मैले सोधेँ, हे अल्लाहका रसूल ! मेरो राम्रो व्यवहारको पहिलो हकदार को हो? उहाँले भन्नुभयो, तिम्री आमा, त्यसपछि तिम्री आमा, फेरि तिम्री आमा, त्यसपछि तिम्रा बुबा, र त्यसपछि प्राथमिकता अनुसार अरू नजिकका नातेदारहरू।

नबी (सल्लल्लाहो अलैहे वसल्लम) ले स्पष्ट गर्नुभएको छ कि उदारता, उपकार, सुव्यवहार, असल आचरण, सुमधुर साथ र सम्बन्धको सबैभन्दा अधिक हकदार आमा हुन्। उहाँले आमाको हकलाई तीन पटक दोहोर्याएर कुरामा जोड दिनुभयो, ताकि बिना कुनै अपवाद समस्त मानिसहरूमाझ आमाको श्रेष्ठता र उच्च स्थान स्पष्ट होस्। त्यसपछि उहाँ (सल्लल्लाहो अलैहे वसल्लम) ले आमापश्चात सुव्यवहारको हकदार को हो भनी स्पष्ट गर्दै भन्नुभयो : त्यसपछि बुवा, त्यसपछि नातेदारहरूमध्ये सबैभन्दा नजिकको, र सम्बन्ध जति नजिक र घनिष्ठ हुन्छ, टाढाकोभन्दा त्यति नै सुव्यवहारको हकदार हुन्छ ।