Yonnente bi -yal na ko Yàlla dolli xéewal ak mucc- bu daan julli day teqale ay loxoom ba weexaayu poqtaanam di feeñ.
Jële nañu ci Abdullah ibn Maalik ibn Buhaynata -yal na ko Yàlla dollee gërëm- mu wax ne:
Yonnente bi -yal na ko Yàlla dolli xéewal ak mucc- bu daan julli day teqale ay loxoom ba weexaayu poqtaanam di feeñ.
أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ إِذَا صَلَّى فَرَّجَ بَيْنَ يَدَيْهِ حَتَّى يَبْدُوَ بَيَاضُ إِبْطَيْهِ.
Yonnente bi -yal na ko Yàlla dolli xéewal ak mucc- bu daan sujjóot day soreele ay loxoom ca sujjóot ba; mu soreele loxo bu ne ak wet ga mu féete, mu mel ni ñaari laaf, ba melow deru poqtaanam di feeñ; Lii nag ag matale la ci ni ñaari loxo yi di yaatoo, ak ni ñuy soree wet yi.
Sopp nañu melokaan wii ci sujjóot gi, te mooy ñaari përëg yi sori ñaari wet yi.
Maamuun bi nga xam ne ki dend ak moom day loru ci yaatal loxo yi; moom duñu yoonal loolu ci moom.
Yaatal gi ci sujjóot gi am na ay njariñ yu bari, bokk na ca: feeñal ag cawarte ak ug xemmeem ci julli gi, ak ne bu sukkandikoo ci céri sujjóot yépp, cér bu nekk day jël àqam ci jaamu gi. Wax nañu itam ne: xereñ gi nekk ci loolu mooy ne moo gën a niru ag toroxlu, te mooy tax jë bi ak bakkan bi gën a tege ci suuf, ba tay it ngir cér bu nekk ràññeeku ci boppam.
Téere Al-buxaariy bi gën a wér (1/ 87) (390).
Téere Muslim bi gën a wér (1/ 356) (495).
Yataal gi (6)
تيسير العلام شرح عمدة الأحكام.
للبسام (ص162).
تنبيه الأفهام شرح عمدة الأحكام.
لابن عثيمين (2/ 207).
الإلمام بشرح عمدة الأحكام.
لإسماعيل الأنصاري (1/ 134).