حكم السحر والكهانة
જાદુ અને ભવિષ્યની વાતો જણાવનાર વિશે શરઇ આદેશ શેખ અબ્દુલ અઝીઝ બિન અબ્દુલ્લાહ બિન બાઝ અલ્લાહ તેમના પર રહેમ કરે. અલ્લાહના નામથી શરૂ કરું છું, જે અત્યંત દયાળુ અને કૃપાળુ છે. જાદુ અને જ્યોતિષ વિશર આદેશ, તેમજ તેના વિષે જાણકારી[૧] [૧] આ લેખનો એક ભાગ "મજ્મૂઉલ ફતાવા વ મકાલાત મુતનવ્વિઅહ" પુસ્તકના ત્રીજા ભાગમાં (જાદુ અને જયોતિષનો આદેશ, તેમજ તેના વિષે જાણકારી) શીર્ષક અનુસાર પ્રકાશિત કરવામાં આવ્યો હતો, એવી જ રીતે આ સંપૂર્ણ પુસ્તિકા ઇસ્લામી બાબતો અને દાવા અને માર્ગદર્શન કેન્દ્ર હેઠળ (રિસાલતુ ફી હુક્મીસ્ સહર વલ્ કહાનહ)ના શીર્ષકથી પ્રકાશિત થઈ ચૂક્યું છે, અને મજલ્લહ અલ્ યમામહ અને મજલ્લહ અલ્ બુહૂષ અલ્ ઇસ્લામી…
These files are generated automatically from the book's text; their layout may differ from the printed edition.
જાદુ અને ભવિષ્યની વાતો જણાવનાર વિશે શરઇ આદેશ
શેખ અબ્દુલ અઝીઝ બિન અબ્દુલ્લાહ બિન બાઝ
અલ્લાહ તેમના પર રહેમ કરે.
અલ્લાહના નામથી શરૂ કરું છું, જે અત્યંત દયાળુ અને કૃપાળુ છે.
જાદુ અને જ્યોતિષ વિશર આદેશ, તેમજ તેના વિષે જાણકારી[૧]
[૧] આ લેખનો એક ભાગ "મજ્મૂઉલ ફતાવા વ મકાલાત મુતનવ્વિઅહ" પુસ્તકના ત્રીજા ભાગમાં (જાદુ અને જયોતિષનો આદેશ, તેમજ તેના વિષે જાણકારી) શીર્ષક અનુસાર પ્રકાશિત કરવામાં આવ્યો હતો, એવી જ રીતે આ સંપૂર્ણ પુસ્તિકા ઇસ્લામી બાબતો અને દાવા અને માર્ગદર્શન કેન્દ્ર હેઠળ (રિસાલતુ ફી હુક્મીસ્ સહર વલ્ કહાનહ)ના શીર્ષકથી પ્રકાશિત થઈ ચૂક્યું છે, અને મજલ્લહ અલ્ યમામહ અને મજલ્લહ અલ્ બુહૂષ અલ્ ઇસ્લામી દ્વારા પણ પ્રકાશિત થઈ ચૂક્યું છે.
દરેક પ્રકારની પ્રશંસા ફક્ત એક અલ્લાહ માટે છે, અને તે નબી પર દરુદ અને સલામ ઉતરે, જેમના પછી કોઈ નબી અને પયગંબર નહિ આવે. ત્યારબાદ:
વર્તમાન સમયમાં જાદુગરો મોટી સંખ્યામાં ઊભરી આવ્યા છે, જેઓ ડૉક્ટર હોવાનો દાવો કરે છે, પરંતુ સારવાર જાદુ અને મેલીવિદ્યા વડે કરે છે, જે કેટલાક દેશોમાં ફેલાવવા લાગ્યું છે, તેઓ એવા સામાન્ય અને સીધા લોકોને પોતાનો ટાર્ગેટ બનાવે છે, જેઓ પર અજ્ઞાનતા અને જહાલત છવાયેલી હોય છે, એટલા માટે અને ખાસ કરીને મેં અલ્લાહના બંદાઓ પ્રત્યેની સલાહ અને સદભાવનાની ભાવનાથી યોગ્ય સમજ્યું કે તેમાં મુસલમાનો માટે મહાન જોખમ છુપાયેલું છે, તેને સ્પસ્ટ કરી દઉં, કારણ કે તેમાં અલ્લાહને છોડીને અન્ય સાથે સંબંધ બનાવવા તેમજ અલ્લાહના પયગંબર સલ્લલ્લાહુ અલૈહિ વસલ્લમના આદેશોની અવજ્ઞાનો સમાવેશ થાય છે.
એટલા માટે હું અલ્લાહ પાસે મદદ માંગતા કહેવા ઇચ્છું છું કે ખરેખર સારવાર કરવી, ઈલાજ કરાવવો સર્વસંમતિ દ્વારા માન્ય છે, મુસલમાનો માટે જાઈઝ છે કે તેઓ પોતાની આંતરિક બીમારીઓ માટે સર્જીકલ ડૉક્ટર્સ અથવા ન્યુરોલોજિકલ ડિપાર્ટમેન્ટમાં જઈ શકે છે, જેથી તેઓ તેમની યોગ્ય ચકાસણી કરી તેમના માટે ઉત્તમ દવાઓ લખી અને તેમની મુબાહ (જાઈઝ) સારવાર કરે; કારણકે આ જાહેરી સ્ત્રોત અપનાવવા માંથી છે, અલ્લાહ પર ભરોસા વિરુદ્ધ નથી, સર્વોચ્ચ અને પવિત્ર અલ્લાહએ બીમારી ઉતારી અને તેના માટે દવા પર નક્કી કરી છે, કોઈ તેને જાણે છે તો કોઈ તેને જાણતું નથી, પરંતુ (યાદ રાખવા જેવી વાત છે) કે અલ્લાહએ પોતાના બંદાઓની શિફા હરામ કામમાં નથી રાખી.
એટલા માટે બીમાર માટે જાઈઝ નથી કે પોતાની બીમારીઓ માટે તે જ્યોતિષીઓ પાસે જાય, જેઓ ગેબી ઇલ્મ (અદ્રશ્યનું જ્ઞાન)નો દાવો કરતા હોય છે, એવી જ રીતે તેમણે જણાવેલ વાતોની પુષ્ટિ કરવી પણ જાઈઝ નથી, કારણકે તેઓ વ્યર્થ ગેબી વાતો કરતા હોય છે, અથવા તેઓ જિનોને તલબ કરે છે અને પોતાની ઈચ્છા પૂરી કરવાની મદદ માંગતા હોય છે, આવા લોકોનો હુકમ, જો તેઓ ગેબી વાતનો દાવો કરતા હોય તો તેઓ કાફિર અને ગુમરાહ લોકો છે, ઈમામ મુસ્લિમ રહિમહુલ્લાહએ પોતાની સહીહમા રિવાયત કરી છે કે આપ સલ્લલ્લાહુ અલયહિ વસ્સલમએ કહ્યું: જે વ્યક્તિ જ્યોતિષ પાસે જાય અને કોઈ વસ્તુ બાબતે તેને પૂછી લે તો તે વ્યક્તિની ચાળીસ દિવસની નમાઝ કબૂલ નથી થતી. અબૂ હુરૈરહ રઝી અલ્લાહુ અન્હુ રિવાયત કરે છે કે નબી -સલ્લલ્લાહુ અલૈહિ વસલ્લમ- એ કહ્યું: (જે કોઈ વ્યક્તિ કાહિન (જ્યોતિષી) પાસે ગયો અને તેણે જણાવેલ વાતોની પુષ્ટિ કરી, તો તેણે તે દીનનો ઇન્કાર કર્યો, જે મુહમ્મદ -સલ્લલ્લાહુ અલૈહિ વસલ્લમ- પર ઉતારવામાં આવ્યો છે.) આ હદીષને ઈમામ અબૂ દાવૂદ રહિમહુલ્લાહએ રિવાયત કરી છે, અને ચારેય સુનને અરબઆના લેખકોએ પણ આપ ﷺથી આ શબ્દોમાં રિવાયત કરી છે, તેમની રિવાયતનને હાકિમે સહીહ કહ્યું છે, (જે વ્યક્તિ અર્રાફ (ભવિષ્ય વર્ણન કરનાર) અથવા કાહિન (જ્યોતિષી) પાસે ગયો અને તેણે જણાવેલ વાતોની પુષ્ટિ કરી, તો તેણે તે દીનનો ઇન્કાર કર્યો, જે મુહમ્મદ -સલ્લલ્લાહુ અલૈહિ વસલ્લમ-પર ઉતારવામાં આવ્યો છે), ઇમરાન બિન હુસૈન રઝી અલ્લાહુ અન્હુ રિવાયત કરે છે, તેમણે કહ્યું: અલ્લાહના પયગંબર -સલ્લલ્લાહુ અલૈહિ વસલ્લમ-એ કહ્યું: «જે અપશુકન કરે અથવા જેના માટે અપશુકન કરવામાં આવ્યું, જેણે ભવિષ્યવાણી કરી અથવા કરાવી અને જેણે જાદુ કર્યું અથવા કરાવ્યું, અને જે વ્યક્તિ જ્યોતિષી પાસે ગયો અને તેની વાતોનો સ્વીકાર કરશે, તો તેણે તે શરીઅતનો ઇન્કાર કર્યો, જે નબી -સલ્લલ્લાહુ અલૈહિ વસલ્લમ- પર ઉતારવામાં આવી છે). આ હદીષ અલ્ બઝ્ઝારે જયયિદ સનદ સાથે રિવાયત કરી છે.
આ હદીષોમાં જ્યોતિષીઓ, ભવિષ્યવાણી કરનાર અને જાદુગરો અને આવા લોકો પાસે જવાથી અને તેમને કંઈ પણ પૂછવાથી રોક્યા છે, અને તેના માટે ચેતવણી, વઇદ સંભળાવી છે. એવી જ રીતે હાકિમો અને દીનનો પ્રચાર કરનાર અને આ પ્રમાણે તે દરેક પ્રતિષ્ઠિત લોકોની ફરજ બને છે કે જ્યોતિષીઓ અને ભવિષ્યવાણી કરનારનો ઇન્કાર કરે, અને જે વ્યક્તિ બજાર અને ડંકાની ચોટ પર આ કામ કરતો હોય તેને રોકે અને સખત તરીકાથી એક્સન લે, અને સાથે સાથે જે લોકો તેમની પાસે જાય છે તેમનો પણ સખત ઇન્કાર કરે, અને કેટલીક બાબતોમાં તેમની સચ્ચાઈ તેમજ તેમની પાસે ભીડ જોઈને ધોખામાં ન પડવું જોઈએ, કારણકે તેઓ અજ્ઞાની અને અજાણ છે, લોકોએ તેમનાથી ધોખો ન ખાવો જોઈએ, એટલા માટે કે આપ સલ્લલ્લાહુ અલૈહિ વસ્સલમએ તેમની પાસે જવાથી અને તેમની વાતોની પુષ્ટિ કરવાથી રોક્યા છે, કારણકે તેનાથી મોટી દુષ્ટતા, ભયજનક પાપ અને દુષ્ટ પરિણામો સાબિત થાય છે, અને તે લોકો વિદ્રોહી અને જૂઠ્ઠા લોકો હોય છે. આ હદીષો તે વાતની પુષ્ટિ કરે છે કે જ્યોતિષી અને જાદુગર કાફિર છે, કારણકે તેઓ ગૈબ (અદ્રશ્ય)ના જ્ઞાનનો દાવો કરે છે, જે કુફ્ર છે, અને એટલા માટે પણ કે તેઓ પોતાના હેતુમાં ત્યાં સુધી સફળ થતા નથી, જ્યાં સુધી તેઓ જિન્નાતો પાસેથી મદદ ન લઈ લે, અને તેમની ઈબાદત ન કરે, જે અલ્લાહ સાથે કુફ્ર અને શિર્ક છે, જે વ્યક્તિ ગૈબના જ્ઞાનનો દાવો કરે છે, તે પણ તેમના જેવા છે, અને તે દરેક વ્યક્તિથી જેઓ આ પ્રમાણે કરનાર પાસેથી જાણકારી પ્રાપ્ત કરે, તો પયગંબર -સલ્લલ્લાહુ અલૈહિ વસલ્લમ- તેનાથી અળગા છે, કોઈ મુસલમાન માટે જાઈઝ નથી કે સારવારના નામ પર જાદુગર વગેરે જેવા લોકો જે વસ્તુ માંગે તેને માની લે, જેવું કે જે વાતો સમજમાં ન આવે (તલાસિમ) એવી વાતોને ખાનાઓમાં લખવી, અથવા કાચ પર કંઈક કરવું, અને આ પ્રમાણેના દરેક તરીકા જે તેઓ કરતા હોય છે, તે જ્યોતિષી ગણવામાં આવશે, અને લોકોમાં શંકાઓ ઉભી કરવી ગણાશે, અને જે વ્યક્તિ આ દરેક કામથી ખુશ થશે તો તેણે બાતેલ અને કૂફરની મદદ કરી. એવી જ રીતે કોઈ પણ મુસલમાન માટે યોગ્ય નથી કે તેઓ તેમની પાસે જઈ સવાલ કરે કે તેમના દીકરાની અથવા ફલાણા સંબંધીના લગ્ન કોની સાથે થશે, અથવા તે પતિ-પત્ની અને તે બન્નેના ખાનદાન વચ્ચે કેટલી મોહબ્બત, પ્રમાણિકતા અથવા કેટલી નફરત અને દુશ્મની તેમજ જુદાઈ હશે;
કારણકે આ ગૈબની બાબતો છે, જેને ફક્ત સર્વોચ્ચ અલ્લાહ સિવાય કોઈ નથી જાણી શકતું.
જાદુ કુફ્ર સુધી પહોંચાડનાર હરામ કામો માંથી એક છે, જેવું કે અલ્લાહ તઆલાએ સૂરે બકરહમાં બે ફરિશ્તાઓ વિશે કહ્યું: {તે બન્ને પણ કોઇ વ્યક્તિને તે સમય સુધી નહોતા શિખવાડતા, જ્યાં સુધી કે આવું ન કહી દે કે અમે તો એક આઝમાયશ છે, તું કાફિર ન બન, તો પણ તે લોકો તે બન્ને પાસેથી એવી વાતો શીખતાં, જેના વડે પતિ પત્નિ વચ્ચે વિચ્છેદ ઉભો થાય જો કે તેઓ અલ્લાહ તઆલાની ઇચ્છા વગર કોઇને નુકસાન પહોંચાડી શકતા ન હતા, આ લોકો એવી વાતો શિખે છે, જે વાતો તેમને નુકસાન પહોંચાડતી અને ફાયદો ન પહોંચાડી શકે અને તે સારી રીતે જાણતા હતા, જેઓએ (ઉપર વર્ણવેલ) વાતોને ખરીદી તેને માટે આખિરતમાં કોઇ ભાગ નથી, કેટલી ખરાબ વસ્તુ છે જેના બદલામાં તે પોતાને વેચી રહ્યા છે, કદાચ કે આ લોકો જાણતા હોત} [૨] [૨] સૂરે અલ્ બકરહ, આયત નંબર: ૧૦૨.
આ દરેક આયતો તે વાતની પુષ્ટિ કરે છે કે જાદુ કુફ્ર છે અને જાદુગર પતિ-પત્નીને અલગ કરી દે છે, એવી જ રીતે આ આયતો તે વાતની પણ પુષ્ટિ આપે છે કે જાદુ પોતે કોઈને નુકસાન નથી પહોંચાડી શકતું, પરંતુ અલ્લાહની ઈચ્છા અને તેની પરવાનગીથી અસરકારક થાય છે; કારણ કે અલ્લાહ તઆલાએ જ ભલાઈ અને બુરાઈને પેદા કરી છે, આવા જૂઠ્ઠા લોકોથી, જે લોકોએ આ ઇલ્મ કાફિર અને મુશરિકો પાસેથી વારસારૂપે મળ્યું અને તે લોકોએ નબળી બુદ્ધિના લોકોને શંકામાં નાખવાનું કામ કર્યું છે, તેમના કારણે કોમનું અત્યંત નુકસાન થયું છે, અને આ બાબતે ખૂબ જ ભયજનક દિશા અપનાવી લીધી, "ઇન્ના લિલ્લાહિ વ ઇન્ના ઇલૈહિ રાજીઊન" આપણે અલ્લાહ માટે જ છે અને તેની તરફ જ પરત ફરવાનું છે, "હસ્બુનલ્લાહુ વનિઅમલ્ વલ્ વકીલ" અમને અલ્લાહ જ પૂરતો છે અને તે સૌથી શ્રેષ્ઠ કારસાજ છે. એવી જ રીતે આ આયત એ વાતની પણ પુષ્ટિ કરે છે કે જે લોકો જાદુ શીખે છે, તે લોકો એવી વસ્તુ શીખે છે કે તેમના ફાયદાના બદલામાં નુકસાનનું કારણ બને છે, અને તેમના માટે અલ્લાહ પાસે કોઈ ભાગ નથી, આ મોટી ચેતવણી છે, જે આ વાતની પુષ્ટિ આપે છે કે દુનિયા અને આખિરતમાં તેમના માટે ખૂબ જ નુકસાન અને ખેદ છે, અને તે લોકોએ ખૂબ જ સામાન્ય કિંમત પર પોતાને વેચી નાખ્યા, એટલા માટે જ અલ્લાહ તઆલાએ જે ઉચ્ચ અને પવિત્ર છે, આવા લોકોની સખત નિંદા કરતા કહ્યું : {કેટલી ખરાબ વસ્તુ છે જેના બદલામાં તે પોતાને વેચી રહ્યા છે, કદાચ કે આ લોકો જાણતા હોત} [૩]. અહીંયા આયતમાં શિરાઅ અર્થાત વેચી દીધી. [૩] સૂરે અલ્ બકરહ, આયત નંબર: ૧૦૨.
આપણે અલ્લાહથી દુઆ કરીએ કે અલ્લાહ આપણને દરેક જાદુગરો, જ્યોતિષીઓ અને આવા જૂઠ્ઠા લોકોની નષ્ટતાથી અમને સુરક્ષિત રાખે. અમે એ પણ દુઆ કરીએ છીએ કે અલ્લાહ મુસલમાનોને તેમની બુરાઈથી બચાવીને રાખે, અને મુસલમાન આગેવાનોને તૌફીક આપે કે તેઓ આ પ્રકારના લોકોથી પોતાની પ્રજાને સચેત કરે, અને તેમના વિશે જે અલ્લાહએ આદેશ આપ્યો છે તેને અમલમાં લાવે, જેથી તેમના નુકસાન અને દુષ્ટ અમલોથી લોકો સુરક્ષિત રહે , ખરેખર અલ્લાહ અત્યંત આપવવાળો અને કૃપાળુ છે.
અલ્લાહ તઆલાએ બંદાઓ માટે જાદુ થતા પહેલા તેની દુષ્ટતાથી બચવાના સ્ત્રોત જણાવ્યા છે, અને અલ્લાહ પોતાના બંદાઓ પર રહેમ અને તેમના પર કૃપા અને એહસાન કરતા તેમના પર પોતાની નેઅમત પુરી કરતા તેમની સમક્ષ એ પણ સ્પષ્ટતા કરી દીધી કે જ્યારે જાદુ થાય તો શું કરવું જોઈએ અને તેની સારવાર કઈ રીતે કરવી જોઈએ.
આગળ તે બાબતો જણાવવામાં આવશે જેને અપનાવવાથી જાદુ થતા પહેલા તેના નુકસાનથી બચી શકાય છે, અને શરીઅતમાં તે મુબાહ (જાઈઝ) કામોનું પણ વર્ણન કરવામાં આવશે, કે જો જાદુ થઈ ગયા પછી તેની સારવાર કરી શકાય.
તે બાબતોનું વર્ણન, જેનાથી જાદુ થતા પહેલા અને તેની ભયાનકતાથી બચી શકાય છે, તેમાંથી સૌથી અસરકારક અને અગત્યનો તરીકો એ છે કે શરીઅતે જણાવેલ ઝિક્ર, હદીષ દ્વારા સાબિત દુઆઓ, અને જે સાચી પનાહ માંગવાની દુઆઓ છે તેના દ્વારા શરણ પ્રાપ્ત કરવામાં આવે, જેવું કે દરેક ફર્ઝ નમાઝ પછી શરીઅતે જણાવેલ ઝિક્ર પૂર્ણ કરી આયતુલ્ કુરસીની તિલાવત કરવી, એવી જ રીતે સૂતા પહેલા તેની તિલાવત કરવી, આયતુલ્ કુરસી કુરઆન મજીદની સૌથી મહાન આયત છે, અલ્લાહ તઆલાનું આ ફરમાન છે: {અલ્લાહ સિવાય કોઈ જ ઇલાહ નથી, જે હંમેશાથી જીવિત છે અને સૌને સંભાળી રાખનાર છે, જેને ન ઉંઘ આવે છે ન નિંદ્રા, આકાશો અને ધરતીમાં જે કંઈ પણ છે, દરેક તેનું જ છે કોણ છે, જે તેની પરવાનગી વગર તેની સામે ભલામણ કરી શકે? જે કંઈ લોકોની સામે છે, તે તેને પણ જાણે છે અને જે કંઈ તેમનાથી અદ્રશ્ય છે, તેને પણ જાણે છે, તેઓ તેના જ્ઞાન માંથી કોઇ વસ્તુનો ઘેરાવ નથી કરી શકતા પરંતુ જેટલું તે ઇચ્છે, તેની કુરસીની ચોડાઇએ ધરતી અને આકાશને ઘેરી રાખ્યા છે અને અલ્લાહ તઆલા તેની દેખરેખથી થાકતો નથી, તે તો ઘણો જ મહાન અને ઘણો જ મોટો છે} [૪]. [૪] સૂરે અલ્ બકરહ, આયત નંબર: ૨૫૫.
એવી જ રીતે અન્ય આયતોમાંથી: {તમે કહી દો કે અલ્લાહ એક જ છે} [૫], [૫] સૂરે અલ્ ઇખલાસ, આયત નંબર: ૧.
અને {તમે કહી દો ! કે હું સવારના પાલનહારની શરણમાં આવું છું}[૬], [૬] સૂરે અલ્ ફલક: આયત નંબર: ૧.
અને {તમે કહી દો ! કે હું લોકોના પાલનહારની શરણમાં આવું છું} [૭], દરેક ફર્ઝ નમાઝ પછી, ફજરની નમાઝ પછી ત્રણ વખત અને સાંજે મગરિબની નમાઝ પછી ત્રણ વખત અને સૂતા સમયે આ સૂરતોની તિલાવત કરવી, એવી જ રીતે રાતના શરૂઆતમાં સૂરે બકરહની છેલ્લી બે આયતોની તિલાવત કરવી જોઈએ : અલ્લાહ કહે છે , {પયગંબરો પર જે કંઈ તેમના પાલનહાર તરફથી ઉતર્યું, તેના પર તે પોતે પણ ઇમાન લાવ્યા અને સૌ ઇમાનવાળાઓ પર ઈમાન લાવ્યા, તેઓ અલ્લાહ તઆલા, અને તેના ફરિશ્તાઓ પર અને તેની કિતાબો પર અને તેના પયગંબરો પર ઇમાન લાવે છે, અને કહે છે કે અમે પયંગબરો માંથી કોઇ પયગંબર વચ્ચે તફાવત નથી કરતા, તેઓએ કહે છે કે અમે આદેશો સાંભળ્યા અને આજ્ઞાનું પાલન કર્યું, હે અમારા પાલનહાર ! અમે તારી માફી ઇચ્છીએ છીએ અને અમને તારી જ તરફ પાછા ફરવાનું છે} [૮] સૂરહના અંત સુધી. [૮] સૂરે અલ્ બકરહ, આયત નંબર: ૨૮૫. [૭] સૂરે અન્ નાસ, આયત નંબર: ૧.
એવી જ રીતે અલ્લાહના પયગંબર -સલ્લલ્લાહુ અલૈહિ વસલ્લમ- દ્વારા સાબિત છે કે તેમણે કહ્યું: જે વ્યક્તિ રાતમાં સૂરે બકરહની છેલ્લી બે આયતો પઢી લે તેના માટે તે બન્ને આયતો પૂરતી બની જાય છે. અર્થાત્ અલ્લાહ વધુ જાણે છે કે આ બન્ને આયતો દરેક પ્રકારની બુરાઈ માટે પૂરતી બની જાય છે, એવી જ રીતે રાત અને દિવસ તેમજ કોઈ જગ્યાએ પડાવ કરતી વખતે (અલ્લાહએ પેદા કરેલ સર્જનીઓની બુરાઈથી અલ્લાહના સંપૂર્ણ કલીમા દ્વારા) તેનું શરણ માગવું જોઈએ, ભલે ને તે જગ્યા ઇમારત હોય અથવા મેદાન, ખુલ્લી જગ્યા હોય કે સમુદ્ર; કારણકે નબી -સલ્લલ્લાહુ અલૈહિ વસલ્લમ-ની હદીષ છે: જે વ્યક્તિ કોઈ જગ્યાએ પડાવ નાખે અને આ દુઆ પઢી લે, أعوذ بكلمات الله التامات من شر ما خلق હું અલ્લાહએ પેદા કરેલ સર્જનીઓની બુરાઈથી અલ્લાહના સંપૂર્ણ કલિમાતની પનાહમાં આવું છું, તો ત્યાંથી બીજી જગ્યાએ નીકળ્યા સુધી કોઈ વસ્તુ નુકસાન નથી પહોંચાડી શકતી. એવી જ રીતે એક મુસલમાને સવાર સાંજ આ દુઆ ત્રણ વખત પાબંદી સાથે પઢવી જોઈએ, (( તે અલ્લાહના નામ સાથે શરુ કરું છે, જેનું નામ હોવાથી કોઈ નુકસાન પહોંચાડી શકતું નથી, ભલેને તે વસ્તુ જમીનની હોઈ કે આકાશની, અને તે અલ્લાહ સાંભળવાવાળો અને જાણવાવાળો છે)) કારણકે અલ્લાહના પયગંબર -સલ્લલ્લાહુ અલૈહિ વસલ્લમ- દ્વારા સાબિત છે કે આપ -સલ્લલ્લાહુ અલૈહિ વસલ્લમ-એ તાકીદ કરી છે, અને એટલા માટે પણ કે આ દુઆ દરેક બુરાઈથી સુરક્ષિત રહેવાનું કારણ બને છે.
આ ઝિકર અને પનાહ માંગવાની દુઆઓ જાદુ અને અન્ય બુરાઈથી બચવા માટે મજબૂત સ્ત્રોત છે, તે દરેક વ્યક્તિ માટે જે સાચા દિલથી ઈમાન અને યકીન સાથે અલ્લાહ પર ભરોસો, અને તેના અર્થ તેમજ સમજુતી સમજીને ખુલ્લા હૃદય સાથે યકીન કરતા પાબંદી સાથે તેને પઢે, અને એવી જ રીતે જો જાદુ થઈ હોય તો પણ જાદુને દૂર કરવા માટે આ ઝિકર અને દુઆઓ એક ભવ્ય હથિયાર છે, સાથેસાથે અલ્લાહ સામે આજીજી અને પોતાના ગુનાહો પર રડવું જોઈએ અને આ દુઆ કરવામાં આવે કે પરેશાનીને દૂર કરી દે અને મુસીબતથી નજાત આપ, જાદુ વગેરે જેવી બીમારીઓની સારવાર માટે આપ -સલ્લલ્લાહુ અલૈહિ વસલ્લમ- દ્વારા જે દુઆઓ સાબિત છે અને જે દુઆઓ વડે આપ-સલ્લલ્લાહુ અલૈહિ વસલ્લમ- પોતાના સહાબાઓને દમ કરતા હતા, તે નીચે મુજબ છે-: હે અલ્લાહ ! હે લોકોના પાલનહાર ! પરેશાનીને દૂર કરનાર, શિફા આપ, તું જ શિફા આપનાર છે, તારા સિવાય કોઈ શિફા આપનાર નથી, એવી શિફા જે બીમારીને બાકી ન રહેવા દે. આ દુઆને ત્રણ વખત પઢવામાં આવે. એવી જ રીતે તેના માટે એક દુઆ તે પણ છે, જેને જિબ્રઇલ અલૈહિસ્ સલામએ આપ -સલ્લલ્લાહુ અલૈહિ વસલ્લમ- પર દમ કરતા પઢી હતી: હું અલ્લાહનું નામ લઈ તમારા પર દમ કરું છું, તે દરેક વસ્તુથી જે તમને તકલીફ પહોંચાડે, અને દરેક સજીવ, અથવા હસદ કરનારની નજરની બુરાઈથી, (સુરક્ષા માટે) અલ્લાહ તઆલા તમને શિફા આપે, હું અલ્લાહના નામ વડે તમારા પર દમ કરું છું. આ દુઆને ત્રણ વખત પઢવામાં આવે
જાદુ થયા પછી જ્યારે પતિને જ્યારે પોતાની પત્ની સાથે સમાગમ કરવામાં કઈ રોક લાગે તો તેનો એક ફાયદાકારક ઈલાજ આ છે, લીલાછમ બોરીના સાત પાંદડા લેવામાં આવે તેને પથ્થર વગેરેથી ટીપી નાખે, તેના પર એટલું પાણી નાખો, જેટલું સ્નાન કરવા માટે પૂરતું હોય, અને તેના પર આ આયતો પઢો. આયતુલ્ કુરસી અને {તમે કહી દો કે હે કાફિરો!} [૯], અને {તમે કહી દો કે અલ્લાહ એક જ છે} [૧૦], {તમે કહી દો ! કે હું સવારના પાલનહારની શરણમાં આવું છું} [૧૧], અને {તમે કહી દો ! કે હું લોકોના પાલનહારની શરણમાં આવું છું} [૧૨] અને જાદુને તે આયતો જે સૂરે અઅરાફમા આવે છે, તેમાં અલ્લાહ તઆલા કહે છે : {અને અમે મૂસા તરફ વહી કરી કે હવે તું પણ પોતાની લાકડી નાખી દો, (જેવી જ લાકડી નાખી અને તે અજગર બની) તે દરેક વસ્તુ ગળવા લાગ્યો, જે તેમણે જૂઠી ઘડી હતી. બસ ! સત્ય વાત જાહેર થઇ ગઇ અને તેઓએ જે કંઈ પણ બનાવ્યું હતું, બધું ખત્મ થઇ ગયું, બસ! તે લોકો આ સમયે હારી ગયા અને ખૂબ જ અપમાનિત થઇ પાછા ફર્યા} [૧૩], અને સૂરે યુનુસની આયત પણ તિલાવત કરવી. અલ્લાહ તઆલા કહે છે {અને ફિરઔને કહ્યું કે મારી પાસે દરેક નિષ્ણાંત જાદુગરોને ભેગા કરી દો. પછી જ્યારે જાદુગરો ભેગા થયા તો મૂસાએ તેમને કહ્યું કે નાંખો, જે કંઈ પણ તમે નાંખવાના છો. તો જ્યારે તે લોકોએ નાંખ્યું તો મૂસાએ કહ્યું કે આ જે કંઈ પણ તમે લાવ્યા છો, જાદુ છે, નિ:શંક અલ્લાહ હમણાં જ આને અસ્તવ્યસ્ત કરી દેશે, અલ્લાહ આવા વિદ્રોહી લોકોનું કામ સફળ નથી થવા દેતો અને અલ્લાહ તઆલા સત્યને પોતાના આદેશો દ્વારા સાબિત કરી દે છે, ભલેને અપરાધી પસંદ ન કરે} [૧૪], સૂરે તાહાની આયતોમાંથી: {મૂસાને કહેવા લાગ્યા કે, હે મૂસા ! તમે નાખો છો અથવા અમે પહેલા અમે નાખીએ? મૂસએ કહ્યુ કે તમે જ પહેલા નાંખો, તેમના જાદુના અસરથી એવું લાગતું હતું કે તેમની દોરીઓ અને લાકડીઓ દોડી રહી છે. આ જોઈ મૂસા મનમાં ને મનમાં ભયભીત થયા. અમે (વહી દ્વારા) તેમને કહ્યું ભયભીત ન થાઓ, તમે જ વિજય મેળવશો. અને જે તમારા જમણા હાથમાં જે છે, તેને નાંખી દો, કે તેમની દરેક કારીગરીને ગળી જાય. તેઓએ જે કંઇ પણ બનાવ્યું છે આ તો ફક્ત જાદુગરોની યુક્તિઓ છે અને જાદુગરો ગમે ત્યાંથી આવે, સફળ નથી થતા} [૧૫]. [૯] સૂરે અલ્ કાફિરૂન, આયત નંબર: ૧. [૧૦] સૂરે અલ્ ઇખલાસ, આયત નંબર: ૧. [૧૧] અલ્ ફલક: આયત નંબર: ૧. [૧૨] સૂરે અન્ નાસ, આયત નંબર: ૧. [૧૩] અલ્ અઅરાફ, આયત નંબર: ૧૧૭-૧૧૯. [૧૪] સૂરે યૂનુસ, આયત નંબર: ૭૯-૮૨. [૧૫] સૂરે તોહા, આયત નંબર: ૬૫-૬૯.
જે આયતોનું વર્ણન કરવામાં આવ્યું તેમને પાણીમાં પઢયા પછી ત્રણ ચંબુ પાણી પી લેવું અને બીજા પાણીથી સ્નાન કરી લેવું, એવી રીતે બીમારી દૂર થઈ જશે, ઇન્ શાઅ અલ્લાહ, જો એકથી બે અથવા એના કરતાં વધારે પાણીના ઉપયોગની જરૂર પડે તો પણ કંઈ વાંધો નથી. અહીં સુધી કે બીમારી દૂર થઈ જાય
અચ્છા તે વાત, જાદુગરોના અમલથી જાદુનો ઈલાજ કરવાની જેવું કે જાનવર ઝબહે કરી અથવા અન્ય કુરબાનીઓ દ્વારા જિનોની નિકટતા પ્રાપ્ત કરવા માટે કરવામાં આવે છે, તો આ જાઈઝ નથી, કારણકે આ શેતાની અમલ અને શિર્કે અકબર છે, જો કે તેનાથી બચવું જરૂરી છે, એવી જ રીતે જ્યોતિષીઓ, તારા જોઈને બતાવનાર અને અન્ય લોકોથી તેનો ઈલાજ કરાવવો, અને તેમણે જણાવેલ યુક્તિઓ પ્રમાણે અમલ કરવો જાઈઝ નથી; કારણકે તેઓ ઈમાન નથી રાખતા, પરંતુ જૂઠ્ઠા અને પાપી હોય છે, જેઓ ગૈબના ઇલ્મનો દાવો કરે છે, અને લોકોમાં શંકાઓ ઉભી કરતા હોય છે, પયગંબર -સલ્લલ્લાહુ અલૈહિ વસલ્લમ-એ તેમની પાસે જવા, તેમની પાસે સવાલ કરવા, અને તેમની વાતોની પુષ્ટિ કરવાથી રોક્યા છે, જેવું કે આ પુસ્તિકાની શરૂઆતમાં તેનું વર્ણન થઈ ચૂક્યું છે. એવી જ રીતે અલ્લાહના પયગંબર -સલ્લલ્લાહુ અલૈહિ વસલ્લમ- દ્વારા સાબિત છે કે જ્યારે આપને (નુશરહ) વિશે સવાલ કરવામાં આવ્યો, તો આપ -સલ્લલ્લાહુ અલૈહિ વસલ્લમ-એ કહ્યું: આ શેતાની કાર્યો માંથી છે. આ હદીષને ઇમામ અહમદ, ઇમામ અબૂ દાવુદે સારી સનદ્ સાથે રિવાયત કરી છે. નુશરહનો અર્થ થાય છે, જેના પર જાદુ થયું હોય તેનું જાદુને દૂર કરવું, નબી -સલ્લલ્લાહુ અલૈહિ વસલ્લમ- દ્વારા સાબિત હદીષમાં વર્ણવેલ નુશરહ શબ્દનો અર્થ: તે તરીકો જેને અજ્ઞાનતાના સમયમાં લોકો કરતા હતા કે જાદુ કરનારને કહેતા કે તમે જાદુને દૂર કરી આપો અથવા બીજા જાદુ વડે તેના જેવું જ જાદુ દૂર કરો.
હા જ્યાં સુધી રુકિયયહ શરઇયહની વાત છે તેમજ હલાલ દવાઓ અપનાવી અને એવી જ રીતે પનાહ માંગવાની જે દુઆઓ છે, તેના દ્વારા જાદુનો ઈલાજ કરવામાં કઈ વાંધો નથી, જેવું કે વર્ણન થઈ ગયું છે. તેની સ્પષ્ટતા અલ્લામહ ઈબ્નુલ્ કય્યિમ રહ.એ અને ફતહુલ્ મજીદમા શેખ અબ્દુર રહમાન બિન હસને કરી છે, અલ્લાહ તે બન્ને આલિમો પર પોતાની રહેમત ઉતારે, તે સિવાય અન્ય આલિમોએ પણ આ વાતની સ્પષ્ટતા કરી છે.
અલ્લાહથી દુઆ છે કે દરેક મુસલમાનોને દરેક પ્રકારની દુષ્ટતાથી બચવાની તૌફીક આપે, તેમના દીનની સુરક્ષા કરે, તેમને દીનનું સચોટ જ્ઞાન આપે, અને તે દરેક અમલથી તેમને બચાવે, જે કુરઆન અને હદીષ વિરુદ્ધ હોય, અલ્લાહ તઆલા પોતાના બંદા અને પયગંબર સલ્લલ્લાહુ અલૈહિ વસલ્લમ પર તેમના ખાનદાન વાળા પર અને તેમના સહાબા પર સલામતી ઉતારે.
પત્નીનું પતિ પર જાદુ કરવું [૧૬]
[૧૬] આ જવાબ પ્રતિષ્ઠિત શૈખ (અબ્દુલ અઝીઝ બિન અબ્દુલ્લાહ બિન બાઝ રહિમહુલ્લાહ)ના કાર્યાલય દ્વારા ૧૧/૯/૧૩૮૭ હીજરીસનમાં ના રોજ આપવામાં આવ્યો હતો.
મને તમારો પત્ર આ તારીખે (વર્ણન નથી) મળ્યો, અલ્લાહ તમને પોતાની હિદાયત નસીબ કરે,.આ પત્રમાં તમે એ સ્પષ્ટતા કરી છે કે જ્યારે તમે પોતાની નવી પત્ની સાથે સમાગમ કરવા ગયા તો તમને કઈ પરેશાની આવી, તમે ફલાણા શેખ પાસે ગયા તેઓએ તમને ફતવો પણ આપ્યો, અને તમારી જૂની પત્નીએ એવું જાદુ કર્યું કે જે નવી પત્ની સાથે સમાગમને અટકાવવાનું કારણ બન્યું, અને તમે તે બાબતે સવાલ કર્યો છે, જે જાણીતી વાત છે. (જે વ્યક્તિ રાતમાં આયતુલ્ કુરસીની તિલાવત કરે છે, તો અલ્લાહ તરફથી તેના માટે એક દેખરેખ કરનાર નક્કી કરવામાં આવે છે, અને સવાર સુધી શૈતાન તેની નજીક પણ નથી આવી શકતો), એવી જ રીતે બીજી હદીષ અલ્લાહના પયગંબર -સલ્લલ્લાહુ અલૈહિ વસલ્લમ- દ્વારા સાબિત છે કે તેમણે કહ્યું:
જવાબ : જો તમારી જૂની પત્નીએ આ કામનો એકરાર કર્યો હોય અથવા આ બાબત તેના દ્વારા સ્પષ્ટ થઈ ગઈ હોય તો તેણીએ ઘણો મોટો ગુનોહ કર્યો છે, જો કે કૂફર અને ગુમરાહી છે, કારણકે જાદુ હરામ કામ માંથી છે, અને જાદુ કરનાર કાફિર છે, જેવું કે અલ્લાહ તઆલા કહે છે : {અને (યહૂદી તૌરાતને છોડીને ) તે વસ્તુની પાછળ લાગી ગયા જેને શૈયતાનો સુલૈમાનના રાજ્યમાં પઢતા હતા, સુલૈમાનએ કોઈ કૂફરનું (કામ) નહતું કર્યું, પરંતુ આ કૂફર તો જાદુ શીખવાડનાર શૈતાનો કરતા હતા, અને (યહૂદી તે વસ્તુની પણ પાછળ લાગી ગયા) જે બાબિલમાં હારૂત અને મારૂત બન્ને ફરિશ્તાઓ પર જે અવતરિત કરવામાં આવ્યું હતું, તે બન્ને પણ કોઇ વ્યક્તિને તે સમય સુધી નહોતા શિખવાડતા, જ્યાં સુધી કે આવું ન કહી દે કે અમે તો એક આઝમાયશ છે, તું કાફિર ન બન, તો પણ તે લોકો તે બન્ને પાસેથી એવી વાતો શીખતાં, જેના વડે પતિ પત્નિ વચ્ચે વિચ્છેદ ઉભો થાય જો કે તેઓ અલ્લાહ તઆલાની ઇચ્છા વગર કોઇને નુકસાન પહોંચાડી શકતા ન હતા, આ લોકો એવી વાતો શિખે છે, જે વાતો તેમને નુકસાન પહોંચાડતી અને ફાયદો ન પહોંચાડી શકે અને તે સારી રીતે જાણતા હતા, જેઓએ (ઉપર વર્ણવેલ) વાતોને ખરીદી તેને માટે આખિરતમાં કોઇ ભાગ નથી, કેટલી ખરાબ વસ્તુ છે જેના બદલામાં તે પોતાને વેચી રહ્યા છે, કદાચ કે આ લોકો જાણતા હોત} [૧૭], આ આયત દ્વારા જાણવા મળ્યું કે જાદુ કરવું કુફ્ર છે, અને જાદુગર કાફિર છે, જાદુ કરનાર એવું ઇલ્મ પ્રાપ્ત કરી રહ્યા છે, જેનાથી તેમને કોઈ ફાયદો થતો નથી, પરંતુ નુકસાન પહોંચે છે, તેમનો એક હેતુ એ હોય છે કે પતિ-પત્નીમાં જુદાઇ નાખી દે, અને તેમના માટે કયામતના દિવસે અલ્લાહ પાસે કોઈ ભાગ નથી, -અર્થાત્ તેમના માટે છુટકારા માટે કોઈ માર્ગ નહીં હોય- એવી જ રીતે સહીહ હદીષમાં અલ્લાહના પયગંબર -સલ્લલ્લાહુ અલૈહિ વસલ્લમ- દ્વારા સાબિત છે કે તેમણે કહ્યું: (સાત નષ્ટ કરી દેનારી વસ્તુઓ (ગુનાહ)થી બચો) પૂછવામાં આવ્યું, હે અલ્લાહના રસુલ! તે કઈ કઈ છે? આપ સલ્લલ્લાહુ અલૈહિ વસલ્લમએ કહ્યું: (અલ્લાહ સાથે શિર્ક કરવું, જાદુ કરવું, કોઈનું અમાન્ય કત્લ કરવું હરામ છે, પરંતુ સત્ય સાથે, વ્યાજ ખાવું, અનાથનો માલ હડપવો, યુદ્ધના મેદાનમાંથી ભાગી જવું અને નિદોર્ષ સ્ત્રી પર આરોપ મુકવો). [૧૭] સૂરે અલ્ બકરહ, આયત નંબર: ૧૦૨.
રહી વાત તે શૈખની જેમણે તમને દવા આપી તો જાહેર તો એવું જ થાય છે કે તે તમારી જૂની સ્ત્રીની જેમ જ જાદુ કરવાવાળો છે, કારણ કે જાદુના કાર્યો ફક્ત જાદુગરો જ જાણતા હોય છે, તે પણ કેટલાક વિખ્યાત જ્યોતિષીઓ માંથી એક છે, જેઓ ઘણી બાબતોમાં ગૈબનું જ્ઞાન જાણવાનો દાવો કરતા હોય છે, દરેક મુસલમાન માટે જરૂરી છે કે તેમનાથી સચેત રહે, અને ગૈબના જ્ઞાનમાં તેમની વાતોની પુષ્ટિ ન કરે, કારણ કે નબી -સલ્લલ્લાહુ અલૈહિ વસલ્લમ-ની હદીષ છે-: જે વ્યક્તિ જ્યોતિષ પાસે જાય અને કોઈ વસ્તુ બાબતે તેને પૂછી લે તો તે વ્યક્તિની ચાળીસ દિવસની નમાઝ કબૂલ નથી થતી.
આ હદીષને ઇમામ મુસ્લિમ રહિમહુલ્લાહએ પોતાની સહીહમાં વર્ણન કરી છે, એક બીજી હદીષમા આપ -સલ્લલ્લાહુ અલૈહિ વસલ્લમ-એ કહ્યું: (જે વ્યક્તિ અર્રાફ (ભવિષ્ય વર્ણન કરનાર) અથવા કાહિન (જ્યોતિષી) પાસે ગયો અને તેણે જણાવેલ વાતોની પુષ્ટિ કરી, તો તેણે તે દીન ને નકાર્યો જે મુહમ્મદ -સલ્લલ્લાહુ અલૈહિ વસલ્લમ- પર ઉતારવામાં આવ્યો હતો),
જાદુ માટે એક બીજી સારવાર પણ આ પ્રમાણે છે, જે ફાયદાકારક છે, કે જાદુની જગ્યા જાણવાનો પ્રયત્ન કરવામાં આવે કે તે ધરતી પર છે કે પહાડ પર, જ્યારે જાદુની જગ્યા ખબર પડી જાય તો તેને કાઢી ફેંકી દેવામાં આવે, તો જાદુનો અસર ખત્મ થઈ જશે. એટલા માટે જરૂરી છે કે જે ગુનોહ તમારાથી થયો છે, તેનાથી અલ્લાહ પાસે તૌબા કરો, અને તેના પર અફસોસ કરે, એવી જ રીતે કમીટી (ભલાઈના આદેશ અને બુરાઈથી રોકવાનું કામ કરતી કમિટી)ના પ્રમુખ અને ઉચ્ચ પદના જવાબદાર વ્યક્તિને પેલા શેખ અને પોતાની જૂની પત્ની વિશે જરૂર જણાવશો, જેથી કમિટી અને ન્યાયાધીશ બન્ને મળી તે લોકોને સચેત કરે અને રોકે, જ્યારે તમારી સાથે આ પ્રમાણે થાય તો તમે પણ આલિમોને પૂછી લેવું જોઈએ, જેથી તેઓ તમને સચોટ ઈલાજ બતાવી શકે, અલ્લાહ તઆલા અમને અને તમને દીનની સમજ આપે, અને તેના પર સાબીત કદમ રાખે, અને દીનવિરુદ્ધ કાર્યોથી રક્ષા કરે, ખરેખર તે ખૂબ જ દાનવીર અને દયાળુ છે.
આ તે બાબતોનું વર્ણન હતું જેના દ્વારા જાદુથી બચી શકાય અથવા તેની સારવાર કરવામાં આવે છે, અલ્લાહ જ તૌફિક આપનાર છે. વસ્સલામુ અલયકુમ વરહમતુલ્લાહિ વ બરકાતુહ
જાદુગરો અને મેલી વિદ્યા કરનાર પાસે સવાલ કરવાનો આદેશો [૧૮]
[૧૮] આ સવાલ અને જવાબને: (નૂર અલી દરબ) કાર્યક્રમ માંથી લેવામાં આવ્યા છે.
સવાલ: સ.અ.વ્. રિયાજથી એક ભાઈ સવાલ કરે છે: યમનના વિસ્તારોમાં કેટલાક લોકો છે, જેમને (અસ્ સાદહ) કહેવામાં આવે છે, આ લોકો એવા કાર્યો કરતા હોય છે, જે દીન વિરુદ્ધ છે, જેવું કે મેલી વિદ્યા વગેરે.. અને તેઓ દાવો કરે છે કે સખત બીમારીઓથી પણ લોકોને શિફા આપી શકે છે, તેનો દેખાડો કરતા તેઓ પોતાના શરીર પર તલ્વાર મારતા હોય છે, અથવા પોતાની જબાન ચીરી તેને ઠીક કરી દે છે, અને તેમને કંઈ નુકસાન પણ નથી થતું, તેમના માંથી કેટલાક નમાઝ પઢે છે અને કેટલાક નમાઝ નથી પઢતા. એવી જ રીતે તે લોકો અન્ય કબીલા સાથે પોતાના લગ્ન કરવા તો યોગ્ય સમજે છે પરંતુ અન્ય કબીલા માટે પોતાના કબીલા માંથી લગ્ન કરવા યોગ્ય નથી સમજતા, અને જ્યારે બીમાર માટે દુઆ કરે છે તો આ શબ્દો કહે છે (હે અલ્લાહ, હે ફલાણા) અને પોતાના પૂર્વજો માંથી કોઈનું નામ લઈ લે છે.
પ્રાચીન સમયમાં લોકો તેઓને ખૂબ જ સન્માન આપતા હતા, અને તેમને અસામાન્ય વ્યક્તિ ગણતા હતા, અને તેમનું કહેવું હતું કે તેઓ અલ્લાહના નજીકના બંદાઓ છે, પરંતુ તેમને અલ્લાહના વલીઓ કહેતા હતા, જો કે વર્તમાન સમયના લોકોનું વિચારવું થોડુંક અલગ છે, કેટલાક તો તેમનો વિરોધ કરે છે, જે યુવાન અને વિદ્યાર્થીઓનો તબક્કો છે, જ્યારે કે કેટલાક લોકો હજુ પણ તેમની સાથે એક ખાસ પ્રકારની માન્યતા રાખે છે, જેઓ વૃદ્ધ અને અજ્ઞાની લોકો છે. અમે આશા રાખીએ છીએ કે તમે આ વિષયની વાસ્તવિકતા જણાવશો.
જવાબ: આ લોકો અને તેમના જેવા તે સૂફી લોકો છે, જેઓ ગુનાહ અને અયોગ્ય કામ કરતા હોય છે, તેઓ પણ તે અર્રાફ (જ્યોતિષો)માંથી ગણાશે, જેમના વિશે નબી -સલ્લલ્લાહુ અલૈહિ વસલ્લમ-એ કહ્યું: જે વ્યક્તિ જ્યોતિષ પાસે જાય અને કોઈ વસ્તુ બાબતે તેને પૂછી લે તો તે વ્યક્તિની ચાળીસ દિવસની નમાઝ કબૂલ નથી થતી. આ એટલા માટે કે તેઓ ગેબના ઇલ્મનો દાવો કરે છે, અને જીનોની સેવા કરતા હોય છે, અને તેમની ઈબાદત કરતા હોય છે, જાદુના અલગ અલગ પ્રકાર વડે લોકોમાં શંકાઓ ઉભી કરતા હોય છે, જેના વિશે અલ્લાહ તઆલાએ મૂસા અને ફિરઓનના કિસ્સામાં વર્ણન કર્યું છે: {મૂસાએ કહ્યું કે તમે જ નાખો, પછી જ્યારે તેમણે (પોતાની દોરા વગેરે) ફેંક્યા તો બસ ! તેઓએ લોકોને વશમાં લઇ લીધા અને ભય છવાઇ ગયો અને એક પ્રકારનું ઝબરદસ્ત જાદુ બતાવ્યું} [૧૯], તેમની પાસે જવું અને સવાલ કરવા જાઈઝ નથી; કારણકે આપ -સલ્લલ્લાહુ અલૈહિ વસલ્લમ- ફરમાવે છે:- (જે કોઈ વ્યક્તિ કાહિન (જ્યોતિષ) પાસે ગયો અને તેણે જણાવેલ વાતોની પુષ્ટિ કરી, તો તેણે તે દીનનો ઇન્કાર કર્યો, જે મુહમ્મદ -સલ્લલ્લાહુ અલૈહિ વસલ્લમ- પર ઉતારવામાં આવ્યો હતો), બીજા શબ્દોમાં આ પ્રમાણે કહ્યું : (જે વ્યક્તિ અર્રાફ (ભવિષ્ય વર્ણન કરનાર) અથવા કાહિન (જ્યોતિષી) પાસે ગયો અને તેણે જણાવેલ વાતોની પુષ્ટિ કરી, તો તેણે તે દીનનો ઇન્કાર કર્યો, જે મુહમ્મદ -સલ્લલ્લાહુ અલૈહિ વસલ્લમ- પર ઉતારવામાં આવ્યો હતો). [૧૯] સૂરે અઅરાફ, આયત નંબર: ૧૧૬.
અબ્દુલ અઝીઝ બિન અબ્દુલ્લાહ બિન બાઝ તરફથી, વ્હાલા ભાઈ માટે... અસ્સલામુ અલૈકુમ વરહમતુલ્લાહિ વ બરકાતુહુ, ત્યારબાદ: હવે તે લોકોનું અલ્લાહને છોડીને પોકારવું, તેમનાથી મદદ માંગવી, અથવા એવો દાવો કરવો કે તેમના પૂર્વજો સૃષ્ટિમાં ફેરફાર કરવાનો હક ધરાવે છે, અથવા બીમારીઓને શિફા આપે છે, અથવા મર્યા અને ગાયબ હોવા છતાંય દુઆ કબૂલ કરે છે, તો આ બધું જ અલ્લાહ સાથે કૂફર અને શિર્ક અકબર છે, તેમનો ઇન્કાર કરવો, તેમની પાસે ન જવું જોઈએ તેમને સવાલ પણ ન કરવા જોઈએ અને તેમની વાતોની પુષ્ટિ પણ ન કરવી જરૂરી છે. કારણકે તે લોકોએ પોતાના અમલમાં જ્યોતિષીઓ, અર્રાફ અને મેલી વિદ્યા કરવાવાળા જેવા અમલ ભેગા કરી લીધા છે, જેઓ અલ્લાહને છોડીને અન્યની ઈબાદત કરે છે અને તેમનાથી મદદ માંગે છે, ઉદાહરણ તરીકે જીનો અને મૃતક બન્ને સાથે તેઓ પોતાની નિસબત રાખે છે અને એવો દાવો કરે છે કે તેઓ તેમના પૂર્વજો છે, અથવા અન્ય લોકો જેમના વિશે તેમનું કહેવું છે કે તેઓને પ્રતિષ્ઠતા અને નિકટતા પ્રાપ્ત થઈ છે જો કે સત્ય વાત એ છે કે આ બધા જ કાર્યો મેલી વિદ્યા, જ્યોતિષી, અથવા છુપી વાતો અથવા તકદીરની વાતો જાણવા ના દાવો કરતા હોય છે, જેમની પાક શરીઅતમાં ઇન્કાર કરવામાં આવ્યો છે.
જ્યાં સુધી તેમના અયોગ્ય કાર્યોની વાત છે કે તેઓ પોતાના શરીર પર ચાકુ મારે છે, પોતાની જબાન કાપી નાખે છે, તો જાણી લો કે લોકોને ધોખામાં નાખવા માટે કરતબ બતાવે છે, આ બધું તે હરામ જાદુના પ્રકાર માંથી છે જેને કુરઆન અને હદીષમાં હરામ ઠહેરાવ્યું છે, એટલા માટે બુદ્ધિશાળી વ્યક્તિએ આ બધું જોઈ ધોખો ન ખાવો જોઈએ, આ તે જ પ્રકાર માંથી જેના વિષે અલ્લાહ તઆલાએ ફિરઓનના જાદુગર વિશે કહ્યું : {તેમના જાદુના અસરથી એવું લાગતું હતું કે તેમની દોરીઓ અને લાકડીઓ દોડી રહી છે} [૨૦], જાણવા મળ્યું કે તે લોકોએ જાદુગરી, મેલી વિદ્યા, જ્યોતિષી, અર્રાફ, શિર્કે અકબર, અલ્લાહને છોડીને અન્ય લોકોથી મદદ તલબ કરવી અને ફરિયાદકરવી, ગેબના ઇલ્મનો દાવો અને સૃષ્ટિમાં ફેરફાર કરવાનો અધિકાર પોતાને છે એવું સમજી (આવા મોટા ગુનાહોને પોતાની પાસે ભેગા કરી રાખ્યા છે) આ બધું શિર્કે અકબર અને સ્પષ્ટ કૂફરની દલીલ છે, અને મેલી વિદ્યાના તે પ્રકાર છે જેમને અલ્લાહએ હરામ કર્યા છે, એવી જ રીતે તે ગેબના ઇલ્મનો દાવો કરે છે, જેને અલ્લાહ સિવાય કોઈ નથી જાણતું, અલ્લાહ તઆલા કહે છે : {તમે તેમને કહી દો કે આકાશો અને ધરતીવાળાઓ માંથી અલ્લાહ સિવાય કોઈ અદૃશ્યની વાતો નથી જાણતો} [૨૧], એટલ માટે તે દરેક મુસલમાન, જે લોકો તેમની હકીકત જાણે છે, તેમના માટે જરૂરી છે કે તેમનો ઇન્કાર કરે, તેમના ખરાબ કાર્યોનું ખંડન કરે, અને લોકોને જણાવે કે તેઓ ઇન્કાર કરનારાઓ છે, અને તેમને હાકિમ સુધી પહોંચાડવામાં આવે, જો મુસ્લિમ દેશ હોય તો તેમના પર શરીઅત મુજબ જે પણ સજા થતી હોય તે સજા તેમને આપવામાં આવે, આ પ્રમાણે જ તેમની બુરાઈ ખતમ થઈ શકે છે, અને મુસલમાનોને તેમના ખોટા અને બાતેલ કાર્યોથી.બચાવી શકીએ છીએ. [૨૧] સૂરે અન્ નમલ, આયત નંબર: ૬૫. [૨૦ સૂરે તોહા, આયત નબર: ૬૬.
અલ્લાહ જ તૌફીક આપનાર છે.
જિન્નાતો પાસે મદદ લઈ લોકોની સારવાર કરનાર તબીબ પાસે સારવાર કરાવવાનો આદેશ [૪૦]
[૪૦] [ઈબ્ને બાઝ રહિમહુલ્લાહની કિતાબ, «મજ્મૂઉ ફતાવા વ મકાલાત મુતનવ્વિઅહ્» (૫/૪૧૮-૪૨૦)]
સવાલ : કેટલાક લોકો આયુર્વેદિક દવાઓથી સારવાર કરે છે, આયુર્વેદિકની સારવાર કરતો એક વ્યક્તિ પાસે જ્યારે હું પહોંચ્યો તો તેણે મને કહ્યું, તારું અને તારી માતાનું નામ લખી મને આપો, અને આવતીકાલે મારી સાથે મુલાકાત કરો, અને જ્યારે બીજા દિવસે તેની સાથે મુલાકાત કરવામાં આવે છે તો તે કહે છે કે તેમને ફલાણી ફલાણી બીમારી છે, અને તેની સારવાર આમ તેમ છે, એકનું કહેવું એવું છે કે તેઓ સારવાર માટે કલામે ઇલાહીનો ઉપયોગ કરે છે, આવા લોકો વિશે તમારું શુ કહેવું છે? અને તેમની પાસે જવાનો હુકમ શુ છે? સવાલ કરનાર, એન, ગો, જેનો સંબંધ હાઇલ થી છે.
જવાબ: જે લોકો સારવાર માટે આ તરીકો અપનાવે છે, તેમની આ રીત દ્વારા જાણવા મળે છે કે તેઓ જિન્નાતનો ઉપયોગ કરે છે અને અદ્રશ્ય વાતોની જાણ હોવાનો દાવો કરે છે, એટલા માટે તેમની પાસે સારવાર કરાવવી જાઈઝ નથી, એવી જ રીતે તેમની પાસે જવું અને કંઈ પૂછવું પણ જાઈઝ નથી, કારણકે આ પ્રકારના દુષ્ટ લોકો વિશે અલ્લાહના પયગંબર -સલ્લલ્લાહુ અલૈહિ વસલ્લમ-ની હદીષ છે: જે વ્યક્તિ જ્યોતિષ પાસે જાય અને કોઈ વસ્તુ બાબતે તેને પૂછી લે તો તે વ્યક્તિની ચાળીસ દિવસની નમાઝ કબૂલ નથી થતી. આ હદીષ ને ઈમામ મુસ્લિમ રહ. એ પોતાની કિતાબ માં વર્ણન કરી છે.
આપ -સલ્લલ્લાહુ અલૈહિ વસલ્લમ- દ્વારા ઘણી હદીષોમાં સાબિત છે કે જ્યોતિષી અને ગૈબનો દાવો કરનાર પાસે જવું અને તેમની પાસે સવાલ કરવો જાઈઝ નથી, આપ -સલ્લલ્લાહુ અલૈહિ વસલ્લામએ કહ્યું: (જે કોઈ વ્યક્તિ જ્યોતિષી પાસે ગયો અને તેણે જણાવેલ વાતોની પુષ્ટિ કરી, તો તેણે તે દીનનો ઇન્કાર કર્યો, જે મુહમ્મદ -સલ્લલ્લાહુ અલૈહિ વસલ્લમ પર ઉતારવામાં આવ્યો છે), તે દરેક વ્યક્તિ, જે ગૈબનું જ્ઞાન ધરાવવાનો દાવો કરે અને આ તરીકો અપનાવે કે કાંકરીઓ ફેંકે, જમીન પર લાઇન દોરે, અથવા બીમારનું નામ તેની માતા અથવા સંબંધીનું નામ પૂછે, તો જાણી લો કે તેઓ અર્રાફ અને જ્યોતિષી છે, જેમની પાસે જવાથી અને તેમની વાતોની પુષ્ટિ કરવાથી અલ્લાહના પયગંબર સલ્લલ્લાહુ અલૈહિ વસલ્લમએ રોક્યા છે.
જરૂરી છે કે તેમનાથી બચવામાં આવે અને તેમને કઈ પૂછવામાં ન આવે અને તેમની પાસે સારવાર કરાવવામાં ન આવે, ભલેને તેઓ કુરઆન દ્વારા જ સારવાર કરવાનો દાવો કેમ ન કરતા હોય; કારણકે દુષ્ટ લોકોની ખૂબી હોય છે કે તેઓ ધોખેબાજી કરતા હોય છે, એટલા માટે તેમની વાતોની પુષ્ટિ કરવી જાઈઝ નથી, જે વ્યક્તિ પર તેમના વિશે જાણતો હોય, તેમના માટે જરૂરી છે કે તેમની વાત જવાબદાર સુધી પહોંચાડે જેવા કે ન્યાયાધીશ, આગેવાન, અને દરેક શહેરમાં ભલાઈનું કામ કરનાર અને બુરાઈથી રોકનાર કમિટીને જાણ કરે, જેથી તેમના પર અલ્લાહનો આદેશ નક્કી કરવામાં આવે, અને મુસલમાન તેમની બુરાઈ, વિદ્રોહ અને તે લોકોના બાતેલ તરીકાથી લોકોનો માલ ખાવાથી સુરક્ષિત રહે.
અમે અલ્લાહ પાસેજ મદદ તલબ કરીએ છીએ, ગુનાહથી બચવાની તૌફીક અને નેકી કરવાની તાકાત તેની પાસેથી જ મળે છે.
જાદુનો શરીઅત પ્રમાણે ઈલાજ[૨૨]
[૨૨] નૂર અલદ્ દર્બશ્ શરીત કાર્યક્રમ માંથી, કેસેટ નંબર: ૫૩.
સવાલ: મેં એક આલિમને કહેતા સાંભળ્યા કે જે કોઈ વ્યક્તિને એવું લાગે કે મારા પર જાદુ થઈ છે, તેણે બોરીના સાત પાંદડા લઇ પછી તેને એક ડોલ પાણીમાં નાખી અને નીચે પ્રમાણેની સૂરતો પઢવી જોઈએ. અલ્ મુઅવ્વઝાત (સૂરે નાસ અને સૂરે ફલક) અને આયતુલ્ કુરસી અને અન્ય સૂરતો: {કુલ યા અય્યૂ હલ્ કાફિરૂન} (તમે કહી દો કે હે કાફિરો!), અને અલ્લાહ તઆલા કહે છે : {જે બાબિલમાં હારૂત અને મારૂત બન્ને ફરિશ્તાઓ પર જે અવતરિત કરવામાં આવ્યું હતું} [૨૩], સૂરે ફાતિહા પઢવી, અને હું જાણવા ઈચ્છું છું કે આ વાત કેટલી સાચી છે છે? અને જેને લાગે કે તેના પર જાદુ કરવામાં આવ્યું છે તો તે શું કરે? અમને આ વિશે જરૂર માર્ગદર્શન આપશો, અલ્લાહ તેમને શ્રેષ્ઠ બદલો આપે. [૨૩] સૂરે અલ્ બકરહ, આયત નંબર: ૧૦૨.
જવાબ: તેમાં કોઈ શંકા નથી કે જાદુનું અસ્તિત્વ છે, કેટલાક વિચારો હોય છે અને જાદુ અલ્લાહની પરવાનગીથી જ અસરકારક થાય છે, જેવું કે પવિત્ર અને ઉચ્ચ અલ્લાહ તઆલાએ જાદુગરો કહ્યું: {અને (યહૂદી તૌરાતને છોડીને ) તે વસ્તુની પાછળ લાગી ગયા જેને શૈયતાનો સુલૈમાનના રાજ્યમાં પઢતા હતા, સુલૈમાનએ કોઈ કૂફરનું (કામ) નહતું કર્યું, પરંતુ આ કૂફર તો જાદુ શીખવાડનાર શૈતાનો કરતા હતા, અને (યહૂદી તે વસ્તુની પણ પાછળ લાગી ગયા) જે બાબિલમાં હારૂત અને મારૂત બન્ને ફરિશ્તાઓ પર જે અવતરિત કરવામાં આવ્યું હતું, તે બન્ને પણ કોઇ વ્યક્તિને તે સમય સુધી નહોતા શિખવાડતા} અર્થાત : બે ફરિશ્તાઓ {અમે તો એક આઝમાયશ છે, તું કાફિર ન બન, તો પણ તે લોકો તે બન્ને પાસેથી એવી વાતો શીખતાં, જેના વડે પતિ પત્નિ વચ્ચે વિચ્છેદ ઉભો થાય જો કે તેઓ અલ્લાહ તઆલાની ઇચ્છા વગર કોઇને નુકસાન પહોંચાડી શકતા ન હતા} [૨૪] જાણવા મળ્યું કે જાદુનો અસર હોય છે, પરંતુ અલ્લાહની ઈચ્છા અને પરવાનગીથી હોય છે કારણકે સૃષ્ટિની દરેક વસ્તુ અલ્લાહની તકદીર અને ઈચ્છા પ્રમાણે જ હોય છે, પરંતુ યાદ રહેવું જોઈએ કે જાદુનો ઈલાજ અને તેની દવા પણ છે, આપ સલ્લલ્લાહુ અલૈહિ વસલ્લમ ઉપર પણ જાદુ થયું હતું, પરંતુ અલ્લાહ તઆલાએ તેમને બચાવી લીધા, અને તેની બુરાઈથી આપને આફીયત આપી, સહાબાઓને આપ પર કરવામાં આવેલ જાદુ મળી ગઈ, તેને કાઢી નષ્ટ કરવામાં આવ્યું, આ પ્રમાણે અલ્લાહ તઆલાએ પોતાના નબીને શિફા આપી. એવી જ રીતે જાદુગરે કરેલ જાદુ મળી જાય, જે દોયરા ને ગાંઠો લગાવી હોય કે પછી ખીલીઓ એક સાથે બાંધી હોય, અથવા આ પ્રમાણે અન્ય વસ્તુઓ દ્વારા કરવામાં આવે છે તો તેને નષ્ટ કરી દે. કારણકે જાદુગરોનો તરીકો એ હોય છે કે તેઓ પોતાના નાપાક ઈરાદામાં સફળ થવા માટે ગાંઠો મારે છે તેના પર ફૂંકે છે અને તેના પર માર માર કરે છે, કેટલાક સમયે તેમના ઈરાદા અલ્લાહની ઈચ્છાથી પુરા થઈ જાય છે, અને ક્યારેક નાકામ થઈ જાય છે, આપણો પવિત્ર પાલનહાર દરેક વસ્તુ પર કુદરત ધરાવે છે. કેટલીક વખત જાદુનો ઈલાજ આયતો અને ઝિકર વડે કરવામાં આવે છે જેના પર જાદુ કરવામાં આવ્યું છે, તે પોતે પઢે, શરત એ કે તેની બુદ્ધિ સારી હોય અર્થાત તે હોશમાં હોય, અથવા બીજો કોઈ વ્યક્તિ તેના પર પઢે, તેની છાતી અથવા બીજા કોઈ શરીરના અંગ પર ફૂંક મારે: તેના પર સૂરે ફાતિહા, આયતુલ્ કુરસી, સૂરે ઇખલાસ, સૂરે નાસ, સૂરે ફલક, અને જાદુની તે પ્રખ્યાત આયતો પઢે, જે સૂરે અઅરાફમાં, સૂરે યૂનુસ અને સૂરે તોહામાં વર્ણન કરી છે, સૂરે અઅરાફ અર્થાત અલ્લાહનું કહેવું : {અને અમે મૂસા તરફ વહી કરી કે હવે તું પણ પોતાની લાકડી નાખી દો, (જેવી જ લાકડી નાખી અને તે અજગર બની) તે દરેક વસ્તુ ગળવા લાગ્યો, જે તેમણે જૂઠી ઘડી હતી. બસ ! સત્ય વાત જાહેર થઇ ગઇ અને તેઓએ જે કંઈ પણ બનાવ્યું હતું, બધું ખત્મ થઇ ગયું. બસ ! તે લોકો આ સમયે હારી ગયા અને ખૂબ જ અપમાનિત થઇ પાછા ફર્યા} [૨૫], સૂરે યૂનુસમાં અલ્લાહ કહે છે : {અને ફિરઔને કહ્યું કે મારી પાસે દરેક નિષ્ણાંત જાદુગરોને ભેગા કરી દો. પછી જ્યારે જાદુગરો ભેગા થયા તો મૂસાએ તેમને કહ્યું કે નાંખો, જે કંઈ પણ તમે નાંખવાના છો. તો જ્યારે તે લોકોએ નાંખ્યું તો મૂસાએ કહ્યું કે આ જે કંઈ પણ તમે લાવ્યા છો, જાદુ છે, નિ:શંક અલ્લાહ હમણાં જ આને અસ્તવ્યસ્ત કરી દેશે, અલ્લાહ આવા વિદ્રોહી લોકોનું કામ સફળ નથી થવા દેતો અને અલ્લાહ તઆલા સત્યને પોતાના આદેશો દ્વારા સાબિત કરી દે છે, ભલેને અપરાધી પસંદ ન કરે} [૨૬], અને સૂરે તોહામાં અલ્લાહ તઆલા કહે છે {મૂસાને કહેવા લાગ્યા કે, હે મૂસા ! તમે નાખો છો અથવા અમે પહેલા અમે નાખીએ? મૂસએ કહ્યુ કે તમે જ પહેલા નાંખો, તેમના જાદુના અસરથી એવું લાગતું હતું કે તેમની દોરીઓ અને લાકડીઓ દોડી રહી છે. આ જોઈ મૂસા મનમાં ને મનમાં ભયભીત થયા. અમે (વહી દ્વારા) તેમને કહ્યું ભયભીત ન થાઓ, તમે જ વિજય મેળવશો. અને જે તમારા જમણા હાથમાં જે છે, તેને નાંખી દો, કે તેમની દરેક કારીગરીને ગળી જાય. તેઓએ જે કંઇ પણ બનાવ્યું છે આ તો ફક્ત જાદુગરોની યુક્તિઓ છે અને જાદુગરો ગમે ત્યાંથી આવે, સફળ નથી થતા} [૨૭]. અને આ સૂરત પણ પઢવી જોઈએ {કુલ યા અય્યૂ હલ્ કાફિરૂન} (તમે કહી દો કે હે કાફિરો!) અંત સુધી, અને બીજી સૂરત: {"કુલ્ હુવલ્લાહુ અહદ" તમે કહી દો કે અલ્લાહ એક જ છે}, અને {કુલ્ અઊઝુ બિ રબ્બિલ્ ફલક"તમે કહી દો ! કે હું સવારના પાલનહારની શરણમાં આવું છું}, અને {"કુલ્ અઊઝુ બિ રબ્બિલ્ નાસ" તમે કહી દો ! કે હું લોકોના પાલનહારની શરણમાં આવું છું}, શ્રેષ્ઠ એ છે કે સૂરે ઇખલાસ ({"કુલ્ હુવલ્લાહુ અહદ" તમે કહી દો કે અલ્લાહ એક જ છે}, અને મુઅવ્વઝતૈન ({કુલ્ અઊઝુ બિ રબ્બિલ્ ફલક"તમે કહી દો! કે હું સવારના પાલનહારની શરણમાં આવું છું}, {"કુલ્ અઊઝુ બિ રબ્બિલ્ નાસ" તમે કહી દો! કે હું લોકોના પાલનહારની શરણમાં આવું છું})ને ત્રણ ત્રણ વખત પઢવામાં આવે, પછી અલ્લાહ પાસે શિફા માટે દુઆ કરવી જોઈએ. "અલ્લાહુમ્મ રબ્બિન્ નાસ અઝ્હિબિલ્ બઅસ, વશ્ફિ અન્તશ શાફી, લા શિફાઉન ઇલ્લા શિફાઉક, લા યુગાદિરુ સકમન્" (હે અલ્લાહ! હે લોકોના પાલનહાર, પરેશાની દૂર કરનાર, શિફા આપ, તું જ શિફા આપનાર છે તારા સિવાય કોઈ શિફા આપનાર નથી, એવી શિફા જે બીમારીને બાકી ન છોડે, અને ત્રણ વખત પઢવામાં આવે), અને એવી જ રીતે આ દુઆ પઢી દમ કરવું જોઈએ. بسم الله أرقيك من كل شيء يؤذيك ومن شر كل نفس أو عين حاسد الله يشفيك بسم الله أرقيك હું અલ્લાહના નામથી તમારા પર દમ કરુ છું, તે દરેક વસ્તુંથી બચવા માટે જે તમને તકલીફ આપે, દરેક નફસ અથવા હસદ કરનારની આંખોની બુરાઈથી, અલ્લાહ તમને શિફા આપે અને હું અલ્લાહના નામ સાથે તમારા પર દમ કરું છું. આ દુઆ ત્રણ વખતપઢવી, અને તેના માટે શિફા અને આફીયતની દુઆ કરવી. જો દમ કરતી વખતે આ દુઆ પણ ત્રણ વખત પઢો તો બહેતર રહેશે. أعيذك بكلمات الله التامات من شر ما خلق હું તે દરેક વસ્તુની બુરાઈથી જે અલ્લાહએ પેદા કરી છે, તને તેના સંપૂર્ણ કલીમાના શરણમાં આપું છું. [૨૭)] સૂરે તોહા, આયત નંબર: ૬૫-૬૯ [૨૬] સૂરે યુનુસ, આયત નંબર: ૭૯-૮૨. [૨૫] સૂરે અઅરાફ, આયત નંબર: ૧૧૭-૧૧૯. [૨૪] સૂરે બકરહ, આયત નંબર: ૧૦૨
આ દરેક દવા ફાયદાકારક અને અસરકારક છે, જો આ રુકીય્યહ અને દુઆને પાણીમાં પઢવામાં આવે , પછી જેના પર જાદુ થઈ હોય તે વ્યક્તિ તેમાંથી કંઈક પી લે, અને અન્ય પાણીથી સ્નાન કરી લે, તો ઇન્ શાઅ અલ્લાહ તેના વડે આફીયત મળશે, અને જો પાણીમાં બોરીના સાત પાંદડા કચડીને નાખી દેશો તો આ પણ શિફાનો સ્ત્રોત બનશે, અને ઘણા લોકો સાથે આ તરીકો અપનાવ્યો તો અલ્લાહએ તેમને શિફા આપી, જાણવા મળ્યું કે જેના પર જાદુનો અસર થયો હોય તેના માટે આ ફાયદાકારક દવા છે, આ દવા તે વ્યક્તિ માટે પણ ફાયદાકારક છે, જેને પોતાની પત્નીથી રોકી દેવામાં આવ્યો હોય, કારણકે કેટલીક વખતે વ્યક્તિને પોતાની પત્નીથી રોકી દેવામાં આવે છે, જેના કારણે તે સમાગમ નથી કરી શકતો, પરંતુ જો આ રુકીય્યહ અને દવા કરીશું તો ઇન્ શાઅ અલ્લાહ તેમને ફાયદો થશે, ભલેને તે દુઆઓને પોતે પઢે અથવા કોઈ બીજું પઢે, અથવા પાણીમાં પઢે તેમાંથી થોડુંક પી લે અને બીજાથી સ્નાન કરી લે, આ દરેક તરીકા તે વ્યક્તિ માટે અસરકારક સાબિત થશે, જેના પર જાદુ કરવામાં આવ્યું હોય, અને તેને પોતાની પત્નીથી રોકી દેવામાં આવ્યો હોય. આ ફક્ત સ્ત્રોત છે, જો કે અલ્લાહ એકલો જ શિફા આપનાર છે, તે દરેક વસ્તુ પર કુદરત ધરાવે છે, તેના જ હાથમાં બીમારી અને શિફા છે, દરેક વસ્તુ તે પવિત્ર અલ્લાહની તકદીર પ્રમાણે સાબિત થાય છે, એવી જ રીતે અલ્લાહના પયગંબર સલ્લલ્લાહુ અલૈહિ વસલ્લમ- દ્વારા સાબિત છે કે તેમણે કહ્યું: <<અલ્લાહ તઆલા જ્યારે કોઈ બીમારી ઉતારે છે, તો તેની સાથે તેની સારવાર પણ ઉતારે છે, તો કેટલાક લોકો તેના સારવાર સુધી પહોંચી જાય છે અને કેટલાક તેનાથી અજાણ રહે છે>> [૭૬].
આ અલ્લાહનો ફઝલ અને તેનો એહસાન છે, અને અલ્લાહ જ સાચા માર્ગ તરફ હિદાયત આપવવાળો છે.
જિન્નાતોનું માનવીની અંદર દાખલ થવાની સત્યતા અને તેનો ઇન્કાર કરવાવાળાને જવાબ [૨૮]
[28] આ એક રદ કરેલ નિવેદન છે, જે શૈખ અલી તન્તાવીને ૧૧/૩/૧૪૦૮ હીજરીસના રોજ મોકલવામાં આવેલ જવાબ.
દરેક પ્રકારની પ્રશંસા અલ્લાહ માટે જ છે દરુદ અને સલામતી ઉતરે રસૂલ પર , તેમના ખાનદાન વાળાઓ પર તેમના સહાબાઓ પર અને તે દરેક લોકો પર જે હિદાયત પર છે.
અલ્લાહની પ્રશંસા અને આપ સલ્લલ્લાહુ અલૈહિ વસલ્લમ પર દરુદ અને સલામ મોકલ્યા પછી: કેટલાક દેશના તેમજ પરદેશના પેપરોમાં શઅબાન મહિનામાં ૧૪૦૭ હીજરીસનમાં આ કિસ્સા વિશે વિસ્તારપૂર્વક અથવા ટૂંકમાં ખબર છાપવામાં આવી કે કોઈ જિન્નાતે, જે રિયાઝ શહેરમાં એક મુસ્લિમ સ્ત્રી પાસે હતો-, મારી પાસે ઇસ્લામ સ્વીકારવાની કબૂલાત કરી, જ્યારે કે આ પહેલા તે પ્રતિષ્ઠિત વ્યક્તિ અબ્દુલ્લાહ બિન મુશર્રફ ઉમરી પાસે પણ તેની કબૂલાત કરી ચુક્યો હતો, જે રિયાઝમાં જ રહેતા હતા, આ તે સમયે થયું જ્યારે તેમણે તે સ્ત્રી પર કુરઆનની આયતો અને ઝિક્ર અને અઝ્કાર પઢયું, જિન્નાત સાથે વાર્તાલાપ કરી, નસીહત કરી, અને કહ્યું: જુલમ એક હરામ કામ અને કબીરહ ગુનાહ માંથી એક છે, જ્યારે જિન્ને તેમને કહ્યું: તે કાફિર અને બૌદ્ધ ધર્મના અનુયાયી છે, તો તેમણે તેને તેનો ધર્મ છોડી ઇસ્લામ સ્વીકાર કરવાનું કહ્યું, તે જિન્ને ઇસ્લામ સ્વીકાર કરી લીધો, અને અબ્દુલ્લાહ સામે ખુલ્લી રીતે ઇસ્લામ લાવવાની કબુલાત કરી, ત્યારબાદ અબ્દુલ્લાહ સાહેબે અને તે સ્ત્રીના જવાબદાર લોકોએ ઈચ્છા જાહેર કરી કે તેઓ તે સ્ત્રીને મારી પાસે લાવે, એટલા માટે કે હું જિન્નાતના ઇસ્લામ કબૂલ કરવાને સાંભળી શકું, તેઓ મારી પાસે આવ્યા અને મેં તે જિન્નને સવાલ કર્યો કે તું આ સ્ત્રી પાસે કેમ છે? તેણે મને તેના ઘણા કારણો જણાવ્યા, તેણે સ્ત્રીના અવાજમાં વાત કરી, પરંતુ તે પુરુષની જેમ જ વાત કરી રહ્યો હતો, તે સ્ત્રી મારી બાજુની ખુરશી પર બેઠી હતી, તેનો ભાઈ અને શૈખ અબ્દુલ્લાહ બિન મુશર્રફ આ બધી વાતો સાંભળી રહ્યા હતા, અને જિન્નની વાત પણ સાંભળી રહ્યા હતા. તેણે સ્પષ્ટ ભાષામાં ઇસ્લામનો સ્વીકાર કર્યો અને કહ્યું કે તે હિન્દુસ્તાની છે, અને બૌદ્ધ ધર્મને માને છે, મેં તેને શિખામણ કરી અને અલ્લાહના ડરનો વાસ્તો આપ્યો, અને વિનંતી કરી કે તે આ સ્ત્રીના શરીર માંથી નીકળી જાય, અને તેના પર જુલમ ન કરે, તેણે મારી વાત માની લીધી અને કહ્યું: હું ઇસ્લામ કબૂલ કરું છું, મેં તેને વસીયત કરી કે હવે તે ઇસ્લામનો સ્વીકાર કરી લીધો છે તો તે પોતાની કોમને પણ ઇસ્લામ તરફ બોલાવે, તો તેને ભલાઈનું વચન આપ્યું અને તે સ્ત્રીના શરીર માંથી નીકળી ગયો, તેની છેલ્લી વાત આ હતી: અસ્સલામુ અલયકુમ હતા. પછી મેં તે સ્ત્રી સાથે સામાન્ય ભાષામાં વાર્તાલાપ કરી, તો મને લાગ્યું કે હવે તે જિન્નાતની તકલીફથી સુરક્ષિત છે, અને આરામ અનુભવે છે. પછી એક મહિના અથવા તેનાથી વધારે સમયગાળા પછી તે પોતાના બન્ને ભાઈઓ સાથે, મામા અને માસા સાથે ફરી આવી અને કહેવા લાગી કે તેને હવે આફીયત અને સારું છે, અને અલ હમ્દુ લિલ્લાહ તે જિન્ન ફરી તેનામાં દાખલ નથી થયો, મેં તેને સવાલ કર્યો કે જ્યારે તે જિન્ન તેનામાં દાખલ થતો તો તેને કેવું લાગતું હતું? તો તેણે જણાવ્યું કે તેને શરીઅત વિરુદ્ધ ખરાબ અને ભયાનક વિચાર આવતા હતા, બૌદ્ધ ધર્મ તરફ ધ્યાન જતું રહેતું હતું, અને તે ધર્મનું ગ્રંથ વાંચવાની ઉત્તેજના થતી હતી. પરંતુ જ્યારે અલ્લાહ તઆલાએ. જિન્નાતથી તેની સુરક્ષા કરી, તો આવા વિચાર ખતમ થઈ ગયા, અને તે વિખેરાઈલા ભયાનક વિચારોને ભૂલીને નોર્મલ સ્થિતિમાં આવી ગઈ,
મને જાણવા મળ્યું કે શૈખ અલી તન્તાવીએ આ પ્રકારના કિસ્સાનો ઇન્કાર કર્યો છે, તેઓએ વર્ણન કર્યું કે આ ધોખો અને જૂઠ છે, શક્ય છે કે તે વાત સ્ત્રી પાસે રેકોડર હોય, અને તે પોતે ન બોલી હોય, મેં તે કેસેટ મંગાવી, જેમાં આ વાત નકલ કરી હતી, અને મેં તેમની વાત સાંભળી મને આશ્ચર્ય થયું કે તેમણે આ વાત કઈ રીતે કહી કે તે વાત રેકોર્ડ હોઈ શકે છે, જ્યારે કે મેં જાતે જિન્નાતને સવાલ કર્યા અને તેણે જવાબ પણ આપ્યા, આ એક સ્પષ્ટ ભૂલ છે, જો કે બાતેલ વાતને જાઈઝ કરવાના પ્રયત્નો માંથી ગણાશે, તેમણે પોતાની વાતમાં એવું પણ કહ્યું કે માનવીના હાથ પર જિન્નનું ઇસ્લામ લાવવું, અલ્લાહના આ ફરમાન વિરુદ્ધ ગણાશે, જે સુલૈમાનના કિસ્સામાં વર્ણન થયું છે: {"વહબ્લી મલકન્ લા યમ્બ્ગી લિઅહદ મિમ્ બઅદી" મને એવુ સામ્રાજ્ય આપ, જે મારા પછી કોઈના માટે શકું ન હોય} [૨૯], ખરેખર આ તેમની ભુલ અને અજ્ઞાની સમજૂતી છે, અલ્લાહ તેમને હિદાયત આપે, કારણ કે માનવીના હાથ પર જિન્નનું ઇસ્લામ સ્વીકારવું તે સુલૈમાનની દુઆ વિરુદ્ધ નથી. એટલા માટે જિન્નાતોના એક ટોળાએ તેમજ ઘણા જિન્નાતો એ આપ -સલ્લલ્લાહુ અલૈહિ વસલ્લમ-ના હાથ પર ઇસ્લામનો સ્વીકાર કર્યો છે. [૨૯] સૂરે સૉદ, આયત નંબર: ૩૫.
અલ્લાહ તઆલાએ સૂરે અહકાફ અને સૂરે જિન્નમાં તેની સ્પષ્ટતા કરી છે, અને બુખારી મુસ્લિમમાં અબૂ હુરૈરહ રઝી અલ્લાહુ અન્હુ રિવાયત કરે છે કે નબી સલ્લલ્લાહુ અલૈહિ વસલ્લમએ કહ્યું: (શૈતાન મારા સામે આવ્યો અને મારા પર હુમલો કરી દીધો, જેથી મારી નમાઝ ખરાબ કરી દે, પરંતુ અલ્લાહ તઆલાએ મને તેના પર વિજય આપ્યો, તો મેં તેનું ગળું પકડી લીધું, મેં ઈરાદો કરી લીધો હતો કે હું તેને પિલર સાથે બાંધી દઉં જેથી તમે પણ સવારે તેને જોઈ લો, પરંતુ મને મારા ભાઈ સુલૈમાનની દુઆ યાદ આવી ગઈ: {"રબ્બિગ્ ફિર્લી વહબ્લી મલકન્ લા યમ્બ્ગી લિઅહદ મિમ્ બઅદી" હે અલ્લાહ! તું મને માફ કરી દે અને મને એવું સામ્રાજ્ય આપ, જે મારા પછી કોઈ વ્યક્તિ માટે ન મળે} [૩૦] ત્યારબાદ અલ્લાહ તઆલાએ તેને નાકામ બનાવી દીધો) આ બુખારીના શબ્દો છે, મુસ્લિમના શબ્દો નીચે પ્રમાણે છે: (ગત રાત્રે એક વિદ્રોહી જિન્નાતે મારા પર હુમલો કર્યો, જેથી કરીને તે મારી નમાઝ ખરાબ કરી દે, પરંતુ અલ્લાહએ મને તેના પર પ્રભુત્વ આપ્યું, જેથી મેં તેનું ગળું પકડી લીધું, મેં ઈરાદો કર્યો કે હું તેને પિલરે બાંધી દઉં, જેથી તમે તેને સવારે જોઈ લો, પરંતુ મને મારા ભાઈ સુલૈમાનની દુઆ યાદ આવી ગઈ: {"રબ્બિગ્ ફિર્લી વહબ્લી મલકન્ લા યમ્બ્ગી લિઅહદ મિમ્ બઅદી" હે અલ્લાહ તું મને માફ કરી દે અને મને એવું સામ્રાજ્ય આપ જે મારા પછી કોઈ વ્યક્તિ માટે ન હોય} [૩૧] અને અલ્લાહએ તે જિન્નાતને અપમાનિત કરી પર કરી દીધો). ઇમામ નસાઈએ બુખારીની શરત મુજબ આયશા રઝી અલ્લાહુ અન્હા દ્વારા રિવાયત કરી છે કે નબી સલ્લલ્લાહુ અલૈહિ વસલ્લમ નમાઝ પઢી રહ્યા હતા અને શૈતાન આવી ગયો, નબી સલ્લલ્લાહુ અલૈહિ વસલ્લમએ તેને પકડી લીધો અને પછાડી દીધો અને જમીન પર પાડી દીધો, ફરી અલ્લાહના પયગંબર સલ્લલ્લાહુ અલૈહિ વસલ્લમએ કહ્યું-: અહીં સુધી કે મેં તેની જબાનની ઠંડક મારા હાથ સુધી જોઈ, જો સુલેમાનની દુઆ ન હોત તો હું સવાર સુધી પિલર સાથે બાંધીને રાખતો જેથી લોકો તેને જોઈ લે. આ હદીષને અહમદ અબુ દાવુદે અબુ સઇદથી રિવાયત કરી છે, તેના શબ્દો આ પ્રમાણે છે. મેં મારા હાથથી તેને પકડી લીધો અને તેનું ગળું દબાવી દીધું અહીં સુધી કે મેં તેના મોઢા માંથી નીકળતા થૂંકની ઠંડક મારા અંગુઠા અને શહાદતની આંગળી વચ્ચે જોઈ. બુખારીએ ફતહુલ બારીમાં ભાગ : ૪ પેજ નંબર ૪૮૭માં તઅલીકન અબૂહુરેરહ રઝી. થી રિવાયત કરી છે કે તેઓ કહે છે કે. (અલ્લાહના પયગંબર સલ્લલ્લાહુ અલૈહિ વસલ્લમએ મને રમઝાનની ઝકાતને સાચવવા માટે નક્કી કર્યો, (રાત્રે) અચાનક એક વ્યક્તિ મારી પાસે આવ્યો અને અનાજ માંથી ખોબા ભરી ભરી લેવા લાગ્યો, મેં તેને પકડી લીધો, અને કહ્યું: અલ્લાહની કસમ! હું તને નબી સલ્લલ્લાહુ અલૈહિ વસલ્લમ સમક્ષ રજૂ કરીશ, તેણે કહ્યું: અલ્લાહની કસમ! હું ઘણો લાચાર છું, મારા નાના બાળકો અને પત્ની છે, અને હું સખત જરૂરતમંદ છું, અબૂ હુરૈરહ રઝી અલ્લાહુ અન્હુએ કહ્યું: (તેના કારણો બતાવવા પર) મેં તેને છોડી દીધો, સવારે નબી સલ્લલ્લાહુ અલૈહિ વસલ્લમએ મને પૂછ્યું: (હે અબૂ હુરૈરહ! ગઈકાલે તમારા કેદી સાથે શું થયું)? મેં કહ્યું: હે અલ્લાહના પયગંબર! તેણે મારી સામે સખત લાચારી અને પત્ની બાળકોની વાત કરી, એટલા માટે મને તેના પર દયા આવી અને મેં તેને છોડી દીધો, નબી સલ્લલ્લાહુ અલૈહિ વસલ્લમએ કહ્યું: (તે તમારાથી જૂઠ્ઠું બોલીને ગયો છે, અને તે ફરી આવશે), આપ સલ્લલ્લાહુ અલૈહિ વસલ્લમના આદેશ પર મને સંપૂર્ણ ભરોસો હતો કે તે જરૂર આવશે, એટલા માટે હું તેની રાહ જોઈ રહ્યો હતો, અને જ્યારે તે બીજી રાત્રે આવી અનાજ ઉઠાવી રહ્યો હતો, અને મેં તેને ફરી પકડ્યો અને કહ્યું: આજે તો તને નબી સલ્લલ્લાહુ અલૈહિ વસલ્લમની સમક્ષ હાજર કરીશ, પરંત તેણે તે જ ફરિયાદ કરી, મને છોડી દો, હું લાચાર છું, બાળકોની જવાબદારી મારા પર છે, અને હવે હું ક્યારેય નહીં આવું, મને દયા આવી અને મેં તેને છોડી દીધો, સવારે આપ સલ્લલ્લાહુ અલૈહિ વસલ્લમએ કહ્યું: (હે અબૂ હુરૈરહ! તમારા કેદી સાથે શું થયું), મેં કહ્યું: હે અલ્લાહના પયગંબર! તેણે ફરીવાર સખત લાચારી અને પત્ની તેમજ બાળકોની સખત ફરિયાદ કરી, જેના કારણે મને તેના પર દયા આવી ગઈ અને મેં તેને છોડી દીધો, નબી સલ્લલ્લાહુ અલૈહિ વસલ્લમએ ફરીવાર મને કહ્યું: (તેણે તમને જૂઠ્ઠું કહ્યું છે, તે ફરી આવશે), ત્રીજી રાત્રે ફરી હું તેની રાહ જોઈ રહ્યો, તે ફરી આવ્યો અનાજ ઉઠવવા લાગ્યો, મેં તેને પકડી લીધો અને કહ્યું કે હવે તો તને નબી સલ્લલ્લાહુ અલૈહિ વસલ્લમ પાસે લઈ જવું જરૂરી થઈ ગયું છે, આ ત્રીજી વખત તમે આવું કર્યું, દરેક વખતે તમે યકીન અપાવતા કે હવે નહીં આવું, પરંતુ તમે તો સુધરતા જ નથી, તેણે કહ્યું: આ વખતે મને છોડી દો તો હું તમને એવા શબ્દો શીખવાડીશ જેના કારણે અલ્લાહ તમને ફાયદો પહોંચાડશે, મેં કહ્યું: તે શબ્દો ક્યાં છે? તેણે કહ્યું: જ્યારે તમે પથારી પર જાવો તો આયતુલ્ કુરસી {અલ્લાહુ લા ઇલાહ ઇલ્લા હુવલ્ હય્યુલ્ કય્યુમ} પઢી લો, એક દેખરેખ કરનાર ફરિશ્તો અલ્લાહ તરફથી સતત તમારી રક્ષા કરતો રહેશે, અને સવાર સુધી શૈતાન તમારા સુધી નહીં આવી શકે, આ વખતે પણ મેં તેને છોડી દીધો, સવાર થઈ આપ સલ્લલ્લાહુ અલૈહિ વસલ્લમએ પૂછ્યું: (ગઈકાલે રાત્રે તમારા કેદીએ તમને શું કહ્યું), મેં કહ્યું:હે અલ્લાહના પયગંબર! મને તેણે થોડાક વાક્યો શીખવડ્યા, અને યકીન અપાવ્યું કે તેનાથી અલ્લાહ તમને જરૂર ફાયદો પહોંચાડશે, એટલા માટે મેં તેને છોડી દીધો, આપ સલ્લલ્લાહુ અલૈહિ વસલ્લમએ કહ્યું: તે શબ્દો ક્યાં છે? મેં કહ્યું: તેણે મને કહ્યું કે જ્યારે તમે પથારી પર જાઓ તોસંપૂર્ણ આયતુલ્ કુરસી {અલ્લાહુ લા ઇલાહ ઇલ્લા હુવલ્ હય્યુલ્ કય્યુમ} પઢી લો, તેણે મને તે પણ કહ્યું: અલ્લાહ તરફથી તેના કારણે તમારા માટે એક દેખરેખ કરનાર ફરિશ્તો નક્કી કરવામાં આવશે, અને સવાર સુધી શૈતાન તમારી નજીક પણ નહીં આવી શકે, સહાબા ભલાઈના કાર્યો સૌથી વધારે આગળ વધી લેતા હતા, નબી સલ્લલ્લાહુ અલૈહિ વસલ્લમએ તેમની આ વાત સાંભળી કહ્યું: (તે જૂઠો છે, પરંતુ તો પણ તે તમારી સાથે સાચું બોલી ગયો, હે અબૂ હુરૈરહ! શુ તમને ખબર છે કે આ ત્રણ રાતો તમારી આ બાબત કોની સાથે હતી)? તેમણે કહ્યું: ના, નબી સલ્લલ્લાહુ અલૈહિ વસલ્લમએ કહ્યું: (તે શેતાન હતો). [૩૧] સૂરે સૉદ, આયત નંબર: ૩૫. [૩૨] સૂરે અલ્ બકરહ, આયત નંબર: ૨૫૫. [૩૦] સૉદ, આયત નંબર: ૩૫.
સફિય્યહ રઝી અલ્લાહું અન્હા દ્વારા ઇમામ બુખારી અને ઇમામ મુસ્લિમ રહિમહુમલ્લાહએ રિવાયત કરી છે જેમાં નબી સલ્લલ્લાહુ અલૈહિ વસલ્લમએ કહ્યું: (શેતાન આદમના સંતાનના શરીરમાં લોહીની જેમ ફરે છે)
ઇમામ અહમદ મુસન્દમાં ભાગ ૪ પેજ નંબર ૨૧૬ માં સહીહ સનદ સાથે રિવાયત કરી છે કે ઉષ્માન બિન અબીલ્ આસ રઝી અલ્લાહુ અન્હુએ કહ્યું: હે અલ્લાહના પયગંબર! મારા અને મારી નમાઝ અને મારી તિલાવત વચ્ચે શૈતાન આવી જાય છે, આપ સલ્લલ્લાહુ અલૈહિ વસલ્લમએ કહ્યું: (તે શૈતાન છે, જેનું નામ ખિનઝબ છે, જ્યારે તમને તે નમાઝમાં પરેશાન કરે તો અલ્લાહથી પનાહ માગો અને પોતાની ડાબી બાજુ ત્રણવાર થૂંકી દો, રાવીએ કહ્યું: મેં આ પ્રમાણે જ કર્યું, તો અલ્લાહએ તેને મારાથી દૂર કરી દીધો), જેવું કે સાચી હદીષોમાં નબી સલ્લલ્લાહુ અલૈહિ વસલ્લમ દ્વારા સાબિત છે કે દરેક વ્યક્તિ પાસે ફરિશ્તા માંથી એક કરીન તેની સાથે હોય છે, તેમજ શૈતાન માંથી એક કરીન તેની સાથે હોય છે, અહીં સુધી કે નબી સલ્લલ્લાહુ અલૈહિ વસલ્લમ સાથે પણ, પરંતુ અલ્લાહએ આપ -સલ્લલ્લાહુ અલૈહિ વસલ્લમ- ની મદદ કરી અને તે શૈતાન કરીન મુસલમાન બની ગયો અને તે ફક્ત ભલાઈનો જ આદેશ આપે છે. અલ્લાહની કિતાબ, સુન્નત અને કોમનો ઇજમાઅ આ વાત માન્ય હોવા પર પુષ્ટિ કરે છે કે જિન્નાત માનવીની અંદર દાખલ થઈ શકે છે, અને તેના પર પ્રભુત્વ પણ મેળવી શકે છે, તો પછી કોઈ જ્ઞાની વ્યક્તિ માટે કઈ રીતે યોગ્ય હોઈ શકે છે કે તે ઇલ્મ વગર અને ઊંડાણ પૂર્વક જ્ઞાન વગર આ વાતનો ઇન્કાર કરી શકે છે, અમે અલ્લાહથી જ મદદ માંગીએ છીએ, દરેક નેકી કરવાની તૌફીક અને બુરાઈથી બચવાની શક્તિ ફક્ત અલ્લાહ તરફથી જ હોય છે. હે વાંચનાર ! હું આ વિશે જ્ઞાની લોકોના મંતવ્ય તમારી સમક્ષ રજુ કરું છું ઇન્ શાઅ અલ્લાહ
અલ્લાહના આ આદેશ વિશે કુરઆન મજીદનું ઊંડાણ પૂર્વક જ્ઞાન ધરાવનારની સ્પષ્ટતા. {(આ લોકો વિપરીત) જે લોકો વ્યાજ ખાઈ છે, તે લોકો એવા માણસની જેમ ઉભા હશે કે જેને શેતાને પોતાના સ્પર્શથી ધૂની બનાવી દીધો હોય} [૩૩]. [૩૩] સૂરે અલ્ બકરહ, આયત નંબર: ૨૭૫.
અબૂ જઅફર બિન જરીર રહ. અલ્લાહ તઆલાના આ ફરમાનની સમજુતીમાં લખે છે {(આ લોકો વિપરીત) જે લોકો વ્યાજ ખાઈ છે, તે લોકો એવા માણસની જેમ ઉભા હશે કે જેને શેતાને પોતાના સ્પર્શથી ધૂની બનાવી દીધો હોય} [૩૪] તેની સમજૂતીમાં લખે છે: "અર્થાત્ શૈતાને દુનિયામાં તેની બુદ્ધિ ખત્મ કરી દે છે, તેનું ગળું દબાવી દે છે, અને ધૂની બનાવી દે છે, અર્થાત્ પાગલ કરી દે છે. [૩૪] સૂરે અલ્ બકરહ, આયત નંબર: ૨૭૫.
બગવી રહ. વર્ણવેલ આયતની તફસીરની સમજૂતી વર્ણન કરે છે, {તે લોકો એવા માણસની જેમ ઉભા હશે કે જેને શેતાને પોતાના સ્પર્શથી ધૂની બનાવી દીધો હોય} [૩૫], અર્થાત : પાગલ, અરબીમાં આ શબ્દ જ્યારે માનવી પાગલ થઈ જાય ત્યારે કહેવામાં આવે છે. [૩૫] સૂરે અલ્ બકરહ, આયત નંબર: ૨૭૫.
ઈબ્ને કષિર રહ. વર્ણવેલ આયતની સમજુતીમાં લખે છે. {(આ લોકો વિપરીત) જે લોકો વ્યાજ ખાઈ છે, તે લોકો એવા માણસની જેમ ઉભા હશે કે જેને શેતાને પોતાના સ્પર્શથી ધૂની બનાવી દીધો હોય} [૩૬], અર્થાત : કયામતના દિવસે તેઓ પોતાની કબરો માંથી એવી જ રીતે નીકળશે જેવી રીતે કે એક વ્યક્તિ જેને વાયુની બીમારીમાં હોય છે, જેને શેતાને ધૂની બનાવી દીધો હોય, તેનું ઉભું રહેવું અદભુત પ્રકારનું હોય છે. ઈબ્ને અબ્બાસ રઝી. કહે છે : વ્યાજખોરને કયામતના દિવસે પાગલપણાની સ્થિતિમાં ઉઠાવવામાં આવશે, આ હદીષને ઈબ્ને હાતિમે રિવાયત કરી છે. [૩૬] સૂરે અલ્ બકરહ, આયત નંબર: ૨૭૫.
આ પ્રમાણેની રિવાયત ઔફ બિન માલિક, સઈદ બિન જુબેર, સૂદી, રબીઅ બિન અનસ, કતાદહ અને મુકાતિલ બિન હય્યાન પણ રિવાયત કરે છે, લેખકની વાતનો ભાગ પૂર્ણ થયો.
કુરતુબી રહ. અલ્લાહના તઆલાના આ આદેશ મુજબ {(આ લોકો વિપરીત) જે લોકો વ્યાજ ખાઈ છે, તે લોકો એવા માણસની જેમ ઉભા હશે કે જેને શેતાને પોતાના સ્પર્શથી ધૂની બનાવી દીધો હોય} [૩૭]. આ આયત તે લોકો વિરુદ્ધ પુરાવો છે, જેઓ જિન્નાત તરફથી થનાર આક્રમણનો ઇન્કાર કરે છે, અને જેઓ અનુમાન લગાવે છે કે તે પ્રકૃતિમાં વિકારના કારણે થાય છે, શૈતાનનો તેમાં કોઈ ભાગ નથી હોતો, અને ન તો તે માનવીની અંદર આવી શકે છે અને ન તો તેનો કંઈ અસર કરી શકે છે. આ બાબતે તફસીર કરનાર આલિમોના ઘણા મંતવ્યો છે, જે ઈચ્છે તે વાંચન કરી શકે છે. [૩૭] સૂરે અલ્ બકરહ, આયત નંબર: ૨૭૫.
શેખુલ્ ઇસ્લામ ઈબ્ને તૈય્યમિયહ રહ. કહે છે (ઈઝાહુદ્ દલાલહ ફી ઉમુમુર્ રિસાલહ લિષકલેન) જે મજમુઉલ્ ફતાવા ભાગ નંબર ૧૯ પેજ નંબર ૯ અને પેજ નંબર ૬૫ મા વર્ણન છે. તેમાં કેટલીક વાતો વર્ણન કર્યા પછી કહે છે : એટલા માટે મોઅતઝિલહનું એક જૂથ ઉદાહરણ તરીકે જુબ્બાઈ અને અબૂ બકર રાઝી વગેરેએ આ સત્યતાનો ઇન્કાર કર્યો છે કે જે વ્યક્તિને વાયુની બીમારી હોય છે તેનામાં જિન્નાત દાખલ હોય છે, પરંતુ તે લોકોએ જિન્નાનના અસ્તિત્વનો ઇન્કાર કર્યો નથી, કારણકે જિન્નાતનું માનવીના શરીરમાં દાખલ થવાની વાત પયગંબર -સલ્લલ્લાહુ અલૈહિ વસલ્લમ- દ્વારા એવી રીતે સાબિત નથી જેવું કે જિન્નાતના અસ્તિત્વ માટે સાબિત છે. હા, તો પણ તેઓ પોતાના વર્ણવેલ મંતવ્ય પર ખોટા છે. એટલા માટે જ અબૂલ્ હસન અશઅરીએ અહલુસ્ સુન્નહ વલ્ જમાઅતના અકીદા વર્ણન કરતા કહે છે કે જિન જે વ્યક્તિને વાયુની બીમારી હોય છે, તેનામાં જિન દાખલ હોય છે, જેવું કે અલ્લાહ તઆલા કહે છે : {(આ લોકો વિપરીત) જે લોકો વ્યાજ ખાઈ છે, તે લોકો એવા માણસની જેમ ઉભા હશે કે જેને શેતાને પોતાના સ્પર્શથી ધૂની બનાવી દીધો હોય} [૩૮], અબ્દુલ્લાહ બિન અહમદ બિન હનબલ નું વર્ણન છે કે મેં મારા પિતાને કહ્યું, કેટલાક લોકો આ પ્રમાણે કહે છે કે કોઈ જિન કોઈ માનવીમાં દાખલ થઈ શકતો નથી, તો આપે કહ્યું, હે દીકરા ! તેઓ જૂઠું બોલી રહ્યા છે, ખરેખર આ શેતાન હોય છે, જે ધુનીવ્યક્તિની જબાન વડે બોલે છે. ફતાવા ભાગ નંબર ૨૪ પેજ નંબર ૨૭૬/૨૭૭ મા છે જિન્નાતોનું અસ્તિત્વ કુરઆન, હદીષ, અસ્લાફ અને આલિમો તેમજ ઇમામો દરેક તેના અસ્તિત્વ પર એકમત છે, એવી જ રીતે જિન્નાતનું માનવીના શરીરમાં પ્રવેશ કરવું પણ અહલે સુન્નત વલ્ જમાઅતના એકમતથી સાબિત છે, અલ્લાહ તઆલા કહે છે {(આ લોકો વિપરીત) જે લોકો વ્યાજ ખાઈ છે, તે લોકો એવા માણસની જેમ ઉભા હશે કે જેને શેતાને પોતાના સ્પર્શથી ધૂની બનાવી દીધો હોય} [૩૯], નબી -સલ્લલ્લાહુ અલૈહિ વસલ્લમ- દ્વારા સહીહ હદીષમાં વર્ણન થયું છે :- (શેતાન આદમના સંતાનના શરીરમાં લોહીની જેમ ફરે છે) [૩૯] સૂરે અલ્ બકરહ, આયત નંબર: ૨૭૫. [૩૮] સૂરે અલ્ બકરહ, આયત નંબર: ૨૭૫.
ઇમામ અહમદના દીકરા અબ્દુલ્લાહનું વર્ણન છે. મેં મારા પિતાને કહ્યું, કેટલાક લોકો એવું કહે છે કે કોઈ જિન્નાત કોઈ વાયુની બીમારીવાળા વ્યક્તિના શરીરમાં દાખલ થઈ શકતો નથી. તો તેમણે કહ્યું: હે દીકરા ! તે લોકો જૂઠું બોલી રહ્યા છે, ખરેખર આ શેતાન જ છે. આ વાત તેમની ખૂબ વિખ્યાત છે, ખરેખર જે વ્યક્તિ વાયુની બીમારીમાં સપડાયેલો હોય છે, તે પોતાની જબાન વડે એવા શબ્દો બોલે છે, જેના અર્થ તે જાણતો હોતો નથી, એવી જ રીતે તે પોતાના શરીર પર એવો માર મારે છે, જો ઊંટને પણ એવો માર મારવામાં આવે તો તેના પર અસર થાય, તો પણ તે બીમારીમાં સપડાયેલા વ્યક્તિને ન તો મારનો કોઈ અસર થતો હોય છે અને ન તો જે બકવાસ તે કરી રહ્યો છે તેને તેની જાણ હોય છે.
મુસલમાનના ઇમામો માંથી કોઈ એવું નથી જે ખબતુંલ્ હવાસ (જેન ભાન ન હોય) માનવીમાં શેતાનના દાખલ હોવાનો ઇન્કાર કરતા હોય, અને જે વ્યક્તિએ તેનો ઇન્કાર કર્યો અને દાવો કર્યો કે શરીઅત પણ આ વસ્તુને જુઠલાવે છે તો તે વ્યક્તિ શરીઅતને જુઠલાવી રહ્યો છે , અને શરીઅતમાં કોઈ એવી દલીલ નથી મળતી, જે તેનો ઇન્કાર કરતી હોય, ઇમામ ઈબ્ને તૈય્મિયહ ની વાત પૂરી થઈ.
ઈમામ ઈબ્ને કય્યિમ રહિમહુલ્લાહએ પોતાની કિતાબ ઝાદુલ્ મઆદ ફી હદયી ખૈરિલ્ ઇબાદના ભાગ ૪ પેજ નબર: ૬૬-૬૯માં લખે છે, વાયુની બીમારી બે પ્રકારની હોય છે: એક તો તે, જે જમીન પર રહેવાવાળા નાપાક પ્રાણ તરફથી હોય છે, અને બીજો પ્રકાર તે ખરાબ મિશ્રણ (લોહી, કફ, પિત્ત) ના કારણે હોય છે, બીજા પ્રકારની સારવાર ડૉક્ટર અને વૈધ લોકો કરતા હોય છે, અને તે જ તેના કારણ અને સારવાર વિશે વાર્તાલાપ કરતા હોય છે.
નાપાક જીવના કારણે જે વાયુની (બીમારી) આવતી હોય છે: તેને દરેક બુદ્ધિશાળી અને ઇમામો તેનો સ્વીકાર કરે છે, તેઓ કહે છે કે તેની સારવાર શક્ય છે, પાક, પવિત્ર જીવ નાપાક જીવનો મુકાબલો કરે, આ પવિત્ર જીવ તે નાપાક જીવન હેતુને બાતેલ અને નષ્ટ કરી દેશે, આ પ્રમાણેની વાતો બકરાતે પોતાની કિતાબમાં લખી છે, અને વાયુની બીમારીની સારવાર પણ જણાવી છે, અને કહ્યું:
અને જે નાપાક જીવ દ્વારા આ બીમારી હોય છે તેના માટે આ સારવાર અસરકારક નથી ,
પરંતુ જાહિલ અને અજ્ઞાની ડોકટરોએ અને ઝનાદીકાએ નાપાક જીવ દ્વારા થતી વાયુની બીમારીનો ઇન્કાર કર્યો છે, તેઓ આ વાતનો એકરાર નથી કરતા કે વાયુની બીમારી જે વ્યક્તિને હોય છે તેમનું શરીર અસરકારક હોવાના કારણે હોય છે, આ ફક્ત તેમની અજ્ઞાનતા છે, નહિ તો મેડિકલ લાઈનમાં તેનો ઇન્કાર નથી, તે વસ્તુનો અહેસાસ પણ કરવામાં આવે છે અને તેની દેખરેખ પણ કરવામાં આવે છે, આ જાહિલ લોકો શરીરમાં ખરાબીને લઈને થતી વાયુની બીમારી દરેક વાયુની બીમારી પર ફિટ કરે છે, જે યોગ્ય નથી, હા કેટલાક માટે પુષ્ટિ થાય છે. આગળ વર્ણન કરીએ છીએ કે આ ઝિનદીક ડોકટરો ફક્ત શરીરમા ખરાબીને લઈને થતી વાયુની બીમારીને માને છે, અંદર જે અન્ય જીવના કારણે થતી હોય છે તેને માનતા નથી, એટલા માટે જે વાયુની બીમારીનું સંપૂર્ણ જ્ઞાન ધરાવતો હોય તે વ્યક્તિ આ અજ્ઞાની લોકો પર હસતા હસતા થાકતો નથી,
આ વાયુની બીમારીની સારવાર બે પ્રકારથી થઈ શકે છે, એકનો સંબંધ પોતે જેને વાયુની બીમારી છે તેની સાથે છે, અને બીજી સારવાર ઈલાજ કરનાર વિશે છે, જેને વાયુની બીમારી છે, તેણે હિંમતથી કામ લેવું જોઈએ, અને નિખાલસતા સાથે તે રુહના માલિક અને પાલનહાર તરફ ધ્યાન દોરે અને દિલ અને જબાન એકમત સાથે યોગ્ય રીતે અલ્લાનું શરણ માંગે, આ એક પ્રકારનું યુદ્ધ છે, અને યોદ્ધા ત્યાં સુધી પોતાના દુશમનને હરાવી નથી શકતો જ્યાં સુધી પોતાના હથિયાર ખરેખર યોગ્ય ન હોય, અને યુદ્ધ કરનાર હિમતવાળો ન હોય, જ્યારે પણ તે બન્ને વાતો માંથી એક વાતમાં કમી નજર આવશે, તો હથિયાર વધારે અસરકારક સાબિત નહીં થાય તો તમે અંદાજો લગાવી શકો છો જેની પાસે બન્ને માંથી એક પણ હથિયાર ન હોય. અર્થાત દિલમાં તૌહીદ, અલ્લાહ પર ભરોસો, અને અલ્લાહ તરફ ધ્યાન કરવાથી વંચિત હોય અને પાસે હથિયાર પણ ન હોય.
અને બીજું તબીબોના દૃષ્ટિકોણથી તેમાં આ બન્ને વસ્તુ હોવી જરૂરી છે, તે અલગ વાત છે કે કેટલાક સારવાર કરનારનું ફક્ત આટલું કહી દેવું પણ પૂરતું થઈ જાય છે: (તેના માંથી નીકળી જા) અથવા (બિસ્મિલ્લાહ) કહેવું અને (લા હવલા વલા કુવ્વત ઇલ્લા બિલ્લાહ), અને નબી -સલ્લલ્લાહુ અલૈહિ વસલ્લમ- કહેતા હતા: (ચલ નીકળ, હું અલ્લાહનો રસૂલ છું)
મેં મારા શેખને જોયા છે કે તેઓ જેને વાયુની બીમારી હોય છે તેની પાસે એવા લોકોને મોકલે છે, જેઓ તેમની સાથે યોગ્ય રીતે વાત કરી શકતા હોય, તે વ્યક્તિ જ બીમાર છે અથવા તેની અંદર જે જિન પ્રવેશ કરી ગયો છે તેને સંબોધિત કરી કહે છે, શેખે તમને આદેશ આપ્યો છે કે નીકળી જાઓ, તમારાં માટે આ યોગ્ય નથી, તો બીમાર વ્યક્તિને કઈક અંશે સુધાર આવી જતો હતો કેટલીક વખત શેખ પોતે સંબોધિત હોતા અને કેટલીક વખતે જિન વિદ્રોહી હોય તો તેને મારીને કાઢતા હતા, અને એવી રીતે બીમાર વ્યક્તિ સાજો થઈ જતો હતો, અને દર્દનો તેને એહસાસ પણ નહતો થતો. અમે અને કેટલાય લોકોને ઘણી વાર આને નજરે જોઈ છે. આપે વધુ કહ્યું કે કહેવાનો તાતપર્ય એ કે આ પ્રકારની વાયુ ની બીમારીનો ઇન્કાર એક જાહિલ, અજ્ઞાની વ્યક્તિ જ કરી શકે છે, નાપાક રૂહ વધારે પડતું તેમના પર હાવી થઈ જાય છે જેમની પાસે દીનનું ઇલ્મ ઓછું હોય છે, અને એમની જબાન અલ્લાહના ઝીકરથી, સુન્નત અને ઈમાન વાળા કાર્યોથી, અને પનાહ માંગવાની જેટલા ઝિકર છે, તેનાથી ખાલી હોય છે, એટલા માટે જ્યારે નાપાક જીવનો આવા વ્યક્તિ સામે મુકાબલો થાય છે તો તે અજ્ઞાન સ્થિતિમાં હોય છે અને તે હારી જાય છે, અને કેટલીક વખત જ્યારે તે વ્યક્તિ નગ્ન હોય છે તો જિન તેના પર હમલો કરી દે છે. શેખની વાત અહીંયા પુરી થઈ.
જેવી રીતે અમે શરઇ દલીલો આપી અને ઇલ્મ ધરાવનાર સલ્ફ આલિમો દ્વારા અને અહલુસ સુન્નહ વલ જમાઅહ ના એકમતથી સાબિત કર્યું કે માનવીમાં જિન દાખલ થઈ શકે છે, જે આનો ઇન્કાર કરે છે તેઓ ભૂલ કરી રહ્યા છે, આ રીતે શેખ અલી તનતાવીના ઇન્કારનો પણ રદ થઈ ગયો.
અલી તનતાવી સાહેબે પોતાની વાતચીતમાં વચન આપ્યું હતું કે જો સત્ય તેમની સામે આવી જશે તો તેઓ તેને કબૂલ કરી લેશે, અમને અનુમાન છે કે વર્ણન કરેલ દલીલો વાંચી તમે પોતાનું મંતવ્ય બદલી નાખશો અને સત્યનો સ્વીકાર કરી લેશો. અમે અલ્લાહ પાસે અમારા અને તમારા માટે હિદાયતની તૌફીકનો સવાલ કરીએ છીએ. અને ડોકટર મુહમ્મદ ઇરફાનનું મંતવ્ય જે 'અન્ નદવા' નામનું સાહિત્યમાં ૧૪/૧૦/૧૪૦૭ હિજરીસનમાં પેજ નંબર ૮ પર પ્રિન્ટ થયું હતું કે 'પાગલ' શબ્દ મેડિકલ લાઇનમાં છે જ નહિ, વધુ કહે છે કે જિનનું માનવીમાં દાખલ થવું અને તેની જબાનમાં વાતચીત કરવાનો ખ્યાલ જ્ઞાની અને સાયન્સની દુનિયામાં સો ટકા ખોટો છે, આ દરેક અમાન્ય છે, જેનું કારણ દીનના જ્ઞાન તેમજ અહલે સુન્નત વલ જમાઅતે વર્ણન કરેલ નિયમોથી અપરિચિત છે, ઘણા ડોકટરો પાસે આ વાતનું જ્ઞાન ન હોવું એ વાતની દલીલ નથી કે તેનું અસ્તિત્વ જ નથી, નિષ્ઠાવાન અને દીનનું ઊંડાણ પૂર્વક જ્ઞાન ધરાવતા આલિમો પાસે સો ટકા સાચી છે, ખાસ કરીને અહલે સુન્નત વલ્ જમાઅત આના પર એકમત છે, જેવું કે શેખુલ ઇસ્લામ ઈબ્ને તૈયિમહ રહ.એ દરેક આમિલો વતી અને શેખ અબૂલ હસન અશઅરીએ અહલે સુન્નત વલ્ જમાઅત તરફથી ઇજમાઅ નકલ કર્યો છે, અલ્લામહ અબૂ અબ્દુલ્લાહ, મુહમ્મદ બિન અબ્દુલ્લાહ શીબલી હનફી તેમની વફાત ૭૯૯ હિજરીસનમાં થયું, તેમણે પણ અબૂલ્ હસન સાહેબે જે ઇજમાઅ નકલ કર્યો છે તેને પોતાની કિતાબ (આકામુલ્ મરજાન ફી ગરાઈબિલ્ અખબાર વ અહકામિલ્ જાન) પાઠ ૫૧ માં નકલ કરી છે.
પાછળની લાઈનોમાં અલ્લામહ ઈબ્ને કય્યિમ રહિમહુલ્લાહના વાક્યોમાં તે વાત વર્ણન થઈ ગઈ છે કે નિષ્ણાત ડૉક્ટરો અને બુદ્ધિશાળી લોકો આ સત્યતાનો સ્વીકાર કરે છે, ફક્ત અજ્ઞાની ડૉક્ટરો તેમજ દુરાચારી જેવા ઝનાદિકા (નાસ્તિકો)આ વાતનો ઇન્કાર કરે છે, વાંચનારે સત્ય વાત અપનાવવી જોઈએ, અને અજ્ઞાની તબીબો તેમજ તેમનું અનુસરણ કરતા બકવાસ કરનાર બિદઅતી મોઅતઝિલા જેવા લોકોના ધોકામાં ન આવવું જોઈએ, સત્યતા એ જ છે કે અલ્લાહ જ મદદ કરનાર છે.
સાવચેતી
ક્યારેક ક્યારેક આ પ્રકારનો વ્યક્તિ જેના પર જિન્નાત તેના પર સવાર થઈ બેઠો હોય છે, વિભિન્ન વસ્તુઓને એક જગ્યા એ થી બીજી જગ્યાએ એવી રીતે લઈ જાય છે અને એવી જ રીતે બીજા અમુક કાર્યો એવી રીતે કરે છે કે જોવાવાળા વ્યક્તિને આભાસ થાય કે તેના મોઢે થી બોલનાર તેમજ આ દરેક કાર્યો કરનાર મનુષ્ય નથી પરંતુ તે બીજું જ કોઈ છે.
જેવું કે અલ્લાહના પયગંબરની હદીષ અને સલફના આલિમો દ્વારા આ વાત સાબિત થઈ ગઈ કે જિન્નાતોને સંબોધિત કરવું, તેને શિખામણ કરવી, ઇસ્લામ તરફ બોલાવવા અને તેમનો આ વાતનો સ્વીકાર કરવો, તે દરેક બાબતો સૂરે સૉ દમાં વર્ણન થયેલ સુલૈમાન અલૈહિસ્ સલામની દુઆ વિરુદ્ધ નથી, તેમણે કહ્યું: {"રબ્બિગ્ ફિર્લી વહબ્લી મલકન્ લા યમ્બ્ગી લિઅહદ મિમ્ બઅદી" હે અલ્લાહ તું મને માફ કરી દે અને મને એવું સામ્રાજ્ય આપ જે મારા પછી કોઈ વ્યક્તિ માટે ન હોય} આ પ્રમાણે તેને ભલાઈનો આદેશ આપવો, બુરાઈથી રોકવા, અને જ્યારે તે (માનવીના શરીર માંથી નીકળવાનો ઇન્કાર કરે) તો તેને મારવું, આ બધું વર્ણવેલ આયત વિરુદ્ધ નથી, પરંતુ આ એવી જ રીતે જરૂરી છે , જેવું કે માનવીઓની વચ્ચે જાલિમને રોકવા, પીડિત ની મદદ કરવા, ભલાઈનો આદેશ આપવો અને બુરાઈથી રોકવા, આદેશ જરૂરી છે, અને સહીહ હદીષ વર્ણન થઈ ચૂકી છે, જેમાં નબી -સલ્લલ્લાહુ અલૈહિ વસલ્લમ-એ કહ્યું: મેં શેતાનનું ગળું એટલું જોરથી દબાવ્યું કે તેનું થુંક આપ ﷺના હાથમાં પડ્યું આપ ﷺએ વધુ કહ્યું જો મારા ભાઈ સુલેમાનની દુઆ ન હોત તો હું તેને પિલર સાથે બાંધી દેતો, જેથી સવારે તમે જોઈ લેતા. અને સહીહ મુસ્લિમમાં અબૂ દરદાઅ રઝી અલ્લાહુ અન્હુની હદીષ માંથી છે કે તેઓ વર્ણન કરે છે કે નબી -સલ્લલ્લાહુ અલૈહિ વસલ્લમ-એ કહ્યું: અલ્લાહનો દુશ્મન ઇબલીસ આગનો અંગારો લઈ આવ્યો, જેથી તે મારા ચહેરા પર મારે, મેં ત્રણ વખત કહ્યું, "હું શેતાનથી અલ્લાહની પનાહ માંગુછું" પછી ત્રણ વખત કહ્યું, " હું અલ્લાહની સંપૂર્ણ લઅનત મોકલું છું" તો પણ તે પાછળ ન હટ્યો, પછી મેં તેને પકડી લેવાનો ઈરાદો કર્યો, અલ્લાહની કસમ ! જો મારા ભાઈ સુલેમાનની દુઆ ન હોત તો હું તેને પિલર સાથે બાંધી દેતો, જેથી સવારે મદીનાના બાળકો તેની સાથે રમત કરતા. અને આ વિશે ઘણી હદીષો છે અને આલિમોના મંતવ્યો પણ છે.
આશા રાખું છું કે વર્ણવેલ દલીલો સત્યની શોધ કરનાર માટે પૂરતી હશે, અલ્લાહ તઆલાના પવિત્ર અને ખૂબસૂરત નામો અને ઉચ્ચ ગુણોના વાસ્તે સાથે દુઆ કરીએ છીએ કે અમને દીનની સમજ આપ, અને તેના પર જમાવી દે, અને વાતચીતમાં અને અમલમાં સત્યની શોધ કરનાર બનાવે, અને આપણા સૌને ઇલ્મ વગર કોઈ વાત અલ્લાહ તરફ નિસબત કરવાથી બચાવે, અને જે વસ્તુની જાણકારી ન હોય તેનો ઇન્કાર કરવાથી પણ બચાવે, ખરેખર તે વલી અને કુદરત ધરાવનાર છે.
અને દરુદ અને સલામતી ઉતરે તેના બંદા અને તેના પયગંબર, આપણા નબી મુહમ્મદ પર, તેમની સંતાન, તેમના સાથીઓ અને જેણે તેમના પછી સત્ય સાથે અનુસરણ કર્યું તેમના પર.
[સૂરે સૉદ, આયત નંબર: ૩૫],
Related books
All books
નબી ﷺ ની સુન્નત પર અમલ કરવો જરૂરી છે અને તેનો ઇન્કાર કરવો કુફ્ર છે23 ભાષાઓનબી ﷺ ની સુન્નત પર અમલ કરવો જરૂરી છે અને તેનો ઇન્કાર કરવો કુફ્ર છે
લેખક: અબ્દુલ્ અઝીઝ બિન અબ્દુલ્લાહ બિન બાઝ રહ. શરૂ કરું છું અલ્લાહના નામથી જે અત્યંત કૃપાળુ અને મહેરબાન છે. પ્રસ્તાવના દરેક પ્રકારના વખાણ ફક્ત અલ્લાહ માટે જ છે, અને પરહેજગારો માટે (શ્રેષ્ઠ) પરિણામ છે, અને દરૂદ અને સલામતી ઉતરે તેના બંદા અને તેના પયગંબર અને આપણા નબી મુહમ્મદ ﷺ પર જે સમગ્ર સૃષ્ટિ માટે રહેમત છે, જે દરેક લોકો માટે પુરાવો છે, અને તેમના સંતાન અને તેમના સાથીઓ પર પણ, જેમણે પોતાના પવિત્ર પાલનહારની કિતાબ અને પોતાના નબીની સુન્નતને પોતાના પછીના આવનારા લોકો માટે સંપૂણ પ્રામાણિકતા અને સંપૂણ સુરક્ષા સાથે જેના અર્થ અને શબ્દો સાથે ઉઠાવી, અલ્લાહ તેમનાથી રાજી થયો અને તેઓ અલ્લાહથી રાજી થયા, અને…
સુખી જીવન માટે કેટલાક લાભદાયક ઉપાયો85 ભાષાઓસુખી જીવન માટે કેટલાક લાભદાયક ઉપાયો
શૈખ અબ્દુર રહમાન બિન નાસિર અસ્ સઅદી રહિમહુલ્લાહની કિતાબ (સુખી જીવન માટે લાભદાયક ઉપાયો) ઠોસ ઇમાન સુધી પહોંચવા તેમજ વાંચકને નેક અમલ કરવા, અલ્લાહનો ઝિક્ર કરવા, સંતુષ્ટિ તેમજ અલ્લાહની નેઅમતો પર ચિંતન મનન કરવા, ઉપકાર, તવક્કુલ, સબર અને નેઅમતોની કદર કરવા તરફ સુંદર તરીકાથી માર્ગદર્શન આપે છે, તમારા હાથમાં જે કિતાબ છે, તેમાં એવા સુચનો વર્ણન કરવામાં આવ્યા છે, જેના દ્વારા જીવનમાં આવતા ઉતાર-ચઢાવમાં ઓન એક વ્યક્તિ શાંતિમય જીવન પસાર કરી શકે છે અને તે ખુશનસીબ બની રહે.
નબી સલ્લલ્લાહુ અલૈહિ વસલ્લમની નમાઝની પદ્ધતિ82 ભાષાઓનબી સલ્લલ્લાહુ અલૈહિ વસલ્લમની નમાઝની પદ્ધતિ
"નબી સલ્લલ્લાહુ અલૈહિ વસલ્લમની નમાઝની પદ્ધતિ" નામનું પુસ્તક જે સન્માનીય શૈખ અબ્દુલ અઝીઝ બિન્ બાઝ રહિમહુલ્લાહ દ્વારા સંકલિત કરવામાં આવ્યું, જેમાં તેમણે નબી સલ્લલ્લાહુ અલૈહિ વસલ્લમની નમાઝના તરીકાનો સારાંશ સરળ શૈલી અને સચોટરૂપે કુરઆન અને હદીષના સાચા પુરાવાના આધારે કર્યો છે, જે દરેક મુસલમાનો માટે માર્ગદર્શક છે, તેમણે તેમાં નમાઝના સિદ્ધાંતો, તેની સુન્નતો અને તેની રીત, વઝૂ થી લઈ કે નમાઝના અંત સુધી સ્પષ્ટ કર્યુ છે, જે એક મહાન ઈબાદતમાં અલ્લાહના પયગંબર સલ્લલ્લાહુ અલૈહિ વસલ્લમનું અનુસરણ કરવા પર આમંત્રિત કરે છે.
حقوق دعت إليها الفطرة26 ભાષાઓحقوق دعت إليها الفطرة
رسالة لطيفة تقدم شرحًا مفصلًا لعشرة حقوق أساسية تشمل حقوق الله تعالى، وحقوق النبي صلى الله عليه وسلم، وحقوق الوالدين، والأولاد، والأقارب، والجيران، والزّوجين، والرّعية والولاة، والمسلمين عمومًا، وغير المسلمين. يهدف الكتاب إلى تعزيز الفهم الصحيح للعلاقات الاجتماعية والواجبات الفردية تجاه الآخرين، مستندًا إلى نصوص الوحي من القرآن الكريم والسنة النبوية، مما يجعله مرجعًا مهمًا لكل مسلم يسعى لتطبيق الشريعة في حياته اليومية مع ربه ومع الآخرين.