ეს არის ყოვლისმომცველი ვედრებები, რომლებიც არის მოცემული წმინდა ყურანში, ან სანდო გზით გადმოცემული მოციქულისგან (ალლაჰის ლოცვა და მშვიდობა მას). მათი წაკითხვა დასაშვებია ნებისმიერ დროს და ნებისმიერ ადგილას, ესენია: ტავაფი, სა'ი (საფასა და მარვას შორის), არაფატზე, და მუზდალიფაში, მაგრამ ეს ვედრებები კონკრეტულად ამ ადგილებისთვის არ არის დადგენილი. პირველი: ვედრებები ყურანიდან. ღმერთო ჩვენო, მიიღე ეს ჩვენგან, – ჭეშმარიტად, შენ ხარ ყოვლისმსმენი, ყოვლისმცოდნე*. /რაბბანა თაყაბბალ მინნა, ინნაქა ანთა ას-სამიი‘ულ-‘ალიმ/ და გვაპატიე ჩვენ, ჭეშმარიტად შენ ხარ მპატიებელი, მწყალობელი. /ვათუბ ‘ალეინა,…
ეს არის ყოვლისმომცველი ვედრებები, რომლებიც არის მოცემული წმინდა ყურანში, ან სანდო გზით გადმოცემული მოციქულისგან (ალლაჰის ლოცვა და მშვიდობა მას). მათი წაკითხვა დასაშვებია ნებისმიერ დროს და ნებისმიერ ადგილას, ესენია: ტავაფი, სა'ი (საფასა და მარვას შორის), არაფატზე, და მუზდალიფაში, მაგრამ ეს ვედრებები კონკრეტულად ამ ადგილებისთვის არ არის დადგენილი.
პირველი: ვედრებები ყურანიდან.
ღმერთო ჩვენო, მიიღე ეს ჩვენგან, – ჭეშმარიტად, შენ ხარ ყოვლისმსმენი, ყოვლისმცოდნე*. /რაბბანა თაყაბბალ მინნა, ინნაქა ანთა ას-სამიი‘ულ-‘ალიმ/და გვაპატიე ჩვენ, ჭეშმარიტად შენ ხარ მპატიებელი, მწყალობელი. /ვათუბ ‘ალეინა, ინნაქა ანთა ათ-თავვაბურ-რაჰიიმ/
ო, ჩვენო უფალო, მოგვმადლე ამქვეყნიურ ცხოვრებაში სიკეთე და საიქიო ცხოვრებაში სიკეთე და დაგვიფარე ჯოჯოხეთის სატანჯველისაგან./რაბბანაა აათინაა ფიიდ-დუნია ჰასანათან ვაფილ-აახირათი ჰასანათან ვაყინაა ‘აზაბან-ნაარ/
ღმერთო ჩვენო! ნუ მოგვკითხავ, თუკი დაგვავიწყდა ან შევცდით./რაბბანა ლა თუ’აახიზნაა ინნნასინაა ავ ახტა’ნაა/
ღმერთო ჩვენო! არ გვატვირთო ჩვენ მძიმე ტვირთი, როგორც იმათ ატვირთე, ვინც ჩვენამდე იყო. /რაბბანა ვალაა თაჰმილ ‘ალეინაა ისრან ქამაა ჰამალთაჰუ ‘ალაალ-ლაზიანა მინ ყაბლინაა/
ღმერთო ჩვენო! არ დაგვაკისრო ის, რისი ზიდვაც არ შეგვიძლია. და მოგვიტევე, გვაპატიე და შეგვიწყალე! შენა ხარ ჩვენი მბრძანებელი და დაგვეხმარე ურწმუნო ხალხზე! /რაბბანა ვალა თუჰამმილნაა მაა ლაა ტააყათა ლანაა ბიჰ, ვა‘ფუ ‘ანნაა ვაღფირ ლანაა ვარჰამნაა ანთა მავლაანაა ფანსურნაა ‘ალაალ-ყავმილ-ქააფირიინ/
ღმერთო ჩვენო! გვაპატიე ჩვენი ცოდვები და გადაცდომები ჩვენს საქმეებში; გაამტიცე ჩვენი ტერფები და შეგვეწიე ურჯულო ხალხის წინააღმდეგ. /რაბბანა ღფირ ლანა ზუნუბანა ვა ისრააფანა ფიი ამრინაა ვასაბბით აყდაამანაა ვანსურნაა ‘ალაალ-ყაუმილ-ქაფირიინ/
ღმერთო ჩვენო! ტყუილ-უბრალოდ არ გაგიჩენია შენ ეს ყოველივე! შენ ყოვლად უნაკლო ხარ! დაგვიფარე ცეცხლის სატანჯველისგან! /რაბბანა მაახალაყთა ჰააზა ბაატილან სუბჰაანაქა ფაყინაა ‘აზაბან-ნაარ/
ღმერთო ჩვენო! მოგვეცი ის, რაც შენი შუამავლების მეშვეობით აღგვითქვი და არ ჩაგვაგდო განკითხვის დღეს სამარცხვინო მდგომარეობაში. ჭეშმარიტად, არ დაარღვევ შენ აღთქმას. /რაბბანა ვა აათინაა მაა ვა‘ადთთანაა ‘ალაა რუსულიქა ვალაა თუხზინაა იაუმალ-ყიამათი ინნაქა ლაა თუხლიფულ-მიი‘აად/
ღმერთო ჩვენო! ჭეშმარიტად, ჩვენ უსამართლოდ მოვექეცით საკუთარ სულებს, და თუ არ გვაპატიებ და არ შეგვიწყალებ, უთუოდ, ჩვენ ვიქნებით განადგურებულთაგანი/წაგებულთაგანი. /რაბბანა ზალამნაა ანფუსანა ვაინ ლამ თაღფირ ლანა ვათარჰამნაა ლანაქუნანნა მინალ-ხაასირიინ/
«საკმარისია ჩემთვის ალლაჰი, არ არსებობს ღმერთი მის გარდა, მას მივენდობი და ის არის დიდებული 'არშის ბატონი».
{ ჰასბია ლლაჰუ ლაა ილააჰა ილლაა ჰუვა, 'ალეიჰი თავაქქალთუ ვა ჰუვა რაბბულ 'არშილ 'აზიიმ }
ღმერთო ჩვენო! ნუ დაგვადგენ გამოცდად უსამართლო ხალხთათვის და გვიხსენ შენი წყალობით ურწმუნო ხალხისაგან./რაბბანა ლაა თაჯ‘ალნაა ფითნათან ლილ-ყაუმიზ-ზალიმინ ვანაჯჯინაა ბირაჰმათიქა მინალ-ყაუმილ-ქააფირიინ/
ღმერთო! ჰქმენი ეს ქვეყანა უსაფრთხოდ და დამიფარე მე და ჩემი შთამომავალი კერპების თაყვანისცემისგან. /რაბბი ჯ‘ალ ჰააზალ-ბალადა აამინან ვაჯნუბნიი ვაბანიია ან ნნააბუდალ-ასნაამ/
ღმერთო მე და ჩემი შთამომავალი გვამყოფე ლოცვის შემსრულებელთაგან, ღმერთო ჩვენო ისმინე ჩვენი ვედრება. /რაბბი ჯ‘ალნიი მუყიიმას-სალაათი ვამინ ზურრიიიათიი რაბბანაა ვა თაყაბბალ დუა’ი/
ღმერთო ჩემო! მომიტევე მე, ჩემს მშობლებს, და მორწმუნეებს ანგარიშსწორების დღეს. /რაბბანა ღფირ ლიი ვალივალიდაია ვალილ-მუ’მინინა იაუმა იაყუმულ-ჰისაბ/
ღმერთო ჩვენო! მოგვეცი ჩვენ შენგან წყალობა და მოგვმადლე ჩვენი საქმე საუკეთესო ფორმით. /რაბბანა აათინაა მინ ლლადუნქა რაჰმათან ვაჰაიი’ ლანაა მინ ამრინაა რაშადან/
ღმერთო ჩემო გახსენ ჩემი გული, და გაადვილე ჩემი საქმე.
ღმერთო ჩემო შემმატე ცოდნა.
არ არსებობს ღვთაება, გარდა შენი დიდებული ხარ შენ, ჭეშმარიტად მე ვიყავი უსამართლოთაგან.
ღმერთო ჩემო! არ დამტოვო მარტო, შენ ხარ საუკეთესო მემკვიდრეობის მომცემი.
ღმერთო ჩემო! შენ მოგეკედლები ეშმაკთა ცდუნებისაგან, და შენ მოგეკედლები მათი სიახლოვისგან.
ღმერთო ჩვენო! ვირწმუნეთ ჩვენ, გვაპატიე ჩვენ და შეგვიწყალე, შენ ხარ საუკეთესო შემწყალობელი.
ღმერთო ჩემო! მაპატიე და შემიწყალე, შენ ხარ საუკეთესო შემწყალებელი.
უფალო ჩვენო! მოგვაშორე ჯოჯოხეთის სატანჯველი, რადგან მისი სატანჯველი არასდროს შეწყდება. რა საზიზღარია ის ადგილი და სამყოფელი.
ღმერთო ჩვენო! მოგვმადლე ჩვენ, ჩვენი მეუღლეებიდან და შთამომავლებიდან ჩვენი თვალის ჩინნი, და დაგვადგინე ჩვენ ღვთისმოშიშთა წინამძღოლნად.
ღმერთო ჩემო! შთამაგონე, რომ ვიყო მადლიერი იმისათვის, რაც მიბოძე მე და ჩემს მშობლებს, და რომ ვაკეთო კეთილი საქმე, რომელსაც მოიწონებ. და შემიყვანე შენი წყალობით შენს მართალ მსახურთა რიგებში.
ღმერთო ჩემო! ჭეშმარიტად, მე უსამართლოდ მოვექეცი ჩემს სულს და მომიმტევე მე.
ღმერთო ჩემო! მიხსენი მე უსამართლო ხალხისგან.
ვიმედოვნებ, რომ ჩემი ღმერთი მიხელმძღვანელებს პირდაპირი გზით.
ღმერთო ჩემო! ჭეშმარიტად, მე მჭირდება ყველა სიკეთე, რომელსაც მოავლენ ჩემზე.
ღმერთო ჩემო! მიწყალობე მე მართლებიდან[შთამომავლობა].
ღმერთო ჩემო! შთამაგონე, რომ ვიყო მადლიერი იმისათვის, რაც მიბოძე მე და ჩემს მშობლებს, და რომ ვაკეთო კეთილი საქმე, რომელსაც მოიწონებ. და მომმადლე სიკეთე ჩემს შთამომავლობაში. შენ გთხოვ შენდობას და მე ერთ-ერთი მუსლიმთაგანი ვარ!
ღმერთო ჩვენო! შენ მოგენდეთ, მხოლოდ შენ გსასოებთ და შენთანაა მისაქციელი.
ღმერთო ჩვენო! გვაპატიე ჩვენ და ჩვენს ძმებს რომლებმაც ჩვენზე ადრე ირწმუნეს, და არ გააღვივო ჩვენს გულებში შური მათ მიმართ, რომელთაც ირწმუნეს, ჩვენო ღმერთო! ჭეშმარიტად, შენ ხარ ლმობიერი, შემწყალებელი.
ღმერთო ჩვენო! სრულყავი ჩვენი სინათლე, და გვაპატიე ჩვენ, ჭეშმარიტად, შენ ყოველივეს ძალა შეგწევს.
მეორე: ვედრებები შუამავლის სუნნადან:
ღმერთო ჩემო, შენ შეგეფარები ცეცხლის განსაცდელისგან და ცეცხლის სასჯელისგან, საფლავის განსაცდელისაგან და საფლავის სასჯელისგან, სიმდიდრის სიავის განსაცდელისგან და სიღარიბის სიავის განსაცდელისგან.
ღმერთო ჩვენო! შენ შეგეფარები ცრუ მესია დაჯჯალის ცდუნებისგან.
ღმერთო ჩემო! გაწმინდე ჩემი გული ცივი და ყინულიანი წყლით, გაასუფთავე ჩემი გული ცოდვებისგან ისე, როგორც თეთრი ტანისამოსი გაასუფთავე ლაქებისაგან, და დამაშორე მე ჩემს ცოდვებს ისე, როგორც დააშორე აღმოსავლეთი და დასავლეთი.
ღმერთო ჩემო! შენ შეგეფარები სიზარმაცისგან, სიბერისგან, ცოდვებისგან და ვალებისგან.
ღმერთო ჩემო! შენ მოგეკედლები სისუსტისგან და სიზარმაცისგან, სიმხდალისგან, სიბერისგან და სიძუნწისგან, შენ მოგეკედლები საფლავის სასჯელისგან, სიცოცხლისა და სიკვდილის ცდუნებისგან.
ღმერთო ჩემო! შენ შეგეფარები განსაცდელის სირთულისგან, უბედურების სირთულისგან, ცუდი ბედისწერისგან და მტრების დამცირებისგან.
«ო ალლაჰ, შენ შეგეფარები შენი სიკეთის დაკარგვისგან, შენი წყალობის ცვლილებისგან, შენი მოულოდნელი სასჯელისა და შენი ყოველი რისხვისგან».
ღმერთო ჩემო! შენ შეგეფარები იმ ბოროტებისგან, რომელიც ჩამიდენია და იმ ბოროტებისგან, რომელიც არ ჩამიდენია.
«არ არსებობს ღვთაება, გარდა ალლაჰისა დიდებულისა, შემწყნარებლისა, არ არსებობს ღვთაება, გარდა ალლაჰის, დიდებული არშის ღმერთისა, არ არსებობს ღვთაება, გარდა ალლაჰისა ცათა ღმერთისა, და მიწის ღმერთისა, და დიადი არშის ღმერთისა»
«ალლაჰო, მე შენს მოწყალებას ვიმედოვნებ, ნუ მიმატოვებ საკუთარი თავის იმედად თვალის დახამხამების დროითაც კი, გამიმართე ჩემი ყველა საქმე. არ არსებობს ღვთაება შენს გარდა».
ღმერთო ჩემო, მე შენი მონა ვარ შენი მონის შვილი და შენი მონა ქალის შვილი, შენს ხელში ვარ, წარსული შენ ბრძანებაშია, შენი დადგენილება სამართლიანია, შენ გთხოვ შენი ყოველი სახელით რომელიც შენ გეკუთვნის, რომელიც უწოდე შენს თავს, ან ასწავლე რომელიმე შენს ქმნილებას, ან გარდმოავლინე შენს წიგნში, ან შეინახე ის შენთან, შენს დაფარულ ცოდნაში: რომ აქციო ყურანი ჩემი გულის გაზაფხულად, ჩემი მკერდის სინათლედ, ჩემი წუხილის შვებად და ჩემი დარდის გამქრობად.
ღმერთო ჩემო! მოგვეცი კეთილი დასასრული ყველა საქმეში, და დაგვიფარე ამქვეყნიური სირცხვილისგან და იმქვეყნიური სასჯელისგან.
ღმერთო! დამეხმარე მე და ნუ დაეხმარები ჩემს წინააღმდეგ, შემეწიე მე და ნუ შეეწევი ჩემს წინააღმდეგ, ხელი მომიმართე ჩემს გეგმებში და ნუ მოუმართავ ჩემს წინააღმდეგ, წამიყვანე სწორ გზაზე, და გამიადვილე მე სწორი გზა, დამეხმარე მათ წინააღმდეგ, ვინც ზღვარგადასულია ჩემს მიმართ.
ღმერთო ჩემო! გამხადე შენი უხვად მადლიერი, შენი ხშირად გამხსენებელი, შენგან ძალიან მოშიში, შენი ძალიან მორჩილი, შენსკენ მსწრაფველი და შენი მსასოებელი.
ღმერთო, მიიღე ჩემი მონანიება, გაწმინდე ჩემი ცოდვები, უპასუხე ჩემს ვედრებას, გააძლიერე ჩემი არგუმენტი, დაადგინე სწორ გზაზე ჩემი გული, გაასწორე ჩემი ენა, გაწმინდე ჩემი გული შურისგან.
ღმერთო ჩემო! შენ შეგეფარები ჩემი სმენის ბოროტებისგან, თვალის ბოროტებისგან, ენის მოროტებისგან, გულის ბოროტებისგან და ვნებების ბოროტებისგან [2].მაზჰურიმ თქვა: ანუ: ''მოძალებული ვნებების ბორიტებისგან, რათა არ ჩავვარდე მრუშობაში და არ შევხედო აკრძალულს''. ყუუთ ალ-მუღთაზი ალა ჯაამი ალ-თირმიზი (2/860).
«ღმერთო ჩემო, შენ შეგეფარები კეთრისაგან(კანის აჭრელება), სიგიჟისაგან, კეთარისაგან(კანის დაავადება) [3], და ცუდი დაავადებებისაგან».გავრცელებული დაავადება, რომელიც ჭამს და ხრწნის კანს. უზენაესმა ალლაჰმა დაგვიფაროს მისგან. შარჰ სუნან აბუ დაუდ იბნი რასლაან (7/411).
ჩემო ღმერთო! ჭეშმარიტად შენ ხარ მიმტევებელი მწყალობელი, გიყვარს მიტევება და მომიტევე მეც.
ჩემო ღმერთო! შენ გთხოვ სიკეთის კეთებას, მოუწონარის მიტოვებას, და უპოვართა სიყვარულს, მაპატიე და შემიწყალე მე, შენ თუ გადაწყვეტ რომელიმე საზოგადოებას დაატეხო განსაცდელი, მომაკვდინე განსაცდელში მოხვედრის გარეშე, შენ გთხოვ, შენს სიყვარულს, იმის სიყვარულს, ვისაც შენ უყვარხარ, და იმ ქმედების სიყვარულს, რომელიც შენთან დამაახლოვებს.
ო, ალლაჰ, გთხოვ შენგან ყოველგვარ სიკეთეს — როგორც ამქვეყნად, ისე მომავალ ცხოვრებაში, იმას, რაც ჩემთვის ცნობილია, და იმას, რაც ჩემთვის უცნობია. შენ შეგეფარები ყოველგვარი ბოროტებისგან — როგორც ამქვეყნად, ისე მომავალ ცხოვრებაში, იმისგან, რაც ჩემთვის ცნობილია, და იმისგან, რაც ჩემთვის უცნობია.
ჩემო ღმერთო! დამიფარე ისლამით ფეხზე მდგომი, დამიფარე ისლამით მჯდომარე, დამიფარე ისლამით მწოლიარე, და ნუ მისცემ მტერს და არც მოშურნეს ჩემით გულის დაოკებას.
ჩემო ღმერთო, შენგან ვითხოვ ყველა იმ სიკეთეს, რომელთა ხაზინებიც შენს ხელთაა, და შენ მოგეკედლები ყველა იმ ბოროტებისგან, რომელთა ხაზინები შენს ხელთაა.
ღმერთო ჩემო! გვარგუნე შენი შიშისგან, რაც იქნება საზღვარი ჩვენსა და შენ აკრძალულებს შორის. და შენი მორჩილებიდან ის, რაც მიგვიყვანს შენ სამოთხემდე. და სიმტკიცე, რომელიც გაგვიადვილებს ამქვეყნიურ განსაცდელებს.
ღმერთო ჩემო! გვასარგებლე ჩვენი სმენით, მხედველობით, და ძალით სანამ გვაცოცხლებ, დაადგინე ის ჩვენ შთამომავლად[4], გვაძევინე შური ვინც უსამართლოდ მოგვექცა, დაგვეხმარე მტრების წინააღმდეგ, და არ დაგვიდგინო განსაცდელი ჩვენს რელიგიაში, არ გვიქციო ეს ქვეყანა მთავარ საფიქრალად, და ცოდნის მიზნად. და არ გააბატონო ჩვენზე, ვინც არ გვწყალობს ჩვენ.ანუ: დაგვიტოვე ჩვენ სმენის და მხედველობის ძალა მას შემდეგ რაც ჩვენი სხვა ნაწილები დასუსტდება, სიკვდილის ბოლომდე. ალ-მაფათიჰ ფი შარჰი ალ-მასაბიჰ (3/248).
ღმერთო ჩემო, შენ შეგეფარები სიმხდალისგან, და შეგეფარები სიძუნწისაგან, და შეგეფარები აღმოვჩნდე ხანდაზმულობის სისუსტეში, შეგეფარები ამქვეყნის განსაცდელისაგან, და საფლავის სასჯელისაგან.
«ღმერთო ჩემო, მაპატიე ჩემი ცოდვა და ჩემი უმეცრება, ჩემი უზომობა/ზღვარს გადასვლა ჩემს ყველა საქმეში და ის, რაც შენ ჩემზე უკეთ იცი! ო, ალლაჰ, მაპატიე რაც სერიოზულად გავაკეთე და ის, რაც ხუმრობით გავაკეთე, ის, რაც შეცდომით გავაკეთე, რაც განზრახ ჩავიდინე, რადგან ეს ყველაფერი ჩემთვის დამახასიათებელია»
"ჩემო ღმერთო, უეჭველად მე უსამართლოდ მოვექეცი ჩემს თავს, და არავის შეუძლია ცოდვების პატიება გარდა შენისა, მაშ მომიტევე მე, შემიწყალე მე, ჭეშმარიტად შენ მპატიებელი შემწყალობელი ხარ".
ღმერთო, მე თავშესაფარს ვეძებ შენს დიდებაში, არ არსებობს ღმერთი გარდა შენი, რომ არ ჩამაგდო გზააბნევაში, შენ ხარ მარად ცოცხალი, რომელიც არასდროს კვდება, ხოლო ჯინებიც და ადამიანებიც კვდებიან.
ჩემო ღმერთო, შენ გთხოვ შენი წყალობის მომტან მიზეზებს[5], და შენი პატიების მომტან თვისებებს[6], და შორს ყოფნას ყველა ცოდვისგან, და წყალობას ყველა ღვთისმსახურებისგან, გამარჯვებას სამოთხით, და გადარჩენას ცეცხლისგან.ანუ: ქმედებები, სიტყვები, და თვისებები, რომელიც გახდება ჩემთვის შენი წყალობის მიზეზი. ალ-მაფათიჰ ფი შარჰი ალ-მასაბიჰ (2/304).(თვისებები): ეს არის თვისებები, რომლებიც სურს ადამიანს, ან უნდა რომ ჰქონდეს, ჰქონდეს ასეთი განზრახვა გულში და მტკიცე იყოს მასში; ეს ნიშნავს რომ: შენ გთხოვ იმ თვისებებს, რომლებიც გახდება შენი ჩემზე პატიების მიზეზი; ალ-მაფათიჰ ფი შარჰი ალ-მასაბიჰ (2/304).
ღმერთო ჩემო, მომიტევე მე ჩემი ცოდვა, მომეცი სიუხვე ჩემს საცხოვრებელში და მომეცი ბარაქა ჩემს ქონებაში.
ღმერთო ჩემო! შენ გთხოვ შენი სიკეთიდან და წყალობიდან, ჭეშმარიტად მას არავინ ფლობს შენს გარდა.
ჩემო ღმერთო! შენ შემოგეფარები გადაჩეხვისგან, ნგრევისგან, დახრჩობისგან, ხანძრისგან, შენ შეგეფარები, რომ მაცდინოს სატანამ სიკვდილის ჟამს, შენ შეგეფარები, რომ შენს გზაზე ზურგშექცეულმა მოვკვდე, შენ შეგეფარები (გველის ან მორიელის... კბენის გამო) სიკვდილისგან.
ღმერთო ჩემო, შენ შეგეფარები შიმშილისგან, რაოდენ ცუდი თანმხლებია ის, შენ შეგეფარები ღალატისგან, რაოდენ ცუდი მეგობარია ის.
ჩემო ღმერთო, შენ მოგეკედლები სისუსტისგან და სიზარმაცისგან, სიმხდალისგან, სიბერისგან და სიძუნწისგან, გულქვაობისგან, უგულისყურობისგან და სიდუხჭირისგან[7], დამცირებისგან და დაჩაგვრისგან. შენ შემოგეკედლები სიღარიბისგან, ურწმუნოებისგან, ცოდვებისგან, განხეთქილებისგან, ორპირობისგან, სახელის მოხვეჭისგან და თავმომწონეობისგან, შენ შემოგეკედლები სიბრმავისგან, სიმუნჯისგან, სიგიჟისგან, კეთროვანი დაავადებისგან და ყველა ცუდი დაავადებისგან.ალ-ი'ილა: სიდუხჭირე: გაჭირვება. ალ-მუ'ლიმ ბი ფავაა იდი მუსლიმ (1/279).
ღმერთო ჩემო! შენ შეგეფარები გაჭირვებისგან, სიდუხჭირისგან, და დამცირებისგან, შენ შეგეფარები, რომ მოვიქცე უსამართლოდ ან მომექცნენ უსამართლოდ.
ღმერთო ჩემო, შენ შეგეფარები ცუდი მეზობლისგან სამუდამო საცხოვრებელში; ხოლო დროებით საცხოვრებელში მეზობელი შეიცვლება.
ჩემო ღმერო! შენ შეგეფარები გულისგან, რომელსაც არ ეშინია, სულისგან, რომელიც არ კმაყოფილდება, და ვედრებისგან, რომელიც არ მიიღება, ცოდნისგან, რომელიც სარგებელს არ მოიტანს, ჩემო ღმერთო, შენ შეგეფარები ამ ოთხი რამისგან.
ღმერთო ჩემო, შენ შეგეფარები ცუდი დღისგან, ცუდი ღამისგან, ცუდი საათისგან, ცუდი მეგობრისგან და ცუდი მეზობლისგან სამუდამო საცხოვრებელში.
ღმერთო ჩემო! შენ გთხოვ სამოთხეს და შენ შეგეკედლები ჯოჯოხეთისგან.
ჩემო ღმერთო! მომეცი ცოდნა რელიგიაში.
ჩემო ღმერთო, მე შემოგეკედლები შენ, რომ რაიმე დაგიდგინო მოზიარედ ისე, რომ არ ვიცოდე, და შენ გთხოვ მიტევებას იმ ცოდვის გამო, რომელიც მე არ ვიცი.
ღმერთო ჩემო! სასარგებლო გახადე ჩემთვის ის, რაც შემასწავლე, და შემასწავლე მე ის, რაც სასარგებლოა ჩემთვის, და შემმატე ცოდნა.
ღმერთო ჩემო! შენ გთხოვ სასარგებლო ცოდნას, ჰალალ სარჩოს და მიღებულ ღვთისმსახურებას.
ჩემო ღმერთო! შენ გთხოვ ო ალლაჰ, ჭეშმარიტად შენ ხარ ერთი, ერთადერთი, ას'სამედი რომელიც არც შობილა და რც უშვია და არც არავინ ყოფილა მსგავსი მისი, ერთადერთი ხარ, მომიტევე ჩემი ცოდვები, ჭეშმარიტად, შენ ხარ მიმტევებილი, მწყალობელი.
ჩემო ღმერთო! შენ გთხოვ ჭეშმარიტად ქება-დიდება შენ გეკუთვნის, არ არსებობს ღვთაება გარდა შენი, ერთადერთი ხარ შენ არ გყავს მოზიარე, შენ ხარ მომმადლებელი, ცანის და მიწის გამჩენი, ო დიდების და კეთილშობილების პატრონო, ო მარადცოცხალო და მარადმსუფევო, შენ გთხოვ სამოთხეს და შენ შემოგეფარები ჯოჯოხეთისგან.
ჩემო ღმერთო! შენ გთხოვ იმით, რომ ვამოწმებ, რომ ჭეშმარიტად შენ ხარ ალლაჰი, არ არსებობს ღვთაება გარდა შენი, ერთადერთი, ას'სამედი რომელიც არც შობილა და რც უშვია და არც არავინ ყოფილა მსგავსი მისი.
ღმერთო მომიტევე და მაპატიე მე, ჭეშმარიტად შენ ხარ მპატიებელი, მიმტევებელი.
ღმერთო ჩემო! შენი დაფარული ცოდნით და შენი ყოვლისმომცველი ძალით შენს ქმნილებებზე, მაცოცხლე თუ იცი რომ სიცოცხლე სასიკეთოა ჩემთვის, მომაკვდინე თუ იცი რომ სიკვდილი სასიკეთოა ჩემთვის.
ღმერთო ჩემო! გთხოვ მამყოფე შენი მოშიში დაფარულში თუ ცხადში, შენ გთხოვ მათქმევინო ჭეშმარიტი სიტყვა კმაყოფილებაში თუ სიბრაზეში, შენ გთხოვ თანასწორობას გაჭირვებაში და ფუფუნებაში, გთხოვ ულევ წყალობას, გთხოვ უწყვეტ თვალისჩინს, გთხოვ კმაყოფილებას განჩინების შემდეგ, გთხოვ მშვიდ განსასვენებლს გარდაცვალების შემდეგ, გთხოვ შენი სახის ნახვის სიტკბოებას, და შენთან შეხვედრის მონატრებას დამაზიანებელი გაჭირვების და სწორი გზიდან ამცდენი განსაცდელის გარეშე.
ღმერთო ჩემო! დაგვამშვენე რწმენის მშვენიერებით, და გვამყოფე სწორ გზაზე და მისკენ მომხმობი.
ღმერთო ჩემო! მიწყალობე შენი სიყვარული და იმის სიყვარული, ვისი სიყვარულიც სარგებელს მომიტანს შენთან.
ღმერთო ჩემო! რაც მიწყალობე ჩემი საყვარელი რამიდან, გახადე იგი ძალა ჩემი იმ საქმეში რომელიც შენ გიყვარს.
ღმერთო ჩემო! რაც არ მომეცი რაც მიყვარდა, მომეცი დრო ვაკეთო ის, რაც შენ გიყვარს.
ჩემო ღმერთო! შენ მოგეკედლები სიმხდალისგან, და სიძუნწისგან, (ღრმა) სიბერისგან, გულის განსაცდელისგან და საფლავის სასჯელისგან.
ღმერთო ჩემო! ღმერთო ჯიბრილისა და მიქაილისა, და ღმერთო ისრაფილისა, შენ შეგეფარები მწვავე ცეცხლისაგან და საფლავის სასჯელისაგან.
ღმერთო ჩემო! მომმადლე სიბრძნე და დამიფარე ჩემი სულის ბოროტებისგან.
ღმერთო ჩემო! შენ გთხოვ სასარგებლო ცოდნას, და შენ შემოგეფარები უსარგებლო ცოდნისგან.
ღმერთო ჩემო! შენ ხარ შვიდი ზეცის და მიწის ღმერთი, და ღმერთი დიდებული არშისა, ჩვენი ღმერთი და ყოველივეს ღმერთი, გამპობი მარცვლის და კურკის[8], გადმომვლენი თორასი, ინჯილის და ფურყანის, შენ შემოგეფარები ყოველივე ბოროტებისგან, რომელთა მეუფეც შენ ხარ, ჩემო ღმერთო, შენ ხარ პირველი და არაფერი ყოფილა შენამდე, და შენ ხარ ბოლო და არაფერი იქნება შენს შემდეგ, შენ ხარ აშკარა და არაფერია შენს მაღლა, შენ ხარ ფარული და არაფერია შენს გარდა, გადაიხადე ჩვენი ვალები და ამოგვიყვანე გაჭირვებიდან.ანუ: მარცვლის გამპობი, მისგან გამოჰყავს თავთავი და კურკა, მისგან ამოჰყავს პალმა. ''ალ-მაფჰუმ ლიმაა აშქალა მინ თალხისი ქითაბი მუსლიმ'' (7/41).
ღმერთო ჩემო! მოალბე ჩვენი გულები, გამოასწორე ჩევნს შორის არსებული, წაგვიყვანე მშვიდობის გზაზე, გაგვიყვანე სიბნელიდან სინათლეზე, დაგვაშორე გარყვნილებიდან და განსაცდელიდან, აშკარა მისგან თუ დაფარული. მოგვეცი ბარაქა ჩვენ სმენაში, მხედველობაში, გულებში და ცოლ-შვილში, გვაპატიე ჩვენ, რამეთუ შენ მპატიებელი, მწყალობელი ხარ, გვამყოფე შენი წყალობის მიმართ მადლიერნი, მის გამო შენი შემქებნი, მისი შესაფერისნი, და სრულყავი წყალობა ჩვენზე.
ღმერთო ჩემო! შენ გთხოვ საუკეთესოს, საუკეთსო ვედრებას, საუკეთესო წარმატებას, საუკეთესო საქმეს, საუკეთესო მადლს, საუკეთესო სიცოცხლეს, და საუკეთესო სიკვდილს, გამამტკიცე, მადლით დაამძიმე ჩემი სასწორი, გააძლიერე ჩემი რწმენა, აამაღლე ჩემი საფეხურები, მიიღე ჩემი ლოცვა და მომიტევე ჩემი ცოდვები, შენ გთხოვ მაღალ საფეხურებს სამოთხეში.
ღმერთო ჩემო! შენ გთხოვ ყველა სიკეთის გასაღებს, კეთილ დასასრულს, ყველა სიკეთეს, უპირველეს, აშკარა და დაფარულ სიკეთეებს, და მაღალ საფეხურებს სამოთხეში.
ღმერთო ჩემო! შენ გთხოვ სიკეთეს საითაც მივდივარ, სიკეთეს რასაც ვაკეთებ, სიკეთეს რასაც ვმუშაობ, დაფარულ სიკეთეს და აშკარა სიკეთეს, და მაღალ საფეხურებს სამოთხეში.
ღმერთო ჩემო! შენ გთხოვ, აამაღლე ჩემი სახელი, დაასრულე ჩემი ბრძოლა, გამოასწორე ჩემი საქმე, განწმინდე ჩემი გული, დაიცავი ჩემი სინდისი, გაანათე ჩემი გული, მომიტევე ჩემი ცოდვა, შენ გთხოვ მაღალ საფეხურებს სამოთხეში.
ღმერთო ჩემო! შენ გთხოვ, რომ მომცე ბარაქა ჩემს სულში, სმენაში, მხედველობაში, სულში, სხეულში, ზნეობაში, ოჯახში, სიცოცხლეში, სიკვდილში, საქმეში და მიიღე ჩემი კარგი ქმედებები, შენ გთხოვ, მაღალ საფეხურებს სამოთხეში.
ღმერთო ჩემო! დამაშორე ცუდი ზნეობისგან, ქმედებებისგან, ფიქრებისგან და ავადმყოფობისგან.
ღმერთო ჩემო! მამყოფე კმაყოფილი იმის მიმართ, რაც მიწყალობე და მომეცი ბარაქა მასში, და დამიბრუნე ყველა დაკარგული, რაშიც სიკეთეა ჩემთვის.
ღმერთო ჩემო! განმკითხე იოლი განკითხვით.
ღმერთო ჩემო! შენ შემეწიე შენს ხსენებაში, შენთვის მადლიერების გამოხატვაში და ღვთისმსახურების საუკეთესო ფორმით შესრულებაში.
ღმერთო ჩემო! შენ გთხოვ რწმენას, რომელიც უკუ არ იქცევა, წყალობას, რომელიც არ დამთავრდება და შენი შუამავლის მუჰამმადის (ალლაჰის ლოცვა და მშვიდობა მას) გვერდით ყოფნას ყველაზე მაღალ მარადიულ სამოთხეში.
ღმერთო ჩემო! დამიფარე ჩემი სულის ბოროტებისგან, მტკიცე მამყოფე ყველაზე მართალ გზაზე ჩემ საქმეში, ღმერთო ჩემო! მომიტევე ყველა დაფარული და აშკარა ცოდვები, რაც შეცდომით მომივიდა და რაც განზრახ ჩავიდინე, რაც ვიცი და რაც არ ვიცი.
ღმერთო ჩემო! მომიტევე მე, დამადგინე სწორ გზაზე, მომეცი სარჩო. და მომეცი ჯანმრთელობა, ალლაჰს მივეკედლები შეზღუდული ადგილისგან განკითხვის დღეს.
ღმერთო ჩემო! მასარგებლე ჩემი სმენით და მხედველობით, სიცოცხლის ბოლომდე დამიტოვე ისინი, შემეწიე მის წინაშე, ვინც უსამართლოდ მექცევა და იძიე ჩემთვის შური.
ღმერთო ჩემო! შენ გთხოვ, სუფთა ცხოვრებას, ჯანმრთელ სიკვდილს, და მისაქციელს დამცირებისა შერცხვენის გარეშე.
ღმერთო ჩემო! საუკეთესო ფორმით გამაჩინე და საუკეთესო ზნეობა მომეცი.
ღმერთო ჩემო! აპატიე მორწმუნე კაცებს და მორწმუნე ქალებს.
ღმერთო ჩემო! გამამტკიცე და მამყოფე სწორ გზაზე, და სწორი გზისკენ მომხმობი.
ღმერთო ჩემო! მომეცი სიბრძნე, რომელიც ვისაც მიეცემა ჭეშმარიტად მას ძალიან ბევრი სიკეთე მიეცა.
ალლაჰმა უკეთ უწყის! ალლაჰის ლოცვა და მშვიდობა ჩვენ შუამავალს მუჰამმადს!
ისლამი არის სამყაროს შემოქმედი და მმართველი ალლაჰისთვის მორჩილება, სიყვარული და პატივისცემა. ისლამის საფუძველია რწმენა ალლაჰისადმი, რომ ის არის შემოქმედი და ყოველი სხვა არის ქმნილება. მხოლოდ ალლაჰი იმსახურებს თაყვანისცემას, მის გარდა არ არსებობს არავინ, ვინც მართლაც იმსახურებდეს თაყვანისცემას. მას აქვს ყველაზე მშვენიერი სახელები და უმაღლესი თვისებები, მას აქვს სრულყოფილი სრულყოფილება ყოველგვარი ნაკლის გარეშე. იგი არ შობს და არც თავად არის შობილი, და მას არ ჰყავს არავინ თანასწორი ან მსგავსი. იგი არ იღებს ფიზიკურ ფორმას და არ ჩნდება თავის შექმნილ არსებებში. ისლამი რელიგიაა ალლაჰისა, რომელიც არ…
მოციქული მუჰამმადის (ალლაჰის ლოცვა და მშვიდობა მას) ლოცვის აღწერა
79 languages
მოციქული მუჰამმადის (ალლაჰის ლოცვა და მშვიდობა მას) ლოცვის აღწერა
წიგნში მოციქული მუჰამმადის (ალლაჰის ლოცვა და მშვიდობა მას) ლოცვის ფორმა, ძვირფასი სწავლული შეიხი აბდულ-აზიზ იბნ ბაზ (ალლაჰმა შეიწყალოს ის) შეაჯამებს წინასწარმეტყველ მუჰამმადის (ალლაჰის ლოცვა და მშვიდობა მას) ლოცვის აღწერას მარტივი სტილითა და ზუსტი მეთოდოლოგიით, სანდო ტექსტებსა და ჰადისებზე დაყრდნობით, რათა ის იყოს გზამკვლევი მუსლიმისთვის ლოცვაში, წიგნში განმარტებულია ლოცვის საფუძვლები (ფუნდამენტური ნაწილები), სუნნათები და მისი ფორმა აბდესის დაწყებიდან მისალმებამდე, იგი აერთიანებს მტკიცებულებებს და მკაფიო განმარტებებს, და მოუწოდებს მორწმუნეს, რომ მოციქულ მუჰამმადს (ალლაჰის ლოცვა და მშვიდობა…
თუ გსურს ისლამში შესვლა, უნდა წარმოთქვა შემდეგი აღიარება ხმამაღლა, გესმოდეს მისი მნიშვნელობა და გწამდეს მისი: თუ გსურს ისლამში შესვლა, უნდა წარმოთქვა შემდეგი აღიარება ხმამაღლა: ვამოწმებ, რომ არ არსებობს ღმერთი, გარდა ალლაჰისა (ეს სიტყვები ნიშნავს, რომ არავინ იმსახურებს თაყვანისცემას, გარდა ალლაჰისა). ვამოწმებ, რომ არ არსებობს ღვთაება, გარდა ალლაჰისა, აშჰადუ ან ლა ილაჰა ილლალლაჰ და ვამოწმებ, რომ მუჰამმადი ალლაჰის შუამავალია და იესო, მარიამის ძე, ალლაჰის მონა და მისი შუამავალია. და ვამოწმებ, რომ მუჰამმადი ალლაჰის შუამავალია,
