الإسلام دين رب العالمين

Me hyɛase wɔ Nyame din mu Hommɔborɔ hene Ɔdɛɛfoɔ hene.

Islam/ Kramo som no yɛ Abodia nyinara wura No Som.

Hwan na yɛ wo wura?

Wei yɛ asɛmbisa a ɛwɔ hɔ, na ɛyɛ asɛmbisa a ɛhia pa ara yie a ɛyɛ nhyɛ sɛ onipa biara nim n'anoyie.

Yɛn Awurade ne Nea Ɔbɔɔ ɛsoro ne asaase, na Ɔsianee nsuo firii soro na Ɔde nnuaba ne nnua baeɛ sɛ aduane maa yɛn ne mmoa a yɛdidi so. Na Ɔno na Ɔbɔɔ yɛn na Ɔbɔɔ yɛn agyanom, na Ɔbɔɔ biribiara, na Ɔno na Ɔyɛɛ anadwo ne awia, na Ɔno na Ɔmaa anadwo yɛɛ nna ne ahomegyeɛ berɛ, na ɛda nso yɛɛ berɛ a wɔde hwehwɛ aduane ne asetena mu nneɛma. Ɔno na Ɔbrɛɛ owia, bosome, nsoromma, ne ɛpo ase maa yɛn, na Ɔbrɛɛ mmoa ase maa yɛn sɛ yɛnni wɔn na yɛnya wɔn nufusuo ne wɔn nwoma so mfasoɔ.

Deɛn na ye Abɔdeɛ nyinara Awurade no Ahyɛnsodeɛ?

Awurade ne Nea Ɔbɔɔ abɔdeɛ, na Ɔno na Ɔkyerɛ wɔn kwan kɔ nokorɛ ne tenenee mu, na Ɔno na Ɔhwɛ abɔdeɛ nyinaa nsɛm so, na Ɔno na Ɔma wɔn wɔn ahiadeɛ, na Ɔno ne biribiara a ɛwɔ saa asetena yi mu ne Daankwamma mu no wura, na biribiara yɛ N’agyapadeɛ, na biribiara a aka no wɔ No. Ɔno ne Ɔteasefoɔ a Ɔnwu na Ɔnna, na Ɔno ne Ɔdefoɔ, a Ɔnam N’ahyɛdeɛ so ma ateasefoɔ nyinaa dan No, na Ɔno ne Nea Ne mmɔborɔhunu kata nneɛma nyinaa so, na Ɔno ne Nea biribiara nhinta No wɔ asaase so anaasɛ ɔsoro. Biribiara nni hɔ a ɛte sɛ Ɔno, na Ɔno ne Nea Ɔte biribiara, Ɔhunu biribiara nso, na Ɔwɔ Ne soro, a Ɔde Ne ho firi N’abɔdeɛ ho, na abɔdeɛ no hia No, na Ɔmfa bɔbea biara wɔ N'abɔdeɛ mu, na N'abɔdeɛ mfa bɔbea biara wɔ Ne su mu, Anuonyam nka No, Ɔsorosoroni no. Ɛyɛ Awurade na Ɔbɔɔ wiase a yɛhunu yi a ne nhyehyɛe nyinaa yɛ pɛpɛɛpɛ a kyematɔ biara nnim, sɛ ɛyɛ nnipa ne mmoa honamdua nhyehyɛe, anaa ewiase nhyehyɛe a atwa yɛn ho ahyia a n'awia, ne nsoromma, ne ne nneɛma afoforɔ ka ho.

Na biribiara a wɔsom no ka Ne ho no nni mfasoɔ anaa ɔhaw biara mma ne ho, enti ɛbɛyɛ dɛn na atumi de mfasoɔ aba nea ɔresom no no so, anaasɛ atumi ayi ɔhaw bi afiri ne so?

Deɛn na yɛ Yɛn Wura Nyankopͻn asɛdeɛ wɔ yɛn so?

Ne kyɛfa da nnipa nyinaa so sɛ wɔsom No nko ara na ɛnsɛ sɛ wɔsom biribi ka Ne ho, Na mma wɔnsom onipa, ɛboɔ, asubɔnten, ade a nkwa nnim, okyinnsoromma, anaa biribi foforɔ biara a ɛnyɛ Ɔno anaa bata Ne ho. Mmom ɛsɛ sɛ wɔde ɔsom ma Onyankopɔn, abɔdeɛ nyinaa Wura No nko ara.

Deɛn na yɛ Onipa Asɛdeɛ wɔ wɔn Awurade so?

Nnipa kyɛfa a ɛwɔ Onyankopɔn hɔ sɛ wɔsom No a, ne sɛ, Ɔma wɔn asetra pa a bammɔ, ahobammɔ, asomdwoe, abodwoɔ, ne abotɔyam wom, na wɔ owu akyi asetra mu no, Ɔde wɔn kɔ Ɔsoro Ahemman Turo no mu, baabi a daa anigyeɛ wɔ ne daapem a enni awieeɛ, Na sɛ wɔyɛ asoɔden tia No na wɔbu N'ahyedeɛ so a, Ɔbɛma wɔn asetena ayɛ awerɛhoɔ ne mmɔbɔ, sɛ mpo wɔsusu sɛ wɔwɔ anigyeɛ ne awerɛkyekyerɛ mu a, na wɔ awieeɛ da no Ɔde wɔn bɛwura Egya a wɔremfiri mu da no mu , na emu na wɔbɛnya daa yawdie ne daa nkwa.

Deɛn ne yɛn asetena botaeɛ? Na Deɛn ti na Nyame bɔɔ yɛn?.

Awurade Ayɛmyɛni no ka kyerɛɛ yɛn sɛ Ɔde tirimpɔ a ɛyɛ animuonyam na Ɔbɔɔ yɛ, a ɛne sɛ ɛsɛ sɛ yɛsom no nko ara, na ɛnsɛ sɛ yɛde biribiara bata Ne ho, na Ɔhyɛɛ yɛn sɛ yɛmfa papayɛ ne nsakraeɛ nhyɛ asaase no so ma na deɛ ɔbɛsom biribi foforɔ wɔ ne Wura ne ne Bɔfoɔ no akyi no nnim tirimpɔ a enti wɔbɔɔ no, na saa ara nso na wanyɛ n’asɛdeɛ amma ne Bɔfoɔ no, na obiara a ɔde ɔsɛeɛ ba asaase so no nnim n’asɛdeɛ a wɔde maa no.

Sɛn na yɛ be som yen Awurade?

Awurade, Anuonyam Nka No, wammɔ yɛn annyae yɛn sɛ Ɔmfa yɛn ho, na saa ara nso na wanyɛ yɛn asetra kwa, Mmom no, Ɔyii asomafoɔ firii nnipa mu maa wɔn nkurɔfoɔ, wɔwɔ suban pa a ɛwie pɛyɛ, ne akra a wɔn ho teɛ sene biara, ne akoma a ɛho te sene biara, Ɔsianee Ne nsɛm brɛɛ wɔn, ne biribiara a ɛsɛ sɛ nnipa hunu fa Owura no ho, anuonyam nka No, na ɛsan fa wusɔreɛ ma Wusɔreɛ Da no ho, na ɛno ne akontabuo da ne akatua da. Asomafoɔ no de sɛdeɛ wɔbɛsom wɔn Awurade no kyerɛkyerɛɛ wɔn nkurofoɔ, na wɔkyerɛkyerɛɛ wɔn akwan ahodoɔ a wɔfa so som, ne wɔn mmerɛ ne wɔn akatua wɔ ewiase ne atɛmmuo da no, na wɔbɔɔ wɔn kɔkɔ wɔ deɛ wɔn Awurade abara wɔn wɔ aduane, anonneɛ, ne awareɛ ho. Na wɔkyerɛɛ wɔn kwan kɔɔ abrabɔ pa ho na wɔbaraa wɔn wɔ abrabɔ bɔne ho.

23. Ɛsom bɛn na Awurade Nyankopɔn Okokuroko no gye tom?

24. Ɛsom a Allah gye tom ne Islamsom, na ɛno ne ɛsom a akɔmhyɛfoɔ nom nyina ara bɔɔ ho dawuro, na Allah nnye ɛsom biara ntom ɛka ne ho (Islamsom) dankwamma atɛmmuada, na ɛsom biara a nnipa agye atom a ɛnyɛ Islamsom no yɛ nkontompo som, na ɛmoa oniakorɔ, na mmom ɛbɛyɛ awerɛhoɔ ama no wiase mu ha ne atɛmmuada.

25. Ɛdeɛn ne saa ɛsom yi (Islamsom) nnyinasosɛm ne ne fapem ahodoɔ.

26. Allah ayɛ saa ɛsom yi merɛ ama No nkoa, na ne fapem a edi mu pa ara ne sɛ wobɛgye Allah adi sɛ Ɔyɛ Owura ne Onyankopɔn, na wagye n'abɔfoɔ adi, ne Ne nwoma, ne n'asomafoɔ, ne atɛmmuada ne hyɛberɛ adi, na wadi adanseɛ sɛ Onyame biara nni hɔ agye Allah nko ara, na Muhammad yɛ Allah somafoɔ, na wayɛ asɔre, na wayi ntotosoɔ dudu sɛ wowɔ sika a ntotosoɔ dudu ayɛ nhyɛ wɔ wo so, na wakyene kɔm wɔ Ramadan bosome no mu, (Ramadan yɛ bosome wɔ afe no mu), na wobɛkɔ nsrahwɛ Allah nti wɔ tete dan a Abraham (Ibrahim: Allah asomdwoeɛ nka no) nam n'awurade nhyɛeɛ so siiɛ no, sɛ wowɔ ho akwanya a. Na watwe wo ho afiri neɛ Allah abra wo ho ɛyɛ abosomsom, awudie, adwaman, woredi sika bɔne ho. Na sɛ wogye Allah di na sɛ woyɛ saa nyamesom yi na sɛ wotwe wo ho firi saa akyiwadeɛ yi ho a; na woyɛ Muslimini wɔ wiase yi mu ha, na dankwamma atɛmmuada no Allah bɛma anigyeɛ a ɛnni awieɛ ne daankwa wɔ ɔsoro aheman no mu.

So Islamsom yɛ ɛdɔm nyinaa deɛ anaasɛ abusua kuo bi deɛ?

Islamsom yɛ Allah som a ɛwɔ nnipa nyinaa, obiara nni mu wɔ obi so wɔ mu agye nyamesuro ne dwumadi pa kwan so, na nnipa a wɔwɔ mu yɛ pɛ.

Nnipa bɛsidɛn ahunu sɛ asomafoɔ no (Allah nhyira ne n'asomdwoeɛ nka wɔn) adi nokware?

Nnipa bɛhunu sɛ asomafoɔ no adi nokware wɔ ɔkwan pii so, ebi ne:

Nokware ne akwankyerɛ a wɔde ba no ne adwene kɔ na ɛyɛ nkatede a ɛtɔ asom, na adwene gye tom sɛ ɛyɛ papa, na obi a ɔnyɛ ɔsomafoɔ ntumi mfa neɛ wɔde baaɛ no sɛsoɔ mma.

Neɛ asomafoɔ no de baaɛ no kura nsiesie a esiesie amanfoɔ som ne wɔn wiase, na atenetene wɔn nnwumadie na anwene wɔ anibue, na abɔ wɔn asom ahodoɔ, wɔn adwene, wɔn sika ne wɔn animuonyan ho ban.

Na asomafoɔ no (Allah asomdwoeɛ nka wɔn) nhwehwɛ akatua mfiri nnipa nkyɛn ɛnam nyinasosɛm a wɔde rema wɔn atwe wɔn akɔ papa ne tenenee kwan no so nti, na mmom wɔretwɛn wɔn akatua afiri wɔn Awurade nkyɛn.

Na neɛ asomafoɔ no de baaɛ no yɛ nokware a ahotɔsoɔ wɔ mu a akyinnyeɛ biara mfra mu, abirabɔ ne sakasakasɛm biara nni mu, na ɔkɔmhyɛni biara bɛsi akɔmhyɛfoɔ adikan no asɛm so dua, na wafrɛ amanfoɔ te sɛ neɛ wɔfrɛ wɔn kɔɔ so no.

Na Allah nam nsɛnkyerɛnne a ɛda adi ne anwanwasɛm a ɛboro nteɛaseɛ so boa asomafoɔ no (Allah asomdwoeɛ nka wɔn), a Allah fa wɔn so yɛ, sɛ neɛ adansefoɔ no bɛgye adi sɛ ampa!wɔyɛ asomafoɔ a wɔfiri Allah nkyɛn, na anwanwasɛm a edi mu pa ara wɔ akɔmhyɛfoɔ no anwanwasɛm mu pa ara ne ɔsomafoɔ a ɔtwa toɔ Muhammad (Allah nhyira ne n'asomdwoeɛ nka no) anwanwasɛm no; na ɛno ne Qur'ani Kronkron no.

Deɛn ne Kur’aan a ɛyɛ animuonyam Nwoma no?

Kur'aani Kronkron no yɛ Abɔdeɛ nyinaa Wura no nwoma, na ɛyɛ Allah kasa a Ɔbɔfoɔ Gabriel Allah asomdwoeɛ nka no de siane brɛɛ ɔsomafoɔ Muhammad, na ahyɛdeɛ biara Allah ahyɛ nnipa sɛ ɔhunu fa Allah ho, ne n'asoroabɔfoɔ ho, ne nwoma ho, n'abɔfoɔ ho, ne atɛmmuada ho, ne hyɛberɛ ho; ne papa ne ne bɔne mu. Nyamesom ahodoɔ ɛyɛ nhyɛ wɔ mu, ne nneɛma a Wabra a ɛsɛ sɛ ɔtwe ne ho firi ho, ne suban pa ne bɔne, ne biribiara a ɛfa nnipa nyamesom ne wɔn wiase asetene mu ho, ne wɔn awieɛ asetena mu, na ɛyɛ nwoma nwanwasoɔ a Allah de retwa nnipa mpoa sɛ wɔmfa ne sɛsoɔ mmra, na wabɔ ho ban kɔpem atɛmmuada wɔ kasa a Ɔdesianeeɛ mu, atwerɛba korokoara mfirii mu, na asɛmfua korokoara nsesaaɛ.

Deɛn ne nyinasoɔ a ɛfa wusɔreɛ ne akontabuo ho?

Nti wonhunu sɛneɛ asaase a awu nkwa nni mu, na sɛ nsuo siane gu so a ɛwoso no ma afudeɛ ne nnɔbaeɛ ahodoɔ fifi, esipi sɛ neɛ ɔnyanee asaase yi no wɔtumii sɛ ɔnyane owufoɔ, Esipi sɛ neɛ Ɔbɔɔ nnipa firii ahobaeɛ nsuo mu bɛtumi anyane no dankwaama atɛmmuada, na Wabua no atɛn na Watua no ka akatua a ahyɛ ma, sɛ ɛyɛ papa a wanya papa akatua, sɛ ɛyɛ bɔne nso a wanya bɔne akatua. Esipi sɛ neɛ Ɔbɔɔ asoro, asaase ne nsoroma no bɛtumi san de nnipa mmɔeɛ aba bio, ɛfiri sɛ ɔresan de nnipa aba nkwa mu ɛyɛ merɛ sen asoro ne asaase mmɔeɛ.

Ɛdeɛn na ɛbɛsi atɛmmuada no?

Awurade Tumifoɔ Okokuroko no bɛnyane abɔdeɛ afiri wɔn adakamina mu, na Wanam wɔn nnwumadie so abu wɔn atɛn, na neɛ ɔgyediiɛ na ɔgyee asomafoɔ no diiɛ no; Ɔde no bɛwura ɔsoro aheman mu a ɛyɛ dɛmfinsa a ɔdasani biara ntumi nsusu ɛnam ne kɛseɛ nti, na neɛ ɔbɛyi boniayɛ no nso; Ɔde no bɛwura ɔgya dareɛ mu a ɛyɛ afebɔɔ amanehunu a ɔdasani biara ntumi nsusu, na sɛ ɔdasani bi wura ɔsoro aheman anaa ɔgya dareɛ mu a, esipi sɛ ɔnwu da na ɔbɛka hɔ daa wɔ anigyeɛ anaa mpɔnsee no mu.

Sɛ ɔdasani bi pɛ sɛ ɔwura Islamsom mu a, ɛdeɛn na ɔbɛyɛ, aso amammerɛ ne ammaneɛ bi wɔ hɔ a ɛsɛ sɛ ɔyɛ anaa, anaa nnipa binom wɔ hɔ a ɛsɛ sɛ wɔma no ho kwan ansa?

Sɛ ɔdasani bi hunu sɛ sompa no ne Islamsom a, na ɛyɛ ɔsom a ɛfiri abɔdeɛ nyina ara Wura no nkyɛn a, na ɛfata sɛ ɔkeka ne ho wura Islamsom no mu, ɛfiri sɛ ɔbadwemba biara no sɛ nokware bi da adi kyerɛ no a, na ɛfata sɛ ɔkeka ne ho kɔ saa nokware no so, na ɔntu saa dwumadie no nhyɛ da. Na neɛ ɔpɛ sɛ ɔwura Islamsom mu no, amammerɛ ne amanneɛ soronko biara nyɛ nhyɛ wɔ no so, na ɛnyɛ nhyɛ sɛ abɔdeɛ biara wɔ hɔ, na mmom sɛ muslimini bi anaa sɛ Islamsom asoeɛ bi wɔ hɔ a ɛno ne papa pa ara, na sɛ amma no saa a; na ɛsombo ma no sɛ ɔbɛka sɛ: (Ash hadu allaa ilaha illa llahu, wa ash hadu anna Muhammadar rasulu llahi) [Medi adanseɛ sɛ onyame biara nni hɔ agye Allah, na medi adanseɛ sɛ Muhammad yɛ Allah somafoɔ] wɔ berɛ a ɔnim n'asekyerɛ na ɔgye die, na ɛno ma ɔyɛ Muslimini, na afei wasua Islamsom mmrasɛm no nkakrankara na watumi ayɛ neɛ Allah ahyɛ no.

Se wo pe Nyimdiye biara efa saa weyi nu