Sura عَبَسَ

80 : 1

عَبَسَ وَتَوَلَّىٰٓ

Alikunja kipaji na akageuka!

Explanation & meanings · 1

Uso wake ulitaghayari kwa kuchukia na akageuka,

80 : 2

أَن جَآءَهُ ٱلۡأَعۡمَىٰ

Kwa sababu alimjia kipofu!

Explanation & meanings · 1

Kwa sababu kamjia kipofu anamuuliza khabari ya Dini yake.

80 : 3

وَمَا يُدۡرِيكَ لَعَلَّهُۥ يَزَّكَّىٰٓ

Na nini kitakujuulisha pengine yeye atatakasika?

Explanation & meanings · 1

Na wewe unajuaje, pengine huyo kipofu atatakasika kwa atayo yapata kwako,

80 : 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Au atawaidhika, na mawaidha yamfae?

Explanation & meanings · 1

Au atawaidhika na mawaidha yamfae.

80 : 5

أَمَّا مَنِ ٱسۡتَغۡنَىٰ

Ama ajionaye hana haja!

Explanation & meanings · 1

Ama yule anaye jiona ametosheka kwa mali yake na nguvu zake,

80 : 6

فَأَنتَ لَهُۥ تَصَدَّىٰ

Wewe ndio unamshughulikia?

Explanation & meanings · 1

Wewe ndio unamkabili na unamshughulikia kumfikishia wito wako.

80 : 7

وَمَا عَلَيۡكَ أَلَّا يَزَّكَّىٰ

Na si juu yako kama hakutakasika.

Explanation & meanings · 1

Na wewe una lawama gani ikiwa yeye hakutakasika kwa Imani?

80 : 8

وَأَمَّا مَن جَآءَكَ يَسۡعَىٰ

Ama anaye kujia kwa juhudi .

Explanation & meanings · 1

Ama anaye kukimbilia kutafuta ilimu na uwongofu,

80 : 9

وَهُوَ يَخۡشَىٰ

Naye anaogopa!

Explanation & meanings · 1

Naye anamkhofu Mwenyezi Mungu .

80 : 10

فَأَنتَ عَنۡهُ تَلَهَّىٰ

Ndio wewe unampuuza?

Explanation & meanings · 1

Wewe unampuuza.

80 : 11

كَلَّآ إِنَّهَا تَذۡكِرَةٞ

Sivyo hivyo! Huku ni kukumbushana.

Explanation & meanings · 1

Hakika Aya hizi ni mawaidha.

80 : 12

فَمَن شَآءَ ذَكَرَهُۥ

Basi anaye penda akumbuke.

Explanation & meanings · 1

Mwenye kutaka atawaidhika kwa Qur'ani.

80 : 13

فِي صُحُفٖ مُّكَرَّمَةٖ

Yamo katika kurasa zilizo hishimiwa,

Explanation & meanings · 1

Nayo Qur'ani imo katika kurasa zilizo tukuzwa kwa Mwenyezi Mungu,

80 : 14

مَّرۡفُوعَةٖ مُّطَهَّرَةِۭ

Zilizo inuliwa, zilizo takaswa.

Explanation & meanings · 1

Zina cheo cha juu, na pahala palipo tukuka, zimetakasika na kila upungufu.

80 : 15

بِأَيۡدِي سَفَرَةٖ

Zimo mikononi mwa Malaika waandishi,

Explanation & meanings · 1

Katika mikono ya Malaika ambao Mwenyezi Mungu amewafanya ndio mabalozi baina yake na Mitume wake;

80 : 16

كِرَامِۭ بَرَرَةٖ

Watukufu, wema.

Explanation & meanings · 1

Walio bora, wema.

80 : 17

قُتِلَ ٱلۡإِنسَٰنُ مَآ أَكۡفَرَهُۥ

Ameangamia mwanaadamu! Nini kinacho mkufurisha?

Explanation & meanings · 1

Ameangamia mwanaadamu! Nini kilicho mfanya akufuru na hali Mwenyezi Mungu amemfanyia hisani zote hizi?

80 : 18

مِنۡ أَيِّ شَيۡءٍ خَلَقَهُۥ

Kwa kitu gani amemuumba?

Explanation & meanings · 1

Hakumbuki yeye kaumbwa kutokana na nini?

80 : 19

مِن نُّطۡفَةٍ خَلَقَهُۥ فَقَدَّرَهُۥ

Kwa tone la manii, akamuumba na akamkadiria.

Explanation & meanings · 1

Kutokana na maji ya kudharauliwa Yeye Mwenyezi Mungu alimwanzisha kumuumba akamjaalia apitie daraja mbali mbali za kukua.

80 : 20

ثُمَّ ٱلسَّبِيلَ يَسَّرَهُۥ

Kisha akamsahilishia njia.

Explanation & meanings · 1

Kisha akamfanyia nyepesi njia ya kufikia Imani, na akamfunza njia hiyo.

80 : 21

ثُمَّ أَمَاتَهُۥ فَأَقۡبَرَهُۥ

Kisha akamfisha, akamtia kaburini.

Explanation & meanings · 1

Kisha akamfisha na akamtukuza kwa kumtia kaburini.

80 : 22

ثُمَّ إِذَا شَآءَ أَنشَرَهُۥ

Kisha apendapo atamfufua.

Explanation & meanings · 1

Na tena akipenda atamhuisha baada ya kufa kwake.

80 : 23

كَلَّا لَمَّا يَقۡضِ مَآ أَمَرَهُۥ

La! Hajamaliza aliyo muamuru.

Explanation & meanings · 1

Ni kweli mwanaadamu, juu ya kuwa umri wake mrefu duniani, hakutimiza aliyo amrishwa na Mwenyezi Mungu katika mambo ya Imani na ut'iifu.

80 : 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Hebu mtu na atazame chakula chake.

Explanation & meanings · 1

Hebu mtu na aangalie shani ya chakula chake - vipi tulivyo kipanga na kumsahilishia!

80 : 25

أَنَّا صَبَبۡنَا ٱلۡمَآءَ صَبّٗا

Hakika Sisi tumemimina maji kwa nguvu,

Explanation & meanings · 1

Ni Sisi tumeiteremsha mvua kutoka mbinguni, ikateremka.

80 : 26

ثُمَّ شَقَقۡنَا ٱلۡأَرۡضَ شَقّٗا

Tena tukaipasua pasua ardhi kwa nguvu,

Explanation & meanings · 1

Tena tukaipasua pasua ardhi kwa ajili ya mimea.

80 : 27

فَأَنۢبَتۡنَا فِيهَا حَبّٗا

Kisha tukaotesha humo nafaka,

Explanation & meanings · 1

Tukaotesha humo nafaka ambazo watu huzila na huweka akiba.

80 : 28

وَعِنَبٗا وَقَضۡبٗا

Na zabibu, na mimea ya majani,

Explanation & meanings · 1

Na mizabibu na mimea ya majani inayo liwa mibichi.

80 : 29

وَزَيۡتُونٗا وَنَخۡلٗا

Na mizaituni, na mitende,

Explanation & meanings · 1

Na mizaituni mizuri, na mitende yenye kuzaa,

80 : 30

وَحَدَآئِقَ غُلۡبٗا

Na bustani zenye miti iliyo songana baraabara,

Explanation & meanings · 1

Na mabustani yaliyo songamana matawi ya miti yake,

80 : 31

وَفَٰكِهَةٗ وَأَبّٗا

Na matunda, na malisho ya wanyama;

Explanation & meanings · 1

Na matunda ya kustaladhi nayo, na malisha ya kula nyama hoa (mifugo).

80 : 32

مَّتَٰعٗا لَّكُمۡ وَلِأَنۡعَٰمِكُمۡ

Kwa manufaa yenu na mifugo yenu.

Explanation & meanings · 1

Tumeotesha yote hayo kwa ajili ya faida yenu na wanyama wenu wa kufuga.

80 : 33

فَإِذَا جَآءَتِ ٱلصَّآخَّةُ

Basi utakapo kuja ukelele,

Explanation & meanings · 1

Basi utakapo kuja ukelele wa Kiyama utakao tia uziwi masikio,

80 : 34

يَوۡمَ يَفِرُّ ٱلۡمَرۡءُ مِنۡ أَخِيهِ

Siku ambayo mtu atamkimbia nduguye,

Explanation & meanings · 1

Siku mtu atakapo mkimbia ndugu yake,

80 : 35

وَأُمِّهِۦ وَأَبِيهِ

Na mamaye na babaye,

Explanation & meanings · 1

Na mama yake, na baba yake,

80 : 36

وَصَٰحِبَتِهِۦ وَبَنِيهِ

Na mkewe na wanawe.

Explanation & meanings · 1

Na mkewe, na wanawe!

80 : 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Kila mtu miongoni mwao siku hiyo atakuwa na lake la kumtosha

Explanation & meanings · 1

Kila mmojapo katika hawa atakuwa na jambo lake la kumshughulisha!

80 : 38

وُجُوهٞ يَوۡمَئِذٖ مُّسۡفِرَةٞ

Siku hiyo ziko nyuso zitazo nawiri,

Explanation & meanings · 1

Zipo nyuso siku hii zenye mwangaza,

80 : 39

ضَاحِكَةٞ مُّسۡتَبۡشِرَةٞ

Zitacheka, zitachangamka;

Explanation & meanings · 1

Zenye kung'ara na kufurahi kwa neema za Mwenyezi Mungu.

80 : 40

وَوُجُوهٞ يَوۡمَئِذٍ عَلَيۡهَا غَبَرَةٞ

Na nyuso siku hiyo zitakuwa na mavumbi,

Explanation & meanings · 1

Na nyuso nyengine siku hii zina vumbi zimesawijika.

80 : 41

تَرۡهَقُهَا قَتَرَةٌ

Giza totoro litazifunika,

Explanation & meanings · 1

Zimegubikwa na kiza na weusi.

80 : 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Hao ndio makafiri watenda maovu

Explanation & meanings · 1

Wenye nyuso hizi ni makafiri wapotovu, ambao walio kuwa hawabali maasi waliyo kuwa wakiyatenda.

عَبَسَ

Skani ili Kushiriki