ဘာသာစကားအမျိုးမျိုးဖြင့် အစ္စလာမ့်အကြောင်းအရာများကို ဝန်ဆောင်မှု ပေးသောအသင်း၏ ပညာရေးကော်မတီ
ကျွန်ုပ်တို့သည် အံ့သြဖွယ်ရာ စကြာဝဠာကြီးတစ်ခုအတွင်း နေထိုင်နေကြပြီး၊ ထိုစကြာဝဠာကြီးကို အလွန်အနုစိတ်နိုင်သော နိယာမများက ထိန်းချုပ်ထားပြီး၊ အံ့သြဖွယ်ရာ လိုက်လျောညီထွေမှုနှင့် တိကျသော စနစ်တကျဖြစ်မှုများကို ပြသနေပါသည်။
လူသားတို့သည် စကြာဝဠာ၏နိယာမများကို နက်နက်ရှိုင်းရှိုင်း နားလည်လာလေလေ၊ မေးခွန်းတစ်ရပ်သည် စိတ်ထဲတွင် ပဲ့တင်ထပ်လာလေဖြစ်ပြီး ထိုမေးခွန်း၏အဖြေကို ရူပဗေဒပညာရပ်ကလည်း မပေးနိုင်ပေ။ ထိုမေးခွန်းမှာ - ဤနိယာမများသည် မည်သည့်နေရာမှ ဆင်းသက်လာသနည်း။ ထို့ပြင် မည်သည့်အတွက်ကြောင့် ဤနိယာမများ ဖြစ်တည်လာရသနည်း။
ဤနေရာတွင် ကျွန်ုပ်သည် အသင့်ရှိပြီးသားအဖြေတစ်ခုကို ပေးလိုခြင်းမဟုတ်ဘဲ၊ အသင်၏ ဘာသာရေးနောက်ခံ သို့မဟုတ် အတွေးအခေါ်နောက်ခံများကို ထည့်သွင်းစဉ်းစားခြင်းမပြုဘဲ မေးထိုက်သော ယုတ္တိတန်သည့် မေးခွန်းတစ်ရပ်ကို အသင့်အား မျှဝေလိုခြင်းသာဖြစ်ပါသည်။
၎င်းမှာ စကြာဝဠာဆိုင်ရာ နိယာမများသည် သူ့အလိုလို ဖြစ်တည်လာခြင်းဆိုသည်မှာ ယုတ္တိတန်ပါသလား။ ( စကြာဝဠာကြီးရဲ့ ဤသို့ )စနစ်တကျဖြစ်တည်နေမှုသည် ရည်ရွယ်ချက်မပါဘဲ ပေါ်ထွန်းလာနိုင်ပါသလား။ အသိစိတ်မရှိသော ရုပ်ဒြပ်မှ အသိဉာဏ်ဖြစ်ပေါ်လာနိုင်ပါသလား။
အရှင်းလင်းဆုံးနှင့် တချိန်တည်းမှာ အနက်ရှိုင်းဆုံးဖြစ်သော မေးခွန်းနဲ့ပဲ ကျွန်ုပ်တို့ စလိုက်ကြပါစို့။
ဗလာနတ္ထ ( ဘာမှမရှိခြင်း )က တစ်စုံတစ်ရာကို ဖန်ဆင်းနိုင်ပါသလား။
ဤမျှလှပပြောင်မြောက်သောစကြာဝဠာ၊ ၎င်း၏
တိကျသောစနစ်များနှင့် လိုက်လျောညီထွေရှိသော နိယာမများသည် ဘာမှမရှိခြင်း၊ အကြောင်းတရားမဲ့ခြင်းမှ ဖြစ်ပေါ်လာနိုင်သည်ဟု အသင်၏ပြောဆိုမှုသည် ယုတ္တိတန်ပါသလော။
လူသား၏ ကောင်းမွန်သော ဆင်ခြင်တုံတရားက ဤအချက်ကို အလိုအလျောက် ငြင်းပယ်ပေသည်။ အဘယ်ကြောင့်ဆိုသော် လက်တွေ့ဘဝတွင် ကျွန်ုပ်တို့သည် မည်သည့်အရာတစ်ခုကမျှ မရှိခြင်းမှ ရှိခြင်းအဖြစ်သို့ ဖြစ်ပေါ်လာသည်ကိုမမြင်ဖူးသော
ကြောင့်ဖြစ်ပါသည်။
ကျွန်ုပ်နှင့်အတူလိုက်ပြီး အသင့်ကိုယ်အသင် အနည်းငယ်စဉ်းစားဆင်ခြင်ကြည့်ပါ။ သင့်အားအဖိုးမတန်သည့် သုတ်ရည်တစ်စက်မှ ဖန်ဆင်းပြီး အကြားအာရုံ၊ အမြင်အာရုံနှင့် ပြည့်စုံသော လူသားတစ်ဦးအဖြစ် ပြုပြင်ဖွဲ့စည်းပေးသူသည် မည်သူနည်း။
သင့်ကိုယ်ခန္ဓာအား ဤကဲ့သို့ ပြည့်စုံစွာ ဖန်ဆင်းခဲ့ပြီး အသင့်အား ကြည့်ရှုနိုင်သော မျက်စိ၊ နားထောင်နိုင်သော နား၊ စဉ်းစားဆင်ခြင်သုံးသပ်နိုင်သော အသိဉာဏ်ကို ပေးခဲ့သူက မည်သူနည်း။
သင့်အား သင့်မိခင်ဝမ်းထဲတွင် စားနပ်ရိက္ခာပေးခဲ့ပြီး သင့်တွင် မည်သည့်အားအင်မျှ မရှိသေးသောအချိန်တွင် သင့်မိခင်၏သွေးဖြင့် သင့်အား အာဟာရပေးခဲ့သူ၊ တဖြည်းဖြည်းကြီးထွားလာပြီး ဤကမ္ဘာသို့ ရောက်ရှိလာနိုင်ရန်အတွက် အသက်ရှင်ရန် လိုအပ်သော အရာအားလုံးကို အသင့်ပြင်ဆင်ဖန်တီးပေးခဲ့သူ မည်သူနည်း။
ထိုအရာအားလုံးကို သင်ကိုယ်တိုင် သင့်အတွက် လုပ်ဆောင်ခဲ့ခြင်းလား၊ သို့မဟုတ် နှုတ်ဆိတ်
(အသက်မဲ့)နေသောသဘာဝတရားက ဖန်တီးပေးခဲ့ခြင်းလား။
သဘာဝတရားတွင် ဉာဏ်လည်းမရှိ၊ ရည်ရွယ်ချက်လည်းမရှိ၊ လိုလားမှုလည်းမရှိပါ။ ထိုသဘာဝ
တရားသည် ကမ္ဘာ့အကြီးဆုံး ကွန်ပျူ
တာထက်ပင် ပိုမိုရှုပ်ထွေးသော စနစ်ကို မည်သို့ဖန်တီးနိုင်မည်နည်း။ ထိုသဘာဝတရားသည် အသိဉာဏ်၊ သိမြင်နိုင်စွမ်းနှင့်ခံစားချက်များကို မည်သို့ဖန်တီးနိုင်မည်နည်း။
သဘာဝတရားက မိခင်တစ်ဦး၏ နှလုံးသားထဲတွင်သူမ၏ကလေးအတွက် မေတ္တာစိတ်ကို မည်သို့ထည့်သွင်းပေးနိုင်မည်နည်း၊ သို့မဟုတ် သဘာဝတရားက မတရားမှုများကိုမြင်တွေ့ရသောအခါ သင့်နှလုံးသားကို ဝမ်းနည်းနာကျင်စေပြီး၊ တရားမျှတမှုကိုမြင်တွေ့ရသောအခါ ဝမ်းမြောက်ခြင်းကို မည်သို့ခံစားရစေနိုင်မည်နည်း။
ကျွန်ုပ်တို့အတွင်း ဤမြင့်မြတ်သော တန်ဖိုးများကို မည်သူ စိုက်ပျိုးပေးခဲ့သနည်း။ ဤတန်ဖိုးများ မည်သည့်နေရာမှ ရောက်လာသနည်း။ ကျင့်ဝတ်သိက္ခာမည်သည့်နေရာမှ လာသနည်း။
သင့်ပတ်ဝန်းကျင်ရှိ အရာရာတိုင်းသည် ဖန်ဆင်းရှင်ရှိကြောင်း ကြွေးကြော်နေသည်။
မိုးကောင်းကင်ကို ကြည့်လော့။ မည်သူက ထောက်တိုင်မပါဘဲ ထိုမိုးကောင်းကင်ကို မြင့်စွင့်စွာ မားမားမတ်မတ် တည်နေစေသနည်း။
နေမင်းကြီးကို ကြည့်လော့။ မည်သူက ထိုနေမင်း၏ လမ်းကြောင်းကို အလွန်တိကျစွာ သတ်မှတ်ပေးထားသနည်း။ ထိုလမ်းကြောင်းသည် တစ်ခါမျှ မပြောင်း လဲပေ။
သင့်နှလုံးသားကို ကြည့်လော့။ မည်သူက သင့်ခွင့်ပြု ချက်မရှိဘဲ၊ သင့်နှလုံးသားကိုတစ်သက်တာလုံး အဆက်မပြတ် ခုန် နေစေသနည်း။
ဤအရာအားလုံးသည် အလိုအလျောက် ဖြစ်တည်လာခြင်းလော။ ထို့ပြင် အလိုအလျောက်ဖြစ်စဉ်သည် ကြိမ်ဖန်များစွာ ထပ်ခါတလဲလဲ ဤသို့စနစ်တကျပုံစံဖြင့် ဖြစ်နိုင်ပါသလော။
အဘိဓာန် (သို့) သိပ္ပံစွယ်စုံကျမ်းကဲ့သို့ ပြေပြစ်တိကျမှုရှိသော စာအုပ်တစ်အုပ်သည် ပုံနှိပ်စက်တစ်ခု ပေါက်ကွဲမှုမှ အလိုအလျောက် ဖြစ်ပေါ်လာသည်ဟု ဆိုလျှင် အသင်ထောက်ခံယုံကြည်မည်လော။
သို့ဆိုလျှင် စာအုပ်အားလုံးထက် ပိုမိုကြီးမားသော ဤစကြာဝဠာကြီးသည် အမြင်အာရုံမရှိသော ပေါက်ကွဲမှုတစ်ခု (Big Bang) မှ ဖြစ်ပေါ်လာသည်ဟု အသင် ဘယ်လိုလုပ် ယုံကြည်နေတာလဲ။
အစ္စလာမ်သည် သင့်အသိဉာဏ်ကို ပိတ်ပင်ရန် တောင်းဆိုသည်မဟုတ်။ သည့်အပြင် ၎င်းကို အသင်အသုံးချရန်ပင် ဖိတ်ခေါ်နေပါသည်။ အလ္လာဟ်အရှင်မြတ်က ကုရ်အာန်ကျမ်းတော်မြတ်၌ ဤသို့ မိန့်ကြားတော်မူသည်— ( (အသင်တို့သည်) အလ္လာဟ် အရှင်မြတ်နှင့် ပတ်သက်၍ သံသယ ရှိနေသလော။ အရှင်မြတ်သည် မိုးကောင်းကင်များနှင့် မြေပထဝီကို စတင် ဖန်ဆင်းတော်မူသော အရှင် ဖြစ်တော်မူသည်)။ ( စူရဟ်ဟ် အိဗ်ရာဟီမ်-၁၀ )
အရာခပ်သိမ်းကို ဖန်ဆင်းတော်မူသော အရှင်မြတ် တည်ရှိတော်မူကြောင်းနှင့် ပတ်သတ်၍ သံသယဖြစ်ခြင်းသည် ဖြစ်သင့်ပါရဲ့လား။
ဤစကားသည် သင်၏ ကိုယ်ခန္ဓာနှင့် ဝိညာဉ်တို့နှင့်ပတ်သတ်၍ နက်နက်ရှိုင်းရှိုင်း ဆင်ခြင်သုံးသပ်ရန် သင့်အား ဖိတ်ခေါ်ခြင်းဖြစ်သည်။ ထိုသို့ပြုလုပ်ခြင်းအားဖြင့် သင့်ရှေတွင်ရှိနေသော သက်သေလက္ခဏာများကို အသင်မြင်တွေ့ရမည်ဖြစ်သည်။
ထို့နောက် ကုရ်အာန်ကျမ်းမြတ်ကို စဉ်းစားဆင်ခြင်သုံးသပ်ကြည့်ပါ။ ယင်းကျမ်းသည် အလ္လာဟ်အရှင်မြတ် ထုတ်ပြန်ခဲ့သော နောက်ဆုံးကျမ်းတော်ဖြစ်သည်။
၎င်းကျမ်းမြတ်သည် နှစ်ပေါင်း (၁၄၀၀) အရင်က ထုတ်ပြန်ပို့ချခဲ့ခြင်းဖြစ်သည်။ ထို့နောက် ယင်းကျမ်း တော်မြတ်သည် လူသားတို့အား ဤကဲ့သို့ကျမ်းတစ်စောင်ဖန်တီးရန် စိန်ခေါ်ခဲ့သော်လည်း မည်သူမျှ မစွမ်းဆောင်နိုင်ခဲ့ပေ။
၎င်းကျမ်းမြတ်သည် ယုံကြည်ခြင်းကဏ္ဍ၊ တရားလမ်းစဉ်၊ ရှေးယခင်ပုဂ္ဂိုလ်များ၏ အထ္တုပတ္တိများ၊ သိပ္ပံပညာနှင့် ဘာသာစကားဆိုင်ရာ အကြောင်းအရာများကို တစ်မူထူးခြားသော စာပေဟန်ဖြင့် ပေါင်းစည်းဖော်ပြထားသည်။
ယင်းကျမ်းမြတ်တွင် ကွယ်ပျောက်သွားပြီဖြစ်သော လူမျိုးများ၊ အတိတ်ကာလဖြစ်ရပ်များ၊ နောင်ရာစုနှစ်များအထိ လူသားတို့မသိရှိခဲ့သော အံ့ဖွယ်ရှာဖွေတွေ့ရှိမှုများ (ဥပမာ- သန္ဓေသားဖွံ့ဖြိုးမှု၊ မိုးတိမ်ဖြစ်ပေါ်ပုံ၊ ကမ္ဘာ့မြေအလွှာများ၊ ဂြိုဟ်များ၏ တိကျသောလှည့်ပတ်မှုစနစ်) စသည့် အကြောင်းအရာများကို ကြိုတင်အသိပေး ဖော်ပြခဲ့သည်။
ထို့နောက် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) ၏ အတ္ထုပ္ပတ္တိဘဝဖြစ်စဉ်ကို ကောင်းစွာ ဆင်ခြင်သုံးသပ်ကြည့်ပါ။ တမန်တော်မြတ်ဟာ လူသားတို့၏ ယဉ်ကျေးမှုဗဟိုချက်များမှ ဝေးလံခေါင်ဖျားသော သဲကန္တာရတွင် ကြီးပြင်းလာခဲ့ပြီး၊ စာအရေးအဖတ်တတ်ခြင်းပညားကို မည်သည့် လူသားတစ်ဦးထံကမှ ရယူဆည်းပူးခဲ့ခြင်းမရှိသူဖြစ်သော်လည်း၊ ထိုသို့သောအခြေအ
နေများကြားမှ တမန်တော်ဟာ လူသားမျိုးနွယ်အတွက် အသိဉာဏ်များကို အလင်းရောင်ပေးသော၊ နှလုံးသားများကို သန့်စင်စေသော၊ သမိုင်းစဉ်ကို အပြောင်းအလဲဖြစ်စေသော အမြဲတမ်းတည်တံ့သည့် သတင်းစကားကို ပေးခဲ့လေသည်။
ဂူတစ်ခုအတွင်း၌ ၎င်းထံသို့ ထုတ်ပြန်ချပေးခဲ့သော နှုတ်ကပတ်တော်များဖြင့် လူသားတို့အား လူလူချင်းကိုးကွယ်မှုနှင့် ကျောက်တုံးများကို ကိုးကွယ်မှုမှ စကြာဝဠာတစ်ခုလုံးကို ဖန်ဆင်းမွေးမြူတော်မူသော အရှင်မြတ်တစ်ဆူတည်းကို ကိုးကွယ်ရန်၊တရားမျှတမှု၊ ကရုဏာနှင့် ဂုဏ်သိက္ခာတို့ကို အခြေခံသော တန်ဖိုးများကို ထူထောင်ရန် လမ်းညွှန်ပေးခဲ့သည်။
ကမ္ဘာကြီးကို ပြောင်းလဲစေခဲ့ပြီး နှလုံးသားများကို ငြိတွယ်စေကာ ရာစုနှစ်များကြာသည့်တိုင်
အသံကျယ်လောင်စွာ ပဲ့တင်ထပ်နေဆဲဖြစ်သော ဤစွမ်းအားသည် အဘယ်နည်း။
အို - ဤစကားလုံးများကို ဖတ်နေသူ... သင့်အား ဖန်ဆင်းမွေးမြူတော်မူသော အရှင်မြတ်သည် သင့်ထံမှ မည်သည့်အရာကိုမျှ လိုလားတောင်းတတော်မူခြင်းမရှိပါ၊ သို့သော် အသင်ကတော့ ထိုအရှင်မြတ်ကို အမှန်တကယ် လိုအပ်နေသူဖြစ်သည်။
ထိုအရှင်မြတ်သည် သင့်အား ဖန်ဆင်းမွေးမြူတော်မူသူ၊ ရိက္ခာပေးသနားတော်မူသူ၊ ကာကွယ်စောင့်ရှောက်တော်မူသူဖြစ်ပြီး၊ သင့်အား အချိန်ပေးထားတော်မူသည်။ သို့မှသာ သင်သည် သေချာစွာ စဉ်းစားဆင်ခြင်နိုင်ပြီး ထိုအရှင်မြတ်ထံသို့ ပြန်လည်လှည့်နိုင်မည်ဖြစ်သည်။
ထိုအရှင်မြတ်သည် မည်သူတစ်ဦးတစ်ယောက်ကိုမှ မတရားပြုလုပ်တော်မူခြင်းမရှိပေ။ မည်သူမဆို စိတ်ရင်းအမှန်ဖြင့် ထိုအရှင်မြတ်ထံသို့ ပြန်လှည့်ပါက၊ ထိုအရှင်မြတ်သည် ၎င်းအား လက်ခံတော်မူမည်။ ၎င်း၏အပြစ်များကို ခွင့်လွှတ်ပေးတော်မူမည်ဖြစ်ပြီး၊ ၎င်း၏မကောင်းမှုများကို ကောင်းမှုများအဖြစ် ပြောင်းလဲပေးတော်မူမည်ဖြစ်သည်။
ကျွန်ုပ် သင့်အပေါ်၌ မည်သည့်အရာကိုမျှ အတင်းအ ကျပ် မပြုလုပ်ပါ။ သို့သော် အသင်သည် မိမိစိတ်နှလုံးသားကို အမှန်တရားအတွက် အခွင့်အရေး တစ်ခုပေးဖို့သာ မျှော်လင့်မိပါသည်။
ဒေါသနှင့် အတွင်းစိတ်မြည်းဟည်းသံများမှ ခဏတာ လွတ်မြောက်ကာ တဒင်္ဂလောက် ဤသို့ စဉ်းစားတွေးတောကြည့်ပါ။
အကယ်၍ ကျွန်ုပ်မှားနေခဲ့ပါက မည်သို့ဖြစ်မည်နည်း။
အကယ်၍ အမှန်တကယ် အလ္လာဟ်အရှင်မြတ် တည်ရှိတော်မူပါက၊ သေခြင်းတရားပြီးနောက် ပြန်လည်ရှင်သန်မှု၊ သုခဘုံနှင့် ငရဲဘုံတို့ ရှိနေပါက မည်သို့ဖြစ်မည်နည်း။
ထိုအချိန်တွင် အသင်နောင်တရမည်လား။ ၎င်းအချိန်တွင် နောင်တတရားသည် အကျိုးပြုနိုင်တော့မည်မဟုတ်ပေ။
ထို့ကြောင့် အမှန်တရားဆီသို့ ရိုးသားစွာ ခြေတစ်လှမ်းလှမ်းပါ၊ ကုရ်အာန်ကျမ်းမြတ်နှင့်အတူ အသင်၏ ခရီးကိုစတင်ပါ။ ပျောက်ကွယ်နေခဲ့သော အဖြေများနှင့် အသင်အမြဲရှာဖွေနေခဲ့သော အလင်းရောင်ကို ဤကျမ်းတွင် အသင်တွေ့ရှိနိုင်ပါလိမ့်မည်။
ကုရ်အာန်ကျမ်းမြတ်၏ အဓိပ္ပါယ်များကို ဘာသာပြန်ခြင်း