ده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) نڤێژ دكر؛ (د سوجدێدا) هه‌ردوو ده‌ستێن خۆ ژ ئێك جودا دكرن هه‌تا كو سپیاتییا بن كه‌فشێن وی دیار دبوو.
عه‌بدولڵاھێ كوڕێ مالكێ كوڕێ بوحەینەی (خودێ ژێ ڕازی بیت) دبێژیت:
ده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) نڤێژ دكر؛ (د سوجدێدا) هه‌ردوو ده‌ستێن خۆ ژ ئێك جودا دكرن هه‌تا كو سپیاتییا بن كه‌فشێن وی دیار دبوو.
أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ إِذَا صَلَّى فَرَّجَ بَيْنَ يَدَيْهِ حَتَّى يَبْدُوَ بَيَاضُ إِبْطَيْهِ.
پێغه‌مبه‌ری (صه‌لات و سه‌لامێن خودێ ل سه‌ر بن) د سوجدێدا هه‌ردوو ده‌ستێن خۆ ژ ته‌نشتێن خۆ دویر دكرن، وه‌كی دوو په‌ڕێن بالنده‌یان، هه‌تا كو ڕه‌نگێ پیستێ بن كه‌فشێن وی دیار دبوو. ئه‌ڤه ژی ئاماژه‌یه بۆ زێده‌گاڤیكرنێ د ڤه‌كرنا زه‌ندكێن هه‌ردوو ده‌ستان و دویركرنا وان ژ ته‌نشتێن وی.
سوننه‌ته مرۆڤ ڤی شێوازی د سوجدێدا ئه‌نجام بده‌ت، ئه‌و ژی دویركرنا زه‌ندكانه ژ ته‌نشتان.
ئه‌و نڤێژكه‌رێ ب ڤی كاری هه‌ڤالێ خۆ ب ڕه‌خ خۆڤه ئه‌زییه‌ت بده‌ت و بۆ وی نه‌خۆش كه‌ت؛ بلا ڤێ چه‌ندێ نه‌كه‌ت.
د جوداكرن و ژێكڤه‌كرنا ده‌ستان د سوجدێدا گه‌له‌ك مفا و حیكمه‌ت هه‌نه، ژ وان ژی: دیاركرنا چالاكی و حه‌زكرنێ بۆ نڤێژێ، هه‌روه‌سا ده‌مێ پشتبه‌ستنێ ل سه‌ر هه‌می ئه‌ندامێن سوجدێ دكه‌ت؛ هه‌ر ئه‌ندامه‌ك دێ حه‌قێ خۆ ژ په‌رستنێ وه‌رگریت. هاتییه گۆتن ژی: حیكمه‌ت ژ ڤی كاری ئه‌ڤه‌یه ئه‌و پتر وه‌كی خۆبكێمزانینێیه و باشتره بۆ جێگیركرنا ئه‌نی و دفنێ ل سه‌ر ئه‌ردی، هه‌ردیسان دا هه‌ر ئه‌ندامه‌ك ب خۆ ژ یێ دی جودا بیت.
زێده‌تر (8)
صه‌حیحا بۆخاری (1/ 87) (390).
صه‌حیحا موسلمی (1/ 356) (495).
تيسير العلام شرح عمدة الأحكام.
للبسام (ص162).
تنبيه الأفهام شرح عمدة الأحكام.
لابن عثيمين (2/ 207).
الإلمام بشرح عمدة الأحكام.
لإسماعيل الأنصاري (1/ 134).