Համառոտ ուղերձ աթեիստին

Համառոտ ուղերձ աթեիստին

Լեզուներով իսլամական բովանդակության ծառայության ասոցիացիայի գիտական հանձնաժողով

Մենք ապրում ենք մի զարմանահրաշ տիեզերքում, որը կարգավորվում է ճշգրիտ օրենքներով, որոնք ցուցաբերում են զարմանալի հետևողականություն և զարմանք պատճառող ճշգրիտ կանոնավորություն։

Որքան ավելի մարդը խորանում է տիեզերքի օրենքների ըմբռնման մեջ, այնքան ավելի սրվում է այն հարցը, որին ֆիզիկան պատասխան չունի. ի՞նչն է այս օրենքների աղբյուրը, և ինչո՞ւ են դրանք առհասարակ գոյություն ունենում։

Ես չեմ գրում՝ պատրաստի պատասխան տալու համար, այլ՝ քեզ հետ կիսվելու մի տրամաբանական հարցով, որն արժանի է բարձրացվելու՝ անկախ կրոնական կամ գաղափարական հայացքներից։

Արդյո՞ք տրամաբանական է, որ օրենքներն առաջանան ոչնչից, որ կարգուկանոնն առաջանա առանց դիտավորության, որ գիտակցությունը ծնվի չմտածող նյութից։

Սկսենք սկզբից՝ ամենաակնհայտ և միևնույն ժամանակ ամենախոր հարցից:

Արդյո՞ք ոչինչը կարող է ինչ-որ բան ստեղծել։

Արդյո՞ք տրամաբանական է ասել, որ այս հրաշալի տիեզերքը, իր այս ճշգրիտ համակարգով և իր օրենքների միջև եղած այս կատարյալ ներդաշնակությամբ, առաջացել է ոչնչից և առանց պատճառի։

Ողջախոհ մարդկային միտքը լիովին մերժում է սա, որովհետև մեր կյանքում մենք չենք տեսնում ոչ մի բան, որը ծագում է ոչնչից։

Մտորի՛ր ինձ հետ քո անձիդ մասին. Ո՞վ է այն, որ քեզ ստեղծեց անարժեք կաթիլից և կերպավորեց քեզ մարդ՝ լսող ու տեսնող։

Ո՞վ է, որ ստեղծեց քո մարմինն այսպիսի կատարելությամբ և քեզ օժտեց տեսնող աչքով, լսող ականջով և վերլուծող ու մտածող բանականությամբ։

Ո՞վ էր, որ կերակրում էր քեզ, երբ դու մորդ որովայնում էիր՝ անօգնական ու անզոր, սնուցում էր քեզ մորդ արյունով և պատրաստում քեզ համար այն ամենը, ինչի կարիքն ունեիր, որպեսզի աճեիր և լույս աշխարհ գայիր։

Արդյո՞ք դու ինքդ դա արեցիր քո անձի համար, թե՞ դա արեց խուլ բնությունը։

Բնությունը բանականություն չունի, ոչ դիտավորություն, և ոչ էլ կամք։ Ինչպե՞ս է այն առաջ բերում մի համակարգ, որ ավելի բարդ է, քան ամենահզոր համակարգիչը։ Ինչպե՞ս է ստեղծում գիտակցությունը, ընկալումը և զգացմունքները։

Ինչպե՞ս կարող է բնությունը մոր սրտում իր երեխայի հանդեպ բնազդային սեր դնել, կամ ստիպել քո սրտին կծկվել՝ անարդարություն տեսնելիս, և բացվել՝ արդարություն տեսնելիս։

Ո՞վ սերմանեց մեր մեջ այս վեհ իմաստները։ Որտեղի՞ց եկան արժեքները։ Որտեղի՞ց եկավ խիղճը։

Անշուշտ, քո շուրջ եղած ամեն ինչ բարձրաձայն վկայում է Արարչի գոյության մասին։

Նայի՛ր երկնքին. ո՞վ է այն բարձրացրել առանց սյուների։

«Նայիր Արևին. ո՞վ է անփոփոխ ճշգրտությամբ սահմանել նրա շարժման ուղին»?

Նայիր քո սրտին․ ո՞վ է այն բաբախեցնում առանց քո թույլտվության՝ քո ամբողջ կյանքի ընթացքում:

Մի՞թե այս ամենը պատահականություն է։ Եվ մի՞թե պատահականությունը միլիարդավոր անգամներ կրկնվում է այս օրինաչափությամբ։

Հավատո՞ւմ եք, որ բառարանի կամ գիտական հանրագիտարանի պես ճշգրիտ մի գիրք պատահաբար է առաջացել տպարանի պայթյունից։

Իսկ ինչպե՞ս ես հավատում, որ տիեզերքը, որն ավելի մեծ է, քան բոլոր գրքերը, առաջացել է կույր պայթյունից։

Իսլամը չի կոչում քեզ անգործության մատնել քո բանականությունը, այլ՝ կոչ է անում այն գործադրել։ Աստված Ամենաբարձրյալը Կուռանում ասում է՝ …Ալլահի (Աստծո)՝ երկինքների ու երկրի Արարչի մասին մի՞թե կասկած կա… [Սուրա «Իբրահիմ» — 10-րդ այաթ].

Մի՞թե կարելի է կասկածել ամեն ինչ ստեղծողի գոյությանը։

Եվ նա ասում է. Եվ ձեր անձերում՝ ապա մի՞թե չեք տեսնում։ (21) [Սուրա Ազ-Զարիյաթ , 21-րդ այաթ]

Կոչ՝ խորհելու քո մարմնի ու հոգու մասին, որպեսզի տեսնես ապացույցը քո առջև։

Այնուհետև խորհիր Սուրբ Կուռանի (Ղուրանի) շուրջ՝ որպես աստվածային գրքերից վերջինը, որ իջեցվել է։

Գիրք, որը իջեցվել է ավելի քան 1400 տարի առաջ, մարտահրավեր է նետել մարդկանց՝ ստեղծել մի նման գիրք, իսկ նրանք չկարողացան։

Գիրք, որը միավորում է իր մեջ դավանաբանական ուսմունքը, օրենսդրությունը, պատմությունները, գիտությունը և լեզուն՝ աննման ոճով։

Նա հաղորդեց անհետացած ժողովուրդների, անտեսելի մնացած իրադարձությունների և այն հայտնագործությունների մասին, որոնք հայտնի դարձան միայն դարեր անց, օրինակ՝ սաղմի առաջացումը, ամպերի կազմավորումը, երկրի շերտերը և մոլորակների պտույտի ճշգրտությունը։

Ապա խորհի՛ր Մուհամմադ մարգարեի ﷺ կենսագրության մասին... մի մարդ, որ մեծացել է քաղաքակրթության կենտրոններից հեռու մի անապատում, անգրագետ էր և ոչ մի մարդուց գիտելիք չէր ստացել, և ահա նա մարդկությանը ներկայացնում է մի հավերժական ուղերձ, որը լուսավորում է մտքերը, մաքրագործում հոգիները և հսկայական փոփոխություն է առաջացնում պատմության ընթացքի մեջ։

Քարանձավում իրեն իջեցված խոսքերով նա մարդկությանը մարդկանց ու քարերի պաշտամունքից դուրս բերեց դեպի Տիեզերքի Արարչի միաստվածություն և հաստատեց արդարության, ողորմության ու արժանապատվության արժեքները։

Ի՞նչ հզորություն է սա, որ փոխեց աշխարհը, հուզեց սրտերը, և որի արձագանքը դեռ բարձր է հնչում՝ չնայած դարերին?

Ով որ կարդում ես այս խոսքերը, քո Տերը քեզանից ոչ մի բանի կարիք չունի, բայց դու ես, որ Նրա կարիքն ունես։

Ալլահը քեզ ստեղծել է, քեզ ապրուստ է տալիս, քեզ պահպանում է և քեզ ժամանակ է տվել, որպեսզի խորհես և դեպի Նրան վերադառնաս։

Ալլահը(Աստված) ոչ ոքի հանդեպ անարդարություն չի գործում, իսկ ով անկեղծորեն դեպի Նրան դարձ է կատարում՝ Նա ընդունում է նրա ապաշխարությունը, ներում է նրան և նրա վատ չար գործերը բարիքների է վերածում։

Ես քեզ ոչինչ չեմ պարտադրում, բայց խնդրում եմ՝ սրտիդ անկեղծության հնարավորություն տուր։

Ազատվել բարկությունից և ներքին աղմուկից, և մի պահ մտածել:

Իսկ եթե ես սխալ էի։

Իսկ եթե կա Աստված, հետմահու կյանք, դրախտ և դժոխք՞

Կզղջա՞ս այն ժամանակ, երբ զղջումը այլևս օգուտ չի տա:

Կատարի՛ր անկեղծ քայլ դեպի ճշմարտությունը, և սկսի՛ր քո ճանապարհը Կուռանի հետ... Գուցե գտնես այն պատասխանները, որոնք մինչ այժմ անպատասխան էին, և այն Լույսը, որի կարիքը զգում էիր։

Սուրբ Կուռանի(Ղուրանի) իմաստների թարգմանություն։