حكم السحر والكهانة
Sehr və kahinliyin hökmü barəsində risalə. Şeyx Abdüləziz bin Abdullah bin Baz Allah ona rəhmət etsin! Mərhəmətli və Rəhimli Allahın adı ilə. Sehr, kahinlik və onlarla bağlı məsələlərin hökmü [1]. [1] Bu məqalənin bir hissəsi “Fətvalar və Müxtəlif Məqalələr Toplusu” kitabının üçüncü cildində “Sehr, kahinlik və onlarla bağlı məsələlərin hökmü” başlığı ilə nəşr olunmuşdur. Eyni zamanda bu məqalə tam şəkildə Rəyasət tərəfindən “Sehr və kahinliyin hökmü haqqında risalə” adı ilə ayrıca nəşr olunmuş və əl-Yaməmə jurnalı ilə İslam Araşdırmaları Jurnalında dərc edilmişdir. Həmd Tək Allaha məxsusdur!…
These files are generated automatically from the book's text; their layout may differ from the printed edition.
Sehr və kahinliyin hökmü barəsində risalə.
Şeyx Abdüləziz bin Abdullah bin Baz
Allah ona rəhmət etsin!
Mərhəmətli və Rəhimli Allahın adı ilə.
Sehr, kahinlik və onlarla bağlı məsələlərin hökmü [1].
[1] Bu məqalənin bir hissəsi “Fətvalar və Müxtəlif Məqalələr Toplusu” kitabının üçüncü cildində “Sehr, kahinlik və onlarla bağlı məsələlərin hökmü” başlığı ilə nəşr olunmuşdur. Eyni zamanda bu məqalə tam şəkildə Rəyasət tərəfindən “Sehr və kahinliyin hökmü haqqında risalə” adı ilə ayrıca nəşr olunmuş və əl-Yaməmə jurnalı ilə İslam Araşdırmaları Jurnalında dərc edilmişdir.
Həmd Tək Allaha məxsusdur! Özündən sonra heç bir peyğəmbər olmayan Muhammədə salavat və salam olsun! Sonra:
Son dövrlərdə cadugərlik və kahinlik yolu ilə müalicə etdiyini iddia edən və özlərini həkim kimi təqdim edən falçıların çoxalması, onların bəzi ölkələrdə yayılması və sadəlövh, cəhalət içində olan insanları aldatmaları səbəbilə — Allaha və Onun bəndələrinə nəsihət etmək məqsədilə — bu məsələnin İslam və müsəlmanlar üçün nə qədər böyük təhlükə daşıdığını açıqlamağı zəruri bildim. Çünki bu kimi hallar insanın Allahdan qeyrisinə yönəlməsinə və Uca Allahın, eləcə də Onun Rəsulunun, salləllahu aleyhi va səlləm, əmrlərinə zidd hərəkət etməsinə səbəb olur.
Uca Allahdan yardım diləyərək deyirəm ki, ümumiyyətlə müalicə etmək alimlərin ittifaqına əsasən caizdir. Bir müsəlmanın daxili xəstəliklər, cərrahiyyə, sinir sistemi və ya buna bənzər sahələr üzrə bir həkimə müraciət edərək xəstəliyinin diaqnoz edilməsini və tibbi elmdə məlum olan, şəriətə uyğun halal dərmanlarla müalicə olunmasını təmin etməsi caizdir. Çünki bu, səbəblərdən yapışmaqdır və Allaha təvəkkül etməyə zidd deyildir. Uca Allah xəstəliyi nazil etmişdir, onun dərmanını da. Bunu bilən bilər, bilməyən də bilməz. Lakin Uca Allah, qullarının şəfasını onlara haram etdiyi şeylərdə qoymamışdır.
Bir xəstənin, xəstəliyini öyrənmək üçün qeybi bildiklərini iddia edən kahinlərin yanına getməsi caiz olmadığı kimi, onların dediklərinə inanması da caiz deyil. Çünki onlar qeybi ehtimallarla danışır və ya istədiklərinə nail olmaq üçün cinləri çağıraraq onlardan kömək almağa çalışırlar. Əgər qeybi bildiklərini iddia edirlərsə, onların hökmü küfr və azğınlıqdır. Müslim "Səhih" əsərində rəvayət etdiyi hədisdə Peyğəmbər, sallallahu aleyhi va səlləm, belə buyurmuşdur: "Kim bir baxıcının yanına gələrsə və ondan bir şey soruşarsa, qırx gün namazı qəbul olunmaz". Əbu Hureyrə, Allah ondan razı olsun, rəvayət edir ki, Peyğəmbər, sallallahu aleyhi va səlləm, belə buyurmuşdur: "Kim, bir kahinin yanına gəlib, onun dediklərini təsdiq edərsə, artıq Muhammədə nazil edilənə küfür etmişdir". Bu hədisi Əbu Davud rəvayət etmiş və "Dörd Sünən" kitabının müəllifləri də onu öz əsərlərində qeyd etmişdir. Əl-Hakim isə bu hədisi Peyğəmbərdən, sallallahu aleyhi va səlləm, səhih olaraq belə bir ifadə ilə rəvayət etmişdir: "Kim, falçının yaxud kahinin yanına gəlib, onun dediklərini təsdiq edərsə, artıq Muhammədə nazil edilənə küfür etmişdir". İmran bin Husayn, Allah ondan razı olsun, rəvayət edir ki, Allah Rəsulu, sallallahu aleyhi va səlləm, belə demişdir: "(Bəxti, uğuru öyrənmək iddiası ilə) Quş uçuran və ya bu məqsədlə (başqasına) quş uçuzduran, fala baxan və baxdıran, sehr edən və etdirən bizdən deyildir. Kim kahinin yanına gəlib, onun dediklərini təsdiq edərsə, artıq Muhammədə nazil edilənə küfür etmişdir". Hədisi Bəzzar "ceyyid" isnadla rəvayət etmişdir.
Bu mübarək hədislərdə falçıların, kahinlərin, sehrbazların və onlara bənzər kimsələrin yanına gəlib, onlara sual verməyin, dediklərini təsdiqləməyin qadağan olunduğu və belə bir əməli edən kimsənin əzabla hədələndiyi bildirilmişdir. Ona görə də idarəçilərin, məsul şəxslərin və bu sahədə səlahiyyəti və gücü olan digər insanların vəzifəsi — kahinlərə, falçılara və onlara bənzər şəxslərə getməyin qarşısını almaq, bu kimi işlərlə məşğul olanları bazar və digər ictimai məkanlarda fəaliyyətini qadağan etmək, onlara qarşı sərt şəkildə irad bildirmək, həmçinin onlara müraciət edənlərə qarşı da qəti şəkildə etiraz etməkdir. Onların bəzi məsələlərdə doğru danışmasına və ya yanlarına çox sayda insanın gəlməsinə aldanmaq olmaz. Çünki onların yanına gedən bu insanlar cahildir və onlara baxıb aldanmaq olmaz. Peyğəmbər, sallallahu əleyhi va səlləm, onların yanına getməyi, onlara sual verməyi və dediklərini təsdiqləməyi qadağan etmişdir. Bu, böyük günaha səbəb olmaqla yanaşı, ciddi təhlükələrə və ağır fəsadlara yol açır. Çünki onlar yalançı və fasiq insanlardır. Həmçinin bu hədislərdə kahin və sehrbazın kafir olduğuna dəlil vardır. Çünki onlar qeyb elmini bildiklərini iddia edirlər ki, bu da küfrdür. Bundan başqa, onlar məqsədlərinə yalnız cinlərə xidmət edib onları Allaha şərik qoşmaqla çatırlar ki, bu da Allah qarşı küfr və şirkdir. Onların qeyb barədə olan iddialarına inanan şəxs də onlar kimidir (yəni o da küfrə düşür). Hər kəs bu işlərlə məşğul olan şəxslərdən bu kimi şeyləri qəbul edərsə, Peyğəmbər, sallallahu əleyhi va səlləm, ondan uzaq olar. Bir müsəlmanın, onların müalicə adlandırdığı şeylərə, məsələn: talismanlarla pıçıldamaları, qurğuşun tökmələri və s. bu kimi etdikləri xurafatlara inanması (qəbul etməsi) icazəli deyil. Çünki bu, kahinlikdir və insanları aldatmaqdır. Kim buna razı olarsa, onların batil və küfr işlərinə kömək etmiş olar. Müsəlmanlardan kiminsə bu kimi insanların (kahin və falçıların) yanına gedərək, oğlunun və ya qohumunun kimlə evlənəcəyini, yaxud ər-arvadın və onların ailələri arasında olan sevgi və sədaqət ya da düşmənçilik və ayrılıq kimi məsələləri soruşması da icazəli deyildir.
Çünki bu, yalnız Uca Allahın bildiyi qeyb məsələlərindəndir.
Sehr küfr sayılan haramlardandır, Uca Allah Bəqərə surəsində iki mələk barəsində belə buyurur: (O iki mələk:) “Biz ancaq bir sınağıq, sən gəl kafir olma!”– deməmiş, onu heç kəsə öyrətmirdilər. (Yəhudilər) ərlə arvadı bir-birindən ayıracaq işləri onlardan öyrənirdilər. Lakin onlar Allahın izni olmadan heç kəsə zərər verə bilməzlər. Onlar özlərinə zərər verən və faydası olmayan şeyi öyrənirdilər. Onlar bilirdilər ki, bunu satın alan kimsələrin axirətdə heç bir payı yoxdur. Qarşılığında özlərini satdıqları şey necə də pisdir! Kaş (bunu) biləydilər! [2] [2] (Bəqərə 2 surəsi, ayə 102).
Bu mübarək ayələr sehrin küfr olduğunu və sehrbazların insanla həyat yoldaşı arasında ayrılıq saldıqlarını göstərir. Ayələr həmçinin sehrin özü-özlüyündə nə fayda, nə də zərər verə bildiyinə, o, yalnız Allahın kovni iradəsi və təqdirilə ilə təsir göstərdiyinə dəlalət edir. Çünki xeyri və şəri yaradan Uca Allahdır. Bu yalançıların — müşriklərdən miras aldıqları batil elmlərlə zəif düşüncəli insanları aldadanların — törətdikləri fəlakət böyük, gətirdikləri müsibət isə son dərəcə ağırdır. Həqiqətən, Biz, Allaha məxsusuq və biz Ona qayıdacağıq. Allah bizə yetər, O nə gözəl Vəkildir! Həmçinin bu ayə, sehr öyrənən kimsələrin özlərinə fayda verən şey deyil, əksinə ziyan verən şey öyrəndiklərinə, onların Allah yanında heç bir payı olmadığına (yəni: onların heç bir mükafata sahib olmayacaqlarına) dəlalət edir. Bu, çox ciddi bir xəbərdarlıqdır. Bu onların dünyada və axirətdə nə qədər böyük bir zərərə uğrayacaqlarını bildirir. Çünki onlar özlərini ən ucuz qiymətə satmışlar. Buna görə də Uca Allah onları bu əməllərinə görə qınamış və belə buyurmuşdur: "Qarşılığında özlərini satdıqları şey necə də pisdir! Kaş (bunu) biləydilər!" [3] Satmaq burada almaq mənasında istifadə olunur. [3] (Bəqərə 2 surəsi, ayə 102).
Biz Uca Allahdan sehrbazların, kahinlərin və digər sehrlə məşğul olanların şərindən əmin-amanlıq və salamatlıq diləyirik. Eyni zamanda, Uca Allahdan müsəlmanları onların şərindən qorumağını, insanların onların zərərlərindən və pis əməllərindən qurtulması üçün müsəlman hökmdarlarını onlardan ehtiyat etmələrini və onlar üzərində Allahın hökmünü yerinə yetirməyə müvəffəq etməsini diləyirik. Həqiqətən, O, Xeyirxah və Cömərddir.
Uca Allah, qullarına sehrin şərindən qorunmaq üçün sehir baş verməzdən əvvəl tətbiq etməli olduqları yolları müəyyən etmişdir. O, onlara sehr baş verdikdən sonra necə müalicə etməli olduqlarını da açıqlamışdır. Bütün bunlar Onun qullarına göstərdiyi mərhəmət, yaxşılıq və onlara olan nemətinin tamamlanmasıdır.
Aşağıda sehr baş verməzdən əvvəl onun təhlükəsindən qorunmaq və baş verdikdən sonra müalicə etmək üçün şəriət baxımından icazəli vasitələr açıqlanır.
Sehr baş verməzdən əvvəl onun təhlükəsindən qorunmaq üçün ən faydalı vasitə, şəriətə uyğun zikrlərlə, dualarla və varid olan ovsunlarla qorunmaqdır. Buna misal olaraq, hər fərz namazdan sonra salam verib, şəriətdə varid olan zikirləri söyləyib bitirdikdən sonra və həmçinin, yatmazdan əvvəl Ayətül-Kürsü ayəsinin oxunmasıdır. Ayətül-Kürsü ayəsi Qurani-Kərimin ən əzəmətli ayəsidir. Uca Allah bu ayədə belə buyurur: "Allah Özündən başqa (haqq) məbud olmayandır, (əbədi) Yaşayandır, (bütün yaratdıqlarının) Qəyyumudur. Onu nə mürgü, nə də yuxu tutar. Göylərdə və yerdə nə varsa, (hamısı) Ona məxsusdur. Allahın izni olmadan Onun yanında kim şəfaət edə bilər? O, (qullarının) gələcəyini və keçmişini bilir. Onlar Allahın elmindən Onun istədiyindən başqa heç bir şey qavraya bilməzlər. Onun Kürsüsü göyləri və yeri əhatə etmişdir. Bunları qoruyub saxlamaq Ona ağır gəlməz. O, Ucadır, Əzəmətlidir" [4]. [4] (Bəqərə 2 surəsi, ayə 255).
Bu zikirlər və dualar içərisində aşağıda sadalananların oxunması da vardır: "De: “O Allah Təkdir!" [5]. [5] (İxlas 112 surəsi, ayələr 1-4).
və "De: “Sığınıram sübhün Rəbbinə!" [6]. [6] (Fələq 113 surəsi, ayələr 1-5).
və "De: “Sığınıram insanların Rəbbinə!" [7]. Hər fərz namazdan sonra İxlas, Fələq və Nas surələrini oxumaq, həmçinin bu surələri günün əvvəlində – sübh namazından sonra, gecənin əvvəlində – məğrib namazından sonra və yatmazdan əvvəl üç dəfə oxumaq tövsiyə olunur. Bundan başqa, gecənin əvvəlində Bəqərə surəsinin son iki ayəsini oxumaq da qoruyucu vasitələrdəndir. Uca Allah bu iki ayədə belə buyurur: "Allahın rəsulu öz Rəbbindən ona nazil edilənə iman gətirdi, möminlər də, (iman gətirdilər). Hamısı Allaha, Onun mələklərinə, kitablarına və elçilərinə iman gətirdilər. (Onlar dedilər): “Biz Onun elçiləri arasında fərq qoymuruq!” (Həmçinin,) dedilər: “Eşitdik və itaət etdik! Ey Rəbbimiz, Səndən bağışlanma diləyirik, dönüş isə yalnız Sənədir!". Surənin sonuna qədər oxu. [8] (Bəqərə 2 surəsi, ayə 109). [7] (Nəs surəsi 114 surəsi, ayələr 1-6).
Rəsulullah, sallallahu əleyhi va səlləm, səhih bir hədisdə belə buyurmuşdur: "Kim gecə Bəqərə surəsinin son iki ayəsini oxuyarsa, ona yetər." Doğrusunu Allah bilir, hədisin mənası belədir. Yəni: Bu iki ayə, insanı hər bir pislikdən qorumağa kifayət edər. Bunlardan biri də, gecə və gündüz, həmçinin hər hansı bir yerdə, binada, çöldə, havada və ya dənizdə mənzil başına çatdıqda Allahın yaratdıqlarının şərindən Onun kamil kəlmələrinə çoxlu şəkildə sığınmaqdır. Peyğəmbər, sallallahu aleyhi və səlləm, bu barədə belə demişdir: "Kim bir mənzil başına çatıb: (أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ) [Əuzu bikəlimətilləhit-təmməti min şərri mə xaləq] - “Yaratdıqlarının şərindən Allahın kamil kəlmələrinə sığınıram” - duasını oxuyarsa, həmin yeri tərk edənə qədər ona heç bir şey zərər verməz". Bu dua və zikirlərdən biri də, müsəlmanın günün və gecənin əvvəlində üç dəfə bunu deməsidir: (بِسْمِ اللَّهِ الَّذِي لاَ يَضُرُّ مَعَ اسْمِهِ شَيْءٌ فِي الْأَرْضِ وَلاَ فِي السّمَاءِ وَهُوَ السَّمِيعُ الْعَلِيمُ)[Bismilləhi-l-ləzi lə yədurru məa-i-smihi şeyun fi-l-ardi va lə fi-s-səməi va huvə-s-səmiu-l-alimi] - «Adı çəkildikdə nə yerdə, nə də göydə heç bir şeyin zərər vermədiyi Allahın adı ilə! O, Eşidəndir, Biləndir!» Çünki Peyğəmbər, sallallahu aleyhi va səlləm, bu duanın oxunmasına həvəsləndirmiş və bunun insanı hər cür pislikdən qorumağa səbəb olduğunu bildirmişdir.
Bu zikrlər, dualar və ovsunlar, davamlı olaraq, ixlasla, imanla Allaha güvənərək və Ona arxalanaraq səmimi qəlbdən və onun dəlalət etdiyi mənalara qəlb genişliyi ilə əməl edənlər üçün, sehr və digər pisliklərdən qorunmağın ən böyük səbəblərindən biridir. Eyni zamanda bunlar, sehir baş verdikdən sonra onu aradan qaldırmaq üçün ən əzəmətli silahlardan biridir. Bununla yanaşı, Allaha çoxlu dua edərək, zərəri aradan qaldırmasını və çətinliyi uzaqlaşdırmasını diləmək lazımdır. Peyğəmbərdən, sallallahu aleyhi va səlləm, sehr və digər xəstəliklərin müalicəsində istifadə etməsi sabit olan dualardan biri də aşağıdakı dualardır. Peyğəmbər, sallallahu aleyhi va səlləm, bu dualarla səhabələrini ruqya (ovsun) edərdi: (اللهم رَبَّ النَّاسِ، أَذْهِبِ الْبَاسَ واشْفِ وَأَنْتَ الشَّافِي، لا شِفَاءَ إِلاَّ شِفَاؤُكَ، شِفَاءً لا يُغَادِرُ سَقَمًا) [Allahummə Rabbən-nas, əzhibil-bəs, vaşfi əntəş-Şəfi, lə şifə-ə illə şifəukə, şifə-ən lə yuğadiru səqamən] - "Ey insanların Rəbbi Allahım! Xəstəliyi aradan qaldır, şəfa ver! Şəfa verən yalnız Sənsən. Sənin şəfandan başqa heç bir şəfa yoxdur. Elə bir şəfa ver ki, heç bir xəstəlik qalmasın". Peyğəmbər, sallallahu aleyhi va səlləm, bu duanı üç dəfə deyərdi. Bunlardan biri də Cəbrailin Peyğəmbərə, sallallahu aleyhi va səlləm, oxuduğu ruqyadır. O, belədir: (بِسْمِ ٱللَّهِ أَرْقِيكَ مِنْ كُلِّ شَىْءٍ يُؤْذِيكَ وَمِنْ شَرِّ كُلِّ نَفْسٍ أَوْ عَيْنٍ حَاسِدٍ ۚ ٱللَّهُ يَشْفِيكَ بِسْمِ ٱللَّهِ أَرْقِيكَ) [Bismilləh arqikə min kulli şeyin yu'zhikə va min şərri kulli nəfsin av aynin həsidin, Allah yaşfikə, bismilləh arqikə] "Allahın adı ilə. Səni, sənə zərər verən hər şeydən və hər bir nəfsin yaxud həsəd edən gözün şərindən ruqyə edirəm. Allah sənə şəfa versin. Allahın adı ilə səni ruqyə edirəm". Bunu üç dəfə təkrarlasın.
Həmçinin sehir baş verdikdən sonra onun müalicə üsullarından biri də, budur. Əgər kişi, zövcəsi ilə cinsi əlaqədən məhrum edilibsə, onun üçün faydalı olan müalicələrdən biri də belədir. Yaşıl sidr ağacından yeddi yarpaq götürüb, bunları bir daş və ya ona bənzər bir şeylə əzib, sonra onları bir qaba qoyub və üstünə qüsl (bədən yuyulması) üçün kifayət edəcək qədər su töküb, sonra o suyun üzərində bu ayələri oxumaqdır: (Ayətül-Kürsi) Kürsü ayəsini və "De: “Ey kafirlər!" [9]. və "De: “O Allah Təkdir!" [10]. "De: “Sığınıram sübhün Rəbbinə!" [11]. və "De: “Sığınıram insanların Rəbbinə" [12]. və Əraf surəsində sehrlə bağlı olan ayələr. Bu, Uca Allahın aşağıda qeyd edilən ayələridir: "Biz Musaya: “Əsanı (yerə) at!”– deyə vəhy etdik. Elə bu an (əsa ilana çevrilib) onların düzəltdikləri şeyləri uddu. Beləliklə haqq üzə çıxdı, onların etdikləri isə batil oldu. (Sehrbazlar) orada məğlub oldular və rüsvay olaraq geri döndülər" [13]. Yunis surəsində olan ayələr. Bu, Uca Allahın aşağıda qeyd edilən ayələridir: "Firon: “Bütün bilikli sehrbazları yanıma gətirin!”– dedi. Sehrbazlar gəldikdə Musa onlara: “Nə atacaqsınızsa, atın!”– dedi. Onlar (əllərindəki ipləri və dəyənəkləri) atdıqda Musa: “Sizin gördüyünüz iş sehrdir. Həqiqətən, Allah onu boşa çıxaracaqdır. Çünki Allah fitnə-fəsad törədənlərin əməlini islah etməz”– dedi. Günahkarlar istəməsələr də Allah Öz kəlmələri ilə haqqı bərqərar edəcəkdir". və Ta-Ha surəsində olan ayələr: "Sehrbazlar dedilər: “Ey Musa! Ya sən (əvvəlcə əlindəkini) at, ya da birinci atan biz olaq!” (Musa) dedi: “Yox, siz atın!”. (Sehrbazlar əllərindəkiləri yerə atan kimi) sehrləri sayəsində ona elə gəldi ki, onların kəndirləri və çomaqları hərəkətə gəlib sürünür. Musa bunu görüncə içində bir qorxu hiss etdi. Biz dedik: “Qorxma, qalib gələn mütləq sən olacaqsan! Sağ əlindəkini yerə at, onların qurduqlarını udsun. Onların qurduqları sadəcə sehrbaz hiyləsidir. Sehrbaz isə, hara gedirsə-getsin, uğur qazanmaz”. [9] (Kafirun 109 surəsi, ayələr 1-6). [10] (İxlas 112 surəsi, ayələr 1-4). [11] (Fələq 113 surəsi, ayələr 1-5). [12] (Nəs 114 surəsi, ayələr 1-6). [13] (Əraf 7 surəsi, ayələr 117-119). [14] (Yunus 10 surəsi, ayələr 79-82). [15] (Ta-Ha surəsi, ayələr 65-69).
Bu ayələri suya oxuduqdan sonra o sudan üç qurtum içir, qalanı ilə isə bədən yuyunur və bununlada xəstəlik, Allahın izni ilə keçib gedir. Əgər xəstəlik aradan qalxana qədər bunu iki və ya daha çox dəfə təkrarlamağa ehtiyac yaranarsa, edə bilər və burada heç bir qəbahət yoxdur.
Amma sehrin müalicəsi cinlərə qurban kəsmək və ya onlara başqa cür yaxınlıq göstərmək yolu ilə edilərsə, bu, caiz deyildir. Çünki bu, şeytan əməlidir və böyük şirkə aiddir. Beləliklə, bundan çəkinmək vacibdir. Həmçinin, müalicə məqsədilə kahinlərə, baxıcılara və sehrbazlara müraciət etmək və onların dediklərinə inanmaq da caiz deyildir. Çünki onlar iman gətirmirlər. Onlar yalancı və günahkardırlar. Qeybi bildikləri iddia edib insanları aldadırlar. Bu risalənin əvvəlində bəyan edildiyi kimi Peyğəmbər, sallallahu əleyhi va səlləm, onların yanına getməkdən, onlardan soruşmaqdan və onların dediklərinə təsdiqləməkdən çəkindirmişdir. Səhih hədisdə rəvayət olunur ki, Peyğəmbərdən, sallallahu əleyhi va səlləm, "nuşra" (sehrin aradan qaldırılması üçün edilən əməl) barəsində soruşulduqda, o, belə buyurmuşdur: "Bu, şeytan əməlindən olan bir işdir". Hədisi İmam Əhməd və Əbu Davud "ceyyid" isnadla rəvayət etmişdir. Nuşra: Sehir edilmiş şəxsdən sehrin aradan qaldırılmasıdır. Peyğəmbərin, sallallahu əleyhi va səlləm, bu sözləri ilə məqsədi – cahiliyyə dövründə edilən nuşradır. Bu: sehrin aradan qaldırılması üçün sehrbazdan kömək istəmək və ya bir sehrin başqa bir sehrlə, başqa sehrbaz vasitəsilə aradan qaldırılması deməkdir.
Amma sehrin ruqyə, şəri dualar, ovsunlar və icazə verilən dərmanlarla aradan qaldırılmasına gəldikdə isə – bu, daha əvvəl də qeyd edildiyi kimi – heç bir qəbahət daşımır. Bu barədə alləmə İbn Qeyyim və Şeyx Əbdurrahman bin Həsən, Allah onlara rəhmət etsin, "Fəthul-Məcid" kitabında açıq şəkildə danışmışlar. Digər bir çox alimlər də bu məsələyə toxunmuşlar.
Uca Allahdan müsəlmanlara hər cür pislikdən afiyət verməsini, dinlərini qorumaqda onları müvəffəq etməsini, onlara dinlərini dərindən anlama qabiliyyəti bəxş etməsini və şəriətinə zidd olan hər bir şeydən onları uzaq tutmasını diləyirik. Allahın xeyir duası və salamı peyğəmbərimiz Muhammədin, onun ailəsinin və səhabələrinin üzərinə olsun!
Qadının ərinə sehr etməsi [16]
[16] Bu suala cavab hörmətli şeyxin ofisindən: 9/11/1387 hicri tarixində verilmişdir.
Mənə göndərdiyiniz ( ... / ... / ... ) tarixli məktubunuzu aldım. Allah sizi doğru yola yönəltsin. Məktubda qeyd etdiyiniz kimi, yeni həyat yoldaşınızla cinsi əlaqəyə girmək istədikdə başınıza gələn hadisələr, şeyxin yanına getməyiniz və onun sizə verdiyi cavablar, həmçinin əvvəlki həyat yoldaşınızın etdikləri və bunun yeni həyat yoldaşınızla cinsi əlaqəyə girməyinizə mane olmasının səbəbi barədə məlumat verdiniz. Bu mövzu ilə əlaqədar verdiyiniz sualın hökmü artıq məlum idi. "Kim gecə Ayətul-Kürsünü oxuyarsa, onun üzərində Allah tərəfindən bir qoruyucu mələk olar və səhərə qədər şeytan ona yaxınlaşa bilməz". Rəsulullah, sallallahu əleyhi va səlləm, başqa səhih bir hədisdə belə buyurmuşdur:
Cavab: Əgər əvvəlki həyat yoldaşınız bu əməli etiraf edibsə və ya bununla bağlı sübutlar varsa, o, böyük bir günah işləmişdir, hətta küfrə və azğınlığa düşmüşdür. Çünki bu əməli sehirdir. Sehirdə haramdır. Sehrbaz isə kafirdir. Uca Allah bu barədə belə buyurur: "Onlar Suleymanın səltənətində şeytanların oxuduqlarının ardınca getdilər. Süleyman kafir olmadı. Lakin şeytanlar sehri və Babildə Harut və Marut adlı iki mələyə nazil olanı insanlara öyrədərək kafir oldular. Mələklər: “Biz ancaq bir sınağıq, sən gəl kafir olma!”– deməmiş onu heç kəsə öyrətmirdilər. Yəhudilər ərlə arvadı bir-birindən ayıracaq işləri onlardan öyrənirdilər. Lakin onlar Allahın izni olmadan heç kəsə zərər verə bilməzlər. Onlar özlərinə zərər verən, faydası olmayan şeyləri öyrənirdilər. Onlar bilirdilər ki, onu əldə edən kimsə üçün axirətdə heç bir pay yoxdur. Nəfslərinin əvəzində satın aldıqları şey necə də pisdir! Kaş bunu biləydilər!". [17] Bu mübarək ayə sehrin küfr, sehrbazin isə kafir olduğuna dəlalət edir. Eyni zamanda sehrbazların özlərinə zərər verən, faydası olmayan şeylər öyrəndiklərini, onların məqsədlərindən biri də ər-arvad arasını ayrımaq olduğunu və bu işlə məşğul olanların Qiyamət gün Allah yanında heç bir payı olmayacağını — yəni qurtuluşa nail ola bilməyəcəklərini — bildirir. Rəsulullah, sallallahu əleyhi va səlləm, səhih bir hədisdə belə buyurmuşdur: "Həlak edən yeddi günahdan çəkinin!". (Səhabələr:) “Nədir onlar, ey Allahın rəsulu?” - deyə soruşdular. Peyğəmbər, salləllahu aleyhi va səlləm, buyurdu: “Allaha şərik qoşmaq, sehir etmək, Allahın haram buyurduğu canı haqsız yerə öldürmək, sələm yemək, yetimin malını yemək, döyüş meydanından qaçmaq və (zinadan) xəbəri olmayan namuslu və ismətli mömin qadınları zinada ittiham etmək". [17] (Bəqərə 2 surəsi, ayə 102).
Amma sənə dərmanı verən şeyx, görünür ki, o, qadın kimi sehrbazdır. Çünki sehrlə bağlı işləri yalnız sehrbazlar bilir. O, həm də qeybi bildiyini iddia edən çoxsaylı baxıcı, falçı və kahinlərdən biridir. Müsləmanın belə kimsələrdən çəkinməsi, onlardan ehtiyat etməsi və onların qeybi biliklərlə bağlı iddialarına inanmaması vacibdir. Çünki Peyğəmbər, sallallahu əleyhi va səlləm, belə buyurmuşdur: "Kim bir baxıcının yanına gedər və ondan bir şey soruşarsa, onun namazı qırx gün qəbul edilməz".
Hədisi Müslim "Səhih" əsərində rəvayət etmişdir. Peyğəmbər, sallallahu əleyhi va səlləm, həmçinin belə buyurmuşdur: "Kim, falçının yaxud kahinin yanına gəlib, onun dediklərini təsdiq edərsə, artıq Muhammədə nazil edilənə küfür etmişdir".
Sehrin müalicəsi üçün ən təsirli üsullardan biri, sehrin gizlədildiyi yerin, dağın və ya digər bir ərazinin müəyyən edilməsi üçün səy göstərməkdir. Əgər sehrin yer müəyyən olunub çıxarılıb məhv edilərsə, sehr batıl olar. Beləliklə, sənə etdiyin əmələ görə tövbə etmək və peşman olmaq vacibdir. Həmçinin, həmin şeyx və əvvəlki həyat yoldaşın barədə müvafiq tədbirlərin görülməsi üçün məhkəmə və digər məsul qurum rəhbərlərinə məlumat verməyin vacibdir. Əgər gələcəkdə belə bir hadisə təkrarlanarsa, şəriət alimlərinə müraciət et ki, onlar sənə şəriətə uyğun müalicəni izah etsinlər. Allah bizi və səni dini anlamağa, ona sadiq qalmağa və ona zidd olan şeylərdən qorunmağa müvəffəq etsin. Həqiqətən, O, Xeyirxah və Cömərddir.
Bu, sehrdən həm qorunmaq, həm də ondan müalicə olmaq üçün izahı müyəssər olan üsullardandır. Müvəffəqiyyət Allahdandır. Əssələmu aleykum və rahmətullahi və bərakətuh.
Sehrbazlar və cadugarlardan soruşmağın hökmü [18].
[18] Bu sual-cavablar «Nur Alə-d-Darb» adlı proqramdan götürülmüşdür.
Sual: ər-Riyaddan olan və adını S.A.B. baş hərfləri ilə qeyd edən qardaş sualında belə deyir: Yəmənin bəzi bölgələrində “əs-Sədət” adlanan insanlar vardır. Bu şəxslər sehr, cadugərlik və s. dinə zidd olan əməllər edirlər. Onlar, insanların müalicəsi mümkün olmayan xəstəliklərini sağalda bildiklərini iddia edirlər. Bunu isə xəncərlərlə özlərini yaralayaraq və ya dillərini kəsib sonra zərər görmədən yenidən əvvəlki halına qaytararaq sübut etməyə çalışırlar. Bu şəxslərin arasında namaz qılanlar da var, qılmayanlar da. Onlar özlərinə, öz nəslindən (tayfasından) olmayanlarla evlənməyi halal sayırlar, lakin başqalarına onların nəslindən biri ilə evlənməyi halal görmürlər. Xəstələrə dua edərkən isə: «Ya Allah! Ya filankəs!» — deyə öz babalarından birinin adını çəkirlər.
Əvvəllər insanlar onlara böyük hörmət göstərir, onları qeyri-adi insanlar hesab edir və Allahın yaxın bəndələri sayırdılar. Hətta onlara "Allah adamları" deyirdilər. İndi isə insanlar bu məsələdə iki yerə bölünüblər: Bir qismi — xüsusilə gənclər və bəzi savadlı olanlar — onlara qarşı çıxır, digərləri isə — əsasən yaşlılar və savadsızlar — hələ də onlara bağlı qalmağa davam edirlər. Sizdən bu məsələ ilə bağlı həqiqəti açıqlamağınızı xahiş edirik.
Cavab: Bu şəxslər və onlara bənzəyənlər, çirkin əməlləri və batil davranışları olan sufi təriqətlərinə mənsub insanlardandır. Onlar həmçinin, Peyğəmbərin, sallallahu əleyhi va səlləm, haqqında xəbər verdiyi baxıcılar və kahinlər qismindəndirlər: "Kim bir baxıcının yanına gedər və ondan bir şey soruşarsa, onun namazı qırx gün qəbul edilməz". Bu da onların qeybi bildiklərini iddia etmələri, cinlərə qulluq edib onlara ibadət etmələri və sehrin müxtəlif növləri ilə insanları aldatmaları səbəbilədir. Uca Allah bu barədə Musa ilə Fironun hekayəsində belə buyurmuşdur: (Musa) dedi: “(Əvvəl) siz atın!” Onlar (əllərindəkiləri yerə) atdıqda, insanların gözlərini sehrləyib canlarına qorxu saldılar və böyük bir sehr göstərdilər. [19] Onların (sehrbaz və falçıların) yanına getmək və onlardan soruşmaq icazəli deyil. Çünki bir Hədisi-Şərifdə Peyğəmbər, sallallahu əleyhi va səlləm, belə buyurmuşdur: "Kim, bir kahinin yanına gəlib, onun dediklərini təsdiq edərsə, artıq Muhammədə nazil edilənə küfür etmişdir". Başqa bir ləfizdə belə rəvayət olunur: "Kim, baxıcının yaxud kahinin yanına gəlib, onun dediklərini təsdiq edərsə, artıq Muhammədə nazil edilənə küfür etmişdir". [19] (Əraf 7 surəsi, ayə 116).
Abduləziz bin Abdullah bin Bazdan, hörmətli qardaşıma... Allahın salam, rəhməti və bərəkəti sizin üzərinizə olsun. Daha sonra: Amma onların Allahdan başqasına dua etmələri, Allahdan qeyrisindən kömək diləmələri yaxud atalarının və əcdadlarının ölü və ya qeybdə olmasından asılı olmayaraq, kainata təsir etdiklərini, xəstələri sağaltdıqlarını və dualara cavab verdiklərini iddia etmələri, bütün bunlar Allah qarşı küfr və böyük şirkdir. Onlara qarşı etiraz etmək, yanlarına getməmək, onlardan heç nə soruşmamaq və onlara inanmamaq vacibdir. Çünki onlar bu əməlləri ilə kahin və falçıların işlərini, eləcə də Allahdan başqasına ibadət edən müşriklərin əməllərini birləşdirmişlər. Onlar cinlərə, ölülərə və özlərini onlara nisbət edən, ataları və əcdadları olduqlarını iddia etdikləri yaxud "vilayət (övliyalıq) sahibi və kəramət (möcüzə) sahibi" olduqlarını söylədikləri şəxslərə dua edir və onlardan kömək diləyirlər. Halbuki bütün bunlar cadugərlik, kahinlik və İslamın pak şəriətində inkar edilən falçılıq əməllərindəndir.
Amma onların özlərini xəncərlə vurmaq və ya dillərini kəsmək kimi çirkin əməlləri isə insanları aldatmaqdan başqa bir şey deyildir. Bütün bunlar, daha əvvəl qeyd olunduğu kimi, Kitab və Sünnədə açıq şəkildə haram sayılan və uzaq durulması vacib edilən sehr növlərindəndir. Buna görə də, ağıllı bir insan belə şeylərə aldanmamalıdır. Bu əməllər, Uca Allahın Fironun sehrbazları haqqında xəbər verdiyi əməllərlə eyni mahiyyət daşıyır. Uca Allah buyurur: (Musa) dedi: “Yox, siz atın!” (Sehrbazlar əllərindəkiləri yerə atan kimi) sehrləri sayəsində ona elə gəldi ki, onların kəndirləri və çomaqları hərəkətə gəlib sürünür. [20] Bu kəslər bir tərəfdən sehr, cadugərlik, kahinlik və falçılığı, digər tərəfdən isə böyük şirk, Allahdan qeyrisindən yardım diləmə, kömək istəmə, qeybi bilmək və kainatı idarə etmək iddialarını özlərində birləşdirmişlər. Bütün bunla açıq-aşkar küfr və böyük şirkin çox sayda növləri, Uca Allahın haram buyurduğu cadugərlik əməlləri, eləcə də, yalnız Allahın bildiyi qeyb elminə dair yalan iddialardır. Uca Allah belə buyurmuşdur: De: “Allahdan başqa göylərdə və yerdə olanların heç biri qeybi bilməz". Onların halını bilən bütün müsəlmanların, onların yanlış davranışlarını inkar etmələri və bu əməllərin münkər olduğunu bildirmələri vacibdir. Əgər onlar İslam ölkəsində yaşayırlarsa, onların fitnələrini aradan qaldırmaq, müsəlmanları yalanlarından və hiylələrindən qorumaq, həmçinin şəriət baxımından layiq olduqları cəzaları almaları üçün vəziyyətlərini əmr sahiblərinə çatdırmaq da vacibdir. [21] (Nəml 27 surəsi, ayə 65). [20] (Ta-Ha surəsi, ayə 66).
Müvəffəqiyyət yalnız Allahdandır.
Cinlərdən istifadə edən xalq təbibi tərəfindən müalicə olunmaq. [40]
[40] İbn Bazın “Fətvalar və müxtəlif məqalələr toplusu” kitabı (5 c./ 418-420 s.).
Sual: Bəzi insanlar özlərini xalq təbabəti ilə müalicə edənlər kimi tanıdırlar. Mən onlardan birinin yanına getdim. O mənə dedi: "Adını və ananın adını yaz, sabah gəl". Ertəsi gün yenidən yanına gələn şəxsə: "Səndə filan xəstəlik var və müalicən belədir" — deyirlər. Onlardan biri belə deyir: "O müalicədə Allahın kəlamından istifadə edir". Belə insanlar haqqında sizin fikriniz nədir? Onların yanına getməyin hökmü nədir? Sual verən: S.A.Ğ. Hail bölgəsi.
Cavab: Kim müalicə zamanı bu cür işlərlə məşğul olursa, bu, onun cinlərdən istifadə etdiyinə və qeyb elmindən xəbər verdiyini iddia etdiyinə dəlalət edir. Belə kimsələrin yanına getmək, ondan müalicə almaq və ya ona sual vermək caiz deyil. Çünki Peyğəmbər, sallallahu aleyhi va səlləm, bu cür insanlar haqqında belə buyurmuşdur: "Kim bir baxıcının yanına gedər və ondan bir şey soruşarsa, onun namazı qırx gün qəbul edilməz". Hədisi Müslim öz "Səhih" əsərində rəvayət etmişdir.
Peyğəmbər, sallallahu aleyhi va səlləm, bir sıra hədislərində kahinlərin, baxıcıların və sehrbazların yanına getməyi, onlardan soruşmağı və onların dediklərinə inanmağı qəti şəkildə qadağan etmişdir. Peyğəmbər, sallallahu aleyhi va səlləm, belə buyurmuşdur: "Kim, bir kahinin yanına gəlib, onun dediklərini təsdiq edərsə, artıq Muhammədə nazil edilənə küfür etmişdir". Kim daş atmaq, dəniz balıqqulağı ilə fal açmaq, yerə xətlər çəkməklə yaxud xəstədən onun, anasının və ya yaxınlarının adını soruşmaqla qeyb elmini bildiyini iddia edirsə, bütün bunlar onun kahin və falçı olduğuna dəlalət edir. Peyğəmbər, sallallahu aleyhi va səlləm, isə belə kimsələrdən soruşmağı və onlara inanmağı qadağan etmişdir.
Ona görə də belə adamlardan – hətta Quranla müalicə etdiklərini iddia etsələr belə – uzaq durmaq, onlara sual verməmək və müalicə məqsədilə yanlarına getməmək vacibdir. Çünki batil əhli (azğın insanlar) adətən hiyləgərlik etməklə və insanları aldatmaqla məşğuldur. Ona görə də onların dediklərinə inanmaq olmaz. Kim belə insanları tanıyırsa, onları məsuliyyətə cəlb etmək üçün hökm sahiblərinə, hakimlərə, əmirlərə (rəhbərlərə) və ölkənin aidiyyəti qurumlarına (məsələn, dini nəzarət orqanlarına) məlumat verməsi vacibdir ki, onlar barəsində Allahın hökmü tətbiq olunsun və müsəlmanlar onların şərindən, fitnəsindən və insanların malını haqsız yolla mənimsəmələrindən qorunsunlar.
Kömək, qüvvət və güc ancaq Allahladır.
Sehrin şəri yolla müalicəsi [22].
[22] Bu sual-cavablar «Nur Alə-d-Darb» adlı proqramın 53-cü kasetindən götürülmüşdür.
Sual: Alimlərdən birinin belə dediyini eşitdim: "Əgər bir şəxs ona sehr edildiyini zənn edirsə, o, yeddi ədəd sidr yarpağı götürüb su dolu bir qabın içinə qoymalı, sonra da onun üzərinə bu iki surəni oxumalıdır:" Əl-Mu'avvizət (Fələq və Nas surələrini, və həmçinin İxlası). Ayətül-Kürsi ayəsini və Kafirun surəsini: De: “Ey kafirlər! Uca Allah buyurur: "Lakin şeytanlar sehri və Babildə Harut və Marut adlı iki mələyə nazil olanı insanlara öyrədərək kafir oldular". [23] Sual: Həmçinin: "Fatihə surəsi oxunmalıdır" — deyilənlər nə dərəcədə doğrudur? Sehr edildiyini zənn edən bir şəxs nə etməlidir? Bizi məlumatlandırın, Allah da sizi mükafatlandırsın. [23] (Bəqərə 2 surəsi, ayə 102).
Cavab: Şübhə yoxdur ki, sehr mövcuddur. Onun bir qismi sadəcə təsəvvür (gözbağcılığı) olsa da, (bəzi hallarda) həqiqətən baş verir və Allahın izni ilə təsir göstərir. Uca Allah sehrbazlar haqqında belə buyurmuşdur: "Onlar Süleymanın səltənəti barədə şeytanların oxuduqlarına uydular. (Halbuki) Süleyman kafir olmadı. Lakin şeytanlar sehri və Babildə Harut və Marut adlı iki mələyə nazil olanı insanlara öyrədərək kafir oldular. (O iki mələk:) “Biz ancaq bir sınağıq, sən gəl kafir olma!”– deməmiş, onu heç kəsə öyrətmirdilər". Yəni: iki mələk. “Biz ancaq bir sınağıq, sən gəl kafir olma!”– deməmiş, onu heç kəsə öyrətmirdilər. (Yəhudilər) ərlə arvadı bir-birindən ayıracaq işləri onlardan öyrənirdilər. Lakin onlar Allahın izni olmadan heç kəsə zərər verə bilməzlər" [24]. Sehrin təsiri var. Lakin bu təsir Allahın kainatda olan iradəsi və qədərilə baş verir. Çünki kainatda olan hər bir şey Uca Allahın qəza və qədəri ilə baş verir. Lakin bu sehrin müalicəsi və dərmanı da vardır. Hətta Peyğəmbər, sallallahu aleyhi va səlləm, özü də sehrə məruz qalmışdı, lakin Allah onu sehrdən qorudu və onun şərindən xilas etdi. Sehrbazın etdiyi tapıldı, sehr əşyaları götürülərək məhv (ibtal) edildi və Allah Peyğəmbərini bu bəladan sağaltdı. Allahın ona salavatı və salamı olsun. Eləcə də, əgər sehrbazın etdiyi işlər – iplərin düyünlənməsi, mismarların bir-birinə bağlanması və ya bu kimi digər üsullar – aşkar edilərsə, bu əməllər ləğv edilməli və məhv olunmalıdır. Çünki sehrbazların adəti, pis məqsədləri üçün düyünlərə üfürmək və onlara zərbə vurmaqdır. Bəzən onlar Allahın izni ilə məqsədlərinə nail olurlar, bəzən isə olmurlar. Uca və Müqəddəs Rəbbimiz isə hər şeyə qadirdir. Bəzən sehrin müalicəsi Qurani-Kərim oxunuşu ilə həyata keçirilir. Bu oxunuşu, əgər ağılı yerindədirsə, sehrə məruz qalan şəxs özü də edə bilər. Bəzən də başqasının oxuması ilə həyata keçirilir. Belə ki, müalicə edən şəxs Qurani-Kərim oxuyur, sonra oxuduğu ayələri həmin şəxsin üzərinə və ya bədəninin hər hansı bir üzvünə üfürür. Bu zaman sehrlənmiş insana aşağıda qeyd olunan surə və ayələr oxunur. Fatiha surəsi, Ayətül-Kürsi ayəsi, İxlas, Fələq və Nəs surələri, həmçinin Əraf, Yunis və Ta ha surələrindən məlum sehr ayələri. Əraf surəsindən olan ayədə Uca Allah belə buyurur: "Biz Musaya: “Əsanı (yerə) at!”– deyə vəhy etdik. Elə bu an (əsa ilana çevrilib) onların düzəltdikləri şeyləri uddu. Beləliklə haqq üzə çıxdı, onların etdikləri isə batil oldu. (Sehrbazlar) orada məğlub oldular və rüsvay olaraq geri döndülər) [25]. Yunis surəsindən olan ayədə Uca Allah belə buyurur: "Firon: “Bütün bilikli sehrbazları yanıma gətirin!”– dedi. Sehrbazlar gəldikdə Musa onlara: “Nə atacaqsınızsa, atın!”– dedi. Onlar (əllərindəki ipləri və dəyənəkləri) atdıqda Musa: “Sizin gördüyünüz iş sehrdir. Həqiqətən, Allah onu boşa çıxaracaqdır. Çünki Allah fitnə-fəsad törədənlərin əməlini islah etməz”– dedi. Günahkarlar istəməsələr də Allah Öz kəlmələri ilə haqqı bərqərar edəcəkdir) [26]. Ta ha surələrindən olan ayədə isə Uca Allah belə buyurur: (Sehrbazlar) dedilər: “Ey Musa! Ya sən (əvvəlcə əlindəkini) at, ya da birinci atan biz olaq!” (Musa) dedi: “Yox, siz atın!” (Sehrbazlar əllərindəkiləri yerə atan kimi) sehrləri sayəsində ona elə gəldi ki, onların kəndirləri və çomaqları hərəkətə gəlib sürünür. Musa bunu görüncə içində bir qorxu hiss etdi. Biz dedik: “Qorxma, qalib gələn mütləq sən olacaqsan! Sağ əlindəkini yerə at, onların qurduqlarını udsun. Onların qurduqları sadəcə sehrbaz hiyləsidir. Sehrbaz isə, hara gedirsə-getsin, uğur qazanmaz” [27]. Həmçinin bu surənidə oxunur: De: “Ey kafirlər!“. Sonuna qədər. Bu surənidə: De: “O Allah Təkdir!“. və De: “Sığınıram sübhün Rəbbinə!“. və De: “Sığınıram insanların Rəbbinə!“. Ən əfzəli, İxlas, Fələq və Nəs surələrini üç dəfə təkrarlamaq, sonra onun üçün şəfa diləyərək dua etməkdir. (اللهم رَبَّ النَّاسِ، أَذْهِبِ الْبَاسَ واشْفِ وَأَنْتَ الشَّافِي، لا شِفَاءَ إِلاَّ شِفَاؤُكَ، شِفَاءً لا يُغَادِرُ سَقَمًا): [Allahummə Rabbən-nas, əzhibil-bəs, vaşfi əntəş-Şəfi, lə şifə-ə illə şifəukə, şifə-ən lə yuğadiru səqamən] - "Ey insanların Rəbbi Allahım! Xəstəliyi aradan qaldır, şəfa ver! Şəfa verən yalnız Sənsən. Sənin şəfandan başqa heç bir şəfa yoxdur. Elə bir şəfa ver ki, heç bir xəstəlik qalmasın". Üç dəfə. Həmçinin, bu duanı oxuyaraq onu ruqyə edir: (بِسْمِ ٱللَّهِ أَرْقِيكَ مِنْ كُلِّ شَىْءٍ يُؤْذِيكَ وَمِنْ شَرِّ كُلِّ نَفْسٍ أَوْ عَيْنٍ حَاسِدٍ ٱللَّهُ يَشْفِيكَ بِسْمِ ٱللَّهِ أَرْقِيكَ): [Bismilləh arqikə min kulli şeyin yu'zhikə va min şərri kulli nəfsin av aynin həsidin, Allah yaşfikə, bismilləh arqikə] - "Allahın adı ilə. Səni, sənə zərər verən hər şeydən və hər bir nəfsin yaxud həsəd edən gözün şərindən ruqyə edirəm. Allah sənə şəfa versin. Allahın adı ilə səni ruqyə edirəm". Bu duanı üç dəfə təkrarlayır, sonra onun üçün şəfa və afiyət diləyərək dua edir. Əgər ruqyə edərkən belə desə: «أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ» [Əuzu bikəlimətilləhit-təmməti min şərri mə xaləq]: "Yaratdıqlarının şərindən Allahın tam kəlmələrinə sığınıram!" - və bunu üç dəfə təkrarlasa, yaxşı olar. [27] (Ta ha 20 surəsi, ayələr 65-69). [26] (Yunus 10 surəsi, ayələr 79-82). [25] (Əraf 7 surəsi, ayələr 117-119). [24] (Bəqərə 2 surəsi, ayə 102).
Bütün bunlar faydalı dərmandandır. Əgər bu ruqiyə və dua suya oxunub, daha sonra sehrlənmiş şəxs bu sudan içsə və qalanı ilə yuyunsa, bu, Allahın izni ilə şəfa və sağlamlıq səbəblərindən biri olar. Əgər həmin suya yeddi ədəd yaşıl sidr yarpağı döyülərək əlavə olunsa, bu da şəfa səbəblərindən sayılar. Bu üsul dəfələrlə sınaqdan keçirilib və Allah onunla şəfa vermişdir. Biz də bir çox insan üzərində bunu tətbiq etdik və Allah onların da halına bu vasitə ilə şəfa verdi. Bu, sehrə məruz qalmış insanlar üçün faydalı və təsirli bir dərmandır. Eyni zamanda, bu vasitə həyat yoldaşına yaxınlıq edə bilməyən şəxslər üçün də faydalıdır. Çünki bəzi insanlar elə bir hala düşürlər ki, həyat yoldaşları ilə cinsi cinsi əlaqəyə girməyə bilmirlər. Əgər o, bu ruqyəni və bu duanı oxuyarsa, Allahın izni ilə ona fayda verər. İstər bunu özünə oxusun, istər başqası ona oxusun ya da suya oxunub ondan içib qalan su ilə dəstəmaz alsın, bütün bunlar Allahın izni ilə sehrlənmiş və ya arvadı ilə cinsi cinsi əlaqəyə girə bilməyənlər üçün faydalıdır. Bu sadəcə səbəblərdən biridir. Şəfa verən isə yalnız Uca Allahdır. O, hər şeyə qadirdir. Dərman da, dərd də Onun əlindədir. Hər şey Onun hökmü və qədərilə baş verir. Rəsulullah, sallallahu əleyhi va səlləm, səhih bir hədisdə belə buyurmuşdur: "Allah, nə xəstəlik endirmişdirsə, onun şəfasınıda endirmişdir. Onun (xəstəliyin şəfasını) bilən bilir, bilməyən də bilmir".
Bu, Uca Allahın bir lütfüdür. Doğru yola yönəldən və müvəffəq edən yalnız Allahdır.
Cinlərin insan bədəninə daxil olması məsələsində həqiqətin izahı və bunu inkar edənlərə cavab [28].
[28] (3/11/1408) hicri tarixinədə şeyx Əli Tantaviyə göndərilmiş cavab məktubu.
Həmd yalnız Allaha məxsusdur! Salat və salam Peyğəmbərimiz Muhammədə, onun ailəsinə, səhabələrinə və onun yolunu tutub gedənlərin üzərinə olsun!
Daha sonra… Bu ilin Şaban ayında, yəni: 1407-ci hicri ilində, bəzi yerli qəzetlər və digər media orqanlarında ər-Riyad şəhərində baş vermiş bir hadisə ilə bağlı — həm qısa, həm də ətraflı — xəbərlər yayımlandı. Belə ki, bəzi müsəlman qadınların bədəninə cin daxil olmuş və həmin cin daha sonra mənim yanımda İslamı qəbul etdiyini bəyan etmişdi. Bu hadisə, cinə Qurani-Kərimin ayələri ilə ruqiyə oxuyan və onunla birbaşa ünsiyyət quran, ona Allahı xatırladaraq nəsihət edən, zülmün haram və böyük günahlardan olduğunu izah edən ər-Riyad şəhərində yaşayan qardaşımız Abdullah bin Müşrif əl-Uməri vasitəsilə baş vermişdi. Söhbət zamanı cinin buddist və kafir olduğunu öyrənən Abdullah onu İslam dininə dəvət etmiş, qadının bədənindən çıxmağa çağırmışdı. Cin, bu çağırışa müsbət cavab vermiş, dəvəti qəbul edərək Abdullahın yanında açıq şəkildə İslamı qəbul etdiyini bildirmişdi. Sonra adı çəkilən Abdullah və qadının yaxınları qadınla birlikdə mənim yanıma gəlib, cinin İslamı qəbul etməsini mənə birbaşa eşitdirmək istədiklərini bildirdilər. Onlar mənim yanıma gəldilər. Mən cindən qadının bədəninə daxil olma səbəblərini soruşdum, o isə səbəbləri bildirdi. Cin qadının dili ilə danışırdı, lakin səsi kişi səsi idi, qadının səsi deyildi. Qadın isə mənim yanımdakı kresloda oturmuşdu, onun qardaşı, bacısı, adı çəkilən Abdullah bin Müşrif və bəzi şeyxlər bu hadisəyə şahidlik edir və cinin danışığını eşidirdilər. O, açıq şəkildə İslamı qəbul etdiyini və Hindli, buddist bir dinə sahib olduğunu bildirdi. Mən ona Allahdan qorxmağı, bu qadının bədənindən çıxmağı və ona zülüm etməkdən uzaq durmağı tövsiyə etdim. O, buna cavab olaraq: "Mən İslamı qəbul etdim" – dedi. Mən ona, Allahın onu hidayətə yönəltdikdən sonra öz qövmünü İslama dəvət etməsini tövsiyə etdim. O, xeyr vəd edərək, qadını tərk etdi və sonuncu sözü: "əs-Sələmu Aleykum" – demək oldu. Sonra qadın öz adi səsi ilə danışdı, özünün təhlükəsiz, rahat hiss etdi və onun yorgunluğundan xilas oldu. O qadın bir ay və ya daha uzun bir müddətdən sonra, iki qardaşı, dayısı və bacısı ilə mənim yanıma gəldi və mənə özünün – Allaha həmd olsun – yaxşı və sağlam olduğunu və artıq cinin ona qayıtmadığını bildirdi. Mən qadından, cin onun bədənində olduğu zaman nə hisslər keçirdiyini soruşdum. O, Şəriətə qarşı pis fikirlər hiss etdiyini, buddist dininə meyil etdiyini və bu barədə yazılmış kitabları oxumağa maraq göstərdiyini cavab verdi. Allah qadını cindən xilas etdikdən sonra, bu fikirlər ondan getdi və o, əvvəlki vəziyyətinə, bu azğın fikirlərdən uzaq olan halına qayıtdı.
Mənə hörmətli şeyx Əli Təntavinin belə bir hadisənin baş verməsini inkar etdiyi barədə məlumat çatdı. O, bunun yalan və aldatmaq olduğunu və bunun qadınla yazılmış bir səs yazısı ola biləcəyini və qadın bu sözləri söyləmədiyini bildirdi. Mən onun bu sözlərinin yazıldığı kaseti tələb etdim və oradan deyilənlərin həqiqət olduğunu öyrəndim. Mən onun bunun yazılmış bir səs yazısı olduğunu güman etməsinə çox təəccübləndim, çünki mən cinə bir neçə sual verdim və o da həmin sualları cavablandırdı. Bu, ən çirkin səhvlərdən biridir və batili doğru saymağına bir misaldır. O, həmçinin sözündə cinin bir insanın vasitəsilə İslamı qəbul etməsinin, Uca Allahın Süleymanın hekayəsində buyurduğu sözə zidd olduğunu iddia edirdi: "O dedi: “Ey Rəbbim! Məni bağışla və mənə elə bir səltənət ver ki, məndən sonra heç kimə nəsib olmasın. Həqiqətən, Sən Bəxşedənsən" [29]. Şübhəsiz ki, bu onun tərəfindən edilən bir xətadır – Allah onu hidayət etsin – və batil bir anlayışdır. Çünki cinin insanın vasitəsilə İslamı qəbul etməsində Süleymanın duasına zidd olan heç nə yoxdur. Çünki Peyğəmbərin, sallallahu aleyhi va səlləm, vasitəsilə çox sayda cin İslamı qəbul etmişdir. [29] (Sad 38 surəsi, ayə 35).
Uca Allah bu məsələni Əhqaf və Cin surələrində açıq şəkildə izah etmişdir. Həmçinin, Səhih Buxari və Səhih Müslimdə Əbu Hureyrə, Allah ondan razı olsun, vasitəsilə rəvayət olunan hədisdə Peyğəmbər, sallallahu aleyhi və səlləm, belə buyurmuşdur: "Şeytan mənim qarşıma çıxdı və namazımı pozmaq üçün mənə hücum etdi. Lakin Allah onu mənə ram etdi və mən onu boğdum. Hətta onu sütuna bağlayıb səhər onu görmənizi istədim. Amma qardaşım Süleymanın, aleyhi-ssalam, bu sözünü xatırladım: "Ey Rəbbim! Məni bağışla və mənə elə bir səltənət ver ki, məndən sonra heç kimə nəsib olmasın" [30]. Allah onu rüsvay və xar edilmiş halda geri qaytardı". Bu, Buxarinin rəvayət etdiyi mətndir, Müslimin rəvayəti isə belədir: "Dünən gecə cinlərdən olan ifriyt, namazımı pozmaq üçün mənimlə mübarizə aparmağa çalışdı. Lakin Allah onu mənə ram etdi və mən onu boğdum. Hətta onu məscidin sütunlarından birinin yanına bağlayıb səhər hamınız onu görmənizi istədim. Sonra qardaşım Süleymanın bu sözünü xatırladım: "Ey Rəbbim! Məni bağışla və mənə elə bir səltənət ver ki, məndən sonra heç kimə nəsib olmasın" [31]. Allah onu rüsvay və xar edilmiş halda geri qaytardı". Nəsai, Buxarinin şərtinə uyğun olaraq, Aişədən, Allah ondan razı olsun, rəvayət edir ki, Peyğəmbər, sallallahu aleyhi və səlləm, namaz qılarkən ona şeytan yaxınlaşdı. Peyğəmbər, sallallahu aleyhi və səlləm, onu tutdu, yerə yıxdı və boğdu. Sonra Rəsulullah, sallallahu aleyhi və səlləm, belə buyurdu: "Hətta dilinin soyuqluğunu əlimdə hiss etdim. Əgər Süleymanın duası olmasaydı, o, bağlı vəziyyətdə qalardı və insanlar onu görərdi". Hədisi Əhməd və Əbu Davud Əbu Səid əl-Xudridən, Allah ondan razı olsun, rəvayət etmişdir və orada belə deyilir: “Əlimi ona uzatdım və onu boğmağa başladım, hətta bu iki barmağım — baş barmağım və onun yanındakı barmağın — arasında ağız suyunun soyuqluğunu hiss etdim". İmam Buxari Səhih əsərində (Fəthul-Bari, cild 4, səhifə 487) Əbu Hureyrədən, Allah ondan razı olsun, mualləq (yəni sənədsiz) lakin qəti ifadə ilə (cəzm üslubunda) belə bir rəvayət nəql etmişdir: (Bir dəfə) Peyğəmbər, sallallahu aleyhi və səlləm, Ramazan ayında yığılmış zəkatı qorumağı mənə tapşırdı. Bu zaman bir nəfər gəldi və ərzaqdan ovuclayıb yığmağa başladı. Mən onu yaxalayıb dedim: Vallahi, mən səni mütləq Peyğəmbərin, sallallahu aleyhi və səlləm, yanına aparacağam. O yalvarıb: Mən buna möhtacam, mənim külfətim var, özümün də (bu yeməyə) olduqca ehtiyacım var – dedi, mən də onu buraxdım. Ertəsi gün Peyğəmbər, sallallahu aleyhi və səlləm, məndən soruşdu: "Ey Əbu Hureyra! Tutduğun əsir nə etdi?". Mən dedim: Ya Rəsulallah! O (mənə) həm ehtiyaclı, həm də külfət sahibi olduğundan gileyləndi. Buna görə də mənim ona yazığım gəldi və onu buraxdım. Peyğəmbər, sallallahu aleyhi və səlləm, dedi: “O sənə yalan danışıb və o yenə qayıdacaq. Mən bilirdim ki, o qayıdacaq, çünki Peyğəmbər, sallallahu aleyhi və səlləm: "...o yenə qayıdacaq" – deyə xəbər vermişdi. Odur ki, pusquda durub onu gözlədim. O, yenə gəlib ərzaqdan ovuclayaraq yığmağa başladı. Mən onu yaxalayıb dedim: "Səni mütləq Peyğəmbərin, sallallahu aleyhi və səlləm, yanına aparacağam. O yalvarıb dedi: Burax məni! Doğrudan da, mən buna möhtacam və mənim külfətim var. (Söz verirəm ki,) bir daha (bura) qayıtmayacağam. Mənim ona yazığım gəldi və mən yenə onu buraxdım. Ertəsi gün Peyğəmbər, sallallahu aleyhi və səlləm, məndən soruşdu: "Ey Əbu Hureyra! Dünən tutduğun əsir nə etdi?". Mən dedim: Ya Rəsulallah! O, (mənə) həm möhtac, həm də külfət sahibi olduğundan giley-güzar elədi. Buna görə də mənim ona yazığım gəldi və mən onu buraxdım. Peyğəmbər, sallallahu aleyhi və səlləm, dedi: "O sənə yalan danışıb və o yenə qayıdacaq". Mən üçüncü dəfə pusquda dayanıb onu gözlədim. O, yenə gəlib ərzaqdan ovuclayaraq yığmağa başladı. Mən onu yaxalayıb dedim: Mən səni mütləq Peyğəmbərin, sallallahu aleyhi və səlləm, yanına aparacağam. Artıq üçüncü dəfədir ki, sən qayıtmayacağına söz verir, sonra da qayıdırsan. O yalvarıb dedi: Məni buraxsan, sənə elə sözlər öyrədərəm ki, Allah onların vasitəsilə sənə fayda verər. Mən: O nə sözdür? – deyə soruşdum. O dedi: Yatağına uzananda Kürsü – {الله لا إله إلا هو الحي القيوم} "Allah, Ondan başqa ilah yoxdur, əbədi Yaşayandır, bütün yaratdıqlarının Qəyyumudur..." [32] – ayəsini axıra qədər oxu. Əgər bunu etsən, səhər yuxudan oyananadək sənin yanında Allahın təyin etdiyi gözətçi (bir mələk) durar və şeytan sənə yaxınlaşmaz. Mən yenə onu buraxdım. Səhəri gün Peyğəmbər, sallallahu aleyhi və səlləm, məndən soruşdu: "Dünən tutduğun əsir nə etdi?". Mən dedim: Ya Rəsulallah! O, Allahın izni ilə mənə faydası olacaq sözlər öyrədəcəyini söylədi və mən də onu buraxdım. Peyğəmbər, sallallahu aleyhi və səlləm: "Nədir o?" – deyə soruşdu. Mən dedim: O mənə söylədi ki, yatağına uzananda Kürsü – {الله لا إله إلا هو الحي القيوم} - "Allah, Ondan başqa ilah yoxdur, əbədi Yaşayandır, bütün yaratdıqlarının Qəyyumudur..." – ayəsini əvvəldən axıra qədər oxu. Əgər bunu etsən, səhər yuxudan oyananadək sənin yanında Allahın təyin etdiyi gözətçi (bir mələk) durar və şeytan sənə yaxınlaşmaz. Səhabələr xeyirli işlərə ən çox can atan insanlar idi. Peyğəmbər, sallallahu aleyhi və səlləm, dedi: "O sənə doğru söylədi, halbuki özü qatı yalançıdır. Sən üç gecədir kiminlə söhbət etdiyini bilirsənmi, ey Əbu Hureyra?". Mən: Xeyr! – deyə cavab verdikdə, Peyğəmbər, sallallahu aleyhi və səlləm, dedi: "O, şeytan idi!". [31] (Sad 38 surəsi, ayə 35). [32] (Bəqərə 2 surəsi, ayə 255). [30] (Sad 38 surəsi, ayə 35).
Buxari və Müslimin Safiyyədən, Allah ondan razı olsun, rəvayət etdikləri səhih hədisdə Peyğəmbər, səlləllahu əleyhi va səlləm, belə demişdir: "Şeytan, Adəm oğlunun damarlarında qanın axdığı kimi gəzib dolaşır".
İmam Əhməd Müsnəd əsərində (cild 4, səh. 216) səhih isnadla rəvayət edir ki, Osman bin Əbi əl-Əs, Allah ondan razı olsun, dedi: Ya Rəsulallah! Şeytan mənim namazımla və qiraətimi arasına girib maneə törədir. Peyğəmbər, səlləllahu əleyhi va səlləm, ona belə buyurdu: "Bu Xinzəb deyilən şeytandır. Onu hiss etdiyin an ondan Allaha sığın və sol tərəfinə üç dəfə (yavaşca) tüpür". Osman dedi ki: Mən elə etdim, İzzət və Cəlal sahibi Allah da onu məndən uzaqlaşdırdı. Peyğəmbərdən, sallallahu əleyhi va səlləm, rəvayət olunan səhih hədislərdə bildirildiyinə görə, hər bir insanın yanında bir mələk və bir şeytan yoldaşı vardır. Bu, Peyğəmbərin, sallallahu əleyhi va səlləm, haqqında da belədir. Lakin Allah, peyğəmbərə, sallallahu əleyhi va səlləm, şeytanına qarşı yardım etmiş və onu şeytanın şərindən və fitnəsindən qorumuşdur (bəzilərinə görə isə, həmin şeytan iman gətirib müsəlman olmuşdur). Artıq o (şeytan), Peyğəmbərə, sallallahu əleyhi va səlləm, yalnız yaxşı işləri əmr edir. Uca Allahın Kitabı, rəsulunun, sallallahu əleyhi va səlləm, Sünnəsi və ümmətin İcması cinin insan bədəninə daxil olmasının və onu [yerə] yıxmasının mümkünlüyünə dəlalət edir. Belə olan halda, elm sahibi olduğunu iddia edən bir şəxsin bu həqiqəti heç bir dəlilə və doğru yola əsaslanmadan – sadəcə bəzi bidət əhlinin, yəni əhli sünnə və camaata müxalif olanların sözlərini təqlid edərək – inkar etməsi necə qəbul edilə bilər? Kömək yalnız Allahdandır. Qüvvət və güc ancaq Allahladır. Ey dəyərli oxucu! Mən, inşəAllah, bu mövzu ilə bağlı alimlərin sözlərindən imkan daxilində bəzilərini sənə təqdim edəcəyəm.
Uca Allahın bu ayəsi haqqında təfsir alimlərinin (Allah onlara rəhmət etsin) sözlərinin izahı. "Sələm yeyənlər (qəbirlərindən), şeytan toxunmuş dəlinin qalxdığı kimi qalxarlar" [33]. [33] (Bəqərə 2 surəsi, ayə 275).
Əbu Cəfər bin Cərir, Allah ona rəhmət etsin, Uca Allahın bu ayəsinin təfsiri barədə belə demişdir: "Sələm yeyənlər (qəbirlərindən), şeytan toxunmuş dəlinin qalxdığı kimi qalxarlar" [34]. Mətnin ifadəsi belədir: Yəni: Uca Allah bununla şeytanın onu (insanı) dünyada dəli etməsini, ağlını və bədən əzalarını korlamasını qəsd edir. Yəni şeytan onu boğur və yerə yıxır. Ərəb dilində: «məss» (Toxunmaq) isə — dəlilik, yəni: cin vasiləsi ilə dəli olmaq deməkdir. [34] (Bəqərə 2 surəsi, ayə 275).
Bəğavi, Allah ona rəhmət etsin, qeyd olunan ayənin təfsiri barədə belə demişdir: Mətnin ifadəsi belədir: "Sələm yeyənlər (qəbirlərindən), şeytan toxunmuş dəlinin qalxdığı kimi qalxarlar" [35]. Yəni: Bu, dəlilik deməkdir. Ərəblər, bir adam dəli olduqda: "ona cin toxunub", yəni: "onda toxuntu (məss) var" — deyirlər. [35] (Bəqərə 2 surəsi, ayə 275).
İbn Kəsir, Allah ona rəhmət etsin, həmin ayənin təfsiri barədə belə demişdir: Mətnin ifadəsi belədir: "Sələm yeyənlər (qəbirlərindən), şeytan toxunmuş dəlinin qalxdığı kimi qalxarlar" [36]. Yəni: Onlar Qiyamət günü qəbirlərindən ancaq şeytanın vurub və yerə sərdiyi, cin vuran dəli bir adamın qalxdığı kimi qalxacaqlar. Çünki o, qeyri-təbii, çaşqın və qəribə bir şəkildə ayağa qalxacaqdır. İbn Abbbas, Allah ondan razı olsun, belə demişdir: "Sələm yeyən (şəxs) Qiyamət günü dəli və boğulan bir halda dirildiləcəkdir". Əsəri İbn Əbi Hatim rəvayət etmişdir. Həmçinin bu məzmunda rəvayətlər: [36] (Bəqərə 2 surəsi, ayə 275).
'Auf bin Malik, Səid bin Cubeyr, əs-Suddi, ər-Rəbi' bin Ənəs, Qətadə və Muqatil bin Həyyəndən da nəql olunmuşdur. Sözünün əsas məqamı burada tamamlanır. Allah ona rəhmət etsin.
Qurtubi, Allah ona rəhmət etsin, öz təfsir kitabında Uca Allahın bu ayəsi barədə belə demişdir: "Sələm yeyənlər (qəbirlərindən), şeytan toxunmuş dəlinin qalxdığı kimi qalxarlar" [37]. Bu ayə, cinin insana təsir edib onu yerə yıxmasını inkar etməyin əsassız və batil olduğunu sübut edən bir dəlildir. Eyni zamanda, bu hadisələri sırf təbii səbəblərlə izah edən və şeytanın insana nüfuz etmədiyini, ona toxunaraq təsir göstərmədiyini iddia edənlərin görüşlərini də rədd edir. Təfsir alimlərinin bu mənada çoxsaylı izahları və açıqlamaları vardır. Bu barədə məlumat əldə etmək istəyən şəxs, onları asanlıqla tapar. [37] (Bəqərə 2 surəsi, ayə 275).
Şeyxül-İslam bin Teymiyyə, Allah ona rəhmət etsin, Məcmu əl-Fətava cild 19, səhifə 9-dan 65-ə qədər olan hissədə yer alan "İydah əd-Dilələh fi umum ər-risələh lis-səqaleyin" adlı kitabında əvvəlki sözlərdən sonra belə buyurur: Bu səbəbdən, əl-Cubbəi və Əbu Bəkr ər-Razi kimi bəzi mötəzilə alimləri, cinlərin varlığını inkar etməsələr də, amma cinin özündən gedən insanın bədəninə girməsini inkar etmişlər. Çünki belə bir halın Peyğəmbərdən, sallallahu əleyhi va səlləm, bu şəkildə nəql edilməsi görünməmişdir. Halbuki, onlar bu məsələdə səhv edirlər. Buna görə də, Əbul-Həsən əl-Əşari, "Məqalət Əhlis-Sünnə va-l-Cəmaat" kitabında qeyd edir ki: "Onlar cinin, Uca Allahın dediyi kimi, özündən gedən insanın bədəninə girməsini qəbul edirlər:" "Sələm yeyənlər (qəbirlərindən), şeytan toxunmuş dəlinin qalxdığı kimi qalxarlar" [38]. Abdullah bin Əhməd bin Hənbəl dedi: Atama dedim: Bəziləri cinin, insan bədəninə daxil olmadığını iddia edir. O isə belə cavab verdi: Ey oğlum! Onlar yalan danışırlar. O (cin) insanın dili ilə danışır və bu məsələ aid olduğu kitablarda geniş şəkildə izah edilmişdir. Şeyxül-İslam bin Teymiyyə, Allah ona rəhmət etsin, Məcmu əl-Fətava kitabının 24-cü cildinin, 276-277-ci səhifələrində belə buyurmuşdur: "Cinlərin mövcudluğu Allahın Kitabında, peyğəmbərin, sallallahu əleyhi və səlləm, sünnəsində və Ümmətin əvvəlki nəsillərinin və onların imamlarının icması ilə sübuta yetmişdir. Həmçinin, cinin insan bədəninə daxil olması da Əhlis-Sünnə va-l-Cəmaat imamlarının icması ilə təsdiqlənmişdir". Uca Allah belə buyurmuşdur: "Sələm yeyənlər (qəbirlərindən), şeytan toxunmuş dəlinin qalxdığı kimi qalxarlar" [39]. Səhih hədislərdə Peyğəmbərdən, sallallahu əleyhi va səlləm, belə rəvayət olunmuşdur: "Şeytan, Adəm oğlunun damarlarında qanın axdığı kimi gəzib dolaşır". [39] (Bəqərə 2 surəsi, ayə 275). [38] (Bəqərə 2 surəsi, ayə 275).
Abdullah bin Əhməd bin Hənbəl belə demişdir: Atama dedim: Bəziləri cinin, özündən gedən insanın bədəninə daxil olmadığını deyirlər. O, belə dedi: Ey oğlum! Onlar yalan danışırlar. Axı insanın dili ilə danışan elə odur – cindir. Onun söylədiyi bu hal, məlum bir haldır. Belə ki, cin insanı vurub yerə yıxır, bəzən də onun dili ilə mənası bilinməyən bir dildə danışır. Eyni zamanda, cinin daxil olduğu şəxsin bədəninə o qədər şiddətli zərbələr endirilir ki, əgər bu zərbələr bir dəvəyə vurulsaydı, onun üzərində böyük iz buraxardı. Lakin özündən gedən insan nə bu zərbələri hiss edir, nə də dediyi sözləri xatırlayır. Bəzən belə biri ətrafındakı insanı da dartıb sürüyə bilir.
Müsəlman alimləri arasında cinin özündən getmiş (cin vurmuş) insanın bədəninə daxil olmasını inkar edən yoxdur. Kim bunu inkar edər və şəriətin bunu yalan saydığını iddia edərsə, o zaman şəriətə iftira atmış olar. Çünki şəri dəlillər arasında bunu təkzib edən heç bir dəlil yoxdur".
İmam İbn Qayyim, Allah ona rəhmət etsin, "Zədul-Məad fi hədyi xayril-İbad" adlı kitabının 4-cü cildində, səhifə 66-69-da belə buyurur: Özündən getmənin iki növü vardır: Birincisi – yerə bağlı olan xəbis ruhların (yəni cinlərin) səbəb olduğu özündən getmədir. İkincisi isə – bədəndəki zərərli mayelərin və maddələrin təsiri ilə baş verən özündən getmədir. Həkimlərin səbəbi və müalicəsi barədə danışdığı növ, məhz bu ikinci növdür.
Ruhların (cinlərin) səbəb olduğu özündən getməyə gəlincə: onların (yəni: həkimlərin) imamları və ağıllıları bunu qəbul edir və inkar etmirlər. Onlar həmçinin bunun müalicəsinin, həmin şər və xəbis ruhlara qarşı yaxşı, şərəfli və ali ruhların (mələklərin) qarşıdurması ilə mümkün olduğunu da qəbul edirlər. Bu yaxşı ruhlar şər ruhların təsirlərini əngəlləyir, hərəkətlərini zərərsizləşdirir və batil edir. Bu barədə (qədim yunan həkimi olan) Buqrat bəzi əsərlərində açıq şəkildə yazmış və özündən getmə bəzi müalicə üsullarını qeyd edərək belə demişdir:
"Bu, yalnız bədəndəki zərərli mayelər və maddələr səbəbilə baş verən özündən getmə üçün faydalıdır. Amma şər ruhlardan (cinlərdən) qaynaqlanan özündən getmə gəlincə, bu müalicə ona təsir etməz".
Amma cahil, habelə səviyyəsiz, alçaq və zındıqlığı fəzilət sayan həkimlərə gəldikdə isə onlar şər ruhlardan (cinlərdən) qaynaqlanan özündən getməni inkar edirlər. Onlar şər ruhların insan bədəninə təsir etdiyini qəbul etmirlər. Halbuki onların bunu inkar etmələrinin yeganə səbəbi cəhalətdir. Çünki nə tibbi elmdə, nə də müşahidə edilən reallıqda bunu təkzib edən hər hansı bir dəlil yoxdur. Onların bu hadisələri sadəcə bədəndəki müəyyən mayelərin çoxalması ilə izah etmələri bəzi hallarda doğru olsa da, lakin bu bütün hallara şamil edilə bilməz". İbn Qayyim sözünə davam edərək belə deyir: Zındıq olan həkimlər ortaya çıxıb sadəcə bədəndəki müəyyən mayelərin çoxalması səbəb olduğu özündən getməni qəbul etdilər. Halbuki ağılı və bu şər ruhların təsiri haqqında bilgisi olan bir kəs, bu cahillərə və onların zəif düşüncələrinə ancaq gülər.
Bu növ özündən getmənin müalicəsi iki yolla aparılır: Biri, özündən gedən şəxsin özü ilə bağlıdır, digəri isə onu müalicə edən şəxslə. Özündən gedən şəxsin tərəfində isə bu, onun ruhən güclü olması, qəlb və dilin birgə razılığı ilə bu ruhların Yaradıcısına olan Uca Allaha ixlasla yönəlməsi və səmimi şəkildə Ona sığınması ilə mümkündür. Çünki bu, bir növ mübarizədir. Döyüşən bir kəsin düşməni üzərində üstünlük qazanması isə yalnız iki amillə mümkündür: Birincisi: Silahın özünün yararlı və keyfiyyətli olması. İkincisi: Onu tutan qolun güclü olması. Bu iki şərtdən biri olmadıqda silah çox fayda verməz. Əgər hər ikisi yoxdursa, o zaman vəziyyət daha da pis olar. Belə bir durumda insanın qəlbi tövhid, təvəkkül, təqva və ixlasla Allaha yönəlmək baxımından viran qalmış olar və bu halda onun heç bir silahı olmaz.
İkinci tərəf isə müalicə edən şəxslə bağlıdır. Onda da eyni iki xüsusiyyət (yəni: düzgün silah və güclü iradə) mövcud olmalıdır. Hətta elə müalicə edənlər var ki, yalnız: "Ondan çıx!' yaxud "Bismilləh" (Allahın adı ilə) və ya "Lə həvlə və la quvvatə illə billəh" (Güc və qüvvət yalnız Allahdandır) deməklə kifayətlənirlər. Peyğəmbər, sallallahu aleyhi va səlləm, isə belə deyərdi: "Çıx Allahın düşməni! Mən Allahın elçisiyəm!".
"Mən Şeyximizin (Şeyxül-İslam bin Teymiyyəni) özündən getmiş insana, onun içindəki ruha (cinə) xitab etmək üçün bir nəfər göndərdiyini gördüm. O şəxs ruha belə deyirdi: "Şeyx sənə deyir: Buranı tərk et! Çünki bu sənə halal deyil". Bunun ardınca özündən gedən insan ayılırdı. Bəzən Şeyx özü birbaşa ruhla danışırdı. Bəzən isə ruh asi və inadkar olurdu, o zaman Şeyx onu döyərək çıxarırdı. Xəstə ayılırdı, lakin heç bir ağrı-acı hiss etmirdi. Artıq biz də, başqaları da bunu ondan (Şeyximizdən) dəfələrlə müşahidə etmişik. İbn Qayyim sözünə davam edərək belə deyir: Ümumiyyətlə, bu növ özündən getməni və onun müalicəsini yalnız elm, ağıl və bilik baxımından payı az olan kəslər inkar edir. Əksər hallardan, şər ruhların bir insana təsir etməsi, onların dinlərinin zəif olması, qəlblərinin və dillərinin zikr və ovsunlardan, Peyğəmbərdən, sallallahu aleyhi va səlləm, varid olan imanlı dua və zikirlərdən məhrum olmaları ilə bağlıdır. Beləliklə, şər ruhlar həmin şəxsi silahsız, bəzən çılpaq halda rast gəlir və ona təsir edir. İbn Qayyimin, Allah rəhmət etsin, sözü burada başa çatdı.
Qeyd etdiyimiz şəri dəlillər və Əhlis-Sünnə va-l-Cəmaat alimlərinin cinin insana daxil olmasının caiz (mümkün) olması barədə ittifaqı ilə oxuculara, bunu inkar edənlərin sözlərinin batil olduğu və bu məsələdə hörmətli şeyx Əli Tantavinin yanıldığı aydın olur.
O, sözündə haqqa yönəldildiyi təqdirdə ona qayıdacağını vəd etmişdi. Ümid edirik ki, qeyd etdiklərimizi oxuduqdan sonra doğruya dönər. Biz Allahdan həm özümüz, həm də onun üçün hidayət və müvəffəqiyyət diləyirik. Yuxarıda qeyd etdiklərimizdən həmçinin aydın olur ki, "ən-Nədva" qəzetinin 14.10.1407-ci il hicri tarixli sayının, 8-ci səhifəsində dərc etdiyi, Dr. Məhəmməd İrfanın "dəlilik" (cunun) sözünün tibbi terminologiyadan çıxarıldığı və cinin insana daxil olması, onun dili ilə danışması məsələsinin elmi baxımdan yüz faiz yanlış olduğu iddiası, əsassızdır. Bütün bu iddialar batildir və bunların səbəbi şəriət elmlərindən xəbərsiz olmaq və həmçinin Əhlis-Sünnə va-l-Cəmaat alimlərinin bu mövzu ilə bağlı ortaya qoyduğu əsasları bilməməkdir. Əgər bu məsələ bir çox həkimlərə gizli qalıbsa, bu, onun mövcud olmadığına dəlil sayıla bilməz. Əksinə, bu, onların dini məsələlərdə doğru və etibarlı, dürüstlük və dini dəyərlərə bələd olan alimlərin bildiklərindən - böyük şəkildə xəbərsiz olduqlarına dəlalət edir. Üstəlik bu məsələ, Əhlis-Sünnə va-l-Cəmaatın ittifaq etdiyi bir məsələdir. Bu məsələni Şeyxül-İslam bin Teymiyyə bütün alimlərdən nəql etmişdir. Əbul-Həsən əl-Əşarinin də bu məsələni Əhlis-Sünnə va-l-Cəmaat alimlərindən nəql etdiyi bildirilmişdir. Həmçinin bu məsələ Əbul-Həsən əl-Əşaridən, hicri tarixlə 799-cu ildə vəfat etmiş hənəfi məzhəbinə mənsub böyük alim Əbu Abdullah Muhamməd bin Abdullah əş-Şibli tərəfindən də nəql olunmuşdur. O, bunu "Əkəmul-Mərcən fi ğaraib əl-əxbar və əhkəmul-Cəən" adlı əsərinin 51-ci fəslində qeyd etmişdir.
Daha əvvəl İbn Qeyyimin, Allah ona rəhmət eləsin, sözündə qeyd olunduğu kimi, tibb elminin böyük alimləri və ağıllı şəxsləri bu məsələni qəbul edir və inkar etmirlər. Lakin bu həqiqəti yalnız cahil, səviyyəsiz və zındıq həkimlər inkar etmişlər. Ey oxucu! Bunu bil və bizim bu mövzuda qeyd etdiyimiz haqqa sıx sarıl. Cahil həkimlərin və digərlərinin sözlərinə aldanma, elmsiz və bəsirətsiz şəkildə, sadəcə cahil həkimlərə və bəzi bidət əhli — xüsusilə mütəzilə kimi — firqələrə kor-koranə tabe olanların sözlərinə aldanma. Kömək yalnız Allahdandır.
Diqqət
Bəzən o (cin) insanın üzərində oturduğu xalçanı dartıb sürüyür, əşyaları yerindən tərpədir, onları bir yerdən başqa yerə daşıyır və daha bir çox bu kimi işlər görür. Bu hadisələrə şahid olan hər kəsə qəti şəkildə aydın olur ki, insanın dili ilə danışan və bu cisimləri hərəkət etdirən varlıq, insan deyil, başqa bir məxluqdur.
Peyğəmbərdən, sallallahu aleyhi va səlləm, nəql olunan səhih hədislər və alimlərin sözləri, cinlərlə danışmağın, onlara öyüd-nəsihət verməyin, onları İslama dəvət etməyin və bu dəvəti qəbul etmələrinin, Qurani-Kərimin "Sad" surəsində Süleyman peyğəmbər, aleyhi-ssəlam, haqqında buyurulan ayələrə ziddiyyət təşkil etmədiyinə dəlalət edir. "Ey Rəbbim! Məni bağışla və mənə elə bir səltənət ver ki, məndən sonra heç kimə nəsib olmasın. Həqiqətən, Sən Bəxşedənsən" (Sad 38 surəsi, ayə 35). Eləcə də cinin yaxşılığı əmr etməsi, pislikdən çəkindirilməsi və bədəndən çıxmaqdan imtina etdikdə ona zor tətbiq edilməsi, bütün bunlar qeyd olunan ayəyə zidd deyil. Əksinə, bu, haqsız yerə hücum edəni dəf etmək, zülmə məruz qalanı müdafiə etmək və yaxşılığı əmr edib pislikdən çəkindirmək kimi vacib olan vəzifələrdəndir. Bu cür davranış insana qarşı tətbiq olunduğu kimi, insan bədəninə daxil olub oradan çıxmaq istəməyən cinə qarşı da eyni şəkildə tətbiq olunur. Əvvəldə qeyd edilən səhih hədisdə Peyğəmbər, səlləllahu əleyhi va səlləm, belə demişdir: "Şeytanı boğdum, hətta ağızının suyu axdı". Yəni öz mübarək əli ilə, səlləllahu əleyhi va səlləm. Peyğəmbər, səlləllahu əleyhi va səlləm, belə demişdir: "Əgər qardaşım Süleymanın duası olmasaydı, o, bağlı vəziyyətdə qalardı və insanlar onu görərdi". Müslimin rəvayət etdiyi bir hədisdə, Əbu Dərdədən, Allah ondan razı olsun, nəql olunur ki, Peyğəmbər, sallallahu əleyhi va səlləm, belə buyurmuşdur: "Allahın düşməni İblis bir alov şöləsi ilə gəldi ki, onu üzümə atsin. Mən isə üç dəfə: "Səndən Allaha sığınıram" – dedim. Sonra da üç dəfə: "Səni Allahın tam lənəti ilə lənətləyirəm" – dedim. Lakin o, geri çəkilmədi. Sonra onu tutmaq istədim. Allaha and olsun, əgər qardaşımız Süleymanın duası olmasaydı, o, bağlı vəziyyətdə qalardı və Mədinə uşaqları onunla oynayardılar". Bu mənada olan hədislər çoxdur, alimlərin sözləri də elə bu istiqamətdədir.
Ümid edirəm ki, qeyd etdiklərimiz haqqı axtaran bir kəs üçün kifayət edər və onu inandıra bilər. (Sonda) Allaha, Uca adları və ali sifətləri ilə dua edirəm ki, bizə və bütün müsəlmanlara dinində dərin anlayış və sabitqədəm olmağı, eləcə də sözlərimizdə və əməllərimizdə haqqa isabət etməyi nəsib etsin. Bizi və bütün müsəlmanları Allah barədə elmsiz danışmaqdan və bilmədiyimiz şeyləri inkar etməkdən qorusun. Həqiqətən, O, buna Qadirdir və buna Layiq olan Odur.
Allahın salavat və salamı Onun qulu və rəsulu olan Peyğəmbərimiz Muhəmmədin, onun ailəsinin, bütün səhabələrinin və gözəl şəkildə onların ardınca gedənlərin üzərinə olsun!
(Sad surəsi, ayə 35).
Related books
All books
الوسائل المفيدة للحياة السعيدة85 dilالوسائل المفيدة للحياة السعيدة
كتاب "الوسائل المفيدة للحياة السعيدة" للشيخ عبد الرحمن بن ناصر السعدي، يتناول مفهوم السعادة الحقيقية التي يسعى لتحقيقها كل إنسان. الكتاب يوضح أن السعادة تتحقق بطاعة الله ورسوله، والعمل الصالح، والإيمان. ويُقسم السعادة إلى دنيوية مؤقتة وأخروية دائمة، ويربط بينهما بالرضا الإلهي للمؤمنين. يعتمد الكتاب على الأدلة الشرعية من القرآن والسنة لتقديم الأسباب المؤدية للسعادة وكيفية تحقيقها، مما يجعله دليلاً للمسلمين لتنظيم حياتهم على بصيرة وإيمان.
Qurani Kərimdə və Peyğəmbərin (Allahın salavatı və salamı onların üzərinə olsun) sünnəsində zikr edildiyi kimi, İslam haqqında yığcam kitabça.71 dilQurani Kərimdə və Peyğəmbərin (Allahın salavatı və salamı onların üzərinə olsun) sünnəsində zikr edildiyi kimi, İslam haqqında yığcam kitabça.
İslam Bu mühüm kitab İslam haqqında yığcam məlumatları ehtiva edir; İslamın ən mühüm əsaslarını, təlimlərini və özəlliklərini onun əsas mənbələri olan Qurani Kərim və Peyğəmbərin (Allahın salavatı və salamı onların üzərinə olsun) sünnəsinə istinad edərək bəyan edir. Kitab müsəlman və qeyri müsəlman olmasından, məkan və zamanından, hal və vəziyyətindən asılı olmayaraq öz dillərində olmaqla bütün mükəlləf insanlar üçün nəzərdə tutulmuşdur. Qurani Kərimdən və Peyğəmbərin (Allahın salavatı və salamı onların üzərinə olsun) sünnəsindən dəlilləri ehtiva edən nüsxə. 1. İslam: Allahın bütün insanlara…
Peyğəmbərin (sallallahu aleyhi va səlləm) namaz qılma qaydası82 dilPeyğəmbərin (sallallahu aleyhi va səlləm) namaz qılma qaydası
“Peyğəmbərin (Allahın salavatı və salamı onun üzərinə olsun) namaz qılma qaydası” kitabında Hörmətli Şeyx Abdüləziz bin Baz (Allah ona rəhmət etsin) Peyğəmbərin (ona Allahın salavatı və salamı olsun) namazının sifətini asan üslub və dəqiq metodla, səhih dəlillərə istinad edərək xülasə etmişdir ki, bu, müsəlmana namazında rəhbər olsun. O, bu əsərdə namazın rükunlarını, sünnələrini və sifətlərini dəstəmazdan salama qədər bəyan etmiş, dəlil ilə bəyanı birləşdirərək, ən böyük ibadətdə Peyğəmbərə (Allahın salavatı və salamı onun üzərinə olsun) tam şəkildə iqtida etməyə dəvət etmişdir.
حقوق دعت إليها الفطرة26 dilحقوق دعت إليها الفطرة
رسالة لطيفة تقدم شرحًا مفصلًا لعشرة حقوق أساسية تشمل حقوق الله تعالى، وحقوق النبي صلى الله عليه وسلم، وحقوق الوالدين، والأولاد، والأقارب، والجيران، والزّوجين، والرّعية والولاة، والمسلمين عمومًا، وغير المسلمين. يهدف الكتاب إلى تعزيز الفهم الصحيح للعلاقات الاجتماعية والواجبات الفردية تجاه الآخرين، مستندًا إلى نصوص الوحي من القرآن الكريم والسنة النبوية، مما يجعله مرجعًا مهمًا لكل مسلم يسعى لتطبيق الشريعة في حياته اليومية مع ربه ومع الآخرين.