رسالة موجزة إلى ملحد

ఒక నాస్తికునికి సంక్షిప్త సందేశం

వివిధ భాషలలో ఇస్లామీయ సాహిత్య సేవా సంఘం యొక్క శాస్త్రీయ కమిటీ

నిశ్చయంగా మనం ఒక అద్భుతమైన విశ్వంలో జీవిస్తున్నాము, దానిని నియంత్రించే చట్టాలు వింతైన అనుగుణ్యతను మరియు మరియు ఆశ్చర్యాన్ని కలిగించే సూక్ష్మమైన క్రమాన్ని చూపుతున్నాయి.

విశ్వ చట్టాలను మానవుడు ఎంత లోతుగా అర్థం చేసుకుంటే, భౌతికశాస్త్రం సమాధానం చెప్పలేని ఒక ప్రశ్న అంతగా తలెత్తుతుంది: ఈ చట్టాలకు మూలం ఏమిటి? మరియు అసలు అవి ఎందుకు ఉనికిలోకి వచ్చాయి?

ధార్మిక లేదా మేధోపరమైన నేపథ్యంతో సంబంధం లేకుండా, ప్రస్తావించదగిన ఒక తర్కబద్ధమైన ప్రశ్నను మీతో పంచుకోవడానికే తప్ప, సిద్ధంగా ఉన్న సమాధానాన్ని అందించడానికి నేను వ్రాయడం లేదు.

శూన్యం నుండి నియమాలు ఉద్భవించడం తార్కికమేనా? ఉద్దేశ్యం లేకుండా ఒక వ్యవస్థ ఏర్పడటం తార్కికమేనా? జ్ఞానం లేని పదార్థం నుండి చైతన్యం పుట్టడం తార్కికమేనా?

మనం మొదటి నుండి ప్రారంభిద్దాం, ఒకే సమయంలో అత్యంత స్పష్టమైన మరియు అత్యంత లోతైన ప్రశ్న నుండి:

శూన్యం దేనినైనా సృష్టించగలదా?

ఈ అద్భుతమైన విశ్వం, దానిలోని ఇంతటి ఖచ్చితమైన వ్యవస్థతో, దాని నియమాల మధ్య ఉన్న పటిష్టమైన సామరస్యంతో, శూన్యం నుండి, ఏ కారణం లేకుండా ఉద్భవించిందని చెప్పడం హేతుబద్ధమేనా?

స్వచ్ఛమైన మానవ బుద్ది దీనిని పూర్తిగా తిరస్కరిస్తుంది; ఎందుకంటే మన జీవితంలో ఏ వస్తువూ శూన్యం నుండి ఉనికిలోకి రాదు.

నాతో పాటు మీ గురించి మీరే ఆలోచించండి: మిమ్మల్ని ఒక అల్పమైన వీర్యబిందువు నుండి సృష్టించి, వినేవాడిగా, చూసేవాడిగా (తెలివైన) మనిషిగా తీర్చిదిద్దింది ఎవరు?

నీ శరీరాన్ని ఇంతటి నైపుణ్యంతో సృష్టించి, నీకు చూసే కన్నును, వినే చెవిని, మరియు విశ్లేషించి ఆలోచించే మేధస్సును ప్రసాదించింది ఎవరు?

నీ తల్లి గర్భంలో నీవు నిస్సహాయుడిగా, శక్తిహీనుడిగా ఉన్నప్పుడు, నీ తల్లి రక్తం ద్వారా నిన్ను పోషించి, నీవు పెరిగి ఈ లోకంలోకి రావడానికి అవసరమైనవన్నీ ఏర్పాటు చేసి, నీకు ఆహారోపాధిని ప్రసాదించినది ఎవరు?

దీనిని నీవు నీ కొరకు చేసుకున్నావా? లేదా నిశ్చలమైన ప్రకృతి అలా చేసిందా?

ప్రకృతికి బుద్ధి లేదు, ఉద్దేశం లేదు, కోరిక లేదు. అత్యంత గొప్ప కంప్యూటర్ కంటే సంక్లిష్టమైన వ్యవస్థను అది ఎలా ఉత్పత్తి చేయగలదు? చైతన్యాన్ని, గ్రహణశక్తిని మరియు భావోద్వేగాలను అది ఎలా సృష్టించగలదు?

ప్రకృతి ఒక తల్లి హృదయంలో తన బిడ్డ పట్ల సహజసిద్ధమైన ప్రేమను ఎలా ఉంచగలదు? లేదా అన్యాయాన్ని చూసినప్పుడు మీ హృదయం బాధపడేలా, న్యాయాన్ని చూసినప్పుడు సంతోషించేలా ఎలా చేయగలదు?

మనలో ఈ ఉన్నతమైన భావాలను నాటినది ఎవరు? విలువలు ఎక్కడ నుండి వచ్చాయి? మనస్సాక్షి ఎక్కడ నుండి వచ్చింది?

నీ చుట్టూ ఉన్న ప్రతి వస్తువు సృష్టికర్త ఉనికిని ఘోషిస్తుంది.

ఆకాశం వైపు చూడు: దానిని ఎటువంటి స్తంభాలు లేకుండా ఎవరు పైకి ఎత్తారు?

సూర్యుడి వైపు చూడండి: మార్పులేని ఖచ్చితత్వంతో దాని పయన మార్గాన్ని ఎవరు నిర్ధారించారు?

నీ హృదయం వైపు చూడు: నీ జీవితాంతం, నీ అనుమతి లేకుండా దానిని ఎవరు స్పందించేలా చేశాడు?

ఇదంతా యాదృచ్చికంగా సంభవించిందా? యాదృచ్చికం ఇంత క్రమపద్ధతిలో బిలియన్ల సార్లు తనను తాను పునరావృతం చేసుకుంటుందా?

ఒక నిఘంటువు లేదా విజ్ఞాన సర్వస్వం వంటి ఖచ్చితమైన పుస్తకం, ఒక ముద్రణ యంత్రం పేలుడు నుండి యాదృచ్చికంగా ఉద్భవించిందని మీరు నమ్మగలరా?

మరి అన్ని పుస్తకాల కంటే గొప్పదైన విశ్వం ఒక గుడ్డి పేలుడు నుండి ఉద్భవించిందని మీరు ఎలా నమ్ముతారు?

ఇస్లాం మీ బుద్దిని నిరుపయోగం చేయమని మిమ్మల్ని ఆహ్వానించదు; బదులుగా దానిని ఉపయోగించమని ఆహ్వానిస్తుంది, ఖుర్ఆన్ లో అల్లాహ్ తఆలా సెలవిచ్చాడు: అల్లాహ్ ను గురించి (మీకు) సందేహం ఉందా? ఆకాశాలనూ మరియు భూమినీ సృష్టించిన [ఇబ్రాహీం : 10]

సమస్తాన్ని సృష్టించిన వాని ఉనికిని సందేహించడం సమంజసమేనా?

ఇంకా ఇలా అంటున్నాడు: మరియు స్వయంగా మీలో కూడా ఉన్నాయి. ఏమీ? మీరు చూడలేరా? [జారియాత్ : 21]

నీ శరీరం మరియు ఆత్మ గురించి ఆలోచించమని, నీ ముందున్న ఆధారాన్ని చూడమని నీకొక ఆహ్వానం.

తదుపరి, చిట్టచివరి దైవగ్రంధంగా అవతరింపబడిన ఖుర్ఆనుల్ కరీం గురించి ఆలోచించండి.

1400 సంవత్సరాలకు పైగా క్రితం అవతరించిన ఒక గ్రంథం, దాని వంటి దానిని తీసుకురమ్మని మానవాళిని సవాలు చేసింది, కానీ వారు అలా చేయలేకపోయారు.

విశ్వాసం, ధర్మశాస్త్రం, కథలు, జ్ఞానం మరియు భాషలను సాటిలేని శైలిలో సమ్మేళనం చేసిన గ్రంథం.

అది నశించిపోయిన సమాజాల గురించి, మరుగైన సంఘటనల గురించి, మరియు గర్భస్థ పిండం ఏర్పడటం, మేఘాల నిర్మాణం, భూమి పొరలు, గ్రహాల భ్రమణంలోని ఖచ్చితత్వం వంటి శతాబ్దాల వరకు తెలియని ఆవిష్కరణల గురించి తెలియజేసింది.

ఆపై, ప్రవక్త ముహమ్మద్ సల్లల్లాహు అలైహివ సల్లం యొక్క జీవిత చరిత్రను పరిశీలించండి: నాగరికతా కేంద్రాలకు దూరంగా ఉన్న ఒక ఎడారిలో పెరిగిన, నిరక్షరాస్యుడైన, మరియు ఏ మానవుని నుండి జ్ఞానాన్ని పొందని ఒక వ్యక్తి, మానవాళికి ఒక శాశ్వతమైన సందేశాన్ని అందించారు, అది మేధస్సులను ప్రకాశింపజేస్తుంది, ఆత్మలను పరిశుద్ధపరుస్తుంది, మరియు చరిత్ర గమనంలో ఒక గొప్ప పరివర్తనను తీసుకువస్తుంది.

గుహలో ఆయనపై అవతరించిన దైవ వాక్యాల ద్వారా, ఆయన మానవాళిని మానవ మరియు విగ్రహారాధన నుండి విశ్వ సృష్టికర్త యొక్క ఏకైక ఆరాధన వైపుకు తీసుకువచ్చి, న్యాయం, కరుణ మరియు గౌరవం వంటి విలువలను స్థాపించారు.

ప్రపంచాన్ని మార్చివేసి, హృదయాలను తాకి, శతాబ్దాలు గడిచినా ఇప్పటికీ ప్రతిధ్వనిస్తూనే ఉన్న ఈ శక్తి ఏమిటి?

ఈ మాటలను చదువుతున్న ఓ మానవుడా: నీ ప్రభువుకు నీ నుండి ఏదీ అవసరం లేదు, కానీ నీవే ఆయన అవసరం కలవాడవు.

ఆయనే నిన్ను సృష్టించి, ఆహారోపాధిని ప్రసాదిస్తూ, నిన్ను సంరక్షిస్తూ, నీవు ఆలోచించి ఆయన వైపు మరలడానికి గడువును ప్రసాదించాడు.

ఆయన ఎవరికీ అన్యాయం చేయడు. మరియు ఎవరైతే చిత్తశుద్ధితో ఆయన వైపుకు మరలుతాడో, ఆయన అతడిని స్వీకరించి, మన్నించి, అతని పాపములను పుణ్యాలుగా మార్చివేస్తాడు.

నేను నీపై ఏదీ విధించను, కానీ నీ హృదయానికి సత్యానికి ఒక అవకాశం ఇవ్వమని అర్థిస్తున్నాను.

కోపం నుండి, అంతర్గత గందరగోళం నుండి ఖాళీ అయ్యి, ఒక్క క్షణం ఆలోచించడం:

ఒకవేళ నాదే పొరపాటు అయితే?

ఒకవేళ అల్లాహ్, మరియు మరణం తరువాత జీవితం, మరియు స్వర్గము మరియు నరకము ఉంటే అప్పుడు ఏం జరుగుతుంది?

అప్పుడు పశ్చాత్తాప పడతారా, ఎప్పుడైతే పశ్చాత్తాపము వలన ప్రయోజనము ఉండదో?

సత్యం వైపు నిజాయితీతో ఒక అడుగు వేయి, ఖుర్ఆన్ తో నీ ప్రయాణాన్ని ప్రారంభించు... దానిలో నీకు ఇంతవరకు దొరకని సమాధానాలు, నువ్వు కోల్పోయిన వెలుగు లభించవచ్చు.

పవిత్ర ఖురాన్ యొక్క భావార్థాల అనువాదం