((ب ڕاستی خودایێ مه‌زن هه‌وه پاشڤه دبه‌ت كو سویند ب دایك و بابێن خۆ بخۆن
عومه‌رێ كوڕێ خه‌طابی (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((ب ڕاستی خودایێ مه‌زن هه‌وه پاشڤه دبه‌ت كو سویند ب دایك و بابێن خۆ بخۆن)). عومه‌ری گۆت: ئه‌ز ب خودێ كه‌مه ئه‌ڤه ژ وێ ڕۆژا من گوهـ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بووی پاشڤه‌برن ژ ڤێ چه‌ندێ كری من ئه‌و سوینده نه‌خوارییه، نه ب مه‌ره‌م و نه من ژ كه‌سه‌كێ دی ڤه‌گوهاستییه.
«إِنَّ اللهَ عَزَّ وَجَلَّ يَنْهَاكُمْ أَنْ تَحْلِفُوا بِآبَائِكُمْ»، قَالَ عُمَرُ: فَوَاللهِ مَا حَلَفْتُ بِهَا مُنْذُ سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ نَهَى عَنْهَا ذَاكِرًا وَلَا آثِرًا.
پێغه‌مبه‌ر (صه‌لات و سه‌لامێن خودێ ل سه‌ر بن) مه ئاگه‌هدار دكه‌ت كو خودایێ مه‌زن هه‌وه پاشڤه دبه‌ت ژ سویندخوارنێ ب دایك و بابان، ڤێجا هه‌ر كه‌سێ بڤێت سویندێ بخۆت؛ بلا ب تنێ ب خودێ بخۆت و ب كه‌سێ دی نه‌خۆت. پاشی عومه‌رێ كوڕێ خه‌طابی (خودێ ژێ ڕازی بیت) به‌حس دكه‌ت كو ئه‌ڤه ژ ده‌مێ گوهـ ل پێغه‌مبه‌ری (صه‌لات و سه‌لامێن خودێ ل سه‌ر بن) بووی وی ئه‌ڤ پاشڤه‌برنه كرى؛ وی ئه‌و سوینده نه‌خوارییه، نه ب ڤیانا خۆ و نه ژی ژ كه‌سێ دی ڤه‌گوهاستییه.
ذاكِرًا: عامِدًا.
آثِرًا: حاكِيًا عن غَيْرِي أنَّه حَلَفَ بها.
حه‌رامبوونا سویندخوارنێ ب غه‌یری خودێ، و ب تایبه‌ت به‌حسێ دایك و بابان هاته‌كرن؛ چونكی ئه‌ڤه ژ نه‌ریتێن سه‌رده‌مێ نه‌زانینێ (جاهلییه‌تێ) بوو.
سویندخوارن: ئه‌وه مرۆڤ سویند ب خودێ یان ب ناڤێن وی یان ب سالۆخه‌تێن وی بخۆت ل سه‌ر كاره‌كی بۆ پشتڕاستكرنا وی كاری.
قه‌در و بهایێ عومه‌ری (خودێ ژێ ڕازی بیت) د له‌زاتییا به‌رسڤدان و بجهئینانا فه‌رمانان و جوان تێگه‌هشتنا وی و پارێزگارییا ویدا.
زێده‌تر (6)
صه‌حیحا بۆخاری (8/ 132) (6647).
صه‌حیحا موسلمی (3/ 1266) (1646).
تيسير العلام شرح عمدة الأحكام.
للبسام (ص684).
الإلمام بشرح عمدة الأحكام.
لإسماعيل الأنصاري (2/ 134).