Name: ஹஜ், உம்ரா மற்றும் ஜியாரத் பற்றிய மார்க்கத் தீர்ப்புகள்
Author: பல்மொழிகளில் இஸ்லாமிய உள்ளடக்கத்திற்கு சேவை செய்வதற்கான அமைப்பின் ஆய்வுக் குழு.

ஹஜ், உம்ரா மற்றும் ஜியாரத் பற்றிய மார்க்கத் தீர்ப்புகள்

சவூதி அரேபியாவின் மார்க்கத் தீர்ப்புக்கான நிரந்தர குழுவின் மொத்த மார்க்கத் தீர்ப்புக்களிலிருந்தும் கேள்விகளும், விடைகளும் தேர்வு செய்யப்பட்டு, பொருத்தமான நிலைமைக்கு ஏற்ப சுருக்கமாக வழங்கப்பட்டுள்ளன. முதலாவதாக: பொதுத் தீர்ப்புகள் கேள்வி : வங்கியிலிருந்து கடன் வாங்கிய பணத்திலிருந்து எனது பெற்றோர் உம்ரா செய்யலாமா? பதில் : ஹஜ் அல்லது உம்ரா செய்ய விரும்புபவர் அல்லது மற்றொருவருக்காக செய்ய விரும்புபவர், தமது ஹஜ் மற்றும் உம்ராவுக்காக ஹலாலான சம்பாத்தியத்தை தெரிவு செய்ய வேண்டும். ஏனெனில் அல்லாஹ் மிக உயர்ந்தவன், தூய்மையானதைத் தவிர ஏற்றுக்கொள்வதில்லை.

மொழி: lang_ta

தயாரித்தவர்: பல்மொழிகளில் இஸ்லாமிய உள்ளடக்கத்திற்கு சேவை செய்வதற்கான அமைப்பின் ஆய்வுக் குழு.

பதிப்பு: 2.0

Download PDF 873 KB

This PDF is generated automatically from the book's text; its layout may differ from the printed edition.

மொழிபெயர்ப்புகள் 21

Assamese English Spanish Bengali Persian Hungarian French Georgian Kazakh Kurmanji Burmese Kyrgyz Nepali Dari Portuguese Tamil Albanian Thai Swahili Tagalog Vietnamese

Font size

பதில்: உம்ராவுக்காக மக்காவுக்கு குறுகிய பயணம் வந்த ஒருவர் அதே பயணத்தில் பல உம்ராக்கள் செய்வது நபி ﷺ அவர்களோ, நபித்தோழர்களோ காட்டித் தராத வழிமுறையாகும். இவ்வாறு செய்வது மிகவும் சிறந்தது என்றிருந்தால் எமக்கு முன்னர் அவர்களே இதை போட்டிப்போட்டு செய்திருப்பார்கள். எனவே மக்காவுக்கு வந்த ஒருவருக்கு குறிப்பாக அதிக தவாஃப்கள் செய்வது மார்க்கமாக்கப்பட்டுள்ளது. அல்குர்ஆன் ஓதுதல், தொழுதல், தானதர்மங்களில் ஈடுபடுதல் போன்ற ஏனைய வணக்கங்களையும் இங்கு அதிகம் செய்திட முடியும். தூர நாடுகளிலிருந்து வருவோர் உம்ராவுக்காக திரும்பவும் வருவதற்கான வாய்ப்பு கிடைக்காது என்றிருந்தால் தனக்காக அல்லது மரணித்தவருக்காக அல்லது வயோதிபம், தீராத நோய் போன்றவற்றால் பாதிக்கப்பட்டு சக்தியின்றி இருப்போருக்காக மீண்டும் உம்ரா செய்வதில் எவ்விதக் குற்றமும் கிடையாது. இதன்போது தனக்கோ, பிறருக்கோ சிரமம் ஏற்படாமல் பார்த்துக்கொள்ள வேண்டும். நபி ﷺ அவர்கள் கூறினார்கள், "ஓர் உம்ரா செய்வது மறு உம்ராவரை (ஏற்படும் சிறு) பாவங்களுக்குப் பரிகார மாகும். (பாவச் செயல் கலவாத) ஏற்றுக் கொள்ளப்பட்ட ஹஜ்ஜுக்கு, சொர்க்கத் தைத் தவிர வேறு கூலியில்லை" ஹஜ்ஜுக்காக வந்த இடத்தில் ஆஇஷா (ரழி) அவர்களுக்கு உம்ரா செய்ய முடியாமல் போனது. ஹஜ் முடிந்த பின் நபி ﷺ அவர்கள் மக்காவுக்கு மிகவும் அருகாமையில் உள்ள புனித பூமியின் எல்லையான தன்ஈம் இற்குச் சென்று உம்ராவுக்காக நிய்யத் வைத்துவிட்டு வந்து, உம்ராவை நிறைவேற்றுமாறு ஆஇஷா (ரழி) அவர்களுக்கு கூறினார்கள்.

பதில்: ஹஜ் உம்ரா செய்பவரோ அல்லது சுன்னத்தான தவாஃப் செய்பவரோ தவாஃபின் போது இஸ்மாஈல் சுவற்றின் உள்புறத்தால் தவாஃப் செய்வது கூடாது. அவ்வாறு செய்தால் அச்சுற்று ஏற்றுக்கொள்ளப்படமாட்டாது. ஏனெனில் இஸ்மாஈல் சுவரும் கஃபாவிற்குள் உள்ளடங்கும் பகுதியாகும். நாம் கஃபாவிற்கு வெளிப்புறத்திலே தவாஃப் செய்ய வேண்டும். அல்லா்ஹ கூறுகிறான், "மிகப் பழமையான இறையாலயத்தை அவர்கள் தவாஃப் செய்யட்டும்" -அல்குர்ஆன் 22:29- ஆஇஷா (ரழி) அவர்கள் அறிவிக்கிறார்கள், நான் நபி ﷺ அவர்களிடம் (கஅபா வை ஒட்டியுள்ள ஹிஜ்ர் எனும்) வளைந்த சுவரைப் பற்றி, “இதுவும் கஅபாவில் சேர்ந்ததா?” எனக் கேட்டேன். அதற்கு அவர்கள் “ஆம்” என்றார்கள். நான், “அப்படியானால், கஅபாவுடன் இதை அவர்கள் ஏன் இணைக்கவில்லை?” எனக் கேட்டேன். அதற்கு அவர்கள் “உன் சமூகத்தாருக்கு நிதிப் பற்றாக்குறை ஏற்பட்டிருந்தது” என்று பதிலளித்தார்கள். -ஆதாரம்: புஹாரி 1584, முஸ்லிம் 1333- மற்றொரு அறிவிப்பில், "நான் கஅபாவினுள் நுழைந்து அங்கு ஆசைப்பட்டேன். அப்போது நபியவர்கள் எனது கையைப் பிடித்து, (இஸ்மாஈல்) சுவற்றின் உட்புறத்தில் விட்டார்கள். கஃபாவின் உட்புறத்தில் தொழ நாடியிருந்தால் இச்சுவர் பகுதியில் தொழுவீராக, இதுவும் கஃபாவின் ஒரு பகுதி தான்" எனக் கூறினார்கள். -ஆதாரம்: அபூதாவுத் 2028, அஹ்மத் 24616-

கேள்வி: ஸஃயு செய்யும் போது பச்சை விளக்குப் பகுதியில் பெண்கள் துள்ளித் துள்ளி ஓடக் கூடாது என்பதற்கான ஆதாரத்தை ஃபிக்ஹ் புத்தகங்களில் ஹஜ் உம்ரா பாடங்களில் நான் காணவில்லை. தொலைக்காட்சியில் ஒரு இஸ்லாமிய மார்க்க அறிஞர் பேசும் போது, "ஸஃயில் பெண்கள் துள்ளி ஓடக் கூடாது. இது ஆண்களுக்கு மாத்திரமானது. பெண்கள் ஓட நேர்ந்தால் அவர்களின் அவ்ரத் வெளிப்பட்டு விடும் என்பதால் அவர்கள் துள்ளி ஓடாமல் இருப்பது அவர்களுக்கு மிகவும் ஏற்றமானது" எனக் கூறினார். இதற்கு அவர் எவ்வித ஆதாரத்தையும் முன்வைக்கவில்லை. 'ஹாஜர் (ரழி) அவர்கள் ஆரம்பித்து வைத்து வழக்கமே இவ்வாறு துள்ளித் துள்ளி ஓடுவது. அவர் கூறுவது உண்மையாக இருந்தால் அது அவரது இஜ்திஹாதுக்கு உட்பட்ட கருத்தாகவே இருக்கும்' என நான் எனக்குள் கூறிக்கொண்டேன். அல்லாஹ்வின் அருளால் நான் இஜ்திஹாதுடன் தொடர்பான கருத்துக்களையும் ஏற்பவன். மார்க்கம் என்பது வெறும் அறிஞர்களின் கருத்துக்களால் ஆனவை அல்ல என்பதையும் ஏற்பவன். எனவே எனக்கு இதற்கான தெளிவைத் தருமாறு கேட்டுக்கொள்கிறேன். அல்லாஹ் உங்களுக்கு அருள்புரிவானாக.

பெண்களின் அவ்ரத்தையும், மஹ்ரம் எனும் சட்டத்தையும் அடிப்படையாக வைத்து சில பொதுவான சட்டங்களில் பெண்களுக்கு கூடுதல் சட்டங்களோ, அல்லது சட்டங்களில் தளர்வுகளோ இஸ்லாமிய அறிஞர்களினால் முன்வைக்கப்படுகின்றன. இவை அவர்களின் சொந்த கருத்தினால் முன்வைக்கப்படும் சட்டங்கள் கிடையாது. மாறாக ஒப்புவமை அடிப்படையில் (கியாஸ்) இயற்றப்படும் சட்டங்களாகும். அந்த அடிப்படையில் தளர்த்தப்பட்ட சட்டமாக அமைந்ததே ஸஃயில் பெண்கள் பச்சை விளக்குப் பகுதியில் துள்ளி ஓடக் கூடாது எனும் சட்டம். இப்னுல் முன்திர் (ரஹ்) அவர்கள் கூறினார்கள், "தவாஃபில் முதல் மூன்று சுற்றுக்களிலும், ஸஃயிலும் பெண்கள் துள்ளி ஓடக் கூடாது என்பது இஸ்லாமிய அறிஞர்களின் ஏகோபித்த கருத்தாகும். இவ்வாறு ஓடுவதால் அவர்களின் அவ்ரத்களில் சில பகுதிகள் வெளியில் தெரிவதற்கான வாய்ப்புகள் அதிகம் உள்ளன. தவாஃவில் பெண்கள் இழ்திபாஃ (வலது தோல்புஜம் தெரியும் வகையில் ஆடை அணிதல்) முறையில் ஆடை அணியவும் கூடாது. இழ்திபாஃ முறையில் தோலை வெளிப்படுத்த வேண்டுமென்பதே அதன் நோக்கமாகும். இது பெண்களுக்கு தடுக்கப்பட்ட ஒன்றாகும். பெண்கள் அப்பகுதியை மறைத்துக்கொள்ள வேண்டும்." -ஆதாரம்: அல்முஃஹ்னீ 03/197-

பதில் : யாருக்கு ஹஜ் கடமையாகி, அதன் பின் மரணிக்கிறாரோ, அவரிடமிருந்த பணத்தில் ஹஜ் உம்ராவுக்கான பணத்தை வேறாக்கி வைக்க வேண்டும். வேறு யாராவது இவருக்கான ஹஜ் உம்ராவுக்கான பணத்தை பொறுப்பேற்றால் அவரின் சொத்திலிருந்து இதற்கான பணத்தை வேறாக்க வேண்டியதில்லை. ஹஜ் என்பது இஸ்லாத்தின் ஐம்பெரும் கடமைகளில் ஒன்று என்பது அனைவரும் அறிந்த விடயமாகும். இது கடமையான நிலையில் ஒருவர் மரணித்தால் அவரின் மரணத்திற்காக வேண்டி அக்கடமை அவரை விட்டும் நீங்கிவிடாது. அப்துல்லாஹ் இப்னு அப்பாஸ் (ரழி) அவர்கள் அறிவிக்கிறார்கள், "‘ஜுஹைனா’ எனும் கூட்டத்தைச் சேர்ந்த ஒரு பெண்மணி நபி ﷺ அவர்களிடம் வந்து, “என் தாய் ஹஜ் செய்வதாக நேர்ச்சை செய்திருந்தார். ஆனால், அதை நிறைவேற்றாமல் இறந்துவிட்டார். அவர் சார்பாக நான் ஹஜ் செய்யலாமா?’ என்று கேட்டார். அதற்கு நபி ﷺ அவர்கள், “ஆம்! அவர் சார்பாக நீ ஹஜ் செய். உன் தாய்க்குக் கடன் இருந்தால் நீதானே அதை நிறைவேற்றுவாய். எனவே, அல்லாஹ்வின் கடன்களை நிறைவேற்றுங்கள், கடன்கள் நிறைவேற்றப்படுவதற்கு அல்லாஹ் அதிக உரிமை படைத்தவன்” என்றார்கள்." -ஆதாரம்: புஹாரி 1852- அப்துல்லாஹ் இப்னு அப்பாஸ் (ரழி) அவர்கள் அறிவிக்கிறார்கள், "‘கஸ்அம்’ எனும் குலத்தைச் சேர்ந்த ஒரு பெண்மணி நபியவர்களிடம் வந்து, “அல்லாஹ் விதித்த (ஹஜ்) கடமை என் தந்தைக்கு ஏற்பட்டுவிட்டது; அவர் வாகனத்தில் அமர முடியாத முதியவராக இருக்கிறார்; அவருக்காக நான் ஹஜ் செய்யலாமா?” என்று கேட்டார். நபி ﷺ அவர்கள் “ஆம்” என்றார்கள்". -ஆதாரம்: புஹாரி 1854- அபூரஸீன் அல்அகீலி (ரழி) அவர்கள் அறிவிக்கிறார்கள், நான் நபி ﷺ அவர்களிடம் வந்து, "அல்லாஹ்வின் தூதரே! எனது தந்தை வயோதிபராக இருக்கிறார். அவரால் ஹஜ் செய்யவோ, உம்ரா செய்யவோ, பயணம் செய்யவோ முடியாது". அப்போது நபியவர்கள், "நீ உனது தந்தைக்காக ஹஜ்ஜையும் உம்ராவையும் செய்துவிடு" எனக் கூறினார்கள். -ஆதாரம்: திர்மிதி 930, அபூதாவுத் 1810-

பதில்: இஹ்ராம் நிய்யத்துடன் இருக்கும் ஒருவர் புறாக்களை விரட்டவோ, வேட்டையாடவோ கூடாது என்பதைத் தவிர மக்கா, மதீனாவிலுள்ள புறாக்களுக்கு என எவ்வித தனித்துவங்களும் கிடையாது. அப்துல்லாஹ் இப்னு அப்பாஸ் (ரழி) அவர்கள் அறிவிக்கிறார்கள், "அல்லாஹ்வின் தூதர் ﷺ அவர்கள் (மக்கா வெற்றி நாளில்) ‘‘நிச்சயமாக, அல்லாஹ் மக்காவைப் புனிதப்படுத்தியிருக்கிறான். (இங்கு போர் செய்வது) எனக்குமுன் எவருக்கும் அனுமதிக்கப்பட வில்லை; எனக்குக்கூட பகலில் சிறிதுநேரம்தான் அனுமதிக்கப்பட்டது. இங்குள்ள புற்பூண்டுகள் பறிக்கப்படக் கூடாது! இங்குள்ள மரங்கள் வெட்டப்படக் கூடாது! இங்குள்ள வேட்டைப் பிராணிகள் விரட்டப்படக்கூடாது! இங்கே கீழே விழுந்துகிடக்கும் பொருளை, அதை அறிவிப்புச் செய்(து உரியவரிடம் சேர்ப்)பவர் தவிர வேறு யாரும் எடுக்கக் கூடாது!” என்று கூறினார்கள். அப்போது அப்பாஸ் பின் அப்தில் முத்தலிப் (ரழி) அவர்கள், ‘‘எங்கள் வீடுகளின் கூரைகளுக்கும் பொற்கொல்லர்களுக்கும் பயன்படும் இத்கிரை’த் தவிரவா?” என்று கேட்டார்கள். நபி ﷺ அவர்கள் இத்கிரைத் தவிர!› என்றார்கள். இதன் அறிவிப்பாளர்களில் ஒருவரான இக்ரிமா (ரஹ்) அவர்கள், ‘‘வேட்டைப் பிராணி விரட்டப்படுவது என்றால் என்னவென்று உமக்குத் தெரியுமா? நிழலில் படுத்திருக்கும் அதை விரட்டிவிட்டு, அந்த இடத்தில் நீங்கள் தங்குவதுதான்” என்று கூறுகிறார்கள்." ஆதாரம்: புஹாரி 2090, முஸ்லிம் 1353. நபி ﷺ அவர்கள் கூறினார்கள், "இப்ராஹீம் (அலை) அவர்கள் மக்காவைப் புனித நகரமாக அறிவித்தார்கள். நான் மதீனாவின் இரு கருங்கல் மலைகளுக்கு இடைப்பட்ட பகுதியைப் புனிதமானதாக அறிவிக்கிறேன். அதன் முள்மரங்கள் வெட்டப்படக் கூடாது; அதன் வேட்டைப் பிராணிகள் வேட்டையாடப்படக் கூடாது." ஆதாரம்; முஸ்லிம் 1362.

பதில்: எவ்விதக் காரணங்களும் இன்றி பெரிய ஜம்ராவில் கல்லெறிவதை அதற்கு அடுத்து வரும் நாட்களுக்கு பிற்போடுவது கூடாது. ஏனெனில் நபி ﷺ அவர்கள் பெருநாள் தினமான துல்ஹஜ் பத்தாம் நாள் தான் பெரிய ஜம்ராவில் கல்லெறிந்துள்ளார்கள். அவரைப் பின்பற்றிய ஸஹாபாக்களும் பெரிய ஜம்ராவில் கல்லெறிவதை அடுத்து வரும் நாட்களுக்கு பிற்போட்டதாக எவ்வித ஆதாரங்களும் இல்லை. ஜாபிர் இப்னு அப்துல்லாஹ் (ரழி) அவர்கள் அறிவிக்கிறார்கள், "நபி ﷺ அவர்கள் நஹ்ருடைய (துல்ஹஜ் பத்தாவது) நாளில் தமது வாகன ஒட்டகத்தில் அமர்ந்தவாறு (ஜம்ரத்துல் அகபாவின் மீது) கல் எறிவதை நான் கண்டேன். மேலும் அவர்கள், "நீங்கள் உங்களது ஹஜ்ஜின் கிரியைகளை (என்னிடமிருந்து இந்த ஆண்டிலேயே) கற்றுக்கொள்ளுங்கள். ஏனெனில் நான், எனது இந்த ஹஜ்ஜிற்குப் பிறகு ஹஜ் (செய்வேனா,) செய்யமாட்டேனா என்பதை அறியமாட்டேன்" என்று கூறிக்கொண்டிருந்தார்கள்." -ஆதாரம்: முஸ்லிம் 1297- எவ்விதக் காரணங்களும் இன்றி அடுத்து வரும் தஷ்ரீக்குடைய நாட்கள் வரை பிற்போடுவது நபியவர்களின் வழிமுறைக்கு மாற்றமான செயலாகும். ஹஜ்ஜின் நன்மைகளில் சிலதையும் இதனால் இழக்க நேரிடும். எனவே அல்லாஹ்விடம் இதற்காக பாவமன்னிப்பு கேட்டு, இனி வரும் காலங்களில் வணக்கங்களை நபியவர்கள் கூறிய முறையில் செய்வதற்கு முயற்சிக்க வேண்டும்.

பதில்: அல்லாஹ் கூறுகிறான், "குறிப்பிடப்பட்ட நாட்களில் அல்லாஹ்வை திக்ரு செய்யுங்கள்; எவரும்(மினாவிலிருந்து) இரண்டு நாட்களில் விரைந்துவிட்டால் அவர் மீது குற்றமில்லை. யார்(ஒரு நாள் அதிகமாக) தாமதிக்கிறாரோ அவர் மீதும் குற்றமில்லை. (இது இறைவனை) அஞ்சிக் கொள்வோருக்காக (கூறப்படுகிறது)." -அல்குர்ஆன் 02:203- இவ்வசனத்திலுள்ள "குறிப்பிடப்பட்ட நாட்கள்" என்பது தஷ்ரீக்குடைய மூன்று நாட்களான, துல்ஹஜ் பிறை 11, 12, 13 ஆகிய நாட்களைக் குறிக்கிறது. ஹஜ் செய்பவர்கள் துல்ஹஜ் பிறை 12ம் நாள் சூரியன் நடு உச்சியை விட்டும் சாய்ந்த பிறகு மூன்று ஜம்ராக்களிலும் கல்லெறிந்து விட்டு, அன்றைய நாள் சூரியன் மறைவதற்கு முன் மினாவிலிருந்து செல்ல முடியும். இவ்வாறு செல்வோரை "விரைந்து செல்பவர்கள்" என அல்குர்ஆன் குறிப்பிடுகிறது. ஹஜ் செய்பவர்கள் துல்ஹஜ் பிறை 13ம் நாளும் சூரியன் நடுஉச்சியிலிருந்து சாய்ந்த பிறகு, மூன்று ஜம்ராக்களிலும் கல்லெறிந்துவிட்டு மினாவை விட்டும் செல்ல முடியும். இவ்வாறு செல்வோரை "தாமதமாக செல்பவர்" என அல்குர்ஆன் குறிப்பிடுகிறது. இதுவே சிறந்த முறையாகும். நபியவர்களும் இவ்வாறே செய்துள்ளார்கள்.

பதில்: மாதவிடாய் மற்றும் பிரசவ இரத்தம் ஏற்பட்டுள்ள பெண்கள் தவாஃபுல் வதாஃ செய்யவேண்டியதில்லை. வயோதிபர்கள், இயலாதவர்கள், நோயாளிகள் போன்றோர் சுமக்கப்பட்ட நிலையில், அல்லது சக்கர நாட்காலி போன்றவற்றின் உதவியோடு இந்த தவாஃபை நிறைவேற்ற வேண்டும். இப்னு அப்பாஸ் (ரழி) அவர்கள் அறிவிக்கிறார்கள், (நபி ﷺ அவர்களது காலத்தில் ஹஜ்ஜை முடித்ததும்) மக்கள் பல்வேறு முனைகளில் திரும்பிச் சென்றுகொண்டிருந்தனர். (இதைக் கண்ட) அல்லாஹ்வின் தூதர் ﷺ அவர்கள், "(ஹஜ் செய்த) எவரும் இறையில்லம் கஅபாவை இறுதியாகச் சந்தித்(து தவாஃப் செய்)திடாமல் மக்காவிலிருந்து புறப்பட்டுச் செல்ல வேண்டாம்!" என்று கூறினார்கள். -ஆதாரம்: முஸ்லிம் 1327- இப்னு அப்பாஸ் (ரழி) அவர்கள் வாயிலாக இன்னொரு ஹதீஸும் இடம்பெற்றுள்ளது, "இறையில்லம் கஅபாவைச் சுற்றி (தவாஃப்) வருவதை (ஹஜ்ஜின்) இறுதி வழிபாடாக ஆக்கிக்கொள்ள வேண்டும் என மக்கள் கட்டளையிடப்பட்டனர். ஆயினும், மாதவிடாய்ப் பெண்களுக்கு மட்டும் அதில் (‘தவாஃபுல் வதா’வை விட்டுவிட) சலுகை வழங்கப்பட்டுள்ளது." -ஆதாரம்: புஹாரி 1755, முஸ்லிம் 1328- மற்றொரு ஹதீஸில் பிரசவ இரத்தப் போக்கு ஏற்பட்டுள்ள பெண்களும் மாதவிடாய் பெண்களைப் போல் தவாஃபுல் வதாஃவை செய்யத் தேவையில்லை என இடம்பெற்றுள்ளது.

பதில்: மாதவிடாய் ஏற்பட்ட பெண்களுக்கு தவாஃபுல் வதாஃ கடமையில்லை. உங்கள் மனைவி எதுவித பரிகாரங்களும் இதற்காக செய்ய வேண்டியதில்லை. இப்னு அப்பாஸ் (ரழி) அவர்கள் அறிவிக்கிறார்கள், "இறையில்லம் கஅபாவைச் சுற்றி (தவாஃப்) வருவதை (ஹஜ்ஜின்) இறுதி வழிபாடாக ஆக்கிக்கொள்ள வேண்டும் என மக்கள் கட்டளையிடப்பட்டனர். ஆயினும், மாதவிடாய்ப் பெண்களுக்கு மட்டும் அதில் (‘தவாஃபுல் வதா’வை விட்டுவிட) சலுகை வழங்கப்பட்டுள்ளது." -ஆதாரம்: புஹாரி 1755, முஸ்லிம் 1328- ஆஇஷா (ரழி) அவர்கள் அறிவிக்கிறார்கள், (அல்லாஹ்வின் தூதர் ﷺ அவர்களின் துணைவியார்) ஸஃபிய்யா பின்த் ஹுயை (ரழி) அவர்களுக்கு, அவர்கள் (துல்ஹஜ் பத்தாவது நாளில்) "தவாஃபுல் இஃபாழா" செய்த பின்பு மாதவிடாய் ஏற்பட்டது. அவர்களுக்கு மாதவிடாய் ஏற்பட்டுவிட்டது பற்றி நான் அல்லாஹ்வின் தூதர் ﷺ அவர்களிடம் கூறினேன். அப்போது அல்லாஹ்வின் தூதர் ﷺ அவர்கள், "அவர் நம்மை (புறப்பட விடாமல்) தடுத்துவிட்டாரா?" என்று கேட்டார்கள். அதற்கு நான், "அவர் "தவாஃபுல் இஃபாழா" செய்துவிட்டார்,அல்லாஹ்வின் தூதரே!" என்று கூற, அல்லாஹ்வின் தூதர் ﷺ அவர்கள், "அப்படியானால் (பரவாயில்லை) அவர் புறப்படலாம் ("தவாஃபுல் வதா" செய்ய வேண்டியதில்லை)" என்று சொன்னார்கள். -ஆதாரம்: முஸ்லிம் 1211-

பதில்: ஹஜ் செய்ய வந்த ஆண்களோ, பெண்களோ நபியவர்களின் கப்ரு பகீஃ மையவாடி ஆகியவற்றை மாத்திரம் தரிசிப்பதற்காக புனிதப் பயணம் மேற்கொள்ளக் கூடாது. இவ்வாறு செய்வது இருவருக்கும் தடுக்கப்பட்டுள்ளது. குறிப்பாக பெண்களைப் பொருத்த வரையில் இதற்காக புனிதப் பயணம் மேற்கொள்ளாமல் வந்திருந்தாலும் அவர்களுக்கு கப்ருகளை தரிசிப்பதுஅ முற்றிலும் தடுக்கப்பட்டுள்ளது. நபி ﷺ அவர்கள் கூறினார்கள், "(மக்காவில் உள்ள) மஸ்ஜிதுல் ஹராம், (மதீனாவில் உள்ள) மஸ்ஜிதுந் நபவீ, (பைத்துல் மக்திசில் உள்ள) மஸ்ஜிதுல் அக்ஸா ஆகிய மூன்று பள்ளிவாசல் களுக்குத் தவிர வேறெந்தப் பள்ளிவாசலுக் கும் (அதிக நன்மையை எதிர்பார்த்துப்) புனிதப் பயணம் மேற்கொள்ளப்படாது." -ஆதாரம்: புஹாரி 1189, முஸ்லிம் 1397- மஸ்ஜிதுன் நபவிக்காக புனிதப் பயணம் வந்து நபியவர்களின் கப்ரு, பகீஃ மையவாடி ஆகியவற்றை ஆண்கள் தரிசிப்பதில் தவறில்லை. பெண்களைப் பொருத்தவரை கப்ருகளை தரிசிப்பது தடுக்கப்பட்டுள்ளது. கப்ருகளை தரிசிக்கும் பெண்களை நபியவர்கள் சபித்துள்ளார்கள். எனவே அவர்கள் பள்ளியில் இருந்து தொழுது, நபியவர்களுக்கு அதிகம் ஸலவாத்துக் கூறி, ஏனைய வணக்கங்களில் ஈடுபட முடியும்.

ஹஜ், உம்ரா மற்றும் ஜியாரத் பற்றிய மார்க்கத் தீர்ப்புகள்

ஹஜ், உம்ரா மற்றும் ஜியாரத் பற்றிய மார்க்கத் தீர்ப்புகள்

உம்ரா செய்பவர்களுக்கு அதிகம் தேவைப்படும் நூல் [1]

முதலாவதாக: பொதுத் தீர்ப்புகள்

Related books

அல்குர்ஆன் மற்றும் சுன்னாவின் ஒளியில் ஹஜ், உம்ரா மற்றும் சியாரா தொடர்பான பல விடயங்களின் ஆய்வும் விளக்கமும்

உம்ரா செய்யும் முறையும், அதன் சட்டங்களும்

உம்ரா செய்யும் முறை

இஸ்லாம் இறைதூதர்களின் மார்க்கம்

பகிர ஸ்கேன் செய்யவும்