त्यो मान्छे हामीमध्ये होइन, जो गालामा थप्पड हान्छ, लुगा च्यात्छ र जाहिलियत (अज्ञानताको समय) जस्तै गाली गर्छ।

यस हदीसमा दिइएको चेतावनीले यी कार्यहरू ठूला पापहरूमध्ये हुन् भन्ने संकेत गर्छ।

दुःखमा धैर्य गर्नु अनिवार्य छ। अल्लाहको पीडादायी फैसलामा रिसाउनु र रूएर, कपाल खौरिएर, लुगा च्यातेर वा यस्तै क्रियाकलाप गरेर अल्लाहको फैसलाप्रति अप्रसन्नता व्यक्त गर्नु निषेध गरिएको छ।

शरियाले समर्थन नगरेको इस्लाम पूर्वका अभ्यासहरूको अनुसरण गर्न निषेध गरिएको छ।

दुःखी हुनु र रुनुमा कुनै गल्ती छैन। यो अल्लाहको निर्णयप्रति धैर्य गर्नुको विपरीत पनि होइन। बरु, यो अल्लाहले आफन्त र साथीभाइको हृदयमा सिर्जना गरेको दया र माया हो।