Rufto le manok fayda le sababitte kinni
Shek Qabdurracmaan ibnu naasir assaqdih "Rufto le manok fayda le sababitte" kitaaba,nummâ ruftoh sababitte adda xeerih yan iimaan mabuluk baxxaqisaah,kiraati iimaan kee meqe taama,yallay fayya iyyah cusiyyay sorkocobbaxaak abaanaa kee meqe taamoomi,yallih galab xagoo kee usuk isih yeceemit ruffu iyyam kee kay niqmootal yafikkireenim abaama,kaadu maqaanee kee kaal keltaanama,sabrii kee caagiidah qhadarittel yaamineenim abaama, sorkocobbaxi sattah tirri haa.meqe cogdal,manoh korkori gacak, satta leeh,massowteh tan,rufto le manoh khaarita ku gaba fanal haa.
These files are generated automatically from the book's text; their layout may differ from the printed edition.
Rufto le manok fayda le sababitte kinni
Bicissem
Shek Qabdurracmaan ibnu naasir assaqdi (yalli kaah racmatay)
Aakama (culma)
Fayla lem yallaay,fayla inkih usuk le,kaadu dubuh yan inki rabbiiy agleyta mali yalli anee waamah sumaaqitah inki yallak sa,kaadu Mucammad kay naqasuuy kay farmoyta kinniimih sumaaqitah, yallak racmat kee nagaynan kay amol yanay,kay buxah maraa kee kay kataysiisil yanay.
Tohuk lakat : toysa diggah sorkocobbaxi ruftoo kee kay sattaa kee kay walleey,kay rookaa kee kaa gibdaabina xabtam,woh ummaan numut takkem kinni,kaat meqe mano geytimtaah,wallee kee farci duudda,toh diini sababitteey, manô sababittee kee taamâ sababitte leeh,is inkih ittallih gaabowtam moominiinik kalih mari lem hinna.tokkel keenik kalih marah tugactek,diggah is ken kasleela kaal yingiicilleenih yanin gexoo kee sababak ken geytek kay, nummah tuxxiqiil tayseeh,digga le, kaadu caalat kee madaarah yayseh yan manfaqat keenih takke.
Kinnih immay tama yi farmol, ummaan num inkih kak gurrusah yan tama madmay fayya ittah sababoobak yoo maaqam yoo cusaama.
Keenik mangom kak gee num yan, rufto le manoh mano leeh,meqe mano manoh le.kaadu keenik inkih kak gee waa num yan,sabhalal sinna le mano manoh leeh, gibdaabina le marih mano manoh le.kaadu ken nammayih fanal yan num yan,yalli kaah yascasseeh catah yaniimih innal. Kaadu yalli catoo kee mascassaay maggansita koh yacee rabbi kinni, ummaan maqaanel cato kaak esseraah ummaan umaanek nee cataah waasam kak esserra rabbi kinni.
Fasli: Iimaan kee meqe taama
Kaadu tohuk giffi itta sababay kaak asli kee kaa qabu usuk iimaan kee meqe taama,fayya iyyah yan yalli iyyah : Meqe taama abite mari lab num tekkek hinnay say num tekkek usuk moomintuh anuk,toysa addunyal meqe manoy satta edde iyya kaah aceenno,usun aben meqe taamah galtok tayse galtoh ken galtenno usun meqe taamak abak sugeenimil. {Suurat Annacli : 97}.
Tokkel yallay fayya iyya warseeh meesisso abe,iimaan kee meqe taama sittat gaaboyse numuh,ta addunyal meqe manoy satta edde iyya yaceemil,kaadu ta addunyaa kee akeerâ buxal meqe galto kaah yaceemil.
Tohuk sabab baxxaqqa le,diggaluk yallal diggale iimaanah yaamine mara,sorkocobbaxittey xiqtoo kee addunyaay akeeral caalat maqaaneey meqe taamah fayda yacee iimaan luk,farcattaa kee walleh takke sababittek,kaadu qhalak kee hammiiy,rookâ sababittek caddol keenil gactam inkih elle oggolan usuul kee asaas luk yanih.
Kacnitteetaa kee farcatitte tet oggolaanam kee teetil faatita, kaadu tanfiqeemit tet asisaanamat yabbixen,tokkel tama innal tet asiseenik,teetit wallitaanamak,tet waaraa kee tet barkatal taama abaanamak,kaadu faatita marih galto qaagitaanama,tah tet caxxay tekke farcatittek kayrii kee barkatat iroh taaqat naba caagiida keenih ugussah.
Gibdaabinaa kee gadangaddi, umaaneey,hammii kee rooka ken xagta waqdi,isik waaseenim duudaananam isik waasaanah, xabbocoysaanam duudaananam xabbocoysaanah,kaak kalah le waytaamal meqe sabrih yasbireenih,tohih sabbatah gibdaabinah raaratiimik nafqi waasiyyay,gabbatuu kee qandeey, sabrii kee galto qaagitaanamak gibdaabina luk baysa kaxxa caagiida geyaanah,tet diikol farcii kee meqe qaagit gacaah,yallih muxxoo kee kay galtol warseh,tah Nabii ﷺ yallak racmat kee nagayna kaal tanay saacicik yan cadiisil kah warseh yanim kinniih kah iyyeh innal: 《 yeemene numih caagid qajiibi kay caagid inkih maqaane, edde yafricem geek faatitaah maqaane kaah takke,umaane kaa geytek xiqitaah yasbireeh maqaane kaah takke,toh yeemene numu kalih num lem hinna 》 Muslim baahe xaagu.
Tokkel yallih nabii yallak racmat kee nagayna kaal tanay warsam, diggah moomintu farcilem kee umaanek kaa geyta kulliimih addat kay xiqim kee kay maqaanee kee kay taamoomih galto kaah dirribsimtam kinni;tohuh maqaaneh hinnay umaaneh hinnay inki caagid namma num geytaah , tokkel ken nammay tet oggolaanamal kaxxa baxxo ittak le ,kaadu toh usun namma iimaan kee meqe taamal luk yanin baxxoh caddabnal arac le . Ta namma weelot weeloysime num,maqaanee kee umaane kassiiseh yan faatit kee sabri, kaadu kataataamal qambaalaah, tohul ruftoo kee farcat kaah takkeeh,hammii kee gammiiy,rookaa kee alil xiqtooy, manoh sabhalal kaak tillaawaah, ta addunyal meqe mano kaah dudda. Kaadu nammey haytô num isih kicnim kaxxa mariinoy,kibriyaa kee caddok tatruh oobba haa.tokkel kay caalat makkottah,kaadu bahaa im kaxxa hawayaa kee anqaasih oobba tet haa innah oobba tet haa, wohuk luk diggah usuk isi sorkocobbaxah aracat aalle waa num kinni,wonna hinnay kay sorkocobbaxa mango garwoowak faf-inteh (qasgal-inteh),isih kicnim kaak taba meesih garuk,kaadu mangom teetik tawqe mango qinaadii kee giddit,kaadu diggah nafsitte inki caddol ma-sooltay aka caagiidah kaxxa haway luk qaagittam raqte waamih garuk,tet taallem takkay hinnay tet aalle waam takkay,kaadu xagaa kee meklat tet eleele kaa tekkek usuk kaadu nummayse garwoowak sorkocobbaxal mala weeh anqasah yan num kinni,kaadu umaane sorkocobbaxi biyaakay, kaxxa anqasiyya,meesii kee sorkocobbaxi gibdah oobba haa. Tokkel ta numul bahta manô gibdaabinaa kee,fikrii kee asaab biyaakitteeh,kaadu taturte uma caalat kee kaxxa gibdi meesiisiyyal kaa guddussa meesik num kaa esser mabin; woh usuk galto (sawaab) qaagite waamih sabbatah,kaadu isi xaquk sabri mayyu kaa warrayseeh gibdaabina kaak xabbacoysah.
Tah inkih gabbatuh muxxo taybulleemih,ta gexok inkiimit kay adda fakissaay sinam caalootal kaa tatrussah gactek,is iimaanah duddal taamita yeemene num kee tonni kah suge waa numih fanal giffi iyya baxsay table litok;tohim inki,diini yallih rizqhii kee yalli isi naqoosah yeceeh yan aka-akak yan kay fadlii kee kay maqaane abaanamal kak dirkisam -giffi iyya dirkisiyya takkemkeh.
Moomintuh yan num,biyak takkay, tuddagna takkay hinnay tonnah ummaan num xagta duddah tan taqabittak kaa geytek,diggah usuk -isi iimaanaa kee isit tan ruftooy, yalli kaah looweh yanim raabitaamah sababah - kay nafsi ruffa iyyaah,yalli kaah qhadarah abe waa caagid isi sorkocobbaxat mafaxa,isik gubat yanik wagitaah isik amol yanik mawagita,kaadu rufto kaah aceeweek,addunyah caagiidak faxaanam inkih geyah yan numuk amol kay farcii kee kay rufto mangom takkeh.
Kaadu tonnah,ama iimaan faxaamih taama sinni num,tu-sinniimik tuk mokkorimek,hinnay addunyal gurrusaamak tu waytek, kaxxa taqaasaa kee shakaawah addat yanim kaak geytah.
Aka ceelallo: Meesi sababitte tekkek,agaywaagâ caagiditte seehada xagtek,yibixxe iimaan le num sorkocobbaxi kaak diggale, nafsi kak satta iyyeh kaa geyta,isi dudda kak le cubbiiy,yabaay abtooluk tama kaa xagteh tan caagid madaaruu kee massoysat arac edde geyaah,tama kaa agaywaagisaah xagta gibdaabinah isi nafsi massoyseh,tama caaloota seehada ruffa haytaah kay afqado diggossam kinni.
Tonnah iimaan sinni num tama caalootak hoxa akkuk kaa geyta, meesi kaat radda waqdi kay lubbi teetih agaywaagaay,kay aqsaab boolaatah,kay feera tamarrayyeeh meesii kee rifqi kaa cula,iroh meesii kee baxxaqqa edde baaheenim xiqe wayta addah agaywaaga kaal yassagalle,tama qaynatah tan sinam maggo barsit faxxah tan tabiiqat sababitte geewaytek keenik qande raddaah keenik aqsaab boolaatah,toh baxisak gibdi aroocaay,rookaa kee agaywaagah caalootal sabri baaha iimaan sinnat yaniinimil.
Tokkel meqe num kee uma num, moomintuu kee korosta,taamah geyan labhaytiino baahaanam kee meesi daggoysaah kaa xabbacossa tabiiqat sitta leenim takke; immay moominti yimxxigsimem isi iimaanah caylaa kee isi sabril,yallal keltam kee kaal diggi iyyaamal,kaadu isi galtok qaagitaamal - tama weelo kaah labhaytiino osissaah,meesih gibdaabina kaak xabbacossaah, gibdaadi kaal daggossa weelo, yallay fayya iyya kah iyye innah : [...isin qeebik siinit raqta muduumak qansaritteenik,toysa diggah usun (koros kinnuk) isin kah qansarittan innah qansaritan, isin galtok usun qaagite waanam yallak qaagittan...] [Suurat Annisaa :104]. Kaadu yallih catoo kee kay baxxaaqqak yan catootaa kee kay qokoluk meesita akak fittaawah baytam keenih geytimta.kaadu yallay fayya iyya iyye : [...qaduwwit tangoorowen waqdi isbira,diggah yalli catoh yisbire marâ luk yanik ]. [Suurat Al-anfaal : 46].
Yab kee abinal inkih ginoh yamqeenimi Hammii kee ghammiiy anqas kalta sababittek sababak teyna,maxcoo kee taamal(abinal)inkih ginoh yamqeeniih abaanam kee maqaaneh ayikuma keenih abaanama,toh inkih kayrii kee maqaane kinniih,yalli tet sababah meqe num kee uma num ken kak aban xiqaamal hammii kee ghammi keenik waasa,kinnih immay moomintuh yan numuh tugsctek kulli dudda le caddii kee nasib elle yan,kaak baxsa abtam kay maqaane yallah caglisaanam kee kay galtoo kee maqaane (sawaab) qaagitaanamak tawqem kinni.
Yalli meqem yaceem kaah yascasse kayri qaagitaamî sabbatah,kaadu umaaneena kaak waasa isi taama caglisaah kay galto qaagitaamî sabbatah,fayya iyya yalli kah iyye innah : Sinam garayat abtah tan yaabittek maggoomut kayri mayan, sadaqhat yaceenimih hinnay meqeemit yaabaanaah meqeemit taamitaanam kee hinnay sinaamay itta wayteh maymaaqah amrisa num akke waytek,tama caagiida yallak leedaa kee galto edde gurrusak abah yan num,toysa nanu sarrah kaxxa galtoy farakka itta kaah aceenno iyye yalli. [Suurat Annisaa : 114].
Tokkel yallay fayya iyya warsem, diggah ta caagiida inkih is kaak yawqe marah maqaane,kaadu maqaane maqaane bahtaah, umaane waassa,kaadu diggah galto (sawaab) qaagita moomintuh yalli naba galto kaah yaceem,a naba galtootah tu gactek : rookaa kee gibdaabinaay,taqabii kee tonnah tanim kaak baytam kinni.
Fasli: Taamoomik taamak teyna hinnay tuxxiq leh tan qilmittey qilmil tanfiqe taamitaanama.
Kaadu sababittek gibdaabinaa kee sorkocobbaxak garab gibdaabina le caagidittel agxitaamak takke meesittaama isek gutqaamak sababittek:taamoomik taamal hinnay anfaq le barittootak barittol agxitaanamaay;diggah toh, sorkocobbaxi too kaa meesise caagidil agxitaamak derre cabaah kaa cubbuse waanaah kaa tayxeereh. Kaadu wohih sabbatah rookaa kee hammii kee ghammi kaal bahte sababitte too waqdi hawweenaah, tokkel kay nafsi farcataay,kay nashaat kaah oosissa,kaadu ta sababitte yeemene num kee kaak kalah yan numih fanal inkih taallem kinni. Kaadu tokkel moominti edde baxisimam isi iimaanaa kee isi taama yallah caglisaama yallih garil galto kak gurrusaamat,tama usuk baritak yoo kaak barisak edde yingicille qilmit,kaadu usuk aba maqaaneh taamat,qibaada tekkek toysa is qibaada,addunyâ taama tekkek too kaak meqe niya luk gexsa caagida tekkek.yallih taaqatal tohut cattiimam edde niyaatek,tohih sabbatah usuk maggom xiqta raat le hammii kee ghammiiy rookak kalah,maggo num qhalaqh kee rooka kaal diggottaamat mokkorime,tokkel baxaabaxsa le biyaakitte kaal culteeh,kaah xiqta dawa tekkem (kaa sokaatee kee qhalaqh kaal baahe sabab hawweeneeh,kaah muxxok le taamoomik abta taamal yangicilleemi).
Edde taamita taama nafsi kicnam kee nafsi edde hawweena taama takkem dirki,tah nafqi le madma geyaanamah meqe sabab kinnik, yalli yaaxige.
Fikri inkih ta ayroh taamal cubbusaanamal gaabowtaama, Hammii kee qhalaqhal kak edde kalaanamak fikri inkih warrayuh yan ayroh taamal baakersimaamak edde kobrisaanama,kaadu decroh allat tamaate waktil baakersimaamak kaa murtaanama,kaadu taturte waktil rookitaamak kaa murtaanama. tohih sabbatah yallih nabii yallak racmat kee nagayna kaal tanay hammii kee rookittek yallal cattiime,tokkel gacsaanam kee xabte geyaanam duude waanam taturte caagiidal rookitaanam matanfiqa,kaadu decroh allat taniimik meesitaanamih sabbatah yamaate hammi yaduurem duuda. tokkel naqasuk faxximtam isi ayrô baxih yakkeemi,isi duddaa kee isi taqabi inkih isi ayrooraa kee tatreh yan wakti meqloysiyyal kobrisaama,diggah sorkocobbaxi tohul kobrisaama dudda le taamoomi edde abaanam waajibisa,kaadu naqasu hammi kee rookittek farcat kee taama dudda edde geya. Kaadu yallih nabii yallak racmat kee nagayna kaal tanay dooqa kallacek,hinnay isi ummat dooqah tirri heek,toysa cagalah usuk kah kassiisam yallal cato esseritam kee kay muxxoh qaagitak kallacak yen tu geytimtam diggi haamal jedde geyuwaam diggi haak abaanama. Kaadu tu kaak kaltah taniimih waaso esseritak sugeemi cabaamal ;diggah dooqa taamâ luk agitaak itta katattaama,tokkel naqsu diinii kee addunyal kaa tanfiqeh taniimit diggi iyyaama isi tanfiqem isi rabbi esseritaah, tamahal cato kaak esserita,yallih nabii yallak racmat kee nagayna kaal tanay kah iyye innah : "(Koo xiqtaamal diggi ixxicaay cato yallat faxaay makuminaay, tu kot raddek: anu ahaay ah abeemik, ahaay ah akkuk ten maxcin, kinnih immay ixxic : tah yalli looweemiiy isih faxxam aba,nummah ahaay ah abeemik iyyaanam sheetanak taama faktaahak.)" Muslim baahe xaagu. Tokkel yallih nabii yallak xuwaw kee nagayna kaal tanay :ﷺ ummaan caalatat tuxxiq leh taniimil diggi iyyaanamih amrisiyyaa kee yallal cato esseritaanaah tukala le taanu kinnih yan qagzih higgite waanam, kee taturteh meklimte caagiidah is cabaan kee yallih meklaa kee qhadar wagtaamal yaskatte.
Kaadu caagiida namma exxal hee: tiyak teyna naqboyti isih geytuh tangicilleem edde duudaama, hinnay teetik duudam edde geyaama,hinnay isik waasaama, hinnay isik xabcisaama,tokkel tahal naqboyti isi dudda edde yaceeh,kaadu yaqbude isi yallal cato edde faxa. Kaadu toh edde duudume wayta exxa,naqsi tahal saay geyaah,kaal raddaah oggola,diggah a asal dacrisaanam walle sabab kee hammii kee rooka edde kattaamih sabab kinnim agay-waaga mali.
Fasli: Yallih dikri yaymaggeenimi
Kaadu alil ruffaa kee rufto sattah sababittek nabamaak nabam yallih cusiyya yaymaggeenimi,diggah toh alil ruffaa kee rufto sattah meqeh, kaadu rookiyyaa kee walal kak gexaamal qajiib kinnih yan raatitte lehik,yallay fayya iyya kah iyye innah : [...Oobbiya! lubbitte edde satta ittam yallih cusiyya kinnik] [Suurat Arraqdi : 28] Toysa yallih dikrit faxaanam geyaanamat kaxxa raatitte le,usuk le muxxoo kee naqsoh galtoo kee sawaab gurrusaamah.
Yallih niqmootay tambullee kee qellitta inkih warsaanama, Kaadu tonnah yallih niqmatay baxxaqqa iyyaah qellittat yaabaanama,diggah teetik aaxigem kee teetik edde yaabaanamat yalli rookaa kee ghammi edde waasaah,kaadu dareemah exaaxik teynah amol raqqa itta kinni faatootal naqsu ilsiisa,naqsi taqabii kee biyaakak, warray bala cugudut geytimek kollay.diggah usuk isi amol yan yallih niqmatay cisab kee loowo kak waan kee kaa gee gadangaddi nammay ittat heek,niqmatak giddil gadangaddih nisba maleh.
Takkay immay,naqabuu kee musiiba yalli isi naqasu teetil mokkorek,kaadu teetil xiqitaanamaay,raabit kee yallah santiitimaanam abek,tet qansari kaak xabcaah tet taqabi kaal xaynah,kaadu naqasu tet galtoo kee tet sawaab qaagitah yaniimi, tonnah xiqitaanam kee raabit taamal yalla yaqbudeh yaniimi,caba caagiditte maqaanel culsaah,tokkel tet galtoh maqaane tet xiqitaanamih qarawwa kaa hawweenissa.
Isik gubal yan mara wagitaama, Ta aracal anfaquk gactaamak tanim saciicih yan cadiisih addal yemeete xaaguy yallih nabii yallak xuwaw kee nagayna kaal tanay - tirri heem abnaama iyye : "(Siinik gubal yan mara wagita, kaadu siinik amol yan mara mawagitina,diggah toh siinik amol yan yallih niqmat taymaaqoonu waytaanamkeh siinih aysuk raqtam kinni)" Muslim baahe xaagu. Diggah naqasu ta naba cubbi isi namma intî fanal haa waqdi, qaafiyat kee kaa katattaamaay, rizqhii kee kaa katattaamal kay caalat yakkem yakkeemik ginok mangoomih amol fayya iyyam yableh,tokkel kay hammiiy ghammii kee gibdaabina kaak kaltaah,yallih niqmootay kaak gubal yan marih amol mayso kak geyal kay ruftoo kee farcat edde ossimta.
Naqsuk tambulleeh qellittam,diinii kee addunyah tan yallih niqmootal ummaan cubbusiyya gurrusek,kay rabbi maqaane kaah yeceeh mangoh tan umaane kaak kalem yableeh,diggah tah rookaa kee hammi kaak kaltaah,farcat kee rufto kaah bahtam shakki edde mayan.
Fasli: Hammi baaha sababitte kalaanam kee walle baaha sababitte geyaanamal yangicilleenimi.
Walle baahaah hammii kee rooka takke sababittek: hammi baaha sababitte yaykaaleeniih walle baaha sababitte ceelaanamah taamitaanama; woh kaadu tillaabeh gacsi akak bice wayta nafsi faxe wayta hawweenaanaah, diggah tet cubbusak isi fikri gexsaanam baatil kee xiqewaam kinniimiih,kaadu woh ixxil kee ginniino kinnim yaaxigeenimi, tokkel tet cubbuse waamah isi sorkocobbaxittel yingicilleem, kaadu tonnah isi manoh foocat yakkaleh yan qulul,meesi hinnay wohuk kalah yan nafsi faxe waamak kay sorkocobbaxitte wagarra edde iyyu waamah yangicilleemi. Tokkel diggah foocal yamaate caagidittel takkuwaytam aaxige waam kinnim yaaxige,meqeemiiy umaamak,qaagitaanam kee taqabik,kaadu diggah usun qaziiz kee cakiim kinni yallih gabat yaniinim,naqoosâ gabat tu kaak anee waytam,teetik meqe geytootah taamitaanam kee tet umaane waasaanam akke waytek, kaadu seehadayti yaaxigeenim, usuk isi foocal yamaate caagidih sabatak kaah yamaate sabhalaalak isi kas makkoysek,tet meqnoh isi rabbil qekitak,kaadu tohul xiqtiyya kaal haysitek,toh abek kay sorkocobbaxi ruffa iyyaah,kay caaloota meqeeh,kay cumbii kee kay sabhalaalay kaak xabca.
Dooqa haysitaanama, Kaadu foocat tamaate caagiida wagitaanamal nafqi luk raqtaamak tiya,yallih nabii yallak racmat kee nagayna kaal tanay elle kallacak suge ta dooqa abtaanama : 《 Yirabbow yi diini yoh massos yi caagid yoh dacris,yi addunya yoh massos yi mano edde taniimik,yi akeera yoh massos yi gaceyna teetî fanah kinniimik,mano ummaan kayrit ositam yoh ab, raba ummaan umaamak raacat yoh ab 》 Muslim baahe xaagu. Kaadu tonnaah kay maxco : 《 Yirabbow ku racmat qaagita,inti ramaccah waqdi yi nafsil yoo macabin,yi caalat inkih yoh massos,kok sa yalli mayan 》. Abuu daawuud saciicik yan sanadal baahe xaagu. Naqsi isi diinii kee addunyah meqe ellecabo kak edde tan a dooqa, yacussee sorkocobaxaa kee numma niya luk mangom abek,toh duudusaamal yangicilleeh yani innal,yalli dooqa kaak oggolaah, qaago kak haysitaah taama kak abem kaah duudusaah,kay hammi ruftoh kaak gaca.
Fasli: Yakkem takkuh tanik akak umaamih loowo
Qhalaqh kee rookat cabaamih nabamaak naba nafqi le sababak, naqboyta musiibak tu xagtek, caagid gudel gacu waamih umaamak raqta uma mekla meklak tet salfoysaamah yangicilleemik,kaadu isi nafsil tohut yasbireemik (raabitaamak); toh abtek,dudda yakkeemik salfawu duudam salfoysaamah yangacallay,tokkel tama nafsi-sabrii kee ta nafqi le angicilluk,kay qhalaqh kee kay rookat inkih kaak caba,kaadu tama angicilliyya abtam naqboytah xabbacawteh tan maqaane isih geyaah umaane isik kaltaamal takke.
Tokkel meesi sababittee kee biyaakitte sababteey,tuddagnaa kee baxaabaxsaluk kicniimit takkeemih aneewaa sababitte kaal oobek,tohim nafsi edde ruffu iyyam kee tet amol isi nafsi diggoysaamal oggolay,wonna hinnay tohuk dudda le gibdaabina takkeh kaat booddek nabsiyya diggoysak,diggah gibdaabinaa kee taqabiy kaat booddal yasbireemih isi nafsi diggoysaanama,tohim xabbacossaah kay gibdaabina kalla haa,baxsakak isi duddal kaa kak waasaamat isi nafsi angaalessek,tokkel kaah ittat gaabowtam nafsi diggoysam kee musiibittet haanaamak nafsil kelta (anfaq le) taamal yangalesseemi, kaadu gibdaabinal yangicilleemih cayla qusbusak isi nafsil jihaad abaama,tohul inkih yallal qektaanam kee yallal meqe akkal haanam luk.kaadu rufto geyaanam kee alil ruffa haytaamal naba nafqi kak le tanim agaywaaga mali, naqoosa addunyaa kee akeeral yallak loowitak qaagaata galto luk, kaadu tah yubleenih abinal mujaarab kinniimih,tet mokkore marak abinal geytimtem mangoh gactam kinni.
Fasli: Sorkocobbaxi caylaa kee kaak rammitee kee gutqe waama.
Lubbi biyaakittey qasabiyya leeh, tonnaah xagar biyaakitteh naba xayloolik: lubbi qandee kee uma mablooli bahta wahamittee kee garcitah anqas waam kee gutqu waama. Kaadu naqabuu kee waswasittey qansarisah yan sababittee kee umaamak takku waytaamih meesii kee kataysi waytih innah taniimik nabah,woh num hammii kee ghammit,sorkocobbaxaa kee xagar biyaakittet,kaadu sinam kak mangoh tan umaane tubley uma raat leh yan aqsabi boolat kaak gacteh edde radisaama.
Yallal qekitaanaah keltaanama, Lubbi yallal kelteeh,kaal wakiilitaah,wahmii kee uma malaalaqhah aceewaa waqdi, yallal aamineeh kay muxxot kahani yakkek,tohih sabbatah ghammii kee rookaay kaak waasaamah, qaqhalii kee lubbih maggo biyaakitte kaak kattaah,yaabuh edde yascasseenim xiqewaan qande,alil ruffaa kee farcat lubbih geytimta.wahmii kee uma malaalaqhat biyaakita marat daktaritte maggom temegeh!ta caaloota taqabi-le marat raqtek ikkal,qande-le marih maggo lubbittet maggom makkotteh! ciddalee kee guranah num maggom tabisseh! naggowtem yalli naggoyseeh anfaq asbaabay lubbi qandel bahtii kee walwal kak waasoh isi nafsil angicillak yalli tawfiiqh kah yecee num kinni, yallay fayya iyya iyyeh: [...Kaadu Yallal kelte num toysa usuk kaa xiqah...] [Suurat attalaaqh :3] Kay diinii kee kay addunyah caagiidak kaa ceyissam inkih kaa duudah iyyaanama.
Yallal qekiteh yan num sorkocobbat dudda le kinni way agaywaaga kaa maxagtaay, musiiba kaa maysallafa,toh diggah nafsih naqaabiyyaa kee numma kak sinni meesik sugtam is yaaxigeemik.tohû luk yallay fayya iyyah kaal qekiteh yan numuh dudda le xiqtootah kaa xiqah yanim is yaaxigeemik,yallal waasiqaah kay xaqul sorkocobbaxat satta yaalle,tokkel kay rookaa kee qansari katah,kay gibdaabina sahalit yambiddilimeeh ,kay rooka farcat yabiddilimeeh, kay meesi amaanat yabiddilen. tokkel yallay fayya iyyah qaafiyat kee sorkocobbaxi duddaa kee digga neh yaceem kaa esserra,kaadu dudda le qikuuy, yalli tet marah ummaan kayril inkih kak xiqaah,ummaan umaaneenaa kee qasaaru kak yedecee nellih yaceem kaa esserra.
Fasli: Sinam qaybik cibbarsimaanaah nafsi bartisaama.
Kaadu yallih nabii yallak racmat kee nagayna kaal tanay kay maxcol : «Moomintu moomintok maynabin, teekik inki calmaqaane yanqibe yaniimik,teekik aka calmaqaanel akcine le». Muslim baahe xaagu.
Namma kaxxa tuxxiiqiy naba :
Ken nammayak teyna: barraa kee ramad,kataysaa kee kaa luk taamate num,kaadu koo kee kay fanal itta liinoo kee xakbiyyi yan num kullih luk gexso yamqeeniimit tirri haytaah kaadu kay garil ceelewaytooy,tuwwaytiiy,hinnay atu niqbitoomih tu-suge waytam duude waytaamak isi nafsi caglissa haam kok faxximtah,toh geytek,tah kee xakbi diggaa kee kacanu raaqisaanamak kok waajibitah taniimiiy,hinnay abtam kok tamqeemih fanal madarsiyya aba,kay garil tan maqaanee kee gar kee caam muradu kassitak. tahak umaanek derre cabee kee maqaane wagittaamal,kataysaa kee xakbiyyal xaayim yakkeeh, raaqa duddah koo gufak geytimta.
Nammey haytô tuxxiq: is rookaa kee qhalaqh kalla axceemi,saffo waaritaama,waajib kee sunna ken cakkitte aba numul duudusaanama,kaadu namma garak fanaak raaqat geyaanam kinni.yallih nabii yallak racmat kee nagayna kaal tanay cusseh yan tahak tirri axce waah yan num, -immay ta caagid diidaalek umaaneenat wagtah, maqaaneenak inti waytam yakkek-, diggah amqarraq abaamam raq maliiy,isii kee isih rammittaamih fanal yan kacni tummakookat raq mali,nammayak kulli num isik dacrisu oobah yan cakkittek maggom yaggiriqqeem raq mali.
Kaadu sinaamak fayya le himma le maggo mari,musiibaabii kee cugguqta caagiidah gaca waqdi, isi nafsi sabrii kee rufto fanah yaduuren. Kinnih immay boola le qunxa caagidih waqdi welwelaanaah alil ruffa boohaataah,tah kah tekke sabab diggah usun naba caagidih waqdi isi nafsi sorkocobbaxal dabqiseeniih qunxa caagidih waqdi kaa cabeenimik,tokkel ken muddeeh ken ruffal qidda hayte, toysa qande le num qunxaamak nabaamak inkih tan caagiidal isi nafsi sorkocobbaxal dabqisaah tet cató yallal esserah,inti ramaccah gide isi nafsil kaa cabewaam esserak,tohuk lakat qunxam kaal xabcinih,nabam kaal kah xabcini innah. Nafsi satta kak iyyeh, sorkocobbaxi kak sabhalaaleh ruffa luk raaqa.
Fasli: Hammittet bisoh iyyaanaah waanama tohuk wadir.
Kasle num,kay cakki mano maqaanee kee nafsi ruffâ mano kinniimiiy,teetik mangom dagoom kinnim yaaxigeeh,gadangaddii kee gibdaabinâ luk waraak isi mano gaaboysam kaah maxiqta,toh cakki manô didda kinnik,isi manok mangom gadangaddii kee gibdaabinah baytaamak isi mano ceelak dacrisa,tamah wagittaamal meqe num kee uma numih fanal baxsi mayan,kinnih immay moomintu ta weelot nummayseemik mango saami leeh,addunyaay akeeral kaa yanfiqe saamî luk raaqa.
Yallih niqmootaa kee kaat toome qansaru ittat ruubaanama, Kaadu umaane kaa geytek hinnay kak meesitek,diinil takkay addunyal takkay kaah geytimtah tan raqte maqaanee kee kaa geyte umaane massoysam faxximta,ta massoysiyyi usuk edde yan maqaaneh mangaa kee kaa geyte umaaneh dagiinah baxxaqqa iyya.
Kaadu wonnal isil baaham kak meesitah yan umaanee kee, teetik salaamat luk naggoowa num takkeh tan mangoh tan aracoocih fanat massos aba,tokkel boola le yakke arac cayla luk mangoh tan takkookat arqam cabewa.wohul hammii kee meesi kaak gexxaah, kaadu kaa gufu dudda takkookak akkuk nabam kak qidaah,tekkek yekke aracat isi nafsik gulgul abaah,kaadu yanu waam (takke waytam) isik kalah kaadu tekkem isik fayya haah hinnay xabcisuh gexxaasfitaacita.
Sinam ada abaanaah umaane keenil tan teetik is agxise waytek, Tuxxiq edde yan caagiidak taaxigeemi:diggah sinaamak kok yakke adá,baxsaluk uma maxcoocal yakkeemil,koo ma kaltaay is ken kaltam kinni,isi nafsi tet caalisiyyal caglissaah ku niyat tamlike gita teetih taceem akke waytek.toh takke waqdi ken kalte innah koo kaltah,kaadu isik abxa teetik hee waytek tut koo ma kalta.
Ku mano naafiq leeh meqe afkaaral eymeq, ixig ku mano ku afkaarak katattam kinnim,tokkel tama afkaar diinil hinnay addunyal tu koh xiqta afkaar tekkek,ku mano meqe manoy rufto leh kinni,toh akke waytek caagid kay qaksi kinni.
Taama yallah takkem,gino hinna, Hammi yayyaaqeenim kaxxam nafqi leh tan caagiidak tanim kinni, yallak sa faatitiyya gurrusewaah isi nafsi barissaama,tokkel ku amol cakki le numuh hinnay cakki sinni numuh maqaane abtek, taham atu yallâ luk abta ceelat kinnim ixig,ta maqaane akah abte numih faatitiyyal maboolaatin,yalli isi abuurak muxxo le marih cakkil kah iyye innah : Cagalah nanu sin kah naskamem yallih foocih taaga,galtoo kee faatit siinik elle mafanna iyyan. [Suurat Al-insaan : 9].
Ta gexsoy diggal taggiriqqime buxâ maraa kee xaylooy,mango fantaaxaw koo luk lon mango mara luk lon gexso kinni.isi nafsi ken amok umaane edde kaltaamat amrissa waqdi,isih ruffa edde ittaah,ken ruffa edde hayta nafsi satta elle iyya sababak,muxxitte tabba hayyaanaah koo agaywaagissa gibda haysite kal nafsi isih akah meqe innal edde taamitaanam kinni,makô gita qagitaamih sababah muxxo geewaytit isi dakat qummeh gactaah gactu dudda.tah cikmat kinni,gita le caalootak meqeemiy mexxat le caalootah korrisaanama.tohut lubbi mexxat yamqeeh rufto edde geyaah, taqabii kee agaywaaga kak cabah.
Biyak lem cabak meqeemiy nafqi edde yanit agxitaanam yakkeenimi, Mexxat leeh nafqi le caagiida intik foocal haysitaah tet duudusiyyal taamita,gibdaabina le caagiidat derre cabaah tet cubbuse waay; tahak gexxaamah hammii kee rooka bahta sababitte hawwensitah,raacat kee muxxole taamoomil isi nafsih gaabosiyyat cato gurrus.
Taamoomik awakkiik gaba kalaanama, Mexxat leeh nafqi le caagiidaadik tanim taamoomi ta uddurut duudusaanam kee ama udduruh gabaggeyih gacaanama;kah kinnim taamoomi duuduse weenik, dumi taamoomik raqtem kaamo garrissaah,sarrak tamaate taamoomi teetit osintaah gibdaabini kak kaamot culusak raqta,tokkel tu-kala kay uddurut duudussek,foocal kah tamaate caagiidaadâ fan cubbil taaqat kee taama taaqatal tamaate.
Muxxuttam ittak lakal roorisaanama,marat faysiyya luk, Naqsi le taamoomik muxxo leemih lakat muxxo lem dooritaanam dirki kinni,isi nafsi edde kicaanaah faxaah edde gibdim baxisak, diggah tohuk tanim taanuu kee boolaa kee rookat ugussaah, taamal massooweh yan fakkaaqooy kaadu woo marih mablat cato edde haysit,marak esserite num mucadara,abaanam faxxam gudgud kinnuk barit,naqsi diggowtaah sorkocobbaxal dabqiseek toysa yallal kelit,diggah yalli kaal kelita mara yakcineh.
Kaadu faylaa kee saare ginô rabbi le.
Yallak racmat kee nagaynan ni sayyid mucammad amol yanay, kaadu kay buxah maraa kee kay kataysiisil yanay.
Related books
All books
من خلقني؟ ولماذا؟75 languagesمن خلقني؟ ولماذا؟
المطوية تتناول مفهوم الخلق والغرض من الحياة، متسائلة عن منشأ الكون والإنسان والقوانين التي تحكمهما. تشرح وجود خالق واحد مستحق للعبادة، وتبرز الدلائل على عظمة الخالق من خلال الطبيعة وأحكام الكون. كما تستعرض المطوية صفات الله وأهمية الوحي في توجيه البشر لعبادة الله وحده واتباع شرعه. وتؤكد على أن الإسلام هو الدين الحق، وتحث على الدخول فيه واعتناقه للحصول على السعادة الحقيقية في الدنيا والآخرة.
الدروس المهمة لعامة الأمة78 languagesالدروس المهمة لعامة الأمة
يهدف الكتاب إلى تعليم المسلمين أساسيات دينهم بطريقة مبسطة وشاملة. يتناول مجموعة من الدروس المهمة مثل قراءة الفاتحة وقصار السور، وأركان الإسلام والإيمان، وأقسام التوحيد والشرك، وشروط وأركان وواجبات الصلاة، بالإضافة إلى مبطلاتها، مع بيان مختصر لشروط الوضوء وفروضه ونواقضه. كما يسلط الضوء على التحلي بالأخلاق الإسلامية والآداب الشرعية، ويقدم إرشادات لطيفة حول تجهيز الميت والصلاة عليه ودفنه.
Yalla yengedde numû fanah rubna ux baxxaqisiyyih farmo61 languagesYalla yengedde numû fanah rubna ux baxxaqisiyyih farmo
Yalla cine numuh rubnah nan farmo,ta qaalam duddaa kee missoyna sudfatal geytimtam cinaah cikmatal gina rabbi yaniimil tascasseemil qaqhlil walalta,toysa taham inkih aneewaynuk tekkem kas nummaysaa? toysa isi sorkocobbaxa fikrii kee kaskassoowiyyah fakaay, numma gurrus,koo tirri haa noori edde geytamkeh.
Salat baxxaqsa (ux viidiyoh exxa)85 languagesSalat baxxaqsa (ux viidiyoh exxa)
Salat kah abna inna edde nable qunxa gabat-abto,yallih qibaada cubbi aalluk abnennoh,kaadu ni salat arkaan(ruknittee) kee shuruutul(shartitte) dudda leeh yakkeemih. Salat weelo (abina) Nanu salat abnam fannek,saytunnosnam faxximta qunxa tahaara sinnaa kee kaxxa tahaara sinnak. Kaadu nanu ninni cankah exxaaxi aliftah tan saytun sartanat salatna ninni qawrat astaruk. Ni dagar kee ni salaatih arac wasakak saytunim faxximta. Qhiblâ fanah fooca nayfukkunem faxximta Sutrâ fanah salaatah yafkuneeniih abaanam sunna kinni.