ga, mimọ fún Un - sọ nípa wọn pé: « Dájúdájú nígbà tí wọ́n bá sọ fún wọn pé “Kò sí ọlọ́hun kan tí a gbọ́dọ̀ jọ́sìn fún ní ọ̀nà òdodo àyàfi Allāhu.”, wọn yóò máa ṣègbéraga.» « Wọ́n sì ń wí pé: “Ṣé awa yóò wà fi àwọn òrìṣà wa sílẹ̀ nítorí eléwi akọrin kan ti ọ jẹ wèrè?” [Surah As-Sâffât: 35-36], Awọn Aayah to n tọka si itumọ yii pọ.
Ati ninu ohun ti a ti mẹnuba ninu awọn ẹsẹ (al-Qur'an) ati awọn hadith: o han gbangba fun ọ - ki Ọlọhun ṣe aṣeyọri emi ati iwọ fun oye ninu ẹsin, ati iriran nipa ẹtọ Oluwa awọn ẹda - pe dajudaju awọn adua yii ati awọn oniranran wiwa iranlọwọ - eleyii ti o ṣe alaye rẹ ninu ibeere rẹ -, gbogbo eyi patapata wa ninu awọn iran ẹbọ nla; nítorípé ijọsin ni fun ẹniti o yatọ si Ọlọhun, ati bibeere fun awọn nnkan ti ko si ẹni ti o ni agbara lori rẹ ayafi Oun nìkan ṣoṣo, ni ọdọ awọn oku ati awọn ti ko si ni tosi, ati pe eleyii buru ju ẹbọ awọn ẹni isiwaju lọ; nítorípé awọn ẹni isiwaju maa n ṣẹbọ ni asiko irọrun nikan ni, Àmọ́ ní ti àsìkò ilekókó, wọn yóò ṣe àfọ̀mọ́ ìjọsìn fún Ọlọhun; nítorípé wọ́n mọ̀ pé dájúdájú Oun - Ọlọhun mímọ́ - ni O ní ìkápa láti gba wọ́n nínú ilekókó náà yàtọ̀ sí ẹlòmíràn, gẹ́gẹ́ bí Ọlọhun (ti O ga) ti sọ nínú Ìwé Rẹ̀ tí o fojú hán nípa àwọn tí wọ́n ń da nnkan pọ̀ mọ́ Ọn nínú ẹbọ wọnyẹn: « Nígbà tí wọ́n bá gun ọkọ̀ ojú-omi, wọ́n máa pe Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un. Àmọ́ nígbà tí Ó bá gbà wọ́n là sí orí ilẹ̀ tan , nígbà náà ni wọn yóò máa ṣẹbọ» [Al-`Ankabût: 65] Ọlọhun - tí ọlá Rẹ ga, mimọ fún Un - tun sọ ti O n ba wọn sọrọ nínú aayah míràn pe: « Nígbà tí ìnira bá fọwọ́ bà yín lójú omi, ẹni tí ẹ̀ ń pè yó sì dòfo (mọ yín lọ́wọ́) àfi Òun nìkan (Allāhu). Nígbà ti Ó bá sì gbà yín là (tí ẹ) gúnlẹ̀ sórí ilẹ̀, ẹ̀ ń gbúnrí (kúrò lọ́dọ̀ Rẹ̀). aláìmoore ni eniyan jẹ » Suuratul Is’raah: 67.
Tí ẹnì kan nínú àwọn ọ̀ṣẹbọ ìkẹyìn wọ̀nyí bá sọ pé: “Dájúdájú a ò ní in lọ́kàn pé àwọn wọ̀nyẹn ń ṣe ìwúlò fúnra wọn, wọ́n ń wo àwọn aláìsàn wa sàn fúnra wọn, tàbí kí wọ́n ṣe wá ní àǹfààní fúnra wọn, tàbí kí wọ́n kó ìnira bá wa fúnra wọn, ṣùgbọ́n ohun tí a ní lọ́kàn ni ìsipẹ̀ wọn lọ́dọ̀ Allāhu - tí Ó ga julọ - nínú ìyẹn” ńkọ́?
Idahun ni pe: ki a sọ fun un pe: Dajudaju eleyii ni erongba awọn alaigbagbọ iṣaaju ati ohun ti wọn n fẹ, kii si ṣe ohun ti wọn n fẹ ni pe dajudaju awọn oosa wọn lee da ẹda tabi ki wọn pese arisiki, tabi ki wọn se anfaani tabi ki wọn ṣe inira funra wọn, nitori pe dajudaju ohun ti Ọlọhun mẹnuba nipa wọn ninu Al-Kurani ti ba ìyẹn jẹ, ati pe dajudaju ohun ti wọn n fẹ ni iṣipẹ wọn ati ọla wọn, ati ki wọn mu wọn sunmọ Ọlọhun ni pẹkipẹki, gẹgẹ bi O ti sọ, mimọ ni fun Un, ti ọla Rẹ ga pe: Wọ́n ń jọ́sìn fún ohun tí kò lè kó ìnira bá wọn, tí kò sì lè ṣe wọ́n ní àǹfààní lẹ́yìn Allāhu. Wọ́n sì ń wí pé: “Àwọn wọ̀nyí ni olùṣìpẹ̀ wa lọ́dọ̀ Allāhu.” [Yûnus: 18], Ọlọhun wa fèsì fún wọn lórí ìyẹn pẹlu ọrọ Rẹ pe: « Sọ pé: “Ṣé ẹ máa fún Allāhu ní ìró ohun tí kò mọ̀ nínú àwọn sánmọ̀ àti ilẹ̀ ni?” Mímọ́ ni fún Un, Ó ga tayọ n̄ǹkan tí wọ́n ń fi ṣẹbọ sí I. [Yunus: 18], Nitori naa, Oun ti ọla Rẹ ga julọ ṣalaye pe Oun ko mọ alaagbawi kan lọdọ Rẹ ninu awọn sanmọ tabi l'ori ilẹ ni ọna ti awọn ọṣẹbọ n gba a lero. Ati pe nnkan ti Allāhu ko ba mọ nipa wiwa rẹ, kò si wiwa kankan fun un rara; nitori pe Oun ti ọla Rẹ ga julọ, ko si kini kan t'o pamọ fun Un. Ọlọhun Ọba- ti ọla Rẹ ga- sọ pe: Sí Sọkalẹ Tírà náà ( Al- Quran) díẹ̀ díẹ̀ láti ọ̀dọ̀ Allāhu, Alágbára, Ọlọ́gbọ́n. « Dájúdájú Àwa sọ Tírà (al-Ƙur’ān) kalẹ̀ fún ọ pẹ̀lú òdodo. Nítorí náà, jọ́sìn fún Allāhu lẹ́ni tí yóò máa fi àfọ̀mọ́-ọkàn (àníyàn mímọ́) ṣe ẹ̀sìn fún Un». Gbọ́! Ti Allāhu ni ẹ̀sìn mímọ́. Àwọn tí wọ́n sì mú àwọn aláfẹ̀yìntì kan yàtọ̀ sí Allāhu, (wọ́n wí pé): “A kò jọ́sìn fún wọn bí kò ṣe pé, nítorí kí wọ́n lè mú wa súnmọ́ Allāhu pẹ́kípẹ́kí ni.” Dájúdájú Allāhu l’Ó máa dájọ́ láààrin wọn nípa ohun tí wọ́n ń yapa-ẹnu nípa rẹ̀ (ìyẹn, ẹ̀sìn ’Islām). Dájúdájú Allāhu kò níí fi ọ̀nà mọ ẹni tí ó jẹ́ òpùrọ́, aláìgbàgbọ́.» Sūratuz Zumar: 1-3
Ati pe itumọ ẹsin nibi ni : Ijọsin, oun ni: itẹle àṣẹ Ọlọhun ati itẹle àṣẹ Ojiṣẹ Rẹ (ki ikẹ ati ọla Ọlọhun maa ba a) -gẹgẹ bi o ti ṣaaju-, o si ko sinu: àdúrà ati wiwa igbala, ati ìpayà ati agbiyele, ati pípa ẹran ati jíjẹ́ ẹ̀jẹ́, gẹgẹ bi o tun ṣe ko sinu: irun ati ààwẹ̀, ati ohun ti o yatọ si ìyẹn nínú ohun ti Ọlọhun ati Ojiṣẹ Rẹ pa ni àṣẹ. Nítorí náà, Ọlọ́hun - mímọ́ ni fún Un - ṣàlàyé pé ìjọsìn wà fún Un ní Oun nìkan ṣoṣo, àti pé ó jẹ́ dandan lórí àwọn ẹrúsin kí wọ́n ṣe é ní mímọ́ fún Un - Ọba tí títóbi Rẹ̀ ga -; nítorí pé aṣẹ Rẹ̀ fún Anabi - kí ikẹ Ọlọhun àti ọlá Rẹ̀ máa bá a - láti ṣe ìjọsìn ní mímọ́ fún Un, ó jẹ́ aṣẹ fún gbogbo àwọn ọmọ ìjọ yíì pátápátá.
Lẹyin naa ni Ọlọhun ti O lágbára ti O gbọnngbọn ṣe alaye lẹyin iyẹn nipa awọn alaigbagbọ, O sọ pe: « Àwọn tí wọ́n sì mú àwọn aláfẹ̀yìntì kan yàtọ̀ sí Allāhu, (wọ́n wí pé): “A kò jọ́sìn fún wọn bí kò ṣe pé, nítorí kí wọ́n lè mú wa súnmọ́ Allāhu pẹ́kípẹ́kí ni.» Suuratuz Zumar: 3. Ọlọhun -mimọ ni fun Un- fèsì fún wọn pẹlu ọrọ Rẹ pe: « Dájúdájú Allāhu l’Ó máa dájọ́ láààrin wọn nípa ohun tí wọ́n ń yapa-ẹnu nípa rẹ̀. Dájúdájú Allāhu kò níí fi ọ̀nà mọ ẹni tí ó jẹ́ òpùrọ́, aláìgbàgbọ́». "[Az-zumar: 3]," Ni Allāhu, mímọ́ ni fún Un, wá sọ nínú āyah alápọ̀n-ọ́nlé yìí pé: Dájúdájú àwọn aláìgbàgbọ́ ò jọ́sìn fún àwọn aláfẹ̀yìntì kan yàtọ̀ sí Allāhu bí kò ṣe pé nítorí kí wọ́n lè mú wọn súnmọ́ Allāhu pẹ́kípẹ́kí ni; èyí sì ni ète àwọn aláìgbàgbọ́ ní àtiijọ́ àti lóde òní, Allāhu sì ti sọ ìyẹn di àsán pẹ̀lú ọ̀rọ̀ Rẹ̀ t’Ó ga pé: « Dájúdájú Allāhu l’Ó máa dájọ́ láààrin wọn nípa ohun tí wọ́n ń yapa-ẹnu nípa rẹ̀. Dájúdájú Allāhu kò níí fi ọ̀nà mọ ẹni tí ó jẹ́ òpùrọ́, aláìgbàgbọ́.» [Az-zumar: 3], Ọlọhun, mimọ ni fun Un, wa fi han: irọ wọn nibi ẹsun wọn pe dajudaju awọn oosa wọn o mu wọn sunmọ Ọlọhun ni pẹkipẹki, ati aigbagbọ wọn pẹlu ohun ti wọn dari si wọn ninu ijọsin, ati pẹlu ìyẹn ni gbogbo ẹni ti o ba ni oye ti o kere julọ yoo fi mọ pe dajudaju awọn alaigbagbọ iṣaaju, aigbagbọ wọn ko jẹ nkankan bi ko ṣe pẹlu mímú ti wọn mu awọn Anabi ati awọn alafẹyinti, ati awọn igi ati awọn okuta, ati nkan ti o yatọ si ìyẹn ninu awọn ẹda; ni awọn alaṣipẹ laaarin wọn ati Ọlọhun, Àti ìgbagbọ́ wọn pé wọ́n ń bá wọn yanjú àwọn bùkátà wọn láì sí ìyọ̀ǹda àti ìyọ́nú Rẹ̀ - Mímọ́ ni fún Un, Ó ga - gẹ́gẹ́ bí àwọn ìjòyè ṣe ń ṣìpẹ̀ lọ́dọ̀ àwọn ọba, ni wọ́n bá ṣe àfiwé Rẹ̀ - tí ọlá Rẹ̀ tóbi - pẹ̀lú àwọn ọba àti àwọn adarí, Wọn si sọ pe: Gẹgẹ bi ẹni ti o ba ni bukata kan lọdọ ọba ati adari ṣe n wa iṣipẹ sọdọ rẹ nipasẹ awọn eniyan rẹ pataki ati awọn ijoye rẹ, bẹẹ gẹgẹ ni awa n wa isunmọ sọdọ Ọlọhun pẹlu ijọsin fun awọn Anabi Rẹ ati awọn ẹni ayanfẹ Rẹ, eyi si jẹ ninu ibajẹ ti o buru julọ; nitori pe Oun- mimọ ni fun Un- ko si nnkankan ti o da bii Rẹ, bẹẹ ni a ko le fi I we awọn ẹda Rẹ, ati pe ẹnikẹni ko le ṣipẹ lọdọ Rẹ afi pẹlu iyọnda Rẹ fun iṣipẹ, bẹẹ ni ko ni yọọnda afi fun awọn ẹlẹsin-ọkan, ati pe Oun- mimọ ni fun Un, ti ọla Rẹ ga- ni Alagbara lori gbogbo nnkan, ati Onimọ nipa gbogbo nnkan, Oun si ni Ẹni ti O n kẹni julọ ninu awọn alaakẹku, Ko bẹru ẹnikẹni, bẹẹ ni ko foya ẹnikẹni; nitori pe Oun- mimọ ni fun Un- ni Ẹni ti O bori lori awọn ẹru Rẹ, ati Oluṣeto ninu wọn bi O ba ṣe fẹ, Yàtọ̀ si awọn ọba ati awọn adari tàbí olórí dajudaju wọn ko ni agbara lori gbogbo nnkan, nitori naa wọn ni bukata si ẹni ti yoo ran wọn lọwọ lori ohun ti agbara wọn le kù-nà lori rẹ; ninu awọn waziri ( olukun lọwọ ) wọn ati awọn eniyan pataki wọn ati awọn ọmọ-ogun wọn, gẹgẹ bi wọn ti ni bukata si mimu bukata ẹni ti wọn ko mọ bukata rẹ de ọdọ wọn, nitori naa wọn ni bukata si ẹni ti yoo rọbẹbẹ fun iyọnu wọn ti yoo si wa itẹlọrun wọn ninu awọn waziri wọn ati awọn eniyan pataki wọn, Ni ti Oluwa ti O ni agbara ti O si tobi, Oun- mimọ ni fun Un- O rọrọ kuro lọdọ gbogbo ẹda Rẹ, Oun ni O ni aanu fun wọn ju awọn iya wọn lọ, Oun ni Ọba Alaṣẹ ododo, O n gbe awọn nkan si oju aaye wọn ni ibamu pẹlu ọgbọn Rẹ, imọ Rẹ ati agbara Rẹ, nitori naa ko lẹtọọ ki a fi I we ẹda Rẹ ni ọna kọkan. Nitori idi eyi ni O ṣe alaye, mimọ fún Un, ninu Tira Rẹ pe: dajudaju awọn ọṣẹbọ ti jẹwọ pe Oun ni Adẹdaa, Olupese, Oluṣeto, ati pe Oun ni Ẹni ti O n jẹ ipe ẹni ti n bẹ ninu ipọnju, ti O si n mu aburu kuro, ti O n sọni di aaye ti O si n sọni di oku, ati bẹẹ bẹẹ lọ ninu awọn iṣẹ Rẹ, mimọ fún Un. Dajudaju ìjà ti waye láàrin awọn oluṣẹbọ ati awọn ojiṣẹ nibi ṣíṣe ijọsin fun Ọlọhun ni Oun nikan ṣoṣo, gẹgẹ bi Ọba ti ọla Rẹ ga ṣe sọ pe: «Àti pé tí o bá bi wọ́n léèrè pé: “Ta ni Ó dá wọn?”, dájúdájú wọn á wí pé: “Allāhu ni.” [Surah Az-Zukhruf: 87], Ọlọhun Ọba- ti ọla Rẹ ga- sọ pe: Sọ pé: “Ta ni Ó ń pèsè fún yín láti inú sánmọ̀ àti ilẹ̀? Ta ni Ó ní ìkápá lórí ìgbọ́rọ̀ àti ìríran? Ta ni Ó ń mú alààyè jáde láti ara òkú, tí Ó tún ń mú òkú jáde láti ara alààyè? Ta sì ni Ó ń ṣe ètò ọ̀rọ̀ (ẹ̀dá)?” Wọn yóò wí pé: “Allāhu” Nígbà náà, sọ pé: “Ṣé ẹ ò níí bẹ̀rù (Rẹ̀) ni?” Suratu Yunus: 31, Awọn Aayah to wa lori itumọ yii pọ.
Ati pe atimu ebu ba : awọn aayah ti o n tọka si pe ìyàpá laarin awọn ojiṣẹ ati awọn ijọ ṣiwaju, ati pe kò dálé lórí nǹkan míràn ju ṣíṣe ijọsin fun Ọlọhun nikan ṣoṣo, gẹgẹ bi Ọba ti O mọ ṣe sọ pe: « Dájúdájú A ti gbé Òjíṣẹ́ dìde nínú ìjọ kọ̀ọ̀kan (láti jíṣẹ́) pé: “Ẹ jọ́sìn fún Allāhu. Kí ẹ sì jìnnà sí àwọn òrìṣà...” [Suratun Nahl: 36], Ati ohun to jẹyọ nipa itumọ rẹ ninu awọn aaya Alukurani. Ati pe Ọlọhun - Ọba ti O mọ - ṣe alaye ni ọpọlọpọ aaye ninu Tira Rẹ alapọnle nipa ọrọ iṣipẹ, O si sọ - Ọba ti ọla Rẹ ga - pe: « Ta ni ẹni tí ó máa ṣìpẹ̀ lọ́dọ̀ Rẹ̀ àfi pẹ̀lú ìyọ̀ǹda Rẹ̀»? [Al-Baqorah: 255] Ọlọhun tí O gbọngbọn tí O tóbi jù sọ pé: « Àti pé mélòó mélòó nínú àwọn mọlāika tó wà nínú àwọn sánmọ̀, tí ìṣìpẹ̀ wọn kò níí rọ̀ wọ́n lọ́rọ̀ kiní kan àyàfi lẹ́yìn ìgbà tí Allāhu bá yọ̀ǹda fún ẹni tí Ó bá fẹ́, tí Ó sì yọ́nú sí» [Surah An-Najm: 26].
O sọ nipa apejuwe awọn Mọlaika: « Wọn kò sì níí ṣìpẹ̀ (ẹnì kan) àfi ẹni tí (Allāhu) bá yọ́nú sí. Wọ́n tún ń páyà fún ìbẹ̀rù Rẹ̀. [Al-Anbiyaa: 28]
Ati pe Ọlọhun -ti ọla Rẹ ga- fun wa ni iro pe dajudaju Oun ko yọnu si aimoore lati ọdọ awọn ẹrusin Rẹ, kaka bẹẹ, O yọnu si ọpẹ lati ọdọ wọn. Ati pe ọpẹ ni ṣiṣe E ni Ọkan ṣoṣo ati ṣiṣe iṣẹ pẹlu titele aṣẹ Rẹ. Nitori naa, Ọlọhun- ti ọla Rẹ ga- sọ pe: « Tí ẹ bá ṣàì moore, dájúdájú Allāhu rọrọ̀ láì sí ẹ̀yin (kò sì ní bùkátà si yín). Kò sì yọ́nú sí àìmoore fún àwọn ẹrúsìn Rẹ̀. Tí ẹ bá dúpẹ́, Ó máa yọ́nú sí i fún yín..». Suuratuz Zumar: 7.
Bukhari si gba a wa ninu Sahihi rẹ lati ọdọ Abu Hurayrah -ki Ọlọhun yọnu si i- pe o sọ pe: Iwọ Ojiṣẹ Ọlọhun! Ta ni yoo ṣoriire jù ninu awọn eniyan pẹlu ìṣìpẹ̀ rẹ? O sọ pe: "«Ẹni ti o ba sọ pe: LAA ILAAHA ILLALLOHU pẹlu ododo lati inu ọkan rẹ»." Tabi o sọ pe: "“Nínú ẹ̀mí rẹ̀.”"
Ati pe ninu tira Sọhihi láti ọdọ Anas - ki Ọlọhun yọnu si i - láti ọdọ Anọbi (kí ikẹ Ọlọhun ati ọla Rẹ máa ba a) dájúdájú ó sọ pé: «Anabi kọọkan ni o ni adura kan ti a maa gba, anabi kọọkan si ti yara ṣe adura rẹ, ati pe dajudaju emi toju adura mi lati fi ṣe iṣipẹ fun ijọ mi ni ọjọ igbende, o si maa jẹ ti - bi Ọlọhun ba fẹ - ẹni ti o ba ku ninu ijọ mi ti ko wa akẹgbẹ kankan mọ Ọlọhun». Awọn Hadiisi to wa nipa itumọ yii pọ.
Ati pe gbogbo nnkan ti a ti mẹnuba ninu awọn aayah ati awọn Hadith, gbogbo rẹ ni n tọka si pe ìjọsìn ni ẹtọ Ọlọhun ni Oun nìkan ṣoṣo, ati pe ko tọ́ ki a darí nnkankan nínú rẹ sí ọdọ ẹni ti o yatọ si Ọlọhun, kì í ṣe fún àwọn anọbi, bẹ́ẹ̀ ni kì í ṣe fún àwọn ẹlòmíràn yàtọ̀ sí wọn, ati pe isipẹ jẹ ohun ini Ọlọhun - ti ọla Rẹ ga -, gẹgẹ bi O ti sọ - mimọ ni fun Un - : «Sọ pé: “Ti Allāhu ni gbogbo ìṣìpẹ̀ pátápátá...» [Az-Zumar: 44] Ẹnikan ko lẹtọ si i ayafi lẹyin iyọnda Rẹ fun oluṣipẹ, ati iyọnu Rẹ si ẹni ti a n ṣipẹ fun, ati pe Oun ti ọla Rẹ ga julọ ko yọnu si nkankan ayafi Tawhid - gẹgẹ bi o ti ṣiwaju -. Nibamu sí eyi: dajudaju àwọn ọ̀ṣẹbọ ko ni ipin kan ninu ìṣìpẹ̀, Ọlọhun si ti ṣe alaye eyi ninu ọrọ Rẹ- ti ọla Rẹ ga- pe: « Ìsipẹ awọn olusipẹ ko níí ṣe wọ́n ní àǹfààní) [Al-Muddathir: 48], Ọlọhun Ọba- ti ọla Rẹ ga- sọ pe: « kò níí sí ọ̀rẹ́ ìmùlẹ̀ àti olùṣìpẹ̀ kan tí wọ́n máa tẹ̀lé ọ̀rọ̀ rẹ̀ lórí (ọ̀rọ̀) àwọn alábòsí» [Gaafir: 18].
« O ti di mimọ pe dajudaju àbòsí lọna akotan ni dida orogun pọ mọ Ọlọhun, gẹgẹ bi Ọlọhun- ti ọla Rẹ ga- ṣe sọ pe» : «Àwọn aláìgbàgbọ́, àwọn sì ni alábòsi» [Al-Baqara:254], Ọlọhun Ọba- ti ọla Rẹ ga- sọ pe: « Dájúdájú ẹbọ ṣíṣe ni àbòsí ńlá.» Luqman: 13
Ni ti ohun ti o darukọ ninu ibeere: ninu gbolohun diẹ ninu gbolohun awọn Suufiyyah ninu awọn mọsalaasi ati awọn ibi miiran pe: Iwo Ọlọhun ṣe asalaatu fun ẹniti O sọ di okunfa fun pipinya awọn asiri ijoba Rẹ ti o tobi, ati yiyọ awọn imọlẹ ikẹ Rẹ, ti o si di asoju fun iwaju Ọlọhun Ọba, ati arole awọn asiri ti o jẹmọ paapa Rẹ... ati bẹẹ bẹẹ lọ.
Esi ni pe: ki a sọ pe: dajudaju ọrọ yii ati iru rẹ wa ninu ise ifipa se nkan ati sísọ aṣoju; eyi ti Anọbi wa Muhammad - ki ikẹ ati ọla Ọlọhun maa ba a - se ìkìlọ fún nípa rẹ; ninu ohun ti Muslim gba wá ninu Sọhiihi lati ọdọ Abdullahi ọmọ Mas’uud - ki Ọlọhun yọnu si i -, o sọ pe Ojisẹ Ọlọhun - ki ikẹ ati ọla Ọlọhun maa ba a - sọ pe: "Awọn alakatakiti ti parun" ó sọ bẹẹ ni ẹẹmẹta.»
Imām Al khatoobiy - ki Ọlọhun kẹ ẹ - sọ pe: Olumu nkan le koko ni: Ẹni ti o n jinlẹ ninu nkan, ẹni ti o n la iwadi nipa rẹ bo ara rẹ lọrun; lori ilana awọn Ahlul-Kalam, awọn ti wọn n wọ inu nkan ti ko kan wọn, awọn ti wọn n bọ sinu nkan ti lakaye wọn ko le de ibẹ.
Baba As-Sa'aadaat ọmọ Al-Athiir sọ pe: Awọn ni awọn ti wọn n jinlẹ jù ti wọn si n ṣe aṣeju ninu ọrọ sisọ, awọn ti wọn n ti isalẹ ọfun wọn patapata sọrọ, a mu u jade lati inu gbolohun 'an-Nata' eleyii ti o jẹ aja oke inu ẹnu, lẹyin naa ni a wa n lo o fun gbogbo ẹni ti o ba n jinlẹ jù ninu ọrọ ati iṣe.
Ati pẹlu ohun ti awọn imaamu mejeeji yii ninu awọn aṣiwaju ìmọ̀ ede mẹnuba, o han gbangba fun ọ ati fun ẹnikẹni ti o ba ni oye ti o kere ju, pe ọna yii nibi ṣíṣe asalatu ati sisalamọ fun Anabi ati aṣiwaju wa Ojisẹ Ọlọhun - ki ikẹ ati ọla Ọlọhun maa ba a - jẹ apakan ila nkan bọra ẹni lọrun àti ifipa se nkan ti wọ́n kọ̀ fun wa ni. Ohun tí ó ba ofin mu fún mùsùlùmí nínú abala yìí ni kí ó fojúsùn ìlànà tí ó fi ẹsẹ̀ rínlẹ̀ lọ́dọ̀ Òjíṣẹ́ Ọlọ́hun – kí ìkẹ́ àti ọlá Ọlọ́hun máa bá a – níbi títọrọ ìkẹ́ àti ọlá fún un, àti pé nínú ìyẹn ni ohun tí ó tó ti wà láìsí bùkátà sí òmíràn.
Ati ninu iyẹn ni: ohun ti Bukhari ati Muslim gba wa ninu tira Sohih mejeeji lati ọdọ Ka'b ọmọ Ujrah - ki Ọlọhun yọnu si i -, pe awọn Sahabah - ki Ọlọhun yọnu si wọn - sọ pe: Irẹ Ojiṣẹ Ọlọhun! Ọlọhun ti pa wa laṣẹ pe ki a maa tọrọ ikẹ fun ọ; bawo ni a o ṣe maa tọrọ ikẹ fun ọ? O wa sọ pe: "«Ẹ sọ pe: Irẹ Oluwa se ikẹ fun anabi Muhammad ati awọn ara ile anabi Muhammad, gege bi O se se ikẹ fun anabi Ibrahim ati awọn ara ile anabi Ibrahim, dajudaju Iwo ni Oba Eleyin ti O gbonngbon, ki O si se ibukun fun anabi Muhammad ati awon ara ile anabi Muhammad, gege bi O se se ibukun fun anabi Ibrahim ati awon ara ile anabi Ibrahim, dajudaju Ire ni Oba Eleyin, Oba ti O gbonngbon.»"
O si wa ninu Sohiih mejeeji lati ọdọ Abu Humayd as-Saa'idiy – ki Ọlọhun yọnu si i – pe wọn sọ pe: Irẹ Ojiṣẹ Ọlọhun! Bawo ni a ṣe maa ṣe asalatu fun ẹ? O sọ pe: "Ẹ sọ pé: Irẹ Oluwa, se ikẹ fun anabi Muhammad ati awon iyawo rẹ ati awọn arọmọdọmọ rẹ gege bi O se se ikẹ fun awọn araale Ibrahim, wa se ibukun fun anabi Muhammad ati awọn iyawo rẹ ati awọn arọmọdọmọ rẹ gẹgẹbi O se se ibukun fun awọn araale anabi Ibrahim, dajudaju Irẹ ni Oba Eleyin, Oba ti O tobi."
O si wa ninu Sọhiih Muslim lati ọdọ Abu Mas’hood Al-Ansọọriyyi – ki Ọlọhun yọnu si i – o sọ pe: Basheer ọmọ Sa’d sọ pe: Irẹ Ojiṣẹ Ọlọhun! Ọlọhun Allah ti pa wa laṣẹ pe ki a maa tọrọ ikẹ fun ọ; bawo ni a o ṣe maa tọrọ ikẹ fun ọ? O wa dakẹ, lẹyin naa o sọ pe: "«Ẹ sọ pe: Irẹ Oluwa se ikẹ fun anabi Muhammad ati awọn ara ile anabi Muhammad; gẹgẹ bi O se se ikẹ fun awọn ara ile anabi Ibrahim, ki O si se ibukun fun anabi Muhammad ati awọn ara ile anabi Muhammad; gẹgẹ bi O se se ibukun fun awọn ara ile anabi Ibrahim ni agbaye, dajudaju Iwọ ni Ọba Ẹlẹyin ti O tobi, ati kiki alaafia gẹgẹ bi ẹ ti ṣe mọn »."
Nítorí náà, àwọn gbólóhùn wọ̀nyí, àti àwọn tí ó jọ ọ́ àti àwọn mìíràn - nínú èyí tí ó fi ẹsẹ̀ rinlẹ̀ láti ọ̀dọ̀ Anabi- ki ikẹ Ọlọhun ati ọla Rẹ maa ba a- - ni èyí tí ó yẹ fún mùsùlùmí kí ó máa lò níbi ṣíṣe asalatu àti sisalamọ rẹ̀ fún Ojiṣẹ Ọlọhun- ki ikẹ Ọlọhun ati ọla Rẹ maa ba a-; nítorí pé Ojiṣẹ- ki ikẹ Ọlọhun ati ọla Rẹ maa ba a- ni ẹni tí ó nímọ̀ jùlọ nínú àwọn eeyan nípa èyí tí ó tọ́ kí a lò ní ẹ̀tọ́ rẹ̀, gẹ́gẹ́ bí ó ti jẹ́ ẹni tí ó nímọ̀ jùlọ nínú àwọn eniyan nípa àwọn gbólóhùn tí ó yẹ kí a lò ní ẹ̀tọ́ Ọba rẹ̀.
Ní ti àwọn gbólóhùn tí a ń rà afipá ṣe tí a sì ṣẹ̀ṣẹ̀ dá sílẹ̀, àti àwọn gbólóhùn tí ó lè gbé ìtumọ̀ tí kò tọ́; gẹ́gẹ́ bí àwọn gbólóhùn tí a mẹ́nùbà nínú ìbéèrè, dájúdájú kò tọ́ láti máa lò wọ́n; nítorí ohun tí ń bẹ nínú wọ́n nínú rírà afipá ṣe, àti pé nítorí a lè túmọ̀ wọ́n sí àwọn ìtumọ̀ ìbàjẹ́, pẹ̀lú bí wọ́n ṣe yàtọ̀ sí àwọn gbólóhùn tí Òjíṣẹ́ Ọlọ́hun - kí ìkẹ́ àti ọlá Ọlọ́hun máa bá a - ṣẹ̀ṣà rẹ̀, tí ó sì tọ́ ìjọ rẹ̀ sọ́nà sí, òun sì ni ẹni tí ó ní ìmọ̀ jùlọ nínú àwọn ẹ̀dá, àti ẹni tí ó máa ń gbàníníyànjú jùlọ nínú wọn, àti ẹni tí ó jìnnà jùlọ sí rírà afipá ṣe, kí ìkẹ́ àti ọlá tí ó lọ́lá jùlọ láti ọ̀dọ̀ Olúwa rẹ̀ máa bá a.
Lẹyin eleyii, mo lero pe o ti nbẹ lara awọn ẹri ti a ti sọ kọja yii nibi ṣiṣe alaye otitọ imu Ọlọhun ni Ọkan ṣoṣo, ati otitọ iṣẹbọ, ati iyatọ to wa laaarin ohun ti awọn ọṣẹbọ iṣaaju wa lori rẹ ati awọn ọṣẹbọ ikẹyin ninu abala yii, ati nibi ṣiṣe alaye bi a ṣe n ṣe asalaatu ti o ba ofin mu fún ojiṣẹ Ọlọhun (ki ikẹ ati ọla Ọlọhun maa ba a) nkan to to, ti o si to fun ni ni itẹlọrun fun ẹni to ba nwa ododo lati mọ. Ni ti ẹni ti ko ba ni ifẹ lati mọ ododo; ẹni bayii n tẹle ifẹ inu rẹ, Ọlọhun -ti ọla Rẹ ga- sọ pe: «Tí wọn kò bá jẹ́pè rẹ, mọ̀ pé wọ́n kàn ń tẹ̀lé ìfẹ́-inú wọn ni. Ta l’ó sì ṣìnà ju ẹni tó tẹ̀lé ìfẹ́-inú rẹ̀, láì sí ìmọ̀nà (fún un) láti ọ̀dọ̀ Allāhu! Dájúdájú Allāhu kò níí fi ọ̀nà mọ ìjọ alábòsí» [Al-Qasas: 50].
Nitori naa, Ọlọhun ti Ọla Rẹ ga ṣàlàyé ninu aaya alapọn-ọnle yii pe: awọn eniyan ni ti ohun ti Ọlọhun fi gbe Anabi Rẹ tii ṣe Muhammad (kí ikẹ ati Ọla Ọlọhun máa ba a) dide ninu imọna ati ẹsin òdòdó, pin si meji:
Ọkan ninu mejeeji: Oludahun fun Ọlọhun ati Ojisẹ Rẹ.
ẹlẹẹkeji ni : ẹni ti o tẹle ifẹ inu rẹ; lẹyin naa ni Ọlọhun - Ọba ti O mọ - sọ pe dajudaju ko si ẹni ti o ṣi lọna ju ẹni ti o tẹle ifẹ inu rẹ lọ laisi imọna lati ọdọ Ọlọhun.
A wa n bẹ Ọlọhun -ti titobi Rẹ ga- fun imoribọ nibi titẹle ifẹ-inu, ki O si fi awa ati ẹyin ati gbogbo awọn ọmọ-iya wa yoku sinu awọn ti wọn n jẹ ipe Ọlọhun ati Ojiṣẹ Rẹ -ki ikẹ ati ọla maa ba a-, ati awọn ti wọn n bu ọla fun ilana Rẹ, ati awọn ti wọn n ṣe ikilọ nibi gbogbo nkan ti o lodi si ilana Rẹ ninu aṣẹda-ẹsin ati awọn ifẹ-inu.. dajudaju Oun ni Ọlọrẹ Alapọn-ọnle.
Ki Ọlọhun ba wa ṣe ikẹ Rẹ fun ẹru Rẹ ati ojiṣẹ Rẹ tii ṣe Anọbi wa Muhammad ati awọn araale rẹ ati awọn saabe rẹ ati gbogbo ẹni ti o fi daadaa tẹle e titi di ọjọ ẹsan.
Iwe apilẹkọ ẹlẹẹkarun:
Idajọ ṣiṣe ayẹyẹ ọjọ-ibi Anabi ati eyi ti o yatọ si i ninu awọn ọjọ-ibi
Gbogbo ẹyin ti Ọlọhun ni, ikẹ ati ọla ki o lọ máa bá ojiṣẹ Ọlọhun ati awọn araale rẹ ati awọn saabe rẹ, ati ẹnití o ba mọ ọna pẹlu ilana rẹ.
Lẹyin naa: Dajudaju ibeere ti waye leralera lati ọdọ ọpọlọpọ nipa idajọ ṣiṣe ayẹyẹ ọjọ-ibi Anabi - ki ikẹ Ọlọhun ati ọla Rẹ maa ba a -, ati didide duro fun un lakoko iyẹn, ati ṣiṣe salamọ fun un, ati awọn nkan miiran ti wọn maa n ṣe nibi awọn ayẹyẹ ọjọ-ibi.
Idahun ni ki a sọ wipe: kò tọ́ ṣiṣe ayẹyẹ ọjọ-ibi Ojiṣẹ - ki ikẹ ati ọla Ọlọhun maa ba a - tabi ti ẹlomiran; nitoripe eleyii jẹ ọkan ninu awọn adadaalẹ ninu ẹsin; nitoripe Ojiṣẹ - ki ikẹ ati ọla Ọlọhun maa ba a - kò ṣe e, tabi awọn Khalifa (arole) rẹ to mọna, tabi awọn ẹlomiran ninu awọn saabe - ki Ọlọhun yọnu si wọn, tabi awọn ti wọn tẹle wọn pẹlu daadaa ninu awọn iran ti o ni ọla, awọn ni wọn si ni imọ julọ ninu awọn eniyan nipa Sunnah, ati ifẹ ti o pe julọ si Ojiṣẹ Ọlọhun - ki ikẹ ati ọla Ọlọhun maa ba a -, ati titele ofin rẹ ju awọn ti o nbọ lẹyin wọn lọ, Ọlọhun - tí ọlá Rẹ ga, mimọ fún Un - si ti sọ ninu tira Rẹ tí ó fọ yanjú pé:
«Ohunkóhun tí Òjíṣẹ́ bá fún yín, ẹ gbà á. Ohunkóhun tí ó bá sì kọ̀ fún yín, ẹ jáwọ́ nínú rẹ.» Al-Hash'r: 7 Ọlọhun tí O tóbi púpọ sọ pé: « Kí àwọn tó ń yapa àṣẹ rẹ̀ ṣọ́ra nítorí kí ìdààmú má baà dé bá wọn, tàbí nítorí kí ìyà ẹlẹ́ta-eléro má baá jẹ wọ́n». [An-Nuur: 63]. Ọba- ti mimọ n bẹ fun Un- sọ pe: «Dájúdájú àwòkọ́ṣe rere wà fún yín lára Òjíṣẹ́ Allāhu fún ẹnikẹ́ni tí ó bá ń retí (ẹ̀san) Allāhu àti Ọjọ́ Ìkẹ́yìn, tí ó sì rántí Allāhu ní ọ̀pọ̀lọ́pọ̀ (ìgbà)». Suratul Ahzab: 21 Ọlọhun Ọba- ti ọla Rẹ ga- sọ pe: Àwọn aṣíwájú tí wọn jẹ ẹni àkọ́kọ́ nínú àwọn Muhājirūn ( awọn ti wọn lo si Madina láti ìlú Makkah ni ẹni ti o filu silẹ nítorí Ọlọhun) àti àwọn ’Ansọ̄r (awọn Musulumi akọkọ ti wọ́n jẹ ara Madina) àti àwọn tó fi dáadáa tẹ̀lé wọn, Allāhu yọ́nú sí wọn. Wọ́n sì yọ́nú sí (ohun tí Allāhu fún wọn). Ó tún pa lésè sílẹ̀ dè wọ́n àwọn Ọgbà Ìdẹ̀ra tí odò ń ṣàn ní ìsàlẹ̀ rẹ̀. Olùṣegbére ni wọ́n nínú rẹ títí láéláé. Ìyẹn ni èrèǹjẹ ńlá.» [At-Taobah: 100], Ọlọhun Ọba- ti ọla Rẹ ga- sọ pe: «Lónìí ni Mo parí ẹ̀sìn yín fún yín. Mo sì ṣe àṣepé ìdẹ̀ra Mi fún yín. Mo sì yọ́nú sí ’Islām ní ẹ̀sìn fún yín. (Al'Maa'idah 3) Awọn Aayah to wa lori itumọ yii pọ. Ati pe o ti fidi mulẹ lọdọ Anọbi- ki ikẹ Ọlọhun ati ọla Rẹ maa ba a- pe o sọ pe: "«Ẹnikẹni ti o ba da adadaalẹ sinu alamọri wa yii ninu nnkan ti ko si ninu rẹ, a o da pada ni»." O n túmọ̀ si: Ohun ti a dá padà fún un ni, O tun sọ nínú hadiisi míràn pe: Ilana mi (Sunnah) mi ati illana (sunnah) awọn arole ẹni imọna ti a ti fi wọn mọna lẹyin mi dọwọ yin, ẹ di wọn mu, ki ẹ fi awọn eyin ọgan yin de wọn mọlẹ, ẹ ṣọra fún awọn àlámọ̀rí adadaalẹ, tori dajudaju gbogbo nnkan tuntun adadaalẹ ni, ati pe gbogbo adadaalẹ pata anu ni»." Nítorí náà, nínú àwọn hadiisi méjèèjì yí ni ìkìlọ̀ ti o lagbara wa lati kuro nibi dídá àwọn adadaalẹ sílẹ̀, ati ṣíṣe iṣẹ pẹlu wọn,
Ati pe dídá iru awọn maoludi (ṣiṣẹ ayẹyẹ ọjọ ìbí) wọnyii kalẹ n funni ni oye pe dajudaju Ọlọhun Ọba ko sọ ẹsin di pipe fun ijọ yii, ati pe dajudaju ojiṣẹ Ọlọhun - ki ikẹ Ọlọhun ati ọla Rẹ maa ba a - ko jiṣẹ ohun ti o yẹ ki ijọ yii maa fi ṣe iṣẹ, titi ti awọn ẹni ikẹyin yii fi de, ti wọn si ṣe adadaalẹ sinu ofin Ọlọhun ni nkan ti Oun ko ṣe iyọnda rẹ; ti wọn n sọ pe dajudaju iyẹn wa ninu nkan ti yoo mu awọn sunmọ Ọlọhun, Eleyi, laisi aniani ewu nla wa ninu rẹ, ati atako si Ọlọhun Ọba - ti ọla Rẹ ga - ati si ojiṣẹ Rẹ - ki ikẹ ati ọla Ọlọhun maa ba a -, dajudaju Ọlọhun Ọba ti pé ẹsin fún àwọn ẹrú Rẹ, Ó sì ti parí idẹra le wọn lórí, ati pe ojiṣẹ naa - ki ikẹ ati ọla Ọlọhun maa ba a - ti jẹ iṣẹ ni jijẹ ti o han gbangba, ko si fi ọna kankan silẹ ti o n mu ni de alujanna, ti o si n mu ni jinna si ina ayafi ki o ṣe alaye rẹ fun ijọ rẹ, gẹgẹ bi o ti rinlẹ ninu Hadiisi ododo lati ọdọ Abdullahi ọmọ Amru - ki Ọlọhun yọnu si i - o sọ pe: Ojiṣẹ Ọlọhun - ki ikẹ ati ọla Ọlọhun maa ba a - sọ pe: «Kò sí Anọbi kan tí Ọlọhun gbé dìde àfi kí ó jẹ́ ẹ̀tọ́ lé e lórí láti tọ ìjọ rẹ̀ sọ́nà sí daadaa tí ó mọ̀ fún wọn, àti láti ṣe ìkìlọ̀ fún wọn kúrò níbi abúrú tí ó mọ̀ fún wọn.» Muslim lo gba a wa ninu sohiihu (tira) rẹ.
O si jẹ ohun ti o di mimọ pe Anọbi wa – ki ikẹ ati ọla Ọlọhun maa ba a – ni alapọnle julọ ninu awọn Anọbi ati igbẹyin wọn, ati ẹniti o pe julọ ninu wọn nibi jijiṣẹ ati gbigbani niyanju, ti o ba jẹ pe ṣiṣe ayẹyẹ ọjọ ibi (Maolud) wa ninu ẹsin eyi ti Ọlọhun ti ọla Rẹ ga yọnu si, Ojiṣẹ – ki ikẹ ati ọla Ọlọhun maa ba a – iba ti ṣalaye rẹ fun ijo rẹ, tabi ki o ti ṣe e nigbati o wa laaye , tabi ki awọn Sahabah rẹ (Ọlọhun bani yọnu si wọn) ti ṣe e, nigbati o si jẹ pe ko si ohun kankan ti o waye ninu iyẹn, o di mimọ pe kii ṣe apakan ninu ẹsin Islām rara, kaka bẹẹ, o wa ninu awọn adadaalẹ nkan ti Ojiṣẹ – ki ikẹ ati ọla Ọlọhun maa ba a – ti kilo fun ijo rẹ kuro nibẹ, gẹgẹ bi a ti mẹnuba iyẹn saaju ninu awọn Hadiisi. Awọn Aayah ati awọn Hadiisi to wa lori ori-ọrọ yii pọ.
Ati pe dajudaju awọn apapọ kan ninu awọn onimọ ti ṣalaye pẹlu lila ọrọ mọlẹ lori titako ṣiṣe awọn maolidi, ati ṣiṣe ikilọ nipa rẹ; ni titẹle awọn ẹrí ti a ti mẹnuba ati awọn miiran, ti awọn kan ninu awọn onimọ igbẹyin si yapa: ti wọn si faaye gba a ti ko ba ko nkan kankan ninu awọn ohun ti o buru sinu ; bii ṣiṣe asọdùn tàbí aṣọ kọja aala nipa Ojiṣẹ Ọlọhun - ki ikẹ Ọlọhun ati ọla Rẹ maa ba a -, ati bii iropọ awọn obinrin pẹlu awọn ọkunrin, ati lilo awọn ohun eelo orin, ati awọn ohun miiran ninu nkan ti ofin ẹsin mimọ tako, ti wọn lero pe dajudaju o wa ninu awọn bidi'a ti o dara.
Ati pe ilana ofin ẹsin ni wipe: dida nkan ti awọn eeyan n ṣe ifanfa lori rẹ pada sinu tira Ọlọhun ati sunnah ojiṣẹ Rẹ Muhammad - ki ikẹ ati ọla Ọlọhun maa ba a -, gẹgẹ bi Ọlọhun ti ọla Rẹ ga ti sọ pe: Ẹ̀yin tí ẹ gbàgbọ́ ní òdodo, ẹ tẹ̀lé (àṣẹ) Allāhu, ẹ tẹ̀lé (àṣẹ) Òjíṣẹ́ náà àti àwọn aláṣẹ nínú yín. Nítorí náà, tí ẹ bá yapa-ẹnu lórí kiní kan, ẹ ṣẹ́rí rẹ̀ sí ọ̀dọ̀ Allāhu àti Òjíṣẹ́ - kí ìkẹ́ àti ọlà Allāhu máa bá a -, tí ẹ bá gbàgbọ́ nínú Allāhu àti Ọjọ́ Ìkẹ́yìn. Ìyẹn lóore jùlọ, ó sì dára jùlọ fún ìkángun ọ̀rọ̀ (ìyọrísí). [An-Nisaa: 59], Ọlọhun Ọba- ti ọla Rẹ ga- sọ pe: «Ohunkóhun tí ẹ bá yapa-ẹnu lórí rẹ̀, ọ̀dọ̀ Allāhu ni ki ẹ darí idajọ rẹ sí .» Suuratu Shuuroh: 10.
Atipe dajudaju a ti da ọrọ yii pada: eyi tii ṣe: ṣiṣe ajoyọ mọoludi, si inu Tira Ọlọhun ti ọla Rẹ ga, a si ba a ti o n pa wa laṣẹ wipe ki a tẹle Ojiṣẹ Ọlọhun – ki ikẹ ati ọla Ọlọhun maa ba a – nibi nǹkan ti o mu wa, ti o si n ki wa nlọ kuro nibi nǹkan ti o kọ fun wa, o si n fun wa ni iro wipe dajudaju Ọlọhun ti ọla Rẹ ga ti ṣe aṣekari ẹsin rẹ fun ijọ yii, atipe ṣiṣe ajoyọ yii ko si ninu nǹkan ti Ojiṣẹ Ọlọhun – ki ikẹ ati ọla Ọlọhun maa ba a – mu wa; torinaa o wa di wipe ko si ninu ẹsin ti Ọlọhun ṣe aṣekari rẹ fun wa, ti O si pa wa laṣẹ wipe ki a tẹle Ojiṣẹ Ọlọhun ninu rẹ.
Atipe a ti da iyẹn - pẹlu - pada: si inú sunna Ojisẹ - ki ikẹ ati ọla Ọlọhun maa ba a -; a kò sì ri ninu rẹ pe o ṣe e, bẹẹ ni kò pa á láṣẹ, bẹẹ ni awọn Saabe rẹ - ki Ọlọhun yọnu si wọn - kò ṣe e; nipa bẹẹ a wa mọ pe kò si ninu ẹsin, bi ko ṣé pe o wa ninu awọn adadaalẹ tuntun, ati ninu fifi arajọ awọn onitira ninu awọn Juu ati Nasaara nipa ṣiṣe awọn ọdun wọn.
Pẹlu eyi, o foju han fun gbogbo ẹni ti o ba ni oye ti o kere julọ, ati ifẹ si ododo, ati deede nibi wiwa rẹ: wipe ṣiṣe ayẹyẹ awọn ọdun ibi ko si ninu ẹsin Islam, ṣùgbọ́n o wa ninu awọn adadaalẹ tuntun, èyí tí Ọlọhun- ọba ti o ga- ati ojiṣẹ Rẹ – ki ikẹ ati ọla Ọlọhun maa ba a – pa láṣẹ láti kọ̀ ọ́ sílẹ̀ ati lati ṣọra fun un, Àti pé kò yẹ kí onilaakaye o gba ẹtan pẹlu ọpọ àwọn tí wọn ń ṣe é nínú àwọn èèyàn ní gbogbo àwọn ìlú, nítorí pé a kì í fi ọpọ àwọn olùṣe mọ òdodo, kàkà bẹ́ẹ̀, àwọn ẹ̀rí òfin ẹ̀sìn ni a fi ń mọ ọ, gẹ́gẹ́ bí Ọlọhun- ti ọla Rẹ ga- ṣe sọ nípa àwọn Yẹhudi àti àwọn Nasara pé: Wọ́n wí pé: “Ẹnì kan kò níí wọ inú Ọgbà Ìdẹ̀ra àfi ẹni tí ó bá jẹ́ yẹhudi tàbí nasọ̄rọ̄.” Ìyẹn ni ohun tí wọ́n ń fẹ́. Sọ pé: “Ẹ mú ẹ̀rí ọ̀rọ̀ yín wá tí ẹ bá jẹ́ olódodo. "[Surah Al-Baqarah: 111]," Ọlọhun Ọba- ti ọla Rẹ ga- sọ pe: «Tí o bá tẹ̀lé ọ̀pọ̀lọ́pọ̀ àwọn tí ń bẹ lórí ilẹ̀, wọ́n máa ṣì ọ́ lọ́nà kúrò lójú ọ̀nà (ẹ̀sìn) Allāhu». [Al-An'aam: 116],
Pẹlupẹlu, dajudaju eyi ti o pọ ju ninu àwọn ṣiṣe ayẹyẹ ọjọ-ibi wọnyi, pẹlu bi wọn ṣe jẹ adadaalẹ, kò bọ́ lọ́wọ́ kiko àwọn iwa ibajẹ miiran sinu; gẹ́gẹ́ bíi dída àwọn obìrin pọ̀ mọ́ àwọn ọkunrin, ati lilo orin ati àwọn ohun-elo orin, ati mimu àwọn ohun ti n muni hun rira ( tí npani ) bíi ọtí ati oogun oloro, ati eyi ti o yatọ si iyẹn ninu àwọn aburu, O si ṣeeṣe ki ohun ti o tobi ju iyẹn lọ ṣẹlẹ ninu rẹ, oun ni ẹbọ ńlá, eleyii aa máa wáyé nipa ṣiṣe aṣeju nipa Ojiṣẹ Ọlọhun -ki ikẹ Ọlọhun ati ọla Rẹ maa ba a- tabi ẹni ti o yatọ si i ninu awọn ẹni ààyò, ati pipe e, ati iwa ìgbàlà sọdọ rẹ, ati bibeere iranlọwọ lọwọ rẹ, ati lilero pe dajudaju o mọ ikọkọ, ati awọn ohun ti o jọ bẹẹ ninu awọn iṣẹ aigbagbọ eleyii ti ọpọlọpọ ninu awọn eeyan maa n da owo le lasiko ajoyọ wọn fun ọjọ ibi Anabi -ki ikẹ Ọlọhun ati ọla Rẹ maa ba a- ati ẹni ti o yatọ si i ninu awọn ti wọn n pe ni ẹni ààyò. O si ti fẹsẹmulẹ lati ọdọ Ojiṣẹ Ọlọhun -ki ikẹ Ọlọhun ati ọla Rẹ maa ba a- pe dajudaju o sọ pe: "Ẹ ṣọra fun aṣẹju nibi ẹsin, tori pe dajudaju ohun ti o ko iparun ba awọn ti wọn ṣáájú yin ni aṣẹju nibi ẹsin." O sọ – ki ikẹ ati ọla Ọlọhun maa ba a– pe: "“Ẹ má ṣe yin mi ni ayinju gẹgẹ bii awọn Nasoorah ṣe yin Ọmọ Maryam ni ayinju, dajudaju ẹrú ni mi, nitori naa ẹ sọ pe: Ẹrú Ọlọhun ati Ojiṣẹ Rẹ”." Bukhaari gbe e jade nínú sọhiihu rẹ ( tí ni alafia) , láti inú hadith Umar kí Ọlọhun yọnu sí i.
Ninu nkan ti o ṣeni ni eemọ ati iyanu ni pe: ọpọlọpọ ninu awọn eeyan maa n ni itara ti wọn si n ṣe akitiyan lori kíkópa nibi awọn ayẹyẹ adadaalẹ wọnyi, ti wọn si n gbeja rẹ, ṣugbọn ti wọn maa n fa sẹhin nibi ohun ti Ọlọhun ṣe ni ọran-anyan le wọn lori ninu wiwa sibi irun Jimọọ ati awọn irun jamo (irun akipọ);, ti wọn kò sì fi èyí pe nǹkankan, ti wọn kò sì ri i wipe aburu nla ni awọn ṣe, ko si iyemeji wipe eleyii wa lara ailera igbagbọ, ati aini oye, ati ọpọlọpọ ohun ti o ti bo awọn ọkan ninu orisirisi awọn ẹṣẹ ati iwa aigbọran, a n tọrọ alaafia lọwọ Ọlọhun fun ara wa ati fun gbogbo awọn Musulumi yooku.
Nínú ìyẹn tun ni pé: àwọn apakan má n lérò pé òjíṣẹ́ Ọlọhun (kí ikẹ ati Ọla Ọlọhun má bàa) má n wa sí ibi Maolud; nítorí eleyii ni wọ́n ṣe má n dìde fún un tí wọ́n n kí i, tí wọ́n sì n ṣe ìkíni káàbọ̀ fún un, eleyii sì wà nínú àsán tí o tóbi jùlọ àti aimọkan tí o burú jùlọ, nítorí pé dájúdájú òjíṣẹ́ Ọlọhun (kí ikẹ ati Ọla Ọlọhun má bàa) kò ní jáde kúrò nínú saare rẹ ṣáájú ọjọ kiyáma (igbende), bẹẹni kò ní kàn sí ẹnikankan nínú àwọn ènìyàn, bẹẹni kò ní wá sí ibi ìpéjọpọ̀ wọn, ṣugbọn o wà ní olùgbé nínú saare rẹ títí di ọjọ kiyáma, (:igbende ) ẹ̀mí rẹ sì wà ní ibi tí o ga jùlọ lọ́dọ̀ Olúwa rẹ nínú ilé ọlá, gẹgẹ bí Ọlọhun ti ọla rẹ ga tí sọ pe: « Lẹ́yìn náà, lẹ́yìn ìyẹn, dájúdájú ẹ̀yin yóò di òkú.» «Lẹ́yìn náà, dájúdájú wọn yóò gbee yín dìde ní Ọjọ́ igbende » [Al-Mu'minuun: 15, 16].
Anọbi- ki ikẹ Ọlọhun ati ọla Rẹ máa bá a- sọ pe: ""Emi ni ẹni akọkọ ti isà-òkú yoo là fun ni ọjọ igbende, emi ni ẹni akọkọ ti yoo ṣipẹ, ati ẹni akọkọ ti wọn yoo gba isipẹ rẹ."" Ki eyi ti o dara ju ninu ikẹ ati ọla Ọlọhun lati ọdọ Oluwa rẹ maa ba a.
Awọn aayah alapọnle mejeeji wọnyi, ati hadiisi ọlọla naa, ati nǹkan ti o wa ninu itumọ wọn ninu awọn aayah ati awọn hadiisi: gbogbo rẹ n tọka si pe Anọbi- ki ikẹ Ọlọhun ati ọla Rẹ maa ba a- ati awọn miiran ninu awọn òkú, wọn yoo jade lati inu awọn saare wọn ni Ọjọ Ajinde, ati pe eyi jẹ ọrọ ti ifẹnukò wa lori rẹ laaarin awọn onimọ Musulumi; ko si si àríyànjiyàn ninu rẹ laaarin wọn, Nitori naa, o yẹ fun gbogbo musulumi ki o ṣe akiyesi si awọn alamọri wọnyi, ati pe ki o ṣọra kuro nibi ohun ti awọn alaimọkan ati awọn ti o jọ wọn da silẹ ninu awọn adadaalẹ ati awọn igbagbọ asan; eyi ti Ọlọhun ko sọ ẹri kankan kalẹ fun un, Ọlọhun si ni Ẹni ti a n tọrọ iranwọ lọdọ Rẹ, ati pe Ohun ni ori a n gbarale, ko si si agbara tabi ipa kankan ayafi pẹlu Rẹ.
Ni ti gbigbadura ki ikẹ ati ọla maa ba ojiṣẹ Ọlọhun - ki ikẹ ati ọla Ọlọhun maa ba a - : o wa ninu awọn iṣẹ isunmọ Ọlọhun ti o lọla julọ, ati ninu awọn iṣẹ rere, gẹgẹ bi Ọlọhun Ọba ti sọ pe: «Dájúdájú Allāhu àti àwọn mọlāika Rẹ̀ ń kẹ́ Ànábì - kí ìkẹ́ àti ọlà Allāhu máa bá a -. Ẹ̀yin tí ẹ gbàgbọ́ ní òdodo, ẹ tọrọ ìkẹ́ fún un, kí ẹ sì kí i ní kíkí àlàáfíà». [Al-Ah'zaab: 56], Anọbi- ki ikẹ Ọlọhun ati ọla Rẹ máa bá a- sọ pe: «Ẹni ti o ba ṣe asalaatu kan fun mi; Ọlọhun a fi ṣe mewaa fun un pada ». Ó jẹ́ ohun ti a ṣe lẹ́tọ̀ọ́ ní gbogbo awọn asiko, ti a si tẹnumọ rẹ ni ipari gbogbo irun kọọkan, koda o jẹ dandan lọdọ agbo kan ninu awọn onimọ nibi ataaya igbeyin nibi gbogbo irun kookan. Sunnah rẹ̀ ti kanpa ní àwọn aaye púpọ̀; nínú rẹ̀ ni lẹ́yìn adàán, àti nígbàtí a bá dárúkọ rẹ̀ -ki ikẹ ati ọla Ọlọhun maa ba a-, àti ni ọjọ jimọ àti loru rẹ̀, gẹ́gẹ́ bí ọ̀pọ̀lọpọ̀ àwọn hadiisi ṣe jẹ́ ẹri tọka sí ìyẹn.
Ọlọhun ni a n bẹ ki O fi awa ati gbogbo awọn Musulumi ṣe kongẹ fun agbọye ninu ẹsin Rẹ ati ìdúró ṣinṣin lórí rẹ̀, ki O si ṣe oore fun gbogbo wa pẹlu rírọ̀ mọ́ Sunnah, ati ìṣọ́ra kúrò níbi àdádáálẹ̀, Oun ni Ọba Ọlọrẹ Onikẹ.
Ki ikẹ ati ọla Ọlọhun maa ba Anabi wa Muhammad, ati awọn araale rẹ ati awọn saabe rẹ.
Apilẹkọ Ifiranṣẹ ẹlẹẹkẹfa:
Idajọ ṣiṣe ayẹyẹ òru Isirai ( irin ajo ooru) ati Miraji (gígùn sanmọ)
Ọpẹ ni fun Ọlọhun, ikẹ ati ọla ki o maa bẹ lori ojiṣẹ Ọlọhun ati awọn ara ile rẹ ati awọn saabe rẹ.
Lẹ́yìn náà: Kò sí iyèméjì pé al-’Isrā’ wal-Mi‘rāj wà nínú awọn àmì ńlá Ọlọhun tí o n tọ́ka sí òdodo Òjíṣẹ́ Rẹ̀ Muhammad - kí ikẹ ati ọla Ọlọhun máa bá a -, ati títóbi ipò rẹ̀ lọ́dọ̀ Ọlọhun tí titobi Rẹ̀ ga, gẹ́gẹ́bí o ṣe jẹ́ ara awọn ẹ̀rí lórí agbára Ọlọhun tí o yanilẹ́nu, ati lórí gíga Rẹ̀ - ti mimọ n bẹ fún Un ti ọla Rẹ sì tún ga - lórí gbogbo awọn ẹ̀dá Rẹ̀, Ọlọhun - ti mimọ n bẹ fún Un ti ọla Rẹ sì tún ga - sọ pé: « Mímọ́ ni fún Ẹni tí Ó mú ẹrúsìn Rẹ̀ ṣe ìrìn-àjò ní alẹ́ láti Mọ́sálásí Haram sí Mọ́sálásí Aƙsọ̄ tí A fi ìbùkún yí ká, nítorí kí Á lè fi nínú àwọn àmì Wa hàn án. Dájúdájú Allāhu, Òun ni Olùgbọ́, Olùríran» Suuratul Is’raah: 1.
Atipe o ti jẹ iroyin to daju leralera lati ọdọ Òjíṣẹ́ Ọlọhun - kí ikẹ ati ọla Ọlọhun máa bá a - pé dajudaju wọ́n mu u gun awọn sanmọ lọ, ti wọ́n si ṣí awọn ilẹkun rẹ fún un titi ti o fi rekọja sanmọ keje, ti Oluwa rẹ - ti mimọ n bẹ fún Un - sí bá a sọrọ pẹlu ohun ti O fẹ, ti O si ṣe awọn irun marun-un ni ọran-anyan le e lori, Ọlọhun - ti mimọ n bẹ fún Un - sì ti kọkọ ṣe é ní ọran-anyan ni aadọta irun, Anọbi wa Muhammad - kí ikẹ ati ọla Ọlọhun máa bá a - kò sì dẹkun lati maa pada sọdọ Rẹ ti o si n beere fún idinku, titi ti O fi ṣe e ni marun-un, nitori naa marun-un ni ninu ọran-anyan, aadọta sì ni ninu ẹ̀san; nitoripé iṣẹ rere kan n jẹ mẹwaa iru rẹ, nitori naa gbogbo ọpẹ ati idupẹ ni fún Ọlọhun lori gbogbo awọn idẹra Rẹ.
Atipe òru yii ti irin-àjò Isira ati Mi'raaj gigun sanmọ lọ sẹlẹ ninu rẹ, kò wá ninu awọn Hadeesi ti o fi ẹsẹ mulẹ nibi adayanri rẹ ni pato, kìí ṣe ninu osu Rajab bẹẹ ni kìí ṣe ninu oṣù miiran, atipe gbogbo ohun to wá nibi adayanri rẹ ni pató kò fi ẹsẹ mulẹ lati ọdọ Anabi - ki ikẹ ati ọla Ọlọhun maa ba a - lọdọ awọn onimọ nipa Hadeesi, ti Ọlọhun si ni ọgbọn to peye nibi ṣiṣe é ni igbagbe fun awọn eeyan, koda ti o ba si jẹ pe adayanri rẹ ni pató fi ẹsẹ mulẹ ni, kò lẹ́tọ̀ọ́ fun awọn Musulumi ki wọn fi nkankan ninu awọn ijọsin ṣe é ni àkànṣe, bẹẹ ni kò lẹ́tọ̀ọ́ fun wọn ki wọn ṣe ajọyọ rẹ; toripe Anabi - ki ikẹ ati ọla Ọlọhun maa ba a - ati awọn Saabe rẹ - ki iyọnu Ọlọhun maa ba wọn - wọn kò ṣe ajọyọ rẹ, bẹẹ ni wọn kò fi nkankan ṣe é ni àkànṣe, Ati pe ti o ba jẹ pe ṣiṣe ajoyọ rẹ jẹ nkan ti Ọlọhun ṣe lofin ni, dajudaju Ojiṣẹ - ki ikẹ ati ọla Ọlọhun maa ba a - iba ti ṣe alaye rẹ fun ijọ; yala pẹlu ọrọ tabi pẹlu iṣẹ, ati pe ti nkan kan ninu iyẹn ba waye, a ba ti mọ ọ, yio si ti tankalẹ, ati pe awọn Sọhaabe- ki Ọlọhun yọnu si wọn - iba ti gbe e wa fun wa, tori pe dajudaju wọn ti gbe gbogbo nkan ti ijọ ni bukata si wa lati ọdọ Anabi wọn - ki ikẹ ati ọla Ọlọhun maa ba a, wọn kò si ṣe aifiyesi nibi nkankan ninu ẹsin, kaka bẹẹ, awọn ni wọn maa n gba waju si gbogbo oore, nitori naa, ti o ba jẹ pe ṣiṣe ajoyọ oru yii jẹ nkan ti Ọlọhun ṣe lofin ni, awọn ni wọn maa gba waju nibẹ julọ ninu awọn eeyan. Ati pe Anọbi - ki ikẹ ati ọla Ọlọhun maa ba a - ni ẹni tí o maa n gba awọn eeyan niyanju julọ ninu awọn eeyan, o si ti jẹ iṣẹ naa ni jijẹ ti o peye, o si ti mu amana (; igba fi pamọ́) ṣẹ. Ti o ba jẹ pe gbigbe oru yii tobi ati ṣiṣe ajoyọ rẹ wa ninu ẹsin Ọlọhun ni, Anọbi - ki ikẹ ati ọla Ọlọhun maa ba a - kii ba ti fojufò o, bẹẹ ni kii ba ti fi pamọ. Nigbati kankan ninu iyẹn ko si ṣẹlẹ; o di mimọ pé ṣiṣe ajoyọ rẹ ati gbigbe e tobi ko jẹ nkankan ninu ẹsin Islam rara. Dajudaju Ọlọhun ti ṣe aṣepari ẹsin fún ijọ yii, O si ti ṣe asẹkun idẹra Rẹ lori wọn, O si kọ̀ fún ẹni tí o ba ṣe ohun ti Ọlọhun ko yọnda rẹ ni ofin ninu ẹsin, Ọlọhun (Mimọ ni fun Ọba ti o ga julọ) si sọ ninu Iwe Rẹ ti o yanju pe: «Lónìí ni Mo parí ẹ̀sìn yín fún yín. Mo sì ṣe àṣepé ìdẹ̀ra Mi fún yín. Mo sì yọ́nú sí ’Islām ní ẹ̀sìn fún yín». [Al-Maahidah: 3], Ọlọhun tí O tóbi púpọ sọ pé: «Tàbí wọ́n ní àwọn òrìṣà kan tó ṣòfin (ìbọ̀rìṣà) fún wọn nínú ẹ̀sìn, èyí tí Allāhu kò yọ̀ǹda rẹ̀? Tí kò bá jẹ́ ti ọ̀rọ̀ àsọyán (pé A kò níí kánjú jẹ wọ́n ní ìyà), Àwa ìbá ti mú ìdájọ́ wá láààrin wọn. Dájúdájú àwọn alábòsí, ìyà ẹlẹ́ta-eléro sì wà fún wọn». Suuratu Shuuroh: 21.
O fi ẹsẹ rinlẹ lati ọdọ Ojiṣẹ Ọlọhun - ki ikẹ ati ọla Ọlọhun maa ba a - ninu awọn hadīth ti o fẹsẹrinlẹ: ìkìlọ̀ kuro nibi awọn adadaalẹ, ati ṣiṣe alaye ni gbangba pe dajudaju àṣìnà ni wọ́n; lati ṣe ìtanijí fún awọn ìjọ lórí títóbi ewu rẹ̀, ati lati mu wọn sa kuro nibi ṣiṣe rẹ̀, ati pe ninu ìyẹn ni: ohun ti o fi ẹsẹ rinlẹ ninu awọn iwe Sọhihi mejeeji lati ọdọ 'Aisha - ki Ọlọhun yọnu si i - lati ọdọ Anọbi - ki ikẹ ati ọla Ọlọhun maa ba a - pe o sọ pe: "«Ẹnikẹni ti o ba da adadaalẹ kan sinu alamọri wa yii ti ko si ninu rẹ, a o da a pada ni»." Ninu ẹgbawa ti Muslim: "Ẹni ti o ba ṣe iṣẹ kan ti ko si àṣẹ wa lori rẹ, yio di adapada." Ati ninu Sọhiihu Muslim lati ọdọ Jaabir - ki Ọlọhun yọnu si i - o sọ pe: Ojiṣẹ Ọlọhun - ki ikẹ ati ọla Ọlọhun maa ba a - maa n sọ ninu khutubah rẹ ni ọjọ Jum'ah pe: "Lẹ́yìn wá ìgbà náà, dájúdájú ọ̀rọ̀ ti o lóore ju ni Tira Ọlọhun, imọna ti o lóore ju ni imọna Anọbi Muhammad- ki ikẹ ati ọla Ọlọhun maa ba a- èyí tí ó burú jù nínú àwọn àlámọ̀rí náà ni àwọn adadaalẹ rẹ, gbogbo adadaalẹ si nìyí anu ni" Nasaai ṣafikun pẹlu ẹgbawa to daa pe: "«Gbogbo iran anu yoo kangun sinu ina ni»." Ati ninu awọn Sunan, lati ọdọ 'Irbaad ọmọ Saariyah- ki Ọlọhun yọnu si i- pe o sọ pe: Ojiṣẹ Ọlọhun- ki ikẹ Ọlọhun ati ọla Rẹ maa ba a- ṣe waasu kan ti o de ògòńgó ( tí ọ dé òpin ọrọ) fun wa, ti awọn ọkan ń gbọn riri latara rẹ, ti awọn oju n dami latara rẹ, a wa sọ pe: Irẹ ojiṣẹ Ọlọhun! O dabi ẹnipe waasu ẹni ti n dagbere ni eleyi, sọ àsọọlẹ fun wa, o sọ pe: «Mo ń sọ àṣọọlẹ̀ fún yín pé kí ẹ bẹ̀rù Ọlọ́hun, kí ẹ sì máa tẹ́tí gbọ́, kí ẹ sì máa tẹ̀lé aṣẹ, kódà kí ó jẹ́ ẹrú ló jẹ́ adarí lé yín lórí, torí dájúdájú ẹni tí ẹ̀mí rẹ̀ bá gùn dáadáa nínú yín, yíò rí ìyàpá ẹnu tí ó pọ̀, ó wá dọwọ́ yín o kí ẹ gbá Sunnah èmi Ànábì mú àti Sunnah àwọn Khaleefah olùtọ́nísọ́nà àwọn tí A fi mọ̀nà lẹ́yìn mi, ẹ dì í mú kí ẹ sì fi àwọn ẹyín ọ̀gán yín de é mọ́lẹ̀, ó dọwọ́ yín kí ẹ jìnnà sí àwọn ohun àdàdáalẹ̀; torí dájúdájú gbogbo ohun àdàdáalẹ̀ bidi'ah ni, àti pé gbogbo bidi'ah pátá ànù ni.» Awọn Hadiisi to wa nipa itumọ yii pọ.
Atipe dajudaju o fi ẹsẹ rinlẹ lati ọdọ awọn saabe ojiṣẹ Ọlọhun – ki ikẹ ati ọla Ọlọhun maa ba a –, ati lati ọdọ awọn ẹni rere ti wọn saaju lẹyin wọn; ṣiṣe ikilọ kuro nibi awọn adadaalẹ ati didẹruba kuro nibẹ; atipe ko si ohun ti o fa eleyi ayaafi nitori pe dajudaju o jẹ afikun sinu ẹsin, ati ofin ti Ọlọhun ko fun ni igbanilaaye rẹ, ati gbigbara jọ awọn ọta Ọlọhun ninu awọn yẹhudi ati nasara nibi afikun wọn sinu ẹsin wọn, ati dida adadaalẹ wọn sinu rẹ fun ohun ti Ọlọhun ko fun ni igbanilaaye rẹ, ati nitori pe ohun ti o di dandan mọ ọn ni didin ẹsin Islam ku, ati fifẹẹsun kan an pe ko pe, atipe ohun ti o wa ninu eleyi ninu ibajẹ ti o tobi ti di mimọ, ati aburu ti o buru ju, ati titakora pẹlu ọrọ Ọlọhun – Ọba ti titobi Rẹ ga: «Lónìí ni Mo parí ẹ̀sìn yín fún yín...» [Al-Maahidah: 3], Àti ìyapa tí ó han gbangba sí àwọn Hadiisi ojiṣẹ (kí ikẹ ati ọla Ọlọhun máa bá a) tí ó ń ṣe ìkìlọ̀ kúrò nibi àwọn adadaalẹ, àti èyí tí ó ń lé èèyàn jìnnà kúrò níbẹ̀.
Pẹlu èyí, mo lero pe o ti nbẹ lara awọn ẹri ti a ti sọ kọja yii nkan to to, ti o si to fun ni ni itẹlọrun fun ẹni to ba nwa ododo nibi titako adadaalẹ yii; iyẹn ni: adadaalẹ ṣiṣe ayẹyẹ oru Isra ati Mi'raj, ati ṣiṣe ìkìlọ̀ nipa rẹ, ati wipe ko jẹ nkankan ninu ẹsin Islam rara.
Ati nitori ohun ti Ọlọhun ṣe ni ọrananyan ninu ṣiṣe iṣiti fun awọn Musulumi, ati alaye ohun ti Ọlọhun ṣe ni ilana fun wọn ninu ẹsin, ati eewọ pipa imọ mọra; mo ri pe ki n ṣe itaji fun awọn ọmọ-iya mi to jẹ musulumi lori adadaalẹ yii, eyi ti o ti fọnka ninu ọpọlọpọ awọn ilu, titi ti awọn eeyan kan fi lero pe o wa lara ẹsin.
Ọlọhun ni a n bẹ̀ ki O tun àwọn ìṣesí gbogbo àwọn Mùsùlùmí ṣe, ki O si fun wọn ni agbọye ẹsin, ki O si fi awa ati awọn naa ṣe kongẹ lati di òdodo mú ati lati dúró ṣinṣin lórí rẹ̀, ati lati fi ohun ti o yapa rẹ̀ sílẹ̀, Oun ni olukapa lórí rẹ̀.
Ki Ọlọhun ba wa ṣe ikẹ ati ọla ati ibukun Rẹ fun ẹru Rẹ ati ojiṣẹ Rẹ tii ṣe Anọbi wa Muhammad ati awọn araale rẹ ati awọn saabe rẹ.
Iwe apilẹkọ ẹlẹẹkeje:
Idajọ ṣiṣe ajọyọ òru idaji ninu osu Shaaban
Gbogbo ẹyin ti Ọlọhun ni, Ẹni ti O ṣe aṣepé ẹsin fun wa, ti O si pe idẹra le wa lori, ikẹ Ọlọhun ati ọla Rẹ ki o maa ba Anọbi Rẹ ati ojiṣẹ Rẹ Muhammad, Anọbi wa fún ironupiwada awọn ènìyàn ati ikẹ.
Lẹyìn igba na: Ọlọhun ti ọla Rẹ ga ti sọ pe: «Lónìí ni Mo parí ẹ̀sìn yín fún yín. Mo sì ṣe àṣepé ìdẹ̀ra Mi fún yín. Mo sì yọ́nú sí ’Islām ní ẹ̀sìn fún yín». [Al-Maahidah: 3], Ọlọhun tí Ọlá Rẹ ga tún sọ pé: «Tàbí wọ́n ní àwọn òrìṣà kan tó ṣòfin (ìbọ̀rìṣà) fún wọn nínú ẹ̀sìn, èyí tí Allāhu kò yọ̀ǹda rẹ̀...» [Surah Ash-Shūrā: 21], Ati nínú Sọhihi mejeeji, láti ọ̀dọ̀ Aishah- ki Ọlọhun yọnu si i- lati ọdọ Anọbi- ki ikẹ Ọlọhun ati ọla Rẹ maa ba a- o sọ pé: "«Ẹnikẹni ti o ba da adadaalẹ kan sinu alamọri wa yii ti ko si ninu rẹ; a o da a pada ni»." Ati ninu Sọhiihu Muslim lati ọdọ Jaabir (ki Ọlọhun yọnu si i), pe Anabi (ki ikẹ ati ọla Ọlọhun maa ba a) maa n sọ ninu khutubah Jumu‘ah pe: ""Lẹ́yìn wá ìgbà náà, dájúdájú ọ̀rọ̀ ti o lóore ju ni Tira Ọlọhun, imọna ti o lóore ju ni imọna Anọbi Muhammad- ki ikẹ ati ọla Ọlọhun maa ba a- èyí tí ó burú jù nínú àwọn àlámọ̀rí náà ni àwọn adadaalẹ rẹ, gbogbo adadaalẹ si nìyí anu ni"" Awọn āyah ati awọn hadith tí o ntọka sí itumọ yii pọ, wọn sì n tọka ni itọka ti o ṣalaye gbangba wipe dajudaju Ọlọhun Ọba ti ọla Rẹ ga ti pe fún ìjọ yíi ẹsin wọn, Ó sì ti parí idẹra Rẹ le wọn lórí, kò sì gba ẹmí Anọbi Rẹ - kí ikẹ ati ọla Ọlọhun máa bá a - afi lẹyin ti o ti jẹ iṣẹ ibasọrọ náà naa ni jijẹ ti o foju han gbangba, ti o sì ṣàlàyé fún ìjọ náà gbogbo ohun ti Ọlọhun ṣe ni ofin fún wọn ninu awọn ọrọ ati iṣẹ, Atipe o ṣàlàyé- ki ikẹ Ọlọhun ati ọla Rẹ maa ba a- pe dajudaju gbogbo nnkan ti awọn eniyan ba da a lẹ lẹyin rẹ ti wọn si fi rọ mọ ẹsin Islam ninu ọrọ tabi iṣẹ; gbogbo rẹ adadaalẹ ni, wọn maa da a pada fun ẹni ti o ba da a lẹ, koda bi erongba rẹ ba dara. Atipe dajudaju awọn saabe Ojiṣẹ Ọlọhun- ki ikẹ Ọlọhun ati ọla Rẹ maa ba a- wọn ti mọ alamọri (ọrọ) yii, bakannaa ni awọn onimimọ Islam lẹyin wọn, wọn kọ awọn adadaalẹ, wọn si ṣe ikilọ kuro nibẹ, gẹgẹbi gbogbo ẹni ti o kọwe lori gbigbe sunnah tobi ati kikọ adadaalẹ ṣe sọ; gẹgẹbi ọmọ Wọddoh, ati at-Turotuuṣi, ati baba Ṣaama, ati awọn miiran yato si wọn.
Atipe dajudaju ninu awọn adadaalẹ ti apakan ninu awọn eeyan dáa lẹ ni: adadaalẹ ṣiṣe ajọyọ oru idaji ninu oṣu Sha'ban, ati yiya ọjọ rẹ sọtọ fun gbigba aawẹ, ko si si ẹri lori eleyi ti o lẹtọọ lati gbarale, atipe dajudaju awọn hadiisi alailera ti wa nipa ọla rẹ, eyi ti ko lẹtọọ lati gbarale.
Ní ti ohun ti o wa nipa ọla irun kiki ninu rẹ; gbogbo rẹ ni agbelẹrọ gẹgẹ bi ọpọlọpọ ninu awọn onimimọ ti pe akiyesi si eleyii, ati pe a ọ mẹ́nuba apakan ninu ọrọ wọn bi Ọlọhun ba fẹ.
Atipe wọn gba awọn ẹgbawa wa ninu rẹ - bakanna - lati ọdọ diẹ ninu awọn ẹni isaaju ninu awọn ara Saamu ati awọn elomii naa.
Ohun ti ọpọlọpọ ninu awọn onimọ fohunsọkan lori rẹ ni wipe ṣiṣe ayẹyẹ rẹ jẹ adadaalẹ, ati wipe gbogbo awọn ọrọ anọbi ti o wa lori ọla rẹ ni o lẹ, ti apakan rẹ si jẹ adapa irọ, ninu awọn ti o ṣe akiyesi lori eyi ni: Al-Hafis ọmọ Rajab, ninu tira rẹ: (Lata'iful-Ma'arif), ati ẹlomiran, o si di mimọ wipe awọn ọrọ anọbi ti o lẹ, inu awọn ijọsin ti ipilẹ rẹ ti fi ẹsẹ mulẹ pẹlu awọn ẹri ti o ni alaafia nikan ni a ti maa nfi wọn ṣiṣẹ ṣe, Ni ti ṣiṣe ayẹyẹ ni oru idaji ninu Sha'ban, ko ni ipilẹ kankan ti o tọ, ti a o fi waa atilẹyin fun un pẹlu awọn hadiisi ti o lẹra. Ati pe dajudaju Imaamu Abu Al-Abbas Ṣaeku l'Islaam Ibnu Taemiyyah - ki Ọlọhun kẹ ẹ - ti mẹnuba oju opo nla yii.
Mo nmu ohun ti apakan ninu awọn nkan tí àwọn onimọ sọ nipa alamọri yii wa fún iwọ oluka ki o le wa lori amọdaju ninu rẹ.
Awọn onimimọ - ki Ọlọhun kẹ wọn - ti f'ohun ṣọkan lori pe ohun ti o jẹ dandan ni: dida nnkan ti awọn eeyan ba fa aawọ lori rẹ ninu awọn alaamọri pada sibi tira Ọlọhun - titobi ni fún agbara Rẹ -, ati sínú sunnah ojiṣẹ Ọlọhun - ki Ọlọhun ṣe ikẹ ati igẹ Rẹ fun un -, nitori naa ohun ti awọn mejeeji ba fi ṣe idajọ tabi ọkan ninu awọn mejeeji, oun ni ofin sharia ti titẹle rẹ jẹ dandan, gbogbo nnkan to ba si yapa si awọn mejeeji, kikọ ọ silẹ jẹ dandan, ati pe ohun ti ko ba ṣẹri wa ninu awọn mejeeji ninu awọn ijọsin, adadaalẹ ni ti ṣiṣe rẹ ko lẹ́tọ̀ọ́, ki a ma tiẹ sọ ti pipe awọn eeyan lọ síbẹ ati gbigbe e larugẹ, Ọlọhun - Mimọ ni fun Un ti O si ga - sọ pe: «Ẹ̀yin tí ẹ gbàgbọ́ ní òdodo, ẹ tẹ̀lé (àṣẹ) Allāhu, ẹ tẹ̀lé (àṣẹ) Òjíṣẹ́ náà àti àwọn aláṣẹ nínú yín. Nítorí náà, tí ẹ bá yapa-ẹnu lórí kiní kan, ẹ ṣẹ́rí rẹ̀ sí ọ̀dọ̀ Allāhu àti Òjíṣẹ́ - kí ìkẹ́ àti ọlà Allāhu máa bá a -, tí ẹ bá gbàgbọ́ nínú Allāhu àti Ọjọ́ Ìkẹ́yìn. Ìyẹn lóore jùlọ, ó sì dára jùlọ fún ìkángun ọ̀rọ̀ (ìyọrísí). [An-Nisaa: 59], Ọlọhun tí Ọlá Rẹ ga tún sọ pé: «Ohunkóhun tí ẹ bá yapa-ẹnu lórí rẹ̀, ìdájọ́ rẹ̀ di ọ̀dọ̀ Allāhu...» Suuratu Shuuroh: 10. Ọlọhun Ọba- ti ọla Rẹ ga- sọ pe: «Sọ pé: “Tí ẹ̀yin bá nífẹ̀ẹ́ Allāhu, ẹ tẹ̀lé mi, Allāhu máa nífẹ̀ẹ́ yín, Yóò sì máa forí ẹ̀ṣẹ̀ yín jìn yín... [Aal-Imraan: 31] Ọlọhun tí O tóbi púpọ sọ pé: «Rárá, Èmi fi Olúwa rẹ búra pé wọn kò tí ì gbàgbọ́ ní òdodo títí wọn yóò fi gbà ọ́ ní olùdájọ́ lórí ohun tí ó bá dá yánpọnyánrin sílẹ̀ láààrin wọn. Lẹ́yìn náà, wọn kò níí ní ẹ̀hónú kan sí ìdájọ́ tí o bá dá. Wọ́n sì máa gbà pátápátá. [An-Nisaa:65], Awọn Aayah to wa lori itumọ yii pọ, wọn si jẹ ẹri todaju lori ọranyan dida awọn ọrọ ti iyapa wa ninu rẹ pada sọdọ iwe Ọlọhun (Al Qur'an) ati Sunnah, ati ọranyan yiyọnu si idajọ mejeeji, ati pe iyẹn ni ohun ti igbagbọ n beere fun, o si jẹ oore fun awọn ẹru Ọlọhun ni aye ati ni ọrun, o si dara julọ ni atubọtan: iyẹn ikẹhin rẹ.
Agba aafa ọmọ Rajab - ki Ọlọhun ba wa ṣe ikẹ Rẹ fun un - sọ ninu tira rẹ tii ṣe 'Lataa'iful-Ma'aarif' nipa ọrọ yii - lẹyin ọrọ ti o ti saaju - pẹlu gbolohun to lọ bayii pe :
«Àti òru ìdajì nínú osù Shaban, àwọn tí wọn tẹle awọn saabe nínú àwọn ará ìlú Saamu; gẹgẹ bíi Kalid ọmọ Mọ'dan, àti Mọkhuul, àti Lukman ọmọ A'mir, àti àwọn mìíràn yàtọ̀ sí wọ́n, wọ́n aa maa gbe e tóbi, wọ́n aa sì maa gbìyànjú nínú rẹ̀ pẹ̀lú ìjọsìn, àti pé ọ̀dọ̀ wọn ni àwọn ènìyàn ti gba ọlá rẹ̀ àti títóbi rẹ̀,» Wọn si ti sọ pe: dajudaju awọn itan Isiraẹli ti de wa ba wọn nipa iyẹn, nigbati iyẹn si ti gbajumọ lati ọdọ wọn ni awọn ilu, awọn eeyan yapa nipa iyẹn; o wa ninu wọn awọn ti wọn gba a lọwọ wọn, ti wọn si fi ẹnu ko pẹlu wọn lori gbigbe e tobi, o wa ninu wọn ijọ kan ninu awọn olujọsin ará Basra ati awọn miran, Ọpọlọpọ ninu awọn onimimọ Hijaz si tako iyẹn, ninu wọn ni: Ataa, ati ọmọ Baba Mulaikah, Abdur-Rahman ọmọ Zaid ọmọ Aslam sì gba a wa lati ọdọ awọn onimimọ ofin ẹsin ninu awọn ara Madinah, oun sì ni ọrọ awọn akẹgbẹ Malik ati awọn ti o yatọ si wọn, wọn sì sọ pé: gbogbo iyẹn bidia (adadaalẹ ) ni.
Awọn onimimọ ilẹ Ṣaamu yapa ẹnu nibi ìṣesí sise e si ọrọ meji:
Ọ̀kan nínú méjèèjì: ni pé o jẹ́ ohun tí a fẹ́ràn láti se e ní àpapọ nínú àwọn mọ́ṣáláṣí, Khaalid ọmọ Ma'daan àti Luqmaan ọmọ 'Aamir àti àwọn yòókù máa nwọ eyi ti o ba dara julọ ninu awọn aṣọ wọn ninu rẹ, wọn a sì máa lo turare, wọn a sì máa le tiroo, wọn a sì máa dìde irun kíkí nínú mọ́ṣáláṣí ní oru wọn yẹn, Is-haaq ọmọ Raahawayh sì fara mọ́ wọn lórí ìyẹn, O sọ nipa kikirun rẹ ninu awọn mọsalasi ni jamọ pe: Iyẹn kii ṣe bidi'a ( adadaalẹ ) Harb Al-Kirmaani ni o gba a wa ninu iwe Masaa'il rẹ.
Èkejì: ni pé a kórìíra ikojọ papọ nínú rẹ̀ nínú awọn mọsalasi fún irun, ati sísọ ìtàn, ati adua, a kò sì kórìíra pé kí ọkùnrin kí irun nínú rẹ̀ fún ara rẹ̀ nìkan, èyí ni ọ̀rọ̀ Al-Awza'i, Imamu awọn ara Shaam, onímọ̀-ẹsìn wọn ati onímọ̀ wọn, èyí sì ni eyi tí o sunmọ julọ pẹlu ògo ti Olohun». Titi o fi sọ wipe: «A ko mọ ọrọ kankan fun Imaamu Ahmad nipa oru idaji sha’abaan, a si n fa ẹgbawa meji jade lati ọdọ rẹ lori jijẹ ti kiki oru rẹ jẹ nnkan ti a fẹ lati inu ẹgbawa meji ti o wa lati ọdọ rẹ nipa didide kirun ni oru ọdun mejeeji, dajudaju oun (ninu ẹgbawa kan) ko ka didide kirun ni oru rẹ ni jamọ si nnkan ti a fẹ; nitori wipe a ko gba a wa lati ọdọ Anabi - ki ikẹ ati ọla Ọlọhun maa ba a - ati awọn saabe rẹ," O si ṣe idunnimọ rẹ (ninu ẹgbawa kan), latara iṣe Abdur-Rahman ọmọ Yazid ọmọ Al-Aswad lori rẹ, ẹni ti o jẹ ọkan ninu awọn Taabi'uun, gẹgẹ bi bẹẹ ni kiki irun oru idaji, ko si nnkankan ti o fẹsẹ mulẹ ninu rẹ lati ọdọ Anabi - ki ikẹ ati ọla Ọlọhun maa ba a - tabi lati ọdọ awọn saabe rẹ, ṣugbọn o fẹsẹ mulẹ ninu rẹ lati ọdọ ikọ kan ninu awọn Taabi'uun ninu awọn asiwaju onimọ ijinlẹ ẹsin awọn ara ilu Shaam.
Ohun ti a gba lero ninu ọrọ Al-Hafiz ọmọ Rojab - ki Ọlọhun kẹ ẹ - ti pari, alaye to ṣe kedere lati ọdọ rẹ si wa ninu rẹ pe dajudaju ohunkohun ko rinlẹ lati ọdọ Anabi - ki ikẹ ati ọla Ọlọhun maa ba a - tabi lati ọdọ awọn saabe rẹ - ki Ọlọhun yọnu si wọn - nipa oru idaji oṣu sha’abaan.
Ni ti ohun ti Aafa agba to njẹ Al-Aw’zaaii - ki Ọlọhun o ba wa kẹ ẹ- yan pe o jẹ sunnah lati gbe e duro fun ẹnikọọkan, ati bi Al-Haafiz ọmọ Rajab ṣe yan gbolohun yii, ohun ajeji ati eyi ti ko lẹsẹ nilẹ ni; tori pe gbogbo nkan ti ko ba rinlẹ pẹlu awọn ẹri sharia pe o ba sharia mu, ko lẹtọọ fun musulumi lati da adadaalẹ rẹ kalẹ sinu ẹsin Ọlọhun, yala o ṣe e ni oun nikan ṣoṣo ni tabi ninu ijọ, ati pe yala o ṣe e ni bọkẹlẹ tabi o ṣe e ni gbangba; nitori gbogboogbo gbolohun Anabi- ki ikẹ Ọlọhun ati ọla Rẹ maa ba a-: "Ẹni ti o ba ṣe iṣẹ kan ti ko si àṣẹ wa nibẹ, yio di adapada." ati awọn ẹri míràn yatọ sí awọn eleyii ti o n tọka si kikọ awọn adadaalẹ ati ikilọ kuro nibi rẹ.
Imamu Abu Bakr At-Turtuushiy - ki Ọlọhun kẹ ẹ - si sọ ninu tira rẹ tii ṣe 'Al-Hawaadith wal-Bida‘' pẹlu gbolohun to lọ bayii pe :
"ọmọ Waddaah gba a wa lati ọdọ Zaid ọmọ Aslam, o sọ pe: A ko ba ẹnikẹni ninu awọn agbaagba wa tabi awọn onimọ ẹsin wa ti wọn nkọbi ara si idaji oṣu Sha’baan, bẹẹni wọn ko kọbi ara si Hadiisi Mak’huul, wọn ko si ri ajulọ Kankan fun un lori awọn yoku."
Wọn sọ fun ọmọ bàbá Mulaykah pe: Ziyaad An-Numayriy n sọ pe: «Dájúdájú ẹ̀san òru ìdajì oṣù Sha'ban dàbí ẹ̀san Òru laylatul kọdri», O si sọ pe: «Ka ni mo gbọ́ ọ, ti ọ̀pá si wa ni ọwọ mi, n ba ti fi lu u.» Ziyad sì jẹ́ asọ̀tàn, oun ti a fẹ lo pari sibi.
Agba aafa Ash-Shawkaaniy - ki Ọlọhun ba wa ṣe ikẹ Rẹ fun un - sọ ninu tira tii ṣe 'Al-Fawaa'id Al-Majmuu'ah' pẹlu gbolohun to lọ bayii pe :
"«Hadiis: «Iwo Ali, ẹniti o ba ki Raka‘a ọgọrun ni oru idaji oṣu Sha‘baan, ti o ka Faatihatul Kitaab ati Kul Huwa Lloohu Ahad ninu Raka‘a kọọkan; ni igba mẹwa; Ọlọhun yóò ṣe gbogbo bukata rẹ fun un» ati bẹẹ bẹẹ lọ." Agbelẹrọ Hadith ni, ati pe ninu awọn gbolohun rẹ ti o ṣalaye fojuhan nipa ẹsan ti oluṣe rẹ yoo gba ni ohun ti eniyan ti o ni oye kan ko le ṣe iyemeji pe agbelẹrọ ni, awọn eeyan rẹ si jẹ ẹni ti a ko mọ, wọn si ti gba a wa lati ọna ẹlẹẹkeji ati ẹlẹẹkẹta ti gbogbo rẹ jẹ agbelẹrọ, ti awọn olugbawa rẹ si jẹ ẹni ti a ko mọ. O sọ nínú: «Mukhtasor» pé: Hadiisi irun idaji oṣù Sha'baan jẹ ibajẹ, àti ti ọmọ Hibbaan láti inú hadiisi Ali pé: «Tí o bá di alẹ idaji oṣù Sha'baan, kí ẹ fi òru rẹ dìde kírun, kí ẹ sì gbà aawẹ ní ọsán rẹ», hadiisi ti o lẹ ni. O sọ nínú tira «Al-La'ali» pé : «Raka'a ọgọrun ni idaji Sha'ban pẹlu ọgbà ọrọ Ikhlas nigba mẹwa» pẹlu bi ọla rẹ ṣe gun to, eyi ti Ad-Dailami ati awọn miiran gba wa jẹ agbelẹrọ adisi' (irọ), ati pe ọpọlọpọ awọn olugbawa rẹ nínú awọn ọna mẹtẹẹta jẹ awọn ti a ko mọ ati pe wọnjẹ ọlẹ , O sọ pe: «Ati Raka'a mejila pẹlu Ikhlas ni ọna ọgbọn». Adapa irọ ni, «ati Raka'a mẹrinla» adapa irọ ni.
Àti pé dájúdájú hadith yí ti tàn àkójọpọ̀ (jamaahaa) kan nínú àwọn onímọ̀-òfin jẹ; bíi oníwèé (al-Ihyaa) àti àwọn mìíràn, àti bẹ́ẹ̀ gẹ́gẹ́ nínú àwọn onítumọ̀ Al-Ƙur'aani. A sì ti gba ẹgbàawá irun alẹ́ yí - mo ń túmọ̀ sí: alẹ́ àárín oṣù Sha'baan - ní onírúurú ọ̀nà, tí gbogbo rẹ̀ pátá jẹ́ asán, tí ó sì jẹ́ àdàdáalẹ̀ tí wọ́n kàn dá sílẹ̀. Èyí kò sì tako ẹgbawa Tirmidhiy láti inú Hadiisi Aishah - kí Ọlọhun yọ́nú sí i - nípa lílọ rẹ̀ - kí ìkẹ́ àti ọla Ọlọhun máa bá a - sí Bakii ( òun ni ààyè tí àwọn Saabe sun sí ), àti sísọ̀kalẹ̀ Oluwa ní òru idaji oṣù Shaaban sí sanmọ ayé, àti pé Ó máa ń ṣe aforijin fún èyí tí ó pọ̀ ju òǹkà irun agùntàn àti ajá lọ , nítorí pé dádúdájú ọ̀rọ̀ náà kàn wà lórí ìrun àdáwọ́lẹ̀ yìí nínú òru yìí ni, Pẹlu pe dajudaju ẹgbawa Aaishah yii ni ailera ati gige ninu rẹ, gẹgẹ bi o ṣe jẹ pe ẹgbawa 'Aliyy eyi ti a ti mẹnuba rẹ ṣiwaju nipa idide irun òru rẹ, ko lodi si jijẹ ti irun yii jẹ eyi ti a hun (adapa), pẹlu ailera ti o wa ninu rẹ gẹgẹ bi a ti ṣe mẹnuba rẹ» Ohun ti a gba lero parí.
Haafis Al-Iraaqi sọ pé: "Hadiisi ti irun òru ààbọ̀ jẹ́ àdápa mọ́ Òjíṣẹ́ Ọlọhun - kí ìkẹ́ àti ọla Ọlọhun máa bá a - ó sì jẹ́ irọ́ mọ́ ọn," Imam An-nawawi sọ nínú ìwé: (Al-Majmu') pé: «Ìrun tí wọ́n mọ̀ sí irun Ragha'ib, tí í ṣe rakah méjìlá láàárín irun Magrib àti irun Ishai, ní òru Jímọ̀ àkọ́kọ́ nínú oṣù Rajab, àti irun òru àárín oṣù Sha'ban tí í ṣe rakah ọgọ́rùn-ún, àwọn irun méjèèjì yí jẹ́ àdàdá (bid'ah) tí a kọ̀, kí a má ṣe gba ẹ̀tàn pẹ̀lú bí wọ́n ṣe mẹ́nu bá wọn nínú ìwé: (Kuutul Quluub), àti (Ihya'u Ulumid-Diin), tàbí pẹ̀lú hadith tí wọ́n mẹ́nu bá nínú wọn, nítorí pé dájúdájú gbogbo ìyẹn jẹ́ asán, kí a má sì ṣe gba ẹ̀tàn pẹ̀lú díẹ̀ nínú àwọn Imam tí ìdájọ́ wọn rújú lójú rẹ̀ tí ó wá kọ àwọn ewé lórí inifẹ wọn, dájúdájú ó ti ṣe àṣìṣe nínú ìyẹn».
Dájúdájú Sheikh Imam, Abu Muhammad Abdur-Rah'man ọmọ Isma'eel Al-Maqdisiy ti kọ tira iyebiye kan lori ibajẹ awọn mejeeji, o ṣe daadaa ninu ẹ, o si gbe e kalẹ daada Ọrọ àwọn onimimọ nipa alamọri yii pọ̀ gan, ti a ba ni ki a gbe gbogbo ohun ti a rí wá ninu ọrọ nipa alamọri yii, ọrọ naa yoo gun fun wa, boya ohun ti a darukọ ti jẹ nǹkan to to ati idaniloju fun ẹni ti o n wa ootọ.
Atipe latara ohun ti o ti siwaju ninu awọn aayah ati awọn hadiithi ati ọrọ awọn onimọ: o han gbangba fun ẹni ti o n wa ododo pe ṣiṣe ajọyọ oru idaji oṣu Sha'baan pẹlu kiki irun tabi omiiran rẹ, ati ṣiṣa ọjọ rẹ sọtọ fun gbigba aawẹ; adadaalẹ ti a kọ fun ni lọdọ ọpọlọpọ awọn onimọ, ko si ni ipilẹ ninu ofin ẹsin ti o mọ, kaka bẹẹ o wa ninu awọn ohun ti wọn da silẹ ninu Islam lẹyin asiko awọn Sọhaabah – ki Ọlọhun yọnu si wọn -, o si to fun ẹni ti o n wa ododo nibi abala yii ati omiiran rẹ, ọrọ Ọlọhun – ti ọla Rẹ tobi – pe: « Lónìí ni Mo parí ẹ̀sìn yín fún yín... (Al'Maa'idah: 3) Ati awọn ẹri to jẹyọ nipa itumọ rẹ ninu awọn aaya Alukurani mii, ati ọrọ Anabi - ki ikẹ ati ọla Ọlọhun maa ba a – to sọ pe: "«Ẹniti o ba da adadaalẹ ni inu alamọri wa yii ti ko si ninu rẹ, yio jẹ adapada fun un»." Ati ohun ti o wa nipa itumọ rẹ ninu awọn hadiith.
O wa ninu Sohiihu Muslim lati ọdọ Abu Hurayrah - ki Ọlọhun yọnu si i - o sọ pe: Ojiṣẹ Ọlọhun - ki ikẹ ati ọla Ọlọhun maa bá a - sọ pé: "«Ẹ má ṣe yan oru Jimọh pẹlu didide loru kan laaarin awọn oru sọtọ atipe ẹ má ṣe ẹsa ọjọ rẹ pẹlu aawẹ kan laaarin awọn ọjọ, ayaafi ki o bọ sinu aawẹ ti ẹnikan nínú yín ti má n gbà»." Ti o ba jẹ pe sisa nkan lẹsa ninu awọn oru, pẹlu nkan ninu ijọsin jẹ eyi ti o lẹtọ ni, dajudaju oru ọjọ Jimọ iba ni ẹtọ julọ ju awọn yoku lọ; nitori pe ọjọ rẹ ni eyi ti o daa julọ ninu ọjọ ti oorun ran ninu rẹ, gẹgẹ bi ọrọ awọn hadiisi ti o fẹsẹmulẹ lati ọdọ Ojiṣẹ Ọlọhun- ki ikẹ Ọlọhun ati ọla Rẹ maa ba a-, Nigba ti Anabi- ki ikẹ Ọlọhun ati ọla Rẹ maa ba a- ṣe ikilọ kuro nibi ṣíṣe ẹsa rẹ pẹlu iduro ninu irun laaarin awọn òru, iyẹn jẹ ẹri lori pe dajudaju awọn ti wọn yàtọ̀ si i ninu awọn òru paapaa jùlọ ni ko lẹtọọ lati ṣe ẹsa kinni kan ninu wọn pẹlu kinni kan ninu ijọsin, afi pẹlu ẹri ti o fẹsẹ mulẹ eyi ti o jẹ ẹri lori ṣíṣe ẹsa naa.
Ati pe nigbati o jẹ pe oru Laelatul Kọdri ati awọn oru Ramadan ni a ti ṣe idide ati ṣiṣe ìgbìyànjú ninu wọn lofin, Anọbi- ki ikẹ Ọlọhun ati ọla Rẹ maa ba a- pe akiyesi lori iyẹn, o si ṣe ijọ rẹ ni ojúkòkòrò lori idide ninu rẹ, o si ṣe iyẹn funra rẹ, gẹgẹ bi o ti wa ninu iwe Sahiihi mejeeji lati ọdọ Anọbi- ki ikẹ Ọlọhun ati ọla Rẹ maa ba a- pe dajudaju o sọ pe: "“Ẹni tí ó bá dìde ni Ramadan ni ti igbagbọ ati ireti ẹsan ni ọdọ Ọlọhun, wọ́n maa fi orí ẹṣẹ rẹ ti o ṣáájú jin in, ati ẹni tí ó bá dìde ni oru Laelatul Kọdri ni ti igbagbọ ati ireti ẹsan ni ọdọ Ọlọhun, wọ́n maa fi orí ẹṣẹ rẹ ti o ṣáájú jin in”." Ti o ba jẹ wipe oru kẹdogun ninu osu Sha'ban, tabi oru ọjọ Jum'ah alakọkọ ninu osu Rajab, tabi oru Israa ati Miiraji ( irin ajo anọbi loru) ni ba ofin ẹsin mu lati sọ ọ di pataki pẹlu ṣiṣe ayẹyẹ tabi nkankan ninu ijọsin, Anọbi - ki ikẹ ati ọla Ọlọhun maa ba a - iba tọ ijọ sọna si i, tabi ki o ṣe e funra rẹ. Ati pe ti nkankan ninu eleyi ba waye, awọn saabe - ki Ọlọhun ba wa yọnu si wọn - iba ti gbe e wa fun ijọ, wọn ki ba ti fi i pamọ fun wọn, awọn si ni ẹni ti o daa julọ ninu awọn eeyan, ati ẹni ti o maa ngba eeyan ni imọran julọ lẹyin awọn Anọbi - ki ikẹ ati ọla Ọlọhun maa ba wọn - Ati pe ki Ọlọhun ba wa yọnu si awọn saabe ojiṣẹ Ọlọhun - ki ikẹ ati ọla Ọlọhun maa ba a - ki O si sọ wọn di ẹni iyọnu.
Atipe iwọ náà ti mọ ṣiwaju ninu ọrọ awọn onimimọ wipe kò fi ẹsẹ mulẹ lati ọdọ ojiṣẹ Ọlọhun – ki ikẹ ati ọla Ọlọhun maa ba a – tabi lati ọdọ awọn saabe rẹ - ki iyọnu Ọlọhun maa ba wọn - nkankan nipa ọla ati pataki oru ọjọ Jimọh akọkọ ninu osu Rajab, tabi nipa oru idaji osu Sha'ban, nitori naa o ti di mimọ wipe ṣiṣe ajọyọ awọn mejeeji jẹ adadaalẹ tuntun ninu Islam, atipe bakanna ṣiṣẹsa wọn pẹlu nkankan ninu ijọsin, adadaalẹ ti ofin kọ ni. Bakan naa ni oru ọjọ kẹtadinlọgbọn ninu osu Rajab, eyi ti apakan ninu awọn eeyan maa nlero wipe oru Isiraa ati Miraaji ni, ko lẹtọọ lati da a ni ọtọ pẹlu nnkankan ninu ijọsin, gẹgẹ bi ko ti lẹtọọ lati ṣe ayẹyẹ rẹ; nitori awọn ẹri ti o ti kọja, eleyi ni ti o ba jẹ wipe a mọ ọ, bawo ni yoo wa ri nigbati o jẹ wipe eyi ti o fi ẹsẹ mulẹ ninu awọn ọrọ awọn onimọ ni wipe a ko tilẹ mọ ọ, Ati ọrọ ẹni tí o sọ pé: òun ni òru ọjọ kẹtadinlọgbọn ninu oṣù Rajab, ọrọ ofo ni, ti kò ní ipilẹ ninu awọn Hadiisi to lalaafia, ati pé dajudaju ẹni tí o sọrọ pé :
«Èyí tí o lóore ju nínú àwọn àlámọ̀rí náà ni àwọn èyí tí o ti ṣáájú lórí imọna... èyí tí ó burú jù nínú àwọn àlámọ̀rí náà ni àwọn adadaalẹ» tí ṣe e dáadáa.
Ọlọhun ni a n bẹ ki O fi awa ati gbogbo awọn Musulumi ṣe kongẹ fun didi Sunnah mu ṣinṣin, ati iduroṣinṣin lori rẹ, ati iṣọra kuro nibi ohun ti o yapa rẹ, Oun ni Ọba Ọlọrẹ Onikẹ.
Ki Ọlọhun ba wa ṣe ikẹ ati ọla Rẹ fun ẹru Rẹ ati ojiṣẹ Rẹ tii ṣe Anọbi wa Muhammad ati awọn araale rẹ ati awọn saabe rẹ lapapọ.
Apilẹkọ Iṣẹ-iranṣẹ ẹlẹẹkẹjọ:
Akiyesi pataki lori irọ àsọtẹlẹ ti a ṣe afiti rẹ.
Sí ọdọ Shaikh Ahmad, ìránṣẹ́ Haram Ànábì tí ó ní ọlá.
Lati ọdọ Abdul Azeez ọmọ Abdullah ọmọ Bāz, lọ si ọdọ ẹnikẹni ti o ba ri i ninu awọn Musulumi: Ki Ọlọhun ṣọ wọn pẹlu Islam, ki O si da aabo bo awa àti awọn náà kuro nibi aburu awọn adarọ-pa awọn alaigbọn ẹni yẹpẹrẹ. Āmīn.
Ki alaafia ati ikẹ Ọlọhun ati ibukun Rẹ maa ba yin.
Lẹ́yìn èyí: Dájúdájú mo ti rí ọ̀rọ̀ kan tí wọ́n sọ pé ó jẹ́ ti Sheikh Ahmad, olùṣe sẹ se boyi sìn Haram Anọbi Ọlọ́lá, tí àkòrí rẹ̀ jẹ́: «Eleyi ni aṣọ tẹlẹ láti Madina láti ọ̀dọ̀ Sheikh Ahmad, olùṣe sẹ se boyi sìn Haram Anọbi Ọlọ́lá», tí ó sọ nínú rẹ̀ pé:
"«Mo n ṣaaisun ni alẹ ọjọ Jimọ ti mo n ke Al-kuraani Alapọnle, ati lẹyin kike awọn orukọ Ọlọhun ti o dara julọ, nigbati mo ṣe tan ninu iyẹn ni mo palẹmọ lati sun, ni mo ba ri ẹni ti o ni irisi ti o lẹwa Ojiṣẹ Ọlọhun - ki ikẹ Ọlọhun ati ọla Rẹ maa ba a - ẹni ti o mu awọn aayah Al-kuraani ati awọn idajọ ti o ni ọla wa; ki o maa jẹ ikẹ fun gbogbo agbaye, aṣiwaju wa Muhammad - ki ikẹ Ọlọhun ati ọla Rẹ maa ba a -, o wa sọ pe: Irẹ ṣheik Ah’mad, ni mo ba sọ pe: Mo jẹ ọ irẹ Ojiṣẹ Ọlọhun, irẹ ẹni ti o ni ọla julọ ninu awọn ẹda Ọlọhun," O sọ fun mi pe: Ojú n ti mi fun awọn iṣẹ buruku awọn ènìyàn, n ko si ri agbara lati dojukọ Oluwa mi tabi awọn Mọlaika; nitori pe lati ọjọ Jimọ de ọjọ Jimọ ọgọrun ati ọgọta ẹgbẹrun ti ku lori ẹsin ti o yàtọ̀ si ẹsin Islam - lẹyin naa o dárúkọ diẹ ninu awọn ẹṣẹ ti awọn ènìyàn bọ sinu rẹ, Lẹyìn náà ni o sọ pé: - Nítorí náà, aṣọ tẹlẹ yíì jẹ́ ìkẹ́ fún wọn láti ọ̀dọ̀ Ọba Alágbára, Ọba Apáṣẹwàá. Lẹyin naa ni o mẹnuba apa kan ninu àwọn àmì ọjọ́ ìkẹyìn, títí o fi sọ pé: - sọ fún wọn ìwọ Ṣẹẹhu Ahmadu nípa ìwé asọsilẹ yìí; nítorí pé a ṣe àdàkọ rẹ pẹ̀lú gege kádàrá láti inú Pátákó Ìpamọ́, àti pé ẹni tí o bá kọ ọ́ tí o sì fi ránsẹ́ láti ìlú kan sí ìlú míràn, àti láti ààyè kan sí ààyè míràn, a óò kọ́ ààfin kan fún un nínú Alujanna, àti pé ẹni tí kò bá kọ ọ́ tí kò sì fi ránsẹ́, a ṣe ìṣípẹ̀ mi ní eewọ fún un ní Ọjọ́ Àjíǹde, Ẹnití ó bá kọ ọ silẹ tí ó sì jẹ́ talaka, Ọlọhun maa sọ ọ di ọlọrọ, tabi tí ó jẹ́ onigbese, Ọlọhun maa san gbese rẹ̀, tabi tí ẹ̀ṣẹ̀ kan wà lọrùn rẹ̀, Ọlọhun maa darijin in ati awọn obi rẹ̀ latara alubarika asọsilẹ yìí, Àti pé ẹnikẹ́ni nínú àwọn ẹrú Ọlọhun tí kò bá kọ ọ́, ojú rẹ̀ yóò dúdú nílé ayé àti ní ọ̀run, O si sọ pe: Mo fi Ọlọhun Ọba titobi bura lẹẹ mẹta pe òdodo ni èyí, ati pe ti mo ba n parọ, ki n jade laye lori ohun ti o yatọ si ẹṣin Islam, ati pe ẹni ti o ba gba a gbọ yoo la kuro ninu iya Iná, ati pe ẹni ti o ba pe e ni irọ ti ṣe aigbagbọ».
Eleyii ni àkópọ̀ ohun ti o wa ninu àsọtẹ́lẹ̀ irọ ti wọn hun mọ ojiṣẹ Ọlọhun- ki ikẹ Ọlọhun ati ọla Rẹ maa ba a-, a sì ti gbọ àsọtẹ́lẹ̀ irọ yii ni ọpọlọpọ igba lati ọpọlọpọ ọdun sẹyin, ti wọn n tan an kalẹ laaarin awọn eniyan lati igba de igba, ti wọn si n gbe e larugẹ laaarin ọpọlọpọ ninu awọn gbáàtúù, ti iyatọ si wa ninu awọn gbolohun rẹ, Ati pe opùrọ́ rẹ̀ sọ pe: Dajudaju òun ri Anabi- kí ikẹ Ọlọhun ati ọla Rẹ maa ba a- ni oju oorun, o si gbe wasiya yii le òun lọwọ, ati pe ninu iwe ikede ti o kẹhin yii ti a mẹnuba fun ọ, iwọ onkawe, aladapa-irọ naa ṣe asọdun ninu rẹ pe dajudaju òun ri Anabi- kí ikẹ Ọlọhun ati ọla Rẹ maa ba a- ni asiko ti o n mura fun oorun, itumọ eyi ni pe: dajudaju o ri i loju la!
Ẹni ti o n pa irọ yii sọ awọn nnkan púpọ̀ ninu wasiya yii; awọn eyi ti o jẹ ninu irọ tí o hàn gbangba jùlọ, ati ibajẹ tí o fojú hàn jùlọ, maa pe àkíyèsí rẹ sí wọn láìpẹ́ ninu ọrọ yii ti Ọlọhun ba fẹ, dajudaju mo sì ti pe àkíyèsí sí wọn ninu awọn ọdún tí o ti kọjá, mo sì ti ṣe àlàyé fun awọn eniyan pe wọ́n jẹ ninu irọ tí o hàn gbangba jùlọ, ati ibajẹ tí o fojú hàn jùlọ, nigbati mo ka ìtẹ̀jáde ìkẹyìn yii, mo ṣe iyèméjì lati kọ̀wé nipa rẹ, nitori bi ibajẹ rẹ ṣe hàn gbangba, ati titobi ìgboyà ẹni ti o n pa irọ rẹ lori pipa irọ, èmi kò sì lérò pe ibajẹ rẹ yii le rí ìtẹ́wọ́gbà lọ́dọ̀ ẹni ti o ba ni ìwọ̀nba òye tí o kéré jùlọ, tabi ẹ̀dá ọkàn tí o pé, Ṣùgbọ́n púpọ̀ nínú àwọn arákùnrin ti sọ fún mi pé ó ti fọ́nká sọ́dọ̀ púpọ̀ nínú àwọn èèyàn, tí wọ́n sì ń gbé e káàkiri láàárín ara wọn, tí apá kan nínú wọn sì gbà á gbọ́; torí ìdí èyí mo rí pé ó ṣe dandan fún irú mi láti kọ̀wé nípa rẹ̀, láti ṣe àlàyé asán rẹ̀, àti pé àdápa irọ́ ni tí wọ́n pa mọ́ ojiṣẹ Ọlọhun (ki ikẹ ati ọla Ọlọhun máa bá a) kí ẹnì kankan má baà di ẹni tí a tàn jẹ pẹ̀lú rẹ̀, Ẹni tí ó bá ronú lé e lórí nínú àwọn onímọ̀ àti olùgbagbọ òdodo, tàbí àwọn t’ó ní ẹ̀dá t'ó mọ́ àti làákàyè pípé; yóò mọ pé irọ́ àti àdápa irọ́ ni láti ọ̀pọ̀lọpọ̀ ọ̀nà.
Ati pe mo ti beere lọwọ diẹ ninu awọn ibatan Shaykh Ahmad, ẹni ti wọ́n fi irọ yii kọ mọ, nipa àsọtẹ́lẹ̀ yii, wọn si da mi lohun pe: irọ lasan ni wọ́n pa mọ Shaykh Ahmad, ati pe kii ṣe wipe oun ni o sọ ọ rárá, Ati pe Sheikh Ahmad ti a mẹnuba yii ti ku tipẹ, koda ti a ba sọ pe Sheikh Ahmad ti a mẹnuba yii, tabi ẹni ti o tobi ju u lọ, pe apemọra pe oun ri Anọbi - ki ikẹ ati ọla Ọlọhun maa ba a- ni oju orun tabi lasiko ti o ji, ti o si pa a ni aṣẹ pẹlu wasiya yii, a ba mọ ni amọdaju pe opurọ ni, tabi pe eṣu ni ẹni ti o sọ iyẹn fun un, ki i ṣe Ojiṣẹ - ki ikẹ ati ọla Ọlọhun maa ba a- nitori ọpọlọpọ awọn idi, ninu rẹ ni:
Ẹkíní: Pé wọn kò lè rí Ojiṣẹ Ọlọhun (kí ikẹ ati Ọla Ọlọhun máa ba a) lójú ayé (láìṣe lójú àlá) lẹyin iku rẹ (kí ikẹ ati Ọla Ọlọhun máa ba a), ati pe ẹni tí ó bá sọ tàbí lérò nínú àwọn aláìmọ̀kan àwọn sufi pé òun rí Anabi (kí ikẹ ati Ọla Ọlọhun máa ba a) lójú ayé, tàbí pé yóò wá sí ibi Maolud, tàbí nkan tí ó jọ bẹ́ẹ̀; dájúdájú ó ti ṣe àṣìṣe tí ó burú jùlọ, a sì ti da ọ̀rọ̀ rújú fún un ní rírújú tí ó ga jùlọ, ó sì ti bọ́ sínú àṣìṣe ńlá, o si ti yapa Tira (Al-Kurani) àti Sunnah pẹlu ìfọhùnṣọ̀kan àwọn onímímọ̀; nítorí pé àwọn òkú máa jáde láti inú sàréè wọ́n ní ọjọ́ ìgbéǹde Al-kiyaomọ nìkan, kì í ṣe ní ilé ayé, Ati pe ẹni ti o ba sọ òun to lodi si iyẹn, o ti jẹ opurọ pẹlu irọ ti o han gbangba, tabi ẹni ti o ṣe aṣiṣe ti nǹkan dojuru mọ loju rẹ, ko mọ ododo eyi ti awọn aṣiwaju ẹni rere mọ, ti awọn saabe ojiṣẹ Ọlọhun (Ki ikẹ ati ọla Ọlọhun maa ba a) ati awọn ti wọn n tẹ̀lé wọn pẹlu iwa rere tọ ipa rẹ, Ọlọhun ti ọla rẹ ga sọ pé: Lẹ́yìn náà, lẹ́yìn ìyẹn, dájúdájú ẹ̀yin yóò di òkú. Lẹ́yìn náà, dájúdájú ní Ọjọ́ Àjíǹde wọ́n máa gbe yín dìde. [Al-Mu'minuun: 15, 16], Anọbi- ki ikẹ Ọlọhun ati ọla Rẹ máa bá a- sọ pe: "Emi ni akọkọ ẹni ti ilẹ yoo ya fun ni ọjọ igbedide, emi si ni akọkọ ẹni ti yoo ṣipẹ, ati akọkọ ẹni ti wọn yoo gba ipẹ rẹ." Awọn Aayah ati awọn Hadiisi to wa lori itumọ yii pọ.
Ẹlẹẹkeji:Ni Pe Ojiṣẹ (ki ikẹ Ọlọhun ati ọla Rẹ máa ba a) kìí sọ ohun ti o tako ododo, ko ṣe ni igbesi aye rẹ, bẹẹ ni ko lee ṣe lẹyin iku rẹ, ati pe aṣọọlẹ yii tako ilana rẹ ni atako ti o han gbangba, eleyi si jẹ bẹẹ ni ọpọlọpọ ọna — gẹgẹ bi o ṣe n bọ —, ati pe oun (ki ikẹ Ọlọhun ati ọla Rẹ máa ba a) ni a le ri loju ala, Ati pe ẹni ti o ba ri i ni oju oorun ninu aworan rẹ ti o ni ọla, dajudaju o ti ri i lododo; nitori pe èṣù kò lè gbé àwòrán rẹ̀ wọ, gẹgẹ bi o ṣe wa ninu Hadiisi ododo ti o ni ọla, ṣugbọn pataki gbogbo koko ọrọ naa wa ni ibi igbagbọ ẹni ti o la àlá naa, ati ododo rẹ, ati deedee rẹ, ati amọdaju rẹ, ati ẹsin rẹ, ati ifọkantan rẹ, ati boya o ri Anọbi - ki ikẹ Ọlọhun ati ọla Rẹ maa bá a - ninu aworan rẹ ni tabi ni aworan miiran.
Atipe ti hadiisi kan lati ọdọ Anọbi- ki ikẹ Ọlọhun ati ọla Rẹ maa ba a- ba de, eyi ti o sọ ninu igbesi aye rẹ, nipasẹ ọna ti ki i ṣe ti awọn asọgbawa ti a fọkantan, ti wọn jẹ olododo, ti wọn peye nibi iranti wọn, wọn ko nii gbarale e, wọn ko si nii fi ṣe ẹri, tabi ki o wa nipasẹ ọna awọn asọgbawa ti a fọkantan ti wọn peye nibi iranti, ṣùgbọ́n ti o tako ẹgbawa ẹni ti iranti rẹ lagbara ju wọn lọ, ti o si ni ifọkantan julọ, pẹlu itako ti ko ṣe e ṣe lati ṣe àkójọpọ̀ laarin awọn isọgbawa mejeeji, dajudaju ọkan ninu wọn maa jẹ eyi ti idajọ rẹ ti parẹ ti wọn ko nii fi ṣe iṣẹ, ati ekeji rẹ: yoo jẹ eyi ti o n pa idajọ omiiran rẹ ti wọn maa fi ṣe iṣẹ, nibiti iyẹn ba ti ṣe e ṣe pẹ̀lú àwọn majẹmu rẹ, atipe ti ko ba ṣe e ṣe lati ṣe àkójọpọ̀ bẹẹni ko ṣe e ṣe lati pa idajọ rẹ rẹ, o di dandan ki wọn pa ẹgbawa ẹni ti iranti rẹ kere, ti ipele ododo rẹ si balẹ tì, ki wọn si da idajọ le e lori pe o jẹ ṣaasi, eyi ti wọn ko nii fi ṣe iṣẹ.
Báwo waa ni nípa asọtẹlẹ tí a kò mọ ẹni tí o gbé e wá láti ọ̀dọ̀ Ojísẹ́ Ọlọ́hun – kí ìkẹ́ àti ọlá Ọlọ́hun máa bá a –, tí a kò sí mọ òdodo àti ìfọkàntán rẹ̀, nínú ipò tí o wà yí, o lẹ́tọ̀ọ́ gidi pé kí a pa á tì kí a má si ṣe kọbi ara sí i, kódà tí kò bá sí nkan tí o lòdì sí òfin ẹ̀sìn nínú rẹ̀, báwo wá ni yóò ṣe rí tí asọọlẹ náà bá kowọ́pọ̀ pẹ̀lú àwọn nkan púpọ̀ tí o ń tọ́ka sí pé asán ni, àti pé irọ́ ni wọ́n fi pa mọ́ Ojísẹ́ Ọlọ́hun – kí ìkẹ́ àti ọlá Ọlọ́hun máa bá a –, tí o si tún gbé àgbékalẹ̀ ẹ̀sìn tí Ọlọ́hun kò yọ̀ǹda rẹ̀ wọ̀?!
Atipe Anọbi- ki ikẹ Ọlọhun ati ọla Rẹ maa ba a- ti sọ pe: "Ẹni ti o ba sọ mọ mi ohun ti mi kò sọ; ki o yaa lọ wa ibùjókòó rẹ ninu ina". Ati pe dajudaju ẹni ti o hun irọ yìí mọ Ojiṣẹ Ọlọhun- ki ikẹ ati ọla Ọlọhun máa bá a- ti sọ ohun ti anọbi ko sọ, o si ti parọ mọ ọn ni irọ ti o han gbangba ti o lewu, dajudaju o ti lẹtọọ pupọ si adehun iya ti o tobi yìí, o si ni ẹtọ si i ti ko ba yara ṣe ironupiwada, ti ko si sọ fún àwọn eniyan pe adapa irọ ni yìí lori Ojiṣẹ Ọlọhun- ki ikẹ ati ọla Ọlọhun máa bá a-; nitori pe dajudaju ẹni ti o ba tan irọ kalẹ laaarin awọn eniyan, ti o si fi i si ọdọ ẹsin; ironupiwada rẹ kúrò nibẹ ko ni tọna ayafi pẹlu kíkede rẹ ati fífihàn rẹ; titi ti awọn eniyan yoo fi mọ nipa pipada rẹ kúrò nibi irọ rẹ, ati pípè ti o pe ara rẹ ni opurọ; nitori ọrọ Ọlọhun- Ọba ti titobi Rẹ han- pe: «Dájúdájú àwọn tó ń daṣọ bo ohun tí A sọ̀kalẹ̀ nínú àwọn ẹ̀rí tó yanjú àti ìmọ̀nà, lẹ́yìn tí A ti ṣe àlàyé rẹ̀ fún àwọn ènìyàn sínú Tírà, àwọn wọ̀nyẹn ni Allāhu ń ṣẹ́bi lé. Àwọn olùṣẹ́bi sì ń ṣẹ́bi lé wọn». « Àyàfi àwọn tó ba ronú pìwàdà, tí wọ́n ṣe àtúnṣe, tí wọ́n sì ṣàfi hàn òdodo, nítorí náà, àwọn wọ̀nyẹn ni Mo máa gba ìronúpìwàdà wọn. Èmi sì ni Olùgba-ìronúpìwàdà, Àṣàkẹ́-ọ̀run». [Al-Baqarah: 159-160] Nítorí náà, Ọlọhun ti ọla Rẹ ga ṣe àlàyé ninu āyah aláponlé yìí pé: dajudaju ẹnití o ba fi nkan pamọ ninu òdodo, ironupiwada rẹ lori eyi kò nii tọ̀nà ayaafi lẹhin àtúnṣe ati ṣíṣe àlàyé. Àti pé Ọlọ́run Ọba ti pé ẹsin fún àwọn ẹrú Rẹ, Ó sì ti parí idẹra Rẹ le wọn lórí pẹlu gbígbé ojiṣẹ Rẹ tii ṣe Muhammad - kí ikẹ ati ọla Ọlọhun máa bá a - dìde, àti pẹlu nkan tí Ọlọhun fi ṣe ìṣípayá sí i ninu ofin tí ó pé, kò sì gba ẹ̀mí rẹ̀ sọ́dọ̀ Rẹ̀ ayaafi lẹ́yìn pipe àti ṣíṣe àlàyé rẹ, gẹ́gẹ́ bí Ọlọ́run Ọba ti sọ pé: «Lónìí ni Mo parí ẹ̀sìn yín fún yín. Mo sì ṣe àṣepé ìdẹ̀ra Mi fún yín. Mo sì yọ́nú sí ’Islām ní ẹ̀sìn fún yín». [Al-Maa'idah: 3]
Ati wipe oluparọ asọtẹlẹ yii ti de ni ọrundun kẹrinla, o fẹ lati da awọn ọmọniyan ru pẹlu ẹsin titun, eyi ti abajade rẹ yoo jẹ wiwọ Alujanna fun ẹni ti o ba tẹle ofin (Ilana) rẹ, ati didi Alujanna ati wiwọ Ina fun ẹni ti ko ba tẹle ofin (Ilana) rẹ, Àti pé o nfẹ láti sọ asọsilẹ yìí tí o ṣe àdápa rẹ di èyí tí o tobi tí o sì l'ọlá ju Al-kuraani lọ, níbi tí o ti pa irọ nínú rẹ pé: dajudaju ẹni tí o bá kọ ọ tí o sì fi ranṣẹ lati ilú kan sí ilú mìíràn, tàbí lati ibìkan sí ibòmíràn; a óò kọ ààfin fún un nínú Alujanna, àti pé ẹni tí kò bá kọ ọ tí kò sì fi ranṣẹ, a óò fi ìṣípẹ̀ Anọbi -kí ikẹ Ọlọhun àti ọla Rẹ máa ba- ṣe èèwọ̀ fún un ní Ọjọ Àjíǹde, Èyí wà nínú irọ́ t’ó burú jùlọ, àti nínú àwọn ẹ̀rí t’ó fojúhàn jùlọ lórí bí asọtẹlẹ yìí ṣe jẹ́ irọ́, àti àìní-ìtìjú ẹni t’ó dá a hun, pẹ̀lú bí ìgboyà rẹ̀ lórí irọ́ pípa ṣe tóbi tó; nítorí pé ẹni tí ó bá kọ Al-Ƙur’ān Alápọ̀n-ọ́nlé, tí ó sì fi ránṣẹ́ láti ìlú kan sí ìlú mìíràn, tàbí láti àyè kan sí àyè mìíràn; kò níí rí oore-ọlá yìí gbà tí kò bá fi Al-Ƙur’ān Alápọ̀n-ọ́nlé ṣe níṣẹ, báwo wá ni yóò ṣe tẹ ẹni t’ó kọ irọ́ àdáhunṣe yìí àti ẹni t’ó ń gbé e kiri láti ìlú kan sí ìlú mìíràn lọ́wọ́. Ati pe ẹni ti ko ba kọ Al-Qur'an, ti ko si fi ranṣẹ lati ilu kan si ilu miiran, wọn ko ni se iṣipẹ Anabi- ki ikẹ Ọlọhun ati ọla Rẹ maa ba a- lee wọ fún un, ti o ba jẹ onigbagbọ ninu rẹ, ti o si n tẹle Sharia ( ìlànà òfin rẹ ) rẹ, Àti pé àdápa irọ́ ẹyọ kan ṣoṣo yìí nínú ìwé àsọ́ọ́lẹ̀ yìí, òun nìkan ti tó láti tọ́ka sí àìlẹ́sẹ̀-nílẹ̀ rẹ̀ àti irọ ẹni tí ó ń tàn án ká, àti afojúdi rẹ̀ pẹ̀lú òmùgọ̀ rẹ̀, àti jíjinnà rẹ̀ sí mímọ ohun tí Òjíṣẹ́ - ki ikẹ Ọlọhun ati ọla Rẹ maa ba a - múwá nínú ìmọ̀nà.
Àti pé nínú ìwé àsọ́ọ́lẹ̀ yìí —yàtọ̀ sí ohun tí a ti mẹ́nu bà— àwọn n̄ǹkan mìíràn tún wà ninu rẹ, tí gbogbo rẹ̀ ń tọ́ka sí ibajẹ àti irọ rẹ̀, ìbáà ṣe pé ẹni tí ó dá irọ rẹ̀ búra ní ẹ̀ẹ́gbẹ̀rún èébúra tàbí ju bẹ́ẹ̀ lọ lórí bí ó ti jẹ́ òdodo tó, ìbáà sì ṣe pé ó pe ìyà tí ó tóbi jùlọ àti ìjẹníníyà tí ó le jùlọ sórí ara rẹ̀, lórí pé olóòótọ́ ni òun; kò lè jẹ́ olóòótọ́, bẹ́ẹ̀ ni kò lè jẹ́ òdodo, ṣùgbọ́n káká bẹ́ẹ̀, mo fi Allāhu búra, lẹ́yìn náà mo fi Allāhu búra, ó wà nínú ibajẹ tí ó tóbi jùlọ tí ó sì burú jùlọ, àti pé àwa ń fi Allāhu —mímọ́ ni fún Un— àti àwọn tí ó wà pẹ̀lú wa nínú àwọn mọlāika jẹ́rìí, Ati pe ẹnikẹ́ni nínú àwọn Musulumi tí ó bá ka àkọsílẹ̀ yìí - gẹ́gẹ́ bí ijẹrii tí a máa fi pàdé Oluwa wa ti ọla Rẹ ga -: pé wasiyya yìí jẹ́ irọ́ ati àdápa irọ́ mọ́ ojiṣẹ Ọlọhun- ki ikẹ ati ọla Ọlọhun máa bá a-, kí Ọlọhun yẹpẹrẹ ẹnití ó pa irọ́ rẹ̀, kí O sì fi ohun tí ó tọ́ sí i ṣe é.
Ohun ti o n tọka si ìjẹ-irọ wasiyya yii ati ìbàjẹ́ rẹ, yàtọ̀ sí ohun ti o ti ṣáájú, ni awọn àlámọ̀rí ti o pọ lati inu akọsilẹ rẹ ti a mẹnuba, ninu wọn ni:
Ọrọ akọkọ: Ọrọ rẹ ninu rẹ pe: (nitori pe lati ọjọ́ Jimọọ de ọjọ́ Jimọọ, awọn eeyan ẹgbẹ̀rún lọ́nà ọgọ́rùn-ún lé ọgọ́ta ni wọn kú lode ẹsin Isilaamu); nitori pe eyi wa ninu ìmọ̀ ìkọ̀kọ̀, ati pe imiisi ti ja kuro lọdọ Ojiṣẹ- ki ikẹ Ọlọhun ati ọla Rẹ maa ba a- lẹ́yìn ikú rẹ, ati pe oun ninu asiko aye rẹ ko mọ ìkọ̀kọ̀, bawo wá ni yóò ṣe jẹ́ lẹ́yìn ikú rẹ; nitori ọrọ Ọlọhun Ọba Mimọ: Sọ pé: “Èmi kò sọ fún yín pé àwọn ilé-ọrọ̀ Allāhu wà lọ́dọ̀ mi, èmi kò sì nímọ̀ ìkọ̀kọ̀... [Suratul An'am: 50] ati ọrọ Ọlọhun ti O sọ pe: Sọ pé: “Àwọn tó wà nínú àwọn sánmọ̀ àti ilẹ̀ kò nímọ̀ ìkọ̀kọ̀ àfi Allāhu... [Sūratun Naml: 65], O wa ninu Hadiisi ti o ni alaafia lati ọdọ Anabi - ki ikẹ ati ọla Ọlọhun maa ba a- pe o sọ pe : «Wọn maa lé awọn èèyàn kan kúrò níbi adágún mi ní ọjọ́ igbende, mo maa wa sọ pé: Irẹ Oluwa mi! Awọn sàábà mi, awọn sàábà mi, wọn maa wa sọ fun mi pé: Dájú dájú iwọ kò mọ nǹkan ti wọn ṣe lẹ́yìn rẹ, mo maa wa sọ gẹ́gẹ́ bí ẹrú ẹni rere ti sọ pé: ﴿Mo sì jẹ́ ẹlẹ́rìí lórí wọn níwọ̀n ìgbà tí mò ń bẹ láààrin wọn. Ṣùgbọ́n nígbà tí O gbà mí kúrò lọ́wọ́ wọn, Ìwọ ni Olùṣọ́ lórí wọn. Ìwọ sì ni Arínú-róde gbogbo n̄ǹkan.﴾ [Al-Maa'idah: 117]».
Alamọri elẹẹkeji: -Ninu awọn alamọri ti o n tọka si bibajẹ aṣọọlẹ yii, ati pe iro ni-: sisọ rẹ ninu ẹ pe: (Ẹni tí ó bá kọ ọ ti o si jẹ alaini, Ọlọhun yoo sọ ọ di ọlọrọ, tabi to jẹ onigbese, Ọlọhun yoo ba a san gbese rẹ, tabi ti ẹṣẹ kan wa lọrun rẹ, Ọlọhun yoo foriji i oun ati awọn obi rẹ pẹlu alubarika ( Ìbùkún ) aṣọọlẹ yii titi de ipari rẹ. Eleyii jẹ ọkan ninu irọ ti o tobi julọ, ati ninu awọn ẹri ti o ṣe kedere julọ lori irọ ẹniti o da adapa irọ náà, ati aini itiju rẹ fun Ọlọhun ati awọn ẹru Rẹ; nitori pe awọn nnkan mẹtẹẹta yii kii tẹ eeyan lọwọ nipasẹ kíkọ Alukurani Alapọnle nikan, bawo wa ni yoo ṣe tẹ ẹniti o kọ asọtẹlẹ ibajẹ yii lọwọ?! Dajudaju ohun ti ẹni ibi yii fẹ ni lati ko iruju bo awọn eniyan, ati lati so wọn mọ asọtẹlẹ yii; ki wọn le kọ ọ silẹ ki wọn si rọ mọ ọla adawọle yii, ki wọn si fi awọn okunfa eyi ti Ọlọhun fi ṣe ofin fun awọn ẹru Rẹ silẹ, eyi ti O ṣe ni ọna ti o n mu ni de ibi ọrọ ati sisan gbese, ati aforijin awọn ẹṣẹ. Nitori naa a n wa isadi pẹlu Ọlọhun kuro nibi awọn okunfa ijakulẹ ati titẹle ifẹ inu ati Eṣu.
Ọrọ elẹẹkẹta: -ninu awọn alamọri ti o n tọka si bibajẹ aṣọọlẹ yii-, ni ọrọ rẹ ninu rẹ pe: (Ẹni ti ko ba kọ ọ ninu awọn ẹru Ọlọhun; oju rẹ yóò dudu ni ile aye ati ọrun). Eleyii paapaa jẹ ọkan ninu irọ to buru julọ, o si jẹ ọkan ninu awọn ẹri to fojuhan julọ lori ibajẹ asọtẹlẹ yii ati irọ ẹni ti o ṣe adapa rẹ, bawo ni o ṣe le jẹ itẹwọgba ninu laakaye onilaakaye lati kọ asọtẹlẹ yii eyi ti ọkunrin kan ti a ko mọ mu wa ni ọrundun kẹrinla, ti o ṣe adapa irọ rẹ mọ Ojiṣẹ Ọlọhun- ki ikẹ ati ọla Ọlọhun máa bá a- ti o si n lero pe ẹnikẹni ti ko ba kọ ọ, oju rẹ yoo dudu ni ile aye ati ni ọrun, ati pe ẹnikẹni ti o ba kọ ọ yoo di ọlọrọ lẹyin aini, yoo si bọ lọwọ gbese lẹyin ti o ti pọ le e lori, a o si ṣe aforiji fun un lori awọn ẹṣẹ ti o da!!
Mímọ́ ni fún Ọ! Àdápa irọ́ ńlá ni èyí!! Dájúdájú àwọn ẹ̀rí àti ohun tó ń ṣẹlẹ̀ ní tòótọ́ ń jẹ́rìí sí irọ́ ẹni tí ń dá àdápa irọ́ yìí, àti bí ìgboyà rẹ̀ mọ́ Allāhu ṣe tóbi tó, pẹ̀lú bí kò ṣe ní ìtìjú kankan lọ́dọ̀ Allāhu àti lọ́dọ̀ àwọn ènìyàn. Àwọn ọ̀pọ̀lọpọ̀ ìjọ ni wọ̀nyí tí wọn kò kọ ọ́, tí ojú wọn kò sì dudu; níhìn-ín yìí náà, ọ̀pọ̀ rẹpẹtẹ ènìyàn tí ẹnì kankan kò lè ka iye wọn àfi Allāhu ló ti kọ ọ́ ní ọ̀pọ̀lọpọ̀ ìgbà, síbẹ̀ gbesè wọn kò san, bẹ́ẹ̀ sì ni ìṣẹ́ wọn kò kúrò. Nítorí náà, a wá ààbò lọ́dọ̀ Allāhu kúrò níbi kí ọkàn yàpa, àti èérí àwọn ẹ̀ṣẹ̀. Àwọn àbùdá àti ẹ̀san wọ̀nyí jẹ́ ohun tí òfin ẹ̀sìn t’ó ní ọlá kò mú wá fún ẹni t’ó kọ Tírà t’ó loore jùlọ, t’ó sì tóbi jùlọ, èyí tí í ṣe al-Kurāni Alápọ̀n-ọ́nle. Báwo wá ni irú rẹ̀ yóò ṣe sẹ fún ẹni t’ó kọ wasiyyah àdápa irọ́, t’ó kún fún oníruúrú àbòsí, àti ọ̀pọ̀lọpọ̀ gbólóhùn nínú àwọn irúfẹ́ àìgbàgbọ́. Mímọ́ ni fún Allāhu!! Báwo ni ìpamọ́ra Rẹ̀ ti pọ̀ tó lórí ẹni t’ó gbojú-gbóyà láti dá àdápa irọ́ mọ́ Ọn.
Ohun ẹlẹẹkẹrin: -nínú àwọn ohun tí ó ń tọ́ka sí pé wàsíyà yìí wà nínú ohun asán tó burú jùlọ, tí ó sì jẹ́ irọ tó hàn gbangba jùlọ-: ni ọrọ rẹ̀ nínú rẹ̀ pé: (Ẹnikẹni tí ó bá gba á ní ododo yóò rí ìgbàlà kúrò nínú ìyà iná, ẹnikẹni tí ó bá sì pè é ní irọ ti ṣe àìgbàgbọ́), Eleyii pẹlu jẹ ọkan ninu igboya lori irọpipa to tobi julọ ati ibajẹ to buru julọ, òpùrọ́ yii n pe gbogbo eniyan pe ki wọn gba irọ rẹ yii gbọ, o si n sọ pe pẹlu bẹẹ ni wọn yoo fi là kuro ninu iya iná, ati pe ẹni ti o ba pe e ni irọ yoo dẹni ti o ṣẹ keferi, Dajudaju - mo fi Ọlọhun bura - onirọ yii ti da adapa-irọ to tobi mọ Ọlọhun, o si sọ - mo fi Ọlọhun bura - ohun ti ki i ṣe otitọ. Dajudaju ẹni ti o ba gba a gbọ, oun gan-an ni o tọsi lati jẹ keferi, ki i ṣe ẹni ti o pe e ni irọ; nitori pe adapa-irọ, ibajẹ ati irọ ti ko ni ipilẹ kankan ninu otitọ ni. Awa si n fi Ọlọhun ṣe ẹlẹrii pe dajudaju irọ ni, ati pe dajudaju ẹni ti o da adapa rẹ jẹ onirọ, o fẹ lati ṣe ilana fun awọn eniyan ni ohun ti Ọlọhun ko gba ni aṣẹ, o si fẹ fi ohun ti ki i ṣe apakan ninu ẹsin wọn bọ inu rẹ. Bẹẹ si ni Ọlọhun ti ṣe pipe ẹsin, ti O si ṣe e ni kikun fun ìjọ yii ni ọgọrun-un ọdun mẹrinla ṣíwájú adapa-irọ yii. Nitori naa, ẹ kiye si i: ẹyin onkawe ati ẹyin ara, ẹ ṣọ́ra fun gbigbagbọ ninu iru awọn àdápa irọ́ wọnyi, ati pe ki o maa tàn kalẹ laaarin yin, nitori pe dajudaju ododo, imọlẹ n bẹ lara rẹ, ko si nii daru mọ ẹni ti n ṣe àwárí rẹ lójú. Nitori naa, ẹ ṣe àwárí ododo pẹlu ẹri rẹ, ki ẹ si beere lọwọ awọn onímọ̀ nípa ohun ti o ba daru mọ yin lójú, ẹ ma si ṣe jẹ ki ibura awọn opurọ tan yin jẹ. Dajudaju Ibilisi ẹni isẹbi ti bura fun awọn obi yin mejeeji, Aadam ati Hawaa, pe dajudaju oun wa ninu awọn oludamọran fun awọn mejeeji, bẹẹ si ni oun ni o lewaju julọ ninu awọn ọdàlẹ̀ ati ẹni ti o purọ julọ ninu awọn opurọ, gẹgẹ bi Ọlọhun ṣe sọ nipa rẹ bẹẹ, ti O - mimọ ni fun Un, O si ga - sọ pe: «Ó sì búra fún àwọn méjèèjì pé: “Dájúdájú èmí wà nínú àwọn onímọ̀ràn fún ẹ̀yin méjèèjì.» [Al-A'raaf: 21]. Nitori naa, ẹ ṣọ́ra fun un, ki ẹ si ṣọ́ra fun awọn ọmọlẹyin rẹ ninu awọn oluparọ, nitori pe meloo meloo ni tirẹ ati tiwọn ninu awọn ibura eke, ati awọn adehun iyanjẹ, ati awọn ọrọ ti a ṣe ni ọṣọ lati fi tan ni jẹ ati lati fi ṣini lọna! Ní ti ohun ti aladapa irọ yii mẹnuba nipa hihan awọn ibajẹ; alamọri ti o n ṣẹlẹ ni, ati pe Al-Qur'an Alapọnle ati Sunnah mimọ ti ṣe ikilọ kuro nibẹ pẹlu ikilọ ti o ga julọ, ati pe ninu mejeeji ni imọna ati ohun ti o tó wa.
Ní ti ohun tí a sọ nípa àwọn àmì ọjọ́ ìkẹyìn, dájúdájú àwọn ọ̀rọ̀ Anabi ti ṣe àlàyé ohun tí yóò jẹ́ lára àwọn àmì ọjọ́ ìkẹyìn, bẹ́ẹ̀ ni Al-Qur'an Alápọ̀n-ọ́n-lé ti tọ́ka sí díẹ̀ nínú ìyẹn, nítorí náà ẹni tí ó bá fẹ́ mọ ìyẹn yóò bá a ní ààyè rẹ̀ nínú àwọn ìwé Sùnnà, àti nínú àwọn ìwé àwọn onímọ̀ àti onígbàgbọ́, àwọn èèyàn kò sì nílò àlàyé irú aladapa irọ́ yìí àti ẹ̀tàn rẹ̀, àti pípò òtítọ́ pọ̀ mọ́ irọ́ rẹ̀. Ki Ọlọhun ṣọ emi ati ẹyin ati gbogbo awọn Musulumi kuro nibi aburu awọn eṣu, ati fitina awọn oluṣini-lọna, ati isina awọn oluyapa, ati idarudapọ awọn ọtá Ọlọhun onibajẹ, awọn ti wọn n fẹ lati pa imọlẹ Ọlọhun pẹlu ẹnu wọn, ati lati da ẹsin awọn eniyan ru mọ wọn lọwọ, bẹẹni Ọlọhun ni Ẹni ti yoo ṣe asepe imọlẹ Rẹ, ti yoo si ran ẹsin Rẹ lọwọ, koda ki awọn ọtá Ọlọhun ninu awọn ẹṣu ati awọn ọmọlẹyin wọn ninu awọn kèfèrí ati awọn alaigbagbọ kórìíra rẹ. A n bẹ Ọlọhun ki O tun àwọn ipò àwọn Mùsùlùmí ṣe, ki O si ṣe ìdẹ́ra fún wọn pẹ̀lú títẹ̀lé òdodo, ati dídúró ṣinṣin lórí rẹ̀, ati ríronúpìwàdà sọ́dọ̀ Ọlọhun - Mímọ́ ni Fún Un - kúrò níbi gbogbo ẹ̀ṣẹ̀, dajudaju Oun ni Olùgba-ìronúpìwàdà, Àṣàkẹ́-ọ̀run, Olukapa lórí gbogbo nǹkan. Ọlọhun ni Olugbọwọ wa, mandala Rẹ ni Alafẹyinti, ko si ete kankan ko si si agbara kankan fun ẹda ayaafi pẹlu iyọnda Ọlọhun Ọba to ga ọba ti O kanka.
Ọpẹ ni fun Ọlọhun Olúwa gbogbo àgbáyé, kí ikẹ Ọlọhun àti ọla Rẹ máa ba ẹru Rẹ àti ojiṣẹ Rẹ olódodo, ẹni-ìfọkantan, àti àwọn ará ilé rẹ àti àwọn saabe rẹ àti àwọn ọmọ lẹyìn rẹ pẹ̀lú dáadáa títí di Ọjọ́ Ẹ̀san.
Tira kẹsan-an: Ìdájọ́ nípa idan ati ṣíṣe yẹmiwo, ati nkan ti o rọ mọ ọn [1]
[1] Wọn gbe wasiyya, (aṣọ kalẹ) yìí jáde nínú iwe pẹlẹbẹ pẹlu onka 17 ( mẹta din logun ) lati ọdọ Ar-Ri’āsah al-‘Āmmah li ’idārāt al-Buhūth al-‘Ilmiyyah wal-’Iftā’ wad-Da‘wah wal-’Irshād ( Olú iléṣe idari Iwadi imo ati idahun sí ibeere nipa ẹṣin ati ipepe sí ojú ọ̀nà Allah ati itọni sọna ) ni ọdun 1402 AH.
Ọpẹ ni fun Ọlọhun nikan ṣoṣo, ikẹ ati ọla ki o lọ maa ba ẹniti ko si Anọbi kankan mọ lẹyin rẹ, lẹyin naa:
Torí pipọ awọn ti n pa ọwọ da ni àsìkò yii ninu awọn ti n pé apemọra imọ iṣegun ti wọn sì n ṣe ìwòsàn lati ipasẹ idan tabi ṣíṣe yẹmiwo, ati fifọnka wọn ni awọn ilu kan, ati bi wọn ṣe n lo àǹfààní awọn ti oponu ninu awọn èèyàn ni awọn ti aimọkan ti b'ori wọn, mo ri pe ninu ṣiṣe iṣiti nitorí Ọlọhun ati fún àwọn ẹrù Rẹ ni ki n ṣe àlàyé ewu nlá ti n bẹ nibẹ fún Isilaamu ati awọn Musulumi látàrí nǹkan ti n bẹ nibẹ bii imaa so ọkan pọ mọ nǹkan ti o yatọ sí Ọlọhun ti ọla Rẹ ga, ati yiyapa aṣẹ Rẹ ati aṣẹ ojiṣẹ Rẹ, ki ikẹ ati ọla Ọlọhun máa bá a.
Nitori naa mo n sọ l’ẹniti n wa ikunlọwọ Ọlọhun ti ọla Rẹ ga pe o tọ ki a fi oògùn ṣe iwosan pẹlu ipanupọ awọn onimimọ, ati pe Musulumi le lọ sí ọdọ dókítà awọn àìsàn tí inu ati ti iṣẹ abẹ, ati awọn àìsàn iṣan tabi nkan ti o jọ ìyẹn; lati sọ irú àìsàn ti n ṣe e fún un, kí o si tun ṣe ìwòsàn fún ùn pẹlu nkan ti o ba a mu ninu oogun ti o lẹtọọ labẹ ofin sharia; ni ibamu sí nkan ti o mọ ninu ìmọ̀ iṣegun; nitoripe ìyẹn n bẹ ninu ṣiṣe àmúlò awọn òkùnfà ti àṣà ti ko sì tako igbarale Ọlọhun, àti pé Ọlọhun ti mimọ n bẹ fún Un ti ọla Rẹ sì tún ga ti sọ àìsàn kalẹ ti O si tun sọ iwosan rẹ kalẹ pẹlu rẹ, ẹnití o mọ ọn mọ ọn ẹnití ko si mọ ọn ko mọ ọn, amọ Ọba tí mimọ n bẹ fún Un ko fi ìwòsàn àwọn ẹrú Rẹ síbi nkan ti O ṣe ni eewọ fún wọn.
Nitori naa ko ni ẹtọ fún aláìsàn ki o lọ sí ọdọ àwọn yẹmiwo ti wọn máa n pe apemọra ìmọ̀ nǹkan ti o pamọ lati mọ àìsàn rẹ ni ọdọ wọn, gẹ́gẹ́ bi ko ṣe ni ẹtọ fún un kí o gba wọn ni òdodo nibi nkan ti wọn n fún un ni ìró nipa rẹ; nítorí pé wọn máa n sọrọ tí kò dá wọn lójú, tabi ki wọn máa pe alujannu lati wa iranwọ pẹlu wọn lori nkan ti wọn n fẹ, ìdájọ́ wọn ni ijẹ keferi ( alaigbagbọ) ati anu nigbati wọn ba pe apemọra ìmọ̀ kọ̀kọ̀,
Muslimu ti gba a wa ninu Sọhihi rẹ pe dajudaju Anọbi- ki ikẹ Ọlọhun ati ọla Rẹ maa ba a- sọ pe: "“Ẹnikẹni ti o ba lọ ba yẹmiwo kan ti o wa bi i leere nipa nnkan kan, wọn ko nii gba irun rẹ fun ogoji ọjọ”."
Láti ọdọ Abu Huraira - ki Ọlọhun yọnu sí i - lati ọdọ Anabi - kí ikẹ ati ọla Ọlọhun máa bá a - o sọ pe: "Ẹnikeni tí o ba wa ba yẹmiwo kan, ti o si gba a l'ododo pẹlu nkan ti o n sọ, ẹni naa ti ṣe aigbagbọ pẹlu nǹkan ti wọn sọkalẹ fún Muhammad (ki ikẹ ati ọla Ọlọhun máa bá a)." Abu Dāud ni o gba a wa, ti awọn oni tira sunna mẹrẹrin sì gbé e jáde, ti Al-Hākim sì ni o ni àlàáfíà lati ọdọ Anabi - kí ikẹ ati ọla Ọlọhun máa bá a - pẹlu gbólóhùn: "Ẹnití o ba wa ba yẹmiwo kan tabi adadigba kan, ti o wa gba a l'ododo nípa nkan ti o n sọ, o ti ṣe aigbagbọ pẹlu nkan ti wọn sọkalẹ fún Muhammad (kí ikẹ ati ọla Ọlọhun máa bá a)."
Lati ọdọ ‘Imrān ọmọ Husọen - ki Ọlọhun yọnu sí i- o sọ pe: Ojiṣẹ Ọlọhun - ki ikẹ ati ọla Ọlọhun máa bá a - sọ pe: "“Ko si ní ara wa ẹnití o ba fi ẹyẹ wo iṣẹ́ tabi ti wọn fi ẹyẹ wo iṣẹ fun un, tabi ti o ba yẹ iṣẹ́ wo, tabi wọn wo iṣẹ́ fun un, tabi ẹnití o ba pa idán abi wọn pa idan fún un, ẹnití o ba lọ ba yẹmiwo kan, ti o wa gba nǹkan ti o n sọ gbọ, o ti ṣe aigbagbọ pẹlu nǹkan ti wọn sọkalẹ fún Muhammad (ki ikẹ ati ọla Ọlọhun máa bá a)”," Al-Bazzār ni o gba a wa pẹlu isnaad (iṣẹ afiti ) tí o daa.
kikọ fún ni nibi imaa lọ bá àwọn tí nwo iṣẹ ati awọn adadigba ati awọn opidan ati awọn ti wọn jọ wọn, ni o wa nínú àwọn Hadith yii, ati imaa bi wọn leere ati imaa gba wọn ni òdodo, ati pe adehun iya lori ìyẹn si wa ninu rẹ bakannaa;
Nítorí náà ko lẹtọọ ki o gba ẹtan pẹlu ododo wọn nibi awọn àlámọ̀rí kan, ko si tun gbọdọ gba itanjẹ pẹlu ọpọ àwọn tí wọn nlọ ba wọn nínú àwọn èèyàn nítorí pé alaimọkan ni awọn yẹn, ko sì lẹtọọ ki awọn eeyan o gba ẹtan pẹlu wọn; nitoripe dajudaju ojiṣẹ Ọlọhun - ki ikẹ ati ọla Ọlọhun máa bá a - ti kọ fún wa nibi imaa lọ bá wọn ati imaa bi wọn leere ati imaa gbà wọn ni òdodo latari nkan ti n bẹ níbẹ̀ ni ibajẹ ti o tobi ati ewu nla ati àtúnbọ̀tán aburú àti nítorí pé àwọn yẹn jẹ opurọ ati obilẹjẹ.
Gẹgẹ bi o ṣe wa ninu awọn Hadiisi yii ẹri lori jijẹ keferi adadigba ati opidan nitoripe dajudaju awọn mejeeji n pé apemọra imọ kọkọ ti ìyẹn sì jẹ iṣe-keferi (aigbagbọ), ati pe dajudaju awọn mejeeji o le dé ibi erongba wọn ayafi lati ipasẹ lilo alujannu ati jijọsin fún wọn lẹyin Ọlọhun Allāhu, ti ìyẹn sì jẹ iṣe keferi (ainigbagbọ) sí Ọlọhun ati imu orogun pẹlu Rẹ, mimọ n bẹ fún Un, àti pé ẹnití o ba gba wọn ni ododo nibi apemọra imọ kọkọ wọn, oun naa yíò da gẹgẹ bii wọn, ẹnití o ba gba awọn àlámọ̀rí yìí lati ọdọ awọn ti n ṣe e, ojiṣẹ Ọlọhun - ki ikẹ ati ọla Ọlọhun máa bá a - ti bọpa-bọsẹ kuro lọdọ wọn,
Gẹgẹbi ko ṣe lẹtọọ fún Musulumi: ki o juwọ silẹ fún nǹkan ti wọn pe ní ìwòsàn; gẹgẹbi wọn ṣe máa ṣe awọn talasimu (awọn ọrọ to ruju tí wọn máa n kọ sinu tira) ni ọ̀ṣọ́ tabi dída òjé sinu abọ (lati fi tu asasi), ati eyiti o jọ ìyẹn ninu awọn ohun asán ti wọn nṣe; nitori naa dajudaju eléyìí wà nínú idagbigba (wiwo irawọ) ati dida ọrọ ru mọ awọn eeyan lójú, ẹnití o ba yọnu si iyẹn ti ran wọn lọwọ lórí ibajẹ wọn ati iṣe-keferi (ainigbagbọ̀) wọn.
Ko sì tun ni ẹtọ bakanna fún ẹnikẹni nínú Musulumi ki o lọ bá wọn lati bí wọn leere nipa ẹnití ọmọ rẹ tabi alasunmọ rẹ máa fẹ́ tabi nipa ohun ti yíò wa laarin tọkọtaya ati ẹbi awọn mejeeji ni ifẹ ati pípé àdéhùn tabi ọta ṣiṣe ati iyapa ati bẹẹbẹẹ lọ; Torí pé dajudaju eléyìí wa ninu kọkọ èyí tí o ṣe wipe kò sí ẹnití o mọ ọn àyàfi Ọlọhun, mimọ n bẹ fún Un, ti ọla Rẹ sì tún ga.
Nitori naa nkan ti o jẹ dandan lori awọn alaṣẹ ati awọn alamojuto àlámọ̀rí ẹsin ati awọn tó yàtọ̀ sí wọn nínú àwọn ti wọn ní ikapa ati agbara ni kikọ iwa ibajẹ láti lọ ba àwọn adagbigba ati awọn ti n yẹ iṣẹ wo ati awọn tó jọ wọn, ati kikọ fún ẹnití ba n ṣe nkankan ninu ìyẹn ninu awọn ọja ati ibi tí o yatọ sí i, ati kikọ fún wọn ni kikọ ti o le, ati kikọ fún àwọn ti wọn n wa ba wọn.
Bákan náà ni idan: dajudaju o wa ninu awọn nǹkan eewọ ti máa n sọ ẹni di keferri (alaigbagbọ) gẹgẹbi Ọlọhun ti O biyi ti O gbọnngbọn ṣe sọ nípa àwọn Malaika méjì: «...Àwọn mọlāika méjèèjì náà kò sì níí kọ́ ẹnikẹ́ni àyàfi kí wọ́n sọ pé: “Àdánwò ni wá. Nítorí náà, má di kèfèrí.” Wọ́n sì ń kẹ́kọ̀ọ́ ohun tí wọn yóò fi ṣòpínyà láààrin ọmọnìyàn àti ẹnì kejì rẹ̀ lọ́dọ̀ wọn. - Wọn kò sì lè kó ìnira bá ẹnikẹ́ni àyàfi pẹ̀lú ìyọ̀ǹda Allāhu. - Wọ́n ń kẹ́kọ̀ọ́ ohun tí ó máa kó ìnira bá wọn, tí kò sì níí ṣe wọ́n ní àǹfààní. Wọ́n kúkú ti mọ̀ pé ẹnikẹ́ni tí ó bá ra idán, kò níí sí ìpín rere kan fún un ní Ọjọ́ Ìkẹ́yìn. Aburú sì ni ohun tí wọ́n rà fún ẹ̀mí ara wọn tí ó bá jẹ́ pé wọ́n mọ̀». [Al-Baqorah: 102].
Nitori náà àwọn aayah alapọn-ọnle yii tọka wipe dajudaju idan jẹ iṣe aigbagbọ, àti pé awọn opidan máa n ṣe opinya laarin ọmọnìyàn ati ìyàwó rẹ. O tun tọka si wipe dajudaju idan o lee lapa fúnra rẹ ni ti anfaani tabi inira, bi ko ṣe wipe yíò máa lapa pẹlu iyọnda Ọlọhun ni ti akọsilẹ; torí pé dajudaju Ọlọhun ti mimọ n bẹ fún Un ti ọla Rẹ sì tún ga ni Ẹnití O da dáadáa ati aburú.
Gẹgẹ bi aaya alapọn-ọnle naa ṣe tọka si wipe dajudaju awọn ti wọn n kọ idan, nǹkan ti yíò ko inira ba wọn ni wọn n kọ ti ko sì nii ṣe wọn ni anfaani, àti pé dajudaju ko sì ìpín kankan fún wọn ní ọdọ Ọlọhun, eléyìí jẹ adehun iya ti o tobi ti o tọka sí lile ofo wọn ni ayé àti ní ọjọ ìkẹhìn, àti pé dajudaju wọn ti ta ẹmi wọn ni owo kekere, fún ìdí èyí ni Ọlọhun ti mimọ n bẹ fún Un ti ọla Rẹ sì tún ga fi bu wọn lori ìyẹn pẹlu gbólóhùn Rẹ ti o sọ pe: (...Aburú sì ni ohun tí wọ́n rà fún ẹ̀mí ara wọn tí ó bá jẹ́ pé wọ́n mọ̀). [Surah Al-Baqarah: 102] Ash-Shiraa’u nibi yii, ìtumọ̀ rẹ ni Tita.
Ati pe dajudaju ipalara àti ìnira ti tobi, ti iṣoro naa sì le latari awọn aladaparọ yii, awọn ti wọn jogun awọn imọ yii lọwọ awọn ọṣẹbọ, ti wọn si fi rú awọn alailagbara ọpọlọ loju. Dajudaju ti Ọlọhun ni awa, ati pe dajudaju ọdọ Rẹ ni awa yoo pada si, ati pe Ọlọhun l'O to wa, Oun si ni Alámòjútó àti Olugbara le ti o dara.
A ń béèrè lọwọ Ọlọhun fun alaafia ati ọla kuro nibi aburu awọn opidan ati awọn adagbigba ati àwọn oniṣẹ ibi yoku, a si n beere lọwọ Rẹ - mimọ ni ti Rẹ - ki O la awọn Musulumi kuro nibi aburu wọn, kí O tun fi awọn adari awọn Musulumi ṣe kongẹ lọ sibi ṣiṣọra fún wọn, àti lílo ìdájọ́ Ọlọhun lori wọn titi ti awọn ẹrusin Ọlọhun o fi sinmi kúrò níbi inira wọn ati awọn iṣẹ aburu wọn.. dajudaju Oun ni Ọba Ọlọrẹ Alapọn-ọnle.
Àti pé dajudaju Ọlọhun ti mimọ n bẹ fún Un ti ṣe l'ofin fún àwọn ẹrú Rẹ: nǹkan ti wọn yíò máa fi ṣọ́ra kuro nibi aburu idan ṣíwájú ki o to ṣẹlẹ̀, O tun wa ṣàlàyé fún wọn - mimọ n bẹ fún Un- nǹkan ti wọn yìo máa fi ṣe ìwòsàn lẹyin ti o ba ṣẹlẹ; ni eyi ti o jẹ ikẹ lati ọdọ Rẹ fún wọn, ti o si tun jẹ oore lati ọdọ Rẹ si wọn, ti o si tun jẹ pipe idẹra Rẹ le wọn lori.
O n bẹ ninu nǹkan ti o n bọ yìí alaye awọn nkan ti wọn máa n fi wa ààbò kuro nibi ewu idan ṣíwájú ki o to ṣẹlẹ, ati nkan ti wọn fi máa n ṣe ìwòsàn lẹyin ti o ba ṣẹlẹ nínú àwọn àlámọ̀rí ti o lẹtọọ labẹ ofin Sharia, alaye rẹ si n lọ bayii:
Akọkọ: Nǹkan ti wọn máa fi nwa iṣọra kuro níbi ìjànbá idan ṣíwájú ki o to sẹlẹ; ati pe èyí tí o pataki julọ ninu rẹ ti o si tun ṣe anfaani julọ ni: Ṣíṣe iṣọra pẹlu awọn adhkār ti o ba ofin Ọlọhun mu, ati awọn adura ati awọn iwasora ti a jogun ba lọdọ Anabi, ninu rẹ ni kika: aayatul kursiyyu -oun náà sì ni aayah ti o tobi julọ ninu Kuraani Alapọn-ọnle- lẹyin irun ọranyan lẹ́yìn salamọ, oun náà sì ni gbólóhùn Ọba tí mimọ n bẹ fún Un ti o sọ pe: Allāhu, kò sí ọlọ́hun kan tí a gbọ́dọ̀ jọ́sìn fún ní ọ̀nà òdodo àyàfi Òun, Alààyè, Alámòjúútó-ẹ̀dá. Òògbé kì í ta Á. Àti pé oorun kì í kùn Ún. TiRẹ̀ ni ohunkóhun tó wà nínú àwọn sánmọ̀ àti ohunkóhun tó wà nínú ilẹ̀. Ta ni ẹni tí ó máa ṣìpẹ̀ lọ́dọ̀ Rẹ̀ àfi pẹ̀lú ìyọ̀ǹda Rẹ̀? Ó mọ ohun tí ń bẹ níwájú wọn àti ohun tí ń bẹ lẹ́yìn wọn. Wọn kò sì ní ìmọ̀ àmọ̀tán nípa kiní kan nínú ìmọ̀ Rẹ̀ àfi ohun tí Ó bá fẹ́ (fi mọ̀ wọ́n). Àga Rẹ̀ gbààyè ju àwọn sánmọ̀ àti ilẹ̀. Ṣíṣọ́ sánmọ̀ àti ilẹ̀ kò sì dá A lágara. Allāhu ga, Ó tóbi. [Al-Baqorah: 255], Ati kika rẹ bakanna: nigbati a ba fẹsun, dajudaju o ti ni àlàáfíà lati ọdọ Ojiṣẹ Ọlọhun (ki ikẹ ati ọla Ọlọhun maa ba a) wipe o sọ pe: «Ẹnikẹni ti o ba ka aayatul-kursiy ni òru kan, ko nii yẹ ko nii gbo ni ẹniti oluṣọ kan lati ọdọ Ọlọhun yio máa bẹ pẹlu rẹ, eṣu o si nii sunmọ ọn titi yoo fi di aarọ.»
Ninu ìyẹn ni kíké: « Sọ pé: “Òun ni Allāhu, Ọ̀kan ṣoṣo». [Al-ikhlas: 1], àti « Sọ pé: “Mo sá di Olúwa òwúrọ̀ kùtùkùtù» [Al-Falaq: 1], ati «Sọ pé: “Mo sá di Olúwa àwọn ènìyàn,» [An-Naas: 1]. lẹyin gbogbo irun ọranyan ati kika awọn sūrah wọnyii ni ẹẹmẹta ni ibẹrẹ ọsan lẹ́yìn irun al-fajri, ati ni ibẹrẹ òru lẹyin irun Magrib.
Ninu ìyẹn náà ni: kika aaya meji ti o gbẹyin Sūratul Baqorah ni ibẹrẹ òru, awọn naa sì ni gbólóhùn Ọba tí ọla Rẹ ga tó sọ pé: « Òjíṣẹ́ náà - kí ìkẹ́ àti ọlà máa bá a - gbàgbọ́ nínú ohun tí wọ́n sọ̀kalẹ̀ fún un láti ọ̀dọ̀ Olúwa rẹ̀. Àwọn onígbàgbọ́ òdodo náà (gbàgbọ́ nínú rẹ̀). Ẹnì kọ̀ọ̀kan (wọn) gbàgbọ́ nínú Allāhu, àwọn mọlāika Rẹ̀, àwọn Tírà Rẹ̀ àti àwọn Òjíṣẹ́ Rẹ̀. A kò ya ẹnì kan sọ́tọ̀ nínú àwọn Òjíṣẹ́ Rẹ̀. Wọ́n sì sọ pé: “A gbọ́ (àṣẹ), a sì tẹ̀lé (àṣẹ). À ń tọrọ àforíjìn Rẹ, Olúwa wa. Ọ̀dọ̀ Rẹ sì ni àbọ̀ ẹ̀dá.» Titi dé ìparí Sūrah. [Suuratul Baqara: 285].
Nitoripe o fẹsẹ rinlẹ lati ọdọ Anọbi - ki ikẹ ati ọla Ọlọhun maa ba a - wipe o sọ pe: "«Ẹnikẹni ti o ba ka aayah mejeeji ti o gbẹyin Suuratul-Baqoroh ni alẹ kan, wọn ti to fun un»." Itumọ naa ni- Ọlọhun ni O si ni imọ julọ: Méjèèjì ti to fún un kuro nibi gbogbo aburu. Ninu rẹ naa ni pipọ nibi mimaa wa iṣọra pẹlu (awọn gbolohun Ọlọhun ti o pe perepere kuro nibi aburu awọn nnkan ti O da) ni oru ati ọsan ati nibi sisọkalẹ sí ààyè kaaye ni inú ilu tabi papa tabi ori òfurufú tabi ori omi, fun ọrọ Anabi (Ki ikẹ ati ọla Ọlọhun maa ba a) ti o sọ pe: "“Ẹnikẹni ti o ba sọkalẹ si ààyè kan ti o wa sọ pe: "A‘ūdhu bi kalimātil lāhi at-Tāmmāti min sharri mā khọlaqọ", ( Mo wa iṣọra pẹlu awọn gbólóhùn Ọlọhun tí o pe dada níbi aburu nkan ti O dá) nkankan ko nii ni í lara titi yíò fi kuro ni ààyè rẹ yẹn.”"
Ninu rẹ náà tún ni ki musulumi o maa sọ ni ibẹrẹ ọsan ati ibẹrẹ alẹ ni ẹẹmẹta pe: «Ní orúkọ Ọlọ́hun, Ẹni ti O ṣe pé, pẹ̀lu orúkọ Rẹ̀, kò si nkan kan ti o le kó ìnira báni, ní ilẹ ati sanmọ, Òun sì ni Olùgbọ́, Onímímọ̀.»
Fun lilaafia siṣeni ni ojukokoro lọ sibi ìyẹn lati ọdọ ojiṣẹ Ọlọhun (Ki ikẹ ati ọla Ọlọhun maa ba a), ati pe ìyẹn tun jẹ okùnfà fun lila kuro nibi gbogbo aburu.
Ikeji: Nkan ti wọn fi máa n ṣe ìwòsàn asasi lẹyin ti o ba ṣẹlẹ, eleyii naa máa n waye pẹlu awọn àlámọ̀rí mélòó kan:
Akọkọ rẹ̀: Mimaa rawọ ràsẹ sí Ọlọhun ni ọpọlọpọ, ati mimaa bẹ Ẹ, Ọba Mimọ, ki O ṣi ipalara kuro, ati ki O mu inira kuro.
Ikeji rẹ: Ṣiṣe igbiyanju láti mọ aaye asasi naa lori ilẹ abi lori oke abi ibi ti o yatọ si i; ti wọn ba ti mọ ọn, ti wọn si mu un jade, ti wọn si ba a jẹ, asasi naa ti bajẹ, eyi si wa ninu eyiti o ṣe anfaani julọ ninu iwosan asasi.
Ẹlẹẹkẹta rẹ: Rukiya pẹlu awọn iranti ati awọn akanṣe adúrà ti o bá shẹria mu, wọn si pọ; lara rẹ naa ni:
Ohun ti o fidi mulẹ ninu ọrọ Ojiṣẹ Ọlọhun - ki ikẹ ati ọla Ọlọhun maa ba a - to sọ pe: «Allahummo robban nās, az'hibil bah's, wash'fi antash shāfi, laa shifāha illā shifāhuka, shifāhan laa yugādiru saqoman» eleyi ti o tumọ si pé: Mo ké pè Irẹ Ọlọhun awọn eniyan , Ba wa mu inira lọ, kí Ọ si ṣe iwosan nitoripe Iwọ ni Oluwoni ṣan, kosi iwosan ni bikan ayaafi ìwòsàn Rẹ, fún wa ní ìwòsàn tí kòní fi Aisan kan silẹ lai wo. Yoo maa wi i lẹẹmẹta,
Ati pe lara rẹ naa ni: Rukiya ti Jubriil ka fun Anabi (Ki ikẹ ati ọla Ọlọhun maa ba a) oun naa ni: "“Bismillāhi arqīka min kulli shay’in yu’dhīka wa min sharri kulli nafsin ao aynin hāsidin Allāhu yashfīka bismiLlāhi arqīka”" ìtumò rẹ nipé : Orukọ Allahu ní mo fi nṣe ìwòsàn fún ọ kuro nibi gbogbo nkán tí o le kọ ìpalára bá ọ, àti kúrò níbi aburú ẹmi tàbí aburú ojú ẹlẹgàn, Allahu ní yóò wo ọ san , Orukọ Ọlọhun ni mo fi nṣe ìwòsàn fún ọ. Yoo paara rẹ ni ẹẹmẹta.
Ninu iyẹn - eleyii jẹ iwosan kan ti o ṣe anfaani fun ọkùnrin ti wọn ba de e mọlẹ lati ma baa lee sunmọ ìyàwó rẹ -: ki o mu ewe meje ninu ewe sidiru ti o tutu, kí o wa lọ ọ pẹlu okuta abi ohun ti o jọ ọ, kí o wa ko o sinu abọ, ki o wa da omi ti yíò to o wẹ sí i, kí o wa ka sinu rẹ:
Aayatul Kursiyy, ati Sọ pé: « Mo pé Ẹ̀yin aláìgbàgbọ́,» [Al-kaafirun:1], ati Sọ pé: « Òun ni Allāhu, Ọ̀kan ṣoṣo». [Suuratul Ikhlaas: 1], ati Sọ pé: « Mo sá di Olúwa òwúrọ̀ kùtùkùtù» [Al-Falaq: 1], ati Sọ pé: « Mo sá di Olúwa àwọn ènìyàn,» [An-Naas: 1].
Ati awọn aayah idán ti o wa ninu Suratul A'raaf, oun naa ni ọrọ Rẹ (mímọ́ ni fun Un): «A tí ba (Ànábì) Mūsā sọrọ pé: “Ju ọ̀pá rẹ sílẹ̀.” Nígbà náà, ó sì ń gbé ohun tí wọ́n ti pa nírọ́ kalẹ̀ mì kálókáló.» 117 «Nítorí náà, òdodo hàn (ó sì fìdí múlẹ̀). Ohun tí wọ́n ń ṣe níṣẹ́ sì bàjẹ́.» Nítorí náà, Wọn borí wọn níbẹ̀ yẹn. Wọ́n sì darí wálé ní ẹni yẹpẹrẹ. [Al-A'raaf: 117-119],
Ati awọn aayah ti o wa ninu suuratu Yuunus, oun naa ni ọrọ Rẹ (mímọ́ ni fun Un): « Fir‘aon wí pé: “Ẹ lọ mú gbogbo àwọn onímọ̀ nípa idán pípa wá fún mi.” « Nígbà tí àwọn òpìdán dé, (Ànábì) Mūsā sọ fún wọn pé: “Ẹ ju ohun tí ẹ fẹ́ jù sílẹ̀.» «Nígbà tí wọ́n jù ú sílẹ̀, (Ànábì) Mūsā sọ pé: “Idán ni ohun tí ẹ mú wá. Dájúdájú Allāhu sì máa bà á jẹ́. Dájúdájú Allāhu kò sì níí ṣàtúnṣe iṣẹ́ àwọn òbìlẹ̀jẹ́.» « Allāhu sì máa mú òdodo ṣẹ pẹ̀lú àwọn ọ̀rọ̀ Rẹ̀, àwọn ẹlẹ́ṣẹ̀ ìbáà kórira rẹ̀.» [Yunus: 79-82],
Ati awọn aayah ti o wa ninu suuratu Tọọhaa: « Àwọn òpìdán wí pé: “Mūsā, ìwọ ni o máa kọ́kọ́ ju ọ̀pá sílẹ̀ ni) tàbí àwa ni a óò kọ́kọ́ jù ú sílẹ̀.» (Mūsā) sọ pé: “Ẹ ju (tiyín) sílẹ̀ (ná).” Nígbà náà ni àwọn okùn wọn àti ọ̀pá wọn bá ń yíra padà lójú rẹ̀ nípasẹ̀ idán wọn, bí ẹni pé dájúdájú wọ́n ń sáré. « Ìbẹ̀rù wọn sì mú (Ànábì) Mūsā. « A sọ pé: “Má ṣe páyà. Dájúdájú ìwọ gan-an lo máa lékè.» «Ju ohun tí ń bẹ ní ọwọ́ ọ̀tún rẹ sílẹ̀. Ó sì máa gbé ohun tí wọ́n ṣe kalẹ̀ mì káló. Dájúdájú ohun tí wọ́n ṣe kalẹ̀, ète òpìdán ni. Òpìdán kò sì níí jèrè ní ibikíbi tí ó bá dé.» [Ta-Ha: 65-69].
Lẹyin kike awọn nnkan ti a darukọ sinu omi, yoo mu gẹẹ mẹta ninu rẹ, yoo si fi eleyii ti o ku wẹ, pẹlu ṣiṣe ìyẹn aisan naa yoo kuro ti Ọlọhun ba fẹ, ti bukaata ba pepe lọ sibi lilo o ni ẹẹmeji tabi ju bẹẹ lọ, ko si laifi nibẹ titi ti aisan naa a fi lọ.
Nitori naa, awọn iranti ati iṣọra ati awọn ọna yii wa ninu awọn okunfa ti o tobi julọ nibi sisọra kuro nibi aburu asasi ati ohun ti o yatọ si i ninu awọn aburu, o si tun jẹ ohun ìjà ti o tobi julọ lati fi mu asasi kuro lẹyin igba ti o ti ṣẹlẹ; fun ẹnikẹni ti o ba dunni mọ ọn pẹlu otitọ, ati igbagbọ, ati igbarale Ọlọhun, ati fifi ara ti I ati ìṣípayá ọkan fun ohun ti o da le lori.
Eleyii ni ohun ti alaye rẹ rọrun ninu awọn ọrọ nípa òun ti a le wa iṣọra pẹlu rẹ kúrò nibi asasi, ti wọn si le ṣe iwosan pẹlu rẹ. Ọlọhun ni O ni akoso ifiniṣe-kongẹ.
Nibi ni àkòrí ọrọ pataki kan ti jẹ jáde, oun naa ni ṣiṣe iwosan idan pẹlu iṣẹ awọn opidan, eleyii ti a n ṣe nipasẹ sisunmọ alijannu pẹlu didunbu nnkan tabi nnkan ti o yatọ si i ninu awọn nnkan ti a fi n sunmọ nnkan; eleyii ko lẹtọọ; nitori pe ninu iṣẹ eṣu ni o wa; bi bẹẹ tiẹ kọ ninu ẹbọ ti o tobi lo wa. Gẹgẹbi ṣiṣe iwosan rẹ ko ṣe lẹtọọ pẹlu imaa bi awọn adagbigba (aworawọ) leere, ati awọn yẹmiwo ati awọn opidan, ati ṣíṣe àmúlò awọn nnkan ti wọn n sọ; nitori pe wọn ko ni gbagbọ, ati pe opurọ onibajẹ ni wọn ti wọn si n pe apemọra imọ kọkọ, ti wọn si n da nǹkan ru fún awọn eeyan. Ojiṣẹ (Ki ikẹ ati ọla Ọlọhun maa ba a) si ti ṣe ikilọ kúrò nibi lílọ maa ba wọn, ati mimaa bi wọn leere, ati gbigba wọn lododo, gẹgẹ bi alaye rẹ ṣe ṣíwájú nibi ìbẹ̀rẹ̀ tira yii, Nitori naa, ọ̀ranyàn ni kí a ṣọ́ra kuro nibi ìyẹn, ati pe ẹgbawa ti o ni alaafia wa lati ọdọ Ojiṣẹ Ọlọhun (Ki ikẹ ati ọla Ọlọhun maa ba ) pe wọn bi i leere nipa An-nushrọ, o si sọ pe: «O wa ninu iṣẹ eṣu», Imaam Ahmad ati Abu Daa’ud ni wọn gba a wa pẹlu Isnaad ti o dara.
An-nushro: Òun ni titu asasi kuro lara ẹniti wọn sa si. Ati pe èròngbà rẹ (Ki ikẹ ati ọla Ọlọhun maa ba a) pẹlu ọrọ rẹ yii ni: An-nushro ti awọn ara àsìkò aimọkan ki Islām to de máa n ṣe, oun naa ni mimaa bi opidan leere lati tu asasi, abi lati tu u (asasi) pẹlu idan ti o jọ ọ lati ọdọ opidan miran.
Amọ́ titu u (asasi) pẹlu ruqyah ati pẹlu awọn iṣọra ti o ba ofin ẹsin mu ati awọn oogun ti o tọ, ko si laifi nibẹ gẹgẹ bi o ṣe ṣaaju, Olumọ agba, Ibnul Qayyim, ti sọrọ lori ìyẹn, ati Shaykh Abdur-Rah'man ọmọ Hasan ninu tira Fat’hul Majeed, ikẹ Ọlọhun ki o maa bẹ lori awọn mejeeji, awọn ti o yatọ si awọn mejeeji nínú awọn olumọ naa si tun sọrọ lórí rẹ bákannáà.
Ọlọhun ni a n bẹ ki O fi awọn musulumi ṣe kongẹ alaafia kuro nibi gbogbo aburu, ati lati ṣọ ẹsin wọn fun wọn, ati lati rọ wọn lọrọ agbọye ninu ẹsin, ati lati la wọn kuro nibi gbogbo nkan ti yíò yapa ofin Rẹ.
Ki Ọlọhun ba wa ṣe ikẹ ati ọla Rẹ fun ẹru Rẹ ati ojiṣẹ Rẹ Muhammad, ati awọn araale rẹ ati awọn saabe rẹ.
Iwe ọrọ pataki ikẹwàá: Ìkìlọ̀ kúrò nibi kíkọ́ mọṣalaṣi sori àwọn saare
Pẹlu orukọ Ọlọhun, gbogbo ẹyin tí Ọlọhun ni, ikẹ ati ọla Ọlọhun ki o maa ba ojiṣẹ Ọlọhun.
Lẹ́yìn náà: Mo ti rí ohun tí wọ́n tẹ̀ jáde nínú ẹ̀dá kẹta ti ìwé-ìròyìn Àjọ Ìmọ̀ Ìsìlámù nínú abala (Ìròyìn Àwọn Mùsùlùmí Nínú Oṣù Kan): pé Àjọ Ìmọ̀ Ìsìlámù ní Ìjọba Hashimiyyah ti Jọ́dánì ní èrò láti kọ́ mọ́ṣáláṣí sórí Al-Kahf (ọgbun oke) tí wọ́n ṣẹ̀ṣẹ̀ ṣàwárí rẹ̀ ní abúlé Ar-Ruhaib, tí í ṣe Al-Kahf (Ọgbun oke) tí wọ́n ń sọ pé: dájúdájú àwọn ará Al-Kahf (: ọgbun oke) tí a mẹ́nu bá orúkọ wọn nínú Al-Qur'an Alápọ̀n-ọ́nlé sùn sínú rẹ̀, òpin ọ̀rọ̀.
Atipe ni wiwo sí oun ti o jẹ dandan nibi ṣiṣe mimọ fun Ọlọhun ati fun awọn ẹru Rẹ; mo ri i pe ki n daju ọrọ kan kọ ninu iwe iroyin naa gan-an si Ẹgbẹ fun Awọn Imọ Islam ni Ilẹ-Ọba Jordani ti Hashimiyyah; akoonu rẹ ni: isiti fun Ẹgbẹ naa kuro nibi mimu ohun ti wọn gbero rẹ ṣẹ ninu kíkọ́ mọṣalaaṣi sórí ihò apata ti a mẹnuba yii; atipe eyi ko jẹ nkan miiran bikoṣe nitori pe kíkọ́ mọṣalaaṣi sórí sàréè awọn Anabi ati awọn ẹniire ati awọn ipasẹ wọn wa ninu ohun ti ofin sharia ti Islam ti o pe mu wa pẹlu kikọ kuro nibẹ ati ikilọ kuro nibẹ, ati ṣíṣépè fún ẹni ti o ba ṣe e; nitori pe o wa ninu awọn ọna ẹbọ, ati kikọja aala latara awọn Anabi ati awọn ẹniire, Ati pe nnkan ti o n ṣẹlẹ jẹrii sí ododo nnkan ti òfin wa pẹlu rẹ, ìyẹn jẹ ẹri lori pe dajudaju o wa lati ọdọ Ọlọhun ti titobi Rẹ ga, ati ẹri ti o han gbangba ati àwíjàrè ti o daju lori ododo Ojiṣẹ Ọlọhun- ki ikẹ Ọlọhun ati ọla Rẹ maa ba a- ninu nnkan ti o mu wa lati ọdọ Ọlọhun ti o si fi jiṣẹ fun ijọ rẹ. Ẹnikẹni ti o ba woye iṣesi agbaye Islaam, ati ohun ti o ṣẹlẹ ninu rẹ ninu ẹbọ ṣiṣe ati kikọja aala latara kíkọ́ mọṣalaaṣi sórí awọn sàréè, ati gbigbe wọn tobi, ati titẹ ẹni si wọn, ati ṣiṣe wọn ni ọṣọ, ati yiyan awọn oluṣọ fun wọn, yoo mọ pẹlu idaniloju pe wọn wa ninu awọn ọna ẹbọ, ati pe o wa ninu awọn ẹwa ofin sharia Islaam ṣiṣe rẹ leewọ, ati kikilọ kuro nibi gbigbe rẹ ro.
Ati ninu ohun ti o wa nipa iyen ni Hadith ti awọn Shaikh mejeeji Imam Bukhari ati Imam Muslim - ki ikẹ Ọlọhun maa ba awọn mejeeji - gba wa lati ọdọ Aisha - ki Ọlọhun yọnu si i - ó sọ pé: Ojiṣẹ Ọlọhun - ki ikẹ ati ọla Ọlọhun maa ba a - sọ pé: «Ọlọhun ṣẹ ibi le ori awọn Yẹhuudi ati awọn Nasọọrọ, wọn mu awọn saare awọn Anọbi wọn ni aaye ijosin, Aishah sọ pe: O n ṣe ikilọ nipa ohun ti wọn ṣe, o sọ pe: ti kii ba ṣe tori iyẹn ni, wọn o ba fi saare rẹ han sita, ṣugbọn wọn paya ki wọn ma sọ ọ di ile ijọsin.» Ati ninu Sahihi mejeeji bakannaa «pe Ummu Salamah ati Ummu Habibah – ki Ọlọhun bani yọnu si awọn mejeeji – sọ fun Ojiṣẹ Ọlọhun - ki ikẹ Ọlọhun ati ọla Rẹ maa ba a - nipa ṣọọṣi kan ti wọn ri ni ilẹ Habashah, ati ohun ti o wa ni ibẹ ninu awọn aworan, Ojiṣẹ Ọlọhun - ki ikẹ Ọlọhun ati ọla Rẹ maa ba a - wa sọ pe:" «Awọn yẹn, ti ẹni rere ba ku laaarin wọn; wọn yoo kọ mọsalasi kan sori saare rẹ, wọn yoo si ya awọn aworan yẹn sibẹ, awọn yẹn ni ẹniibu ninu ẹda lọdọ Ọlọhun».
O si wa ninu Saheeh Muslim lati ọdọ Jundub ọmọ Abdullahi - ki Ọlọhun yọnu si i - o sọ pé: mo gbọ tí Ojiṣẹ Ọlọhun - ki ikẹ Ọlọhun ati ọla Rẹ máa ba a - sọ ni ọjọ márùn-ún síwaju koto fi ayé silẹ báyi pé: "“Dajudaju emi n bọpabọsẹ lọ si ọdọ Ọlọhun pe ki n ní ọrẹ aayo kan laarin yin, nitori pe Ọlọhun ti mú mi ní ọrẹ aayo gẹgẹ bi O ti mu Ibrahim ni ọrẹ aayo, ti emi ba ti ẹ fẹ mu ẹnikan ninu awọn ijọ mi ni ọrẹ aayo, emi i ba mu Abu Bakr ni ọrẹ aayo, ẹ gbọ o, dajudaju awọn ijọ tí wọ́n ti lọ síwájú yin a maa mú saare awọn Anabi ati awọn ẹniire inu wọn ni mọṣalaṣi, nitori naa, ẹ má ṣe mú awọn saare ni mọṣalaṣi, nitori pé dajudaju emi n kọ ọ fún yín”." Awọn Hadiisi to wa nipa ori-ọrọ yii pọ.
Dajudaju awọn aṣaaju ninu awọn onimọ Musulumi lati inu gbogbo awọn Madhhab ( ilanan ẹkọ ofin ẹṣin) mẹrẹẹrin ati awọn miiran ti o yàtọ̀ sí wọn ti sọ ní gbangba lori kikọ kuro nibi kíkọ mọsalasi sórí àwọn sàréè, wọ́n sì ti ṣe ikilọ nipa rẹ̀; gẹ́gẹ́ bí i títẹle sunnah Ojiṣẹ (kí ikẹ ati ọla Ọlọhun máa bá a), ati gẹ́gẹ́ bí i imọran ati ìkìlọ̀ fun ìjọ yii ki wọn má baa bọ́ sinu ohun ti awọn tó ṣaaju wọn bọ́ sinu rẹ̀ ninu awọn aṣe-aṣeju awọn Yẹhudi ati Nasara, ati awọn tó jọ wọ́n ninu awọn olùṣìnà ijọ yii.
Eyi ti o jẹ dandan lori Ajọ awọn Imọ Ẹsin Islam ni Urdun, ati lori awọn ẹlòmíràn nínú awọn Mùsùlùmí naa ni: didirọmọ sunnah, ati titọ ilana awọn Imaamu, ati ṣiṣọra kuro nibi ohun ti Ọlọhun ati Ojiṣẹ Rẹ kilọ kuro nibi rẹ; nitori ninu iyẹn ni atunṣe awọn ẹrusin, ati idunnu wọn, ati igbala wọn ni aye ati ni ọrun wà. Àti pé dájúdájú àwọn ènìyàn kan ti rọ̀ mọ́ gbólóhùn Rẹ̀ tí ọlá Rẹ̀ ga nínú ọ̀rọ̀ yìí, nínú ìtàn àwọn ará inú ihò àpáta: (... Àwọn tó borí lórí ọ̀rọ̀ wọn sì wí pé: Dájúdájú a máa sọ orí àpáta wọn di mọ́sálásí). [Al-Kahf: 21].
Idahun si eyi ni pe: ki a sọ pe: Dajudaju Ọlọhun - ti Ó mọ́, ti Ó sì ga - sọ nipa awọn olori ati awọn alaṣẹ ni asiko yẹn pe wọ́n sọ gbolohun yii, èyí kò sì jẹ́ ni ọna ti yíyọ́nú si ati fífi ìfọwọ́sí fun wọn, kàkà bẹ́ẹ̀, ó jẹ́ ni ọna ti ẹ̀gàn, àbùkù, ati mímú ki a sa fun ohun ti wọn ṣe ni. Ohun tí ó ń tọka sí ìyẹn ni pé: Ojiṣẹ Ọlọhun - ki ikẹ ati ọla Ọlọhun maa ba a - ẹni tí wọ́n sọ aayah yìí kalẹ̀ fún, tí ó sì jẹ́ ẹni tí ó nímọ̀ jùlọ nínú awọn eniyan nípa ìtumọ̀ rẹ̀; ti kọ̀ fún ìjọ rẹ̀ kúrò níbi sísọ awọn saare di mọṣalaṣi, ó sì ṣe ìkìlọ̀ fún wọn kúrò níbi ìyẹn, o si ṣẹbi le, o si ṣe ibawi fún ẹni tí ó ba ṣe é.
Tí o bá jẹ́ pé ìyẹn lẹ́tọ̀ọ́ ni, òjíṣẹ́ Ọlọhun - kí ikẹ ati ọla Ọlọhun maa ba a - kò bá tí mú un le koko nínú rẹ̀ ní ìmúlekoko tí ó tóbi, tí ó sì tẹnumọ ọn gidigidi nínú rẹ̀ títí dé bi pé o ṣepe lé ẹni tí ó ṣe é, tí ó sì fun wa niro pé ó wà nínú àwọn ẹdá tí o burú jùlọ lọ́dọ̀ Ọlọhun ti agbara ati ọla Rẹ ga, ati pé eleyi ni ìtó àti ìtẹ́nilọ́rùn nínú rẹ̀ fún ẹni tí ń wá òdodo. Atipe ti a ba fojusọna wipe kíkọ mọsalasi sórí àwọn sàréè jẹ ẹtọ fún àwọn tí ó ṣíwájú wa; kò nii lẹ́tọ̀ọ́ fún wa láti tẹle wọn nínú iyen; tori pe ofin wa ti pa àwọn ofin tí ó ṣíwájú rẹ rẹ, atipe ojiṣẹ wa (kí ikẹ ati ọla Ọlọhun máa bá a) oun ni igbẹyin àwọn ojiṣẹ, ofin rẹ si péye tí ó si jẹ́ ti gbogbogboo, atipe ó ti kọ̀ fun wa kúrò nibi kíkọ mọsalasi sórí àwọn sàréè; tori naa kò lẹ́tọ̀ọ́ fún wa láti yapa rẹ, dandan si ni fún wa kí a tẹle e, kí a si di nǹkan tí ó mu wa mu daadaa , kí a si fi ohun tí ó ba yapa ìyẹn silẹ nínú àwọn ofin atijọ, àti àwọn àṣà tí wọn kà si ohun tí ó dara lọ́dọ̀ àwọn tí ó ṣe e; tori pe kò sí ohun tí ó péye ju ofin Ọlọhun lọ, bẹẹ ni kò sí ìtọ́ni tí ó dára ju ìtọ́ni ojiṣẹ Ọlọhun (kí ikẹ ati ọla Ọlọhun máa bá a) lọ.
Ọlọhun ni a n bẹ ki O fi awa ati awọn Musulumi lapapọ ṣe kongẹ fun ifẹsẹrinlẹ ninu ẹsin Rẹ, ati didi mọ ìlànà òfin Ojiṣẹ Rẹ tii ṣe Muhammad - ki ikẹ ati ọla maa ba a - ninu awọn ọrọ ati awọn iṣẹ, ati ni gbangba ati ni ikọkọ, ati ninu gbogbo awọn alamọri, títí tí a fi maa pade Ọlọhun - Ọla Rẹ ga -, nitori Oun ni Ọba ti O ngbọ ti O si sunmọ wa.
Ki Ọlọhun ba wa ṣe ikẹ ati ọla Rẹ fun ẹru Rẹ ati ojiṣẹ Rẹ Muhammad ati awọn araale rẹ ati awọn saabe rẹ ati gbogbo ẹni ti o tẹle imọna rẹ titi di ọjọ ẹsan.
Iwe ẹlẹẹkọkanla: Sinsin oku sinu mọṣalaṣi
Pẹlu orukọ Ọlọhun, gbogbo ẹyin ti Ọlọhun ni, ikẹ ati ọla ki o lọ máa bá ojiṣẹ Ọlọhun ati awọn ara ile rẹ ati ẹnití o ba mọ ọna pẹlu ilana rẹ, lẹyin naa:
Dajudaju mo ti wo iwe iroyin «Khartoum» eyi ti o jade ni: 17/ 4 / 1415 AH; mo si ri i pe wọ́n ti ṣe atẹjade alaye kan ninu rẹ nipa sisin oku Sayyid Muhammad Al-Hasan Al-Idrisi si ẹgbẹ baba rẹ ninu mọsalasi wọn ni ilu Umm Durman... ati bẹẹ bẹẹ lọ.
Àti nítorí ohun tí Ọlọhun ṣe ní ọranyan nínú gbigba àwọn Musulumi níyànjú, àti ṣíṣe àlàyé kíkọ fún ni nípa aburu; mo rí i pé kí n ṣe ìtàníjì lórí pé sísin òkú sínú àwọn mọsalasi jẹ́ nǹkan tí kò lẹ́tọ̀ọ́, kàkà bẹ́ẹ̀, ó wà lára àwọn ojú ọ̀nà tí o le muni lọ síbi ẹbọ, àti nínú àwọn iṣẹ́ àwọn Yahudi ( awọn ti wọn jẹ ọmọ lẹyin anọbi Musa ) ati Nasara( awọn ti wọn jẹ ọmọ lẹyin anọbi Isa ọmọ Mariyam) tí Ọlọhun ti ṣe ibawi fún wọn lori rẹ, tí ojiṣẹ Rẹ̀ (kí ikẹ ati ọla Ọlọhun máa bá a) sì ṣẹ́ wọn ní ègún, gẹ́gẹ́ bí ó ṣe wà nínú sọhiihu méjèèjì láti ọ̀dọ̀ Aaishah (kí Ọlọhun yọ́nú sí i), láti ọ̀dọ̀ Anabi (kí ikẹ ati ọla Ọlọhun máa bá a) pé ó sọ pé: «Ọlọhun ṣẹ ibi le ori awọn Yẹhuudi ati awọn Nasọọrọ, wọn mu awọn saare awọn Anọbi wọn ni aaye ijosin», O wa ninu Sohiihu Muslim, lati ọdọ Jundub ọmọ Abdullahi, lati ọdọ Anabi - ki ikẹ ati ọla Ọlọhun maa ba a - pe dajudaju o sọ pe: «Ẹ kíyèsí i, dájúdájú awọn tí wọ́n ṣíwájú yín máa ń sọ saare awọn Anabi wọn ati awọn ẹni rere wọn di mọṣalaṣi, ẹ kíyèsí i, ẹ má ṣe sọ awọn sàréè di mọṣalaṣi; dájúdájú mo kọ yín kúrò níbi ìyẹn». Awọn Hadiisi to wa nipa itumọ yii pọ.
Eyi ti o jẹ dandan lori awọn Musulumi ni gbogbo ibi — yálà ìjọba ni tabi awọn ara ilu — ni: ki wọn bẹru Ọlọhun, ati ki wọn ṣọra kuro nibi ohun ti O kọ, ati ki wọn maa sin awọn oku wọn si ita awọn mọṣalaaṣi, gẹgẹ bi Anabi - ki ikẹ ati ọla Ọlọhun maa ba a - ati awọn saaba rẹ - ki Ọlọhun yọnu si wọn - ṣe maa n sin awọn oku si ita awọn mọṣalaaṣi, (ni itẹ ìsìnkú sí) ati bẹẹ gẹlẹ ni awọn ti wọn tẹle wọn pẹlu daadaa.
Ní ti wíwà tí saare Anabi, kí ikẹ Ọlọhun àti ọlá Rẹ máa ba a, àti saare àwọn ọrẹ rẹ méjèèjì: Abubakar àti Umar, kí Ọlọhun yọnu si wọn, wà nínú Mọ́sálásí rẹ̀, kí ikẹ Ọlọhun àti ọlá Rẹ máa ba a; kò sí ẹ̀rí nínú èyí fún sísìn àwọn òkú sínú àwọn Mọ́sálásí; nítorí pé a sìn ín, kí ikẹ Ọlọhun àti ọlá Rẹ máa ba a, sínú ilé rẹ̀ ni — nínú ilé A'ishah, kí Ọlọhun yọnu sí i —, lẹ́yìn náà ni wọ́n sìn àwọn ọrẹ rẹ méjèèjì pẹ̀lú rẹ̀. Nígbà tí Al-Walid ọmọ Abdul-Malik fẹ Mọ́sálásí náà lójú, ó mú yàrá náà wọ inú rẹ̀ ní ìparí ọgọ́rùn-ún ọdún àkọ́kọ́ ti Hijrah, dájúdájú àwọn onímọ̀ kọ èyí fún un, ṣùgbọ́n ó rí i pé ìyẹn kò ṣèdíwọ́ fún mímú un fẹ̀, àti pé ọ̀rọ̀ náà ṣe kedere tí kò sì rújú.
Àti pẹ̀lú ìyẹn, ó ṣe kedere fún gbogbo musulumi pé: dájúdájú Anabi - ki ikẹ ati ọla Ọlọhun maa ba a - àti àwọn ọrẹ rẹ méjèèjì, kí Ọlọhun yọnu si wọn, wọn kò sin wọn sínú mọṣalaṣi, àti pé mímú wọn wọ inu rẹ̀ nítorí fifẹ mọṣalaṣi kò jẹ́ ẹ̀rí pé sísinkú sínú àwọn mọṣalaṣi bá òfin mu; nítorípé wọn kò sí nínú mọṣalaṣi, ṣùgbọ́n kàkà bẹ́ẹ̀, wọ́n wà nínú ilé rẹ̀ ni - ki ikẹ ati ọla Ọlọhun maa ba a -, àti nítorípé iṣẹ Waleed kò tọ́ gẹ́gẹ́ bí ẹ̀rí fún ẹnikẹ́ni nínú ìyẹn, ṣùgbọ́n ẹ̀rí náà wà nínú Al-Quran àti Sunnah, àti nínú ìfìmọ̀ṣọ̀kan àwọn aṣáájú rere ijọ yìí, kí Ọlọhun yọnu si wọn, kí Ó sì fi wá sínú àwọn tí ń tẹ̀lé wọn pẹ̀lú iṣẹ rere.
Atipe fun imọran ati mimu iwọ kúrò nibẹ ni wọn fi kọ iwe yii ni: 14/ 5/ 1415 AH.
Ọlọhun ni Ọba Olufiniṣekongẹ. Ki Ọlọhun ba wa ṣe ikẹ ati igẹ fun Anọbi wa Muhammad, ati awọn ara ile rẹ, ati awọn saabe rẹ, ati awọn olutẹle wọn pẹlu iṣe rere.
Apilẹkọ ẹlẹẹkejila: Àlàyé aigbagbọ ati iṣina ẹni tí o sọ wipe o lẹtọọ fún ẹnikẹ́ni láti jade kuro labẹ ofin Anabi Muhammad - ki ikẹ ati ọla Ọlọhun máa bá a -
Ọpẹ ni fun Ọlọhun Olúwa gbogbo àgbáyé, kí ikẹ àti ọla Ọlọhun máa ba ẹni ìkẹyìn awọn Anọbi àti awọn ojiṣẹ, Anọbi wa Muhammad, àti awọn ara ilé rẹ àti awọn saabe rẹ lapapọ.
Lẹ́yìn náà: Dájúdájú mo ti wo ọrọ tí wọn gbé jáde nínú ìwé ìròyìn ash-Sharq al-’Awsat nínú àtẹ̀jáde rẹ̀ tí ọ jẹ onka (5824) àti ọjọ́ 5/ 6/ 1415 AH, èyí tí ẹni tí ó pe ara rẹ̀ ní: ‘Abdul-Fattāh Al-Hāyik kọ, lábẹ́ àkòrí: (agbọye ti o ni aṣiṣe).
Àṣàyàn àròkọsilẹ náà ni pé: àtakò rẹ̀ fún ohun tí ó jẹ́ mímọ̀ nínú ẹ̀sìn Isilaamu ní dandan, àti pẹ̀lú ẹ̀rí àti ìfọhùnṣọ̀kan; ohun náà ni kíkárí iṣẹ-rírán Anabi Muhammad - ki ikẹ ati ọla Ọlọhun maa ba a - sí gbogbo àwọn ènìyàn, àti àsọjáde rẹ̀ pé dajudaju ẹni tí kò bá tẹ̀lé Anabi Muhammad - ki ikẹ ati ọla Ọlọhun maa ba a - tí kò sì tẹ̀lé e níbi àṣẹ rẹ̀, ṣùgbọ́n tí ó ṣẹ́kù gẹ́gẹ́ bíi Yẹhudi tàbí Nasara pé ó wà lórí ẹ̀sìn òdodo, lẹ́yìn náà ó ṣe àfojúdí sí Olúwa gbogbo ẹ̀dá - Mímọ́ ni fún Un - níbi ọgbọ́n Rẹ̀ láti fi ìyà jẹ àwọn alaigbagbọ àti àwọn olùyapà, tí ó sì sọ ìyẹn di eré lásán.
O ti yi awọn ọrọ ẹsin pada, o si gbe wọn si ibi ti ki i ṣe aaye wọn, o ṣe alaye wọn gẹgẹ bi ifẹ inu rẹ ti ṣe amọna rẹ si, o ṣẹri kuro nibi awọn ẹri ẹsin ati awọn ọrọ to han gbangba eyi ti o tọka si kikari iṣẹ Anọbi Muhammad -ki ikẹ Ọlọhun ati ọla Rẹ maa ba a-, ati lori aigbagbọ ẹni ti o gbọ nipa rẹ ti ko si tẹle e, ati pe Ọlọhun ko nii tẹwọgba ẹsin kankan yatọ si Isilaamu, ati eyi ti o yatọ si iyẹn ninu awọn ọrọ to han gbangba eyi ti o ṣẹri kuro nibẹ; ki awọn alaimọkan le baa di ẹni ti a tàn jẹ pẹlu ọrọ rẹ. Eleyii ti o ṣe yii jẹ iṣe keferi ( aigbagbọ) ti o han gbangba, ati pipada sẹyin kuro ninu Islam, ati pipe Ọlọhun (Mimọ ni fun Un, O si ga julọ) ati Ojiṣẹ Rẹ (ki ikẹ ati ọla Ọlọhun maa ba a) ni onirọ, gẹgẹ bi ẹni ti o ba ka akọsilẹ naa ninu awọn onimọ ati awọn onigbagbọ ṣe mọ iyẹn.
Ati pe nnkan ti o jẹ dandan fun alaṣẹ ni: gbigbe irú ẹni bẹ́ẹ̀ lọ si ile ẹjọ; lati beere ituba lọwọ rẹ, ati ṣiṣe idajọ le e lori pẹlu nnkan ti sharia ( Ofin Ọlọhun ) ti o mọ́ beere fun.
Ati pe Ọlọhun- ti mímọ ń bẹ fún Un ti O si ga- ti ṣe àlàyé kíkárí iran Muhammad- ki ikẹ ati ọla Ọlọhun máa bá a-, n'isẹ ati pe itẹle rẹ jẹ dandan lórí gbogbo ẹ̀dá méjèèjì (ènìyàn àti àlùjànnú), ati pe ìyẹn kò jẹ́ àìmọ̀ fún ẹni tí ó bá ní òye tí ó kéré jùlọ nínú ìmọ̀ nínú àwọn Musulumi.
Ọlọhun - Ọba ti ọla Rẹ ga - sọ bayi pe : « Sọ pé: “Ẹ̀yin ènìyàn, dájúdájú èmi ni Òjíṣẹ́ Allāhu sí gbogbo yín pátápátá. (Allāhu) Ẹni tó ni ìjọba àwọn sánmọ̀ àti ilẹ̀. Kò sí ọlọ́hun kan tí a gbọ́dọ̀ jọ́sìn fún ní ọ̀nà òdodo àyàfi Òun. Ó ń sọ ẹ̀dá di alààyè. Ó sì ń sọ ẹ̀dá di òkú. Nítorí náà, ẹ ni gbàgbọ́ si Allāhu àti Òjíṣẹ́ Rẹ̀. Ànábì aláìmọ̀ọ́nkọmọ̀ọ́nkà , ẹni tó gbàgbọ́ nínú Allāhu àti àwọn ọ̀rọ̀ Rẹ̀. Ẹ tẹ̀lé e nítorí kí ẹ lè mọ̀nà.” [Suratul A'raf: 158]. Ọlọhun Ọba- ti ọla Rẹ ga- sọ pe: "«...Ó sì fi ibasọrọ pẹlu al-Ƙur’ān yìí ránṣẹ́ sí mi, nítorí kí n̄g lè fi ṣe ìkìlọ̀ fún ẹ̀yin àti ẹnikẹ́ni tí (al-Ƙur’ān) bá dé etí ìgbọ́ rẹ̀...» [Suratul An'aam: 19]. Ọlọhun Ọba- ti ọla Rẹ ga- sọ pe: (Sọ pé: “Tí ẹ̀yin bá nífẹ̀ẹ́ Allāhu, ẹ tẹ̀lé mi, Allāhu máa nífẹ̀ẹ́ yín, Ó sì máa forí ẹ̀ṣẹ̀ yín jìn yín. Allāhu ni Aláforíjìn, Aláàánú). [Aal-Imraan: 31]. Ọlọhun Ọba- ti ọla Rẹ ga- sọ pe: Ẹnikẹ́ni tí ó bá wá ẹ̀sìn kan ṣe yàtọ̀ sí ’Islām, A ò níí gbà á lọ́wọ́ rẹ̀. Ní Ọjọ́ Ìkẹ́yìn, ó sì máa wà nínú àwọn ẹni òfò. [Aal- Eimran: 85]. Ọlọhun Ọba- ti ọla Rẹ ga- sọ pe: « A kò rán ọ níṣẹ́ àfi sí gbogbo ènìyàn pátápátá; (o jẹ́) oníròó-ìdùnnú àti olùkìlọ̀...» [Suratu Sabai: 28]. Ọlọhun Ọba- ti ọla Rẹ ga- sọ pe: « A kò sì rán ọ n'isẹ bí kò ṣe pé kí o lè jẹ́ ìkẹ́ fún gbogbo ẹ̀dá.» [Suuratul Anbiyaah: 107]. Ọlọhun Ọba- ti ọla Rẹ ga- sọ pe: Kí o sì sọ fún àwọn tí A fún ní Tírà àti àwọn aláìmọ̀ọ́nkọmọ̀ọ́nkà (aláìnítírà) pé: “Ṣé ẹ máa gba ’Islām?” Tí wọ́n bá gba ’Islām, wọ́n ti mọ̀nà. Tí wọ́n bá sì kẹ̀yìn (sí’Islām), ìkéde (ẹ̀sìn) nìkan ni ojúṣe tìrẹ. Allāhu sì ni Olùríran nípa àwọn ẹrúsìn. [Aal-Imran: 20]. Ọba- ti mimọ n bẹ fun Un- sọ pe: « Ìbùkún ni fún Ẹni tí Ó sọ ọ̀rọ̀-ìpínyà (ohun tó ń ṣe ìpínyà láààrin òdodo àti irọ́) kalẹ̀ fún ẹrúsìn Rẹ̀ nítorí kí ó lè jẹ́ olùkìlọ̀ fún gbogbo ẹ̀dá.» [Suuratul Fur’qaan: 1].
Bukhari ati Muslim gba a wa lati ọdọ Jaabir (ki Ọlọhun yọnu si i) pe Anabi (ki ikẹ ati ọla Ọlọhun maa ba a) sọ pe: «Wọn fun mi ni nkan marun kan ti wọn o fun ẹnikankan ni nkan marun yii siwaju mi: wọn ran mi ṣe pẹlu ẹru jẹjẹ ogun ni irin oṣu kan, wọ́n ṣí ṣe ilẹ ni mọṣalaṣi ni ààyè ìkìrun fun mi ati ohun ti maa fi maa ṣe imọra, atipe ẹnikẹni ninu ijọ mi ti irun ba ba, ki o ya ki irun naa, wọn si tun ṣe awọn nkan ọrọ ogun ni ẹtọ fun mi, atipe wọn o si ṣe e ni ẹtọ fun ẹnikankan siwaju mi, ati pe wọn tun fun mi ni iyọnda lati ṣe isipẹ, ati pe wọn yoo gbe Anọbi kọọkan dide si ijọ rẹ nikan, ṣugbọn wọn gbe emi dide si gbogbo eeyan ni apapọ».
Eyi si jẹ alaye ti o fojuhan fun kíkárí ati jíjẹ gbogbogbo iṣẹ-rírán Anabi wa Muhammad - ki ikẹ ati ọla Ọlọhun maa ba a - si gbogbo àwọn ènìyàn, ati pe o ti pa gbogbo àwọn ofin ti o ti ṣiwaju rẹ̀ rẹ́, ati pe ẹni tí ko ba tẹle Muhammad - ki ikẹ ati ọla Ọlọhun maa ba a - ti ko si tẹle e nibi aṣẹ rẹ; alaigbagbọ oluyapa ni, ẹni ti iya Rẹ tọ si ni, Ọlọhun Ọba - ti ọla Rẹ ga - sọ pe: «...Ẹnikẹ́ni tó bá ṣàì gbà á gbọ́ nínú àwọn ìjọ (nasọ̄rọ̄, yẹhudi àti ọ̀ṣẹbọ), nígbà náà Iná ni àdéhùn rẹ̀... [Huud: 17]. Ọlọhun Ọba- ti ọla Rẹ ga- sọ pe: « Kí àwọn tó ń yapa àṣẹ rẹ̀ ṣọ́ra nítorí kí ìdààmú má baà dé bá wọn, tàbí nítorí kí ìyà ẹlẹ́ta-eléro má baá jẹ wọ́n». [Sūratun Nūr: 63]. Ọlọhun Ọba- ti ọla Rẹ ga- sọ pe: « Ẹnikẹ́ni tí ó bá sì yapa (àṣẹ) Allāhu àti Òjíṣẹ́ Rẹ̀, tí ó sì ń tayọ àwọn ẹnu-ààlà tí Allāhu gbékalẹ̀, (Allāhu) yóò mú un wọ inú Iná kan. Olùṣegbére ni nínú rẹ̀. Ìyà tí í yẹpẹrẹ ẹ̀dá sì ń bẹ fún un». [An-Nisaa: 14], Ọlọhun Ọba- ti ọla Rẹ ga- sọ pe: « Ẹnikẹ́ni tí ó bá fi àìgbàgbọ́ rọ́pò ìgbàgbọ́, dájúdájú ó ti ṣìnà (kúrò) l’ójú ọ̀nà tààrà.» [Al-Baqara: 108], Awọn Aayah to wa lori itumọ yii pọ.
Ati pe Ọlọhun- ti ọla Rẹ ga- ti so titẹle aṣẹ Ojiṣẹ- ki ikẹ Ọlọhun ati ọla Rẹ maa ba a- pọ mọ titẹle aṣẹ Rẹ, O si ti ṣàlàyé pe ẹnikẹni ti o ba ni igbagbọ si nkan ti o yatọ si ẹsin Islaamu dajudaju òfò nbẹ fun un, kò sì nii gba itanran bẹẹ ni kò nii gba irapada kankan lọwọ rẹ, Ọba ti ọla Rẹ ga sọ pe: « Ẹnikẹ́ni tí ó bá wá ẹ̀sìn kan ṣe yàtọ̀ sí ’Islām, A ò níí gbà á lọ́wọ́ rẹ̀. Ní Ọjọ́ Ìkẹ́yìn, ó sì máa wà nínú àwọn ẹni òfò» [Aal-Imran: 85]. Ọlọhun Ọba- ti ọla Rẹ ga- sọ pe: «Ẹnikẹ́ni tó bá tẹ̀lé Òjíṣẹ́ náà, ó ti tẹ̀lé (àṣẹ) Allāhu». [Suuratun Nisaa: 80]. Ọlọhun Ọba- ti ọla Rẹ ga- sọ pe: « Sọ pé: “Ẹ tẹ̀lé ti Allāhu. Kí ẹ sì tẹ̀lé ti Òjíṣẹ́ náà. Ṣùgbọ́n tí wọ́n bá pẹ̀yìndà, ohun tí A gbé kà á lọ́rùn ló ń bẹ lọ́rùn rẹ̀, ohun tí A sì gbé kà yín lọ́rùn ló ń bẹ lọ́rùn yín. Tí ẹ bá sì tẹ̀lé e, ẹ ti mọ̀nà tààrà.” [Sūratun Nūr: 54]. Ọlọhun Ọba- ti ọla Rẹ ga- sọ pe: Dájúdájú àwọn tó se àigbàgbọ́ (wọ̀nyí) nínú àwọn ahlul-kitāb (awọn ti wọn ti fún ni tira ṣiwaju) àti àwọn ọ̀ṣẹbọ, wọn yóò wà nínú Iná. Olùṣegbére ni wọ́n nínú rẹ̀. Àwọn wọ̀nyẹn, àwọn ni ẹ̀dá tó burú jùlọ». [Al-Bayyinah: 6].
Muslim gba ẹgbawa ninu Sohiihu rẹ pe Ojiṣẹ Ọlọhun - ki ikẹ ati ọla Ọlọhun maa ba a - sọ pe: «Mo fi Ẹni ti ẹmi mi n bẹ lọwọ Rẹ bura; ẹnikẹni ko nii gbọ́ nipa mi ninu ìjọ yìí, Juu ni tabi Nasara, lẹyin naa o wa ku ti ko si ni igbagbọ pẹlu nnkan ti wọn fi ran mi; afi ki o wa ninu awọn ara ina».
Dajudaju Ojiṣẹ Ọlọhun - ki ikẹ Ọlọhun ati ọla Rẹ maa ba a - ti ṣàlàyé pẹlu iṣẹ rẹ ati ọrọ rẹ nipa bíbàjẹ́ ẹsin ẹni ti ko ba wọ inu ẹsin Islam, dajudaju o gbogun ti awọn Yahudi ati Nasara, gẹgẹ bi o ti gbogun ti awọn alaigbagbọ miiran yatọ si wọn, o si gba jiziya ( owo orí igbelu ) lọwọ ẹni ti o ba fun un ninu wọn; ki wọn ma baa dènà ìpè náà lati de ọdọ awọn iyoku wọn, ati ki ẹni ti o ba fẹ ninu wọn le wọ inu Isilaamu laisi ibẹru lati ọdọ awọn eniyan rẹ pe wọn yoo da a pada, tabi wọn yoo di i lọna, tabi wọn yoo pa a.
Ati pe Bukhari ati Muslim ti gba a wa, lati ọdọ Abu Hurayrah -ki Ọlọhun yọnu si i- o sọ pe: Nigba ti a wa ninu mọṣalaṣi ni Ojiṣẹ Ọlọhun -ki ikẹ ati ọla Ọlọhun maa báa- jade, o si sọ pé: "“Ẹ gbera lọ ba awọn Juu, a si jade pẹlu rẹ titi a fi de ile Midras, ni Anabi - ki ikẹ ati ọla Ọlọhun maa ba a - dide, o si pe wọn, o sọ pe: Ẹyin ijọ awọn Juu, ẹ gba 'Islām ki ẹ le là, wọn sọ pé: O ti jíṣẹ́, Irẹ baba Qosim, Ojiṣẹ Ọlọhun- ki ikẹ Ọlọhun ati ọla Rẹ maa ba a- sọ fun wọn pe: Ìyẹn ni mo fẹ, ẹ gba 'Islām ki ẹ le là, wọn sọ pé: O ti jíṣẹ́, Irẹ bàbá Qosim, Ojiṣẹ Ọlọhun- ki ikẹ Ọlọhun ati ọla Rẹ maa ba a- sọ fun wọn pe: Ìyẹn ni mo fẹ, lẹ́yìn naa o sọ ọ ni igba kẹta...”" Hadiisi.
Ohun ti a gba lero ni pe: dajudaju o - ki ikẹ ati ọla Ọlọhun maa ba a - lọ si ọdọ awọn ẹlẹsin ninu awọn Yẹhudi ninu ile isin wọn, ni o ba pe wọn sinu Islam, o si sọ fun wọn pe: «Ẹ gba Isilaamu ki ẹ le la», o si sọ ọ leralera fun wọn.
Bẹẹ gẹgẹ: o fi ìwé rẹ ranṣẹ sí Ọba Hiraq’l, o n pe e sinu Islam, o si n fun un ni iro pe ti o ba kọ, dajudaju ẹṣẹ awọn ti wọn kọ lati gba Islam nitori kikọ rẹ yio wa lori rẹ, dajudaju Bukhaari ati Muslim gba a wa ninu awọn iwe Sahiih wọn mejeeji, pe Hiraq’l beere fun ìwé Ojiṣẹ Ọlọhun -kí ìkẹ́ àti ọlá Ọlọ́hun máa bá a-, o si ka a, ohun ti o si ba ninu rẹ ni pe: «Ní orúkọ Ọlọhun, Ọba Ẹlẹ́kẹ̀ẹ́-ayé, Ọba Àṣàkẹ́-ọ̀run, láti ọ̀dọ̀ Muhammad òjíṣẹ́ Ọlọhun lọ sí ọ̀dọ̀ Hiraqlu adarí ńlá àwọn ará Rómù, àlàáfíà kí ó máa bá ẹni tí ó tẹ̀lé ìtọ́sọ́nà, lẹ́yìn náà: dájúdájú èmi ń pè ọ́ pẹ̀lú ìpè Ìsìláàmù, gba Ìsìláàmù ìwọ yóò rí àlàáfíà, sì gba Ìsìláàmù Ọlọhun yóò fún ọ ní ẹ̀san rẹ ní ẹ̀mẹjì, ṣùgbọ́n tí o bá pẹ̀yìndà, dájúdájú ẹ̀ṣẹ̀ àwọn Arīsiyyīn ( awọn bara ilu) yóò wà lórí rẹ àti» « Ẹ̀yin onítírà ( tí Allahu ti ba sọrọ siwaju ) , ẹ wá síbi ọ̀rọ̀ kan tó dọ́gba láààrin àwa àti ẹ̀yin, pé a ò níí jọ́sìn fún ẹnì kan àfi Allāhu. A ò sì níí fi kiní kan wá akẹgbẹ́ fún Un. Àti pé apá kan wa kò níí sọ apá kan di olúwa lẹ́yìn Allāhu.” Tí wọ́n bá sì gbúnrí, ẹ sọ pé: “Ẹ jẹ́rìí pé dájúdájú mùsùlùmí ni àwa.” "[Aal-E-Imran: 64]»."
Lẹhinna, nigbati wọn pẹyinda ti wọn si kọ̀ wiwọ inu Isilaamu; Anọbi - ki ikẹ ati ọla Ọlọhun maa ba a - oun ati awọn saabe rẹ - ki Ọlọhun ba wa yọnu si wọn - ba wọn jagun, o si ṣe isakọlẹ ni ọranyan le wọn lori.
Ati lati ṣe amudaju iṣina wọn ati pe wọn wa lori ẹsin ibajẹ lẹyin ti a ti fagile e pẹlu ẹsin Muhammad -ki ikẹ Ọlọhun ati ọla Rẹ maa ba a-; Ọlọhun paṣẹ fun musulumi ki o maa beere lọdọ Ọlọhun ni gbogbo ọjọ, ati ni gbogbo irun, ati ni gbogbo rakaa lati fi oun mọna lọ sí oju-ọna ti o tọ, eyi ti o pe, ti a tẹwọgba, eyi ti i ṣe: Isilaamu, Ati pe ki O gbe e jinna kuro nibi oju ọna àwọn tí O binu si, àwọn ni: àwọn yẹhudi ati àwọn tí wọn jọ wọn, àwọn tí wọn mọ̀ pe àwọn wa lori irọ tí wọn sì ń tẹpẹlẹ mọ ọn, Ati pe ki O mu un yẹra fun ọna awọn ti o ti sọnu, awọn ti wọn n ṣe ijọsin laini imọ, ti wọn sì n pé apemọra wipe awọn wa ni ori ọna imọna, l'eyiti wọn si wa lori ọna isọnu, àwọn si ni: awọn Nasara, ati awọn ti o jọ wọn ninu awọn ijọ miiran ti wọn n ṣe ijọsin lori isọnu ati aimọkan, Atipe gbogbo eyi: ki musulumi le baa mọ ni mimọ to daju wipe dajudaju gbogbo ẹsin ti o yàtọ̀ sí Isilaamu asan ni, ati wipe dajudaju gbogbo ẹnití o ba ń jọsin fún Ọlọhun pẹlu ẹsin ti o yàtọ̀ sí Isilaamu, o ti ṣìná, atipe ẹnití ko ba ní ìgbàgbọ́ sí eyi, ko sí nínú awọn musulumi. Awọn ẹri to wa lori abala yii pọ lati inu Alukuraani ati Sunnah.
Nítorí náà, o wáá jẹ dandan fún ẹni tí ó kọ àpilẹ̀kọ náà - Abdul-Fattaah - lati yára ronú pìwàdà tòótọ́, kí ó sì kọ àpilẹ̀kọ kan tí yíò ti kede ìrònúpìwàdà rẹ̀, ẹnikẹ́ni tí ó bá ronú pìwàdà sọ́dọ̀ Ọlọhun ní ìrònúpìwàdà òdodo; Ọlọhun yíò gba ìrònúpìwàdà rẹ̀; nítorí Ọlọhun - Mímọ́ ni fun Un - sọ pé: (.....Kí gbogbo yín sì ronú pìwàdà sọ́dọ̀ Allāhu, ẹ̀yin onígbàgbọ́ òdodo nítorí kí ẹ lè jèrè). [Sūratun Nūr: 31], Ati ọrọ Rẹ, mimọ ni fun Un, ti o sọ pe: (Àwọn ni) àwọn tí kò pe ọlọ́hun mìíràn mọ́ Allāhu. Wọn kò pa ẹ̀mí tí Allāhu ṣe (pípa rẹ̀) ní èèwọ̀ àfi ní ọ̀nà ẹ̀tọ́. Àti pé wọn kò ṣe zinā. Ẹnikẹ́ni tí ó bá ṣe (aburú) yẹn, ó máa pàdé (ìyà) ẹ̀ṣẹ̀. A óò ṣe ìyà ní ìlọ́po fún un ní Ọjọ́ Àjíǹde. Ó sì máa ṣe gbére nínú rẹ̀ ní ẹni yẹpẹrẹ. Àfi ẹni tí ó bá ronú pìwàdà, tí ó gbàgbọ́ ní òdodo, tí ó sì ṣe iṣẹ́ rere. Àwọn wọ̀nyẹn ni Allāhu yóò fi iṣẹ́ rere rọ́pò iṣẹ́ aburú wọn (ìyẹn, nípa ìronúpìwàdà wọn). Allāhu sì ń jẹ́ Aláforíjìn, Àṣàkẹ́-ọ̀run. [Al-Furqaan: 68-70]. ati nitori ọrọ Anọbi - ki ikẹ ati ọla Ọlọhun maa ba a - ti o sọ pe: "“Isilaamu maa n wó nnkan ti o ti ṣíwájú rẹ, ati pe tituuba maa n wó nnkan ti o ti ṣíwájú rẹ”." ati ọ̀rọ̀ Anabi - ki ikẹ ati ọla Ọlọhun maa ba a - «Ẹni ti o ba ronu piwada kuro ninu ẹṣẹ dabi ẹni ti ko ni ẹṣẹ.»
Awọn Aayah ati awọn Hadiisi ti o wa nipa otumọ yii pọ.
Atipe mo n bẹ Ọlọhun - Mímọ́ ni Fún Un, ti ọla Rẹ ga - pe ki O fi ododo han wa ki a si ri i si ododo, ki O si ran wa ṣe lati maa tẹle e, ki O si fi irọ han wa ki a si ri i si irọ, ki O si ran wa ṣe lati maa jinna si i, ki O si ṣe idẹra fún wa ati fún onkọwe Abdulfattah ati gbogbo awọn Musulumi pẹlu ironupiwada ododo, ki O si sọ gbogbo wa yọ kúrò níbi àwọn ìdàrúdàpọ̀ aṣinilọ́nà ati titẹle ifẹ-inu ati Shaytān (esu) , dajudaju Oun ni Alakoso iyẹn ati Olukapa lori rẹ.
Ki ikẹ ati ọla Ọlọhun maa ba Anabi wa Muhammad, ati awọn arale rẹ ati awọn saabe rẹ, ati gbogbo ẹni ti o fi daadaa tẹle wọn titi di ọjọ ẹsan.
Related books
All books
Awọn ipilẹ mẹta ati awọn ẹri rẹ73 èdèAwọn ipilẹ mẹta ati awọn ẹri rẹ
Iwe yii ṣe alaye awọn nnkan ipilẹ ti kíkọ́ wọn jẹ dandan fun musulumi: mímọ Ọlọhun, mímọ ẹsin Isilaamu, ati mímọ Anabi Muhammad (kí ikẹ ati ọla Ọlọhun máa bá a), o si ṣe alaye pataki awọn ìpìlẹ wọnyi nibi gbigbe ìgbàgbọ́ ro ati ṣíṣe iṣẹ rere pẹlu gbigbarale awọn ẹri lati inu Alikuraani ati Hadiisi.
Awọn ẹkọ ti o ṣe pataki fun gbogbo ali'ummah ( ìjọ musulumi)78 èdèAwọn ẹkọ ti o ṣe pataki fun gbogbo ali'ummah ( ìjọ musulumi)
Tira 'Ad-duruusul Muhimmah li 'aammatil Ummah' ( Awàn ẹkọ tí o pàtàkì fún apapọ ìjọ musulumi) ti alufaa agba Sheik Abdul Azeez ọmọ Bāz - ki Ọlọhun kẹ ẹ - jẹ́ ìwé tí o wa nisoki ṣùgbọ́n tí anfaani rẹ̀ pọ̀ yanturu, tí Imaamu ( asíwájú ẹṣin,) naa ṣe àkójọ rẹ láti jẹ́ ipese ìmọ̀ fún gbogbo Musulumi. Ó ṣe àlàyé àwọn ìpìlẹ̀ ẹsìn àti àwọn òpó rẹ̀ nínú rẹ , bẹ̀rẹ̀ láti orí ọrọ imọn Ọlọhun nikanṣoṣo Tawhiidi, Imaani, ìgbàgbọ àti Isilaamu, títí dé orí àwọn òfin imọra àti irun kíkí, àwọn ẹkọ rere ti Isilaamu kọ wa , àti àlàyé lórí ewu Ṣirik ( iṣẹ ẹbọ pẹlu Ọlọhun,) àti àwọn ìyapa Ọlọhun, pẹ̀lú ọ̀nà…
نبذة في العقيدة الإسلامية (شرح أصول الإيمان)75 èdèنبذة في العقيدة الإسلامية (شرح أصول الإيمان)
رسالة لطيفة تتناول أصول العقيدة الإسلامية بأسلوب مبسط وميسر. تبدأ بمقدمة حول أهمية علم التوحيد، كونه أشرف العلوم وأجلّها، ثم تتناول مفهوم الدين الإسلامي وأركانه الخمسة: الشهادتان، والصلاة، والزكاة، والصوم، والحج. كما يشرح الإيمان بالله، وملائكته، وكتبه، ورسله، واليوم الآخر، ويؤكد على أهمية التوحيد في بناء دين المسلم بشكل سليم. الكتاب يهدف إلى تعزيز الفهم الصحيح للعقيدة الإسلامية وتطبيقها في حياة المسلم اليومية.
رسالة واحدة فقط!14 èdèرسالة واحدة فقط!
Iṣẹ́-rírán kan ṣoṣo pere! Dokita Naaji ọmọ Ibrọ̄hīm Al-'Arfaj Ìyàsímímọ́ Fun gbogbo oluṣewadii nipa ododo pẹlu ootọ ati imọkanga Fun awọn oni laakaye oloye