من خلقني؟ ولماذا؟
ߖߐ߲ ߞߊ߬ ߒ ߘߊ߲߫ ؟ ߊ߬ ߣߌ߫ ߡߎ߲߬ ߞߏߛߐ߲߬؟ ߝߋ߲ ߓߍ߯ ߦߋ߫ ߘߊ߲ߓߊ߮ ߟߊ߫ ߘߊ߲ߣߌ߲ ߠߋ߬ ߦߌ߬ߘߊ߬ ߟߊ߫ ߖߐ߲߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߟߎ߬ ߣߌ߫ ߘߊ߲ߝߋ߲߫ ߓߟߋߓߟߋ ߡߍ߲ ߠߎ߬ ߦߋ߫ ߏ߬ ߟߎ߬ ߕߍ߫ ߊߟߎ߫ ߡߊ߫ ߟߊߡߌߣߌ߲߫ ߊ߬ ߟߊ߫ ߓߊ߬؟ ߖߣߍ߫ ߞߊ߬ ߞߊ߲ߞߋ߫ ߘߊ߲߬ߠߊߕߍ߰ߣߍ߲ ߟߊߢߊ߬ߣߍ߲߫ ߢߌ߲߬ ߘߊ߲߫ ߛߊ߲ߞߟߏ ߣߌ߫ ߘߎ߰ߞߟߏ ߞߊ߲߬؟ ߖߣߍ߫ ߞߊ߬ ߡߐ߱ ߘߊ߲߫ ߞߊ߬ ߕߟߏ ߣߌ߫ ߢߊ ߣߌ߫ ߦߟߌ ߘߴߊ߬ ߡߊ߬߸ ߊ߬ ߣߌ߫ ߞߵߊ߬ ߞߍ߫ ߊ߬ ߘߌ߫ ߛߋ߫ ߟߐ߲ߠߌ߲ ߛߐ߬ߘߐ߲߬ ߠߊ߫ ߞߊ߬ ߞߏߢߊ߫ ߞߌߛߍ ߟߎ߬ ߟߊߝߏ߬؟ ߌ ߦߋ߫ ߓߊ߯ߙߊ߫ ߖߐ߲ߖߐ߲ ߣߌ߲߬ ߢߊߝߐ߫ ߟߊ߫ ߘߌ߬ ߌ ߝߊ߬ߘߌ ߞߊ߲ߞߋ ߟߎ߬ ߣߌ߫ ߣߌߡߊߝߋ߲ ߠߎ߬ ߝߊ߬ߘߌ ߟߎ߬ ߘߐ߫؟ ߖߣߍ߫ ߞߵߊ߬ߟߎ߬ ߘߊ߲߫؟ ߖߊ߯ߓߊ߫ ߓߟߋߓߟߋ ߣߌ߲߬ ߘߏ߲߬ߖߟߎ߬ߡߊ߬ߣߍ߲߫ ߸ ߊ߬ ߣߌ߫ ߞߵߊ߬ ߓߊ߲ߓߴ ߊ߬ ߟߊ߫ ߞߎ߬ߙߎ߲߬ߘߎ ߟߎ߬ ߟߊ߫ ߸ ߡߍ߲ ߦߴߊ߬ ߘߏ߲߬ߖߟߎ߬ߡߦߊ߬ ߟߊ߫ ߛߊ߲߭…
ߝߋ߲ ߓߍ߯ ߦߋ߫ ߘߊ߲ߓߊ߮ ߟߊ߫ ߘߊ߲ߣߌ߲ ߠߋ߬ ߦߌ߬ߘߊ߬ ߟߊ߫
ߖߐ߲ ߞߊ߬ ߒ ߘߊ߲߫ ؟ ߊ߬ ߣߌ߫ ߡߎ߲߬ ߞߏߛߐ߲߬؟
ߖߐ߲߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߟߎ߬ ߣߌ߫ ߘߊ߲ߝߋ߲߫ ߓߟߋߓߟߋ ߡߍ߲ ߠߎ߬ ߦߋ߫ ߏ߬ ߟߎ߬ ߕߍ߫ ߊߟߎ߫ ߡߊ߫ ߟߊߡߌߣߌ߲߫ ߊ߬ ߟߊ߫ ߓߊ߬؟
ߖߣߍ߫ ߞߊ߬ ߞߊ߲ߞߋ߫ ߘߊ߲߬ߠߊߕߍ߰ߣߍ߲ ߟߊߢߊ߬ߣߍ߲߫ ߢߌ߲߬ ߘߊ߲߫ ߛߊ߲ߞߟߏ ߣߌ߫ ߘߎ߰ߞߟߏ ߞߊ߲߬؟
ߖߣߍ߫ ߞߊ߬ ߡߐ߱ ߘߊ߲߫ ߞߊ߬ ߕߟߏ ߣߌ߫ ߢߊ ߣߌ߫ ߦߟߌ ߘߴߊ߬ ߡߊ߬߸ ߊ߬ ߣߌ߫ ߞߵߊ߬ ߞߍ߫ ߊ߬ ߘߌ߫ ߛߋ߫ ߟߐ߲ߠߌ߲ ߛߐ߬ߘߐ߲߬ ߠߊ߫ ߞߊ߬ ߞߏߢߊ߫ ߞߌߛߍ ߟߎ߬ ߟߊߝߏ߬؟
ߌ ߦߋ߫ ߓߊ߯ߙߊ߫ ߖߐ߲ߖߐ߲ ߣߌ߲߬ ߢߊߝߐ߫ ߟߊ߫ ߘߌ߬ ߌ ߝߊ߬ߘߌ ߞߊ߲ߞߋ ߟߎ߬ ߣߌ߫ ߣߌߡߊߝߋ߲ ߠߎ߬ ߝߊ߬ߘߌ ߟߎ߬ ߘߐ߫؟ ߖߣߍ߫ ߞߵߊ߬ߟߎ߬ ߘߊ߲߫؟
ߖߊ߯ߓߊ߫ ߓߟߋߓߟߋ ߣߌ߲߬ ߘߏ߲߬ߖߟߎ߬ߡߊ߬ߣߍ߲߫ ߸ ߊ߬ ߣߌ߫ ߞߵߊ߬ ߓߊ߲ߓߴ ߊ߬ ߟߊ߫ ߞߎ߬ߙߎ߲߬ߘߎ ߟߎ߬ ߟߊ߫ ߸ ߡߍ߲ ߦߴߊ߬ ߘߏ߲߬ߖߟߎ߬ߡߦߊ߬ ߟߊ߫ ߛߊ߲߭ ߠߎ߬ ߟߊ߫ ߕߊߡߌ߲߬ ߕߊߡߌ߲߬ ߞߘߐ߫؟
ߖߐ߲߫ ߞߊ߬ ߞߊ߲ߞߋ ߟߎ߬ ߛߌ߲ߘߌ߫ ߘߎߢߊ߫ ߡߊ߬ߡߙߊ߬ ߟߊ߫( ߢߣߊߡߦߊ ߣߌ߫ ߛߊ߬ߦߊ ، ߢߣߊߡߊ ߟߎ߬ ߟߊ߫ ߛߎ߯ߟߊߥߟߏ، ߛߎ ߣߌ߫ ߕߋ߬ߟߋ، ߕߎ߬ߡߊ ߟߎ߫ ߘߐߦߟߍ߬ߡߊ߲ ߊ߬ ߣߌ߫...)?
ߦߊ߯ߟߊ߫ ߖߊ߯ߓߊ ߣߌ߲߬ ߖߘߍ߬ ߟߋ߬ ߞߵߊ߬ ߖߍ߬ߘߍ ߘߊ߲߫ ߓߊ߬؟ ߥߟߴߊ߬ ߡߊ߫ ߓߐ߫ ߝߏߛߌ߬ ߘߐ߫؟ ߥߟߴߊ߬ ߛߐ߬ߘߐ߲߬ ߘߊ߫ ߓߊ߬ߙߊ߲߬ߘߐ߬ ߓߟߏ߫ ߟߋ߬ ߡߊ߬؟
ߡߎ߲߬ ߘߐ߫ ߡߐ߰ ߦߋ߫ ߟߊ߫ ߟߊ ߝߋ߲ ߘߏ߰ߣߍ߲ ߠߎ߬ ߟߊ߫ ߸ ߊ߬ ߕߍ߫ ߡߍ߲߫ ߠߎ߬ ߦߋ߫ ߟߊ߫ ؟ ߦߏ߫ :(ߓߛߌ߬ߞߌ߬ߟߌ ߣߌ߫ ߦߟߌ ߣߌ߫ ߛߟߐߡߌ߲ ߣߌ߫ ߡߛߌ߬ߡߛߌ ߣߌ߫ ߘߌߦߊߢߍ) ߦߊ߯ߟߊ߫ ߓߊ߯ ߏ߬ ߟߎ ߣߐ߰ ߕߍ߫ ߦߋ߫ ߟߊ߫ ߡߍ߲߫ ߞߍ߫ ߓߊ߬؟ ߡߐ߰ ߦߴߊ߬ ߓߊ߲߬ ߠߊ߫ ߡߎ߲߬ ߘߐ߫ ߘߊ߲ߓߊ߮ ߘߐ߫ ߡߍ߲ ߞߊ߬ ߖߊ߯ߓߊ ߘߊ߲߫ ߞߴߊ߬ ߕߘߍ߫ ߊ߬ ߦߴߊ߬ ߟߊ߫ ߘߊ߲ߝߋ߲ ߣߐ߭ ߟߎ߬ ߦߋ߫ ߟߊ߫ ߊ߬ ߣߴߊ߬ ߟߊ߫ ߤߌߣߊ?!
ߡߐ߰ ߛߌ߫ ߕߍ߫ ߛߐ߲߬ ߞߴߊ߬ ߝߐ߫ ߊ߬ ߦߋ߫ ߞߏ߫ ߓߏ߲ ߡߍ߲߫ ߣߊ߬ ߣߍ߲߫ ߠߋ߬ ߞߴߊ߬ ߕߘߍ߬ ߡߐ߰ ߡߴߊ߬ ߟߐ߬ ! ߥߊߟߴ ߊ߬ ߦߴߊ߬ ߝߐ߫ ߊ߬ ߦߋ߫ ߞߏ߫ ߝߏߦߊ߲߫ ߠߋ߬ ߞߊ߬ ߓߏ߲ ߣߌ߲߬ ߟߐ߬! ߡߐ߱ ߘߏ߫ ߟߎ߬ ߛߋߕߐ߫ ߛߐ߲߬ ߠߊ߫ ߞߊ߬ ߟߊ߫ ߡߐ߱ ߟߎ߬ ߟߊ߫ ߸ ߡߍ߲ ߠߎ߬ ߦߴߊ߬ ߝߐ߫ ߟߊ߫ ߞߏ߫ ߖߊ߯ߓߊ߫ ߓߟߋߓߟߋ ߡߍ߲߬ ߘߊ߲ߠߌ߲ ߞߵߊ߬ ߕߘߍ߬ ߘߊ߲ߓߊ߮ ߕߴߊ߬ ߟߊ߫؟ ߡߐ߰ ߤߊߞߟߌߡߊ ߛߋߕߐ߫ ߛߐ߲߬ ߠߊ߫ ߘߌ߬ ߞߏ߫ ߞߎ߲߬ ߕߍ߫ ߖߊ߯ߓߊ ߥߟߊ߬ߘߊ߬ ߖߐ߲ߖߐ߲ ߧߌ߲߬ ߠߊ߬ ߣߍ߲߫ ߠߋ߬ ߜߊ߲ߛߊ߲ ߠߋ߬ ߓߊ߬?
ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: { ߥߟߴߊ߬ߟߎ߬ ߘߊ߲ߣߍ߲߫ ߠߋ߫ ߓߊ߬ ߝߋ߲߫ ߣߐ߬ ߕߍ߫؟ ߤߊߡߊ߲ߕߍ߫ ߊ߬ߟߎ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟ ߥߟߴߊ߬ߟߎ ߟߋ߫ ߣߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߠߊ߫ ߓߊ߬؟ ߍ߲߬ߍ߲߫ ߊ߬ߟߎ߬ ߕߍ߫ ߟߊߒߠߦߊߓߊ߯ ߟߋ߬ ߘߌ߫}. [ ߅߂:߃߂].
ߊߟߊ߫ ߛߊߣߌ߲ ߞߘߐߕߊ߬ߣߍ߲߬ߓߊ
ߒ߬ߓߊ߬ ߕߌ߱ ߣߌ߫ ߘߊ߲ߓߊ߯ ߞߋߟߋ߲߫ ߔߋ߫ ߟߋ߬ ߸ ߕߐ߯ ߛߊߣߌߡߊ߲ ߣߌ߫ ߡߊ߲߬ߞߕߎ߬ ߓߟߋߓߟߋ ߟߎ߬ ߦߴߊ߬ ߟߊ߫ ߏ߬ ߡߍ߲ ߦߴߊ߬ ߟߊ߫ ߘߝߊߟߌ ߦߌ߬ߘߊ߬ ߟߊ߫ ߸ ߊ߬ ߕߐ߯ ߘߏ߫ ߟߎ߫ ߟߋ߬ :ߘߊ߲ߓߊ߮ ߣߌ߫ ߤߌߣߟߊ ߣߌ߫ ߤߊ߬ߙߌ߬ߖߍ߰ߦߊ߬ߟߊ ߣߌ߫ ߝߏߣߌߛߙߋ ߸ "ߊߟߊ߫" ߏ߬ ߟߋ߬ ߡߊߟߐ߲ߣߍ߲߫ ߦߋ߫ ߕߌ߰ ߛߊߣߌ߲ ߞߘߐߕߊ߬ߣߍ߲߬ߓߊ ߟߋ߬ ߘߌ߫ ߸ ߏ߬ ߞߘߐ ߟߋ߬ :ߡߍ߲ ߞߋߟߋ߲߫ ߣߌ߫ ߓߊ߬ߕߏ ߞߊߡߊ߲߫ ߜߙߊ߬ߢߐ߲߮ ߕߴߊ߬ ߟߊ߫
ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߎ߬ߙߣߊ߬ ߞߟߊߒߞߋ ߞߣߐ߫ ߞߏ߫([ ߁]): { ߊ߬ ߝߐ߫ ߞߏ߫ ߊ߬ߟߋ ߟߋ߬ ߊߟߊ߫ ߘߌ߫ ߞߋߟߋ߲߫ ߔߋ߫ ߟߋ߬ } { ߊߟߊ߫ ߏ߬ ߸ ߞߙߍߞߙߍߕߊ ߟߋ߬} { ߊ߬ ߡߊ߫ ߡߏߦߌ߫ ߞߍ߫ ߸ ߊ߬ߟߋ ߖߍ߬ߘߍ ߘߏ߲߬ ߡߊ߫ ߡߏߦߌ߫} ﴾ ߛߊ߲ߞߊߢߐ߮ ߞߋߟߋ߲߫ ߛߌ߫ ߘߏ߲߬ ߕߍ߫ ߊ߬ ߟߊ߫﴿ [ ߁߁߂:߁-߄].
ߞߘߐߕߊ߬ߣߍ߲߬ߓߊ ߞߊ߲߫ : { ߊߟߊ߫ ߸ ߡߊ߰ߙߌ߬ ߜߘߍ߫ ߕߍ߫ ߊ߬ߟߋ ߞߐ߫߸ ߣߌߡߊ ߟߋ߬߸ ߟߐ߬ߣߍ߲ߒߖߘߍ߬ߟߊ ߟߋ߬، ߖߌ߲߬ߞߐ߲߬ ߕߍ߫ ߊ߬ ߡߌ߬ߘߊ߬ ߟߊ߫ ߞߎߡߊߕߍ߫ ߛߎ߬ߣߐ߯ ߡߊ߬، ߝߋ߲ ߡߍ߲ ߛߊ߲ ߠߎ߬ ߣߌ߫ ߘߎ߱ ߘߐ߫ ߏ߬ ߓߍ߯ ߦߴߊ߬ ߕߊ ߟߋ߬ ߘߌ߫، ߖߐ߲߫ ߓߴߛߋ߫ ߛߟߏ߬ߣߊ߬ߟߌ ߞߍ߫ ߟߴߊ߬ ߓߘߊ ߣߴߊ߬ ߡߊ߫ ߘߌ߬ߢߍ߬؟ ߊ߬ ߞߊ߬ ߡߐ߱ ߟߎ߬ ߢߍߞߏ ߣߴߊ߬ߟߎ߬ ߞߐߞߏ ߓߍ߯ ߟߐ߲߫، ߊ߬ߟߎ ߘߏ߲߬ ߕߍ߫ ߝߏߦߌ߫ ߞߊ߬ߟߊߡߵߊ߬ߟߋ ߟߊ߫ ߟߐ߲ߠߌ߲ ߘߐ߫ ߝߏ߫ ߡߍ߲ ߓߊ߯ ߊ߬ ߘߌߦߊ߫، ߊ߬ ߟߊ߫ ߥߊ߰ߣߍ߲ ߦߙߌߥߊߣߍ߲߫ ߛߊ߲ ߠߎ߬ ߣߌ߫ ߘߎ߱ ߓߍ߯ ߡߊ߬، ߏ߬ ߝߌ߬ߟߊ ߟߊߕߊ߲߬ߞߊ ߘߏ߲߬ ߕߴߊ߬ ߘߐߜߍ߬ߘߍ߲߫ ߠߊ߫، ߊ߬ߟߋ ߟߋ߬ ߔߏ߲ߞߌ߲ ߘߌ߫ ߸ ߓߟߋ߬ߓߟߋ ߟߋ߬ } [ ߂: ߂߅߅].
ߡߊ߰ߙߌ߬ ߛߊߣߌ߲ ߡߊ߰ߙߌ߬ ߞߘߐߕߊ߬ߣߍ߲߬ߓߊ ߡߊ߲߬ߞߕߎ߫ ߠߎ߬
ߡߊ߰ߙߌ ߟߋ߫ ߞߊ߬ ߘߎ߱ ߘߊ߲߫ ߞߵߊ߬ ߡߊߖߌ߰߸ ߞߵߊ߬ ߞߍ߫ ߓߍ߲߬ߣߍ߲߬ ߘߵ ߊ߬ ߟߊ߫ ߘߊ߲ߝߋ߲ ߠߎ߬ ߦߋ߫، ߊ߬ߟߋ ߟߋ߬ ߞߊ߬ ߛߊ߲ ߠߎ߬ ߣߴߊ߬ ߞߣߐ߫ ߝߋ߲߫ ߓߟߋߓߟߋ ߓߍ߯ ߘߊ߲߫߸ ߊ߬ ߞߊ߬ ߡߊ߬ߡߙߊ߬ߟߌ߬ ߖߐ߲ߖߐ߲ ߘߌ߫ ߕߋ߬ߟߋ ߣߌ߫ ߞߊߙߏ ߣߌ߫ ߛߎ ߣߌ߫ ߕߟߋ߬ߘߐ߬ߟߊ ߡߊ߬߸ ߏ߬ ߡߍ߲ ߦߴߊ߬ ߟߊ߫ ߓߏ߲߬ߧߊ ߦߌ߬ߘߊ߬ ߟߊ߫.
ߡߊ߰ߙߌ ߟߋ߫ ߞߊ߬ ߝߢߐ ߞߟߏ߫ ߊ߲ ߧߍ߫ ߣߌ߫ ߡߍ߲ ߕߍ߫ ߊ߲ ߕߍ߫ ߛߋ߫ ߢߣߊߡߦߊ ߟߊ߫ ، ߊ߬ߟߋ ߟߋ߬ ߦߋ߫ ߛߊ߲ߖߌ ߟߊߖߌ߰ ߟߊ߫ ߒ߬ ߞߊ߲߬ ߞߊ߬ ߓߊ ߟߎ߬ ߣߌ߫ ߞߐ߭ ߟߎ߬ ߟߊߘߍ߬ ߊ߲ ߢߍ߫߸ ߊ߬ߟߋ ߟߋ߬ ߞߵߊ߲ ߓߊߟߏ߫ ߞߵߊ߲ ߠߊߕߊ߲߬ߞߊ߫ ߞߵߊ߬ ߕߘߍ߬ ߊ߲ ߕߘߍ߬ ߘߋ߲ߣߍ߲߫ ߠߋ߬ ߘߌ߫ ߊ߲ ߣߊ߫ ߟߎ߬ ߞߣߐ߫ ߞߵߊ߬ ߕߘߍ߬ ߝߊ߲߬ߞߊ ߕߵ ߊ߲ ߠߊ߫، ߊ߬ߟߋ ߟߋ߬ ߖߋ߬ߟߌ ߟߊߕߊ߯ߡߊ߲߫ ߠߊ߫ ߒ߬ ߛߌߛߊ߲ ߠߎ߬ ߘߐ߫ ߞߵߊ߬ ߘߊߡߌ߬ߣߊ߬ ߒ߬ ߡߏߦߌ ߡߊ߬ ߤߊ߲߯ ߒ߬ ߘߌ߫ ߛߊ߬.
ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴾ߊߟߊ߫ ߟߋ߫ ߞߵߊߟߎ߫ ߟߊߓߐ߫ ߊߟߎ߫ ߣߊ߫ ߟߎ߫ ߘߓߍ ߟߎ߬ ߘߐ߫ ߞߵߊ߬ ߕߘߍ߬ ߊߟߎ߫ ߕߍ߫ ߝߏߦߌ߬ ߟߐ߲߫ ߠߊ߫ ߸ ߊ߬ ߞߊ߬ ߕߟߏߘߋ߲ ߣߌ߫ ߢߊ ߟߎ߬ ߣߌ߫ ߛߣߐ߬ߡߍ ߟߎ߬ ߞߍ߫ ߊߟߎ߫ ߟߊ߫ ߸ ߛߴߊߟߎ߫ ߘߴߊ߬ ߞߏߢߌߡߊߟߐ߲߫﴿ [ ߁߆:߇߈]
ߡߊ߰ߙߌ ߓߊ߬ߕߏ߬ߕߊ ߝߏ߫ ߊ߬ ߦߋ߫ ߡߊ߲߬ߞߕߎ߬ ߘߝߊߟߌ ߟߋ߬ ߟߊ߫
ߊ߲ ߘߊ߲ߓߊ߮ ߞߴߊ߲ ߤߊ߬ߙߌ߬ߖߍ߰ ߤߊ߲ߞߟߌ߫ ߟߊ߫ ߡߍ߲ ߦߴߊ߬ ߟߊ߫ ߓߏ߲߬ߧߊ ߦߌ߬ߘߊ߬ ߟߊ߫ ߸ ߛߎ߲ߞߎ߲߫ ߡߏߦߌߣߍ߲߫ ߠߋ߬ ߊ߲ ߓߟߏ߫ ߡߍ߲ ߦߴߊ߬ ߟߊ߫ ߘߝߊߟߌ ߦߌ߬ߘߊ߬ ߟߊ߫߸ ߊ߬ ߘߏ߲߬ ߕߴߛߋ߫ ߡߊ߲߬ߞߕߎ߬ ߟߊ߫ ߘߝߊߓߊߟߌߦߊ ߟߊ߫.
ߓߊ߬ߕߏ ߞߊ߫ ߞߊ߲߫ ߞߊ߬ ߞߍ߫ ߊߟߊ߫ ߞߘߐߕߊ߬ߣߍ߲߬ߓߊ ߞߋߟߋ߲߫ ߘߐߙߐ߲߫ ߠߋ߬ ߦߋ߫، ߓߊߏ߬ ߊ߬ߟߋ ߟߋ߬ ߘߝߊߣߍ߲߫ ߘߌ߫߸ ߊ߬ߟߋ ߟߋ߬ ߣߌ߫ ߓߊ߬ߕߏ ߞߊ߫ ߞߊ߲߫߸ߝߋ߲-ߏ-ߝߋ߲߬ ߓߊ߬ߕߏ߬ߣߍ߲߫ ߊ߬ߟߋ߬ ߕߍ߫، ߏ߬ ߝߋ߲߫ ߘߐߞߏߟߏ߲ ߠߋ߬߸ ߊ߬ ߘߝߊߣߍ߲߫ ߕߍ߫، ߊ߬ ߘߏ߲߬ ߦߋ߫ ߛߊ߬ߦߊ ߣߌ߫ ߕߏ߲ߓߏ߲ ߠߋ߬ ߘߌ߫.
ߓߊ߬ߕߏ߬ߕߊ ߕߍ߫ ߛߋ߫ ߞߍߟߊ߫ ߡߐ߰ ߘߌ߫ ߥߟߊ߫ ߖߏ߬ ߥߟߊ߫ ߦߙߌ߫ ߥߟߊ߫ ߓߌߦߊ߲߫ !
ߊ߬ ߕߍ߫ ߓߍ߲߬ ߤߊߞߟߌߡߊ ߦߋ߫ ߞߊ߬ ߝߋ߲߫ ߜߘߍ߫ ߓߊ߬ߕߏ߬ ߝߏ߫ ߘߝߊߣߍ߲ ߊ߬ ߘߌ߫ ߛߋ߫ ߘߊ߲ߝߋ߲߫ ߓߊ߬ߕߏ߬ ߟߊ߫ ߘߌ߬ ߸ ߊ߬ ߞߊ߫ ߝߌ߬ߛߊ߬ ߡߍ߲߫ ߘߌ߫
ߕߌ߱ ߕߴߛߋ߫ ߞߍ߫ ߟߊ߫ ߢߋߙߌ߲߫ ߘߌ߫ ߡߛߏ߬ ߞߣߐ߫ ߸ ߞߴߊ߬ ߦߋ߫ ߥߟߏ߫ ߦߏ߫ ߘߋߣߍ߲ ߠߎ߬ ߦߋ߫ ߥߟߏ߫ ߟߊ߫ ߢߊ ߡߍ߲!
ߕߌ߱ ߟߋ߫ ߞߊ߬ ߘߊ߲ߝߋ߲ ߠߎ߬ ߘߊ߲߫ ߸ ߘߊ߲ߝߋ߲ ߠߎ߬ ߝߣߊ߫ ߦߴߊ߬ ߟߊ߫ ߡߊ߬ߙߊ ߟߋ߬ ߞߣߐ߫ ߊ߬ ߣߴߊ߬ ߟߊ߫ ߞߙߊߓߊߟߌ ߸ ߡߐ߱ ߟߎ߬ ߕߴߛߋ߫ ߕߙߐ߫ ߟߊ߫ ߛߋ߫ ߟߴߊ߬ ߡߊ߬߸ ߡߐ߰ ߛߌ߫ ߕߴߛߋ߫ ߊ߬ ߓߊߙߊ߲ߕߏ߫ ߟߊ߫ ߸ ߞߵߊ߬ ߕߙߐ߫߸ ߥߟߊ߫ ߞߵߊ߬ ߡߊߟߏߦߊ߫!
ߕߌ߱ ߕߴߛߋ߫ ߛߊ߬ ߟߊ߫!
ߡߊ߰ߙߌ ߟߋ߬ ߕߍ߫ ߢߌ߬ߣߊ߬ ߟߊ߫ ߊ߬ ߕߍ߫ ߛߌ߬ߣߐ߰ ߟߊ߫ ߊ߬ ߕߍ߫ ߘߊߥߎ߲ߠߌ߲߫ ߞߍ߫ ߟߊ߫ ߊ߬ߟߋ ߟߋ߬ ߞߊߓߏ߲߬ ߊ߬ ߕߍ߫ ߓߍ߲߬ ߞߏ߫ ߝߘߎߡߊ߫ ߦߋ߫ ߞߴߊ߬ ߓߟߏ߫ ߞߎߡߊߕߍ߫ ߘߋ߲ ߡߊ߬ ߸ ߒ߬ߓߊ߬ ߡߊ߲߬ߞߕߎ߫ ߓߟߋߓߟߋ ߟߎ߬ ߟߋ߬ ߘߊ߲ߓߊ߮ ߟߊ߫ ߸ ߊ߬ ߕߴߛߋ߫ ߡߊ߲߬ߞߕߎ߬ ߟߊ߫ ߡߊ߬ߞߏߕߐ߬ߦߊ ߣߌ߫ ߘߢߊ ߟߊ߫ ߝߋߎ߫ ߸ ߞߟߏߜߍ ߓߍ߯ ߡߍ߲ ߠߎ߬ ߦߋ߫ ߝߋ߲-ߏ-ߝߋ߲߬ ߘߌ߫ ߡߍ߲ ߠߎ߬ ߦߋ߫ ߘߊ߲ߓߊ߮ ߟߊ߫ ߓߏ߲߬ߧߊ ߢߍߕߍ߰ ߟߊ߫߸ ߡߍ߲ ߠߎ߬ ߦߋ߫ ߟߊߝߐ߫ ߟߊ߫ ߟߊ߬ߝߐ߬ߓߊ߮ ߟߎ߬ ߡߊ߬߸ ߏ߬ ߟߎ߬ ߦߋ߫ ߞߟߏߜߍ߫ ߡߊߕߌߢߍߣߍ߲ ߠߎ߫ ߟߋ߬ ߘߌ߫߸ ߊ߬ߟߎ߬ ߕߍ߫ ߡߎߛߊ߫ ߣߌ߫ ߌߛߊ߫ ߣߌ߫ ߟߊ߬ߝߐ߬ߓߊ߮ ߜߘߍ ߟߎ߬ ߣߊ߬ߣߍ߲ ߘߌ߫ ߞߛߌ ߣߌ߫ ߖߐ ߦߴߊߟߎ߬ ߦߋ߫.
ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ : { ߤߍ߲߬ ߊߟߎ߬ ߡߐ߱ ߟߎ߬ ߸ ߛߊ߲߬ߘߊ߫ ߟߋ߬ ߟߊߣߍ߲߫ ߊߟߎ߫ ߦߋ߫ ߣߌ߲߬ ߊߟߎ߫ ߦߴߊߟߎ߫ ߕߟߏߡߊߟߐ߬ ߏ߬ ߟߊ߫ ، ߊߟߎ߫ ߦߋ߫ ߝߋ߲ ߡߍ߲ ߠߎ߬ ߞߟߌ߫ ߟߊ߫ ߞߵߊߟߊ߫ ߕߏ߫ ߣߌ߲߬ ߸ ߏ߬ ߟߎ߬ ߕߴߛߋ߫ ߟߌߡߐ߯ ߘߊ߲߫ ߠߊ߫ ߤߟߴߊ߬ߟߎ߬ ߓߊ߯ ߊ߬ߟߎ߬ ߟߊߘߍ߬ ߏ߬ ߞߊߡߊ߬ ߟߋ߬ ، ߣߌ߫ ߟߌߡߐ߮ ߝߊ߲߭ ߞߊ߬ ߝߋ߲ ߘߏ߫ ߓߏ߬ߛߌ߫ ߊ߬ߟߎ߬ ߟߊ߫ ߊ߬ߟߎ߬ ߕߍ߫ ߛߴߏ߬ ߡߊߛߐ߬ߘߐ߲߬ ߠߴߏ߬ ߟߊ߫ ، ߓߊ߬ߕߏ߬ߟߊ ߣߌ߫ ߓߊ߬ߕߏ߬ߕߊ ߟߊ߫ ߝߊߥߏ ߟߴߏ߬ ߘߌ߫ ߞߟߋ߫ }( ߇߃) ߊ߬ߟߎ߬ ߡߴߊߟߊ߫ ߓߏ߲߬ߧߴߊ߬ ߓߏ߲߬ߧߊ߬ߢߊ ߕߌ߯ߕߌ߮ ߞߊ߲߬، ߊߟߊ߫ ߦߋ߫ ߝߊ߲߬ߞߊ߬ߡߊ߫ ߣߌ߬ߣߌ߬ߟߊ߫ ߟߋ߬ ߘߌ߫ ߘߋ߬ [ ߂߂: ߇߃-߇߄].
ߦߊ߯ߟߊ߫ ߦߟߌ ߘߌ߫ ߛߐ߲߬ ߊ߬ ߡߊ߬ ߞߏ߫ ߘߊ߲ߓߊ߮ ߘߌ߫ ߛߋ߫ ߒ߬ ߕߏ߫ ߟߊ߫ ߣߌ߫ ߦߟߌߘߏ߲ ߕߍ߫ ؟
ߦߊ߯ߟߊ߫ ߊߟߊ߫ ߓߴߛߋ߫ ߘߊ߲ߝߋ߲ ߡߍ߲ ߠߎ߬ ߓߍ߯ ߘߊ߲߫ ߣߊ߫ ߕߋ߲߬ ߞߵߊ߬ ߕߘߍ߬ ߟߊ߬ߢߌߣߌ߲ ߕߍ߫ ߥߟߊ߫ ߞߎ߲߬ ߕߍ߫ ߸ ߦߊ߯ߟߊ߫ ߊ߬ ߞߵߊ߬ ߘߊ߲߫ ߜߊ߲ߛߊ߲߫ ߠߋ߬ ߞߵߊ߬ ߕߘߍ߬ ߊ߬ߟߋ ߟߋ߬ ߥߘߋ߬ߥߘߋ߬ߟߌ߬ߟߊ ߟߐ߲ߠߌߟߊ ߘߌ߬ ؟
ߊ߬ ߝߐ߫ ߤߊ߲ߞߟߌ ߘߌ߫ ߛߐ߲߬ ߞߏ߫ ߡߍ߲ ߞߴߊ߲ ߘߊ߲߫ ߞߊ߬ ߒ߬ ߘߊߟߌ߫ ߟߊߢߊ߭ ߞߊ߬ߓߊ߲߫ ߞߊ߬ ߝߋ߲߫ ߠߎ߫ ߞߟߏ߫ ߒ߬ ߧߍ߫ ߡߍ߲ ߦߋ߫ ߛߊ߲ ߠߎ߬ ߣߌ߫ ߘߎ߱ ߘߐ߫ ، ߏ߬ ߦߋ߫ ߒ߬ߠߎ߬ ߘߊ߲߫ ߣߌ߫ ߞߎ߲߬ ߕߍ߫ ߥߟߊ߫ ߞߊ߬ ߒ߬ ߕߏ߫ ߦߋ߲߬ ߣߌ߫ ߖߋ߬ߓߌ߬ߦߊ߬ߟߌ ߕߍ߫ ߒ߬ ߖߘߍ ߢߌ߬ߣߌ߲߬ߞߊ߬ ߞߏ߫ ߓߍ߯ ߘߐ߫ ߡߎߣߊ߲ߝߊ߲ߕߊ ߡߊ߬ ، ߦߏ߫ : ߊ߲ ߧߋ߫ ߦߊ߲߬ ߡߎ߲߬ ߘߐ߫ ؟ ߡߎ߲߬ ߦߋ߫ ߛߊ߬ߦߊ ߞߐ߫ ؟ ߊ߬ ߣߌ߫ ߊ߲ߠߎ߬ ߘߊ߲ߞߎ߲߫ ߦߋ߫ ߡߎ߲ߘߌ ߓߊ߬?
ߊߟߊ߫ ߞߊ߬ ߞߋߟߊ ߟߎ߬ ߗߋ߫ ߟߋ߬ ߛߴߊ߲ ߘߌ߫ ߒ߬ ߠߊ߫ ߘߎߢߊߘߐߕߍ߮ ߞߎ߲߭ ߟߐ߲߫߸ ߊ߬ ߣߴߊ߬ ߦߋ߫ ߡߍ߲ ߞߐ߫ ߊ߲ ߝߍ߬ !
ߊߟߊ߫ ߟߋ߬ ߞߊ߬ ߞߋߟߊ ߟߎ߬ ߗߋ߫ ߞߴߊ߲ ߖߊ߲߬ߓߌ߬ߟߊ߬ ߞߴߊ߬ ߞߋߟߋ߲߫ ߔߋ ߟߋ߬ ߓߊ߬ߕߏ߬ ߞߊߡߊ߲߫ ، ߞߊߓߊ߲߫ ߞߊ߬ ߒ߬ ߞߊߙߊ߲ ߊ߬ ߓߊ߬ߕߏ߬ ߢߊ ߟߊ߫ ، ߞߵߊ߬ ߟߊ߫ ߗߋߞߊ߲ ߟߊߛߋ߫ ߊ߲ ߡߊ߬ ߊ߬ߣߴߊ߬ ߕߊߣߊ߬ ߟߎ߫ ، ߝߣߊ߫ ߞߊ߬ ߒ߬ ߞߊ߬ߙߊ߲߬ ߞߏ ߡߐ߬ߟߐ߲߬ߡߊ ߟߎ߬ ߟߊ߫ ߌ ߓߊ߫ ߡߍ߲ ߞߍ߫ ߌ ߘߌ߫ ߤߙߊ߫ ߣߌ߫ ߓߙߊߞߊ߫ ߛߌߦߊߡߊ߲ ߛߐ߬ߘߐ߲߬
ߊߟߊ߫ ߟߋ߬ ߞߊ߬ ߞߋߟߊ ߛߌߦߊߡߊ߲߫ ߠߎ߬ ߗߋ߫ ߸ ߦߏ߫ (ߣߎߤߊ߲߫ ߸ ߌߓߎ߬ߙߊ߬ߤߌߡߊ߫ ߸ ߡߎߛߊ߫ ߣߌ߫ ߌߛߊ߫ ) ߊߟߊ߫ ߞߊ߬ ߡߊ߲߬ߕߊ߬ߣߌ߬ߡߊ߬ߞߏ ߣߌ߫ ߞߓߊߞߏߦߊ߫ ߛߌߦߊߡߊ߲߫ ߘߌ߫ ߞߋߟߊߘߋ߲ ߏ߬ ߟߎ߫ ߡߊ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߘߊ߲ߓߊ߮ ߟߋ߬ ߞߵߊ߬ߟߎ߬ ߗߋ߫.
ߞߋߟߊ ߟߎ߬ ߟߊߓߊ߲߫ ߦߋ߫ ߡߊ߬ߡߊ߬ߘߌ߬ (ߡߎ߬ߤ߭ߊߡߡߊߘ) ߞߛߌ ߣߌ߫ ߣߍߡߊ ߦߴߊ߬ ߦߋ߫ ߟߋ߬ ߘߌ߫ ߸ ߞߎ߬ߙߊ߬ߣߊ߬ ߞߊߟߊ߲ߞߋ ߖߌ߰ ߘߊ߫ ߊ߬ߟߋ߬ ߟߋ߬ ߡߊ߬.
ߞߋߟߊ ߟߎ߬ ߞߵߊ߬ ߦߌ߬ߘߊ߬ ߒ߬ ߠߊ߫ ߜߍߦߊ ߓߟߏ߫ ߡߊ߬ ߞߏ߫ ߘߎߢߊ߫ ߢߣߊߡߦߊ ߣߌ߲߬ ߦߋ߫ ߞߘߐߓߐߟߌ ߟߋ߬ ߘߌ߫ ߞߏ߫ ߢߣߊߡߦߊ߫ ߖߍ߬ߘߍߖߍ߬ߘߍ ߦߋ߫ ߛߊ߬ߦߊ ߟߋ߬ ߞߐ߫
ߝߣߊ߫ ߡߍ߲ߘߌߦߊ߫ ߣߊߞߐ ߦߋ߫ ߟߌ߬ߡߣߊ߬ߦߊ߬ߓߊ߮ ߟߎ߬ ߟߋ߬ ߦߋ߫ ߡߍ߲ ߠߎ߬ ߞߊ߬ ߊߟߊ߫ ߞߋߟߋ߲߫ ߔߋ ߓߊ߬ߕߏ߬ ߜߙߊ߬ߢߐ߲߮ ߕߴߊ߬ ߟߊ߫ ߊ߬ ߣߴߊ߬ߟߎ߬ ߟߌ߬ߡߣߊ߬ߦߊ߬ ߘߊ߫ ߞߋߘߋ߲ ߠߎ߬ ߓߍ߯ ߡߊ߬ ߞߐߘߍ߫. ߒ߬ߓߊ߬ ߕߊ ߟߋ߬ ߦߋ߲߬ ߡߍ߲߫ ߘߐߓߍ߲߬ߣߍ߲߫ ߓߊ߲߬ߓߊ ߟߎ߬ ߦߋ߫ ߡߍ߲ ߠߎ߬ ߞߊ߬ ߓߊ߬ߕߏ߬ߕߊ߬ ߜߘߍ ߝߙߊ߬ ߊߟߊ߫ ߞߊ߲߬ ، ߥߟߊ߫ ߞߊ߬ ߞߊߝߙߌߦߊ߫ ߞߋߘߋ߲ ߘߏ߫ ߟߎ߫ ߡߊ߬ ߞߋߟߊߡߐ߮ ߟߎ߬ ߘߐ߫.
ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :
{ ߤߍ߲߬ ߊߟߎ߬ ߊߘߡߊߘߋ߲ ߠߎ߬ ߸ ߣߌ߫ ߞߋߟߊ ߘߏ߫ ߟߎ߫ ߣߊ߬ ߘߊ߫ ߣߵߊߟߎ߫ ߡߊ߬ ߞߊ߬ ߓߐ߫ ߊߟߎ߫ ߖߍ߬ߘߍ ߘߐ߫ ߸ ߡߍ߲ ߠߎ߬ ߦߋ߫ ߒ߬ ߠߊ߫ ߟߝߊߙߌ ߟߎ߫ ߘߊ߲߬ߕߍ߰ ߟߴߊߟߎ߫ ߦߋ߫، ߡߍ߲ ߓߊ߯ ߊ߬ ߝߊ߲ߕߊ߲߬ߞߊ߫ ߏ߬ ߘߐ߫ ߞߊ߬ ߟߢߊ߬ߟߌ ߞߍ߫ ߸ ߛߌߟߊ߲߫ ߕߍ߫ ߞߍ߫ ߏ߬ ߟߎ߬ ߟߊ߫ ߸ ߊ߬ߟߎ߫ ߘߏ߲߬ ߕߍߣߊ߫ ߛߎ߬ߣߎ߲߬ ߠߊ߫ ( ߃߅) ߡߍ߲ ߠߎ߬ ߓߊ߯ ߒ ߠߊ߫ ߟߝߊߙߌ ߟߎ߬ ߡߊߛߐ߬ߛߐ߬ ߛߊ߫ ߞߵߊ߬ߟߎ߫ ߖߘߍ߬ߘߐߓߏ߲߬ߧߴߊ߬ߟߎ߫ ߡߊ߬߸ ߏ߬ ߟߎ߫ ߟߋ߬ ߞߍߕߐ߫ ߕߊ ߘߏ߲߬ߞߏ ߟߎ߬ ߘߌ߫ ߸ ߊ߬ߟߎ߫ ߘߏ߲߬ ߕߏߕߐ߫ ߦߋ߲߬ ߠߋ߬ ߞߘߊߎ߫( ߃߆) [ ߇:߃߅-߃߆].
ߡߊ߲ߛߊ ߛߊߣߌ߲ ߞߊ߲߫ ߞߏ߫: ﴾ߊߟߎ߫ ߦߴߊ߬ ߖߊ߬ߕߋ߬ ߟߊ߫ ߟߋ߬ ߞߏ߫ ߊ߲ ߣߵߊߟߎ߫ ߘߊ߲߫ ߠߊ߫ ߟߋ߬ ߜߊ߲ߛߊ߲߫ ߓߊ߬ ߸ ߊ߬ ߣߌ߫ ߞߏ߫ ߊߟߎ߫ ߕߍߣߊ߬ ߟߊߛߊ߬ߦߌ߬ ߟߊ߫ ߊ߲ߠߎ߬ ߡߊ߬﴿ [ ߂߃:߁߁߅].
ߞߎ߬ߙߊ߬ߣߊ߬ ߞߊߟߊ߲ߞߋ
ߞߎ߬ߙߊ߬ߣߊ߬ ߞߊߟߊ߲ߞߋ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߠߋ߬ ߘߌ߫ ߊ߬ ߞߊ߬ ߡߍ߲ ߠߊ߫ ߖߌ߰ ߞߋߟߊ ߟߎ߬ ߟߊߓߊ߲ ߡߊ߬ߡߊ߬ߘߌ߬ (ߡߎ߬ߤ߭ߊߡߡߊߘ) ߡߊ߬ ߸ ߊ߬ߟߋ ߟߋ߬ ߦߋ߫ ߡߊ߲߬ߕߊߣߌ߲ ߠߎ߬ ߓߍ߯ ߘߐ߫ ߓߟߋ߬ߓߟߋ ߘߌ߫ ߡߍ߲ ߦߋ߫ ߡߊ߬ߡߊ߬ߘߌ߬ (ߡߎߤ߭ߊߡߡߊߘ) ߟߊ߫ ߟߊ߬ߝߐ߬ߓߊ߰ߦߊ ߕߎ߬ߢߊ߲߬ߕߋ߬ߦߊ ߟߊ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ ߊ߬ ߦߋ߫ ߕߎ߬ߢߊ ߟߋ߬ ߘߌ߫ ߊ߬ ߞߕߌ ߟߎ߬ ߣߴߊ߬ ߞߎ߲߬ߠߊ߬ߝߏߣߌ߲ ߠߎ߬ ߘߐ߫، ߊߟߊ߫ ߓߘߊ߫ ߥߎߦߊߝߐߟߊ ߟߎ߬ ߟߊߘߛߍ߫ ߞߏ߫ ߊ߬ߟߎ߬ ߦߋ߫ ߣߊ߬ ߝߐߘߊ ߞߋߟߋ߲߫ ߘߌ߫ ߞߊ߬ ߓߐ߫ ߞߎ߬ߙߊ߬ߣߊ ߣߌ߲߬ ߢߐ߲߰ ߘߐ߫، ߞߏ߬ߣߌ߲߬ ߊ߬ߟߎ߬ ߡߊ߫ ߛߋ߫ ߏ߬ ߟߊ߫ ߊ߬ ߟߊ߫ ߞߍߛߋ߲ ߗߋ߲߰ߧߊ ߣߴߊ߬ ߟߊ߫ ߞߎߡߊ߫ ߞߎ߬ߛߊ߲߬ߧߊ ߸ ߤߊ߲ߞߟߌ߫ ߟߊ߫ ߟߊߒߡߊ߫ ߛߌߦߊߡߊ߲߫ ߣߌ߫ ߟߐ߲ߞߏ߫ ߕߌߙߌ߲ߠߌ߲ ߞߏ߫ ߞߊ߬ߝߊ ߢߌ߲߬ ߕߴߛߋ߫ ߞߍ߫ ߟߊ߫ ߊߘߡߊߘߋ߲ ߠߊ߫ ߓߊ߯ߙߊ߫ ߘߌ߫ ߸ ߞߏ߫ ߊߘߡߊߘߋ߲ ߡߊ߰ߙߌ ߞߎߡߊߞߊ߲ ߠߋ߬ ߡߊ߰ߙߌ߬ ߛߊߣߌ߲ ߡߊ߰ߙߌ߬ ߞߘߐߕߊ߬ߣߍ߲߬ߓߊ.
ߞߋߟߊ ߟߎ߬ ߦߙߌߞߊ߫ ߘߊ߫ ߡߎ߲߬ ߘߐ߫ ؟
ߊߟߊ߫ ߞߊ߬ ߞߋߟߊ ߟߎ߬ ߗߋ߫ ߞߊ߬ߓߌ߯ ߘߊߡߌߣߊ߫ ߕߎߡߊ ߖߐ߲߬ߛߴߊ߬ߟߎ߬ ߘߌ߫ ߡߐ߱ ߟߎ߬ ߥߟߋ߫ ߊ߬ߟߎ߬ ߡߊ߰ߙߌ ߡߊ߬ ߸ ߞߵߊ߬ ߟߊ߫ ߟߐ߬ߒ߬ߗߋ߬ߟߊ ߟߎ߬ ߣߴߊ߬ ߕߊ߬ߣߊ ߟߎ߬ ߟߊߛߋ߫ ߸ ߊ߬ߟߎ߫ ߕߘߍ߬ ߓߍ߯ ߟߊ߫ ߥߟߋߟߌ ߕߘߍ߬ ߦߋ߫ : ߊߟߊ߫ ߞߋߟߋ߲߫ ߔߋ ߓߊ߬ߕߏ߬ ߡߊ߬ ߡߊ߰ߙߌ߬ ߜߌߟߌ߲ ߡߊ߰ߙߌ߬ ߞߘߐߕߊ߬ߣߍ߲ ߸ ߣߌ߫ ߡߊ߲߬ߕߏ߲ ߘߏ߫ ߞߊ߬ ߝߋ߲߫ ߓߌ߬ߟߵߊ߬ ߟߊ߫ ߞߋߟߊ ߣߊ߬ߣߍ߲ ߡߍ߲ ߘߐ߫ ߸ ߊߟߊ߫ ߞߋ߬ߟߋ߲߬ߓߊ߰ߦߊ ߟߐ߬ߒ߬ߗߋ߬ߟߊ ߞߏ ߘߐ߫ ߸ ߊߟߊ߫ ߘߌ߫ ߞߋߟߊ ߜߘߍ߫ ߗߋ߫ ߛߌߟߊ ߟߊߢߊ߬ ߞߊߡߊ߬߸ ߞߊ߬ ߡߐ߱ ߟߎ߬ ߟߊߛߋ߬ߦߌ߬ ߛߌߟߊ߫ ߓߘߍ ߞߊ߲߬ ߊߟߊ߫ ߞߋ߬ߟߋ߲߬ߓߊ߰ߦߊ ߣߴߊ߬ ߟߊ߫ ߓߊ߬ߕߏ ߸ ߤߊ߲߯ ߊ߬ߟߎ߬ ߟߊ߫ ߓߊ߲߫ ߘߊ߫ ߡߊ߬ߡߊ߬ߘߌ߬ (ߡߎߤ߭ߊߡߡߊߘߏ) ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ߏ߬ ߡߍ߲ ߣߊ߬ ߘߊ߫ ߞߎ߬ߙߎ߲߬ߘߎ߬ ߘߎߡߊߣߍ߲ ߘߌ߫ ߊߘߡߊߘߋ߲ ߓߍ߯ ߦߋ߫ ߤߊ߲߯ ߥߟߌ߫ ߟߏ߲ ߸ ߏ߬ ߦߋ߫ ߞߎ߬ߙߎ߲߬ߘߎ߫ ߞߘߐ ߟߎ߫ ߟߋ߬ ߘߝߊ߫ ߟߊ߫ ߞߵߊ߬ߟߎ߬ ߟߊߥߟߌ߬߸ߡߊ߰ߙߌ߬ ߜߌߟߌ߲ ߞߘߐߕߊ߬ߣߍ߲ ߞߊ߬ ߛߊ߬ߙߌ߬ߦߊ ߣߌ߫ ߗߋߛߓߍ ߣߌ߲߬ ߓߟߏߡߦߊ߫ ߞߏ߫ ߊ߬ ߘߌ߫ ߕߴߊ߬ ߡߊ߬ ߝߏ߫ ߟߐ߬ߓߊ ߟߏ߲.
ߏ߬ ߟߋ ߞߏߛߐ߲߬ ߊ߲ ߠߎ߬ ߛߌ߬ߟߊ߬ߡߊ ߟߎ߬ ߦߋ߫ ߟߌ߬ߡߣߊ߬ߦߊ߬ߟߊ߫ ߦߏ߫ ߊߟߊ߫ ߞߵߊ߲ ߖߡߊ߬ߙߌ ߢߊ ߡߍ߲ - ߞߋߟߊ ߟߎ߬ ߣߌ߫ ߟߍߙߊ߫ ߕߊ߬ߡߌ߲߬ߣߍ߲ ߠߎ߬ ߓߍ߯ ߡߊ߬
ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: { ߞߋߟߊ ߓߘߊ߫ ߟߊ߫ ߟߍߙߊ ߟߊ߫ ߡߍ߲ ߠߊߖߌ߰ߣߴߊ߬ ߡߵߊ߬ ߡߊ߰ߙߌ ߓߟߏ߫ ߸ ߊ߬ ߣߌ߫ ߟߊߒߠߦߊߓߊ߮ ߟߎ߬، ߊ߬ߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊߣߍ߲߫ ߊߟߊ߫ ߟߊ߫߸ ߊ߬ ߟߊ߫ ߞߋ߲ߛߐ߲ ߠߎ߬ ߟߊ߫߸ ߊ߬ ߟߊ߫ ߟߍߙߊ ߟߎ߬ ߟߊ߫߸ ߊ߬ ߣߴߊ߬ ߟߊ߫ ߞߋߟߊ ߟߎ߬ ߟߊ߫، ( ߝߣߊ߫ ) ߊ߲ ߕߍ߫ ߘߊ߲߬ߕߍ߰ߓߐ߫ ߞߍ߫ ߡߐ߰ ߛߌ߫ ߕߍ߫ ߊ߬ ߟߊ߫ ߞߋߟߊ ߟߎ߬ ߘߐ߫، ߊ߬ߟߎ߬ ߞߊ߲߫ ߞߏ߫ ߊ߲ ߓߘߊ߫ ߡߍ߲ߠߌ߲ ߞߍ߫ ߸ ߞߊ߬ ߞߊ߲߫ ߡߌߘߊ ߞߍ߫، ߊ߲ ߧߴߌ ߟߊ߫ ߡߊ߬ߞߕߏ߬ߟߌ ߟߋ߫ ߝߍ߬ ߊ߲ ߡߊ߰ߙߌ ߸ ߊ߲ ߣߊ߬ߕߐ߬ ߟߊߓߊ߲߫ ߠߴߌߟߋ ߟߋ߫ ߡߊ߬ }. [ ߂:߂߈߅].
ߡߐ߰ ߕߍ߫ ߞߍ߫ ߟߌ߬ߡߣߊ߬ߦߊ߬ߓߊ߮ ߘߌ߫ ߝߏ߯ ߊ߬ ߦߋ߫ ߟߌ߬ߡߣߊ߬ߦߊ߬ ߞߋߟߊ ߟߎ߬ ߓߍ߯ ߟߋ߬ ߡߊ߬
ߊߟߊ߫ ߟߋ߬ ߞߊ߬ ߞߋߟߊ ߟߎ߬ ߗߋ߫߸ ߞߊ߬ ߘߊ߲ߝߋ߲ ߓߍ߯ ߖߡߊ߬ߙߌ߬ ߊ߬ߟߎ߬ ߟߊߓߊ߬ߕߏ߬ ߟߊ߫ ߸ ߡߍ߲ ߓߴߊ߬ ߓߊ߲߬ ߞߋߟߋ߲߫ ߔߋ ߟߊ߫ ߞߋߟߊߦߊ ߡߊ߬ ߏ߬ ߟߎ߬ ߘߐ߫ ߏ߬ ߕߌ߱ ߓߘߊ߫ ߓߊ߲߬ߓߊ߬ߦߊ߫ ߊ߬ߟߎ߬ ߓߍ߯ ߟߋ߫ ߡߊ߬ ߏ߬ ߘߌ߫ ߸ ߖߎ߯ߡߊ߲߫ ߓߟߋߓߟߋ߫ ߕߍ߫ ߦߋ߲߬ ߡߍ߲ ߕߊ߬ߡߌ߲߬ߣߍ߲߫ ߡߐ߱ ߞߍ߫ ߞߴߊ߬ ߓߊ߲߬ ߊߟߊ߫ ߟߊ߫ ߟߊ߬ߖߌ߰ߟߌ ߖߋ߬ߓߌ߬ ߟߊ߫، ߥߟߊߛߊ߫ ߞߊ߬ ߘߏ߲߬ ߊ߬ߙߌ߬ߖߣߍ߫ ߞߣߐ߫ ߝߏ߫ ߞߊ߬ ߘߍ߲߬ߞߣߍ߬ߦߊ߫ ߞߋߘߋ߲ ߠߎ߬ ߓߍ߯ ߡߊ߬ ߟߋ߬ ߞߐߘߍ߫.
ߡߍ߲߫ ߛߋ߲ߛߋߘߋ߲ߦߊߣߍ߲ ߓߍ߯ ߡߊ߬ ߥߊ߯ߕߌ߫ ߢߌ߲߬ ߠߊ߫ ߏ߬ ߟߋ߬ ߦߋ߫ ߘߍ߲߬ߞߣߍ߬ߦߊ߫ ߘߌ߫ ߗߋߘߋ߲ ߠߎ߬ ߓߍ߯ ߡߊ߬ ߞߐߘߍ߫ ߸ ߏ߬ ߕߴߛߋ߫ ߞߍ߫ ߟߊ߫ ߝߏ߫ ߞߊ߬ ߟߊߒߠߦߊ ߣߌ߫ ߟߓߊ߬ߕߏ߬ߟߌ ߞߍ߫ ߊ߬ߟߎ߬ ߟߊ߬ߓߊ߲ ߣߴߊ߬ߟߎ߫ ߞߎ߲߬ߘߏ߲߬ ߡߊ߬ߡߊ߬ߘߌ߬( ߡߎ߬ߤ߭ߊߡߡߊߘ )ߦߋ߫ ߟߋ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫
ߊߟߊ߫ ߞߵߊ߬ ߝߐ߫ ߞߎ߬ߙߣߊ߬ ߞߟߊߒߞߋ ߘߐ߫ ߞߏ߫ ߡߍ߲ ߓߴߊ߬ ߓߊ߲߬ ߟߌ߬ߡߣߊ߬ߦߊ߬ߟߊ߫ ߗߋߘߋ߲ ߛߎ-ߎ-ߛߎ߬ ߡߊ߬ ߊߟߊ߫ ߟߊ߫ ߞߋߟߊ ߟߎ߬ ߘߐ߫ ߸ ߒ߬ߓߊ߬ ߏ߬ ߕߌ߱ ߓߘߊ߫ ߓߊ߲߬ߓߊ߬ߦߊ߫ ߊߟߊ߫ ߡߊ߬ ߞߵߊ߬ ߟߊ߫ ߦߟߌߘߏ߲ ߥߎߦߊߒߕߋߦߊ߫ :
ߟߝߊߙߌ߫ ߣߊ߬ߕߐ ߢߌ߲߬ ߞߊ߬ߙߊ߲߬ : "ߡߍ߲ ߠߎ߬ ߦߋ߫ ߓߊ߲߬ߓߊ߰ߦߊ ߟߐ߬ ߟߴߊߟߊ߫ ߣߴߊ߬ ߟߊ߫ ߞߋߟߊ ߟߎ߫ ߡߊ߬߸ ߊ߬ ߣߴߊ߬ߟߎ߬ ߦߴߊ߬ ߝߍ߬ ߞߊ߬ ߘߊ߲߬ߝߘߊ߬ߓߐ ߞߍ߫ ߊߟߊ߫ ߣߴߊ߬ ߟߊ߫ ߞߋߟߊ ߟߎ߬ ߕߍ߫ ، ߞߵߊ߬ ߝߐ߫ ߛߐ߲߬ ߞߏ߫ ߊ߲ ߟߊߣߍ߲߫ ߘߏ߫ ߟߊ߫߸ ߊ߲ ߟߊߣߍ߲߫ ߕߍ߫ ߘߏ߫ ߟߊ߫߸ ߞߵߊ߬ ߟߊߥߟߌ߬ ߛߴߊ߬ߟߎ߬ ߘߌ߫ ( ߢߣߊ߫ ߞߏ ) ߛߌߟߊ߫ ߟߊߘߊ߲߫ ߏ߬ ߟߎ߬ ߕߍ߫ ߏ߬ ߟߎ߫ ߟߋ߫ ߦߋ߫ ߓߊ߲߬ߓߊ߮ ߖߍ߬ߘߍߖߍ߬ߘߍ ߟߎ߬ ߘߌ߫ ߸ ߊ߲ ߘߏ߲߬ ߣߊ߬ ߟߊ߬ߝߍߦߊ ߖߊ߲߰ߞߕߊ ߟߋ߬ ߘߐߓߍ߲߬ ߠߊ߫ ߓߊ߲߬ߓߊ߮ ߟߎ߬ ߦߋ߫﴿". [ ߄:߁߅߀-߁߅߁].
ߛߌ߬ߟߊ߬ߡߦߊ ߦߋ߫ ߡߎ߲ ߘߌ߫ ؟
ߛߌ߬ߟߡߊ߬ߦߊ ߦߋ߫ ߖߘߍ߬ߞߟߏ߬ߓߊ߰ߦߊ ߟߋ߬ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߊ߬ ߞߋ߬ߟߋ߲߬ߓߊ߰ߦߊ ߟߊ߫ ߸ ߞߴߌ ߡߊߖߌ߰ ߊ߬ ߢߍ߫ ߊ߬ ߞߊ߲ ߡߌ߬ߘߊ߬ߟߌ ߛߌߟߊ߫ ߝߍ߬ ߸ ߊ߬ ߣߌ߫ ߞߵߊ߬ ߟߊ߫ ߞߎ߬ߙߎ߲߬ߘߎ ߟߊߓߊ߬ߕߏ߬ ߊ߬ ߟߊ߫ ߘߌ߬ߢߍ ߣߌ߫ ߛߐ߲߬ߒ߬ߡߊ߬ߟߌ ߛߌߟߊ ߝߍ߬.
ߊߟߊ߫ ߞߊ߬ ߞߋߟߊߘߋ߲ ߠߎ߬ ߗߋ߫ ߗߋߞߊ߲ ߞߋߟߋ߲߫ ߔߋ߫ ߟߋ߫ ߘߌ߫ ߸ ߏ߬ ߟߋ ߞߵߊ߬ߟߎ߬ ߥߟߋ߫ ߊߟߊ߫ ߞߋߟߋ߲߫ ߔߋ ߓߊ߬ߕߏ߬ ߡߊ߬ ߜߙߊ߬ߢߐ߲߮ ߕߴߊ߬ ߟߊ߫.
ߛߌ߬ߟߡߊ߬ߦߊ ߦߋ߫ ߟߊ߬ߝߐ߬ߓߊ߮ ߟߎ߬ ߓߍ߯ ߟߊ߫ ߘߌ߯ߣߊ߫ ߟߋ߬ ߘߌ߫ ߸ ߊ߬ߟߎ߬ ߟߊ߫ ߥߟߋߟߌ ߓߍ߯ ߦߋ߫ ߞߋߟߋ߲߫ ߠߋ߬ ߘߌ߫ ߸ ߊ߬ߟߎ߬ ߟߊ߫ ߛ߭ߊ߬ߙߌ߬ߦߊ ߟߎ߬ ߟߋ߬ ߓߐߣߍ߲߫ ߢߐ߲߮ ߡߊ߬ ߸ ߛߌ߬ߟߊ߬ߡߊ ߟߎ߬ ߟߋ߬ ߞߋߟߋ߲߫ ߦߋ߫ ߘߌ߯ߣߊ߫ ߕߋߟߋ߲ߣߍ߲ ߞߊ߲߬ ߓߌ߬ ߟߊ߬ߝߐ߬ߓߊ߮ ߟߎ߬ ߓߍ߯ ߣߊ߬ ߘߊ߫ ߡߍ߲ ߘߌ߫ ߸ ߛߌ߬ߟߡߊ߬ߦߊ߫ ߗߋߛߓߍ ߟߋ߬ ߦߋ߫ ߕߎ߬ߢߊ ߘߌ߫ ߓߌ߬ ߥߊ߯ߕߌ߫ ߢߌ߲߬ ߠߊ߫ ߸ ߡߊ߰ߙߌ ߡߍ߲ ߞߊ߬ ߌߓߎ߬ߙߊ߬ߤߌߡߊ߫ ߣߌ߫ ߡߎߛߊ߫ ߣߌ߫ ߌߛߊ߫ ߗߋ߫ ߏ߬ ߟߋ߫ ߞߊ߬ ߞߋߟߊ ߟߎ߬ ߟߊߓߊ߲ ߡߊ߬ߡߊ߬ߘߌ߬ (ߡߎߤ߭ߊߡߡߊߘ) ߗߋ߫ ߸ ߛߌ߬ߟߡߊ߬ߦߊ߫ ߞߎ߬ߙߎ߲߬ߘߎ ߣߊ߬ ߘߊ߫ ߸ ߞߊ߬ ߞߎ߬ߙߎ߲߬ߘߎ ߟߎ߬ ߟߊߥߟߌ߬ ߡߍ߲ ߠߎ߫ ߣߊ߬ ߘߴߊ߬ ߢߍ߫.
ߡߐ߱ ߟߎ߬ ߦߋ߫ ߓߊ߬ߕߏ ߞߍ߫ ߟߊ߫ ߘߌ߯ߣߊ߫ ߡߍ߲ ߠߎ߬ ߟߊ߫ ߓߌ߬- ߛߌ߬ߟߡߊ߬ߦߊ߫ ߓߐ߲ߕߍ߫- ߏ߬ ߟߎ߬ ߦߋ߫ ߘߌ߯ߣߊ߫ ߟߎ߫ ߟߋ߬ ߘߌ߫ ߊߘߡߊߘߋ߲ ߠߎ߬ ߞߊ߬ ߡߍ߲߫ ߠߎ߬ ߛߌ߲ߘߌ߫ ߸ ߥߟߊ߫ ߊߟߊ߫ ߘߌ߯ߣߊ߫ ߟߎ߬ ߟߋ߫ ߕߘߍ߬ ߓߊ߬ߙߌ߬ ߊߘߡߊߘߋ߲ ߠߎ߬ ߟߋ߫ ߞߵߊ߬ ߦߟߍ߬ߡߊ߲߬ ߞߵߊ߬ ߟߊߓߊ߲߫ ߛߌߙߌ߲ߕߐ ߟߎ߬ ߣߌ߫ ߛߌߙߌ߲߫ ߕߏ߲ߓߏ߲ ߠߎ߬ ߣߌ߫ ߡߐ߱ ߟߎ߬ ߟߊ߫ ߖߌߖߊ߫ ߢߊ߯ߡߌ߲ߣߍ߲ ߠߎ߬ ߘߌ߫߸ ߒ߬ߓߊ߬ ߛߌ߬ߟߊ߬ߡߊ ߟߎ߬ ߟߊ߫ ߛߣߐ߬ߡߍ߬ߘߐ߬ߦߊ ߦߋ߫ ߞߋߟߋ߲߫ ߔߋ ߟߋ߬ ߘߌ߫ ߊ߬ ߟߊߥߛߊ߬ߣߍ߲ ߊ߬ ߕߍ߫ ߦߟߍ߬ߡߊ߲߬ ߠߊ߫ ߞߎ߬ߙߣߊ߬ ߞߟߊߒߞߋ ߘߐߜߍ߫ ߞߝߊ߬ ߞߋߟߋ߲߫ ߔߋ ߟߋ߬ ߛߌ߬ߟߡߊ߬ ߛߏ ߓߍ߯ ߞߣߐ߫.
ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߎ߬ߙߊ߬ߣߊ ߘߐ߫:
ߊ߬ ߝߐ߫ ߞߏ߫ ߊ߲ߠߎ߬ ߓߘߊ߫ ߟߌ߬ߡߣߊ߬ߦߴߊߟߊ߫ ߡߊ߬ ߸ ߊ߬ ߣߌ߫ ߝߋ߲߫ ߡߍ߲ ߠߎ߬ ߟߊߖߌ߰ߣߍ߲ ߊ߲ ߡߊ߬ ߸ ߊ߬ ߣߌ߫ ߝߋ߲߫ ߡߍ߲ ߠߎ߬ ߟߊߖߌ߰ߣߍ߲ ߌߓߎ߬ߙߊ߬ߤߌߡߊ߫ ߣߴߌߛߌ߬ߡߊ߬ߌߟߊ߫ ߣߴߌߛߌ߬ߤߊ߯ߞߊ߫ ߣߌ߫ ߦߊ߬ߞߎߓߊ߫ ߣߌ߫ ߓߊߓߏ߲ ߠߎ߫ ߡߊ߬، ߊ߬ ߣߌ߫ ߝߋ߲߫ ߡߍ߲ ߘߌ߫ ߘߊ߫ ߡߎߛߊ߫ ߣߴߌߛߊ߫ ߣߌ߫ ߟߊ߬ߝߐ߬ߓߊ߮ ߟߎ߬ ߡߵߊ߬ߟߎ߫ ߕߌ߭ ߓߟߏ߫، ߊ߲ߠߎ߬ ߕߍ߫ ߘߊ߲߬ߝߘߊ߬ߓߐ߫ ߘߏ߲߬ ߠߊ߫ ߞߋߟߋ߲߫ ߛߌ߫ ߕߍ߫ ߏ߬ ߟߎ߬ ߘߐ߫، ߊ߲ߠߎ߬ ߞߟߏߣߍ߲߫ ߊ߬ߟߋ ߟߋ߬ ߦߋ߫( ߈߄) ߡߍ߲ ߓߊ߯ ߛߌ߬ߟߡߊ߬ߦߊ ߕߊ߬ߣߊ߫ ߢߌߣߌ߲߫ ߘߌ߯ߣߊ߫ ߘߌ߫ ߸ ߒ߬ߓߵߏ߬ ߕߍ߫ ߡߌ߬ߘߴߏ߬ ߟߊ߫ ߡߎ߰ߡߍ߫، ߏ߬ ߘߏ߲߬ ߛߏߟߊߓߊߓߣߐ߬ߓߊ߮ ߟߎ߬ ߘߏ߫ ߟߋ߬ ߘߌ߫( ߈߅) [ ߃:߈߄-߈߅].
ߛߌ߬ߟߊ߬ߡߊ ߟߎ߬ ߦߋ߫ ߡߎ߲߬ ߛߌ߬ߘߌ߲߬ߒߞߣߐ߬ߟߊ߫ ߌߛߊ߫ ߟߊ߫ ߞߏ ߘߐ߫ ؟
ߦߊ߯ߟߊ߫ ߌ ߞߵߊ߬ ߟߐ߲߫ ߓߊ ߞߏ߫ ߊ߬ ߛߋ߲ߛߋߘߋ߲ߧߊߣߍ߲ ߛߌ߬ߟߊ߬ߡߊ ߟߎ߬ ߞߊ߲߬ ߞߵߊ߬ߟߎ߬ ߦߋ߫ ߘߍ߲߬ߞߣߍ߬ߦߊ߬ ߊߟߊ߫ ߟߊ߫ ߟߊ߬ߝߐ߬ߓߊ߮ ߌߛߊ߫ ߡߊ߬ ߞߵߊ߬ ߞߊ߬ߣߌ߲߬ ߞߵߊ߬ ߓߏ߬ߢߊ߬ ߞߊ߬ ߘߍ߲߬ߞߣߍ߬ߦߊ߫ ߊ߬ ߟߊ߫ ߗߋߛߓߍ ߡߊ߬ ߏ߬ ߡߍ߲ ߦߋ߫ ߥߋ߯ߟߋߟߌ ߘߌ߫ ߊߟߊ߫ ߞߋߟߋ߲߫ ߔߋ ߓߊ߬ߕߏ߬ ߡߊ߬ ߜߙߊ߬ߢߐ߲߮ ߕߴߊ߬ ߟߊ߫! ߛߌ߬ߟߊ߬ߡߊ ߟߎ߬ ߘߍ߲߬ߞߣߍ߬ߦߊ߬ߣߍ߲߫ ߞߏ߫ ߌߛߊ߫ ߣߌ߫ ߡߊ߬ߡߊ߬ߘߌ߬( ߡߎ߬ߤ߭ߊߡߡߊߘ ) ߦߋ߫ ߊߟߊ߫ ߟߊ߫ ߟߊ߬ߝߐ߬ߓߊ߮ ߟߎ߫ ߟߋ߬ ߘߌ߫ ߞߛߌ ߣߌ߫ ߣߍߡߊ ߦߴߊ߬ߟߎ߬ ߦߋ߫ ߸ ߊ߬ߟߎ߫ ߝߌ߬ߟߊ ߗߋߣߍ߲߫ ߠߋ߬ ߖߐ߲߬ߛߴߊ߬ߟߎ߬ ߘߌ߫ ߡߐ߱ ߟߎ߬ ߞߊ߲ߘߊ߫ ߊߟߊ߫ ߟߊ߫ ߛߌߟߊ ߞߊ߲߬ ߊ߬ߣߌ߫ ߊ߬ߙߌ߬ߖߣߍ߬ ߛߌߟߊ.
ߊ߲ ߧߴߊ߬ ߛߌ߬ߘߌ߲߬ߒߞߣߐ߬ߟߊ߫ ߞߏ߫ ߌߛߊ߫ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߞߋߟߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫ ߊ߬ ߞߊ߬ ߡߍ߲ ߠߎ߬ ߗߋ߫ ߸ ߊ߲ ߧߴߊ߬ ߛߌ߬ߘߌ߲߬ߒߞߣߐ߬ߟߊ ߞߏ߫ ߊ߬ ߡߏߦߌߢߊ ߞߍ߫ ߘߊ߫ ߞߓߊߞߏ ߟߋ߬ ߘߌ߫، ߊߟߊ߫ ߞߵߊ߬ ߝߐ߫ ߒ߬ ߧߋ߫ ߞߎ߬ߙߊ߬ߣߊ ߞߣߐ߫ ߞߏ߫ ߊ߬ ߞߊ߬ ߌߛߊ߫ ߘߊ߲߫ ߝߊ߬ ߕߴߊ߬ ߓߟߏ߫، ߦߏ߫ ߊ߬ ߞߊ߬ ߊߘߡߊ߫ ߘߊ߲߫ ߢߊ ߡߍ߲ ߝߊ߬ ߕߴߊ߬ ߓߟߏ߫ ߣߊ ߕߴߊ߬ ߓߟߏ߫ ߢߊ ߡߍ߲ ߸ ߊߟߊ߫ ߟߋ߰ ߦߋ߫ ߛߋ߫ ߟߊ߫ ߞߏ ߓߍ߯ ߟߊ߫.
ߊ߲ ߟߊߣߍ߲߫ ߊ߬ ߟߊ߫ ߞߏ߫ ߌߛߊ߫ ߕߍ߫ ߊߟߊ߫ ߘߌ߫ ߊ߬ ߕߴߊߟߊ߫ ߘߋ߲߫ ߘߌ߫ ߸ ߊ߬ ߡߊ߫ ߓߊߙߊ߲ߕߏ߫ ߊ߬ ߘߏ߲߬ ߢߣߊߡߊ߫ ߟߋ߬ ߸ ߊߟߊ߫ ߟߋ߬ ߞߵߊ߬ ߞߘߐߕߊ߬ ߛߊ߲ ߘߐ߫ ߸ ߊ߬ ߘߌ߫ ߖߌ߰ ߕߎ߬ߡߊ߬ ߟߊߓߊ߲ ߠߊ߫ ߛߴߊ߬ ߘߌ߫ ߞߕߌ߫ ߕߋߟߋ߲ߣߍ߲ ߠߊ߫ ߸ ߊ߬ ߘߏ߲߬ ߘߌ߫ ߞߍ߫ ߛߌ߬ߟߊ߬ߡߊ ߟߎ߫ ߝߍ߬ ߓߊߏ߬ ߛߌ߬ߟߊ߬ߡߊ ߟߎ߬ ߟߊߣߍ߲߫ ߊߟߊ߫ ߞߋ߬ߟߋ߲߬ߓߊ߰ߦߊ ߞߏ ߟߊ߫ ߌߛߊ߫ ߣߌ߫ ߟߊ߬ߝߐ߬ߓߊ߮ ߟߎ߬ ߓߍ߯ ߣߊ߬ ߘߊ߫ ߡߍ߲ ߘߌ߫.
ߊߟߊ߫ ߞߵߊ߲ ߞߌ߬ߓߊ߬ߙߏ߬ߦߊ߫ ߞߎ߬ߙߣߊ߬ ߞߟߊߒߞߋ ߞߣߐ߫ ߞߏ߫ ߌߛߊ߫ ߟߊ߫ ߗߋߛߓߍ ߦߟߍ߬ߡߊ߲߬ߣߍ߲߬ ߠߋ߫ ߣߊ߲߬ߛߊ߯ߙߊ ߟߎ߬ ߓߟߏ߫ ߸ ߞߏ߫ ߡߐ߰ ߝߟߌ߬ߣߍ߲߫ ߕߌߢߍߟߌߟߊ ߘߏ߫ ߟߎ߫ ߡߍ߲߫ ߠߎ߬ ߞߊ߬ ߦߟߍ߬ߡߊ߲߫ ߘߏ߲߫ ߟߌ߲߬ߖߌ߯ߟߌ߬ ߘߐ߫ ߞߊ߬ ߘߏ߫ ߟߎ߫ ߦߟߍ߬ߡߊ߲߬ ߸ߞߊ߬ ߞߟߏߜߍ ߘߏ߫ ߟߎ߫ ߝߊ߬ߙߴߊ߬ ߞߊ߲߬ ߌߛߊ߫ ߡߊ߫ ߡߍ߲ ߝߐ߫߸ ߏ߬ ߦߌ߬ߘߊ߬ߞߏ ߦߋ߫ ߟߌ߲߬ߖߌ߯ߟߌ ߓߊߞߎߘߊ ߟߎ߬ ߛߌߦߊߦߊ ߣߴߊ߬ߟߎ߬ ߛߐ߬ߘߐ߲ ߠߋ߬ ߘߌ߫߸ ߛߐ߬ߛߐ߬ߟߌ߬ ߛߌߦߊߡߊ߲߫ ߠߋ߬ ߊ߬ ߞߣߐ߫.
ߊߟߊ߫ ߞߵߊ߲ ߞߌ߬ߓߊ߬ߙߏ߬ߦߊ߫ ߞߏ߫ ߌߛߊ߫ ߕߘߍ߬ ߊ߬ ߡߊ߰ߙߌ ߟߋ߫ ߓߊ߬ߕߏ߬ ߟߊ߫ ߊ߰ ߡߊ߫ ߢߌߣߌ߲߫ ߡߐ߰ ߛߌ߫ ߝߍ߬ ߞߏ߫ ߞߵߊ߬ ߟߋ߫ ߓߊ߬ߕߏ߬ ߸ ߊ߬ ߖߍ߬ߘߍ ߕߘߍ߬ ߦߋ߫ ߊ߬ ߡߊ߲߬ߕߏ߲ ߠߎ߬ ߥߟߋ߫ ߟߴ ߊ߬ߟߎ߬ ߘߊ߲ߓߊ߮ ߟߋ߫ ߓߊ߬ߕߏ߫ ߡߊ߬ ߸ ߜߍ߬ߘߍ ߟߋ߫ ߞߊ߬ ߣߊ߲߬ߛߊ߯ߙߊ ߟߎ߬ ߟߐ߬ ߌߛߊ߫ ߓߊ߬ߕߏ߬ ߟߊ߫ ߸ ߊߟߊ߫ ߞߵߊ߲ ߞߌ߬ߓߊ߬ߙߏ߬ߦߊ߫ ߞߎ߬ߙߣߊ ߞߣߐ߫ ߞߴߊ߬ ߕߍ߫ ߦߊ߬ߝߊ߫ ߟߊ߫ ߡߐ߰ ߡߊ߫ ߡߍ߲ ߓߊ߫ ߕߣߊ߬ ߜߘߍ߫ ߓߊ߬ߕߏ߬ ߸ ߊ߬ ߣߌ߫ ߟߐ߬ߓߊ ߟߏ߲߸ ߌߛߊ߫ ߓߍߣߵߊ߬ ߛߋ߲߬ߓߐ߫ ߊ߬ ߓߊ߬ߕߏ߬ߓߊ߮ ߟߎ߬ ߟߊ߫ ߞߏ߫ ߘߐ߫߸ ߊ߬ ߘߊ߫ ߝߐ߫ ߊ߬ߟߎ߬ ߦߋ߫ ߞߏ߫ ߒߠߋ ߡߊ߬ ߊ߬ ߢߌߣߌ߲߫ ߊߟߎ߫ ߝߍ߬ ߞߏ߫ ߊߟߎ߫ ߦߋ߫ ߒ ߓߊ߬ߕߏ ߸ ߏ߬ ߘߊ߬ߟߎ ߦߋ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߞߣߐ߫ :
{ ߤߍ߲߬ ߊߟߎ߬ ߟߍߙߊߟߞߊ ߟߎ߬ ߸ ߊߟߎ߫ ߞߊߣߊ߬ ߘߊ߲߬ߠߊ߬ߕߊߡߌ߲ ߘߏ߲߬ ߊߟߎ߫ ߘߌ߯ߣߊ ߘߐ߫ ߘߋ߬، ߊߟߎ߫ ߘߏ߲߬ ߞߊߣߊ߬ ߝߏߦߌ߬ ߝߐ߫ ߊߟߊ߫ ߡߊ߬ ߝߏ߫ ߕߎ߬ߢߊ، ߡߊߙߌߦߡߊ߫ ߘߋ߲ߞߍ߫ ߌߛߊ߫ ߡߊߡߎ߲߬ߣߍ߲ ߦߋ߫ ߊߟߊ߫ ߟߊ߫ ߞߋߟߊ ߟߋ߬ ߘߌ߫ ߘߋ߬ ߸ ߊ߬ ߣߴߊ߬ ߟߊ߫ ߛߙߊ߬ߣߎ߲ ߠߋ߬ ( ߊ߬ ߞߵߊ߬ ߘߟߊߝߎ߬ ߊ߬ ߦߋ߫ ߡߍ߲ ߠߊ߫ ) ߞߵߊ߬ ߟߊߝߟߌ߬ ߡߊߙߌߦߡߊ߫ ߞߊ߲߬، ߊ߬ ߣߴߊ߬ ߟߊ߫ ߛߟߐߡߌ߲߫ ( ߝߍߣߍ߲ ) ߘߏ߫ ߟߋ߬ ( ߖߌ߬ߓߙߌ߬ߟߎ߫ ߓߟߏ߫ ߡߊߙߌߦߡߊ߫ ߘߐ߫ ߝߎ߯)، ߊߟߎ߫ ߘߏ߲߬ ߦߋ߫ ߟߴߊߟߊ߫ ߣߴߊ߬ ߟߊ߫ ߞߋߟߊ ߟߎ߬ ߟߊ߫ ߘߋ߬، ߊߟߎ߫ ߞߣߊ߫ ( ߡߊ߰ߙߌ߬ ) ߛߓߊߞߏ ߝߐ߫ ߝߋߎ߫، ߊߟߎ߫ ߦߋ߫ ߕߏ߫ ߘߋ߬ ߏ߬ ߟߋ ߘߌߡߊ߲߫ ߊߟߎ߫ ߟߊ߫، ߓߊ ߊߟߊ߫ ߦߋ߫ ߡߊ߰ߙߌ߬ ߞߋߟߋ߲߫ ߔߋ߫ ߟߋ߬ ߘߌ߫ ߸ ߊ߬ ߛߊߣߌ߲ߡߊ߲߫ ߘߋ߲߫ ߞߍ ߡߵߊ߬ ߓߟߏ߫، ߊ߬ ߘߏ߲߬ ߕߊ ߟߋ߬ ߛߊ߲ ߠߎ߬ ߞߣߐ߫ ߝߋ߲ ߠߎ߬ ߣߌ߫ ߘߎ߱ ߞߣߐ߫ ߝߋ߲ ߘߌ߫، ߊߟߊ߫ ߘߏ߲߬ ߜߎ ߞߊ߬ ߛߍ߲߬ߓߍ߬ߟߊ߲߫ ߓߐ߫ }. [ ߄:߁߇߁]
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ : { ߕߎ߬ߡߊ ߘߏ߫ ߟߊ߫߸ ߊߟߊ߫ ߘߌߣߵߊ߬ ߝߐ߫ ߞߏ߫ ߤߍ߲߬ ߌߟߋ߬ ߡߊߙߌߦߡߊ߫ ߘߋ߲ߞߍ߫ ߌߛߊ߫߸ ߌߟߋ ߟߋ߫ ߞߵߊ߬ ߝߐ߫ ߡߐ߱ ߟߎ߬ ߦߋ߫ ߓߊ߬ ߞߏ߫ ߊߟߎ߫ ߦߋ߫ ߒߠߋ ߣߌ߫ ߒ ߣߊ߫ ߘߐߡߌ߬ߘߊ߫ ߡߊ߰ߙߌ߫ ߝߌ߬ߟߊ߬ ߘߌ߫ ߞߵߊߟߊ߫ ߕߏ߫؟ ߊ߬ ߘߴߊ߬ ߝߐ߫ ߞߴߌ ߛߊߣߌ߲ߡߊ߲߫ (ߏ߬ ߡߊ߬)، ߊ߬ ߕߍ߫ ߓߍ߲߬ ߒ ߧߋ߫ ߞߊ߬ ߝߋ߲߫ ߝߐ߫ ߒ ߣߌ߫ ߡߍ߲ ߡߊ߲߫ ߞߊ߲߫، ߣߌ߫ ߒ ߣߐ߬ ߞߍ߫ ߘߴߏ߬ ߝߐ߫ ߟߊ߫߸ ߌ ߓߘߴߏ߬ ߟߐ߲߫ ߞߊ߬ ߓߊ߲߫، ߓߊߏ߬ ߌ ߞߊ߬ ߒ ߣߌߘߐߞߏ ߟߐ߲߫ ߸ ߒߠߋ ߘߏ߲߬ ߕߴߌߟߋ ߣߌߘߐߞߏ ߟߐ߲߫، ߌߟߋ ߟߋ߬ ߞߏߘߏ߲߰ߣߍ߲ ߠߎ߬ ߟߐ߲ߓߊ߯ߓߊ ߘߌ߫} [ ߅:߁߁߆]
ߡߍ߲ ߦߴߊ߬ ߝߍ߬ ߞߊ߬ ߞߛߌ߫ ߟߊߞߌߙߊ߫ ߸ ߏ߬ ߦߋ߫ ߛߌ߬ߟߡߊ߬ߦߊ߫ ߞߊ߬ ߓߊ߲߫ ߞߊ߬ ߟߊ߬ߝߐ߬ߓߊ߮ ߡߊ߬ߡߊ߬ߘߌ߬(ߡߎߤ߭ߊߡߡߊߘ) ߟߊߓߊ߬ߕߏ߬ ߟߋ߬ ߸ ߞߛߌ ߣߌ߫ ߣߍߡߊ ߦߴߊ߬ ߦߋ߫
ߟߊ߬ߝߐ߬ߓߊ߮ ߟߎ߬ ߣߌ߫ ߞߋߟߊ ߟߎ߫ ߓߍ߲߬ ߘߊ߫ ߡߍ߲ ߡߊ߬ ߞߛߌ ߦߴߊ߬ߟߎ߬ ߦߋ߫ ߸ ߏ߬ ߟߋ ߞߏ߫ ߛߌ߬ߟߊ߬ߡߊ ߡߍ߲ ߠߎ߬ ߟߊߣߍ߲߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫߸ ߊ߬ ߣߌ߫ ߡߍ߲ ߠߎ߬ ߕߍ߫ ߝߋ߲߫ ߜߘߍ ߛߌ߫ ߟߊߘߍ߬ ߟߴߊ߬ ߓߊ߬ߕߏ ߘߐ߫߸ ߏ߬ ߟߎ߫ ߟߋ߬ ߞߛߌ߫ ߟߊ߫߸ ߊ߬ߟߎ߬ ߟߊߣߍ߲߫ ߟߊ߬ߝߐ߬ߓߊ߮ ߟߎ߬ ߣߌ߫ ߞߋߟߊ ߓߍ߯ ߟߋ߬ ߟߊ߫. ߡߍ߲ ߠߎ߬ ߞߍ߫ ߘߊ߫ ߟߊ߬ߝߐ߬ߓߊ߯ ߡߎߛߊ߫ ߕߋ߬ߟߋ ߘߐ߫ ߸ ߞߊ߬ ߟߊ߫ ߟߴߊ߬ ߟߊ߫߸ ߞߵߊ߬ ߟߊ߫ ߟߊ߬ߟߐ߲߬ߠߌ߲߬ߦߊ߬ߟߌ ߟߎ߬ ߟߊߓߊ߬ߕߏ߬߸ ߏ߬ ߟߎ߬ ߦߋ߫ ߛߌ߬ߟߊ߬ߡߊ ߟߎ߫ ߟߋ߬ ߘߌ߫߸ ߊ߬ ߣߌ߫ ߟߊߒߠߦߊߓߊ߮ ߟߎ߬ ߣߌ߫ ߡߐ߰ ߢߌߡߊ ߟߎ߬ ߸ ߒ߬ߞߊ߬ ߊߟߊ߫ ߟߊ߫ ߌߛߊ߫ ߗߋ߫ ߞߐ߫߸ ߡߎߛߊ߫ ߟߊߓߊ߬ߕߏ߬ߓߊ߮ ߟߎ߬ ߞߊ߫ ߞߊ߲߫ ߞߊ߬ ߟߊ߫ ߌߛߊ߫ ߟߋ߬ ߟߊ߫ ߞߵߊ߬ ߟߊߓߊ߬ߕߏ߬߸ ߡߍ߲ ߠߎ߬ ߓߊ߫ ߘߍ߬ߞߣߍ߬ߦߊ߬ ߌߛߊ߫ ߡߊ߬ ߏ߬ ߕߌ߱ ߟߎ߬ ߓߘߊ߫ ߞߍ߫ ߛߌ߬ߟߊ߬ߡߊ ߡߐ߰ ߢߌߡߊ ߟߎ߬ ߘߌ߫ ߸ ߡߍ߲ ߓߴߊ߬ ߓߊ߲߬ ߘߍ߲߬ߞߣߍ߬ߦߟߊ߫ ߌߛߊ߫ ߡߊ߬ ߞߵߊ߬ ߝߐ߫ ߞߏ߫ ߒ ߕߏߕߐ߫ ߡߎߛߊ߫ ߟߊ߫ ߛߌߟߊ߫ ߟߋ߫ ߞߊ߲߬ ߒ߬ߓߊ߬ ߏ߬ ߕߌ߱ ߡߊ߫ ߘߍ߲߬ߞߣߍ߬ߦߊ߫ ߏ߬ ߘߌ߫ ߓߊߏ߬ ߊ߬ ߓߘߊ߫ ߓߊ߲߬ ߘߍ߲߬ߞߣߍ߬ߦߊ߫ ߟߊ߫ ߊߟߊ߫ ߟߊ߫ ߟߊ߬ߝߐ߬ߓߊ߬ ߞߋߟߋ߲߫ ߔߋ ߡߊ߬ ߊߟߊ߫ ߞߊ߬ ߡߍ߲ ߗߋ߫ ߸ߏ߬ ߞߐߝߍ߬ ߊߟߊ߫ ߞߊ߬ ߓߊ߲߫ ߞߐ߫ ߞߋߟߊ ߟߎ߬ ߟߊߓߊ߲ ߗߋ߫ ߟߊ߫ ߏ߬ ߡߍ߲ ߦߋ߫ ߡߊ߬ߡߊ߬ߘߌ߬ (ߡߎ߬ߤ߭ߊߡߡߊߘ) ߘߌ߫ ߸ ߊ߬ ߓߘߊ߫ ߛߙߋߕߋߕߋߦߊ߫ ߓߍ߯ ߡߊ߬ ߞߊ߬ ߘߍ߬ߞߣߍ߬ߦߴߊ߬ ߡߊ߬ ߸ ߡߊ߰ߙߌ ߡߍ߲ ߞߊ߬ ߡߎߛߊ߫ ߣߌ߫ ߌߛߊ߫ ߗߋ߫ ߏ߬ ߟߋ߫ ߞߊ߬ ߞߋߟߊ ߟߎ߬ ߟߊߓߊ߲ ߡߊ߬ߡߊ߬ߘߌ߬ (ߡߎ߬ߤ߭ߊߡߡߊߘ) ߗߋ߫ ߸ ߡߍ߲ ߓߊ߫ ߓߊ߲߬ߓߊ߬ߦߊ߫ ߡߊ߬ߡߊ߬ߘߌ߬ (ߡߎ߬ߤ߭ߊߡߡߊߘ) ߟߊ߫ ߗߋߛߓߍ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߞߵߊ߬ ߝߐ߫ ߞߏ߫ ߒ ߕߏߕߐ߫ ߡߎߛߊ߫ ߥߟߊ߫ ߌߛߊ߫ ߞߐߛߌߟߊ ߟߋ߫ ߞߊ߲߬ ߸ ߏ߬ ߕߌ߰ ߡߊ߫ ߘߍ߲߬ߞߣߍ߬ߦߊ߫.
ߡߐ߱ ߦߴߊ߬ ߝߐ߫ ߞߏ߫ ߊ߬ߟߋ߬ ߦߋ߫ ߛߌ߬ߟߊ߬ߡߊ ߟߎ߬ ߡߊߓߏ߲߬ߧߊ߬ ߟߊ߫ ߟߋ߬، ߊ߬ ߟߊ߫ ߛߘߊߞߊߓߐ ߊ߬ ߣߌ߫ ߝߊ߲߰ߒߕߊ߲ ߠߎ߫ ߘߍ߬ߡߍ߲߬ ߞߋߟߋ߲߫ ߕߴߊ߬ ߞߛߌ ߟߊ߫ ߸ ߝߴߊ߬ ߦߋ߫ ߘߍ߲߬ߞߣߍ߬ߦߊ߬ ߊߟߊ߫ ߣߌ߫ ߞߊ߬ߝߊ ߟߎ߬ ߣߌ߫ ߞߋߟߊ ߟߎ߬ ߣߌ߫ ߟߏ߲߫ ߠߊߓߊ߲ ߡߊ߬ ߸ ߛߊ߫ ߊߟߊ߫ ߘߴߏ߬ ߡߌ߬ߘߴߊ߬ ߟߊ߫! ߖߎ߯ߡߊ߲߫ ߛߌ߫ ߕߴߦߋ߲߬ ߡߍ߲ ߞߊ߫ ߓߏ߲߬ ߝߌ߬ߟߊ߬ߒ߬ߞߊߝߏ߬ߦߊ ߣߌ߫ ߓߊ߲߬ߓߊ߰ߦߊ ߊߟߊ߫ ߡߊ߬ ߊ߬ ߣߌ߫ ߞߊ߬ ߟߝߊߙߌ ߟߊߛߊ߬ߦߌ߬ ߸ ߊߟߊ߫ ߞߊ߬ ߡߍ߲ ߠߊߖߌ߰ ߸ ߥߟߊ߫ ߞߵߊ߬ ߟߊ߫ ߟߊ߬ߝߐ߬ߓߊ߮ ߟߎ߫ ߟߊߓߊ߲߫ ߡߊߛߐ߬ߛߐ߬ ߏ߬ ߡߍ߲ ߦߋ߫ ߡߊ߬ߡߊ߬ߘߌ߬ (ߡߎ߬ߤ߭ߊߡߡߊߘ) ߘߌ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫. ߦߊ߬ߤߎ߯ߘߎ ߟߎ߬ ߣߌ߫ ߌߛߊߟߞߊ ߡߍ߲ ߠߎ߬ ߞߊ߬ ߊߟߊ߫ ߟߊ߫ ߞߋߟߊ ߡߊ߬ߡߊߘߌ߫ (ߡߎ߬ߤ߭ߊߡߡߊߘ) ߟߊ߫ ߗߋߦߊߟߌ ߡߍ߲߫߸ -ߞߛߌ ߣߌ߫ ߣߍߡߊ ߦߴߊ߬ ߦߋ߫ -߸ ߞߵߊ߬ߟߎ߫ ߓߊ߲߬ ߊ߬ ߟߊ߫߸ ߊ߬ ߣߌ߫ ߞߵߊ߬ߟߎ߫ ߓߊ߲߬ ߘߏ߲߬ ߠߊ߫ ߛߌ߬ߟߊ߬ߡߊ߬ߦߊ߫ ߘߌ߯ߣߊ ߘߐ߫߸ ߏ߬ ߟߎ߬ ߘߌ߫ ߘߏ߲߬ ߖߊ߬ߤߣߊ߬ߡߊ߬ ߕߊ ߘߐ߫ ߞߎߘߊߦߌ߫ ߊ߬ߟߎ߬ ߕߍ߫ ߓߐ߫ ߟߊ߫ ߸ ߦߏ߫ ߞߘߐߕߊ߬ߣߍ߲߬ߓߊ ߞߊ߲߫ ߢߊ ߡߍ߲ :
{ ߟߍߙߊߟߞߊ߫ ߓߊ߲߬ߣߍ߲ ߠߎ߬ ߣߌ߫ ߡߊ߰ߙߌ߬ߜߙߊ߬ߟߊ ߟߎ߬ ߦߋ߫ ߔߊߦߌߔߊߦߌ ߕߊ ߟߋ߬ ߘߐ߫ ߘߋ߬ ߸ ߊ߬ߟߎ߫ ߘߏ߲߬ ߕߏߕߐ߫ ߏ߬ ߟߋ ߘߐ߫ ߓߊ ߏ߬ ߟߎ߫ ߟߋ߬ ߘߊ߲ߝߋ߲ ߠߎ߬ ߘߐ߫ ߖߎ߯ߡߊ߲ ߠߎ߬ ߘߌ߫} [ ߉߈:߆].
ߞߊ߬ߓߌ߯ ߊߟߊ߫ ߟߊ߫ ߞߊ߬ߥߊ߲߬ߘߌ߫ ߟߊߓߊ߲ ߟߊ߲ߞߣߍߡߦߊ߫ ߘߊ߫ ߡߐ߱ ߟߎ߫ ߦߋ߫ ߸ߝߏ߫ ߡߐ߱ ߓߍ߯ ߦߋ߫ ߛߌ߬ߟߡߊ߬ߦߊ ߞߊ߲ ߠߊߡߍ߲߫߸ ߊ߬ ߣߌ߫ ߞߊ߬ ߞߋߟߊ ߟߊߓߊ߲ ߡߊ߬ߡߊ߬ߘߌ߬ ( ߡߎߤ߭ߊߡߡߊߘ )ߟߊ߫ ߞߋߟߊߦߊ߫ ߞߊ߲ ߟߊߓߊ߬ߕߏ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ ߣߴߌ ߘߌ߫ ߟߴߊ߬ ߟߊ߫߸ ߞߵߊ߬ ߟߊ߫ ߞߎ߬ߙߎ߲߬ߘߎ ߟߊߓߊ߬ߕߏ߬߸ ߞߵߊ߬ ߞߊ߲ ߡߌ߬ߘߴߊ߬ ߟߊ߫ ߖߡߊ߬ߙߌ ߣߴߊ߬ ߟߊ߫ ߟߊ߬ߕߐ߲߬ߠߌ ߟߎ߬ ߘߐ߫ ߸ ߒ߬ߓߊ߬ ߡߐ߰ ߛߌ߫ ߓߊ߯ ߞߋߟߊ߫ ߟߊߓߊ߲ ߣߌ߲߬ ߡߍ߲߫ ߞߵߊ߬ ߓߊ߲߬ ߊ߬ ߡߊ߬߸ ߊߟߊ߫ ߕߍߣߊ߬ ߝߏߦߌ߬ ߡߌ߬ߘߊ߬ ߟߴߊ߬ ߓߟߏ߫߸ ߊ߬ ߘߌ߫ ߏ߬ ߕߌ߱ ߖߊ߲߰ߞߕߊ ߟߊ߯ߞߌߙߊ߫߸ ߏ߬ ߦߌ߬ߘߊ߬ߞߏ ߦߋ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߞߣߐ߫ :=
﴿ߡߍ߲ ߓߊ߯ ߢߌߣߌ߲߫ ߛߌ߬ߟߡߊ߬ߦߊ ߕߊ߬ߣߊ߫ ߡߊ߬ ߘߌ߯ߣߊ߫ ߘߌ߫ ߸ ߒ߬ߓߵߏ߬ ߕߍ߫ ߡߌ߬ߘߴߏ߬ ߟߊ߫، ߏ߬ ߘߏ߲߬ ߟߊ߬ߓߊ߲ ߓߣߐ߬ߓߊ߮ ߟߎ߬ ߘߏ߫ ߟߋ߬ ߘߌ߫ ﴿ [ ߃:߈߅].
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴾ߊ߬ ߝߐ߫ ߞߏ߫ ߤߍ߲߬ ߊߟߎ߬ ߟߍߙߊߟߞߊ ߟߎ߬ ߸ ߊߟߎ߫ ߣߊ߬ ߞߎߡߊ߫ ߡߊ߫ ߸ ߡߍ߲ ߞߊ߫ ߞߊ߲߫ ߊ߲ߠߎ߬ ߣߴߊߟߎ ߕߍ߫، ߞߏ߫ ߊ߲ ߞߊߣߊ߬ ߛߌ߫ ߓߊ߬ߕߏ߬ ߝߏ߫ ߊߟߊ߫، ߊ߬ ߣߴߊ߲ ߞߊߣߊ߬ ߛߌ߫ ߝߊ߬ߙߴߊ߬ ߞߊ߲߬، ߊ߲ ߘߏ߫ ߘߏ߲߬ ߞߊߣߊ߬ ߘߏ߫ ߞߍ߫ ߕߌ߭ ߟߎ߬ ߘߌ߫ ߞߵߊߟߊ߫ ߕߏ߫، ߣߴߊ߬ߟߎ߫ ߘߏ߲߬ ߞߵߊ߬ߟߎ߬ ߞߐߘߏ߲߬ ߸ ߒ߬ߓߵߊߟߎ߫ ߦߴߊ߬ ߝߐ߫ ߞߏ߫ ߸ ߊߟߎ߫ ߦߋ߫ ߛߙߋߦߊ߫ ߞߏ߫ ߒ߬ߠߎ߬ ߦߋ߫ ߛߌ߬ߟߊ߬ߡߊ ߟߎ߫ ߟߋ߬ ߘߌ߫} ( ߃:߆߄).
ߒ ߡߊ߬ߞߏ ߦߋ߫ ߡߎ߲߬ ߠߊ߫ ߞߊ߬ ߞߍ߫ ߛߌ߬ߟߊ߬ߡߊ ߘߌ߫؟
ߣߴߌ ߦߴߊ߬ ߝߍ߬ ߞߊ߬ ߘߏ߲߬ ߛߌ߬ߟߡߊ߬ߦߊ ߘߐ߫ ߸ ߝߏ߫ ߌ ߦߋ߫ ߟߊ߫ ߕߎ߲ߞߎ߲߫ ߥߐ߯ߙߐ߫ ߢߌ߲߬ ߠߎ߬ ߟߊ߫ ߟߋ߬ :
ߞߊ߬ ߘߍ߬ߞߣߍ߬ߦߊ߬ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬ ߞߏ ߊ߬ߟߋ ߟߋ߬ ߘߊ߲ߓߊ߮ ߘߌ߫ ߤߊ߬ߙߌ߬ߖߍ߰ߟߌ߬ߟߊ ߘߌ߫ ߥߊߟߋߦߊ ߟߎ߬ ߖߊ߬ߕߋߛߌ߰ ߟߊ߫ ߡߊ߲߬ߛߊ ߟߋ߬ ߸ ߝߏߦߌ߬ ߕߍ߫ ߊ߬ߟߋ߬ ߓߐߢߐ߲߯ߞߏ߫ ߘߌ߫ ߡߛߏ߬ ߕߴߊ߬ ߓߟߏ߫ ߞߎߡߊߕߍ߫ ߘߋ߲ ߡߊ߬ ߊ߬ ߞߋߟߋ߲߫ ߔߋ ߟߋ߬ ߞߊߞߊ߲߫ ߞߊ߬ ߓߊ߬ߘߏ߬.
ߞߊ߬ ߘߍ߲߬ߞߣߍ߬ߦߊ߫ ߞߋ߲ߛߐ߲ ߠߎ߬ ߡߊ߬ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߖߐ߲߭ ߠߎ߬ ߟߋ߬ ߸ ߊߟߊ߫ ߞߵߊ߬ߟߎ߬ ߘߊ߲߫ ߞߊ߬ ߓߐ߫ ߣߐ߯ߙߐ ߟߋ߬ ߘߐ߫ ߊߟߊ߫ ߞߵߊ߬ߟߎ߬ ߟߊ߫ ߓߊ߯ߙߊ ߘߏ߫ ߞߍ߫ ߟߝߊߙߌ ߟߎ߬ ߟߊ߫ ߖߌ߰ ߟߋ߬ ߘߌ߫ ߟߊ߬ߝߐ߬ߓߊ߮ ߟߎ߬ ߡߊ߬.
ߞߊ߬ ߘߍ߲߬ߞߣߍ߬ߦߊ߫ ߞߊ߬ߝߊ ߟߎ߬ ߓߍ߯ ߡߊ ߸ ߊߟߊ߫ ߞߊ߬ ߡߍ߲ ߠߎ߬ ߟߊ߫ ߖߌ߰ ߊ߬ ߟߊ߫ ߟߊ߬ߝߐ߬ߓߊ߮ ߟߎ߬ ߡߊ߬ ߦߏ߫ (ߕߊ߬ߥߎ߬ߙߊ߯ߕߊ߬ ، ߟߌ߲߬ߖߌ߯ߟߌ߬ ، ߞߊ߬ ߞߐ߲߬ ߊ߬ߟߎ ߦߟߍ߬ߡߊ߲߫ ߦߋ߫) ߸ ߞߊ߬ߝߊ ߟߎ߬ ߟߊߓߊ߲ ߦߋ߫ ߞߎ߬ߙߊ߬ߣߊ߬ ߞߊߟߊߒߞߋ ߟߋ߬ ߘߌ߫.
ߞߊ߬ ߘߍ߲߬ߞߣߍ߬ߦߊ߫ ߞߋߘߋ߲ ߠߎ߬ ߓߍ߯ ߡߊ߬ ߦߏ߫ ߣߎߤߊ߲߫ ߣߌ߫ ߌߓߎ߬ߙߊ߬ߤߌߡߊ߫ ߣߌ߫ ߡߎߛߊ߫ ߣߌ߫ ߌߛߊ߫ ߊ߬ߟߎ߬ ߟߊߓߊ߲߫ ߦߋ߫ ߡߊ߬ߡߊ߬ߘߌ߬ (ߡߎߤ߭ߊߡߡߊߘ) ߟߋ߬ ߘߌ߫ ߊ߬ ߟߎ߬ ߓߍ߯ ߦߋ߫ ߊߘߡߊߘߋ߲ ߠߎ߬ ߟߋ߬ ߘߌ߫ ߸ ߊߟߊ߫ ߞߵߊ߬ߟߎ߫ ߝߊ߲߬ߞߊߘߏ߲߬ ߟߝߊߙߌ ߟߎ߬ ߟߋ߬ ߟߊ߫ ߞߊ߬ ߞߓߊߞߏߦߊ߫ ߞߏ ߛߌߦߊߡߊ߲߫ ߠߋ߬ ߘߌ߫ ߊ߬ߟߎ߫ ߡߊ߬ ߡߍ߲ ߦߴߊ߬ߟߎ߫ ߕߎ߬ߢߊ߬ߒ߬ߕߋ߬ߦߊ ߟߊ߫.
ߞߊ߬ ߘߍ߲߬ߞߣߍ߬ߦߊ߫ ߟߏ߲߫ ߠߊߓߊ߲ ߡߊ߬ ߕߎ߬ߡߊ ߡߍ߲ ߊߟߊ߫ ߘߌ߫ ߝߟߐߡߐ߮ ߟߎ߬ ߣߌ߫ ߟߊ߬ߓߊ߲ ߡߐ߰ ߟߎ߬ ߟߊߥߌ߬ߟߌ߫ ߸ ߞߊ߬ ߞߕߌ ߕߍ߰ ߘߊ߲ߝߋ߲ ߠߎ߬ ߣߌ߫ ߢߐ߲߯ ߕߍ ߸ ߞߊ߬ ߘߍ߲߬ߞߣߍ߬ߦߊ߬ߓߊ߮ ߟߎ߬ ߟߊߘߏ߲߬ ߊ߬ߙߌ߬ߖߣߍ߬ ߞߣߐ߫ ߞߊ߬ ߓߊ߲߬ߓߊ߮ ߟߎ߬ ߟߊߘߏ߲߬ ߕߊ ߥߋ߲߯ߓߋ ߞߣߐ߫.
ߞߊ߬ ߘߍ߲߬ߞߣߍ߬ߦߊ߫ ߟߊ߬ߕߍ߮ ߡߊ߫ ߸ ߊߟߊ߫ ߞߊ߬ ߞߏ ߓߍ߯ ߟߐ߲߫ ߸ ߡߍ߲ ߕߘߍ߬ ߓߘߊ߫ ߞߍ߫ ߡߍ߲ ߠߊ߬ߕߐ߫ ߞߍߟߊ ߕߎ߬ߡߊ ߣߊ߬ߕߐ߫ ߟߎ߬ ߟߊ߫ ߸ ߊߟߊ߫ ߞߵߊ߬ ߟߐ߲߫߸ ߞߵߊ߬ ߛߓߍ߫߸ ߞߊ߬ ߝߋ߲ ߓߍ߯ ߘߊ߲߫.
ߛߌ߬ߟߊ߬ߡߦߊ ߦߋ߫ ߞߎ߲߬ߠߊ߬ߘߌߦߊ ߛߌߟߊ߫ ߟߋ߬ ߘߌ߫
ߛߌ߬ߟߡߊ߬ߦߊ߫ ߦߋ߫ ߟߊ߬ߝߐ߬ߓߊ߮ ߟߎ߬ ߓߍ߯ ߟߊ߫ ߘߌ߯ߣߊ߫ ߟߋ߬ ߘߌ߫ ߊ߬ ߕߍ߫ ߘߌ߯ߣߊ߫ ߘߌ߫ ߡߍ߲߫ ߞߙߍߞߙߍߣߍ߲߫ ߊߙߊߓߎ ߟߎ߬ ߦߋ߫.
ߛߌ߬ߟߡߊ߬ߦߊ ߟߋ߬ ߦߋ߫ ߞߎ߲߬ߠߊ߬ߘߌߦߊ ߕߎ߬ߢߊ߬ߡߊ ߛߌߟߊ߫ ߘߌ߫ ߘߎߢߊ߫ ߦߊ߲߬ ߸ ߣߍߡߊ߫ ߓߊ߲ߓߊߟߌ ߟߋ߬ ߝߣߊ߫ ߟߊߞߌߙߊ߫.
ߛߌ߬ߟߡߊ߬ߦߊ ߦߋ߫ ߊߟߊ߫ ߞߋ߬ߟߋ߲߬ߓߊ߰ߦߊ ߘߌ߯ߣߊ߫ ߞߋߟߋ߲߫ ߠߋ߬ ߘߌ߫ ߡߍ߲ ߦߋ߫ ߛߟߐߡߌ߲ ߣߌ߫ ߝߊ߬ߘߌ ߡߊ߬ߞߏ߬ߦߊ ߟߎ߬ ߟߊߡߌ߬ߘߊ߬ ߟߊ߫ ߸ ߊ߬ ߣߌ߫ ߞߊ߬ ߡߐ߱ ߟߊ߫ ߝߙߋߞߋ ߓߍ߯ ߝߎߟߋ߲߫.
ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫ :
{ ߊߟߊ߫ ߞߊ߲߫ ߞߏ߫ ߒ߬ߓߵߊߟߎ߫ ߝߌ߬ߟߊ ߓߍ߯ ߦߋ߫ ߖߌ߰ ߞߊ߬ ߓߐ߫ ߊ߬ ߘߐ߫ ߸ ߊߟߎ߫ ߦߋ߫ ߢߐ߲߮ ߖߎ߮ ߟߋ߬ ߘߌ߫ ߡߎ߬ߕߎ߲߬، ߝߏ߫ ߒ ߠߊ߫ ߞߊ߲ߘߦߊ ߘߏ߫ ߦߋ߫ ߣߵߊߟߎ߫ ߡߊ߬ ߡߎ߬ߕߎ߲߬ ߸ ߡߍ߲ ߓߊ߯ ߒ ߠߊ߫ ߞߊ߲ߘߦߊ ߏ߬ ߟߊߓߊ߬ߕߵߏ߬ ߕߍ߫ ߝߌ߬ߟߌ߫ ߊ߬ ߕߍ߫ ߞߎ߲߬ߠߊ߲߬ߜߏߦߊ߫ { ߣߌ߫ ߡߍ߲ ߞߵߊ߬ ߞߐߘߏ߲߬ ߒ ߠߊ߫ ߞߊ߬ߥߊ߲߬ߘߌ ߟߊ߫߸ ߢߣߊߡߦߊ߫ ߛߕߌ߬ߣߍ߲ ߠߋ߫ ߛߌ߰ߣߴߏ߬ ߦߋ߫، ߊ߬ ߣߴߊ߲ ߘߴߊ߬ ߝߎߦߋ߲ ߜߍ߲߬ߜߍ߲߫ ߟߐ߬ߓߊ ߟߏ߲ [ ߂߀:߁߂߃-߁߂߄].
ߒߠߋ ߦߋ߫ ߡߎ߲߬ ߣߊ߬ߝߊ ߛߐ߬ߘߐ߲߬ ߠߊ߫ ߘߏ߲߬ ߘߐ߫ ߛߌ߬ߟߊ߬ߡߊ߬ߦߊ ߘߐ߫؟
ߘߏ߲߬ߠߌ߲ ߛߌ߬ߟߊ߬ߡߊ߬ߦߊ ߘߐ߫߸ ߢߊ߬ߕߣߐ߬ ߛߌߦߊߡߊ߲߫ ߠߋ߬ ߦߴߊ߬ ߟߊ߫، ߏ߬ ߘߏ߫ ߟߋ߬:
ߟߊ߬ߥߛߊ ߣߌ߫ ߓߏ߲߬ߧߊ ߦߋ߫ ߡߐ߱ ߟߋ߬ ߦߋ߫ ߡߍ߲ ߓߊ ߞߍ߫ ߊߟߊ߫ ߟߊ߫ ߖߐ߲߭ ߘߌ߫߸ ߣߴߏ߬ ߕߍ߫ ߊ߬ ߘߌ߫ ߞߍ߫ ߣߌ ߟߊ߫ ߖߐ߲߬ߧߊ ߣߌ߫ ߜߍ߬ߘߍ ߣߌ߫ ߣߍߣߍ ߟߎ߬ ߘߌ߫.
ߟߊ߬ߥߛߊ ߓߍ߯ ߘߐ߫ ߓߟߋ߬ߓߟߋ ߛߊ߬ߦߊ ߞߐ ߘߐ߫߸ ߏ߬ ߦߋ߫ ߞߛߌ ߟߋ߬ ߘߌ߫ ߥߋ߲߯ߓߋ ߖߊ߲߰ߞߕߊ ߡߊ߬ ߸ ߞߊ߬ ߘߏ߲߬ ߊ߬ߙߌ߬ߖߣߍ߬ ߞߣߐ߫ ߊ߬ ߣߌ߫ ߞߊ߬ ߊߟߊ߫ ߟߊ߫ ߢߊ߬ߒߡߊ ߛߐ߬ߘߐ߲߬ ߸ ߊ߬ ߣߌ߫ ߞߊ߬ ߘߎ߲ߡߍ ߊ߬ߙߌ߬ߖߣߍ߬ ߞߣߐ߫.
ߊߟߊ߫ ߞߊ߬ ߡߍ߲ ߠߎ߬ ߟߊߘߏ߲߬ ߊ߬ߙߌ߬ߖߣߍ߬ ߞߣߐ߫ ߸ ߊ߬ߟߎ߬ ߘߌ߫ ߓߊߟߏ߫ ߛߍߥߊ߫ ߞߎߘߊߦߌ ߘߐ߫ ߛߊ߬ߦߊ ߣߌ߫ ߖߊ߲߬ߞߊߙߏ ߣߌ߫ ߘߌߡߌ߲ ߣߌ߫ ߛߎ߬ߣߎ߲ ߥߟߊ߫ ߗߍ߬ߡߐ߰ߦߊ߫ ߸ ߊ߬ߟߎ߬ ߘߴߊ߬ߟߎ߬ ߘߌߦߊߣߊ߲߫ ߝߋ߲߫ ߓߍ߯ ߛߐ߬ߘߐ߲߬.
ߊ߬ߙߌ߬ߖߣߍ߬ ߞߣߐ߫ ߣߍߡߊ ߘߏ߫ ߟߎ߫ ߦߋ߫ ߦߋ߲߬ ߢߊ߫ ߛߌ߫ ߡߴߊ߬ ߦߋ߫߸ ߕߟߏ ߛߌ߫ ߡߴߊ߬ ߡߍ߲߫߸ ߊ߬ ߘߏ߲߬ ߡߊ߫ ߓߌ߬ߟߊ߬ ߡߐ߰ ߛߌ߫ ߤߊ߲ߞߟߌ ߟߊ߫.
ߏ߬ ߘߊ߬ߟߎ ߦߋ߫ ߞߘߐߕߊ߬ߣߍ߲߬ߓߊ ߝߐߞߊ߲ ߘߐ߫ : { ߡߍ߲ ߓߊ߯ ߓߊ߯ߙߊ߫ ߢߌ߬ߡߊ߬ ߞߍ߫ ߗߍ߬ߡߊ߲߬ ߘߐ߫ ߥߟߊ߫ ߡߛߏ߬ߡߊ߲߫ ߘߐ߫ ߞߵߊ߬ ߕߘߍ߬ ߟߊߒߠߦߊߓߊ߮ ߟߋ߬ ߊ߲ ߘߌߣߵߏ߬ ߟߊߢߣߊߡߦߊ߫ ߢߣߊߡߦߊ߫ ߢߌߡߊ߫ ߟߊ߫ ، ߊ߬ ߣߴߊ߲ ߘߴߏ߬ ߟߎ߬ ߛߐ߫ ߊ߬ߟߎ߫ ߛߊ߬ߙߊ ߟߊ߫ ߞߊ߬ ߓߍ߲߬ ߊ߬ߟߎ߬ ߗߋߥߊߟߌ ߘߐ߫ ߢߌ߬ߡߊ ߡߊ߬ ߟߋ߬ ߘߍ߯﴿ [ ߁߆:߉߇].
ߒ ߓߣߐ߬ ߕߐ ߡߎ߲߬ ߘߐ߫ ߣߌ߫ ߒ ߓߊ߲߬ ߘߊ߫ ߛߌ߬ߟߡߊ߬ߦߊ ߡߊ߬؟
ߡߐ߱ ߓߍߣߊ߬ ߝߐ߫ ߟߐ߲ߞߏ ߣߌ߫ ߟߐ߲ߠߌ߲ ߓߍ߯ ߘߐ߫ ߓߟߋ߬ߓߟߋ ߟߊ߫߸ ߡߍ߲ ߦߋ߫ ߊߟߊ߫ ߞߏ ߟߐ߲ߠߌ߲ ߣߴߊ߬ ߢߊߦߋߟߌ ߘߌ߫߸ ߊ߬ ߘߌ߫ ߓߐ߬ߣߐ߫ ߟߌ߬ߡߣߊ߬ߦߊ ߟߊ߫ ߊߟߊ߫ ߡߊ߬ ߸ ߏ߬ ߡߍ߲ ߦߋ߫ ߡߐ߱ ߟߎ߬ ߓߌ߬ߟߊ߬ ߟߊ߫ ߖߛߎ߬ߛߎߡߊ ߣߌ߫ ߖߌ߰ߡߊ߬ߝߊ ߞߣߐ߫ ߘߎߢߊ߫ ߣߌ߫ ߟߊ߯ߞߌߙߊ߫ ߣߍߡߊ߫ ߓߊ߲ߓߊߟߌ ߘߐ߫.
ߡߐ߱ ߓߍߣߊ߬ ߝߐ߫ ߟߍߙߊ߫ ߓߟߋߓߟߋ ߟߊ߬ ߸ ߊߟߊ߫ ߞߊ߬ ߡߍ߲ ߠߊߖߌ߰ ߡߐ߱ ߟߎ߫ ߡߊ߬߸ ߊ߬ ߣߌ߫ ߟߊߒߠߦߊ ߟߍߙߊ ߓߟߋߓߟߋ ߣߌ߲߬ ߡߊ߬.
ߊ߬ ߓߍߣߊ߬ ߓߣߐ߬ ߘߍ߲߬ߞߣߍ߬ߦߊ߫ ߟߊ߫ ߟߊ߬ߝߐ߬ߓߊ߬ ߓߟߋߓߟߋ ߟߎ߬ ߡߊ߬߸ ߦߏ߫ ߊ߬ ߓߍߣߊ߬ ߓߐ߬ߣߐ߫ ߏ߬ ߟߎ߫ ߘߍ߬ߢߐ߲ߦߊ ߟߊ߫ ߊ߬ߙߌ߬ߖߣߍ߬ ߞߣߐ߫ ߟߐ߬ߓߊ ߟߏ߲، ߊ߬ ߞߍߕߐ߫ ߜߍ߬ߘߍ ߟߎ߬ ߣߌ߫ ߞߏߖߎ߯ ߞߍߟߊ ߟߎ߬ ߣߌ߫ ߖߏ߭ ߟߎ߬ ߘߍ߬ߢߐ߲߮ ߟߋ߬ ߘߌ߫ ߥߋ߲߯ߓߋ ߕߊ ߘߐ߫ ߸ ߒ߬ߓߊ߬ ߏ߬ ߛߏ ߣߴߊ߬ ߛߌ߰ߢߐ߲߰ߦߊ ߜߏߡߊ߲߫.
ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫:
{ ߊ߬ ߝߐ߫ ߞߏ߫ ߓߣߐ߬ߓߊ߮ ߟߎ߬ ߦߋ߫ ߡߐ߰ ߟߎ߫ ߟߋ߬ ߘߌ߫ ߡߍ߲ ߠߎ߫ ߓߣߐ߬ߕߐ߫ ߊ߬ߟߎ߫ ߖߘߍ߬ ߣߴߊ߬ߟߎ߬ ߞߐߙߍ ߟߎ߬ ߘߐ߫ ߟߐ߬ߓߊ ߟߏ߲ ߸ ߏ ߞߏ߬ߣߌ߲߬ ߦߋ߫ ߓߣߐ߬ ߘߐ߬ߜߍ ߟߋ߬ ߘߌ߫ ߘߋ߬}(߁߅) ߕߊߓߘߌߞߊ ߟߎ߫ ߟߋ߬ ߞߍߕߐ߫ ߏ߬ ߟߎ߬ ߦߋ߫ ߊ߬ߟߎ߬ ߛߊ߲ߘߐ߫ ߸ ߞߵߊ߬ ߓߘߌߞߊ߫ ߜߘߍ߫ ߞߴߊ߬ߟߎ߫ ߘߎ߰ߟߊ߫، ߒ߬ߓߵߊߟߊ߫ ߦߴߊ߬ ߟߊ߫ ߖߐ߲߭ ߠߎ߬ ߘߐߛߌߟߊ߲߫ ߠߴߏ߬ ߟߋ ߟߊ߫، ߤߍ߲߬ ߊߟߎ߬ ߒ ߠߊ߫ ߖߐ߲߭ ߠߎ߬ ߸ ߊߟߴߊߟߎ߫ ߝߊ߲ߕߊ߲߬ߞߊ߬ ߒ ߡߊ߬ ߟߋ߬ ߘߋ߬ }. [ ߃߉:߁߅-߁߇].
ߌ ߞߊߣߊ߬ ߟߊ߬ߕߍ߰ߦߊ ߟߊߕߏ߫ ߞߐ߫!
ߘߎߢߊ ߕߍ߫ ߓߊ߲ߓߊߟߌ ߛߏ ߘߌ߫...
ߗߋ߲߬ߧߊ ߓߍ߯ ߘߌ߫ ߕߎߣߎ߲߫ ߊ߬ ߡߊ߬߸ ߘߌߦߊߣߊ߲ߞߏ ߓߍ߯ ߘߌ߫ ߟߊߛߊ߬...
ߟߏ߲ ߘߏ߫ ߣߊ߬ߕߐ߬ ߊߟߎ߫ ߟߊ߫ ߞߏ ߓߍ߯ ߖߋ߬ߓߌ߬ߓߐ߫ ߟߊ߫ ߡߍ߲ ߘߐ߫، ߏ߬ ߟߏ߲ ߠߋ߬ ߟߐ߬ߓߊ ߟߏ߲ ߘߌ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫: ߟߍߙߊ ߘߌ߫ ߟߊ߫ ߜߍ ߘߐ߫ ߸ ߌ ߘߌ߫ ߛߐ߲߬ߡߊ ߟߎ߬ ߛߌߟߊ߲ߣߍ߲ ߦߋ߫ ߏ߬ ߞߣߐߞߏ ߢߍ߫ ߸ ߞߵߊ߬ ߝߐ߫ ߞߏ߫ ߊ߯ߟߊ߲߫߸ ߡߋ߬ߘߋ ߦߋ߫ ߟߍߙߊ ߢߌ߲߬ ߠߊ߫ ߓߏ߲߬ ߊ߬ ߕߍ߫ ߘߐ߰ߡߊ߲߬ߣߍ߲߬ ߣߌ߫ ߓߏ߲߬ߓߊ߬ ߛߌ߫ ߕߏ߫ ߝߏ߫ ߊ߬ ߦߴߏ߬ ߓߍ߯ ߖߊ߬ߕߋ߬، ߊ߬ߟߎ߬ ߘߴߊ߬ߟߎ߬ ߟߊ߫ ߓߊ߯ߙߊ ߓߍ߯ ߛߐ߬ߘߐ߲߬ ߊ߬ ߞߣߐ߫ ߸ ߌ ߡߊ߰ߙߌ ߘߏ߲߬ ߕߍ߫ ߡߐ߰ ߞߋߟߋ߲߫ ߛߌ߫ ߕߐ߬ߢߍ߰ ߟߊ߫} [ ߁߈:߄߉].
ߊߟߊ߫ ߡߊ߲߬ߛߊ߫ ߜߌߟߌ߲ ߡߊ߲߬ߛߊ߬ ߞߘߐߕߊ߬ߣߍ߲ ߓߘߴߊ߬ ߦߌ߬ߘߊ߫ ߞߏ߫ ߸ ߡߐ߰ ߛߌ߫ ߡߊ߫ ߛߌ߬ߟߊ߬ߡߊ߬ߦߊ߫ ߏ߬ ߕߌ߱ ߟߊߓߊ߲ ߦߋ߫ ߖߊ߬ߤߣߊ߬ߡߊ߬ ߥߋ߲߯ߓߋ ߟߋ߬ ߘߌ߫ ߊ߬ ߘߏ߲߬ ߕߍ߫ ߓߐ߫ ߟߊ߫ ߦߋ߲߬ ߝߋߝߋ߫.
ߒ߬ߓߊ߬ ߓߐ߬ߣߐ߫ ߡߊߣߐ߬ ߊ߬ ߖߍ߬ߘߍ߫ ߞߊߓߏ߲߬ ߠߋ߬ : ﴾ߡߍ߲ ߓߊ߯ ߢߌߣߌ߲߫ ߛߌ߬ߟߡߊ߬ߦߊ ߕߊ߬ߣߊ߫ ߡߊ߬ ߘߌ߯ߣߊ߫ ߘߌ߫ ߸ ߒ߬ߓߵߏ߬ ߕߍ߫ ߡߌ߬ߘߴߏ߬ ߟߊ߫ ߡߎ߰ߡߍ߫، ߏ߬ ߘߏ߲߬ ߟߊߞߌߙߊ߫ ߓߣߐ߬ߓߊ߮ ߟߎ߬ ߘߏ߫ ߟߋ߬ ߘߌ߫} [ ߃:߈߅].
ߒ߬ߓߊ߬ ߛߌ߬ߟߡߊ߬ߦߊ ߦߋ߫ ߘߌ߯ߣߊ߫ ߟߋ߬ ߘߌ߫ ߊߟߊ߫ ߕߍ߫ ߡߍ߲ ߢߐ߲߰ ߜߘߍ߫ ߕߊ߬ ߟߊ߫ ߘߌ߯ߣߊ߫ ߕߐ߭ ߟߎ߬ ߕߍߡߊ߬.
ߊߟߊ߫ ߟߋ߬ ߞߵߊ߲ ߘߊ߲߬ ߊ߲ ߞߐߛߊ߬ߦߌ߬ ߕߐ߫ ߊ߬ߟߋ ߟߋ߬ ߡߊ߬ ߸ ߘߎߢߊ ߦߋ߫ ߞߘߐߓߐߟߌ ߟߋ߬ ߘߌ߫ ߊ߲ ߧߋ߫.
ߝߏ߫ ߡߐ߱ ߦߋ߫ ߘߍ߲߬ߞߣߍ߬ߦߊ߬ ߟߋ߫ ߝߋߝߋ߫ : ߞߏ ߘߎߢߊߘߐߕߍ߮ ߞߎ߲߬ߘߐ߬ߛߎߘߎ߲ߡߊ߲ ߠߋ߬ ߦߏ߫ ߛߌ߬ߓߏ ... ߡߐ߰ ߛߌ߫ ߘߏ߲߬ ߡߴߊ߬ ߛߊ߬ ߕߎ߬ߡߊ ߟߐ߲߫!
ߌ ߟߊ߫ ߖߋ߬ߓߌ߬ߟߌ ߞߍ߫ ߕߐ߫ ߡߎ߲߬ ߘߌ߫ ߣߴߌ ߡߊ߰ߙߌ߬ߓߊ ߦߋ߫ ߣߴߊ߬ ߞߵߌ ߢߌ߬ߣߌ߲߬ߞߊ߫ ߟߐ߬ߓߊ ߟߏ߲ :ߡߎ߲߬ ߘߐ߫ ߊ߬ ߡߊ߫ ߕߎ߲߬ ߕߎ߬ߢߊ ߞߐ߫ ؟ ߡߎ߲߬ ߘߐ߫ ߊ߬ ߡߊ߫ ߕߎ߲߬ ߟߊ߬ߝߐ߬ߓߊ߮ ߟߎ߫ ߟߊߓߊ߲߫ ߞߐ߫ ؟
ߌ ߦߴߌ ߡߊ߰ߙߌ߬ߓߊ ߖߋ߬ߓߌ߬ ߟߊ߫ ߡߎ߲߬ ߠߊ߫ ߟߐ߬ߓߊ߫ ߟߏ߲ ߸ ߞߴߊ߬ ߕߘߍ߬ ߊ߬ ߞߴߌ ߟߊߛߏ߬ߓߌ ߛߌ߬ߟߡߊ߬ߦߊ ߓߊ߲߬ߓߊ߬ߦߊ߫ ߞߐߝߟߌ ߟߎ߬ ߡߊ߬ ߸ ߊ߬ ߞߴߌ ߞߌ߬ߓߊ߬ߙߏ߬ߦߊ߫ ߞߏ߫ ߓߊ߲߬ߓߊ߬ߦߊ ߞߐߝߟߌ ߦߋ߫ ߤߟߊ߬ߞߌ ߟߋ߬ ߘߌ߫ ߥߋ߲߯ߓߋ ߖߊ߲߰ߞߕߊ ߘߐ߫ ߞߎߘߊߦߌ߫ ؟
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ߡߍ߲ ߠߎ߬ ߓߊ߯ ߊ߬ߟߎ߫ ߓߊ߲߬ ߘߐ߫ ߞߊ߬ ߒ߬ ߠߊ߫ ߟߝߊߙߌ ߟߎ߬ ߥߎߦߊߒߕߋߦߊ߫߸ ߏ߬ ߟߎ߫ ߟߋ߬ ( ߞߍߕߐ߫ ) ߕߊ ߘߏ߲߬ߞߏ ߟߎ߬ ߘߌ߫، ߊ߬ߟߎ߬ ߘߎߡߊߕߐ߫ ߦߋ߲߬ ߠߋ߬﴿ [ ߂:߃߉].
ߦߊ߬ߝߊ߫ ߕߍ߫ ߡߐ߰ ߟߎ߫ ߦߋ߫ ߡߍ߲ ߠߎ߬ ߦߋ߫ ߕߎ߬ߢߊ ߓߌ߬ߟߊ߬ ߟߊ߫ ߞߊ߬ ߝߊ߭ ߟߎ߬ ߣߌ߫ ߓߋ߲ߓߊ ߟߎ߬ ߟߊߘߍ߲߰
ߊߟߊ߫ ߡߊ߬ߙߌ߬ ߜߌߟߌ߲ ߡߊ߰ߙߌ ߞߘߐߕߊ߬ߣߍ߲ ߞߵߊ߬ ߝߐ߫ ߒ߬ ߧߋ߫ ߞߏ߫ ߡߐ߰ ߛߌߦߊߡߊ߲߫ ߦߴߊ߬ߟߎ߫ ߓߊ߲߬ ߠߊ߫ ߘߏ߲߬ ߠߊ߫ ߛߌ߬ߟߊ߬ߡߊ߬ߦߊ߫ ߘߐ߫ ߞߊ߬ߡߊߛߐ߬ߘߐ߲߬ ߊ߬ߟߎ߬ ߓߊߟߏ߫ ߟߊ߫ ߓߐ߰ߝߍ ߛߌߟߊ߲ ߠߋ߫ ߝߍ߬.
ߡߐ߰ ߛߌߦߊߡߊ߲߫ ߓߊ߲߬ ߛߌ߬ߟߡߊ߬ߦߊ ߘߐ߫ ߞߊ߬ߡߊߛߐ߬ߘߐ߲߬ ߊ߬ߟߎ߬ ߕߴߊ߬ ߝߍ߬ ߞߵߊ߬ߟߎ߫ ߝߊ߰ ߗߍ ߟߎ߬ ߟߊߓߌ߬ߟߊ߬ ߥߟߊ߫ ߞߊ߬ ߓߍ߲߬ ߊ߬ߟߎ߬ ߓߐ߬ߝߍ߫ ߟߎ߬ ߣߴߊ߬ߟߎ߫ ߛߌ߰ߦߙߐ ߟߎ߬ ߘߌ߫ ߸ ߊ߬ߟߎ߬ ߘߋ߬ߙߌ߬ߣߍ߲߫ ߊ߬ ߟߊ߫ ߟߋ߬، ߊ߬ߟߎ߬ ߛߌߦߊߡߊ߲߫ ߓߘߊ߫ ߞߎ߬ߡߊ߲߬ߘߌ߫ ߥߎߦߊ ߡߊ߬ ߸ ߊ߬ߟߎ߫ ߞߊ߬ ߡߍ߲ ߕߊ߬ ߗߍ ߘߐ߫.
ߤߊߞߍߕߏ ߛߌ߫ ߕߍ߫ ߣߌ߲߬ ߡߐ߱ ߟߎ߬ ߦߋ߫ ߏ߬ ߘߐ߫߸ ߊ߬ߟߎ߬ ߓߍߣߊ߬ ߊߟߎ߫ ߟߐ߬ ߊߟߊ߫ ߢߊߞߘߐ߫ ߦߌ߬ߘߊ߬ߞߏ߬ ߛߌ߫ ߕߴ ߊ߬ߟߎ߬ ߓߟߏ߫.
ߖߋ߬ߓߌ߬ߦߊ߬ߟߌ ߕߍ߫ ߡߊ߰ߙߌ߬ߒߕߊ߲ ߓߟߏ߫ ߞߏ߫ ߊ߬ߟߋ߫ ߦߋ߫ ߕߏ߫ ߟߊ߫ ߡߊ߰ߙߌ߬ߒ߬ߕߊ߲ߢߊ ߟߋ߬ ߘߐ߫ ߞߵߊ߬ ߡߊߛߐ߬ߘߐ߲߬ ߞߏ߫ ߊ߬ߟߋ߬ ߛߐ߬ߘߐ߲߬ ߘߊ߫ ߡߊ߰ߙߌ߬ߒ߬ߕߊ߲߬ ߞߐߙߍ߫ ߟߋ߬ ߘߐ߫ ߸ ߒ߬ߓߊ߬ ߊ߬ ߞߊߡߊ߲ ߞߵߊ߬ ߤߊߞߟߌ߫ ߟߋ߬ ߟߊߓߊ߯ߙߊ߫ ߊߟߊ߫ ߞߊ߬ ߤߊߞߟߌ ߡߍ߲߫ ߘߴߊ߬ ߡߊ߬߸ ߞߵߊ߬ ߡߙߌ߫ ߛߊ߫ ߠߎ߬ ߣߌ߫ ߘߎ߱ ߟߊߓߏ߲߬ߧߊ ߡߊ߬ ߸ ߊ߬ ߦߴߊ߬ ߕߊ߰ߛߌ߬ ߊ߬ ߤߊ߲ߞߟߌ ߡߊ߬ ߏ߬ ߡߍ߲ ߘߌ߫ ߘߴߊ߬ ߡߴߊ߬ ߘߊ߲ߓߊ߮ ߓߟߏ߫ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߖߊ߯ߓߊ ߢߌ߲߬ ߘߊ߲ߣߍ߲߫ ߠߋ߬ ߸ߏ߬ ߢߊ ߟߋ߫ ߞߊ߲߬߸ ߡߍ߲ ߘߏ߲߬ ߓߊ߯ ߞߓߊ ߟߎ߬ ߣߌ߫ ߛߏߡߊ ߟߎ߬ ߓߊ߬ߕߏ߬߸ ߝߎ߬ߕߎ߲߬ߕߌ߬ ߕߴߏ߬ ߓߟߏ߫ ߊ߬ ߓߋ߲ߓߊ ߟߎ߬ ߟߊߘߍ߲߰ ߞߊߡߊ߬߸ ߒ߬ߞߵߊ߬ ߞߊߡߊ߲ ߠߋ߬ ߞߊ߬ ߕߎ߬ߢߊ ߢߊߢߌߣߌ߲ ߞߵߊ߬ ߖߘߍ߬ ߢߌ߬ߣߌ߲߬ߞߊ߫ : ߒ ߘߌ߫ ߛߋ߫ ߝߋ߲߫ ߞߍ߲ߘߍ ߘߏ߫ ߓߊ߬ߕߏ߬ ߟߊ߫ ߘߌ߬ ߡߍ߲ ߕߍ߫ ߒ ߡߍ߲߫ ߠߊ߫߸ ߥߟߊ߫ ߡߍ߲ ߕߍ߫ ߕߙߐ߫ ߞߍ߫ ߟߊ߫ ߒ ߡߊ߬߸ ߥߟߊ߫ ߡߍ߲ ߕߍ߫ ߒ ߕߣߐ߬ߓߐ߬ ߟߊ߫ ߢߊ߫ ߛߌ߫ ߡߊ߬؟!
ߊ߬ ߦߋ߫ ߏ߬ ߢߊ ߟߋ߬ ߣߊ߲߬ߛߊ߯ߙߊ ߡߍ߲ ߘߍ߲߬ߞߣߍ߬ߦߊ߬ߣߍ߲߫ ߞߏ ߟߎ߬ ߡߊ߬ ߡߍ߲ ߠߎ߬ ߝߏߣߍ߲ ߓߐߞߊ߬ߕߘߍ ߣߌ߫ ߤߊߞߟߌ ߡߊ߬ ߊ߬ ߞߊߡߊ߲ ߞߵߊ߬ ߖߘߍ߬ ߢߌ߬ߣߌ߲߬ߞߊ߫ : ߡߊ߬ߙߌ ߦߴߊ߬ ߖߍ߬ߘߍ߫ ߘߋ߲ ߝߊ߰ ߟߊ߫ ߘߌ߬ ߡߍ߲ ߡߊ߫ ߞߎ߲߬ߞߏ߬ ߞߍ߫ ߸ ߞߴߊ߬ ߛߊߓߎ߫ ߞߍ߫ ߡߐ߰ ߜߘߍ ߟߎ߬ ߞߎ߲߬ߞߏ ߘߌ߫ ؟! ߏ߬ ߦߋ߫ ߕߐ߬ߢߍ߮ ߟߋ߬ ߘߌ߫! ߡߐ߰ ߟߎ߬ ߛߋߕߐ߫ ߡߊ߰ߙߌ ߘߋ߲ ߓߊߙߊ߲ߕߏ߫ ߟߊ߫ ߘߌ߬ ߞߵߊ߬ ߝߊ߰ ؟ ߊ߬ ߝߐ߫ ߡߊ߰ߙߌ ߕߍ߫ ߛߋ߫ ߡߐ߰ ߟߎ߬ ߖߟߎ߬ߡߎ߲ ߦߊ߬ߝߊ߫ ߟߊ߫ ߞߵߊ߬ ߕߘߍ߬ ߊ߬ ߡߊ߫ ߘߋ߲ ߝߊ߰ ߟߊߘߊ߬ߤߴߊ߬ ߢߍ߫ ؟! ߊ߬ߝߐ߫ ߡߊ߰ߙߌ ߘߌ߫ ߞߊ߬ߢߴߊ߬ ߘߋ߲ ߡߊߞߊߘߊ߲߫ ߠߊ߫ ߓߊ؟
ߡߍ߲ ߦߋ߫ ߛߋ߲ߛߋߘߋ߲ ߘߌ߫ ߤߊߞߟߌߡߊ ߡߊ߬ ߏ߬ ߟߋ߫ ߦߋ߫ ߕߎ߬ߢߊ ߟߊߓߊ߬ߕߏ߬ ߘߌ߫ ، ߊ߬ ߕߍ߫ ߝߊ߬ ߟߎ߬ ߣߌ߫ ߓߋ߲ߓߊ ߟߎ߬ ߟߊߓߊ߬ߕߏ߬ ߟߊ߫ ߓߊߕߙߊߦߊ߫ ߛߌߟߊ ߞߊ߲߬.
ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: { ߣߴߊ߬ ߝߐ߫ ߘߴߊ߬ߟߎ߬ ߦߋ߫ ߞߏ߫ ߊߟߎ߫ ߦߋ߫ ߣߊ߬ ߝߋ߲߫ ߡߊ߬ ߊߟߊ߫ ߣߊ߬ ߡߍ߲ ߠߊߖߌ߰ ߟߊ߫߸ ߊ߬ ߣߌ߫ (ߞߊ߬ ߣߊ߬) ߞߋߟߊ ߡߊ߬߸ ߊ߬ߟߎ߬ ߘߴߊ߬ ߝߐ߫ ߞߏ߫ ߒ߬ ߣߊ߬ ߒ߬ ߓߋ߲ߓߊ ߟߎ߫ ߕߘߍ߬ ߟߊ߫ ߡߍ߲ ߞߊ߲߬߸ ߏ߬ ߘߴߊ߲ ߓߐ߫ ߕߋ߲߬، ߋ߫ ߸ ߤߟߴߊ߬ߟߎ߬ ߓߋ߲ߓߊ ߟߎ߫ ߕߎ߲߬ ߡߊ߫ ߝߋ߲߫ ߟߐ߲߫ ߸ ߊ߬ߟߎ߫ ߕߎ߲߬ ߕߍ߫ ߞߊ߲ߘߦߊ߫ ߝߣߊ߫ ߞߊ߲߬؟ ﴿ [ ߅:߁߀߄].
ߡߐ߱ ߡߍ߲ ߦߴߊ߬ ߝߍ߬ ߞߊ߬ ߛߌ߬ߟߡߊ߬ߦߊ ߕߊ߬߸ ߊ߬ ߘߏ߲߬ ߦߋ߫ ߛߌߟߊ߲߫ ߠߊ߫ ߊ߬ ߡߊ߬ߡߐ߮ ߟߎ߬ ߟߊ߫ ߕߙߐ߫ ߟߊ߫߸ ߏ߬ ߦߋ߫ ߡߎ߲߬ ߞߍ߫ ߟߊ߫ ؟
ߡߍ߲ ߦߴߊ߬ ߝߍ߬ ߞߊ߬ ߛߌ߬ߟߡߊ߬ߦߊ߬ ߓߊ߬ߙߌ߬ ߊ߬ ߦߋ߫ ߛߌߟߊ߲߫ ߠߊ߫ ߊ߬ ߟߊߡߌߣߌ߲߫ ߧߍ߫߸ ߏ߬ ߘߌ߫ ߛߋ߫ ߛߌ߬ߟߡߊ߬ ߟߊ߫ ߸ ߞߵߊ߬ ߟߊ߫ ߛߌ߬ߟߡߊ߬ߦߊ߫ ߘߏ߲߰ ߸ ߤߊ߲߯ ߊߟߊ߫ ߦߋ߫ ߛߌߟߊ߫ ߢߌߡߊ ߛߣߐ߬ߦߊ߫ ߊ߬ ߢߍ߫ ߊ߬ ߘߌ߫ ߤߙߊ߫ ߛߐ߬ߘߐ߲߬ ߡߍ߲߫ ߞߊ߲߬ ߞߵߊ߬ ߟߊ߫ ߛߌ߬ߟߡߊ߬ߦߊ߫ ߓߌ߬ߟߊ߬ ߜߍ߫ ߘߐ߫.
ߡߍ߲ ߛߋ߲ߛߋߘߋ߲ߧߊߣߍ߲ ߌ ߡߊ߫ ߏ߬ ߟߋ߫ ߦߋ߫ ߛߌ߬ߟߡߊ߬ߦߊ߫ ߡߌ߬ߘߊ ߘߌ߫ ߖߏߣߊ߫ ߸ ߓߊ߬ߙߴߊ߬ ߕߍ߫ ߘߌߦߊߜߏߦߊ߫ ߘߌ߫ ߞߏ߫ ߌ ߦߴߌ ߞߙߍ߬ߝߍ߬ ߡߐ߮ ߟߎ߬ ߟߊߓߴߊ߬ ߞߊ߬ߟߊߡߊ߬ ߸ ߥߟߊ߫ ߞߵߊ߬ ߟߊ߫ ߖߍ߲ߛߍ߲߫ ߸ ߣߴߏ߬ ߦߋ߫ ߕߙߐ߫ ߟߊߛߴߌ ߡߊ߬.
ߌ ߦߴߊ߬ ߟߐ߲߫ ߣߴߌ ߛߌ߬ߟߡߊ߬ߦߊ߬ ߘߌ߫ ߌ ߓߊߘߋ߲ ߠߋ߬ ߛߌ߬ߟߊ߬ߡߊ߫ ߞߋ߲߬ߥߟߎ߬ ߦߙߌߞߊ߫ ߓߍ߯ ߘߌ߫ ߸ ߌ ߘߌ߫ ߛߴߌ ߖߡߊ߬ߣߊ ߕߌ߲ߓߌߘߌ߲ߘߊ ߟߎ߬ ߟߊߛߐ߬ߘߐ߲߬ ߠߊ߫ ߥߟߊ߫ ߛߌ߬ߟߡߊ߬ߦߊ߬ ߕߊ߲ߓߊ߲ ߠߎ߬ ߞߊ߬ ߟߊ߬ߟߌ߬ߟߌ߬ߞߊ߲ ߠߎ߬ ߣߌ߫ ߘߍ߬ߡߍ߲߬ߠߌ߲ ߠߎ߬ ߢߌߣߌ߲߫ ߊ߬ߟߎ߫ ߝߍ߬ ߸ ߊ߬ߟߎ߬ ߘߌ߫ ߛߍߥߊ߫ ߏ߬ ߟߊ߫.
ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫:
{ ߡߍ߲ ߘߏ߲߬ ߓߊ߯ ߊ߬ ߝߊ߲ߕߊ߲߬ߞߵߊߟߊ߫ ߡߊ߬ ߊ߬ ߘߌ߫ ߓߐ߲ߘߊ߫ ߞߍ߫ ߏ߬ ߦߋ߫ ߸ߣߴߊ߬ ߘߴߏ߬ ߤߊ߬ߙߌ߬ߖߍ߰ ߦߙߐ߫ ߘߐ߫ ߊ߬ ߕߍ߫ ߡߍ߲ ߖߌ߰ ߟߊ߫} [ ߆߅:߂-ߓ،߃]
ߌ ߟߋ߫ ߞߊ߬ߙߊ߲߬ ߞߍߟߊ߬ ߝߏߣߌߛߙߋ
ߊ߬ ߝߐ߫ ߊߟߊ߫ ߟߊߘߌ߬ߢߍ ߟߋ߬ ߕߍ߫ ߌ ߘߊ߲ߓߊ߮ ߸ ߏ߬ ߡߍ߲ ߞߵߊ߬ ߟߊ߫ ߣߍߡߊ ߟߎ߬ ߘߝߊ߫ ߌ ߞߊ߲߬ ߸ ߭ߊ߬ ߞߊ߬ ߛߎ߬ߡߊ߲ ߘߴߌ ߡߊ߬ ߞߵߊ߬ ߕߘߍ߬ ߌ ߦߋ߫ ߢߋ߬ߟߋ ߟߋ߬ ߘߌ߫ ߌ ߣߊ߬ ߞߣߐ߫ ߘߐ߫ ߸ ߞߊ߬ ߝߢߐ ߘߴߌ ߡߊ߬ ߌ ߦߴߌ ߣߌߟߊߞߟߌ߫ ߏ߬ ߡߍ߲ ߠߊ߫ ߕߋ߲߬ ߸ ߦߊ߯ߟߊ߫ ߏ߬ ߟߋ߫ ߣߊ߬ߝߊ ߞߊߓߏ߲߬ ߞߊ߬ ߕߊ߬ߡߌ߲߬ ߡߐ߱ ߟߎ߬ ߟߊ߫ ߘߌ߬ߢߍ ߟߊ߫ ߌ ߡߊ߫ ؟
ߊ߬ ߝߐ߫ ߘߎߢߊ߫ ߢߣߊߡߦߊ ߣߌ߫ ߟߊ߯ߞߌߙߊ߫ ߢߣߊߡߦߊ ߞߊߡߊ߲ ߞߊ߬ ߖߊ߲߬ߛߊ߬ ߢߣߊߡߦߊ ߘߌߦߊ ߥߊ߯ߕߌ߫ ߝߕߌߣߍ߲ ߓߍ߲߬ ߘߌ߫ ߓߊ߬ ؟ ߞߊ߯ߙߌ߫ ߊ߰ ߣߌ߫ ߊߟߊ߫ ߕߍ߫!
ߌ ߞߊߣߵߊ߬ ߕߏ߫ ߌ ߟߊ߫ ߕߊ߬ߡߌ߲߬ߣߍ߲ ߠߎ߬ ߦߴߌ ߞߎ߬ߡߊ߲߬ߘߌ߫ ߟߊ߫ ߌ ߟߊ߫ ߛߌߟߊ߫ ߖߎ߮ ߟߊߢߊ߬ߟߌ ߣߌ߫ ߞߏߢߌߡߊ ߞߍߟߌ ߡߊ߬.
ߌ ߞߍ߫ ߟߊߒߠߦߊߓߊ߮ ߖߍ߬ߘߍߖߍ߬ߘߍ ߘߌ߫ ߓߌ߬! ߌ ߞߣߊ߫ ߛߐ߲߬ ߜߍ߬ߘߍ ߡߊ߬ ߞߵߌ ߞߎ߬ߡߊ߲߬ߘߌ߫ ߕߎ߬ߢߊ ߟߊߓߊ߬ߕߏ ߞߊ߲߬ !
ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:
﴾ ߤߍ߲߬ ߊߟߎ߫ ߡߐ߱ ߟߎ߬ ߟߋ߯ ߸ ߦߌ߬ߘߊ߬ߞߏ ߓߘߊ߫ ߣߵߊߟߎ߫ ߡߊ߬ ߞߊ߬ ߝߘߴߊߟߎ߫ ߕߌ߱ ߟߊ߫ ߸ ߊ߬ ߣߴߊ߲ ߓߘߊ߫ ߦߋߟߋ߲߫ ߟߊ߲ߞߣߍߡߊߣߍ߲ ߠߊߖߌ߰ ߊߟߎ߫ ߡߊ߬﴿( ߁߇߄) ߒ߬ߓߊ߬ ߡߍ߲ ߠߎ߬ ߓߊ߯ ߟߴߊߟߊ߫ ߟߊ߫ ߞߵߊ߬ߟߎ߬ ߓߟߏߞߍ߫ ߊ߬ ߟߊ߫ ( ߡߊ߰ߙߌ ߘߌ߫ )߸ ߊ߬ ߘߴߏ߬ ߟߎ߬ ߟߊߘߏ߲߬ ߊ߬ ߟߊ߫ ߤߌߣߊ ߣߴߊ߬ ߟߊ߫ ߢߊ߬ߒߡߊ߭ ߞߣߐ߫، ߊ߬ ߣߴߊ߬ ߘߴߊ߬ߟߎ߬ ߞߊ߲ߘߴߊ߬ߟߋ߫ ߖߍ߬ߘߍ ߡߊ߬ ߛߌߟߊ߫ ߕߋߟߋ߲ߣߍ߲ ߞߊ߲߬﴿( ߁߇߅) [ ߄:߁߇߄-߁߇߅].
ߦߊ߯ߟߊ ߌ ߓߌߣߍ߲߫ ߌ ߟߊ߫ ߘߎߢߊߘߐߕߍ߯ ߝߊ߲ߞߊ߲ߕߊߟߌ ߓߍ߯ ߘߐ߫ ߓߟߋ߬ߓߟߋ ߕߊ߱ ߡߊ߬ ߓߊ߬؟
ߣߌ߫ ߟߊ߬ߢߌߣߌ߲߫ ߖߐ߲ߖߐ߲ ߦߋ߫ ߣߌ߲߬ ߓߍ߯ ߟߊ߫ ߌ ߓߟߏ߫ ߸ ߞߵߊ߬ ߕߘߍ߬ ߌ ߓߘߊ߫ ߕߎ߬ߢߊ ߟߐ߲߫ ߌ ߖߛߎ߬ߞߎ߲ ߠߊ߫ ߸ ߌ ߞߊ߲ߞߊ߬ ߛߋ߲߬ߕߊ߬ ߝߟߐ ߡߍ߲ ߞߍ߫ ߏ߬ ߟߋ߬ ߦߋ߫ ߞߊ߬ ߞߍ߫ ߛߌ߬ߟߊ߬ߡߊ ߘߌ߫. ߦߊ߯ߟߊ߫ ߌ ߦߴߊ߬ ߝߍ߬ ߒ ߧߴߌ ߘߍ߬ߡߍ߲߬ ߡߙߌߘߐ߫ ߢߌߡߊ ߘߏ߫ ߕߊ߬ ߟߊ߫ ߊ߬ ߣߌ߫ ߞߵߌ ߞߊ߲ߘߊ߫ ߞߍ߫ ߟߊ߫ ߛߌ߬ߟߡߊ߬ ߞߍߢߊ ߘߌ߫؟
ߌ ߞߊߣߊ߬ ߛߐ߲߬ ߌ ߞߎ߲߬ߞߏ ߟߎ߬ ߞߵߌ ߞߎ߬ߡߊ߲߬ߘߌ߬ ߟߊ߫ ߘߏ߲߬ߠߌ߲ ߡߊ߬ ߛߌ߬ߟߡߊ߬ߦߊ ߘߐ߫߸ ߊߟߊ߫ ߞߵߊ߬ ߝߐ߫ ߒ߬ ߧߋ߫ ߞߎ߬ߙߊ߬ߣߊ ߞߣߐ߫ ߞߏ߫ ߊ߬ ߦߋ߫ ߡߐ߱ ߖߎ߯ߡߊ߲ ߠߎ߬ ߡߊߞߕߏ߫ ߟߊ߫ ߟߋ߬ ߣߴߊ߬ ߞߵߊ߬ ߖߘߍ߬ߞߟߏ߫ ߞߊ߬ ߣߡߌߛߊ߫ ߊ߬ ߘߊ߲ߓߊ߮ ߢߍ߫ ߸ ߤߊߟߌ߬ ߣߴߌ ߛߐ߲߬ ߘߊ߫ ߛߌ߬ߟߊ߬ߡߊ߬ߦߊ ߡߊ߬߸ ߊ߬ ߛߎ߲ߞߎ߲ߡߊ ߟߋ߬ ߌ ߦߋ߫ ߖߎ߯ߡߊ߲ ߘߏ߫ ߟߎ߫ ߞߍ߫ ߸ ߒ߬ߠߎ߬ ߦߋ߫ ߊߘߡߊߘߋ߲ ߠߋ߬ ߘߌ߫ ߡߟߍ߬ߞߊ ߕߴߊ߲ ߘߌ߫ ߏ߬ ߟߎ߫ ߡߍ߲ ߠߎ߬ ߕߍ߫ ߖߎ߯ߡߊ߲ ߞߍ߫ ߟߊ߫ ߸ ߒ߬ߞߊ߬ ߡߍ߲ ߢߌߣߌ߲ߣߍ߲߫ ߊ߲ ߝߍ߬ ߏ߬ ߟߋ߬ ߦߋ߫ ߡߊ߬ߞߕߏ߬ߟߌ ߢߌߣߌ߲߫ ߘߌ߫ ߊߟߊ߫ ߟߊ߫ ߞߵߊ߲ ߖߘߍ߬ߟߊߛߊ߬ߦߴߊ߬ ߡߊ߬ ߸ߣߌ߫ ߊߟߊ߫ ߞߵߌ ߦߋ߫ ߕߋߟߌߦߊ߫ ߘߊ߫ ߞߊ߬ ߛߐ߲߬ ߕߎ߬ߢߊ ߡߊ߬ ߞߊ߬ ߘߏ߲߬ ߛߌ߬ߟߡߊ߬ߦߊ߫ ߘߐ߫ ߞߊ߬ ߛߙߋߕߋߕߋߦߊ ߝߌ߬ߟߊ ߝߐ߫ ߏ߬ ߘߴߌ ߘߍ߬ߡߍ߲߬ ߞߊ߬ ߖߟߎ߬ߡߎ߲߬ ߜߘߍ ߟߎ߬ ߞߍ߫ ߘߊߓߌ߬ߟߊ߬ ߡߍ߲ ߘߏ߲߬ ߓߊ߯ ߊߟߊ߫ ߡߌ߬ߘߊ߬ ߞߊ߬ ߕߎ߬ߢߊ ߟߊߓߊ߬ߕߏ߬߸ ߊߟߊ߫ ߘߴߏ߬ ߞߊ߲ߘߊ߫ ߞߵߊ߬ ߓߍ߲߬ߒ߬ߛߋ߲߬ߡߊ ߘߴߏ߬ ߡߊ߬ ߤߙߊ߫ ߟߊߛߌߦߊߦߊ ߘߌ߫ ߌ ߞߣߊ߫ ߛߌߞߊ߫ ߘߏ߲߬ ߘߐ߫ ߛߌ߬ߟߊ߬ߡߊ߬ߦߊ߫ ߘߐ߫ ߕߋ߲߬.
ߞߊ߬ ߓߴߏ߬ ߘߊ߬ߟߎ ߘߐ߫ ߏ߬ ߟߋ߬ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߘߌ߫ ߞߏ߫ : {ߊ߬ ߟߊߛߋ߫ ߓߊ߲߬ߓߊ߮ ߟߎ߫ ߡߊ߬ ߞߏ߫ ߣߴߊ߬ߟߎ߬ ߝߘߊ߫ ߘߊ߫ ( ߛߐ߲߬ߡߊ߬ߦߊ ߟߊ߫ ) ߕߊ߬ߡߌ߲߬ߣߍ߲ ߠߎ߬ ߘߌ߫ ߘߐߞߏߦߊߕߏ߫ ߊ߬ߟߎ߬ ߦߋ߫} [ ߈:߃߈].
ߒ ߧߋ߫ ߡߎ߲ ߞߍ߫ ߟߊ߫ ߸ ߛߊ߫ ߒ ߧߋ߫ ߞߍ߫ ߛߌ߬ߟߡߊ߬ ߘߌ߫ ؟
ߞߊ߬ ߘߏ߲߬ ߛߌ߬ߟߡߊ߬ߦߊ߫ ߘߐ߫ ߏ߬ ߞߊ߫ ߣߐ߲߰߸ ߊ߬ ߘߏ߲߬ ߕߍ߫ ߣߊߡߎ߲ߘߐߦߊ ߟߎ߬ ߣߌ߫ ߞߎ߲߬ߠߊ߬ߛߌ߰ߡߊ߬ߞߏ ߟߎ߬ ߢߌߣߌ߲߫ ߠߊ߫ ߸ ߥߟߊ߫ ߡߐ߰ ߛߌ߫ ߟߊ߫ ߣߊ߰ߛߌ߫ ߡߊߞߐ߬ߣߐ߲ ߠߊ߫ ߸ ߡߐ߰ ߞߊߡߊ߲ ߠߋ߬ ߞߊ߬ ߛߙߋߕߋߕߋߦߊ ߝߌ߬ߟߊ ߝߏ߬ ߞߵߊ߬ ߕߘߍ߬ ߊ߬ ߞߵߊ߬ ߞߘߐ߫ ߟߐ߲߫ ߞߊ߬ ߘߍ߲߬ߞߣߍ߬ߦߴߊ߬ ߡߊ߬ ߸ ߏ߬ ߟߋ߬ ߞߏ߫ :( ߒ ߓߘߊ߫ ߛߙߋߕߋߕߋߦߊ߫ ߡߊ߰ߙߌ߬ ߜߘߍ߫ ߕߍ߫ ߊߟߊ߫ ߞߐ߫ ߸ ߒ ߓߘߊ߫ ߛߙߋߕߋߕߋߦߊ߫ ߝߣߊ߫ ߡߊ߬ߡߊߘߌ߫"ߡߎߤ߭ߊߡߡߊߘ" ߦߋ߫ ߊߟߊ߫ ߟߊ߫ ߞߋߟߊ ߟߋ߬ ߘߌ߫ ) ߣߴߊ߬ ߣߐ߰ߦߊ߬ ߘߴߊ߬ ߡߊ߬ ߞߴߊ߬ ߝߐ߫ ߊ߬ߙߊ߬ߓߎ߬ ߞߊ߲ ߘߐ߫ ߏ߬ ߟߋ߬ ߞߊߝߌ߬ߛߊ߬ ߸ ߣߴߏ߬ ߘߏ߲߬ ߜߟߍ߬ߦߊ߬ ߘߊ߫ ߌ ߡߊ߫ ߒ߬ߓߊ߬ ߌ ߘߴߊ߬ ߝߐ߫ ߌ ߝߊ߬ߞߊ߲ ߘߐ߫ ߌ ߘߌ߫ ߞߍ ߛߌ߬ߟߊ߬ߡߊ ߘߌ߫ ߏ߬ ߟߊ߫ ߸ ߏ߬ ߞߐߝߍ߬ ߌ ߦߋ߫ ߌ ߟߊ߫ ߘߌ߯ߣߊ߫ ߞߊ߬ߙߊ߲߬ ߏ߬ ߡߍ߲ ߦߴߌ ߟߊ߫ ߞߎ߲߬ߠߊ߬ߘߌߦߊ ߓߊߖߎ߮ ߘߌ߫ ߘߎߢߊ߫ ߘߐ߫ ߊ߬ߣߌ߫ ߌ ߟߊ߫ ߛߎߘߊ߲߫ ߘߌ߫ ߟߊ߬ߓߊ߲ ߟߏ߲.
ߞߊ߬ ߞߎ߲߬ߠߊ߬ߝߎߟߋ߲߫ ߠߎ߬ ߡߊߞߊ߬ߝߏ߬ ߛߌ߬ߟߡߊ߬ߦߊ߫ ߞߊ߲߬ ߸ ߒ ߧߴߌ ߘߐ߫ ߛߎ߫ ߟߊ߫ ߞߐߜߍ ߢߌ߲߬ ߞߎ߲ߝߊ߲ߓߐ߫ ߡߊ߬ :
ߣߴߌ ߦߴߊ߬ ߝߍ߬ ߞߊ߬ ߛߌ߬ߟߡߊ߬ߦߊ߬ ߥߊߟߋߦߊߟߌ ߟߐ߲߫߸ ߊ߲ ߧߴߊ߲ ߛߙߊ߬ߟߴߌ ߟߊ߫ ߘߏ߲߬ ߘߐ߫ ߞߐߜߍ߫ ߢߌ߲߬ ߞߊ߲߬: