Musandirumbidze zvakapfurikidza sekurumbidza kwakaita maKristu mwanakomana waMariya; zvirokwazvo ini ndiri muranda wavo, saka taurai kuti: Muranda waAllah (Mwari) uye Mutumwa wavo.

Kubva kuna Umar bin al-Khattab (Allah ngavafare naye) akati: Ndakanzwa Muporofita (rugare nemakomborero aAllah ngazvive pavari) vachiti:

«Musandirumbidza zvakapfuura mwero sekurumbidza kwakaita maKristu mwanakomana waMariya; nokuti zvirokwazvo, ini ndiri muranda wavo, saka taurai kuti: Muranda waAllah (Mwari) uye Mutumwa wavo.»

«لَا تُطْرُونِي كَمَا أَطْرَتِ النَّصَارَى ابْنَ مَرْيَمَ؛ فَإِنَّمَا أَنَا عَبْدُهُ، فَقُولُوا: عَبْدُ اللهِ وَرَسُولُهُ».

Yakarondedzerwa naAl-Bukhari
Ndeyechokwadi
Tsananguro

Muporofita (rugare nemakomborero aAllah ngazvive pavari) vanorambidza kuwedzeredza nekudarika muganhu wemutemo waAllah (Mwari) pakuvarumbidza, uye nekuvatsanangura nemaitiro aAllah (Mwari) Varikumusoro-soro nezviito zvavo zvinongoitwa navo chete, kana kuti vanoziva zvakavanzika, kana kuti vaitirwe du'a pamwechete naAllah (Mwari), sezvakaita maKristu naIsa mwanakomana waMaryam (rugare ngaruve kwavari). Shure kwaizvozvo vakatsanangura kuti iye muranda kubva muvaranda vaAllah (Mwari), uye vakaraira kuti titi nezvake: muranda waAllah neMutumwa wavo.

Zvirevo zvemashoko

...:

Zvimwe zvezvidzidzo zveHadith

Yambiro pamusoro pekudarika mwero weShari'ah mukukudza nekurumbidza; nekuti izvozvo zvinotungamirira kuShirk.

Izvo zvakayambirwa nezvazvo naMuporofita, rugare nemakomborero aAllah (Mwari) ngazvive pavari, zvakatoitika muUmmah iyi, nokudaro rimwe boka rakanyanyisa pamusoro peMutumwa waAllah, rugare nemakomborero aAllah ngazvive pavari, uye rimwe boka pamusoro pevanhu vemba yavo (Ahl-ul-Bayt), uye rimwe boka pamusoro pevatsvene (Awliyaa), ndokubva vawira mukusanganisa Allah nezvimwe zvinhu pakunamata.

Mutumwa waAllah (Allah ngavavaropafadze nekuvapa rugare) vakazvitsanangura pachezvavo kuti vari muranda waAllah; kuitira kuratidza kuti iye muranda anorerwa naAllah, uye hazvibvumidzwe kuti apiwe chero chinhu pane zvakasarudzika zvaTenzi.

Mutumwa waAllah (rugare nemakomborero aAllah ngazvive pavari) vakazvitsanangura kuti ivo Mutumwa waAllah; kuitira kutsanangura kuti ivo Mutumwa akatumwa kubva kuna Allah, naizvozvo zvinosungirwa kutenda mavari nekuvatevera.

Mabhuku anoshandiswa kutsvaga ruzivo.

Sahih al-Bukhari (4/ 167) (3445).

Zvimwe (6)

عمدة القاري شرح صحيح البخاري.

محمود بن أحمد بدر الدين العيني (16/ 37).

فتح الباري.

لابن حجر (6/ 490).

منار القاري شرح مختصر صحيح البخاري.

حمزة محمد قاسم (4/ 208).

4 Books
Zvimwe (4)
All Cards