الإسلام - نبذة موجزة عن الإسلام (مجردة من الأدلة)
အနန္တကရုဏာတော်ရှင် ဖြစ်တော်မူသော အလွန်သနား ကြင်နာတော်မူသော အလ္လာဟ်အရှင်မြတ်၏ နာမတော်ဖြင့် (အစပြုပါ၏။) အစ္စလာမ်သာသနာတော် အစ္စလာမ်သာသနာတော်နှင့် ပတ်သက်၍ ကျမ်းတော်မြတ်ကုရ်အာန်နှင့် စွန္နသ်တော်တွင် လာရှိသည့်အတိုင်း အကျဥ်းချုပ်ဖော်ပြထားသော စာအုပ် (အထောက်အထားများမပါဝင်သည့်စာအုပ်) [၁] (၁) ဤစာစောင်တွင် ပါဝင်သော ကိစ္စရပ်တိုင်းအတွက် ကျမ်းမြတ်ကုရ်အာန်နှင့် တမန်တော်မြတ်၏စွန္နဟ်အထောက်အထားများပါဝင်သည့် အခြားစာမူတစ်ခုရှိရာ၊ ၎င်းကို https://islamhouse.com/ar/books/2830071 လင့်ခ်မှတစ်ဆင့် ဝင်ရောက်ဖတ်ရှုလေ့လာနိုင်ပါသည်။ အစ္စလာမ်သာသနာတော်၏ မူလအရင်းမြစ်များဖြစ်သည့် ကျမ်းမြတ်ကုရ်အာန်နှင့်…
These files are generated automatically from the book's text; their layout may differ from the printed edition.
အနန္တကရုဏာတော်ရှင် ဖြစ်တော်မူသော အလွန်သနား ကြင်နာတော်မူသော အလ္လာဟ်အရှင်မြတ်၏ နာမတော်ဖြင့် (အစပြုပါ၏။)
အစ္စလာမ်သာသနာတော်
အစ္စလာမ်သာသနာတော်နှင့် ပတ်သက်၍ ကျမ်းတော်မြတ်ကုရ်အာန်နှင့် စွန္နသ်တော်တွင် လာရှိသည့်အတိုင်း အကျဥ်းချုပ်ဖော်ပြထားသော စာအုပ်
(အထောက်အထားများမပါဝင်သည့်စာအုပ်) [၁] (၁) ဤစာစောင်တွင် ပါဝင်သော ကိစ္စရပ်တိုင်းအတွက် ကျမ်းမြတ်ကုရ်အာန်နှင့် တမန်တော်မြတ်၏စွန္နဟ်အထောက်အထားများပါဝင်သည့် အခြားစာမူတစ်ခုရှိရာ၊ ၎င်းကို https://islamhouse.com/ar/books/2830071 လင့်ခ်မှတစ်ဆင့် ဝင်ရောက်ဖတ်ရှုလေ့လာနိုင်ပါသည်။
အစ္စလာမ်သာသနာတော်၏ မူလအရင်းမြစ်များဖြစ်သည့် ကျမ်းမြတ်ကုရ်အာန်နှင့် တမန်တော်မြတ်(ﷺ)၏စွန္နဟ်လမ်းစဉ်တို့မှ မှီငြမ်း၍ အစ္စလာမ်၏အခြေအမြစ်များ၊ သင် ကြား ပို့ချမှုများနှင့် အလှတရားများကို ရှင်းလင်းစွာတင်ပြထားသည့် အရေးကြီးသော စာအုပ်တစ်အုပ်ဖြစ်သည်။ ထို့ပြင် ဤစာအုပ်သည် အချိန်တိုင်း၊ နေရာတိုင်းနှင့် မတူညီသောအခြေအနေအရပ်ရပ်တွင်ရှိနေသည့် အမိန့်နာခံရန်တာဝန် ရှိသော မွတ်စ်လင်မ်များနှင့် မွတ်စ်လင်မ်မဟုတ်သူများအတွက် ၎င်းတို့၏ဘာသာစကားအသီးသီးဖြင့် လမ်းညွှန်ထားသောစာအုပ်ဖြစ်သည်။
၁။ အစ္စလာမ်သာသနာတော်သည် လူသားအားလုံးထံပို့ဆောင်သည့် အလ္လာဟ်အရှင်မြတ်၏ သတင်းစကားဖြစ်ပြီး ယင်းသတင်းစကားသည် အမြဲတန်းအတွက်ရှိနေမည့်အရှင်မြတ်၏ သတင်းစကားဖြစ်သည်။
အစ္စလာမ်သာသနာတော်သည် လူမျိုးတစ်မျိုး၊ မျိုးနွယ်စုတစ် စု နှင့်သာသက်ဆိုင်သည့် သာသနာမဟုတ်ပဲ လူသားထုတရပ်လုံးနှင့်သက်ဆိုင်သည့် အလ္လာဟ်အရှင်မြတ်၏သာသနာတော်ဖြစ်သည်။
၃။ အစ္စလာမ်သာသနာတော်သည် အလ္လာဟ်အရှင်မြတ်၏ သတင်းစကားများဖြစ်ပြီးလွန်လေပြီးသောမျိုးနွယ်စုများထံ စေလွှတ်ခြင်းခံရသော နဗီ၊ရစူလ် တမန်တော်(عَلَيْهِ السَّلَامُ)များအပေါ်အလ္လာဟ်အရှင်မြတ်မှာကြားတော်မူခဲ့သည့် အမိန့်တော်များကို ပြည့်ဝစုံလင်စေတော်မူရန်အလို့ငှာ ကျရောက်လာခဲ့ခြင်းဖြစ်သည်။
၄။နဗီတမန်တော်(عَلَيْهِ السَّلَامُ)များ၏ သာသနာသည် တစ်ခုတည်းသာဖြစ်ပြီး ၎င်းတို့ကျင့်သုံးသည့် ဥပဒေများသာကွဲပြားကြသည်။
၅။ မွေးမြူဖန်ဆင်း၊ထိန်းသိမ်းစောင့်ရှောက်တော်မူသောအရှင်သခင်မှာ အလ္လာဟ်အရှင် မြတ်သာဖြစ်ပြီး ထိုအရှင်မြတ်သည် ဖန်ဆင်းတော်မူသော်အရှင်၊ ရိုဇီရိက္ခာပေးသနား တော်မူသောအရှင်၊ ရှင်စေသေစေတော်မူသောအရှင်၊ အုပ်ချုပ်မှုအာဏာအမျိုးမျိုးကို စိုးပိုင်တော်မူသောအရှင်၊ အမှုကိစ္စအားလုံးကို စီမံခန့်ခွဲတော်မူသောအရှင်၊ အလွန်ကြင်နာ သနားတော်မူသောအရှင် ဖြစ်ကြောင်းကို သက်ဝင်ယုံကြည်ရန် နဗီတမန်တော်များ ဖြစ်သည့် နူဟ်၊ အိဗ်ရာဟီးမ်၊ မူစာ၊ စုလိုင်မာန်နှင့် ဒါဝူဒ်(عَلَيْهِمُ السَّلَامُ) တို့ကဖိတ်ခေါ်ခဲ့သည့် အတိုင်းပင် အစ္စလာမ်သာသနာတော်ကလည်း ထိုဘက်သို့ ဖိတ်ခေါ်လျက်ရှိနေပေသည်။
၆။ကြီးကျယ်မြင့်မားတော်မူသော အလ္လာဟ်အရှင်မြတ်သည် ဖန်ဆင်းတော်မူသောအရှင်၊ခဝပ်ကိုးကွယ်ခြင်းခံထိုက်သည့် တစ်ပါးတည်းသောအရှင်ဖြစ်ပြီး၊အရှင်မြတ်နှင့်အတူ ယှဉ်တွဲ၍ခဝပ်ကိုးကွယ်ခြင်းခံထိုက်သူဟူ၍ အလျင်းမရှိပေ။
၇။အလ္လာဟ်အရှင်မြတ်သည် စကြာဝဠာအတွင်းရှိကျွန်တော်တို့မြင်တွေ့ရသည့်အရာများနှင့် မမြင်တွေ့ရသည့်အရာအားလုံးကို ဖန်ဆင်းတော်မူသောအရှင်ဖြစ်သည်။ထိုအရှင်မြတ်မှလွဲ၍အခြားအရာအားလုံးသည် အရှင်မြတ်၏အဖန်ဆင်းခံများအနက်မှအဖန်ဆင်းခံတစ်မျိုးမျိုးသာဖြစ်သည်။အလ္လာဟ်အရှင်မြတ်သည် မိုးကောင်းကင်များနှင့်မြေပထဝီတို့ကိုခြောက်ရက်အတွင်းဖန်ဆင်းတော်မူခဲ့သည်။
၈။ချွတ်ယွင်းမှုအပေါင်းမှ ကင်းစင်ပြီး မြင့်မားတော်မူသောအလ္လာဟ်အရှင်မြတ်၏စိုးပိုင်ခြင်း၌လည်းကောင်း၊ ဖန်ဆင်းခြင်း၌လည်းကောင်း၊ အမှုကိစ္စအရပ်ရပ်တို့ကိုစီမံခန့်ခွဲခြင်း၌လည်းကောင်း၊ ခဝပ်ကိုးကွယ်မူခံထိုက်ခြင်း၌လည်းကောင်း ဖက်စပ်ပါဝင်သူဟူ၍ အလျှင်းမရှိပေ။
၉။ချွတ်ယွင်းမှုအပေါင်းမှကင်းစင်တော်မူသော အလ္လာဟ်အရှင်မြတ်သည် မည်သူတစ်ဦးတစ်ယောက်ကိုမျှ မွေးဖွားတော်မူခဲ့သည်မဟုတ်ပေ။ မည်သူတစ်ဦးတစ်ယောက်၏မွေးဖွားခြင်းကိုလည်းခံခဲ့ရသည်မဟုတ်ပေ။ ထိုအရှင်မြတ်၌ဂုဏ် ရည်တူဟူ၍လည်း တစ်ဦးတစ်ယောက်မျှပင် မရှိပေ။ ထိုအရှင်မြတ်နှင့်တူသောအရာဟူ၍ကား မည်သည့်တစ်စုံတစ်ရာမျှပင် မရှိပေ။
၁၀။ အလ္လာဟ်အရှင်မြတ်သည် မိမိ၏မည်သည့်အဖန်ဆင်းခံတွင်းသို့ဝင်စားသည်ဟူ၍မရှိ၊ ၎င်းပြင်အရှင်မြတ်သည် မိမိ၏မည်သည့်အဖန်ဆင်းခံတစ်စုံတစ်ရာ၏ ပုံသဏ္ဌန်ကိုမျှ အသွင်ရယူသည်ဟူ၍လည်းမရှိပေ။
ချွတ်ယွင်းမှုအပေါင်းမှကင်းစင်၍ ကြီးကျယ်မြင့်မြတ်တော်မူသော အလ္လာဟ်အရှင်မြတ်သည် မိမိ၏ကျွန်များအပေါ်အလွန်တရာနူးညံ့သိမ်မွေ့တော်မူသော၊အလွန်တရာကရုဏာထားတော်မူသောအရှင်ဖြစ်သည်။ထိုကြောင့်ရစူလ်တမန်တော်များကိုစေလွှတ်ခဲ့ပြီးကျမ်းဂန်များကိုလည်း ချပေးတော်မူခဲ့သည်။
အလ္လာဟ်အရှင်မြတ်သည်မွေးမြူဖန်ဆင်းတော်မူသောအရှင်၊အလွန်တရာကရုဏာထားတော်မူသောအရှင်ဖြစ်ပြီး ထိုအရှင်တစ်ပါးတည်းကသာအဖန်ဆင်းခံအပေါင်းအား(ကဗရ်)သင်ချိုင်းများမှပြန်လည်ရှင်ပြန်ထစေမည့်အချိန်(ကိယာမသ်)နေ့တွင်စစ်ဆေးတော်မူမည်ဖြစ်သည်။ သို့ဖြင့်လူတိုင်းသည်မိမိတို့ပြုခဲ့သောကောင်းမှု(သို့)မကောင်းမှုတို့အားအစားပေးခြင်းခံရမည်ဖြစ်သည်။ အကြင်သူသည် မုအ်မင်န်အလ္လာဟ်အရှင်မြတ်အားသက်ဝင်ယုံကြည်သူဖြစ်ပြီး ကောင်းမှုများကိုပြုလုပ်ခဲ့သော် ထိုသူ့အဖို့ထာဝရစည်းစိမ်များရှိသည်။ အကြင်သူသည်အရှင်မြတ်အားသွေဖည်ငြင်းပယ်ကာ မကောင်းမှုများကိုပြုလုပ်ခဲ့သော် ထိုသူ့အဖို့နောင်တမလွန်ဘဝတွင်ကြီးလေးသောပြစ်ဒဏ်များရှိ၏။
၁၃။ချွတ်ယွင်းမူအပေါင်းမှကင်းစင်၍ ကြီးကျယ်မြင့်မြတ်တော်မူသောအလ္လာဟ်အရှင်မြတ်သည် အာဒမ်(عَلَيْهِ السَّلَامُ)အား မြေကြီးဖြင့်ဖန်ဆင်းခဲ့ပြီး ၎င်း၏နောက်တွင်သူ၏သားစဉ်မြေးဆက်များအား များပြားအောင်ပြုလုပ်တော်မူခဲ့သည်။ ထို့ကြောင့်လူသားတိုင်း၏မူလသည်တန်းတူပင်ဖြစ်ရာ လိင်တစ်မျိုးသည်အခြားလိင်တစ်မျိုးထက်၊ လူမျိုးတစ်မျိုးသည်အခြားလူမျိုးတစ်မျိုးထက် မွန်မြတ်သည်ဟူ၍မရှိပေ။ သို့သော်သက္ကဝါဟူသောအလ္လာဟ်အရှင်မြတ်၏အမိန့်ကိုနာခံပြီး အပြစ်အကုသိုလ်မှရှောင်ကြဥ်ခြင်းဖြင့်သာ မွန်မြတ်နိုင်မည်။
၁၄။ မွေးဖွားလာသည့် ကလေးတိုင်းသည်သဘာဝဓမ္မ(အစ္စလာမ်သာသနာ)ပေါ်တွင်သာမွေးဖွားလာကြခြင်းဖြစ်သည်။
၁၅။ မည်သည့် လူသားတစ်ဦးတစ်ယောက်မျှပင် အပြစ်သားအဖြစ်လည်းကောင်း၊ သို့မဟုတ် အခြားသူ၏အပြစ်ကို အမွေဆက်ခံသူ အဖြစ်လည်းကောင်း မွေးဖွားလာခြင်းမဟုတ်ပေ။
၁၆။ လူသားအားဖန်ဆင်းရခြင်း၏ ရည်ရွယ်ချက်မှာ အလ္လာဟ်အရှင်မြတ် တစ်ဆူတည်းကိုသာ ခဝပ်ကိုးကွယ်ရန်အတွက်ဖြစ်သည်။
၁၇။ အစ္စလာမ်သာသနာသည် လူသား (အမျိုးသား၊ အမျိုးသမီး) တိုင်းအား ထူးကဲမြင့်မြတ်အောင်ပြုပေးထားသည်။ ၎င်း၏အလုံးစုံသော အခွင့်အရေးများကိုလည်းအာမခံထားသည်။ ထို့ပြင် လူသားအားသူ၏ရွေးချယ်မှုများ၊ လုပ်ရပ်များနှင့် လုပ်ဆာင်ချက်များနှင့်ပတ်သက်၍ တာဝန်ခံအဖြစ်ပြုလုပ်ထားပြီး မိမိအတွက်ဖြစ်စေ အခြားသူများအတွက်ဖြစ်စေ ထိခိုက်နစ်နာစေသည့် မည်သည့်လုပ်ရပ်အတွက်မဆို တာဝန်ခံစေခဲ့သည်။
၁၈။ ထို့ပြင် အမျိုးသားနှင့် အမျိုးသမီးအား တာဝန်ခံဖြစ်ခြင်း၊ အစားပေးခြင်း၊ ကုသိုလ်ချီးမြှင့်ခြင်းတို့၌ တန်းတူပင်သတ်မှတ်ထားသည်။
၁၉။ အစ္စလာမ်သာသနာသည် အမျိုးသမီးများကိုဂုဏ်ပေးထားပြီး အမျိုးသမီးများကို အမျိုးသားများနှင့်ဂုဏ်ရည်တူပင်ဖြစ်ကြောင်း သတ်မှတ်ထားသည်။ အမျိုးသားသည်တတ်စွမ်းနိုင်ပါက (သူမတို့အပေါ်) ငွေကြေးသုံးစွဲရန်လည်းသတ်မှတ်ထားသည်။ ထို့ကြောင့် သမီး၏ စရိတ်အား ဖခင်ပေါ်တွင်လည်းကောင်း၊ သားသည် အရွယ်ရောက်ပြီး တတ်စွမ်းနိုင်လျှင် မိခင်၏ စရိတ်အား သားပေါ်တွင်လည်းကောင်း၊ ဇနီး ၏စရိတ်အား ခင်ပွန်းပေါ်တွင်လည်းကောင်း (သုံးစွဲရန်) တာ ဝန်ရှိသည်။
၂၀။ သေဆုံးခြင်းသည် ထာဝရပြီးဆုံးခြင်းမဟုတ်ဘဲ ၎င်းသည် ကြိုးပမ်းအားထုတ်ရသည့်နေရာဋ္ဌာနမှ အစားပြန်လည်ရရှိသည့် နေရာဋ္ဌာနသို့ ကူးပြောင်းသွားခြင်းသာဖြစ်သည်။သေခြင်းသည် ခန္ဓာကိုယ်နှင့်ဝိညာဉ်ပေါ်သို့ကျရောက်သည်။ သေဆုံးသည့်အခါ ဝိညာဉ်သည် ခန္ဓာကိုယ်မှခွဲခွာသွားပြီး ကိယာမသ်နေ့ ပြန်လည်ရှင်ပြန်ထသည့်အခါ ခန္ဓာကိုယ်တွင်းသို့ ပြန်လည်ဝင်ရောက်လာမည်ဖြစ်သည်။ သေဆုံးပြီးသည့်နောက် ဝိညာဉ်သည် နောက်ကိုယ်ခန္ဓာတစ်ခုထဲသို့ဝင်စားခြင်းလည်းမရှိသလို၊ အခြားကိုယ်ခန္ဓာတစ်ခုဖြင့် သံသရာလည်ခြင်းလည်းမရှိပေ။
၂၁။ အစ္စလာမ်သာသနာသည် ကြီးကျယ်လှသည့် အခြေခံယုံကြည်ချက်များဖြင့် အီမာန်သက်ဝင်ယုံကြည်မှုဘက်သို့ ဖိတ်ခေါ်ထားသည် ၎င်းတို့မှာ အလ္လာဟ်အရှင်မြတ်နှင့် အရှင်မြတ်၏ကောင်းကင်တမန်များအား သက်ဝင်ယုံကြည်ခြင်း၊ အရှင်မြတ်၏ကျမ်းဂန်များဖြစ်သည့် ကျမ်းမြတ်ကုရ်အာန်နှင့် (ပြုပြင်ပြောင်းလဲခြင်းမခံရမီက) သောင်ရသ်ကျမ်း၊အင်ဂျီးလ်ကျမ်းနှင့်ဇဗူရ်ကျမ်းတို့အားသက်ဝင်ယုံကြည်ခြင်း၊ နဗီ၊ ရစူလ်တမန်တော် (عَلَيْهِمُ السَّلَامُ) အားလုံးတို့အားလည်းကောင်း၊ ၎င်းနဗီရစူလ်များအနက် အလ္လာဟ်အရှင်မြတ်၏ရစူလ်တမန်တော်ဖြစ်သည့် မုဟမ္မဒ် (ﷺ) သည် နောက်ဆုံးတမန်တော်ဖြစ်ကြောင်း သက်ဝင်ယုံကြည်ခြင်း၊ နောင်တမလွန် အာခိရသ်အားသက်ဝင်ယုံကြည်ခြင်း၊ အကယ်၍ ဤလောကီသက်တမ်းသည်သာ နောက်ဆုံးဖြစ်လျှင် လက်ရှိဘဝရှင်သန်ခြင်းသည် အချည်းနှီးသက်သက်သာဖြစ်သွားမည်ကိုကျွန်တော်တို့အသိပင်ဖြစ်သည်၊ အရှင်မြတ်၏စီရင်ဆုံးဖြတ်မှုနှင့် (သက္ကဒီရ်) အကောင်း အဆိုးဟူသမျှသည် အရှင်မြတ်ဘက်တော်မှသာဖြစ်ကြောင်း သက်ဝင်ယုံကြည်ခြင်းတို့ဖြစ်သည်။
၂၂။ နဗီတမန်တော်(အလိုင်ဟိမုစ္စလာမ်)များသည် အလ္လာဟ်အရှင်မြတ်၏ဝဟီအမိန့်တော်များကို ပို့ချရာတွင်လည်း ကောင်း၊ အသိဉာဏ်နှင့်ကောင်းမြတ်သည့်အကျင့်စာရိတ္တတို့နှင့်ဆန့်ကျင်သည့်အရာတိုင်းမှလည်းကောင်း ထိန်းသိမ်းစောင့် ရှောက်ခြင်းခံရသည်။ နဗီတမန်တော်(အလိုင်ဟိမုစ္စလာမ်) တို့သည် အလ္လာဟ်အရှင်မြတ်၏အမိန့်တော်များအား အရှင်မြတ်၏ကျေးကျွန်များထံပို့ချရန် တာ၀န်ပေးအပ်ခြင်းခံရသော ပုဂ္ဂိုလ်များဖြစ်ကြသည်။ ထိုတမန်တော်များတွင် မွေးမြူဖန်ဆင်းခြင်း၊ ခ၀ပ်ကိုးကွယ်မှုကိုခံထိုက်ခြင်းတို့နှင့်သက်ဆိုင်သော မည့်သည့်ဂုဏ်ဝိသေသမျှမရှိပေ။ အမှန်ပင် ၎င်းတို့ သည်အခြားလူသားများကဲ့သို့လူသားပင်ဖြစ်ကြသည်။ သို့သော် အလ္လာဟ်အရှင်မြတ်သည် မိမိ၏မိန့်မှာချက်များကို ၎င်းတို့ထံ ဝဟီပို့ချတော်မူသည်။
၂၃။ အစ္စလာမ်သာသနာသည် ကြီးကျယ်သော ခဝပ်ကိုးကွယ်မူများ၏ အခြေအမြစ်တရားများနှင့်တကွ အလ္လာဟ်အရှင်မြတ်တစ်ပါးတည်းကိုသာ ခဝပ်ကိုးကွယ်ခြင်းဘက်သို့ ဖိတ်ခေါ်ထားသည်။ ၎င်းတို့မှာ-(၁)ဆွလာသ်၀တ်ပြုခြင်း။ ၎င်းတွင်ကိယာမ်ရပ်ခြင်း၊ ရုကူအ်ဦးညွတ်ခြင်း၊ စဂ်ျဒဟ်ဦးချခြင်း၊ အလ္လာဟ်အရှင်မြတ်အားသတိရတသခြင်း၊ ချီးမွမ်းထောပနာပြုခြင်းနှင့်ဆုတောင်းခြင်းတို့ပါဝင်သည်။ လူတစ်ဦးသည်နေ့စဥ်ငါးကြိမ်ဆွလာသ်ဆောက်တည်ရသည်။ ဤသို့ဝတ်ပြုခြင်း၌အဆင့်အတန်းခွဲခြားမူများမရှိပေ။ ထို့ကြောင့်သူဌေး၊ သူဆင်းရဲ၊ ခေါင်းဆောင်နှင့် လက်အောက်ငယ်သားအားလုံးတို့သည် ဆွလာသ်ဝတ်ပြုရာ၌လိုင်းတစ်လိုင်းထဲတွင်ရှိကြရသည်။ (၂)ဇကာသ်ဖြစ်သည်။ ဇကာသ်ဟူသည်စည်းမျဉ်းစည်းကမ်းများနှင့်အညီ သူဌေးများ၏ဥစ္စာပစ္စည်များထဲမှ ဆင်းရဲသားများနှင့်အခြားယူပိုင်ခွင့်ရှိသူများအတွက် တစ်နှစ်လျှင်တစ်ကြိမ်ပေးရန် အလ္လာဟ်အရှင်မြတ်က(ဖရဿ်ွ)မပြုမနေရတာဝန်အဖြစ် သတ်မှတ်ထားသည့်အနည်းငယ်မျှသောပမာဏကိုဆိုလိုသည်။ (၃)ဆွိယာမ်ဖြစ်သည်။ ဆွိယာမ်ဟူသည် လမြတ်ရမ်ဿွာန်၏နေ့ပိုင်းတွင် စားခြင်း၊ သောက်ခြင်း၊ မေထုန်မှီဝဲခြင်းတို့မှရှောင်ကြဉ်ခြင်းဖြစ်ပြီး ၎င်းသည်စိတ်ဝိညာဉ်၌ ခန္တီတရားနှင့် စိတ်ဓါတ်ကြံ့ခိုင်မှုတို့ကို တိုးပွါးစေသည်။ (၄)ဟဂ်ျဖြစ်သည်။ ဟဂ်ျဟူသည် တတ်စွမ်းနိုင်သူအပေါ် တစ်သက်တွင်တစ်ကြိမ် မက္ကဟ်မြို့ရှိအလ္လာဟ်အရှင်မြတ်၏အိမ်တော်သို့သွားရောက်ဟဂ်ျပြုခြင်းဖြစ်သည်။ဟဂ်ျကျင့်စဥ်၌ ချွတ်ယွင်းမှုအပေါင်းမှကင်းစင်တော်မူသော ဖန်ဆင်းရှင်ဘက်သို့လှည့်ရာတွင်အားလုံးတူညီသွားကြပြီး ကွဲပြားခြားနားမှုများနှင့်မျိုးရိုးဂုဏ်ဖော်မှုများလည်း ပပြောက်သွားပေသည်။
၂၄။ အစ္စလာမ်သာသနာတော်၌ရှိသော ခဝပ်ကိုးကွယ်မှုများ၏အကြီးမားဆုံးထူးခြားချက်မှာ ခဝပ်ကိုးကွယ်ရမည့်ပုံသဏ္ဍာန်၊ အချိန်နှင့်စည်းကမ်းချက်များအားလုံးကို အလ္လာဟ်အရှင်မြတ်က သတ်မှတ်ပြဌာန်းတော်မူပြီး ၎င်ပြဌာန်းချက်များကို အရှင်မြတ်၏ရစူလ်တမန်တော်(ﷺ)က ပို့ချတော်မူခဲ့သည်။ ယနေ့ထိတိုင် တစ်ဦးတစ်ယောက်ကမျှ ထိုပြဌာန်းချက်များကို ဝင်ရောက်စွက်ဖက်ကာ အတိုးအလျော့ပြုလုပ်ထားခြင်းမရှိပေ။ ဤကြီးကျယ်လှသော ခဝပ်ကိုးကွယ်မှုများဘက်သို့ နဗီတမန်တော်(အလိုင်ဟိမုစ္စလာမ်)တိုင်းကဖိတ်ခေါ်ခဲ့သည်။
၂၅။ အစ္စလာမ်သာသနာတော်၏ရစူလ်တမန်တော်သည် အိဗ်ရာဟီမ်၏သားအစ္စမာအီလ်(အလိုင်ဟိမတ်စ္စလာမ်)၏ သားစဥ်မြေးဆက်မှဖြစ်သော အဗ်ဒုလ္လာဟ် ၏သား မုဟမ္မဒ်(ﷺ) ဖြစ်သည်။ ခရစ်သက္ကရာဇ်(၅၇၁)တွင် မက္ကဟ် မြို့၌ဖွားမြင်တော်မူခဲ့ပြီး ထိုမြို့၌ပင် တမန်တော်အဖြစ်စေလွှတ်ခြင်းခံရသည်။ ထို့နောက်မဒီနာမြို့သို့ (ဟိဂ်ျရသ်) ပြောင်းရွှေ့ခဲ့သည်။ ထိုတမန်တော်သည် မိမိ၏အမျိုးသားတို့နှင့်အတူ ရုပ်တုများနှင့်သက်ဆိုင်သောမည်သည့်လုပ်ရပ်တွင်မျှ ပါဝင်ခဲ့သည်ဟူ၍မရှိ။ သို့သော်၎င်းတို့နှင့်အတူမွန်မြတ်သည့်လုပ်ရပ်များတွင်သာ ပါဝင်ခဲ့သည်။ ကိုယ်တော်သည်တမန်တော်မဖြစ်မီကတည်းက ကြီးကျယ်လှသော အကျင့်စာရိတ္တပေါ်တွင်ရှိခဲ့သည်။ ၎င်း၏အမျိုးသားတို့က ၎င်းအားသစ္စာရှင်ဟု အမည်ပေးခဲ့ကြသည်။ အလ္လာဟ်အရှင်မြတ်သည် ကိုယ်တေ်အား သက်တော်(၄၀)တွင် ရစူလ်တမန်တော်အဖြစ်စေလွှတ်ခဲ့သည်။ ထို့ပြင်ကြီးကျယ်လှသော အံ့ဖွယ်တန်ခိုးတော်များဖြင့်ကူညီစောင်မတော်မူခဲ့ပြီး ၎င်းတို့အနက်အကြီးဆုံးမှာကျမ်းတော်မြတ်ကုရ်အာန်ပင်ဖြစ်သည်။ ၎င်းကျမ်းမြတ်သည် နဗီတမန်တော်များအားလုံး၏သက်သေလက္ခဏာတော်များအနက် အကြီးကျယ်ဆုံးသောသက်သေလက္ခဏာတော်ဖြစ်ပြီး ယနေ့ထိကျန်ရှိနေသော သက်သေလက္ခဏာတော်တစ်ပါးဖြစ်သည်။ အလ္လာဟ်အရှင်မြတ်သည် ၎င်းအတွက်သာသနာတော်ကိုပြည့်စုံစေခဲ့ပြီး ရစူလ်ကိုယ်တော်မြတ်(ﷺ)ကလည်းအပြည့်အဝပို့ချပြီးသည့်နောက် ကိုယ်တော်မြတ်(ﷺ)သည် သက်တော်(၆၃)နှစ်တွင်ကွယ်လွန်တော်မူခဲ့ပြီး မဒီနာမြို့တော်၌ပင် (ဒဖန်)မြုပ်နှံခဲ့သည်။ တမန်တော်မုဟမ္မဒ်(ﷺ)သည် နဗီ၊ ရစူလ်တမန်တော်များအနက် နောက်ဆုံးတမန်တော်ဖြစ်ပြီး အလ္လာဟ်အရှင်မြတ်သည် ၎င်းအား လမ်းမှန်တရား၊ စစ်မှန်သောသာသနာနှင့်တကွစေလွှတ်တော်မူခဲ့သည်။ ထိုသို့စေလွှတ်ရခြင်းမှာ လူသားအားလုံးကိုရုပ်တုကိုးကွယ်မှု၊ သွေဖည်ငြင်းပယ်မှုနှင့်အသိပညာမဲ့မှု၏အမှာင်ထုထဲမှ အလ္လာဟ်အရှင်မြတ်တစ်ပါးတည်းကိုသာ ခဝပ်ကိုးကွယ်ခြင်းနှင့် အီမာန်သက်ဝင်ယုံကြည်ခြင်း၏လင်းရောင်ခြည်ဘက်သို့ ထွက်စေရန်အတွက်ဖြစ်သည်။ အလ္လာဟ်အရှင်မြတ်သည် ထိုတမန်တော်အား မိမိ၏အမိန့်တော်နှင့် မိမိဘက်သို့ဖိတ်ခေါ်သူအဖြစ် အမှန်ပင်စေလွှတ်တော်မူခဲ့ကြောင်းကို သက်သေခံတော်မူသည်။
၂၆။ တမန်တော်မြတ်မုဟမ္မဒ်(ﷺ)ယူဆောင်လာသောအစ္စလာမ်၏(ရှရီအဟ်)တရားလမ်းစဥ်သည် အရှင်မြတ်၏မိန့်မှာချက်များနှင့်အရှင်မြတ်၏ တရားလမ်းစဥ်များတွင် နိဂုံးချုပ်ဖြစ်ပြီး ယင်းတရားလမ်းစဉ်သည်သာလျှင် ပြီးပြည့်စုံသောတရားလမ်းစဉ်ဖြစ်သည်။ ထိုတရားလမ်းစဉ်တွင် လူသားတို့၏သာသနာရေးနှင့် လောကီရေးကောင်းကျိုးချမ်းသာများပါရှိ၍ လူသားတို့၏သာသနာများ၊ အသက်သွေးများ၊ ဥစ္စာပစ္စည်းများ၊ အသိဉာဏ်များနှင့် သားစဥ်မြေးဆက်တို့အား ပထမအဆင့်၌ထားကာ ဦးစားပေးကာကွယ်စောင့်ရှောက်ထားသည်။ လွန်လေပြီးသောတရားလမ်းစဉ်တို့သည် တစ်ခုကိုတစ်ခုရုပ်သိမ်းပယ်ဖျက်သကဲ့သို့ ဤအစ္စလာမ့်တရားလမ်းစဉ်သည်လည်း လွန်လေပြီးသောတရားလမ်းစဉ်အားလုံးကို ရုပ်သိမ်းပယ်ဖျက်လိုက်သည်။
၂၇။ ချွတ်ယွင်းမူအပေါင်းမှကင်းစင်၍ကြီးကျယ်မြင့်မြတ်တော်မူသော အလ္လာဟ်အရှင်မြတ်သည် တမန်တော်မြတ်မုဟမ္မဒ်(ﷺ) ယူဆောင်လာခဲ့သော အစ္စလာမ်သာသနာမှအပအခြားမည်သည့်သာသနာကိုမျှ လက်ခံတော်မူမည်မဟုတ်ပေ။ အကြင်သူသည် အစ္စလာမ်သာသနာမှအပအခြားသာသနာကိုလက်ခံခဲ့ပါမူ ထိုသူ့ထံမှ(သူလက်ခံထားသည့်သာသနာသည် အရှင်မြတ်ထံတွင်)အလျှင်းလက်ခံသဘောတူခြင်းခံရမည် မဟုတ်ပေ။
၂၈။ ကျမ်းတော်မြတ်ကုရ်အာန်ဟူသည် အလ္လာဟ်အရှင်မြတ်က တမန်တော်မုဟမ္မဒ်(ﷺ)ထံသို့ ထုတ်ပြန်ပို့ချတော်မူခဲ့သော ကျမ်းဂန်ဖြစ်သည်။ ထိုကျမ်းမြတ်သည် စကြာဝဠာအပေါင်းကိုပြုစုပျိုးထောင်တော်မူသောအရှင်မြတ်၏ မုက္ခပါဌ်တော်ဖြစ်သည်။ အလ္လာဟ်အရှင်မြတ်က လူသားနှင့်ဂျင်န်တို့အား ၎င်းကျမ်းတော်မြတ်နှင့်တူသောကျမ်း သို့မဟုတ် အလားတူကဏ္ဍတစ်ခု(စီကုံးရေးသား၍)ယူဆောင်လာကြပြီး ယှဥ်ပြိုင်ရန်ဖိတ်ခေါ်ထားသည်။ ထိုသို့ယှဉ်ပြိုင်ရန်ဖိတ်ခေါ်မှုသည် ယနေ့ထိတိုင်ရှိနေသည်။ထို့ပြင် သန်းပေါင်းများစွာသောလူသားများအား ဝေခွဲမရဖြစ်စေသည့် မေးခွန်းပေါင်းမြောက်များစွာကိုလည်း ကျမ်းမြတ်ကုရ်အာန်က ဖြေကြားထားသည်။ ကျမ်းမြတ်ကုရ်အာန်သည် ၎င်းကျရောက်သည့်အရဗီဘာသာစကားဖြင့်ပင် ယနေ့ထိတိုင် ထိန်းသိမ်းထားပြီးအက္ခရာတလုံးမျှလျော့နည်းသွားသည်ဟူ၍ မရှိပေ။ ၎င်းပြင် ထိုကျမ်းမြတ်အား ပုံနိုပ်ထုတ်ဝေဖြန့်ချိလျက်ရှိသည်။ ထိုကျမ်းတော်မြတ်သည် ကြီးကျယ်လှသည့်တုမရသောကျမ်းကြီးဖြစ်သဖြင့် ၎င်းကျမ်းမြတ်ကိုဖြစ်စေ (သို့) ၎င်းကျမ်းမြတ်၏အဓိပ္ပာယ်ဘာသာပြန်ကိုဖြစ်စေ ဖတ်ရှုလေ့လာသင့်သည်။ ဤကဲ့သို့ပင် ဧကန်အမှန် တမန်တော်မုဟမ္မဒ်(ﷺ)၏(စွန္နဟ်)လမ်းစဥ်၊ သင်ကြားပို့ချချက်များနှင့် အတ္ထုပ္ပတ္တိတို့သည်လည်း ယုံကြည်စိတ်ချရသော စဥ်ဆက်မပြတ်ဆင့်ပြန်သူတို့၏ဆင့်ပြန်ချက်များအတိုင်း ထိန်းသိမ်းထားပြီး ကိုယ်တော်ပြောဆိုခဲ့သည့်ဘာသာစကားဖြစ်သော အာရဗီဘာသာနှင့်ပုံနှိပ်ထားကာ မြောက်များစွာသောဘာသာစကားများဖြင့်လည်း ဘာသာပြန်ဆိုပြီးဖြစ်သည်။ ထိန်းသိမ်းစောင့်ရှောက်ခြင်းခံရသော ကျမ်းမြတ်ကုရ်အာန်နှင့် တမန်တော်မြတ်(ﷺ)၏ (စွန္နဟ်)လမ်းစဉ်သည် အစ္စလာမ့်အမိန့်ပညတ်ချက်များနှင့်ပြဌာန်းချက်တို့အတွက်တစ်ခုတည်းသော မူလရင်းမြစ်ဖြစ်သည်။ ထို့ကြောင့် အစ္စလာမ်သာသနာတော်ကို အစ္စလာမ်နှင့်ဆက်နွယ်နေသူတို့၏လုပ်ရပ်များမှ ရယူခွင့်မရှိ။ အရှင်မြတ်၏ဗျာဒိတ်တော်ဖြစ်သည့် ကျမ်းမြတ်ကုရ်အာန်နှင့်တမန်တော်မြတ်၏ (စွန္နဟ်)လမ်းစဉ်မှသာ ရယူရမည်ဖြစ်သည်။
၂၉။ အစ္စလာမ်သာသနာတော်သည် မိဘနှစ်ပါးနှင့်ပတ်သက်၍ ကောင်းမွန်စွာပြုစုဆက်ဆံရန် အမိန့်ပေးထားသည်။ အကယ်၍မိဘနှစ်ပါးသည် မွတ်စ်လင်မ်မဟုတ်လျင်လည်း ကောင်းမွန်စွာပြုစုဆက်ဆံရန် အမိန့်ပေးထားသည်။ ထို့ပြင် သားသမီးတို့အားလည်း ကောင်းမွန်စွာပြုစုပျိုးထောင်ရန် မှာကြားထားသည်။
၃၀။ အစ္စလာမ်သာသနာသည် ရန်သူများနှင့်ပင်ဖြစ်စေ အပြောနှင့်အလုပ်တွင်တရားမျှတမှုရှိရန် အမိန့်ပေးထားသည်။
၃၁။ အစ္စလာမ်သာသနာသည် အဖန်ဆင်းခံအားလုံးအား ကောင်းမွန်စွာကျင့်မူဆက်ဆံရန်အမိန့်ပေးထားပြီး၊ မြင့်မြတ်သောကိုယ်ကျင့်တရားနှင့် ကောင်းမြတ်သည့်အကျင့်သီလဘက်သို့ ဖိတ်ခေါ်ထားသည်။
၃၂။ အစ္စလာမ်သာသနာသည် ချီးမွမ်းထိုက်သော ကိုယ်ကျင့်တရားများဖြစ်သည့်အမှန်တရားပြောဆိုခြင်း၊ သစ္စာရှိခြင်း၊ မကောင်းမှုမှစင်ကြယ်သန့်ရှင်းခြင်း၊အရှက်တရားရှိခြင်း၊ သတ္တိရှိခြင်း၊ ပေးကမ်းခြင်း၊ ရက်ရောခြင်း၊ လိုအပ်သူကိုကူညီခြင်း၊ ဒုက္ခရောက်သူကိုကယ်တင်ခြင်း၊ ဆာလောင်သူကိုကျွေးမွေးခြင်း၊ အိမ်နီးချင်းများအား ကောင်းမွန်စွာဆက်ဆံခြင်း၊ ဆွေမျိုးသားချင်းအဆက်အသွယ်ထားခြင်း၊ တိရစ္ဆာန်များကိုနူးညံ့စွာဆက်ဆံခြင်း အစရှိသည်တို့နှင့်ပတ်သက်၍အမိန့်ပေးထားသည်။
၃၃။ အစ္စလာမ်သာသနာသည် ကောင်းမြတ်သည့် စားစရာနှင့် သောက်စရာများကိုစားသုံးခွင့်ပြုထားသည်။ ထို့ပြင်စိတ်နှလုံးသား၊ ခန္ဓာကိုယ်နှင့် အိမ်တို့အားသန့်ရှင်းစင်ကြယ်မှုရှိရန် အမိန့်ပေးထားသည်။ ထို့ကြောင့်ပင်(နိကာဟ်)ထိမ်းမြားခြင်းအားခွင့်ပြုထားခြင်းဖြစ်သည်။ အလ္လာဟ်အရှင်မြတ်သည် နဗီတမန်တော်(အလိုင်ဟိမုစ္စလာမ်)များအား ထိုကိစ္စရပ်တို့ကိုအမိန့်ပေးတော်မူထားသည့်အတိုင်း ၎င်းတို့ကလည်းကောင်းမြတ်သည့်အရာတိုင်းအား အမိန့်ပေးညွှန်ကြားတော်မူသည်။
၃၄။ အစ္စလာမ်သာသနာသည် မကောင်းမှုတို့၏ဇစ်မြစ်ဖြစ်သည့် အလ္လာဟ်အရှင်မြတ်အား(ရှိရ်က်)ဖက်စပ်ယှဉ်တွဲကိုးကွယ်မှုပြုခြင်း၊ သွေဖည်ငြင်းပယ်ခြင်း၊ရုပ်တုများကိုခဝပ်ကိုးကွယ်ခြင်း၊ အသိပညာမရှိဘဲ အလ္လာဟ်အရှင်မြတ်နှင့်ပတ်သက်၍ ပြောဆိုခြင်း၊ သားသမီးတို့ကိုသတ်ခြင်း၊ လေးစားအပ်သည့် အသက်ဇီဝန်ကိုသတ်ဖြတ်ခြင်း၊ မြေပထဝီ၌ပျက်စီးရာပျက်စီးကြောင်းပြုလုပ်ခြင်း၊ စုန်းပယောဂပြုစားခြင်း၊ ထင်ရှားသော သို့မဟုတ် လျှို့ဝှက်သော စက်ဆုပ်ရွံရှာဖွယ်ရာများပြုခြင်း၊ ကာမေသုမိစ္ဆာစာရကျူးလွန်ခြင်းနှင့် လိင်တူဆက်ဆံခြင်းတို့ကို တားမြစ်ထားသည်။ ထို့ပြင် အတိုး၊ အသေသားစားခြင်း၊ ရုပ်တုဆင်းတုများအတွက်ရည်ရွယ်၍ လှီးဖြတ်ထားသည့်အရာများ၊ ဝက်သားနှင့် အခြားသောမသန့်သည့်ညစ်ညမ်းသည့်အရာအားလုံးတို့မှ တားမြစ်ထားသည်။ ၎င်းအပြင်အဖမဲ့ကလေး၏ပစ္စည်းကိုစားခြင်း၊ အခြင်အတွယ်နှင့် အလေးခိုးခြင်း၊ ဆွေမျိုးသားချင်းအဆက်ဖြတ်ခြင်းတို့အား တားမြစ်ထားသည်။ ယင်းတားမြစ်ထားသည့်ကိစ္စရပ်အားလုံးတို့သည် (ဟရာမ်)မပြုပိုင်ကြောင်းကို နဗီ၊ရစူလ်တမန်တော်(عَلَيْهِمُ السَّلَامُ)များအားလုံးထံတွင် တစ်ညီတစ်ညွတ်တည်းပင်ဖြစ်သည်။
၃၅။ အစ္စလာမ်သာသနာသည် မကောင်းသည့် ကိုယ်ကျင့်တရားဖြစ်သော မုသားပြောခြင်း၊ လိမ်လည်လှည့်စားခြင်း၊ ကတိဖျက်ခြင်း၊ အလွဲသုံးစားပြုခြင်း၊ လှည့်ဖြားခြင်း၊ မနာလိုဖြစ်ခြင်း၊ မကောင်းကြံစည်ခြင်း၊ ခိုးခြင်း၊ ကျူးကျော်စော်ကားခြင်း၊ မတရားမှုပြုခြင်းနှင့် အခြားမကောင်းသည့် ကိုယ်ကျင့်တရားတိုင်းမှ တားမြစ်ထားသည်။
၃၆။ အစ္စလာမ်သာသနာသည် ငွေကြေးဖြင့်ရောင်းဝယ်မှုကဏ္ဍတွင် အတိုးစားခြင်း၊ လှည့်ဖျားခြင်း၊ မတရားပြုခြင်း၊ လိမ်လည်လှည့်စားခြင်း၊ လူ့အဖွဲ့အစည်းများ၊ လူများ၊ လူတစ်ဦးချင်း၏ အထွေထွေထိခိုက်နစ်နာမှုနှင့် ဘေးအန္တရာယ်ဖြစ်စေသောအရာများကို တားမြစ်ထားသည်။
၃၇။ အစ္စလာမ်သာသနာသည် အသိဉာဏ်အားထိန်းသိမ်းရန်နှင့် အရက်သောက်ခြင်းကဲ့သို့ အသိဉာဏ်အား ဖျက်ဆီးပစ်သည့်အရာတိုင်းကို တားမြစ်ရန်အတွက် ရောက်ရှိလာခဲ့သည်။ အစ္စလာမ်သာသနာသည် အသိဉာဏ်၏အဆင့်အတန်းကို မြှင့်တင်ပေးခဲ့ပြီး ၎င်းကို သာသနာအား လိုက်နာကျင့်သုံးရန် တာဝန်ပေးအပ်ခြင်းခံရမှု၏ ပင်မဝင်ရိုးအဖြစ်သတ်မှတ်ထားသည်။ ထို့ပြင်အသိဉာဏ်အား ဒဏ္ဍာရီယုံတမ်းနှင့် ရုပ်တုဆင်းတုကိုးကွယ်မှုတို့၏ ချုပ်နှောင်ပိတ်ပင်ထားမှုများမှ လွတ်မြောက်စေခဲ့သည်။ အစ္စလာမ်သာသနာတွင် သီးခြားလူတန်းစားတစ်ခုနှင့်သာ သက်ဆိုင်သည့် လျှို့ဝှက်ချက်များ သို့မဟုတ် အမိန့်ပြဌာန်းချက်များဟူ၍ မရှိပါ။ ၎င်းပြင်အစ္စလာမ်၏ အမိန့်ပညတ်ချက်များနှင့် ဥပဒေပြဌာန်းချက်များ အားလုံးသည် မှန်ကန်သော အသိဉာဏ်နှင့် ကိုက်ညီမှုရှိပြီး၊ ၎င်းသည် တရားမျှတမှုနှင့် ဥာဏ်အမြော်အမြင်ရှိမှုတို့နှင့်လည်း ကိုက်ညီသည်။
၃၈။ လမ်းမှားနေသောဘာသာတရားတို့၏နောက်လိုက်များသည် ထိုဘာသာတရားတို့၌ရှိသော ရှေ့နောက်မညီညွတ်မှုများ၊ အသိဉာဏ်က လက်မခံနိုင်သည့်ကိစ္စရပ်များကို သေချာနားလည်သဘောပေါက်ခြင်းမရှိလျှင် ဘာသာရေးခေါင်းဆောင်များသည် နောက်လိုက်တို့အား သာသနာသည် အသိဉာဏ်ထက်မြင့်မားသည်။ ထိုကြောင့် သာသနာကိုအသိဉာဏ်ဖြင့်နားလည်ရန် မဖြစ်နိုင်သလို အသေးစိတ်သဘောပေါက်ရန်လည်း မဖြစ်နိုင်ဟုဆိုကာ ဇဝေဇဝါဖြစ်အောင်ပြုလုပ်ကြသည်။ အစ္စလာမ်သည် ဘာသာတရားအား အသိဉာဏ်ကိုလမ်းဖွင့်ပေးသည့်အလင်းရောင်အဖြစ် သတ်မှတ်ထားသည်။ လမ်းမှားနေသောဘာသာတရားတို့၏ခေါင်းဆောင်များသည် လူတို့အားအသိဉာဏ်ကို အသုံးချခြင်းမှတားဆီးကား ၎င်းတို့ကိုသာ မျက်စိစုံမှိတ်ပြီး လိုက်နာစေချင်ကြသည်။ အစ္စလာမ်သာသနာသည် လူသားအားသူဆောင်ရွက်နေသည့် ကိစ္စရပ်များ၏အရှိတရားကိုသိနားလည်စေရန်အတွက် အသိဉာဏ်အားနိုးကြားစေလိုသည်။
၃၉။ အစ္စလာမ်သာသနာသည် မှန်ကန်သောအသိပညာကို ဂုဏ်ပေးထားပြီးဘက်လိုက်မှုကင်းသော သုတေသနပြုခြင်းကိုအားပေးသည်။ ထိုနည်းတူ မိမိတို့ကိုယ်နှင့် မိမိတို့ပတ်ဝန်းကျင်ရှိအရာများအား စဉ်းစားသုံးသပ်ခြင်း၊ စူးစမ်းလေ့လာခြင်းတို့ကို ပြုလုပ်ရန် ဖိတ်ခေါ်ထားသည်။ မှန်ကန်သည့်သိပ္ပံဆိုင်ရာရလဒ်များသည် အစ္စလာမ်သာသနာနှင့်ဆန့်ကျင်နေခြင်းမရှိပေ။
၄၀။ မည်သူမဆို အလ္လာဟ်အရှင်မြတ်အပေါ်သက်ဝင်ယုံကြည်ပြီး အမိန့်နာခံကာထိုအရှင်မြတ်၏ရစူလ်တမန်တော်များကို မှန်ကန်ကြောင်းထောက်ခံမှသာ အလ္လာဟ်အရှင်မြတ်သည် ၎င်း၏ကျင့်ဆောင်မှုများလက်ခံပြီး နောင်တမလွန်တွင်လည်းအကျိုးကုသိုလ်ချီးမြှင့်မည်ဖြစ်သည်။ အလ္လာဟ်အရှင်မြတ်သည် မိမိသတ်မှတ်ပြဌာန်းထားသည့်ခဝပ်ကိုးကွယ်မှုများကိုသာ လက်ခံတော်မူမည်ဖြစ်သဖြင့်လူသားသည် အလ္လာဟ်အရှင်မြတ်ကို သွေဖည်ငြင်းပယ်ပြီး အရှင်မြတ်ချီးမြှင့်မည့်ဆုလာဘ်များကို အဘယ်ကဲ့သို့မျှော်လင့်နေပါသနည်း။ ထို့ပြင် မည်သူမဆို နဗီတမန်တော်(عَلَيْهِمُ السَّلَامُ)အပေါင်းနှင့် မုဟမ္မဒ်(ﷺ)၏ရစူလ်တမန်တော်ဖြစ်ခြင်းကို သက်ဝင်ယုံကြည်မှသာလျှင် အလ္လာဟ်အရှင်မြတ်သည် ထိုသူ၏အီမာန်သက်ဝင်ယုံကြည်မှုကို လက်ခံတော်မူမည်ဖြစ်သည်။
၄၁။ အလ္လာဟ်အရှင်မြတ်မိန့်မှာချက်များအားလုံး၏ ရည်ရွယ်ချက်ပန်းတိုင်မှာ စစ်မှန်သည့်သာသနာဖြင့် လူသားကိုမြှင့်တင်ပေးရန်ဖြစ်သည်။ ထို့ကြောင့်လူသားသည် စကြာဝဠာအပေါင်းအား မွေးမြူဖန်ဆင်းတော်မူသည့် အလ္လာဟ်အရှင်မြတ်၏ကျေးကျွန်သက်သက်သာဖြစ်သွားပြီး၊ လူသား၊ ရုပ်ဝါဒနှင့်၊ ဒဏ္ဍာရီယုံတမ်းတို့၏ကျေးကျွန်ဖြစ်ခြင်းမှလွတ်မြောက်စေသည်။ အစ္စလာမ်သာသနာသည် သင်မြင်တွေ့သည့်အတိုင်းပင် လူပုဂ္ဂိုလ်တို့အား ၎င်းတို့၏အဆင့်အတန်းထက်ကျော်လွန်၍ အထွတ်အမြတ်ထားခြင်းလည်းမပြုသလို ခဝပ်ကိုးကွယ်ခြင်းခံထိုက်သူများ၊ ကိုးကွယ်ခံဘုရားများဟူ၍လည်း မသတ်မှတ်ပေ။
၄၂။ အလ္လာဟ်အရှင်မြတ်သည် အစ္စလာမ်သာသနာတွင် သောင်ဗဟ် အမှားဝန်ချတောင်းပန်ခြင်းကို သတ်မှတ်ပြဌာန်းထားသည်။ သောင်ဗဟ်ဟူသည် လူသားသည်မိမိ၏ဖန်ဆင်းရှင်ထံသို့ ပြန်လှည့်ခြင်းနှင့်အပြစ်အကုသိုလ်အား စွန့်လွတ်ခြင်းဖြစ်သည်။ ထို့ပြင် အစ္စလာမ်သာသနာသည် (အစ္စလာမ်လက်မခံမီ)အလျင်က ကျူးလွန်ခဲ့သော အပြစ်အကုသိုလ်များကို ပယ်ဖျက်ပေးသည်။ သောင်ဗဟ်အမှားဝန်ချတောင်းပန်ခြင်းသည် သောင်ဗဟ် မပြုမီအလျင်က ကျူးလွန်ခဲ့သော အပြစ်အကုသိုလ်များကို ပယ်ဖျက်ပေးသည်။ ထို့ကြောင့် လူသားသည် မည်သူတစ်ဦးတစ်ယောက်၏ ရှေ့မှောက်တွင်မျှ မိမိအမှားကို အသိပေးဝန်ခံရန် မလိုအပ်ပေ။
၄၃။ အစ္စလာမ်သာသနာတော်တွင် အလ္လာဟ်အရှင်မြတ်နှင့် လူသား၏ကြားတွင် တိုက်ရိုက်ဆက်သွယ်နိုင်သည်။ ထို့ ကြောင့် အသင်နှင့် အလ္လာဟ်အရှင်မြတ်ကြားတွင် မည်သူတစ်ဦးတစ်ယောက်မျှ ကြားခံအဖြစ်မလိုအပ်ပေ။ အစ္စလာမ်သာသနာသည် ကျွန်ုပ်တို့အား လူသားကို ကိုးကွယ်ရာအရှင်အဖြစ်လည်းကောင်း၊အလ္လာဟ်အရှင်မြတ်၏ ဖန်ဆင်းတော်မူခြင်းနှင့် ခဝပ်ကိုးကွယ်ခြင်းခံထိုက်မှု၌ ဖက်စပ်ပါဝင်သူများအဖြစ် သတ်မှတ်ခြင်းမှလည်းကောင်း တားမြစ်ထားသည်။
၄၄။ ဤစာအုပ်၏အဆုံးတွင် ကျွန်တော်တို့မှတ်သားထားရမည့်အချက်မှာ လူတို့သည် ခေတ်ကာလများ၊ လူမျိုးများ၊ နိုင်ငံများပေါ်မူတည်ပြီး ကွဲပြားခြားနားကြသည်။ ထို့ပြင်လူ့အဖွဲ့အစည်းတစ်ခုလုံးသည်လည်း အတွေးအခေါ်များ၊ရည်မှန်းချက်များမတူညီကြသလို၊ ပတ်ဝန်းကျင်နှင့် အလုပ်အကိုင်များလည်းကွဲပြားကြသည်။ ထို့ကြောင့် ယင်းလူ့အဖွဲ့စည်းအား ဦးဆောင်လမ်းပြမည့်သူ၊ ၎င်းတို့အားစုစည်းပေးမည့်စနစ်နှင့် ကာကွယ်စောင့်ရှောက်မည့် အုပ်ချုပ်သူကို လိုအပ်သည်။ ရစူလ်တမန်တော်(عَلَيْهِمُ السَّلَامُ) တို့သည် (ချွတ်တဲ့မှုအပေါင်းမှကင်းစင်တော်မူသည့်) အလ္လာဟ်အရှင်မြတ်၏ (ဝဟီ)ဗျာဒိတ်တော်လမ်းညွှန်ချက်တို့ဖြင့် ၎င်းကိစ္စရပ်များကို တာဝန်ယူခဲ့ကြသည်။ ထိုတမန်တော်တို့သည် လူတို့အားမှန်ကန်ပြီးကောင်းမြတ်သည့်လမ်းကို ညွှန်ကြားပြသခဲ့ကြသည်။ လူတို့အား အလ္လာဟ်အရှင်မြတ်၏ တရားလမ်းစဉ်ပေါ်တွင် စုစည်းခဲ့ပြီး ၎င်းတို့ကြား၌မှန်ကန်ဖြောင့်မတ်စွာ စီရင်ဆုံးဖြတ်ခဲ့ကြသည်။ထို့ကြောင့် လူတို့၏အရေးကိစ္စများမှန်ကန်တည့်မတ်မှုရှိခြင်းသည် ဤရစူလ်တမန်တော်များအား ၎င်းတို့၏ နာခံမှုအတိုင်းအတာနှင့် ၎င်းတို့၏ ခေတ်သည်အရှင်မြတ်၏ အမိန့်တော်များနှင့် နီးကပ်မှုရှိနေသည့် အပေါ်မူတည်သည်။ အလ္လာဟ်အရှင်မြတ်သည် (ရိစာလသ်) မိမိ၏ အမိန့်တော်များ ပို့ချခြင်းအား တမန်တော်မုဟ္မဒ် (ဆွလ္လလ္လာဟုအလိုင်းဟိဝစလ္လမ်)အား ရစူလ်အဖြစ်စေလွှတ်ခြင်းဖြင့် အဆုံးသတ်ခဲ့သည်။ ထို့ပြင် ၎င်း၏ရစူလ်ဖြစ်ခြင်းအား အမြဲအတွက် သတ်မှတ်တော်မူပြီး ၎င်းအားလူသားတို့အတွက် လမ်းမှန်တရား၊ ကရုဏာတော်၊ လင်းရောင်ခြည်နှင့် အရှင်မြတ်ထံတော်သို့ရောက်စေသည့် မှန်ကန်ဖြောင့်မတ်သော လမ်းအဖြစ် ပြုလုပ်တော်မူခဲ့သည်။
၄၅။ ထို့ကြောင့် အို-လူသား သင့်အားကျွန်ုပ်က ရိုးရာ၊ ဓလေ့ထုံးတမ်းများမှ ကင်းရှင်းပြီး အလ္လာဟ်အရှင်မြတ်တစ်ဆူတည်းကိုသာ စစ်မှန်စွာသက်ဝင်ယုံကြည်ရန်ဖိတ်ခေါ်ပါသည်။ သင်သေဆုံးပြီးနောက်တွင် သင့်အားမွေးမြူဖန်ဆင်းတော်မူသော အရှင်မြတ်ထံပြန်သွားရမည်ကို သင်သိနားလည်ထားရမည်။ သင်သည်မိမိကိုယ်မိမိနှင့် မိမိပတ်ဝန်းကျင်ရှိ အရပ်မျက်နှာအသီးသီးကို သေချာဆင်ခြင်သုံးသပ်ပြီး အစ္စလာမ်သာသနာကိုလက်ခံလိုက်ပါ။ သင့်လောကီ၊ လောကုတ္တရာနှစ်ဌာနစလုံး၌ ပျော်ရွှင်မှုကို ရရှိလိမ့်မည်။ သင်အစ္စလာမ်သာသနာထဲသို့ ဝင်ရောက်လိုပါက သက်သေခံခြင်းဖြစ်သည့် (လာအိလာဟ အစ်လ္လလ္လာဟ် မုဟမ္မဒုရ်ရစူလွလ္လာဟ်)အလ္လာဟ်အရှင်မြတ်မှအပ အခြားခဝပ်ကိုးကွယ်ခံထိုက်သောအရှင်မရှိ မုဟမ္မဒ်သည်အလ္လာဟ်အရှင်မြတ်၏ ရစူလ်တမန်တော်ဖြစ်သည်ကို ဝန်ခံထွက်ဆိုပြီး အလ္လာဟ်အရှင်မြတ်မှအပ အခြားခဝပ်ကိုးခြင်းခံနေရသော အရာအားလုံးမှ ကင်းရှင်းကြောင်းကြေငြာရမည်။ အလ္လာဟ်အရှင်မြတ်သည် သင်္ချိုင်းများရှိသူသေများကို ပြန်လည်ရှင်ပြန်ထစေခြင်း၊ စာရင်းစစ်ဆေးခြင်းနှင့် အစားပေးမည်ဆိုသည်တို့ကို မှန်ကန်ကြောင်း သင် သက်ဝင်ယုံကြည်ရမည်။ ဤ (ရှဟာဒသ်) သက်သေခံခြင်းအား ဝန်ခံထွက်ဆိုပြီးလျှင် သင်သည်မွတ်စ်လင်မ်တစ်ဦးဖြစ်သွားချေပြီ။ ၎င်းနောက်သင့်အပေါ်တွင် အရှင်မြတ်သတ်မှတ်ပြဌာန်းထားသည့် ဆွလာသ်ဆောက်တည်ခြင်း၊ ဇကာသ်ပေးခြင်း၊ ဆွိယာမ်ဥပုသ်စောင့်ထိန်းခြင်း၊ (မက္ကာဟ်မြို့သို့)သွား ရောက်ရန်တတ်စွမ်းနိုင်ပါက သွားရောက်ဟဂ်ျပြုခြင်းတို့ကို ကျင့်ဆောင်ကာ အလ္လာဟ်အရှင်မြတ်အား ခဝပ်ကိုးကွယ်မှုပြုရမည်။
နေ့စွဲ - ၁၉-၁၁-၁၄၄၁ (ဟစ်ဂျ်ရီ ခုနှစ်)
ရေးသားသူ - ပါမောက္ခ ဒေါက်တာ မုဟမ္မဒ်ဗင်န်အဗ်ဒုလ္လာဟ် အလ်စုဟိုင်းမ်
ပါမောက္ခဟောင်း အစ္စလာမ့်လေ့လာရေးဌာန အကီဒဟ်ယုံကြည်မှုဘာသာရပ်၊
ပညာရေးကောလိပ်၊ဘုရင်စအူးဒ် တက္ကသိုလ်၊
ရိယာဒ်မြို့၊ ဆော်ဒီအာရေဗျဘုရင့်နိုင်ငံ။
Related books
All books
အစ္စလာမ်သာသနာတော်နှင့် ပတ်သက်၍ ကျမ်းတော်မြတ်ကုရ်အာန်နှင့်တမန်တော်မြတ်၏သြဝါဒတော်၌ လာရှိသည့်အတိုင်းအကျဥ်းချုပ်ဖော်ပြခြင်း။71 languagesအစ္စလာမ်သာသနာတော်နှင့် ပတ်သက်၍ ကျမ်းတော်မြတ်ကုရ်အာန်နှင့်တမန်တော်မြတ်၏သြဝါဒတော်၌ လာရှိသည့်အတိုင်းအကျဥ်းချုပ်ဖော်ပြခြင်း။
အစ္စလာမ်သာသနာတော် စာအုပ်တစ်အုပ်ဖြစ်သည်။ အစ္စလာမ်သာသနာတော်၏ မူလအရင်းမြစ်များဖြစ်သည့် ကျမ်းမြတ် ကုရ်အာန်နှင့် တမန်တော်မြတ်(ﷺ)၏စွန္နဟ်လမ်းစဉ်တို့မှ အစ္စလာမ်၏အခြေအမြစ်များ၊ သင်ကြား ပို့ချမှုများနှင့် အလှတရားများကို ရှင်းလင်းစွာတင်ပြထားပေသည်။ ထို့ပြင်ဤစာအုပ်သည် အချိန် တိုင်း နေရာတိုင်းနှင့် မတူညီသောအခြေအနေအရပ်ရပ်တွင်ရှိနေသည့် အမိန့်နာခံရန်တာဝန်ရှိသော မွတ်စ်လင်မ်များနှင့် မွတ်စ်လင်မ်မဟုတ်သူများအတွက် ၎င်းတို့၏ဘာသာစကားအသီးသီးဖြင့် လမ်းညွှန်ထားသောစာအုပ်ဖြစ်သည်။ ကျမ်းမြတ်ကုရ်အာန်နှင့် တမန်တော်မြတ်၏စွန္နဟ်အထောက်အထားများပါဝင်သည့်စာအုပ် အစ္စလာမ်သာသနာတော်သည် လူသားအားလုံးထံပို့ဆောင်သည့် အလ္လာဟ်အရှင်မြတ်၏…
ဘုရားမဲ့ဝါဒီတစ်ဦးသို့ ပေးစာ61 languagesဘုရားမဲ့ဝါဒီတစ်ဦးသို့ ပေးစာ
ဘုရားမဲ့ဝါဒီတစ်ဦးကို ဦးတည်ထားသည့် ဤအကျဉ်း သင်္ခေပသတင်းစကားသည်အသိဉာဏ်ပညာကို ဦးတည်မိန့်ဆိုနေသည်မှာ - ဧကန်စင်စစ် ဤစကြာဝဠာ၏ အနုစိတ်ပြုပြင်မှုနှင့် စနစ်တကျဖြစ်တည်မှုသည် သူ့ဟာသူအလိုအလျောက်ဖြစ်လာခြင်းကို ငြင်းပယ်ကာ၊ ဉာဏ်ပညာနှင့် ပြည့်စုံသော ဖန်ဆင်းရှင်တစ်ပါးရှိခြင်းကို ညွှန်ပြနေသည်။ သို့ရှိရာ ဤအရာအားလုံးသည် ဗလာနတ္တိ( ဘာမှမရှိခြင်း )မှ သူ့အလိုလိုဖြစ်လာသည်ဆိုသည်မှာ ဖြစ်နိုင်ပါမည်လော။ ထို့ကြောင့် သင့်နှလုံးသားကို ဆင်ခြင်တွေးခေါ်မှုအတွက် ဖွင့်လှစ်လိုက်ပါ၊ မှန်ကန်သောလမ်းကို ရှာဖွေပါ။ သို့မှသာ သင့်အား လမ်းမှန်သို့ညွှန်ပြမည့် အလင်းရောင်ကို တွေ့ရှိမည်ဖြစ်သည်။
نبذة في العقيدة الإسلامية (شرح أصول الإيمان)75 languagesنبذةنبذة في العقيدة الإسلامية (شرح أصول الإيمان)
رسالة لطيفة تتناول أصول العقيدة الإسلامية بأسلوب مبسط وميسر. تبدأ بمقدمة حول أهمية علم التوحيد، كونه أشرف العلوم وأجلّها، ثم تتناول مفهوم الدين الإسلامي وأركانه الخمسة: الشهادتان، والصلاة، والزكاة، والصوم، والحج. كما يشرح الإيمان بالله، وملائكته، وكتبه، ورسله، واليوم الآخر، ويؤكد على أهمية التوحيد في بناء دين المسلم بشكل سليم. الكتاب يهدف إلى تعزيز الفهم الصحيح للعقيدة الإسلامية وتطبيقها في حياة المسلم اليومية.
အနန္တကရုဏာတော်ရှင် ဖြစ်တော်မူသော အလွန်သနား ကြင်နာတော်မူသော အလ္လာဟ်အရှင်မြတ်၏ နာမတော်ဖြင့် (အစပြုပါ၏။)74 languagesအနန္တကရုဏာတော်ရှင် ဖြစ်တော်မူသော အလွန်သနား ကြင်နာတော်မူသော အလ္လာဟ်အရှင်မြတ်၏ နာမတော်ဖြင့် (အစပြုပါ၏။)
ကုရ်အာန်ကျမ်းမြတ်သည် စကြဝဠာခပ်သိမ်းကို ဖန်ဆင်းမွေးမြူတော်မူသော အလ္လာဟ်အရှင်မြတ်၏ ကလာမ် (မုက္ခပါဌ်တော်)ဖြစ်သည်။ အရှင်မြတ်သည် ယင်းကုရ်အာန်ကျမ်းမြတ်ကို နောက်ဆုံး နဗီ၊ရစူလ်တမန်တော်ဖြစ်သော မုဟမ္မဒ် ( ဆွလလ္လာဟုအလိုင်းဟိဝစလ္လမ် )ထံသို့ လူသားမျိုးနွယ်အား ၎င်းတို့ ဖန်ဆင်းခြင်းခံရခြင်း၏ ရည်ရွယ်ချက်ကို ရှင်းလင်းပြသရန်၊ လောကီဘဝနှင့် နောင်တမလွန်ဘဝ၏ အောင်မြင်မှုလမ်းစဉ်ကို ညွှန်ကြားပြသရန်၊ ကွယ်လွန်သေဆုံးပြီးနောက် ထာဝရဒုက္ခမှ လွတ်မြောက်စေရန်အတွက် ထုတ်ပြန် ပို့ချတော်မူခဲ့သည်။ ယင်းကုရ်အာန်ကျမ်းမြတ်သည် ကောင်းကင်ကျမ်းများအနက် နောက်ဆုံးကျရောက်လာသည့် ကျမ်းဖြစ်ပြီး၊ ရှေးယခင်ကျမ်းများကို ထောက်ခံအတည်ပြုပြီး…