Surah عَبَسَ

80 : 1

عَبَسَ وَتَوَلَّىٰٓ

Migkalibedteng endu tinemaligkud (si Muhammad).

80 : 2

أَن جَآءَهُ ٱلۡأَعۡمَىٰ

Kanu kinawma sa lekanin nu buta (di pakailay).

80 : 3

وَمَا يُدۡرِيكَ لَعَلَّهُۥ يَزَّكَّىٰٓ

Endu di nengka egkatawan (Muhammad) i sekanin besen i pedsuti (malityaya) sa leka.

80 : 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Ataw ka makandudulugud na makangguna lun su patadem.

80 : 5

أَمَّا مَنِ ٱسۡتَغۡنَىٰ

Makapantag kanu entayn i di pakanasisita.

80 : 6

فَأَنتَ لَهُۥ تَصَدَّىٰ

Na sekanin i inipamamantag nengka.

80 : 7

وَمَا عَلَيۡكَ أَلَّا يَزَّكَّىٰ

Endu da bun sa leka i dusa amengka di sekanin makadsuti (malityala).

80 : 8

وَأَمَّا مَن جَآءَكَ يَسۡعَىٰ

Endu makapantag kanu entayn i nakawma sa leka a bamagayas.

80 : 9

وَهُوَ يَخۡشَىٰ

Na sekanin banan i egkagilekan (kanu Allah).

80 : 10

فَأَنتَ عَنۡهُ تَلَهَّىٰ

Na sekanin i nakadtalipenda nengka.

80 : 11

كَلَّآ إِنَّهَا تَذۡكِرَةٞ

Di kena maitu! Ka saben-sabenal na su Qur’an na patadem.

80 : 12

فَمَن شَآءَ ذَكَرَهُۥ

Na entayn i egkalilini (sa labitan/pangagi) na tademan nin intuba.

80 : 13

فِي صُحُفٖ مُّكَرَّمَةٖ

Siya kanu suhuf (Qur’an) masla/bala-alaga.

80 : 14

مَّرۡفُوعَةٖ مُّطَهَّرَةِۭ

Mapulu (i pangkatan nin) a suti.

80 : 15

بِأَيۡدِي سَفَرَةٖ

Siya kanu lima nu manga malaikat (a bamedsulat).

80 : 16

كِرَامِۭ بَرَرَةٖ

Manga mapulu i pangkatan nin endu matidtu

80 : 17

قُتِلَ ٱلۡإِنسَٰنُ مَآ أَكۡفَرَهُۥ

Gimela (namulkan) su manusya kanun ngin den a kinasupakin.

80 : 18

مِنۡ أَيِّ شَيۡءٍ خَلَقَهُۥ

Endaw ebpun a enggaga-isa i binaluyan sa lekanin nu Kadenan?

80 : 19

مِن نُّطۡفَةٍ خَلَقَهُۥ فَقَدَّرَهُۥ

Ebpun kanu ig (mama endu babay) i kinalimbag lun, mawli na dinyangka nin.

80 : 20

ثُمَّ ٱلسَّبِيلَ يَسَّرَهُۥ

Mawli na su lalan a mapya na pinakalemuwanin sa lekanin.

80 : 21

ثُمَّ أَمَاتَهُۥ فَأَقۡبَرَهُۥ

Mawli na inalap sekanin (nu Allah) na inipalebengin.

80 : 22

ثُمَّ إِذَا شَآءَ أَنشَرَهُۥ

Mawli na amayka magkahanda nin na pambuwaten nin (kanu ulyan nu kaalap).

80 : 23

كَلَّا لَمَّا يَقۡضِ مَآ أَمَرَهُۥ

Benal a da ka-ebplis in na da nin makatunay su nganin a kasuguwan sa lekanin.

80 : 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Na panulimanen nu su manusya su makanin/pegkenin.

80 : 25

أَنَّا صَبَبۡنَا ٱلۡمَآءَ صَبّٗا

Saben-sabenal na sekami na inibubus nami su ig sa sampulna a kinabubus,

80 : 26

ثُمَّ شَقَقۡنَا ٱلۡأَرۡضَ شَقّٗا

Mawli na pinambutekad nami su lupa sa kinambutekad.

80 : 27

فَأَنۢبَتۡنَا فِيهَا حَبّٗا

Na pinatu’ nami kanu manga lupa su manga unud (lagas).

80 : 28

وَعِنَبٗا وَقَضۡبٗا

Endu manga anggur endu manga kakamun.

80 : 29

وَزَيۡتُونٗا وَنَخۡلٗا

Endu zaitun endu kulma.

80 : 30

وَحَدَآئِقَ غُلۡبٗا

Endu manga pamumulan a malalabung.

80 : 31

وَفَٰكِهَةٗ وَأَبّٗا

Endu manga unga na kayu endu manga kawyagan nu manga binatang,

80 : 32

مَّتَٰعٗا لَّكُمۡ وَلِأَنۡعَٰمِكُمۡ

Kawyagan nu sekanu endu su manga pangangayamen nu.

80 : 33

فَإِذَا جَآءَتِ ٱلصَّآخَّةُ

Na amayka makatalingguma su kisek (kabangkit).

80 : 34

يَوۡمَ يَفِرُّ ٱلۡمَرۡءُ مِنۡ أَخِيهِ

Gay a palaguyan nu taw su suledin.

80 : 35

وَأُمِّهِۦ وَأَبِيهِ

Endu si ina nin endu si ama nin.

80 : 36

وَصَٰحِبَتِهِۦ وَبَنِيهِ

Endu si kaluma nin endu si wata nin,

80 : 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Uman isa kanilan kanu entuba a gay na ya nin madtulan na ginawa nin.

80 : 38

وُجُوهٞ يَوۡمَئِذٖ مُّسۡفِرَةٞ

Su manga pamenengan kanu entuba a gay na pedsigay.

80 : 39

ضَاحِكَةٞ مُّسۡتَبۡشِرَةٞ

Sa pedtatawa a masigalaw.

80 : 40

وَوُجُوهٞ يَوۡمَئِذٍ عَلَيۡهَا غَبَرَةٞ

Endu pamenengan kanu entuba a gay aden lun i libubuk.

80 : 41

تَرۡهَقُهَا قَتَرَةٌ

Nabawsan na kalibutengan.

80 : 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Silan ba entu su manga sinumupak kanu Allah a manga dupang.

عَبَسَ

Scan to Share