Most Searched
الإسلام - نبذة موجزة عن الإسلام (مجردة من الأدلة)
Maqaa Rabbii Akkaan Mararfataa Akkaan Rahmata Godhaa Ta'eetiin Islaamni Ergaa gabaabaa waa'ee islaamummaa akka qur'aanaa fi Hadiisatti dhufetti (Koppii ragaalee of keessaa hin qabne)[1] [1] Ergaa kana irraa koppiin biraa kan mas'alaa ishee keessa jiru hunda irratti ragaalee Qur'aanaafi Hadiisaa of keessaa qabu ni argama, kana ilaaluuf liinkii kana fayyedamaa https://islamhouse.com/ar/books/2830071 Ergaan kun ergaa barbaachisaa ta'e, kan karaa gabaabaan islaamummaa nama barsiisuu irratti xiyyeeffateedha, irra barbaachisaa hundeelee, barsiisaa fi gaarommina Islaamummaa maddeelee isaa kan…
These files are generated automatically from the book's text; their layout may differ from the printed edition.
Maqaa Rabbii Akkaan Mararfataa Akkaan Rahmata Godhaa Ta'eetiin
Islaamni
Ergaa gabaabaa waa'ee islaamummaa akka qur'aanaa fi Hadiisatti dhufetti
(Koppii ragaalee of keessaa hin qabne)[1] [1] Ergaa kana irraa koppiin biraa kan mas'alaa ishee keessa jiru hunda irratti ragaalee Qur'aanaafi Hadiisaa of keessaa qabu ni argama, kana ilaaluuf liinkii kana fayyedamaa https://islamhouse.com/ar/books/2830071
Ergaan kun ergaa barbaachisaa ta'e, kan karaa gabaabaan islaamummaa nama barsiisuu irratti xiyyeeffateedha, irra barbaachisaa hundeelee, barsiisaa fi gaarommina Islaamummaa maddeelee isaa kan bu'uuraa: Qur'aana fi Hadiisa irraa ibsuu waliin. Ergaan kun namoota itti gaafatamummaa qaban hunda fuulleffata, muslimaafii kan muslima hin tahinis, afaanoowwanuma isaaniitiin bakkuma jiranitti haaluma keessa jiraniin wajji hundatti fuulleffata.
1. Islaamummaan inni ergaa Rabbiin ilma namaa hundaaf taasise yoo ta'u, innis ergaa Rabbii tan zalaalam turuudha.
2. Islaamummaan amantaa gosa tokkoo yookaan ummata tokkoo qofaa miti. Garuu inni amantii Rabbii kan ummata hundaati.
3. Islaamummaan ergaa Rabbii kan ergoolee nabiyyoonni fi ergamtoonni darban -rahmataa fi nageenyi isaan irratti ha jiraatu- ummata isaanittiin dhufan guutaa ta'ee dhufeedha.
4. Amantiin nabiyyootaa tokkuma, Garuu seerri isaanii wal dhaba.
5. Islaamummaan akkuma anbiyoonni akka: nuuh, ibraahiim, muusaa, suleymaan, daawuud, iisaa hundi -rahmataa fi nageenyi isaan irratti ha jiraatu- waamanitti, gara Rabbiin uumaa, sooraa, jiraachisaa, ajjeesaa fi dhuunfataa mootummaa hundaa ta'utti, akkasumas Inni waan hunda too'ataa fi rahmata godhaa ta'utti amanitti nama waama.
6. Rabbiin -qulqullaa'ee ol ta'e- inni uumaadha, isuma qofa kan gabbartii haqa godhatu, isuma qofaasi wanti biraa isa waliin gabbaramuu dhabuu kan haqa godhatu.
7. Rabbiin waan agarruu fi hin agarree irraa waan uumama kana keessa jiru hunda uumaadha, wanti isa malee jiru hundi uumama uumamtoota isaa irraa ta'eedha, Rabbiin samii fi dachii guyyoota jaha keessatti uume.
8. Rabbiin -qulqullaa'e, ol ta'e- mootummaa isaa keessatti, yookaan uuminsa isaa, yookaan too'annaa isaa, yookaan gabbartii isaa keessatti hiriyaa ykn qooddataa hin qabu.
9. Rabbiin hin dhallee hin dhalannes, hiriyaa fi fakkaataas hin qabu.
10. Rabbiin -qulqullaa'e, ol ta'e- uumama isaa irraa homaa keessa hin qubatu, waa tokko keessattillee qaama ta'ee hin argamu.
11. Rabbiin gabroota isaatiif rahmata godhaa mararfataadha; Kanaaf ergamtoota ergee kitaabootas buuse.
12. Allaahni Rabbii rahmata godhaa mararfataadha, isuma qofa kan guyyaa qiyaamaa ummatoota gaafachuu taa'u, yeroo isaan hunda qabrii isaanii irraa kaasu keessatti, nama hundaaf kheyrii yookaan hamtuu irraa waan hojjateen galata ni galcha, namni mu'umina ta'ee toltuu qananii dhaabbataa ta'eetu isaaf jira, namni kafaree hamtuu dalage adabbii guddaa ta'eetu aakhiraatti isaaf jira.
13. Rabbiin qulqullaa'ee ol ta'e Aadam biyyee irraa uumee, hortee isaa kan isa boodaa wal hortu taasise, namoonni hundi bu'uura isaanii keessatti wal qixa, gosiin tokko gosa biraa hin caalu, ummanni tokkos ummata biraa hin caalu, sodaa Rabbiitiin yoo ta'e male.
14. dhalataan hundi uumama irratti dhalata.
15. Ilma namaa irraa eenyuyyuu cubbamaa yookaan yakka nama biroo dhaalaa ta'ee hin dhalatutahee hin dhalatu.
16. Kaayyoon uuminsa namootaa: Rabbii tokkicha qofa gabbaruudha.
17. Islaamumman nama ni kabaje -dhiiraa fi dubartootas-, akkasumas mirga isaa guututti eegefii, filannoolee, hojiilee fi gochoota isaa hunda irraa itti gaafatamaa isa taasise, itti gaafatamummaa dalagaa lubbuu isaa miidhuu yookaan namoota biraa miidhuu kamuu isa baadhachiise.
18. Itti gaafatamummaa fi galata ilaalchisee dhiiraa fi dubartii wal qixa taasise.
19. Islaamumman dubartii kabajee, dubartoonni dhiirootaaf obboleeyyan garaa tokkoo ta'uu ilaalcha keessa galche, nafaqaa isheetis dhiira irratti dirqama taasise, yoo dandeettii qabaate, kanaaf nafaqaan intalaa abbaa irratti dirqama ta'a, nafaqaa haadhaa ilma ishee irratti dirqama ta'a, yoo ga'eessa ta'ee dandeettii qabaate, nafaqaan haadha manaa abbaa manaa ishee irratti dirqama ta'a.
20. Duuti badiinsa dhumaa osoo hin taane, inni ganda hojii irraa gara ganda galatatti ce'uudha, duuti qaamaa fi ruuhis kan hammatu yoo ta'u, duuti ruuhii immoo qaama gadi lakkisuu isheeti, eegasii guyyaa qiyaamaa eega kaafamanii booda gara qaamaa ni deebiti, ruuhiin booda du'aatii gara qaama biratti hin darbu, qaama biraa keessattis fakkii ta'ee hin argamu.
21. Islaamumman hundeelee iimaanaa gurgoddootti amanutti waama isaanis Rabbitti amanuu, Malaa'ikoota isaatti amanuu, kitaabota Rabbii kan akka tawraat, Injiil, zabuur -osoo hin jijjiiramin duratti- fi Qur'aanaatti amanuu, nabyyootaa fi ergamtoota hundatti amanuudha -nageenyi isaan irratti ha jiraatu-, xumuuraa isaanii, kan booddee nabiyyoootaa fi ergamtootaa ta'e ergamaa Rabbii Muhammaditti amanuudha, guyyaa aakhiraattis amanuudha, osoo jireenyi duuniyaa kun galma jireenyaa ta'ee silaa jireenyi fi uumamni kun tapha qulqulluu akka ta'e ni beekna, akkasumas murtootti amanuudha.
22. Nabiyyooni -nageenyi isaan irratti ha jiraatu- waan Rabbiin irraa geessan keessatti tikfamoodha, akkasumas waan sammuu faallessu, yookaan waan amalli nagaa isaa hin fudhanne irraas tikfamoodh. Nabiyyoonni ajajoota Rabbii gabroota isaatti geessuuf dirqama qabu. Haalota gooftummaa, yookaan qabbaramummaa irraa Nabiyyoonni homaa hin qaban. Inumaayyuu isaan namuma akka namoota biraati, Garuu Rabbii ol ta'eetu ergoota isaatiin gara isaanitti wahyii godha malee kabajniniifi sadarkaan jaraa eegamaadha.
23. Islaamummaan bu'uuroota ibaadaa gurguddoo ta'aniin gara Rabbiin qofa gabbaruutti nama waama, isaanis: Sagada, isheenis dhaabbii, jilba qabachuu, sujuuda gochuu, Rabbiin zakkaruu, isa faarsuu fi du'aa'iidha, namni tokko guyyaa hunda keessatti yeroo shan ishee sagada, garaagarummaan ishee keessatti ni dhabama, dureessaa fi hiyyeessi, hoogganaa fi hoogganamaan sagada keessatti tarree tokko keessa dhaabbatu, akkasumas Zakaadha, isheenis hanga muraasa qabeenya irraa ta'e yoo ta'u, - akkaataa ulaagaalee fi hanga Rabbiin murteesseen - qabeenya dureeyyii irratti dirqama taati, waggaa keessatti yeroo tokko hiyyeeyyii fi namoota biroof kan kennamtuudha, akkasumas Sooma, innis: guyyaa ji'a Ramadaanaa keessa wantoota sooma fursiisan irraa of qabuudha, innis lubbuu keessatti fedhii fi obsa guddisa, Ammas Hajjiidha, innis: nama danda'eef umrii keessatti yeroo tokko mana Rabbii kan Makkaa kabajamtuu taate keessatti argamu hajjiidhaan hamiluu yoo ta'u, hajjii kana keessattis namni hundi gara Uumaa qulqullaa'etti garagaluu keessatti wal qixxaatu, garaagarummaa fi gosummaanis isa keessatti ni dhabama.
24. Irra guddan wantoota islaamummaa keessatti gabbartiilee adda taasisanii keessaa: akkaataan ishee, yeroowwan isheeti fi ulaagaaleen ishee, kan Rabbiin -qulqullaa'e ol ta'e- karaa isaan taasisee fi kan ergamaan isaa -Rabbiin rahmataa fi nageenya isaan irratti ha buusu- geessan ta'uudha, ilmi namaas dabaluudhaanis ta'ee hir'isuudhaan hanga har'aatti keessa hin galle, gabbartiilee gurguddoo kanneen hunda nabiyyoonni hundi -nageenyi isaan irratti ha jiraatu- gara isheetti waamaniiru.
25. Ergamaan Islaamaa inni Muhammad ilma Abdullaah hortee Ismaa'iil ilma Ibraahiim -nageenyi isaan irra ha jiraatu- irraayi, akka lakkoofsa iisaatti bara 571 keessatti dhalatanii, achchumatti ergaman, gara Madiinaattis godaanan, dhimmoota awaammummaa keessatti ummata isaanii wajjiin hin hirmaanne, garuu dalagaawwan gurguddoo keessatti isaan wajjiin hirmaachchaa turan, ergamuu isaanitiin duratti amala guddaa irra turan, ummanni isaanis Amanamaa jedhanii isaan waamu ture, yeroo waggaa afurtama ga'anitti Rabbiin isaan ergee, mallattoolee (mu'ujizaawwan,ifsituu fi mirkaneessituu kan qeebeluu male fala hin qabne ) gurguddoon Rabbiin kan isaan deeggare yoo ta'u, irra guddaan ishees Qur'aana kabajamaa dha, innis irra guddaa mallattoolee nabiyyootaati, akkasumas inni mallattoolee nabiyyootaa keessaa mallatoo hanga har'aatti turee fi abadan ta'eedha. Rabbiin yeruma amantii isaanif guutee, Ergamaanis -Rabbiin rahmataa fi nageenya isaan irratti ha buusu- ergaa guututti dabarsan keessatti, umriin isaa waggaa jahaatamii sadii ta'ee du'an, Madiinaa Nabiyyiitti awwaalaman -Rabbiin rahmataa fi nageenya isaan irratti ha buusu-. Ergamaan Muhammad -Rabbiin rahmataa fi nageenya isaan irratti ha buusu- isaan xumuraa nabiyyootaatii fi ergamtootaati, Rabbiin qajeelumaafi amantii haqaatiin isaan erge; Sababni isaas ilmaan namaa dukkana awaammummaa, kufriifi wallaalummaa irraa gara ifa tokkummaa Rabbiitii fi iimaanaatti akka baasaniif jecha, Rabbiinis hayyama Isaatiin waamaa gara Isaatti waamu isaan taasisee, akka isaan erge ragaa isaanif ba'eera.
26. Shari'aan Islaamaa kan Ergamaan Muhammad -Rabbiin rahmataa fi nageenya isa irratti ha buusu- ittiin dhufan inni xumuuraa ergootaa fi seeroota Rabbiiti, innis shari'aa guutuudha, toltuun amantii namootaatii fi toltuun duuniyaa isaanii isa keessa jira, Inni adda durummaan amantii, dhiiga, qabeenya, sammuu fi sanyii namootaa kan eegu yoo ta’u, innis akkuma seeroonni darban wal haqaa turanitti seeroota darban haqaadha.
27. Rabbiin subhaanahuu wata'aalaa amantaa Islaamummaa kan Rasuulli Muhammad -Rabbiin rahmataa fi nageenya isaan irratti ha buusu- ittiin dhufan malee amantaa biraa tokkollee hin qeebalu, namni Islaamummaan alatti amantaa biraa qabates isa irraa hin qeebalamu.
28.kabajamaan, Arjaan Qur'aanni kitaaba Rabbiin ergamaa isaa Muhammad -Rabbiin rahmataa fi nageenya isaan irratti ha buusu- irratti buuse yoo ta'u, innis jecha Rabbii aalamaati, Rabbiin fakkaataa isaa ykn fakkaataa isaa irraa suuraa tokkoollee akka fidan ilma namaatii fi jinnitti morkate, morkannaan kun hanga har'aatti dhaabbataadha, ykn turaadha. Qur'aanni kabajamaan gaafiilee barbaachisoo hedduu tan namoota miliyoonota dhamaafte deebii itti kenna. Qur'aanni guddaan hanga har'aatti afaan ittiin buufame arabiffaan tikfamaadha, qubeen tokkolleen irraa hin hir'anne, inni maxxanfamaa raabsamaadha. Inni kitaaba guddaa raajiidha, isa dubbisuun ykn hiikaa tafsiira isaa dubbisuun barbaachisaadha. Akkasuma Sunnaan ergamaa Muhammad -Rabbiin rahmataa fi nageenya isaan irratti ha buusu-, barsiisni isaaniitii fi seenaan isaanii tikfamoodha, akkasumas karaa gabaaftoota amanamoo tahaniitiin dabarfamoodha, isheenis afaanuma ergamaan -Rabbiin rahmataa fi nageenya isaan irratti ha buusu- ittiin dubbataniin maxxanfamtuudha, gara afaanota hedduuttis hiikkamtuudha. Qur'aanni kabajamaa fi sunnaan ergamaa -Rabbiin rahmataa fi nageenya isaan irratti ha buusu- isaan lameen murteelee fi seeroota Islaamummaatiif madda isa tokkichaadha, Kanaafuu Islaamummaan gocha namoota dhuunfaa kan gara isaatti of hirkisanii irraa hin fudhatamu; Garuu inni kan fudhatamuu qabu waḥyii Rabbii: Qur'aana guddaa fi sunnaa nabiyyii irraayi.
29. Islaamummaan osoo isaan Muslima hin ta'inillee haadhaa fi abbaatti tola ooluutti ajaja, akkasumas ijoollee dhaammachuutti ajaja.
30. Islaamummaan jechaa fi gocha keessatti diinoota waliinillee haqaafi ija tokkoon ilaaluutti ajaja.
31. Islaamummaan uumama hundatti tolaafi arjummaa ooluutti ajaja, akkasumas amala gaarii fi hojii gaariitti waama.
32. Islaamummaan amaloota gaggaarii kanneen akka dhugummaa, amaanaa geessuu, of tiksuu, saalfachuu, gootummaa, kennuu, arjummaa, rakkataa qarqaaruu, nama dhiphateef rakkateef birmachuu, nama beela'e nyaachisuu, ollummaa toluu, firummaa fufuu fi lubbu qabeettii hundaaf garaa laafuutti dirqimsiisee ajaja.
33. Islaamummaan nyaataa fi dhugaatii irraa gaggaarii eeyyameera, qulqullina onnee, qaamaa fi manattis ajajeera. Kanaafis fuudhaaf heeruma eeyyame, akkuma Anbiyyoonni (nageenyi isaan irra ha jiraatu) kanatti ajajanitti; isaan waan gaarii hundatti dirqamsiise ajaju.
34. Islaamummaan hundee wantoota haraamaa, kan akka Rabbitti shaarrakuu fi kufrii, taabota gabbaruu, beekumsa malee Rabbi irratti dubbachuu, ilmaan ajjeesuu, lubbuu kabajamtuu ajjeesuu, dachii keessatti badii dalaguu, falfala dalaguu, wantoota fokkatoo ifatti mul'atanii fi dhokatan, sagaagalummaa fi hojii ummata luux haraama taasisee jira, akkasumas dhala nyaachuu, du'aa nyaachuu fi waan taabotootaaf qalame haraama taasise jira, akkasumas foon karkarroo, wantoota najasaa fi fokkatoo hunda haraama taasisee jira, akksumas qabeenya yatiimaa nyaachuu, saffarrii fi madaallii keessatti hir'isuu, firooma kutuu haraama taasisee jira. Nabiyyoonni -nagaan isaan irratti ha jiraatuu- hundi isaanii wantoota haraamaa kana haraama taasisuu irratti waliigalanii jiru.
35. Islaamummaan amaloota jibbamoo ta'an, kan akka: Sobuu, gowwoomsuu, wa'adaa diiguu, gantummaa, waanyoo, shira badaa, hannaa, daangaa namatti darbuu fi nama miidhuu irraa ni dhoorga, akkasumas amala badaa ta'e hunda irraa ni dhoorga.
36. Islaamummaan waliigaltee maallaqaa kan dhalli, yookaan miidhaan, yookaan gowwoomsuun, yookaan, balaawwanii fi miidhaa waliigalaa ummatootaa fi namoota dhuunfaatti dhaqqabsiisuun keessa jiru hunda irraa ni dhoorga.
37. Islaamummaan sammuu namaa eeguu fi waan isa hadoochuu kan akka farshoo dhuguu haraama taasisuun dhufe, akkasumas Islaamummaan dhimma sammuu olfuudhee itti gaafatamummaaf sababaa isa taasisee, waan kijibaa xaxamaa fi awaammummaa irraa isa bilisoomse. Islaamummaa keessa iccitiiwwan ykn murtiiwwan garee tokko adda taasisee garee kaan dhiisan hin jiran. Murtiiwwanii fi seeronni isaa hundi sammuu sirrii ta'een kan wal simaniidha, isaanis ulaagaa haqaa fi ogummaatiin kan ta'aniidha.
38.Amantootnni dhugaa hintaane hundi yoo hordoftoonni akka wal faallessu laaluu dadhdhabani, wntoota sammuun fudhachchuu diddu, waan maanguddooni jaraa hordotoota ofiitti barnootni isaanii summuu caalu fakkeessaniifi,Sammuun barnoota amantaa jaraatti bakkaa fi laalch akka hinqabne.Garuu Islaamummaani amantaa ifa dukkana karaa sammuu ifsu؛ Worrootni amantaa jigduu, hordoftoota jaraatii kan fedhanu sammuu isaa dhiisee jara qofa akka inni hordofuufi, Islaamummaani immoo ilmaan namaa summuun isaa akka kaka'ee dammaqu itti hojjata; haqaafi dhugaa wontootaa akkuma jirutti habaratamuufi.
39. Islaamummaan beekkumsa sirrii ni kabaja, qorannoo saayinsii kan fedhii lubbuu irraa bilisa tahe irratti nama kakaasa, lubbuu keenyaa fi uumama naannoo keenya jiru ilaaluu fi xiinxaluutti nama waama, bu'aaleen saayinsii kan beekumsaaf sirrii ta'an Islaamummaa wajjiin wal hin faallessan Islaamumatu isa male, burqaa isaati.
40. Rabbiin aakhiraatti nama Rabbitti amanee ajaja isaa fudhatee, ergamtoota -rahmataa fi nageenya isaan irratti ha jiraatu- isaa dhugoomse irraa malee hojii tokkollee hin qeebalu, irratti mindaa hin kennu. Akkasumas Rabbiin gabbartiiwwan irraa waan Inni karaa godhe yoo ta'e malee hin qeebalu. Egaa akkamiin ilmi namaa Rabbitti kafaree akka Inni mindaa isaaf kennu kajeela? Rabbiin namoota irraa imaanaa nama tokkoos hin qeebalu, yoo nabiyyootatti -nagaan isaan irratti ha jiraatu- hundatti amanee, ergaa Muhammaditti -Rabbiin rahmataa fi nageenya isaan irratti ha buusu- yoo amane malee.
41. Dhugumatti kaayyoon ergaalee Rabbii hundi inni: ilmi namaa amantii haqaatiin akka kabaja argatee, gabra qulqulluu Rabbii gooftaa aalamaatiif ta'uudha, akkasumas ilma namaatiif ykn wantootaaf, ykn waan sobaatiif gabra ta'uu irraa isa bilisoomsuudha. Islaamummaan -akkuma argitu- namoota qulqulleessee, sadarkaa isaaniitii ol isaan hin taasisu, gooftotaa fi gabbaramtootas isaan hin taasisu.
42. Rabbiin Islaamummaa keessatti towbaa karaa godhee jira, isiinis: namni badii dhiisee gama Rabbii isaa deebi'uudha, Islaamummaan badii irraa waan isa dura ture hunda ni balleessa, towbaanis badii isii duraa ni balleessiti, badiilee ilma namaa fuuldura ilma namaatti amanuun hin barbaachisu,
43. Islaamummaa keessatti hariiroon Rabbiifi nama jidduu jiru kallattumaan ta'a, Kanaafuu jidduu keetii fi jidduu Rabbitti nama tokkollee si hin barbaachisu. Islaamummaan ilma namaa gabbaramaa taasisuu, yookaan gooftummaa isaa keessatti, yookaan gabbartii isaa keessatti Rabbiin waliin kan qoooddattan isaan taasisuu irraa nu dhoorga.
44. Xumura ergaa kanaa irratti, namoonni garaagarummaa zamana isaanii, sabummaa isaaniitii fi biyyoota isaaniitiin waliin, darbees hawaasni ilmaan namaa hundi yaadaa fi galma isaatiin garaagarummaa akka qabu ni yaadanna, akkasumas naannoo fi hojiilee isaa keessatti garaagarummaadha qaba, kanaaf inni qajeelchaa isa qajeelchutti, akkasumas sirna walitti isa qabuu fi bulchaa isa tiksutti dirqamaan haajamaadha. Ergamtoonni kabajamoon -nageenyi isaan irra ha jiraatu- wahyii Rabbii ol tahe irraa ta'een kana raawwatu ture, akkasumas namoota gara karaa toltuu fi qajeellumaatti qajeelchu ture, akkasumas shari'aa Rabbii irratti isaan walitti qabanii, haqaan gidduu isaaniitti murteessu ture, dhimmoonni isaaniis hanguma isaan ergamtoota kanneenif owwaataniin, akkasumas akkaataa zamanni isaanii ergoolee Rabbitti dhihaatuun sirraa'aa deemu. Rabbiin ergaawwan hunda ergaa ergamaa Muhammadiin -Rabbiin rahmataa fi nageenya isaan irratti ha buusu- xumuree, turiinsa isaaf dabarsee, namootaf qajeelluma, rahmata, ifaa gara karaa gara Isaatti -Inni qulqullaa'e- nama qajeelchu isa taasise.
45. Kanaaf yaa ilma namaa! waan bakka hin qabne keessatti nama hodofuu fi aadaa irraa bilisa taatee, dhaabbachuu dhugaa akka Rabbiif dhaabbattu ani sin waama, akkasumas ati booda du'a keetitii gara Rabbii keetiitti kan deebitu ta'uu akka beektu, akkasumas lubbuu keetii fi uumama naannoo kee jiru keessatti akka xiinxaltu a ni sin waama. Islaamummaa qabadhu duuniyaa fi aakhiraa keetti gammachuu argattaa. Yoo Islaamummaatti seenuu barbaadde: Haqqaan gabbaramaan Rabbiin malee hin jiruu, Muhammad ergamaa Isaa ta'uu ragaa ba'uu, waan Rabbiin alatti gabbaramu hunda irraa qulqullaa'uu, Rabbiin warra qabrii keessa jiran akka kaasu amanuu, akkasumas herragnii fi mindaan dhugaa ta'uu amanuu malee homaa sirra hin jiru. Yoo ragattii tana ragaa baate dhugumatti Muslima taatee jirta, kana booda waan Rabbiin shari'aa godhe, kan sagada, zakaa, soomaa fi hajjiitiin, yoo karaa gara isaatti dandeesse Rabbi gabbaruutu sirra jiraata.
Maxxansa guyyaa 19-11-1441
Kan isa barreesse proofeesar Muhammad bin Abdallaah Assuheeymiidha
Barsiisaa Aqiidaa Damee barnoota Islaamummaatti (duraan)
Koollejjii Tarbiyaa, Yuniversiitii Al-Malik Su'uud
Riyaad, Su'uudii Arabiyyaa
Related books
All books
نبذة في العقيدة الإسلامية (شرح أصول الإيمان)75 languagesنبذةنبذة في العقيدة الإسلامية (شرح أصول الإيمان)
رسالة لطيفة تتناول أصول العقيدة الإسلامية بأسلوب مبسط وميسر. تبدأ بمقدمة حول أهمية علم التوحيد، كونه أشرف العلوم وأجلّها، ثم تتناول مفهوم الدين الإسلامي وأركانه الخمسة: الشهادتان، والصلاة، والزكاة، والصوم، والحج. كما يشرح الإيمان بالله، وملائكته، وكتبه، ورسله، واليوم الآخر، ويؤكد على أهمية التوحيد في بناء دين المسلم بشكل سليم. الكتاب يهدف إلى تعزيز الفهم الصحيح للعقيدة الإسلامية وتطبيقها في حياة المسلم اليومية.
Maqaa Rabbii Rahmata godhaa akkaan mararfataa taheetiin.74 languagesMaqaa Rabbii Rahmata godhaa akkaan mararfataa taheetiin.
Qur'aanni kabajamaan jecha Allaahaa, Rbii aalamaa fi Uumaa isaaniiti. xumura nabiyyootaaf fi Ergamtootaa kan ta'e Muhaammad irrtti -Rabbi nagayaafii rahmata isaan irratti haa buusuu- dhala namaatiif kaayyoo uumamuu isaanii ibsuuf bu'e, akkasumas gara waan addunyaa fi aakhiraa keessatti isaan milkeessuutti isaan qajeelchuuf, du’a booda hoongoo walitti dhaabbattuu irraa isaan oolchuuf buufame. inni Kitaabbota Rabbii keessaa isa boodarra buufame, kan kitaabolee isa duraa dhugoomsudha. Akkasumas seera isaanii kan haqee bakka bu'uudha. Qur'aanni mallattoo fi raajii zalaalam yoo ta'u, akkasuma inni…
Islaamni amantii Ergamtoota Rabbiiti.85 languagesIslaamni amantii Ergamtoota Rabbiiti.
Islaamummaa jechuun Rabbii uumama uumeefi isa bulchuuf ajajamuudha, akkasumas jaalalaafii kabajaan Isa tole jechuudha. Bu'urri islaamaa Rabbitti amanuu fi Inni uumaa akka ta'ee fi wanni biroo uumama akka ta'e amanuudha, akkasumas Inni kophaa Isaa osoo hiriyaa hin qabaanne gabbartii akka haqa godhatuu fi Isa malee dhugaan gabbaramaan akka hin jirre amanuudha, Isaaf maqaalee gaggaariifii sifaata olaantuu taatetu jira, Isaaf guutamiinsa daangaa hin qabne kan hir'inni itti hin dhaqqabneetu jira. Inni hin dhalle hin dhalannes, wanni tokkolleen fakkaataa Isaaf hin taane, Inni waa tokko kan uumama…
الدروس المهمة لعامة الأمة78 languagesالمهمةالدروس المهمة لعامة الأمة
يهدف الكتاب إلى تعليم المسلمين أساسيات دينهم بطريقة مبسطة وشاملة. يتناول مجموعة من الدروس المهمة مثل قراءة الفاتحة وقصار السور، وأركان الإسلام والإيمان، وأقسام التوحيد والشرك، وشروط وأركان وواجبات الصلاة، بالإضافة إلى مبطلاتها، مع بيان مختصر لشروط الوضوء وفروضه ونواقضه. كما يسلط الضوء على التحلي بالأخلاق الإسلامية والآداب الشرعية، ويقدم إرشادات لطيفة حول تجهيز الميت والصلاة عليه ودفنه.