Taƙaitaccen littafin SHARHIN LAFUZZAN KIRAN SALLAH, shi izina ne akan taƙaice littafin SHARHIN LAFUZZAN KIRAN SALLAH, inda yake ƙunsar kalmomin kiran sallah, sai ya yi musu sharhi sharhi irin na imani, yana mai bayyanar da muhimmancinsa a bangaren aƙidah da kuma tarbiya. Haka kuma yana bijiro da kalmomin kiran sallah yana bayyana abin da suke nufi dalla-dalla, tun daga girmama Allah da shaidar Tauhidi da Manzanci, har zuwa kira zuwa ga sallah da kuma (kira zuwa ga) rabauta, har zuwa rufewa da Kabbara da kuma Tauhidi, da salo mai tasiri.
Harshe: lang_ha
Shiryawa: Kwamitin ilimi na Jam'iyyar hidimar bayanan Addinin Musulunci a cikin harsuna daban daban.
Kwamitin ilimi na Jam'iyyar hidimar bayanan Addinin Musulunci a cikin harsuna daban-daban.
Kiran sallah, kira ne na Ubangiji, musulmi yana jin sa sau biyar a rana, yana tunatar da shi girman Allah yana kuma kiran sa zuwa ga alheri da kuma rabauta.Shi ne lokacin haɗuwar mutum da Mahaliccinsa, yana barin hayaniyar duniya a cikin sa, don ya tsaya yana mai ganawa da Ubangijinsa.
Kiran sallah yana ɗauke da ma’anoni masu girma, suna farawa da girmama Allah, kuma suna ƙarewa da kira zuwa ga sallah yayin da musulmi yake samun nutsuwarsa.
KALMOMIN KIRAN SALLAH:
Allahu Akbar Allahu Akbar, Allahu Akbar Allahu Akbar. (Allah ne Mafi girma, Allah ne Mafi girma, Allah ne Mafi girma, Allah ne Mafi girma).
"Allah ne Mafi girma".
Lafazin girma (sunan Allah) “Allah”, yana nufin abin bauta, shine suna na Ubangiji Mahalicci Mai girma da ɗaukaka, dukkanin sunayen Allah kamar masu bi ne gareshi, kuma siffa ne gareShi. Allah Shi ne tilo Makaɗaici, wanda Bai haifa ba kuma ba’a haife Shi ba, Shi ne Mahaliccin sammai da ƙasa.
Faɗin “Allahu Akbar”, Ma’ana: Allah Shi ne Mafi girman kowanne abu, kuma mafi birinƙasar a jingina maSa abin da bai dace da buwayarSa da kuma cikarSa ba.
Allahu Akbar (Allah ne Mafi girma).. wannan kalmar tana tunawa musulmi cewar babu wani abu a wannan rayuwar da ya wajaba ya shagaltu da shi kamar Mahaliccinsa, kuma ya wajaba a kan mutum ya tafiyar da rayuwarsa daidai da nufin Allah da kuma shari’arSa, ba wai daidai da yadda yake so da kuma sha’awarsa ba, Allah Shi ne Mafi girman dukkanin abin da ke cikin duniyar.
Ashhadu an lā ilāha illal lāh, ashhadu an lā ilāha illal lāh. (Ina shaidawa cewa babu abin bautawa da gaskiya sai Allah.
Ina shaidawa cewa babu abin bautawa da gaskiya sai Allah).
Ina shaidawa cewa babu abin bautawa da gaskiya sai Allah.
Wannan ita ce shaidawa ta farko, ma’anarta kuma shi ne: Tabbar da Allah Shi ne Mahaliccin komai, kuma Ubangijinsa, Mamallakin sa kuma Mai jujjuya al'amuransa. Kuma Shi Allah Shi ne wanda Ya wajaba a bautawa Shi kaɗai banda waninSa, kuma babu abin bautawa da cancanta sai Allah Shi kaɗai, kuma Shi kaɗai yake ba Shi da abokin tarayya, kuma ba Shi da ɗa, babu irin Shi, ba kuma za’a karkatar da ibada ba ga wanin Allah ba, kuma ba za’a kira wanin Allah ba.
Wannan shaidawar ita ce mafi girman shaida a duniya, ita ce kuma tushen imani a dukkanin saƙonnin da Allah Ya aiko. Dukkan Annabawa aminci ya tabbata a gare su, kamar (Annabi) Nuhu da (Annabi) Ibrahim da (Annabi) Musa da (Annabi) Isa har zuwa ga (Annabi) Muhammad - tsira da amincin Allah su tabbata a gare shi - sun kira mutanensu ne a kan tabbatarwa da kuma karɓa, da kuma imani da cewa ina shaidawa babu abin bautawa da gaskiya sai Allah. Ita ce kalmar da Allah Ya halicci halitta saboda ita, kuma Ya aiko da Manzanni domin tabbatar da ita, Ya kuma saukar da littattafai domin bayaninta, Ya kuma sanya aljanna ta zama sakamako ga wanda ya zo da ita domin Allah kaɗai daga zuciyarsa.
Saboda wannan kalmar ne za’a tashi mutane daga ƙaburburansu, a kuma yi musu hisabi a ranar Alƙiyama. Duk wanda ya rayu a kanta ya kuma cika rayuwarsa da ita to haƙiƙa ya rabauta rabo mai girma, wanda kuma ya yi watsi da ita, bai faɗeta ba, to ya cancanci dawwama a cikin wutar Jahim.
Ashhadu anna Muhammadar rasulullāh, Ashhadu anna Muhammadar rasulullāh. (Ina shaidawa lalle (Annabi) Muhammadu Manzon Allah ne,
Ina shaidawa lalle (Annabi) Muhammadu Manzon Allah ne).
Ina shaidawa lalle (Annabi) Muhammadu Manzon Allah ne.
Ma’anar wannan shaidawar, shi ne musulmi ya shaida cewa lalle Allah Ya aiko (Annabi) Muhammad cikamakin saƙonnin Ubangiji, mai kuma isarwa mutane saƙon Ubangijinsu zuwa gare su, kuma musulmi ya tabbatar babu wata hanya ta bautawa Allah da rabauta da yardarSa face sai ta shaidawa Manzon Allah - tsira da amincin Allah su tabbata a gare shi - da manzanci, da kuma bin sa da koyi da shi, da kuma bautawa Allah da shari’ar da Manzon Allah (Annabi) Muhammad - tsira da amincin Allah su tabbata a gare shi - ya isar da ita.
Kuma wannan shaidawar tana tattare da cewa Manzo - tsira da amincin Allah su tabbata a gare shi -, abin sani ya zo ne domin ya mayar da mutane zuwa ga Tauhidi, kamar yadda kafin shi (Annabi) Ibrahim da (Annabi) Musa da (Annabi) Isa - aminci ya tabbata a gare su -suka yi, to shi Manzo ne na Ubangijin talikai, ya tafi ne akan hanyar da dukkan Annabawa suka tafi a kanta a wurin isar da saƙon Ubangijinsu, sai dai cewa babu wani Annabi a bayansa.
Hayya alas salah, hayya alas salah. (Ku yi gaggawa zuwa ga sallah, ku yi gaggawa zuwa ga sallah).
Ku yi gaggawa zuwa ga sallah.
Ma’anar jumlar: Ya ku muminai, ku taho zuwa ga bautar Ubangijinku, domin Shi Mai yawan gafara ne kuma Mai yawan jinƙai ne, Yana karɓar tuba, kuma Yana yafe kusakurai.
Lallai cewqa shi kira ne, kuma faɗakarwa ne ga muminai da cewa haƙiƙa lokacin su na tsayawa a gaban Ubangijinsu a cikin sallah ya yi.
Hayya alal falāh, hayya alal falāh. (Ku taho zuwa ga rabauta, Ku taho zuwa ga rabauta).
Ku taho zuwa ga rabauta.
'Alfalah' na nufin yarda da samun rabo da aminci da tsira a duniya da lahira.
Yana daga cikin ma’anoninta (Alfalah), rabauta da yardar Allah, da kuma rabauta da aljanna da tsira daga wuta; domin wanda ya yi imani ya kuma yi sallah to haƙiƙa ya rabuta, wanda kuma ya rabauta to haƙiƙa ya tsira, kuma ya rabauta da dawwama ta har abada a cikin aljanna.
Allahu akbar Allahu akbar, lā ilāha illallāhu. (Allah ne Mafi girma, Allah ne Mafi girma, babu abin bautawa da gaskiya sai Allah).
Rufewa da kabbara da kuma Tauhidi.
Ana kammala kiran sallah da maimaita kalmar: "Allahu Akbar" (Allah ne Mafi girma), da kuma ƙarfafa "Lā ilāha illallāhu", (Babu abin bautawa da gaskiya sai Allah). Waɗannan jumlolin biyu suna ƙarfafar ma’anonin da suka gabata ne, kuma a kansu ne tushen samuwar ɗan Adam take. Wannan tabbacin ba ya taɓa jirkitawa kuma ba ya canjawa duk yadda zamani ya yi tsawo, haka kuma duk yadda abubuwa suka dinga faruwa. Shi ne: Allah Shi ne Mafi girman kowanne abu, kuma Allah Shi ne Abin bauta na gaskiya, kuma Shi ne kaɗai wanda Ya cancanci ibada Shi kaɗai, Kuma bautar wani da ba Shi ba to ɓatacciya ce.
Daga ƙarshe: Kiran sallah ba wai kaɗai kira ne na zuwa sallah ba, a’a shi kira ne domin rabauta da samun rabo da tsira. Shi saƙo ne da yake maimaituwa a masallatai sau biyar a kowacce rana, domin ya faɗakar da zuciya, kuma yana tunatar da mu cewa lalle Allah Yana kusa.
Ka buɗe zuciyarka domin imani, ka ce:
“Ashhadu an lā ilāha illal lāh, wa ashhadu anna Muhammadar rasulullāh." ("Ina shaidawa babu abin bautawa da cancanta sai Allah, kuma ina shaidawa lalle (Annabi) Muhammadu Manzon Allah ne”).
Za ka shiga cikin rahamar Allah, kuma zaka rabauta da jin daɗi a nan duniya, da tsira a lahira, kuma za’a tasheka a ranar Alƙiyama a tawagar muminai.
Sifar Alwala (Sauƙaƙaƙƙen bidiyo) Ɗabbaƙawa a aikace da ke bayanin yadda siffar alwala taka daki-daki, yana da matuƙar muhimmanci saboda alwala sharaɗi ce na ingancin sallah. Kalli bidiyon ka ko yi ingantacciyar Siffar alwala. Siffar Alwala
Littafin yana bayyana tushen imani waɗanda suka haɗa da imani da Allah, da mala'ikunSa, da littattafanSa, da ManzanninSa, da ranar lahira, da ƙaddara; kuma yana gabatar da ƙa'idojin asali waɗanda wajibi ne a kan musulmi ya yi imani da su kuma ya yi aiki da abin da suka wajabta, yana mai ƙarfafa muhimmancin dangantaka da Allah ta hanyar zurfafa fahimtar aƙidar Musulunci.
TAƘAITACCEN BAYANI MAI AMFANI GA LADAN DA LIMAN DA MAI HUDUBA DA KUMA HUKUNCE HUKUNCEN MASALLACI
36 harsuna
TAƘAITACCEN BAYANI MAI AMFANI GA LADAN DA LIMAN DA MAI HUDUBA DA KUMA HUKUNCE HUKUNCEN MASALLACI
Littafin yana gabatar da cikakken bayani game da hukunce-hukuncen kiran sallah da ikama, da limancin sallah, da huɗubar Juma'a, da kuma ladubban masallaci; haka kuma yana tattauna ayyukan ladanai da limamai da masu huɗuba, yana kuma mai ƙarfafa muhimmancin koyon hukunce-hukuncen shari'a da suka shafi waɗannan ayyuka domin tabbatar da gudanar da su yadda ya kamata. Haka kuma ya ƙunshi nassoshin da aka ruwaito daga Annabi - tsira da amincin Allah su tabbata a gare shi - tare da sharhinsu, don tabbatar da an yi aiki da su daidai.
Musulunci shine miƙa wuya ga Allah Mahaliccin kasantacce kuma Mai jujjuya al'amiransa, da jawuwa gareShi dan so da kuma girmamawa, tushen Musulunci shine imani da Allah, kuma cewa Shine Mahalicci, dukkan wanda baShi ba abin halitta ne, kuma cewa Shi Shine wanda Ya can-canci bauta Shi kaɗai baShi da abokin tarayya, babu wani abin bauta da gaskiya sai Shi, yana da sunaye kyawawa, da siffofi maɗaukaka, cika tsantsa ta Sa ce, batare da tawaya ba, Bai haifaba kuma ba'a haifeShi ba, kuma baShi da wani kini ko tamka, baYa sauka baya jikintuwa a cikin wani abu daga halittarsa. Musulunci shine addinin…
