رسالة موجزة إلى ملحد

Yalla yengedde numû fanah rubna ux baxxaqisiyyih farmo

Qilmi Lajnat Islaam Afitteh Addattinoh khidmatah dubuk tan Egla

Diggah nanu qaxa le qaalamal naqiise,qaxa le qhawaaniin kaa missoyssaah,giffi ittaah itta celta weeloo kee diiriyyi baaha qaxa le nidaam taybulle.

Seehadayti qaalam madqooqi edde yafhimeeh edde yaaxagu duudaamak gexxaamah; fiiziik gacsa kah aalle waa essero tambulleeh tabaakatta: tama madqooqik maddur macaay? kaadu is aslil macah geytimtee?

Anu massowte oggol aceemih maktubaay;tokkel is le diini hinnay fikri weelo wagite kal, qidaanam edde faxximta mantiqh le esserot koo haysitaamah.

Qhawaaniin tu-waytek geytimtam,nidaam qhasdî kalah takkem, kaadu waqyi qaqhli maaddak yuduumem maaqul innaa?

Naharak qimbisnu wayna,baxxaqqa le esseroo kee woo wakti inkih hoore le esserok:

Anee sinnim tu gintam takkee?

Diggah tama qaxa le gino,tama digga le nidaam kee isi qhawaaniinik fanal le tama itta celta weelol,tu-hinnaamak kaadu sabab aalle kal geytimteh axcinnaanih mantiqh kinninii?

Diggah,seehadaytuk nagah yan qaqhli tah dudda luk ariya; kah kinnim ni manol tu kinniimik tamaate hebeltoh im manaballa.

Yolluk isi nafsil tafikkirem ab: boola le leey tiffok tanik koo ginneeh,yaabbeeh yable seehadaytuh koo massossem miyyaay?

Ku xagar ta mexxatal ginneeh, table intiiy,taabbe aytii kee baxxaqqa le fikrataay kas koh teceem miyyaay?

Atu ku inah bagih addal sugtek, kugurramaleh kucayla maleh,ku inah qabalak koo askamuk,addunyâ manol tawqemkeh koh faxximtah tanim inkih koh massoysak,koh acayuk suge yalli miyyaay?

Atu toh isih isi nafsih abtee? hinnay ayti mali gino kaa abtee?

Tabiiqa(gino) qaqli mali,qhasdi mali,kaadu fayxi mali.inkih naba kombiyuuterik gibda le nidaam anninnaak taybulleem takkee? waqyiiy,idraak kee tacussiye anninnaak gintaa?

Tabiiqa(gino) inâ lubbil isi baxah bicsimma luk yan kacanu haytam mannal duddaa? hinnay dulmi tuble waqdi ku lubbi rukku iyyam kee qadli tuble waqdi baxxaqqa iyyam mannal abtu duddaa?

Ta maggo maqnooni nel iyyi yabquree?qhiyam ankek temeetee?misinkaca ankek yemeetee?

Diggah ku dariifal tan ummaanimik tu,alkhaaliqh (gine taallem) yaniimil sumaaqitta.

Qaran fanah wagit: qamuudi maleh fayya kaa haytem miyyaay?

Ayroo kee tet gitâ fanah wagit: is milaagime waytaah tet taqhdiir abteh tanim iyyaay?

Ku lubbi wagit:ku mano inkih ku idini maleh kaa yaatukeenim abtem iyyaay?

Tama kullim inki adda akkiyyal (sudfatah) geytimtee? kaadu inki adda akkiyyal(sudfatah) milyaaratittel tama nidaamal isih isi nafsi gacissaa?

Qangor gaaboyna hinnay qilmik mawsuuqa celta digga le kitaabih matbaqak baxxaqisiyyak garcik yemeetem nummaysaa?

Toys gino (kowni) kulli kitoobak nabuk raqtaamah anuk,inti maleh infijaarak tekkeemil annaak taaminee?

Islaaminna ku qaqhli tamsiise waytaamal koo mamrissa; tonna hinnay kaa tamsissaamal koo amrissa,yallay fayya iyya Qhuraan addal iyyeh: [...usuk qaranwaa kee baaxo gineh yan yalla kinnik kaa yaqbudeeniih...] [Suurat Ibraahim : 10].

Kullim gine rabbi yaniimil shakkitam kasal celtaa?

Kaadu iyyah: Kaadu sin nafsih ginot yallih qamal geyto tascasse astooti tanik matablaanaa? kas elle geytoonuh. {Suurat Azzaariyaat :21}

Ku foocat yan daliil tablemkeh, ku xagar kee ku roocit kaskassoowtaamah koo fanah abna seeco.

Tohuk lakal,yalli kitoobak oobisaamal ellecabô kitaabay konnaba le qhuraanal tamannal ab.

1400 sanatak mangoh duma oobe kitaabay,sinam kay ceelalloh innah tanim baahaanam maduudan.

Toh Qaqhiidaay,madqaay,aydaaditteey,ixxigaa kee af yesgelleh innah sinni gurral inkih kobxise kitaaba.

Finqitte ummattaa kee qellitte tekkookak,wonnah horaarih lakal akke waytek aaxige wayte caagiidak warse,tamahak : ceelallo cawuy dadal qammurre ginoonay,baaxô raawoowii kee cutuk digga leh abta angoyyii kee tet korimi.

Tohuk lakat Nabii Mucammad yallak xuwaw kee nagayna kaal tanay aydaadu(siiratat) cubbus.. Cadaariyyah aracittek xer badiyyat nuwwukume num, mayaqhriya,seehadak ixxicah baritto makkalanna,tokkel usuk seehadah waarta farmo baahe, caglitte ifissah,nafsitte saytunnoossah,taarikhih gexot kaxxa mexxat bahta farmo kinni.

Gablah addal kaal obte qangoorul, sinaamah sinam kee xeet qibaada abaanamak,gino gineh yan yallih inkittoysiyyâ fanah, kaadu qadlii kee racmataay karaamat meqem diggoyya haanamî fanah korseh.

Tah macale qandeey qaalam tibiddileeh,sorkocobbaxa xage wayte,warrayte horaari akkuk tet waasi fayya axcuk raqtaama?!

Ta qangaroori yaqhriye numow: ku rabbi ku caagidit tu mali,kinnih immay atu kaah caagid litam koo.

Usuk koo gineeh, koo yaskameeh,koo dacriseeh, wakti koh yeceeh; kas-kassowtaah gactamkeh.

Usuk num ma yadluma,kaadu numma luk kaâ fan gace num toysa; kaa oggolaah,dambi kaah cabaah,kay umaane meqe taamoomih kaah yabiddile.

Anu tu kok madirkisa,takkay immay ku sorkocobbaxah nummah fursat taceemih koh sangeela.

bakcarraa kee addat yan anqasak baxxaqqa ittaama, kaadu waktih tafikkireemi :

Anu hoxat suge yoo tekkek macaa?

Yalli yanim,rabaak gamadal manooy, gannat kee gira tanim tekkek macaa?

Too waqdi nadaamitettoo, nadaama ma tanfiqa woo waqdi?

Nummâ fanah numma gita bey, isi gexo qhuraanâ luk qimbis... tokkel kok qellitteh sugte gacsootaa kee wayteh sugte noori kaat geettok.

Saytun Qhuraan kee kay maqnah tarjamata.