წიგნის „აზანის სიტყვების განმარტება“ შემოკლებული ვერსია განიხილავს აზანის სიტყვებს და განმარტავს მათ რწმენის კონტექსტში, წარმოაჩენს მათ რწმენისა და აღმზრდელობით მნიშვნელობას, ასევე დეტალურად განიხილავს აზანის თითოეულ სიტყვას: ღმერთის განდიდებიდან, ერთღმერთიანობის და მოციქულის დამოწმებისგან, ლოცვასა და წარმატებაზე მოწვევამდე და საბოლოოდ — თაქბირითა და ერთღმერთიანობით დასრულებამდე, შთამბეჭდავი სტილით.
Language: lang_ka
Prepared by: ისლამური კონტენტის სხვადასხვა ენაზე გავრცელების ასოციაციის სამეცნიერო კომიტეტი
ისლამური კონტენტის სხვადასხვა ენაზე გავრცელების ასოციაციის სამეცნიერო კომიტეტი
აზანი ღვთიური მოწოდებაა, რომელსაც მუსლიმი დღეში ხუთჯერ ისმენს. იგი ახსენებს მას ალლაჰის სიდიადეს და მოუწოდებს სიკეთისკენ და წარმატებისკენ.ეს არის ურთიერთობის მომენტი ადამიანსა და მის შემოქმედს შორის, როცა იგი წყდება ამქვეყნიურ ხმაურს და ღვთის მიმართ ვედრებით დგება.
აზანი მოიცავს უზენაეს მნიშვნელობებს, ის იწყება ალლაჰის სიდიადით და სრულდება ლოცვისკენ მოწოდებით, სადაც მუსლიმი პოულობს შინაგან სიმშვიდეს.
ღმერთის სახელი "ალლაჰ" ნიშნავს: ის, ვისაც თაყვანს სცემენ, ვისიც ეშინიათ და ვისზეც არის დამოკიდებული ყოველგვარი მსახურება, ეს არის ყოვლისმპყრობელი უფლის სახელი, რომელსაც უკიდეგანო სიდიადე და სრულყოფილება უკავშირდება, ყველა სხვა ღვთიური სახელი მასზეა დამოკიდებული და მას აღწერს. ალლაჰი არის ერთადერთი, რომელიც არც შობილა და არც უშვია, ის არის ცათა და მიწის შემქმნელი, უზენაესი და ყოვლისმცოდნე.
ფრაზა "ალლაჰუ აქბარ'" ნიშნავს, რომ ალლაჰი არის უდიდესი ყველაფერზე და ბევრად აღმატებულია იმაზე, რომ მას მიეწეროს რამე ისეთი, რაც არ შეეფერება მის სიდიადესა და სრულყოფილებას.
ალლაჰუ აქბარ... ეს ფრაზა მუსლიმს ახსენებს, რომ ამ ცხოვრებაში არაფერმა არ უნდა შეაკავოს ის ალლაჰის ხსენებასა და მსახურებას, ის მოუწოდებს ადამიანს, რომ ცხოვრება ალლაჰის ნება-სურვილით და შარიათის მიხედვით წარმართოს და არა საკუთარი სურვილებისა და ვნებების მიხედვით, რადგან ალლაჰი არის აღმატებული ყველაფერზე, რაც ამქვეყნიურ ცხოვრებაშია.
აშჰადუ ან ლაა ილაჰა ილლა ალლაჰ (2-ჯერ)(ვამოწმებ, რომ არ არსებობს სხვა ღვთაება, გარდა ალლაჰისა)
აშჰადუ ან ლაა ილააჰა ილლა ალლაჰ: ვამოწმებ, რომ არ არსებობს ღვთაება, გარდა ალლაჰისა
ეს არის პირველი დამოწმება, მისი მნიშვნელობაა: ალლაჰის აღიარება, როგორც ყოვლისშემქმნელის, მფლობელის, მეუფისა და მმართველის, ეს ნიშნავს, რომ მხოლოდ ალლაჰს უნდა ეთაყვანოს ადამიანი, და არავის და არაფერს მის გარდა, არ არსებობს ჭეშმარიტად თაყვანისცემის ღირსი, გარდა ალლაჰისა.
იგი ერთია, მას არ ჰყავს არც თანაზიარი, არც შვილი და არც მსგავსი, ამიტომ არ შეიძლება თაყვანისცემა მიეძღვნას ვინმეს, გარდა ალლაჰისა, და არ უნდა მოხდეს ვინმეზე თაყვანისცემა ან მოხმობა, გარდა ალლაჰისა.
ეს დამოწმება არის უდიდესი მოწმობა მთელს არსებობაში, იგი წარმოადგენს რწმენის ფუძეს ყველა ღვთის მიერ მოვლენილ გზავნილებში, ყველა შუამავლები (ღმერთის მშვიდობა მათ) ნოე, იბრაჰიმი, მუსა, ისა და მუჰამმადი (ალლაჰის ლოცვა და მშვიდობა მას) თავიანთ ხალხს მოუწოდებდნენ აღიარებისა და რწმენისკენ, რომ არ არსებობს ღმერთი, გარდა ალლაჰისა, ეს არის ის სიტყვა, რისთვისაც ალლაჰმა შექმნა სამყარო, წარმოგზავნა მოციქულები მის გასამტკიცებლად, გამოაგზავნა წიგნები მის გასაგებად, ალლაჰმა ქმნა სამოთხე მისთვის, ვინც გულწრფელად ამ სიტყვით მოვა.
ამ სიტყვისთვის ადამიანები აღსდგებიან საფლავებიდან და გაასამართლებენ საყოველთაო აღდგომის დღეს, ვინც ამ სიტყვით იცხოვრებს და ამით დაასრულებს სიცოცხლეს — იგი მოიპოვებს უდიდეს გამარჯვებას, ხოლო ვინც უარყოფს მას და არ წარმოთქვამს, ის ჯოჯოხეთში სამარადისო ყოფნას დაიმსახურებს.
''აშჰადუ ანნა მუჰამმადან რასულუ ალლაჰ, აშჰადუ ანნა მუჰამმადან რასულუ ალლაჰ''. ვამოწმებ, რომ მუჰამმადი ალლაჰის შუამავალია, ვამოწმებ, რომ მუჰამმადი ალლაჰის შუამავალია.
აშჰადუ ანნა მუჰამმადან რასულულლაჰ
ამ დამოწმების მნიშვნელობა ის არის, რომ მუსლიმი ამოწმებს, რომ ალლაჰმა მოავლინა მოციქული მუჰამმადი (ალლაჰის ლოცვა და მშვიდობა მას), როგორც ღვთიური გზავნილების დამსრულებელი და როგორც მაცნე, რომელიც ადამიანებს უფლის გზავნილს გადასცემს, და ის, რომ მუსლიმს მტკიცედ უნდა სწამდეს: ალლაჰის მსახურებისკენ და მისი კმაყოფილების მოპოვებისკენ გზა მხოლოდ მაშინ არის სწორი და მისაღები, როცა ადამიანი მოწმობს მოციქულის (ალლაჰის ლოცვა და მშვიდობა მას) შესახებ, რომ ის იყო ღვთის გზავნილის მატარებელი, როცა მიჰყვება მას, ბაძავს მას და ალლაჰს მხოლოდ იმ კანონით ემსახურება, რაც მოუტანა მოციქულმა მუჰამმადმა (ალლაჰის ლოცვა და მშვიდობა მას).
დამოწმება მოიცავს რწმენას იმაში, რომ მოციქული მუჰამმადი (ალლაჰის ლოცვა და მშვიდობა მას) მოვიდა იმისთვის, რომ ადამიანები ერთღმერთიანობას დაუბრუნოს, როგორც ეს გააკეთეს მის წინ იბრაჰიმმა, მუსამ და ისამ (ღმერთის მშვიდობა მათ), ის არის სამყაროთა უფლის მოციქული, და გაჰყვა იმ გზას, რომლითაც მიდიოდნენ ყველა წინასწარმეტყველნი, როდესაც მათ თავიანთი უფლის გზავნილს გადასცემდნენ ადამიანებს. თუმცა ის განსხვავდება მათგან იმით, რომ მას შემდეგ წინასწარმეტყველი აღარ მოვა.
მისი მნიშვნელობაა: ო, მორწმუნენო! მობრძანდით თქვენი უფლის მსახურებისკენ, რადგან იგი არის მიმტევბელი და მოწყალე, იგი იღებს მონანიებას და პატიობს ცოდვებს.
ეს არის მოწოდება და შეგონება მორწმუნეებისთვის, რომ დადგა დრო ლოცვაში თავიანთი უფლის წინაშე წარდგომისთვის.
ალ-ფალააჰ ნიშნავს კმაყოფილებას, წარმატებას, საბოლოო გამარჯვებას, უსაფრთხოებას და გადარჩენას, როგორც ამ ცხოვრებაში, ისე საიქიოში.
ამ სიტყვაში (ფალაჰში) ერთ-ერთი მნიშვნელობაა ალლაჰის კმაყოფილების მოპოვება, სამოთხით დაჯილდოება და ჯოჯოხეთისგან გადარჩენა. რადგან ვინც ირწმუნა და ლოცვა აღასრულა, მან მიაღწია წარმატებას, ხოლო ვინც წარმატებას მიაღწია, ის გადარჩა და დაიმსახურა მარადიული სიცოცხლე სამოთხეში.
ალლაჰუ აქბარ ალლაჰუ აქბარ, ლაა ილაჰა ილლა ალლაჰ
სრულდება თაქბირით და ერთრმერთიანობით.
აზანი სრულდება ფრაზის "ალლაჰუ აქბარ" მრავალგზის გამეორებით და მოწოდებით "ლაა ილაჰა ილლა ალლაჰ", ეს ორი ფრაზა ადასტურებს ადრინდელ მნიშვნელობებს და სწორედ მათზე დგას მთელი ადამიანის არსებობა, ეს ჭეშმარიტება არ იცვლება და არ იცლება დროის გავლის მიუხედავად, არც მოვლენების ცვლით, ის გულისხმობს, რომ ალლაჰი ყველაფერზე უზენაესია, რომ მხოლოდ ის არის ჭეშმარიტი ღმერთი და მხოლოდ ის არის ღირსი თაყვანისცემის, რაც შეეხება მის გარდა სხვაზე თაყვანისცემას - ეს არის ამაო და ბათილი მსახურება.
დასასრულს: აზანი მხოლოდ ლოცვაზე მოწოდება არ არის, ეს არის მოწოდება გადარჩენის, გამარჯვებისა და წარმატებისკენ, ეს არის გზავნილი, რომელიც მეჩეთებში დღეში ხუთჯერ ჟღერს, რათა გულები გამოაფხიზლოს და შეგვახსენოს, რომ ალლაჰი ახლოსაა.
გააღე გული რწმენისათვის და თქვი: "აშჰადუ ან ლაა ილააჰა ილლა ალლააჰ, ვა აშჰადუ ანნა მუჰამმადან რასუულ ალლააჰ"
ვამოწმებ, რომ არ არსებობს ღირსეული სათაყვანებელი, გარდა ალლაჰისა და ვამოწმებ, რომ მუჰამმადი არის ალლაჰის შუამავალი, თუ ასე იტყვი ალლაჰის წყალობაში შეხვალ, მოიპოვებ ბედნიერებას ამქვეყნად, ხსნას იმქვეყნად, და აღდგომის დღეს მორწმუნეთა ჯგუფში აღდგები.
აბდესის ფორმის გამარტივებული ვიდეო აბდესის შესრულების ნაბიჯ-ნაბიჯ პრაქტიკული დემონსტრაცია. ეს ძალიან მნიშვნელოვანია, რადგან აბდესი ლოცვის ნამდვილობის პირობაა. უყურეთ ვიდეოს და ისწავლეთ აბდესის სწორი ფორმა. აბდესის ფორმა
ავტორი სახელითა ალლაჰისა მოწყალისა, შემწყალებლისა შესავალი ქება-დიდება ალლაჰს ერთადერთს, დალოცვა და მშვიდობა მას, რომლის შემდეგაც არ იქნება სხვა შუამავალი, (მსვიდობა)მის ოჯახს და მის საჰაბებს.
ისლამი არის სამყაროს შემოქმედი და მმართველი ალლაჰისთვის მორჩილება, სიყვარული და პატივისცემა. ისლამის საფუძველია რწმენა ალლაჰისადმი, რომ ის არის შემოქმედი და ყოველი სხვა არის ქმნილება. მხოლოდ ალლაჰი იმსახურებს თაყვანისცემას, მის გარდა არ არსებობს არავინ, ვინც მართლაც იმსახურებდეს თაყვანისცემას. მას აქვს ყველაზე მშვენიერი სახელები და უმაღლესი თვისებები, მას აქვს სრულყოფილი სრულყოფილება ყოველგვარი ნაკლის გარეშე. იგი არ შობს და არც თავად არის შობილი, და მას არ ჰყავს არავინ თანასწორი ან მსგავსი. იგი არ იღებს ფიზიკურ ფორმას და არ ჩნდება თავის შექმნილ არსებებში. ისლამი რელიგიაა ალლაჰისა, რომელიც არ…
