ئه‌ڤه هنده‌ك دوعایێن كۆمكه‌رن، یێن كو د قورئانا پیرۆزدا هاتین یان ب ڕه‌نگه‌كێ دروست ژ پێغه‌مبه‌ری صه‌لات و سه‌لامێن خودێ ل سه‌ر بن بنه‌جھبووی، دورسته مرۆڤ د هه‌می ده‌م و جهاندا بكه‌ت، خۆ ل ده‌مێ كرنا طه‌وافێ و سه‌عیكرنێ (چوونا د ناڤبه‌را صه‌فا و مه‌روه‌یێدا) و عه‌ره‌فێ و موزده‌لیفێدا، به‌لێ پا نه د تایبه‌تن ب ڤان جهان ب تنێڤه.
ئێك: ئه‌و دوعایێن د قورئانێدا هاتین.
((خودايێ مه تۆ كريارێن مه يێن چاك و دوعايێن مه ژ مه قه‌بويل بكه، تۆ گوهدێرێ گۆتنێن به‌نییێن خۆي، يێ پڕزانايى ب ڕه‌وشا وان *و ل گوننه‌هێن مه ببووره. هندى تۆيى تۆ پڕتوبه‌وه‌رگر و دلۆڤانكارى ب بـه‌نییێن خۆ)).
((خودایێ مە، د دونیایێدا چاکییێ بدە مە و ل ئاخرەتێ ژی چاکییێ بدە مە و مە ژ عەزابا ئاگری بپارێزە)).
((خودایێ مە، ل مە نەگرە ئەگەر مە ژبیر کر یان مە خەلەتی کر)).
((خودایێ مە، و ئەو تشتێ شیانێن مە تێدا نەبن ل سەر مە بار نەدانە و ل مە ببوورە و گونەهێن مە ژێ ببە و دلۆڤانییێ ب مە ببە، هەر تۆیی خودانێ مە، ڤێجا مە ب سەر مللەتێن بێباوەر بێخە)).
((خودایێ من، سینگێ من بۆ من ڤەکە (فرەهـبکە) و کارێ من بۆ من ب ساناهی بکە)).
((خودایێ من، زانینا من زێدە بکە)).
((ژ تە پێڤەتر چ خودێ نینن ژ هەژی پەرستنێ بن، تۆ یێ پاقژ و بلندی ژ کێماسییان، ب ڕاستی ئەز ژ زۆڕداران بووم)).
((خودایێ من، من ب تنێ نەهێلە و تۆ باشترینێ میراتگرانى)).
((خودایێ من، ئەز خۆ ب تە دپارێزم ژ وەسوەسە و فێلێن شەیتانی و ئەز خۆ ب تە دپارێزم ئەی خودایێ من کو ئەو نێزیکی من ببن))
((خودایێ مە، مە باوەری ئینا، ڤێجا ل مە ببوورە و دلۆڤانییێ ب مە ببە و تۆ باشترینێ دلۆڤانکارانی)).
((خودایێ من، گونەهێن من ژێ ببە و دلۆڤانییێ ب من ببە و تۆ باشترینێ دلۆڤانکارانی)).
((خودایێ مە، عەزابا جەهنەمێ ژ مە دویر بێخە، ب ڕاستی عەزابا وێ یا بەردەوامە. ب ڕاستی ئەو جهەکێ خرابە بۆ ئاکنجیبوونێ)).
((خودایێ مە، ژ هەڤژین و دویندەها مە، کەسێن وەسا بدە مە کو ببنە ڕۆناهییا چاڤێن مە و مە بکە پێشەوا بۆ ژ خودێ ترسان))
((خودایێ من، وێ شیانێ بدە من کو سوپاسییا قەنجی و نیعمەتا تە بکەم یا تە دایە من و دایبابێن من و کو کارەکێ باش بکەم کو تۆ پێ ڕازی بی و ب دلۆڤانییا خۆ من بینە د ناڤ بەنییێن خۆ یێن باشدا))
((خودایێ من، ب ڕاستی من زۆڕداری ل خۆ کر، ڤێجا تۆ ل من ببوورە)).
((خودایێ من، من ژ مللەتێ زۆڕدار ڕزگار بکە)).
((من هیڤییا هەی بەلکی خودایێ من من ڕاستەڕێ بکەت بۆ ڕێکا ڕاست)).
((خودایێ من، ب ڕاستی ئەز یێ پێدڤی هەر خێرەکێ مە یا تۆ بۆ من دهنێری)).
((خودایێ من، (زارۆکەکێ) ژ چاکان بدە من)).
((خودایێ من، وێ شیانێ بدە من کو سوپاسییا قەنجی و نیعمەتا تە بکەم یا تە داییە من و دایبابێن من و کو کارەکێ باش بکەم کو تۆ پێ ڕازی بی و چاکی و باشییێ بۆ من بێخە د دویندەها مندا، ب ڕاستی ئەز ل دەف تە تۆبە دکەم و ب ڕاستی ئەز ژ موسلمانانم)).
((خودایێ مە، مە خۆ هێلایە ب هیڤییا تەڤە و ئەم زڤڕینەڤە بۆ دەڤ تە و زڤڕین هەر بۆ دەڤ تەیە)).
((خودایێ مە، تۆ گونەهێن مە و وان برایێن مە یێن د باوەریێدا بەری مە کەڤتین ژێ ببە و ل مە ببوورە، و کەرب و کینێ د دلێن مە دا نەهێلە بەرامبەر وان کەسێن باوەری ئینایی، خودایێ مە ب ڕاستی تۆ یێ ب سۆز و دلۆڤانی)).
((خودایێ مە، ڕۆناهییا مە بۆ مە تەمام بکە و گونەهێن مە ژێ ببە و ل مە ببوورە، ب ڕاستی تۆ ل سەر هەر تشتەکی یێ خودان شیانی)).
دوو: ئه‌و دوعایێن د سوننه‌تا پێغه‌مبه‌ریدا (صه‌لات و سه‌لامێن خودێ ل سه‌ر بن) هاتین:
((خودایێ من، ب ڕاستی ئەز خۆ ب تە دپارێزم ژ فتنا ئاگری و عەزابا ئاگری، ژ فتنا قەبری و عەزابا قەبری، ژ خرابییا فتنا زەنگینییێ و خرابییا فتنا هەژارییێ)).
((خودایێ من، ب ڕاستی ئەز خۆ ب تە دپارێزم ژ فتنا مەسیحێ دەجالی)).
((خودایێ من، دلێ من ب ئاڤا بەفر و گژلۆکێ بشۆ، دلێ من ژ خەلەتییان پاقژ بکە وەکی چاوا جلكێ سپی ژ پیساتییێ د هێته پاقژكرن، و ناڤبەرا من و خەلەتییێن من دویر بێخە وەك تە ناڤبەرا ڕۆژهەلات و ڕۆژئاڤایێ دویر ئێخستی)).
((خودایێ من، ب ڕاستی ئەز خۆ ب تە دپارێزم ژ تەمبەلییێ، لاوازبوونا پیراتییێ، گونەهێ و قەردارییێ)).
((خودایێ من، ئەز خۆ ب تە دپارێزم ژ بێ شیانی و تەمبەلییێ، و ترسنۆکی و لاوازييا پیراتی و ڕەزیلییێ، ئەز خۆ ب تە دپارێزم ژ عەزابا قەبری و ژ خرابییا فتنا ژیان و مرنێ)).
((خودایێ من، ئەز خۆ ب تە دپارێزم ژ زەحمەتی و ماندیبوونا بەلایێ، گەهشتنا بەختڕەشییێ، خرابییا قەدەرێ و کەیفخۆشییا دوژمنان ب شکەستنا من)).
((خودایێ من، دویماهییا مە د هەمی کاراندا چاك بکە، و مە ژ سەرشووڕی و شەرمزارییا دونیایێ و عەزابا ئاخرەتێ بپارێزە)).
((خودایێ من، هاریکارییا من بکە و هاریکارییێ ل سەر من نەکە، من ب سەربێخە و کەسێ ل سەر من ب سەرنەئێخە، نەخشە و پیلانان بۆ من بکێشە و نەخشە و پیلانان ل سەر من نەکێشە، من ڕاستەڕێ بکە و ڕاستەڕێبوونێ بۆ من ب ساناهی بکە و من ب سەربێخە ل سەر وی کەسێ زۆڕدارییێ ل من بکەت)).
((خودایێ من، تۆبەیا من قەبویل بکە، گونەها من بشوو، بەرسڤا دوعایا من بدە، بەڵگەیێن من جێگر و بنەجهـبکە، دلێ من ڕاستەڕێ بکە، ئەزمانێ من ڕاست بکە و کەرب و کین و خرابییا دلێ من ژێ ببە)).
((خودایێ من، ئەز خۆ ب تە دپارێزم ژ خرابییا بهیستن و دیتن و ئەزمان و دلێ من و ژ خرابییا مەنییا من)) [2]مەزهەری دبێژیت: (ئانکو ژ خرابییا ئاڤا من (مەنییا من) هەتا تووشی کرنا زینایێ و بەرێخۆدانا تشتێ حەرام نەبم). قوت المغتذي على جامع الترمذي (2/ 860)
((خودایێ من، ئەز خۆ ب تە دپارێزم ژ بەلەکبوون و دیناتییێ و نه‌خۆشییا گولییێ (جوزامێ) [3] ئێش و نەساخییێن خراب)).ئێش و دەردەکێ ناڤدارە، گۆشتی دخۆت و پویچ دکەت، خودایێ مەزن مە ژێ ب پارێزیت. شرح سنن أبي داود لابن رسلان (7/ 411)
((خودایێ من، ب ڕاستی تۆ یێ ب لێبوورین و مەردی، حەز ژ لێبوورینێ دکەی، ڤێجا ل من ببوورە)).
((خودایێ من، ئەز داخوازا کرنا خێر و باشییان و هێلانا گونەهـ و خرابییان و حەزژێکرنا هەژاران ژ تە دکەم، و کو تۆ گونەهێن من ژێ ببەی و دلۆڤانییێ ب من ببەی، ئەگەر تە فتنەیەك بۆ مللەتەکی ڤیا؛ من بمیرینە بێ کو توشی فتنێ ببم، ئەز داخوازا حەزژێکرنا تە و حەزژێکرنا وی یێ حەز ژ تە دکەت و حەزژێکرنا کریارەکا من نێزیکی حەزژێکرنا تە بکەت، ژ تە دکەم)).
((خودایێ من، ئەز داخوازا هەمی خێرێ ژ تە دکەم: یا بلەز و یا پاشکەڤتی، یا ئەز دزانم و یا ئەز نه‌زانم و ئەز خۆ ب تە دپارێزم ژ هەمی خرابییێ: یا بلەز و یا پاشکەڤتی، یا ئەز دزانم و یا ئەز نه‌زانم)).
((خودایێ من، من ب ئیسلامێ بپارێزە ل سەر پێیان، من ب ئیسلامێ بپارێزە ب ڕوینشتی، من ب ئیسلامێ بپارێزە ب نڤستی و چ دوژمن و حەسویدان ب من کەیفخۆش نەکە)).
((خودایێ من، ئەز داخوازا هەر خێرەکێ ژ تە دکەم یا گەنجینەیێن وێ د دەستێ تەدا و ئەز خۆ ب تە دپارێزم ژ هەر خرابییەکێ یا گەنجینەیێن وێ د دەستێ تەدا)).
((خودایێ من، ژ ترسا خۆ هندێ بدە مە یا ببیتە ڕێگر د ناڤبەرا مە و سه‌رپێچييا فه‌رمانا ته و ژ گوهدانا خۆ هندێ بدە مە یا مە پێ بگەهینیتە بەحەشتێ، ژ پشتڕاستییێ هندێ بدە مە یا موسیبەتێن دونیایێ ل سەر مە ب ساناهی بکەت)).
((خودایێ من، خۆشییێ بۆ مه بكه د گوهـلێبوونا مه، دیتنا مه، هێزا مه دا، هندى تۆ مه د ژیانێدا دهێلی و وێ (ساخله‌مییێ) بکه میراتگرێ مه (هه‌تا مرنێ د گه‌ل مه بیت)[4]، تۆلا مه ژ وی که‌سێ زۆڕداری ل مه کری ڤه‌که و مه ب سه‌ربێخه ل سه‌ر وی یێ دوژمنا‌تییا مه دکه‌ت، به‌لا و موسیبه‌تا مه نه‌که د ئایینێ مه‌دا، دونیایێ نه‌که مه‌زنترین خه‌ما مه و نه دویماهیكا زانینا مه و که‌سه‌کێ دلۆڤانییێ ب مه نه‌به‌ت؛ ل سه‌ر مه زال نه‌که)).ئانکو: هێزا بهیستن و دیتنا مە پشتی لاوازبوونا ئەندامێن مە یێن دی بۆ مە بهێلە هەتا دبیتە دەمێ مرنێ. الفاتیح في شرح المصابيح (3/ 248)
((خودایێ من، ئەز خۆ ب تە دپارێزم ژ ترسنۆکییێ، ئەز خۆ ب تە دپارێزم ژ ڕەزیلییێ، ئەز خۆ ب تە دپارێزم کو بگەهمە خرابترین تەمەن و ئەز خۆ ب تە دپارێزم ژ فتنا دونیایێ و عەزابا قەبری)).
((خودایێ من، ل خەلەتییا من و نەزانینا من و زێدەگاڤیکرنا من د کارێ مندا ببوورە و ژ وی تشتێ تو ژ من باشتر پێ دزانی. خودایێ من، ل کارێ من یێ ب ڕژدی و یێ ب تڕانە و یێ خەلەتيڤه و یێ ب مەرەم ببوورە و ئەڤە هەمی ل دەڤ ژ منه)).
((خودایێ من، ل من ببوورە، دلۆڤانییێ ب من ببە، من ڕاستەڕێ بکە، خۆشی و سلامەتییێ بدە من و ڕزقێ من بدە)).
((خودایێ من، ب ڕاستی من گەلەك زۆڕداری ل خۆ کر و کەس ل گونەهان نابووریت و ژێنابەت ژ بلی تە، ڤێجا ب لێبوورینەکێ ژ دەڤ خۆ ل من ببوورە و گونەهێن من ژێ ببە و دلۆڤانییێ ب من ببە، ب ڕاستی هەر تۆی ب لێبوورێ دلۆڤان)).
((خودایێ من، ئەز خۆ ب مەزناهی و عیززەتا تە دپارێزم و ژ تە پێڤەتر چ خودایێن ژ هەژی پەرستنێ نینن کو تۆ من سەردا نەبەی، تۆ ئەوی یێ ساخ و چ جاران نامریت و ئەجنە و مرۆڤ دمرن)).
((خودایێ من، ئه‌ز داخوازا وان کاران ژ ته دکه‌م یێن دبنه ئه‌گه‌رێ دلۆڤانییا ته[5] و وان کریارێن دبنه ئه‌گه‌رێ لێبوورینا ته یا مسۆگه‌ر[6] و سلامه‌تییێ ژ هه‌ر گونه‌‌هه‌کێ، و ده‌ستکه‌ڤتییێ ژ هه‌ر چاکییه‌کێ، و سه‌رکه‌ڤتنێ ب به‌حه‌شتێ و ڕزگاربوونێ ژ ئاگرێ جه‌هنه‌مێ)).ئانکو: ئەو کریار و گۆتنێن ژ بەر وان دلۆڤانییا تە ب دەستڤە دهێت. المفاتيح في شرح المصابيح (2/ 304)(العزائم): کۆما پەیڤا (عزيمة)يە کو ئەو تشتە یێ زەلامی چالاك و بهێز لێ دکەت، ئانکو ب دلێ خۆ بەرەڤ کاریڤە دچیت و ل سەر ڕژد دبیت، ئانکو ئەز داخوازا وان خەسلەتان ژ تە دکەم یێن ژ بەر وان ژێبرن و دلۆڤانییا تە ب دەستڤە دهێت. المفاتيح في شرح المصابيح (2/ 304)
((خودایێ من، ل گونەها من ببوورە، خانییێ من ل سەر من فرەهـ بکە و بەرەکەتێ بێخە د ڕزقێ مندا)).
((خودایێ من، ئەز داخوازا قەنجی و دلۆڤانییا تە ژ تە دکەم، چونکی کەس خودانێ وان نینە ژبلی تە)).
((خودایێ من، ئەز خۆ ب تە دپارێزم ژ کەڤتنێ (ژ جهێن بلند)، تشته‌ك ب سه‌رمندا بهه‌رفيت ، خەندقینێ، سۆتنێ، ئەز خۆ ب تە دپارێزم کو شەیتان ل دەمێ مرنێ من ژ ڕێکێ دەربێخیت، ئەز خۆ ب تە دپارێزم کو د ڕێکا جیهادا د ڕێکا تەدا ب ڕەڤین بمرم، ئەز خۆ ب تە دپارێزم کو ب پێڤەدانێ بمرم)).
((خودایێ من، ئه‌ز خۆ ب ته دپارێزم ژ پێچێنه‌بوونێ، ژ ته‌مبه‌لییێ، ژ ترسنۆکییێ، ژ ڕه‌زیلییێ،ژ ڕه‌زيليا پیراتییا، ژ دلڕه‌قییێ، ژ بێئاگه‌هییێ، ژ هه‌ژارییێ [7]، ژ سه‌رشۆڕییێ، ژ به‌له‌نگازییێ. ئه‌ز خۆ ب ته دپارێزم ژ هه‌ژارییێ، ژ کوفرێ، ژ فاسقییێ، ژ دوبه‌ره‌كی و دژایه‌تییێ، ژ دووڕیاتییێ، ژ ناڤ و ده‌نگییێ (خۆ به‌رچاڤکرن ب گۆتنێ)، ژ خۆ نیشاندانێ ب کریارێ، و ئه‌ز خۆ ب ته دپارێزم ژ که‌ڕاتییێ، ژ لالییێ، ژ دیناتییێ، ژ نه‌خۆشییا گولییێ، ژ نه‌خۆشییا به‌له‌کییێ و ژ هه‌می نه‌خۆشییێن کرێت و خراب)).العيلة : هەژارییە. المعلم بفوائد مسلم (1/ 279)
((خودایێ من، ئەز خۆ ب تە دپارێزم ژ هەژارییێ، کێمییێ، سەرشۆڕییێ، ئەز خۆ ب تە دپارێزم کو زۆڕدارییێ بکەم یان زۆڕداری ل من بهێتە کرن)).
((خودایێ من، ئەز خۆ ب تە دپارێزم ژ جیرانێ خراب ل جهێ ئاکنجیبوونێ، چونکی جیرانێ دەشت و چۆلان دهێتە گوهۆڕین)).
((خودایێ من، ئەز خۆ ب تە دپارێزم ژ دلەکێ ژ تە نەترسیت، ژ نەفسەکا تێر نەبیت، ژ دوعایەکا نەهێتە بهیستن و وەرگرتن و ژ زانینەکا مفای نەدەت، خودایێ من، ئەز خۆ ب تە دپارێزم ژ ڤان هەر چاران)).
((خودایێ من، ئەز خۆ ب تە دپارێزم ژ ڕۆژا خراب، ژ شەڤا خراب، ژ دەمژمێرا خراب، ژ هەڤالێ خراب و ژ جیرانێ خراب ل جهێ ئاکنجیبوونێ)).
((خودایێ من، ئەز داخوازا بەحەشتێ ژ تە دکەم و ئەز خۆ ب تە دپارێزم ژ ئاگری)).
((خودایێ من، تێگەهشتنێ د ئایینێ مندا بدە من)).
((خودایێ من، ئەز خۆ ب تە دپارێزم کو شریك و هەڤپشکان بۆ تە چێکەم و ئەز دزانم، ئەز داخوازا لێبوورینێ ژ تە دکەم بۆ وی تشتێ ئەز نزانم)).
((خودایێ من، مفای ب وی تشتی بگەهینە من یێ تە ئەز فێر کریم و من فێری وی تشتی بکە یێ مفای دگەهینیتە من و زانینا من زێدە بکە)).
((خودایێ من، ئەز داخوازا زانینەکا ب مفا و ڕزقەکێ پاقژ و کریارەکا قەبویلکری ژ تە دکەم)).
((خودایێ من، ئەز داخوازێ ژ تە دکەم ئەی ئەلڵاهـ، ب وێ کو تۆ یێ ئێکێ ئێکانەی و یێ بێ پێدڤی، ئه‌وێ نه چ زارۆك هه‌نه و نه دایباب و نه چ هه‌ڤكویڤ ژی هه‌نه، تۆ گونەهێن من ژێ ببە، ب ڕاستی هەر تۆیی ب لێبوورێ دلۆڤان)).
((خودایێ من، ئەز داخوازێ ژ تە دکەم ب وێ کو سوپاسی هەر بۆ تەنە، ژ تە پێڤەتر چ خودایێن ژ هەژی پەرستنێ نینن، خودایێ مه‌ننان (یێ گه‌له‌ك قه‌نجی و نیعمه‌تان دده‌ت)، ئه‌ی دانه‌ر و ئافرێنه‌رێ ئه‌رد و ئه‌سمانان، ئه‌ی خودانێ مه‌زناهی و ڕێزگرتنێ، ئەی ئەوێ هەردەم ساخ و ڕاگر، ئەز داخوازا بەحەشتێ ژ تە دکەم و خۆ ب تە دپارێزم ژ ئاگری)).
((خودایێ من، ئەز داخوازێ ژ تە دکەم ب وێ کو ئەز شاهدەییێ ددەم کو هەر تۆ ئەلڵاهی و ژ تە پێڤەتر چ خودایێن ژ هەژی پەرستنێ نینن، یێ ئێکانەی و یێ بێ پێدڤیی، ئه‌وێ نه چ زارۆك هه‌نه و نه چ دایباب و وی چ هه‌ڤشێوه ژی نینن)).
((خودایێ من، گونەهێن من ژێ ببە و تۆبەیا من وەربگرە، ب ڕاستی هەر تۆیی تۆبە وەرگرێ ب لێبوورین)).
((خودایێ من، ب زانینا تە یا غەیبێ و شیانێن تە ل سەر ئافراندییان، من بهێلە ساخ ئەگەر تە زانی ژیان بۆ من باشترە و من بمیرینە ئەگەر تە زانی مرن بۆ من باشترە)).
((خودایێ من، ئەز داخوازا ترسا تە دکەم د نهێنی و ئاشکەراییێدا، داخوازا پەیڤا حەقییێ دکەم د ڕازیبوون و توڕەیییێدا، داخوازا ناڤنجیبوونێ ژ ته دکه‌م د هه‌ژاری و زه‌نگینییێدا، داخوازا قه‌نجی و نیعمه‌ته‌کێ ژ ته دکه‌م کو ب دویماهیك نه‌هێت، داخوازا چاڤ ڕوهنيه‌كێ ژ ته دکه‌م کو نه‌هێته بڕين، داخوازا ڕازیبوونێ ژ ته دکه‌م پشتی قه‌ده‌رێ، داخوازا ژیانه‌كا خۆش و ته‌نا ژ ته دکه‌م پشتی مرنێ، داخوازا خۆشییا به‌رێخۆدانا ڕويێ ته دكه‌م و حه‌ز و خه‌ریبییا دیدارا ته دكه‌م، بێی کو تووشی زیانه‌کا گران ببین و یان تووشی فتنه‌یه‌کا سه‌ردابه‌ر ببین)).
((خودایێ من، مە ب خەمل و جوانییا باوەرییێ بخەملینە و مە بکە ڕاستەڕێکەرێن ڕاستەڕێیان)).
((خودایێ من، حەزژێکرنا خۆ و حەزژێکرنا وی یێ حەزژێکرنا وى ل دەڤ تە مفای دگەهینیتە من، بکە ڕزقێ من)).
((خودایێ من، هەر تشتێ تە کربیتە ڕزقێ من ژ وی یێ ئەز حەز ژێ دکەم؛ بکە هێزەك بۆ من د وی تشتیدا یێ تۆ حەز ژێ دکەی)).
((خودایێ من، هەر تشتێ تە ژ من دویر ئێخستی ژ وی یێ ئەز حەز ژێ دکەم؛ بکە دەمەکێ ڤالا بۆ من د وی تشتیدا یێ تۆ حەز ژێ دکەی)).
((خودایێ من، ئەز خۆ ب تە دپارێزم ژ ترسنۆکییێ، ڕەزیلییێ، خرابییا تەمەنی، فتنا سنگی و عەزابا قەبری)).
((خودایێ من، خودایێ جبریل و میکائیلی و خودایێ ئیسرافیلی، ئەز خۆ ب تە دپارێزم ژ گەرم و تێهنا ئاگری و ژ عەزابا قەبری)).
((خودایێ من، تێگەهشتن و ڕاستییا من بدە من و من ژ خرابییا نەفسا من بپارێزە)).
((خودایێ من، ئەز داخوازا زانینەکا ب مفا دکەم و ئەز خۆ ب تە دپارێزم ژ زانینەکا بێ مفا)).
((خودایێ من، خودانێ حه‌فت ئه‌سمانان و خودانێ ئه‌ردی و خودانێ عه‌رشێ مه‌زن، خودایێ مه و خودانێ هه‌می تشتان، شه‌قکه‌رێ دنك و ناڤکان [8]، و دابه‌زینه‌رێ ته‌ورات و ئنجیل و قورئانێ، ئه‌ز خۆ ب ته دپارێزم ژ خرابییا هه‌ر تشتەکێ کو ئه‌نییا وی د ده‌ستێ ته دایه. خودایێ من، تۆ یێ ئێکێى و چ به‌ری ته نینه، تۆ یێ دویماهیكێی و چ پشتی ته نینه، تۆ یێ خودان شیانی ل سه‌ر هه‌ر تشته‌كی و چ ل به‌ر ته ئاسێ نینه، تۆ یێ زانایی ب تشتێن ڤه‌شارتی و به‌رزه چ تشت یێ ل به‌ر ته به‌رزه نینه، ده‌ینێ مه ژ پێش مه‌ڤه بده و مه ژ هه‌ژارییێ زه‌نگین بکه)).ئانکو: ئەوێ دندکێ شەق دکەت و ژێکڤە دکەت، ڤێجا گۆلییا گەنمی ژی دەردکەڤیت. ناڤك (النواة): ئەوە یا دارقه‌سپ ژێ دەردکەڤیت. المفهم لما أشكل من تلخيص كتاب مسلم (7/ 41).
((خودایێ من، دلێن مە دگه‌ل ئێك كه‌هى لێ بكه، ناڤبەرا مە چاك بکە، مە ڕاستەڕێ بکە بۆ ڕێکێن ئاشتییێ، مه ژ تاڕیاتییان ڕزگار بکه به‌ره‌ڤ ڕۆناهییێ، مه ژ گونه‌هێن مه‌زن و فتنه‌یان دویر بێخه، چ یێن ئاشکه‌را بن یان یێن ڤه‌شارتی، به‌ره‌که‌تێ بێخه د گوهلێبوونا مه و دیتنا مه و دلێن مه و هه‌ڤژینێن مه و زارۆكێن مه‌دا، تۆبا مه وه‌رگره، ب ڕاستی تۆیی تۆبه وه‌رگرێ دلوڤان، مه بکه شوكردارێن نیعمه‌تێن ته، کو په‌سنا ته پێ بده‌ین و قه‌بویل بکه‌ین، و وان لسه‌ر مه ته‌مام بکه)).
((خودایێ من، ب ڕاستی ئه‌ز داخوازا باشترین داخوازییێ، باشترین دوعایێ، باشترین سه‌رکه‌ڤتنێ، باشترین کاری، باشترین خه‌لاتی، باشترین ژیانێ و باشترین مرنێ ژ ته دکه‌م، من بنه‌جھبکه ل سه‌ر ڕێكا ڕاست و ته‌ڕازییێن من گڕان بکه و باوه‌رییا من بنه‌جهـ بکه و پله‌یێن من بلند بکه، نڤێژا من قه‌بویل بکه، خه‌له‌تییا من بۆ من ژێ ببه و ئه‌ز داخوازا پله‌یێن بلند یێن به‌حه‌شتێ ژ ته دکه‌م)).
((خودایێ من، ئەز داخوازا دەستپێك و دویماهیك و کۆمکەر و ئێکەم و ئاشکەرا و ڤەشارتییا خێرێ و پلەیێن بلند یێن بەحەشتێ ژ تە دکەم)).
((خودایێ من، ب ڕاستی ئه‌ز داخوازا خێرا وێ چه‌ندێ دکه‌م یا ئه‌ز دکه‌م، خێرا وێ یا ئه‌ز ئه‌نجام دده‌م، خێرا وی کاری یێ ئه‌ز دکه‌م، خێرا وی تشتێ ڤه‌شارتی، خێرا وی تشتێ ئاشکه‌را و پله‌یێن بلند ل به‌حه‌شتێ)).
((خودایێ من، ئەز داخوازێ ژ تە دکەم کو ناڤێ من بلند بکەی، گونەهێن من ل سەر من سڤك بکەی، کارێ من چاك بکەی، دلێ من پاقژ بکه‌ی، عه‌وره‌تێ من ب پارێزی، دلێ من ڕوهن بکه‌ی، گونه‌ها من ژێ ببه‌ی و ئەز داخوازا پلەیێن بلند یێن بەحەشتێ ژ تە دکەم)).
((خودایێ من، من ژ ڕەوشت و کریار و حەز و نەخۆشیێن خراب دویر بێخە)).
((خودایێ من، من ڕازی بکە ب وی تشتێ تە کرییە ڕزقێ من و بەرەکەتێ بۆ من بێخە تێدا، هەر تشتەکێ من یێ نه‌ئاماده ژی ب خێر بۆ من بزڤرینە)).
((خودایێ من، لێپرسینەکا ب ساناهی د گەل من بکە)).
((خودایێ من، هاریکارییا من بکە ل سەر زکرێ خۆ، و سوپاسییا خۆ و باشییا عیبادەتێ خۆ)).
((خودایێ من، ئەز داخوازا باوەرییەکا نەزڤریت (مورتەد نەبیت) و قەنجی و نیعمەتەکا ب دویماهیك نەهێت و هەڤالینییا پێغەمبەرێ تە موحەممەدی صەلات و سەلامێن خودێ ل سەر بن د بلندترین پلەیا بەحەشتێدا ژ تە دکەم)).
((خودایێ من، من ژ خرابییا نەفسا من بپارێزە و باشترین کار بۆ من مسۆگەر بکە. خودایێ من، گونەهێن من یێن ڤەشارتی و یێن ئاشکەرا، یێن من ب خەلەتیڤە کرين و یێن من ب مەرەم کرین، یێن ئەز دزانم و یێن ئەز نه‌زانم هەمییان بۆ من ژێ ببە)).
((خودایێ من، گونەهێن من ژێ ببە، من ڕاستەڕێ بکە، ڕزقێ من بدە، سلامەتییێ بدە من. ئەز خۆ ب تە دپارێزم ژ تەنگییا جهی ل ڕۆژا قیامەتێ)).
((خودایێ من، مفای ب بهیستن و دیتنا من بگەهینە من و وان بکە میراتگرێن من (هەتا مرنێ دگەل من بن)، و من سەربێخە ل سەر وی یێ زۆڕدارییێ ل من دکەت و تۆلا من ژێ ڤەکە)).
ئیسلام خۆڕادەستکرنە بۆ خودایێ چێکەرێ گەردوونی و ڕێڤەبەرێ وی،و سەرچەمییانە بۆ وی ب ڤیان و حەزژێکرن و مەزنڕاگرتنێ، بنیاتێ ئیسلامێ باوەری ئینانە ب خودێ و ب وێ چەندێ کو ب تنێ خودێ چێکەر و ئافراندەرە و هەر تشتەکێ دی ژ بلی وی یێ چێکری و ئافراندییە، دیسان باوەری ئینانە کو خودێ ب تنێ یێ ژ هەژی پەرستنێیە، ئەو خودایەکێ ب تنێیە و وی چ شریک و هەڤال نینن و ژ بلی وی چ تشت ژ هەژی پەرستنێ نینن، ناڤێن جوان و سالۆخەتێن بلند یێن وینە، ئەو خۆدانێ بلنداهییا ڕەهایە بیێ چ کێماسی د گەل بن، نە ئەو ژ کەسێ بوویە و نە کەس ژ وی بوویە و وی چ هەڤکویڤ ژی نینن و نە د حەلییێتە د ناڤ چ چێکرییێن خۆدا و نە دچیتە د ناڤ لەشێ چ…
