Sura الطَّارق

86 : 1

وَٱلسَّمَآءِ وَٱلطَّارِقِ

Осмонга қасам, тунги йўлчига қасамки,

86 : 2

وَمَآ أَدۡرَىٰكَ مَا ٱلطَّارِقُ

(Эй Муҳаммад алайҳис-салоту вас-салом), сиз тунги йўлчи нима эканини қаердан ҳам билар эдингиз.

86 : 3

ٱلنَّجۡمُ ٱلثَّاقِبُ

(У) учар юлдуздир.

86 : 4

إِن كُلُّ نَفۡسٖ لَّمَّا عَلَيۡهَا حَافِظٞ

Ҳар бир жоннинг устида (унинг қилган барча амалларини) ёд олгувчи (фаришта) бордир.

86 : 5

فَلۡيَنظُرِ ٱلۡإِنسَٰنُ مِمَّ خُلِقَ

Энди инсон ўзининг нимадан яралганига бир боқсин!

86 : 6

خُلِقَ مِن مَّآءٖ دَافِقٖ

У отилиб чиқувчи бир сувдан яралган-ку!

86 : 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

(Эркакнинг) бели билан (аёлнинг) кўкрак қафаси ўртасидан (отилиб чиқувчи бир сувдан яралган-ку!)

86 : 8

إِنَّهُۥ عَلَىٰ رَجۡعِهِۦ لَقَادِرٞ

Шак-шубҳасиз, (Аллоҳ) уни қайта тирилтиришга қодирдир.

86 : 9

يَوۡمَ تُبۡلَى ٱلسَّرَآئِرُ

Сирлар фош қилинадиган (Қиёмат) Кунида (қайта тирилтиришга қодирдир).

86 : 10

فَمَا لَهُۥ مِن قُوَّةٖ وَلَا نَاصِرٖ

Бас, (у Кунда инсон) учун (Аллоҳнинг азобини қайтаргувчи) бирон куч ҳам, бирон ёрдамчи ҳам бўлмас!

Explanation & meanings · 1

Демак ҳар бир инсон ўзини бир томчи сувдан яратишга қодир бўлган Аллоҳ уни Қиёмат Куни қайта тирилтиришга ҳам қодир эканини ўйлаб, куч-қувватининг борида имон-эътиқод ва яхши амал билан ўша Кунга ҳозирлик кўрсин. Мазкур оятларда Қиёмат ҳақида хабар берилгач, энди мана шу хабар келган Қуръони Карим қандай китоб экани баён қилинади.

86 : 11

وَٱلسَّمَآءِ ذَاتِ ٱلرَّجۡعِ

Қайта-қайта тушгувчи (ёмғир) эгаси бўлмиш осмонга қасам;

86 : 12

وَٱلۡأَرۡضِ ذَاتِ ٱلصَّدۡعِ

(Ўша ёмғир сабабли) ёриб чиққувчи (дон-дун, ўт-ўлан) эгаси бўлмиш Ерга қасамки,

86 : 13

إِنَّهُۥ لَقَوۡلٞ فَصۡلٞ

Шак-шубҳасиз, у (Қуръон ҳақ билан ботилни) ажратгувчи Сўздир.

86 : 14

وَمَا هُوَ بِٱلۡهَزۡلِ

У ҳазил (яъни, асоссиз, беҳуда сўз) эмасдир.

86 : 15

إِنَّهُمۡ يَكِيدُونَ كَيۡدٗا

Албатта (кофирлар Муҳаммад алайҳис-салоту вас-саломга қарши турли) ҳийла-найранг қилурлар.

86 : 16

وَأَكِيدُ كَيۡدٗا

Мен ҳам бир ҳийла қилурман (яъни, уларнинг ҳийла-найрангларига муносиб жазо берурман).

86 : 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Бас, (эй Муҳаммад алайҳис-салоту вас-салом), сиз уларга озгина вақт-муҳлат беринг (яъни, сиз бир оз шошмай туринг, майли улар бугун дину иймонга қарши қўлларидан келганини қилсинлар, эртага Қиёмат қойим бўлганида, албатта, қилмишларига яраша жазоларини олурлар)!

الطَّارق

Ulashish uchun skanerlang