Homo tagi ngonko? E homo tagimi? E eko Sabii o tagi?
Mbele miin ko laawol peewngol ngonmi? Homo tagi asmanuuji e lesdi e ko woni ndeer majji, gila e tagooje mawɗe nde ngannduɗa ɗe piiltetaako? Homo feewni ndi njuɓɓudi luggiɗ nɗi moƴƴunɗi ndeer asmaan e lesdi? Hombo tagi neɗɗo o okki ɗum nanirde e ji'irɗe, e hekkillle o waɗi ɗum kattanɗo e faggaade ngannde e anndude gooŋaaji?
These files are generated automatically from the book's text; their layout may differ from the printed edition.
Homo tagi ngonko? E homo tagimi? E eko Sabii o tagi?
Mbele miin ko laawol peewngol ngonmi?
Homo tagi asmanuuji e lesdi e ko woni ndeer majji, gila e tagooje mawɗe nde ngannduɗa ɗe piiltetaako?
Homo feewni ndi njuɓɓudi luggiɗ nɗi moƴƴunɗi ndeer asmaan e lesdi?
Hombo tagi neɗɗo o okki ɗum nanirde e ji'irɗe, e hekkillle o waɗi ɗum kattanɗo e faggaade ngannde e anndude gooŋaaji?
Hombo fuɗɗi ngol peewnugol luggiɗngol e terɗe mbandu ma, e mbaadin ma O moƴƴini mbaadi ma?
Ƴeewtino tagegol ko woodi ko Wuuri ko e ceertugol he ɗum e mba'adi he ɗum, homo fuɗɗi ɗum e mba'adi ɗi ngala dottooje?
Hono yuɓɓira deeƴ ko ngonko mawko e kuuge mum tonngooje mum koolningol duuɓi duuɓi?
Hombo waɗi ndi njuɓɓudi ndi ngannuɗa kañ ndi ñaawata (njaanata) o aduna (nguurndam e maayde , ɓeydondirgol tagooje guurɗe , jammo e ñalawma waylaade dumunnaaji, e ko nandi heen)?
Mbele ko ngonko tagi hoore heko? Wollo ko ari ko e hay hu'unde? Wollo ko dañra tan koko fottiti? Alla toowɗo o wii: Mbela ɓe taga ko alda hay huunde wolla ko kamɓe ngoni tagɓe ɓe(35) Wollo ko kamɓe tagi asmanuuji e lesdi ndi ko woni kay ɓe njanentaake }. [Simoore tuur aayaaji: 35-36]
Siko tawi en tagaani ko'e men te ino roŋko de ngonoten arɓe ummoraade e waaseede wollo e eko hawriti, wadde goonga mbo ngannuɗa sikke ala e heɓo woni: ko ngonko ala e sago ko jogo takɗo tedduɗo kattanɗo, sabo ino roŋko ko ngonko de ko tagat hoore heko! wollo ko ara e ummoraade waaseede! wollo ko ara e kawrital!
E ko taki neɗɗo na gooŋɗina e goodgol geɗe ɗe ngannuɗa o yiitaaɗe?wano:(annndude wollo hakkille wollo fittaanɗu wollo tinirɗe wollo gilli) mbele wona waɗi ɗum ko yi'ide batte heɗum? wadde hono neɗɗo salorto wootde takɗo ko ngonko mawko te ino yivi batte tagoore heko e batte peewnungol heko he batte yurmeende heɗum?!
Hay gooto kakkalinɗo feerata jaɓ de wiite wonde:o galle mbo ari te haygooto mahaani mbo! Wollo de wiite wonde : ndiga woodeni oo galle! Hono won e yimɓe mgoogɗinirta wonde kaa ngonka mawka woodi tee hay go'oto tagaanika? Hono jom hakkille jaɓirta wi' eede: wonde ngolɗo peewgol juɓɓungol wonan'de ko ngonka woodi koy pottital?
Ɗum ɗo fof ɗum yottina men tan ko huunde wootere, huunde nde woni wonde ino woodani ko ngonka Joomiraaɗo teddiɗo kattanɗo pewjoowo wonande ko ngonka, ko kam tan gooto haandi reweede, kala ko rewate ko alda ALLA ɗuum ko mehre, ɗum haandaane reweede.
Joomiraaɗo takɗo mawɗo O
joomiraaɗo taguɗo o yo gooto, kam woni jeyɗo pewjoowo(dawroowo) dokko, kam wuurnata kam maynata, kam woni taguɗo lesdi O eeltindi, O waɗi ndi moƴƴundi wonande tagooje makko, kam woni taguɗo kamuuji e ko wone heen e tagooje mawɗe, O waɗani naange e lewru e jamma e ñalawma ndi njuɓɓudi poocciindi, ko hollirta mawngu makko.
Kanko woni eeltanɗo'en henndu ndu nguurndam ala so wana ɗum, kanko woni jippinanoowo'en toɓo. O eeltani'en maaje ɗe e caalli ɗi, kanko ñamminata'en reena'en nde ngonɗen nder deedi yummiraaɓe men gila de en walaa semmbe, kanko dognata ƴiiƴam e ɗaɗi men gilla jibanande'men ha maayen.
Oo joomiraaɗo taguɗo arsinkinoowo kam woni ALLA mo senaare woodani toowɗo O.
ALLA toowɗo O wi'i: ﴾Wiide joomii on woni Alla oon tagudo kammuuli e leydi nder balde jeegom rewti o foti dow al arsi imo maawa jemma ñalooma imo daɓɓadum ko yaawi de naange e lewru e koode wo kaayaaɗum dow yamiroore makko, yalla wanaa kanko tagoore woodani e fii, barke makko heewi de yaaji jom tageefooji. ﴿ []simoore a'araaf aaya 54].
ALLA woni joomiraaɗo taguɗo kala ko woni e ngonko he ko njiiten ko e ko en njiaani, kala ko wonamo kañum ko tagoore e togooje mum, kam woni kaanduɗo rewweede kam tan, fati goɗɗum fuh rewdee e makko , O ala denndadiijo e laamu makko walla tagoore makko walla peeje makko walla maccinaademo.
Siko e jaggi e jeddi wonde ino waɗi allaaji goɗɗi wondude joomiraaɗo tedduɗo jaaliiɗo na ngonko ko bon; sabo moƴƴata de fewjata keɗe ngonko ko allaaji ɗiɗi e daga(waktu) gooto. ALLA toowɗo O wi'i: {So ni reweteebe laatokeno e majji ko wanaa Alla wallaahi na ɗi mbonuno} Simoore anbiyaa aaya: 22.
Sifaaji joomiraaɗo taguɗo O
Joomiraaɗo ceniiɗo ino woodi inɗe moƴƴe ɗe ɗe limotaako, ino woodani'mo sifaaji toowal keewɗi tedduɗi, heɗi kollira e timmal makko, ino jeya e innɗe makko: "TAGUƊO" e "ALLA" ɗum firti ALLA kaanduɗo e reweede kamtan o ala dendiijo . E GUURƊO e ÑIIƁƊO e JURMOTOOƊO e GARSAGINOOW e TEDDUƊO, ALLA toowɗo O wi'i e nder ALKURAAN TEDDUƊO o: {Alla deweteedo walaa so wanaa kanko guurdo dartiido e jaati, nanngataa o ŋongol wanaadu ɗoyɗi, na woodani o ɗuum ko woni nder kammuuji e ɗuum ko woni e leydi walaa oon mo na sura nokku makko so wanaa e duŋay makko, imo anndi ɗuum ko woni yeeso maɓɓe e ɗuum ko woni caggal maɓɓe de be piiltitataako e huunde fuu e anndal makko so wanaa e ɗuum ko o muuyi, de yaajanii kursi makko kammuuji e leydi, de tampintaa o reendeɗi, kanko woni toowɗo tedduɗo.}. simoore nagge (bakara) aaya 255
ALLA toowɗo O wi'i: 1. Wi'u: kanko woni Alla gooto. Alla peendeteedo.(2) O jibinaani O jibinaaka (3) De gooto fuh laataaki wo yeru makko.﴿ [Simoore iklaas 1-4].
Joomiraaɗo deweteeɗo ciforiiɗo sifaaji timmal
Ina sifaaji mum kam woni ALLA deweteeɗo, kala mo wona ɗum ko tagoore halfaande yamiraande foolaande.
Ina sifaaji mum kam woni gurɗo daraniiɗo takoore, kala ko wuuri e ngonko ko ALLA woni kam wuurni ɗum kam wootni ɗum e waaseede, kam woni daraniiɗo ɗum e wootde ɗum e arsuka mum e keƴoowoɗum. Joomiraaɗo woni guurɗo mo maayata mo yimnata, ÑIIƁƊO mo ɗaanotaako,ko woni boom hay ŋoŋre heɓota ɗum saka ɗoyngol.
Ino jeya e sifaaji mum kam woni GANNDO mo hay huunde suuɗaaki ɗum e nder lesdi wollo asmaan(kammu),
Ino jeya e sifaaji mum kam woni NANOOWO JI'OOWO mo nanoowo kala huunde, yi'oowo kala tagoore, gannduɗo kala ko pittaali cikciktinoo e kala ko ɓerɗe cuuɗata, ala ko suuɗi ɗum e nder lesdi wolla nder asmaan(kammu) senaare woodani ɗum.
Ino jeya e sifaaji mum kam woni KATTANƊO(BAWƊO) mo ala ko roŋki ɗum te hay gooto waawa hibbit(wirfude)ko o muuy ko, o waɗata, ko o muuyaali ko o haɗa, o ardino leeltino te ino jogi ñeeñɗal timmi ngal.
Ino jeya e sifaaji mum kam woni TAGUƊO GARSAGINOOWO PEWJOOWO mo ngannuɗa kam tagi tagoore nde e pewjaninde, te tagoore nde woni ko e jaggannde(tan mande) mum e les doole mum.
Ino jeya e sifaaji mum wonde kam woni jaaboto loriiɗo, paabotooɗo tooñaaɗo, beebtinoow caɗeele, kala tagoore siko caɗeele walla ɓitteende yani e mum nde ruutoto e makko ala saga(tilay).
Maccinaade(dewal) wonanta mo wona ALLA toowɗo O, kam woni timmuɗo kaanduɗo e reweede kam gooto ala mo renndi, kala ko rewete ko alda ALLA ɗum ko mehre te ko ɗum ustiɗum, maayoojum kasatɗum(timmojum).
ALLA mo ceniiɗo o hokkii en hakkillaaji ganndat'ɗi huunde e manngu makko, O aawi e men tagdi jiɗɗo moƴƴere, gañɗo bonoore, deeƴoowo siko mo ruttiimo wonande ALLA jom winndere, oon tagdi hollirata e timmal ALLA te o waawa sifeede e ustaare mbo ceniiɗo.
Haadaane kakkalɗo rewa tawi wona timmuɗo hono rewrata tagoore ustiinde wano mum walla mburnde'ɗum jaasde!
Deweteeɗo waawa wonde aade(neddo) walla haaƴre maa lekki maa hujjere(daaba)!
Joomiraaɗo woni dow kamuuji mum e dow arsi mum. O ceertuɗo e tagoore makko, ala e jaati'mum hay huunde e tagoore mum, tagoore mum ne ala e jaati mum hay huunde. O nanndinttaako hay huunde e tagoore makko.
Joomiraaɗo ala nanndi hay huunde. te kanko woni NANOOWO JI'OOWO, O ala potdiijo hay gooto, kanko woni gaɗɗo naatoya e tagoore makko, O ɗaanataako O ñaamata, kanko woni tedduɗo waawata wonandemo Debbo ma ɓiɗɗo; TAKƊO o ino sitorii sifaaji manngu O waawata sifaraade katonginal maa ustaare.
ALLA toowɗo O wi'i: (73)Hey onon yimɓe, banndol fiyaama keɗaneengol, wiide ɓeen ɓe noddoton gaaye Alla ɓe tagataa mbuubu fay so ɓe kawritani ɗum, so tawii mbuubu na teetaɓe huunde ɓe ndaɗnataa ɗum e maggu, lo'ii ɗaɓɓoowo e ɗaɓɓeteeɗo. { Ɓe teddinaay Alla fotde teddineedem no wiide Alla wallaahi wo cemmbinɗo jaaliido. ﴿ [simoore hajji: aay 73-74].
ko saabi O TAKƊO TEDDUƊO tagi men? ko sokli(haajam) e men?
Mbelo hakkille ino jaɓa nde ALLA tagata denndagal nde tagoore Ko alda faandaare, mbelo O takrinde ko fijirde, kam woni ñeeñɗuɗo GANNDO?
Mbelo hakkile ino jaɓi wonde mo ngannuɗa kam tagi men e ɗi njuɓɓudi e ngol moƴƴingol O eeltani men ko woni nder asmanuuji(kammuuji) e lesdi, nde O tagata men ko alda faandaare ma O woppo men ko alda jaawaabu ga ko ɓuri himmude e naamne ɗe ngannuɗa. heɗe men cokliri, wano: hende huunde twanaɗen? ko kewon caggal maayde? ko woni faandaare e takde men ?
Mbelo hakkile ino jaɓi nde lepte mbaasa woodande tooñoowo, e joɓdi wonande moƴƴinoowo?
ALLA toowɗo O wi'i: ﴾115. yalla on cikkan no wiide min tagii on e fijirde de no wiide onon on ngartirtaake faade e amin.﴿ [ simoore muuminuuna: aaya 115].
Ko woni kay ALLA neli nelaaɓe ngam ngannden faandaare gootgol men, O hollii men hono dewroten mo hono ɓallitorten mo, e eko sokli men! E hono keproten weluya mum, O habri men battane men caggal maayde?
ALLA neli nelaaɓe ɓe ngam yooɓe kabru men wonde kam gooto haandi e reweede, e ngam ngannden hono dewroten ɗum, e ngam ɓe njottino men jamirooje mum e kaɗooje mum, ɓe nganndina men jikkuuji moƴƴi ɗi ngannuɗa sika en ƴettiiɗi nguurndam men wona moƴƴam ɗam huuɓtadin moƴƴareeji e barkeeji.
Ko goonga ALLA neli nelaaɓe heewɓe wano:(nuuh, Ibraahiim, muusaa, e iisaa) O walliriɓe e aayaaji e kaawisaaji kolliratɗi e goonɗude mumen te wonde ko ɓe nelaaɓe ummaraade e ALLA ceniiɗo, cakitte maɓɓe yo Muhammad yo ALLA juul e dow mum O hisno ɗum.
Ko goonga nelaaɓe ɓe kabri men ko ɓuri laaɓtu de wonde nguurndam ko ƴeewnugel(jarrabe ) nguurndam mgoonga wonata ko caggal maayde
E wonde ino toon aljanna wonande goonɗinɓe rewooɓe ALLA gooto ɓe deendaymo fuh gooto be ngoonɗini denndaangal nelaaɓe ɓe ino toon kadi hiite ALLA ino ngol heɓlani wonande heefareeɓe ɓe ngannuɗa ɓe dewiino goɗɗum wondude ALLA walla ɓe njeddi kala nelaaɗo baawɗo won e nelaaɓe ALLA.
ALLA toowɗo O wi'i: ﴾Hey onon ɓiɓɓe Aadama soni waranii on nulaaɓe jeyaaɓe e mooɗon na qissoo dow mon aayeeje am oon kulɗo de moƴƴini kulol walaa dow muɓɓen ɓe laataaki iɓe suno.(35) De ɓeen fennuɓe aayeeje amin de mawnitii e majje ɓee woni dunke en yiite kamɓe nder magge ɓe duumotooɓe.﴿ [simoore aaraaf 35-36].
ALLA toowɗo O wi'i: ﴾Hey onon yimɓe ndewee joomii on oon taguɗo on e been wonnooɓe yeeso mon yahma mooɗon kulon Alla. (21) Oon gaɗanɗo on leydi daɗɗo de waɗani on kammu mahdi de jippini ƴuwde e kammu ndiyam de o yaltiniri ɗam ɓiɓɓe leɗɗe wo arsike wonande on de ta ngaɗanee wonande Alla yeruuɓe de onon odon anndi -Alla wo gooto.(22) De so on laatoke nder sikke e ɗuum ko men njippini dow maccuɗo amin ngaddee soorte hono makko noddee seedee en mooɗon gaay Alla so on laatoke goonɗuɓe.(23) So on ngaɗaay de on ngaɗataa du, kulee yiite ngeen nge huɓɓugol mum wo yimɓe e kaaƴe, rootanaange wonande heeferɓe (24) 〔De seynir ɓeen goonɗinɓe de ngolli lobbi wiide na woodani ɗumen aljennaaji ɗina ndogga nder mumen calluɗi, mande kala ɓe arsinkina ƴuwde e aljenna oon ɓiɓɓe leɗɗe arsike ɓe mbi'a dum woni duum ko arsinkinana ɗen ko artii, de be kokkaama ɗe wo ɗe nannduɗe de na woodaniɓe nder aljenna toon deekiraaɓe laɓɓinaaɓe, de kamɓe nder makko ɓe duumotooɓe. 〕 [Simoore bakara: aaya: 21-25].
E ko sabbi nelaaɓe ɓe keewi?
Ko goonga ALLA neli nelaaɓe mum faade leŋi, ala leñol tawi wona ALLA nel e mumen nelaaɗo, ngam noddudeɓe faade dewal joomum en, o yottinaɓe jamirooje mum e kaɗooje mum, wonno faandaare noddaango mumen kamɓe fof ko: rewde ALLA gooto tedduɗo mawɗo O, te kala de leñol fuɗɗi e woppude maa jalkisde ko nelaaɗo mumen ad'di, e yamirde gootimɓinde ALLA!, ALLA halfin nelaaɗo goɗɗo ngam feenitude laawol ngol e ruttude yimɓe faade asli celluɗo o e gootimɓinde ALLA e ɗoftaade ɗum. Ha ALLA uddiri(timminiri) nelaaɓe ɓe Muhammad mo jam e kisal wone mum, mo ngannuɗa addi diine timmuɗo e sariya ñiiɓɗo kuuptodinɗo denndaangal windere ha darngal daro, timminɗo lomtiiɗo ko adinoomo ko e sariyaaji, JOOMIRAAƊO tedduɗo toowɗo O reeni wonande o diine ñiiɓde e duumaade ha ñalawma darngal.
Neɗɗo wonata gooŋɗinɗo ha gooŋɗino denndaangal nelaaɓe ɓe
ALLA woni mo ngannuɗa kam neli nelaaɓe ɓe, O yamiri denndaangal tagoore mum e ɗoftaade ɓe, te kala jedduɗo ɓataake gooto e mumen o yeddi fof, ala bakkaat (buuba) ɓurɗo mawnude nde neɗɗo saloto ruttat to ALLA nelal mum ngal, naatde Aljanna so wanaa ngooŋɗinde denndaangal nelaaɓe ɓe.
Ino tilsi e o jamaanu gooto fof nde gooŋɗina ALLA e denndaangal nelaaɓe ALLA, o gooŋɗino e ñalawma darngal, ɗum waawa wonde so wona nde gooŋɗina o ɗoftoo battaniiɗo(cakkitiiɗo) mumen e uddirɗo Muhammadu yo ALLA juul e dow mum O hisno ɗum, balliraaɗo e kaawefi ñiiɓɗo woni AL KURAAN TEDDUƊO O, mo ngannuɗa ALLA aadii e reende mo ha itto Lesdi e ko woni dow mayndi.
ALLA jaŋtii e nder AL KURAAN TEDDUƊO O . wonde oon caliiɗo gooŋɗinde kala laatiiɗo e nelaaɓe mum ɓe yo keefeero jedduɗo ALLA jedduɗo nelal mum. ALLA toowɗo O wi'i: ﴾Wiide ɓeen ɓe na njedda Alla e nelaaɓe muuɗum de iɓe muuya no ɓe cennda hakkunde Alla e nelaaɓe muuɗum de ɓe mbi'a ɓe njogitoo hakkunde ɗum laawol.(150) Ɓee kamɓen ngoni heeferɓe ngoonga, de men ndesanii wonande heeferbe jukkungo hoynoowo.﴿ [Simoore nisaa: aaya 150- 151].
Ɗum taki enen juulɓe heɗen gooŋɗini ALLA e ñalawma darngal -wano nii no ALLA yamiri men- heɗen gooŋɗini denndaangal nelaaɓe e defte jawtuɗe ɗe, ALLA toowɗo O wi'i: ﴾Nelaaɗo goonɗinii e ɗuum ko jippina feede e mum yuwde to joomiiko e goondinɓe, ɓe fuh ɓe ngoonɗinii Alla e malayka en mum e defte mum e nulaaɓe mum, men cenndataa hakkunde gooto fuh e nelaaɓe makko, de ɓe mbi'i, men nanii men ɗoftoke, yaafamuye maada jooma amin wo feede e ma woni wattinirde. ﴿ [simoore bakara 285].
ko woni AL KURAAN TEDDUƊO O?
AL KURAAN TEDDUƊO O woni haala ALLA toowɗo O e wahyu mum mo ngannuɗa O jipponiimo e battan(cakitte) nelaaɓe mum ardiiɓe. Muhammadu yo ALLA juul e dow mum O hisno ɗum, AL KURAAN woni kaawesi ɓurɗo mawnude kolliroowo e gooŋɗude annaabaagal mum yo ALLA juul e dow mum O hisno ɗum, AL KURAAN TEDDUƊO O ko gooŋa e ñaawooje de. ko mo gooŋɗuɗo e kabaruuji ɗi, Ko goonga ALLA fodani roŋkinde yedduɓe ɓe nde ɓe ngadda hayso ko simoore(soorte) gooto wano AL KURAAN ɓe ndoŋki e ɗuum; ngam mawnude ko nde soomi e huuptadinde ko nde feeñni ko kala ko neɗɗo haajori e nguurndam aduna wolla laakara, ko goonga hende soomi kala gooŋaaji iimaaniyaŋkeeji ɗi ngannuɗa ino tilsi gooŋɗinde ɗi, Wano nii no nde soomri jamirooje e kaɗooje nde ngannuɗa ino tilsi neɗɗo nde yahrata hakkunde mum e joomum walla hakkunde mum e hoore mum, wolla hakkunde mum e denndaangal tagoore, ɗum fof noon ɗum ari ko e haala toowka ummaade lugguka welka laaɓtuka, Ko goonga he nde huupti ko heewi e dalilaaji hakkilliyaŋkooji ɗi ngannuɗa heɗi kollira wonde nde deftere nde waawa won e haala aade(neɗɗo) ko woni kay ko nde haala jom aade mo senaare woodani toowɗo O.
ko woni islaam?
Islaam woni jebbilanaade ALLA toowɗo O e ngootumbaaku, e e jaɓande ɗum e ɗoftaade, e wadde sariya mum wondude weleede e jaɓde, e yeddude kala ko rewete ko jiida(wanaa) ALLA.
Ko goonga ALLA neli nelaaɓe ɓe e ɓataake gooto woni: noddude faade rewde ALLA kam tan ala denndadiijo (kawto), e yeddude kala ko rewete ko jiida(wanaa) ALLA.
Islaam woni diina denndaangal annabaaɓe, noddaango mum en ko wooto sariyaaji mumen tan ceerti, juulɓe hannde ngoni wootuɓe jaggatiiɓe(jogitiiɓe) e diine celluɗo mo ngannuɗa denndaangal annabaaɓe ngaddiino mo, ɓataake islaam e o jamaanu woni goonga, kammbo woni ɓataake udduɗo(cakkitiiɗo)ummaraade e TAKƊO faade tagoore, JOOMIRAAƊO mo ngannuɗa kam neli Ibraahiim e muusa e iisa yo kisal won e mum'en. woni mo ngannuɗa kam neli uddirɗo(cakkitiiɗo) nelaaɓe Muhammadu yo ALLa juul e dow mum O hisno ɗum, ko goonga sariya islaam ari ino woni ko lomtiiɗo ko tawi e sariyaaji.
Kala diina mo yimɓe dewrata hannde - ko jiida(wanaa)islaam- ko diineeji ɗi yimɓe peewni, walla diineeji ALLA ngonno ha hantini juuɗe yimɓe pijariɗi ɗi ngonti jillandiraaɗi e jiɓe e tinndi donaaɗi e tiinndaaje aade(himbe).
Siko tawi ko diine juulɓe ɓe noon ko diine gooto laaɓtuɗo mo waylataako, wano nii no dewe mumen ALLA ɗe ngannuɗa ko ɓe rewrata ɗum ko ɗe goote kamɓe fof be juula juulɗeeje joy ɗe, ɓe ngaska(jakka) jawɗeele mum en, ɓe kuurdo (cuumoo) lewru koorka, jeewtino kadi tuuknorde mum en ko AL KURAAN TEDDUƊO O ko deftere wootere e denndaangal lesɗeele ɗe fof. ALLA toowɗo O wi'i: ﴾hannden mi timminanii on diina mon de timminmi dow mon neema am de njarranii mi on alsilaamaaku diina, de oon doolɗiraaɗo weelo mo wanaa ooñotooɗo wonande junuuba wiide Alla wo jaafotooɗo kinnotooɗo. 〕 [Simoore maa'ida aaya:3]
ALLA toowɗo O wi'i e nder AL KURAAN: ﴾ Wi'u men ngoonɗinii Alla e ɗuum ko jippina dow amin e ɗuum ko jippina ɗo ibraahiima e ismaa'iila e ishaaqa e yaakuba e taaniraaɓe e ɗuum ko muusa hokka e iisa e annabaaɓe yuwde e joomiiɓe men cenndataa hakkunde gooto fuh e maɓɓe de minen men ɗoftaniiɓe o. (84) De oon ɗaɓɓuɗo ko wanaa Alsilaamaaku diina jaɓantaake ɗum de kanko to laakara imo jeyaa e mursuɓe.﴿ ] simoore aali imraan: aaya 84-85].
Diina islaam ko laawol kuuptin ngol guurndam, he no yaada laaɓal e hakkile, puttaali(yonkiiji) peewɗi(laabɗo) ino jaɓaɗum, TAKƊO TEDDUƊO O addani tagoore o diina, kam woni diina moƴƴoore e malu wonande yimɓe ɓe fof aduna e laakara, mo seernata leñol e gonngol, wona kadi mbaadi e ngonndi, yimɓe fof potu, hay gooto seernetaake e goɗɗo e islaam tawi wona fodde golle mum moƴƴe.
ALLA toowɗo O wi'i: (Oon golluɗo lobbi, so gorko naa wo debbo de imo goonɗini fu na men mbuurnu o nguurndam laaɓuɗam na men mbarjoɓe sanne sanne, ko ɓuri wooɗude e ko ɓe laatino iɓe ngolla. ) [Simoore nahli aaya:97]
Islaam woni laawol malu(mbelko'aaku)
Islaam woni diina denndeengal annabaaɓe kam mbo woni diine ALLA wonande denndaangal yimɓe ɓe, wona diina keeriiɗo wonande aarabooɓe.
Islaam woni laawol malu gooŋiraygooŋa e nder aduna , e neemo duumiiɗo to laakar.
Islaam woni diina gooto mo ngannuɗa hemo nooto coklaaji fittaandu(ruuhu)e ɓanndu, e humtude denndaangal caɗeele neɗɗaŋke, ALLA TOOWƊO O wi'i: (. O wi'i: njippee ƴuwde e Aljenna on fuh, yoga moodon wo gaño wonande yoga de so tawaama waranii on sanne sanne ƴuwnde e he'am kanday oon tokkuɗo kanday am lallataa ñaaɗataa hoore. .123) De oon ɗuurtiiɗo yuwde e waaju am na woodani ɗum wuurdude ɓilliinde midon mooɓa o ñannde darngal wo o bumdo. ﴿ [ simoore taaha aaya: 123-124].
ko naftorotoomi e naatngol e islaam?
Naatgol e diiae islaam ino waɗi nafooje tedduɗe, ino jeyaa heen:
-malu(dañude) e teddungal nder aduna nde neɗɗo o wona maccuɗo ALLA, siko wona ɗuum tan o wona maccuɗo belaaɗe wollo seytaane walla dakameeji (tuuyooji).
- malu dañude e laakar wano ALLA yaafo ɗum, O jippina e mum weleende mum, O naannaɗum aljanna o male e weluye e neema jiiɓiiɗo, kadi e nde neɗɗo daɗa e lepte jeyngol(jukkungo hiite.
- wonde juulɗo ñalaama darngal wondan e annabaaɓe e gooŋɗinɓe e maayɓe jihaadi e moƴƴuɓe, e kala ko welnata ɗum e gondingal, kala mo gooŋɗinaani o wonda e bewɓe e bonɓe e sanndalinɓe e bonnooɓe.
- ɓee ɓe ALLA naatnata aljanna, ma ɓe nguura e neema ñiiɓɗo mo alda e maayde wolla ñabbu(ñaw)wolla muuseeki wolla nayewu wolla mette, ma ɓe nootane soklaaji mumen e kala ko ɓe jiɗi, ɓeen naatat ɓe jeyngol ma ɓe ngon e lepte cay duumiiɗe ɗe tayrata.
- nder aljanna ino waɗi dakmitaade nde ngannuɗa yitere feeraande yi'i nofuru meeɗani nande, ɓernde neɗɗo feera ɗum miijo. Ino jeya e dalilaaji he goŋŋol TOOWƊO O: ﴾ Oon golluɗo lobbi, so gorko naa wo debbo de imo goonɗini fu na men mbuurnu o nguurndam laaɓuɗam na men mbarjoɓe sanne sanne, ko ɓuri wooɗude e ko ɓe laatino iɓe ngolla. ﴿ [Simoore nahli aaya 97] ALLA TOOWƊO O kadi wi'i: ﴾Yonki anndaa ɗuum ko ɓe cuuɗana e ɓuuɓndi gite wo njoɓdi ɗuum ko ɓe laatino iɓe ngolla. ﴿ [ simoore sajda aaya: 17]
E ko mbaasammi so mi saliima islaam?
Na neɗɗo waas ko ɓuri teddude e ganndal e anndude ɗum woni anndude e ganndal wonande ALLA, ma o waas gooŋɗinngol ALLA ngol ngannuɗa he ngol totto(hokka) neɗɗo o hoolaare e deeƴre nder aduna e neemoa duumiiɗo to laakar.
Ma neɗɗo o waas humpitaade e deftere ɓurnde teddu e ko ALLA jippini faade yimɓe he, e gooŋɗinde e nde deftere teddunde.
Ma waasa iimaneegal e ɓe annabaaɓe tedduɓe wano niino waasrata wondude mumen nder aljanna ñalooma darngal, o wona gondiijo seytaan e bandiiji e bewɓe e nder jeyngol(hiite) jahannama, ɓuri bon hoɗorde e koddigal ko jahanna.
ALLA TOOWƊO O WI'I: wi'u wiide mursuɓe wo ɓeen mursuɓe ko'e muɓɓen e koreeji muɓɓen ñannde darngal, na'am ko haala ɗum kam woni mursey ɓangudo. (15) Na woodi dow maɓɓe ommboode jeyaade e yiite wonii ley maɓɓe du ommboode, ko haala dum Alla hulƴinira ɗum jiyaaɓe muuɗum hey jiyaaɓe am kuleekam. }. [ simoore jumar aaya: 15- 16].
Kala jiɗɗo daɗde e laakar yo naat e islaam o rewa e annabiijo muhammadu yo ALLA juul e dow mum O hisno ɗum
Ino jeya e goongaaji ɗi annabaaɓe e nelaaɓe yo kisal won e mumen wonde ala daɗoowo to laakar so wona jebbaliiɓe (Alsilaamien) ɓen ngooŋɗani ALLA TOOWƊO O de ɓe ndenndinaani ɗum e rewde ɗum hay gooto, ɓe ngooŋɗina denndeengal annabaaɓe e nelaaɓe, kala rewɓe nelaaɓe gooŋɗiniɓe jaɓaniɓe na ɓe naat aljanna ɓe ndaɗa e jeyngol(hiite).
Ɓeen ngonnooɓe jamaanu annabi Muusa ɓe ngooŋɗini ɗum ɓe ndewi njaŋŋin mum ɓeen ngoni jebbaliiɓe ngooŋɗinɓe moƴƴuɓe, kono caggal nde ALLA neli annabi iisaa yo jam e kisal won e mum ino waɗɗi e sukkunooɓe e annabi Muusa nde ɓe ngooŋɗina annabi iisaa ɓe cukka e mum Kala ngooŋɗinɗo annabi Iisaa ɓeen ngoni jebbaliiɓe(Alsilaamien)moƴƴuɓe,kala caliiɗo ngooŋɗinde amnabi Iisa o wi'i mi heddoto e diine annabi Muusa oon ngooŋɗinaani sabo o saliimo gooŋɗinde annabiijo mo ALLA neli, Caggal ko Allah neli battaniiɗo nelaaɓe Muhammadu yo ALLA juul e dow mum O hisno ɗum ino tilsi e maɓɓ ɓe fof yo ɓe ngooŋɗina ɗum, joomiraaɗo kam neli Muusaa e Iisaa kam neli battaniiɗo(cakitiiɗo)nelaaɓe Muhammadu yo ALLA juul e dow mum O hisno ɗum, kala jedduɗo nelal Muhammadu yo ALLA juul e dow mum O hisno ɗum, o wi'i naa mi heddo e sukkude Muusaa wolla Iisaa o wona gooŋɗinɗo.
yonta nde neɗɗo wi'a ino teddini juulɓe, yonota ngam dadde mum to laakar nde sakka o walla waasɓe, ko woni kay ala e saga o wona gooŋɗinɗo ALLA e defte mum e nelaaɓe mum e ñalooma darngal; ngam ALLA jaɓana ɗum! Bakkaata(junuuba) ɓurɗo mawnude e renndinde ALLA e goɗɗum e yeddude ALLA e salaade wahyu mo ngannuɗa ALLA jippini mo walla salaade annabaagal cakitiiɗo annabaaɓe muhamadu yo ALLA juul e dow mum O hisno ɗum.
Yahuud en e nasaariyaŋkooɓe e woɓɓe ɓe nanuɓe nelengol nelaaɗo ALLA Muhammad yo ALLO juul e dow mum O hisno ɗum, de ɓe cali naatde e diina islaam maa ɓe ngon nder jeyngol (hiite) jahannama ɓe ñiiɓa toon jay, ɗum ko ñaawoore ALLA kono ɗum wona ñaawoore haygooto e yimɓe, ALLA TOOWƊO O wi'i: ﴾ No wiide ɓeen heeforɗinɓe kañum ko dunke en dewte e sirkotooɓe na ngoni nder yiite jahannama alhaali maɓɓe ɓe duumotooɓe nder magge ɓe kam'en ɓuri tageefo fuh bonde. ﴿ [simoore bayyina: aaya:6].
Kala ɗo ɓataake battaniiɗo o jippi ummaraade ALLA faade tagoore, ino waɗɗi e kala neɗɗo nanɗo e islaam o nani ɓataake annabiijo battaniiɗo yo ALLA juul e dow mum O hisno ɗum,nde gooŋɗinay ɗum o rewa e sariya mum o ɗofto ɗum e yamiroore mum e gaɗooje mum, ɗum taki kala nanɗo e o ɓataake battaniiɗo o sali, ALLA jaɓanta ɗum hay huunde, ma o leptu(jukku) ɗum to laakar.
Ino jeya e dalilaaji he Koŋŋol ALLA TOOWƊO O: ﴾De oon ɗaɓɓuɗo ko wanaa Alsilaamaaku diina jaɓantaake dum de kanko to laakara imo jeyaa e mursuɓe.﴿ [ simoore aali umratan aaya 85].
E ALLA TOOWƊO O wi'i: Wi'u hey dunke en dewte ngaree faade e konngol ponndoowol hakkunde amin e hakkunde mon no, ta ndewen so wanaa Alla wate ndenndinen o fay huunde wate yoga men jogito yoga wo joomiraaɓe gaay Alla so ni be tottitoke mbi'ee ceedoɗon no wiide minen wo men ɗowtiiɓe. [Simoore:aali umratan: aaya 64].
Ko woni e am ngam mi wona juulɗo?
Ngam naatde e islaam ino waɗɗi gooŋɗinde e ɗe dosɗe(nuyle) jeegom:
Goonɗinde ALLA toowɗo O e Wonde kaŋko woni takɗo garsaginoowo pewjoowo(dawroowo)joomiraaɗo ala ko nanndi e mum hay huunde O ala debbo O ala biɗɗo O gooto kam tan haandi e reweede kadi ala ko rewate goɗɗum ko rewdete e mum kadi kala jaakorɗo wonde goɗɗum ko rewate ko jiida e ALLA yo anndu dewal mum ko mehre.
Gooŋɗinde malayka en wonde ko ɓe jiyaaɓe ALLA TOOWƊO O, O tagiiɓe e annoora, O waɗi e golle mum'en wonde ɓe jippina wahyu e annabaaɓe mum.
Gooŋɗinde denndeengal defte ɗe ALLA jippini e annabaaɓe mum(wano tawraat e injiil -haade ɗe mbayle-) ko wattandi e defte ɗe woni AL KURAAN tedduɗo o.
Gooŋɗinde denndaangal nelaaɓe wano Nuuh e Ibraahiim e Muusaa e Iisaa e battandiiɗo(cakkitiiɗo) o Muhammad yo ALLA juul e mumen O hisno ɗumen ko e yimɓe ɓe njeya. ALLA walliriɓe e wahyu o totti ɓe aayaaji e kaawisaaji ɗi kollira e gooŋɗinngol mumen.
Gooŋɗinde ñalaande darnga nde ALLA wuurtinat adiiɓe ɓe e wattaniiɓe ɓe ALLA ñaawa(hiitoo) hakkunde tagoore mum O naatna gooŋɗinɓe ɓe aljanna O naatna heefareeɓe ɓe jeyngol(hiite).
Gooŋɗinde hoddiro no wonde ALLA ino anndi fof kala ko kemno aran e kala ko kewata jaaŋo, e wonde ALLA ino anndi imo windiɗum ino ɗum muuyiɗum O tagi huunde fof.
Woto leeltin fellitde!
Aduna wona wuro ñiiɓirde...
kala ko yooɗi(woodi) na wuurno kala dakamme na ñif...
na ar ñalaamu mo ngannuɗa neɗɗo o hasbete e kala ko ardinu no, oon woni ñalaamu darngal, ALLA TOOWƊO wi'i: De dewtere lelna ada yi'a bonɓe wo huluɓe e ɗuum ko woni e mayre de Iɓe mbi'a hey bone amin ɗume woodani ndee dewtere de nde accataa ko famɗi wanaa ko mawni so wanaa nde mooɓaɗum, de ɓe tawi duum ko ɓe ngolli na yahliri, jooma tooñataako fay gooto.} [simoore kaafi aaya:49].
ALLA tedduɗo toowɗo O habri wonde neɗɗo mo ngannuɗa o jebbilaaki battane mum ko ñiiɓde nder jeyngol(hiite) jahannama cay.
Waasee noon wona ko weeɓi ko woni kay ko ɗum mawɗum, ALLA TOOWƊO O wi'i: ( De oon ɗaɓɓuɗo ko wanaa Alsilaamaaku diina jaɓantaake ɗum de kanko to laakara imo jeyaa e mursuɓe.) [simoore: aaya: 85]
Islaam woni diina mo ALLA jaɓataa fuh diina mo wona oon.
ALLA tagi men ko to mum nduttoto ɗen o aduna ko mo ƴeewnel(jarrabe)wonande men.
Yo neɗɗo won e yananeede: wonde ɗam nguurndam ndaɓɓam wano koyɗol... hay gooto annda ndey maayay.
ko wonat jaabawol mum wonande takɗo ɗum siko naamniimo ɗum ñalaande darngal: e ko taki o sukkaani gooŋa? E ko taki o sukkaani e cakitiiɗo annabaaɓe yo ALLA juul e dow mum O hisno ɗum?
ko hebi jaabo joomum ñalaande darngal, o reentinanoomo e sukkude keefeeraakuu e woppude islaam, o habri wonde battane heeferɓe ko halkaade nder jeyngol(hiite) cay?
ALLA TOOWƊO O wi'i: De ɓeen heeforɗinɓe de penni aayeeje amin ɓee woni yimɓe yiite, kamɓe nder magge ɓe duumotooɓe.﴿ [Simoore bakara aaya: 39].
Oon goppuɗo goonga o ñeemtini baabiraaɓe e Maamiraaɓ o ala ngantu(geldol)
ALLA habri men wonde ko heewi e yimɓe ɓe caloto naatde e islaam ngam hulde genndi ndi ɓe nguurat nder mum.
Ko heewi e yimɓe ɓe caloto islaam ngam waasde mumen reerɗude e waklidde piple mumen ɗe ngannuɗa ɓe doni ɗe e jiknaaɓe(Maamiraaɓe)mumen walla ɓe paggiimo ɗe e ngenndi mumen e renndo mumen, ɓe ngoowi ɗe heewɓe e mumen ino ɓe haɗa woppu piple mumen hirde e reende wonande mehre nde o Roni.
Ɓe ɗo fof ɓe ngala ngantu(geldol) e ɗuum, ɓe ndaran yeeso ALLA tawa ɓe ngala daliili.
Yonaani jedduɗo ngantu nde wi'a na mi heddo e yeddude sabo mi jibinaama ko e ɓesngu yeddu ngu ALLA! Ko woni kay ko ino ɗum wonani nde huutora hakkille mum mo ALLA hokki ɗum, o ƴeewtino e mawnude asmanuuji e lesdi, o miijo e hakkile mum mo takɗo ɗum hokki ɗum ngam o annda wonde ino woodani ko ngoko TAKƊO, Ko noon kadi oon dewoowo kaaƴe e sanamuuji o ala ngantu(geldol)e ñemmude jiknaaɓe(baabiraaɓe) mum, ko woni kay ino tilsi e mum nde filoo goonga naamno hoore mum: hono rewrata Jordan nanantaakam yiita nafota kam hay huunde?!
Ko noon kadi nasaraanyaŋke mo homo gooŋɗini e geɗe luutniiɗe asli e hakkille ino tilsi e mum o naamno hoore mum: hono joomiraaɗo wardat ɓiy mum¹ mo ngannuɗa o waɗaani hay bakkaat(junuuba)gooto ngam bakkatuuji yimɓe woɓɓe?! Ɗum ko e tooñaŋŋe ɗum jeya! Mate joomiraaɗo wona kattanɗo yaafaade bakkatuuji yimɓe ɓe tawa o woppaani ɓe mbara ɓiy mum? Mate joomiraaɗo wona kattanɗo surande ɓiy mum e yimɓe ɓe?
Ko tilsi e kakkalɗo yo rew e goonga, o waasa ñemmbude jiknaaɓe e Maamiraaɓe e dow mehre.
ALLA TOOWƊO O wi'i: ﴾So wi'aama wonande ɓe ngaree feede e ɗuum ko Alla jikppini feede e nulaaɗo ɓe mbi'a: heyii men ɗuum ko men tawi dow muudum baabiraaɓe amin, fay so baabiraaɓe maɓɓe laati anndaa fay huunde de kanditataako.﴿ [Simoore maa'ida aaya 104].
Hono waɗata oon jiɗɗo tuub de ina hulani hoore mum loro(torra)koreeji mum?
Kala jiɗɗo tuuba te ina huli ngenndi ndi ina wonani ɗum o tuuba suuɗa islaam mum ha ALLA newnana ɗum laawol moƴƴoore tawa o heɓandiima hoore mum o feññina islaam mum.
Ina tilsi e neɗɗo nde tuubata ɗoon e ɗoon kono noon tilsali e mum haalande ɓeeɓe wondi islaam mum walla o lollina ɗum siko tawi ino heɓe e ɗuum loro(torra).
Yo anndu neɗɗo siko tuubi ma o dañ musiɓɓe miliyoŋaaji juulɓe, ina waawi jokkondirde e mu'en e jamaaji walla nokkuuji janngirɗi islaam e lesdi mum o ɗaɓɓa e mu'en yi'annde e ballal na ɓe mbelta e ɗuum.
ALLA TOOWƊO O wi'i: ﴾oon kulɗo Alla o waɗana ɗum yaltirde. O arjinkina o nokku ɗo o miilataa,﴿ [Simoore talaak:aaya:2,3]
Aan jaŋŋoowo tedduɗo
Mate wona weleede ALLA takɗo O, kam neemani e men denndaangal neemaaji ɗi fof, kam tottata men ñaamde kam waɗi men heɗen ngoni suuɗiiɓe gila e deedi yummiraaɓe men o arsagini men henndu ndu kanndu poofeten han- mate wona ɗuum ina jeya ko ɓuri himmu e ko yimɓe ɓe mbela e men?
Mate daɗal aduna e laakara ina haandi e tottirde kala ko ɓuriɗum leesɗe e dakammeeji aduna kooɓooji(timmooji)?aha kay wallaahi ina jari
Ɗum taki Dagataako neɗɗo o woppa ko yawti ko ina ɗum haɗa e moƴƴinde ko aratii yeeso walla ko moƴƴotina ko laawol mum bonnunongol e waɗde huunde moƴƴoore.
Yo neɗɗo o won gooɲɗinɗo e goonga hannde! o waasa jaɓan seytaane haɗaɗum e sukkude(tokkude) goonga!
ALLA TOOWƊO O wi'i: ﴾Hey onon yimɓe hakiika waranii on daliili ƴuwde e joomi on de men njippini feede e mooɗon annoora ɓangudo. (174) Ammaa ɓeen goonɗinɓe Alla de njogitii e mum ahdi warma no naatinaɓe nder hinney mum e ɓural de o handooɓe feede e makko laawol pocciingol.﴿ [simoore nisaa aaya: 174-175].
Mbela a hebliimo ngam jaggitde ko ɓuri mawnude fellitannde e nguurndam ma?
Si tawi ko yawti ko fof ina jaɓani yo neɗɗo o anndu goongiray goonga e ɓernde mum wadde ina waɗɗi e mum o yaɓɓa jaɓɓal gadingal faade nde o wonata juulɗo.
Kala cokluɗu(muyɗo) ballal e ko faati suɓaade ko ɓuri moƴƴude fellitannde e nder nguurndam mum e peewal mum faade hono wontirat juulɗo?
Woto o waɗ bakkatuuji(junuubaaji)mum kaɗa ɗum e naatde e islaam, ko goonga ALLA habrimen e nder AL KURAAN O Wonde ina yaafo bakkatuuji(junuubaaji)neɗɗo o fof siko o jebbaliima o tuubi faade takɗo ɗum ha caggal de jaɓi islaam joom ina jeya e ko ɓuri aamtude wonde neɗɗo o mawa yogo e bakkatuuji sabe enen ko'en yimɓe en ngona malaykaaji kisnaaɗi, Kono ko ɗaɓɓa e men yo en ɗaɓɓu yaafuye immoraade e ALLA tuuben faade e mum siko ALLA yi'i e men wonde en njaawniima e jaɓde goonga en naati islaam walla en kaalii seedeeji ɗiɗi ɗi ɗuum na O wallu en e woppude bakkatuuji(junuubaaji)goɗɗi, ala paaɗo e ALLA o sukki goonga oon na ALLA feewnu ɗum ngam ɓesdude e moƴƴoore noon woto dardartu e naatde e islaam jooni jooni.
Ino jeya e dalilaaji ɗuum Koŋŋol ALLA TOOWƊO O: ﴾Wi'u: wonande ɓeen heeferɓe so ni iɓe nantoo yaafaneeɓe ɗuum ko benni﴿ [simoore anfaal aaya 38].
Hono mbaɗami ngam mi wono juulɗo?
Naatde e islaam ko huunde newiinde ɗum haajoraaki e dille walla geɗe lamiyaŋkooje walla tawtoreede goɗɗo, ino tilsi e mum tan yo haal seedeeji ɗiɗi ɗi tawa homo anndi maanaa o iomo gooŋɗini ɗum, ɗuum noon o wi'a: ( ashadu an laa'ilaaha illallaahu wa ashadu anna muhammadan rasuulul laahi), siko newniimo ɗum e haalde ɗum e arab moƴƴi siko sattari ɗum noon haalde ɗum e ɗemgal mum yoni ni tan o wonii juulɗo, refti ko tilsi e makko yo O jaŋŋu diine ko kam woni jolirde malu mum e aduna e dadde mum e laakar.
Ngam ɓesdude e geɗe ko faatii islaam mi wasiyo e humpitaade nde jolirde:
Ngam jaŋŋude hono gollirta islaam,mbeɗo min mbasiyooma e naatde e nde jolirde:
Related books
All books
Islaam woni diine nelaaɓe ALLA.85 languagesIslaam woni diine nelaaɓe ALLA.
Islaam ko jebbilanaade ALLA taguɗo kaa ngonka ( aduna) pewjoowoka. E ɗowtanaademo ngam yidde e mawni'nde mo. Nuyle lislaam yo gooŋɗin'de ALLA no kam woni tagoowo. Ko wanaamo fuh yo tagoore ko kanko tan haandi e dewe, o alaa fuh kawto. inɗe moƴƴe e sifaaji towɗi kanko woodani e kiɓɓal timmungal , nga feeti ɓuytal . O jibinay o jibinaaka, O alaa ko nanndi, maa yeru, o jillataa e ɓanndu ndiga e tagoore makko. Lislaam woni diine ALLAH O jaɓanta hay go'oto diine si wona lislaam, diine annabaaɓe be kisal woni e mu'en. Hina e leyliiji (Asluuji) lislaam gonɗinde nelaaɓe fof won'de alla nuliɓe ngam…
lislaam89 languageslislaam
En mballinoriima inde Alla, joom yurmeende aduna e laakara mbela a naamniima hoorema: hol tagɗo asmanuuji (kagguuji) e leyɗeele e ko woni e majji e tagooje mawɗe? e hombo fewni ndiiɗo njuɓɓudi cewndi ñeeñnaandi?
Laabi nafayɗi ngam nguurndam malu (mbelko'aaku)85 languagesLaabi nafayɗi ngam nguurndam malu (mbelko'aaku)
Deftere « Al-Wasā’il al-Mufīda li-l-Ḥayāt as-Sa‘īda » (Laabi nafooji ngam nguurndam nbelnɗam) mo Sheek Abdul Rahmaan ɓiy Naasir As-Saadii, ina safra sabaabuuji malu goongawu iwde e giiɗe iimaan lugguɗe, nde ɗowa taroowo faade e deeƴere ɓernde rewrude e iimaan e golle moƴƴe, e siftorgol Alla, e kaariyantaaku, e miijagol e neemaaji, e moƴƴingol, e tuugnagol e Alla, e muñal, e fonndugol geɗe, e mbaadi ŋarɗundi, nde fawata e juuɗe ma kartal ngam nguurndam deeƴɗam, fonnditiingam, e malaaɗam fof e waylo-waylooji nguurndam.
الإسلام دين رب العالمين