ابن عباس رضی اللہ عنہما سے روایت ہے کہ رسولﷺ کا گذر ایک ایسی قبر سے ہوا جس میں رات کو دفن کیا گیا تھا، آپ نے پوچھا: اسے کب دفنایا گیا؟ لوگو ں نے کہا: رات میں، فرمایا: پھر تم نے مجھے خبر کیوں نہیں دی؟ لوگوں نے کہا: ہم نے اسے رات کی تاریکی میں دفن کیا ہے اسی لیے ہم نے آپ کو بیدار کرنا مناسب نہ سمجھا، آپﷺ کھڑے ہوئے اور ہم نے آپﷺ کے پیچھے صف بنائی، ابن عباس کہتے ہیں: اور میں بھی انہیں میں تھا، چناں چہ آپﷺ نے اس پر نمازِ جنازہ پڑھی۔ (متفق علیہ)
ابن عباس رضی اللہ عنہما سے روایت ہے کہ رسولﷺ کا گذر ایک ایسی قبر سے ہوا جس میں رات کو دفن کیا گیا تھا، آپ نے پوچھا: اسے کب دفنایا گیا؟ لوگو ں نے کہا: رات میں، فرمایا: پھر تم نے مجھے خبر کیوں نہیں دی؟ لوگوں نے کہا: ہم نے اسے رات کی تاریکی میں دفن کیا ہے اسی لیے ہم نے آپ کو بیدار کرنا مناسب نہ سمجھا، آپﷺ کھڑے ہوئے اور ہم نے آپﷺ کے پیچھے صف بنائی، ابن عباس کہتے ہیں: اور میں بھی انہیں میں تھا، چناں چہ آپﷺ نے اس پر نمازِ جنازہ پڑھی۔ (متفق علیہ)
مقدّمہ
تمام تعریف اس اللہ کے لیے جسے تن تنہا بقا حاصل ہے، اور جس نے تمام زندوں کے لیے موت کو لازم قرار دیا ہے، اور درود وسلام ہو ہمارے سردار محمد پر جو تمام جہان کے لیے رحمت بناکر بھیجے گئے، اور آپ کے خاندان، آپ کے اصحاب، اور آپ کے تمام پیروکاروں پر، حمد وصلاۃ کے بعد:
اس دنیا میں بنو آدم کا مصائب سے دوچار ہونا ایک لازمی بات ہے، ارشاد باری تعالیٰ ہے: ((وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ وَنَقۡصٖ مِّنَ ٱلۡأَمۡوَٰلِ وَٱلۡأَنفُسِ وَٱلثَّمَرَٰتِۗ)) ”اور ہم کسی نہ کسی طرح تمہاری آزمائش ضرور کریں گے، دشمن کے ڈر سے، بھوک پیاس سے، مال وجان اور پھلوں کی کمی سے۔“ (سورۂ بقرہ:155) پھر اللہ سبحانہ وتعالیٰ نے مصیبت زدہ کے لیے واجب چیز کا ذکر کیا جو کہ صبر کا اختیار کرنا ہے۔ فرمایا ((وَبَشِّرِ ٱلصَّٰبِرِينَ)) ”اور ان صبر کرنے والوں کو خوشخبری دے دیجیئے۔“ نیز اللہ کی قضا سے خوش ہونا اور اسے تسلیم کرنا۔ فرمایا: ((ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰجِعُونَ)) ”جنہیں (یعنی صبر کرنے والوں کو)، جب کبھی کوئی مصیبت آتی ہے تو کہہ دیا کرتے ہیں کہ ہم تو خود اللہ تعالیٰ کی ملکیت ہیں اور ہم اسی کی طرف لوٹنے والے ہیں“ (سورۂ بقرہ:156) پس جو صبر کرے اور اللہ کے فیصلوں پر راضی وخوش رہے تو انہی کا انجام بہتر ہوگا۔ فرمایا: ((أُوْلَٰٓئِكَ عَلَيۡهِمۡ صَلَوَٰتٞ مِّن رَّبِّهِمۡ وَرَحۡمَةٞۖ وَأُوْلَٰٓئِكَ هُمُ ٱلۡمُهۡتَدُونَ)) ”ان پر ان کے رب کی نوازشیں اور رحمتیں ہیں اور یہی لوگ ہدایت یافتہ ہیں۔“ (سورۂ بقرہ:157)
اے اپنے رشتہ دار، یا عزیز یا محبوب کو کھو دینے والے یہ آپ ہی کے لیے ایک مختصر رسالہ ہے۔ اللہ عزوجل سے ہماری دعا ہے کہ وہ ہمیں اور آپ کو اس کتابچہ سے نفع پہنچائے۔ اس کتابچہ کا عنوان ہے: جنازے کے احکام۔
ہم اللہ عزوجل سے آپ کے لیے عظیم اجر اور صبر نیز آپ نے جسے کھودیا ہے اس کے لیےمغفرت اور خوشنودی کا سوال کرتے ہیں۔
ربانی بشارتیں
اے میرے بھائی !...اے (اپنے کسی قریبی کی) موت کی مصیبت سے دوچار انسان اللہ تعالیٰ کے (اس) فرمان کو یاد کر ”اور صبر کرنے والوں کو خوشخبری دیدیں۔“
* یقینا آپ کے لیے رسولﷺ کی وفات میں سب سے بڑی تعزیت وتسلی ہے، آپﷺ کا ارشاد ہے: ”جب تم میں سے کسی کو کوئی مصیبت پہنچے تو وہ (اپنی مصیبت کے ساتھ) میری جدائی کے غم کو یاد کرے، کیونکہ وہ تمام مصیبتوں سے بڑی ہے۔“ (طبرانی)
* رسولﷺ کے زبانی آپ کو نعم البدل کا وعدہ دیا گیا ہے، ام سلمہ رضی اللہ عنہا سے مروی ہے کہ انہوں نے رسولﷺ کو فرماتے سنا: ”جس بندہ کو کوئی مصیبت پہنچتی ہے اور وہ یہ کہتا ہے کہ: ”بے شک ہم اللہ کے لیے ہیں اور اسی کی طرف ہم کو لوٹ کر جانا ہے، اے اللہ مجھے اس مصیبت میں اجر سے نواز ،اور اس سے بہتر بدلہ دے“، تو اللہ اسے اس کی مصیبت میں اجر سے نوازتا ہے اور اس کے لیے اس سے بہتر بدلہ دیتا ہے۔ (مسلم)
* اللہ نے آپ کو آزمائش میں اس لیے ڈالا ہے تاکہ آپ کی غلطیوں کا کفارہ کردے۔ ابوسعید اور ابوہریرہ رضی اللہ عنہما سے روایت ہے کہ نبیﷺ نے فرمایا: ”مسلمان جب بھی کسی پریشانی، بیماری، رنج و ملال، تکلیف اور غم میں مبتلا ہو جاتا ہے یہاں تک کہ اگر اسے کوئی کانٹا بھی چبھ جائے تو اللہ تعالیٰ اسے اس کے گناہوں کا کفارہ بنا دیتا ہے۔“ (بخاری)
* بے شک اللہ نے تم سے جنت میں ایک گھر کا وعدہ کررکھا ہےـ ابو موسی اشعری رضی اللہ عنہ سے روایت ہے کہ رسولﷺ کا ارشاد ہے: ”جب کسی آدمی کا بچہ فوت ہو جاتا ہے تو اللہ تعالیٰ اپنے فرشتوں سے پوچھتا ہے: تم نے میرے بندے کے بیٹے کی روح قبض کر لی؟ تو وہ کہتے ہیں: ہاں، پھر فرماتا ہے: تم نے اس کے جگر کے ٹکڑے کو لے لیا؟ وہ کہتے ہیں: ہاں۔ تو اللہ تعالیٰ پوچھتا ہے: میرے بندے نے کیا کہا؟ وہ کہتے ہیں: اس نے تیری حمد بیان کی اور «إِنَّا لِلّهِ وَإِنَّـا إِلَيْهِ رَاجِعونَ» پڑھا تو اللہ تعالیٰ فرماتا ہے: میرے بندے کے لیے جنت میں ایک گھر بنا دو اور اس کا نام بیت الحمد رکھو۔ (ترمذی، شیخ البانی نے اسے حسن قراردیا ہے ہے)
* بلکہ اللہ نے تم سے جنت کا وعدہ کررکھا ہے، چناں چہ ابوہریرہ رضی اللہ عنہ فرماتے ہیں کہ نبیﷺ کا فرمان ہے: ”اللہ عزوجل فرماتا ہے: جب میں اپنے مومن بندہ کے عزیز ومحبوب کو چھین لوں اور وہ اس پر ثواب کی نیت سے صبر کرلے، تو میرے نزدیک اس کا بدلہ جنت کے سوا اور کچھ نہیں۔“ (بخاری)
* اپنے کسی محبوب کو کھودینے پر نہ خوف کرو اور نہ ہی غمگین ہو، اور اپنے رب سے اچھا گمان رکھو۔ عبد اللہ بن عمر رضی اللہ عنہما سے روایت ہے کہ رسولﷺ نے فرمایا:
پہلی صورت: اس کے گھر سے نمازِ جنازہ پڑھنے تک اس کے ساتھ جانا۔
دوسری صورت: اس کے گھر سے تدفین تک اس کے ساتھ رہنا۔ دوسری صورت افضل اور زیادہ ثواب کا کام ہے۔
ابوہریرہ رضی اللہ عنہ فرماتے ہیں کہ رسولﷺ نے فرمایا: ”جو شخص جنازہ میں شریک ہوا یہاں تک کہ نمازِ جنازه پڑھی گئی تو اس کے لیے ایک قیراط ہے، اور جو دفن ہونے تک حاضر رہا تو اس کے لیے دو قیراط ہیں، پوچھا گیا: دو قیراط کیا ہیں؟ آپﷺنے فرمایا: دو عظیم پہاڑوں کے مانند( اجر)۔“ (متفق علیہ)
ابوہریرہ رضی اللہ عنہ سے روایت ہے کہ رسولﷺ نے فرمایا: تم میں سے آج کس نے روزہ کی حالت میں صبح کیا ہے؟“ ابوبکر رضی اللہ عنہ نے کہا: میں، آپﷺ نے فرمایا: تم میں سے کس نے آج جنازہ کی پیروی کی ہے؟ ابوبکر رضی اللہ عنہ نے کہا: میں، آپﷺ نے فرمایا: تم میں سے آج کس نے مسکین کو کھانا کھلایا ہے؟ ابوبکر رضی اللہ عنہ نے کہا: میں، آپﷺ نے فرمایا: تم میں سے آج کس نے مریض کی تیمارداری کی ہے؟ ابوبکر رضی اللہ عنہ نے کہا: میں، پھر رسولﷺ نے فرمایا: جس شخص میں یہ ساری باتیں جمع ہوجائیں وہ جنت میں داخل ہوگا۔ (مسلم)
نماز جنازہ کا طریقہ:
پہلی تکبیر (کے بعد): ((أَعُوذُ بِاللَّهِ مِنَ الشَّيْطَانِ الرَّجِيمِ)) اور ((بِسْمِ اللهِ الرَّحْمنِ الرَّحِيمِ)) پڑھ کر سورۂ فاتحہ پڑھے اور پھرکوئی چھوٹی سورت یا چند آیات پڑھے۔
دوسری تکبیر (کے بعد): نبیﷺ پر دورود وسلام (درود ابراہیمی) پڑھے۔
تیسری تکبیر (کے بعد): میت کے حق میں دعا کرے اور بہتر ہے کہ اس دعا کو کہے: «اللَّهُمَّ اغْفِرْ لِحَيِّنَا ومَيِّتِنَا، وَشَاهِدِنَا وَغَائِبِنَا وصغيرَنا وكبيرَنا، وذَكرَنا وأُنثانا، اللهمَّ مَنْ أَحْيَيْتَهُ مِنَّا فَأَحْيِهِ على الإسلامِ، ومَنْ تَوَفَّيْتَهُ مِنَّا فَتَوَفِّهِ على الإيمانِ» ”اے اللہ، ہمارے زندوں کو اور مردوں کو، حاضر کو اور غائب کو، چھوٹے کو اور بڑے کو، مرد کو اور عورت کو بخش دے۔ اے اللہ، ہم میں سے جس کو تو زندہ رکھے، اسے اسلام پر زنده ركهنا اور جسے وفات دے اسے ایمان پر وفات دينا۔“ «اللَّهُمَّ اغْفِرْ لَهُ وَارْحَمْهُ وَعَافِهِ وَاعْفُ عَنْهُ ، وَأَكْرِمْ نُزُلَهُ ، وَوَسِّعْ مُدْخَلَهُ ، وَاغْسِلْهُ بِالْمَاءِ وَالثَّلْجِ وَالْبَرَدِ ، وَنَقِّهِ مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ، اللَّهُمَّ أَبْدِلْهُ دَارًا خَيْرًا مِنْ دَارِهِ ، وَأَهْلًا خَيْرًا مِنْ أَهْلِهِ، وَأَدْخِلْهُ الْجَنَّةَ ، وَأَعِذْهُ مِنْ عَذَابِ الْقَبْرِ ومِنْعَذَابِ النَّارِ، وَافْسحْ لَهُ في قَبْرِهِ ، وَنَوِّرْ لَهُ فيه، ، اللهم لا تَحْرِمْنَا أَجْرَهُ، ولا تُضِلَّنا بَعْدَهُ» ”اے اللہ، اس کو بخش دے، اس پر رحم کر، اسے عافیت عطا فرما، اسے معاف فرما دے، اسے باعزت ٹهكانا دے، اس کی قبر کو کشادہ فرما اور اسے برف اور اولوں سے دھو دے، اس کے گناہوں کو اس طرح صاف کر دے،جس طرح کہ سفید کپڑا میل کچیل سے صاف ہو جاتا ہے،اسے اس کے گھر کے بدلے بہتر گھر عطا فرما، گھر والوں سے بہتر گھر والے، اور اسے جنت میں داخل فرما اور اسے عذاب قبر اور جہنم کے عذاب سے بچا، اس کے قبر کو کشادہ اور روشن کردے، اے اللہ اس کے اجر سے ہم کو محروم نہ کر اور اس کے بعد ہمیں گمراہ نہ کر۔“ یہ تمام دعائیں نبیﷺ سے محفوظ ہیں، اور اگر اس کے علاوہ دوسری دعا پڑھی جائے تو بھی اس میں کوئی حرج نہیں ہے، مثلا کہے: «اللَّهُمَّ إِنْ كَانَ مُحْسِناً فَزِدْ فِي إِحْسَانِهِ وَ إِنْ كَانَ مُسِيئاً فَتَجَاوَزْ عَنْ سَيِّئَاتِهِ، اللَّهُمَّ اغْفِرْ لَهُ، وَثَبِّتْهُ بِالْقَوْلِ الثَّابِتِ» ”اے اللہ اگر یہ نیکوکار تھا تو اس کی نیکی میں اضافہ کردے، اور اگر خطاکار تھا تو اس کے گناہوں کو درگزر فرما، اے اللہ اسے بخش دے، اور اسے قول ثابت (کلمہ حق) کے ذریعہ ثابت قدم رکھ“۔
چوتھی تکبیر (کے بعد): تھوڑی دیر ٹہرے پھر اپنے دائیں جانب ایک مرتبہ (السلام علیکم ورحمۃ اللہ) کہہ کر سلام پھیرے۔
نمازِ جنازہ کی مختلف حالتیں:
جنازہ گاہ میں نمازِ جنازہ، مسجد میں، قبرستان میں دفن سے پہلے، اور قبرستان میں دفن کے فورا بعد یا کچھ مدّت بعد نمازِ جنازہ۔
ابوہریرہ رضی اللہ عنہ کہتے ہیں کہ:ایک حبشى مرد یا حبشى عورت مسجد میں خدمت کیا کرتى تھى، اس کا انتقال ہو گیا اور نبیﷺ کو اس کی وفات کا علم نہ ہوسکا، آپﷺ نے ایک دین ان کا تذکرہ کیا، اور دریافت فرمایا کہ اس آدمیں کہاں گیا؟ لوگوں نے کہا:اے اللہ کے رسول! اس کا انتقال ہوگیا۔ تو آپﷺ نے فرمایا: ”تم لوگوں نے مجھے اس کی اطلاع کیوں نہیں دی؟“ لوگوں نے کہا کہ وہ ایسے ایسے تھا،اور اس کا قصہ بیان کیا راوی کہتے ہیں: گویا کہ لوگوں نےاسے حقیر سمجھا، آپﷺ نے فرمایا: ”مجھے اس کی قبر بتاؤ“ چناچہ آپﷺ اس کی قبر پر تشریف لائے اور اس پر نماز جنازہ پڑھی۔ (بخاری)
اہم ہدایات
اول: جنازہ کی تیاری میں جلدی کرنا اور بغیر عذر کے اس کے دفنانے میں تاخیرنہ کرنا: ابوہریرہ رضی اللہ عنہ فرماتے ہیں کہ نبیﷺ کا ارشاد ہے: ”جنازہ میں جلدی کرو، اگر وہ نیک ہوگا تو اسے تم جلدی سے بھلائی کی طرف پہنچانے والے ہوگے اور اگر وہ نیک نہیں ہے تو تم اپنی گردن سے شر کو جلدی سے ہٹا نے والے ہو گے۔ (متفق علیہ)
دوم: جنازہ کی نماز پڑھنے میں بے رغبتی کا اظہار نہ کرنا اور اس ساتھ جانے میں سستی سے کام نہ لینا۔
سوم: میت کی طرف سے قرض کی ادائیگی میں تاخیر نہ کرنا: ابوہریرہ رضی اللہ عنہ کہتے کہ رسولﷺ نے فرمایا: ”مومن کی روح اس کے قرض کے سبب معلق رہتی ہے یہاں تک کہ اس کی طرف سے (قرض) ادا کردیا جائے (مسند احمد، ترمذی)
چہارم: نوحہ نہ کرنا، یعنی میت کے شمائل اور اس کے اچھے کارناموں کو شمار کرکے آواز بلند کرنا، کیونکہ یہ جاہلیت کے امور سے ہیں، ابومالک اشعری رضی اللہ عنہ فرماتے ہیں کہ نبیﷺ نے فرمایا: ”میری امت میں چار چیزیں جاہلیت کی ہیں جنہیں وہ چھوڑنے والی نہیں: حسب پر فخرکرنا، نسب میں طعن کرنا، ستاروں کے ذریعہ بارش طلب کرنا، اور نوحہ کرنا۔(مسلم)
پنجم: قبر پر چلنے یا اس پر بیٹھنے سے بچنا: عقبہ بن عامر رضی اللہ عنہ کہتے ہیں کہ رسولﷺ نے فرمایا: ”میں کسی شعلہ یا تلوار پر چلوں یا میرا جوتا پاؤں کے ساتھ سی لوں یہ مجھے اس بات سے زیادہ پسند ہے کہ میں کسی مسلمان کی قبر پر چلوں۔ (ابن ماجہ)
ششم: میت کے لیے دعا کرنے اور اسے دفنانے کے بعد واپس جانےمیں جلد بازی نہ کرنا: -ابوعمرو، اور کہا گیا ہے ابوعبداللہ ،اور کہا گیا ہے ابولیلی- عثمان بن عفان رضی اللہ عنہ کہتے ہیں کہ نبیﷺ جب میت کی تدفین سے فارغ ہوتے تو وہاں ٹہرتے اور کہتے: ”اپنے بھائی کے لیے استغفار کرو اور اس کی ثابت قدمی کی دعا کرو کیونکہ اب اس سے سوال کیا جائے گا۔“ (ابوداود)
ہفتم: قبروالوں کے پاس گزرنے یا ان کی زیارت کرنے پر سلام کہنا: بریدہ رضی اللہ عنہ کا فرمان ہے کہ نبیﷺ صحابہ کرام کو قبرستان کی طرف تشریف لے جانے پر یہ دعا سکھلاتے تھے:’’اے مومنوں اورمسلمانوں کے گھروں والو تم پر سلامتی ہو،اگراللہ نے چاہا تو ہم تم سے جلد ہی ملنے والے ہیں، میں اللہ سے اپنے لیے اور تمہارے لیے عافیت طلب کرتا ہوں۔‘‘ اسے مسلم نے روایت کیا ہے۔
ہشتم: جگہ اور حالات کی رعایت کیے بغیر دنیاوی امور میں بات چیت کرنے اور مشغول ہونے سے باز رہنا۔
خاتمہ
موت وہ دروازہ ہے جس سے سب کو داخل ہونا ہے، اور یاد رکھو موت سب سے بڑی نصیحت پکڑنے کی چیز ہے۔ اللہ تمہارے میت پر رحم کرے، اور اس سے اور مسلمانوں کے تمام مُردوں کو درگزر فرمائے۔
درود وسلام ہو ہمارے نبی محمدﷺ اور آپ کے آل اور آپ کے تمام اصحاب پر۔
کتاب "طہارت، نماز اور جنازے کے بعض فقہی احکام" فضیلۃ الشیخ علامہ محمد بن صالح العثیمین رحمہ اللہ کی تالیف ہے، جو کتاب وسنت کی روشنی میں طہارت، نماز اور جنازے کی عبادات کو وضاحت سے بیان کرتی ہے، اس کا مقصد مسلمان کو اس قابل بنانا ہے کہ وہ بصیرت کے ساتھ اپنی عبادات کو نبی ﷺ کے طریقے پر انجام دے سکے، جو آسانی اور پابندی کا مجموعہ ہے اور اخلاص واتباع کی ترغیب دیتا ہے تاکہ قبولیت اور اللہ کی قربت حاصل ہو۔
"ہر جاندار موت کا مزه چکھنے واﻻ ہے"۔ [آل عمران: 185] نبی ﷺ نے ایک جنازہ دیکھا اور فرمایا: "راحت پانے والا اور جس سے (دوسروں کو) راحت ملے، مؤمن بندہ دنیا کی مشقت اور اذیت سے اللہ کی رحمت کی طرف راحت پاتا ہے، اور فاجر بندے سے بندے، شہر، درخت اور جانور راحت پاتے ہیں"۔ صحیح بخاری: (6512) (تعزیت) اللہ تعالی آپ کی اچھی تعزیت فرمائے، آپ کے صدمے کو دور کرے اور آپ کے میت کی مغفرت فرمائے۔ جو اللہ نے لے لیا، وہ اسی کا تھا اور جو اس نے دیا، وہ بھی اسی کا تھا اور ہر چیز کا اس کے پاس ایک وقت مقرر ہے۔ اس لیے آپ صبر کریں اور اللہ سے ثواب کی امید رکھیں۔ (نماز جنازہ کا طریقہ)
مؤذن، امام، خطیب اور مساجد کے احکام سے متعلق ایک مختصر اور مفید کتاب
47 زبانیں
مؤذن، امام، خطیب اور مساجد کے احکام سے متعلق ایک مختصر اور مفید کتاب
یہ کتاب اذان، اقامت، امامت اور خطبۂ جمعہ سے متعلق احکام اور مسجد کے آداب کا ایک جامع گلدستہ پیش کرتی ہے، مؤذنوں، اماموں اور خطیبوں کی ذمے داریوں پر بحث کرتی ہے اور ان کی صحیح ادائیگی کو یقینی بنانے کے لیے ان سے متعلق شرعی احکام سیکھنے کی اہمیت کو اجاگر کرتی ہے۔ اسی طرح اس میں نبی ﷺ سے وارد نصوص اور ان کی تشریح بھی شامل کی گئی ہے، تاکہ ان کی درست تطبیق عمل میں آسکے۔